ᠰᠤᠷᠪᠤᠯᠵᠢᠯᠠᠭᠴᠢ ᠤᠢᠷᠠᠳᠤ ᠤᠷᠠᠳᠤ᠋ᠨ ᠳᠤᠮᠳᠠᠳᠤ ᠬᠤᠰᠢᠭᠤᠨᠤ᠋ ︽ᠪᠠᠲᠤ ᠪᠠᠷᠢᠯᠳᠤᠯᠭᠠ︾ ᠨᠢᠭᠡ ᠰᠡᠳᠬᠢᠯᠢ᠋ᠶ᠋ᠡᠷ ᠦᠢᠯᠡᠰ ᠪᠣᠰᠬᠠᠬᠤ ᠵᠡᠭᠡᠯᠢᠳ᠋ᠦ᠍ ᠬᠦᠷᠬᠦᠳᠤ᠂ ᠤᠯᠠᠮᠵᠢᠯᠠᠯᠲᠤ ᠭᠠᠷ ᠤᠷᠠᠯᠠᠯ ᠪᠣᠯᠤᠨ ᠣᠳᠣ ᠦᠶᠡᠶ᠋ᠢᠨ ᠵᠢᠷᠤᠭ ᠲᠥᠯᠥᠪᠯᠡᠭᠡ ᠨᠢ ᠡᠪᠲᠡᠢ ᠰᠠᠢᠬᠠᠨ ᠤᠶᠠᠯᠳᠤᠵᠤ᠂ ᠮᠤᠨᠠ ᠠᠭᠤᠯᠠᠶ᠋ᠢᠨ ᠬᠠᠳᠠᠨ ᠵᠢᠷᠤᠭ ᠡᠴᠡ ᠰᠡᠩᠬᠡᠷᠡᠭᠦᠯᠦᠯ ᠠᠪᠴᠤ ᠵᠢᠷᠤᠵᠤ ᠲᠥᠯᠥᠪᠯᠡᠵᠦ ᠮᠦᠩᠭᠦ ᠪᠡᠷ ᠴᠢᠮᠡᠭᠰᠡᠨ ᠱᠠᠭᠠᠵᠠᠩ ᠠᠶᠠᠭᠠ᠂ ᠬᠠᠳᠬᠤᠮᠠᠯ ᠪᠣᠯᠤᠨ ᠮᠠᠨᠤ ᠬᠠᠰᠢ ᠠᠭᠤᠰᠤᠯᠴᠠᠭᠤᠯᠤᠨ ᠪᠦᠲᠦᠭᠡᠭᠰᠡᠨ ︽ᠷᠦᠩ·ᠵᠢᠩ︾ ᠵᠠᠰᠠᠯ ᠴᠢᠮᠡᠭᠯᠡᠯᠦ᠋ᠨ ᠡᠳ᠋᠂ ᠨᠠᠨᠤᠮᠧᠲ᠋ᠷᠦ᠋ᠨ ᠱᠤᠭᠤᠮᠠᠯᠵᠢᠮᠰᠡᠭ ᠵᠡᠬᠦᠰᠭᠡᠯ ᠵᠡᠷᠭᠡ ᠳᠤᠮᠳᠠᠳᠤᠶ᠋ᠢᠨ ᠦᠨᠳᠦᠰᠦᠲᠡᠨᠦ᠌ ᠰᠣᠶᠣᠯᠤ᠋ᠨ ᠭᠧᠨᠢ᠋ ᠠᠴᠢᠶᠠᠯᠠᠭᠰᠠᠨ ᠰᠣᠶᠣᠯᠤ᠋ᠨ ᠪᠦᠲᠦᠭᠡᠭᠳᠡᠬᠦᠨ ᠨᠢ ᠬᠥᠮᠦᠰᠦ᠋ᠨ ᠠᠩᠬᠠᠷᠤᠯᠢ᠋ ᠣᠨᠴᠠ ᠲᠠᠲᠠᠨᠠ᠃
《ᠳ᠋ᠢᠩ ᠳ᠋ᠢᠩ ᠳ᠋ᠢᠩ》 ᠁ ᠭᠡᠨᠡᠳᠲᠡ ᠠᠯᠤᠰᠡᠴᠡ ᠠᠯᠤᠬᠠ ᠵᠢᠨ ᠳᠠᠭᠤᠨ ᠲᠤᠭᠤᠯᠳᠠᠨᠠ᠃ ᠬᠠᠢᠭᠠᠳ ᠤᠴᠢᠪᠠᠯ ᠤᠮᠠᠷᠠᠲᠤ ᠬᠢᠯᠢᠶ᠋ᠢᠨ ᠰᠣᠶᠣᠯ ᠵᠢᠭᠤᠯᠴᠢᠯᠠᠯᠤ᠋ᠨ ᠪᠦᠲᠦᠭᠡᠭᠳᠡᠬᠦᠨᠢ᠋ ᠰᠤᠳᠤᠯᠤᠨ ᠬᠥᠭᠵᠢᠭᠦᠯᠵᠦ ᠳᠡᠯᠭᠡᠷᠡᠭᠦᠯᠬᠦ ᠲᠥᠪᠦ᠋ᠨ ᠠᠰᠠᠷ ᠳᠡᠭᠡᠷᠡ᠂ ᠬᠣᠲᠠᠶ᠋ᠢᠨ ᠳᠡᠰᠦ᠋ᠨ ᠪᠣᠳᠠᠰᠤ᠋ᠨ ᠪᠤᠰᠤ ᠰᠣᠶᠣᠯᠤ᠋ᠨ ᠥᠪᠦ᠋ᠨ ᠲᠥᠯᠥᠭᠡᠯᠡᠬᠦ ᠴᠢᠨᠠᠷᠲᠠᠢ ᠲᠥᠷᠥᠯ ᠵᠦᠢᠯᠦ᠋ᠨ ᠤᠯᠠᠮᠵᠢᠯᠠᠭᠴᠢ᠂ ᠤᠷᠠᠳᠤ᠋ᠨ ᠳᠤᠮᠳᠠᠳᠤ ᠬᠤᠰᠢᠭᠤᠨᠤ᠋ ᠭᠠᠷ ᠤᠷᠠᠯᠠᠯᠤ᠋ᠨ ᠨᠡᠢᠭᠡᠮᠯᠢᠭᠦ᠋ᠨ ᠬᠠᠷᠢᠭᠤᠴᠠᠯᠭᠠᠲᠠᠨ ᠪᠠᠢ ᠢᠦᠢ ᠯᠦᠩ ᠠᠵᠢᠯᠯᠠᠬᠤ ᠲᠠᠰᠤᠭᠲᠠᠭᠠᠨ ᠮᠥᠩᠭᠥᠨ ᠠᠶᠠᠭᠠᠲᠡᠭᠡᠷᠡ ᠤᠭᠠᠯᠵᠠ ᠰᠡᠢᠯᠵᠦ ᠪᠠᠢᠯᠠ᠃
︽ᠪᠢᠳᠡ ︿ᠪᠠᠲᠤ ᠪᠠᠷᠢᠯᠳᠤᠯᠭᠠ﹀ ᠵᠢᠨ ᠪᠦᠲᠦᠭᠡᠭᠳᠡᠭᠦᠨᠤ ᠰᠣᠶᠣᠯᠤ᠋ᠨ ᠠᠭᠤᠯᠤᠭᠳᠠᠬᠤᠨᠢ᠋ ᠭᠦᠨᠵᠡᠭᠡᠢ ᠠᠭᠤᠳᠠᠯᠬᠤᠶ᠋ᠢᠨ ᠬᠠᠮᠲᠤ ᠰᠢᠨᠡᠶ᠋ᠢ ᠡᠭᠦᠳᠴᠦ ᠰᠤᠳᠤᠯᠤᠨ ᠨᠡᠭᠡᠭᠡᠯᠲᠡ ᠬᠢᠬᠦᠪᠡᠷ ᠳᠠᠮᠵᠢᠨ᠂ ᠤᠯᠠᠮᠵᠢᠯᠠᠯᠲᠤ ᠭᠠᠷ ᠤᠷᠠᠯᠠᠯᠢ᠋ ᠭᠠᠷᠲᠤ ᠦᠷᠲᠦᠬᠦ ᠰᠣᠶᠣᠯ ᠵᠢᠭᠤᠯᠴᠢᠯᠠᠯᠤ᠋ᠨ ᠲᠡᠮᠳᠡᠭ ᠪᠣᠯᠭᠠᠨ ᠬᠤᠪᠢᠷᠠᠭᠤᠯᠤᠨᠠ︾ ᠭᠡᠮᠡᠨ ᠪᠠᠢ ᠢᠦᠢ ᠯᠦᠩ ᠬᠡᠯᠡᠨᠡ᠃ ᠡᠳᠡᠭᠡᠷ ᠪᠦᠲᠦᠭᠡᠯ ᠨᠢ ᠲᠠᠸᠠᠷ ᠪᠣᠯᠬᠤᠪᠠᠷ ᠪᠠᠷᠠᠬᠤ ᠦᠭᠡᠢ᠂ ᠨᠡᠩ ᠴᠤ᠌ ᠡᠯᠡ ᠦᠨᠳᠦᠰᠦᠲᠡᠨᠦ᠌ ᠬᠣᠭᠣᠷᠣᠨᠳᠣᠬᠢ ᠬᠠᠷᠢᠯᠴᠠᠭᠠ ᠰᠣᠯᠢᠯᠴᠠᠭᠠᠶ᠋ᠢᠨ ᠦᠯᠢᠭᠡᠷᠦ᠋ᠨ ᠠᠴᠢᠶᠠᠯᠠᠪᠤᠷᠢ ᠪᠣᠯᠤᠨᠠ᠃ ᠰᠤᠳᠤᠯᠤᠨ ᠬᠥᠭᠵᠢᠭᠦᠯᠵᠦ ᠳᠡᠯᠭᠡᠷᠡᠭᠦᠯᠬᠦ ᠲᠥᠪ ᠨᠢ ᠲᠣᠭᠲᠠᠮᠠᠯ ᠬᠤᠭᠤᠴᠠᠭᠠᠲᠠᠢᠪᠠᠷ ᠭᠠᠷ ᠤᠷᠠᠴᠤᠳᠢ᠋ ᠤᠷᠢᠵᠤ ᠪᠦᠲᠦᠭᠡᠯᠦ᠋ᠨᠢ᠋ᠶ᠋ᠡᠨ ᠠᠷᠤᠳ᠋ᠠᠬᠢ ᠰᠣᠶᠣᠯᠤ᠋ᠨ ᠠᠭᠤᠰᠤᠯᠴᠠᠯ ᠤᠨ ᠦᠯᠢᠭᠡᠷᠢ᠋ ᠶᠠᠷᠢᠭᠤᠯᠳᠠᠭ᠃
︽ᠪᠠᠲᠤ ᠪᠠᠷᠢᠯᠳᠤᠯᠭᠠ︾ ᠭᠠᠷ ᠦᠢᠯᠡᠳᠪᠦᠷᠢᠶ᠋ᠢᠨ ᠠᠭᠤᠰᠤᠯᠴᠠᠯᠤ᠋ᠨ ᠲᠦᠷᠦᠯ ᠲᠡᠮᠳᠡᠭ ᠪᠣᠯ ᠡᠯᠡ ᠦᠨᠳᠦᠰᠦᠲᠡᠨᠦ᠌ ᠶᠠᠪᠤᠯᠴᠠᠭᠠ ᠰᠣᠯᠢᠯᠴᠠᠭᠠ ᠠᠭᠤᠰᠤᠯᠴᠠᠯᠤ᠋ᠨ ᠦᠯᠢᠭᠡᠷᠢ᠋ᠶ᠋ᠡᠷ ᠰᠦᠨᠡᠰᠦ ᠪᠣᠯᠭᠠᠵᠤ᠂ ᠳᠤᠮᠳᠠᠳᠤᠶ᠋ᠢᠨ ᠦᠨᠳᠦᠰᠦᠲᠡᠨᠦ᠌ ᠬᠠᠮᠲᠤᠶ᠋ᠢᠨ ᠴᠣᠭᠴᠠᠶ᠋ᠢᠨ ᠤᠬᠠᠮᠰᠠᠷᠢ᠋ ᠪᠠᠲᠤ ᠴᠤᠭᠴᠠᠯᠠᠬᠤᠪᠠᠷ ᠭᠣᠣᠯᠳᠠᠯᠭᠠ ᠪᠣᠯᠭᠠᠵᠤ᠂ ᠨᠠᠷᠢᠨ ᠨᠢᠮᠪᠠᠢ ᠡᠭᠦᠳᠦᠨ ᠪᠦᠲᠦᠭᠡᠭᠰᠡᠨ ᠰᠣᠶᠣᠯᠤ᠋ᠨ ᠡᠭᠦᠳᠦᠯᠲᠡᠶᠢᠨ IP ᠪᠣᠯᠤᠨᠠ᠃ 2024 ᠣᠨᠳ᠋ᠤ᠌ ᠤᠷᠠᠳᠤ᠋ᠨ ᠳᠤᠮᠳᠠᠳᠤ ᠬᠣᠰᠢᠭᠤ ︽ᠪᠠᠲᠤ ᠪᠠᠷᠢᠯᠳᠤᠯᠭᠠ︾ ᠠᠭᠤᠰᠤᠯᠴᠠᠯᠤ᠋ᠨ ᠲᠦᠷᠦᠯ ᠲᠡᠮᠳᠡᠭᠢ᠋ ᠰᠡᠳᠭᠢᠯ ᠲᠠᠯᠪᠢᠨ ᠡᠭᠦᠳᠴᠦ᠂ ᠤᠯᠤᠰᠤ᠋ᠨ ᠳᠡᠰᠦ᠋ᠨ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠬᠠᠯᠲᠤ ᠵᠦᠢᠯᠡᠰᠡᠴᠡ ᠡᠯᠡ ᠦᠨᠳᠦᠰᠦᠲᠡᠨᠦ᠌ ᠬᠠᠮᠲᠤ ᠪᠠᠷ ᠡᠳ᠋ᠯᠡᠬᠦ ᠰᠣᠶᠣᠯᠤ᠋ᠨ ᠲᠡᠮᠳᠡᠭ ᠠᠪᠴᠤ᠂ ᠤᠷᠠᠳ ᠬᠤᠪᠴᠠᠰᠤ ᠵᠠᠰᠠᠯ᠂ ᠵᠡᠰ ᠮᠥᠩᠭᠥᠨ ᠡᠳ᠋ᠯᠡᠯ᠂ ᠬᠠᠳᠬᠤᠮᠠᠯ᠂ ᠬᠠᠰ ᠴᠢᠯᠠᠭᠤᠨ ᠰᠢᠭᠢᠳᠬᠡᠭᠡᠷᠢ ᠵᠡᠷᠭᠡ 9 ᠦᠢᠯᠡᠳᠬᠦᠨᠦ᠌ ᠲᠥᠷᠥᠯ ᠵᠦᠢᠯ᠂ 500 ᠭᠠᠷᠤᠢ ᠵᠦᠢᠯᠦ᠋ᠨ ᠪᠦᠲᠦᠭᠡᠭᠳᠡᠬᠦᠨᠢ᠋ ᠨᠡᠭᠡᠭᠡᠨ ᠲᠥᠰᠦᠪᠯᠡᠵᠦ᠂ 90 ᠭᠠᠷᠤᠢ ᠡᠷᠦᠬᠡ 450 ᠭᠠᠷᠤᠢ ᠬᠥᠮᠦᠨ ᠢ᠋ ᠳᠠᠢᠴᠢᠯᠠᠨ ᠠᠵᠢᠯ ᠣᠯᠭᠣᠵᠤ᠂ ᠵᠢᠯᠦ᠋ᠨ ᠪᠣᠷᠣᠯᠠᠭᠤᠯᠭᠠᠶ᠋ᠢᠨ ᠬᠡᠮᠵᠢᠶᠡ ᠨᠢ 3200 ᠭᠠᠷᠤᠢ ᠲᠦᠮᠡᠨ ᠲᠥᠭᠥᠷᠢᠭᠲᠦ᠍ ᠬᠦᠷᠦᠭᠰᠡᠨ ᠪᠠᠢᠨᠠ᠃
ᠡᠲᠦᠭᠡ᠂︽ᠪᠠᠲᠤ ᠪᠠᠷᠢᠯᠳᠤᠯᠭᠠ︾ ᠠᠭᠤᠰᠤᠯᠴᠠᠯᠤᠨ ᠲᠦᠷᠦᠯ ᠲᠡᠮᠳᠡᠭ ᠨᠢ ᠠᠵᠤ ᠠᠬᠤᠢᠶ᠋ᠢᠨ ᠬᠥᠭᠵᠢᠯᠲᠡᠶ᠋ᠢ ᠳᠠᠢᠴᠢᠯᠠᠭᠰᠠᠨᠢ᠋ᠶ᠋ᠠᠷ ᠪᠠᠷᠠᠬᠤ ᠦᠭᠡᠢ᠂ ᠨᠡᠩ ᠴᠤ᠌ ᠳᠤᠮᠳᠠᠳᠤᠶ᠋ᠢᠨ ᠦᠨᠳᠦᠰᠦᠲᠡᠨᠦ᠌ ᠬᠠᠮᠲᠤᠶ᠋ᠢᠨ ᠴᠣᠭᠴᠠᠶ᠋ᠢᠨ ᠦᠯᠢᠭᠡᠷᠢ᠋ ᠶᠠᠷᠢᠵᠤ᠂ ᠳᠤᠮᠳᠠᠳᠤᠶ᠋ᠢᠨ ᠦᠨᠳᠦᠰᠦᠲᠡᠨᠦ᠌ ᠬᠠᠮᠲᠤᠶ᠋ᠢᠨ ᠴᠣᠭᠴᠠᠶ᠋ᠢᠨ ᠤᠬᠠᠮᠰᠠᠷᠢ᠋ ᠦᠨᠡᠨ ᠪᠣᠳᠠᠲᠠᠢ ᠪᠠᠲᠤ ᠴᠤᠭᠴᠠᠯᠠᠵᠤ ᠪᠠᠢᠭᠠ ᠠᠮᠢᠳᠤ ᠦᠯᠢᠭᠡᠷ ᠬᠡᠪ ᠪᠣᠯᠵᠠᠢ᠃
ᠰᠣᠶᠣᠯᠤ᠋ᠨ ᠡᠭᠡᠨᠡᠭᠰᠢᠯ ᠪᠣᠯ ᠬᠠᠮᠤᠭᠤ᠋ᠨ ᠭᠦᠨ ᠳᠠᠪᠬᠤᠷᠭᠠᠶ᠋ᠢᠨ ᠵᠥᠪᠰᠢᠶᠡᠷᠡᠯ ᠮᠥᠨ᠃ ᠪᠠᠶᠠᠨᠨᠠᠭᠤᠷ ᠬᠣᠲᠠ ᠨᠢ 《ᠠᠨᠠᠷᠤᠨ ᠦᠷᠡ ᠮᠡᠲᠦ ᠬᠠᠷᠢᠯᠴᠠᠨ ᠨᠢᠭᠡᠳᠴᠦ᠂ ᠰᠡᠳᠭᠢᠯ ᠨᠢᠭᠡᠳᠦᠨ ᠵᠡᠭᠦᠳᠦᠪᠡᠨ ᠲᠡᠷᠭᠡᠯᠰᠢᠭᠦᠯᠬᠦ》᠂ 《ᠠᠷᠪᠠᠨ ᠨᠢᠭᠡ》 ᠵᠢᠨ ᠢᠨᠵᠧᠨᠧᠷᠢᠩᠢᠶᠡᠷ ᠠᠳᠬᠤᠴᠠ ᠪᠣᠯᠭᠠᠨ᠂ ᠰᠣᠶᠣᠯᠤ᠋ᠨ ᠨᠡᠪᠴᠢᠯᠲᠡᠶ᠋ᠢ ᠲᠤᠮᠳᠠᠳᠤᠶᠢᠨ ᠦᠨᠳᠦᠰᠦᠲᠡᠨᠦ᠌ ᠬᠠᠮᠲᠤᠶ᠋ᠢᠨ ᠴᠣᠭᠴᠠᠶ᠋ᠢᠨ ᠤᠬᠠᠮᠰᠠᠷᠢ᠋ ᠪᠠᠲᠤ ᠴᠤᠭᠴᠠᠯᠠᠬᠤ ᠠᠮᠢᠳᠤᠯᠢᠭ ᠦᠢᠯᠡᠳᠦᠯᠭᠡ ᠪᠣᠯᠭᠠᠨ ᠬᠤᠪᠢᠷᠠᠭᠤᠯᠵᠤ᠂ ᠰᠣᠶᠣᠯᠢ᠋ᠶ᠋ᠠᠷ ᠬᠣᠯᠪᠣᠭᠠᠰᠤ ᠪᠣᠯᠭᠠᠨ᠂ ᠠᠭᠤᠰᠤᠯᠴᠠᠯᠢ᠋ᠶ᠋ᠠᠷ ᠰᠠᠭᠤᠷᠢ ᠪᠣᠯᠭᠠᠭᠰᠠᠨ ᠳᠤᠮᠳᠠᠳᠤᠶ᠋ᠢᠨ ᠦᠨᠳᠦᠰᠦᠲᠡᠨᠦ᠌ ᠬᠠᠮᠲᠤᠶ᠋ᠢᠨ ᠣᠶᠤᠨ ᠰᠠᠨᠠᠭᠠᠨᠤ᠋ ᠭᠡᠷ ᠣᠷᠣᠨᠢ ᠴᠣᠭᠴᠠᠯᠠᠨ ᠪᠠᠢᠭᠤᠯᠵᠠᠢ᠃
ᠦᠶᠤᠸᠠᠨ ᠰᠢᠶᠠᠨᠤ᠋ ᠵᠢᠷᠭᠤᠳᠤᠭᠠᠷ ᠪᠦᠷᠢᠨ ᠪᠠᠭᠠ ᠰᠤᠷᠭᠠᠭᠤᠯᠢᠶ᠋ᠢᠨ ᠡᠶᠡ ᠪᠦᠯᠬᠦᠮᠳᠡᠯᠤᠨ ᠬᠢᠴᠢᠶᠡᠯᠦᠨ ᠲᠠᠩᠬᠢᠮᠳ᠋ᠤ᠌ ᠦᠨᠳᠦᠰᠦᠲᠡᠨᠦ᠌ ᠲᠣᠯᠣᠭᠠᠢᠶ᠋ᠢᠨ ᠵᠠᠰᠠᠯᠤ᠋ᠨ ᠳᠤᠭᠤᠢᠯᠠᠩᠤ᠋ᠨ ᠪᠠᠭᠰᠢ ᠰᠤᠷᠤᠭᠴᠢᠳᠲᠤ᠌ ᠦᠨᠳᠦᠰᠦᠲᠡᠨᠦ᠌ ᠲᠣᠯᠣᠭᠠᠢᠶ᠋ᠢᠨ ᠵᠠᠰᠠᠯᠤ᠋ᠨ ᠪᠦᠷᠢᠯᠳᠦᠬᠦᠨ᠂ ᠮᠠᠲ᠋ᠧᠷᠢᠶᠠᠯ ᠵᠡᠷᠭᠡᠶ᠋ᠢ ᠨᠠᠷᠢᠨ ᠨᠢᠮᠪᠠᠢ ᠲᠠᠢᠯᠪᠤᠷᠢᠯᠠᠨᠠ᠃ ᠤᠷᠠᠨ ᠨᠠᠷᠢᠯᠢᠭ ᠲᠣᠯᠣᠭᠠᠢᠶ᠋ᠢᠨ ᠵᠠᠰᠠᠯ ᠰᠤᠷᠤᠭᠴᠢᠳᠤ᠋ᠨ ᠠᠩᠬᠠᠷᠤᠯᠢ ᠲᠠᠲᠠᠵᠤ᠂ᠰᠤᠷᠤᠭᠴᠢᠳ ᠬᠣᠶᠠᠷ ᠬᠥᠮᠦᠨ ᠨᠢᠭᠡ ᠳᠤᠭᠤᠢᠯᠠᠩ ᠪᠣᠯᠵᠣ᠂ ᠪᠠᠭᠰᠢᠶᠢᠨ ᠵᠢᠯᠤᠭᠤᠳᠤᠯᠭᠠ ᠲᠤᠤᠷᠠ ᠦᠨᠳᠦᠰᠦᠲᠡᠨᠦ᠌ ᠤᠯᠠᠮᠵᠢᠯᠠᠯᠲᠤ ᠭᠠᠷ ᠤᠷᠠᠯᠠᠯ ᠪᠠ ᠰᠢᠨᠡ ᠤᠷᠤᠰᠬᠠᠯᠤ᠋ᠨ ᠪᠦᠲᠦᠭᠡᠯᠴᠢ ᠰᠠᠨᠠᠭᠠᠶ᠋ᠢ ᠭᠦᠢᠴᠡᠳ ᠤᠶᠠᠯᠳᠤᠭᠤᠯᠤᠨ᠂ ᠭᠣᠶᠣ ᠰᠠᠢᠬᠠᠨ ᠦᠨᠳᠦᠰᠦᠲᠡᠨᠦ᠌ ᠲᠣᠯᠣᠭᠠᠢᠶ᠋ᠢᠨ ᠵᠠᠰᠠᠯᠢ ᠬᠢᠵᠦ ᠰᠤᠷᠤᠨᠠ᠃
《ᠮᠠᠨᠤ᠋ ᠰᠤᠷᠭᠠᠭᠤᠯᠢ ᠡᠶᠡ ᠪᠦᠯᠬᠦᠮᠳᠡᠯᠤᠨ ᠬᠢᠴᠢᠶᠡᠯᠦ᠋ᠨ ᠲᠠᠩᠬᠢᠮᠢ᠋ ᠠᠰᠢᠭᠯᠠᠨ᠂ ᠮᠣᠷᠢᠨ ᠬᠤᠭᠤᠷ ᠬᠤᠭᠤᠷᠳᠠᠬᠤ᠂ ᠦᠨᠳᠦᠰᠦᠲᠡᠨᠦ᠌ ᠲᠣᠯᠣᠭᠠᠢᠶ᠋ᠢᠨ ᠵᠠᠰᠠᠯ ᠬᠢᠬᠦ ᠵᠡᠷᠭᠡ ᠬᠢᠴᠢᠶᠡᠯ ᠨᠡᠭᠡᠭᠡᠵᠦ᠂ ᠦᠨᠳᠦᠰᠦᠲᠡᠨᠦ᠌ ᠪᠦᠯᠬᠦᠮᠳᠡᠯᠦ᠋ᠨ ᠬᠥᠮᠦᠵᠢᠯ ᠢ᠋ ᠰᠢᠨᠡ ᠲᠦᠪᠰᠢᠨᠳ᠋ᠦ᠍ ᠬᠦᠷᠭᠡᠪᠡ᠃ ᠡᠶᠡ ᠪᠦᠯᠬᠦᠮᠳᠡᠯᠤᠨ ᠬᠢᠴᠢᠶᠡᠯᠦ᠋ᠨ ᠲᠠᠩᠬᠢᠮᠤ᠋ᠨ ᠵᠢᠭᠠᠨ ᠰᠤᠷᠭᠠᠯᠲᠠᠪᠠᠷ ᠳᠠᠮᠵᠢᠨ᠂ ᠦᠨᠳᠦᠰᠦᠲᠡᠨᠦ᠌ ᠣᠨᠴᠠᠯᠢᠭ ᠪᠣᠯᠤᠨ ᠰᠣᠶᠣᠯᠢ᠋ ᠪᠦᠬᠦ ᠲᠠᠯᠠᠪᠠᠷ ᠢᠯᠡᠷᠡᠭᠦᠯᠵᠦ᠂ ᠮᠠᠨᠤ᠋ ᠦᠨᠳᠦᠰᠦᠲᠡᠨᠦ᠌ ᠪᠦᠯᠬᠦᠮᠳᠡᠯᠦ᠋ᠨ ᠬᠥᠮᠦᠵᠢᠯᠦ᠋ᠨ ᠦᠷᠡ ᠪᠦᠲᠦᠭᠡᠯᠢ᠋ ᠳᠡᠯᠭᠡᠨ ᠦᠵᠡᠭᠦᠯᠵᠦ ᠪᠠᠢᠨᠠ》 ᠭᠡᠵᠦ ᠲᠤᠰ ᠪᠠᠭᠠ ᠰᠤᠷᠭᠠᠭᠤᠯᠢᠶ᠋ᠢᠨ ᠵᠢᠭᠠᠨ ᠵᠢᠯᠣᠭᠣᠳᠬᠤ ᠭᠠᠵᠠᠷᠤ᠋ᠨ ᠳᠡᠳ᠋ ᠡᠷᠬᠢᠯᠡᠭᠴᠢ ᠤᠷᠠᠨ ᠬᠡᠯᠡᠨᠡ᠃
ᠯᠢᠨ ᠾᠧ ᠲᠣᠭᠣᠷᠢᠭᠤ᠋ᠨ ᠶᠢᠰᠦᠳᠦᠭᠡᠷ ᠪᠠᠭᠠ ᠰᠤᠷᠭᠠᠭᠤᠯᠢᠳ᠋ᠤ᠌᠂ ᠰᠤᠷᠤᠭᠴᠢᠳ ᠶᠠᠭ ᠰᠠᠢᠬᠠᠨ ᠰᠤᠷᠬᠤ ᠪᠢᠴᠢᠭᠦ᠋ᠨ ᠵᠦᠴᠦᠭᠡ ︽ᠲᠡᠷᠡ ᠬᠡᠰᠡᠭ ᠲᠠᠯᠠ ᠨᠤᠲᠤᠭ︾ ᠢ᠋ ᠲᠤᠭᠯᠠᠵᠤ ᠪᠣᠯᠪᠠᠰᠤᠷᠠᠨᠠ᠂ ᠲᠤᠰ ᠵᠦᠴᠦᠭᠡ ᠨᠢ ︽ᠭᠤᠷᠪᠠᠨ ᠮᠢᠩᠭᠠᠨ ᠥᠨᠥᠴᠢᠨ ᠬᠡᠦᠬᠡᠳ ᠥᠪᠥᠷ ᠮᠣᠩᠭᠣᠯᠳ᠋ᠤ᠌ ᠣᠷᠣᠵᠤ ᠢᠷᠡᠭᠰᠡᠨ︾ ᠦᠯᠢᠭᠡᠷᠢᠶᠡᠷ ᠠᠷᠤ ᠦᠵᠡᠭᠳᠡᠯ ᠪᠣᠯᠭᠠᠨ᠂ ᠡᠯᠡ ᠦᠨᠳᠦᠰᠦᠲᠡᠨᠦ᠌ ᠬᠠᠷᠢᠯᠴᠠᠨ ᠢᠵᠢᠯᠢᠰᠢᠵᠦ᠂ ᠰᠠᠬᠢᠨ ᠪᠠᠷᠠᠯᠠᠵᠤ ᠬᠠᠷᠢᠯᠴᠠᠨ ᠬᠠᠪᠰᠤᠷᠤᠯᠴᠠᠭᠰᠠᠨ ᠰᠡᠳᠬᠢᠯ ᠳᠣᠭᠳᠣᠯᠤᠭᠤᠯᠤᠮᠠ ᠦᠯᠢᠭᠡᠷᠢ᠋ ᠳᠡᠯᠭᠡᠨ ᠦᠵᠡᠭᠦᠯᠦᠭᠰᠡᠨ ᠪᠠᠢᠨᠠ᠃ 《ᠶᠠᠷᠢᠶᠠ ᠢᠯᠡᠳᠬᠡᠯᠦ᠋ᠨ ᠤᠷᠤᠯᠳᠤᠭᠠᠨ᠂ ᠰᠤᠷᠬᠤ ᠪᠢᠴᠢᠭᠦ᠋ᠨ ᠵᠦᠴᠦᠭᠡ᠂ ᠠᠩᠭᠢᠶ᠋ᠢᠨ ᠬᠤᠷᠠᠯ ᠵᠡᠷᠭᠡ ᠬᠡᠯᠪᠡᠷᠢᠪᠡᠷ ᠳᠠᠮᠵᠢᠭᠤᠯᠤᠨ᠂ ᠳᠤᠮᠳᠠᠳᠤᠶ᠋ᠢᠨ ᠦᠨᠳᠦᠰᠦᠲᠡᠨᠨᠦ᠍ᠭᠦᠳᠦ᠋ᠨ ᠬᠣᠭᠣᠷᠣᠨᠳᠣᠬᠢ ᠡᠪ ᠪᠦᠯᠬᠦᠮᠳᠡᠯ᠂ ᠬᠠᠷᠢᠯᠴᠠᠨ ᠬᠠᠪᠰᠤᠷᠤᠯᠴᠠᠬᠤ ᠠᠭᠤᠷ ᠠᠮᠢᠰᠬᠤᠯᠢ᠋ ᠬᠡᠦᠬᠡᠳᠤᠳᠲᠦ᠍ ᠮᠡᠳᠡᠷᠡᠭᠦᠯᠬᠦᠶ᠋ᠢᠨ ᠬᠠᠮᠲᠤ ᠳᠤᠮᠳᠠᠳᠤᠶ᠋ᠢᠨ ᠦᠨᠳᠦᠰᠦᠲᠡᠨᠦ᠌ ᠬᠠᠮᠲᠤᠶ᠋ᠢᠨ ᠴᠣᠭᠴᠠᠶ᠋ᠢᠨ ᠤᠬᠠᠮᠰᠠᠷᠢ᠋ ᠬᠡᠦᠬᠡᠳᠦ᠋ᠨ ᠰᠡᠳᠬᠢᠯᠳ᠋ᠦ᠍ ᠬᠠᠳᠠᠩᠰᠢᠭᠤᠯᠤᠨᠠ》 ᠭᠡᠵᠦ ᠲᠤᠰ ᠰᠤᠷᠭᠠᠭᠤᠯᠢᠶ᠋ᠢᠨ ᠪᠠᠭᠰᠢ ᠵᠣᠣ ᠾᠦᠢ ᠴᠢᠨ ᠬᠡᠯᠡᠨᠡ᠃
ᠯᠢᠨ ᠾᠧ ᠲᠤᠭᠤᠷᠢᠭᠤᠨ ᠾᠦᠢ ᠹᠧᠩ ᠰᠤᠷᠭᠠᠭᠤᠯᠢ ᠲᠦᠷᠪᠡᠡᠴᠡ ᠵᠢᠷᠭᠤᠳᠤᠭᠠᠷ ᠣᠨ ᠤ᠋ ᠰᠤᠷᠤᠭᠴᠢᠳᠲᠤ᠌ ᠬᠠᠨᠳᠤᠭᠤᠯᠤᠨ 《ᠲᠤᠮᠳᠠᠳᠤᠶᠢᠨ ᠦᠨᠳᠦᠰᠦᠲᠡᠨᠤ ᠶᠡᠬᠡ ᠭᠡᠷ ᠪᠦᠯᠢ》 ᠦᠨᠳᠦᠰᠦᠲᠡᠨᠦ᠌ ᠪᠦᠯᠬᠦᠮᠳᠡᠯ ᠳᠠᠪᠰᠢᠯᠲᠠᠶᠢᠨ ᠬᠢᠴᠢᠶᠡᠯᠢ ᠨᠡᠭᠡᠭᠡᠵᠦ᠂ 12 ᠬᠢᠴᠢᠶᠡᠯᠦ᠋ᠨ ᠴᠠᠭᠤ᠋ᠨ ᠰᠤᠷᠭᠠᠯᠲᠠᠪᠡᠷ ᠲᠠᠮᠵᠢᠭᠤᠯᠤᠨ᠂ ᠡᠯᠡ ᠦᠨᠳᠦᠰᠦᠲᠡᠨᠤ ᠲᠡᠦᠬᠡᠨ ᠡᠭᠦᠰᠦᠯ ᠪᠣᠯᠤᠨ ᠥᠪᠡᠷᠮᠢᠴᠡ ᠰᠣᠶᠣᠯᠢ᠋ ᠲᠠᠢᠯᠪᠤᠷᠢᠯᠠᠵᠤ᠂ ᠰᠤᠷᠤᠭᠴᠢᠳᠢ᠋ ᠬᠦᠲᠦᠯᠦᠨ ᠦᠨᠳᠦᠰᠦᠲᠡᠨᠤ ᠪᠦᠯᠬᠦᠮᠳᠡᠯᠤᠨ ᠴᠢᠬᠤᠯᠠ ᠠᠴᠢ ᠬᠤᠯᠪᠤᠭᠳᠠᠯᠢ ᠤᠢᠯᠠᠭᠠᠭᠤᠯᠤᠨᠠ᠃
ᠪᠠᠶᠠᠨᠨᠠᠭᠤᠷ ᠬᠣᠲᠠ ᠰᠤᠷᠭᠠᠭᠤᠯᠢᠶ᠋ᠢᠨ ᠬᠦᠷᠢᠶᠡᠨᠦ᠌ ᠦᠨᠳᠦᠰᠦ ᠰᠠᠭᠤᠷᠢᠵᠢ ᠪᠡᠬᠢᠵᠢᠭᠦᠯᠬᠦ ᠢᠨᠵᠧᠨᠧᠷᠢᠩᠢ᠋ ᠭᠦᠨᠵᠡᠭᠡᠢ ᠬᠡᠷᠡᠭᠵᠢᠭᠦᠯᠵᠦ᠂ ᠳᠤᠮᠳᠠᠳᠤᠶ᠋ᠢᠨ ᠦᠨᠳᠦᠰᠦᠲᠡᠨᠦ᠌ ᠬᠠᠮᠲᠤᠶ᠋ᠢᠨ ᠴᠣᠭᠴᠠᠶ᠋ᠢᠨ ᠤᠬᠠᠮᠰᠠᠷ ᠢ᠋ ᠪᠠᠲᠤ ᠴᠤᠭᠴᠠᠯᠠᠬᠤᠵᠢ ᠰᠤᠷᠭᠠᠭᠤᠯᠢ ᠡᠷᠬᠢᠯᠡᠵᠦ ᠪᠢᠴᠢᠭ ᠵᠢᠭᠠᠵᠤ ᠬᠥᠮᠦᠨ ᠬᠥᠮᠦᠵᠢᠭᠦᠯᠬᠦ ᠪᠦᠬᠦ ᠶᠠᠪᠤᠴᠠᠳ᠋ᠤ᠌ ᠠᠭᠤᠰᠤᠯᠴᠠᠭᠤᠯᠪᠠ᠃ ᠤᠯᠤᠰᠤ᠋ᠨ ᠨᠡᠢᠳᠡᠮ ᠬᠡᠷᠡᠭᠯᠡᠬᠦ ᠦᠭᠡ ᠬᠡᠯᠡ ᠦᠰᠦᠭ ᠪᠢᠴᠢᠭᠦ᠋ᠨ ᠵᠢᠭᠠᠨ ᠰᠤᠷᠭᠠᠯᠲᠠᠵᠢ ᠬᠡᠦᠬᠡᠳᠦ᠋ᠨ ᠴᠡᠴᠡᠷᠯᠢᠭᠲᠤ ᠪᠦᠬᠦᠨᠢ᠋ ᠪᠦᠷᠬᠦᠭᠦᠯᠬᠦᠶ᠋ᠢ ᠪᠡᠶᠡᠯᠡᠭᠦᠯᠵᠦ᠂ ᠨᠢᠭᠡᠳᠦᠯᠲᠡᠢ ᠨᠠᠢᠷᠠᠭᠤᠯᠤᠨ ᠵᠣᠬᠢᠶᠠᠭᠰᠠᠨ ᠵᠢᠭᠠᠬᠤ ᠮᠠᠲ᠋ᠧᠷᠢᠶᠠᠯᠢ᠋ ᠪᠦᠬᠦ ᠲᠠᠯᠠᠪᠠᠷ ᠲᠦᠭᠡᠮᠡᠯᠵᠢᠭᠦᠯᠪᠡ᠃ 45 ᠬᠤᠪᠢᠰᠬᠠᠯᠲᠤ ᠬᠥᠮᠦᠵᠢᠯᠦ᠋ᠨ ᠰᠠᠭᠤᠷᠢᠨ ᠳᠦ ᠲᠦᠰᠢᠭᠯᠡᠨ᠂ ᠳᠤᠮᠳᠠᠳᠤ ᠪᠠᠭᠠ ᠰᠤᠷᠭᠠᠭᠤᠯᠢᠶ᠋ᠢᠨ ᠰᠤᠷᠤᠭᠴᠢᠳᠢ᠋ ᠵᠣᠬᠢᠶᠠᠨ ᠪᠠᠢᠭᠤᠯᠵᠤ᠂ ᠡᠬᠡ ᠣᠷᠣᠨᠴᠢ ᠦᠢᠯᠡᠳᠦᠯᠭᠡᠶ᠋ᠢᠨ ᠠᠵᠢᠯᠯᠠᠭᠠ ᠥᠷᠨᠢᠭᠦᠯᠵᠦ᠂ ︽ᠰᠤᠷᠭᠠᠭᠤᠯᠢ ᠡᠬᠢᠯᠡᠭᠰᠡᠨ ᠨᠢᠭᠡᠳᠦᠭᠡᠷ ᠬᠢᠴᠢᠶᠡᠯ︾ ᠢ᠋ ᠳᠤᠮᠳᠠᠳᠤᠶ᠋ᠢᠨ ᠦᠨᠳᠦᠰᠦᠲᠡᠨᠦ᠌ ᠬᠠᠮᠲᠤᠶ᠋ᠢᠨ ᠴᠣᠭᠴᠠᠶ᠋ᠢᠨ ᠤᠬᠠᠮᠰᠠᠷᠢ᠋ ᠪᠠᠲᠤ ᠴᠤᠭᠴᠠᠯᠠᠬᠤ ᠭᠣᠣᠯ ᠠᠴᠢᠶᠠᠯᠠᠪᠤᠷᠢ ᠪᠣᠯᠭᠠᠵᠤ᠂ ᠵᠢᠷᠭᠠᠯ ᠵᠣᠪᠠᠯᠠᠩᠢ᠋ᠶ᠋ᠠᠨ ᠬᠠᠮᠲᠤᠳᠬᠠᠬᠤ᠂ ᠠᠯᠳᠠᠷ ᠭᠤᠳᠤᠮᠰᠢᠭᠢ᠋ᠶ᠋ᠠᠨ ᠬᠠᠮᠲᠤᠳᠬᠠᠬᠤ᠂ ᠦᠬᠦᠬᠦ ᠰᠡᠬᠡᠬᠦᠪᠡᠨ ᠬᠠᠮᠲᠤᠳᠬᠠᠬᠤ᠂ ᠬᠤᠪᠢ ᠵᠠᠶᠠᠭᠠᠪᠠᠨ ᠬᠠᠮᠳᠤᠳᠬᠠᠬᠤ ᠬᠠᠮᠲᠤᠶ᠋ᠢᠨ ᠴᠣᠭᠴᠠᠶ᠋ᠢᠨ ᠣᠢᠯᠠᠭᠠᠭᠳᠠᠬᠤᠨ ᠢ᠋ ᠵᠠᠯᠠᠭᠤᠴᠤᠳ ᠪᠠᠭᠠᠴᠤᠳᠤ᠋ᠨ ᠰᠡᠳᠬᠢᠯᠳ᠋ᠦ᠍ ᠦᠨᠳᠦᠰᠦᠯᠡᠭᠦᠯᠦᠨᠡ᠃
ᠬᠠᠩᠭᠢᠨ ᠬᠣᠢᠲᠤ ᠬᠤᠰᠢᠭᠤᠨᠤ᠋ ᠦᠨᠳᠦᠰᠦᠲᠡᠨᠦ᠌ ᠪᠦᠯᠬᠦᠮᠳᠡᠯᠦ᠋ᠨ ᠭᠣᠣᠯ ᠰᠡᠳᠦᠪᠲᠦ ᠴᠡᠴᠡᠷᠯᠢᠭᠲᠦ᠍ ᠬᠦᠷᠪᠡᠯ᠂ ︽ᠠᠨᠠᠷᠤᠨ ᠦᠷᠡ ᠮᠡᠲᠦ ᠬᠠᠷᠢᠯᠴᠠᠨ ᠲᠡᠪᠡᠷᠢᠯᠴᠡᠵᠦ᠂ ᠰᠡᠳᠭᠢᠯ ᠨᠢᠭᠡᠳᠦᠨ ᠵᠡᠭᠦᠳᠦᠪᠡᠨ ᠲᠡᠷᠭᠡᠯᠰᠢᠭᠦᠯᠬᠦ︾ᠱᠤᠭᠤᠮᠠᠯ ᠨᠢ ᠣᠯᠠᠨᠤ᠋ ᠠᠩᠬᠠᠷᠤᠯᠢ᠋ ᠣᠨᠴᠠ ᠲᠠᠲᠠᠨᠠ᠃ ᠵᠢᠮᠢᠰᠦ᠋ᠨ ᠮᠣᠳᠣ᠂ ᠨᠠᠭᠤᠷᠤ᠋ᠨ ᠠᠷᠠᠯ᠂ ᠯᠢᠩᠬᠤᠠ ᠴᠡᠴᠡᠭᠤᠨ ᠴᠦᠩᠭᠦᠯ ᠵᠡᠷᠭᠡ ᠪᠠᠢᠭᠠᠯᠢᠶ᠋ᠢᠨ ᠦᠵᠡᠮᠵᠢ ᠨᠢ ᠦᠨᠳᠦᠰᠦᠲᠡᠨᠦ᠌ ᠪᠦᠯᠬᠦᠮᠳᠡᠯᠦ᠋ᠨ ᠭᠣᠣᠯ ᠰᠡᠳᠦᠪᠲᠦ ᠱᠤᠭᠤᠮᠠᠯ ᠪᠣᠯᠤᠨ ᠦᠨᠳᠦᠰᠦᠲᠡᠨᠦ᠌ ᠪᠦᠯᠬᠦᠮᠳᠡᠯᠦ᠋ᠨ ᠤᠬᠠᠭᠤᠯᠭᠠᠶ᠋ᠢᠨ ᠤᠷᠢᠶᠠ ᠯᠣᠽᠦ᠋ᠩ ᠲᠠᠢ ᠬᠠᠷᠢᠯᠴᠠᠨ ᠠᠭᠤᠰᠤᠯᠴᠠᠵᠤ᠂ ᠪᠠᠢᠭᠠᠯᠢᠶ᠋ᠢᠨ ᠦᠵᠡᠮᠵᠢ ᠬᠢᠭᠡᠳ ᠬᠥᠮᠦᠨ ᠨᠡᠢᠭᠡᠮᠦ᠋ᠨ ᠲᠡᠦᠬᠡ ᠲᠡᠭᠦᠰ ᠰᠠᠢᠬᠠᠨ ᠠᠭᠤᠰᠤᠯᠴᠠᠭᠰᠠᠨ᠂ ᠪᠡᠶᠡ ᠴᠢᠭᠢᠷᠠᠭᠵᠢᠭᠤᠯᠤᠨ ᠰᠡᠯᠡᠭᠦᠴᠡᠬᠦ ᠬᠢᠭᠡᠳ ᠦᠵᠡᠯ ᠰᠠᠨᠠᠭᠠᠨᠤ᠋ ᠬᠥᠮᠦᠵᠢᠯᠢ᠋ ᠨᠢᠭᠡ ᠴᠣᠭᠴᠠᠵᠢᠭᠤᠯᠤᠭᠰᠠᠨ ᠭᠣᠣᠯ ᠰᠡᠳᠦᠪᠲᠦ ᠴᠡᠴᠡᠷᠯᠢᠭᠢ᠋ ᠪᠣᠢ ᠪᠣᠯᠭᠠᠪᠠ᠃
ᠬᠣᠲᠠᠶ᠋ᠢᠨ ᠠᠷᠠᠳ ᠹᠦ ᠮᠠᠨ ᠯᠢᠶᠠᠩ ᠴᠡᠴᠡᠷᠯᠢᠭᠦ᠋ᠨ ᠣᠷᠴᠢᠮ ᠰᠠᠭᠤᠵᠤ᠂ ᠦᠷᠭᠦᠯᠵᠢ ᠴᠡᠴᠡᠷᠯᠢᠭᠲᠦ᠍ ᠣᠴᠢᠵᠤ ᠰᠡᠯᠡᠭᠦᠴᠡᠳᠡᠭ᠃ ᠲᠡᠷᠡ᠄ 《ᠭᠣᠣᠯ ᠰᠡᠳᠦᠪᠲᠦ ᠴᠡᠴᠡᠷᠯᠢᠭ ᠪᠣᠯ ᠦᠨᠳᠦᠰᠦᠲᠡᠨᠦ᠌ ᠪᠦᠯᠬᠦᠮᠳᠡᠯ ᠢ᠋ ᠰᠤᠷᠲᠠᠯᠴᠢᠯᠠᠬᠤ ᠰᠠᠢᠬᠠᠨ ᠭᠠᠵᠠᠷ ᠮᠦᠨ》 ᠭᠡᠵᠦ ᠱᠠᠭᠰᠢᠨᠠ᠃
ᠦᠨᠳᠦᠰᠦᠲᠡᠨᠦ᠌ ᠪᠦᠯᠬᠦᠮᠳᠡᠯ ᠨᠢ ᠪᠦᠬᠦ ᠨᠡᠢᠭᠡᠮᠦ᠋ᠨ ᠬᠦᠴᠦᠨᠢ᠋ ᠨᠢᠭᠲᠠᠷᠠᠭᠤᠯᠬᠤ ᠴᠢᠬᠤᠯᠠ ᠦᠢᠯᠡᠳᠦᠯᠲᠠᠢ᠃ ᠪᠠᠶᠠᠨᠨᠠᠭᠤᠷ ᠬᠣᠲᠠ ᠨᠢ ᠰᠡᠳᠭᠢᠯᠢᠶᠡᠨ ᠨᠢᠭᠲᠠᠷᠠᠭᠤᠯᠵᠤ ᠬᠦᠴᠦ ᠪᠠᠨ ᠬᠠᠮᠳᠤᠳᠬᠠᠬᠤᠵᠢ ᠪᠠᠷᠢᠮᠳᠠᠯᠠᠵᠤ᠂ ᠦᠨᠳᠦᠰᠦᠲᠡᠨᠦ᠌ ᠪᠦᠯᠬᠦᠮᠳᠡᠯᠦ᠋ᠨ ᠴᠡᠴᠡᠭᠡᠰᠤᠨ ᠦᠷᠡᠶ᠋ᠢ ᠦᠨᠳᠦᠰᠦᠲᠡᠨ ᠨᠤᠭᠦᠳᠤᠨ ᠣᠯᠠᠨ ᠲᠦᠮᠡᠨᠦ᠌ ᠰᠡᠳᠬᠢᠯᠳ᠋ᠦ᠍ ᠰᠠᠴᠤᠵᠤ᠂ ᠦᠯᠦ ᠮᠡᠳᠡᠭᠳᠡᠮᠡᠪᠡᠷ ᠳᠤᠮᠳᠠᠳᠤᠶ᠋ᠢᠨ ᠦᠨᠳᠦᠰᠦᠲᠡᠨᠦ᠌ ᠬᠠᠮᠲᠤᠶ᠋ᠢᠨ ᠴᠣᠭᠴᠠᠶ᠋ᠢᠨ ᠤᠬᠠᠮᠰᠠᠷᠢ᠋ ᠪᠠᠲᠤ ᠴᠤᠭᠴᠠᠯᠠᠨᠠ᠃
ᠡᠬᠡ ᠤᠯᠤᠰᠤ᠋ᠨ ᠤᠮᠠᠷᠠᠲᠤ ᠬᠢᠯᠢᠳᠤ᠂ ᠮᠤᠨᠠ ᠠᠭᠤᠯᠠᠶ᠋ᠢᠨ ᠬᠣᠷᠮᠣᠢᠠ᠋ᠴᠠ ᠬᠠᠲᠤᠨ ᠭᠣᠣᠯᠤ᠋ᠨ ᠡᠷᠭᠢ ᠬᠦᠷᠲᠡᠯᠡ᠂ ᠪᠠᠶᠠᠨᠨᠠᠭᠤᠷ ᠬᠣᠲᠠ ᠶᠠᠭ ᠰᠢᠰᠲ᠋ᠧᠮᠲᠦ ᠰᠡᠳᠬᠢᠴᠡᠪᠡᠷ ᠳᠤᠮᠳᠠᠳᠤᠶ᠋ᠢᠨ ᠦᠨᠳᠦᠰᠦᠲᠡᠨᠦ᠌ ᠬᠠᠮᠲᠤᠶ᠋ᠢᠨ ᠴᠣᠭᠴᠠᠶ᠋ᠢᠨ ᠤᠬᠠᠮᠰᠠᠷ ᠢ᠋ ᠪᠠᠲᠤ ᠴᠤᠭᠴᠠᠯᠠᠬᠤᠵᠢ ᠬᠡᠯᠪᠡᠷᠢᠵᠢᠭᠦᠯᠵᠦ᠂ ᠪᠣᠳᠠᠲᠠᠢᠵᠢᠭᠤᠯᠵᠤ᠂ ᠪᠠᠢᠩᠭᠤᠵᠢᠭᠤᠯᠵᠤ᠂ ᠤᠯᠤᠰ ᠲᠥᠷᠥᠶ᠋ᠢᠨ ᠪᠦᠲᠦᠭᠡᠨ ᠪᠠᠢᠭᠤᠯᠤᠯᠲᠠᠶ᠋ᠢᠨ 《ᠨᠢᠷᠤᠭᠤ ᠲᠤᠯᠭᠠᠭᠤᠷᠢ》 ᠂ ᠰᠣᠶᠣᠯᠤᠨ ᠨᠡᠪᠴᠢᠯᠲᠡᠶᠢᠨ 《ᠣᠶᠤᠨ ᠰᠠᠨᠠᠭᠠᠨᠤ᠋ ᠨᠢᠭᠤᠴᠠ ᠨᠣᠮᠧᠷ》᠂ ᠨᠡᠢᠭᠡᠮᠦ᠋ᠨ ᠠᠭᠤᠰᠤᠯᠴᠠᠯᠤᠨ 《ᠦᠢᠯᠡᠳᠦᠯᠭᠡᠶ᠋ᠢᠨ ᠵᠢᠷᠤᠭᠤᠨ ᠵᠢᠭᠰᠠᠯ》 ᠵᠢᠡᠷ ᠳᠠᠮᠵᠢᠭᠤᠯᠤᠨ᠂ 《ᠮᠡᠳᠡᠷᠡᠬᠦ᠂ ᠠᠭᠤᠰᠤᠯᠴᠠᠬᠤ᠂ ᠬᠥᠭᠵᠢᠭᠦᠯᠬᠦ》 ᠰᠠᠢᠨ ᠣᠷᠴᠢᠯᠤ᠋ᠨ ᠵᠠᠮ ᠮᠥᠷᠢ᠋ ᠬᠠᠢᠨ ᠰᠦᠪᠡᠭᠴᠢᠯᠡᠵᠦ᠂ ᠳᠤᠮᠳᠠᠳᠤᠶ᠋ᠢᠨ ᠦᠨᠳᠦᠰᠦᠲᠡᠨᠦ᠌ ᠬᠠᠮᠲᠤ ᠶ᠋ᠢᠨ ᠣᠶᠤᠨ ᠰᠠᠨᠠᠭᠠᠨᠤ᠋ ᠭᠡᠷ ᠣᠷᠣᠨ ᠢ᠋ ᠪᠦᠬᠦ ᠬᠦᠴᠦᠨᠢ᠋ᠶ᠋ᠡᠷᠢ᠋ᠶ᠋ᠡᠨ ᠴᠣᠭᠴᠠᠯᠠᠨ ᠪᠠᠢᠭᠤᠯᠤᠨᠠ᠃