ᠤᠢ᠍ᠢᠷᠡᠶ᠋ᠢᠨ ᠵᠢᠯᠡᠴᠡ᠂ ᠬᠥᠬᠡᠬᠣᠲᠠᠶ᠋ᠢᠨ ᠬᠣᠲᠣᠩ ᠠᠷᠠᠳᠤᠨ ᠲᠣᠭᠣᠷᠢᠭ ᠣᠷᠣᠨᠤ ᠲᠥᠪ ᠬᠤᠳᠠᠶ᠋ᠢᠨ 《ᠨᠢᠭᠡ ᠬᠤᠩᠬᠢᠯ ᠬᠣᠶᠠᠷ ᠲᠡᠩᠭᠡᠯᠢᠭ ᠲᠠᠪᠤᠨ ᠪᠦᠰᠡ》 ᠵᠢᠨ ᠰᠣᠶᠣᠯ ᠵᠢᠭᠤᠯᠴᠢᠯᠠᠯᠤᠨ ᠠᠵᠤ ᠦᠢᠯᠡᠰᠦᠨ ᠬᠥᠭ᠌ᠵᠢᠯᠲᠡᠶ᠋ᠢᠨ ᠣᠷᠣᠨ ᠵᠠᠢᠶ᠋ᠢᠨ ᠲᠥᠯᠥᠪᠵᠢᠭᠦᠯᠭᠡᠶ᠋ᠢᠨ ᠲᠣᠭᠣᠷᠢᠨᠳᠤ᠂ ᠵᠦᠩᠱᠠᠨ ᠪᠠᠷᠠᠭᠤᠨ ᠵᠠᠮᠤᠨ ᠬᠤᠳᠠᠯᠳᠤᠭᠠᠨᠤ ᠲᠣᠭᠣᠷᠢᠭᠢᠶᠠᠷ ᠭᠣᠣᠯ ᠲᠡᠩᠭᠡᠯᠢᠭ ᠪᠣᠯᠭᠠᠵᠤ᠂ ᠵᠤᠸᠠᠨ ᠵᠢᠶᠤᠤ ᠭᠤᠳᠤᠮᠵᠢ᠂ ᠺᠤᠸᠠᠨ ᠰᠢᠶᠠᠩ ᠽᠢ ᠭᠤᠳᠤᠮᠵᠢ᠂ ᠴᠢᠩ ᠺᠠᠢ ᠴᠢᠶᠣᠤ ᠬᠥᠭᠥᠷᠭᠡ᠂ ᠨᠢᠤ ᠵᠢᠶᠧ ᠵᠡᠭᠡᠯᠢ ᠵᠡᠷᠭᠡ ᠰᠣᠶᠣᠯ ᠵᠢᠭᠤᠯᠴᠢᠯᠠᠯᠤᠨ ᠠᠮᠲᠠᠲᠤ ᠢᠳᠡᠭᠡᠨᠦ ᠵᠡᠭᠡᠯᠢ ᠵᠢᠨ ᠲᠣᠭᠣᠷᠢᠭᠢ ᠬᠣᠯᠪᠣᠵᠤ᠂ ᠬᠤᠳᠠ ᠵᠢᠨ ᠲᠣᠭᠣᠷᠢᠭᠤᠨ ᠵᠢᠭᠤᠯᠴᠢᠯᠠᠨ ᠲᠣᠭᠣᠷᠢᠬᠤ ᠲᠣᠳᠣᠷᠬᠠᠢ ᠵᠠᠮ ᠱᠤᠭᠤᠮ ᠢ᠋ ᠠᠭᠠᠵᠢᠮᠢᠶᠠᠷ ᠪᠦᠷᠢᠯᠳᠦᠬᠦᠯᠵᠦ᠍᠂ ᠬᠤᠳᠠᠶ᠋ᠢᠨ ᠠᠷᠠᠳ ᠪᠣᠯᠤᠨ ᠵᠢᠭᠤᠯᠴᠢᠯᠠᠭᠰᠠᠳᠲᠤ ᠰᠣᠶᠣᠯᠤᠨ ᠠᠭᠤᠷ ᠠᠮᠢᠰᠬᠤᠯ ᠪᠣᠯᠤᠨ ᠴᠠᠭ ᠦᠶᠡᠶ᠋ᠢᠨ ᠠᠮᠢᠵᠢᠷᠠᠯᠤᠨ ᠬᠦᠴᠦᠨᠢ ᠤᠶᠠᠯᠳᠤᠭᠤᠯᠤᠭᠰᠠᠨ ᠬᠤᠳᠠ ᠵᠢᠨ ᠲᠣᠭᠣᠷᠢᠭᠤᠨ 《ᠰᠣᠶᠣᠯ ᠵᠢᠭᠤᠯᠴᠢᠯᠠᠯᠤᠨ ᠪᠦᠷᠢᠨ ᠵᠢᠷᠤᠭ》 ᠢ᠋ ᠵᠢᠷᠤᠭ᠍ᠯᠠᠪᠠ᠃
ᠵᠦᠩᠱᠠᠨ ᠪᠠᠷᠠᠭᠤᠨ ᠵᠠᠮᠤᠨ ᠬᠤᠳᠠᠯᠳᠤᠭᠠᠨᠤ ᠲᠣᠭᠣᠷᠢᠭ ᠨᠢ ᠬᠥᠬᠡᠬᠣᠲᠠᠶ᠋ᠢᠨ ᠬᠤᠳᠠᠯᠳᠤᠭᠠᠨᠤ ᠭᠣᠣᠯ ᠲᠣᠭᠣᠷᠢᠭᠲᠤ ᠪᠠᠢᠷᠢᠯᠠᠵᠤ᠂ 1.83 ᠲᠡᠭ᠌ᠰᠢ ᠳᠥᠷᠪᠡᠯᠵᠢᠨ ᠺᠢᠯᠤᠮᠸᠲᠷ ᠭᠠᠵᠠᠷ ᠡᠵᠡᠯᠡᠵᠦ᠂ ᠬᠤᠳᠠᠯᠳᠤᠭᠠᠨ ᠤ᠋ ᠲᠤᠭᠤᠷᠢᠭᠤᠨ ᠲᠠᠯᠠᠪᠠᠢ ᠨᠢ 122 ᠲᠦᠮᠡᠨ ᠲᠡᠭ᠌ᠰᠢ ᠳᠥᠷᠪᠡᠯᠵᠢᠨ ᠮᠸᠲᠷ ᠪᠠᠢᠵᠤ᠂ ᠡᠭᠦᠨᠳᠦ ᠲᠤᠮᠤ ᠬᠡᠯᠪᠡᠷᠢᠶ᠋ᠢᠨ ᠬᠤᠳᠠᠯᠳᠤᠭᠠᠨᠤ ᠲᠡᠯᠭᠡᠭᠦᠷ 17 ᠪᠤᠯᠵᠤ᠂ ᠤᠯᠠᠨ ᠡᠵᠡᠩᠨᠡᠯᠲᠡᠶ᠋ᠢᠨ ᠬᠡᠯᠪᠡᠷᠢ ᠲᠥᠪᠯᠡᠷᠡᠨ ᠲᠠᠷᠬᠠᠵᠤ ᠪᠤᠢ᠃
ᠰᠣᠶᠣᠯ ᠬᠤᠳᠠᠯᠳᠤᠭᠠ ᠵᠢᠭᠤᠯᠴᠢᠯᠠᠯᠤᠨ ᠦᠢᠯᠡᠰᠦᠨ ᠲᠦᠷᠭᠡᠨ ᠬᠥᠭ᠌ᠵᠢᠯᠲᠡᠶ᠋ᠢᠨ ᠪᠠᠢᠳᠠᠯᠢ ᠠᠱᠢᠭ᠍ᠯᠠᠵᠤ᠂ ᠬᠣᠲᠣᠩ ᠠᠷᠠᠳᠤᠨ ᠲᠣᠭᠣᠷᠢᠭᠣᠷᠣᠨᠤ ᠲᠥᠪᠦᠨ ᠬᠤᠳᠠᠯᠳᠤᠭᠠᠨᠤ ᠭᠣᠣᠯ ᠲᠣᠭᠣᠷᠢᠭᠤᠨ ᠬᠦᠳᠦᠯᠦᠨ ᠳᠠᠭᠠᠭᠤᠯᠬᠤ ᠦᠢᠯᠡᠳᠦᠯᠢ ᠭᠦᠢᠴᠡᠳ ᠪᠠᠳᠠᠷᠠᠭᠤᠯᠵᠤ᠂ ᠵᠦᠩᠱᠠᠨ ᠪᠠᠷᠠᠭᠤᠨ ᠵᠠᠮᠤᠨ ᠬᠤᠳᠠᠯᠳᠤᠭᠠᠨᠤ ᠲᠣᠭᠣᠷᠢᠭ ᠵᠢᠴᠢ ᠡᠷᠬᠢᠨ ᠲᠣᠭᠣᠷᠢᠨᠤ 《ᠪᠢᠴᠢᠯ ᠥᠭᠡᠷᠡᠴᠢᠯᠡᠯᠲᠡ᠂ ᠨᠠᠷᠢᠯᠢᠭ ᠳᠡᠭᠡᠭ᠌ᠰᠢᠯᠡᠯᠲᠡ》 ᠵᠢ ᠭᠦᠨᠵᠡᠭᠡᠢ ᠠᠬᠢᠭᠤᠯᠵᠤ᠂ ᠰᠣᠶᠣᠯ ᠬᠤᠳᠠᠯᠳᠤᠭᠠ ᠵᠢᠭᠤᠯᠴᠢᠯᠠᠯᠤᠨ ᠠᠭᠤᠰᠤᠯᠴᠠᠯᠢ ᠭᠦᠨᠵᠡᠭᠡᠢᠷᠡᠭᠦᠯᠪᠡ᠃ᠨᠠᠷᠠ ᠱᠢᠩᠭᠡᠬᠦ᠌ ᠦᠶᠡᠪᠡᠷ᠂ ᠵᠦᠩᠱᠠᠨ ᠪᠠᠷᠠᠭᠤᠨ ᠵᠠᠮᠤᠨ ᠬᠤᠳᠠᠯᠳᠤᠭᠠᠨᠤ ᠲᠣᠭᠣᠷᠢᠭᠤᠨ ᠵᠤᠸᠠᠨ ᠵᠢᠶᠤᠤ ᠭᠤᠳᠤᠮᠵᠢ ᠨᠢ ᠨᠢᠭᠡ ᠡᠳᠦᠷᠦᠨ ᠬᠠᠮᠤᠭᠤᠨ ᠶᠠᠭᠠᠷᠠᠤ ᠴᠠᠭᠢᠶᠠᠨ ᠤᠭ᠍ᠲᠤᠨ ᠠᠪᠤᠯᠠ᠃
ᠬᠥᠬᠡᠬᠣᠲᠠᠶ᠋ᠢᠨ ᠠᠩᠬᠠᠳᠠᠭ᠍ᠴᠢ HI - BOX ᠴᠢᠩᠭᠡᠯᠢᠭᠦᠨ ᠣᠨᠴᠠᠯᠢᠭ᠍ᠲᠤ ᠤᠷᠤᠰᠭᠠᠯᠲᠤ ᠵᠤᠭᠠ ᠴᠡᠩᠬᠡᠯ ᠤ᠋ᠨ ᠶᠠᠪᠠᠭᠠᠨ ᠵᠡᠭᠡᠯᠢ ᠪᠣᠯᠤᠭ᠍ᠰᠠᠨᠤ ᠬᠤᠪᠢᠳᠤ᠂ ᠵᠤᠸᠠᠨ ᠵᠢᠶᠤᠤ ᠭᠤᠳᠤᠮᠵᠢᠶ᠋ᠢᠨ ᠣᠷᠳᠣᠨᠢ 240 ᠮᠧᠲ᠋ᠷ᠂ ᠡᠵᠡᠯᠡᠬᠦ ᠲᠠᠯᠠᠪᠠᠶᠨᠢ 5000 ᠲᠡᠭ᠌ᠰᠢ ᠳᠥᠷᠪᠡᠯᠵᠢᠨ ᠮᠧᠲ᠋ᠷ ᠣᠷᠴᠢᠮ ᠪᠠᠢᠵᠤ᠂ ᠪᠠᠷᠠᠭᠠ ᠬᠤᠳᠠᠯᠳᠤᠨ ᠠᠪᠬᠤ᠂ ᠵᠤᠭᠠ ᠴᠡᠩᠭᠡᠯ᠂ ᠢᠳᠡᠭᠡᠨ ᠤᠮᠳᠠᠭᠠᠨ᠂ ᠰᠡᠯᠡᠭᠦᠴᠡᠯᠢ ᠨᠢᠭᠡ ᠴᠣᠭ᠍ᠴᠠᠵᠢᠭᠤᠯᠵᠤ᠂ ᠬᠣᠲᠠᠶ᠋ᠢᠨ ᠠᠷᠠᠳ᠂ ᠵᠢᠭᠤᠯᠴᠢᠯᠠᠭᠰᠠᠳᠲᠤ ᠠᠯᠭᠤᠷ ᠵᠢᠭᠤᠯᠴᠢᠯᠠᠨ ᠲᠤᠭᠤᠷᠢᠬᠤ ᠪᠡᠶᠡᠴᠢᠯᠡᠨ ᠤᠢᠯᠠᠭᠠᠯᠳᠠ ᠬᠦᠷᠳᠡᠬᠦ ᠵᠢ ᠪᠠᠶᠡᠯᠡᠬᠦᠯᠦᠭᠰᠡᠨᠤ ᠬᠠᠮᠲᠤ᠂ ᠪᠠᠰᠠ ᠬᠥᠬᠡᠬᠣᠲᠠᠶ᠋ᠢᠨ ᠬᠠᠮᠤᠭᠤᠨ ᠱᠢᠨᠡ ᠬᠣᠲᠠᠶ᠋ᠢᠨ ᠠᠭᠤᠯᠵᠠᠯᠲᠠᠶ᠋ᠢᠨ ᠲᠢᠩᠬᠢᠮ ᠪᠣᠯᠵᠣ᠂ ᠰᠣᠶᠣᠯ ᠵᠢᠭᠤᠯᠴᠢᠯᠠᠯᠤᠨ ᠤᠷᠤᠰᠭᠠᠯᠲᠤ ᠵᠤᠭᠠ ᠴᠡᠩᠬᠡᠯ ᠤ᠋ᠨ ᠱᠢᠨᠡ ᠪᠡᠯᠭᠡ ᠲᠡᠮᠳᠡᠭ ᠪᠣᠯᠤᠭ᠍ᠰᠠᠨ ᠪᠠᠢᠨᠠ᠃
《ᠡᠨᠡ ᠪᠣᠯ ᠲᠠᠨᠤ ᠵᠠᠬᠢᠶᠠᠯᠠᠭ᠍ᠰᠠᠨ ᠺᠣᠹᠧ》᠃ ᠵᠤᠸᠠᠨ ᠵᠢᠶᠤᠤ ᠭᠤᠳᠤᠮᠵᠢ ᠵᠢᠨ ᠨᠢᠭᠡᠨ ᠺᠣᠹᠧᠶ᠋ᠢᠨ ᠮᠤᠬᠤᠯᠠᠭᠲᠤ᠂ ᠭᠣᠣᠯ ᠬᠠᠷᠢᠭᠤᠴᠠᠯᠭᠠᠲᠠᠨ ᠰᠦᠩ ᠴᠢᠶᠠᠨ ᠺᠣᠹᠧ ᠪᠠᠨ ᠪᠦᠷᠢᠬᠦ ᠵᠢᠨ ᠲᠠᠭᠠᠤ ᠵᠢᠶᠠᠩᠰᠦᠶ᠋ᠢᠨ ᠵᠢᠭᠤᠯᠴᠢᠯᠠᠭᠴᠢ ᠸᠠᠩ ᠸᠸᠢ ᠵᠢᠨ ᠠᠰᠠᠭᠤᠯᠲᠠᠶ᠋ᠢ ᠬᠠᠷᠢᠭᠤᠯᠤᠨᠠ᠃ 《ᠲᠠᠨᠠᠷ ᠵᠤᠸᠠᠨ ᠵᠢᠶᠤᠤ ᠭᠤᠳᠤᠮᠵᠢᠶ᠋ᠢ ᠲᠣᠭᠣᠷᠢᠵᠤ ᠪᠠᠷᠠᠭᠠᠳ᠂ ᠪᠠᠷᠠᠭᠤᠨᠰᠢᠪᠠᠨ ᠵᠦᠩᠱᠠᠨ ᠪᠠᠷᠠᠭᠤᠨ ᠵᠠᠮᠤᠨ ᠶᠠᠪᠠᠭᠠᠨ ᠵᠡᠭᠡᠯᠢ᠂ ᠺᠤᠸᠠᠨ ᠱᠢᠶᠠᠩ ᠽᠢ ᠭᠤᠳᠤᠮᠵᠢ᠂ ᠴᠢᠩ ᠺᠠᠶ ᠴᠢᠶᠣᠤ ᠬᠦᠬᠦᠷᠭᠡ᠂ ᠨᠢᠤ ᠵᠢᠶᠧ ᠵᠡᠭᠡᠯᠢ ᠵᠡᠷᠭᠡ ᠵᠠᠮ ᠱᠤᠭᠤᠮᠢᠶᠠᠷ ᠲᠣᠭᠣᠷᠢᠪᠠᠯ᠂ ᠭᠤᠴᠤ ᠰᠠᠢᠬᠠᠨ ᠪᠡᠶᠡᠴᠢᠯᠡᠨ ᠤᠢᠯᠠᠭᠠᠯᠳᠠ ᠬᠦᠷᠳᠡᠵᠤ ᠪᠤᠯᠬᠤ ᠶᠤᠮ》 ᠭᠡᠪᠡ᠃ ᠰᠦᠩ ᠴᠢᠶᠠᠨᠤ ᠬᠠᠯᠠᠭᠤᠮᠰᠤᠭ ᠲᠠᠨᠢᠯᠴᠠᠭᠤᠯᠭᠠ ᠪᠡᠷ ᠸᠠᠩ ᠸᠧᠢ ᠨᠠᠢᠵᠠᠨᠠᠷᠲᠠᠶᠪᠠᠨ ᠵᠠᠭᠤᠨ ᠵᠢᠯᠦᠨ ᠲᠡᠤᠬᠡ ᠲᠠᠢ ᠠᠮᠲᠠᠲᠤ ᠢᠳᠡᠭᠡᠨᠦ ᠵᠡᠭᠡᠯᠢ ᠭᠤᠳᠤᠮᠵᠢ ᠪᠤᠯᠬᠤ ᠺᠤᠸᠠᠨ ᠱᠢᠶᠠᠩ ᠽᠢ ᠭᠤᠳᠤᠮᠵᠢ ᠳ᠋ᠤ ᠬᠦᠷᠴᠦ᠍ ᠤᠴᠢᠪᠠ᠃
《ᠪᠢᠳᠡ ᠵᠠᠮ ᠲᠤᠵᠢ ᠬᠠᠭ᠍ᠰᠠᠭᠠᠮᠠᠯ ᠪᠤᠤᠪᠤ᠂ ᠪᠣᠷᠴᠠ᠂ ᠱᠢᠷᠠᠭ᠍ᠰᠠᠨ ᠲᠠᠬᠢᠶᠠ᠂ ᠱᠢᠩᠭᠡᠨ ᠵᠢᠮᠢᠰᠦᠨ ᠡᠭᠡᠳᠡᠩ᠂ ᠠᠮᠲᠠᠲᠤ ᠰᠠᠮ ᠪᠣᠭᠣᠷᠰᠣᠭ᠂ ᠰᠦᠯᠵᠢᠮᠡᠯ ᠪᠤᠤᠪᠤ᠂ ᠮᠤᠰᠭᠢᠮᠠᠯ ᠪᠤᠤᠪᠤ ᠵᠡᠷᠭᠡ ᠵᠢ ᠬᠤᠳᠠᠯᠳᠤᠨ ᠠᠪᠴᠤ᠌᠂ ᠥᠪᠡᠷᠮᠢᠴᠡ ᠣᠨᠴᠠᠯᠢᠭᠲᠠᠶ ᠢᠳᠡᠭᠡᠨ ᠨᠢ ᠪᠢᠳᠡᠨᠢ ᠮᠠᠰᠢ ᠭᠠᠢᠬᠠᠰᠢᠷᠠᠭᠤᠯᠪᠠ》 ᠭᠡᠵᠦ᠍ ᠸᠠᠩ ᠸᠧᠢ ᠪᠠᠶᠠᠷᠯᠠᠨ ᠬᠡᠯᠡᠪᠡ᠃
ᠬᠣᠲᠣᠩ ᠠᠷᠠᠳᠤᠨ ᠲᠣᠭᠣᠷᠢᠭᠤᠨ ᠢᠳᠡᠭᠡᠨ ᠤᠮᠳᠠᠭᠠᠨᠤ ᠦᠢᠯᠡᠰᠤᠨ ᠪᠠᠢᠳᠠᠯ ᠡᠯᠪᠡᠭ ᠪᠠᠶᠠᠯᠢᠭ ᠪᠠᠢᠵᠤ᠂ ᠺᠤᠸᠠᠨ ᠰᠢᠶᠠᠩ ᠽᠢ ᠭᠤᠳᠤᠮᠵᠢ ᠨᠢ ᠬᠣᠲᠣᠩ ᠠᠷᠠᠳᠤᠨ ᠲᠣᠭᠣᠷᠢᠭᠤᠨ ᠴᠢᠬᠤᠯᠠ ᠬᠤᠳᠠᠯᠳᠤᠭᠠᠨᠤ ᠵᠡᠭᠡᠯᠢ ᠲᠣᠭᠣᠷᠢᠭᠤᠨ ᠨᠢᠭᠡ ᠪᠣᠯᠤᠭ᠍ᠰᠠᠨᠤ ᠬᠤᠪᠢᠳᠤ᠂ ᠨᠢᠭᠡᠨᠲᠡ ᠵᠠᠭᠤ ᠭᠠᠷᠤᠢ ᠵᠢᠯᠤᠨ ᠲᠡᠦᠬᠡᠲᠡᠶ ᠪᠤᠯᠵᠤ᠂ ᠬᠥᠬᠡᠬᠣᠲᠠᠶ᠋ᠢᠨ ᠬᠡᠳᠦᠨ ᠦᠶᠡᠶ᠋ᠢᠨ ᠬᠥᠮᠦᠰᠤᠨ ᠰᠡᠳᠬᠢᠯ ᠤ᠋ᠨ ᠭᠦᠨᠳᠡᠬᠢ ᠦᠨᠦᠷ ᠠᠮᠲᠠᠶ᠋ᠢ ᠠᠴᠢᠶᠠᠯᠠᠵᠤ᠂ ᠬᠣᠲᠣᠩ ᠠᠷᠠᠳᠤᠨ ᠲᠣᠭᠣᠷᠢᠭᠤᠨ ᠰᠣᠶᠣᠯ ᠢᠷᠭᠡᠨᠱᠢᠯ ᠨᠡᠢᠭᠡᠮᠤᠨ ᠬᠤᠪᠢᠷᠠᠯᠲᠠᠶ᠋ᠢ ᠭᠡᠷᠡᠴᠢᠯᠡᠵᠦ᠍᠂ ᠤᠳᠤ ᠦᠶᠡᠶ᠋ᠢᠨ ᠬᠤᠳᠠᠯᠳᠤᠭᠠᠨᠤ ᠬᠥᠭ᠌ᠵᠢᠯ ᠪᠠᠳᠠᠷᠠᠯᠢ ᠬᠣᠯᠪᠣᠭ᠍ᠰᠠᠨᠢᠶᠠᠷ ᠪᠠᠷᠠᠬᠤ ᠦᠭᠡᠢ ᠪᠠᠰᠠ ᠬᠤᠲᠠᠶ᠋ᠢᠨ ᠵᠡᠭᠡᠯᠢ ᠭᠤᠳᠤᠮᠵᠢ ᠵᠢᠨ ᠠᠮᠢᠳᠦᠷᠠᠯᠤᠨ ᠠᠭᠤᠷ ᠠᠮᠢᠰᠬᠤᠯ ᠢ᠋ ᠬᠦᠭᠵᠢᠭᠡᠭᠰᠡᠨ ᠪᠠᠢᠨᠠ᠃
2023 ᠣᠨᠳᠤ᠂ ᠬᠣᠲᠣᠩ ᠠᠷᠠᠳᠤᠨ ᠲᠣᠭᠣᠷᠢᠭ ᠡᠴᠡ ᠺᠤᠸᠠᠨ ᠱᠢᠶᠠᠩ ᠽᠢ ᠭᠤᠳᠤᠮᠵᠢ ᠵᠢᠨ ᠠᠰᠠᠷᠤᠨ ᠭᠠᠳᠠᠷ ᠲᠠᠯᠠᠳᠤ ᠪᠥᠬᠥ᠌ ᠲᠠᠯᠠᠶ᠋ᠢᠨ ᠥᠭᠡᠷᠡᠴᠢᠯᠡᠯᠲᠡ ᠬᠢᠵᠦ᠍᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠬᠡᠪ ᠨᠠᠮᠪᠠ ᠵᠢ ᠳᠣᠪᠣᠢᠯᠭᠠᠨ᠂ ᠰᠣᠶᠣᠯᠤᠨ ᠠᠭᠤᠯᠤᠭ᠍ᠳᠠᠬᠤᠨ ᠵᠢᠴᠢ ᠣᠷᠣᠨ ᠪᠦᠰᠡᠶ᠋ᠢᠨ ᠳᠦᠷᠰᠦ ᠪᠠᠢᠳᠠᠯ ᠪᠠ ᠣᠲᠣ ᠦᠶᠡᠶ᠋ᠢᠨ ᠤᠨᠴᠠᠯᠢᠭᠢ ᠢᠯᠡᠷᠡᠭᠦᠯᠦᠭᠰᠡᠨ ᠪᠦᠭᠡᠳ 《ᠬᠥᠬᠡᠬᠣᠲᠠᠶ᠋ᠢᠨ ᠬᠠᠭᠤᠴᠢᠨ ᠬᠣᠲᠠᠶ᠋ᠢᠨ ᠠᠮᠲᠠᠲᠤ ᠢᠳᠡᠭᠡᠨᠦ ᠰᠣᠶᠣᠯ》 ᠢ᠋ ᠢᠳᠡᠪᠬᠢᠲᠡᠶ ᠳᠡᠯᠭᠡᠷᠡᠭᠦᠯᠵᠦ᠍᠂ ᠵᠠᠭᠤᠨ ᠵᠢᠯ ᠤᠯᠠᠮᠵᠢᠯᠠᠭ᠍ᠳᠠᠭ᠍ᠰᠠᠨ 《ᠬᠠᠭᠤᠴᠢᠨ ᠲᠦᠷᠦᠯ ᠲᠡᠮᠳᠡᠭᠳᠤ》 ᠲᠥᠬᠥᠮ ᠢᠳᠡᠭᠡᠨᠢ ᠰᠡᠷᠬᠦᠬᠡᠵᠤ᠂ ᠣᠨᠴᠠᠯᠢᠭ᠍ᠲᠤ ᠠᠮᠲᠠᠲᠤ ᠢᠳᠡᠭᠡᠨ ᠲᠥᠬᠥᠮ ᠢᠳᠡᠭᠡᠨᠦ ᠪᠣᠳᠠᠰᠤᠨ ᠪᠤᠰᠤ ᠰᠣᠶᠣᠯᠤᠨ ᠥᠪᠢ ᠲᠡᠯᠬᠡᠷᠡᠬᠦᠯᠬᠦ ᠰᠠᠭᠤᠷᠢᠨᠢ ᠪᠠᠢᠭᠤᠯᠵᠤ᠂ 《ᠺᠤᠸᠠᠨ ᠱᠢᠶᠠᠩ ᠽᠢ ᠵᠢᠨ ᠠᠮᠲᠠᠲᠤ ᠢᠳᠡᠭᠡᠨᠦ ᠦᠨᠦᠷ ᠠᠮᠳᠠ》 ᠭᠡᠬᠦ ᠠᠮᠳᠠᠳᠤ ᠢᠳᠡᠭᠡᠨ ᠤ᠋ ᠲᠦᠷᠦᠯ ᠲᠡᠮᠳᠡᠭ ᠢ᠋ ᠬᠦᠭᠵᠢᠭᠦᠯᠵᠦ᠂ ᠰᠣᠶᠣᠯᠤᠨ ᠨᠡᠮᠡᠯᠲᠡ ᠥᠷᠲᠡᠭᠢ ᠳᠡᠭᠡᠭ᠌ᠰᠢᠯᠡᠭᠦᠯᠪᠡ᠃
ᠡᠷᠲᠡᠨᠦ ᠴᠢᠯᠠᠭᠤᠨ ᠬᠠᠪᠳᠠᠰᠤᠨ ᠵᠠᠮ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠬᠡᠪ ᠨᠠᠮᠪᠠ ᠪᠦᠬᠦᠢ ᠰᠣᠶᠣᠯᠤᠨ ᠬᠡᠷᠡᠮ᠂ ᠡᠯᠪᠡᠭ ᠪᠠᠶᠠᠯᠢᠭ ᠠᠮᠲᠠᠲᠤ ᠢᠳᠡᠭᠡᠨᠦ ᠰᠣᠶᠣᠯ ᠨᠢ ᠪᠦᠷ ᠥᠩᠭᠡᠷᠡᠭ᠌ᠰᠡᠨᠦ ᠦᠯᠢᠭᠡᠷᠢ ᠲᠣᠭᠠᠴᠢᠨᠠ᠃ ᠡᠳᠦᠭᠡ᠂ ᠺᠤᠸᠠᠨ ᠱᠢᠶᠠᠩ ᠽᠢ ᠠᠮᠲᠠᠲᠤ ᠢᠳᠡᠭᠡᠨᠦ ᠵᠡᠭᠡᠯᠢ ᠨᠢ ᠨᠢᠭᠡᠨᠲᠡ ᠣᠷᠣᠨᠤ ᠲᠥᠪᠦᠨ ᠦᠵᠡᠰᠭᠦᠯᠡᠩᠲᠦ ᠰᠠᠢᠬᠠᠨ ᠰᠣᠶᠣᠯ ᠵᠢᠭᠤᠯᠴᠢᠯᠠᠯᠤᠨ ᠨᠡᠷᠡᠶ᠋ᠢᠨ ᠬᠠᠭᠤᠳᠠᠰᠤ ᠪᠤᠯᠵᠤ᠂ ᠮᠠᠰᠢ ᠤᠯᠠᠨ ᠵᠢᠭᠤᠯᠴᠢᠯᠠᠭᠰᠠᠳᠤᠨ ᠠᠩᠬᠠᠷᠤᠯᠢ ᠲᠠᠲᠠᠵᠤ ᠬᠠᠭᠤᠴᠢᠨ ᠵᠡᠭᠡᠯᠢᠶ᠋ᠢᠨ ᠦᠨᠦᠷ ᠠᠮᠲᠠᠶ᠋ᠢ ᠮᠡᠳᠡᠷᠡᠭᠦᠯᠪᠡ᠃
ᠬᠣᠲᠣᠩ ᠠᠷᠠᠳᠤᠨ ᠲᠣᠭᠣᠷᠢᠭᠲᠤ᠂ ᠰᠥᠨᠢᠶ᠋ᠢᠨ ᠠᠵᠤ ᠠᠬᠤᠢᠶ᠋ᠢᠨ ᠬᠥᠭ᠌ᠵᠢᠯ ᠴᠡᠴᠡᠭ᠌ᠯᠡᠯ ᠨᠢ ᠰᠣᠶᠣᠯ ᠵᠢᠭᠤᠯᠴᠢᠯᠠᠯᠤᠨ ᠬᠠᠯᠠᠮᠱᠢᠯᠤᠨ ᠱᠢᠭᠤᠳ ᠢᠯᠡᠷᠡᠯ ᠪᠣᠯᠤᠨᠠ᠃
2025 ᠤᠨᠤ ᠵᠤᠨ᠂ ᠰᠢᠨᠡᠳᠭᠡᠨ ᠵᠠᠰᠠᠭᠰᠠᠨ ᠤ᠋ ᠳᠠᠷᠠᠭᠠᠬᠢ ᠬᠣᠲᠣᠩ ᠠᠷᠠᠳᠤᠨ ᠲᠣᠭᠣᠷᠢᠭᠤᠨ ᠨᠢᠤ ᠵᠢᠶᠧ ᠵᠡᠭᠡᠯᠢ ᠨᠢ ᠨᠡᠩ ᠱᠢᠨᠡ ᠰᠡᠪᠡᠬᠦᠨ ᠳᠦᠷᠰᠦ ᠪᠠᠢᠳᠠᠯᠢᠶᠠᠷ ᠤᠯᠠᠨ ᠲᠦᠮᠡᠨᠦ ᠬᠠᠷᠠᠭᠠᠨᠳᠤ ᠳᠠᠬᠢᠨᠲᠠ ᠣᠷᠣᠵᠤ᠂ ᠱᠢᠶᠠᠩᠭᠠᠩ ᠤ᠋ᠨ ᠬᠠᠭᠤᠴᠢᠨ ᠤᠷᠤᠰᠬᠠᠯᠳᠤ ᠮᠠᠶᠢᠭᠤᠨ ᠫᠠᠢᠰᠠ᠂ ᠰᠣᠯᠣᠩᠭᠠᠨ ᠳ᠋ᠧᠩᠦᠨ ᠴᠢᠮᠡᠭ᠌ᠯᠡᠯ᠂ ᠭᠤᠤᠯ ᠰᠡᠳᠦᠪᠲᠦ ᠬᠤᠸᠠᠷ ᠴᠡᠴᠡᠭᠳᠤ ᠬᠡᠷᠡᠮ᠂ 《ᠨᠢᠦ ᠵᠢᠶᠸ ᠵᠡᠭᠡᠯᠢ ᠵᠢᠨ ᠦᠨᠦᠷ ᠠᠮᠲᠠ》 ᠵᠡᠷᠭᠡ ᠤᠷᠤᠰᠭᠠᠯᠳᠤ ᠤᠷᠢᠶᠠ ᠪᠢᠴᠢᠬᠡᠰᠦ᠂ ᠥᠷᠭᠡᠳᠭᠡᠭ᠌ᠰᠡᠨ ᠶᠠᠪᠠᠭᠠᠨ ᠵᠠᠮ᠂ ᠨᠡᠮᠡᠵᠦ᠍ ᠲᠣᠬᠢᠷᠠᠭᠤᠯᠤᠭ᠍ᠰᠠᠨ ᠤᠷᠠᠯᠢᠭᠳᠤ ᠠᠮᠠᠷᠠᠬᠤ ᠰᠠᠭᠤᠳᠠᠯ᠂ ᠡᠪᠡᠰᠦ ᠤᠷᠭᠤᠮᠠᠯ ᠤ᠋ᠨ ᠦᠵᠡᠮᠵᠢ ᠨᠢ ᠬᠣᠲᠠᠶ᠋ᠢᠨ ᠠᠷᠠᠳ ᠪᠠ ᠵᠢᠭᠤᠯᠴᠢᠯᠠᠭᠰᠠᠳᠲᠤ ᠨᠢᠭᠡᠨ ᠬᠠᠯᠠᠭᠤᠨ ᠲᠤᠯᠠᠭᠠᠨ ᠲᠠᠭᠠᠯᠠᠮᠵᠢᠲᠠᠶ ᠵᠡᠭᠡᠯᠢ ᠭᠤᠳᠤᠮᠵᠢᠶ᠋ᠢ ᠪᠠᠢᠭᠤᠯᠵᠤ ᠥᠭ᠌ᠴᠡᠶ ᠁
《ᠬᠥᠬᠡᠬᠣᠲᠠᠳᠤ ᠢᠷᠡᠪᠡᠯ ᠯᠠᠪᠲᠠᠶ ᠨᠢᠦ ᠵᠢᠶᠸ ᠵᠡᠭᠡᠯᠢᠶ᠋ᠢᠨ ᠣᠨᠴᠠᠯᠢᠭ᠍ᠲᠤ ᠢᠳᠡᠭᠡᠨᠢ ᠠᠮᠲᠠᠯᠠᠵᠤ ᠦᠵᠡᠨᠡ᠃ ᠪᠢᠳᠡ ᠵᠦᠩᠱᠠᠨ ᠪᠠᠷᠠᠭᠤᠨ ᠵᠠᠮᠤᠨ ᠬᠤᠳᠠᠯᠳᠤᠭᠠᠨ ᠤ᠋ ᠲᠤᠭᠤᠷᠢᠭ ᠵᠢᠡᠷ ᠲᠠᠮᠵᠢᠨ᠂ ᠺᠤᠸᠠᠨ ᠰᠢᠶᠠᠩ ᠽᠢ ᠭᠤᠳᠤᠮᠵᠢᠪᠠᠷ ᠲᠣᠭᠣᠷᠢᠵᠤ ᠪᠠᠷᠠᠭᠠᠳ᠂ ᠴᠢᠩ ᠺᠠᠢ ᠴᠢᠶᠣᠤ ᠬᠥᠭᠥᠷᠭᠡᠶ᠋ᠢ ᠰᠣᠨᠢᠷᠬᠠᠭ᠍ᠰᠠᠨᠤ ᠳᠠᠷᠠᠭᠠ᠂ ᠰᠠᠶᠢ ᠡᠨᠳᠡ ᠢᠷᠡᠵᠦ ᠣᠨᠴᠠᠯᠢᠭ᠍ᠲᠤ ᠢᠳᠡᠭᠡᠨᠢ ᠠᠮᠲᠠᠯᠠᠨᠠ᠂ ᠲᠤᠩ ᠪᠠᠶᠠᠷ ᠵᠢᠷᠭᠠᠯ ᠲᠠᠢ᠂ ᠲᠤᠩ ᠤᠳᠭᠠ ᠠᠭᠤᠯᠭᠠ ᠲᠠᠢ ᠰᠠᠨᠠᠬᠳᠠᠨᠠ》 ᠭᠡᠵᠦ᠍ ᠦᠬᠠᠨᠡᠴᠡ ᠢᠷᠡᠭᠰᠡᠨ ᠵᠢᠭᠤᠯᠴᠢᠯᠠᠭᠴᠢ ᠵᠢᠶᠠᠩ ᠮᠠᠨ ᠰᠤᠷᠪᠤᠯᠵᠢᠯᠠᠭ᠍ᠴᠢᠳᠤ ᠬᠡᠯᠡᠪᠡ᠃
ᠠᠮᠲᠠᠲᠤ ᠢᠳᠡᠭᠡᠨᠡᠴᠡ ᠰᠣᠶᠣᠯ ᠢᠷᠭᠡᠨᠱᠢᠯᠦᠨ ᠡᠳᠡᠭᠡᠳ ᠭᠤᠢᠳᠠ ᠦᠵᠡᠮᠵᠢ ᠬᠦᠷᠲᠡᠯᠡ᠂ ᠲᠠᠬᠢᠭᠠᠳ ᠬᠦᠷ ᠬᠦᠭᠵᠢᠶᠡᠨᠳᠤ ᠰᠥᠨᠢᠶ᠋ᠢᠨ ᠦᠵᠡᠮᠵᠢ ᠬᠦᠷᠲᠡᠯᠡ᠂ ᠬᠤᠳᠤᠩ ᠠᠷᠠᠳᠤᠨ ᠲᠤᠭᠤᠷᠢᠭ ᠵᠢᠷᠤᠭ ᠪᠦᠷᠢᠶ᠋ᠢ ᠨᠡᠢᠯᠡᠭᠦᠯᠵᠦ᠍ ᠭᠦᠨ ᠵᠤᠵᠠᠭᠠᠨ ᠲᠡᠦᠬᠡᠲᠡᠶ ᠪᠥᠭᠡᠳ ᠴᠠᠭᠤᠨ ᠦᠨᠭ᠌ᠭᠡᠵᠢ ᠲᠠᠭᠠᠭᠰᠠᠨ ᠱᠢᠨᠡ ᠤᠷᠤᠰᠭᠠᠯᠳᠤ᠂ ᠡᠷᠬᠢᠮᠰᠦᠭ ᠬᠡᠬᠡᠨᠴᠢᠷ ᠪᠥᠭᠡᠳ ᠬᠦᠷ ᠨᠠᠷᠭᠢᠶᠠᠨᠳᠤ ᠬᠣᠲᠣᠩ ᠠᠷᠠᠳᠤᠨ ᠲᠣᠭᠣᠷᠢᠭᠢ ᠪᠦᠷᠢᠯᠳᠦᠭᠦᠯᠵᠡᠢ᠃
ᠬᠣᠲᠣᠩ ᠠᠷᠠᠳᠤᠨ ᠲᠣᠭᠣᠷᠢᠭᠤᠨ 《ᠰᠣᠶᠣᠯ ᠵᠢᠭᠤᠯᠴᠢᠯᠠᠯᠤᠨ ᠪᠦᠷᠢᠨ ᠵᠢᠷᠤᠭ》 ᠨᠢ ᠭᠠᠵᠠᠷ ᠣᠷᠣᠨᠤ ᠤᠯᠠᠨ ᠡᠱᠢᠲᠦ ᠣᠨᠴᠠᠯᠢᠭᠳᠤ ᠡᠯᠧᠮᠧᠨ᠋ᠲᠢ ᠤᠷᠠᠨᠢᠶᠠᠷ ᠠᠭᠤᠰᠤᠯᠴᠠᠭᠤᠯᠵᠤ᠂ ᠬᠤᠲᠠᠶ᠋ᠢᠨ ᠠᠷᠠᠳ᠂ ᠵᠢᠭᠤᠯᠴᠢᠯᠠᠭᠰᠠᠳ ᠤ᠋ᠨ ᠰᠣᠶᠣᠯᠤᠨ ᠲᠤᠬᠠᠢ ᠪᠡᠶᠡᠴᠢᠯᠡᠨ ᠣᠢᠯᠠᠭᠠᠯᠲᠠ ᠢ᠋ ᠨᠡᠩ ᠭᠦᠨᠵᠡᠭᠡᠢ ᠪᠣᠯᠭᠠᠪᠠ᠃
ᠡᠨᠡ ᠬᠦ᠌ 《ᠰᠣᠶᠣᠯ ᠵᠢᠭᠤᠯᠴᠢᠯᠠᠯᠤᠨ ᠪᠦᠷᠢᠨ ᠵᠢᠷᠤᠭ》 ᠨᠢ ᠶᠠᠭ ᠬᠣᠲᠣᠩ ᠠᠷᠠᠳᠤᠨ ᠲᠣᠭᠣᠷᠢᠭᠤᠨ ᠰᠣᠶᠣᠯ ᠵᠢᠭᠤᠯᠴᠢᠯᠠᠯᠤᠨ ᠠᠵᠤ ᠦᠢᠯᠡᠰᠦᠨ ᠬᠥᠭ᠌ᠵᠢᠯᠲᠡᠶ᠋ᠢ ᠠᠬᠢᠭᠤᠯᠬᠤ ᠬᠠᠮᠤᠭᠤᠨ ᠴᠢᠬᠤᠯᠠ ᠭᠠᠷᠳᠠᠴᠠ ᠪᠤᠯᠵᠤ᠂ ᠣᠷᠣᠨ ᠪᠦᠰᠡᠶ᠋ᠢᠨ ᠠᠵᠤ ᠠᠬᠤᠢᠶ᠋ᠢᠨ ᠬᠡᠯᠪᠡᠷᠢᠶ᠋ᠢ ᠬᠤᠪᠢᠷᠠᠭᠤᠯᠤᠨ ᠲᠡᠰ ᠳᠡᠪᠱᠢᠭᠦᠯᠬᠦ᠌᠂ ᠴᠢᠨᠠᠷ ᠰᠠᠢᠲᠠᠢ ᠬᠥᠭ᠌ᠵᠢᠯᠲᠡᠶ᠋ᠢ ᠠᠬᠢᠭᠤᠯᠬᠤ ᠬᠦᠴᠦᠲᠦ ᠬᠥᠳᠡᠯᠭᠡᠭᠦᠷ ᠪᠣᠯᠪᠠ᠃