ᠬᠦᠢᠲᠡᠨ ᠤᠷᠤᠰᠬᠠᠯ ᠮᠠᠨᠤ ᠤᠯᠤᠰᠤᠨ ᠶᠡᠬᠡᠩᠬᠢ ᠭᠠᠵᠠᠷ ᠣᠷᠣᠨᠢ ᠨᠥᠯᠥᠭᠡᠯᠡᠪᠠ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠴᠠᠭ ᠠᠭᠤᠷᠤᠨ ᠲᠣᠪᠴᠢᠶᠠ 1 ᠰᠠᠷᠠᠶᠢᠨ 18 ᠤ᠋ ᠡᠳᠦᠷᠦᠨ 18 ᠴᠠᠭᠲᠤ ᠬᠦᠨᠳᠦ ᠶᠡᠬᠡ ᠴᠠᠭ ᠠᠭᠤᠷᠤᠨ ᠭᠠᠮᠰᠢᠭ᠋ （ᠬᠦᠢᠲᠡᠨ ᠤᠷᠤᠰᠬᠠᠯ） ᠤ᠋ᠨ ᠳᠥᠷᠪᠡᠳᠦᠭᠡᠷ ᠳᠡᠰᠤᠨ ᠪᠠᠴᠢᠮ ᠪᠠᠢᠳᠠᠯᠢ ᠠᠷᠭᠠᠴᠠᠭᠠᠬᠤ ᠲᠦᠰᠦᠯ （ᠬᠦᠢᠲᠡᠨ ᠤᠷᠤᠰᠬᠠᠯ᠂ ᠮᠥᠰᠥᠲᠦᠯ᠂ ᠶᠡᠬᠡ ᠴᠠᠰᠤ） ᠢ᠋ ᠭᠤᠷᠪᠠᠳᠤᠭᠠᠷ ᠳᠡᠰᠪᠤᠯᠭᠠᠵᠤ ᠲᠣᠬᠢᠷᠠᠭᠤᠯᠪᠠ᠃ ᠲᠥᠪᠦᠨ ᠴᠠᠭ ᠠᠭᠤᠷᠤᠨ ᠬᠣᠷᠢᠶᠠ 18 ᠤ᠋ ᠡᠳᠦᠷᠦᠨ 18 ᠴᠠᠭᠲᠤ ᠬᠦᠢᠲᠡᠨ ᠤᠷᠤᠰᠬᠠᠯᠤᠨ ᠰᠢᠷᠠ ᠥᠩᠭᠡᠲᠦ ᠰᠡᠷᠡᠮᠵᠢᠯᠡᠭᠦᠯᠦᠯ ᠢ᠋ ᠦᠷᠭᠦᠯᠵᠢᠯᠡᠨ ᠨᠡᠢᠲᠡᠯᠡᠬᠦᠶᠢᠨ ᠬᠠᠮᠲᠤ ᠮᠦᠰᠦᠳᠦᠯ ᠤ᠋ᠨ ᠰᠢᠷᠠ ᠥᠩᠭᠡᠲᠦ ᠰᠡᠷᠡᠮᠵᠢᠯᠡᠭᠦᠯᠦᠯ ᠪᠠ ᠶᠡᠬᠡ ᠴᠠᠰᠤᠨ ᠤ᠋ ᠬᠥᠬᠡ ᠥᠩᠭᠡᠲᠦ ᠰᠡᠷᠡᠮᠵᠢᠯᠡᠭᠦᠯᠦᠯᠢ ᠨᠡᠢᠲᠡᠯᠡᠪᠡ᠃
ᠬᠦᠢᠲᠡᠨ ᠤᠷᠤᠰᠬᠠᠯᠤᠨ ᠨᠥᠯᠥᠭᠡᠡᠴᠡ ᠪᠣᠯᠵᠤ᠂ 18 ᠤ᠋ ᠰᠥᠨᠢᠡᠴᠡ 21 ᠪᠣᠯᠲᠠᠯᠠ ᠮᠠᠨᠤ ᠤᠯᠤᠰᠤᠨ ᠳᠤᠮᠳᠠ ᠵᠡᠭᠦᠨ ᠪᠡᠶᠠ ᠵᠢᠨ ᠭᠠᠵᠠᠷ ᠣᠷᠣᠨᠳᠤ ᠶᠡᠬᠡ ᠰᠠᠯᠬᠢ ᠰᠠᠯᠬᠢᠯᠠᠵᠤ᠂ ᠡᠳᠦᠷᠦᠨ ᠳᠤᠮᠳᠠᠴᠢ ᠳᠤᠯᠠᠭᠠᠨ ᠤ᠋ ᠬᠡᠮᠵᠢᠶᠠ ᠪᠤᠶᠤ ᠬᠠᠮᠤᠭᠤᠨ ᠳᠣᠣᠷᠠ ᠳᠤᠯᠠᠭᠠᠨ ᠤ᠋ ᠬᠡᠮᠵᠢᠶᠠ ᠨᠡᠢᠳᠡᠮᠳᠡᠭᠡᠨ 6°C ᠡᠴᠡ 12°C ᠪᠠᠭᠤᠷᠠᠵᠤ᠂ ᠬᠠᠲᠤᠨ ᠭᠣᠣᠯ ᠬᠤᠸᠠᠢᠾᠧ ᠭᠣᠣᠯᠤᠨ ᠡᠮᠦᠨᠠ ᠪᠡᠶᠠ᠂ ᠬᠥᠬᠡᠮᠥ᠋ᠷᠡᠨ ᠬᠤᠸᠠᠢᠾᠧ ᠭᠣᠣᠯᠤᠨ ᠪᠠᠷᠠᠭᠤᠨ ᠪᠡᠶᠠ᠂ ᠵᠢᠶᠠᠩᠨᠠᠨᠤ ᠡᠮᠦᠨᠠ ᠪᠡᠶᠠ ᠵᠢᠴᠢ ᠭᠦᠢᠵᠧᠦᠶᠢᠨ ᠳᠤᠮᠳᠠ ᠵᠡᠭᠦᠨ ᠪᠡᠶᠠ᠂ ᠭᠤᠸᠠᠩᠰᠢᠶᠢᠨ ᠬᠣᠢᠲᠤ ᠪᠡᠶᠠ ᠵᠡᠷᠭᠡ ᠬᠡᠰᠡᠭ ᠭᠠᠵᠠᠷ ᠣᠷᠣᠨᠳᠤ ᠲᠤᠯᠠᠭᠠᠨᠤ ᠬᠡᠮᠵᠢᠶᠡ 12°C ᠡᠴᠡ 14°C ᠪᠠᠭᠤᠷᠠᠵᠤ᠂ ᠬᠡᠰᠡᠭ ᠭᠠᠵᠠᠷᠲᠤ 16°C ᠡᠴᠡ ᠳᠡᠭᠡᠭᠰᠢ ᠪᠠᠭᠤᠷᠠᠨᠠ᠃ 1 ᠰᠠᠷᠠᠶᠢᠨ 21 ᠤ᠋ ᠡᠳᠦᠷᠦᠨ ᠥᠷᠯᠥᠭᠡ ᠡᠷᠲᠡ᠂ ᠬᠠᠮᠤᠭᠤᠨ ᠳᠣᠣᠷᠠ ᠳᠤᠯᠠᠭᠠᠨᠤ ᠬᠡᠮᠵᠢᠶᠡ 0°C ᠤ᠋ᠨ ᠱᠤᠭᠤᠮ ᠭᠦᠢᠵᠧᠦᠶᠢᠨ ᠡᠮᠦᠨᠡ ᠪᠡᠶᠠ — ᠬᠤᠨᠠᠨᠤ ᠡᠮᠦᠨᠡ ᠪᠡᠶᠠ — ᠵᠢᠶᠠᠩᠰᠢᠶᠢᠨ ᠳᠤᠮᠳᠠ ᠪᠡᠶᠠ — ᠵᠧᠵᠢᠶᠠᠩᠤᠨ ᠡᠮᠦᠨᠡ ᠪᠡᠶᠠ ᠬᠦᠷᠳᠡᠯᠠ ᠡᠮᠦᠨᠡᠰᠢᠯᠡᠨᠠ᠃
ᠶᠡᠬᠡ ᠴᠠᠰᠤᠨ ᠤ᠋ ᠲᠤᠬᠠᠢ ᠲᠥᠪᠦᠨ ᠴᠠᠭ ᠠᠭᠤᠷᠤᠨ ᠬᠣᠷᠢᠶᠠ ᠵᠢᠨ ᠵᠢᠱ᠌ᠢᠯᠲᠡᠪᠡᠷ᠂ 18 ᠤ᠋ 20 ᠴᠠᠭ ᠡᠴᠡ 19 ᠤ᠋ 20 ᠴᠠᠭ ᠪᠣᠯᠲᠠᠯᠠ ᠱᠠᠨᠰᠢᠶᠢᠨ ᠡᠮᠦᠨᠠ ᠪᠡᠶᠠ᠂ ᠾᠧᠨᠠᠨᠤ ᠳᠤᠮᠳᠠ ᠡᠮᠦᠨᠠ ᠪᠡᠶᠠ᠂ ᠠᠨᠾᠦ᠋ᠢᠶᠢᠨ ᠬᠣᠢᠲᠤ ᠪᠡᠶᠠ᠂ ᠬᠤᠪᠧᠢᠶᠢᠨ ᠪᠠᠷᠠᠭᠤᠨ ᠬᠣᠢᠲᠤ ᠪᠡᠶᠠ ᠵᠡᠷᠭᠡ ᠭᠠᠵᠠᠷᠲᠤ ᠶᠡᠬᠡ ᠴᠠᠰᠤ ᠣᠷᠣᠨᠠ᠃ ᠡᠭᠦᠨᠳᠦ᠂ ᠱᠠᠨᠰᠢᠶᠢᠨ ᠡᠮᠦᠨᠠ ᠪᠡᠶᠠ᠂ ᠾᠧᠨᠠᠨᠤ ᠡᠮᠦᠨᠠ ᠪᠡᠶᠠ ᠪᠣᠯᠣᠨ ᠪᠠᠷᠠᠭᠤᠨ ᠪᠡᠶᠠ᠂ ᠠᠨᠾᠦ᠋ᠢᠶᠢᠨ ᠪᠠᠷᠠᠭᠤᠨ ᠬᠣᠢᠲᠤ ᠪᠡᠶᠠ᠂ ᠬᠤᠪᠧᠢᠶᠢᠨ ᠪᠠᠷᠠᠭᠤᠨ ᠬᠣᠢᠲᠤ ᠪᠡᠶᠠ ᠵᠡᠷᠭᠡ ᠭᠠᠵᠠᠷ ᠣᠷᠣᠨᠳᠤ ᠶᠡᠬᠡ ᠴᠠᠰᠤ ᠤᠷᠤᠨᠠ᠃
ᠮᠥᠰᠥᠲᠦᠯᠦᠨ ᠲᠠᠯᠠᠪᠠᠷ᠂ ᠲᠥᠪᠦᠨ ᠴᠠᠭ ᠠᠭᠤᠷᠤᠨ ᠬᠣᠷᠢᠶᠠ ᠵᠢᠨ ᠵᠢᠱ᠌ᠢᠯᠲᠡᠪᠡᠷ᠂ 18 ᠤ᠋ 20 ᠴᠠᠭ ᠡᠴᠡ 19 ᠤ᠋ 20 ᠴᠠᠭ ᠪᠣᠯᠲᠠᠯᠠ᠂ ᠾᠧᠨᠠᠨᠤ ᠵᠡᠭᠦᠨ ᠡᠮᠦᠨᠠ ᠪᠡᠶᠠ᠂ ᠠᠨᠾᠦ᠋ᠢ ᠵᠢᠨ ᠪᠠᠷᠠᠭᠤᠨ ᠪᠡᠶᠠ᠂ ᠬᠤᠪᠧᠢ ᠵᠢᠨ ᠬᠣᠢᠲᠤ ᠪᠡᠶᠠ ᠪᠠ ᠪᠠᠷᠠᠭᠤᠨ ᠪᠡᠶᠠ᠂ ᠱᠠᠨᠰᠢᠶᠢᠨ ᠵᠡᠭᠦᠨ ᠡᠮᠦᠨᠠ ᠪᠡᠶᠠ᠂ ᠴᠦᠩᠴᠢᠩᠦᠨ ᠬᠣᠢᠲᠤ ᠪᠡᠶᠠ ᠵᠡᠷᠭᠡ ᠵᠢᠨ ᠵᠠᠷᠢᠮ ᠭᠠᠵᠠᠷ ᠣᠷᠣᠨᠳᠤ ᠮᠦᠰᠦ ᠲᠠᠢ ᠪᠤᠷᠤᠭᠠᠨ ᠪᠤᠶᠤ ᠮᠦᠨᠳᠦᠷᠦᠨᠴᠢᠷᠪᠠᠭᠤᠨᠠ᠃
（ᠰᠢᠨᠬᠤᠸᠠ ᠬᠣᠷᠢᠶᠠ ᠵᠢᠨ ᠪᠡᠭᠡᠵᠢᠩᠦᠨ 1 ᠰᠠᠷᠠᠶᠢᠨ 18 ᠤ᠋ ᠴᠠᠬᠢᠯᠭᠠᠨ ᠮᠡᠳᠡᠭᠡ）