15 ᠤ ᠡᠳᠦᠷ᠂ 2026 ᠣᠨᠤ
ᠪᠥᠬᠥ ᠤᠯᠤᠰᠤᠨ ᠴᠡᠷᠢᠭ ᠡᠯᠰᠡᠬᠦ ᠠᠵᠢᠯᠤᠨ ᠸᠢᠳᠢᠣ᠋ ᠬᠤᠷᠠᠯ ᠪᠡᠭᠡᠵᠢᠩᠳᠦ ᠬᠤᠷᠠᠯᠳᠤᠵᠤ᠂ ᠡᠨᠡ ᠵᠢᠯᠤᠨ
ᠬᠤᠶᠠᠷ ᠤᠳᠠᠭᠠᠨᠤ ᠴᠡᠷᠢᠭ ᠡᠯᠰᠡᠬᠦ ᠠᠵᠢᠯᠢ ᠳᠤᠬᠢᠷᠠᠭᠤᠯᠪᠠ᠃
ᠴᠡᠷᠢᠭ ᠡᠯᠰᠡᠬᠦ ᠴᠠᠭ
ᠳᠡᠭᠡᠷᠡ ᠬᠠᠭᠠᠰ ᠵᠢᠯᠦᠨ
ᠴᠡᠷᠢᠭ ᠡᠯᠰᠡᠬᠦ ᠠᠵᠢᠯ 2 ᠰᠠᠷᠠᠶᠢᠨ 24ᠦ ᠡᠳᠦᠷᠡᠴᠡ ᠡᠬᠢᠯᠡᠵᠦ᠂ 3 ᠰᠠᠷᠠᠶᠢᠨ 31ᠦ ᠡᠳᠦᠷ ᠳᠠᠭᠤᠰᠤᠨᠠ；
ᠳᠣᠣᠷᠠ ᠬᠠᠭᠠᠰ ᠵᠢᠯᠦᠨ
ᠴᠡᠷᠢᠭ ᠡᠯᠰᠡᠬᠦ ᠠᠵᠢᠯ 8 ᠰᠠᠷᠠᠶᠢᠨ 15ᠤ ᠡᠳᠦᠷᠡᠴᠡ ᠡᠬᠢᠯᠡᠵᠦ᠂ 9 ᠰᠠᠷᠠᠶᠢᠨ 30ᠤ ᠡᠳᠦᠷ ᠳᠠᠭᠤᠰᠤᠨᠠ᠃
ᠡᠯᠰᠡᠬᠦ ᠡᠲᠡᠭᠡᠳ
ᠣᠶᠤᠲᠠᠳᠢᠶᠠᠷ ᠭᠣᠣᠯᠳᠠᠯᠭᠠ
ᠪᠣᠯᠭᠠᠵᠤ᠂ ᠡᠯᠡ ᠱᠠᠲᠤᠨᠤ ᠡᠯᠡ ᠲᠥᠷᠥᠯᠦᠨ ᠰᠤᠷᠭᠠᠭᠤᠯᠢ ᠲᠡᠭᠦᠰᠦᠭᠰᠡᠳᠢ ᠡᠯᠰᠡᠬᠦᠶᠢ
ᠳᠣᠪᠣᠶ᠋ᠢᠯᠭᠠᠨᠠ᠃
ᠡᠯᠰᠡᠬᠦ ᠡᠮᠡᠭᠲᠡᠢ ᠵᠠᠯᠠᠭᠤᠴᠤᠳ
ᠨᠢ ᠡᠩᠦᠨ ᠥᠨᠳᠥᠷ ᠵᠡᠷᠭᠡᠶᠢᠨ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢᠶᠢᠨ ᠲᠤᠰ ᠬᠤᠭᠤᠴᠠᠭᠠᠨᠤ ᠲᠡᠭᠦᠰᠦᠭᠰᠡᠳ᠂ ᠡᠩᠦᠨ
ᠳᠡᠭᠡᠳᠦ ᠵᠡᠷᠭᠡᠶᠢᠨ ᠰᠤᠷᠭᠠᠭᠤᠯᠢ ᠪᠠ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠤ ᠰᠤᠳᠤᠯᠭᠠᠨᠤ ᠪᠠᠢᠭᠤᠯᠤᠮᠵᠢᠶᠢᠨ ᠪᠦᠬᠦᠯᠢ
ᠡᠳᠦᠷᠦᠨ ᠳᠦᠷᠢᠮᠲᠦ ᠲᠡᠭᠦᠰᠦᠭᠰᠡᠳ ᠵᠢᠴᠢ ᠰᠤᠷᠭᠠᠭᠤᠯᠢᠳᠤ ᠪᠠᠢᠭᠠ ᠰᠤᠷᠤᠭ᠍ᠴᠢᠳ ᠪᠣᠯᠣᠨᠠ᠃
ᠡᠯᠰᠡᠬᠦ ᠨᠠᠰᠤ
·ᠡᠷᠡᠭᠲᠡᠢ ᠵᠠᠯᠠᠭᠤᠴᠤᠳ ᠨᠢ
2026 ᠣᠨᠳᠤ ᠪᠦᠬᠦᠯᠢ 18 ᠡᠴᠠ 22 ᠨᠠᠰᠤ ᠬᠦᠷᠴᠦ᠂ ᠡᠩᠦᠨ ᠳᠡᠭᠡᠳᠦ ᠵᠡᠷᠭᠡᠶᠢᠨ ᠰᠤᠷᠭᠠᠭᠤᠯᠢᠶᠢᠨ ᠵᠢᠩᠬᠢᠨᠢ
ᠠᠩᠭᠢ ᠪᠠ ᠲᠤᠰᠬᠠᠢ ᠮᠡᠷᠭᠡᠵᠢᠯᠦᠨ ᠠᠩᠭᠢᠠᠴᠠ ᠲᠡᠭᠦᠰᠦᠭᠰᠡᠳ᠂ ᠲᠡᠭᠦᠰᠬᠦ ᠨᠥᠬᠥᠴᠡᠯᠳᠦ ᠨᠡᠢᠴᠡᠬᠦ ᠲᠡᠭᠦᠰᠬᠦ
ᠠᠩᠭᠢᠶᠢᠨ ᠰᠤᠷᠤᠭ᠍ᠴᠢᠳᠤᠨ ᠨᠠᠰᠤ ᠵᠢ ᠪᠦᠬᠦᠯᠢ 24 ᠨᠠᠰᠤ ᠬᠦᠷᠲᠡᠯᠡ ᠠᠭᠤᠵᠢᠭᠤ ᠲᠠᠯᠪᠢᠵᠤ᠂ ᠠᠰᠫᠢᠷᠠᠨᠲ
ᠲᠡᠭᠦᠰᠦᠭᠰᠡᠳ ᠵᠢᠴᠢ ᠰᠤᠷᠭᠠᠭᠤᠯᠢᠳᠤ ᠪᠠᠢᠭᠠ ᠰᠤᠷᠤᠭ᠍ᠴᠢᠳᠤᠨ ᠨᠠᠰᠤ ᠵᠢ ᠪᠦᠬᠦᠯᠢ 26 ᠨᠠᠰᠤ ᠬᠦᠷᠲᠡᠯᠡ
ᠠᠭᠤᠵᠢᠭᠤ ᠲᠠᠯᠪᠢᠵᠤ᠂ ᠠᠩᠬᠠ ᠵᠡᠷᠭᠡᠶᠢᠨ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢᠠᠴᠠ ᠲᠡᠭᠦᠰᠦᠭᠰᠡᠨ ᠰᠣᠶᠣᠯᠤᠨ ᠬᠢᠷᠢ
ᠬᠡᠮᠵᠢᠶᠡᠲᠠᠢ ᠡᠷᠡᠭᠲᠡᠢ ᠵᠠᠯᠠᠭᠤᠴᠤᠳᠢ ᠪᠦᠬᠦᠯᠢ 20 ᠨᠠᠰᠤᠠᠴᠠ ᠬᠡᠲᠦᠷᠡᠭᠦᠯᠵᠦ ᠪᠣᠯᠬᠤ ᠦᠭᠡᠢ；
·ᠡᠮᠡᠭᠲᠡᠢ ᠵᠠᠯᠠᠭᠤᠴᠤᠳ ᠨᠢ
2026 ᠣᠨᠳᠤ ᠪᠦᠬᠦᠯᠢ 18 ᠡᠴᠠ 22 ᠨᠠᠰᠤ ᠬᠦᠷᠴᠦ᠂ ᠪᠦᠬᠦᠯᠢ ᠡᠳᠦᠷᠦᠨ ᠳᠦᠷᠢᠮᠲᠦ ᠠᠰᠫᠢᠷᠠᠨᠲ ᠵᠢᠴᠢ ᠰᠤᠷᠭᠠᠭᠤᠯᠢᠳᠤ
ᠪᠠᠢᠭᠠ ᠰᠣᠷᠣᠭ᠍ᠴᠢᠳᠤᠨ ᠨᠠᠰᠤᠶᠢ ᠪᠦᠬᠦᠯᠢ 26 ᠨᠠᠰᠤ ᠬᠦᠷᠲᠡᠯᠡ ᠠᠭᠤᠵᠢᠭᠤ ᠲᠠᠯᠪᠢᠵᠤ᠂ ᠳᠡᠭᠡᠷᠡ ᠬᠠᠭᠠᠰ
ᠵᠢᠯᠳᠦ ᠡᠯᠰᠡᠬᠦ ᠡᠩᠦᠨ ᠳᠡᠭᠡᠳᠦ ᠵᠡᠷᠭᠡᠶᠢᠨ ᠰᠤᠷᠭᠠᠭᠤᠯᠢᠶᠢᠨ ᠪᠦᠬᠦᠯᠢ ᠡᠳᠦᠷᠦᠨ ᠳᠦᠷᠢᠮᠲᠦ ᠵᠢᠩᠬᠢᠨᠢ
ᠠᠩᠭᠢ ᠪᠠ ᠲᠤᠰᠬᠠᠢ ᠮᠡᠷᠭᠡᠵᠢᠯᠦᠨ ᠠᠩᠭᠢᠠᠴᠠ ᠲᠡᠭᠦᠰᠦᠭᠰᠡᠳᠤᠨ ᠨᠠᠰᠤᠶᠢ ᠪᠦᠬᠦᠯᠢ 23 ᠨᠠᠰᠤ ᠬᠦᠷᠲᠡᠯᠡ
ᠠᠭᠤᠵᠢᠭᠤ ᠲᠠᠯᠪᠢᠨᠠ᠃
ᠬᠤᠷᠠᠯᠠᠴᠠ᠂ ᠦᠷᠡᠭᠳᠡᠭᠰᠡᠨ
ᠪᠠᠭᠠᠲᠤᠷ᠂ ᠠᠯᠪᠠᠨ ᠶᠠᠪᠤᠳᠠᠯᠢᠶᠠᠷ ᠪᠡᠶᠡ ᠦᠷᠡᠭᠳᠡᠭᠰᠡᠨ ᠴᠡᠷᠢᠭ᠂ ᠡᠪᠡᠳᠴᠢᠨᠢᠶᠡᠷ ᠨᠠᠰᠤ ᠪᠠᠷᠠᠭᠰᠠᠨ ᠴᠡᠷᠢᠭ
ᠬᠥᠮᠥᠨᠦ ᠦᠷᠡ ᠬᠡᠦᠬᠡᠳ᠂ ᠠᠬᠠ ᠳᠡᠭᠦᠦ ᠡᠭᠡᠴᠢ ᠥᠬᠢᠨ ᠳᠡᠭᠦᠦ ᠪᠣᠯᠣᠨ ᠠᠯᠪᠠ ᠬᠠᠭᠠᠵᠤ ᠪᠠᠢᠭᠠ ᠴᠡᠷᠢᠭ
ᠬᠥᠮᠥᠨᠦ ᠦᠷᠡ ᠬᠡᠦᠬᠡᠳ᠂ ᠠᠶᠤᠯ ᠭᠠᠮᠰᠢᠭ᠋ᠠᠴᠠ ᠠᠪᠤᠷᠠᠬᠤ ᠪᠠ ᠭᠠᠮᠰᠢᠭ᠍ᠳᠠᠭᠰᠠᠨ ᠣᠷᠣᠨᠢ ᠰᠡᠷᠭᠦᠭᠡᠨ ᠳᠠᠬᠢᠨ
ᠪᠠᠶ᠋ᠢᠭᠤᠯᠬᠤ ᠳᠤᠮᠳᠠ ᠲᠣᠪᠣᠢᠮᠠ ᠢᠯᠡᠷᠡᠯᠲᠠᠢ ᠰᠢᠯᠢᠳᠡᠭ ᠵᠠᠯᠠᠭᠤᠴᠤᠳ ᠨᠥᠬᠥᠴᠡᠯᠳᠦ ᠨᠡᠢᠴᠡᠪᠡᠯ ᠴᠡᠷᠢᠭᠲᠦ
ᠣᠷᠣᠬᠤᠶᠢ ᠤᠷᠢᠳᠢᠶᠠᠷ ᠵᠥᠪᠰᠢᠶᠡᠷᠡᠬᠦ ᠬᠡᠷᠡᠭᠲᠡᠢ᠃ ᠬᠣᠣᠰ ᠬᠡᠯᠡ ᠮᠡᠳᠡᠳᠡᠭ᠂ ᠰᠣᠶᠣᠯᠤᠨ ᠬᠢᠷᠢ ᠬᠡᠮᠵᠢᠶᠡᠪᠡᠷ
ᠨᠡᠯᠢᠶᠡᠳ ᠥᠨᠳᠥᠷ᠂ ᠶᠡᠷᠦᠩᠬᠡᠢᠯᠡᠭᠰᠡᠨ ᠬᠡᠪ ᠴᠢᠨᠠᠷᠢᠶᠠᠷ ᠰᠠᠢᠨ ᠵᠠᠯᠠᠭᠤᠴᠤᠳᠢ ᠢᠯᠡᠭᠦᠬᠡᠨ ᠡᠯᠰᠡᠵᠦ ᠴᠡᠷᠢᠭᠲᠦ
ᠣᠷᠣᠭᠤᠯᠤᠨᠠ᠃ ᠬᠤᠪᠢᠰᠬᠠᠯᠤᠨ ᠡᠷᠲᠡ ᠴᠢᠯᠦᠭᠡᠯᠡᠭᠳᠡᠭᠰᠡᠨ ᠣᠷᠣᠨᠳᠤ ᠠᠬᠠᠮᠠᠳ ᠤᠯᠠᠭᠠᠨ ᠴᠡᠷᠢᠭ᠂ ᠠᠬᠠᠮᠠᠳ
ᠴᠡᠷᠢᠭᠡᠴᠡ ᠬᠠᠯᠠᠭᠳᠠᠭᠰᠠᠳᠤᠨ ᠦᠷᠡ ᠬᠤᠢᠴᠢᠰᠢ ᠢᠯᠡᠭᠦᠬᠡᠨ ᠴᠡᠷᠢᠭᠲᠦ ᠡᠯᠰᠡᠪᠡᠯ ᠵᠤᠬᠢᠨᠠ ᠭᠡᠵᠦ
ᠵᠢᠭᠠᠵᠤ ᠭᠠᠷᠭᠠᠪᠠ᠃
ᠵᠣᠬᠢᠬᠤ ᠨᠠᠰᠤᠨᠤ ᠵᠠᠯᠠᠭᠤᠴᠤᠳ
ᠥᠪᠡᠰᠦᠪᠡᠨ《ᠪᠥᠬᠥ ᠤᠯᠤᠰᠤᠨ ᠴᠡᠷᠢᠭ ᠡᠯᠰᠡᠬᠦ ᠰᠦᠯᠵᠢᠶᠡ》ᠳ᠋ᠤ ᠭᠠᠷᠴᠤ᠂ ᠬᠠᠮᠢᠶᠠ ᠪᠦᠬᠦᠢ ᠮᠡᠳᠡᠭᠡ ᠵᠠᠩᠭᠢᠶᠢ ᠦᠨᠡᠨ ᠮᠥᠨᠢᠶᠡᠷ ᠨᠢ ᠲᠠᠭᠯᠠᠵᠤ
ᠨᠡᠷᠡ ᠮᠡᠳᠡᠭᠦᠯᠦᠨ ᠡᠯᠰᠡᠭᠦᠯᠬᠦ ᠬᠡᠷᠡᠭᠲᠡᠢ᠃
（ᠢᠷᠡᠯᠲᠡ᠄ ᠠᠷᠠᠳᠤᠨ
ᠡᠳᠦᠷᠤᠨ ᠰᠤᠨᠢᠨ）