《ᠭᠠᠷ ᠵᠢᠡᠷ ᠪᠢᠴᠢᠭᠰᠡᠨ ᠬᠣᠣᠰ ᠤᠶᠠᠩᠭᠠ ᠨᠡᠩ ᠢᠯᠡᠬᠦᠦ ᠴᠠᠭᠠᠨ ᠰᠠᠷᠠ ᠵᠢᠨ ᠦᠨᠭᠭᠡ ᠠᠶᠠᠰ ᠲᠡᠢ！》 2 ᠰᠠᠷᠠᠶᠢᠨ 10 ᠤ᠋ ᠡᠳᠦᠷ᠂ ᠪᠢᠯᠢᠭᠦᠨ ᠤᠯᠠᠷᠢᠯᠤᠨ ᠬᠦᠬᠡᠬᠡ ᠰᠠᠷᠠ ᠵᠢᠨ ᠬᠤᠷᠢᠨ ᠭᠤᠷᠪᠡᠨᠳᠦ ᠵᠢᠩ ᠰᠦᠢ ᠲᠡᠮᠦᠷ ᠵᠠᠮᠤᠨ ᠰᠣᠶᠣᠯᠤᠨ ᠬᠦᠷᠢᠶᠡᠯᠡᠩᠳᠦ ᠱᠠᠨ ᠰᠢᠶᠢᠨ ᠵᠢᠭᠤᠯᠴᠢᠯᠠᠭᠴᠢ ᠸᠠᠩ ᠨᠠᠰᠤᠲᠠᠨ ᠰᠠᠶᠢᠬᠠᠨ ᠪᠢᠴᠢᠭᠰᠡᠨ ᠬᠣᠣᠰ ᠤᠶᠠᠩᠭᠠᠪᠠᠨ ᠡᠷᠭᠦᠨ 《ᠬᠥᠬᠡᠬᠣᠲᠠᠶᠢᠨ ᠡᠪᠦᠯᠦᠨ ᠤᠯᠠᠷᠢᠯᠤᠨ ᠰᠣᠶᠣᠯ ᠵᠢᠭᠤᠯᠴᠢᠯᠠᠯᠤᠨ ᠳᠦᠷᠦᠯ ᠵᠦᠢᠯ ᠡᠢᠮᠦ ᠪᠠᠶᠠᠯᠢᠭ᠋ ᠭᠡᠳᠡᠭᠢ ᠪᠤᠳᠤᠵᠤ ᠤᠯᠤᠭᠰᠠᠨ ᠦᠭᠡᠢ》 ᠭᠡᠵᠦ ᠪᠠᠶᠠᠷᠯᠠᠨ ᠶᠠᠷᠢᠨᠠ᠃
ᠪᠢᠯᠢᠭᠦᠨ ᠤᠯᠠᠷᠢᠯᠤᠨ ᠬᠦᠬᠡᠬᠡ ᠰᠠᠷᠠ ᠵᠢᠨ ᠬᠤᠷᠢᠨ ᠭᠤᠷᠪᠡᠨᠡᠴᠡ ᠡᠬᠢᠯᠡᠵᠦ᠂ ᠬᠥᠬᠡᠬᠣᠲᠠᠶᠢᠨ ᠰᠠᠢᠬᠠᠨ ᠲᠣᠭᠣᠷᠢᠭ᠋ᠤᠨ ᠡᠯᠡ ᠲᠦᠷᠦᠯᠦᠨ ᠴᠠᠭᠠᠨ ᠰᠠᠷᠠᠶᠢᠨ ᠠᠵᠢᠯᠯᠠᠭᠠ ᠵᠠᠯᠭᠠᠭᠠᠪᠠᠷ ᠶᠠᠪᠤᠭᠳᠠᠵᠤ᠂ ᠤᠯᠠᠮᠵᠢᠯᠠᠯᠲᠤ ᠠᠷᠠᠳᠤᠨ ᠵᠠᠩ ᠳᠠᠳᠬᠠᠯᠡᠴᠡ ᠤᠳᠤ ᠦᠶᠡᠶᠢᠨ ᠵᠤᠭᠠ ᠴᠡᠩᠭᠡᠯ ᠬᠦᠷᠲᠡᠯᠡ᠂ ᠰᠣᠶᠣᠯᠤᠨ ᠦᠪᠡᠳᠡᠭᠰᠢ ᠨᠠᠢᠷᠡᠴᠡ ᠮᠥᠰᠥ ᠴᠠᠰᠤᠨᠤ ᠪᠠᠶᠠᠷ ᠪᠤᠯᠲᠠᠯᠠ᠂ ᠭᠠᠳᠠᠷ ᠣᠷᠣᠨᠤ ᠵᠢᠭᠤᠯᠴᠢᠯᠠᠭᠴᠢ ᠨᠢᠭᠡ ᠪᠦᠷᠢᠳᠦ ᠰᠢᠨᠡ ᠵᠢᠯᠦᠨ ᠦᠨᠦᠷ ᠠᠮᠲᠠ ᠪᠣᠯᠣᠨ ᠬᠠᠯᠠᠭᠤᠨ ᠳᠤᠯᠠᠭᠠᠨᠢ ᠮᠡᠳᠡᠷᠡᠭᠦᠯᠵᠡᠢ᠃
《ᠬᠤᠳᠠᠯᠳᠤᠭᠠᠨᠤ ᠠᠰᠠᠷᠲᠤ ᠣᠷᠣᠮᠠᠭᠴᠠ ᠮᠣᠷᠢᠨ ᠵᠢᠯᠤᠨ ᠲᠤᠰᠬᠠᠢ ᠪᠡᠯᠡᠭ ᠲᠤᠰᠪᠠ᠃ ᠬᠤᠳᠠᠯᠳᠤᠨ ᠠᠪᠤᠭ᠍ᠴᠢ ᠨᠠᠳᠠᠳᠦ ᠪᠠᠰᠠ ᠮᠣᠩᠭᠣᠯ ᠦᠨᠳᠦᠰᠦᠲᠡᠨᠦ ᠬᠠᠳᠬᠤᠮᠠᠯ ᠬᠤᠪᠴᠠᠰᠤ ᠰᠣᠩᠭᠣᠵᠤ ᠥᠭᠴᠡᠢ᠂ ᠪᠠᠰᠠ ᠵᠣᠭᠣᠰᠤᠨ ᠲᠡᠮᠳᠡᠭᠲᠦ ᠬᠡᠷᠡᠭᠯᠡᠵᠦ ᠪᠣᠯᠣᠨᠠ᠂ ᠡᠨᠡ ᠤᠳᠠᠭᠠᠶᠢᠨ ᠴᠠᠭᠠᠨ ᠰᠠᠷᠠᠶᠢᠨ ᠪᠠᠷᠠᠭᠠ ᠠᠪᠤᠯᠳᠠ ᠰᠠᠨᠠᠭᠠᠨᠳᠤ ᠮᠠᠰᠢ ᠳᠠᠭᠠᠷᠠᠵᠠᠢ！》 2 ᠰᠠᠷᠠᠶᠢᠨ 13ᠤ᠋ ᠡᠳᠦᠷ᠂ ᠱᠠᠩᠬᠠᠢᠳᠤ ᠠᠵᠢᠯᠯᠠᠳᠠᠭ ᠯᠢᠨ ᠠᠪᠠᠬᠠᠢ ᠮᠣᠤᠯ ᠬᠣᠲᠠ ᠬᠤᠳᠠᠯᠳᠤᠭᠠᠨᠤ ᠠᠰᠠᠷ ᠲᠦ᠍ ᠥᠪᠡᠷᠦᠨ ᠪᠠᠶᠠᠷ ᠵᠢᠷᠭᠠᠯᠢᠶᠠᠨ ᠬᠤᠪᠢᠶᠠᠯᠴᠠᠯᠠ᠃
ᠰᠠᠢᠬᠠᠨ ᠲᠣᠭᠣᠷᠢᠭ᠋ᠤᠨ ᠴᠠᠭᠠᠨ ᠰᠠᠷᠠᠶᠢᠨ ᠬᠡᠷᠡᠭᠯᠡᠭᠡᠨᠦ ᠭᠣᠣᠯ ᠵᠢᠭ᠍ᠰᠠᠭᠠᠯ ᠭᠠᠵᠠᠷ ᠪᠣᠯᠤᠭᠰᠠᠨᠤ ᠬᠤᠪᠢᠳᠤ ᠮᠣᠤᠯ ᠬᠤᠳᠠ ᠬᠤᠳᠠᠯᠳᠤᠭᠠᠨᠤ ᠠᠰᠠᠷ᠂ ᠵᠦᠩ ᠱᠠᠩ ᠱᠢ ᠵᠢᠶᠸ ᠬᠤᠳᠠᠯᠳᠤᠭᠠᠨᠤ ᠠᠰᠠᠷ ᠨᠢ ᠪᠠᠶᠠᠯᠢᠭ ᠰᠠᠢᠬᠠᠨ ᠪᠣᠷᠤᠯᠠᠭᠤᠯᠭᠠᠶᠢ ᠠᠬᠢᠭᠤᠯᠬᠤ ᠪᠠ ᠰᠣᠶᠣᠯᠤᠨ ᠠᠵᠢᠯᠯᠠᠭᠠ ᠥᠷᠨᠢᠭᠦᠯᠪᠡ᠃ ᠮᠣᠤᠯ ᠬᠣᠲᠠ ᠬᠤᠳᠠᠯᠳᠤᠭᠠᠨᠤ ᠠᠰᠠᠷᠤᠨ 《ᠮᠣᠷᠢᠨ ᠵᠢᠯ·ᠭᠠᠨᠵᠤᠭᠠ ᠳᠦᠭᠦᠷᠡᠩ》 ᠠᠵᠢᠯᠯᠠᠭᠠ ᠨᠢ ᠴᠠᠭᠠᠨ ᠰᠠᠷᠠᠶᠢᠨ ᠪᠠᠷᠠᠭᠠᠨᠤ ᠴᠤᠭᠯᠠᠭᠠᠨ᠂ ᠠᠮᠠᠷᠠᠭ ᠬᠤᠤᠰᠤᠨ ᠪᠠᠶᠠᠷᠤᠨ ᠲᠤᠰᠬᠠᠢ ᠠᠵᠢᠯᠯᠠᠭᠠ ᠵᠢ ᠪᠠᠭᠲᠠᠭᠠᠭᠰᠠᠨ ᠵᠢᠡᠷ ᠪᠠᠷᠠᠬᠤ ᠦᠭᠡᠢ ᠪᠠᠰᠠ ᠴᠤᠤᠷᠢᠶᠠ ᠲᠠᠪᠴᠠᠩᠢᠶᠠᠷ ᠳᠠᠮᠵᠢᠭᠤᠯᠤᠨ ᠡᠯᠡ ᠲᠥᠷᠥᠯᠦᠨ ᠵᠣᠭᠣᠰᠤᠨ ᠲᠡᠮᠳᠡᠭᠲᠦ ᠲᠠᠷᠬᠠᠭᠠᠪᠠ᠃ ᠵᠦᠩ ᠱᠠᠩ ᠱᠢ ᠵᠢᠶᠸ ᠬᠤᠳᠠᠯᠳᠤᠭᠠᠨᠤ ᠠᠰᠠᠷᠤᠨ 《ᠰᠢᠨᠡ ᠵᠢᠯᠤᠨ ᠬᠡᠢᠮᠦᠷᠢ》 ᠠᠵᠢᠯᠯᠠᠭᠠᠳᠤ ᠵᠠᠯᠠᠭᠤᠴᠤᠳ ᠪᠠᠭᠠᠴᠤᠳᠤᠨ ᠡᠪᠦᠯᠦᠨ ᠤᠯᠠᠷᠢᠯᠤᠨ ᠬᠠᠷᠪᠤᠯᠲᠠᠶᠢᠨ ᠤᠷᠢᠯᠭᠠᠶᠢᠨ ᠤᠷᠤᠯᠳᠤᠭᠠᠨ᠂ ᠴᠠᠭᠠᠨ ᠰᠠᠷᠠᠶᠢᠨ ᠴᠤᠭᠯᠠᠭᠠ ᠮᠠᠢᠮᠠᠢ᠂ ᠳᠠᠭᠤᠤ ᠪᠥᠵᠢᠭᠦᠨ ᠬᠠᠮᠲᠤᠷᠠᠭᠰᠠᠨ ᠲᠣᠭᠯᠠᠯᠲᠠ ᠵᠡᠷᠭᠡ ᠪᠠᠶᠠᠯᠢᠭ᠋ ᠠᠭᠤᠯᠭᠠᠶᠢ ᠪᠠᠭᠲᠠᠭᠠᠭᠰᠠᠨ ᠪᠥᠭᠡᠳ ᠬᠥᠬᠡᠬᠣᠲᠠᠶᠢᠨ ᠤᠷᠠᠨ ᠪᠢᠴᠢᠯᠭᠡᠲᠡᠨᠦ ᠨᠡᠢᠭᠡᠮᠯᠢᠭᠢ ᠣᠨᠴᠠᠭᠠᠢᠯᠠᠨ ᠤᠷᠢᠵᠤ ᠲᠤᠬᠠᠢ ᠵᠢᠨ ᠲᠠᠯᠠᠪᠠᠢᠳᠦ ᠴᠠᠭᠠᠨ ᠰᠠᠷᠠᠶᠢᠨ ᠬᠣᠣᠰ ᠤᠶᠠᠩᠭᠠ ᠬᠦᠷᠭᠡᠵᠤ᠂ ᠵᠢᠭᠤᠯᠴᠢᠯᠠᠭᠰᠠᠳᠲᠤ ᠪᠠᠷᠠᠭᠠ ᠬᠤᠳᠠᠯᠳᠤᠨ ᠠᠪᠬᠤ ᠡᠴᠡ ᠭᠠᠳᠠᠨᠠ ᠪᠠᠰᠠ ᠴᠠᠭᠠᠨ ᠰᠠᠷᠠᠶᠢᠨ ᠰᠣᠶᠣᠯᠢ ᠬᠠᠷᠠᠭᠤᠯᠤᠭᠰᠠᠨ ᠪᠠᠢᠨᠠ᠃
ᠰᠣᠶᠣᠯᠳᠤ ᠳᠤᠷᠠ ᠪᠠᠬᠠᠲᠠᠢ ᠵᠢᠭᠤᠯᠴᠢᠯᠠᠭᠰᠠᠳᠲᠤ ᠠᠪᠴᠤ ᠬᠡᠯᠡᠪᠡᠯ ᠴᠠᠭᠠᠨ ᠰᠠᠷᠠᠶᠢᠨ ᠬᠤᠭᠤᠴᠠᠭᠠᠨᠳᠤ ᠰᠠᠢᠬᠠᠨ ᠲᠣᠭᠣᠷᠢᠭ᠋ᠤᠨ ᠭᠤᠷᠪᠠᠨ ᠲᠣᠮᠣ᠌ ᠰᠣᠶᠣᠯ ᠦᠵᠡᠰᠬᠦᠯᠡᠩᠦᠨ ᠲᠠᠯᠠᠪᠠᠢ ᠣᠷᠳᠣᠨ ᠨᠢ ᠰᠢᠨᠡ ᠵᠢ ᠡᠭᠦᠳᠬᠦ ᠬᠡᠯᠪᠡᠷᠢᠪᠡᠷ ᠤᠯᠠᠮᠵᠢᠯᠠᠯᠲᠤ ᠰᠣᠶᠣᠯᠤᠨ ᠠᠮᠢᠵᠢᠷᠠᠯᠤᠨ ᠬᠦᠴᠦᠨᠢ ᠬᠥᠭᠵᠢᠭᠡᠵᠡᠢ᠃
ᠥᠪᠥᠷ ᠮᠣᠩᠭᠣᠯᠤᠨ ᠮᠦᠽᠧᠢᠶᠢᠨ ᠭᠠᠷᠭᠠᠭᠰᠠᠨ 《ᠮᠣᠷᠢᠨ ᠰᠦᠯᠳᠡ ᠮᠢᠩᠭᠠᠨ ᠣᠨ》 ᠬᠡᠮᠡᠬᠦ ᠭᠣᠣᠯ ᠰᠡᠳᠦᠪᠲᠦ ᠦᠵᠡᠭᠦᠯᠭᠡ ᠪᠠ ᠪᠡᠶᠡᠴᠢᠯᠡᠨ ᠤᠢᠯᠠᠭᠠᠬᠤ ᠠᠵᠢᠯᠯᠠᠭᠠ ᠨᠢ ᠭᠡᠷ ᠪᠦᠯᠢ ᠵᠢᠨ ᠬᠠᠯᠠᠭᠤᠨ ᠰᠣᠩᠭᠣᠯᠲᠠ ᠪᠤᠯᠵᠠᠢ᠃ ᠰᠢ ᠠᠨᠤ ᠵᠢᠭᠤᠯᠴᠢᠯᠠᠭᠴᠢ ᠯᠢᠦ ᠠᠪᠤᠭᠠᠢ ᠬᠦᠰᠡᠯ ᠵᠢᠡᠨ ᠳᠠᠭᠠᠳᠬᠠᠬᠤ ᠬᠡᠷᠡᠮᠦᠨ ᠡᠮᠦᠨᠡ ᠭᠠᠷᠢᠶᠠᠷ ᠪᠢᠴᠢᠭᠰᠡᠨ ᠪᠤᠶᠠᠨᠤ ᠱᠣᠰᠢᠭᠠᠪᠠᠨ ᠳᠡᠯᠭᠡᠵᠤ᠄ 《ᠮᠢᠨᠤ ᠬᠡᠦᠬᠡᠳ 〈ᠮᠤᠷᠢᠨ ᠵᠢᠯᠤᠨ ᠢᠯᠡᠷᠡᠭᠦᠯᠦᠯᠲᠡ〉 ᠰᠤᠳᠤᠯᠭᠠᠨᠤ ᠬᠢᠴᠢᠶᠡᠯ ᠳᠡᠭᠡᠷᠡ ᠪᠠᠢᠯᠳᠤᠭᠠᠨᠲᠤ ᠤᠯᠤᠰᠤᠨ ᠬᠦᠷᠡᠯ ᠮᠣᠷᠢᠨᠤ ᠬᠡᠷᠡᠭᠰᠡᠯᠢ ᠲᠠᠨᠢᠵᠤ ᠮᠡᠳᠡᠭᠰᠡᠨ ᠪᠥᠭᠡᠳ ᠭᠡᠷ ᠪᠦᠯᠢ ᠪᠡᠷᠢᠶᠡᠨ 〈ᠮᠤᠷᠢᠨ ᠳᠡᠭᠡᠷᠡ ᠪᠤᠶᠠᠨ ᠬᠤᠷᠢᠶᠠᠬᠤ〉 ᠠᠵᠠ ᠵᠢᠨ ᠱᠤᠰᠢᠭᠠ ᠵᠢᠨ ᠠᠵᠢᠯᠯᠠᠭᠠᠳᠦ ᠣᠷᠣᠯᠴᠠᠵᠠᠢ᠂ ᠡᠨᠡ ᠬᠦ᠌ ᠰᠣᠶᠣᠯᠤᠨ ᠦᠨᠦᠷ ᠠᠮᠲᠠᠲᠦ ᠴᠠᠭᠠᠨ ᠰᠠᠷᠠ ᠨᠢ ᠰᠦᠯᠵᠢᠶᠡᠨᠤ ᠨᠡᠷᠡᠲᠦ ᠦᠵᠡᠮᠵᠢᠶᠢᠨ ᠣᠷᠣᠨᠡᠴᠡ ᠨᠠᠩ ᠤᠳᠬᠠ ᠠᠭᠤᠯᠭᠠᠲᠠᠢ》 ᠭᠡᠪᠡ᠃
ᠡᠭᠦᠨᠡᠴᠡ ᠭᠠᠳᠠᠨᠠ ᠹᠸᠩᠵᠸᠦᠶᠢᠨ ᠬᠠᠭᠤᠴᠢᠨ ᠬᠣᠲᠠᠶᠢᠨ ᠮᠦᠽᠧᠢᠶᠢᠨ 《ᠮᠣᠷᠢᠨ ᠵᠢᠯᠤᠨ ᠢᠷᠦᠭᠡᠯ ᠵᠦᠨᠭᠨᠡᠯ·ᠰᠢᠨᠡ ᠤᠨᠤ ᠬᠡᠰᠢᠭ ᠪᠤᠶᠠᠨ》 AR ᠬᠦᠰᠡᠯ ᠵᠢᠡᠨ ᠳᠠᠭᠠᠳᠬᠠᠬᠤ ᠪᠡᠶᠡᠴᠢᠯᠡᠭᠰᠡᠨ ᠤᠢᠯᠠᠭᠠᠯᠲᠠᠵᠢᠨ ᠠᠵᠢᠯᠯᠠᠭᠠ ᠵᠢᠴᠢ ᠪᠠᠢᠭᠠᠯᠢᠶᠢᠨ ᠮᠦᠽᠧᠢᠶᠢᠨ 《ᠮᠣᠷᠢᠨ ᠵᠢᠯᠤᠨ ᠠᠵᠠ ᠬᠡᠢᠮᠤᠷᠢ》 ᠤᠯᠠᠭᠠᠨ ᠮᠣᠷᠢᠨ ᠵᠢᠯᠦᠨ ᠴᠠᠭᠠᠨ ᠰᠠᠷᠠᠶᠢᠨ ᠰᠢᠷᠢᠰ ᠠᠵᠢᠯᠯᠠᠭᠠ ᠨᠢ ᠵᠢᠭᠤᠯᠴᠢᠯᠠᠭᠰᠠᠳᠲᠤ ᠳᠤᠮᠳᠠᠳᠤᠶᠢᠨ ᠰᠣᠶᠣᠯᠢ ᠣᠢᠯᠠᠭᠠᠭᠤᠯᠬᠤᠶᠢᠨ ᠬᠠᠮᠲᠤ ᠪᠠᠶᠠᠷᠤᠨ ᠡᠳᠦᠷᠦᠨ ᠪᠠᠶᠠᠷᠲᠤ ᠠᠭᠤᠷ ᠠᠮᠢᠰᠬᠤᠯᠢ ᠮᠡᠳᠡᠷᠡᠭᠦᠯᠪᠡ᠃
《ᠲᠡᠭᠡᠴᠡ ᠳᠣᠷᠣᠭ᠍ᠰᠢ 20°C ᠤ᠋ᠨ ᠴᠠᠰᠤᠨ ᠲᠠᠯᠠᠪᠤᠷ ᠲᠦ᠍ ᠴᠠᠰᠤᠨ ᠪᠠᠢᠯᠳᠤᠭᠠᠨ ᠬᠢᠵᠦ᠂ ᠤᠯᠠᠮᠵᠢᠯᠠᠯᠲᠤ ᠬᠤᠸᠠᠷ ᠫᠤᠤᠵᠢᠨᠭ᠌ᠤᠨ ᠲᠤᠭᠯᠠᠯᠲᠠ ᠰᠤᠨᠢᠷᠬᠠᠵᠤ᠂ ᠵᠢᠯᠣᠭᠣᠴᠢ ᠦᠭᠡᠢ ᠨᠢᠰᠬᠡᠯᠦᠨ ᠠᠩᠭᠢ 〈ᠦᠯᠵᠡᠢ ᠪᠡᠯᠭᠡᠲᠦ ᠰᠠᠢᠬᠠᠨ ᠲᠤᠭᠤᠷᠢᠭ〉 ᠢ᠋ ᠵᠢᠷᠤᠭᠯᠠᠵᠤ᠂ ᠮᠥᠰᠥ ᠴᠠᠰᠤᠨᠳᠤ ᠬᠤᠴᠢᠭ᠍ᠳᠠᠭᠰᠠᠨ ᠮᠥᠩᠭᠥᠨ ᠴᠠᠭᠠᠨ ᠰᠠᠷᠠ ᠤᠨᠴᠠᠵᠢᠨ ᠭᠠᠢᠬᠠᠮᠰᠢᠭ᠍ᠲᠠᠢ ᠪᠤᠯᠪᠠ！》 ᠴᠧᠩᠳᠦ᠋ᠶᠢᠨ ᠵᠢᠭᠤᠯᠴᠢᠯᠠᠭᠴᠢ ᠵᠧᠦ ᠠᠪᠠᠬᠠᠢ ᠨᠠᠢᠵᠠᠶᠢᠨ ᠲᠣᠭᠣᠷᠢᠭ᠋ᠲᠠᠭᠠᠨ ᠸᠢᠳᠢᠤ᠋ ᠰᠡᠭᠦᠳᠡᠷᠯᠡᠵᠦ ᠬᠤᠪᠢᠶᠠᠯᠴᠠᠨᠠ᠃
ᠰᠠᠢᠬᠠᠨ ᠲᠣᠭᠣᠷᠢᠭ᠋ ᠣᠷᠣᠨ ᠪᠠᠢᠷᠢᠶᠢᠨ ᠳᠠᠪᠠᠭᠤᠯᠢᠭ᠋ᠲᠠᠭᠠᠨ ᠲᠦᠰᠢᠭᠯᠡᠨ 《ᠮᠥᠰᠥ ᠴᠠᠰᠤ + ᠰᠣᠶᠣᠯ + ᠵᠢᠭᠤᠯᠴᠢᠯᠠᠯ》 ᠤ᠋ᠨ ᠣᠨᠴᠠᠯᠢᠭ᠍ᠲᠤ ᠲᠦᠷᠦᠯ ᠲᠡᠮᠳᠡᠭᠢ ᠡᠭᠦᠳᠴᠦ᠂ ᠭᠣᠢᠳᠠ ᠰᠠᠢᠬᠠᠨ ᠮᠥᠰᠥ ᠴᠠᠰᠤᠨᠤ ᠠᠵᠢᠯᠯᠠᠭᠠ ᠥᠷᠨᠢᠭᠦᠯᠪᠡ᠃
ᠲᠠᠯ ᠠᠭᠤᠯᠠ ᠴᠠᠨᠠᠯᠠᠯᠲᠠᠵᠢᠨ ᠲᠠᠯᠠᠪᠤᠷᠤᠨ 《ᠪᠡᠯᠭᠡᠲᠦ ᠴᠠᠰᠤ ᠬᠡᠢᠮᠦᠷᠢ ᠬᠤᠷᠤᠢᠯᠠᠨᠠ — ᠴᠠᠭᠠᠨ ᠰᠠᠷᠠᠶᠢᠨ ᠠᠭᠤᠷ ᠠᠮᠢᠰᠬᠤᠯᠵᠢᠡᠷ ᠪᠢᠯᠬᠠᠭᠰᠠᠨ ᠴᠠᠰᠤᠨ ᠲᠠᠯᠠᠪᠤᠷ·ᠠᠵᠠ ᠬᠡᠢᠮᠣᠷᠢ ᠬᠡᠢᠰᠭᠡᠨ ᠲᠡᠰᠢᠨ ᠴᠠᠨᠠᠯᠠᠬᠤ》 ᠠᠵᠢᠯᠯᠠᠭᠠ ᠨᠢ ᠵᠢᠭᠤᠯᠴᠢᠯᠠᠭᠰᠠᠳᠲᠤ ᠴᠠᠨᠠᠯᠠᠬᠤ ᠬᠠᠪᠤ ᠴᠡᠩᠭᠡᠯᠢ ᠡᠳ᠋ᠯᠡᠬᠦᠯᠦᠭᠰᠡᠨ ᠵᠢᠡᠷᠪᠠᠷᠠᠬᠤ ᠦᠭᠡᠢ ᠪᠠᠰᠠ ᠲᠡᠳᠡ ᠨᠠᠷᠢ ᠴᠠᠭᠠᠨ ᠰᠠᠷᠠᠶᠢᠨ ᠵᠠᠰᠠᠯ ᠴᠢᠮᠡᠭᠯᠡᠯ ᠪᠠ ᠬᠤᠷᠰᠢᠯᠴᠠᠬᠤ ᠲᠣᠭᠯᠠᠭᠠᠮᠳᠤ ᠣᠷᠣᠯᠴᠠᠭᠤᠯᠪᠠ᠃ ᠶᠡᠬᠡ ᠲᠦᠷᠭᠡᠨ ᠭᠣᠣᠯᠤᠨ ᠴᠡᠷᠢᠭᠦᠨ ᠶᠠᠪᠤᠳᠠᠯᠤᠨ ᠰᠣᠶᠣᠯᠤᠨ ᠬᠦᠷᠢᠶᠡᠯᠡᠩ ᠲᠠᠪᠤᠳᠤᠭᠠᠷ ᠬᠤᠭᠤᠴᠠᠭᠠᠨᠤ ᠬᠥᠬᠡᠡᠡᠣᠲᠠᠶᠢᠨ ᠪᠠᠶᠠᠷ ᠪᠠᠶᠠᠰᠬᠤᠯᠠᠩᠲᠤ ᠮᠥᠰᠥ ᠴᠠᠰᠤᠨᠤ ᠨᠠᠢᠷ᠂ ᠮᠥᠰᠥᠨ ᠱᠤᠭᠤᠮᠠᠯᠤᠨ ᠦᠵᠡᠭᠦᠯᠭᠡ᠂ ᠲᠣᠮᠣ᠌ ᠬᠡᠯᠪᠡᠷᠢᠶᠢᠨ ᠦᠨᠭᠭᠡᠲᠦ ᠳ᠋ᠧᠩᠯᠦ᠂ ᠳᠠᠭᠤᠤ ᠬᠥᠭᠵᠢᠮᠦᠨ ᠨᠠᠢᠷ᠂ ᠪᠣᠳᠠᠰᠤᠨ ᠪᠤᠰᠤ ᠰᠣᠶᠣᠯᠤᠨ ᠥᠪᠦᠨ ᠭᠠᠯᠲᠤ ᠬᠤᠪᠢᠨᠭ᠌᠂ ᠤᠯᠠᠮᠵᠢᠯᠠᠯᠲᠤ ᠬᠤᠸᠠᠷ ᠫᠤᠤᠵᠢᠨᠭ᠌ᠤᠨ ᠲᠤᠭᠯᠠᠯᠲᠠ ᠵᠡᠷᠭᠡ ᠭᠣᠢᠳᠠ ᠰᠠᠢᠬᠠᠨ ᠲᠦᠷᠦᠯ ᠵᠦᠢᠯᠢ ᠡᠷᠬᠢᠯᠡᠨ ᠶᠠᠪᠤᠭᠳᠠᠭᠤᠯᠵᠤ᠂ ᠶᠡᠬᠡ ᠬᠡᠮᠵᠢᠶᠡᠨᠦ ᠵᠢᠭᠤᠯᠴᠢᠯᠠᠭᠰᠠᠳᠢ ᠲᠠᠲᠠᠵᠤ᠂ ᠣᠷᠣᠨ ᠪᠦᠰᠡᠶᠢᠨ ᠵᠢᠭᠤᠯᠴᠢᠯᠠᠯᠤᠨ ᠠᠵᠤ ᠦᠢᠯᠡᠰᠦᠨ ᠬᠡᠯᠬᠢᠶᠡᠶᠢ 《ᠢᠳᠡᠵᠦ ᠤᠤᠭᠤᠬᠤ ᠬᠣᠨᠣᠵᠤ ᠬᠡᠪᠲᠡᠬᠦ ᠵᠢᠭᠤᠯᠴᠢᠯᠠᠵᠤ ᠲᠣᠭᠣᠷᠢᠬᠤ ᠬᠤᠳᠠᠯᠳᠤᠨ ᠠᠪᠬᠤ ᠵᠤᠭᠠᠯᠠᠨ ᠴᠡᠩᠭᠡᠬᠦ》 ᠪᠦᠬᠦ ᠡᠯᠧᠮᠧᠨ᠋ᠲ ᠲᠡᠢᠰᠢ ᠤᠷᠲᠤᠳᠬᠠᠬᠤᠶᠢ ᠠᠬᠢᠭᠤᠯᠵᠤ᠂ ᠣᠷᠣᠨ ᠪᠦᠰᠡᠶᠢᠨ ᠵᠢᠭᠤᠯᠴᠢᠯᠠᠯᠤᠨ ᠠᠵᠤ ᠦᠢᠯᠡᠰᠦᠨ ᠬᠡᠯᠬᠢᠶᠡᠶᠢ ᠬᠣᠨᠣᠭ ᠪᠠᠭᠤᠳᠠᠯ᠂ ᠢᠳᠡᠭᠡᠨ ᠤᠮᠳᠠᠭᠠᠨ᠂ ᠰᠥᠨᠢᠶᠢᠨ ᠠᠵᠤ ᠠᠬᠤᠢ ᠲᠡᠢᠰᠢ ᠤᠷᠲᠤᠳᠬᠠᠵᠤ᠂ 《ᠬᠦᠢᠲᠡᠨ ᠡᠬᠢ ᠪᠠᠶᠠᠯᠢᠭ᠋》 ᠤ᠋ᠨ 《ᠬᠠᠯᠠᠭᠤᠨ ᠦᠢᠯᠡᠳᠦᠯ ᠨᠦᠯᠦᠭᠡᠯᠡᠯ》 ᠢ᠋ ᠭᠠᠷᠭᠠᠬᠤ ᠪᠣᠯᠭᠠᠨᠠ᠃
《ᠠᠨᠭᠬᠠ ᠤᠳᠠᠭᠠ ᠭᠠᠳᠠᠨᠠ ᠭᠠᠵᠠᠷ ᠰᠢᠨᠡᠯᠡᠵᠦ ᠪᠠᠢᠨᠠ᠂ ᠮᠠᠨᠤ ᠨᠤᠲᠤᠭᠤᠨ ᠬᠢᠨᠡᠴᠡᠪᠠᠨ ᠪᠠᠰᠠ ᠬᠥᠭᠵᠢᠶᠡᠨᠲᠠᠢ！》 ᠵᠦᠯᠭᠡᠳᠦ ᠴᠡᠴᠡᠷᠯᠢᠭᠦᠨ ᠵᠢᠭᠤᠯᠴᠢᠯᠠᠯᠤᠨ ᠴᠤᠭᠯᠠᠭᠠᠨ ᠳᠡᠭᠡᠷᠡ ᠱᠧᠨᠵᠧᠨᠦ ᠵᠢᠭᠤᠯᠴᠢᠯᠠᠭᠴᠢ ᠵᠤᠤ ᠠᠪᠠᠬᠠᠢ ᠮᠣᠩᠭᠣᠯ ᠦᠨᠳᠦᠰᠦᠲᠡᠨᠦ ᠪᠣᠳᠠᠰᠤᠨ ᠪᠤᠰᠤ ᠰᠣᠶᠣᠯᠤᠨ ᠥᠪᠦᠨ ᠭᠠᠯᠬᠤᠪᠢᠨᠭ᠌ᠤᠨ ᠲᠣᠭᠯᠠᠯᠲᠠ ᠵᠢ ᠰᠤᠨᠢᠷᠬᠠᠵᠤ ᠭᠠᠢᠬᠠᠨ ᠶᠠᠷᠢᠨᠠ᠃
ᠵᠢᠭᠤᠯᠴᠢᠯᠠᠭ᠍ᠰᠠᠳᠲᠤ ᠤᠯᠠᠮᠵᠢᠯᠠᠯᠲᠤ ᠴᠠᠭᠠᠨ ᠰᠠᠷᠠᠶᠢᠨ ᠵᠠᠩ ᠳᠠᠳᠬᠠᠯᠢ ᠨᠠᠩ ᠰᠠᠢᠲᠤᠷ ᠣᠢᠯᠠᠭᠠᠭᠤᠯᠬᠤᠶᠢᠨ ᠲᠥᠯᠥᠭᠡ ᠰᠠᠢᠬᠠᠨ ᠲᠣᠭᠣᠷᠢᠭ᠋ ᠴᠠᠭᠠᠨ ᠰᠠᠷᠠᠶᠢᠨ ᠬᠤᠭᠤᠴᠠᠭᠠᠨᠳᠤ ᠣᠯᠠᠨ ᠤᠳᠠᠭᠠᠨᠤ ᠵᠠᠩ ᠦᠶ᠋ᠯᠡᠶᠢᠨ ᠠᠵᠢᠯᠯᠠᠭᠠ ᠲᠣᠬᠢᠷᠠᠭᠤᠯᠪᠠ᠃ 《ᠦᠯᠵᠡᠢ ᠪᠡᠯᠭᠡᠲᠦ ᠴᠠᠭᠠᠨ ᠰᠠᠷᠠ ᠵᠣᠯ ᠵᠢᠷᠭᠠᠯᠲᠤ ᠰᠠᠢᠬᠠᠨ ᠲᠤᠭᠤᠷᠢᠭ》 ᠠᠷᠠᠳᠤᠨ ᠨᠠᠢᠷ ᠨᠠᠭᠠᠳᠤᠮ ᠨᠢ ᠪᠡᠭᠡᠵᠢᠩ ᠰᠦᠢᠶᠤᠸᠠᠨᠤ ᠲᠡᠮᠦᠷ ᠵᠠᠮᠤᠨ ᠰᠣᠶᠣᠯᠤᠨ ᠬᠦᠷᠢᠶᠡᠯᠡᠩ᠂ ᠲᠣᠭᠣᠷᠢᠭ᠋ᠤᠨ ᠵᠠᠰᠠᠭᠤᠨ ᠣᠷᠳᠣᠨᠤ ᠠᠭᠤᠳᠠᠮ ᠲᠠᠯᠠᠪᠠᠶ ᠵᠡᠷᠭᠡ ᠭᠠᠵᠠᠷᠲᠤ ᠵᠠᠯᠭᠠᠭᠠᠪᠠᠷ ᠶᠠᠪᠤᠭᠳᠠᠬᠤ ᠪᠤᠯᠤᠨᠠ᠂ ᠡᠭᠦᠨᠳᠦ ᠯᠤᠤ ᠠᠷᠰᠯᠠᠨ ᠲᠤᠭᠯᠠᠬᠤ ᠪᠥᠵᠢᠭ᠂ ᠶᠠᠩᠭᠠᠷ᠂ ᠮᠣᠳᠣᠨ ᠬᠥᠯᠲᠦ ᠵᠡᠷᠭᠡ ᠤᠯᠠᠮᠵᠢᠯᠠᠯᠲᠤ ᠲᠣᠭᠯᠠᠯᠲᠠ ᠪᠣᠶ᠃ ᠴᠠᠭᠠᠨ ᠰᠠᠷᠠᠶᠢᠨ ᠠᠷᠪᠠᠨ ᠲᠠᠪᠤᠨᠤ ᠣᠷᠣᠢ 《ᠬᠥᠬᠡᠡᠡᠣᠲᠠᠶᠢᠨ ᠴᠠᠭᠠᠨ ᠰᠠᠷᠠᠶᠢᠨ ᠠᠷᠪᠠᠨ ᠲᠠᠪᠤᠨᠤ ᠥᠯᠵᠡᠢᠲᠦ ᠦᠳᠡᠰᠢ ᠰᠠᠢᠬᠠᠨ ᠲᠤᠭᠤᠷᠢᠭ ᠬᠡᠰᠢᠭ ᠪᠤᠶᠠᠨ ᠬᠤᠷᠤᠢᠯᠠᠨᠠ》 ᠠᠵᠢᠯᠯᠠᠭᠠ ᠵᠦᠯᠭᠡᠳᠦ ᠴᠡᠴᠡᠷᠯᠢᠭᠲᠦ ᠶᠠᠪᠤᠭᠳᠠᠬᠤ ᠪᠣᠯᠣᠨᠠ᠃
ᠰᠠᠢᠬᠠᠨ ᠲᠣᠭᠣᠷᠢᠭ᠋ ᠨᠠᠷᠢᠯᠢᠭᠵᠢᠭᠤᠯᠤᠭᠰᠠᠨ ᠦᠢᠯᠡᠴᠢᠯᠡᠭᠡᠪᠡᠷ ᠳᠠᠮᠵᠢᠭᠤᠯᠤᠨ 《ᠴᠠᠭᠠᠨ ᠰᠠᠷᠠᠶᠢᠨ ᠦᠨᠦᠷ ᠠᠮᠲᠠ》 ᠶ᠋ᠢ 《ᠬᠠᠢᠷᠠ ᠬᠠᠯᠠᠮᠵᠢ ᠲᠠᠢ ᠥᠩᠭᠡᠷᠡᠯᠲᠡ》 ᠪᠣᠯᠭᠠᠨ ᠬᠤᠪᠢᠷᠠᠭᠤᠯᠪᠠ᠄ ᠬᠤᠳᠠᠯᠳᠤᠭᠠᠨᠤ ᠲᠠᠯᠠᠪᠤᠷᠲᠠᠬᠢ ᠴᠠᠭᠠᠨ ᠰᠠᠷᠠᠶᠢᠨ ᠥᠷᠲᠡᠭᠡ᠂ ᠮᠦᠽᠧᠢᠳᠡᠬᠢ ᠨᠤᠲᠤᠭᠤᠨ ᠠᠶᠠᠯᠭᠤᠶᠢᠨ ᠲᠠᠢᠯᠤᠮᠵᠢ᠂ ᠦᠵᠡᠮᠵᠢᠶᠢᠨ ᠭᠠᠵᠠᠷᠤᠨ ᠰᠦᠢᠳᠬᠡᠯ ᠬᠤᠷᠢᠶᠠᠬᠤ ᠦᠭᠡᠢ ᠲᠡᠷᠭᠡᠨ ᠵᠣᠭᠰᠣᠭᠠᠯ ᠁ ᠮᠥᠰᠥ ᠴᠠᠰᠤᠨᠤ ᠭᠤᠢᠲᠠ ᠰᠠᠢᠬᠠᠨ ᠲᠠᠮᠢᠷᠤᠨ ᠬᠥᠳᠡᠯᠭᠡᠭᠡᠨ ᠴᠦ᠍ ᠲᠡᠷᠡ᠂ ᠮᠦᠽᠧᠢᠶᠢᠨ ᠰᠣᠶᠣᠯᠤᠨ ᠭᠦᠨ ᠵᠤᠵᠠᠭᠠᠨ ᠠᠭᠤᠯᠤᠭᠳᠠᠬᠤᠨ ᠴᠦ᠍ ᠲᠡᠷᠡ； ᠬᠤᠳᠠᠯᠳᠤᠭᠠᠨᠤ ᠲᠠᠯᠠᠪᠤᠷᠤᠨ ᠪᠣᠷᠤᠯᠠᠭᠤᠯᠭᠠᠶᠢ ᠠᠬᠢᠭᠤᠯᠬᠤ ᠬᠥᠷ ᠬᠥᠭᠵᠢᠶᠡᠨᠲᠡᠢ ᠪᠠᠢᠳᠠᠯ ᠴᠦ᠍ ᠲᠡᠷᠡ᠂ ᠠᠷᠠᠳᠤᠨ ᠵᠠᠩ ᠦᠶ᠋ᠯᠡᠶᠢᠨ ᠠᠵᠢᠯᠯᠠᠭᠠᠶᠢᠨ ᠤᠯᠠᠮᠵᠢᠯᠠᠯᠲᠤ ᠬᠥᠭ ᠠᠶᠠᠰ ᠴᠦ᠍ ᠲᠡᠷᠡ᠂ ᠴᠥᠮ ᠵᠢᠭᠤᠯᠴᠢᠯᠠᠭ᠍ᠰᠠᠳ ᠲᠸ᠋ᠴᠠᠭᠠᠨ ᠰᠠᠷᠠᠶᠢᠨ ᠥᠳᠬᠡᠨ ᠵᠤᠵᠠᠭᠠᠨ ᠰᠣᠶᠣᠯᠤᠨ ᠠᠭᠤᠷ ᠠᠮᠢᠰᠬᠤᠯᠢ ᠮᠡᠳᠡᠷᠡᠬᠦᠯᠬᠦ ᠪᠤᠯᠤᠨᠠ᠃