ᠤᠢᠷᠠᠳᠤ᠂ ᠬᠥᠬᠡᠬᠣᠲᠠᠶᠢᠨ ᠰᠢᠨᠡ ᠬᠣᠲᠠ ᠲᠣᠭᠣᠷᠢᠭ᠋ᠤᠨ ᠠᠷᠠᠳᠤᠨ ᠰᠢᠭᠦᠬᠦ ᠬᠣᠷᠢᠶᠠ ᠨᠢᠭᠡᠨ ᠢᠲᠡᠭᠡᠮᠵᠢᠶᠢᠨ ᠺᠠᠷᠲᠤᠨ ᠵᠠᠭᠤᠷᠠᠯᠳᠤᠭᠠᠨᠤ ᠬᠡᠷᠡᠭᠲᠦ 《ᠪᠢᠴᠢᠭᠡᠴᠢ ᠦᠭᠡᠢ ᠲᠢᠩᠬᠢᠮᠦᠨ ᠰᠢᠭᠦᠯᠲᠡ》 ᠢ᠋ᠢᠨ ᠵᠠᠭᠪᠤᠷᠢ ᠬᠡᠷᠡᠭᠯᠡᠨ ᠰᠢᠭᠦᠯᠲᠡ ᠬᠢᠵᠦ᠂ ᠬᠦᠬᠡᠬᠣᠲᠠᠶᠢᠨ ᠠᠩᠬᠠᠳᠠᠭ᠍ᠴᠢ 《ᠪᠢᠴᠢᠭᠡᠴᠢ ᠦᠭᠡᠢ ᠲᠢᠩᠬᠢᠮᠦᠨ ᠰᠢᠭᠦᠯᠲᠡ》 ᠢ᠋ᠢᠨ ᠵᠠᠭᠪᠤᠷᠢ ᠬᠡᠷᠡᠭᠵᠢᠭᠦᠯᠦᠭᠰᠡᠨ ᠦᠨᠳᠦᠰᠦᠨ ᠱᠠᠲᠤᠨᠤ ᠰᠢᠭᠦᠬᠦ ᠬᠣᠷᠢᠶᠠ ᠪᠣᠯᠪᠠ᠃
《ᠪᠢᠴᠢᠭᠡᠴᠢ ᠦᠭᠡᠢ ᠲᠢᠩᠬᠢᠮᠦᠨ ᠰᠢᠭᠦᠯᠲᠡ》 ᠢ᠋ᠢᠨᠵᠠᠭᠪᠤᠷ ᠨᠢ 《ᠲᠣᠳᠣ᠌ ᠳᠠᠭᠤ ᠳᠦᠷᠰᠦ ᠰᠢᠩᠭᠡᠭᠡᠯᠲᠡ + ᠠᠪᠢᠶᠠᠨᠤ ᠠᠦ᠋ᠲ᠋ᠣ᠋ ᠰᠢᠯᠵᠢᠭᠦᠯᠦᠨ ᠪᠢᠴᠢᠯᠭᠡ + ᠲᠡᠮᠳᠡᠭᠯᠡᠯ ᠠᠶᠠᠨᠳᠠᠭᠠᠨ ᠪᠤᠶ ᠪᠣᠯᠬᠤ》 ᠳ᠋ᠤ ᠲᠦᠰᠢᠭᠯᠡᠨ ᠵᠡᠷᠭᠡᠪᠡᠷ ᠲᠡᠮᠳᠡᠭᠯᠡᠵᠦ᠂ ᠬᠣᠶᠠᠷ ᠲᠠᠯᠠᠶᠢᠨ ᠲᠤᠬᠠᠢᠶᠢᠨ ᠬᠥᠮᠥᠨ 《ᠲᠢᠩᠬᠢᠮᠦᠨ ᠰᠢᠭᠦᠯᠲᠡᠶᠢᠨ ᠲᠡᠮᠳᠡᠭᠯᠡᠯᠦᠨ ᠠᠷᠭᠠ ᠮᠠᠶᠢᠭ᠋ᠢ ᠨᠤᠲᠠᠯᠠᠬᠤ ᠪᠢᠴᠢᠭ》 ᠲᠸ᠋ ᠭᠠᠷᠤᠨ ᠦᠰᠦᠭ ᠵᠢᠷᠤᠭᠰᠠᠨᠤ ᠲᠠᠷᠠᠭᠠ᠂ ᠵᠣᠬᠢᠶᠠᠮᠠᠯ ᠤᠶᠤᠨ ᠴᠢᠳᠠᠪᠤᠷᠢᠶᠢᠨ ᠮᠡᠷᠭᠡᠵᠢᠯᠢ ᠲᠢᠩᠬᠢᠮᠦᠨ ᠰᠢᠭᠦᠯᠲᠡᠶᠢᠨ ᠠᠵᠢᠯᠯᠠᠭᠠᠳᠤ ᠭᠦᠨᠵᠡᠭᠡᠢ ᠠᠭᠤᠰᠬᠠᠨ ᠣᠷᠣᠭᠤᠯᠵᠤ᠂ ᠲᠠᠭᠤ ᠳᠦᠷᠰᠦ ᠰᠢᠩᠭᠡᠭᠡᠯᠲᠡ ᠪᠠ ᠲᠢᠩᠬᠢᠮᠦᠨ ᠰᠢᠭᠦᠯᠲᠡᠶᠢᠨ ᠠᠪᠢᠶᠠᠶᠢ ᠠᠦ᠋ᠲ᠋ᠣ᠋ ᠰᠢᠯᠵᠢᠭᠦᠯᠦᠨ ᠪᠢᠴᠢᠬᠦ ᠠᠷᠭᠠ ᠮᠠᠶᠢᠭ᠋ᠢᠶᠠᠷ ᠪᠢᠴᠢᠭᠡᠴᠢᠶᠢᠨ ᠬᠥᠮᠥᠨᠦ ᠬᠦᠴᠦᠪᠡᠷ ᠲᠡᠮᠳᠡᠭᠯᠡᠬᠦᠶᠢ ᠣᠷᠣᠯᠠᠭᠤᠯᠵᠤ᠂ ᠠᠷᠠᠳ ᠤᠯᠠᠨᠳᠤ ᠨᠡᠩ ᠣᠶᠤᠨᠴᠢ᠂ ᠳᠥᠭᠥᠮ ᠳᠥᠲᠡ᠂ ᠴᠢᠨᠠᠷ ᠰᠠᠢᠲᠠᠢ ᠬᠠᠤᠯᠢ ᠴᠠᠭᠠᠵᠠ ᠢ᠋ᠢᠨ ᠦᠢᠯᠡᠴᠢᠯᠡᠭᠡ ᠬᠠᠩᠭᠠᠪᠠ᠃
ᠲᠢᠩᠬᠢᠮᠦᠨ ᠰᠢᠭᠦᠯᠲᠡᠶᠢᠨ ᠶᠠᠪᠤᠴᠠᠳᠤ᠂ ᠠᠪᠢᠶᠠᠶᠢ ᠢᠯᠭᠠᠨ ᠲᠠᠨᠢᠬᠤ ᠣᠶᠤᠨᠲᠤ ᠰᠢᠰᠲᠧᠮ ᠨᠢ ᠰᠢᠭᠦᠬᠦ ᠲᠤᠰᠢᠶᠠᠯᠲᠠᠨ᠂ ᠲᠤᠬᠠᠢᠶᠢᠨ ᠬᠥᠮᠥᠨᠦ ᠶᠠᠷᠢᠶᠠᠶᠢ ᠴᠠᠭ ᠲᠤᠬᠠᠢ ᠳ᠋ᠤᠨᠢ ᠴᠤᠭᠯᠠᠭᠤᠯᠵᠤ ᠴᠢᠳᠠᠬᠤ ᠪᠥᠭᠡᠳ ᠣᠨᠣᠪᠴᠢᠲᠠᠶ ᠥᠰᠥᠭ ᠪᠢᠴᠢᠭ ᠪᠣᠯᠭᠠᠨ ᠬᠤᠪᠢᠷᠠᠭᠤᠯᠤᠭᠰᠠᠨᠤ ᠳᠠᠷᠠᠭᠠ ᠳᠡᠯᠭᠡᠴᠡ ᠳᠡᠭᠡᠷᠡ ᠢᠯᠡᠷᠡᠭᠦᠯᠵᠦ᠂ ᠰᠢᠭᠦᠬᠦ ᠲᠤᠰᠢᠶᠠᠯᠲᠠᠨ ᠪᠠ ᠲᠤᠬᠠᠢᠶᠢᠨ ᠬᠥᠮᠥᠨᠦ ᠴᠠᠭ ᠲᠤᠬᠠᠢ ᠳ᠋ᠤᠨᠢ ᠬᠠᠷᠭᠤᠭᠤᠯᠬᠤᠳᠤ ᠲᠥᠬᠥᠮ ᠦᠵᠡᠭᠦᠯᠳᠡᠭ᠃ ᠡᠭᠦᠨᠦ ᠬᠠᠮᠲᠤ᠂ ᠲᠣᠳᠣ᠌ ᠲᠠᠭᠤ ᠳᠦᠷᠰᠦ ᠰᠢᠩᠭᠡᠭᠡᠯᠲᠡᠶᠢᠨ ᠲᠥᠬᠦᠭᠡᠷᠦᠮᠵᠢᠳᠦ ᠲᠢᠩᠬᠢᠮᠦᠨ ᠰᠢᠭᠦᠯᠲᠡᠶᠢᠨ ᠨᠠᠷᠢᠨ ᠵᠦᠢᠯᠡᠰ ᠨᠢᠭᠡᠪᠦᠷᠢᠶᠢ ᠪᠥᠬᠥ ᠲᠠᠯᠠ ᠪᠠᠷ ᠲᠡᠮᠳᠡᠭᠯᠡᠵᠦ᠂ ᠲᠢᠩᠬᠢᠮᠦᠨ ᠰᠢᠭᠦᠯᠲᠡᠶᠢᠨ ᠶᠠᠪᠤᠴᠠᠶᠢᠨ ᠦᠨᠡᠨ ᠪᠣᠳᠠᠲᠠᠢ᠂ ᠪᠦᠷᠢᠨ ᠪᠦᠲᠦᠨᠢᠶᠡᠷ ᠬᠠᠳᠠᠭᠠᠯᠠᠭᠳᠠᠬᠤᠶᠢ ᠦᠨᠡᠨ ᠬᠦ᠌ ᠪᠠᠲᠤᠯᠠᠵᠤ᠂ ᠦᠷᠭᠦᠯᠵᠢᠯᠡᠨ ᠪᠠᠢᠴᠠᠭᠠᠨ ᠦᠵᠡᠬᠦ ᠪᠠ ᠬᠠᠮᠢᠶᠠᠷᠬᠤᠳᠤ ᠲᠥᠬᠥᠮ ᠦᠵᠡᠭᠦᠯᠦᠨᠡ᠃
《ᠴᠠᠭᠠᠰᠤᠨ ᠳᠡᠭᠡᠷᠡ ᠬᠠᠢᠨ ᠰᠦᠪᠡᠭᠴᠢᠯᠡᠬᠦ》ᠡᠴᠡ 《ᠬᠤᠷᠤᠭᠤᠨ ᠦᠵᠦᠭᠦᠷᠦᠨ ᠦᠢᠯᠡᠳᠦᠯᠭᠡ》 ᠬᠦᠷᠲᠡᠯᠡ᠂ 《ᠪᠢᠴᠢᠭᠡᠴᠢ ᠦᠭᠡᠢ ᠲᠢᠩᠬᠢᠮᠦᠨ ᠰᠢᠭᠦᠯᠲᠡ》 ᠢ᠋ᠢᠨ ᠵᠠᠭᠪᠤᠷ ᠨᠢ ᠬᠠᠤᠯᠢ ᠴᠠᠭᠠᠵᠠ ᠢ᠋ᠢᠨ ᠦᠷᠡ ᠪᠦᠲᠦᠮᠵᠢ ᠪᠠ ᠬᠠᠤᠯᠢ ᠴᠠᠭᠠᠵᠠ ᠪᠡᠷ ᠠᠷᠠᠳᠲᠤ ᠲᠦᠬᠦᠮ ᠦᠵᠡᠭᠦᠯᠬᠦ ᠬᠣᠣᠰ ᠳᠡᠭᠡᠭᠰᠢᠯᠡᠯᠲᠡᠶᠢ ᠪᠡᠶᠡᠯᠡᠭᠦᠯᠪᠡ᠃