ᠡᠪᠡᠰᠦ ᠬᠠᠳᠤᠬᠤ ᠮᠠᠱᠢᠨᠤ ᠲᠠᠴᠢᠬᠢᠨᠠᠬᠤ ᠲᠠᠭᠤᠨ ᠠᠭᠤᠯᠠᠨ ᠬᠥᠲᠥᠯᠢᠶᠡᠷ ᠴᠤᠤᠷᠢᠶᠠᠲᠤᠵᠤ᠂ ᠣᠶ ᠬᠠᠮᠠᠭᠠᠯᠠᠭ᠍ᠴᠢ ᠭᠤᠤ ᠵᠢᠶ ᠵᠥᠩ ᠨᠢᠷᠤᠭᠤ ᠪᠥᠬᠥᠢᠨ ᠮᠠᠰᠢᠨᠤ ᠪᠠᠷᠢᠭᠤᠯᠢ ᠴᠢᠩᠭᠠ ᠠᠳᠭᠤᠵᠤ᠂ ᠬᠠᠭᠠᠰ ᠮᠧᠲ᠋ᠷ ᠥᠨᠳᠥᠷ ᠬᠠᠳᠠᠭ᠍ᠰᠠᠨ ᠡᠪᠡᠰᠦ ᠵᠢ ᠬᠠᠳᠤᠵᠦ ᠤᠨᠠᠭᠠᠨᠠ᠃ 《ᠡᠪᠡᠰᠦᠨᠤ ᠤᠷᠭᠤᠴᠠ ᠰᠠᠢᠨ ᠪᠤᠯᠬᠤ ᠲᠤᠲᠤᠮ ᠭᠠᠯᠤᠨ ᠠᠶᠤᠯ ᠭᠠᠷᠬᠤ ᠪᠤᠯᠤᠮᠵᠢ ᠤᠯᠠᠮ ᠶᠡᠬᠡ ᠪᠣᠯᠤᠨᠠ᠂ ᠪᠢᠳᠡ ᠡᠳᠡᠭᠡᠷ ᠳᠠᠯᠳᠠ ᠭᠡᠮᠢ ᠲᠦᠷᠭᠡᠬᠡᠨ ᠠᠷᠢᠯᠭᠠᠬᠤ ᠬᠡᠷᠡᠭ᠌ᠲᠡᠶ》 ᠭᠡᠵᠦ ᠲᠡᠷᠡ ᠮᠠᠩᠨᠠᠶᠶ᠋ᠢᠨ ᠬᠥᠯᠥᠰᠥᠪᠡᠨ ᠠᠷᠴᠢᠬᠤᠶᠢᠨ ᠲᠠᠭᠠᠤ ᠬᠠᠵᠠᠭᠤᠳᠠᠬᠢ ᠡᠪᠡᠰᠦ ᠬᠤᠷᠢᠶᠠᠵᠦ ᠪᠠᠢᠭᠠ ᠬᠠᠨᠢᠲᠠᠨᠳᠠᠭᠠᠨ ᠬᠡᠯᠡᠨᠡ᠃
ᠣᠳᠣᠬᠠᠨᠳᠤ ᠣᠶ ᠱᠢᠭᠤᠶ ᠨᠤᠲᠤᠭ ᠪᠡᠯᠴᠢᠭᠡᠷᠦᠨ ᠲᠦᠶ᠋ᠮᠡᠷᠢ ᠰᠡᠷᠭᠡᠢᠯᠡᠨ ᠤᠨᠲᠠᠷᠠᠭᠠᠬᠤ ᠠᠵᠢᠯ ᠶᠠᠭ ᠵᠠᠩᠭᠢᠯᠠᠭᠠᠶ᠋ᠢᠨ ᠬᠤᠭᠤᠴᠠᠭᠠᠨᠳᠤ ᠣᠷᠣᠵᠤ᠂ ᠪᠠᠶᠠᠨᠨᠠᠭᠤᠷ ᠬᠣᠲᠠᠶ᠋ᠢᠨ ᠤᠷᠠᠳᠤᠨ ᠡᠮᠦᠨᠡᠲᠦ ᠬᠣᠱᠢᠭᠤᠨᠤ ᠨᠤᠲᠤᠭ ᠪᠡᠯᠴᠢᠭᠡᠷ ᠨᠢᠭᠡ ᠵᠢᠯᠦᠨ ᠳᠣᠲᠣᠷᠠᠬᠢ ᠬᠠᠮᠤᠭᠤᠨ ᠪᠠᠴᠢᠮ 《ᠰᠡᠷᠭᠡᠢᠯᠡᠯᠲᠡ》 ᠵᠢᠨ ᠪᠠᠢᠳᠠᠯᠳᠤ ᠣᠷᠣᠪᠠ᠃ ᠨᠢᠳᠤᠨᠤᠨ ᠵᠤᠨ ᠬᠤᠷᠠ ᠪᠣᠷᠣᠭᠠᠨ ᠡᠯᠪᠡᠭ ᠡᠴᠡ ᠡᠨᠳᠡᠬᠢ ᠡᠪᠡᠰᠦ ᠮᠣᠳᠣ ᠢᠭ᠍ᠴᠤ ᠰᠠᠬᠤᠯᠢᠭ ᠪᠤᠯᠵᠦ᠂ ᠤᠢᠶ᠋ᠢᠨ ᠳᠣᠲᠣᠷᠠᠬᠢ ᠱᠢᠲᠠᠮᠠᠬᠠᠢ ᠪᠣᠳᠠᠰᠤᠨ ᠳᠠᠭᠠᠭᠠᠴᠠ ᠥᠩᠭᠡᠷᠡᠭ᠌ᠰᠡᠨ ᠵᠢᠯᠦᠳ ᠲᠠᠢ ᠬᠠᠷᠢᠴᠠᠭᠤᠯᠪᠠᠯ ᠥᠨᠳᠥᠷ ᠲᠦᠪᠱᠢᠨᠳᠦ ᠬᠦᠷᠴᠡᠢ᠃ ᠬᠡᠷᠬᠢᠨ ᠡᠨᠡ ᠬᠦ᠌ ᠨᠣᠭᠣᠭᠠᠨ ᠥᠩᠭᠡᠶ᠋ᠢ ᠬᠠᠮᠠᠭᠠᠯᠠᠵᠤ᠂ ᠭᠠᠯᠤᠨ ᠠᠶᠤᠯᠢ ᠰᠡᠷᠭᠡᠢᠯᠡᠬᠦ᠌ ᠪᠣᠶ？ ᠤᠷᠠᠳᠤᠨ ᠡᠮᠦᠨᠡᠲᠦ ᠬᠣᠱᠢᠭᠤᠨᠤ ᠣᠢ ᠱᠢᠭᠤᠶ ᠨᠤᠲᠤᠭ ᠪᠡᠯᠴᠢᠭᠡᠷᠦᠨ ᠲᠣᠪᠴᠢᠶᠠ ᠨᠢ 《ᠰᠡᠷᠭᠡᠢᠯᠡᠬᠦ》 ᠳᠡᠭᠡᠷᠡ ᠬᠦᠴᠦ ᠲᠠᠯᠪᠢᠬᠤ ᠬᠡᠷᠡᠭᠲᠡᠢ ᠭᠡᠬᠦ ᠬᠠᠷᠢᠭᠤᠯᠲᠠ ᠦᠭᠴᠡᠢ᠃
ᠪᠠᠶᠠᠨᠬᠤᠸᠠ ᠪᠠᠯᠭᠠᠰᠤᠨᠤ ᠴᠠᠭᠠᠨ ᠬᠠᠳᠠ ᠭᠠᠴᠠᠭᠠᠶ᠋ᠢᠨ ᠠᠷᠢᠯᠭᠠᠨ ᠴᠡᠪᠡᠷᠯᠡᠬᠦ᠌ ᠠᠬᠤᠢ ᠲᠠᠯᠠᠪᠠᠢᠳᠤ᠂ ᠤᠷᠠᠳᠤᠨ ᠡᠮᠦᠨᠡᠲᠦ ᠬᠣᠱᠢᠭᠤᠨᠤ ᠤᠢ ᠱᠢᠭᠤᠢ ᠨᠤᠲᠤᠭ ᠪᠡᠯᠴᠢᠭᠡᠷᠦᠨ ᠲᠣᠪᠴᠢᠶᠠᠨᠤ ᠠᠵᠢᠯᠳᠠᠨ ᠪᠣᠯᠤᠨ ᠤᠢ ᠬᠠᠮᠠᠭᠠᠯᠠᠭ᠍ᠴᠢ ᠤᠯᠠᠨ ᠵᠠᠮ ᠬᠤᠪᠢᠶᠠᠵᠤ᠂ ᠪᠠᠭᠠᠵᠢ ᠬᠡᠷᠡᠭ᠌ᠰᠡᠯ ᠠᠳᠬᠤᠨ᠂ ᠪᠡᠯ ᠭᠠᠵᠠᠷ᠂ ᠤᠢᠶ᠋ᠢᠨ ᠬᠦᠪᠡᠭᠡᠶ᠋ᠢᠨ ᠬᠤᠪᠠᠬᠠᠢ ᠨᠠᠪᠴᠢ ᠨᠠᠮᠠᠭᠠᠶ᠋ᠢ ᠨᠠᠷᠢᠯᠢᠭ ᠴᠡᠪᠡᠷᠯᠡᠵᠦ᠍᠂ ᠬᠣᠭ ᠡᠪᠡᠰᠦᠶ᠋ᠢ ᠣᠪᠣᠭᠠᠯᠠᠠ ᠠᠮᠤᠷ ᠲᠦᠪᠱᠢᠨ ᠭᠠᠵᠠᠷᠲᠤ ᠱᠢᠯᠵᠢᠭᠦᠯᠪᠡ᠃
ᠬᠠᠷᠢᠨ ᠳᠡᠮᠡᠶ ᠬᠣᠯᠠ ᠦᠭᠡᠢ 110 ᠤᠯᠤᠰᠤᠨ ᠵᠠᠮᠤᠨ ᠡᠮᠦᠨᠡᠬᠢ ᠠᠭᠤᠯᠠᠶ᠋ᠢᠨ ᠬᠡᠰᠡᠭᠦᠨ ᠳᠠᠬᠢᠭᠠᠴᠢ ᠣᠷᠣᠨ ᠨᠢ ᠥᠭᠡᠷᠡ ᠨᠢᠭᠡᠨ 《ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠴᠢ ᠬᠡᠪ ᠨᠠᠮᠪᠠ》 ᠵᠢ ᠪᠦᠷᠢᠯᠳᠦᠬᠦᠯᠪᠡ᠃ ᠠᠯᠤᠰ ᠡᠵᠡᠮᠱᠢᠯᠲᠦ ᠭᠢᠨᠵᠢᠲᠦ ᠬᠡᠯᠪᠡᠷᠢᠶ᠋ᠢᠨ ᠡᠪᠡᠰᠦ ᠬᠠᠳᠤᠬᠤ ᠮᠠᠱᠢᠨ ᠠᠭᠠᠵᠢᠮᠢᠶᠠᠷ ᠤᠷᠤᠭ᠍ᠰᠢᠯᠠᠬᠤᠳᠤ᠂ ᠲᠡᠭᠦᠨᠤ ᠥᠩᠭᠡᠷᠡᠭᠰᠡᠨ ᠭᠠᠵᠠᠷ ᠲᠡᠬᠢ ᠢᠬ᠍ᠴᠦ ᠰᠠᠬᠤᠯᠢᠭ ᠡᠪᠡᠰᠦ ᠬᠣᠷᠣᠮᠬᠠᠨ ᠵᠠᠭᠤᠷᠠ ᠬᠡᠮᠬᠡᠳᠡᠭ ᠪᠤᠯᠵᠤ ᠤᠨᠠᠨᠠ᠃ 《ᠡᠨᠡ ᠮᠠᠰᠢᠨᠤ ᠠᠱᠢᠭ᠍ᠯᠠᠮᠵᠢᠨᠢ ᠥᠨᠳᠥᠷ᠂ ᠵᠠᠮᠤᠨ ᠬᠥᠪᠡᠭᠡ᠂ ᠴᠠᠬᠢᠯᠭᠠᠨ ᠡᠭᠦᠰᠭᠡᠭ᠌ᠴᠢ ᠵᠡᠷᠭᠡ ᠢᠪᠴᠤᠤ ᠪᠤᠶᠤ ᠠᠶᠤᠯᠲᠠᠶ ᠭᠠᠵᠠᠷᠤᠨ ᠡᠪᠡᠰᠦᠵᠢ ᠱᠢᠢᠳᠪᠦᠷᠢᠯᠡᠬᠦ᠌ᠳᠦ ᠣᠨᠴᠠᠭᠠᠢ ᠲᠣᠬᠢᠷᠠᠨᠠ》 ᠭᠡᠵᠦ ᠵᠢᠯᠣᠭᠣᠴᠢ ᠯᠢ ᠶᠣᠣ ᠢᠦᠶ ᠲᠠᠨᠢᠯᠴᠠᠭᠤᠯᠬᠤᠳᠠᠭᠠᠨ᠂ 《ᠲᠡᠭᠦᠨᠦ ᠠᠷᠢᠯᠭᠠᠨ ᠴᠡᠪᠡᠷᠯᠡᠵᠦ ᠥᠩᠭᠡᠷᠡᠭ᠌ᠰᠡᠨ ᠭᠠᠵᠠᠷ ᠨᠢ ᠭᠠᠯᠤᠨ ᠠᠶᠤᠯᠤᠨ ᠳᠠᠯᠳᠠ ᠬᠡᠮ ᠥᠬᠡᠶ ᠪᠣᠯᠬᠤ ᠪᠡᠷ ᠪᠠᠷᠠᠬᠤ ᠥᠬᠡᠶ᠂ ᠡᠪᠡᠰᠦᠨᠦ ᠬᠡᠮᠬᠡᠳᠡᠭᠢ ᠪᠠᠰᠠ ᠲᠠᠷᠢᠶᠠᠨ ᠭᠠᠵᠠᠷᠲᠤ ᠪᠤᠴᠠᠭᠠᠵᠦ᠂ ᠬᠥᠷᠥᠰᠥ᠍ ᠱᠢᠷᠣᠶᠶ᠋ᠢᠨ ᠱᠢᠮᠡᠶ᠋ᠢ ᠨᠡᠮᠡᠭ᠌ᠳᠡᠭᠦᠯᠳᠡᠭ》 ᠬᠡᠵᠦ ᠪᠠᠢᠯᠠ᠃
ᠣᠳᠣᠬᠠᠨᠳᠤ᠂ ᠲᠤᠰ ᠬᠣᠱᠢᠭᠤᠨᠤ ᠬᠢᠨ ᠤᠯᠤᠰᠤᠨ ᠵᠠᠮ ᠵᠢᠴᠢ ᠵᠢᠭᠤᠯᠴᠢᠯᠠᠯᠤᠨ ᠵᠠᠰᠠᠮᠠᠯ ᠵᠠᠮ ᠳᠠᠭᠠᠤ ᠨᠢᠭᠡᠨᠲᠡ 27 ᠺᠢᠯᠤᠮᠸᠲᠷᠤᠨ ᠭᠠᠯ ᠰᠡᠷᠭᠡᠢᠯᠡᠬᠦ᠌ ᠵᠠᠮᠢ ᠴᠡᠪᠡᠷᠯᠡᠵᠦ᠍ ᠂ ᠭᠣᠣᠯᠳᠠᠯᠭᠠᠲᠠᠶ ᠨᠣᠭᠣᠭᠠᠷᠠᠭᠤᠯᠤᠯᠲᠠᠶ᠋ᠢᠨ ᠣᠷᠣᠨᠢ ᠴᠡᠪᠡᠷᠯᠡᠭ᠌ᠰᠡᠨ ᠲᠠᠯᠠᠪᠠᠢ 2.2 ᠲᠦᠮᠡᠨ ᠮᠦ᠍ᠳᠦ ᠬᠦᠷᠴᠡᠢ᠃ ᠵᠤᠷᠪᠤᠰ ᠵᠤᠷᠪᠤᠰ ᠥᠷᠭᠡᠨᠦ ᠬᠡᠮᠵᠢᠶᠡ ᠨᠢ ᠪᠠᠷᠢᠮᠵᠢᠶᠠᠳᠤ ᠬᠦᠷᠦᠭ᠌ᠰᠡᠨ ᠹᠢᠽᠢᠺᠦᠨ ᠲᠤᠰᠠᠭᠠᠷᠯᠠᠬᠤ ᠪᠦᠰᠡ ᠨᠢ ᠪᠠᠲᠤ ᠪᠡᠬᠢ 《ᠭᠠᠯ ᠰᠡᠷᠭᠡᠢᠯᠡᠯᠲᠡᠵᠢᠨ ᠬᠡᠷᠡᠮ》 ᠰᠢᠭ ᠵᠢᠡᠷ ᠲᠠᠯᠠ ᠨᠤᠲᠤᠭ ᠪᠣᠯᠤᠨ ᠱᠢᠭᠤᠢᠲᠤ ᠣᠷᠣᠨᠤ ᠵᠠᠭᠠᠭ ᠱᠤᠭᠤᠮᠢ ᠲᠣᠳᠣᠷᠬᠠᠶ ᠵᠢᠷᠤᠵᠤ ᠭᠠᠷᠭᠠᠵᠠᠶ᠃
《ᠭᠠᠯ ᠰᠡᠷᠭᠡᠢᠯᠡᠬᠦ᠌ᠳᠦ ᠬᠠᠰᠢ ᠶᠠᠰᠢ ᠪᠠᠢᠵᠦ ᠪᠣᠯᠬᠤ ᠥᠬᠡᠶ᠂ ᠡᠷᠬᠡᠪᠰᠢ ᠨᠠᠷᠢᠨ ᠣᠨᠣᠪᠴᠢᠲᠠᠶᠪᠠᠷ ᠠᠩᠬᠠᠷᠤᠨ ᠰᠡᠷᠭᠡᠢᠯᠡᠬᠦ᠌ ᠬᠡᠷᠡᠭ᠌ᠲᠡᠶ》 ᠭᠡᠵᠦ ᠤᠷᠠᠳᠤᠨ ᠡᠮᠦᠨᠡᠲᠦ ᠬᠣᠱᠢᠭᠤᠨᠤ ᠤᠢ ᠱᠢᠭᠤᠢ ᠨᠤᠲᠤᠭ ᠪᠡᠯᠴᠢᠭᠡᠷᠦᠨ ᠲᠣᠪᠴᠢᠶᠠᠨᠤ ᠭᠠᠯ ᠰᠡᠷᠭᠡᠢᠯᠡᠬᠦ᠌ ᠠᠯᠪᠠᠨ ᠭᠡᠷᠦᠨ ᠡᠷᠬᠢᠯᠡᠭ᠌ᠴᠢ ᠮᠠ ᠵᠦᠩ ᠬᠤᠢ ᠭᠠᠵᠠᠷᠤᠨ ᠵᠢᠷᠤᠭ ᠳᠡᠭᠡᠷᠡᠬᠢ ᠲᠡᠮᠳᠡᠭᠢ ᠵᠢᠭᠠᠵᠤ ᠬᠡᠯᠡᠪᠡ᠃ ᠡᠨᠡ ᠵᠢᠯ᠂ ᠲᠠᠳᠠ ᠣᠶᠶ᠋ᠢᠨ ᠵᠠᠬᠠ᠂ ᠵᠠᠮᠤᠨ ᠵᠠᠬᠠ᠂ ᠬᠡᠷᠦᠨ ᠵᠠᠬᠠ᠂ ᠴᠠᠬᠢᠯᠭᠠᠨ ᠬᠣᠯᠪᠣᠭᠠ᠂ ᠭᠠᠵᠠᠷ ᠣᠷᠣᠨᠤ ᠠᠭᠤᠯᠵᠠᠷ ᠪᠦᠰᠡ ᠵᠢᠴᠢ ᠠᠮᠢ ᠠᠬᠤᠶᠶ᠋ᠢᠨ ᠬᠠᠮᠠᠭᠠᠯᠠᠯᠲᠠᠶ᠋ᠢᠨ ᠣᠷᠣᠨ᠂ ᠲᠠᠷᠢᠶᠠᠯᠠᠩ ᠣᠶ ᠱᠢᠭᠤᠶ ᠰᠣᠯᠪᠢᠴᠠᠭ᠍ᠰᠠᠨ ᠣᠷᠣᠨ᠂ ᠵᠢᠭᠤᠯᠴᠢᠯᠠᠯᠤᠨ ᠦᠵᠡᠮᠵᠢᠶ᠋ᠢᠨ ᠣᠷᠣᠨᠤ ᠶᠠᠪᠠᠭᠠᠨ ᠵᠠᠮᠤᠨ ᠬᠣᠶᠠᠷ ᠲᠠᠯᠠᠳᠤ ᠠᠩᠬᠠᠷᠤᠯᠢᠶᠠᠨ ᠲᠥᠪᠯᠡᠷᠡᠭᠦᠯᠪᠡ᠃ 《ᠡᠲᠡᠭᠡᠷ ᠭᠠᠵᠠᠷᠤᠨ ᠬᠥᠮᠦᠰ ᠣᠯᠠᠨ ᠠᠵᠢᠯᠯᠠᠭᠠ ᠬᠢᠵᠦ᠍᠂ ᠤᠷᠭᠤᠮᠠᠯᠤᠨ ᠬᠤᠴᠢᠯᠭᠠ ᠨᠢᠭ᠍ᠲᠠ ᠵᠠᠯᠭᠠᠯᠳᠤᠵᠤ ᠪᠠᠢᠳᠠᠭ ᠡᠴᠡ ᠭᠠᠯᠤᠨ ᠠᠶᠤᠯᠢ ᠰᠡᠷᠭᠡᠢᠯᠡᠬᠦ᠌ᠶ᠋ᠢᠨ ᠭᠤᠤᠯᠳᠠᠯᠭᠠ ᠪᠣᠯᠵᠣ ᠪᠠᠢᠨᠠ》᠃
ᠠᠷᠢᠯᠭᠠᠨ ᠴᠡᠪᠡᠷᠯᠡᠬᠦ᠌ ᠠᠵᠢᠯᠯᠠᠭᠠ ᠪᠣᠯ ᠨᠢᠭᠡᠳᠦᠭᠡᠷ ᠭᠣᠭ᠍ᠴᠣᠭᠠ ᠲᠡᠳᠦᠶ ᠶᠤᠮ᠂ ᠲᠠᠷᠠᠭᠠᠴᠢᠶ᠋ᠢᠨ ᠰᠡᠷᠭᠡᠢᠯᠡᠨ ᠡᠵᠡᠮᠳᠡᠬᠦ᠌ ᠱᠢᠰᠲ᠋ᠧᠮᠢ ᠪᠥᠬᠥ᠌ ᠲᠠᠯᠠᠪᠠᠷ ᠲᠠᠰ ᠳᠡᠪᠱᠢᠬᠦᠯᠬᠦ ᠴᠢᠬᠤᠯᠠᠲᠠᠢ᠃ 《ᠪᠢᠳᠡ ᠱᠢᠨᠡᠪᠡᠷ ᠪᠠᠢᠭᠤᠯᠤᠭ᠍ᠰᠠᠨ ᠪᠠ ᠨᠢᠭᠡᠨᠲᠡ ᠪᠠᠢᠭᠠ ᠬᠠᠷᠠᠭᠤᠯᠤᠨ ᠲᠡᠪᠴᠡᠩᠳᠤ ᠲᠦᠱᠢᠭ᠌ᠯᠡᠨ᠂ 24 ᠴᠠᠭᠢᠶᠠᠷ ᠲᠠᠰᠤᠷᠠᠯᠲᠠ ᠥᠬᠡᠶ ᠸᠢᠳᠢᠣ᠋ ᠪᠡᠷ ᠬᠢᠨᠠᠨ ᠡᠵᠡᠮᠳᠡᠬᠦ᠌ᠶ᠋ᠢ ᠬᠡᠷᠡᠭ᠌ᠵᠢᠭᠦᠯᠤᠨᠡ； ᠵᠢᠯᠣᠭᠣᠳᠭᠤ ᠲᠥᠪᠦᠨ ᠭᠠᠯ ᠰᠡᠷᠭᠡᠢᠯᠡᠬᠦ᠌ ᠶᠡᠬᠡ ᠳᠡᠯᠭᠡᠴᠡ ᠨᠢ ᠭᠤᠤᠯᠳᠠᠯᠭᠠᠲᠠᠶ ᠣᠷᠣᠨ ᠪᠦᠰᠡᠶ᠋ᠢᠨ ᠬᠥᠳᠡᠯᠦᠯ ᠪᠠᠢᠳᠠᠯᠢ ᠴᠠᠭ ᠲᠤᠬᠠᠶᠳᠤᠨᠢ ᠲᠣᠬᠢᠷᠠᠭᠤᠯᠵᠤ ᠪᠠᠢᠳᠠᠭ； ᠭᠠᠵᠠᠷ ᠳᠡᠭᠡᠷᠡᠬᠢ ᠲᠣᠭᠣᠷᠢᠨ ᠬᠠᠮᠠᠭᠠᠯᠠᠬᠤ ᠠᠵᠢᠯᠯᠠᠭᠠᠵᠢ ᠨᠡᠮᠡᠭᠳᠡᠬᠦᠯᠵᠦ᠂ ᠮᠣᠲ᠋ᠣᠷ ᠲᠡᠷᠭᠡᠨᠦ ᠠᠩᠭᠢ᠂ ᠶᠠᠪᠠᠭᠠᠨᠢᠶᠠᠷ ᠲᠣᠭᠣᠷᠢᠨ ᠪᠠᠢᠴᠠᠭᠠᠬᠤ ᠳᠤᠭᠤᠢᠯᠠᠩ ᠨᠢ ᠭᠤᠤ ᠵᠢᠯᠠᠭᠠ ᠪᠣᠯᠭᠠᠨᠳᠤ ᠭᠦᠨᠵᠡᠭᠡᠢᠷᠡᠨ ᠦᠵᠡᠳᠡᠭ᠃ ᠣᠭ᠍ᠲᠠᠷᠭᠤᠢ ᠳ᠋ᠡᠬᠢ ᠲᠡᠪᠴᠡᠩ᠂ ᠠᠭᠠᠷ ᠳᠡᠬᠢ ᠳᠡᠯᠭᠡᠴᠡ᠂ ᠭᠠᠵᠠᠷ ᠳᠡᠭᠡᠷᠡᠬᠢ ᠬᠥᠮᠦᠨ ᠨᠢ 〈ᠣᠭ᠍ᠲᠠᠷᠭᠤᠢ ᠠᠭᠠᠷ ᠭᠠᠵᠠᠷ〉ᠢ᠋ ᠨᠢᠭᠡ ᠴᠤᠬ᠍ᠴᠠᠵᠢᠭᠤᠯᠵᠤ᠂ ᠭᠠᠯ ᠭᠠᠷᠪᠠᠯ ᠡᠷᠲᠡ ᠢᠯᠡᠷᠡᠭᠦᠯᠵᠦ᠍᠂ ᠡᠷᠲᠡ ᠮᠡᠳᠡᠭᠦᠯᠵᠦ᠍᠂ ᠡᠷᠲᠡ ᠱᠢᠢᠳᠪᠦᠷᠢᠯᠡᠬᠦ᠌ᠶ᠋ᠢ ᠪᠠᠲᠤᠯᠠᠨᠠ》 ᠭᠡᠵᠦ᠍ ᠮᠠ ᠵᠥᠩ ᠬᠤᠢ ᠲᠠᠨᠢᠯᠴᠠᠭᠤᠯᠪᠠ᠃
ᠠᠷᠢᠯᠭᠠᠨ ᠴᠡᠪᠡᠷᠯᠡᠬᠦ᠌ ᠠᠵᠢᠯᠢ ᠥᠷᠨᠢᠭᠦᠯᠬᠦ᠌ᠶ᠋ᠢᠨ ᠬᠠᠮᠲᠤ᠂ ᠤᠷᠠᠳᠤᠨ ᠡᠮᠦᠨᠡᠲᠦ ᠬᠣᠱᠢᠭᠤᠨᠤ ᠣᠶ ᠱᠢᠭᠤᠶ ᠨᠤᠲᠤᠭ ᠪᠡᠯᠴᠢᠭᠡᠷᠦᠨ ᠲᠣᠪᠴᠢᠶᠠᠶ᠋ᠢᠨ ᠠᠵᠢᠯᠲᠠᠨ ᠪᠠᠰᠠ ᠤᠬᠠᠭᠤᠯᠤᠭ᠍ᠴᠢ ᠪᠣᠯᠵᠣ᠂ ᠮᠠᠯᠵᠢᠬᠤ ᠲᠠᠷᠢᠶᠠᠯᠠᠬᠤ ᠡᠷᠦᠬᠡᠪᠡᠷ ᠬᠦᠷᠴᠦ᠍᠂ ᠲᠠᠷᠢᠶᠠᠨ ᠭᠠᠵᠠᠷᠲᠤ ᠭᠠᠯ ᠰᠡᠷᠭᠡᠢᠯᠡᠬᠦ᠌ ᠮᠡᠳᠡᠯᠭᠡᠶ᠋ᠢ ᠲᠠᠢᠯᠪᠤᠷᠢᠯᠠᠵᠤ᠂ ᠤᠬᠠᠭᠤᠯᠭᠠᠶ᠋ᠢᠨ ᠮᠠᠲ᠋ᠧᠷᠢᠶᠠᠯ ᠲᠠᠷᠬᠠᠭᠠᠪᠠ᠃ 《ᠲᠠᠯᠠ ᠨᠤᠲᠤᠭ ᠪᠣᠯ ᠮᠠᠨᠤ ᠬᠠᠮᠲᠤᠶ᠋ᠢᠨ ᠬᠡᠷ ᠤᠷᠤᠨ ᠮᠥᠨ᠂ ᠭᠠᠯᠰᠡᠷᠭᠡᠢᠯᠡᠬᠦ᠌ ᠪᠣᠯ ᠬᠡᠷ ᠣᠷᠣᠨᠢᠶᠠᠨ ᠬᠠᠮᠠᠭᠠᠯᠠᠵᠤ ᠪᠠᠢᠭᠠ ᠶᠠᠪᠤᠳᠠᠯ ᠮᠥᠨ》 ᠭᠡᠵᠦ᠍ ᠡᠷᠳᠡᠨᠢᠪᠤᠯᠠᠭ ᠰᠤᠮᠤᠶ᠋ᠢᠨ ᠮᠠᠯᠴᠢᠨ ᠤᠶᠤᠨᠴᠡᠴᠡᠭ ᠰᠡᠳᠬᠢᠯ ᠬᠦᠳᠡᠯᠦᠨ ᠬᠡᠯᠡᠨᠡ᠃