—— 《ᠪᠡᠶᠡᠶ᠋ᠢᠨ ᠲᠠᠮᠢᠷ + ᠰᠤᠷᠭᠠᠨ ᠬᠦᠮᠦᠵᠢᠯ》 ᠰᠢᠷᠢᠰ ᠮᠡᠳᠡᠭᠡᠯᠡᠯ ①
ᠨᠠᠢᠷᠠᠭᠤᠯᠤᠬᠴᠢ ᠵᠢᠨ ᠦᠭᠡ᠄
ᠤᠳᠤᠬᠠᠨ ᠳ᠋ᠦ᠂ ᠰᠤᠷᠭᠠᠨ ᠬᠥᠮᠦᠵᠢᠯᠦᠨ ᠶᠠᠮᠤᠨ 《ᠬᠢᠴᠢᠶᠡᠯᠦᠨ ᠵᠠᠪᠰᠠᠷᠯᠠᠭᠠᠶ᠋ᠢᠨ 15 ᠮᠢᠨᠦ᠋ᠲ》᠂ 《ᠡᠳᠦᠷ ᠪᠦᠷᠢᠶ᠋ᠢᠨ 2 ᠴᠠᠭᠤᠨ ᠪᠡᠶᠡᠶ᠋ᠢᠨ ᠲᠠᠮᠢᠷᠤᠨ ᠬᠥᠳᠡᠯᠭᠡᠭᠡᠨ》 ᠢ᠋ ᠶᠡᠬᠡᠪᠡᠷ ᠰᠠᠨᠠᠭᠠᠴᠢᠯᠠᠵᠤ᠂ ᠪᠡᠶᠡᠶ᠋ᠢᠨ ᠲᠠᠮᠢᠷ ᠪᠠ ᠰᠤᠷᠭᠠᠨ ᠬᠥᠮᠦᠵᠢᠯᠢ ᠠᠭᠤᠰᠤᠯᠴᠠᠭᠤᠯᠬᠤ ᠨᠢ ᠰᠤᠷᠭᠠᠨ ᠬᠥᠮᠦᠵᠢᠯᠦᠨ ᠱᠢᠨᠡ ᠬᠡᠪ ᠰᠤᠷᠲᠠᠯ ᠪᠤᠯᠤᠯᠠ᠃ 《ᠲᠠᠮᠢᠷᠤᠨ ᠲᠠᠪᠴᠠᠩ》 ᠲᠤᠰᠬᠠᠢ ᠨᠢᠭᠤᠷ ᠡᠨᠡ ᠡᠳᠦᠷᠡᠴᠡ ᠡᠬᠢᠯᠡᠨ 《ᠪᠡᠶᠡᠶ᠋ᠢᠨ ᠲᠠᠮᠢᠷ + ᠰᠤᠷᠭᠠᠨ ᠬᠦᠮᠦᠵᠢᠯ》 ᠱᠢᠷᠢᠰ ᠮᠡᠳᠡᠭᠡᠯᠡᠯᠢ ᠰᠤᠷᠪᠤᠯᠵᠢᠯᠠᠨ ᠨᠡᠢᠲᠡᠯᠡᠵᠦ᠍᠂ ᠥᠪᠥᠷ ᠮᠣᠩᠭᠣᠯᠤᠨ 《ᠪᠡᠶᠡᠶ᠋ᠢᠨ ᠲᠠᠮᠢᠷ + ᠰᠤᠷᠭᠠᠨ ᠬᠦᠮᠦᠵᠢᠯ》 ᠤ᠋ᠨ ᠨᠡᠢᠳᠡᠯᠢᠭ ᠦᠢᠯᠡᠳᠦᠯᠭᠡ ᠵᠢ ᠤᠩᠰᠢᠬᠴᠢ ᠤᠯᠠᠨ ᠲᠠᠢ ᠪᠠᠨ ᠬᠤᠪᠢᠶᠠᠯᠴᠠᠬᠤ ᠪᠤᠯᠤᠯᠠ᠃ ᠲᠠᠭᠠᠯᠠᠨ ᠤᠩᠰᠢᠮᠤ！
ᠤᠷᠢᠨ ᠬᠠᠪᠤᠷᠤᠨ ᠦᠷᠯᠦᠭᠡ ᠵᠢᠨ ᠨᠠᠷᠠᠨ ᠡᠭᠡ ᠲᠡᠯᠡᠭᠡᠢ ᠵᠢ ᠭᠡᠢᠬᠦᠯᠬᠦ ᠪᠡᠷ᠂ ᠪᠤᠭᠤᠲᠤ ᠬᠤᠳᠠᠶ᠋ᠢᠨ ᠭᠤᠴᠢᠨ ᠭᠤᠷᠪᠠᠳᠤᠭᠠᠷ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢᠶ᠋ᠢᠨ ᠰᠠᠭ᠍ᠰᠤᠨ ᠪᠥᠮᠪᠥᠭᠡᠶ᠋ᠢᠨ ᠣᠷᠳᠣᠨᠳᠤ ᠠᠩᠬᠠ ᠵᠡᠷᠭᠡᠶ᠋ᠢᠨ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢᠶ᠋ᠢᠨ ᠰᠤᠷᠤᠬᠴᠢᠳ ᠪᠣᠯᠤᠨ ᠪᠠᠭᠠ ᠰᠤᠷᠭᠠᠭᠤᠯᠢᠶ᠋ᠢᠨ ᠰᠤᠷᠤᠬᠴᠢᠳ ᠡᠮᠬᠢ ᠵᠢᠷᠤᠮᠲᠠᠶ ᠪᠡᠷ ᠰᠠᠭᠰᠤᠨ ᠪᠦᠮᠪᠦᠭᠡ ᠵᠢᠨ ᠪᠣᠯᠪᠠᠰᠤᠷᠠᠯ ᠵᠢᠡᠨ ᠡᠬᠢᠯᠡᠬᠦᠯᠦᠯᠡ ；ᠡᠬᠦᠨᠤ ᠵᠡᠷᠭᠡ ᠪᠡᠷ ᠂ ᠪᠤᠭᠤᠲᠤ ᠬᠣᠲᠠᠶ᠋ᠢᠨ ᠨᠢᠭᠡᠳᠦᠭᠡᠷ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢᠶ᠋ᠢᠨ ᠠᠯᠠᠭᠠᠳᠠᠬᠤ ᠪᠥᠮᠪᠥᠭᠡᠶ᠋ᠢᠨ ᠣᠷᠳᠣᠨᠳᠤ᠂ ᠡᠮᠡᠭ᠌ᠲᠡᠢᠴᠦᠳᠤᠨ ᠠᠯᠠᠭᠠᠳᠠᠬᠤ ᠪᠥᠮᠪᠥᠭᠡᠶ᠋ᠢᠨ ᠠᠩᠭᠢᠶ᠋ᠢᠨ ᠥᠬᠢᠳ ᠤᠨ ᠪᠦᠮᠪᠦᠭᠡ ᠠᠯᠠᠭᠠᠳᠠᠬᠤ ᠲᠠᠭᠤᠨ᠂ ᠤᠤᠬᠠᠢᠯᠠᠨ ᠬᠠᠰᠬᠢᠷᠬᠤ ᠲᠠᠭᠤᠨ ᠬᠤᠯᠠ ᠡᠴᠡ ᠰᠤᠨᠤᠰᠳᠠᠨᠠ；ᠵᠢᠷᠭᠤᠳᠤᠭᠠᠷ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢᠶ᠋ᠢᠨ ᠭᠦᠶᠦᠯᠲᠡᠶ᠋ᠢᠨ ᠵᠠᠮ ᠳᠡᠭᠡᠷᠡ᠂ ᠬᠦᠨᠳᠦ ᠬᠥᠩᠭᠡᠨ ᠲᠠᠮᠢᠷᠤᠨ ᠠᠩᠭᠢᠶ᠋ᠢᠨ ᠭᠡᠱᠢᠭᠦᠳ ᠬᠦᠯᠦᠰᠦ ᠠᠰᠬᠠᠷᠠᠭᠤᠯᠤᠨ ᠪᠤᠯᠪᠠᠰᠤᠷᠠᠨᠠ ᠁
《ᠲᠠᠯᠠ ᠨᠤᠲᠤᠭᠤᠨ ᠪᠣᠯᠣᠳ ᠬᠣᠲᠠ》 ᠬᠡᠮᠡᠭᠳᠡᠭᠰᠡᠨ ᠪᠤᠭᠤᠳᠤ ᠬᠤᠳᠠ ᠪᠡᠶᠡ ᠵᠢᠨ ᠲᠠᠮᠢᠷ ᠰᠤᠷᠭᠠᠨ ᠬᠥᠮᠦᠵᠢᠯᠦᠨ ᠠᠭᠤᠰᠤᠯᠴᠠᠯᠢ ᠬᠦᠨᠵᠡᠭᠡᠢᠷᠡᠬᠦᠯᠵᠦ᠂ ᠵᠠᠯᠠᠭᠤᠴᠤᠳ ᠪᠠᠭᠠᠴᠤᠳᠤᠨ ᠪᠥᠬᠥ᠌ ᠲᠠᠯᠠᠶ᠋ᠢᠨ ᠬᠥᠭ᠌ᠵᠢᠯᠲᠡᠶ᠋ᠢ ᠠᠬᠢᠭᠤᠯᠬᠤ ᠱᠢᠨᠡ ᠬᠠᠭᠤᠳᠠᠰᠤᠶ᠋ᠢ ᠪᠢᠴᠢᠭ᠌ᠯᠡᠨᠡ᠃
ᠥᠪᠥᠷ ᠮᠣᠩᠭᠣᠯᠤᠨ ᠪᠡᠶᠡᠶ᠋ᠢᠨ ᠲᠠᠮᠢᠷ ᠰᠤᠷᠭᠠᠨ ᠬᠥᠮᠦᠵᠢᠯᠢ ᠠᠭᠤᠰᠤᠯᠴᠠᠭᠤᠯᠬᠤ ᠲᠤᠷᠱᠢᠯᠲᠠᠶ᠋ᠢᠨ ᠴᠡᠭᠦᠨ ᠠᠢᠮᠠᠭ ᠬᠣᠲᠠ ᠪᠣᠯᠤᠭ᠍ᠰᠠᠨᠤ ᠬᠤᠪᠢᠳᠤ ᠪᠤᠭᠤᠲᠤ ᠬᠣᠲᠠ 《ᠲᠥᠷᠥᠶ᠋ᠢᠨ ᠪᠣᠳᠣᠯᠭᠠ + ᠤᠷᠤᠯᠳᠤᠭᠠᠨ + ᠡᠬᠢ ᠪᠠᠶᠠᠯᠢᠭ》ᠭᠤᠷᠪᠠᠶ᠋ᠢ ᠨᠢᠭᠡ ᠴᠣᠭ᠍ᠴᠠᠵᠢᠭᠤᠯᠤᠭ᠍ᠰᠠᠨ ᠬᠥᠮᠦᠨᠢ ᠬᠥᠮᠦᠵᠢᠭᠦᠯᠬᠦ᠌ ᠱᠢᠨᠡ ᠠᠮᠢ ᠠᠬᠤᠶᠶ᠋ᠢ ᠪᠠᠢᠭᠤᠯᠪᠠ᠃ 2023 ᠣᠨᠤ 9 ᠰᠠᠷᠠᠳᠤ᠂ ᠬᠣᠲᠠᠶ᠋ᠢᠨ ᠪᠡᠶᠡᠶ᠋ᠢᠨ ᠲᠠᠮᠢᠷᠤᠨ ᠲᠣᠪᠴᠢᠶᠠ᠂ ᠰᠤᠷᠭᠠᠨ ᠬᠥᠮᠦᠵᠢᠯᠦᠨ ᠲᠣᠪᠴᠢᠶᠠ ᠬᠠᠮᠲᠤᠷᠠᠨ《ᠪᠤᠭᠤᠲᠤ ᠬᠣᠲᠠᠶ᠋ᠢᠨ ᠪᠡᠶᠡᠶ᠋ᠢᠨ ᠲᠠᠮᠢᠷ ᠰᠤᠷᠭᠠᠨ ᠬᠥᠮᠦᠵᠢᠯᠢ ᠠᠭᠤᠰᠤᠯᠴᠠᠭᠤᠯᠬᠤ ᠠᠵᠢᠯᠤᠨ ᠬᠡᠷᠡᠭ᠌ᠵᠢᠭᠦᠯᠬᠦ᠌ ᠲᠥᠰᠦᠯ》 ᠢ᠋ ᠳᠠᠷᠤᠮᠠᠯᠯᠠᠨ ᠲᠠᠷᠬᠠᠭᠠᠵᠤ᠂ 《 ᠨᠢᠭᠡ ᠰᠤᠷᠭᠠᠭᠤᠯᠢ ᠨᠢᠭᠡ ᠲᠦᠷᠦᠯ ᠲᠡᠮᠳᠡᠭ᠂ ᠨᠢᠭᠡ ᠰᠤᠷᠭᠠᠭᠤᠯᠢ ᠣᠯᠠᠨ ᠲᠦᠷᠦᠯ ᠲᠡᠮᠳᠡᠭ》 ᠬᠥᠭ᠌ᠵᠢᠯᠲᠡᠶ᠋ᠢᠨ ᠠᠷᠭᠠ ᠵᠠᠮᠢ ᠲᠣᠳᠣᠷᠬᠠᠢᠯᠠᠵᠤ᠂ 50 ᠪᠡᠶᠡᠶ᠋ᠢᠨ ᠲᠠᠮᠢᠷᠤᠨ ᠤᠯᠠᠮᠵᠢᠯᠠᠯᠲᠤ ᠣᠨᠴᠠᠯᠢᠭ᠍ᠲᠤ ᠰᠤᠷᠭᠠᠭᠤᠯᠢᠶ᠋ᠢ ᠱᠢᠨᠡᠪᠡᠷ ᠱᠢᠯᠭᠠᠷᠠᠭᠤᠯᠤᠨ ᠨᠡᠷᠡᠢᠳᠴᠦ᠍᠂ ᠲᠠᠰ ᠳᠠᠪᠬᠤᠷᠭᠠ ᠲᠥᠷᠥᠯ ᠬᠤᠪᠢᠶᠠᠭ᠍ᠰᠠᠨ᠂ ᠪᠥᠬᠥ᠌ ᠣᠷᠣᠨ ᠪᠦᠰᠡᠶ᠋ᠢ ᠬᠠᠮᠤᠷᠤᠭ᠍ᠰᠠᠨ ᠬᠥᠭ᠌ᠵᠢᠯᠲᠡᠶ᠋ᠢᠨ ᠪᠠᠢᠷᠢᠱᠢᠯᠢ ᠪᠣᠶ ᠪᠣᠯᠭᠠᠪᠠ᠃ ᠥᠨᠳᠥᠷ ᠵᠡᠷᠭᠡᠶ᠋ᠢᠨ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢᠳᠤ ᠳᠠᠪᠱᠢᠬᠤ ᠱᠢᠯᠭᠠᠯᠲᠠᠶ᠋ᠢᠨ ᠪᠡᠶᠡᠶ᠋ᠢᠨ ᠲᠠᠮᠢᠷᠤᠨ 7 ᠵᠦᠶ᠋ᠯᠦᠨ ᠤᠷᠠ ᠴᠢᠳᠠᠪᠤᠷᠢᠶ᠋ᠢᠨ ᠱᠢᠯᠭᠠᠯᠲᠠᠶ᠋ᠢ ᠱᠢᠨᠡᠪᠡᠷ ᠨᠡᠮᠡᠭ᠌ᠳᠡᠭᠦᠯᠵᠦ᠍᠂ ᠥᠨᠳᠥᠷ ᠵᠡᠷᠭᠡᠶ᠋ᠢᠨ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢᠶ᠋ᠢᠨ ᠪᠡᠶᠡᠶ᠋ᠢᠨ ᠲᠠᠮᠢᠷᠤᠨ ᠣᠨᠴᠠ ᠴᠢᠳᠠᠪᠤᠷᠢᠲᠠᠶ ᠰᠣᠷᠣᠭ᠍ᠴᠢ ᠡᠯᠰᠡᠬᠦ᠌ ᠬᠡᠪᠴᠢᠶᠡᠶ᠋ᠢ ᠵᠣᠬᠢᠰᠲᠠᠶ ᠥᠷᠭᠡᠳᠭᠡᠨ᠂ ᠰᠣᠶᠣᠯᠤᠨ ᠬᠢᠴᠢᠶᠡᠯᠦᠨ ᠬᠢᠨᠠᠨ ᠱᠢᠯᠭᠠᠯᠲᠠᠳᠤ ᠪᠡᠶᠡᠶ᠋ᠢᠨ ᠲᠠᠮᠢᠷᠤᠨ ᠤᠷᠠ ᠴᠢᠳᠠᠪᠤᠷᠢᠶ᠋ᠢᠨ ᠬᠢᠷᠢ ᠲᠦᠪᠱᠢᠨᠢ ᠨᠠᠩ ᠢᠯᠡᠭᠦᠦ ᠴᠢᠬᠤᠯᠠᠴᠢᠯᠠᠵᠤ᠂ ᠪᠡᠶᠡᠶ᠋ᠢᠨ ᠲᠠᠮᠢᠷᠤᠨ ᠴᠢᠳᠠᠪᠤᠷᠢᠲᠠᠨᠤ ᠦᠰᠦᠨ ᠪᠣᠢᠵᠢᠬᠤ ᠲᠥᠷᠥᠶ᠋ᠢᠨ ᠪᠣᠳᠣᠯᠭᠠ ᠶ᠋ᠢᠨ ᠵᠠᠮ ᠢ ᠨᠡᠪᠲᠡᠷᠡᠭᠦᠯᠪᠡ ᠃
ᠪᠤᠭᠤᠲᠤ ᠬᠣᠲᠠᠶ᠋ᠢᠨ ᠭᠤᠴᠢᠨ ᠭᠤᠷᠪᠠᠳᠤᠭᠠᠷ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢᠳᠤ᠂ ᠰᠠᠭ᠍ᠰᠤᠨ ᠪᠥᠮᠪᠥᠭᠡᠶ᠋ᠢᠨ ᠶᠡᠷᠦᠩᠬᠡᠶ ᠳᠠᠰᠭᠠᠯᠵᠢᠭᠤᠯᠤᠭ᠍ᠴᠢ ᠱᠢᠤᠢ ᠱᠦ᠍ ᠵᠢᠶᠦ᠋ᠨ 29 ᠵᠢᠯ ᠴᠦᠬᠦᠷᠡᠰᠢ ᠦᠭᠡᠢ ᠴᠢᠷᠮᠠᠢᠨ ᠪᠠᠭᠠ ᠰᠤᠷᠭᠠᠭᠤᠯᠢ ᠠᠩᠬᠠ ᠵᠡᠷᠭᠡᠶ᠋ᠢᠨ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠥᠨᠳᠥᠷ ᠵᠡᠷᠭᠡᠶ᠋ᠢᠨ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠶ᠋ᠢ ᠨᠢᠭᠡ ᠴᠤᠭ᠍ᠴᠠᠵᠢᠭᠤᠯᠤᠨ ᠬᠥᠮᠦᠵᠢᠭᠦᠯᠬᠦ᠌ ᠱᠢᠰᠲ᠋ᠧᠮᠢ ᠪᠦᠳᠦᠭᠡᠯᠴᠢ ᠪᠡᠷ ᠰᠡᠳᠬᠢᠨ ᠪᠠᠢᠭᠤᠯᠪᠠ᠃ ᠰᠤᠷᠭᠠᠭᠤᠯᠢᠵᠢᠨ ᠬᠢᠨ ᠰᠠᠭ᠍ᠰᠤᠨ ᠪᠥᠮᠪᠥᠭᠡᠶ᠋ᠢᠨ ᠲᠤᠰᠬᠠᠢ ᠮᠡᠷᠭᠡᠵᠢᠯᠤᠨ ᠠᠩᠬᠢ ᠵᠢᠨ ᠰᠣᠷᠣᠭ᠍ᠴᠢ ᠡᠯᠰᠡᠬᠦ᠌ ᠬᠡᠷᠡᠭ᠌ᠴᠡᠭᠡ ᠱᠠᠭᠠᠷᠳᠠᠯᠭᠠᠲᠠᠶ ᠣᠨᠣᠴᠠᠳᠠᠢ ᠵᠣᠯᠭᠠᠭᠤᠯᠵᠤ ᠂ ᠬᠢᠴᠢᠶᠡᠯᠦᠨ ᠪᠠᠢᠷᠢᠯᠠᠭᠤᠯᠤᠯᠲᠠ ᠪᠡᠨ ᠱᠢᠯᠢᠳᠡᠭ᠌ᠵᠢᠭᠦᠯᠦᠨ᠂ ᠬᠡᠯᠡ ᠪᠢᠴᠢᠭ᠂ ᠲᠣᠭᠠᠨᠤ ᠤᠬᠠᠭᠠᠨ᠂ ᠠᠨᠭ᠌ᠭ᠌ᠯᠢ ᠬᠡᠯᠡ᠂ ᠤᠯᠤᠰ ᠲᠥᠷᠥ᠍ ᠵᠡᠷᠭᠡ ᠳᠥᠷᠪᠡᠨ ᠭᠤᠤᠯ ᠬᠢᠴᠢᠶᠡᠯ ᠲᠥᠷᠥᠯᠳᠦ ᠠᠩᠬᠠᠷᠤᠯᠢᠶᠠᠨ ᠲᠥᠪᠯᠡᠷᠡᠭᠦᠯᠦᠨ ᠬᠠᠨᠳᠤᠯᠭᠠᠲᠤ ᠴᠢᠨᠠᠷᠲᠠᠶ ᠵᠢᠭᠠᠨ ᠰᠤᠷᠭᠠᠯᠲᠠ ᠥᠷᠨᠢᠭᠦᠯᠪᠡ ᠃ ᠣᠢᠷᠠᠶ᠋ᠢᠨ ᠬᠣᠶᠠᠷ ᠵᠢᠯᠳᠦ᠂ ᠪᠡᠶᠡᠶ᠋ᠢᠨ ᠲᠠᠮᠢᠷᠤᠨ ᠰᠤᠷᠤᠭ᠍ᠴᠢᠳᠤᠨ ᠳᠡᠭᠡᠳᠦ ᠰᠤᠷᠭᠠᠭᠤᠯᠢᠳᠤ ᠰᠢᠯᠭᠠᠭᠤᠯᠤᠨ ᠤᠷᠤᠬᠤ ᠨᠣᠷᠮᠠᠶ᠋ᠢ 75 % ᠡᠴᠡ 80 % ᠪᠠᠷ ᠲᠣᠭ᠍ᠲᠠᠭᠤᠨ ᠪᠠᠢᠯᠭᠠᠵᠤ᠂ 17 ᠵᠢᠯ ᠳᠠᠷᠠᠭᠠᠯᠠᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠡᠷᠡᠭ᠌ᠲᠡᠢᠴᠦᠳᠤᠨ ᠰᠠᠭ᠍ᠰᠤᠨ ᠪᠥᠮᠪᠥᠭᠡᠶ᠋ᠢᠨ ᠠᠩᠭᠢᠶ᠋ᠢᠨ ᠮᠠᠩᠯᠠᠶᠳᠤ ᠱᠢᠯᠭᠠᠷᠠᠭ᠍ᠰᠠᠨ ᠬᠦᠴᠦᠷᠬᠡᠭ ᠠᠩᠭᠢᠶ᠋ᠢ ᠬᠥᠮᠦᠵᠢᠭᠦᠯᠦᠨ ᠭᠠᠷᠭᠠᠭ᠍ᠰᠠᠨᠢᠶᠠᠷ ᠪᠠᠷᠠᠬᠤ ᠦᠭᠡᠶ᠂ ᠨᠡᠩ ᠴᠤ᠌ ᠵᠦ᠍ ᠸᠧᠶ ᠬᠤᠤ ᠵᠡᠷᠭᠡ ᠴᠢᠩᠬᠤᠸᠠ ᠶᠡᠭᠡ ᠰᠤᠷᠭᠠᠭᠤᠯᠢ᠂ ᠪᠡᠭᠡᠵᠢᠩ ᠶᠡᠭᠡ ᠰᠤᠷᠭᠠᠭᠤᠯᠢ ᠳ᠋ᠦ ᠱᠢᠯᠭᠠᠭᠤᠯᠤᠨ ᠣᠷᠣᠭ᠍ᠰᠠᠨ ᠱᠢᠯᠢᠳᠡᠭ ᠰᠤᠷᠤᠭ᠍ᠴᠢᠳ ᠴᠤᠯᠭᠤᠷᠠᠨ ᠭᠠᠷᠴᠤ᠌᠂ ᠤᠷᠤᠯᠳᠤᠭᠠᠨᠤ ᠬᠢᠷᠢ ᠪᠦᠲᠦᠮᠵᠢ ᠪᠣᠯᠤᠨ ᠰᠤᠷᠤᠯᠭᠠᠶ᠋ᠢᠨ ᠬᠥᠭ᠌ᠵᠢᠯᠲᠡᠶ᠋ᠢᠨ ᠬᠣᠣᠰ ᠴᠢᠭ᠌ᠯᠡᠯᠢᠶᠡᠷ ᠱᠢᠪᠲᠤᠯᠤᠯᠲᠠᠲᠠᠶ ᠪᠣᠯᠬᠤᠶ᠋ᠢ ᠪᠡᠶᠡᠯᠡᠭᠦᠯᠪᠡ᠃
ᠪᠤᠭᠤᠲᠤ ᠬᠣᠲᠠᠶ᠋ᠢᠨ ᠵᠢᠷᠭᠤᠳᠤᠭᠠᠷ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ 《ᠬᠠᠷᠢᠮᠠᠬᠠᠶ ᠬᠢᠴᠢᠶᠡᠯᠦᠨ ᠱᠢᠰᠲ᠋ᠧᠮ》 ᠤ᠋ᠨ ᠱᠢᠨᠡᠶ᠋ᠢ ᠡᠭᠦᠳᠦᠨ ᠬᠡᠷᠡᠭ᠌ᠵᠢᠭᠦᠯᠵᠦ᠍᠂ ᠥᠷᠯᠥᠭᠡᠶ᠋ᠢᠨ 9 ᠴᠠᠭ 50 ᠮᠢᠨᠦ᠋ᠲᠲᠦ ᠪᠣᠯᠪᠠᠰᠤᠷᠠᠯᠵᠢᠡᠨ ᠡᠬᠢᠯᠡᠭᠦᠯᠵᠦ᠍᠂ ᠳᠡᠳ᠋ ᠬᠢᠴᠢᠶᠡᠯ ᠲᠥᠷᠥᠯᠦᠨ ᠬᠢᠴᠢᠶᠡᠯᠦᠨ ᠴᠠᠭᠢ ᠵᠤᠬᠢᠰᠳᠠᠢ ᠲᠣᠬᠢᠷᠠᠭᠤᠯᠤᠨ ᠪᠣᠯᠪᠠᠰᠤᠷᠠᠯᠤᠨ ᠴᠠᠭᠢ ᠪᠠᠲᠤᠯᠠᠵᠤ᠂ ᠦᠳᠡᠶ᠋ᠢᠨ ᠬᠣᠢᠨᠠᠬᠢ ᠬᠣᠶᠠᠷ ᠬᠢᠴᠢᠶᠡᠯᠦᠨ ᠳᠠᠷᠠᠭᠠ ᠲᠤᠰᠭᠠᠶ ᠵᠦᠶ᠋ᠯᠵᠢᠡᠷ ᠲᠥᠪᠯᠡᠷᠡᠭᠦᠯᠦᠨ ᠪᠣᠯᠪᠠᠰᠤᠷᠠᠭᠤᠯᠵᠤ᠂ ᠥᠨᠳᠥᠷ ᠵᠡᠷᠭᠡᠶ᠋ᠢᠨ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢᠶ᠋ᠢᠨ ᠭᠤᠷᠪᠠᠳᠤᠭᠠᠷ ᠣᠨᠤ ᠲᠤᠰᠠᠭᠠᠷ ᠰᠣᠷᠣᠭ᠍ᠴᠢ ᠡᠯᠰᠡᠬᠦ᠌ ᠠᠩᠭᠢᠶ᠋ᠢ ᠲᠤᠰᠭᠠᠶ ᠲᠤᠱᠢᠶᠠᠯᠲᠤ ᠪᠠᠭ᠍ᠰᠢᠠᠴᠠ ᠣᠨᠣᠴᠠᠳᠠᠢᠪᠠᠷ ᠬᠠᠪᠰᠤᠷᠤᠨ ᠵᠢᠯᠣᠭᠣᠳᠬᠤ ᠵᠢ ᠣᠨᠴᠠᠭᠠᠢᠯᠠᠨ ᠲᠣᠬᠢᠷᠠᠭᠤᠯᠪᠠ᠃ ᠡᠨᠡᠬᠦ ᠪᠡᠶᠡ ᠵᠢᠨ ᠲᠠᠮᠢᠷ + ᠰᠤᠷᠭᠠᠨ ᠬᠦᠮᠦᠵᠢᠯᠤᠨ ᠠᠭᠤᠰᠤᠯᠴᠠᠯ ᠲᠤᠤᠷᠠ᠂ ᠯᠢᠶᠠᠩ ᠢᠦᠶ ᠵᠢᠶᠧ ᠡᠮᠡᠭ᠌ᠲᠡᠶᠶ᠋ᠢᠨ 400 ᠮᠧᠲ᠋ᠷᠦᠨ ᠬᠡᠷᠡᠰᠭᠡ ᠳᠠᠪᠠᠬᠤ ᠪᠥᠬᠥ᠌ ᠤᠯᠤᠰᠤᠨ ᠲᠡᠮᠳᠡᠭ᠌ᠯᠡᠯᠢ ᠡᠬᠦᠳᠴᠦ᠂ ᠦ᠋ ᠺᠦᠨ ᠵᠢᠶᠧ ᠡᠷᠡᠭ᠌ᠲᠡᠶᠶ᠋ᠢᠨ 100 ᠮᠧᠲ᠋ᠷᠦᠨ ᠪᠥᠬᠥ᠌ ᠤᠯᠤᠰᠤᠨ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢᠶ᠋ᠢᠨ ᠰᠣᠷᠣᠭ᠍ᠴᠢᠶ᠋ᠢᠨ ᠲᠡᠮᠳᠡᠭ᠌ᠯᠡᠯᠢ ᠡᠭᠦᠳᠴᠤ᠂ 2022 ᠣᠨᠳᠤ ᠪᠥᠬᠥ᠌ ᠤᠯᠤᠰᠤᠨ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢᠶ᠋ᠢᠨ ᠰᠣᠷᠣᠭ᠍ᠴᠢᠳᠤᠨ U18 ᠡᠮᠡᠭ᠌ᠲᠡᠶᠶ᠋ᠢᠨ ᠪᠦᠯᠬᠦᠮᠦᠨ ᠶᠡᠷᠦᠩᠬᠡᠶ ᠬᠤᠪᠢᠶ᠋ᠢᠨ ᠤᠷᠤᠯᠳᠤᠭᠠᠨᠳᠤ ᠮᠠᠩᠯᠠᠢᠯᠠᠪᠠ᠃ ᠥᠨᠳᠥᠷ ᠳᠤᠮᠳᠠᠳᠤᠶ᠋ᠢᠨ ᠨᠢᠭᠡᠳᠦᠭᠡᠷ ᠣᠨᠤ ᠱᠢᠨᠡ ᠰᠤᠷᠤᠭ᠍ᠴᠢ ᠾᠧ ᠢ ᠷᠦᠢ ᠯᠠᠪᠳᠠᠭᠤᠨ ᠪᠠᠲᠤᠲᠠᠶ ᠡᠷᠳᠡᠮ ᠴᠢᠳᠠᠪᠤᠷᠢᠪᠠᠷᠢᠶᠠᠨ ᠪᠦᠬᠦ᠌ ᠤᠯᠤᠰᠤᠨ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢᠶ᠋ᠢᠨ ᠰᠤᠷᠤᠭ᠍ᠴᠢᠳᠤᠨ ᠬᠦᠨᠳᠦ ᠬᠥᠩᠭᠡᠨ ᠲᠠᠮᠢᠷᠤᠨ ᠮᠠᠩᠯᠠᠶ ᠱᠢᠯᠭᠠᠷᠠᠭᠤᠯᠬᠤ ᠤᠷᠤᠯᠳᠤᠭᠠᠨᠳᠤ ᠳᠡᠳ᠋ᠯᠡᠵᠦ᠍᠂ ᠤᠯᠤᠰᠤᠨ ᠭᠤᠤᠯᠳᠠᠯᠭᠠ ᠲᠠᠢ ᠶᠡᠭᠡ ᠰᠤᠷᠭᠠᠭᠤᠯᠢ ᠳ᠋ᠦ ᠰᠢᠯᠭᠠᠨ ᠤᠷᠤᠬᠤ ᠬᠠᠷᠠᠯᠲᠠ ᠵᠦᠭ ᠵᠢᠡᠨ ᠯᠠᠪᠳᠠᠭᠤᠨᠤᠷᠤᠭ᠍ᠰᠢᠯᠠᠨᠡ᠃ ᠥᠨᠳᠥᠷ ᠳᠤᠮᠳᠠᠳᠤᠶ᠋ᠢᠨ ᠭᠤᠷᠪᠠᠳᠤᠭᠠᠷ ᠣᠨᠤ ᠰᠤᠷᠤᠭ᠍ᠴᠢ ᠵᠠᠩ ᠶᠣᠣ ᠶᠤᠸᠠᠢ ᠬᠦᠨᠳᠦ ᠬᠥᠩᠭᠡᠨ ᠪᠡᠶᠡ ᠵᠢᠨ ᠲᠠᠮᠢᠷᠤᠨ ᠤᠷᠤᠯᠳᠤᠭᠠᠨ ᠳ᠋ᠦ ᠵᠢᠷᠭᠤᠭᠠᠨ ᠵᠢᠯ ᠴᠢᠷᠮᠠᠢᠵᠤ᠂ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠳᠡᠰᠤᠨ᠂ ᠬᠣᠲᠠᠶ᠋ᠢᠨ ᠳᠡᠰᠤᠨ ᠤᠷᠤᠯᠳᠤᠭᠠᠨᠪᠣᠯᠪᠠᠰᠤᠷᠠᠯ ᠳ᠋ᠦ ᠤᠯᠠᠨᠳᠠ ᠤᠷᠤᠯᠴᠠᠵᠤ᠂ ᠤᠷᠤᠯᠳᠤᠭᠠᠨᠤ ᠬᠢᠷᠢ ᠲᠦᠪᠱᠢᠨᠢᠶᠡᠨ ᠳᠡᠭᠡᠭ᠌ᠰᠢᠯᠡᠭᠦᠯᠦᠭᠰᠡᠨ ᠵᠢᠡᠷ ᠪᠠᠷᠠᠬᠤ ᠦᠭᠡᠢ ᠪᠠᠰᠠ ᠡᠷᠡᠰ ᠬᠠᠲᠠᠭᠤ ᠵᠠᠩ ᠰᠤᠷᠲᠠᠯᠢ ᠪᠤᠢ ᠪᠣᠯᠭᠠᠵᠤ᠂ ᠪᠠᠭ᠍ᠰᠢᠶ᠋ᠢᠨ ᠶᠡᠬᠡ ᠳᠡᠭᠡᠳᠦ ᠰᠤᠷᠭᠠᠭᠤᠯᠢᠳᠤ ᠱᠢᠯᠭᠠᠨ ᠣᠷᠣᠵᠤ ᠪᠡᠶᠡᠶ᠋ᠢᠨ ᠲᠠᠮᠢᠷᠤᠨ ᠵᠣᠷᠢᠭ ᠰᠠᠨᠠᠭᠠᠶ᠋ᠢ ᠤᠯᠠᠮᠵᠢᠯᠠᠨ ᠵᠠᠯᠭᠠᠮᠵᠢᠯᠠᠬᠤᠪᠠᠷ ᠵᠣᠷᠢᠭ ᠱᠢᠭᠤᠳᠤᠬᠰᠠᠨ ᠪᠠᠢᠯᠠ ᠃
ᠪᠤᠭᠤᠲᠤ ᠬᠤᠳᠠᠶ᠋ᠢᠨ ᠨᠢᠭᠡᠳᠦᠭᠡᠷ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢᠶ᠋ᠢᠨ ᠡᠮᠡᠭ᠌ᠲᠡᠢᠶ᠋ᠢᠨ ᠠᠯᠠᠭᠠᠳᠠᠬᠤ ᠪᠥᠮᠪᠥᠭᠡᠶ᠋ᠢᠨ ᠠᠩᠬᠢ ᠳᠥᠴᠢᠨ ᠲᠤᠯᠤᠭᠠᠨ ᠵᠢᠯᠦᠨ ᠤᠯᠠᠮᠵᠢᠯᠠᠯᠢᠶᠠᠷ ᠪᠡᠶᠡ ᠵᠢᠨ ᠲᠠᠮᠢᠷ ᠰᠤᠷᠭᠠᠨ ᠬᠥᠮᠦᠵᠢᠯᠦᠨ ᠠᠭᠤᠰᠤᠯᠴᠠᠯᠤᠨ 《ᠪᠦᠬᠦ᠌ ᠤᠯᠤᠰᠤᠨ ᠬᠡᠪ ᠳᠠᠭᠤᠷᠢᠶᠠᠯ》 ᠢ᠋ ᠴᠣᠭ᠍ᠴᠠᠯᠠᠪᠠ᠃ 500 ᠭᠠᠷᠤᠶ ᠲᠠᠮᠢᠷᠴᠢᠨ ᠴᠢᠩᠬᠤᠸᠠ ᠶᠡᠬᠡ ᠰᠤᠷᠭᠠᠭᠤᠯᠢ᠂ ᠪᠡᠭᠡᠵᠢᠩ ᠶᠡᠬᠡ ᠰᠤᠷᠭᠠᠭᠤᠯᠢ᠂ ᠵᠧᠵᠢᠶᠠᠩ ᠶᠡᠬᠡ ᠰᠤᠷᠭᠠᠭᠤᠯᠢ ᠵᠡᠷᠭᠡ ᠨᠢᠭᠡᠳᠦᠭᠡᠷ ᠲᠥᠷᠥᠯᠦᠨ ᠶᠡᠬᠡ ᠳᠡᠭᠡᠳᠦ ᠰᠤᠷᠭᠠᠭᠤᠯᠢᠳᠤ ᠱᠢᠯᠭᠠᠨ ᠣᠷᠣᠵᠤ᠂ ᠠᠷᠪᠠᠨ ᠲᠠᠪᠤᠳᠤᠭᠠᠷ ᠬᠤᠭᠤᠴᠠᠭᠠᠨᠤ ᠪᠥᠬᠥ᠌ ᠤᠯᠤᠰᠤᠨ ᠪᠡᠶᠡᠶ᠋ᠢᠨ ᠲᠠᠮᠢᠷᠤᠨ ᠴᠤᠭ᠍ᠯᠠᠭᠠᠨᠳᠤ ᠳᠣᠯᠣᠳᠤᠭᠠᠷᠲᠤ ᠣᠷᠣᠵᠠᠶ᠃ ᠶᠡᠷᠦᠩᠬᠡᠢ ᠳᠠᠰᠭᠠᠯᠵᠢᠭᠤᠯᠤᠭ᠍ᠴᠢ ᠬᠤᠤ ᠵᠧᠨ ᠱᠧᠩ 《ᠴᠢᠳᠠᠪᠤᠷᠢᠳᠤᠨᠢ ᠲᠤᠬᠢᠷᠠᠭᠤᠯᠤᠨ ᠵᠢᠭᠠᠬᠤ》 ᠣᠢᠯᠠᠭᠠᠭ᠍ᠳᠠᠬᠤᠨᠢ ᠪᠠᠷᠢᠮᠲᠠᠯᠠᠵᠤ᠂ ᠪᠡᠶᠡᠶ᠋ᠢᠨ ᠲᠠᠮᠢᠷᠤᠨ ᠤᠷᠠ ᠠᠪᠢᠶᠠᠰ ᠵᠢᠡᠷ ᠲᠤᠪᠤᠢ᠌ᠮᠠ ᠬᠥᠮᠦᠰᠢ ᠤᠷᠤᠯᠳᠤᠭᠠᠨᠤ ᠬᠥᠭ᠌ᠵᠢᠯᠲᠡᠪᠡᠷ ᠭᠣᠣᠯᠳᠠᠭᠤᠯᠵᠤ ᠂ ᠰᠣᠶᠣᠯᠤᠨ ᠬᠢᠴᠢᠶᠡᠯ ᠱᠢᠯᠢᠳᠡᠭ ᠬᠥᠮᠦᠰᠢ ᠭᠦᠨᠵᠡᠭᠡᠢ ᠰᠤᠷᠤᠯᠴᠠᠭᠤᠯᠤᠨ ᠳᠡᠭᠡᠭ᠌ᠰᠢᠯᠡᠭᠦᠯᠦᠭ᠌ᠰᠡᠨ ᠪᠠᠢᠨᠠ᠃ ᠪᠥᠮᠪᠥᠭᠡᠨ ᠠᠩᠭᠢ ᠨᠢ ᠪᠤᠭᠤᠲᠤ ᠬᠤᠳᠠᠳᠦ 10 ᠴᠢᠳᠠᠪᠤᠷᠢᠲᠠᠨᠤ ᠭᠠᠵᠠᠷᠢ ᠪᠠᠢᠷᠢᠯᠠᠭᠤᠯᠵᠤ ᠂ ᠣᠯᠠᠨ ᠪᠠᠭᠠ ᠰᠤᠷᠭᠠᠭᠤᠯᠢᠲᠠᠶ ᠬᠠᠮᠲᠤᠪᠠᠷ ᠪᠡᠯᠡᠳᠭᠡᠯ ᠠᠩᠭᠢ ᠪᠠᠢᠭᠤᠯᠵᠤ᠂ 12 ᠲᠤᠰᠭᠠᠶ ᠲᠤᠱᠢᠶᠠᠯᠲᠤ ᠳᠠᠰᠭᠠᠯᠵᠢᠭᠤᠯᠤᠭ᠍ᠴᠢᠲᠤᠬᠢᠷᠠᠭᠤᠯᠤᠨ᠂ ᠡᠳᠡᠭᠡᠷ《ᠰᠤᠷᠤᠭ᠍ᠴᠢ ᠴᠡᠷᠢᠭ》 ᠤ᠋ᠳ ᠤᠷᠤᠯᠳᠤᠭᠠᠨᠤ ᠲᠠᠯᠠᠪᠤᠷᠲᠤ ᠲᠤᠰᠭᠠᠶ ᠮᠡᠷᠭᠡᠵᠢᠯᠦᠨ ᠡᠩᠨᠡᠭᠡᠲᠡᠶ ᠮᠥᠷᠥᠢᠴᠡᠵᠦ᠍ ᠴᠢᠳᠠᠬᠤ ᠮᠥᠷᠲᠡᠭᠡᠨ ᠪᠠᠰᠠ ᠬᠢᠴᠢᠶᠡᠯ ᠰᠤᠷᠤᠯᠭᠠᠶ᠋ᠢᠨ ᠲᠠᠯᠠ ᠪᠡᠷ ᠯᠠᠪᠳᠠᠭᠤᠨ ᠪᠠᠳᠤᠳᠠᠢ ᠰᠠᠭᠤᠷᠢ ᠵᠢ ᠲᠠᠯᠪᠢᠵᠠᠢ᠃ ᠦᠬᠠᠨᠠᠴᠠ ᠰᠤᠷᠭᠠᠭᠤᠯᠢ ᠱᠢᠯᠵᠢᠵᠦ᠍ ᠢᠷᠡᠭ᠌ᠰᠡᠨ ᠯᠢ ᠢ ᠶᠠᠩ ᠠᠯᠠᠭᠠᠳᠠᠬᠤ ᠪᠥᠮᠪᠥᠭᠡᠶ᠋ᠢᠨ ᠪᠦᠯᠬᠦᠮᠦᠨ ᠳᠣᠲᠣᠷᠠ ᠢᠴᠢᠵᠦ᠍ ᠱᠢᠷᠪᠡᠭᠡᠲᠦᠵᠦ᠍ ᠦᠭᠡ ᠲᠠᠭᠤ ᠴᠥᠭᠡᠨ ᠪᠠᠢᠭ᠍ᠰᠠᠨᠠᠴᠠᠪᠡᠨ ᠪᠠᠶᠠᠷ ᠬᠥᠷᠲᠡᠶ ᠪᠣᠯᠪᠠ；ᠥᠨᠳᠥᠷ ᠳᠤᠮᠳᠠᠳᠤᠶ᠋ᠢᠨ ᠭᠤᠷᠪᠠᠳᠤᠭᠠᠷ ᠣᠨᠤ ᠰᠤᠷᠤᠭ᠍ᠴᠢ ᠬᠠᠨ ᠢᠦᠶ ᠵᠧᠨ ᠪᠦᠬᠦ᠌ ᠤᠯᠤᠰᠤᠨ ᠲᠠᠮᠢᠷᠤᠨ ᠴᠤᠭ᠍ᠯᠠᠭᠠᠨᠤ ᠤᠷᠤᠯᠳᠤᠭᠠᠨᠤ ᠲᠠᠯᠠᠪᠤᠷᠲᠤ ᠲᠠᠪᠳᠠᠭᠳᠠᠨ ᠪᠣᠯᠪᠠᠰᠤᠷᠠᠭ᠍ᠰᠠᠨ ᠪᠥᠭᠡᠳ ᠱᠢᠯᠢᠳᠡᠭ ᠰᠤᠷᠤᠯᠭᠠᠶ᠋ᠢᠨ ᠬᠢᠷᠢ ᠪᠦᠲᠦᠮᠵᠢᠪᠡᠨ ᠪᠠᠲᠤᠯᠠᠵᠤ᠂ ᠴᠢᠩᠬᠤᠸᠠ ᠶᠡᠬᠡ ᠰᠤᠷᠭᠠᠭᠤᠯᠢᠪᠠᠷ ᠬᠠᠷᠠᠯᠲᠠ ᠪᠣᠯᠭᠠᠨ ᠬᠦᠴᠦᠯᠡᠨ ᠱᠢᠪᠲᠤᠯᠤᠯᠲᠠ ᠬᠢᠵᠦ ᠪᠤᠢ᠃
ᠡᠭᠦᠨ ᠡᠴᠡ ᠭᠠᠳᠠᠨᠠ᠂ ᠪᠤᠭᠤᠲᠤ ᠬᠤᠳᠠ ᠤᠷᠤᠯᠳᠤᠭᠠᠨᠤᠶᠠᠪᠤᠳᠠᠯᠤᠨ ᠱᠢᠰᠲ᠋ᠧᠮ ᠵᠢᠡᠷ ᠲᠠᠮᠵᠢᠭᠤᠯᠤᠨ ᠦᠰᠦᠨ ᠪᠣᠢᠵᠢᠬᠤ ᠲᠠᠪᠴᠠᠩᠢ ᠪᠠᠢᠭᠤᠯᠪᠠ᠃ ᠪᠦᠬᠦ ᠣᠷᠣᠨᠳᠤ ᠡᠩ ᠲᠡᠷᠢᠭᠦᠨᠳᠦ ᠵᠠᠯᠠᠭᠤᠴᠤᠳ ᠪᠠᠭᠠᠴᠤᠳᠤᠨ U ᠱᠢᠷᠢᠰ ᠤᠷᠤᠯᠳᠤᠭᠠᠨᠢ ᠥᠷᠨᠢᠭᠦᠯᠵᠦ᠍᠂ 2024 ᠣᠨᠳᠤ 11 ᠵᠦᠶ᠋ᠯᠦᠨ ᠱᠠᠩᠨᠠᠯᠲᠤ ᠤᠷᠤᠯᠳᠤᠭᠠᠨ ᠵᠢᠴᠢ 5 ᠵᠦᠶ᠋ᠯᠦᠨ ᠮᠠᠩᠯᠠᠶ ᠱᠢᠯᠭᠠᠷᠠᠭᠤᠯᠬᠤ ᠤᠷᠤᠯᠳᠤᠭᠠᠨᠢ ᠡᠷᠭᠢᠯᠡᠵᠦ᠍ ᠂ ᠤᠷᠤᠯᠳᠤᠭᠠᠨᠳᠤ ᠨᠡᠢᠲᠡ 5000 ᠭᠠᠷᠤᠶ ᠬᠥᠮᠦᠨ ᠤᠳᠠᠭᠠ ᠣᠷᠣᠯᠴᠠᠵᠠᠶ； 2025 ᠣᠨᠳᠤ ᠤᠷᠤᠯᠳᠤᠭᠠᠨᠤ ᠵᠦᠶ᠋ᠯᠡᠰᠦᠨ ᠬᠠᠩᠭᠠᠯᠭᠠᠶ᠋ᠢ ᠦᠷᠭᠦᠯᠵᠢᠯᠡᠨ ᠥᠷᠭᠡᠳᠭᠡᠬᠦ᠌ᠶ᠋ᠢᠨ ᠬᠠᠮᠲᠤ ᠭᠤᠴᠢᠨ ᠭᠤᠷᠪᠠᠳᠤᠭᠠᠷ ᠬᠤᠭᠤᠴᠠᠭᠠᠨᠤ ᠳᠤᠮᠳᠠᠳᠤ ᠶᠠᠫᠣᠨ ᠺᠣᠷᠢᠶᠠᠶ᠋ᠢᠨ ᠵᠠᠯᠠᠭᠤᠴᠤᠳ ᠪᠠᠭᠠᠴᠤᠳᠤᠨ ᠪᠡᠶᠡᠶ᠋ᠢᠨ ᠲᠠᠮᠢᠷᠤᠨ ᠴᠤᠭ᠍ᠯᠠᠭᠠᠨ᠂ ᠠᠷᠪᠠᠨ ᠨᠢᠭᠡᠳᠦᠭᠡᠷ ᠬᠤᠭᠤᠴᠠᠭᠠᠨᠤ ᠳᠤᠮᠳᠠᠳᠤ ᠣᠷᠣᠰ ᠮᠣᠩᠭᠣᠯᠤᠨ ᠣᠯᠠᠨ ᠤᠯᠤᠰᠤᠨ ᠵᠠᠯᠠᠭᠤᠴᠤᠳ ᠪᠠᠭᠠᠴᠤᠳᠤᠨ ᠪᠡᠶᠡᠶ᠋ᠢᠨ ᠲᠠᠮᠢᠷᠤᠨ ᠴᠤᠭ᠍ᠯᠠᠭᠠᠨ ᠵᠡᠷᠭᠡ ᠣᠯᠠᠨ ᠤᠯᠤᠰᠤᠨ ᠲᠠᠰᠤᠨ ᠪᠠ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠲᠠᠰᠤᠨ ᠤᠷᠤᠯᠳᠤᠭᠠᠨᠢ ᠢᠳᠡᠪᠬᠢᠲᠡᠶ ᠳᠠᠭᠠᠭᠠᠨ ᠡᠷᠭᠢᠯᠡᠪᠡ᠃ ᠤᠷᠤᠯᠳᠤᠭᠠᠨᠢᠶᠠᠷ ᠵᠢᠭᠠᠨ ᠰᠤᠷᠭᠠᠯᠲᠠᠶ᠋ᠢ ᠠᠬᠢᠭᠤᠯᠬᠤ ᠂ ᠤᠷᠤᠯᠳᠤᠭᠠᠨᠢᠶᠠᠷ ᠪᠣᠯᠪᠠᠰᠤᠷᠠᠯᠢ ᠣᠷᠣᠯᠠᠭᠤᠯᠬᠤ ᠠᠭᠤᠷ ᠠᠮᠢᠰᠭᠤᠯᠤᠨ ᠳᠤᠮᠳᠠ ᠪᠤᠭᠤᠲᠤ ᠬᠤᠳᠠᠶ᠋ᠢᠨ ᠪᠠᠭᠠᠴᠤᠳ ᠤᠷᠤᠯᠳᠤᠭᠠᠨᠤ ᠴᠢᠳᠠᠪᠤᠷᠢᠪᠠᠨ ᠳᠠᠪᠲᠠᠨ ᠪᠣᠯᠪᠠᠰᠤᠷᠠᠭᠤᠯᠵᠤ᠂ ᠬᠠᠷᠠᠭᠠᠪᠠᠨ ᠥᠷᠭᠡᠳᠭᠡᠪᠡ ᠃
ᠲᠤᠨᠤᠬ ᠲᠥᠬᠥᠭᠡᠷᠦᠮᠵᠢ ᠪᠣᠯᠤᠨ ᠵᠠᠷᠤᠳᠠᠯᠤᠨ ᠪᠠᠲᠤᠯᠠᠭᠠ ᠨᠢ ᠪᠠᠰᠠ ᠴᠸ᠋ ᠪᠤᠭᠤᠲᠤ ᠬᠤᠳᠠ ᠵᠢᠨ ᠪᠡᠶᠡᠶ᠋ᠢᠨ ᠲᠠᠮᠢᠷ ᠰᠤᠷᠭᠠᠨ ᠬᠥᠮᠦᠵᠢᠯᠦᠨ ᠠᠭᠤᠰᠤᠯᠴᠠᠯᠢ ᠬᠦᠨᠵᠡᠭᠡᠢᠷᠡᠬᠦᠯᠦᠨ ᠠᠬᠢᠭᠤᠯᠬᠤ ᠳ᠋ᠤ ᠬᠥᠳᠡᠯᠭᠡᠬᠦ᠌ ᠡᠨᠧᠷᠭᠢ ᠨᠡᠮᠡᠷᠢᠯᠡᠪᠡ᠃ ᠪᠤᠭᠤᠲᠤ ᠬᠤᠳᠠ ᠵᠢᠨ ᠨᠢᠭᠡᠳᠦᠭᠡᠷ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠵᠢᠨ ᠠᠯᠠᠭᠠᠳᠠᠬᠤ ᠪᠥᠮᠪᠥᠭᠡᠶ᠋ᠢᠨ ᠣᠷᠳᠣᠨᠳᠤ 6 ᠬᠡᠰᠡᠭ ᠪᠠᠷᠢᠮᠵᠢᠶᠠᠲᠤ ᠠᠯᠠᠭᠠᠳᠠᠬᠤ ᠪᠥᠮᠪᠥᠭᠡᠶ᠋ᠢᠨ ᠲᠠᠯᠠᠪᠤᠷ ᠭᠠᠷᠭᠠᠵᠤ᠂ ᠪᠤᠭᠤᠲᠤ ᠬᠤᠳᠠ ᠵᠢᠨ ᠭᠤᠷᠪᠠᠳᠤᠭᠠᠷ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠵᠢᠨ ᠰᠠᠭ᠍ᠰᠤᠨ ᠪᠥᠮᠪᠥᠭᠡᠶ᠋ᠢᠨ ᠣᠷᠳᠣᠨ ᠨᠢ ᠠᠵᠢᠯ ᠮᠡᠷᠭᠡᠵᠢᠯᠦᠨ ᠬᠣᠯᠪᠣᠭᠠᠲᠤ ᠤᠷᠤᠯᠳᠤᠭᠠᠨᠤ ᠲᠡᠰᠤᠨ ᠱᠠᠯᠠᠲᠡᠪᠢᠰᠴᠦ᠍᠂ ᠪᠤᠭᠤᠲᠤ ᠬᠤᠳᠠ ᠵᠢᠨ ᠵᠢᠷᠭᠤᠳᠤᠭᠠᠷ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠲᠤᠰᠭᠠᠢ ᠮᠡᠷᠭᠡᠵᠢᠯᠦᠨ ᠳ᠋ᠧᠩᠦᠨ ᠭᠡᠷᠡᠯᠦᠨ ᠪᠥᠮᠪᠥᠭᠡᠨ ᠲᠠᠯᠠᠪᠠᠢ ᠲᠣᠬᠢᠷᠠᠭᠤᠯᠵᠤ ᠰᠥᠨᠢᠶ᠋ᠢᠨ ᠪᠣᠯᠪᠠᠰᠤᠷᠠᠯᠢ ᠪᠠᠲᠤᠯᠠᠨᠠ᠃ ᠬᠣᠲᠠᠶ᠋ᠢᠨ ᠰᠤᠷᠭᠠᠨ ᠬᠥᠮᠦᠵᠢᠯᠦᠨ ᠲᠣᠪᠴᠢᠶᠠ ᠵᠢᠯ ᠪᠦᠷᠢ ᠪᠡᠶᠡᠶ᠋ᠢᠨ ᠲᠠᠮᠢᠷᠤᠨ ᠠᠵᠢᠯᠢ ᠳᠣᠪᠣᠢᠯᠭᠠᠵᠤ ᠪᠠᠢᠭᠠ ᠰᠤᠷᠭᠠᠭᠤᠯᠢᠳᠤ ᠲᠤᠰᠭᠠᠶ ᠵᠠᠷᠤᠳᠠᠯᠤᠨ ᠳᠡᠮᠵᠢᠯᠭᠡ ᠦᠵᠡᠭᠦᠯᠵᠦ᠍᠂ ᠬᠠᠲᠠᠭᠤ ᠲᠣᠨᠣᠭ ᠲᠥᠬᠥᠭᠡᠷᠦᠮᠵᠢ ᠪᠠ ᠨᠠᠷᠢᠯᠢᠭ ᠣᠨᠣᠪᠴᠢᠲᠠᠶ ᠵᠠᠷᠤᠳᠠᠯᠤᠨ ᠪᠠᠲᠤᠯᠠᠭᠠᠶ᠋ᠢ ᠲᠡᠭᠦᠯᠳᠡᠷᠵᠢᠭᠦᠯᠵᠦ᠍᠂ ᠣᠨᠴᠠᠯᠢᠭ᠍ᠲᠤ ᠪᠡᠶᠡᠶ᠋ᠢᠨ ᠲᠠᠮᠢᠷᠤᠨ ᠲᠥᠷᠥᠯ ᠵᠦᠶ᠋ᠯᠦᠨ ᠱᠠᠲᠤᠯᠢᠭ ᠡᠩᠨᠡᠭᠡᠶ᠋ᠢᠨ ᠪᠠᠢᠭᠤᠯᠤᠯᠲᠠ᠂ ᠴᠢᠳᠠᠪᠤᠷᠢᠲᠠᠨᠢ ᠬᠥᠮᠦᠵᠢᠭᠦᠯᠬᠦ᠌ᠳᠦ ᠪᠠᠲᠤ ᠪᠡᠬᠢ ᠰᠠᠭᠤᠷᠢᠶ᠋ᠢ ᠲᠠᠯᠪᠢᠵᠤ ᠥᠭ᠌ᠪᠡ᠃
ᠣᠳᠣᠬᠠᠨᠳᠤ᠂ ᠪᠡᠶᠡᠶ᠋ᠢᠨ ᠲᠠᠮᠢᠷ ᠪᠠ ᠰᠤᠷᠭᠠᠨ ᠬᠥᠮᠦᠵᠢᠯᠢ ᠠᠭᠤᠰᠤᠯᠴᠠᠭᠤᠯᠬᠤ ᠭᠦᠨ ᠳᠠᠪᠬᠤᠷᠭᠠᠶ᠋ᠢᠨ ᠦᠨᠡ ᠥᠷᠲᠡᠭ ᠨᠢ ᠨᠢᠭᠡᠨᠲᠡ ᠤᠷᠤᠯᠳᠤᠭᠠᠨᠤ ᠬᠢᠷᠢ ᠪᠦᠲᠦᠮᠵᠢ ᠪᠠ ᠰᠤᠷᠭᠠᠭᠤᠯᠢ ᠳᠡᠪᠱᠢᠬᠦ᠌ ᠭᠦᠶ᠋ᠴᠡᠳᠭᠡᠯ ᠲᠣᠭᠠᠠᠴᠠ ᠳᠠᠪᠠᠵᠤ᠂ 《 ᠪᠡᠶᠡᠶ᠋ᠢᠨ ᠲᠠᠮᠢᠷ ᠪᠠ ᠬᠢᠴᠢᠶᠡᠯ ᠰᠤᠷᠤᠯᠭᠠᠶ᠋ᠢᠨ ᠬᠣᠶᠠᠷᠠᠴᠠ ᠨᠢᠭᠡᠶ᠋ᠢ ᠰᠣᠩᠭᠣᠬᠤ》 ᠬᠦᠴᠢᠷᠳᠡᠯᠢ ᠱᠢᠶ᠋ᠳᠪᠦᠷᠢᠯᠡᠵᠦ᠍᠂ ᠪᠥᠬᠥ᠌ ᠲᠠᠯᠠᠪᠠᠷ ᠬᠥᠭ᠌ᠵᠢᠭ᠌ᠰᠡᠨ ᠴᠢᠳᠠᠪᠤᠷᠢᠲᠠᠨᠢ ᠬᠥᠮᠦᠵᠢᠭᠦᠯᠬᠦ᠌ ᠠᠮᠢᠳᠤᠯᠢᠭ ᠦᠶ᠋ᠯᠡᠳᠦᠯᠭᠡ ᠪᠣᠯᠵᠠᠶ ᠃
ᠰᠤᠷᠪᠤᠯᠵᠢᠯᠠᠬᠰᠠᠨᠤ ᠲᠠᠷᠠᠭᠠ᠄
ᠪᠤᠭᠤᠲᠤ ᠬᠣᠲᠠ ᠲᠥᠷᠥᠶ᠋ᠢᠨ ᠪᠣᠳᠣᠯᠭᠠᠪᠠᠷ ᠬᠥᠲᠥᠯᠦᠨ ᠵᠢᠯᠣᠭᠣᠳᠭᠤ᠂ ᠤᠷᠤᠯᠳᠤᠭᠠᠨ ᠶᠠᠪᠤᠭᠤᠯᠬᠤ᠂ ᠡᠬᠢ ᠪᠠᠶᠠᠯᠢᠭᠢ ᠨᠡᠢᠳᠭᠡᠬᠦ ᠪᠡᠷ ᠳᠠᠮᠵᠢᠭᠤᠯᠤᠨ᠂ ᠪᠡᠶᠡᠶ᠋ᠢᠨ ᠲᠠᠮᠢᠷᠤᠨ ᠴᠢᠳᠠᠪᠤᠷᠢᠲᠠᠨᠤ ᠦᠰᠦᠨ ᠪᠣᠢᠵᠢᠬᠤ ᠵᠠᠮᠢ ᠨᠡᠭᠡᠭᠡᠭ᠌ᠰᠡᠨᠢᠶᠡᠷ ᠪᠠᠷᠠᠬᠤ ᠥᠬᠡᠶ ᠂ ᠨᠠᠩ ᠴᠤ᠌ ᠪᠡᠶᠡᠶ᠋ᠢᠨ ᠲᠠᠮᠢᠷᠢ ᠵᠠᠯᠠᠭᠤᠴᠤᠳ ᠪᠠᠭᠠᠴᠤᠳᠤᠨ ᠪᠥᠬᠥ᠌ ᠲᠠᠯᠠᠶ᠋ᠢᠨ ᠬᠥᠭ᠌ᠵᠢᠯᠲᠡᠶ᠋ᠢ ᠠᠬᠢᠭᠤᠯᠬᠤ ᠲᠦᠯᠬᠢᠴᠡ ᠬᠦᠴᠦᠨ ᠪᠣᠯᠭᠠᠭ᠍ᠰᠠᠨ ᠪᠠᠢᠨᠠ᠃ ᠡᠨᠳᠡ ᠪᠡᠶᠡᠶ᠋ᠢᠨ ᠲᠠᠮᠢᠷ ᠨᠢ ᠰᠤᠷᠤᠯᠭᠠᠶ᠋ᠢᠨ ᠳᠠᠷᠤᠭᠠᠰᠤ ᠪᠢᠰᠢ ᠂ ᠬᠠᠷᠢᠨ ᠰᠣᠶᠣᠯᠤᠨ ᠬᠢᠴᠢᠶᠡᠯᠲᠡᠶ ᠬᠠᠷᠢᠯᠴᠠᠨ ᠨᠥᠬᠥᠴᠡᠯᠳᠦᠵᠦ᠍ ᠂ ᠬᠠᠮᠲᠤᠪᠠᠷ ᠠᠬᠢᠭᠤᠯᠬᠤ ᠬᠦᠴᠦᠨ ᠪᠣᠯᠵᠦ ᠪᠤᠢ᠃ ᠪᠤᠭᠤᠲᠤᠶ᠋ᠢᠨ ᠪᠡᠶᠡᠶ᠋ᠢᠨ ᠲᠠᠮᠢᠷ ᠰᠤᠷᠭᠠᠨ ᠬᠥᠮᠦᠵᠢᠯᠢ ᠠᠭᠤᠰᠤᠯᠴᠠᠭᠤᠯᠬᠤ ᠲᠤᠬᠠᠢ ᠰᠦᠪᠡᠭ᠌ᠴᠢᠯᠡᠯ ᠨᠢ ᠲᠤᠬᠠᠢᠶ᠋ᠢᠨ ᠭᠠᠵᠠᠷᠤᠨ ᠵᠠᠯᠠᠭᠤᠴᠤᠳ ᠪᠠᠭᠠᠴᠤᠳᠲᠤ ᠨᠡᠩ ᠥᠷᠭᠡᠨ ᠠᠭᠤᠳᠠᠮ ᠬᠥᠭ᠌ᠵᠢᠯᠲᠡᠶ᠋ᠢᠨ ᠣᠷᠣᠨ ᠵᠠᠢ ᠬᠠᠩᠭᠠᠭ᠍ᠰᠠᠨᠢᠶᠠᠷ ᠪᠠᠷᠠᠬᠤ ᠦᠭᠡᠢ᠂ ᠪᠠᠰᠠ ᠪᠦᠬᠦ᠌ ᠤᠯᠤᠰᠲᠤ ᠲᠤᠯᠢ ᠪᠣᠯᠭᠠᠵᠤ ᠪᠣᠯᠬᠤᠢᠴᠠ ᠲᠤᠷᠱᠢᠯᠭᠠ ᠬᠠᠩᠭᠠᠪᠠ᠃ ᠪᠡᠶᠡ ᠵᠢᠨ ᠲᠠᠮᠢᠷ᠂ ᠰᠤᠷᠭᠠᠨ ᠬᠦᠮᠦᠵᠢᠯ ᠬᠣᠣᠰ ᠴᠢᠭ᠌ᠯᠡᠯᠢᠶᠡᠷ ᠵᠡᠷᠭᠡ ᠪᠡᠷ ᠤᠷᠤᠭ᠍ᠰᠢᠯᠠᠬᠤ ᠵᠠᠯᠠᠭᠤ ᠨᠠᠰᠤ ᠬᠠᠮᠤᠭᠤᠨ ᠢᠳᠡ ᠬᠦᠴᠦᠨᠲᠡᠶ ᠪᠠᠢᠵᠤ᠂ ᠬᠠᠮᠤᠭ ᠤᠨ ᠬᠤᠯᠠ ᠠᠶᠠᠯᠠᠵᠤ ᠴᠢᠳᠠᠨᠠ᠃