ᠤᠩᠰᠢᠯᠭᠠ ᠵᠢᠨ ᠬᠦᠳᠦᠯᠦᠮᠵᠢ
1988 ᠣᠨ ᠳ᠋ᠤ ᠠᠭᠤᠯᠠ ᠣᠶ ᠰᠢᠭᠤᠢ ᠵᠢᠨ ᠲᠠᠯᠠᠪᠠᠶ ᠳ᠋ᠤ ᠢᠷᠡᠵᠦ ᠠᠵᠢᠯᠯᠠᠭᠰᠠᠨ ᠡᠴᠡ ᠨᠠᠭᠠᠰᠢ᠂ ᠦᠨᠡᠨᠴᠢ ᠬᠠᠯᠠᠭᠤᠨ ᠬᠥᠢᠳᠡᠨ ᠢ᠋ ᠳᠡᠰᠪᠥᠷᠢᠯᠡᠨ ᠮᠣᠳᠣ᠌ ᠳᠠᠷᠢᠵᠤ ᠣᠢᠵᠢᠭᠤᠯᠬᠤ᠂ ᠤᠢ ᠵᠢ ᠲᠣᠭᠣᠷᠢᠨ ᠴᠠᠭᠳᠠᠵᠤ ᠬᠠᠮᠠᠭᠠᠯᠠᠬᠤ ᠠᠵᠢᠯ ᠢ᠋ ᠶᠡᠷᠦᠡᠴᠡ ᠲᠠᠰᠤᠯᠳᠠᠭᠤᠯᠥᠯ ᠦᠭᠡᠢ ᠬᠥᠢᠴᠡᠳᠭᠡᠵᠤ᠂ ᠰᠢᠭᠤᠢᠲᠤ ᠣᠷᠣᠨ ᠤ᠋ ᠢᠮᠠᠬᠤ ᠵᠢᠨ ᠳᠡᠳᠥᠢ ᠭᠠᠵᠠᠷ ᠢ᠋ᠴᠦ ᠥᠪᠡᠷ ᠤ᠋ᠨ ᠠᠯᠬᠤᠮ ᠵᠢᠨᠷ ᠵᠢᠨᠨ ᠬᠡᠮᠵᠢᠵᠤ ᠳᠡᠮᠳᠡᠭᠯᠡᠵᠤ ᠶᠠᠪᠤᠬᠰᠠᠨ ᠶᠤᠮ ᠃
ᠲᠥᠩᠯᠢᠶᠤᠤ ᠬᠤᠲᠠ ᠵᠢᠨ ᠬᠦᠷᠢᠶᠡ ᠬᠣᠰᠢᠭᠤᠨ ᠤ᠋ ᠠᠭᠤᠯᠠ ᠤᠢ ᠰᠢᠭᠤᠢ ᠵᠢᠨ ᠲᠠᠯᠠᠪᠠᠢ ᠳ᠋ᠤ᠂ ᠡᠢᠮᠦ ᠨᠢᠭᠡᠨ ᠤᠢ ᠬᠠᠮᠠᠭᠠᠯᠠᠭᠴᠢ ᠪᠠᠢᠳᠠᠬ᠂ ᠲᠡᠷᠡ ᠡᠭᠡᠯ ᠵᠢᠷ ᠤ᠋ᠨ ᠠᠵᠢᠯ ᠤ᠋ᠨ ᠪᠠᠢᠷᠢ ᠪᠠᠨ 38 ᠵᠢᠯ ᠰᠠᠬᠢᠵᠤ᠂ 《ᠨᠤᠮᠢᠨ ᠤᠰᠤ ᠬᠦᠭᠡᠮᠳᠦᠭ ᠠᠭᠤᠯᠠ ᠪᠣᠯ ᠠᠯᠳᠠᠨ ᠠᠭᠤᠯᠠ ᠮᠥᠩᠭᠥᠨ ᠬᠠᠢᠷᠬᠠᠨ ᠮᠥᠨ》 ᠭᠡᠬᠦ ᠣᠢᠯᠠᠭᠠᠭᠳᠠᠬᠤᠨ ᠢ᠋ ᠠᠮᠢᠳᠤᠯᠢᠭ᠋ ᠪᠤᠳᠠᠳᠠᠢ ᠦᠢᠯᠡᠳᠦᠯᠭᠡᠵᠢᠭᠦᠯᠵᠤ ᠢᠷᠡᠪᠡ ᠃ ᠲᠡᠭᠦᠨ ᠢ᠋ ᠥᠨᠡᠨᠴᠢ ᠭᠡᠳᠡᠭ ᠃
38 ᠵᠢᠯ ᠤ᠋ᠨ ᠲᠤᠷᠰᠢ᠂ ᠲᠡᠷᠡ ᠥᠪᠡᠷ ᠤ᠋ᠨ ᠵᠠᠯᠠᠭᠤ ᠨᠠᠰᠤ ᠪᠠᠨ ᠡᠯᠡᠰᠥ ᠮᠠᠩᠬᠠᠨ ᠤ᠋ ᠨᠤᠭᠤᠭᠠᠷᠠᠭᠤᠯᠤᠯᠲᠠ ᠵᠢᠨ ᠥᠢᠯᠡᠰ ᠲᠦ᠍ ᠵᠤᠷᠢᠭᠤᠯᠵᠤ᠂ ᠰᠢᠨᠳᠡᠷᠡᠰᠢ ᠥᠭᠡᠢ ᠲᠠᠷᠢᠵᠤ ᠤᠢᠵᠢᠭᠤᠯᠤᠨ᠂ ᠰᠤᠯᠠᠷᠠᠰᠢ ᠥᠭᠡᠢ ᠰᠠᠬᠢᠨ ᠬᠠᠮᠠᠭᠠᠯᠠᠵᠤ᠂ 11.7 ᠲᠦᠮᠡᠨ ᠮᠦ᠍ ᠰᠢᠭᠤᠢᠲᠤ ᠭᠠᠵᠠᠷ ᠲᠦ᠍ ᠥᠪᠡᠷ ᠤ᠋ᠨ ᠤᠯᠠ ᠮᠥᠷ ᠵᠢᠨᠨ ᠦᠯᠡᠳᠡᠭᠡᠵᠤ᠂ ᠥᠢᠭᠠ ᠥᠭᠡᠢ ᠴᠢᠷᠮᠠᠢᠯᠭᠠ ᠪᠠ ᠤᠷᠤᠰᠬᠤ ᠬᠥᠯᠥᠰᠦ ᠪᠡᠷ ᠵᠢᠡᠨ ᠡᠨᠡ ᠬᠥ᠌ ᠬᠡᠰᠡᠭ 《ᠨᠤᠭᠤᠭᠠᠨ ᠪᠥᠷᠢᠳᠥ 》 ᠵᠢ ᠤᠮᠳᠠᠯᠠᠵᠤ᠂ ᠤᠢ ᠬᠠᠮᠠᠭᠠᠯᠠᠭᠴᠢᠵᠢᠨ ᠡᠭᠥᠷᠭᠡ ᠬᠠᠷᠢᠭᠤᠴᠠᠯᠭᠠ ᠪᠠᠨ ᠬᠥᠢᠴᠡᠳᠭᠡᠵᠤ ᠢᠷᠠᠵᠠᠢ᠃
ᠡᠳᠦᠷ ᠪᠦᠷᠢ ᠵᠢᠨ ᠥᠷᠯᠥᠭᠡ ᠡᠷᠲᠡ᠂ ᠥᠨᠡᠨᠴᠢ ᠳᠥᠷᠪᠡᠨ ᠬᠠᠮᠳᠤ ᠠᠵᠢᠯᠯᠠᠬᠴᠢ ᠪᠠᠨ ᠳᠠᠭᠠᠭᠤᠯᠤᠨ ᠠᠭᠤᠯᠠ ᠤᠢ ᠰᠢᠭᠤᠢᠵᠢᠨ ᠲᠠᠯᠠᠪᠠᠢᠵᠢᠨ ᠪᠠᠢᠭᠠᠯᠢ ᠵᠢᠨ ᠬᠠᠮᠠᠭᠠᠯᠠᠯᠲᠠ ᠵᠢᠨ ᠤᠷᠤᠨ ᠵᠢᠨᠷ ᠲᠣᠭᠣᠷᠢᠨ ᠴᠠᠬᠳᠠᠳᠠᠬ᠃ ᠡᠩ ᠤ᠋ᠨ ᠪᠠᠢᠳᠠᠯ ᠳ᠋ᠤ᠂ ᠳᠡᠳᠡ ᠲᠣᠭᠣᠷᠢᠨ ᠬᠠᠮᠠᠭᠠᠯᠠᠬᠤ ᠲᠡᠷᠭᠡ ᠪᠡᠨ ᠵᠢᠯᠣᠭᠣᠳᠤᠨ ᠡᠯᠡᠰᠦᠨ ᠬᠥᠲᠥᠯ ᠢ᠋ ᠳᠠᠭᠠᠵᠤ ᠲᠤᠭᠤᠷᠢᠨ ᠪᠠᠢᠴᠠᠭᠠᠵᠤ᠂ ᠲᠡᠷᠭᠡ ᠶᠠᠪᠤᠬᠤ ᠵᠢᠨ ᠠᠷᠭᠠ ᠦᠭᠡᠢ ᠮᠠᠩᠬᠠᠨ ᠳ᠋ᠤ ᠤᠷᠤᠪᠠᠯ ᠶᠠᠪᠠᠭᠠᠯᠠᠨ ᠴᠠᠬᠳᠠᠳᠠᠬ ᠪᠠᠢᠪᠠ᠃ ᠳᠡᠬᠡᠬᠥ ᠳ᠋ᠡᠭᠡᠨ ᠡᠯᠡᠰᠦᠷᠬᠡᠭ ᠭᠠᠵᠠᠷ ᠤ᠋ᠨ ᠤᠢ ᠮᠣᠳᠣᠨ ᠤ᠋ ᠤᠷᠭᠤᠯᠲᠠ ᠵᠢᠨ ᠪᠠᠢᠳᠠᠯ ᠢ᠋ ᠴᠠᠭ ᠢᠮᠠᠭᠲᠠ ᠠᠩᠬᠠᠷᠴᠤ᠂ ᠡᠪᠡᠳᠴᠢᠨ ᠬᠣᠷᠣᠬᠠᠢ ᠵᠢᠨ ᠬᠥᠨᠥᠭᠡᠯ ᠳ᠋ᠦ ᠢᠳᠡᠭᠳᠡᠭᠰᠡᠨ ᠡᠰᠡᠬᠦ᠂ ᠤᠢ ᠮᠣᠳᠣ᠌ ᠤᠷᠭᠤᠮᠠᠯ ᠢ᠋ ᠬᠤᠯᠠᠭᠠᠢᠯᠠᠨ ᠤᠬᠳᠤᠯᠤᠭᠰᠠᠨ ᠡᠰᠡᠬᠦ ᠵᠢ ᠪᠠᠢᠴᠠᠭᠠᠨ᠂ ᠬᠡᠭᠡᠷᠡ ᠵᠢᠨ ᠠᠮᠢᠳᠠᠨ ᠤ᠋ ᠠᠵᠢᠯᠯᠠᠭᠠᠨ ᠤ᠋ ᠵᠠᠮ ᠮᠥᠷ ᠢ᠋ᠴᠦ ᠠᠯᠳᠠᠯ ᠥᠭᠡᠢ ᠠᠩᠬᠠᠷᠥᠨ ᠳᠡᠮᠳᠡᠭᠯᠡᠵᠤ ᠶᠠᠪᠤᠳᠠᠬ ᠁ ᠡᠢᠨᠬᠦ ᠡᠳᠦᠷ ᠪᠦᠷᠢ ᠵᠠᠭᠤ ᠭᠠᠷᠤᠢ ᠺᠢᠯᠤᠮᠧᠲᠷ ᠠᠶᠠᠯᠠᠨ ᠪᠠᠢᠴᠠᠭᠠᠬᠤ ᠨᠢ ᠳᠠᠷᠤᠢ ᠥᠨᠠᠨᠴᠢ ᠵᠢᠨ 38 ᠵᠢᠯ ᠤ᠋ᠨ ᠲᠤᠷᠰᠢ ᠬᠤᠪᠢᠷᠠᠰᠢ ᠦᠭᠡᠢ ᠬᠥᠢᠴᠡᠳᠭᠡᠵᠤ ᠢᠷᠡᠭᠰᠡᠨ ᠪᠠᠷᠢᠮᠳᠠᠯᠠᠯ ᠪᠣᠯᠬᠤ ᠠᠵᠢ᠃
ᠠᠭᠤᠯᠠ ᠤᠢ ᠰᠢᠭᠤᠢ ᠵᠢᠨ ᠲᠠᠯᠠᠪᠠᠢ
ᠥᠨᠡᠨᠴᠢ ᠤᠳᠤᠬᠠᠨ ᠳ᠋ᠤ ᠬᠦᠷᠢᠶᠡ ᠬᠣᠰᠢᠭᠤᠨ ᠤ᠋ ᠠᠭᠤᠯᠠ ᠤᠢ ᠰᠢᠭᠤᠢ ᠵᠢᠨ ᠲᠠᠯᠠᠪᠠᠢ ᠵᠢᠨ ᠳᠡᠳ᠋ ᠳᠠᠷᠤᠭᠠ ᠵᠢᠨ ᠲᠤᠰᠢᠶᠠᠯ ᠢ᠋ ᠬᠠᠷᠢᠭᠤᠴᠠᠵᠤ ᠪᠤᠢ᠃ 1988 ᠣᠨ ᠳ᠋ᠤ᠂ 18 ᠨᠠᠰᠤᠲᠠᠢ ᠲᠡᠷᠡ ᠪᠡᠷ ᠣᠶ ᠰᠢᠭᠤᠢ ᠵᠢᠨ ᠲᠠᠯᠠᠪᠠᠶ ᠳ᠋ᠤ ᠠᠩᠬᠠ ᠢᠷᠡᠵᠦ ᠠᠵᠢᠯᠯᠠᠭᠰᠠᠨ ᠡᠴᠡ ᠨᠠᠭᠠᠰᠢ᠂ 38 ᠵᠢᠯ ᠤ᠋ᠨ ᠳᠣᠷᠰᠢ᠂ ᠳᠡᠷᠡ ᠬᠠᠯᠠᠭᠤᠨ ᠬᠥᠢᠳᠡᠨ ᠢ᠋ ᠳᠡᠰᠪᠥᠷᠢᠯᠡᠨ ᠮᠣᠳᠣ᠌ ᠳᠠᠷᠢᠵᠤ ᠣᠢᠵᠢᠭᠤᠯᠬᠤ᠂ ᠤᠢ ᠵᠢ ᠲᠣᠭᠣᠷᠢᠨ ᠴᠠᠭᠳᠠᠵᠤ ᠬᠠᠮᠠᠭᠠᠯᠠᠬᠤ ᠠᠵᠢᠯ ᠢ᠋ ᠶᠡᠷᠦᠡᠴᠡ ᠲᠠᠰᠤᠯᠳᠠᠭᠤᠯᠥᠯ ᠦᠭᠡᠢ ᠬᠥᠢᠴᠡᠳᠭᠡᠵᠤ᠂ ᠰᠢᠭᠤᠢᠲᠤ ᠣᠷᠣᠨ ᠤ᠋ ᠢᠮᠠᠬᠤ ᠵᠢᠨ ᠳᠡᠳᠥᠢ ᠭᠠᠵᠠᠷ ᠢ᠋ᠴᠦ ᠥᠪᠡᠷ ᠤ᠋ᠨ ᠠᠯᠬᠤᠮ ᠵᠢᠨᠷ ᠵᠢᠨᠨ ᠬᠡᠮᠵᠢᠵᠤ ᠳᠡᠮᠳᠡᠭᠯᠡᠵᠤ ᠶᠠᠪᠤᠬᠰᠠᠨ ᠶᠤᠮ᠃
ᠠᠭᠤᠯᠠ ᠤᠢ ᠰᠢᠭᠤᠢ ᠵᠢᠨ ᠲᠠᠯᠠᠪᠠᠢ ᠨᠢ ᠬᠦᠷᠢᠶᠡ ᠬᠣᠰᠢᠭᠤᠨ ᠤ᠋ ᠬᠣᠢᠲᠤ ᠪᠡᠶᠡ ᠳ᠋ᠦ ᠪᠠᠢᠷᠢᠯᠠᠵᠤ᠂ ᠬᠣᠷᠴᠢᠨ ᠤ᠋ ᠡᠯᠡᠰᠦᠷᠬᠡᠭ ᠭᠠᠵᠠᠷ ᠤ᠋ᠨ ᠥᠷᠥᠴᠡᠠ ᠳ᠋ᠤ ᠬᠠᠷᠢᠶᠠᠯᠠᠭᠳᠠᠨ᠂ ᠵᠡᠭᠦᠨ ᠪᠠᠷᠠᠭᠤᠨ ᠬᠣᠶᠠᠷ ᠬᠡᠰᠡᠭ ᠵᠢᠨᠷ ᠪᠥᠷᠢᠯᠳᠥᠵᠤ᠂ ᠶᠡᠷᠦᠩᠬᠡᠢ ᠲᠠᠯᠠᠪᠠᠢ ᠨᠢ 11.7 ᠲᠦᠮᠡᠨ ᠮᠦ᠍ ᠳ᠋ᠦ ᠬᠦᠷᠴᠡᠢ᠃ ᠣᠶ ᠰᠢᠭᠤᠢ ᠵᠢᠨ ᠲᠠᠯᠠᠪᠠᠶ ᠨᠢ ᠶᠠᠨᠱᠠᠨ ᠠᠭᠤᠯᠠ ᠵᠢᠨ ᠠᠭᠤᠯᠠᠷᠬᠠᠭ ᠭᠠᠵᠠᠷ ᠤ᠋ᠨ ᠤᠷᠭᠤᠮᠠᠯ ᠤ᠋ᠨ ᠣᠷᠣᠨ ᠪᠠ ᠬᠣᠷᠴᠢᠨ ᠤ᠋ ᠲᠠᠯᠠ ᠨᠤᠲᠤᠭ ᠤ᠋ᠨ ᠤᠷᠭᠤᠮᠠᠯ ᠤ᠋ᠨ ᠣᠷᠣᠨ ᠤ᠋ ᠵᠠᠭᠠᠭ ᠲᠦ᠍ ᠣᠷᠣᠰᠢᠵᠤ᠂ ᠶᠠᠩᠰᠢᠪ ᠤ᠋ᠨ ᠭᠣᠣᠯ ᠤ᠋ᠨ ᠰᠠᠪᠠ ᠭᠠᠵᠠᠷ ᠵᠢᠠᠷ ᠭᠣᠣᠯᠯᠠᠨ᠂ ᠣᠶ ᠮᠣᠳᠣ᠌᠂ ᠠᠮᠢᠲᠠᠨ ᠤᠷᠭᠤᠮᠠᠯ ᠤ᠋ᠨ ᠡᠬᠢ ᠪᠠᠶᠠᠯᠢᠭ᠋ ᠲᠤᠢᠯ ᠤ᠋ᠨ ᠡᠯᠪᠡᠭ ᠪᠠᠶᠠᠯᠢᠭ᠋ ᠪᠠᠢᠳᠠᠭ᠃ ᠡᠭᠦᠨ ᠤ᠋ ᠳᠣᠲᠣᠷᠠ ᠡᠷᠲᠡᠨ ᠤ᠋ ᠮᠣᠳᠣᠨ ᠤ᠋ ᠲᠥᠷᠥᠯ ᠤᠯᠠᠨᠳᠠᠢ᠂ ᠬᠠᠢᠯᠠᠰᠤ᠂ ᠪᠠᠲᠤᠴᠠᠭᠠᠨ᠂ ᠵᠢᠵᠢᠭ ᠨᠠᠪᠴᠢᠲᠤ ᠪᠣᠳᠢ᠂ ᠢᠯᠠᠮᠠ ᠵᠢᠨ ᠮᠣᠳᠣ᠌ ᠵᠡᠷᠭᠡ ᠨᠡᠶ᠋ᠢᠲᠡ 262 ᠵᠦᠢᠯ᠂ ᠬᠡᠭᠡᠷᠡ ᠵᠢᠨ ᠪᠤᠷᠴᠠᠬ᠂ ᠬᠡᠭᠡᠷᠡ ᠵᠢᠨ ᠰᠢᠬᠢᠷ ᠡᠪᠡᠰᠦ ᠵᠡᠷᠭᠡ ᠤᠯᠤᠰ ᠤ᠋ᠨ ᠭᠣᠣᠯᠳᠠᠯᠭᠠ ᠲᠠᠢ ᠬᠠᠮᠠᠭᠠᠯᠠᠯᠲᠠ ᠵᠢᠨ ᠤᠷᠭᠤᠮᠠᠯ 5 ᠵᠦᠢᠯ ᠪᠤᠶ； ᠰᠢᠷᠡ ᠰᠤᠯᠤᠩᠭᠠ᠂ ᠦᠨᠡᠭᠡ ᠵᠡᠷᠭᠡ ᠤᠯᠤᠰ ᠤ᠋ᠨ ᠳᠡᠰ ᠤ᠋ᠨ ᠭᠤᠤᠯᠳᠠᠯᠭᠠ ᠲᠠᠢ ᠬᠠᠮᠠᠭᠠᠯᠠᠯᠲᠠ ᠵᠢᠨ ᠠᠮᠢᠲᠠᠨ 25 ᠵᠦᠢᠯ᠂ ᠲᠣᠭᠣᠳᠠᠭ᠂ ᠬᠡᠭᠡᠷᠡ ᠵᠢᠨ ᠨᠤᠭᠤᠰᠤ᠂ ᠲᠣᠭᠣᠷᠤᠤ ᠵᠡᠷᠭᠡ ᠰᠢᠪᠠᠭᠤᠨ ᠤ᠋ ᠲᠥᠷᠥᠯ 101 ᠵᠦᠢᠯ ᠪᠤᠶ᠃ ᠡᠭᠦᠨᠡᠴᠡ ᠭᠠᠳᠠᠨᠠ᠂ 2018 ᠣᠨ ᠳ᠋ᠤ ᠤᠯᠤᠰ ᠤ᠋ᠨ ᠲᠠᠰ ᠤ᠋ᠨ ᠲᠤᠰᠬᠠᠢ ᠮᠡᠷᠭᠡᠵᠢᠯᠲᠡᠨ ᠤ᠋ ᠬᠢᠨᠠᠨ ᠰᠢᠯᠭᠠᠷᠠᠭᠤᠯᠤᠯᠲᠠ ᠪᠠ ᠴᠣᠬᠣᠯᠠᠪᠤᠷᠢ ᠪᠠᠷ ᠳᠡᠮᠵᠢᠨ᠂ ᠠᠭᠤᠯᠠ ᠣᠶ ᠰᠢᠭᠤᠢ ᠵᠢᠨ ᠲᠠᠯᠠᠪᠠᠶ ᠵᠢ ᠤᠯᠤᠰ ᠤ᠋ᠨ ᠣᠶ ᠰᠢᠭᠤᠢ ᠵᠢᠨ ᠴᠡᠴᠡᠷᠯᠢᠭ ᠪᠣᠯᠭᠠᠨ ᠪᠠᠶ᠋ᠢᠭᠤᠯᠬᠤ ᠵᠢ ᠵᠢᠩᠬᠢᠨᠢ ᠪᠡᠷ ᠵᠥᠪᠰᠢᠶᠡᠷᠡᠭᠰᠡᠨ ᠪᠠᠢᠨᠠ ᠃
ᠤᠯᠠᠨ ᠵᠢᠯ ᠤ᠋ᠨ ᠲᠣᠭᠣᠷᠢᠨ ᠴᠠᠬᠳᠠᠵᠤ ᠬᠠᠮᠠᠭᠠᠯᠠᠬᠤ ᠠᠵᠢᠯ ᠨᠢ ᠳᠡᠭᠥᠨ ᠢ᠋ ᠤᠢ ᠰᠢᠭᠤᠢ ᠵᠢᠨ ᠲᠠᠯᠠᠪᠠᠢ ᠵᠢᠨ ᠮᠠᠩᠬᠠ ᠵᠤ᠂ ᠭᠤᠤ ᠵᠢᠯᠠᠭᠠ ᠪᠤᠯᠭᠠᠨ ᠢ᠋ ᠠᠯᠠᠭᠠ ᠵᠢᠨ ᠵᠢᠷᠤᠭᠠᠰᠤ ᠪᠠᠨ ᠮᠡᠳᠥ ᠣᠢᠯᠠᠭᠠᠬᠤ ᠪᠤᠯᠭᠠᠵᠠᠢ ᠃ ᠡᠨᠳᠡᠬᠢ ᠵᠥᠷᠢᠭ ᠵᠠᠮ ᠨᠢ ᠪᠠᠢᠳᠠᠯᠠ ᠳᠡᠳᠡ ᠨᠡᠷ ᠤ᠋ᠨᠨᠠᠭᠠᠰᠢ ᠴᠠᠭᠠᠰᠢ ᠴᠠᠬᠳᠠᠨ ᠶᠠᠪᠤᠬᠤ ᠵᠢ ᠳᠠᠭᠠᠯᠳᠥᠨ ᠵᠤᠷᠠᠢᠵᠤ ᠪᠥᠷᠢᠯᠳᠥᠨ᠂ ᠡᠯᠡᠰᠥᠨ ᠰᠢᠭᠤᠷᠭᠠ ᠳᠡᠭᠳᠡᠵᠤ ᠠᠮᠢᠰᠬᠤᠭᠠ ᠠᠪᠬᠤ ᠳ᠋ᠤ ᠬᠥᠴᠢᠷᠳᠡᠬᠥ᠂ ᠳᠤᠭᠤᠷᠢᠨ ᠬᠠᠮᠠᠭᠠᠯᠠᠬᠤ ᠳᠡᠷᠭᠡ ᠨᠢ ᠮᠠᠩᠬᠠᠨ ᠳ᠋ᠤ ᠰᠢᠬᠢᠳᠴᠥ ᠲᠡᠭᠡᠭᠯᠡᠬᠥ ᠵᠡᠷᠭᠡ ᠶᠠᠪᠤᠳᠠᠯ ᠵᠥᠩᠳᠡᠭᠡᠨ ᠲᠤᠬᠢᠶᠠᠯᠳᠤᠳᠠᠬ ᠪᠠᠢᠪᠠ ᠃ 《 ᠡᠬᠢᠨ ᠤ᠋ ᠵᠢᠯ ᠤ᠋ᠳᠤᠨ ᠬᠠᠳᠠᠭᠤ ᠣᠷᠴᠢᠨ ᠲᠣᠭᠣᠷᠢᠨ ᠳ᠋ᠤ ᠮᠣᠳᠣ᠌ ᠲᠠᠷᠢᠵᠤ ᠣᠢᠵᠢᠭᠤᠯᠬᠤ ᠨᠢ ᠨᠢᠭᠡᠨ ᠮᠠᠰᠢ ᠲᠥᠪᠡᠭᠳᠠᠢ ᠶᠠᠪᠤᠳᠠᠯ ᠪᠠᠢᠭᠰᠠᠨ ᠶᠤᠮ᠂ ᠲᠤᠬᠠᠢᠵᠢᠨ ᠦᠶᠡ ᠳ᠋ᠦ ᠲᠷᠠᠺᠲ᠋ᠣᠷ ᠭᠡᠵᠤ ᠪᠠᠢᠳᠠᠭ ᠦᠭᠡᠢ᠂ ᠬᠠᠷᠢᠨ ᠮᠣᠷᠢᠨ ᠲᠡᠷᠭᠡ ᠬᠥᠯᠥᠰᠦᠯᠡᠨ ᠤᠰᠤ ᠳᠡᠭᠡᠭᠡᠪᠥᠷᠢᠯᠡᠵᠤ᠂ ᠤᠰᠤᠨ ᠬᠤᠯᠤ ᠪᠠᠷ ᠮᠣᠳᠣ᠌ ᠵᠢ ᠤᠰᠤᠯᠠᠵᠤ ᠪᠠᠢᠭᠰᠠᠨ ᠶᠤᠮ᠂ ᠮᠠᠩᠬᠠᠨ ᠬᠥᠨ ᠳ᠋ᠤ ᠮᠤᠷᠢᠨ ᠲᠡᠷᠭᠡᠴᠦ ᠣᠷᠣᠵᠤ ᠳᠡᠶ᠋ᠢᠯᠬᠦ ᠦᠭᠡᠢ ᠪᠣᠯᠬᠣᠷ ᠴᠢᠬᠢ ᠮᠣᠳᠣ᠌ ᠵᠢ ᠵᠠᠮ ᠤ᠋ᠨ ᠬᠠᠵᠠᠭᠤ ᠳ᠋ᠤ ᠪᠠᠭᠤᠯᠭᠠᠵᠤ ᠂ ᠬᠥᠮᠥᠨ ᠤ᠋ ᠬᠥᠴᠥ ᠪᠡᠷ ᠡᠭᠦᠷᠬᠦ ᠪᠤᠶᠤ ᠲᠡᠪᠡᠷᠢᠨ ᠳᠣᠲᠣᠭ᠍ᠰᠢ ᠪᠠᠨ ᠵᠥᠭᠡᠭᠡᠪᠥᠷᠢᠯᠡᠬᠥ ᠡᠴᠡ ᠥᠭᠡᠷᠡ ᠠᠷᠭᠠ ᠦᠭᠡᠢ ᠪᠠᠢᠪᠠ᠂ ᠡᠳᠥᠷ ᠪᠥᠷᠢ ᠠᠭᠤᠯᠠᠨ ᠳ᠋ᠤ ᠭᠠᠷᠴᠤ ᠮᠣᠳᠣ᠌ ᠵᠠᠢᠯᠠᠬᠤ ᠳ᠋ᠠᠭᠠᠨ ᠦᠳᠡ ᠳ᠋ᠦ ᠵᠥᠪᠬᠡᠨ ᠳᠥᠭᠥᠮ ᠬᠤᠭᠤᠯᠠ ᠪᠠᠷ ᠥᠯ ᠳᠠᠷᠤᠵᠤ᠂ ᠦᠳᠡ ᠵᠢᠨ ᠬᠣᠢᠨᠠ ᠵᠠᠢᠯᠠᠵᠤ ᠳᠠᠭᠤᠰᠤᠮᠠᠨᠵᠢᠨ ᠰᠠᠶᠢ ᠬᠠᠷᠢᠳᠠᠬ᠂ ᠵᠠᠢᠯᠠᠭᠰᠠᠨ ᠴᠢᠬᠢ ᠮᠣᠳᠣᠨ ᠤ᠋ ᠡᠳᠡᠭᠡᠷᠡᠯᠲᠡ ᠵᠢ ᠪᠠᠲᠤᠯᠠᠬᠤ ᠵᠢᠨ ᠲᠥᠯᠥᠭᠡ ᠤᠳᠠᠭᠠ ᠪᠦᠷᠢ ᠰᠠᠭᠤᠯᠠᠭᠠ ᠪᠡᠷ ᠤᠰᠤ ᠵᠥᠭᠡᠭᠡᠪᠥᠷᠢᠯᠡᠵᠤ ᠪᠠᠢᠭᠠᠳ ᠬᠣᠶᠠᠷ ᠡᠴᠡ ᠭᠤᠷᠪᠠ ᠤᠳᠠᠭᠠ ᠤᠰᠤᠯᠠᠵᠤ᠂ ᠡᠳᠡᠭᠡᠷᠡᠭᠡ ᠦᠭᠡᠢ ᠴᠢᠬᠢ ᠮᠣᠳᠣ᠌ ᠵᠢ ᠪᠠᠰᠠ ᠪᠣᠷᠣᠭᠠᠨ ᠤ᠋ ᠤᠯᠠᠷᠢᠯ ᠳ᠋ᠤ ᠨᠥᠬᠥᠵᠦ ᠵᠠᠢᠯᠠᠨ᠂ ᠨᠥᠬᠥᠵᠤ ᠵᠠᠢᠯᠠᠬᠰᠠᠨ ᠮᠤᠳᠤ ᠨᠢ ᠮᠥᠨᠬᠦ ᠡᠳᠡᠭᠡᠷᠡᠭᠰᠡᠨ ᠥᠭᠡᠢ ᠪᠠᠢᠪᠠᠯ ᠨᠠᠮᠤᠷ ᠤ᠋ᠨ ᠤᠯᠠᠷᠢᠯ ᠳ᠋ᠤ ᠳᠠᠬᠢᠨ ᠨᠥᠬᠥᠵᠦ ᠵᠠᠢᠯᠠᠳᠠᠭ 》 ᠭᠡᠵᠦ ᠦᠨᠡᠨᠴᠢ ᠲᠡᠷᠡ ᠬᠦ᠌ ᠬᠠᠲᠠᠭᠤ ᠪᠡᠷᠬᠡᠰᠢᠶᠡᠯᠲᠡᠢ ᠪᠥᠭᠡᠳ ᠮᠠᠷᠲᠠᠭᠳᠠᠰᠢ ᠦᠭᠡᠢ ᠡᠳᠤᠷ ᠬᠤᠨᠤᠭᠵᠢᠡᠨ ᠡᠷᠭᠢᠴᠡᠭᠦᠯᠦᠨ ᠭᠡᠯᠡᠨᠠ ᠃
ᠠᠭᠤᠯᠠ ᠤᠢ ᠰᠢᠭᠤᠢ ᠵᠢᠨ ᠲᠠᠯᠠᠪᠠᠢ ᠵᠢᠨ ᠨᠢᠭᠡ ᠪᠦᠯᠦᠭ ᠮᠣᠳᠣ᠌ ᠨᠢ ᠤᠢ ᠰᠢᠭᠤᠢ ᠵᠢᠨ ᠲᠠᠯᠠᠪᠠᠢ ᠵᠢᠨ ᠠᠵᠢᠯᠲᠠᠨ ᠠᠵᠢᠯᠴᠢᠨ ᠤ᠋ ᠵᠢᠯ ᠳᠠᠷᠠᠭᠠᠯᠠᠨ ᠲᠠᠷᠢᠵᠦ ᠤᠷᠭᠤᠭᠤᠯᠬᠤ ᠳ᠋ᠤ ᠲᠦᠰᠢᠭᠯᠡᠳᠡᠭ᠃ ᠡᠬᠢᠨ ᠤ᠋ ᠬᠡᠳᠦᠨ ᠵᠢᠯ ᠳ᠋ᠦ᠂ ᠮᠣᠳᠣ᠌ ᠵᠠᠢᠯᠠᠬᠤ ᠳ᠋ᠤ ᠣᠢᠷᠠ ᠬᠠᠪᠢ ᠵᠢᠨ ᠠᠢᠯ ᠲᠣᠰᠬᠣᠨ ᠤ᠋ ᠮᠠᠯᠴᠢᠨ ᠲᠠᠷᠢᠶᠠᠴᠢᠨ ᠤ᠋ ᠬᠤᠪᠢᠳᠠᠬᠰᠠᠨ ᠠᠲᠠᠷ ᠭᠠᠵᠠᠷ ᠢ᠋ ᠡᠵᠡᠯᠡᠬᠦ ᠴᠢᠬᠤᠯᠠ ᠲᠠᠢ᠂ ᠭᠡᠶᠡ ᠵᠠᠷᠢᠮ ᠲᠣᠰᠬᠣᠨ ᠤ᠋ ᠠᠷᠠᠳ ᠵᠥᠪᠰᠢᠶᠡᠷᠡᠬᠥ ᠥᠭᠡᠢ ᠪᠠᠢᠪᠠ᠃ ᠦᠨᠡᠨᠴᠢ ᠠᠷᠭᠠ ᠪᠤᠰᠤ ᠠᠢᠯ ᠡᠷᠦᠬᠡ ᠳᠠᠷᠠᠭᠠᠯᠠᠨ ᠥᠵᠡᠯ ᠰᠠᠨᠠᠭᠠᠨ ᠤ᠋ ᠬᠦᠮᠦᠵᠢᠯ ᠬᠢᠵᠦ᠂ ᠴᠢᠨᠠᠭᠰᠢᠯᠠᠪᠠᠯ ᠲᠦᠷᠦᠯ ᠰᠠᠳᠤᠨ ᠨᠠᠢᠵᠠ ᠨᠥᠬᠥᠳ ᠵᠢᠡᠨ ᠡᠷᠢᠨ ᠮᠤᠳᠤ ᠵᠠᠢᠯᠠᠬᠤ ᠵᠢᠨ ᠠᠴᠢ ᠬᠤᠯᠪᠤᠬᠳᠠᠯ ᠢ᠋ ᠲᠠᠢᠯᠪᠥᠷᠢᠯᠡᠨ ᠤᠬᠠᠭᠤᠯᠵᠤ᠂ ᠳᠡᠳᠡ ᠨᠡᠷ ᠲᠥᠷᠥᠭᠥᠯᠡᠨ ᠮᠤᠳᠤ ᠵᠠᠢᠯᠠᠬᠤ ᠵᠢ ᠢᠳᠬᠠᠵᠤ ᠶᠠᠪᠤᠵᠠᠢ᠃ ᠡᠢᠨᠬᠦ ᠳᠡᠬᠥᠨ ᠤ᠋ ᠰᠢᠨᠳᠡᠷᠡᠰᠢ ᠥᠭᠡᠢ ᠴᠢᠷᠮᠠᠢᠯᠭᠠ ᠪᠠ ᠳᠡᠰᠪᠥᠷᠢ ᠬᠦᠯᠢᠴᠡᠩᠭᠦᠢ ᠠᠵᠢᠯ ᠵᠢᠨᠷ ᠲᠠᠮᠵᠢᠨ᠂ ᠲᠣᠰᠬᠣᠨ ᠤ᠋ ᠠᠷᠠᠳ ᠤ᠋ᠨ ᠦᠵᠡᠯ ᠰᠠᠨᠠᠭᠠ ᠴᠤ᠌ ᠠᠭᠠᠵᠢᠮ ᠵᠢᠠᠷ ᠬᠤᠪᠢᠷᠠᠵᠤ᠂ ᠥᠪᠡᠷ ᠤ᠋ᠨ ᠲᠠᠷᠢᠶᠠᠨ ᠭᠠᠵᠠᠷ ᠲᠠᠭᠠᠨ ᠮᠣᠳᠣ᠌ ᠵᠠᠢᠯᠠᠬᠤ ᠵᠢ ᠵᠥᠪᠰᠢᠶᠠᠷᠡᠬᠥ ᠪᠤᠯᠤᠬᠰᠠᠨ ᠪᠠᠢᠨᠠ᠃ ᠡᠨᠡ ᠮᠡᠲᠦ ᠵᠢᠯ ᠪᠥᠷᠢ ᠮᠤᠳᠤ ᠵᠠᠢᠯᠠᠬᠤ ᠪᠡᠷ ᠳᠠᠮᠵᠢᠨ᠂ ᠠᠭᠤᠯᠠ ᠭᠠᠴᠠᠭᠠ ᠵᠢᠨ ᠡᠯᠡᠰᠦᠷᠬᠡᠭ ᠭᠠᠵᠠᠷ ᠲᠦ᠍ ᠤᠢ ᠮᠤᠳᠤ ᠤᠷᠭᠤᠨ ᠢᠬᠴᠤᠷᠠᠵᠤ ᠂ ᠠᠮᠢ ᠠᠬᠤᠢ ᠣᠷᠴᠢᠨ ᠲᠣᠭᠣᠷᠢᠨ ᠶᠡᠬᠡ ᠪᠡᠷ ᠰᠠᠢᠵᠢᠷᠠᠪᠠ᠃ 《ᠠᠩᠬᠠ ᠤᠳᠠᠭᠠ ᠦ᠋ ᠳᠠᠷᠤᠭᠠ ᠨᠠᠮᠠᠶ᠋ᠢ ᠡᠷᠢᠬᠦ ᠦᠶᠡ ᠳ᠋ᠦ᠂ ᠪᠢ ᠵᠥᠪᠰᠢᠶᠡᠷᠡᠭᠰᠡᠨ ᠥᠭᠡᠢ᠂ ᠬᠤᠢᠨᠠ ᠨᠢ ᠵᠦᠪᠰᠢᠶᠡᠷᠡᠭᠰᠡᠨ ᠰᠢᠤ᠂ ᠤᠳᠤ ᠲᠡᠭᠦᠨ ᠳ᠋ᠦ ᠦᠨᠡᠨᠬᠦ ᠲᠠᠯᠠᠷᠬᠠᠵᠤ ᠪᠠᠢᠨᠠ᠂ ᠮᠠᠨ ᠤ᠋ ᠲᠣᠰᠬᠣᠨ ᠮᠣᠳᠣ᠌ ᠵᠠᠢᠯᠠᠭᠰᠠᠨ ᠡᠴᠡ ᠬᠣᠢᠰᠢ ᠣᠷᠴᠢᠨ ᠲᠣᠭᠣᠷᠢᠨ ᠰᠠᠢᠵᠢᠷᠠᠵᠤ᠂ ᠦᠬᠡᠷ ᠤ᠋ᠨ ᠪᠡᠯᠴᠢᠭᠡᠷ ᠨᠣᠭᠣᠭᠠᠷᠠᠪᠠ᠂ ᠲᠠᠷᠢᠶᠠ ᠳᠠᠷᠢᠭ᠍ᠰᠠᠨ ᠤ᠋ ᠲᠠᠷᠠᠭᠠ ᠲᠠᠬᠢᠭᠠᠳ ᠬᠡᠳᠦᠢ ᠶᠡᠬᠡ ᠰᠠᠯᠬᠢ ᠰᠢᠭᠤᠷᠭᠠ ᠳᠡᠭᠳᠡᠭᠰᠡᠨ ᠴᠦ᠍ ᠳᠠᠷᠢᠶᠠᠨ ᠴᠢᠬᠢ ᠵᠢ ᠨᠥᠯᠥᠭᠡᠯᠡᠬᠦ ᠦᠭᠡᠢ ᠪᠣᠯᠵᠠᠢ 》 ᠭᠡᠵᠦ ᠠᠭᠤᠯᠠ ᠭᠠᠴᠠᠭᠠᠨ ᠤ᠋ ᠠᠷᠠᠳ ᠲᠢᠶᠠᠨ ᠭ᠋ᠸ᠋ ᠪᠠᠶᠠᠷᠲᠠᠢ ᠶᠠᠷᠢᠨᠠ ᠃
ᠠᠭᠤᠯᠠ ᠤᠢ ᠰᠢᠭᠤᠢ ᠵᠢᠨ ᠲᠠᠯᠠᠪᠠᠢ ᠳ᠋ᠤ ᠪᠠᠢᠭᠠᠯᠢ ᠵᠢᠨ ᠮᠣᠳᠣᠨ ᠤ᠋ ᠲᠦᠷᠦᠯ ᠵᠦᠢᠯ ᠮᠠᠰᠢ ᠪᠠᠶᠠᠯᠢᠭ᠋ ᠪᠣᠯᠬᠣᠷ ᠥᠨᠡᠨᠴᠢ ᠲᠤᠭᠤᠷᠢᠨ ᠴᠠᠬᠳᠠᠬᠤ ᠳ᠋ᠠᠭᠠᠨ ᠡᠨᠡ ᠲᠠᠯᠠ ᠪᠡᠷ ᠤᠨᠴᠠᠭᠠᠢᠯᠠᠨ ᠠᠩᠬᠠᠷᠴᠥ᠂ ᠬᠡᠰᠡᠭ ᠬᠤᠭᠤᠴᠠᠭᠠ ᠠᠯᠤᠰᠯᠠᠬᠤ ᠪᠦᠷᠢ ᠰᠢᠨᠡ ᠢᠯᠡᠷᠡᠭᠦᠯᠦᠯᠲᠡ ᠲᠠᠢ ᠪᠣᠯᠳᠠᠭ ᠃ ᠣᠯᠠᠨ ᠵᠢᠯ ᠤ᠋ᠨ ᠲᠤᠷᠰᠢ᠂ ᠲᠡᠭᠦᠨ ᠤ᠋ ᠢᠯᠡᠷᠡᠭᠥᠯᠵᠤ ᠨᠤᠲᠠᠯᠠᠭᠰᠠᠨ ᠪᠠᠢᠭᠠᠯᠢ ᠵᠢᠨ ᠮᠣᠳᠣ 27 ᠲᠥᠷᠥᠯ ᠳ᠋ᠦ ᠬᠦᠷᠦᠭᠰᠡᠨ ᠪᠠᠢᠨᠠ᠃ ᠡᠭᠦᠨ ᠤ᠋ ᠬᠠᠮᠲᠤ᠂ ᠤᠢ ᠰᠢᠭᠤᠢ ᠵᠢᠨ ᠲᠠᠯᠠᠪᠠᠢ ᠵᠢᠨ ᠠᠮᠢ ᠠᠬᠤᠢ ᠣᠷᠴᠢᠨ ᠲᠣᠭᠣᠷᠢᠨ ᠠᠭᠠᠵᠢᠮ ᠵᠢᠠᠷ ᠰᠠᠢᠵᠢᠷᠠᠬᠤ ᠵᠢ ᠳᠠᠭᠠᠯᠳᠤᠨ᠂ ᠡᠨᠳᠡ ᠢᠷᠡᠵᠦ ᠠᠮᠠᠷᠠᠵᠤ ᠡᠭᠥᠷᠭᠡᠯᠡᠬᠥ ᠰᠢᠪᠠᠭᠤᠨ ᠤ᠋ ᠲᠦᠷᠦᠯ ᠴᠦ᠍ ᠵᠢᠯᠡᠴᠡ ᠵᠢᠯ ᠳ᠋ᠦ ᠣᠯᠠᠰᠢᠷᠠᠵᠤ᠂ ᠲᠡᠷᠡᠴᠢᠯᠡᠨ ᠨᠢᠭᠡᠨᠲᠡ ᠠᠷᠢᠯᠤᠭᠠᠳ ᠤᠯᠠᠨ ᠵᠢᠯ ᠪᠣᠯᠤᠭᠰᠠᠨ ᠥᠨᠡᠬᠡ ᠵᠡᠷᠭᠡ ᠬᠡᠭᠡᠷᠡ ᠵᠢᠨ ᠠᠮᠢᠳᠠᠨ ᠴᠤ᠌ ᠤᠢ ᠰᠢᠭᠤᠢ ᠵᠢᠨ ᠲᠠᠯᠠᠪᠠᠢ ᠳ᠋ᠤ ᠵᠠᠯᠭᠠᠭᠠ ᠪᠠᠷ ᠢᠯᠡᠷᠡᠵᠡᠢ᠂ ᠡᠨᠡ ᠪᠦᠬᠦᠨ ᠨᠢ ᠥᠨᠡᠨᠴᠢ ᠵᠢᠨ ᠰᠡᠳᠬᠢᠯ ᠢ᠋ ᠶᠡᠬᠡᠳᠡ ᠤᠷᠮᠠᠰᠢᠭᠤᠯᠵᠤ ᠪᠠᠶᠠᠷᠯᠠᠭᠤᠯᠳᠠᠬ ᠪᠠᠢᠪᠠ᠃
ᠵᠢᠯ ᠪᠦᠷᠢ ᠵᠢᠨ ᠬᠠᠪᠤᠷ ᠤ᠋ᠨ ᠤᠯᠠᠷᠢᠯ ᠳ᠋ᠤ ᠂ ᠭᠠᠩ ᠬᠠᠭᠤᠷᠠᠢ ᠠᠭᠤᠷ ᠠᠮᠢᠰᠬᠤᠯ ᠬᠢᠭᠡᠳ ᠬᠠᠩᠰᠢ ᠵᠢᠨ ᠡᠳᠦᠷ ᠤ᠋ᠨ ᠲᠠᠬᠢᠯᠭᠠ ᠵᠢᠨ ᠠᠵᠢᠯᠯᠠᠭᠠ ᠵᠡᠷᠭᠡ ᠨᠢ ᠭᠠᠯ ᠢ᠋ ᠰᠡᠷᠭᠡᠢᠯᠡᠬᠦ ᠳᠠᠷᠤᠭᠠᠰᠤ ᠵᠢ ᠶᠡᠬᠡ ᠪᠡᠷ ᠨᠡᠮᠡᠭᠳᠡᠭᠥᠯᠳᠡᠭ ᠃ ᠡᠨᠡ ᠥᠶᠡᠰ ᠥᠨᠡᠨᠴᠢ ᠬᠢᠭᠡᠳ ᠲᠡᠭᠦᠨ ᠤ᠋ ᠬᠠᠮᠲᠤ ᠠᠵᠢᠯᠯᠠᠭᠰᠠᠳ ᠲᠠᠢ ᠪᠠᠨ ᠰᠢᠭᠤᠢᠲᠤ ᠣᠷᠣᠨ ᠤ᠋ ᠵᠠᠮ ᠤ᠋ᠨ ᠬᠠᠵᠠᠭᠤ ᠳ᠋ᠠᠬᠢ ᠰᠢᠲᠠᠮᠠᠬᠠᠢ ᠪᠣᠳᠠᠰ ᠢ᠋ ᠲᠤᠢᠯᠪᠤᠷᠢᠲᠠᠢ ᠴᠡᠪᠡᠷᠯᠡᠵᠦ᠂ ᠤᠢ ᠰᠢᠭᠤᠢ ᠳ᠋ᠤ ᠣᠷᠣᠬᠤ ᠵᠠᠮ ᠢ᠋ ᠴᠠᠭ ᠲᠤᠬᠠᠢ ᠳ᠋ᠤᠨᠢ ᠬᠠᠰᠢᠵᠤ ᠤᠨᠢᠰᠥᠯᠠᠨ᠂ ᠭᠠᠯ ᠤ᠋ᠨ ᠭᠠᠮᠰᠢᠭ᠋ ᠤ᠋ᠨ ᠭᠡᠮ ᠰᠣᠭᠣᠭ ᠢ᠋ ᠠᠷᠢᠯᠭᠠᠳᠠᠬ᠃ ᠡᠭᠦᠨ ᠤ᠋ ᠬᠠᠮᠲᠤ᠂ ᠳᠡᠳᠡ ᠪᠠᠰᠠ ᠭᠠᠯ ᠢ᠋ ᠰᠡᠷᠭᠡᠢᠯᠡᠬᠦ ᠤᠬᠠᠭᠤᠯᠭᠠ ᠬᠥᠮᠦᠵᠢᠯ ᠢ᠋ ᠰᠠᠢᠲᠤᠷ ᠬᠢᠬᠦ ᠵᠢ ᠪᠠᠷᠢᠮᠲᠠᠯᠠᠵᠤ᠂ ᠬᠠᠮᠢᠭᠠ ᠣᠴᠢᠪᠠᠯ ᠤᠬᠠᠭᠤᠯᠬᠤ ᠠᠵᠢᠯ ᠢ᠋ ᠲᠡᠨᠳᠡ ᠬᠦᠷᠲᠡᠯᠡ ᠥᠷᠨᠢᠭᠦᠯᠥᠨ᠂ ᠤᠢ ᠰᠢᠭᠤᠢ ᠵᠢᠨ ᠳᠦᠷᠦ ᠵᠢᠨ ᠪᠣᠳᠣᠯᠭᠠ ᠬᠠᠤᠯᠢ ᠲᠣᠭᠲᠠᠭᠠᠯ᠂ ᠭᠠᠯ ᠲᠤᠢᠮᠠᠷᠢ ᠰᠡᠷᠭᠡᠢᠯᠡᠬᠦ ᠶᠡᠷᠦ ᠵᠢᠨ ᠮᠡᠳᠡᠯᠭᠡ᠂ ᠠᠭᠤᠯᠠ ᠵᠢ ᠪᠢᠲᠡᠭᠦᠮᠵᠢᠯᠡᠨ ᠪᠡᠯᠴᠢᠭᠡᠷᠯᠡᠭᠦᠯᠬᠦ ᠵᠢ ᠴᠠᠭᠠᠵᠠᠯᠠᠬᠤ ᠳᠦᠷᠦ ᠵᠢᠨ ᠪᠣᠳᠣᠯᠭᠠ ᠵᠡᠷᠭᠡ ᠵᠢ ᠰᠢᠭᠤᠢᠲᠤ ᠣᠷᠣᠨ ᠤ᠋ ᠤᠯᠠᠨ ᠲᠦᠮᠡᠨ ᠳ᠋ᠦ ᠴᠠᠭ ᠲᠤᠬᠠᠢ ᠳ᠋ᠤᠨᠢ ᠤᠯᠠᠮᠵᠢᠯᠠᠨ ᠤᠬᠠᠭᠤᠯᠳᠠᠭ᠃ ᠡᠢᠨᠬᠦ ᠤᠳᠠᠭᠠᠨ ᠵᠢᠯ ᠤ᠋ᠨ ᠤᠬᠠᠭᠤᠯᠭᠠ ᠪᠠᠷ ᠲᠠᠮᠵᠢᠨ᠂ ᠲᠤᠬᠠᠢ ᠵᠢᠨ ᠭᠠᠵᠠᠷ ᠤ᠋ᠨ ᠤᠯᠠᠨ ᠲᠦᠮᠡᠨ ᠤ᠋ ᠤᠢ ᠰᠢᠭᠤᠢ ᠵᠢ ᠬᠠᠮᠠᠭᠠᠯᠠᠵᠤ ᠭᠠᠯ ᠲᠤᠢᠮᠠᠷᠢ ᠰᠡᠷᠭᠡᠢᠯᠡᠬᠦ ᠦᠵᠡᠯ ᠤᠬᠠᠮᠰᠠᠷ ᠢᠯᠡᠳᠲᠡ ᠳᠡᠭᠡᠭᠰᠢᠯᠡᠵᠡᠢ᠃
ᠡᠯᠡᠰᠦ ᠵᠢ ᠵᠠᠰᠠᠵᠤ ᠮᠣᠳᠣ᠌ ᠵᠠᠢᠯᠠᠬᠤ ᠲᠤᠷᠰᠢᠯᠭᠠ ᠪᠠᠷ ᠪᠠᠶᠠᠯᠢᠭ᠋ ᠪᠣᠯᠬᠣᠷ ᠵᠢᠯ ᠪᠦᠷᠢ ᠥᠨᠡᠨᠴᠢ ᠪᠣᠯᠣᠨ ᠳᠡᠭᠥᠨ ᠤ᠋ ᠬᠠᠮᠲᠤ ᠠᠵᠢᠯᠯᠠᠭᠰᠠᠳ ᠲᠠᠢ ᠪᠠᠨ ᠬᠦᠷᠢᠶᠡ ᠬᠣᠰᠢᠭᠤᠨ ᠤ᠋ ᠪᠤᠰᠤᠳ ᠰᠤᠮᠤ ᠰᠢᠶᠠᠩ ᠪᠠᠯᠭᠠᠰᠤᠨ ᠳ᠋ᠤ ᠬᠦᠷᠴᠦ ᠣᠢᠵᠢᠭᠤᠯᠬᠤ ᠠᠵᠢᠯ ᠳ᠋ᠤ ᠣᠷᠣᠯᠴᠠᠵᠤ᠂ ᠵᠢᠯ ᠳᠤᠮᠳᠠᠴᠢ ᠪᠠᠷ 4000 ᠮᠦ᠍ ᠮᠣᠳᠣ᠌ ᠵᠠᠢᠯᠠᠵᠤ᠂ ᠮᠦ᠍ ᠪᠦᠷᠢ ᠳ᠋ᠤ 65 ᠰᠠᠭᠤᠷᠢ ᠮᠣᠳᠣ᠌ ᠪᠠᠷ ᠪᠤᠳᠤᠪᠡᠯ᠂ 38 ᠵᠢᠯ ᠤ᠋ᠨ ᠳᠣᠲᠣᠷᠠ ᠲᠡᠷᠡ ᠪᠣᠯᠣᠨ ᠤᠢ ᠰᠢᠭᠤᠢ ᠵᠢᠨ ᠲᠠᠯᠠᠪᠠᠢ ᠵᠢᠨ ᠤᠯᠠᠨ ᠠᠵᠢᠯᠴᠢᠨ ᠨᠡᠢ᠍ᠢᠲᠡ 1000 ᠲᠦᠮᠡ ᠰᠢᠬᠠᠮ ᠰᠠᠭᠤᠷᠢ ᠮᠣᠳᠣ᠌ ᠵᠠᠢᠯᠠᠬᠰᠠᠨ ᠪᠠᠢᠨᠠ᠃
38 ᠬᠠᠪᠤᠷ ᠨᠠᠮᠤᠷ᠂ 13500 ᠭᠠᠷᠤᠢ ᠡᠳᠦᠷ ᠬᠤᠨᠤᠬ ᠲᠦ᠍᠂ ᠥᠨᠡᠨᠴᠢ ᠬᠡᠳᠥᠢᠪᠡᠷ ᠲᠡᠭᠷᠢ ᠭᠠᠵᠠᠷ ᠢ᠋ ᠳᠣᠩᠰᠣᠯᠭᠠᠮᠠ ᠠᠭᠤᠤ ᠦᠢᠯᠡᠰ ᠪᠥᠲᠥᠭᠡᠭᠰᠡᠨ ᠥᠭᠡᠢ ᠭᠡᠳᠡᠭ ᠪᠣᠯᠪᠠᠴᠤ ᠲᠡᠷᠡ ᠥᠪᠡᠷ ᠤ᠋ᠨ ᠠᠵᠢᠯ ᠤ᠋ᠨ ᠪᠠᠢᠷᠢ ᠳᠡᠭᠡᠷᠡ ᠪᠠᠨ ᠭᠣᠶᠠᠴᠢ ᠦᠭᠡᠢ ᠵᠢᠳᠬᠦᠵᠦ᠂ ᠲᠥᠪ ᠬᠢᠴᠢᠶᠡᠩᠭᠦᠢ ᠪᠡᠷ ᠠᠵᠢᠯᠯᠠᠨ᠂ ᠤᠭ ᠰᠠᠨᠠᠭᠠ ᠪᠠᠨ ᠪᠠᠲᠤ ᠰᠠᠬᠢᠵᠤ᠂ ᠡᠯᠡᠰᠦ ᠲᠠᠢ ᠬᠠᠨᠢᠯᠠᠨ᠂ ᠤᠢ ᠰᠢᠭᠤᠢ ᠪᠡᠷ ᠭᠡᠷ ᠵᠢᠡᠨ ᠪᠣᠯᠭᠠᠵᠤ᠂ ᠪᠣᠳᠠᠲᠤ ᠠᠵᠢᠯᠯᠠᠭᠠ ᠪᠠᠷ ᠵᠢᠠᠨ ᠡᠨᠡ ᠬᠦ᠌ ᠬᠥᠬᠡᠮᠳᠦᠭ ᠨᠣᠭᠣᠭᠠᠨ ᠠᠭᠤᠯᠠ ᠤᠰᠤ ᠪᠠᠨ ᠰᠠᠬᠢᠨ ᠬᠠᠮᠠᠭᠠᠯᠠᠵᠤ ᠢᠷᠡᠪᠡ ᠃ ᠥᠨᠡᠨᠴᠢ ᠮᠡᠲᠦ ᠵᠢᠨ ᠤᠯᠠᠨ ᠵᠢᠯ ᠢ᠋ ᠨᠢᠭᠡ ᠡᠳᠦᠷ ᠮᠡᠲᠦ ᠥᠩᠭᠡᠷᠡᠭᠥᠯᠥᠭᠰᠡᠨ ᠰᠠᠬᠢᠨ ᠬᠠᠮᠠᠭᠠᠯᠠᠭ᠍ᠴᠢ ᠲᠠᠢ ᠪᠠᠢᠬᠰᠠᠨ ᠡᠴᠡ ᠰᠠᠶᠢ ᠠᠭᠤᠯᠠ ᠤᠢ ᠰᠢᠭᠤᠢ ᠵᠢᠨ ᠲᠠᠯᠠᠪᠠᠢ ᠨᠢ ᠤᠯᠠᠮ ᠰᠠᠢᠨ ᠠᠮᠢ ᠠᠬᠤᠢ ᠣᠷᠴᠢᠨ ᠲᠣᠭᠣᠷᠢᠨ ᠲᠠᠢ ᠪᠣᠯᠤᠭᠰᠠᠨ ᠶᠤᠮ᠃ 《ᠨᠤᠲᠤᠭ ᠤᠰᠤᠨ ᠤ᠋ ᠪᠠᠨ ᠠᠮᠢ ᠠᠬᠤᠢ ᠣᠷᠴᠢᠨ ᠲᠣᠭᠣᠷᠢᠨ ᠪᠠ ᠠᠷᠠᠳ ᠤᠯᠠᠨ ᠤ᠋ ᠦᠢᠯᠡᠳᠪᠦᠷᠢᠯᠡᠯ ᠠᠮᠢᠳᠤᠷᠠᠯ ᠢᠳᠡᠭ ᠢᠳᠡᠭ ᠵᠢᠡᠷ ᠰᠠᠢᠵᠢᠷᠠᠬᠤ ᠵᠢ ᠬᠠᠷᠠᠭᠠᠳ ᠮᠢᠨᠤ ᠤᠯᠠᠨ ᠵᠢᠯ ᠤ᠋ᠨ ᠪᠠᠷᠢᠮᠲᠠᠯᠠᠯ ᠪᠠ ᠴᠢᠷᠮᠠᠢᠯᠭᠠ ᠲᠠᠯᠠᠭᠠᠷ ᠪᠣᠯᠤᠭᠰᠠᠨ ᠦᠭᠡᠢ ᠭᠡᠳᠡᠭ ᠢ᠋ ᠤᠯᠵᠤ ᠮᠡᠳᠡᠯᠡ᠂ ᠬᠤᠢᠰᠢᠳᠠ ᠮᠥᠨᠬᠦ ᠠᠵᠢᠯ ᠤ᠋ᠨ ᠪᠠᠢᠷᠢ ᠪᠠᠨ ᠪᠠᠳᠤ ᠰᠠᠬᠢᠨ᠂ ᠤᠬ ᠰᠠᠨᠠᠭᠠ ᠪᠠᠨ ᠦᠯᠦ ᠮᠠᠷᠳᠠᠵᠤ᠂ ᠬᠥᠷᠢᠶᠡ ᠨᠤᠲᠤᠬ ᠤ᠋ᠨ ᠵᠢᠨᠨ ᠨᠤᠭᠤᠭᠠᠷᠠᠭᠤᠯᠤᠯᠲᠠ ᠵᠢᠨ ᠥᠢᠯᠡᠰ ᠲᠦ᠍ ᠨᠡᠩ ᠶᠡᠬᠡ ᠬᠦᠴᠦᠨ ᠴᠢᠳᠠᠯ ᠵᠢᠠᠨ ᠡᠷᠭᠦᠨᠡ 》 ᠭᠡᠵᠦ ᠥᠨᠡᠨᠴᠢ ᠳᠤᠬᠳᠤᠯᠤᠨ ᠶᠠᠷᠢᠵᠤ ᠪᠠᠢᠯᠠ᠃