12 ᠲᠦᠮᠡᠨ ᠮᠥ᠍ ᠲᠠᠷᠢᠶᠠᠨ ᠭᠠᠵᠠᠷᠢ ᠪᠦᠷᠬᠦᠵᠦ 120 ᠭᠠᠷᠤᠶ ᠲᠠᠷᠢᠶᠠᠴᠢᠨ ᠡᠷᠦᠬᠡ ᠳ᠋ᠤ ᠠᠰᠢᠭ ᠬᠦᠷᠳᠡᠭᠡᠪᠡ
ᠵᠤᠨᠤ ᠡᠬᠢ ᠪᠠᠷ ᠤᠯᠠᠭᠠᠨᠬᠠᠳᠠ ᠬᠤᠳᠠᠶ᠋ᠢᠨ ᠤᠩᠨᠢᠭᠤᠳ ᠬᠤᠱᠢᠭᠤᠨᠤ ᠬᠦᠳᠡᠬᠡ ᠨᠤᠳᠤᠭᠲᠦ ᠠᠮᠢᠵᠢᠷᠠᠯ ᠵᠢᠡᠷ ᠪᠢᠯᠬᠠᠨᠠ᠃ ᠥᠷᠭᠡᠨ ᠠᠭᠤᠳᠠᠮ ᠬᠡᠭᠡᠷᠡ ᠲᠠᠯᠠᠳᠤ᠂ ᠭᠠᠭ᠍ᠠᠶ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠬᠦ᠌ ᠳᠤᠭᠤᠷᠢᠭ ᠡᠴᠡ ᠡᠭᠦᠰᠦᠭ᠌ᠰᠡᠨ ᠨᠠᠮᠤᠭᠤᠨ ᠰᠢᠩᠬᠡᠨ ᠨᠢ ᠭᠠᠵᠠᠷ ᠳᠣᠤᠷᠠᠬᠢ ᠬᠤᠭᠤᠯᠠᠶ ᠪᠠᠷ ᠲᠠᠮᠵᠢᠭᠠᠳ ᠲᠠᠷᠢᠶᠠᠨ ᠭᠠᠵᠠᠷᠲᠤ ᠤᠷᠤᠵᠤ᠂ ᠲᠠᠷᠢᠶᠠᠨ ᠭᠠᠵᠠᠷ ᠲᠤ᠌ ᠪᠣᠬᠢᠷᠲᠤᠯ ᠥᠬᠡᠶ ᠬᠥᠳᠡᠯᠭᠡᠬᠦ᠌ ᠬᠦᠴᠦᠨ ᠨᠡᠮᠡᠷᠢᠯᠡᠵᠤ ᠪᠤᠢ᠃ 《ᠡᠨᠡ ᠪᠣᠯ ᠮᠠᠨ ᠤ᠋ ᠺᠣᠮᠫᠠᠨᠢᠶ᠋ᠢᠨ ᠪᠠᠢᠭᠤᠯᠤᠭ᠍ᠰᠠᠨ 〈ᠭᠠᠭ᠍ᠠᠶ — ᠨᠠᠮᠤᠭᠤᠨ ᠰᠢᠩᠬᠡᠨ — ᠲᠠᠷᠢᠶᠠ〉 ᠵᠢᠨ ᠠᠮᠢ ᠠᠬᠤᠶᠶ᠋ᠢᠨ ᠤᠷᠴᠢᠯ ᠵᠠᠭ᠍ᠪᠤᠷ ᠮᠥᠨ᠂ ᠨᠠᠮᠤᠭᠤᠨ ᠰᠢᠩᠬᠡᠨᠢ ᠲᠠᠷᠢᠶᠠᠨ ᠭᠠᠵᠠᠷ ᠲᠤ᠌ ᠪᠤᠴᠠᠭᠠᠬᠤ ᠬᠡᠯᠪᠡᠷᠢᠪᠠᠷ ᠢᠯᠭᠠᠳᠠᠰᠤᠨᠤ ᠪᠣᠬᠢᠷᠲᠤᠯᠢ ᠡᠬᠢ ᠪᠠᠶᠠᠯᠢᠭ᠍ᠵᠢᠭᠤᠯᠤᠨ ᠠᠱᠢᠭ᠍ᠯᠠᠬᠤᠶ᠋ᠢ ᠪᠡᠶᠡᠯᠡᠭᠦᠯᠵᠡᠢ》 ᠬᠡᠵᠤ ᠵᠦᠩ ᠯᠢᠶᠠᠩ ᠵᠢᠶᠠ ᠵᠢᠶᠠ ᠺᠠᠩ （ᠤᠯᠠᠭᠠᠨᠬᠠᠳᠠ） ᠬᠢᠵᠠᠭᠠᠷᠲᠤ ᠺᠣᠮᠫᠠᠨᠢᠶ᠋ᠢᠨ ᠶᠡᠷᠦᠩᠬᠡᠢ ᠳᠠᠭᠠᠭᠠᠮᠠᠯ ᠹᠠᠨ ᠪᠧᠨ ᠯᠦᠩ ᠲᠠᠨᠢᠯᠴᠠᠭᠤᠯᠪᠠ᠃
ᠰᠤᠷᠪᠤᠯᠵᠢᠯᠠᠭᠴᠢ 《 ᠭᠠᠭ᠍ᠠᠶ — ᠨᠠᠮᠤᠭᠤᠨ ᠰᠢᠩᠬᠡᠨ — ᠲᠠᠷᠢᠶᠠ 》 ᠶ᠋ᠢᠨ ᠵᠠᠭ᠍ᠪᠤᠷᠤᠨ ᠰᠦᠪᠡᠭᠴᠢ ᠵᠢ ᠮᠦᠷᠳᠡᠨ ᠵᠦᠩ ᠯᠢᠶᠠᠩ ᠵᠢᠶᠠ ᠵᠢᠶᠠ ᠺᠠᠩ （ᠤᠯᠠᠭᠠᠨᠬᠠᠳᠠ） ᠬᠢᠵᠠᠭᠠᠷᠲᠤ ᠺᠣᠮᠫᠠᠨᠢᠶ᠋ᠢᠨ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠬᠦ᠌ ᠲᠣᠭᠤᠷᠢᠭᠲᠤ ᠬᠦᠷᠦᠯᠡ᠃ ᠭᠠᠬᠠᠢᠶᠢᠨ ᠡᠬᠦᠷ ᠲᠤ᠌ ᠣᠷᠣᠬᠤ ᠪᠠᠷ ᠬᠠᠮᠠᠷ ᠭᠠᠲᠠᠮᠠ ᠦᠮᠡᠬᠡᠢ ᠦᠨᠦᠷ ᠦᠨᠦᠷᠳᠦᠭᠳᠡᠬᠡ ᠦᠬᠡᠢ᠂ ᠬᠠᠷᠢᠨ ᠰᠠᠨᠠᠭᠠᠨ ᠡᠴᠡ ᠭᠠᠳᠠᠭᠤᠷ ᠬᠠᠭᠤᠷᠠᠢ ᠪᠦᠬᠡᠳ ᠳᠤᠯᠠᠭᠠᠨ ᠰᠠᠨᠠᠭᠳᠠᠵᠤ᠂ ᠨᠢᠭᠡ ᠪᠦᠯᠦᠭ ᠲᠠᠷᠭᠤ ᠰᠠᠢᠳᠠᠢ ᠴᠡᠪᠡᠷᠭᠡᠨ ᠳᠤᠷᠤᠢ ᠨᠤᠭᠤᠳ ᠬᠠᠷᠠᠭᠳᠠᠨᠠ᠃ 《ᠡᠨᠳᠡ ᠡᠪᠦᠯᠳᠡᠭᠡᠨ ᠳᠤᠯᠠᠭᠠᠨ ᠵᠤᠨᠳᠠᠭᠠᠨ ᠰᠡᠷᠢᠬᠦᠨ ᠪᠠᠢᠵᠤ᠂ ᠠᠵᠢᠯᠳᠠᠨ ᠤ᠋ ᠪᠠᠢᠷᠢ ᠵᠢᠨ ᠬᠡᠷᠠᠴᠠ ᠴᠤ᠌ ᠢᠯᠡᠭᠦᠦ ᠲᠠᠭᠠᠯᠠᠮᠵᠢᠳᠠᠢ ᠪᠠᠢᠳᠠᠭ᠃ ᠭᠠᠭ᠍ᠠᠶᠶ᠋ᠢᠨ ᠡᠬᠦᠷ ᠪᠦᠷᠢᠳᠤ ᠴᠥᠮ ᠣᠶᠤᠨᠳᠤ ᠣᠷᠴᠢᠨ ᠲᠣᠭᠤᠷᠢᠨᠤ ᠡᠵᠡᠮᠳᠡᠯᠤᠨ ᠱᠢᠰᠲ᠋ᠧᠮᠲᠠᠢ᠂ ᠡᠨᠡ ᠬᠦ᠌ ᠱᠢᠰᠲ᠋ᠧᠮᠨᠢ ᠭᠠᠭ᠍ᠠᠶᠶ᠋ᠢᠨ ᠬᠠᠱᠢᠶᠠᠶ᠋ᠢᠨ 〈ᠣᠶᠤᠨᠳᠤ ᠲᠠᠷᠢᠬᠢ〉 ᠲᠠᠢ ᠠᠳᠠᠯᠢᠪᠠᠷ 24 ᠴᠠᠭ ᠵᠢᠡᠷ ᠳᠤᠯᠠᠭᠠᠨ ᠴᠢᠭᠢᠭᠤᠨ ᠬᠡᠮᠵᠢᠶᠡ ᠪᠠ ᠰᠠᠯᠬᠢ ᠨᠡᠪᠲᠡᠷᠡᠭᠦᠯᠬᠦ᠌ ᠪᠠᠢᠳᠠᠯᠢ ᠬᠢᠨᠠᠨ ᠬᠡᠮᠵᠢᠵᠦ᠍ ᠪᠠᠢᠨᠠ ᠰᠢᠦ》 ᠭᠡᠵᠦ᠍ ᠲᠡᠵᠢᠬᠡᠨ ᠦᠷᠡᠵᠢᠬᠦᠯᠬᠦ ᠲᠠᠯᠠᠪᠠᠢ ᠵᠢᠨ ᠲᠠᠷᠤᠭᠠ ᠸᠠᠡᠭ ᠴᠦᠨ ᠱᠸᠡᠭ ᠶᠦᠮᠦᠷᠯᠢᠭ ᠬᠡᠯᠡᠵᠦ ᠪᠠᠢᠯᠠ᠃
ᠵᠤᠭᠤᠭ ᠲᠡᠯᠭᠡᠬᠦ ᠲᠠᠰᠢᠷᠠᠮ ᠵᠢᠡᠷ᠂ ᠠᠦ᠋ᠲ᠋ᠣᠴᠢᠯᠠᠭ᠍ᠰᠠᠨ ᠲᠡᠵᠢᠭᠡᠯ ᠪᠤᠷᠳᠤᠭᠠ ᠵᠢᠨ ᠲᠥᠬᠥᠭᠡᠷᠦᠮᠵᠢ ᠳᠤᠭᠳᠠᠭᠰᠠᠨ ᠴᠠᠭᠲᠠᠭᠠᠨ ᠠᠵᠢᠯᠯᠠᠵᠤ ᠡᠬᠢᠯᠡᠨ᠂ ᠲᠡᠵᠢᠬᠡᠯ ᠪᠣᠷᠳᠣᠭᠠ ᠨᠢ ᠳᠤᠭᠳᠠᠭᠰᠠᠨ ᠬᠡᠮᠵᠢᠶᠠ ᠪᠠᠷ ᠤᠡᠭᠭᠤᠴᠠᠨ ᠳ᠋ᠤ ᠪᠠᠭᠤᠵᠤ᠂ 《ᠬᠦᠬᠡᠷᠦᠯᠳᠦᠨ ᠳᠤᠭᠯᠠᠵᠤ》 ᠪᠠᠢᠭᠰᠠᠨ ᠲᠤᠷᠤᠢ ᠨᠤᠭᠤᠳ ᠲᠠᠷᠠ ᠲᠠᠷᠤᠢᠬᠠᠨ 《ᠬᠤᠭᠤᠯᠠ》 ᠪᠠᠨ ᠢᠳᠡᠨᠡ᠃ ᠸᠠᠩ ᠴᠦᠨ ᠱᠧᠩ ᠪᠠᠭᠤᠤ ᠴᠠᠭ ᠵᠢᠡᠨ ᠬᠠᠷᠠᠭᠠᠳ᠄《10 ᠴᠠᠭ ᠬᠠᠭᠠᠰ ᠪᠤᠯᠤᠯᠠ᠂ ᠡᠨᠡ ᠪᠣᠯ ᠡᠳᠡᠭᠡᠷ ᠭᠠᠭ᠍ᠠᠢᠶ᠋ᠢᠨ ᠥᠨᠥᠳᠦᠷᠤᠨ ᠬᠤᠶᠠᠳᠤᠭᠠᠷ ᠬᠤᠭᠤᠯᠠ ᠪᠣᠯᠤᠨᠠ᠃ ᠤᠶᠤᠨᠳᠤ ᠲᠡᠵᠢᠭᠡᠬᠦ᠌ ᠲᠥᠬᠦᠭᠡᠷᠦᠮᠵᠢ ᠨᠢ ᠡᠳᠦᠷ ᠪᠦᠷᠢ ᠲᠣᠭ᠍ᠲᠠᠭ᠍ᠰᠠᠨ ᠴᠠᠭᠲᠤ ᠤᠰᠤ ᠪᠤᠷᠳᠤᠭᠠ ᠬᠠᠩᠭᠠᠳᠠᠭ》 ᠬᠡᠵᠠᠢ᠃ 《ᠡᠳᠡᠭᠡᠷ ᠪᠤᠷᠳᠤᠭᠠ ᠵᠢᠨ ᠲᠦᠭᠦᠬᠡᠶ ᠮᠠᠲ᠋ᠧᠷᠢᠶᠠᠯᠢ ᠪᠦᠷ ᠴᠢᠡᠭᠭᠠ ᠪᠠᠷᠢᠮᠵᠢᠶᠠ ᠪᠠᠷ ᠰᠤᠡᠭᠭᠤᠳᠠᠭ᠃ ᠲᠡᠵᠢᠭᠡᠯ ᠪᠣᠷᠳᠣᠭᠠᠨᠤ ᠦᠢᠯᠡᠳᠪᠦᠷᠢᠳᠤ ᠬᠦᠷᠭᠡᠭ᠌ᠰᠡᠨ ᠡᠷᠳᠡᠨᠢ ᠱᠢᠰᠢᠶ᠋ᠢ ᠲᠠᠯᠠᠪᠠᠢᠳᠤ ᠣᠷᠣᠬᠤᠠᠴᠠ ᠡᠮᠦᠨᠡ ᠴᠥᠮ ᠪᠠᠢᠴᠠᠭᠠᠯᠳᠠ ᠬᠢᠵᠦ ᠶᠠᠰᠤ ᠴᠢᠨᠠᠷ ᠢ᠋ ᠪᠠᠳᠤᠯᠠᠵᠤ ᠪᠠᠢᠨᠠ》 ᠬᠡᠵᠦ ᠬᠠᠮᠳᠤ ᠶᠠᠪᠤᠵᠤ ᠪᠠᠢᠭᠰᠠᠨ ᠹᠠᠨ ᠪᠸᠨ ᠯᠦᠡᠭ ᠬᠠᠵᠠᠭᠤ ᠡᠴᠡ ᠨᠢ ᠨᠦᠬᠦᠪᠦᠷᠢᠯᠡᠵᠤ ᠬᠡᠯᠡᠨᠠ᠃
ᠭᠠᠬᠠᠢ ᠵᠢᠨ ᠲᠡᠵᠢᠬᠡᠯ ᠪᠤᠷᠳᠤᠭᠠ ᠵᠢ ᠪᠠᠳᠤᠯᠠᠬᠤ ᠨᠢ ᠮᠢᠬᠠᠨᠤ᠋ ᠶᠠᠰᠤ ᠴᠢᠨᠠᠷ ᠲᠠᠢ ᠬᠣᠯᠪᠣᠭ᠍ᠳᠠᠵᠤ᠂ ᠭᠠᠬᠠᠢ ᠵᠢᠨ ᠢᠯᠭᠠᠳᠠᠰᠤ ᠵᠢ ᠰᠠᠢᠳᠤᠷ ᠰᠢᠢᠳᠪᠦᠷᠢᠯᠡᠬᠦ ᠨᠢ ᠠᠮᠢ ᠠᠬᠤᠢ ᠪᠣᠯᠤᠨ ᠭᠠᠵᠠᠷ ᠰᠢᠷᠦᠢᠲᠠᠢ ᠬᠣᠯᠪᠣᠭ᠍ᠳᠠᠨᠠ᠃
《ᠬᠡᠪᠴᠢᠶᠡ ᠦᠷᠬᠡᠳᠬᠦ ᠳᠤᠳᠤᠮ ᠣᠷᠴᠢᠨ ᠲᠣᠭᠣᠷᠢᠨᠢ ᠬᠠᠮᠠᠭᠠᠯᠠᠬᠤ ᠳᠠᠷᠤᠯᠲᠠ ᠴᠤ᠌ ᠶᠡᠭᠡᠳᠦᠨᠠ᠃ ᠢᠩᠭᠢᠭᠡᠳ ᠺᠣᠮᠫᠠᠨᠢ ᠡᠴᠡ 〈ᠭᠠᠭ᠍ᠠᠢ — ᠨᠠᠮᠤᠭ ᠤᠨ ᠰᠢᠩᠬᠡᠨ — ᠲᠠᠷᠢᠶᠠ〉 ᠵᠢᠨ ᠠᠮᠢ ᠠᠬᠤᠢᠶ᠋ᠢᠨ ᠤᠷᠴᠢᠯ ᠵᠠᠭ᠍ᠪᠤᠷᠢ ᠪᠠᠢᠭᠤᠯᠵᠠᠢ》 ᠬᠡᠵᠤ ᠹᠠᠨ ᠪᠧᠨ ᠯᠦᠩ ᠰᠢᠭᠤᠳ ᠬᠡᠯᠡᠪᠡ᠃ 《ᠳᠤᠤᠷᠠ ᠲᠠᠯᠠ ᠵᠢᠨ ᠬᠢ ᠪᠤᠯ ᠢᠯᠭᠠᠳᠠᠰᠤ ᠬᠤᠷᠠᠮᠳᠤᠭᠤᠯᠬᠤ ᠴᠦᠬᠦᠷᠦᠮ ᠪᠤᠯᠤᠨᠠ᠃ ᠢᠯᠭᠠᠳᠠᠰᠤ ᠬᠤᠷᠠᠮᠳᠤᠭᠠᠳ ᠵᠣᠬᠢᠬᠤ ᠬᠡᠮᠵᠢᠶᠡᠨᠳ᠋ᠦ᠍ ᠬᠦᠷᠦᠭ᠌ᠰᠡᠨᠦ᠌ ᠳᠠᠷᠠᠭᠠ ᠭᠠᠵᠠᠷ ᠳᠣᠣᠷᠠᠬᠢ ᠬᠣᠭᠣᠯᠠᠢᠪᠠᠷ ᠳᠠᠮᠵᠢᠨ ᠰᠢᠭᠤᠳ ᠨᠠᠮᠤᠭᠤ᠋ᠨ ᠬᠡᠢᠶᠢᠨ ᠥᠷᠲᠡᠭᠡᠨᠳ᠋ᠦ᠍ ᠬᠦᠷᠳᠡᠭ》 ᠬᠡᠵᠦ ᠹᠠᠨ ᠪᠸᠨ ᠯᠦᠩ ᠢᠯᠭᠠᠳᠠᠰᠤ ᠭᠣᠭᠣᠵᠢᠬᠤ ᠬᠠᠪᠲᠠᠰᠤᠵᠢ ᠵᠢᠭᠠᠭᠠᠳ ᠲᠠᠨᠢᠯᠴᠠᠭᠤᠯᠤᠨᠠ᠃
ᠰᠤᠷᠪᠤᠯᠵᠢᠯᠠᠭᠴᠢ ᠹᠠᠨ ᠪᠸᠨ ᠯᠦᠩᠢ᠋ ᠳᠠᠭᠠᠵᠤ᠂ ᠨᠠᠮᠤᠭᠤ᠋ᠨ ᠬᠡᠢᠶᠢᠨ ᠥᠷᠲᠡᠭᠡᠳ᠋ᠦ᠍ ᠬᠦᠷᠪᠡᠯ᠂ ᠬᠣᠶᠠᠷ ᠳᠤᠮᠤ ᠪᠣᠬᠢᠷᠲᠤᠯ ᠥᠬᠡᠢ ᠪᠥᠭᠡᠷᠡᠩᠬᠡᠢ ᠰᠠᠪᠠ ᠨᠢ ᠬᠣᠶᠠᠷ ᠪᠤᠬᠢᠷᠳᠤᠯ ᠦᠬᠡᠢ ᠪᠡᠬᠢᠯᠡᠯᠲᠡ ᠬᠡᠮᠡᠷᠬᠡᠨ ᠰᠦᠨᠳᠡᠷᠯᠡᠵᠦ᠍ ᠪᠠᠢᠯᠠ᠃ 《ᠡᠨᠡ ᠪᠣᠯ ᠳᠠᠷᠤᠢ ᠢᠯᠭᠠᠳᠠᠰᠤ ᠱᠢᠩᠭᠡᠭᠡᠬᠦ᠌ 〈ᠳᠤᠮᠤ ᠲᠦᠬᠦᠬᠡᠷᠦᠮᠵᠢ〉 ᠪᠣᠯᠣᠨᠠ᠃ ᠢᠯᠭᠠᠳᠠᠰᠤᠨᠢ ᠠᠳᠡᠬᠢ ᠬᠠᠭᠤᠷᠠᠢ ᠴᠢᠭᠢᠭᠢ ᠰᠠᠯᠭᠠᠬᠤ᠂ ᠬᠤᠶᠠᠷ ᠤᠳᠠᠭᠠ ᠵᠢᠨ ᠬᠦᠴᠢᠯᠲᠥ᠋ᠷᠥᠭ᠌ᠴᠢ ᠢᠰᠭᠡᠬᠦ᠌ ᠵᠡᠷᠭᠡ ᠠᠯᠢ ᠤᠯᠠᠨ ᠶᠠᠪᠤᠴᠠᠶ᠋ᠢ ᠥᠩᠭᠡᠷᠡᠭᠡᠭ᠌ᠰᠡᠨᠤ ᠲᠠᠷᠠᠭᠠ᠂ ᠴᠢᠨᠠᠷ ᠰᠠᠢᠲᠠᠢ ᠱᠢᠩᠭᠡᠨ ᠪᠡᠶᠡᠲᠦ ᠪᠣᠷᠳᠣᠭᠤᠷ — ᠨᠠᠮᠤᠭᠤᠨ ᠱᠢᠩᠭᠡᠨ ᠪᠤᠯᠵᠤ ᠬᠤᠪᠢᠷᠠᠨᠠ》 ᠬᠡᠵᠤ ᠵᠦᠩ ᠯᠢᠶᠠᠩ ᠵᠢᠶᠠ ᠵᠢᠶᠠ ᠺᠠᠩ ᠤ᠋ᠨ ᠮᠡᠷᠭᠡᠵᠢᠯᠤᠨ ᠬᠠᠷᠢᠭᠤᠴᠠᠯᠭᠠᠲᠠᠨ ᠾᠧᠦ ᠳ᠋ᠠ ᠵᠤᠤ ᠲᠠᠢᠯᠪᠤᠷᠢᠯᠠᠨᠠ᠃ 《ᠬᠦᠷᠢᠶᠡᠨ ᠭᠠᠳᠠᠨᠠᠬᠢ ᠱᠢᠩᠬᠡᠨ ᠬᠠᠳᠠᠭᠠᠯᠠᠬᠤ ᠴᠦᠭᠦᠷᠦᠮ ᠳ᠋ᠤ ᠰᠢᠢᠳᠪᠦᠷᠢᠯᠡᠭᠰᠡᠨ ᠨᠠᠮᠤᠭ ᠤ᠋ᠨ ᠰᠢᠡᠭᠬᠡᠨ ᠢ᠋ ᠲᠤᠰᠭᠠᠢᠯᠠᠨ ᠬᠠᠳᠠᠭᠠᠯᠠᠳᠠᠭ᠃ ᠡᠲᠡᠭᠡᠷ ᠨᠠᠮᠤᠭᠤᠨ ᠱᠢᠩᠭᠡᠨᠨᠢ ᠭᠠᠵᠠᠷ ᠳᠣᠣᠷᠠᠬᠢ ᠬᠤᠭᠤᠯᠠᠶᠪᠠᠷ ᠡᠷᠬᠢᠨ ᠲᠣᠭᠤᠷᠢᠨᠤ ᠲᠠᠷᠢᠶᠠᠨ ᠭᠠᠵᠠᠷᠲᠤ ᠬᠦᠷᠭᠡᠭᠳᠡᠵᠦ᠍᠂ ᠦᠨᠡ ᠲᠥᠯᠥᠪᠦᠷᠢ ᠦᠭᠡᠢᠪᠠᠷ ᠲᠠᠷᠢᠶᠠᠴᠢᠨ ᠡᠷᠦᠬᠡ ᠵᠢᠨ ᠲᠠᠷᠢᠶᠠᠯᠠᠩᠤᠨ ᠦᠢᠯᠡᠳᠪᠦᠷᠢᠯᠡᠯᠳᠤ ᠬᠡᠷᠡᠭ᠌ᠯᠡᠨᠡ》 ᠬᠡᠵᠤ ᠾᠧᠦ ᠳ᠋ᠠ ᠵᠤᠤ ᠬᠡᠳᠦᠨ ᠲᠣᠮᠣ ᠬᠡᠯᠪᠡᠷᠢᠶ᠋ᠢᠨ ᠱᠢᠩᠭᠡᠨ ᠨᠥᠭᠡᠴᠡᠯᠡᠬᠦ᠌ ᠴᠥᠭᠦᠷᠥᠮ ᠢ᠋ ᠵᠢᠭᠠᠭᠠᠳ ᠬᠡᠯᠡᠨᠠ᠃
ᠨᠠᠮᠤᠭᠤ᠋ᠨ ᠬᠡᠢᠶᠢᠨ ᠥᠷᠲᠡᠭᠡᠡᠴᠡ 13 ᠺᠢᠯᠣᠮᠧᠲ᠋ᠷ ᠵᠠᠢᠲᠠᠢ ᠶᠤᠸᠠᠨ ᠪᠤᠤ ᠸᠠ ᠲᠣᠰᠭᠣᠨ ᠳ᠋ᠤ᠂ ᠲᠣᠰᠭᠣᠨᠤ᠋ ᠵᠦᠪᠯᠡᠯ ᠤ᠋ᠨ ᠡᠷᠬᠢᠯᠡᠭ᠌ᠴᠢ ᠯᠢᠨ ᠢᠦᠢ ᠲᠠᠷᠢᠶᠠᠨ ᠦᠵᠦᠬᠦᠷ ᠲᠤ᠌ ᠣᠴᠣᠢᠨ ᠰᠠᠭᠤᠵᠤ᠂ ᠳᠤᠰᠤᠯᠭᠠᠨ ᠤᠰᠤᠯᠠᠬᠤ ᠰᠦᠷᠴᠢᠭᠦᠷ ᠵᠢᠡᠷ ᠨᠠᠮᠤᠭᠤ᠋ᠨ ᠰᠢᠡᠭᠬᠡᠨ ᠰᠦᠷᠴᠢᠵᠦ᠍ ᠪᠠᠢᠬᠤᠶᠢ ᠬᠠᠷᠠᠭᠠᠳ᠄《ᠨᠠᠮᠤᠭᠤᠨ ᠱᠢᠩᠭᠡᠨᠢ ᠬᠡᠷᠡᠭ᠌ᠯᠡᠭ᠌ᠰᠡᠨᠤ ᠳᠠᠷᠠᠭᠠ᠂ ᠮᠦ᠍ ᠪᠦᠷᠢ ᠵᠢᠨ ᠪᠤᠷᠳᠤᠭᠤᠷᠤᠨ ᠥᠪᠡᠷᠤᠨ ᠥᠷᠲᠡᠭᠢ 50 ᠲᠥᠭᠦᠷᠢᠭ ᠠᠷᠪᠢᠯᠠᠵᠤ᠂ ᠡᠷᠳᠡᠨᠢ ᠱᠢᠰᠢᠶ᠋ᠢᠨ ᠮᠦ᠍ ᠪᠦᠷᠢᠶ᠋ᠢᠨ ᠤᠨᠠᠯᠲᠠ ᠪᠠᠷᠤᠭ 100 ᠵᠢᠩ ᠨᠡᠮᠡᠭ᠌ᠳᠡᠵᠦ᠍᠂ ᠮᠦ᠍ ᠪᠦᠷᠢᠶ᠋ᠢᠨ ᠠᠱᠢᠭ ᠣᠷᠣᠯᠭᠠᠶ᠋ᠢ 150 ᠲᠥᠭᠦᠷᠢᠭ ᠳᠡᠭᠡᠭ᠌ᠰᠢᠯᠡᠭᠦᠯᠦᠨᠡ᠃ ᠪᠦᠬᠦ᠌ ᠲᠣᠰᠭᠤᠨᠤ 7000 ᠭᠠᠷᠤᠶ ᠮᠦ᠍ ᠲᠠᠷᠢᠶᠠᠨ ᠭᠠᠵᠠᠷᠨᠢ ᠨᠠᠮᠤᠭᠤᠨ ᠱᠢᠩᠭᠡᠨ ᠢ᠋ ᠲᠠᠷᠢᠶᠠᠨ ᠭᠠᠵᠠᠷᠲᠤ ᠪᠤᠴᠠᠭᠠᠬᠤ ᠲᠥᠷᠥᠯ ᠵᠦᠢᠯ ᠢ᠋ ᠬᠡᠷᠡᠭᠵᠢᠬᠦᠯᠵᠦ᠂ ᠵᠢᠯ ᠳ᠋ᠤ 100 ᠲᠦᠮᠡᠨ ᠲᠥᠭᠦᠷᠢᠭ ᠤ᠋ᠨ ᠤᠷᠤᠯᠭᠠ ᠨᠡᠮᠡᠭᠳᠡᠵᠦ ᠪᠠᠢᠨᠠ》 ᠬᠡᠵᠤ ᠠᠵᠤ ᠠᠬᠤᠢᠶ᠋ᠢᠨ ᠳᠠᠩᠰᠠ ᠪᠣᠳᠣᠵᠤ ᠪᠠᠢᠪᠠ᠃
ᠹᠠᠨ ᠪᠧᠨ ᠯᠦᠩ ᠤ᠋ᠨ ᠲᠠᠨᠢᠯᠴᠠᠭᠤᠯᠤᠭ᠍ᠰᠠᠨᠵᠢᠡᠷ᠂ ᠣᠳᠣᠬᠠᠨᠳᠤ᠂ ᠺᠣᠮᠫᠠᠨᠢ ᠨᠢ ᠨᠢᠭᠡᠨᠲᠡ 6 ᠲᠣᠮᠣ ᠬᠡᠯᠪᠡᠷᠢᠶ᠋ᠢᠨ ᠬᠦᠴᠢᠯᠲᠥ᠋ᠷᠥᠭ᠌ᠴᠢ ᠢᠰᠭᠡᠬᠦ ᠰᠠᠪᠠ ᠪᠠᠢᠭᠤᠯᠵᠤ᠂ 95 ᠺᠢᠯᠣᠮᠧᠲᠷᠤᠨ ᠳᠠᠮᠵᠢᠭᠤᠯᠤᠨ ᠲᠦᠭᠡᠭᠡᠬᠦ᠌ ᠬᠤᠭᠤᠯᠠᠶᠶ᠋ᠢ ᠢᠵᠢ ᠪᠥᠷᠢᠳᠦᠭᠦᠯᠦᠨ ᠤᠭᠰᠠᠷᠠᠵᠤ᠂ ᠡᠷᠬᠢᠨ ᠲᠣᠭᠤᠷᠢᠨᠤ 12 ᠲᠦᠮᠡᠨ ᠮᠥ᠍ ᠲᠠᠷᠢᠶᠠᠨ ᠭᠠᠵᠠᠷᠢ ᠬᠠᠮᠤᠷᠴᠤ᠌᠂ 120 ᠭᠠᠷᠤᠶ ᠲᠠᠷᠢᠶᠠᠴᠢᠨ ᠡᠷᠦᠬᠡᠳᠤ ᠠᠱᠢᠭ ᠬᠦᠷᠲᠡᠭᠡᠵᠤ ᠪᠠᠢᠨᠠ ᠬᠡᠵᠠᠢ᠃
ᠣᠩᠨᠢᠭᠤᠳ ᠬᠤᠱᠢᠭᠤᠨᠤ ᠭᠠᠭ᠍ᠠᠶᠶ᠋ᠢᠨ ᠲᠤᠭᠠ 160 ᠲᠦᠮᠡᠳᠤ ᠬᠦᠷᠴᠦ᠍᠂ ᠵᠢᠯᠤᠨ ᠭᠠᠷᠭᠠᠯᠲᠠᠶ᠋ᠢᠨ ᠬᠡᠮᠵᠢᠶᠡ 230 ᠲᠦᠮᠡ ᠪᠠᠢᠵᠤ᠂ ᠲᠤᠬᠠᠶᠶ᠋ᠢᠨ ᠭᠠᠵᠠᠷᠤᠨ ᠴᠢᠬᠤᠯᠠ ᠠᠵᠤ ᠦᠢᠯᠡᠰ ᠪᠣᠯᠤᠭ᠍ᠰᠠᠨ ᠪᠠᠢᠨᠠ᠃ 《ᠪᠢᠳᠡ ᠵᠦᠡᠭ ᠯᠢᠶᠠᠡᠭ ᠱᠢᠭ᠋ ᠡᠢᠮᠦᠷᠬᠥᠤ ᠠᠵᠤ ᠠᠬᠤᠢᠯᠠᠯᠳᠤ ᠲᠦᠱᠢᠭ᠌ᠯᠡᠨ᠂ 〈ᠤᠯᠤᠰᠤᠨ ᠠᠮᠢᠳᠤ ᠭᠠᠭ᠍ᠠᠢᠶ᠋ᠢᠨ ᠭᠤᠣᠯ ᠡᠭᠦᠯᠳᠡᠷ ᠪᠤᠢᠵᠢᠭᠤᠯᠬᠤ ᠲᠠᠯᠠᠪᠠᠢ〉 ᠵᠢ ᠭᠤᠶᠤᠴᠢᠯᠠᠨ ᠮᠡᠳᠡᠭᠦᠯᠵᠦ᠍᠂ ᠪᠦᠬᠦ᠌ ᠬᠡᠯᠬᠢᠶᠡᠶ᠋ᠢᠨ ᠨᠡᠢᠭᠡᠮᠴᠢᠯᠡᠭ᠌ᠰᠡᠨ ᠦᠢᠯᠡᠴᠢᠯᠡᠭᠡᠨᠤ ᠵᠠᠭ᠍ᠪᠤᠷᠢ ᠳᠡᠯᠭᠡᠷᠡᠭᠦᠯᠵᠦ᠍᠂ ᠲᠠᠷᠢᠵᠤ ᠲᠡᠵᠢᠭᠡᠬᠦ᠌ᠶ᠋ᠢ ᠤᠶᠠᠯᠳᠤᠭᠤᠯᠬᠤ ᠲᠤᠷᠱᠢᠯᠲᠠᠶ᠋ᠢᠨ ᠴᠡᠭᠢ ᠭᠦᠨᠵᠡᠭᠡᠢᠷᠡᠭᠦᠯᠵᠦ᠍᠂ ᠠᠮᠢ ᠠᠬᠤᠢᠶ᠋ᠢᠨ ᠦᠷᠡ ᠠᠱᠢᠭ ᠬᠢᠭᠡᠳ ᠠᠵᠤ ᠠᠬᠤᠢᠶ᠋ᠢᠨ ᠦᠷᠡ ᠠᠱᠢᠭᠢ ᠤᠯᠠᠮ ᠨᠢᠭᠡ ᠠᠯᠬᠤᠮ ᠳᠡᠭᠡᠭ᠌ᠰᠢᠯᠡᠭᠦᠯᠦᠨᠡ》 ᠬᠡᠵᠤ ᠤᠡᠭᠨᠢᠭᠤᠳ ᠬᠣᠱᠢᠭᠤᠨᠤ ᠮᠠᠯ ᠠᠵᠤ ᠠᠬᠤᠢᠲᠠᠷᠢᠶᠠᠯᠠᠡᠭ ᠤ᠋ᠨ ᠲᠣᠪᠴᠢᠶᠠᠨᠤ ᠳᠡᠳ᠋ ᠳᠠᠷᠤᠭᠠ ᠠᠯᠲᠠᠨᠰᠠᠩ ᠢᠯᠡᠷᠬᠡᠢᠯᠡᠪᠡ᠃
［ᠰᠣᠷᠪᠤᠯᠵᠢᠯᠠᠬ᠍ᠴᠢᠶ᠋ᠢᠨ ᠡᠪᠦᠷ ᠲᠡᠮᠳᠡᠭᠯᠡᠯ］
ᠭᠠᠭ᠍ᠠᠶᠶ᠋ᠢᠨ ᠡᠬᠦᠷ ᠲᠤ᠌ ᠣᠷᠣᠬᠤᠠᠴᠠ ᠡᠮᠦᠨᠡ ᠳᠥᠷᠪᠡ ᠤᠳᠠᠭᠠ ᠤᠬᠢᠶᠠᠯᠭᠠ ᠬᠢᠵᠦ ᠠᠷᠢᠭᠤᠳᠭᠠᠵᠤ᠂ ᠳᠥᠷᠪᠡᠨ ᠢᠵᠢ ᠲᠤᠰᠭᠠᠶ ᠬᠡᠷᠡᠭ᠌ᠯᠡᠭᠡᠨᠤ ᠬᠤᠪᠴᠠᠰᠤ ᠰᠣᠯᠢᠬᠤ ᠴᠢᠬᠤᠯᠠᠲᠠᠶ ᠪᠠᠢᠳᠠᠭ᠂ ᠡᠨᠡ ᠬᠥ᠌ ᠠᠮᠢᠳᠤ ᠪᠣᠳᠠᠰᠤᠨ ᠠᠮᠤᠷ ᠲᠦᠪᠱᠢᠨᠢ ᠪᠠᠳᠤᠯᠠᠬᠤ ᠨᠠᠷᠢᠨ ᠶᠠᠪᠤᠴᠠ ᠨᠢ ᠰᠤᠷᠪᠤᠯᠵᠢᠯᠠᠭ᠍ᠴᠢᠶ᠋ᠢᠨ ᠣᠳᠣᠬᠢᠴᠢᠯᠠᠭ᠍ᠰᠠᠨ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠬᠦ᠌ ᠲᠠᠯᠠᠪᠤᠷᠲᠡᠬᠢ ᠰᠤᠨᠢᠭᠤᠴᠢ ᠰᠡᠳᠬᠢᠯᠬᠡ ᠵᠢ ᠤᠯᠠᠮ ᠲᠠᠳᠠᠵᠠᠢ᠃ ᠤᠤᠯ ᠨᠢ ᠨᠢᠭᠡᠨᠲᠡ ᠣᠨᠳᠣᠣ ᠦᠨᠦᠷᠢ ᠠᠷᠭᠠᠴᠠᠭᠠᠬᠤ ᠦᠵᠡᠯ ᠰᠠᠨᠠᠭᠠᠨ ᠤ᠋ ᠪᠡᠯᠡᠳᠭᠡᠯ ᠬᠢᠵᠦ᠍ ᠪᠠᠢᠭᠰᠠᠨ ᠵᠢᠡᠨ ᠭᠠᠭ᠍ᠠᠢᠶ᠋ᠢᠨ ᠡᠬᠦᠷ ᠲᠤ᠌ ᠠᠯᠬᠤᠨ ᠣᠷᠣᠬᠤ ᠭᠱᠠᠨ ᠵᠠᠭᠤᠷᠠ ᠬᠠᠷᠢᠨ ᠰᠠᠨᠠᠭᠠᠨᠠ᠋ᠴᠠ ᠭᠠᠳᠠᠭᠤᠷ ᠰᠠᠨᠠᠭ᠍ᠳᠠᠪᠠ᠄ ᠬᠠᠭᠤᠷᠠᠢ ᠴᠡᠪᠡᠷ ᠱᠠᠯᠠ᠂ ᠲᠣᠭ᠍ᠲᠠᠮᠠᠯ ᠳᠤᠯᠠᠭᠠᠨ ᠣᠷᠴᠢᠨ ᠲᠣᠭᠤᠷᠢᠨ᠂ ᠴᠡᠪᠡᠷ ᠬᠦᠭᠡᠷᠦᠭᠦᠨ ᠳᠤᠷᠤᠢ ᠨᠤᠭᠤᠳ ᠨᠢ ᠤᠯᠠᠮᠵᠢᠯᠠᠯᠲᠤ ᠭᠠᠬᠠᠢ ᠲᠡᠵᠢᠭᠡᠬᠦ᠌ ᠲᠠᠯᠠᠪᠠᠢᠶᠢᠨ ᠬᠡᠪ ᠵᠠᠭ᠍ᠪᠤᠷᠢ᠋ ᠲᠤᠢᠯᠪᠤᠷᠢᠲᠠᠢ ᠬᠤᠪᠢᠷᠠᠭᠤᠯᠤᠭᠰᠠᠨ ᠪᠠᠢᠨᠠ᠃
ᠣᠶᠤᠨᠳᠤ ᠲᠣᠬᠢᠷᠠᠭᠤᠯᠤᠨ ᠡᠵᠡᠮᠳᠡᠬᠦ᠌ 《ᠲᠠᠭᠠᠯᠠᠮᠵᠢᠲᠠᠶ ᠬᠠᠱᠢᠶᠠ ᠰᠠᠷᠠᠪᠴᠢ》 ᠡᠴᠡ ᠨᠠᠷᠢᠯᠢᠭ ᠣᠨᠣᠪᠴᠢᠳᠠᠢᠪᠠᠷ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠬᠦ᠌ 《ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠴᠢ ᠱᠢᠮᠡ ᠲᠡᠵᠢᠭᠡᠯᠳᠤ ᠬᠤᠭᠤᠯᠠ》 ᠬᠦᠷᠲᠡᠯᠡ᠂ ᠳᠠᠬᠢᠨ ᠭᠠᠵᠠᠷ ᠳᠣᠤᠷᠠᠬᠢ ᠬᠤᠭᠤᠯᠠᠶ ᠲᠣᠤᠷᠲᠤ ᠪᠠᠢᠭᠤᠯᠤᠭ᠍ᠰᠠᠨ ᠳᠠᠯᠳᠠ ᠡᠷᠭᠢᠯᠲᠡᠶ᠋ᠢᠨ ᠨᠡᠪᠲᠡᠷᠡᠬᠦ᠌ ᠵᠠᠮ ᠬᠦᠷᠲᠡᠯᠡ᠂ ᠮᠠᠯ ᠵᠢᠭᠦᠷᠲᠡᠨᠤ ᠢᠯᠭᠠᠳᠠᠰᠤᠨᠢ ᠣᠷᠴᠢᠨ ᠲᠣᠭᠤᠷᠢᠨᠤ ᠳᠠᠷᠤᠭᠠᠰᠤ ᠪᠣᠯᠤᠭᠰᠠᠨ ᠥᠬᠡᠶ᠂ ᠬᠠᠷᠢᠨ ᠲᠠᠷᠢᠶᠠᠨ ᠭᠠᠵᠠᠷᠢ ᠱᠢᠮᠡᠵᠢᠭᠦᠯᠬᠦ᠌ ᠪᠣᠬᠢᠷᠲᠤᠯ ᠥᠬᠡᠶ ᠡᠬᠢ ᠪᠠᠶᠠᠯᠢᠭ ᠪᠣᠯᠪᠠ᠃ ᠨᠠᠮᠤᠭᠤᠨ ᠬᠡᠢᠶ᠋ᠢᠨ ᠥᠷᠲᠡᠭᠡᠨᠤ ᠳᠣᠲᠣᠷᠠᠬᠢ ᠲᠣᠮᠣ ᠬᠡᠯᠪᠡᠷᠢᠶ᠋ᠢᠨ ᠢᠰᠭᠡᠬᠦ᠌ ᠰᠠᠪᠠᠨᠢ ᠢᠯᠭᠠᠳᠠᠰᠤ ᠵᠢ ᠡᠷᠳᠡᠨᠢ ᠪᠣᠯᠭᠠᠨ ᠬᠤᠪᠢᠷᠠᠭᠤᠯᠵᠤ᠂ ᠨᠠᠮᠤᠭᠤᠨ ᠱᠢᠩᠭᠡᠨ ᠵᠢᠡᠷ ᠲᠠᠷᠢᠶᠠᠨ ᠭᠠᠵᠠᠷ ᠢ᠋ ᠰᠢᠮᠡᠵᠢᠬᠦᠯᠵᠦ᠂ ᠲᠠᠷᠢᠶᠠᠴᠢᠨ ᠡᠷᠦᠬᠡᠶ᠋ᠢᠨ ᠥᠪᠡᠷᠤᠨ ᠥᠷᠲᠡᠭᠢ ᠠᠷᠪᠢᠯᠠᠵᠤ ᠣᠷᠣᠯᠭᠠᠪᠠᠨ ᠨᠡᠮᠡᠭ᠌ᠳᠡᠭᠦᠯᠬᠦ᠌ᠶ᠋ᠢ ᠦᠨᠡᠨ ᠬᠦ᠌ ᠪᠡᠶᠡᠯᠡᠭᠦᠯᠪᠡ᠃
ᠶᠤᠸᠠᠨ ᠪᠦᠦ ᠸᠠ ᠲᠣᠰᠭᠤᠨᠤ ᠲᠠᠷᠢᠶᠠᠨ ᠳᠠᠯᠠᠩ ᠳᠡᠭᠡᠷᠡ ᠵᠣᠭ᠍ᠰᠣᠵᠤ᠂ ᠲᠣᠰᠭᠤᠨᠤ ᠡᠷᠬᠢᠯᠡᠭ᠌ᠴᠢ ᠯᠢᠨ ᠢᠦᠢ ᠬᠤᠷᠤᠭᠤ ᠲᠠᠷᠤᠵᠤ ᠳᠠᠩᠰᠠ ᠪᠣᠳᠣᠬᠤ ᠦᠶᠡᠳᠤ ᠴᠢᠷᠠᠢ ᠲᠡᠬᠡᠷᠠ ᠨᠢ ᠪᠠᠶᠠᠷ ᠤ᠋ᠨ ᠮᠦᠰᠢᠶᠠᠳᠤ ᠳᠤᠳᠤᠷᠠᠭᠰᠠᠨ ᠢ᠋ ᠬᠠᠷᠠᠭᠠᠳ ᠰᠤᠷᠪᠤᠯᠵᠢᠯᠠᠭ᠍ᠴᠢ ᠰᠠᠢᠨ ᠠᠮᠢ ᠠᠬᠤᠢ ᠨᠢ ᠰᠠᠢᠨ ᠤᠷᠴᠢᠯ ᠡᠴᠡ ᠡᠬᠦᠰᠦᠯᠳᠡᠢ ᠬᠡᠳᠡᠭ ᠢ᠋ ᠮᠡᠳᠡᠷᠡᠪᠡ᠃ ᠭᠠᠭ᠍ᠠᠢᠶ᠋ᠢᠨ ᠡᠬᠦᠷᠠᠴᠠ ᠲᠠᠷᠢᠶᠠᠨ ᠭᠠᠵᠠᠷ ᠬᠦᠷᠲᠡᠯᠡ᠂ ᠢᠯᠭᠠᠳᠠᠰᠤ ᠡᠴᠡ ᠪᠤᠷᠳᠤᠭᠤᠷ ᠬᠦᠷᠲᠡᠯᠡ᠂ ᠡᠨᠡᠬᠦ᠌ ᠤᠷᠴᠢᠯᠨᠢ ᠪᠣᠬᠢᠷᠲᠤᠯ ᠦᠭᠡᠢ ᠠᠵᠤ ᠦᠢᠯᠡᠰᠢ ᠪᠤᠢ ᠪᠤᠯᠭᠠᠭᠰᠠᠨᠢᠶᠠᠷ ᠪᠠᠷᠠᠬᠤ ᠦᠭᠡᠢ᠂ ᠨᠡᠩ ᠴᠤ᠌ ᠡᠨᠡ ᠨᠤᠲᠤᠭᠤᠨ ᠬᠦᠮᠦᠨ ᠠᠷᠠᠳ ᠲᠤ᠌ ᠵᠣᠯ ᠵᠢᠷᠭᠠᠯᠲᠤ ᠠᠮᠢᠳᠤᠷᠠᠯᠢ ᠡᠳ᠋ᠯᠡᠬᠦᠯᠦᠭᠰᠡᠨ ᠪᠠᠢᠨᠠ᠃