5 ᠰᠠᠷᠠᠶᠢᠨ 4ᠦ ᠡᠳᠦᠷ᠂ 5ᠤ ᠡᠳᠦᠷ᠂《ᠠᠷᠠᠳᠤᠨ ᠡᠳᠦᠷᠦᠨ
ᠰᠣᠨᠢᠨ》ᠳ᠋ᠤ《2024 — 2025
ᠰᠤᠷᠤᠯᠭᠠᠶᠢᠨ ᠣᠨᠤ ᠵᠢᠩᠬᠢᠨᠢ ᠠᠩᠭᠢ ᠪᠠ ᠲᠤᠰᠬᠠᠶ ᠮᠡᠷᠭᠡᠵᠢᠯᠦᠨ ᠠᠩᠭᠢᠶᠢᠨ ᠰᠣᠷᠣᠭᠴᠢᠶᠢᠨ ᠤᠯᠤᠰᠤᠨ
ᠰᠤᠷᠤᠯᠭᠠᠶᠢᠨ ᠱᠠᠩᠨᠠᠯᠤᠨ ᠮᠥᠩᠭᠥ᠌ ᠭᠥᠷᠳᠡᠭᠰᠡᠨ ᠰᠣᠷᠣᠭᠴᠢᠳᠤᠨ ᠲᠥᠯᠥᠭᠡᠯᠡᠭᠴᠢᠶᠢᠨ ᠨᠡᠷᠡᠰ》᠂ 《2024 — 2025 ᠰᠤᠷᠤᠯᠭᠠᠶᠢᠨ ᠣᠨᠤ ᠳᠤᠮᠳᠠ
ᠵᠡᠷᠭᠡᠶᠢᠨ ᠠᠵᠢᠯ ᠮᠡᠷᠭᠡᠵᠢᠯᠦᠨ ᠰᠤᠷᠭᠠᠨ ᠬᠥᠮᠦᠵᠢᠯᠦᠨ ᠤᠯᠤᠰᠤᠨ ᠰᠤᠷᠤᠯᠭᠠᠶᠢᠨ ᠱᠠᠩᠨᠠᠯᠤᠨ ᠮᠥᠩᠭᠥ᠌
ᠭᠥᠷᠳᠡᠭᠰᠡᠨ ᠰᠣᠷᠣᠭᠴᠢᠳᠤᠨ ᠲᠥᠯᠥᠭᠡᠯᠡᠭᠴᠢᠶᠢᠨ ᠨᠡᠷᠡᠰ》᠂《2024 — 2025 ᠰᠤᠷᠤᠯᠭᠠᠶᠢᠨ ᠣᠨᠤ ᠠᠰᠫᠢᠷᠠᠨᠲᠤᠨ ᠤᠯᠤᠰᠤᠨ ᠰᠤᠷᠤᠯᠭᠠᠶᠢᠨ ᠱᠠᠩᠨᠠᠯᠤᠨ
ᠮᠥᠩᠭᠥ᠌ ᠭᠥᠷᠳᠡᠭᠰᠡᠨ ᠰᠣᠷᠣᠭᠴᠢᠳᠤᠨ ᠲᠥᠯᠥᠭᠡᠯᠡᠭᠴᠢ ᠵᠢᠨ ᠨᠡᠷᠡᠰ》ᠢ ᠨᠡᠶ᠋ᠢᠲᠡᠯᠡᠪᠡ᠂ ᠥᠪᠥᠷ ᠮᠣᠩᠭᠣᠯᠤᠨ ᠬᠥᠬᠡᠬᠣᠲᠠᠶᠢᠨ ᠣᠲᠣ ᠦᠶᠡᠶᠢᠨ ᠮᠡᠳᠡᠭᠡ
ᠵᠠᠩᠭᠢᠶᠢᠨ ᠮᠡᠷᠭᠡᠵᠢᠯᠦᠨ ᠰᠤᠷᠭᠠᠭᠤᠯᠢᠶᠢᠨ 2023 ᠤᠨᠤ ᠪᠠᠷᠢᠯᠭᠠ ᠵᠢᠨ ᠬᠡᠮᠵᠢᠯᠲᠡᠶᠢᠨ ᠮᠡᠷᠭᠡᠵᠢᠯᠦᠨ
ᠰᠣᠷᠣᠭᠴᠢ ᠯᠦᠸᠧ ᠵᠢᠩ᠂ ᠥᠪᠥᠷ ᠮᠣᠩᠭᠣᠯᠤᠨ ᠰᠢᠨᠵᠢᠯᠡᠬᠦ᠌ ᠤᠬᠠᠭᠠᠨ ᠲᠸᠭᠨᠢᠭ ᠮᠡᠷᠭᠡᠵᠢᠯᠦᠨ ᠶᠡᠬᠡ ᠰᠤᠷᠭᠠᠭᠤᠯᠢᠶᠢᠨ
ᠬᠣᠪᠣᠷ ᠰᠢᠷᠣᠶᠶᠢᠨ ᠠᠵᠤ ᠦᠢᠯᠡᠰᠦᠨ ᠳᠡᠭᠡᠳᠦ ᠰᠤᠷᠭᠠᠭᠤᠯᠢ ᠵᠢᠨ ᠲᠡᠮᠦᠷᠯᠢᠭ ᠬᠠᠶ᠋ᠢᠯᠤᠭᠤᠯᠬᠤ ᠢᠨᠵᠧᠨᠧᠷᠢᠩᠦᠨ
ᠲᠤᠰᠬᠠᠶ ᠮᠡᠷᠭᠡᠵᠢᠯᠤᠨ 2022 ᠣᠨᠤ ᠰᠣᠷᠣᠭᠴᠢ ᠯᠢ ᠶᠠᠨ᠂ ᠥᠪᠥᠷ ᠮᠣᠩᠭᠣᠯᠤᠨ ᠶᠡᠬᠡ ᠰᠤᠷᠭᠠᠭᠤᠯᠢᠶᠢᠨ ᠠᠮᠢ
ᠨᠠᠰᠤᠨᠤ ᠰᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠤ ᠳᠡᠭᠡᠳᠦ ᠰᠤᠷᠭᠠᠭᠤᠯᠢᠶᠢᠨ ᠠᠮᠢᠳᠤ ᠪᠣᠳᠠᠰᠤᠨ ᠤᠬᠠᠭᠠᠨᠤ ᠲᠤᠰᠬᠠᠶ
ᠮᠡᠷᠭᠡᠵᠢᠯᠦᠨ 2023 ᠣᠨᠤ ᠠᠰᠫᠢᠷᠠᠨᠲ ᠰᠢᠶᠠ ᠶᠠᠨ ᠡᠭᠦᠨᠳᠦ ᠵᠢᠭᠰᠠᠭᠠᠭᠳᠠᠪᠠ᠃
ᠯᠦᠸᠧ ᠵᠢᠩ᠂ ᠥᠪᠥᠷ ᠮᠣᠩᠭᠣᠯᠤᠨ ᠥᠪᠡᠷᠲᠡᠭᠡᠨ
ᠵᠠᠰᠠᠬᠤ ᠣᠷᠣᠨᠤ ᠬᠥᠬᠡᠬᠣᠲᠠᠶᠢᠨ ᠣᠲᠣ ᠦᠶᠡᠶᠢᠨ ᠮᠡᠳᠡᠭᠡ ᠵᠠᠩᠭᠢᠶᠢᠨ ᠮᠡᠷᠭᠡᠵᠢᠯᠦᠨ
ᠰᠤᠷᠭᠠᠭᠤᠯᠢᠶᠢᠨ 2023 ᠤᠨᠤ ᠢᠨᠵᠧᠨᠧᠷᠢᠩᠦᠨ ᠬᠡᠮᠵᠢᠯᠲᠡᠶᠢᠨ ᠮᠡᠷᠭᠡᠵᠢᠯᠦᠨ ᠲᠤᠰᠬᠠᠶ
ᠮᠡᠷᠭᠡᠵᠢᠯᠦᠨ ᠰᠣᠷᠣᠭᠴᠢ᠂ ᠡᠪ ᠬᠠᠮᠲᠤ᠌ ᠵᠠᠯᠠᠭᠤᠴᠤᠳᠤᠨ ᠡᠪᠯᠡᠯᠦᠨ ᠭᠡᠰᠢᠭᠦᠨ᠃ 2024 ᠣᠨᠳᠤ ᠥᠪᠥᠷ
ᠮᠣᠩᠭᠣᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠳᠤᠮᠳᠠ ᠵᠡᠷᠭᠡᠶᠢᠨ ᠠᠵᠢᠯ ᠮᠡᠷᠭᠡᠵᠢᠯᠦᠨ ᠰᠤᠷᠭᠠᠭᠤᠯᠢᠶᠢᠨ
ᠮᠡᠷᠭᠡᠵᠢᠯ ᠴᠢᠳᠠᠪᠤᠷᠢᠶᠢᠨ ᠤᠷᠤᠯᠳᠤᠭᠠᠨᠤ ᠢᠨᠵᠧᠨᠧᠷᠢᠩᠦᠨ ᠬᠡᠮᠵᠢᠯᠲᠡᠶᠢᠨ ᠤᠷᠤᠯᠳᠤᠭᠠᠨᠤ ᠲᠥᠷᠥᠯ
ᠵᠦᠢᠯᠦᠨ ᠪᠦᠯᠬᠦᠮᠦᠨ ᠭᠤᠷᠪᠠᠳᠤᠭᠠᠷ ᠳᠡᠰᠤᠨ ᠱᠠᠩᠨᠠᠯᠢ ᠭᠥᠷᠳᠡᠪᠡ᠃ 2025 ᠣᠨᠳᠤ ᠥᠪᠥᠷ ᠮᠣᠩᠭᠣᠯᠤᠨ
ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠳᠤᠮᠳᠠ ᠵᠡᠷᠭᠡᠶᠢᠨ ᠠᠵᠢᠯ ᠮᠡᠷᠭᠡᠵᠢᠯᠦᠨ ᠰᠤᠷᠭᠠᠭᠤᠯᠢᠶᠢᠨ ᠮᠡᠷᠭᠡᠵᠢᠯ
ᠴᠢᠳᠠᠪᠤᠷᠢᠶᠢᠨ ᠤᠷᠤᠯᠳᠤᠭᠠᠨᠤ ᠢᠨᠵᠧᠨᠧᠷᠢᠩᠦᠨ ᠬᠡᠮᠵᠢᠯᠲᠡᠶᠢᠨ ᠤᠷᠤᠯᠳᠤᠭᠠᠨᠤ ᠲᠥᠷᠥᠯ ᠵᠦᠢᠯᠦᠨ
ᠪᠦᠯᠬᠦᠮᠦᠨ ᠨᠢᠭᠡᠳᠦᠭᠡᠷ ᠳᠡᠰᠤᠨ ᠱᠠᠩᠨᠠᠯ ᠭᠥᠷᠳᠡᠵᠦ᠍᠂ ᠳᠡᠯᠡᠬᠡᠶᠶᠢᠨ ᠠᠵᠢᠯ ᠮᠡᠷᠭᠡᠵᠢᠯᠦᠨ ᠳᠡᠭᠡᠳᠦ
ᠰᠤᠷᠭᠠᠭᠤᠯᠢᠶᠢᠨ ᠮᠡᠷᠭᠡᠵᠢᠯ ᠴᠢᠳᠠᠪᠤᠷᠢᠶᠢᠨ ᠤᠷᠤᠯᠳᠤᠭᠠᠨᠤ ᠶᠡᠷᠦᠩᠬᠡᠶ ᠰᠢᠢᠳᠪᠦᠷᠢᠲᠦ᠍
ᠤᠷᠤᠯᠳᠤᠭᠠᠨᠳᠤ ᠭᠠᠵᠠᠷ ᠰᠢᠨᠵᠢᠯᠡᠭᠡᠨᠦ ᠬᠠᠶ᠋ᠢᠨ ᠪᠠᠶ᠋ᠢᠴᠠᠭᠠᠯᠲᠠ ᠬᠢᠭᠡᠳ ᠭᠠᠵᠠᠷ ᠵᠦᠶᠶᠢᠨ ᠬᠡᠮᠵᠢᠨ
ᠵᠢᠷᠤᠭᠯᠠᠯᠲᠠᠶᠢᠨ ᠤᠷᠤᠯᠳᠤᠭᠠᠨᠤ ᠪᠦᠯᠬᠦᠮᠦᠨ ᠬᠦᠷᠡᠯ ᠮᠸᠲᠠᠯᠤᠨ ᠱᠠᠩᠨᠠᠯᠢ ᠭᠥᠷᠳᠡᠪᠡ᠃
ᠯᠢ ᠶᠠᠨ᠂ ᠥᠪᠥᠷ ᠮᠣᠩᠭᠣᠯᠤᠨ ᠰᠢᠨᠵᠢᠯᠡᠬᠦ᠌ ᠤᠬᠠᠭᠠᠨ
ᠲᠧᠭᠨᠢᠭ ᠮᠡᠷᠭᠡᠵᠢᠯᠦᠨ ᠶᠡᠬᠡ ᠰᠤᠷᠭᠠᠭᠤᠯᠢᠶᠢᠨ ᠬᠣᠪᠣᠷ ᠰᠢᠷᠣᠢᠶᠢᠨ ᠠᠵᠤ ᠦᠢᠯᠡᠰᠦᠨ ᠳᠡᠭᠡᠳᠦ ᠰᠤᠷᠭᠠᠭᠤᠯᠢᠶᠢᠨ
ᠲᠡᠮᠦᠷᠯᠢᠭ ᠬᠠᠶ᠋ᠢᠯᠤᠭᠤᠯᠬᠤ ᠢᠨᠵᠧᠨᠧᠷᠢᠩᠦᠨ ᠲᠤᠰᠬᠠᠢ ᠮᠡᠷᠭᠡᠵᠢᠯᠦᠨ 2022 ᠣᠨᠤ ᠰᠤᠷᠤᠭᠴᠢ᠂ ᠳᠤᠮᠳᠠᠳᠤ
ᠤᠯᠤᠰᠤᠨ ᠡᠪ ᠬᠠᠮᠲᠤ᠌ ᠨᠠᠮᠤᠨ ᠭᠡᠰᠢᠭᠦᠨ᠃ ᠳᠤᠮᠳᠠᠳᠤ ᠤᠯᠤᠰᠤᠨ ᠣᠯᠠᠨ ᠤᠯᠤᠰᠤᠨ ᠤᠶᠤᠲᠠᠳᠤᠨ ᠰᠢᠨᠡᠶᠢ
ᠡᠭᠦᠳᠬᠦ᠌ ᠤᠷᠤᠯᠳᠤᠭᠠᠨ（2025）ᠤ ᠠᠯᠲᠠᠨ ᠮᠧᠳᠠᠯ᠂ ᠠᠷᠪᠠ ᠶᠢᠰᠦᠳᠦᠭᠡᠷ ᠬᠤᠭᠤᠴᠠᠭᠠᠨᠤ 《ᠥᠷᠢᠰᠥᠯᠳᠦᠭᠡᠨ ᠬᠤᠨᠳᠠᠭᠠᠲᠤ᠌》 ᠪᠥᠬᠥ᠌ ᠤᠯᠤᠰᠤᠨ ᠤᠶᠤᠲᠠᠳᠤᠨ ᠬᠢᠴᠢᠶᠡᠯᠦᠨ ᠭᠠᠳᠠᠨᠠᠬᠢ ᠡᠷᠳᠡᠮ ᠰᠢᠨᠵᠢᠯᠡᠭᠡᠨᠦ ᠪᠦᠲᠦᠭᠡᠯᠦᠨ
ᠤᠷᠤᠯᠳᠤᠭᠠᠨᠤ ᠭᠤᠷᠪᠠᠳᠤᠭᠠᠷ ᠳᠡᠰᠤᠨ ᠱᠠᠩᠨᠠᠯ ᠭᠥᠷᠳᠡᠪᠡ᠃ ᠤᠯᠤᠰᠤᠨ 2 ᠵᠦᠢᠯᠦᠨ ᠬᠡᠷᠡᠭᠯᠡᠭᠡᠨᠦ ᠰᠢᠨᠡ
ᠬᠡᠯᠪᠡᠷᠢᠶᠢᠨ ᠲᠤᠰᠬᠠᠶ ᠠᠰᠢᠭᠤᠨ ᠡᠷᠬᠡ ᠤᠯᠪᠠ᠃ ᠰᠠᠶ᠋ᠢᠨ ᠳᠤᠷᠠᠶᠢᠨ ᠦᠢᠯᠡᠴᠢᠯᠡᠭᠡᠳᠦ ᠢᠳᠡᠪᠬᠢᠲᠡᠶ ᠣᠷᠣᠯᠴᠠᠵᠤ᠂
ᠰᠠᠶ᠋ᠢᠨ ᠳᠤᠷᠠᠶᠢᠨ ᠦᠢᠯᠡᠴᠢᠯᠡᠭᠡ ᠵᠢᠨ ᠴᠠᠭ ᠨᠡᠶ᠋ᠢᠲᠡ 364 ᠴᠠᠭ ᠪᠣᠯᠪᠠ᠃
ᠰᠢᠶᠠ ᠶᠠᠨ᠂ ᠥᠪᠥᠷ ᠮᠣᠩᠭᠣᠯᠤᠨ ᠶᠡᠬᠡ ᠰᠤᠷᠭᠠᠭᠤᠯᠢᠶᠢᠨ
ᠠᠮᠢ ᠨᠠᠰᠤᠨᠤ ᠰᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠤ ᠳᠡᠭᠡᠳᠦ ᠰᠤᠷᠭᠠᠭᠤᠯᠢᠶᠢᠨ ᠠᠮᠢᠳᠤ ᠪᠣᠳᠠᠰᠤᠨ ᠤᠬᠠᠭᠠᠨᠤ ᠲᠤᠰᠬᠠᠶ
ᠮᠡᠷᠭᠡᠵᠢᠯᠦᠨ 2023 ᠣᠨᠤ ᠠᠰᠫᠢᠷᠠᠨᠲ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠲᠤ᠌ ᠨᠠᠮᠤᠨ ᠭᠡᠰᠢᠭᠦᠨ᠃ ᠤᠭᠤᠷᠠᠭᠤᠨ
ᠰᠠᠭᠤᠷᠢ ᠠᠮᠢᠳᠤ ᠪᠣᠳᠠᠰᠤᠨ ᠮᠠᠲ᠋ᠧᠷᠢᠶᠠᠯᠤᠨ ᠴᠢᠳᠠᠮᠵᠢᠭᠰᠠᠨ ᠵᠢᠷᠤᠭ ᠲᠥᠯᠥᠪᠯᠡᠭᠡ ᠵᠢᠴᠢ ᠡᠮᠦᠨ ᠵᠦᠢᠯᠡᠰᠢ
ᠳᠠᠮᠵᠢᠭᠤᠯᠤᠨ ᠬᠦᠷᠭᠡᠬᠦ᠌᠂ ᠵᠤᠭᠢᠶᠠᠨ ᠪᠠᠢᠭᠤᠯᠤᠨ ᠰᠡᠷᠭᠦᠭᠡᠨ ᠬᠡᠷᠡᠭᠯᠡᠬᠦ᠌ᠰᠤᠳᠤᠯᠭᠠᠨᠢ
ᠦᠷᠨᠢᠭᠦᠯᠭᠦᠳᠦ ᠠᠩᠬᠠᠷᠤᠯᠢᠶᠠᠨ ᠲᠥᠪᠯᠡᠷᠡᠭᠦᠯᠵᠦ᠍᠂ ᠨᠢᠭᠡᠳᠦᠭᠡᠷ ᠵᠣᠬᠢᠶᠠᠭᠴᠢ （ᠬᠠᠮᠲᠤᠶᠢᠨ ᠨᠢᠭᠡᠳᠦᠭᠡᠷ
ᠵᠣᠬᠢᠶᠠᠭᠴᠢ ᠪᠠᠭᠲᠠᠨᠠ）ᠪᠠᠷ SCI ᠬᠤᠭᠤᠴᠠᠭᠠᠲᠤ᠌ ᠰᠡᠳᠬᠦᠯᠳᠦ 3 ᠬᠤᠪᠢ ᠥᠭᠦᠯᠡᠯ ᠨᠡᠶ᠋ᠢᠲᠡᠯᠡᠪᠡ᠃
ᠣᠶ᠋ᠢᠯᠠᠭᠠᠭᠰᠠᠨᠢᠶᠠᠷ᠂ 2024 — 2025 ᠰᠤᠷᠤᠯᠭᠠᠶᠢᠨ
ᠣᠨᠳᠤ᠂ ᠪᠥᠬᠥ᠌ ᠤᠯᠤᠰᠲᠤ᠌ ᠪᠠᠷᠤᠭ 2 ᠲᠦᠮᠡᠨ ᠳᠤᠮᠳᠠ ᠵᠡᠷᠭᠡᠶᠢᠨ ᠠᠵᠢᠯ ᠮᠡᠷᠭᠡᠵᠢᠯᠦᠨ ᠰᠣᠷᠣᠭᠴᠢ᠂
12 ᠲᠦᠮᠡᠨ ᠵᠢᠩᠬᠢᠨᠢ ᠠᠩᠭᠢ ᠪᠠ ᠲᠤᠰᠬᠠᠶ ᠮᠡᠷᠭᠡᠵᠢᠯᠦᠨ ᠠᠩᠭᠢᠶᠢᠨ ᠰᠣᠷᠣᠭᠴᠢ᠂ 9 ᠲᠦᠮᠡᠨ ᠠᠰᠫᠢᠷᠠᠨᠲ ᠤᠯᠤᠰᠤᠨ
ᠰᠤᠷᠤᠯᠭᠠᠶᠢᠨ ᠱᠠᠩᠨᠠᠯᠤᠨ ᠮᠥᠩᠭᠥᠶᠢ ᠭᠥᠷᠳᠡᠪᠡ᠂ ᠲᠣᠰ ᠨᠡᠷᠡᠰᠦᠨ ᠵᠢᠭᠰᠠᠭᠠᠯᠲᠠᠳᠠᠬᠢ 100 ᠳᠤᠮᠳᠠ
ᠵᠡᠷᠭᠡᠶᠢᠨ ᠠᠵᠢᠯ ᠮᠡᠷᠭᠡᠵᠢᠯᠦᠨ ᠰᠣᠷᠣᠭᠴᠢ᠂ 100 ᠵᠢᠩᠬᠢᠨᠢ ᠠᠩᠭᠢ ᠪᠠ ᠲᠤᠰᠬᠠᠶ ᠮᠡᠷᠭᠡᠵᠢᠯᠦᠨ ᠠᠩᠭᠢᠶᠢᠨ
ᠰᠣᠷᠣᠭᠴᠢ ᠪᠠ 100 ᠠᠰᠫᠢᠷᠠᠨᠲ ᠪᠣᠯ ᠤᠯᠤᠰᠤᠨ ᠰᠤᠷᠤᠯᠭᠠᠶᠢᠨ ᠱᠠᠩᠨᠠᠯᠤᠨ ᠮᠥᠩᠭᠥ᠌ ᠣᠯᠤᠭᠰᠠᠨ ᠰᠣᠷᠣᠭᠴᠢᠳᠤᠨ
ᠳᠣᠲᠣᠷᠠᠬᠢ ᠰᠢᠯᠢᠳᠡᠭ ᠲᠥᠯᠥᠭᠡᠯᠡᠭᠴᠢ ᠪᠣᠯᠤᠨᠠ᠃ 《ᠠᠷᠠᠳᠤᠨ ᠡᠳᠦᠷᠦᠨ ᠰᠣᠨᠢᠨ》 ᠲᠣᠰ ᠨᠡᠷᠡᠰᠢ
ᠨᠡᠶ᠋ᠢᠲᠡᠯᠡᠭᠰᠡᠨ ᠨᠢ ᠥᠷᠭᠡᠨ ᠣᠯᠠᠨ ᠵᠠᠯᠠᠭᠤ ᠰᠤᠷᠤᠭᠴᠢᠳ ᠲᠡᠳᠡᠨᠢᠶᠡᠷ ᠥᠯᠢᠭᠡᠷ ᠳᠠᠭᠤᠷᠢᠶᠠᠯ ᠪᠣᠯᠭᠠᠵᠤ᠂
ᠲᠡᠳᠡᠨᠦ ᠪᠡᠶᠡ ᠳᠡᠭᠡᠷᠡᠡᠴᠡ ᠦᠰᠦᠨ ᠪᠣᠶ᠋ᠢᠵᠢᠬᠤ ᠬᠦᠴᠦᠨ ᠴᠢᠳᠠᠯ ᠣᠯᠵᠤ᠂ ᠵᠢᠩᠬᠢᠨᠢ ᠡᠷᠳᠡᠮ ᠴᠢᠳᠠᠪᠤᠷᠢᠪᠠᠷᠢᠶᠠᠨ
ᠠᠷᠠᠳ ᠲᠦᠮᠡᠨᠳᠦ ᠦᠢᠯᠡᠴᠢᠯᠡᠵᠦ᠍᠂ ᠰᠢᠨᠡᠶᠢ ᠡᠭᠦᠳᠦᠨ ᠪᠦᠲᠦᠭᠡᠵᠦ᠍᠂ ᠰᠤᠷᠭᠠᠨ ᠬᠥᠮᠦᠵᠢᠯᠦᠨ ᠬᠦᠴᠦᠷᠬᠡᠭ
ᠤᠯᠤᠰ᠂ ᠰᠢᠨᠵᠢᠯᠡᠬᠦ᠌ ᠤᠬᠠᠭᠠᠨ ᠲᠸᠭᠨᠢᠭ ᠮᠡᠷᠭᠡᠵᠢᠯᠦᠨ ᠬᠦᠴᠦᠷᠬᠡᠭ ᠤᠯᠤᠰ᠂ ᠴᠢᠳᠠᠪᠤᠷᠢᠲᠠᠨᠤ ᠬᠦᠴᠦᠷᠬᠡᠭ
ᠤᠯᠤᠰᠢ ᠪᠥᠲᠥᠭᠡᠨ ᠪᠠᠶ᠋ᠢᠭᠤᠯᠬᠤ ᠳᠤᠮᠳᠠ ᠵᠣᠷᠢᠭᠲᠠᠶᠪᠠᠷ ᠡᠭᠦᠷᠭᠡ ᠬᠠᠷᠢᠭᠤᠴᠠᠯᠭᠠ ᠡᠭᠦᠷᠭᠡᠯᠡᠵᠦ᠍᠂ ᠯᠠᠪᠳᠠᠭᠤᠨ
ᠪᠠᠲᠤᠲᠠᠶ ᠠᠵᠢᠯᠯᠠᠵᠤ᠂ ᠵᠠᠯᠠᠭᠤ ᠨᠠᠰᠤᠨᠤ ᠣᠷᠭᠢᠯᠤᠮᠠ ᠰᠡᠳᠬᠢᠯᠭᠡᠪᠡᠨ ᠪᠠᠳᠠᠷᠠᠭᠤᠯᠤᠨ᠂ ᠵᠠᠯᠠᠭᠤ ᠨᠠᠰᠤᠨᠤ
ᠬᠦᠰᠡᠯ ᠵᠡᠭᠦᠳᠦᠪᠡᠨ ᠬᠥᠭᠡᠭᠡᠴᠡᠯᠳᠦᠵᠦ᠍᠂ ᠳᠤᠮᠳᠠᠳᠤᠶᠢᠨ ᠦᠨᠳᠦᠰᠦᠲᠡᠨᠦ ᠠᠭᠤᠤ ᠶᠡᠬᠡ ᠰᠡᠷᠭᠦᠨ ᠮᠠᠨᠳᠤᠯᠲᠠᠶᠢ
ᠪᠡᠶᠡᠯᠡᠭᠦᠯᠬᠦ᠌ᠳᠦ ᠵᠠᠯᠠᠭᠤ ᠨᠠᠰᠤᠨᠤ ᠬᠦᠴᠦᠨ ᠴᠢᠳᠠᠯᠢᠶᠠᠨ ᠡᠷᠭᠦᠬᠦ᠌ᠶᠢ ᠬᠦᠰᠡᠵᠦ ᠪᠠᠶ᠋ᠢᠨᠠ᠃
ᠢᠷᠡᠯᠲᠡ᠄ ᠠᠷᠠᠳᠤᠨ ᠡᠳᠦᠷᠦᠨ ᠰᠣᠨᠢᠨ