ᠣᠢᠷ᠎ᠠ᠎ᠳᠦ ᠠᠮᠣᠷ᠎ᠢ ᠬᠠᠮᠠᠭᠠᠯᠠᠬᠣ ᠶᠠᠮᠣᠨ ᠵᠢᠯᠣᠭᠣᠴᠢ ᠦᠬᠡᠢ ᠨᠢᠰᠬᠡᠯ᠎ᠦᠨ ᠨᠢᠰᠦᠯᠳᠡ ᠵᠢ ᠡᠵᠡᠮᠳᠡᠬᠦ ᠰᠢᠰᠲ᠋ᠸᠮ᠎ᠢ ᠬᠠᠣᠯᠢ ᠪᠣᠰᠣ ᠪᠡᠷ ᠦᠬᠡᠷᠡᠴᠢᠯᠡᠭᠰᠡᠨ ᠶᠠᠯᠠᠳᠣ ᠠᠵᠢᠯᠯᠠᠭ᠎ᠠ ᠵᠢᠨ ᠨᠡᠢᠳᠡᠯᠢᠭ ᠬᠡᠷᠡᠭ᠎ᠦᠨ ᠵᠢᠱ᠌ᠢᠶ᠎ᠡ ᠵᠢ ᠨᠡᠢᠳᠡᠯᠡᠪᠡ᠃ ᠡᠬᠦᠨ᠎ᠳᠦ ᠵᠠᠷᠢᠮ ᠬᠠᠣᠯᠢ ᠪᠣᠰᠣ ᠡᠳᠡᠭᠡᠳ ᠮᠡᠷᠭᠡᠵᠢᠯ ᠎ᠦᠨ ᠠᠷᠭ᠎ᠠ ᠪᠠᠷᠢᠯ᠎ᠢ ᠠᠰᠢᠬᠯᠠᠨ ᠪᠣᠰᠣᠳ᠎ᠢ ᠬᠠᠪᠰᠣᠷᠣᠨ ᠵᠢᠯᠣᠭᠣᠴᠢ ᠦᠬᠡᠢ ᠨᠢᠰᠬᠡᠯ᠎ᠦᠨ ᠦᠨᠳᠣᠷ᠎ᠢ ᠬᠢᠵᠠᠭᠠᠷᠯᠠᠬᠣ᠂ ᠨᠢᠰᠬᠦ ᠵᠢ ᠴᠠᠭᠠᠵᠠᠯᠠᠬᠣ ᠣᠷᠣᠨ ᠪᠦᠰᠡ ᠵᠡᠷᠭᠡ ᠬᠢᠵᠠᠭᠠᠷᠯᠠᠯ᠎ᠢ ᠲᠠᠢᠯᠬᠣ ᠪᠡᠷ ᠲᠠᠮᠵᠢᠨ ᠪᠣᠰᠣᠳ᠎ᠢ ᠬᠠᠪᠰᠣᠷᠣᠨ 《ᠬᠠᠷ᠎ᠠ ᠪᠡᠷ ᠨᠢᠰᠬᠡᠬᠦ》 ᠵᠡᠷᠭᠡ ᠠᠵᠢᠯᠯᠠᠭ᠎ᠠ ᠶᠠᠪᠤᠭᠤᠯᠵᠦ ᠬᠠᠣᠯᠢ ᠪᠣᠰᠣ ᠠᠰᠢᠬ ᠬᠣᠨᠵᠢᠵᠦ ᠪᠤᠢ᠃ ᠲᠣᠳᠣᠭᠠᠳᠣ ᠵᠢ ᠬᠠᠮᠠᠭᠠᠯᠠᠬᠣ ᠶᠠᠮᠣᠨ᠎ᠦ ᠰᠦᠯᠵᠢᠶᠡᠨ᠎ᠦ ᠠᠮᠣᠷ ᠲᠦᠪᠰᠢᠨ᠎ᠦ ᠲᠣᠪᠴᠢᠶ᠎ᠡ ᠵᠢᠨ ᠬᠠᠮᠢᠶ᠎ᠡ ᠪᠦᠬᠦᠢ ᠬᠠᠷᠢᠭᠣᠴᠠᠯᠭᠠᠳᠠᠨ ᠢᠯᠡᠷᠭᠡᠢᠯᠡᠬᠦ᠎ᠳᠡᠭᠡᠨ᠂ ᠦᠨᠳᠣᠷ᠎ᠢ ᠬᠢᠵᠠᠭᠠᠷᠯᠠᠬᠣ ᠪᠡᠨ ᠪᠣᠯᠢᠬᠰᠠᠨ ᠵᠢᠯᠣᠭᠣᠴᠢ ᠦᠬᠡᠢ ᠨᠢᠰᠬᠡᠯ ᠠᠷᠠᠳ᠎ᠦᠨ ᠠᠭᠠᠷ᠎ᠦᠨ ᠲᠡᠭᠡᠭᠡᠪᠦᠷᠢ ᠵᠢᠨ ᠠᠶᠠᠯᠠᠯ᠎ᠦᠨ ᠱᠣᠭᠣᠮ᠎ᠳᠦ ᠲᠦᠷᠢᠨ ᠣᠷᠣᠵᠦ ᠠᠮᠠᠷᠬᠠᠨ ᠮᠦᠷᠬᠦᠯᠳᠦᠬᠡᠳ ᠬᠦᠨᠳᠣ ᠨᠣᠴᠢᠳᠠᠢ ᠣᠷᠰᠢᠬ ᠲᠠᠳᠠᠵᠦ ᠮᠡᠳᠡᠨ᠎ᠡ᠃ ᠨᠢᠰᠦᠯᠳᠠ ᠵᠢᠨ ᠣᠷᠣᠨ᠎ᠦ ᠬᠢᠵᠠᠭᠠᠷᠯᠠᠯ᠎ᠢ ᠬᠦᠴᠦᠨ ᠦᠬᠡᠢ ᠪᠣᠯᠭᠠᠬᠰᠠᠨ ᠵᠢᠯᠣᠭᠣᠴᠢ ᠦᠬᠡᠢ ᠨᠢᠰᠬᠡᠯ ᠴᠡᠷᠢᠭ᠎ᠦᠨ ᠶᠠᠪᠣᠳᠠᠯ ᠎ᠦᠨ ᠬᠠᠮᠢᠶᠠᠷᠣᠯᠳᠠ ᠵᠢᠨ ᠣᠷᠣᠨ ᠵᠡᠷᠭᠡ ᠨᠢᠰᠦᠯᠳᠡ ᠵᠢ ᠴᠠᠭᠠᠵᠠᠯᠠᠬᠣ ᠣᠷᠣᠨ᠎ᠳᠦ ᠨᠢᠰᠦᠨ ᠣᠷᠣᠵᠦ ᠣᠯᠣᠰ᠎ᠦᠨ ᠨᠢᠭᠣᠴᠠ ᠵᠢ ᠵᠠᠳᠠᠷᠠᠭᠣᠯᠵᠦ ᠮᠡᠳᠡᠨ᠎ᠡ ᠬᠡᠪᠡ᠃

ᠦᠨᠡᠯᠠᠯᠳᠠ᠄ ᠨᠢᠰᠦᠯᠳᠡ ᠵᠢᠨ ᠦᠨᠳᠣᠷ᠎ᠦᠨ ᠬᠢᠵᠠᠭᠠᠷᠯᠠᠯ᠎ᠢ ᠡᠪᠳᠡᠨ᠂ ᠨᠢᠰᠬᠦ ᠵᠢ ᠴᠠᠭᠠᠵᠠᠯᠠᠬᠣ ᠣᠷᠣᠨ᠎ᠳᠦ ᠲᠠᠭᠠᠷᠢᠨ ᠣᠷᠣᠬᠣ ᠨᠢ ᠦᠵᠡᠬᠦ᠎ᠳᠦ ᠮᠡᠷᠭᠡᠵᠢᠯ ᠵᠢᠡᠨ ᠭᠠᠢᠬᠠᠭᠣᠯᠵᠦ ᠪᠠᠢᠭ᠎ᠠ ᠰᠢᠬ ᠪᠣᠯᠪᠠᠴᠤ ᠦᠨᠡᠨ ᠎ᠳᠡᠭᠡᠨ ᠣᠯᠠᠨ ᠨᠡᠢᠳᠡ ᠵᠢᠨ ᠠᠮᠣᠷ ᠲᠦᠪᠰᠢᠨ᠎ᠳᠦ ᠮᠠᠭᠣ ᠨᠦᠯᠦᠬᠡ ᠠᠪᠴᠢᠷᠠᠵᠦ ᠮᠡᠳᠡᠨ᠎ᠡ᠃ ᠮᠡᠷᠭᠡᠵᠢᠯ᠎ᠦᠨ ᠡᠷᠭᠡ ᠴᠢᠯᠦᠬᠡ ᠨᠢ ᠬᠠᠣᠯᠢ ᠡᠴᠡ ᠵᠦᠷᠢᠴᠡᠬᠦ ᠦᠨᠡᠮᠯᠡᠯ ᠪᠢᠰᠢ᠂ ᠠᠭᠠᠷ ᠎ᠦᠨ ᠡᠮᠬᠢ ᠲᠢᠭᠯᠢᠮ ᠨᠢ ᠲᠣᠷ᠎ᠡ ᠪᠡᠷ ᠨᠢᠰᠬᠦ ᠵᠢ ᠵᠦᠪᠰᠢᠶᠡᠷᠡᠬᠦ ᠦᠬᠡᠢ ᠶᠣᠮ᠃