ᠲᠦᠷᠦᠭᠦᠬᠡᠨ᠂ 2026 ᠣᠨᠤ ᠪᠥᠬᠥ᠌ ᠤᠯᠤᠰᠤᠨ ᠲᠡᠩᠰᠡᠨ ᠪᠥᠮᠪᠥᠭᠡᠶ᠋ᠢᠨ ᠮᠠᠩᠯᠠᠶ ᠱᠢᠯᠭᠠᠷᠠᠭᠤᠯᠬᠤ ᠤᠷᠤᠯᠳᠤᠭᠠᠨ ᠠᠮᠵᠢᠯᠲᠠᠲᠠᠶ ᠥᠨᠳᠥᠷᠯᠡᠵᠦ᠍᠂ ᠥᠪᠥᠷ ᠮᠣᠩᠭᠣᠯᠤᠨ ᠲᠡᠩᠰᠡᠨ ᠪᠥᠮᠪᠥᠭᠡᠶ᠋ᠢᠨ ᠠᠩᠭᠢ ᠲᠤᠰᠭᠠᠶ ᠮᠡᠷᠭᠡᠵᠢᠯᠦᠨ ᠳᠤᠭᠤᠢᠯᠠᠩᠤᠨ ᠡᠷᠡᠭ᠌ᠲᠡᠶᠶ᠋ᠢᠨ ᠭᠠᠭ᠍ᠴᠠ ᠳᠤᠭᠤᠢᠯᠠᠩᠤᠨ ᠤᠷᠤᠯᠳᠤᠭᠠᠨ᠂ ᠬᠤᠤᠰ ᠬᠥᠮᠦᠨᠦ ᠤᠷᠤᠯᠳᠤᠭᠠᠨ᠂ ᠳᠥᠷᠪᠡᠨ ᠬᠥᠮᠦᠨᠦ ᠤᠷᠤᠯᠳᠤᠭᠠᠨ ᠳ᠋ᠤ ᠴᠦᠮ ᠮᠠᠩᠯᠠᠢᠯᠠᠵᠤ᠌᠂ ᠭᠤᠤᠯᠯᠠᠬᠤ ᠲᠥᠷᠥᠯ ᠵᠦᠶ᠋ᠯᠤ᠋ᠨ ᠪᠦᠷᠢᠨ ᠱᠠᠩᠨᠠᠯ ᠢ᠋ ᠬᠦᠷᠳᠡᠪᠡ᠃ ᠡᠭᠦᠨᠦ ᠬᠠᠮᠲᠤ ᠬᠥᠯᠥᠨ ᠪᠤᠢ᠌ᠷᠤᠨ ᠠᠩᠭᠢ ᠢᠯᠠ ᠳᠤᠭᠤᠢᠯᠠᠩᠤᠨ ᠭᠤᠷᠪᠠᠨ ᠵᠦᠢᠯᠦᠨ ᠤᠷᠤᠯᠳᠤᠭᠠᠨ ᠤ᠋ ᠮᠠᠩᠯᠠᠶ ᠪᠣᠯᠵᠤ᠂ ᠥᠪᠥᠷ ᠮᠣᠩᠭᠣᠯᠤᠨ ᠲᠡᠩᠰᠡᠨ ᠪᠥᠮᠪᠥᠭᠡᠶ᠋ᠢᠨ ᠬᠥᠳᠡᠯᠭᠡᠭᠡᠨ ᠨᠢᠭᠡᠨᠲᠡ ᠪᠦᠬᠦ᠌ ᠤᠯᠤᠰᠤᠨ ᠡᠮᠦᠨᠡ ᠡᠩᠨᠡᠭᠡᠨᠳᠦ ᠣᠷᠣᠭᠰᠠᠨ ᠢ᠋ ᠬᠠᠷᠠᠭᠤᠯᠪᠠ᠃
ᠡᠨᠡ ᠬᠦ᠌ ᠢᠷᠠᠭᠤ ᠠᠯᠳᠠᠷᠤᠨ ᠠᠷᠤᠳᠤ ᠬᠥᠯᠥᠨ ᠪᠣᠢᠷᠤᠨ ᠶᠠᠭ᠍ᠰᠢ ᠪᠣᠯᠤᠨ ᠲᠡᠩᠰᠡᠨ ᠪᠥᠮᠪᠥᠭᠡ ᠵᠢᠨ 30 ᠭᠠᠷᠤᠶ ᠵᠢᠯ ᠤ᠋ᠨ ᠬᠤᠪᠢ ᠪᠠᠷᠢᠯᠳᠤᠯᠭᠠ ᠪᠤᠢ᠃
ᠵᠤᠨᠤ ᠡᠬᠢᠪᠡᠷ᠂ ᠶᠠᠭ᠍ᠰᠢ ᠬᠣᠲᠠᠶ᠋ᠢᠨ ᠨᠢᠭᠡᠳᠦᠭᠡᠷ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢᠶ᠋ᠢᠨ ᠲᠠᠮᠢᠷᠤᠨ ᠣᠷᠳᠣᠨᠡᠴᠨ ᠤᠤᠬᠠᠢᠯᠠᠬᠤ ᠳᠠᠭᠤᠨ᠂ ᠪᠥᠮᠪᠥᠭᠡ ᠢᠰᠭᠦᠯᠬᠦ ᠳᠠᠭᠤᠨ ᠲᠠᠰᠤᠷᠠᠯᠲᠠ ᠦᠭᠡᠢ ᠲᠤᠭᠤᠯᠳᠠᠵᠤ᠂ ᠬᠥᠷ ᠬᠥᠭ᠌ᠵᠢᠶᠡᠨᠲᠡᠶ ᠪᠣᠯᠪᠠᠰᠤᠷᠠᠯᠤᠨ ᠪᠠᠢᠳᠠᠯ ᠢᠯᠡᠷᠡᠪᠡ᠃ ᠬᠡᠢ ᠲᠡᠭᠡᠷᠠ ᠭᠤᠬᠠᠳᠠᠵᠤ ᠢᠰᠭᠦᠯᠭᠦ᠂ ᠲᠡᠭᠡᠭᠰᠢ ᠦᠰᠦᠷᠦᠨ ᠪᠥᠮᠪᠥᠭᠡᠶ᠋ᠢ ᠲᠤᠰᠬᠤ᠂ ᠣᠨᠣᠪᠴᠢᠲᠠᠶ ᠬᠣᠷᠢᠭ᠍ᠯᠠᠨ ᠰᠡᠷᠭᠡᠢᠯᠡᠬᠦ ᠁ ᠲᠡᠩᠰᠡᠨ ᠪᠥᠮᠪᠥᠭᠡᠶ᠋ᠢᠨ ᠪᠢᠴᠢᠬᠠᠨ ᠲᠠᠮᠢᠷᠴᠢᠳᠤᠨ ᠬᠥᠳᠡᠯᠭᠡᠭᠡᠨ ᠨᠢ ᠮᠠᠰᠢ ᠪᠤᠯᠪᠠᠰᠤᠷᠠᠩᠭᠤᠢ ᠪᠠᠢᠯᠠ᠃ ᠲᠠᠯᠠᠪᠤᠷᠤᠨ ᠬᠠᠵᠠᠭᠤᠳᠤ᠂ ᠳᠠᠰᠭᠠᠯᠵᠢᠭᠤᠯᠤᠭ᠍ᠴᠢ ᠬᠠᠨ ᠭᠤᠸᠠᠩ ᠴᠧᠩ ᠲᠠᠮᠢᠷᠴᠢᠳᠤᠨ ᠮᠡᠷᠭᠡᠵᠢᠯᠦᠨ ᠬᠥᠳᠡᠯᠦᠯ ᠪᠦᠷᠢᠶ᠋ᠢ ᠨᠠᠷᠢᠨ ᠠᠵᠢᠠᠠᠯᠠᠵᠤ᠂ ᠨᠠᠷᠢᠨ ᠵᠦᠢᠯᠡᠰᠢ ᠴᠠᠭ ᠲᠤᠬᠠᠶᠳᠤᠨᠢ ᠵᠠᠯᠠᠷᠠᠭᠤᠯᠵᠤ᠂ ᠪᠠᠢᠯᠳᠤᠬᠤ ᠠᠷᠭᠠᠶ᠋ᠢ ᠵᠠᠳᠠᠯᠵᠤ᠂ ᠠᠷᠭᠠ ᠲᠡᠮ ᠵᠢᠭᠠᠨᠠ᠃
ᠲᠡᠩᠰᠡᠨ ᠪᠥᠮᠪᠥᠭᠡ ᠨᠢ ᠡᠷᠲᠡᠨᠦ ᠪᠥᠭᠡᠳ ᠥᠪᠡᠷᠮᠢᠴᠡ ᠣᠨᠴᠠᠯᠢᠭᠲᠠᠶ ᠪᠠᠢᠵᠤ᠂ ᠵᠡᠭᠦᠨ ᠡᠮᠦᠨᠡᠲᠦ ᠠᠽᠢᠶᠠᠳᠤ ᠬᠡᠳᠦᠨ ᠵᠠᠭᠤᠨ ᠵᠢᠯ ᠤᠯᠠᠮᠵᠢᠯᠠᠭ᠍ᠳᠠᠵᠤ᠂ ᠭᠦᠨ ᠵᠤᠵᠠᠭᠠᠨ ᠣᠯᠠᠨ ᠲᠦᠮᠡᠡᠴᠢ ᠰᠠᠭᠤᠷᠢᠲᠠᠶ ᠶᠤᠮ᠃ 1982 ᠣᠨᠳᠤ ᠱᠢᠨᠡ ᠳ᠋ᠸᠯᠢ ᠳ᠋ᠥ᠍ ᠪᠣᠯᠤᠭ᠍ᠰᠠᠨ ᠠᠽᠢᠶᠠ ᠲᠢᠪᠦᠨ ᠲᠠᠮᠢᠷᠤᠨ ᠴᠤᠭ᠍ᠯᠠᠭᠠᠨ ᠳᠡᠭᠡᠷᠡ ᠲᠡᠩᠰᠡᠨ ᠪᠥᠮᠪᠥᠭᠡᠶ᠋ᠢ ᠠᠩᠬᠠ ᠤᠳᠠᠭᠠ ᠲᠣᠭ᠍ᠯᠠᠯᠲᠠᠶ᠋ᠢᠨ ᠵᠦᠢᠯ ᠪᠣᠯᠭᠠᠨ ᠲᠡᠯᠭᠡᠨ ᠦᠵᠡᠭᠦᠯᠪᠡ； 1990 ᠣᠨᠤ ᠪᠡᠭᠡᠵᠢᠩᠦᠨ ᠠᠽᠢᠶᠠ ᠲᠢᠪᠦᠨ ᠲᠠᠮᠢᠷᠤᠨ ᠴᠤᠭ᠍ᠯᠠᠭᠠᠨ ᠳᠡᠭᠡᠷᠡ ᠲᠡᠩᠰᠡᠨ ᠪᠥᠮᠪᠥᠭᠡ ᠵᠢᠩᠬᠢᠨᠢ ᠤᠷᠤᠯᠳᠤᠭᠠᠨᠤ ᠵᠦᠢᠯ ᠪᠣᠯᠪᠠ᠃
《ᠲᠡᠩᠰᠡᠨ ᠪᠥᠮᠪᠥᠭᠡᠶ᠋ᠢ ᠪᠠᠰᠠ 〈ᠬᠥᠯᠢᠶᠡᠷ ᠢᠰᠭᠦᠯᠬᠦ᠌ ᠠᠯᠠᠭᠠᠳᠠᠬᠤ ᠪᠥᠮᠪᠥᠭᠡ〉 ᠭᠡᠳᠡᠭ᠂ ᠠᠯᠠᠭᠠᠳᠠᠬᠤ ᠪᠥᠮᠪᠥᠭᠡᠶ᠋ᠢᠨ ᠬᠤᠪᠢ ᠣᠯᠬᠤ ᠳᠦᠷᠢᠮᠲᠡᠶ ᠣᠢᠷᠠᠯᠴᠠᠭᠠ ᠪᠠᠢᠳᠠᠭ᠂ ᠭᠡᠪᠡᠴᠦ᠍ ᠪᠦᠬᠦ᠌ ᠶᠠᠪᠤᠴᠠᠳᠤ ᠬᠥᠯᠢᠶᠡᠷ ᠭᠠᠷᠢ ᠣᠷᠣᠯᠠᠭᠤᠯᠵᠤ᠂ ᠰᠢᠯᠪᠢ ᠭᠤᠶᠠᠪᠡᠷ ᠲᠤᠬᠤᠢᠵᠢ ᠣᠷᠣᠯᠠᠭᠤᠯᠵᠤ᠂ ᠲᠠᠮᠢᠷᠴᠢᠳᠤᠨ ᠶᠡᠷᠦᠩᠬᠡᠢᠯᠡᠭ᠌ᠰᠡᠨ ᠬᠡᠪ ᠴᠢᠨᠠᠷᠲᠤ ᠮᠠᠰᠢ ᠥᠨᠳᠥᠷ ᠱᠠᠭᠠᠷᠳᠠᠯᠭᠠᠲᠠᠶ ᠪᠠᠢᠳᠠᠭ》᠃ ᠶᠠᠭ᠍ᠰᠢ ᠬᠣᠲᠠᠶ᠋ᠢᠨ ᠨᠢᠭᠡᠳᠦᠭᠡᠷ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢᠶ᠋ᠢᠨ ᠪᠡᠶᠡᠶ᠋ᠢᠨ ᠲᠠᠮᠢᠷᠤᠨ ᠪᠠᠭ᠍ᠰᠢ᠂ ᠤᠯᠤᠰᠤᠨ ᠲᠡᠩᠰᠡᠨ ᠪᠥᠮᠪᠥᠭᠡᠶ᠋ᠢᠨ ᠲᠥᠪᠯᠡᠷᠡᠭᠦᠯᠦᠨ ᠪᠣᠯᠪᠠᠰᠤᠷᠠᠭᠤᠯᠬᠤ ᠠᠩᠭᠢᠶ᠋ᠢᠨ ᠭᠤᠤᠯ ᠳᠠᠰᠭᠠᠯᠵᠢᠭᠤᠯᠤᠭ᠍ᠴᠢ ᠬᠠᠨ ᠭᠤᠸᠠᠩ ᠴᠧᠩ᠂ ᠡᠨᠡ ᠬᠦ᠌ ᠲᠠᠮᠢᠷᠤᠨ ᠬᠥᠳᠡᠯᠭᠡᠭᠡᠨᠳᠦ ᠲᠠᠮᠢᠷᠴᠢᠳᠤᠨ ᠬᠦᠴᠦᠨ ᠴᠢᠳᠠᠯ᠂ ᠤᠶᠠᠨ ᠬᠠᠳᠠᠨ᠂ ᠬᠤᠷᠳᠤᠴᠠ᠂ ᠵᠣᠬᠢᠴᠠᠩᠭᠤᠶ ᠴᠢᠨᠠᠷ ᠪᠠ ᠰᠡᠷᠭᠡᠭᠤᠨ ᠬᠡᠮᠵᠢᠶᠡ ᠵᠢ ᠪᠦᠷᠢᠨ ᠲᠡᠭᠦᠯᠳᠡᠷ ᠠᠭᠤᠰᠤᠯᠴᠠᠭᠤᠯᠵᠤ᠂ ᠬᠥᠯ᠂ ᠰᠢᠯᠪᠢ᠂ ᠮᠥᠷᠥ᠍᠂ ᠲᠣᠯᠣᠭᠠᠶ ᠵᠡᠷᠭᠡ ᠪᠡᠶᠡᠶ᠋ᠢᠨ ᠣᠯᠠᠨ ᠬᠡᠰᠡᠭ ᠴᠥᠮ ᠪᠥᠮᠪᠥᠭᠡ ᠡᠵᠡᠮᠳᠡᠬᠦ᠌ᠳᠦ ᠣᠷᠣᠯᠴᠠᠬᠤ ᠬᠡᠷᠡᠭ᠌ᠲᠡᠶ᠂ ᠳᠠᠭᠠᠷᠢᠬᠤ ᠪᠠ ᠰᠡᠷᠭᠡᠢᠯᠡᠬᠦ᠌ᠶ᠋ᠢᠨ ᠱᠢᠯᠵᠢᠬᠦ᠌ ᠠᠢᠵᠠᠮᠨᠢ ᠴᠤ᠌ ᠲᠦᠷᠭᠡᠨ᠂ ᠰᠣᠨᠢᠷᠬᠠᠯᠤᠨ ᠴᠢᠨᠠᠷᠢᠶᠠᠷ ᠮᠠᠰᠢ ᠴᠢᠩᠭᠠ ᠪᠠᠢᠵᠤ᠂ ᠲᠠᠮᠢᠷᠴᠢᠳᠤᠨ ᠦᠨᠳᠦᠰᠦᠨ ᠴᠢᠳᠠᠪᠤᠷᠢ ᠪᠠ ᠲᠤᠬᠠᠶᠶ᠋ᠢᠨ ᠲᠠᠯᠠᠪᠤᠷᠲᠤ ᠵᠣᠬᠢᠴᠠᠬᠤ ᠴᠢᠳᠠᠪᠤᠷᠢᠶ᠋ᠢ ᠱᠢᠯᠭᠠᠳᠠᠭ ᠭᠡᠵᠦ ᠬᠡᠯᠡᠪᠡ᠃
ᠶᠠᠭ᠍ᠰᠢ ᠪᠣᠯ ᠤᠯᠤᠰᠤᠨ ᠳᠣᠲᠣᠭᠠᠳᠤᠳᠤ ᠬᠠᠮᠤᠭᠤᠨ ᠡᠷᠲᠡ ᠲᠡᠩᠰᠡᠨ ᠪᠥᠮᠪᠥᠭᠡᠶ᠋ᠢᠨ ᠬᠥᠳᠡᠯᠭᠡᠭᠡᠨ ᠥᠷᠨᠢᠭᠦᠯᠦᠭ᠌ᠰᠡᠨ ᠭᠠᠵᠠᠷ ᠣᠷᠣᠨᠤ ᠨᠢᠭᠡ ᠪᠣᠯᠤᠨᠠ᠂ ᠡᠨᠡ ᠬᠦ᠌ ᠬᠥᠳᠡᠯᠭᠡᠭᠡᠨ ᠨᠢ ᠶᠠᠭ᠍ᠰᠢᠳᠤ ᠭᠦᠨ ᠵᠤᠵᠠᠭᠠᠨ ᠬᠥᠭ᠌ᠵᠢᠯᠲᠡᠶ᠋ᠢᠨ ᠦᠨᠳᠦᠰᠦ ᠰᠠᠭᠤᠷᠢᠲᠠᠶ ᠶᠤᠮ᠃ ᠠᠯᠢ ᠡᠷᠲᠡ 1988 ᠣᠨᠳᠤ᠂ ᠶᠠᠭ᠍ᠰᠢᠶ᠋ᠢᠨ ᠶᠡᠬᠡ ᠲᠤᠯᠢ ᠭᠤᠤᠯᠤᠨ ᠲᠡᠮᠦᠷ ᠵᠠᠮᠤᠨ ᠨᠢᠭᠡᠳᠦᠭᠡᠷ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢᠳᠤ ᠡᠩ ᠲᠡᠷᠢᠭᠦᠨᠳᠦ ᠲᠡᠩᠰᠡᠨ ᠪᠥᠮᠪᠥᠭᠡ ᠣᠷᠣᠭᠤᠯᠵᠤ᠂ ᠲᠡᠷᠡ ᠦᠶᠡᠳᠦ ᠲᠡᠩᠰᠡᠨ ᠪᠥᠮᠪᠥᠭᠡ ᠵᠢᠨ ᠬᠦᠳᠡᠯᠭᠡᠭᠡᠨ ᠳᠤᠮᠳᠠᠳᠤ ᠤᠯᠤᠰᠲᠤ ᠬᠠᠷᠬᠠᠨ ᠲᠡᠯᠭᠡᠷᠡᠭᠡᠳᠦᠢ ᠪᠠᠢᠵᠤ ᠂ ᠡᠨᠡ ᠬᠡᠰᠡᠭ ᠭᠠᠵᠠᠷ ᠨᠤᠲᠤᠭ ᠨᠢ ᠲᠠᠷᠤᠢ ᠤᠯᠤᠰᠤᠨ ᠳᠣᠲᠣᠭᠠᠳᠤᠶ᠋ᠢᠨ ᠲᠡᠩᠰᠡᠨ ᠪᠥᠮᠪᠥᠭᠡᠶ᠋ᠢᠨ ᠬᠥᠳᠡᠯᠭᠡᠭᠡᠨᠦ ᠰᠣᠶᠣᠭᠠᠯᠠᠯ ᠤ᠋ᠨ ᠭᠠᠵᠠᠷ ᠪᠣᠯᠤᠭ᠍ᠰᠠᠨ ᠪᠠᠢᠨᠠ᠃ 1990 ᠣᠨᠳᠤ ᠪᠡᠭᠡᠵᠢᠩᠦᠨ ᠠᠽᠢᠶᠠ ᠲᠢᠪᠦᠨ ᠲᠠᠮᠢᠷᠤᠨ ᠴᠤᠭ᠍ᠯᠠᠭᠠᠨᠳᠤ ᠶᠡᠬᠡ ᠲᠤᠯᠢ ᠭᠣᠣᠯᠤᠨ ᠲᠠᠮᠢᠷᠤᠨ ᠰᠤᠷᠭᠠᠭᠤᠯᠢᠡᠴᠡ ᠲᠠᠮᠢᠷᠴᠢᠨ ᠰᠣᠩᠭᠣᠨ ᠤᠷᠤᠯᠳᠤᠭᠠᠨᠳᠤ ᠣᠷᠣᠯᠴᠠᠭᠤᠯᠵᠤ᠂ ᠶᠠᠭ᠍ᠰᠢᠶ᠋ᠢᠨ ᠲᠡᠩᠰᠡᠨ ᠪᠥᠮᠪᠥᠭᠡ ᠤᠯᠤᠰᠤᠨ ᠳᠣᠲᠣᠭᠠᠳᠤᠶ᠋ᠢᠨ ᠲᠣᠮᠣ ᠬᠡᠯᠪᠡᠷᠢᠶ᠋ᠢᠨ ᠤᠷᠤᠯᠳᠤᠭᠠᠨᠤ ᠲᠠᠪᠴᠠᠩᠳᠤ ᠵᠢᠩᠬᠢᠨᠢᠪᠡᠷ ᠭᠠᠷᠪᠠ᠃
ᠬᠠᠨ ᠭᠤᠸᠠᠩ ᠴᠧᠩ ᠪᠣᠯ ᠶᠠᠭ᠍ᠰᠢᠶ᠋ᠢᠨ ᠲᠡᠩᠰᠡᠨ ᠪᠥᠮᠪᠥᠭᠡᠶ᠋ᠢᠨ ᠬᠦᠭᠵᠢᠯ ᠮᠠᠨᠳᠤᠯ ᠤ᠋ᠨ ᠭᠡᠷᠡᠴᠢᠯᠡᠭ᠌ᠴᠢ ᠪᠠ ᠠᠬᠢᠭᠤᠯᠤᠭ᠍ᠴᠢ ᠮᠥᠨ᠃ 1991 ᠣᠨᠳᠤ ᠲᠡᠷᠡ ᠲᠡᠩᠰᠡᠨ ᠪᠥᠮᠪᠥᠭᠡᠲᠡᠶ ᠣᠢᠷᠠᠳᠴᠠᠢ᠃ ᠡᠭᠦᠨᠡᠴᠡ ᠬᠣᠢᠱᠢᠬᠢ ᠬᠡᠳᠦᠨ ᠠᠷᠪᠠᠨ ᠵᠢᠯᠳᠦ᠂ ᠵᠠᠯᠠᠭᠤᠴᠤᠳ ᠪᠠᠭᠠᠴᠤᠳᠤᠨ ᠰᠢᠯᠢᠳᠡᠭ ᠡᠴᠡ ᠨᠢ ᠱᠢᠯᠢᠨ ᠰᠣᠩᠭᠣᠵᠤ᠂ ᠲᠡᠩᠰᠡᠨ ᠪᠥᠮᠪᠥᠭᠡᠶ᠋ᠢᠨ ᠡᠩᠨᠡᠭᠡᠶ᠋ᠢ ᠵᠣᠬᠢᠶᠠᠨ ᠪᠠᠢᠭᠤᠯᠵᠤ᠂ ᠱᠢᠰᠲ᠋ᠧᠮᠵᠢᠭ᠌ᠰᠡᠨ᠂ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠴᠢᠯᠠᠭ᠍ᠰᠠᠨ ᠵᠠᠯᠠᠭᠤᠴᠤᠳ ᠪᠠᠭᠠᠴᠤᠳᠢ ᠬᠥᠮᠦᠵᠢᠭᠦᠯᠬᠦ᠌ ᠱᠢᠰᠲ᠋ᠧᠮᠢ ᠪᠠᠢᠭᠤᠯᠪᠠ ᠁ ᠲᠡᠩᠰᠡᠨ ᠪᠥᠮᠪᠥᠭᠡᠶ᠋ᠢᠨ ᠬᠥᠭ᠌ᠵᠢᠯᠲᠡᠶ᠋ᠢᠨ ᠦᠨᠳᠦᠰᠦ ᠰᠠᠭᠤᠷᠢ ᠨᠢ ᠶᠠᠭ᠍ᠰᠢᠳᠤ ᠠᠯᠬᠤᠮ ᠠᠯᠬᠤᠮᠢᠶᠠᠷ ᠪᠡᠬᠢᠵᠢᠪᠡ᠃ 2010 ᠣᠨᠡᠴᠡ ᠡᠬᠢᠯᠡᠨ᠂ ᠭᠤᠸᠠᠩᠵᠧᠦ᠍ᠶ᠋ᠢᠨ ᠠᠽᠢᠶᠠ ᠲᠢᠪᠦᠨ ᠲᠠᠮᠢᠷᠤᠨ ᠴᠤᠭ᠍ᠯᠠᠭᠠᠨ᠂ ᠺᠣᠷᠢᠶᠠᠶ᠋ᠢᠨ ᠹᠦᠰᠠᠨᠤ ᠠᠽᠢᠶᠠ ᠲᠢᠪᠦᠨ ᠲᠠᠮᠢᠷᠤᠨ ᠴᠤᠭ᠍ᠯᠠᠭᠠᠨᠡᠴᠡ ᠬᠤᠢᠨᠠᠬᠢ ᠲᠤᠩ ᠤᠯᠠᠨ ᠣᠯᠠᠨ ᠤᠯᠤᠰᠤᠨ ᠤᠷᠤᠯᠳᠤᠭᠠᠨ ᠬᠦᠷᠲᠡᠯᠡ᠂ ᠶᠠᠭ᠍ᠰᠢᠶ᠋ᠢᠨ ᠬᠥᠮᠦᠵᠢᠭᠦᠯᠦᠭ᠌ᠰᠡᠨ ᠲᠠᠮᠢᠷᠴᠢᠳ ᠵᠠᠯᠭᠠᠭᠠᠪᠠᠷ ᠤᠯᠤᠰᠤᠨ ᠠᠩᠭᠢᠳᠤ ᠣᠷᠣᠵᠤ᠂ ᠣᠯᠠᠨ ᠤᠯᠤᠰᠤᠨ ᠤᠷᠤᠯᠳᠤᠭᠠᠨᠤ ᠲᠠᠯᠠᠪᠤᠷᠲᠤ ᠪᠠᠢᠯᠳᠤᠪᠠ᠃
2016 ᠣᠨ ᠪᠣᠯ ᠶᠠᠭ᠍ᠰᠢᠶ᠋ᠢᠨ ᠲᠡᠩᠰᠡᠨ ᠪᠥᠮᠪᠥᠭᠡᠶ᠋ᠢᠨ ᠬᠥᠭ᠌ᠵᠢᠯᠲᠡᠶ᠋ᠢᠨ ᠵᠠᠩᠭᠢᠯᠠᠭᠠᠶ᠋ᠢᠨ ᠡᠷᠭᠢᠯᠲᠡᠶ᠋ᠢᠨ ᠴᠠᠭ ᠪᠣᠯᠤᠨᠠ᠂ 10 ᠭᠠᠷᠤᠢ ᠵᠢᠯᠦᠨ ᠱᠢᠰᠲ᠋ᠧᠮᠲᠦ ᠬᠥᠮᠦᠵᠢᠭᠦᠯᠦᠯᠢᠶᠡᠷ ᠳᠠᠮᠵᠢᠨ᠂ ᠨᠢᠭᠡ ᠪᠦᠯᠦᠭ ᠲᠤᠰ ᠭᠠᠵᠠᠷᠤᠨ ᠲᠠᠮᠢᠷᠴᠢᠨ ᠪᠣᠯᠪᠠᠰᠤᠷᠠᠭᠳᠠᠨ᠂ ᠥᠪᠥᠷ ᠮᠣᠩᠭᠣᠯᠤᠨ ᠲᠡᠩᠰᠡᠨᠪᠥᠮᠪᠥᠭᠡᠶ᠋ᠢᠨ ᠪᠦᠬᠦ᠌ ᠤᠯᠤᠰᠤᠨ ᠤᠷᠤᠯᠳᠤᠭᠠᠨᠳᠤ ᠵᠦᠪᠬᠡᠨ ᠭᠤᠷᠪᠠᠳᠤᠭᠠᠷ ᠳᠦᠷᠪᠡᠳᠦᠭᠡᠷ ᠨᠡᠷᠡᠰ ᠲᠤ᠌ ᠯᠡ ᠤᠷᠤᠬᠤ ᠪᠣᠭᠣᠮᠢᠶ᠋ᠢ ᠡᠪᠳᠡᠵᠦ᠍᠂ ᠤᠯᠤᠰᠤᠨ ᠳᠣᠲᠣᠭᠠᠳᠤᠶ᠋ᠢᠨ ᠲᠡᠷᠢᠭᠦᠨᠦ ᠲᠦᠪᠱᠢᠨᠳᠦ ᠬᠦᠷᠴᠡᠢ᠃
2020 ᠣᠨᠳᠤ᠂ ᠤᠯᠤᠰᠤᠨ ᠪᠡᠶᠡᠶ᠋ᠢᠨ ᠲᠠᠮᠢᠷᠤᠨ ᠶᠡᠷᠦᠩᠬᠡᠶ ᠲᠣᠪᠴᠢᠶᠠᠶ᠋ᠢᠨ ᠵᠢᠵᠢᠭ ᠪᠥᠮᠪᠥᠭᠡᠶ᠋ᠢᠨ ᠬᠥᠳᠡᠯᠭᠡᠭᠡᠨᠦ ᠬᠠᠮᠢᠶᠠᠷᠤᠯᠲᠠᠶ᠋ᠢᠨ ᠲᠥᠪ᠂ ᠥᠪᠥᠷ ᠮᠣᠩᠭᠣᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠪᠡᠶᠡᠶ᠋ᠢᠨ ᠲᠠᠮᠢᠷᠤᠨ ᠲᠣᠪᠴᠢᠶᠠ᠂ ᠬᠥᠯᠥᠨ ᠪᠣᠢᠷ ᠬᠣᠲᠠᠶ᠋ᠢᠨ ᠪᠡᠶᠡᠶ᠋ᠢᠨ ᠲᠠᠮᠢᠷᠤᠨ ᠲᠣᠪᠴᠢᠶᠠ᠂ ᠶᠠᠭ᠍ᠰᠢ ᠬᠣᠲᠠᠶ᠋ᠢᠨ ᠠᠷᠠᠳᠤᠨ ᠵᠠᠰᠠᠭᠤᠨ ᠣᠷᠳᠣᠨ ᠡᠴᠡ ᠬᠠᠮᠲᠤᠪᠠᠷ 《ᠤᠯᠤᠰᠤᠨ ᠲᠡᠨᠭᠰᠡᠨ ᠪᠥᠮᠪᠥᠭᠡᠶ᠋ᠢᠨ ᠲᠥᠪᠯᠡᠷᠡᠭᠦᠯᠦᠨ ᠪᠣᠯᠪᠠᠰᠤᠷᠠᠭᠤᠯᠬᠤ ᠠᠩᠭᠢ （ᠥᠪᠥᠷ ᠮᠣᠩᠭᠣᠯ）ᠶ᠋ᠢ ᠬᠠᠮᠲᠤᠪᠠᠷ ᠪᠠᠢᠭᠤᠯᠬᠤ ᠬᠠᠮᠲᠤᠷᠠᠯᠴᠠᠭᠠᠨᠤ ᠵᠥᠪᠯᠡᠯᠴᠡᠭᠡᠷ》ᠲᠤ᠌ ᠭᠠᠷᠤᠨ ᠥᠰᠥᠭ ᠵᠢᠷᠤᠵᠤ᠂ ᠶᠠᠭ᠍ᠰᠢᠳᠤ ᠤᠯᠤᠰᠤᠨ ᠳᠣᠲᠣᠭᠠᠳᠤᠶ᠋ᠢᠨ ᠠᠩᠬᠠᠳᠠᠭ᠍ᠴᠢ ᠲᠡᠨᠭᠰᠡᠨ ᠪᠥᠮᠪᠥᠭᠡᠶ᠋ᠢᠨ ᠲᠥᠷᠥᠯ ᠵᠦᠶ᠋ᠯᠦᠨ ᠤᠯᠤᠰᠤᠨ ᠠᠩᠭᠢᠶ᠋ᠢᠨ ᠬᠠᠮᠲᠤᠪᠠᠷ ᠪᠠᠢᠭᠤᠯᠬᠤ ᠰᠠᠭᠤᠷᠢᠨᠢ ᠪᠠᠢᠭᠤᠯᠪᠠ᠃
ᠰᠠᠭᠤᠷᠢᠨ ᠪᠠᠢᠭᠤᠯᠤᠭ᠍ᠳᠠᠭ᠍ᠰᠠᠨᠡᠴᠡ ᠨᠠᠭᠠᠰᠢ᠂ ᠤᠯᠤᠰᠤᠨ ᠲᠡᠨᠭᠰᠠᠨ ᠪᠥᠮᠪᠥᠭᠡᠶ᠋ᠢᠨ ᠲᠥᠪᠯᠡᠷᠡᠭᠦᠯᠦᠨ ᠪᠣᠯᠪᠠᠰᠤᠷᠠᠭᠤᠯᠬᠤ ᠠᠩᠭᠢᠨᠢ ᠤᠷᠤᠯᠳᠤᠭᠠᠨᠢᠶᠠᠷ ᠪᠣᠯᠪᠠᠰᠤᠷᠠᠯᠢ ᠣᠷᠣᠯᠠᠭᠤᠯᠬᠤ᠂ ᠤᠷᠤᠯᠳᠤᠭᠠᠨᠢᠶᠠᠷ ᠪᠣᠯᠪᠠᠰᠤᠷᠠᠯᠢ ᠠᠬᠢᠭᠤᠯᠬᠤᠶ᠋ᠢ ᠪᠠᠷᠢᠮᠲᠠᠯᠠᠵᠤ᠂ ᠪᠠᠢᠩᠭᠤᠵᠢᠭ᠍ᠰᠠᠨ ᠥᠨᠳᠥᠷ ᠡᠷᠴᠢᠮ ᠲᠡᠶ ᠪᠣᠯᠪᠠᠰᠤᠷᠠᠯᠤᠨ ᠲᠣᠭ᠍ᠲᠠᠴᠠᠶ᠋ᠢ ᠪᠠᠢᠭᠤᠯᠵᠤ᠂ ᠡᠳᠦᠷ ᠪᠦᠷᠢᠶ᠋ᠢᠨ ᠪᠣᠯᠪᠠᠰᠤᠷᠠᠯᠤᠨ ᠴᠠᠭ ᠨᠢ 6 ᠴᠠᠭ ᠪᠠᠢᠵᠤ᠂ ᠠᠩᠬᠠ ᠵᠡᠷᠭᠡᠶ᠋ᠢᠨ ᠪᠠ ᠥᠨᠳᠥᠷ ᠵᠡᠷᠭᠡᠶ᠋ᠢᠨ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢᠶ᠋ᠢᠨ ᠭᠡᠱᠢᠭᠦᠳ ᠣᠷᠣᠢ ᠪᠦᠷᠢ ᠪᠣᠯᠪᠠᠰᠤᠷᠠᠯ ᠬᠢᠬᠦ᠌ᠶ᠋ᠢ ᠪᠠᠷᠢᠮᠲᠠᠯᠠᠵᠤ᠂ ᠪᠦᠬᠦ᠌ ᠵᠢᠯᠦᠨ ᠥᠨᠳᠥᠷ ᠡᠷᠴᠢᠮᠲᠡᠶ ᠪᠣᠯᠪᠠᠰᠤᠷᠠᠯᠢ ᠶᠡᠷᠦ᠍ᠡᠴᠡ ᠲᠠᠰᠤᠯᠳᠠᠭᠤᠯᠤᠭ᠍ᠰᠠᠨ ᠦᠭᠡᠢ ᠪᠠᠢᠯᠠ᠃
ᠴᠢᠳᠠᠪᠤᠷᠢᠲᠠᠨ ᠰᠣᠩᠭᠣᠨ ᠬᠥᠮᠦᠵᠢᠭᠦᠯᠬᠦ᠌ ᠲᠠᠯᠠᠪᠠᠷ᠂ ᠳᠠᠰᠭᠠᠯᠵᠢᠭᠤᠯᠤᠭ᠍ᠴᠢᠵᠢᠨ ᠪᠦᠯᠬᠦᠮᠨᠢ ᠪᠡᠶᠡ ᠮᠠᠬᠠᠪᠣᠳᠤᠨ ᠬᠡᠪ ᠴᠢᠨᠠᠷ᠂ ᠲᠤᠰᠭᠠᠯᠤᠨ ᠬᠤᠷᠳᠤᠴᠠ᠂ ᠬᠥᠳᠡᠯᠭᠡᠭᠡᠨᠦ ᠲᠥᠷᠥᠯᠬᠢ ᠠᠪᠢᠶᠠᠰ᠂ ᠰᠡᠳᠭᠢᠴᠡᠶ᠋ᠢᠨ ᠬᠡᠪ ᠴᠢᠨᠠᠷ ᠵᠡᠷᠭᠡ ᠣᠯᠠᠨ ᠲᠠᠯᠠᠡᠴᠡ ᠰᠢᠯᠢᠳᠡᠭᠢ ᠨᠢ ᠰᠢᠯᠢᠨ ᠰᠣᠩᠭᠣᠵᠤ᠂ 《ᠪᠠᠭᠠ ᠰᠤᠷᠭᠠᠭᠤᠯᠢᠳᠦᠨᠢ ᠰᠡᠩᠭᠡᠷᠡᠭᠦᠯᠬᠦ᠂ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢᠳᠦᠨᠢ ᠭᠦᠨᠵᠡᠭᠡᠢ ᠪᠤᠯᠪᠠᠰᠤᠷᠠᠭᠤᠯᠵᠤ᠂ ᠤᠯᠤᠰᠤᠨ ᠠᠩᠭᠢᠳᠤ ᠬᠦᠷᠭᠡᠬᠦ᠌》 ᠪᠥᠬᠥ᠌ ᠬᠡᠯᠬᠢᠶᠡᠪᠡᠷ ᠬᠥᠮᠦᠵᠢᠭᠦᠯᠬᠦ᠌ ᠵᠠᠭ᠍ᠪᠤᠷᠢ ᠪᠠᠢᠭᠤᠯᠪᠠ᠃ ᠣᠳᠣ ᠶᠠᠭ᠍ᠰᠢ ᠨᠢᠭᠡᠨᠲᠡ ᠲᠡᠨᠭᠰᠡᠨ ᠪᠥᠮᠪᠥᠭᠡᠶ᠋ᠢᠨ ᠤᠯᠤᠰᠤᠨ ᠠᠩᠭᠢᠶ᠋ᠢᠨ ᠭᠡᠱᠢᠭᠦᠨᠢ ᠨᠡᠢᠲᠡ 50 ᠭᠠᠷᠤᠶ ᠬᠥᠮᠦᠨ ᠤᠳᠠᠭᠠ ᠬᠥᠮᠦᠵᠢᠭᠦᠯᠪᠡ᠃
ᠪᠣᠯᠪᠠᠰᠤᠷᠠᠯᠤᠨ ᠲᠠᠯᠠᠪᠠᠢᠳᠤ᠂ ᠪᠡᠶᠡᠶ᠋ᠢᠨ ᠥᠨᠳᠥᠷᠨᠢ ᠬᠣᠶᠠᠷ ᠮᠧᠲ᠋ᠷᠲᠦ ᠬᠦᠷᠦᠭ᠌ᠰᠡᠨ 2000 ᠣᠨᠡᠴᠡ ᠰᠡᠭᠦᠯᠡᠷ ᠲᠦᠷᠦᠭᠰᠡᠨ ᠪᠢᠴᠢᠬᠠᠨ ᠲᠠᠮᠢᠷᠴᠢᠨ ᠮᠠ ᠾᠸ᠂ ᠣᠯᠠᠨᠠᠴᠠ ᠤᠨᠴᠠᠭᠠᠢ ᠪᠡᠶᠡᠶ᠋ᠢᠨ ᠥᠨᠳᠥᠷ ᠪᠠ ᠯᠠᠪᠳᠠᠭᠤᠨ ᠪᠠᠲᠤᠲᠠᠶ ᠮᠡᠷᠭᠡᠵᠢᠯᠳᠡᠭᠡᠨ ᠲᠦᠱᠢᠭ᠌ᠯᠡᠨ᠂ ᠠᠩᠭᠢᠶ᠋ᠢᠨ ᠳᠣᠲᠣᠷᠠᠪᠠᠨ ᠪᠥᠮᠪᠥᠭᠡ ᠡᠬᠢᠯᠡᠭᠦᠯᠬᠦ᠌ ᠡᠭᠦᠷᠭᠡᠶ᠋ᠢ ᠡᠭᠦᠷᠭᠡᠯᠡᠳᠡᠭ᠃ ᠲᠤᠬᠠᠶᠶ᠋ᠢᠨ ᠭᠠᠵᠠᠷᠤᠨ ᠱᠢᠯᠢᠳᠡᠭ ᠵᠠᠯᠠᠭᠤ ᠲᠠᠮᠢᠷᠴᠢᠨ ᠪᠣᠯᠤᠭ᠍ᠰᠠᠨᠤ ᠬᠤᠪᠢᠳᠤ᠂ ᠲᠡᠷᠡ ᠠᠩᠬᠠ ᠵᠡᠷᠭᠡᠶ᠋ᠢᠨ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢᠶ᠋ᠢᠨ ᠬᠣᠶᠠᠳᠤᠭᠠᠷ ᠣᠨᠳᠤ ᠳᠠᠰᠭᠠᠯᠵᠢᠭᠤᠯᠤᠭ᠍ᠴᠢᠳ᠋ᠠᠭᠠᠨ ᠲᠠᠨᠢᠭᠳᠠᠭᠰᠠᠨᠦ ᠳᠠᠷᠠᠭᠠ᠂ ᠪᠦᠬᠦ᠌ ᠰᠡᠳᠭᠢᠯ ᠪᠦᠬᠦ᠌ ᠵᠣᠷᠢᠭᠢᠶᠠᠷ ᠲᠡᠨᠭᠰᠡᠨ ᠪᠥᠮᠪᠥᠭᠡᠶ᠋ᠢᠨ ᠪᠣᠯᠪᠠᠰᠤᠷᠠᠯᠳᠤ ᠣᠷᠣᠯᠴᠠᠪᠠ᠃ ᠳᠡᠷᠡ ᠪᠡᠷ ᠮᠦᠨ 2023 ᠣᠨᠳᠤ ᠤᠯᠤᠰᠤᠨ ᠠᠩᠭᠢᠳᠤ ᠠᠮᠵᠢᠯᠲᠠᠲᠠᠶ ᠰᠣᠩᠭᠣᠭ᠍ᠳᠠᠨ ᠣᠷᠣᠵᠤ᠂ ᠤᠷᠢᠳ ᠬᠣᠵᠢᠳ ᠣᠯᠠᠨ ᠤᠯᠤᠰᠤᠨ ᠣᠯᠠᠨ ᠵᠦᠶ᠋ᠯᠦᠨ ᠤᠷᠤᠯᠳᠤᠭᠠᠨᠳᠤ ᠣᠷᠣᠯᠴᠠᠵᠠᠶ᠃
《ᠮᠢᠨᠦ᠍ ᠬᠠᠮᠤᠭᠤᠨ ᠶᠡᠬᠡ ᠬᠠᠷᠠᠯᠲᠠ ᠪᠣᠯ ᠠᠽᠢᠶᠠ ᠲᠢᠪᠦᠨ ᠪᠡᠶᠡᠶ᠋ᠢᠨ ᠲᠠᠮᠢᠷᠤᠨ ᠴᠤᠭ᠍ᠯᠠᠭᠠᠨᠳᠤ ᠣᠷᠣᠵᠤ᠂ ᠠᠽᠢᠶᠠ ᠲᠢᠪᠦᠨ ᠪᠡᠶᠡᠶ᠋ᠢᠨ ᠲᠠᠮᠢᠷᠤᠨ ᠴᠤᠭ᠍ᠯᠠᠭᠠᠨᠤ ᠤᠷᠤᠯᠳᠤᠭᠠᠨᠤ ᠲᠠᠯᠠᠪᠤᠷᠲᠤ ᠡᠬᠡ ᠤᠯᠤᠰᠲᠠᠭᠠᠨ ᠢᠷᠠᠭᠤ ᠠᠯᠳᠠᠷ ᠣᠯᠭᠣᠬᠤ ᠶᠠᠪᠤᠳᠠᠯ ᠪᠣᠯᠤᠨᠠ》᠃ ᠢᠷᠡᠭᠡᠳᠦᠢᠵᠢᠨ ᠲᠤᠬᠠᠢ ᠶᠠᠷᠢᠬᠤᠳᠤ ᠮᠠ ᠾᠸ ᠢᠲᠡᠭᠡᠯ ᠲᠡᠭᠦᠯᠳᠡᠷ ᠪᠠᠢᠯᠠ᠃
ᠣᠳᠣᠬᠠᠨᠳᠤ᠂ ᠶᠠᠭ᠍ᠰᠢ ᠨᠢᠭᠡᠨᠲᠡ ᠲᠡᠨᠭᠰᠡᠨ ᠪᠥᠮᠪᠥᠭᠡᠶ᠋ᠢᠨ ᠤᠯᠤᠰᠤᠨ ᠠᠩᠭᠢᠶ᠋ᠢᠨ 5 ᠱᠢᠯᠢᠳᠡᠭ ᠲᠠᠮᠢᠷᠴᠢᠨᠢ ᠲᠤᠰᠭᠠᠢᠯᠠᠨ ᠲᠠᠲᠠᠨ ᠠᠪᠴᠢᠷᠠᠵᠤ᠂ ᠲᠡᠳᠡᠨᠤᠰ ᠪᠣᠯ ᠳᠠᠰᠭᠠᠯᠵᠢᠭᠤᠯᠤᠭ᠍ᠴᠢ ᠪᠣᠯᠬᠤ ᠮᠦᠷᠳᠡᠭᠡᠨ ᠪᠠᠰᠠ ᠴᠤ᠌ ᠲᠡᠷᠢᠭᠦᠨᠳᠦ ᠣᠷᠣᠬᠤᠪᠠᠷ ᠡᠷᠡᠯᠬᠡᠭ᠌ᠯᠡᠨ ᠲᠡᠮᠡᠴᠡᠳᠡᠭ ᠲᠠᠮᠢᠷᠴᠢᠨ ᠪᠠᠢᠵᠤ᠂ ᠤᠷᠤᠯᠳᠤᠭᠠᠨᠤ ᠲᠠᠯᠠᠪᠠᠢ ᠪᠠ ᠪᠣᠯᠪᠠᠰᠤᠷᠠᠯᠤᠨ ᠲᠠᠯᠠᠪᠠᠢ ᠳᠡᠭᠡᠷᠡ ᠦᠷᠭᠦᠯᠵᠢᠯᠡᠨ ᠭᠡᠷᠡᠯ ᠭᠢᠯᠪᠠᠭᠠᠪᠠᠨ ᠰᠠᠴᠤᠷᠠᠭᠤᠯᠵᠤ ᠪᠠᠢᠨᠠ᠃ ᠨᠡᠩ ᠣᠯᠳᠠᠰᠢ ᠦᠭᠡᠢ ᠨᠢ ᠲᠡᠳᠡ ᠪᠣᠯ ᠴᠥᠮ ᠶᠠᠭ᠍ᠰᠢ ᠨᠢᠭᠡᠳᠦᠭᠡᠷ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢᠡᠴᠡ ᠭᠠᠷᠴᠤ᠌ ᠶᠠᠪᠤᠭᠰᠠᠨ ᠰᠤᠷᠤᠭ᠍ᠴᠢᠳ ᠪᠣᠯᠤᠨᠠ᠃ ᠲᠡᠳᠡᠨᠦ ᠬᠠᠮᠲᠤᠶ᠋ᠢᠨ ᠴᠢᠷᠮᠠᠢᠯᠭᠠᠪᠠᠷ᠂ ᠶᠠᠭ᠍ᠰᠢᠶ᠋ᠢᠨ ᠲᠡᠨᠭᠰᠡᠨ ᠪᠥᠮᠪᠥᠭᠡᠶ᠋ᠢᠨ ᠴᠢᠳᠠᠪᠤᠷᠢᠲᠠᠨᠤ ᠵᠢᠭ᠍ᠰᠠᠯ ᠤᠯᠠᠮ ᠲᠡᠭᠦᠯᠳᠡᠷᠵᠢᠵᠦ᠍᠂ ᠪᠣᠯᠪᠠᠰᠤᠷᠠᠯᠤᠨ ᠱᠢᠰᠲ᠋ᠧᠮ ᠤᠯᠠᠮ ᠪᠣᠯᠪᠠᠰᠤᠷᠠᠨᠭᠭᠤᠢ ᠪᠤᠯᠵᠤ᠂ ᠦᠷᠢᠰᠦᠯᠳᠦᠭᠡᠨᠤ ᠲᠦᠪᠱᠢᠨ ᠦᠷᠭᠦᠯᠵᠢᠯᠡᠨ ᠳᠡᠭᠡᠭ᠌ᠰᠢᠯᠡᠵᠦ᠍᠂ ᠲᠤᠰ ᠭᠠᠵᠠᠷᠤᠨ ᠲᠡᠨᠭᠰᠡᠨ ᠪᠥᠮᠪᠥᠭᠡᠶ᠋ᠢᠨ ᠬᠥᠳᠡᠯᠭᠡᠭᠡᠨᠦ ᠠᠭᠤᠷ ᠠᠮᠢᠰᠭᠤᠯ ᠤᠯᠠᠮ ᠥᠳᠭᠡᠨ ᠪᠣᠯᠵᠠᠢ᠃
［ᠰᠤᠷᠪᠤᠯᠵᠢᠯᠠᠭ᠍ᠴᠢᠶ᠋ᠢᠨ ᠡᠪᠦᠷ ᠲᠡᠮᠳᠡᠭ᠌ᠯᠡᠯ］
ᠤᠯᠤᠰᠤᠨ ᠳᠣᠲᠣᠭᠠᠳᠤᠶ᠋ᠢᠨ ᠪᠡᠶᠡᠶ᠋ᠢᠨ ᠲᠠᠮᠢᠷᠤᠨ ᠤᠷᠤᠯᠳᠤᠭᠠᠨᠤ ᠲᠦᠷᠦᠯᠳᠤ᠂ ᠲᠡᠨᠭᠰᠡᠨ ᠪᠥᠮᠪᠥᠭᠡ ᠨᠢ ᠴᠦᠬᠡᠨ ᠬᠠᠷᠠᠭᠳᠠᠳᠠᠭ ᠤᠷᠤᠯᠳᠤᠭᠠᠨᠤ ᠲᠦᠷᠦᠯᠳᠦ ᠬᠠᠷᠢᠶᠠᠯᠠᠭ᠍ᠳᠠᠬᠤ ᠪᠥᠭᠡᠳ ᠴᠢᠳᠠᠪᠤᠷᠢᠲᠠᠨ ᠬᠦᠮᠦᠵᠢᠭᠦᠯᠬᠦ ᠦᠶᠡᠯᠡᠯᠦᠨ ᠬᠤᠭᠤᠴᠠᠭᠠ ᠨᠢ ᠤᠷᠲᠤ᠂ ᠪᠣᠯᠪᠠᠰᠤᠷᠠᠯᠤᠨ ᠡᠷᠴᠢᠮ ᠴᠢᠩᠭᠠ᠂ ᠮᠡᠷᠭᠡᠵᠢᠯᠦᠨ ᠪᠣᠱᠣᠭᠠ ᠥᠨᠳᠥᠷ ᠵᠡᠷᠭᠡ ᠮᠠᠰᠢ ᠣᠯᠠᠨ ᠬᠦᠴᠢᠷ ᠰᠡᠳᠦᠪ ᠣᠷᠣᠱᠢᠵᠤ᠂ ᠯᠠᠪᠳᠠᠭᠤᠨ ᠵᠣᠭ᠍ᠰᠣᠵᠤ ᠬᠤᠯᠠ ᠠᠶᠠᠯᠠᠬᠤᠳᠤ ᠨᠠᠩ ᠬᠦᠴᠢᠷᠲᠡᠶ ᠶᠤᠮ᠃ ᠭᠡᠪᠡᠴᠦ᠍ ᠶᠠᠭ᠍ᠰᠢ ᠭᠡᠬᠦ᠌ ᠡᠨᠡ ᠬᠦ᠌ ᠵᠢᠵᠢᠭ ᠬᠣᠲᠠᠳᠤ᠂ ᠨᠢᠭᠡᠨ ᠳᠠᠰᠭᠠᠯᠵᠢᠭᠤᠯᠤᠭ᠍ᠴᠢ᠂ ᠦᠶᠡ ᠦᠶᠡᠶ᠋ᠢᠨ ᠪᠠᠭᠠᠴᠤᠳ 30 ᠭᠠᠷᠤᠶ ᠵᠢᠯᠦᠨ ᠴᠢᠷᠮᠠᠢᠯᠭᠠᠪᠠᠷᠢᠶᠡᠨ ᠲᠡᠨᠭᠰᠡᠨ ᠪᠥᠮᠪᠥᠭᠡᠶᠢ ᠪᠤᠯᠪᠠᠰᠤᠷᠠᠵᠤ ᠲᠠᠭᠤᠷᠢᠰᠤᠭᠤᠯᠪᠠ᠃
ᠶᠠᠭ᠍ᠰᠢᠶ᠋ᠢᠨ ᠲᠡᠨᠭᠰᠡᠨ ᠪᠥᠮᠪᠥᠭᠡ ᠪᠦᠰᠡᠯᠡᠯᠲᠡᠶ᠋ᠢ ᠱᠢᠪᠲᠤᠯᠤᠭ᠍ᠰᠠᠨ ᠨᠢ ᠨᠢᠭᠡ ᠵᠦᠢᠯᠦᠨ ᠪᠡᠶᠡᠶ᠋ᠢᠨ ᠲᠠᠮᠢᠷᠤᠨ ᠲᠦᠷᠦᠯ ᠵᠦᠢᠯᠦᠨ ᠬᠥᠭ᠌ᠵᠢᠯᠲᠡ ᠪᠣᠯᠬᠤᠪᠠᠷ ᠪᠠᠷᠠᠬᠤ ᠦᠭᠡᠢ ᠤᠭ ᠰᠠᠨᠠᠭᠠᠪᠠᠨ ᠪᠠᠲᠤ ᠰᠠᠬᠢᠵᠤ᠂ ᠲᠤᠰᠬᠠᠢ ᠰᠤᠳᠤᠯᠵᠤ ᠪᠦᠳᠦᠮᠵᠢᠳᠡᠢ ᠠᠬᠢᠭᠤᠯᠤᠨ᠂ ᠴᠤᠴᠠᠯᠲᠠ ᠦᠭᠡᠢ ᠴᠢᠷᠮᠠᠢᠳᠠᠭ ᠯᠡ ᠶᠤᠮ ᠪᠣᠯ ᠭᠡᠷᠡᠯ ᠭᠡᠭᠡ ᠪᠠᠨ ᠰᠠᠴᠤᠷᠠᠭᠤᠯᠬᠤ ᠪᠤᠯᠤᠨᠠ ᠭᠡᠳᠡᠭᠢ ᠬᠠᠷᠠᠭᠤᠯᠤᠭᠰᠠᠨ ᠪᠠᠢᠨᠠ᠃ ᠬᠦᠰᠡᠯ ᠵᠡᠭᠦᠳᠦ᠍ᠪᠡᠨ ᠳᠡᠷᠭᠡᠯᠰᠢᠬᠦᠯᠬᠦ ᠪᠡᠷ ᠡᠳᠡᠭᠡᠷ ᠬᠥᠮᠦᠰ ᠦᠷᠭᠦᠯᠵᠢᠯᠡᠨ ᠴᠢᠷᠮᠠᠢᠵᠦ᠍᠂ ᠡᠷᠡᠯᠬᠡᠭ᠌ᠯᠡᠨ ᠲᠡᠮᠡᠴᠡᠵᠦ᠍᠂ ᠶᠠᠭ᠍ᠰᠢᠶ᠋ᠢᠨ ᠲᠡᠨᠭᠰᠡᠨ ᠪᠥᠮᠪᠥᠭᠡᠶ᠋ᠢᠨ ᠨᠡᠷᠡᠶ᠋ᠢᠨ ᠬᠠᠭᠤᠳᠠᠰᠤᠶ᠋ᠢ ᠤᠯᠠᠮ ᠭᠢᠯᠠᠯᠵᠠᠭᠤᠯᠵᠤ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠲᠡᠨᠭᠰᠡᠨ ᠪᠥᠮᠪᠥᠭᠡᠶ᠋ᠢᠨ ᠬᠦᠴᠦᠨᠢ ᠤᠯᠠᠨ ᠤᠯᠤᠰᠤᠨ ᠤᠷᠤᠯᠳᠤᠭᠠᠨᠤ ᠲᠠᠯᠠᠪᠤᠷᠲᠤ ᠨᠡᠩ ᠭᠠᠢᠬᠠᠭᠤᠯᠬᠤᠶ᠋ᠢ ᠢᠲᠡᠭᠡᠵᠦ᠍ ᠪᠠᠢᠨᠠ᠃