ᠪᠤᠭᠤᠲᠤᠶ᠋ᠢᠨ ᠬᠣᠪᠣᠷ ᠱᠢᠷᠣᠶᠶ᠋ᠢᠨ ᠰᠤᠳᠤᠯᠭᠠᠨᠤ ᠬᠦᠷᠢᠶᠡᠯᠡᠩᠦᠨ ᠲᠤᠷᠱᠢᠯᠲᠠᠶ᠋ᠢᠨ ᠲᠠᠰᠤᠭᠲᠤ ᠵᠤᠤᠬᠠᠶ᠋ᠢᠨ ᠭᠠᠯ ᠵᠢᠯ ᠲᠤᠵᠢ ᠤᠨᠲᠠᠷᠠᠳᠠᠭ ᠥᠬᠡᠶ᠃ ᠡᠨᠳᠡ ᠲᠡᠪᠵᠢᠶᠡᠨ ᠱᠤᠤᠭᠢᠶᠠᠨ ᠦᠭᠡᠢ᠂ ᠵᠦᠪᠬᠡᠨ ᠥᠨᠳᠥᠷ ᠳᠤᠯᠠᠭᠠᠨᠤ ᠵᠤᠤᠬᠠ ᠬᠦᠡᠭᠬᠢᠨᠡᠬᠦ ᠪᠠ ᠲᠡᠮᠦᠷᠯᠢᠭ ᠮᠥᠷᠭᠥᠯᠳᠦᠬᠦ᠌ ᠳᠠᠭᠤ ᠯᠠ ᠰᠤᠨᠤᠰᠳᠠᠨᠠ᠃ 33 ᠨᠠᠰᠤᠲᠠᠢ ᠶᠠᠩ ᠫᠸᠩ ᠹᠸᠢ ᠭᠠᠯᠢ ᠰᠡᠷᠭᠡᠢᠯᠡᠬᠦ ᠠᠵᠢᠯᠤᠨ ᠬᠤᠪᠴᠠᠰᠤ ᠡᠮᠦᠰᠴᠦ᠍᠂ ᠬᠠᠮᠠᠭᠠᠯᠠᠬᠤ ᠪᠠᠭ ᠵᠡᠭᠦᠵᠦ᠍᠂ ᠪᠠᠰᠠ ᠨᠢᠭᠡ ᠤᠳᠠᠭᠠ ᠲᠤᠷᠱᠢᠯᠲᠠᠶ᠋ᠢᠨ ᠲᠠᠪᠴᠠᠩᠤᠨ ᠵᠢᠡᠨ ᠡᠮᠦᠨᠡ ᠵᠣᠭ᠍ᠰᠣᠪᠠ᠃ ᠲᠡᠭᠦᠨᠦ ᠠᠷᠤᠳᠤ᠂ ᠳᠤᠮᠳᠠᠴᠢ ᠨᠠᠰᠤ ᠨᠢ 35 ᠬᠦᠷᠬᠦ᠌ ᠦᠭᠡᠢ ᠵᠠᠯᠠᠭᠤᠴᠤᠳᠤᠨ ᠭᠠᠪᠱᠢᠭᠠᠢ ᠠᠩᠭᠢ ᠪᠤᠢ； ᠲᠡᠭᠦᠨ ᠤ᠋ ᠬᠦᠯ ᠲᠤᠤᠷᠠ᠂ ᠪᠦᠬᠦᠯᠢ ᠠᠷᠪᠠᠨ ᠨᠢᠭᠡᠨ ᠵᠢᠯ ᠰᠤᠳᠤᠯᠤᠨ ᠠᠵᠢᠯᠯᠠᠬᠰᠠᠨ ᠬᠣᠪᠣᠷ ᠱᠢᠷᠣᠶᠶ᠋ᠢᠨ ᠰᠤᠳᠤᠯᠭᠠᠨᠤ ᠬᠦᠷᠢᠶᠡ ᠴᠠᠷᠠᠭᠠ ᠪᠤᠢ᠃
2026 ᠣᠨᠤ 《5·4》 ᠡᠴᠡ ᠡᠮᠦᠨᠡᠬᠡᠨ᠂ ᠡᠨᠡ ᠬᠦ᠌ ᠪᠤᠭᠤᠲᠤᠶ᠋ᠢᠨ ᠬᠣᠪᠣᠷ ᠱᠢᠷᠣᠢᠶ᠋ᠢᠨ ᠰᠤᠳᠤᠯᠭᠠᠨᠤ ᠬᠦᠷᠢᠶᠡᠯᠡᠩᠦᠨ ᠲᠡᠮᠦᠷᠯᠢᠭ ᠮᠠᠲ᠋ᠧᠷᠢᠶᠠᠯ ᠰᠤᠳᠤᠯᠬᠤ ᠭᠠᠵᠠᠷᠤᠨ ᠳᠡᠳ᠋ ᠡᠷᠬᠢᠯᠡᠭ᠌ᠴᠢ ᠰᠤᠳᠤᠯᠤᠭ᠍ᠴᠢ ᠮᠠᠨᠢ《ᠱᠢᠨᠡ ᠴᠠᠭ ᠦᠶᠡᠶ᠋ᠢᠨ ᠵᠠᠯᠠᠭᠤᠴᠤᠳᠤᠨ ᠬᠣᠱᠢᠭᠤᠴᠢ》 ᠵᠢᠨ ᠢᠷᠠᠭᠤ ᠠᠯᠳᠠᠷᠢ ᠬᠦᠷᠳᠡᠪᠡ᠃ ᠭᠡᠪᠡᠴᠦ᠍ ᠲᠡᠭᠦᠨᠢ ᠰᠠᠢ᠌ᠨ ᠮᠡᠳᠡᠳᠡᠭ ᠬᠥᠮᠦᠨᠳᠦ ᠠᠪᠴᠤ᠌ ᠬᠡᠯᠡᠪᠡᠯ᠂ ᠡᠨᠡ ᠬᠦ᠌ ᠢᠷᠠᠭᠤ ᠠᠯᠳᠠᠷ ᠨᠢ ᠨᠡᠩ ᠴᠤ᠌ ᠲᠡᠭᠦᠨᠦ ᠠᠷᠪᠠᠨ ᠬᠡᠳᠦᠨ ᠵᠢᠯᠵᠢᠡᠷ ᠡᠮᠦᠨᠡ ᠹᠷᠣᠨᠲᠢ ᠪᠠᠲᠤ ᠰᠠᠬᠢᠭ᠍ᠰᠠᠨ 《ᠠᠶᠠᠨᠳᠠᠭᠠᠨᠤ ᠦᠷᠡ ᠳ᠋ᠦᠩ》 ᠪᠤᠯᠤᠨᠠ᠃
2015 ᠣᠨᠳᠤ ᠰᠠᠶᠢᠬᠠᠨ ᠶᠡᠬᠡ ᠰᠤᠷᠭᠠᠭᠤᠯᠢ ᠪᠡᠨ ᠲᠡᠭᠦᠰᠦᠭ᠌ᠰᠡᠨ ᠶᠠᠩ ᠫᠸᠩ ᠹᠸᠢ ᠬᠣᠪᠣᠷ ᠱᠢᠷᠣᠢᠶ᠋ᠢᠨ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠤ ᠰᠤᠳᠤᠯᠭᠠᠨᠤ ᠲᠤᠬᠠᠢ ᠬᠠᠯᠠᠭᠤᠨ ᠰᠡᠳᠭᠢᠯᠭᠡᠶ᠋ᠢ ᠡᠪᠦᠷᠯᠡᠨ ᠪᠤᠭᠤᠲᠤᠶ᠋ᠢᠨ ᠬᠣᠪᠣᠷ ᠱᠢᠷᠣᠢᠶ᠋ᠢᠨ ᠰᠤᠳᠤᠯᠭᠠᠨᠤ ᠬᠦᠷᠢᠶᠡᠯᠡᠩᠳᠦ ᠬᠦᠷᠪᠡ᠃ ᠲᠤᠬᠠᠢᠶ᠋ᠢᠨ ᠦᠶᠡᠶ᠋ᠢᠨ ᠰᠤᠳᠤᠯᠭᠠᠨᠤ ᠳᠤᠭᠤᠢᠯᠠᠩᠳᠤ᠂ ᠲᠤᠷᠱᠢᠯᠲᠠᠬᠢᠬᠦ ᠨᠥᠬᠥᠴᠡᠯ ᠬᠠᠲᠠᠭᠤᠵᠢᠯᠲᠠᠢ᠂ ᠲᠤᠨᠤᠭ ᠲᠥᠬᠥᠭᠡᠷᠦᠮᠵᠢ ᠴᠦᠭᠡᠨ᠂ ᠠᠵᠢᠯᠳᠠᠨ ᠤ᠋ ᠲᠤᠭᠠ ᠬᠦᠷᠦᠯᠴᠡᠬᠦ ᠦᠬᠡᠢ᠂ ᠲᠡᠭᠦᠨᠦ ᠡᠮᠦᠨᠡ ᠲᠠᠯᠪᠢᠭ᠍ᠳᠠᠵᠤ ᠪᠠᠢᠭ᠍ᠰᠠᠨ ᠨᠢ ᠦᠨᠦᠳᠦᠷᠤᠨ ᠰᠣᠷᠭᠣᠭ ᠴᠡᠴᠡᠭ᠂ ᠠᠯᠠᠭᠠ ᠲᠠᠱᠢᠯᠳᠠᠶ᠋ᠢᠨ ᠲᠠᠭᠤᠨ ᠪᠢᠰᠢ ᠂ ᠬᠠᠷᠢᠨ ᠲᠦᠷᠭᠡᠨ ᠱᠢᠢᠳᠪᠦᠷᠢᠯᠡᠬᠦ᠌ ᠴᠢᠬᠤᠯᠠ ᠲᠠᠢ ᠮᠡᠷᠭᠡᠵᠢᠯᠦᠨ ᠬᠦᠴᠢᠷ ᠠᠰᠠᠭᠤᠳᠠᠯ ᠪᠠᠢᠯᠠ᠃ ᠶᠠᠩ ᠫᠧᠩ ᠹᠸᠢ ᠵᠢᠭᠠᠬᠠᠨ ᠴᠤ᠌ ᠬᠤᠢᠰᠢ ᠤᠬᠤᠷᠢᠭ᠍ᠰᠠᠨ ᠥᠬᠡᠶ᠂ ᠲᠡᠷᠡ ᠬᠠᠮᠤᠭᠤᠨ ᠰᠠᠭᠤᠷᠢ ᠪᠣᠯᠬᠤ ᠲᠤᠷᠱᠢᠯᠲᠠᠶ᠋ᠢᠨ ᠠᠵᠢᠯᠠᠴᠠ ᠭᠠᠷᠳᠠᠨ ᠬᠢᠵᠦ᠍ ᠂ ᠬᠣᠪᠣᠷ ᠱᠢᠷᠣᠢᠶ᠋ᠢᠨ ᠭᠠᠯᠤᠨ ᠠᠷᠭᠠᠪᠠᠷ ᠲᠡᠮᠦᠷᠯᠢᠭ ᠪᠣᠯᠪᠠᠰᠤᠷᠠᠭᠤᠯᠬᠤ ᠡᠨᠡ ᠬᠦ᠌《ᠬᠠᠯᠠᠮᠰᠢᠯ ᠪᠤᠰᠤ ᠮᠡᠷᠭᠡᠵᠢᠯ》ᠪᠤᠯᠪᠠᠴᠤ ᠵᠠᠩᠭᠢᠯᠠᠭᠠᠶ᠋ᠢᠨ ᠮᠡᠷᠭᠡᠵᠢᠯ ᠪᠤᠯᠬᠤ ᠬᠦᠷᠢᠶᠠ ᠴᠠᠷᠠᠭᠠᠨᠳᠦ ᠪᠠᠭᠠ ᠪᠠᠭᠠᠪᠠᠷ ᠬᠤᠷᠠᠮᠳᠤᠭᠤᠯᠭᠠ ᠬᠢᠵᠦ᠂ ᠠᠯᠬᠤᠮ ᠠᠯᠬᠤᠮ ᠵᠢᠡᠷ ᠱᠢᠪᠲᠤᠯᠤᠯᠲᠠ ᠭᠠᠷᠭᠠᠪᠠ᠃ ᠬᠠᠮᠲᠤ ᠠᠵᠢᠯᠯᠠᠭᠰᠠᠳᠤᠨ ᠬᠢᠨᠢ ᠴᠡᠭᠡᠵᠢᠯᠡᠵᠦ᠍ ᠪᠠᠢᠬᠤᠪᠠᠷ᠂ ᠲᠤᠬᠠᠢ ᠵᠢᠨ ᠦᠶᠠᠳᠤ ᠲᠡᠷᠡ ᠬᠡᠵᠢᠶᠡᠳᠡ ᠬᠠᠮᠤᠭᠤᠨ ᠰᠡᠭᠦᠯᠳᠦ ᠲᠤᠷᠱᠢᠯᠲᠠᠶ᠋ᠢᠨ ᠲᠠᠰᠤᠭᠠᠴᠠ ᠭᠠᠷᠳᠠᠭ᠃ 《ᠵᠠᠷᠢᠮ ᠦᠶᠡᠳᠦ ᠨᠢᠭᠡ ᠪᠦᠯᠦᠭ ᠲᠣᠭᠠ ᠪᠠᠷᠢᠮᠲᠠᠶ᠋ᠢ ᠣᠯᠬᠤᠶ᠋ᠢᠨ ᠲᠥᠯᠥᠭᠡ᠂ ᠲᠡᠷᠡ ᠥᠨᠳᠥᠷ ᠳᠤᠯᠠᠭᠠᠨᠳᠤ ᠵᠤᠤᠬᠠᠶ᠋ᠢᠨ ᠡᠮᠦᠨᠡ ᠳᠥᠷᠪᠡ ᠲᠠᠪᠤᠨ ᠴᠠᠭ ᠵᠢᠡᠷ ᠵᠣᠭ᠍ᠰᠣᠵᠤ᠂ ᠬᠤᠪᠴᠠᠰᠤ ᠨᠢ ᠱᠠᠯ ᠨᠣᠷᠣᠭ᠍ᠰᠠᠨ ᠴᠤ᠌ ᠲᠡᠰᠪᠦᠷᠢᠯᠡᠵᠦ ᠪᠠᠢᠳᠠᠭ》 ᠭᠡᠵᠦ᠍ ᠬᠠᠮᠲᠤ ᠠᠵᠢᠯᠲᠠᠨ ᠨᠢ ᠡᠷᠭᠢᠴᠡᠭᠦᠯᠵᠦ ᠪᠠᠢᠯᠠ᠃
ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠤ ᠰᠤᠳᠤᠯᠭᠠᠨᠤ ᠵᠠᠮ ᠶᠡᠷᠦ᠍ᠡᠴᠡ ᠱᠢᠭᠤᠳ ᠱᠢᠯᠤᠭᠤᠨ ᠪᠢᠰᠢ᠃ ᠬᠣᠪᠣᠷ ᠱᠢᠷᠣᠢ ᠨᠢ ᠪᠤᠯᠤᠳᠤᠨ ᠬᠡᠷᠡᠭ᠌ᠯᠡᠭᠡᠨᠳᠦ ᠰᠠᠷᠠᠭᠤᠯ ᠢᠷᠡᠭᠡᠳᠦᠢᠲᠡᠶ ᠪᠣᠯᠪᠠᠴᠤ᠌ ᠲᠤᠬᠠᠢᠶ᠋ᠢᠨ ᠦᠶᠡᠳᠦ ᠮᠡᠷᠭᠡᠵᠢᠯᠦᠨ ᠪᠣᠭᠣᠮᠢᠳᠤ ᠲᠤᠯᠭᠠᠷᠠᠵᠤ᠂ ᠶᠠᠩ ᠫᠸᠩ ᠹᠸᠢ ᠵᠠᠩᠭᠢᠯᠠᠭᠠᠶ᠋ᠢᠨ ᠮᠡᠷᠭᠡᠵᠢᠯ ᠪᠣᠯᠤᠨ ᠲᠣᠨᠣᠭ᠍ᠯᠠᠯᠢ ᠲᠦᠷᠦᠭᠦᠯᠡᠨ ᠰᠤᠳᠤᠯᠤᠨ ᠦᠢᠯᠡᠳᠴᠡᠢ᠃ ᠲᠡᠷᠡ ᠬᠡᠰᠡᠭ ᠬᠤᠭᠤᠴᠠᠭᠠᠨᠳᠤ᠂ ᠲᠡᠷᠡ ᠲᠤᠷᠱᠢᠯᠲᠠᠶ᠋ᠢᠨ ᠲᠠᠰᠤᠭᠲᠤ ᠡᠳᠦᠷ ᠰᠥᠨᠢ ᠵᠢ ᠤᠮᠠᠷᠳᠠᠨ᠂ ᠦᠷᠭᠦᠯᠵᠢ ᠠᠷᠪᠠᠨ ᠬᠡᠳᠦᠨ ᠴᠠᠭ ᠵᠢᠡᠷ ᠠᠵᠢᠯᠯᠠᠵᠤ᠂ ᠶᠠᠳᠠᠷᠠᠪᠠᠯ ᠠᠯᠪᠠᠨ ᠭᠡᠷᠦᠨ ᠱᠠᠹᠠ ᠳᠡᠭᠡᠷᠡ ᠳᠤᠭ᠍ᠬᠢᠵᠤ᠂ ᠰᠡᠷᠢᠭ᠌ᠰᠡᠨᠦ ᠳᠠᠷᠠᠭᠠ ᠦᠷᠭᠦᠯᠵᠢᠯᠡᠨ ᠪᠤᠯᠵᠤᠯᠳᠤ ᠲᠤᠭᠠ ᠵᠢ ᠲᠣᠬᠢᠷᠠᠭᠤᠯᠵᠤ ᠲᠤᠷᠱᠢᠯᠲᠠ ᠬᠢᠳᠡᠭ᠃ ᠡᠴᠦᠰᠲᠦ᠂ ᠲᠡᠭᠦᠨᠦ ᠰᠤᠳᠤᠯᠤᠨ ᠦᠢᠯᠡᠳᠦᠭ᠌ᠰᠡᠨ ᠮᠡᠷᠭᠡᠵᠢᠯ ᠨᠢ ᠬᠠᠢᠯᠤᠰᠢᠶ᠋ᠢᠨ ᠶᠠᠰᠤ ᠴᠢᠨᠠᠷᠢ ᠢᠯᠡᠳᠲᠡ ᠳᠡᠭᠡᠭ᠌ᠰᠢᠯᠡᠭᠦᠯᠵᠦ᠍᠂ ᠴᠠᠬᠢᠯᠭᠠᠨᠤ ᠬᠣᠷᠣᠭ᠍ᠳᠠᠯᠢ ᠪᠠᠭᠠᠰᠭᠠᠭ᠍ᠰᠠᠨᠢᠶᠠᠷ ᠪᠠᠷᠠᠬᠤ ᠦᠭᠡᠢ᠂ ᠨᠡᠩ ᠴᠤ᠌ ᠬᠣᠪᠣᠷ ᠱᠢᠷᠣᠢᠶ᠋ᠢᠨ ᠬᠤᠷᠢᠶᠠᠯᠲᠠᠶ᠋ᠢᠨ ᠨᠤᠷᠮᠠᠶ᠋ᠢ ᠶᠡᠬᠡᠪᠡᠷ ᠳᠡᠭᠡᠭ᠌ᠰᠢᠯᠡᠭᠦᠯᠵᠦ᠍᠂ ᠪᠤᠯᠤᠳ ᠲᠡᠮᠤᠷ ᠴᠢᠳᠭᠤᠬᠤ ᠮᠠᠲ᠋ᠧᠷᠢᠶᠠᠯᠤᠨ ᠤᠯᠠᠨ ᠶᠠᠩᠵᠤᠴᠢᠯᠠᠬ᠍ᠰᠠᠨ ᠬᠡᠷᠡᠭ᠌ᠯᠡᠭᠡᠨᠦ ᠬᠡᠷᠡᠭ᠌ᠴᠡᠭᠡᠶ᠋ᠢ ᠬᠠᠩᠭᠠᠭ᠍ᠰᠠᠨ ᠪᠠᠢᠨᠠ᠃ ᠳᠤᠮᠳᠠ ᠬᠦᠨᠳᠦ ᠬᠣᠪᠣᠷ ᠱᠢᠷᠣᠢᠶ᠋ᠢᠨ ᠲᠡᠮᠦᠷᠯᠢᠭ ᠵᠢᠴᠢ ᠬᠠᠢᠯᠤᠰᠢᠶ᠋ᠢᠨ ᠲᠤᠨᠤᠭᠯᠠᠯᠦᠨ ᠵᠠᠩᠭᠢᠯᠠᠭᠠᠶ᠋ᠢᠨ ᠮᠡᠷᠭᠡᠵᠢᠯ ᠳ᠋ᠤ ᠲᠡᠷᠡ ᠪᠡᠷ ᠮᠦᠨ ᠬᠦ᠌ ᠱᠢᠪᠲᠤᠯᠤᠯᠲᠠ ᠭᠠᠷᠭᠠᠵᠤ᠂ ᠤᠯᠠᠨ ᠵᠦᠢᠯᠦᠨ ᠳᠤᠮᠳᠠ ᠬᠦᠨᠳᠦ ᠬᠣᠪᠣᠷ ᠱᠢᠷᠣᠢᠶ᠋ᠢᠨ ᠲᠡᠮᠦᠷᠯᠢᠭ᠂ ᠬᠠᠢᠯᠤᠰᠢ᠂ ᠫᠠᠢᠶ᠋ᠢᠨ ᠮᠠᠲ᠋ᠧᠷᠢᠶᠠᠯᠢ ᠪᠥᠭᠡᠮ ᠵᠢᠡᠷ ᠲᠤᠷᠱᠢᠨ ᠦᠢᠯᠡᠳᠬᠦ᠌ᠶ᠋ᠢ ᠪᠡᠶᠡᠯᠡᠭᠦᠯᠪᠡ᠃
2019 ᠣᠨᠳᠤ᠂ ᠶᠠᠩ ᠫᠧᠩ ᠹᠧᠶ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠲᠠᠰᠤᠨ ᠬᠣᠪᠣᠷ ᠱᠢᠷᠣᠶᠶ᠋ᠢᠨ ᠬᠠᠢᠯᠤᠭᠤᠯᠤᠨ ᠪᠣᠯᠪᠠᠰᠤᠷᠠᠭᠤᠯᠬᠤ ᠠᠵᠢᠯᠴᠢᠨᠤ ᠠᠵᠢᠯ ᠮᠡᠷᠭᠡᠵᠢᠯᠦᠨ ᠤᠷᠠ ᠴᠢᠳᠠᠪᠤᠷᠢᠶ᠋ᠢᠨ ᠤᠷᠤᠯᠳᠤᠭᠠᠨᠳᠤ ᠣᠷᠣᠯᠴᠠᠪᠠ᠃ ᠥᠨᠳᠥᠷ ᠳᠤᠯᠠᠭᠠᠨ᠂ ᠲᠤᠭᠤᠰᠤ ᠰᠢᠷᠤᠢ ᠶᠡᠭᠡᠳᠡᠢ ᠣᠷᠴᠢᠨ ᠲᠣᠭᠣᠷᠢᠨᠳᠤ᠂ ᠲᠡᠷᠡ ᠯᠠᠪᠳᠠᠭᠤᠨ ᠪᠠᠲᠤᠲᠠᠢ ᠤᠨᠤᠯᠤᠨ ᠮᠡᠳᠡᠯᠭᠡ ᠪᠠ ᠨᠠᠷᠢᠯᠢᠭ ᠪᠣᠳᠠᠲᠠᠢ ᠠᠵᠢᠯᠯᠠᠬᠤ ᠤᠷᠠ ᠮᠡᠷᠭᠡᠵᠢᠯᠢᠶᠡᠷᠢᠶᠡᠨ ᠲᠡᠷᠢᠬᠦᠨ ᠨᠡᠷᠡᠰ ᠲᠸ᠋ ᠲᠤᠳᠤᠷᠠᠪᠠ᠃ ᠬᠠᠮᠲᠤ ᠠᠵᠢᠯᠯᠠᠭ᠍ᠰᠠᠳ ᠨᠢ᠄ 《ᠤᠳᠠᠭᠠ ᠪᠦᠷᠢᠶ᠋ᠢᠨ ᠴᠢᠬᠤᠯᠠ ᠶᠡᠬᠡ ᠪᠣᠭᠣᠮᠲᠠ ᠱᠢᠪᠲᠤᠯᠬᠤᠳᠤ᠂ ᠲᠡᠷᠡ ᠶᠡᠷᠦ᠍ ᠨᠢ ᠬᠠᠮᠤᠭ ᠲᠦᠷᠦᠭᠦᠨᠳᠦ 〈ᠪᠢ ᠤᠷᠢᠳ ᠵᠢᠡᠷ ᠲᠤᠷᠰᠢᠵᠤ ᠦᠵᠡᠶᠠ〉 ᠭᠡᠵᠦ᠍ ᠬᠡᠯᠡᠳᠡᠭ》 ᠭᠡᠵᠡᠢ᠃
ᠶᠠᠩ ᠫᠧᠩ ᠹᠧᠶ᠂ ᠲᠤᠷᠱᠢᠯᠲᠠᠶ᠋ᠢᠨ ᠲᠡᠰᠦᠬᠲᠠᠬᠢ ᠱᠢᠪᠲᠤᠯᠤᠯᠲᠠ ᠪᠣᠯ ᠨᠢᠭᠡᠳᠦᠭᠡᠷ ᠠᠯᠬᠤᠮ ᠲᠡᠳᠦᠢ᠂ ᠵᠢᠩᠬᠢᠨᠢ ᠦᠨᠠ ᠦᠷᠳᠡᠭ ᠨᠢ《ᠲᠤᠷᠱᠢᠯᠲᠠᠶ᠋ᠢᠨ ᠲᠡᠰᠦᠬᠠᠴᠠ ᠦᠢᠯᠡᠳᠪᠦᠷᠢᠯᠡᠯᠦᠨ ᠱᠤᠭᠤᠮᠳᠤ ᠬᠦᠷᠬᠡᠭᠦ》 ᠭᠡᠳᠡᠭ ᠢ᠋ ᠲᠤᠳᠤᠷᠬᠠᠢ ᠮᠡᠳᠡᠨᠠ᠃ ᠲᠡᠷᠡ ᠡᠨᠡ ᠬᠦ᠌ ᠣᠢᠯᠠᠭᠠᠭ᠍ᠳᠠᠬᠤᠨᠢ ᠢᠮᠠᠭᠳᠠ ᠪᠠᠷᠢᠮᠲᠠᠯᠠᠵᠤ᠂ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠤ ᠰᠤᠳᠤᠯᠭᠠᠨᠤ ᠦᠷᠡ ᠪᠦᠲᠦᠭᠡᠯᠢ ᠣᠨᠳᠣᠣᠱᠢᠭᠤᠯᠬᠤᠶ᠋ᠢ ᠢᠳᠡᠪᠬᠢᠲᠡᠢ ᠠᠬᠢᠭᠤᠯᠵᠤ᠂ ᠤᠯᠤᠰᠤᠨ ᠪᠠᠢᠯᠳᠤᠬᠤ ᠪᠤᠳᠤᠯᠭᠠᠳᠤ ᠰᠠᠨᠠᠭᠠᠴᠢᠯᠠᠭᠠᠠᠴᠠᠪᠠᠨ ᠦᠢᠯᠡᠴᠢᠯᠡᠪᠡ᠃
ᠲᠡᠭᠦᠨᠦ ᠰᠤᠳᠤᠯᠤᠨ ᠨᠡᠭᠡᠭᠡᠭᠰᠡᠨ 3 ᠵᠦᠶ᠋ᠯᠦᠨ ᠵᠠᠩᠭᠢᠯᠠᠭᠠᠶ᠋ᠢᠨ ᠮᠡᠷᠭᠡᠵᠢᠯᠦᠨ ᠦᠷᠡ ᠪᠦᠲᠦᠭᠡᠯ ᠨᠢ ᠠᠮᠵᠢᠯᠳᠠ ᠲᠠᠢ ᠪᠡᠷ ᠤᠯᠠᠷᠢᠭᠤᠯᠤᠨ ᠳᠡᠯᠭᠡᠷᠡᠭᠦᠯᠬᠦ᠌ᠶ᠋ᠢ ᠪᠡᠶᠡᠯᠡᠭᠦᠯᠵᠡᠢ᠂ ᠡᠭᠦᠨᠳᠦ ᠬᠣᠪᠣᠷ ᠱᠢᠷᠣᠶᠶ᠋ᠢᠨ ᠪᠣᠯᠣᠳᠢ ᠳᠡᠭᠡᠳᠦ ᠴᠡᠪᠡᠷ ᠬᠣᠪᠣᠷ ᠱᠢᠷᠣᠶᠶ᠋ᠢᠨ ᠬᠠᠢᠯᠤᠰᠢᠪᠠᠷ ᠦᠶ᠋ᠯᠡᠳᠬᠦ᠌ ᠮᠡᠷᠭᠡᠵᠢᠯ ᠨᠢ ᠤᠷᠢᠳ ᠬᠣᠵᠢᠳ 《ᠳᠤᠮᠳᠠᠳᠤ ᠤᠯᠤᠰᠤᠨ ᠰᠢᠯᠢᠳᠡᠭ ᠮᠡᠷᠭᠡᠵᠢᠯ》᠂ 《2020 ᠣᠨᠤ ᠥᠪᠥᠷ ᠮᠣᠩᠭᠣᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠱᠢᠨᠡ ᠮᠠᠲ᠋ᠧᠷᠢᠶᠠᠯᠤᠨ ᠠᠩᠬᠠᠨᠤ ᠪᠦᠯᠦᠭ ᠤᠳᠠᠭᠠ》᠂ 《ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠠᠷᠪᠠᠨ ᠶᠡᠬᠡ ᠵᠠᠩᠭᠢᠯᠠᠭᠠᠶ᠋ᠢᠨ ᠮᠡᠷᠭᠡᠵᠢᠯᠦᠨ ᠱᠢᠪᠲᠤᠯᠤᠯᠲᠠ ᠪᠠ ᠠᠷᠪᠠᠨ ᠵᠦᠶ᠋ᠯᠦᠨ ᠮᠡᠷᠭᠡᠵᠢᠯᠦᠨ ᠦᠷᠡ ᠪᠦᠲᠦᠭᠡᠯᠢ ᠤᠯᠠᠷᠢᠭᠤᠯᠤᠨ ᠬᠡᠷᠡᠭ᠌ᠯᠡᠬᠦ᠌》ᠲᠦᠷᠦᠯ ᠵᠦᠢᠯ ᠵᠢᠡᠷ ᠨᠤᠳᠠᠯᠠᠭᠳᠠᠪᠠ᠃ ᠨᠡᠩ ᠪᠠᠶᠠᠷᠯᠠᠭᠤᠱᠢᠲᠠᠢ ᠨᠢ᠂ ᠲᠤᠰ ᠮᠡᠷᠭᠡᠵᠢᠯ ᠨᠢ ᠨᠢᠭᠡᠨᠲᠡ ᠤᠯᠤᠰᠤᠨ ᠳᠣᠲᠣᠭᠠᠳᠤᠶ᠋ᠢᠨ 30 ᠱᠢᠬᠠᠮ ᠪᠤᠯᠤᠳ ᠲᠡᠮᠤᠷ ᠴᠢᠳᠭᠤᠬᠤ ᠠᠵᠤ ᠠᠬᠤᠢᠯᠠᠯᠳᠤ ᠭᠣᠣᠯᠯᠠᠬᠤ ᠲᠦᠭᠦᠬᠡᠢ ᠮᠠᠲ᠋ᠧᠷᠢᠶᠠᠯ ᠬᠠᠩᠭᠠᠵᠤ᠂ 《ᠳᠤᠮᠳᠠᠳᠤ ᠵᠢᠨ ᠷᠠᠳᠢᠤ᠋ ᠲᠤᠷᠠᠨ》 ᠤ᠋ ᠪᠤᠯᠤᠳ ᠪᠦᠲᠦᠴᠡ᠂ ᠬᠥᠬᠡᠨᠠᠭᠤᠷ ᠲᠥᠪᠡᠳᠦᠨ ᠲᠡᠮᠤᠷ ᠵᠠᠮ᠂ ᠤᠮᠠᠷᠠᠲᠤ ᠵᠢᠨ ᠴᠢᠯᠠᠭᠤᠨ ᠲᠤᠰᠤᠨᠤ ᠠᠭᠤᠷᠬᠠᠢ ᠵᠡᠷᠭᠡ ᠤᠯᠤᠰᠤᠨ ᠴᠢᠬᠤᠯᠠ ᠶᠡᠬᠡ ᠪᠠᠢᠯᠳᠤᠬᠤ ᠪᠤᠳᠤᠯᠭᠠᠶ᠋ᠢᠨ ᠢᠨᠵᠧᠨᠧᠷᠢᠩᠳᠦ ᠥᠷᠭᠡᠨᠢᠶᠡᠷ ᠬᠡᠷᠡᠭ᠌ᠯᠡᠭᠳᠡᠵᠦ᠍᠂ ᠠᠵᠤ ᠠᠬᠤᠢᠶ᠋ᠢᠨ ᠦᠷᠡ ᠠᠱᠢᠭ ᠨᠢ ᠨᠡᠢ᠌ᠳᠡ 10 ᠳ᠋ᠦᠩᠱᠢᠭᠤᠷ ᠲᠥᠭᠥᠷᠢᠭᠢ ᠳᠠᠪᠠᠭ᠍ᠰᠠᠨ ᠪᠠᠢᠨᠠ᠃
《ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠤ ᠰᠤᠳᠤᠯᠭᠠᠨ ᠨᠢ ᠬᠡᠳᠦᠨ ᠥᠭᠦᠯᠡᠯ ᠨᠠᠢᠳᠡᠯᠡᠪᠠᠯ ᠪᠤᠯᠴᠢᠬᠠᠬᠤ ᠶᠠᠪᠤᠳᠠᠯ ᠪᠢᠰᠢ᠂ ᠲᠡᠷᠡ ᠨᠢ ᠦᠨᠡᠨ ᠬᠦ᠌ ᠬᠡᠷᠡᠭᠯᠡᠵᠦ ᠪᠤᠯᠬᠤ᠂ ᠬᠡᠷᠡᠭᠴᠡᠭᠡ ᠲᠠᠢ ᠶᠠᠭᠤᠮᠠ ᠪᠠᠢᠬᠤ ᠬᠡᠷᠡᠭᠳᠠᠢ》 ᠬᠡᠵᠤ ᠶᠠᠩ ᠫᠸᠩ ᠹᠸᠢ ᠡᠷᠡᠰ ᠰᠢᠭᠤᠷᠬᠠᠢ ᠶᠠᠷᠢᠯᠠ᠃
ᠨᠢᠭᠡ ᠬᠥᠮᠦᠨᠦ ᠬᠦᠴᠦᠨ ᠴᠢᠳᠠᠯ ᠬᠢᠵᠠᠭᠠᠷᠲᠠᠶ ᠶᠤᠮ᠃ ᠳᠣᠯᠣᠳᠤᠭᠠᠷ ᠬᠤᠭᠤᠴᠠᠭᠠᠨᠤ ᠳᠤᠮᠳᠠᠳᠤ ᠤᠯᠤᠰᠤᠨ ᠵᠠᠯᠠᠭᠤᠴᠤᠳᠤᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠲᠸᠭᠨᠢᠭ ᠮᠡᠷᠭᠡᠵᠢᠯᠤᠨ ᠠᠵᠢᠯᠳᠠᠨᠤ ᠨᠡᠢᠭᠡᠮᠯᠢᠭᠦᠨ ᠭᠡᠱᠢᠭᠦᠨ᠂ ᠭᠤᠷᠪᠠᠳᠤᠭᠠᠷ ᠬᠤᠭᠤᠴᠠᠭᠠᠨᠤ ᠥᠪᠥᠷ ᠮᠣᠩᠭᠣᠯᠤᠨ ᠵᠠᠯᠠᠭᠤᠴᠤᠳᠤᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠲᠸᠭᠨᠢᠭ ᠮᠡᠷᠭᠡᠵᠢᠯᠤᠨ ᠠᠵᠢᠯᠳᠠᠨᠤ ᠨᠡᠢᠭᠡᠮᠯᠢᠭᠦᠨ ᠭᠡᠱᠢᠭᠦᠨ ᠵᠢᠴᠢ ᠪᠠᠶᠠᠠᠠᠤᠪᠤᠭᠠ ᠵᠢᠨ ᠬᠣᠪᠣᠷ ᠱᠢᠷᠣᠢᠶ᠋ᠢᠨ ᠡᠬᠢ ᠪᠠᠶᠠᠯᠢᠭ ᠢ ᠰᠤᠳᠤᠯᠬᠤ ᠪᠠ ᠪᠦᠬᠦ᠌ ᠤᠯᠤᠰᠤᠨ ᠭᠣᠣᠯᠳᠠᠯᠭᠠᠲᠠᠶ ᠲᠤᠷᠱᠢᠯᠲᠠᠶ᠋ᠢᠨ ᠲᠠᠰᠤᠭᠢ ᠶᠡᠷᠦᠩᠬᠡᠢᠯᠡᠨ ᠠᠱᠢᠭ᠍ᠯᠠᠬᠤ ᠭᠣᠣᠯᠯᠠᠭ᠍ᠴᠢ ᠪᠣᠯᠤᠭ᠍ᠰᠠᠨᠤ ᠬᠤᠪᠢᠳᠤ᠂ ᠶᠠᠩ ᠫᠸᠩ ᠹᠸᠢ ᠥᠪᠡᠷᠦ᠋ᠨ ᠲᠤᠷᠱᠢᠯᠲᠠᠵᠢᠨ ᠦᠷᠠ ᠪᠦᠳᠦᠭᠡᠯᠢᠶᠡᠨ ᠰᠡᠳᠭᠢᠯᠳᠡᠭᠡᠨ ᠪᠤᠳᠤᠵᠥ᠍ ᠪᠠᠢᠬᠤᠪᠠᠷ ᠪᠠᠷᠠᠬᠤ ᠦᠬᠡᠢ ᠂ ᠪᠠᠰᠠ ᠪᠦᠬᠦᠢᠯᠡ ᠪᠦᠯᠬᠦᠮᠦᠨ ᠢᠷᠡᠭᠡᠳᠦᠢᠪᠡᠨ ᠰᠡᠳᠬᠢᠯ ᠳ᠋ᠡᠭᠡᠨ ᠲᠤᠬᠳᠠᠭᠠᠵᠤ ᠶᠠᠪᠤᠨᠠ᠃ 《ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠤ ᠰᠤᠳᠤᠯᠭᠠᠨ ᠨᠢ ᠬᠤᠪᠢ ᠬᠥᠮᠦᠨᠤ ᠴᠢᠷᠮᠠᠢᠯᠭᠠ ᠳ᠋ᠤ ᠯᠡ ᠪᠠᠢᠬᠤ ᠪᠢᠰᠢ᠂ ᠬᠠᠷᠢᠨ ᠬᠠᠮᠳᠤ ᠵᠢᠨ ᠴᠢᠷᠮᠠᠢᠯᠭᠠ ᠵᠢ ᠲᠦᠰᠢᠭᠯᠡᠳᠡᠭ》᠃ ᠡᠭᠦᠨ ᠦ ᠲᠤᠯᠠᠳᠠ᠂ ᠲᠡᠷᠡ ᠪᠤᠭᠤᠲᠤᠶ᠋ᠢᠨ ᠬᠣᠪᠣᠷ ᠱᠢᠷᠣᠶᠶ᠋ᠢᠨ ᠰᠤᠳᠤᠯᠭᠠᠨᠤ ᠬᠦᠷᠢᠶᠡᠯᠡᠩᠦᠨ ᠲᠡᠮᠦᠷᠯᠢᠭ ᠮᠠᠲ᠋ᠧᠷᠢᠶᠠᠯ ᠰᠤᠳᠤᠯᠬᠤ ᠭᠠᠵᠠᠷᠤᠨ ᠵᠠᠯᠠᠭᠤᠴᠤᠳᠤᠨ ᠭᠠᠪᠱᠢᠭᠠᠶ ᠠᠩᠭᠢᠶ᠋ᠢ ᠲᠦᠷᠦᠭᠦᠯᠡᠨ ᠪᠠᠢᠭᠤᠯᠤᠭ᠍ᠰᠠᠨ ᠪᠥᠭᠡᠳ ᠠᠩᠭᠢᠶ᠋ᠢᠨ ᠳᠠᠷᠤᠭᠠᠶ᠋ᠢᠨ ᠲᠤᠱᠢᠶᠠᠯᠢ ᠡᠭᠦᠷᠭᠡᠯᠡᠪᠡ᠃ ᠲᠡᠷᠡ ᠪᠣᠯᠪᠠᠰᠤᠷᠠᠯ ᠪᠠ ᠮᠡᠷᠭᠡᠵᠢᠯᠦᠨ ᠰᠣᠯᠢᠯᠴᠠᠭᠠᠨᠤ ᠠᠵᠢᠯᠯᠠᠭᠠᠶ᠋ᠢ ᠢᠳᠡᠪᠬᠢᠲᠡᠢ ᠵᠣᠬᠢᠶᠠᠨ ᠪᠠᠢᠭᠤᠯᠤᠨ ᠥᠷᠨᠢᠭᠦᠯᠵᠦ᠍᠂ ᠥᠪᠡᠷᠦᠨ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠤ ᠰᠤᠳᠤᠯᠭᠠᠨ ᠤ ᠲᠤᠷᠱᠢᠯᠭᠠ ᠪᠠ ᠲᠤᠰᠭᠠᠢ ᠮᠡᠷᠭᠡᠵᠢᠯᠦᠨ ᠮᠡᠳᠡᠯᠭᠡᠪᠡᠨ ᠥᠴᠦᠬᠡᠨ ᠴᠦ᠍ ᠬᠠᠷᠠᠮ ᠦᠭᠡᠢ ᠬᠤᠪᠢᠶᠠᠯᠴᠠᠪᠠ᠃ ᠲᠡᠭᠦᠨ ᠦ ᠲᠠᠭᠠᠭᠤᠯᠭᠠ ᠳᠣᠣᠷᠠ᠂ ᠪᠦᠯᠬᠦᠮᠤᠨ ᠬᠢᠨ ᠲᠥᠪ ᠬᠢᠴᠢᠶᠡᠩᠭᠦᠢ ᠪᠠᠢᠵᠤ ᠦᠨᠡᠨ ᠪᠣᠳᠠᠲᠠᠢᠶ᠋ᠢ ᠡᠷᠬᠢᠮᠯᠡᠬᠦ᠂ ᠵᠣᠷᠢᠭ᠍ᠲᠠᠢᠪᠠᠷ ᠱᠢᠨᠡᠶ᠋ᠢ ᠡᠭᠦᠳᠬᠦ᠂ ᠪᠦᠯᠬᠦᠮᠳᠡᠨ ᠬᠠᠮᠵᠢᠯᠴᠠᠬᠤ ᠰᠠᠢ᠌ᠨ ᠰᠠᠢᠬᠠᠨ ᠠᠭᠤᠷ ᠠᠮᠢᠰᠭᠤᠯᠢ ᠪᠤᠢ ᠪᠣᠯᠭᠠᠵᠤ᠂ ᠤᠷᠢᠳ ᠬᠣᠵᠢᠳ《ᠪᠦᠬᠦ᠌ ᠤᠯᠤᠰᠤᠨ〈5·4 〉 ᠤ᠋ ᠤᠯᠠᠭᠠᠨ ᠲᠤᠭᠴᠢ ᠡᠪᠯᠡᠯᠦᠨ ᠡᠭᠦᠷ》᠂ 《ᠥᠪᠥᠷ ᠮᠣᠩᠭᠣᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠲᠠᠯᠠ ᠨᠤᠲᠤᠭᠤᠨ ᠰᠤᠳᠤᠨ ᠴᠢᠳᠠᠪᠤᠷᠢᠲᠠᠨᠤ ᠠᠵᠤ ᠦᠢᠯᠡᠰᠦᠨ ᠱᠢᠨᠡᠶ᠋ᠢ ᠡᠭᠦᠳᠬᠦ᠌ ᠴᠢᠳᠠᠪᠤᠷᠢᠲᠠᠨᠤ ᠪᠦᠯᠬᠦᠮ》᠂《ᠥᠪᠥᠷ ᠮᠣᠩᠭᠣᠯᠤᠨ ᠵᠠᠯᠠᠭᠤᠴᠤᠳᠤᠨ ᠱᠢᠨᠡᠶ᠋ᠢ ᠡᠭᠦᠳᠬᠦ᠌ ᠦᠢᠯᠡᠰ ᠪᠤᠰᠭᠠᠬᠤ ᠱᠢᠯᠢᠳᠡᠭᠢ ᠡᠭᠦᠳᠬᠦ᠌ ᠵᠢᠱ᠌ᠢᠶᠡᠴᠢ ᠬᠠᠮᠲᠤ 》 ᠵᠡᠷᠭᠡ ᠢᠷᠠᠭᠤ ᠠᠯᠳᠠᠷᠢ ᠬᠦᠷᠳᠡᠵᠡᠢ᠃
10 ᠭᠠᠷᠤᠢ ᠵᠢᠯᠦᠨ ᠲᠤᠷᠰᠢ ᠶᠠᠩ ᠫᠸᠩ ᠹᠸᠢ ᠪᠡᠷ ᠲᠦᠷᠦᠭᠦᠯᠡᠬᠦᠯᠦᠨ ᠱᠢᠪᠲᠤᠯᠤᠯᠲᠠ ᠭᠠᠷᠭᠠᠭ᠍ᠰᠠᠨ ᠤᠯᠠᠨ ᠲᠦᠷᠦᠯᠦᠨ ᠬᠦᠴᠢᠷ ᠠᠰᠠᠭᠤᠳᠠᠯᠤᠨ ᠳᠣᠲᠣᠷᠠ 3 ᠵᠦᠢᠯᠦᠨ ᠮᠡᠷᠭᠡᠵᠢᠯ ᠨᠢ ᠬᠢᠨᠠᠨ ᠲᠣᠭ᠍ᠲᠠᠭᠠᠯᠲᠠᠪᠠᠷ ᠳᠠᠮᠵᠢᠨ ᠳᠡᠯᠡᠬᠡᠢᠶ᠋ᠢᠨ ᠲᠡᠷᠢᠭᠦᠨᠦ ᠲᠦᠪᠱᠢᠨᠳᠦ ᠬᠦᠷᠴᠡᠢ᠃ ᠲᠡᠷᠡ ᠪᠡᠷ ᠪᠠᠰᠠ ᠵᠢᠯᠳᠦ 1200 ᠲᠣᠨᠤ ᠬᠣᠪᠣᠷ ᠱᠢᠷᠣᠶᠶ᠋ᠢᠨ ᠬᠠᠢᠯᠤᠰᠢᠶ᠋ᠢᠨ ᠦᠢᠯᠡᠳᠪᠦᠷᠢᠯᠡᠯᠤᠨ ᠵᠢᠱ᠌ᠢᠶᠡ ᠦᠵᠡᠭᠦᠯᠬᠦ᠌ ᠱᠤᠭᠤᠮᠢ ᠪᠠᠢᠭᠤᠯᠵᠤ᠂ ᠣᠢᠷᠠᠶ᠋ᠢᠨ ᠬᠣᠶᠠᠷ ᠵᠢᠯᠳᠦ ᠠᠵᠤ ᠠᠬᠤᠢᠯᠠᠯᠳᠤ ᠨᠡᠢᠲᠡ 600 ᠲᠦᠮᠡᠨ ᠲᠥᠭᠥᠷᠢᠭᠦᠨ ᠠᠵᠤ ᠠᠬᠤᠶᠶ᠋ᠢᠨ ᠦᠷᠡ ᠠᠱᠢᠭ ᠡᠭᠦᠳᠴᠦ᠍ ᠥᠭ᠌ᠴᠡᠶ᠃ ᠣᠲᠣ ᠪᠣᠯᠲᠠᠯᠠ᠂ ᠲᠡᠷᠡ ᠤᠯᠤᠰ᠂ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠲᠠᠰᠤᠨ 20 ᠱᠢᠬᠠᠮ ᠲᠥᠷᠥᠯ ᠵᠦᠶ᠋ᠯᠢ ᠳᠠᠭᠠᠭᠠᠨ ᠡᠭᠦᠷᠭᠡᠯᠡᠭ᠌ᠰᠡᠨ ᠪᠤᠶᠤ ᠭᠤᠤᠯ ᠪᠤᠯᠬᠤ ᠰᠤᠳᠤᠯᠭᠠᠨᠳᠤ ᠣᠷᠣᠯᠴᠠᠵᠤ᠂ 21 ᠲᠤᠰᠭᠠᠶ ᠠᠱᠢᠭᠤᠨ ᠡᠷᠬᠡ ᠵᠢ ᠤᠯᠪᠠ᠂ ᠡᠭᠦᠨ ᠳᠦ 2 ᠵᠦᠶ᠋ᠯᠦᠨ ᠣᠯᠠᠨ ᠤᠯᠤᠰᠤᠨ ᠡᠭᠦᠳᠦᠯᠲᠡᠶ᠋ᠢᠨ ᠲᠤᠰᠭᠠᠶ ᠠᠱᠢᠭ ᠪᠠ 15 ᠵᠦᠶ᠋ᠯᠦᠨ ᠤᠯᠤᠰᠤᠨ ᠡᠭᠦᠳᠦᠯᠲᠡᠶ᠋ᠢᠨ ᠲᠤᠰᠭᠠᠶ ᠠᠱᠢᠭᠢ ᠪᠠᠭ᠍ᠲᠠᠭᠠᠵᠤ᠂ 6 ᠥᠭᠦᠯᠡᠯ ᠨᠡᠢᠲᠡᠯᠡᠵᠦ᠍᠂ ᠡᠯᠡ ᠲᠥᠷᠥᠯᠦᠨ ᠪᠠᠷᠢᠮᠵᠢᠶᠠᠶ᠋ᠢ 7 ᠵᠦᠶ᠋ᠯ ᠲᠤᠭᠳᠠᠭᠠᠨ᠂ ᠥᠪᠥᠷ ᠮᠣᠩᠭᠣᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ《5·4》ᠤ᠋ ᠵᠠᠯᠠᠭᠤᠴᠤᠳᠤᠨ ᠱᠠᠩᠨᠠᠯᠤᠨ ᠮᠸᠳᠠᠯ᠂ ᠥᠪᠥᠷ ᠮᠣᠩᠭᠣᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠬᠥᠳᠡᠯᠮᠦᠷᠢᠶ᠋ᠢᠨ ᠵᠢᠱ᠌ᠢᠶᠡᠴᠢ᠂ ᠥᠪᠥᠷ ᠮᠣᠩᠭᠣᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ 《5·1 》 ᠤ᠋ ᠬᠥᠳᠡᠯᠮᠦᠷᠢᠶ᠋ᠢᠨ ᠱᠠᠩᠨᠠᠯ᠂ ᠥᠪᠥᠷ ᠮᠣᠩᠭᠣᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨ ᠲᠧᠭ᠌ᠨᠢᠭ ᠮᠡᠷᠭᠡᠵᠢᠯᠦᠨ ᠲᠠᠪᠱᠢᠯᠳᠠᠶ᠋ᠢᠨ ᠱᠠᠩᠨᠠᠯ᠂ ᠲᠡᠮᠦᠷᠯᠢᠭ ᠬᠠᠢᠯᠤᠭᠤᠯᠬᠤ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨ ᠲᠧᠭ᠌ᠨᠢᠭ ᠮᠡᠷᠭᠡᠵᠢᠯᠦᠨ ᠱᠠᠩᠨᠠᠯ ᠁ ᠵᠡᠷᠭᠡ ᠤᠯᠠᠨ ᠵᠦᠢᠯᠤᠨ ᠢᠷᠠᠭᠤ ᠠᠯᠳᠠᠷᠢᠶᠡᠷ ᠡᠨᠭᠭᠡᠷᠢᠶᠡᠨ ᠮᠢᠯᠢᠶᠠᠯᠭᠠᠨ᠂ ᠬᠣᠪᠣᠷ ᠱᠢᠷᠣᠢᠪᠠᠷ ᠲᠡᠮᠦᠷᠯᠢᠭ ᠬᠠᠢᠯᠤᠭᠤᠯᠬᠤ ᠬᠦᠷᠢᠶᠡᠨᠦ ᠵᠠᠯᠠᠭᠤᠴᠤᠳᠤᠨ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨ ᠲᠧᠭ᠌ᠨᠢᠭ ᠮᠡᠷᠭᠡᠵᠢᠯᠦᠨ ᠠᠵᠢᠯᠳᠠᠨᠤ ᠭᠠᠷᠮᠠᠭᠠᠢ ᠲᠥᠯᠥᠭᠡᠯᠡᠭ᠌ᠴᠢ ᠪᠣᠯᠵᠠᠢ᠃
ᠭᠡᠲᠡᠯᠡ᠂ ᠶᠠᠩ ᠫᠸᠩ ᠹᠸᠢ ᠵᠢᠨ ᠠᠯᠪᠠᠨ ᠭᠡᠷᠲᠦ ᠣᠷᠣᠬᠤᠳᠤ᠂ ᠬᠡᠷᠡᠮ ᠳᠡᠭᠡᠷᠡ ᠡᠯᠭᠦᠭᠡᠰᠦᠳᠠᠢ ᠨᠢ ᠡᠯᠡ ᠵᠦᠢᠯᠦᠨ ᠢᠷᠠᠭᠤ ᠠᠯᠳᠠᠷᠤᠨ ᠦᠨᠡᠮᠯᠡᠯ ᠪᠢᠰᠢ᠂ ᠬᠠᠷᠢᠨ ᠪᠦᠯᠬᠦᠮᠦᠨ ᠭᠡᠱᠢᠭᠦᠳᠦᠨ ᠭᠡᠷᠡᠯ ᠵᠢᠷᠤᠭ ᠪᠣᠯᠤᠨ ᠵᠠᠯᠠᠭᠤᠴᠤᠳᠤᠨ ᠭᠠᠪᠱᠢᠭᠠᠢ ᠠᠩᠬᠢᠶ᠋ᠢᠨ ᠭᠠᠯ ᠤᠯᠠᠭᠠᠨ ᠲᠤᠭ ᠪᠠᠢᠯᠠ᠃ ᠲᠡᠷᠡ᠂ ᠡᠳᠡᠭᠡᠷ ᠪᠣᠯ ᠰᠠᠶᠢ ᠮᠢᠨᠤ ᠬᠠᠮᠤᠭᠤᠨ ᠶᠡᠬᠡ ᠣᠮᠣᠭ᠍ᠰᠢᠯ ᠮᠥᠨ ᠬᠡᠵᠤ ᠶᠠᠷᠢᠳᠠᠭ᠃ ᠥᠷᠯᠥᠭᠡ ᠪᠦᠷᠢ ᠤᠷᠭᠤᠬᠤ ᠨᠡᠷᠡᠨ ᠬᠣᠪᠣᠷ ᠱᠢᠷᠣᠢᠶ᠋ᠢᠨ ᠰᠤᠳᠤᠯᠭᠠᠨᠤ ᠬᠦᠷᠢᠶᠡᠯᠡᠩᠳᠦ ᠲᠤᠰᠬᠤ ᠪᠡᠷ ᠶᠠᠩ ᠫᠸᠩ ᠹᠸᠢ ᠠᠵᠢᠯᠤᠨ ᠬᠤᠪᠴᠠᠰᠤᠪᠠᠨ ᠰᠣᠯᠢᠵᠤ᠂ ᠡᠳᠤᠷᠦᠨ ᠠᠵᠢᠯᠢᠶᠡᠨ ᠡᠬᠢᠯᠡᠬᠦᠯᠳᠡᠭ᠃ ᠵᠤᠤᠬᠠ ᠵᠢᠨ ᠭᠠᠯ ᠳᠠᠬᠢᠨ ᠲᠦᠷᠡᠯᠵᠡᠵᠦ᠂ ᠲᠤᠷᠰᠢᠯᠳᠠ ᠵᠢᠨ ᠠᠵᠢᠯ ᠦᠷᠬᠦᠯᠵᠢᠯᠡᠨ ᠤᠷᠤᠭᠰᠢ ᠠᠬᠢᠨᠠ᠃ ᠲᠡᠬᠦᠨᠤ ᠠᠷᠤ ᠳ᠋ᠤ ᠲᠡᠬᠦᠨ ᠰᠢᠭ ᠴᠦᠬᠦᠷᠡᠰᠢ ᠦᠭᠡᠢ ᠲᠡᠮᠡᠴᠡᠳᠡᠭ ᠨᠢᠭᠡ ᠪᠦᠯᠦᠭ ᠬᠢᠯᠠᠯᠵᠠᠬᠰᠠᠨ ᠵᠠᠯᠠᠭᠤᠴᠤᠳ ᠪᠤᠢ᠃
ᠬᠣᠪᠣᠷ ᠱᠢᠷᠣᠢᠶ᠋ᠢᠨ ᠠᠵᠤ ᠦᠢᠯᠡᠰᠦᠨ ᠬᠥᠭ᠌ᠵᠢᠯᠲᠡᠶ᠋ᠢᠨ ᠡᠭᠦᠷᠭᠡ ᠬᠦᠨᠳᠦ ᠪᠦᠭᠡᠳ ᠵᠠᠮ ᠬᠤᠯᠠ ᠪᠤᠢ᠃ ᠭᠡᠪᠡᠴᠦ᠍ ᠦᠶᠡ ᠦᠶᠡᠶ᠋ᠢᠨ ᠬᠢᠨ ᠰᠢᠨᠳᠠᠷᠠᠰᠢ ᠦᠭᠡᠢ ᠭᠦᠨᠵᠡᠭᠡᠢᠷᠡᠨ ᠰᠤᠳᠤᠯᠳᠠᠭ ᠯᠠ ᠪᠤᠯ᠂ ᠤᠮᠠᠷᠠᠲᠤ ᠬᠢᠯᠢᠶ᠋ᠢᠨ ᠡᠨᠡ ᠬᠦ᠌ ᠬᠣᠪᠣᠷ ᠱᠢᠷᠣᠢᠶ᠋ᠢᠨ ᠬᠠᠯᠠᠭᠤᠨ ᠬᠥᠷᠥᠰᠥ᠍ ᠯᠠᠪᠲᠠᠢ ᠨᠡᠩ ᠭᠡᠷᠡᠯ ᠰᠠᠴᠤᠷᠠᠩᠭᠤᠢ ᠦᠨᠭᠭᠡ ᠭᠢᠯᠪᠠᠭᠠᠪᠠᠨ ᠰᠠᠴᠤᠷᠠᠭᠤᠯᠵᠤ ᠴᠢᠳᠠᠨᠠ ᠭᠡᠳᠡᠭᠢ ᠶᠠᠩ ᠫᠸᠩ ᠹᠸᠢ ᠪᠠᠳᠤ ᠢᠳᠡᠭᠡᠨᠡ᠃