5 ᠰᠠᠷᠠ ᠵᠢᠨ 24 ᠤ᠋ ᠡᠳᠦᠷ᠂ ᠪᠢᠳᠡ ᠲᠠᠮᠤᠴᠢ ᠵᠢᠨ ᠲᠠᠯᠠ ᠳ᠋ᠤ ᠰᠠᠭᠤᠷᠢᠰᠢᠭᠠ ᠮᠠᠯᠴᠢᠨ ᠦᠯᠵᠡᠢᠨᠠᠷᠠᠨ ᠤ᠋ ᠳ᠋ᠤ ᠬᠦᠷᠴᠠᠢ᠃ ᠬᠦᠷᠢᠶᠡᠨ ᠳ᠋ᠤᠨᠢ ᠠᠷᠪᠠᠭᠠᠳ ᠲᠤᠮᠤ ᠪᠦᠭᠡᠷᠡᠩᠬᠡᠢ ᠪᠤᠭᠤᠯᠲᠠ ᠲᠠᠢ ᠡᠪᠡᠰᠤ ᠬᠠᠷᠠᠭᠳᠠᠬᠤ ᠪᠡᠷ ᠨᠢ ᠰᠠᠶᠢᠬᠠᠨ ᠳᠠᠭᠤᠰᠤᠭᠰᠠᠨ ᠬᠠᠪᠤᠷ ᠤ᠋ᠨ ᠤᠯᠠᠷᠢᠯ ᠤ᠋ᠨ ᠨᠤᠳᠤᠭ ᠪᠡᠯᠴᠢᠭᠡᠷ ᠢ᠋ ᠠᠮᠠᠷᠠᠭᠤᠯᠬᠤ ᠬᠤᠭᠤᠴᠠᠭᠠᠨ ᠳ᠋ᠤ ᠨᠦᠭᠡᠴᠡᠯᠡᠭᠰᠡᠨ ᠲᠠᠵᠢᠬᠡᠯ ᠡᠪᠡᠰᠤᠨ ᠤ᠋ ᠬᠢᠨᠢ ᠦᠯᠡᠳᠡᠪᠦᠷᠢ ᠪᠠᠢᠬᠠ ᠭᠡᠵᠤ ᠪᠤᠳᠤᠭᠠᠳ 《ᠡᠨᠡ ᠵᠢᠯ ᠤ᠋ᠨ ᠬᠠᠰᠢᠶᠠᠯᠠᠭᠠ ᠵᠢᠨ ᠬᠤᠭᠤᠴᠠᠭᠠᠨ ᠳ᠋ᠤ ᠬᠡᠳᠦᠢ ᠡᠪᠡᠰᠤ ᠬᠤᠳᠠᠯᠳᠤᠵᠤ ᠠᠪᠤᠭᠰᠠᠨ ᠪᠤᠢ？》 ᠬᠡᠵᠤ ᠠᠰᠠᠭᠤᠬᠤ ᠳ᠋ᠤ᠄ 《ᠮᠠᠨ ᠤ᠋ ᠬᠢ ᠡᠨᠡ ᠬᠠᠪᠤᠷ ᠡᠪᠡᠰᠤ ᠬᠤᠳᠠᠯᠳᠤᠵᠤ ᠠᠪᠤᠭᠰᠠᠨ ᠦᠭᠡᠢ᠂ ᠨᠢᠳᠦᠨᠤᠨ ᠤ᠋ ᠲᠠᠷᠢᠵᠤ ᠬᠤᠷᠢᠶᠠᠭᠰᠠᠨ ᠡᠪᠡᠰᠤᠨ ᠤ᠋ ᠦᠯᠡᠳᠡᠪᠦᠷᠢ ᠨᠢ ᠡᠨᠡ ᠪᠠᠢᠨᠠ》 ᠭᠡᠵᠤ ᠦᠯᠵᠡᠢᠨᠠᠷᠠᠨ ᠪᠤᠭᠤᠯᠲᠠ ᠲᠠᠢ ᠡᠪᠡᠰᠤ ᠪᠠᠨ ᠵᠢᠭᠠᠵᠤ ᠬᠡᠯᠡᠨᠡ᠃
ᠦᠯᠵᠡᠢᠨᠠᠷᠠᠨ ᠪᠤᠯ ᠰᠢᠯᠢ ᠵᠢᠨ ᠭᠤᠤᠯ ᠠᠢᠮᠠᠭ ᠤ᠋ᠨ ᠰᠦᠨᠢᠳ ᠵᠡᠭᠦᠨ ᠬᠤᠰᠢᠭᠤᠨ ᠤ᠋ ᠮᠠᠨᠳᠠᠯᠲᠤ ᠪᠠᠯᠭᠠᠰᠤ ᠵᠢᠨ ᠳᠠᠷᠬᠠᠨᠰᠢᠯᠢ ᠭᠠᠴᠠᠭᠠᠨ ᠤ᠋ ᠮᠠᠯᠴᠢᠨ ᠶᠤᠮ᠃ ᠲᠡᠷᠡ ᠦᠪᠦᠷ ᠮᠤᠩᠭᠤᠯ ᠤ᠋ᠨ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠤ᠋ ᠲᠠᠷᠢᠶᠠᠯᠠᠩ ᠮᠠᠯ ᠠᠵᠤ ᠠᠬᠤᠢ ᠵᠢᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ᠋ ᠬᠦᠷᠢᠶᠡᠯᠡᠩ ᠲᠠᠢ ᠬᠠᠮᠳᠤᠷᠠᠨ ᠲᠠᠴᠢᠷ ᠨᠢᠮᠬᠡᠨ ᠲᠠᠮᠤᠴᠢ ᠵᠢᠨ ᠲᠠᠯᠠ ᠳ᠋ᠤ ᠰᠦᠯ ᠰᠠᠢᠲᠠᠢ ᠡᠪᠡᠰᠦ ᠲᠠᠷᠢᠭᠠᠳ ᠠᠮᠵᠢᠯᠳᠠ ᠤᠯᠪᠠ᠃ 《ᠲᠦᠷᠦᠭᠦᠭᠡᠨ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠤ᠋ ᠲᠠᠷᠢᠶᠠᠯᠠᠩ ᠮᠠᠯ ᠠᠵᠤ ᠠᠬᠤᠢ ᠵᠢᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ᠋ ᠬᠦᠷᠢᠶᠡᠯᠡᠩ ᠤ᠋ᠨ ᠡᠷᠳᠡᠮᠲᠠᠨ ᠪᠠᠭᠰᠢ ᠨᠠᠷ ᠮᠠᠨ ᠤ᠋ ᠭᠤᠴᠢᠭᠠᠳ ᠮᠤ᠌ ᠭᠠᠵᠠᠷ ᠲᠤ᠌ ᠬᠠᠷᠭᠠᠨᠠ᠂ ᠲᠡᠰᠬᠢ ᠬᠤᠶᠠᠷ ᠵᠦᠢᠯ ᠤ᠋ᠨ ᠭᠠᠩ ᠲᠠᠴᠢᠷ ᠲᠦ᠍ ᠲᠠᠭᠠᠭᠠᠴᠠᠳᠠᠢ ᠡᠪᠡᠰᠤ ᠲᠠᠷᠢᠵᠤ᠂ ᠰᠤᠳᠤᠯᠭᠠᠨ ᠵᠢᠡᠨ ᠦᠷᠭᠦᠯᠵᠢᠯᠡᠭᠦᠯᠵᠦ ᠪᠠᠢᠨᠠ》 ᠭᠡᠵᠤ ᠦᠯᠵᠡᠢᠨᠠᠷᠠᠨ ᠲᠠᠨᠢᠯᠴᠠᠭᠤᠯᠤᠨᠠ᠃
ᠦᠯᠵᠡᠢᠨᠠᠷᠠᠨ ᠤ᠋ ᠬᠢ 6500 ᠮᠤ᠌ ᠪᠡᠯᠴᠢᠭᠡᠷ ᠲᠡᠭᠡᠨ 200 ᠭᠠᠷᠤᠢ ᠬᠤᠨᠢ᠂ 100 ᠰᠢᠬᠠᠮ ᠦᠬᠡᠷ ᠮᠠᠯᠵᠢᠳᠠᠭ᠃ ᠮᠠᠯᠴᠢᠨ ᠬᠦᠮᠦᠨ ᠳ᠋ᠤ ᠠᠪᠴᠤ ᠬᠡᠯᠡᠪᠡᠯ ᠡᠪᠡᠰᠤ ᠪᠤᠷᠳᠤᠭᠠ ᠬᠤᠳᠠᠯᠳᠤᠵᠤ ᠠᠪᠤᠨᠠ ᠭᠡᠵᠤ ᠵᠢᠯ ᠳ᠋ᠡᠭᠡᠨ ᠪᠠᠭᠠ ᠪᠤᠰᠤ ᠵᠠᠷᠤᠳᠠᠯ ᠭᠠᠷᠬᠤ ᠨᠢ ᠶᠠᠷᠢᠶᠠᠨ ᠦᠬᠡᠢ᠃ 《ᠠᠩᠬᠠ ᠡᠬᠢᠯᠡᠬᠦ ᠦᠶᠡᠰ ᠭᠡᠷ ᠤ᠋ᠨ ᠵᠢᠡᠨ ᠬᠠᠵᠠᠭᠤ ᠬᠠᠪᠢ ᠵᠢᠨ ᠬᠠᠲᠠᠭᠤ ᠬᠠᠯᠴᠠᠭᠠᠢ ᠭᠠᠵᠠᠷ ᠳᠡᠭᠡᠷᠡ ᠡᠪᠡᠰᠤ ᠲᠠᠷᠢᠬᠤ ᠶ᠋ᠢ ᠤᠷᠤᠯᠳᠤᠭᠰᠠᠨ᠃ ᠢᠩᠭᠢᠪᠡᠯ ᠨᠢᠭᠡ ᠲᠠᠯᠠ ᠪᠡᠷ ᠭᠠᠵᠠᠷ ᠬᠠᠯᠴᠠᠭᠠᠢᠷᠠᠵᠤ ᠬᠠᠷᠠᠭᠳᠠᠬᠤ ᠦᠭᠡᠢ᠂ ᠬᠦᠮᠦᠨ ᠠᠮᠢᠲᠠᠨ ᠶᠠᠪᠤᠵᠤ ᠰᠠᠭᠤᠬᠤ ᠳ᠋ᠤ ᠰᠡᠳᠭᠢᠯ ᠲᠡᠨᠢᠭᠦᠨ᠂ ᠨᠦᠭᠦᠭᠡ ᠲᠠᠯᠠ ᠪᠡᠷ ᠡᠪᠡᠰᠤ ᠲᠠᠷᠢᠪᠠᠯ ᠮᠠᠯ ᠤ᠋ᠨ ᠵᠢᠡᠨ ᠲᠡᠵᠢᠭᠡᠯ ᠡᠪᠡᠰᠤᠨ ᠤ᠋ ᠵᠠᠷᠤᠯᠭᠠ ᠵᠢ ᠠᠷᠪᠢᠯᠠᠴᠢᠬᠠᠬᠤ ᠮᠦᠷᠳᠡᠬᠡᠨ ᠮᠠᠯ ᠤᠨᠤᠭᠠ ᠵᠢᠡ ᠵᠢᠡᠨ ᠲᠠᠷᠭᠤ ᠬᠦᠴᠦ ᠵᠢ ᠪᠠᠳᠤᠯᠠᠵᠤ᠂ ᠬᠤᠳᠠᠯᠳᠤᠬᠤ ᠦᠶᠡᠰ ᠢᠯᠡᠭᠦᠦ ᠵᠤᠭᠤᠰ ᠤᠯᠴᠢᠬᠠᠨᠠ》 ᠭᠡᠵᠤ ᠦᠯᠵᠡᠢᠨᠠᠷᠠᠨ ᠡᠪᠡᠰᠤ ᠲᠠᠷᠢᠬᠤ ᠪᠤᠳᠤᠯ ᠤᠷᠭᠤᠭᠰᠠᠨ ᠵᠤᠷᠢᠯᠳᠠ ᠪᠠᠨ ᠲᠠᠯᠬᠡᠯᠠ᠃
《ᠵᠦᠭᠡᠷ ᠰᠠᠭᠤᠬᠤ ᠪᠡᠷ ᠵᠦᠯᠭᠦᠵᠤ ᠰᠠᠭᠤ》 ᠭᠡᠳᠡᠭᠴᠢᠯᠡᠨ᠂ ᠦᠯᠵᠡᠢᠨᠠᠷᠠᠨ 2020 ᠤᠨ ᠳ᠋ᠤ ᠦᠪᠡᠷ ᠤ᠋ᠨ ᠨᠤᠲᠤᠭ ᠳᠡᠭᠡᠷᠡ ᠪᠡᠨ 50 ᠮᠤ᠌ ᠴᠠᠷᠭᠠᠰᠤ ᠲᠠᠷᠢᠵᠤ᠂ 30 ᠰᠢᠬᠠᠮ ᠮᠤ᠌ ᠶ᠋ᠢ ᠨᠢ ᠬᠠᠳᠤᠭᠠᠳ 53 ᠪᠤᠭᠤᠯᠲᠠ ᠡᠪᠡᠰᠤ ᠬᠤᠷᠢᠶᠠᠵᠠᠢ᠃ ᠲᠡᠷᠡ ᠬᠠᠮᠤᠭ ᠤ᠋ᠨ ᠠᠩᠬᠠᠨ ᠳ᠋ᠤ ᠬᠤᠨᠢᠨ ᠤ᠋ ᠬᠤᠷᠭᠤᠯ ᠬᠤᠭ ᠢ᠋ ᠨᠢᠭᠡ ᠳᠠᠪᠬᠤᠷ ᠳᠡᠪᠢᠰᠤᠬᠡᠳ ᠡᠪᠡᠰᠤᠨ ᠦᠷᠡ ᠪᠡᠨ ᠰᠢᠭᠤᠳ ᠰᠠᠴᠤᠵᠤ᠂ ᠬᠤᠨᠢᠨ ᠤ᠋ ᠬᠤᠷᠭᠤᠯ ᠬᠤᠭ ᠨᠢ ᠢᠯᠡ ᠭᠠᠷᠴᠤ ᠰᠢᠮᠠ ᠬᠦᠴᠦ ᠨᠢ ᠬᠦᠷᠦᠰᠦ ᠰᠢᠷᠤᠢ ᠳ᠋ᠤ ᠰᠠᠭᠤᠵᠤ ᠲᠠᠢᠯᠬᠦ ᠦᠬᠡᠢ ᠪᠤᠯᠬᠤᠷ ᠲᠠᠷᠢᠭᠰᠠᠨ ᠡᠪᠡᠰᠤᠨ ᠤ᠋ ᠤᠷᠭᠤᠯᠲᠠ ᠨᠢ ᠲᠡᠮᠠᠢ ᠰᠠᠢᠨ ᠪᠢᠰᠢ ᠪᠠᠢᠪᠠ᠃ ᠡᠨᠡ ᠬᠦ᠌ ᠠᠰᠠᠭᠤᠳᠠᠯ ᠢ᠋ ᠰᠢᠢᠳᠪᠦᠷᠢᠯᠡᠬᠦ ᠵᠢᠨ ᠲᠦᠯᠦᠭᠡ ᠲᠡᠷᠡ ᠳᠠᠷᠠᠭᠠ ᠵᠢᠯ ᠡᠴᠡ ᠨᠢ ᠬᠤᠨᠢᠨ ᠤ᠋ ᠬᠤᠷᠭᠤᠯ ᠬᠤᠭ ᠲᠡᠭᠡᠷᠡ ᠤᠰᠤ ᠰᠠᠴᠤᠵᠦ᠂ ᠬᠡᠰᠡᠭ ᠬᠤᠭᠤᠴᠠᠭᠠ ᠢᠰᠭᠡᠭᠰᠡᠨ ᠤ᠋ ᠳᠠᠷᠠᠭᠠ ᠲᠡᠮᠤᠷ ᠰᠠᠪᠠᠷ ᠵᠢᠡᠷ ᠬᠦᠷᠤᠰᠤᠨ ᠤ᠋ ᠦᠩᠭᠡᠨ ᠲᠠᠯᠠ ᠶ᠋ᠢ ᠬᠤᠪᠬᠤᠯᠤᠨ ᠡᠪᠡᠰᠤᠨ ᠦᠷᠡ᠂ ᠬᠤᠨᠢᠨ ᠤ᠋ ᠬᠤᠷᠭᠤᠯ ᠬᠤᠭ᠂ ᠬᠦᠷᠦᠰᠤ ᠰᠢᠷᠤᠢ ᠶ᠋ᠢ ᠰᠠᠢᠲᠤᠷ ᠬᠤᠯᠢᠵᠤ ᠲᠠᠯᠪᠢᠭᠰᠠᠨ ᠤ᠋ ᠳᠠᠷᠠᠭᠠ ᠰᠦᠷᠴᠢᠭᠦᠷ ᠵᠢᠡᠷ ᠤᠰᠤᠯᠠᠬᠰᠠᠨ ᠳ᠋ᠤ ᠡᠪᠡᠰᠤᠨ ᠤ᠋ ᠤᠷᠭᠤᠯᠲᠠ ᠨᠢ ᠮᠡᠳᠡᠭᠳᠡᠮᠡ ᠰᠠᠢᠵᠢᠷᠠᠭᠰᠠᠨ ᠪᠤᠯᠪᠠᠴᠤ ᠪᠠᠰᠠ ᠨᠢᠭᠡᠨ ᠠᠰᠠᠭᠤᠳᠠᠯ ᠳ᠋ᠤ ᠲᠤᠯᠭᠠᠷᠠᠯᠠ᠃ ᠲᠠᠮᠤᠴᠢ ᠵᠢᠨ ᠲᠠᠯᠠ ᠳ᠋ᠤ ᠬᠤᠷᠠ ᠲᠤᠨᠳᠠᠰᠤ ᠬᠠᠷᠢᠴᠠᠩᠭᠤᠢ ᠴᠦᠬᠡᠨ ᠪᠤᠯᠬᠤᠷ ᠡᠨᠳᠡ ᠡᠪᠡᠰᠤ ᠲᠠᠷᠢᠬᠤ ᠳ᠋ᠤ ᠤᠰᠤ ᠠᠷᠪᠢᠯᠠᠬᠤ ᠶ᠋ᠢ ᠵᠠᠪᠠᠯ ᠪᠤᠳᠤᠯᠬᠢᠯᠠᠬᠤ ᠴᠢᠬᠤᠯᠠ ᠲᠠᠢ ᠶᠤᠮ᠂ ᠰᠦᠷᠴᠢᠭᠦᠷ ᠵᠢᠡᠷ ᠤᠰᠤᠯᠠᠬᠤ ᠨᠢ ᠨᠡᠯᠦᠢᠯᠭᠡᠵᠤ ᠤᠰᠤᠯᠠᠬᠤ ᠶ᠋ᠢ ᠪᠤᠳᠤᠪᠠᠯ ᠤᠰᠤᠨ ᠳ᠋ᠤ ᠠᠷᠪᠢᠳᠠᠢ ᠴᠦ᠍ ᠰᠦᠷᠴᠢᠬᠦ ᠶᠠᠪᠤᠴᠠ ᠳ᠋ᠤ ᠪᠠᠷᠤᠭ 20% ᠵᠢᠨ ᠤᠰᠤ ᠨᠢ ᠠᠭᠤᠷᠰᠢᠴᠢᠬᠠᠳᠠᠭ᠃ ᠦᠯᠵᠡᠢᠨᠠᠷᠠᠨ ᠪᠤᠳᠤᠵᠤ ᠪᠤᠳᠤᠭᠠᠳ ᠭᠠᠵᠠᠷ ᠲᠠᠭᠠᠨ ᠭᠤᠤᠷᠰᠤ ᠳᠡᠪᠢᠰᠴᠤ᠂ ᠭᠤᠤᠯ ᠭᠤᠤᠷᠰᠤ ᠲᠠᠢ ᠪᠠᠨ ᠵᠠᠯᠭᠠᠯᠳᠤᠭᠤᠯᠤᠨ ᠨᠠᠷᠢᠬᠠᠨ ᠰᠠᠯᠪᠤᠷᠢ ᠭᠤᠤᠷᠰᠤ ᠭᠠᠷᠭᠠᠨ 10 ᠰᠡᠨᠲ᠋ᠢᠮᠸᠲᠷ ᠤᠷᠴᠢᠮ ᠪᠤᠯᠠᠵᠤ ᠲᠠᠯᠪᠢᠭᠠᠳ ᠬᠡᠷᠡᠯᠴᠢ ᠴᠡᠨᠡᠭ ᠤ᠋ᠨ ᠬᠠᠪᠳᠠᠰᠤ ᠪᠡᠷ ᠴᠠᠬᠢᠯᠭᠠᠨ ᠭᠠᠷᠭᠠᠵᠤ ᠤᠰᠤ ᠲᠠᠲᠠᠨ᠂ ᠲᠠᠷᠢᠭᠰᠠᠨ ᠡᠪᠡᠰᠤ ᠪᠡᠨ ᠬᠤᠭᠤᠯᠠᠢ ᠪᠡᠷ ᠳᠠᠮᠵᠢᠨ ᠳᠤᠰᠤᠯᠭᠠᠨ ᠤᠰᠤᠯᠠᠪᠠ᠃ ᠢᠩᠭᠢᠭᠰᠡᠨ ᠵᠢᠡᠷ ᠤᠰᠤ ᠨᠢ ᠬᠦᠷᠦᠰᠦᠨ ᠳᠤᠤᠷᠠᠬᠢ ᠬᠤᠭᠤᠯᠠᠢ ᠵᠢᠨ ᠵᠢᠵᠢᠭ ᠰᠦᠪᠡ ᠪᠡᠷ ᠰᠢᠭᠤᠳ ᠡᠪᠡᠰᠤᠨ ᠤ᠋ ᠦᠨᠳᠦᠰᠦ ᠳ᠋ᠤ ᠬᠦᠷᠳᠡᠭ ᠪᠤᠯᠬᠤᠷ ᠬᠡᠮᠵᠢᠶᠠ ᠬᠢᠵᠠᠭᠠᠷ ᠲᠠᠢ ᠤᠰᠤᠨ ᠤ᠋ ᠡᠬᠢ ᠪᠠᠶᠠᠯᠢᠭ ᠵᠢᠡᠨ ᠨᠡᠩ ᠪᠦᠲᠦᠮᠵᠢᠲᠠᠢ ᠨᠡᠩ ᠠᠷᠪᠢᠳᠠᠢ ᠠᠰᠢᠭᠯᠠᠬᠤ ᠬᠠᠷᠠᠯᠲᠠ ᠳ᠋ᠠᠭᠠᠨ ᠬᠦᠷᠴᠠᠢ᠃
ᠵᠤᠷᠢᠭ ᠪᠠᠢᠪᠠᠯ ᠵᠤᠤ ᠳ᠋ᠤ ᠬᠦᠷᠳᠡᠭ᠂ ᠦᠯᠵᠡᠢᠨᠠᠷᠠᠨ ᠤ᠋ ᠭᠠᠩ ᠬᠠᠭᠤᠷᠠᠢ ᠲᠠᠴᠢᠷ ᠨᠢᠮᠬᠡᠨ ᠲᠠᠮᠤᠴᠢ ᠵᠢᠨ ᠲᠠᠯᠠ ᠳ᠋ᠤ ᠡᠪᠡᠰᠤ ᠲᠠᠷᠢᠬᠤ ᠪᠡᠷ ᠵᠤᠷᠢᠭ ᠰᠢᠭᠤᠳᠤᠭᠰᠠᠨ ᠪᠦᠬᠡᠳ ᠤᠷᠤᠯᠳᠤᠯᠭᠠ ᠰᠠᠢᠳᠠᠢ ᠪᠠᠢᠬᠤ ᠵᠢ ᠳᠤᠭᠤᠯᠤᠭᠰᠠᠨ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠤ᠋ ᠲᠠᠷᠢᠶᠠᠯᠠᠩ ᠮᠠᠯ ᠠᠵᠤ ᠠᠬᠤᠢ ᠵᠢᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ᠋ ᠬᠦᠷᠢᠶᠡᠯᠡᠩ ᠤ᠋ᠨ ᠡᠷᠳᠡᠮᠲᠠᠨ ᠪᠠᠭᠰᠢ ᠨᠠᠷ ᠲᠡᠬᠦᠨ ᠢ᠋ ᠡᠷᠢᠵᠤ ᠤᠴᠢᠨ ᠬᠠᠮᠳᠤᠷᠠᠨ ᠠᠵᠢᠯᠯᠠᠬᠤ ᠪᠡᠷ ᠶᠠᠷᠢᠯᠴᠠᠵᠤ ᠲᠤᠭᠳᠠᠭᠰᠠᠨ ᠬᠤᠢᠨᠠ ᠨᠤᠲᠤᠭ ᠲᠡᠭᠡᠷᠡ ᠨᠢ ᠶᠦᠷᠬᠦᠭ᠂ ᠲᠤᠭᠲᠤᠷᠭᠠᠨᠠ᠂ ᠰᠢᠷᠠ ᠬᠢᠶᠠᠭ᠂ ᠬᠦᠮᠡᠯᠢ᠂ ᠴᠠᠷᠭᠠᠰᠤ ᠵᠡᠷᠭᠡ ᠭᠠᠩ ᠲᠠᠴᠢᠷ ᠲᠦ᠍ ᠲᠠᠭᠠᠭᠠᠴᠠᠳᠠᠢ ᠨᠤᠲᠤᠭ ᠤ᠋ᠨ ᠡᠪᠡᠰᠤ ᠵᠢ ᠬᠠᠮᠳᠤ ᠪᠡᠷ ᠲᠤᠷᠰᠢᠨ ᠲᠠᠷᠢᠵᠤ᠂ 50 ᠭᠠᠷᠤᠢ ᠮᠤ᠌ ᠲᠠᠴᠢᠷ ᠨᠢᠮᠬᠡᠨ ᠪᠡᠯᠴᠢᠭᠡᠷ ᠢ᠋ ᠵᠠᠰᠠᠵᠤ ᠰᠡᠷᠭᠦᠭᠡᠭᠰᠡᠨ ᠪᠦᠭᠡᠳ ᠪᠠᠰᠠ ᠮᠠᠯ ᠤᠨᠤᠭᠠ ᠪᠠᠨ ᠡᠪᠤᠯᠵᠢᠬᠦᠯᠬᠦ ᠲᠡᠵᠢᠭᠡᠯ ᠡᠪᠡᠰᠤ ᠶ᠋ᠢᠨ ᠨᠦᠬᠡᠴᠡ ᠲᠠᠢ ᠪᠤᠯᠵᠠᠢ᠃
《ᠲᠠᠮᠤᠴᠢ ᠵᠢᠨ ᠲᠠᠯᠠ ᠨᠡᠢᠲᠡᠯᠢᠭ ᠴᠦᠯᠯᠡᠷᠬᠡᠭ ᠲᠠᠯᠠ ᠨᠤᠲᠤᠭ ᠲᠤ᠌ ᠬᠠᠷᠢᠶᠠᠯᠠᠭᠳᠠᠨᠠ᠃ ᠪᠢᠳᠡ ᠡᠨᠳᠡᠬᠢ ᠵᠢᠨ ᠪᠤᠳᠠᠳᠤ ᠪᠠᠢᠳᠠᠯ ᠳ᠋ᠤ ᠴᠢᠭᠯᠡᠭᠦᠯᠦᠨ ᠡᠪᠡᠰᠤᠨ ᠤ᠋ ᠡᠬᠦᠯᠳᠡᠷ ᠢ᠋ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠴᠢ ᠪᠡᠷ ᠲᠤᠬᠢᠷᠠᠭᠤᠯᠬᠤ ᠪᠠ ᠤᠰᠤ ᠪᠤᠷᠳᠤᠭᠤᠷ ᠢ᠋ ᠨᠢᠭᠡ ᠴᠤᠭᠴᠠᠵᠢᠭᠤᠯᠬᠤ ᠮᠡᠷᠭᠡᠵᠢᠯ ᠪᠤᠯᠤᠨ ᠠᠮᠢ ᠠᠬᠤᠢ ᠶ᠋ᠢ ᠵᠠᠰᠠᠨ ᠰᠡᠷᠭᠦᠭᠡᠬᠦ ᠤᠳᠠᠭᠠᠨ ᠵᠢᠯ ᠤ᠋ᠨ ᠲᠤᠷᠰᠢᠯᠭᠠ ᠳ᠋ᠠᠭᠠᠨ ᠰᠠᠭᠤᠷᠢᠯᠠᠨ ᠦᠯᠵᠡᠢᠨᠠᠷᠠᠨ ᠤ᠋ ᠨᠤᠳᠤᠭ ᠲᠠᠬᠡᠷᠠ ᠠᠮᠢ ᠠᠬᠤᠢ ᠶ᠋ᠢ ᠵᠠᠰᠠᠵᠤ ᠰᠡᠷᠭᠦᠭᠡᠬᠦ ᠲᠤᠷᠰᠢᠯᠲᠠ ᠵᠢᠨ ᠲᠤᠭᠤᠷᠢᠭ ᠭᠠᠷᠭᠠᠵᠤ᠂ ᠲᠠᠴᠢᠷ ᠨᠢᠮᠬᠡᠨ ᠪᠡᠯᠴᠢᠬᠡᠷ ᠢ᠋ ᠵᠠᠰᠠᠨ ᠰᠡᠷᠭᠦᠭᠡᠬᠦ ᠶᠡᠷᠦᠩᠬᠡᠢᠯᠡᠭᠰᠡᠨ ᠠᠮᠢ ᠠᠬᠤᠢ ᠵᠢᠨ ᠴᠢᠳᠠᠮᠵᠢ ᠵᠢᠴᠢ ᠲᠡᠵᠢᠭᠡᠯ ᠡᠪᠡᠰᠤᠨ ᠤ᠋ ᠭᠠᠷᠤᠯᠲᠠ ᠶ᠋ᠢ ᠮᠡᠳᠡᠭᠳᠡᠮᠠ ᠳᠡᠭᠡᠭᠰᠢᠯᠡᠭᠦᠯᠦᠭᠰᠡᠨ ᠵᠢᠡᠷ ᠪᠠᠷᠠᠬᠤ ᠦᠬᠡᠢ ᠤᠢᠷᠠ ᠬᠠᠪᠢ ᠵᠢᠨ ᠠᠳᠠᠯᠢᠪᠳᠤᠷ ᠭᠠᠵᠠᠷ ᠲᠦ᠍ ᠬᠠᠭᠤᠯᠪᠤᠷᠢᠯᠠᠵᠤ ᠪᠤᠯᠬᠤ ᠳᠡᠯᠭᠡᠷᠡᠭᠦᠯᠵᠤ ᠪᠤᠯᠬᠤ ᠮᠡᠷᠭᠡᠵᠢᠯ ᠤ᠋ᠨ ᠵᠠᠭᠪᠤᠷ ᠢ᠋ ᠪᠦᠷᠢᠯᠳᠦᠭᠦᠯᠪᠠ》 ᠭᠡᠵᠤ ᠦᠪᠦᠷ ᠮᠤᠩᠭᠤᠯ ᠤ᠋ᠨ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠤ᠋ ᠲᠠᠷᠢᠶᠠᠯᠠᠩ ᠮᠠᠯ ᠠᠵᠤ ᠠᠬᠤᠢ ᠵᠢᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ᠋ ᠬᠦᠷᠢᠶᠡᠯᠡᠩ ᠤ᠋ᠨ ᠨᠤᠲᠤᠭ ᠪᠡᠯᠴᠢᠭᠡᠷ ᠤ᠋ᠨ ᠰᠤᠳᠤᠯᠭᠠᠨ ᠤ᠋ ᠭᠠᠵᠠᠷ ᠤ᠋ᠨ ᠨᠤᠲᠤᠭ ᠪᠡᠯᠴᠢᠭᠡᠷ ᠤ᠋ᠨ ᠠᠮᠢ ᠠᠬᠤᠢ ᠶ᠋ᠢ ᠵᠠᠰᠠᠨ ᠰᠡᠷᠭᠦᠭᠡᠬᠦ ᠪᠦᠯᠬᠦᠮ ᠤ᠋ᠨ ᠲᠤᠰᠠᠯᠠᠬᠤ ᠰᠤᠳᠤᠯᠤᠭᠴᠢ ᠰᠢᠶᠸ ᠢᠦᠢ ᠰᠤᠷᠪᠤᠯᠵᠢᠯᠠᠭᠴᠢ ᠳ᠋ᠤ ᠬᠡᠯᠡᠨᠡ᠃ ᠡᠨᠡ ᠵᠢᠯ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠤ᠋ ᠲᠠᠷᠢᠶᠠᠯᠠᠩ ᠮᠠᠯ ᠠᠵᠤ ᠠᠬᠤᠢ ᠵᠢᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ᠋ ᠬᠦᠷᠢᠶᠡᠯᠡᠩ ᠤ᠋ᠨ ᠬᠢᠨ ᠦᠯᠵᠡᠢᠨᠠᠷᠠᠨ ᠲᠠᠢ ᠬᠠᠮᠳᠤᠷᠠᠨ ᠬᠠᠷᠭᠠᠨᠠ ᠪᠠ ᠲᠡᠰᠬᠢ ᠶ᠋ᠢ ᠲᠤᠷᠰᠢᠨ ᠲᠠᠷᠢᠵᠤ᠂ ᠲᠠᠴᠢᠷ ᠨᠢᠮᠬᠡᠨ ᠲᠠᠮᠤᠴᠢ ᠵᠢᠨ ᠲᠠᠯᠠ ᠵᠢᠨ ᠤᠷᠭᠤᠮᠠᠯ ᠤ᠋ᠨ ᠬᠤᠴᠢᠯᠭᠠ ᠵᠢᠨ ᠳᠦᠷᠰᠤ ᠵᠢᠨ ᠤᠯᠠᠨ ᠶᠠᠩᠵᠤᠲᠤ ᠴᠢᠨᠠᠷ ᠢ᠋ ᠡᠯᠪᠡᠭᠵᠢᠭᠦᠯᠦᠨ᠂ ᠨᠤᠲᠤᠭ ᠪᠡᠯᠴᠢᠭᠡᠷ ᠤ᠋ᠨ ᠬᠦᠢ ᠵᠢᠨ ᠪᠦᠲᠦᠴᠡ ᠪᠠ ᠠᠮᠢ ᠠᠬᠤᠢ ᠵᠢᠨ ᠴᠢᠳᠠᠮᠵᠢ ᠶ᠋ᠢ ᠰᠢᠯᠢᠳᠡᠭᠵᠢᠬᠦᠯᠬᠦ ᠰᠤᠳᠤᠯᠭᠠᠨ ᠵᠢᠡᠨ ᠦᠷᠭᠦᠯᠵᠢᠯᠡᠭᠦᠯᠵᠤ ᠪᠠᠢᠨᠠ᠃
ᠦᠯᠵᠡᠢᠨᠠᠷᠠᠨ ᠰᠦᠯ ᠰᠠᠢᠳᠠᠢ ᠡᠪᠡᠰᠤ ᠲᠠᠷᠢᠭᠠᠳ ᠨᠢᠭᠡᠨᠲᠡ 6 ᠵᠢᠯ ᠤ᠋ᠨ ᠨᠢᠭᠤᠷ ᠢ᠋ ᠦᠵᠡᠴᠢᠬᠡᠵᠠᠢ᠃ ᠡᠨᠡ ᠬᠦ᠌ ᠶᠠᠪᠤᠴᠠ ᠳ᠋ᠤ ᠲᠡᠷᠡ ᠡᠪᠡᠰᠤ ᠬᠠᠳᠤᠬᠤ ᠮᠠᠰᠢᠨ᠂ ᠡᠪᠡᠰᠤ ᠪᠤᠭᠤᠳᠠᠯᠯᠠᠬᠤ ᠮᠠᠰᠢᠨ ᠵᠡᠷᠭᠡ ᠲᠤᠨᠤᠭ ᠲᠦᠬᠦᠭᠡᠷᠦᠮᠵᠢ ᠶ᠋ᠢ ᠢᠵᠢ ᠪᠦᠷᠢᠳᠦᠭᠦᠯᠬᠦ ᠵᠢᠨ ᠬᠠᠮᠳᠤ ᠦᠪᠡᠷᠳᠡᠬᠡᠨ ᠵᠠᠰᠠᠬᠤ ᠤᠷᠤᠨ ᠤ᠋ ᠲᠠᠷᠢᠶᠠᠯᠠᠩ ᠤ᠋ᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ᠋ ᠬᠦᠷᠢᠶᠡᠯᠡᠩ ᠤ᠋ᠨ ᠰᠤᠳᠤᠯᠭᠠᠨ ᠤ᠋ ᠦᠷᠡ ᠪᠦᠲᠦᠭᠡᠯ ᠢ᠋ ᠳᠡᠯᠭᠡᠷᠡᠭᠦᠯᠦᠨ ᠬᠡᠷᠡᠭᠯᠡᠵᠤ᠂ ᠴᠠᠷᠭᠠᠰᠤ᠂ ᠰᠢᠷᠠ ᠬᠢᠶᠠᠭ᠂ ᠶᠦᠷᠬᠦᠭ ᠵᠡᠷᠭᠡ ᠭᠠᠩ ᠲᠠᠴᠢᠷ ᠲᠦ᠍ ᠲᠠᠭᠠᠭᠠᠴᠠᠳᠠᠢ ᠰᠦᠯ ᠰᠠᠢᠲᠠᠢ ᠡᠪᠡᠰᠤ ᠵᠢ ᠨᠡᠢᠳᠡ 320 ᠭᠠᠷᠤᠢ ᠮᠤ᠌ ᠲᠠᠷᠢᠪᠠ᠃ ᠦᠪᠡᠷ ᠵᠢᠡᠨ ᠡᠪᠡᠰᠤ ᠲᠠᠷᠢᠵᠤ ᠬᠤᠷᠢᠶᠠᠨ ᠦᠬᠡᠷ ᠬᠤᠨᠢᠳ ᠵᠢᠡᠨ ᠲᠠᠵᠢᠬᠡᠵᠤ ᠲᠠᠷᠭᠤ ᠬᠦᠴᠦ ᠵᠢ ᠨᠢ ᠪᠠᠳᠤᠯᠠᠭᠰᠠᠨ ᠡᠴᠡ ᠭᠠᠷᠭᠠᠯᠲᠠ ᠵᠢᠨ ᠦᠶᠡ ᠪᠡᠷ ᠮᠠᠯ ᠤ᠋ᠨ ᠤᠷᠤᠯᠭᠠ ᠨᠢ ᠢᠯᠡᠷᠬᠡᠢ ᠲᠡᠬᠡᠭᠰᠢᠯᠡᠭᠰᠡᠨ ᠵᠢᠡᠷ ᠪᠠᠷᠠᠬᠤ ᠦᠭᠡᠢ ᠭᠠᠳᠠᠨᠠ ᠡᠴᠡ ᠡᠪᠡᠰᠤ ᠬᠤᠳᠠᠯᠳᠤᠨ ᠠᠪᠬᠤ ᠶ᠋ᠢ ᠪᠤᠳᠤᠪᠠᠯ ᠵᠢᠯ ᠳ᠋ᠡᠭᠡᠨ ᠪᠠᠷᠤᠭ 2.5 ᠲᠦᠮᠡᠡ ᠲᠦᠭᠦᠷᠢᠭ ᠤ᠋ᠨ ᠵᠠᠷᠤᠯᠭᠠ ᠵᠢ ᠪᠠᠭᠠᠰᠬᠠᠭᠰᠠᠨ ᠪᠠᠢᠨᠠ᠃ ᠦᠯᠵᠡᠢᠨᠠᠷᠠᠨ ᠤ᠋ ᠰᠦᠯ ᠰᠠᠢᠳᠠᠢ ᠡᠪᠡᠰᠤ ᠲᠠᠷᠢᠵᠤ ᠠᠮᠢ ᠠᠬᠤᠢ ᠶ᠋ᠢ ᠰᠠᠢᠵᠢᠷᠠᠭᠤᠯᠤᠭᠰᠠᠨ ᠪᠠ ᠮᠠᠯᠵᠢᠯ ᠤ᠋ᠨ ᠵᠠᠷᠤᠯᠭᠠ ᠶ᠋ᠢ ᠪᠠᠭᠠᠰᠬᠠᠨ ᠤᠷᠤᠯᠭᠠ ᠪᠠᠨ ᠨᠡᠮᠡᠭᠳᠡᠬᠦᠯᠦᠭᠰᠡᠨ ᠠᠷᠭᠠ ᠲᠤᠷᠰᠢᠯᠭᠠ ᠵᠢ ᠬᠠᠷᠠᠭᠠᠳ ᠤᠢᠷᠠ ᠬᠠᠪᠢ ᠵᠢᠨ ᠮᠠᠯᠴᠢᠳ ᠴᠤ᠌ ᠲᠡᠬᠦᠨ ᠢ᠋ ᠲᠠᠭᠠᠨ ᠲᠠᠴᠢᠷ ᠨᠢᠮᠬᠡᠨ ᠲᠠᠮᠤᠴᠢ ᠵᠢᠨ ᠲᠠᠯᠠ ᠳ᠋ᠤ ᠰᠦᠯ ᠰᠠᠢᠳᠠᠢ ᠡᠪᠡᠰᠤ ᠲᠠᠷᠢᠵᠤ ᠡᠬᠢᠯᠡᠯᠠ᠃