ᠰᠠᠨᠠᠭᠠᠨ᠎ᠤ ᠰᠡᠵᠢᠭᠥᠷ ᠬᠦᠷᠴᠦ᠍ ᠳᠡᠶ᠋ᠢᠯᠬᠥ᠎ᠡᠴᠡ

ᠰᠠᠯᠬᠢᠨ᠎ᠤ ᠦᠵᠥᠭᠥᠷ ᠬᠥᠨᠳᠡᠵᠤ ᠳᠡᠶ᠋ᠢᠯᠳᠡᠭ ᠦᠭᠡᠢ

ᠰᠠᠨᠰᠠᠷ ᠲᠡᠭᠷᠢ᠎ᠡᠴᠡ ᠵᠠᠶᠠᠭᠠᠵᠤ ᠦᠭᠭᠥᠭᠰᠡᠨ

ᠰᠠᠶ᠋ᠢᠬᠠᠨ ᠮᠢᠨᠤ ᠯᠠ ᠨᠤᠲᠤᠭ ᠬᠡᠵᠤ

        ᠰᠡᠭᠥᠳᠡᠷ ᠬᠤᠷᠮᠣᠢ᠎ᠪᠠᠨ ᠴᠢᠷᠴᠦ᠍ ᠪᠣᠯᠳᠠᠭ ᠦᠭᠡᠢ

        ᠰᠠᠷᠠᠭᠤᠯ ᠠᠭᠤᠵᠢᠮ ᠣᠷᠣᠨ ᠶᠤᠮ ᠪᠣᠯᠬᠣᠷ

        ᠰᠡᠮᠡᠵᠡᠨ ᠡᠭᠥᠯᠡ᠎ᠶᠢ ᠴᠤ᠌ ᠬᠤᠷᠭᠤᠳᠠᠭᠤᠯᠬᠤ ᠦᠭᠡᠢ᠎ᠪᠡᠷ

        ᠰᠠᠷᠠ ᠭᠡᠶ᠋ᠢᠭᠥᠯᠵᠤ ᠬᠣᠨᠣᠳᠠᠭ  ᠶᠤᠮ ᠰᠠᠨ

ᠪᠣᠳᠣᠯ᠎ᠤᠨ ᠠᠭᠤᠳᠠᠮ᠎ᠳᠠᠭᠠᠨ ᠪᠠᠭᠲᠠᠭᠠᠵᠤ ᠳᠡᠶ᠋ᠢᠯᠬᠥ᠎ᠡᠴᠡ

ᠪᠥᠷᠭᠥᠳ᠎ᠦᠨ ᠨᠠᠭᠠᠳᠣᠮ᠎ᠢ ᠲᠡᠭᠳᠡᠭᠡᠵᠥ᠍ ᠬᠠᠶᠠᠳᠠᠭ

ᠪᠤᠭᠤᠷᠤᠯ ᠪᠠᠶ᠋ᠢᠭᠠᠯᠢ᠎ᠠᠴᠠ ᠵᠠᠶᠠᠭᠠᠵᠤ ᠥᠭᠭᠥᠭᠰᠡᠨ

ᠪᠤᠶᠠᠨ ᠲᠠᠢ ᠮᠢᠨᠤ ᠯᠠ ᠨᠤᠲᠤᠭ ᠭᠡᠵᠤ

       ᠲᠠᠨᠠᠨ ᠭᠡᠷ᠎ᠦᠨ ᠬᠠᠨᠠᠨ ᠴᠣᠭᠣᠷᠬᠠᠢ᠎ᠪᠠᠷ

       ᠳᠡᠯᠭᠡᠷ ᠨᠠᠷᠠ ᠮᠢᠨᠢ ᠳᠡᠭᠳᠡᠳᠡᠭ ᠪᠣᠯᠬᠣᠷ

       ᠴᠡᠩᠬᠡᠷ ᠨᠣᠭᠤᠭᠠᠨ ᠬᠥ᠋ᠳᠡᠭᠡ᠎ᠶᠢᠨ ᠡᠯᠢᠭᠡᠨ᠎ᠡᠴᠡ

       ᠴᠡᠯᠮᠡᠭ ᠡᠳᠥᠷ ᠮᠢᠨᠢ ᠡᠬᠢᠯᠡᠳᠡᠭ ᠶᠤᠮ ᠰᠠᠨ