ᠠᠪᠤ᠎ᠲᠠᠢ ᠪᠠᠢᠬᠣ᠎ᠳᠠᠭᠠᠨ ᠪᠢ

ᠠᠶᠤᠮᠱᠢᠭ᠎ᠤᠨ ᠮᠡᠳᠡᠭᠡ᠎ᠶ᠋ᠢ ᠬᠠᠷᠠᠭ᠎ᠠ ᠦᠭᠡᠢ

ᠬᠦᠬᠡ ᠠᠽᠢᠶ᠎ᠠ ᠱᠢᠭ᠋ ᠮᠢᠨᠤ ᠠᠪᠤ

ᠬᠦᠳᠡᠭᠡ ᠨᠤᠲᠤᠭ᠎ᠤᠨ ᠡᠷᠳᠡᠨᠢᠲᠦ ᠨᠤᠮ ᠡ

ᠮᠠᠨᠢ ᠲᠠᠷᠨᠢ᠎ᠶ᠋ᠢ ᠪᠢᠱᠢᠯᠭᠠᠭ᠎ᠠ ᠦᠭᠡᠢ ᠴᠤ᠌ ᠭᠡᠯ᠎ᠡ

ᠮᠠᠬᠢᠷ ᠰᠡᠯᠡᠮ᠎ᠡ ᠱᠢᠭ ᠳᠠᠢᠴᠢᠨ ᠤᠬᠠᠭᠠᠨᠲᠠᠨ ᠡ

ᠲᠠᠰ ᠬᠠᠷᠠᠩᠭᠤᠢ᠎ᠶ᠋ᠢ ᠲᠠᠱᠢᠭᠤᠷᠳᠠᠳᠠᠭ

ᠲᠠᠰᠤᠷᠬᠠᠢ 《ᠤᠶᠤᠲᠠᠨ》 ᠪᠠᠢᠵᠠᠢ ᠪᠢᠯᠡ᠂ ᠠᠪᠤ ᠮᠢᠨᠢ

ᠠᠶᠠᠯᠭᠤ ᠡᠭᠡᠱᠢᠭ᠎ᠤᠨ ᠨᠤᠲ ᠬᠦᠭ᠌ᠯᠡᠵᠦ᠍

ᠠᠮᠢᠳᠤᠷᠠᠯ ᠪᠤᠰᠭᠠᠭ᠍ᠰᠠᠨ 《ᠪᠠᠷᠢᠮᠠᠯᠴᠢ》 ᠪᠠᠢᠵᠠᠢ᠂ ᠠᠪᠤ ᠮᠢᠨᠢ

ᠠᠯᠳᠠᠷᠠᠢ ᠨᠠᠰᠤᠨ᠎ᠳᠠᠭᠠᠨ ᠪᠢ

ᠠᠪᠤ᠎ᠶ᠋ᠢ᠎ᠪᠠᠨ ᠮᠠᠷᠲᠠᠵᠦ᠍ ᠴᠢᠳᠠᠯ ᠦᠭᠡᠢ

ᠬᠦᠮᠦᠨ ᠵᠤᠨ᠎ᠤ ᠳᠤᠮᠳᠠᠭᠤᠷ ᠮᠦᠷ ᠵᠤᠷᠠᠢᠯᠭᠠᠨ

ᠬᠦᠰᠡᠯ᠎ᠢ ᠲᠠᠨᠢ ᠡᠷᠭᠦᠨ ᠵᠢᠳᠬᠦᠭ᠌ᠰᠡᠭᠡᠷ ᠢᠷᠡᠯ᠎ᠡ

ᠲᠤᠷᠭᠠᠨ ᠤᠷᠴᠢᠯᠠᠩ᠎ᠤᠨ ᠵᠤᠯᠠᠢ ᠡᠷᠭᠦᠵᠦ᠍

ᠲᠤᠮᠤᠭᠠᠵᠢᠨ ᠬᠦᠯᠵᠢᠵᠦ᠍ ᠨᠡᠢᠭᠡᠮ ᠦᠭᠡᠳᠡ ᠤᠷᠤᠭ᠍ᠰᠢᠯᠠᠯ᠎ᠠ

ᠠᠪᠤ ᠪᠢᠳᠡᠨ ᠬᠤᠶᠠᠷ

ᠠᠶᠤᠮᠱᠢᠭ᠎ᠤᠨ ᠮᠡᠳᠡᠭᠡ᠎ᠶ᠋ᠢ ᠬᠠᠷᠠᠭ᠎ᠠ ᠦᠭᠡᠢ ᠪᠤᠯᠬᠤᠷ

ᠬᠦᠬᠡ ᠠᠽᠢᠶ᠎ᠠ ᠱᠢᠭ᠋ ᠮᠢᠨᠤ ᠠᠪᠤ

ᠬᠦᠳᠦᠰᠦᠨ ᠳᠡᠪᠡᠯ᠎ᠲᠠᠢ ᠠᠮᠢᠳᠤ ᠪᠤᠷᠬᠠᠨ ᠡ᠃