7 ᠰᠠᠷᠠᠶᠢᠨ 23ᠤ ᠡᠳᠦᠷ᠂ ᠳᠡᠯᠡᠬᠡᠢᠶᠢᠨ ᠰᠦᠶᠢᠨ
ᠦᠢᠯᠡᠰᠦᠨ ᠶᠡᠬᠡ ᠬᠤᠷᠠᠯ ᠢ ᠭᠣᠣᠯᠯᠠᠨ ᠡᠷᠭᠢᠯᠡᠭᠦ ᠢᠯᠢ ᠪᠦᠯᠦᠭᠯᠡᠯ ᠪᠣᠯᠣᠨ ᠮᠧᠩ ᠨᠢᠦ ᠪᠦᠯᠦᠭᠯᠡᠯ ᠬᠠᠮᠲᠤᠷᠠᠨ
ᠰᠣᠨᠢᠨ ᠮᠡᠳᠡᠭᠡ ᠨᠡᠢᠲᠡᠯᠡᠬᠦ ᠬᠤᠷᠠᠯ ᠬᠢᠵᠦ᠂ ᠶᠡᠬᠡ ᠬᠤᠷᠠᠯᠤᠨ ᠪᠡᠯᠡᠳᠬᠡᠯ ᠠᠵᠢᠯᠤᠨ ᠠᠬᠢᠴᠠᠶᠢ ᠵᠠᠷᠯᠠᠨ
ᠮᠡᠳᠡᠭᠳᠡᠪᠡ᠃ ᠲᠣᠰ ᠤᠳᠠᠭᠠᠨᠤ ᠶᠡᠬᠡ ᠬᠤᠷᠠᠯ ᠨᠢ 《ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠲᠧᠭᠨᠢᠭ ᠮᠡᠷᠭᠡᠵᠢᠯᠢᠶᠡᠷ ᠬᠥᠲᠥᠯᠥᠨ ᠳᠠᠭᠠᠭᠤᠯᠬᠤ᠂ ᠬᠠᠮᠲᠤᠷᠠᠨ
ᠠᠵᠢᠯᠯᠠᠵᠤ ᠬᠠᠮᠲᠤᠪᠠᠷ ᠠᠰᠢᠭ᠋ ᠭᠥᠷᠳᠡᠬᠦ᠂ ᠪᠥᠬᠥ ᠪᠥᠮᠪᠥᠷᠴᠡᠭᠦᠨ ᠰᠦ ᠶᠢᠨ ᠦᠢᠯᠡᠰᠦᠨ ᠦᠷᠭᠦᠯᠵᠢᠯᠡᠬᠦ
ᠠᠮᠢ ᠠᠬᠤᠢᠶᠢᠨ ᠲᠣᠭᠣᠷᠢᠭ᠋ᠢ ᠬᠠᠮᠲᠤᠪᠠᠷ ᠪᠠᠶ᠋ᠢᠭᠤᠯᠬᠤ》ᠪᠠᠷ ᠭᠣᠣᠯ ᠰᠡᠳᠦᠪ ᠪᠣᠯᠭᠠᠵᠤ᠂ ᠡᠬᠢᠯᠡᠯᠲᠡᠶᠢᠨ ᠶᠣᠰᠣᠯᠠᠯ᠂ ᠪᠥᠬᠥ ᠠᠵᠤ ᠦᠢᠯᠡᠰᠦᠨ ᠬᠡᠯᠬᠢᠶᠡᠶᠢ
ᠲᠤᠭᠤᠷᠢᠨ ᠦᠵᠡᠬᠦ ᠵᠢᠴᠢ ᠵᠡᠷᠭᠡᠴᠡᠭᠡ ᠬᠤᠷᠠᠯ ᠵᠡᠷᠭᠡ ᠭᠣᠭᠴᠣᠭᠠᠶᠢ ᠲᠣᠬᠢᠷᠠᠭᠤᠯᠵᠤ᠂ ᠪᠥᠬᠥ ᠪᠥᠮᠪᠥᠷᠴᠡᠭ ᠦᠨ
ᠰᠦᠶᠢᠨ ᠦᠢᠯᠡᠰᠦᠨ ᠰᠣᠯᠢᠯᠴᠠᠭᠠ ᠬᠠᠮᠲᠤᠷᠠᠯᠴᠠᠭᠠᠨᠤ ᠲᠠᠪᠴᠠᠩᠢ ᠪᠠᠶ᠋ᠢᠭᠤᠯᠬᠤᠪᠠᠷ ᠵᠣᠷᠢᠯᠭᠠᠪᠠᠨ
ᠪᠣᠯᠭᠠᠵᠠᠢ᠃ ᠲᠤᠬᠠᠢ ᠶᠢᠨ ᠴᠠᠭᠲᠤ᠂ ᠬᠥᠬᠡᠬᠣᠲᠠ
ᠵᠢᠨ ᠠᠯᠳᠠᠷ ᠴᠤᠯᠠᠵᠢ ᠳᠡᠰ ᠳᠡᠪᠰᠢᠭᠦᠯᠵᠦ᠂ 《ᠳᠡᠯᠡᠬᠡᠢᠶᠢᠨ ᠰᠦ ᠵᠢᠨ ᠬᠤᠲᠠ》 ᠭᠡᠬᠦ ᠫᠠᠢᠰᠠ ᠣᠯᠭᠣᠬᠤᠪᠠᠷ ᠪᠣᠶ᠃
ᠶᠡᠬᠡ ᠬᠤᠷᠠᠯᠳᠤ ᠪᠠᠰᠠ
ᠶᠠᠮᠠᠷ ᠬᠢᠯᠠᠰ ᠴᠡᠭ ᠪᠠᠢᠬᠤ ᠪᠣᠶ︖
ᠨᠢᠭᠡ᠂ ᠶᠡᠬᠡ ᠬᠤᠷᠠᠯᠤᠨ ᠡᠬᠢᠯᠡᠯᠲᠠ ᠵᠢᠨ ᠶᠣᠰᠣᠯᠠᠯ ᠡᠷᠬᠢᠯᠡᠬᠦ᠃ ᠶᠡᠬᠡ ᠬᠤᠷᠠᠯᠤᠨ ᠡᠬᠢᠯᠡᠯᠲᠡᠶᠢᠨ
ᠶᠣᠰᠣᠯᠠᠯ ᠨᠢ 8
ᠰᠠᠷᠠᠶᠢᠨ
1ᠦ ᠡᠳᠦᠷᠦᠨ ᠦᠳᠡᠶᠢᠨ ᠡᠮᠦᠨᠡᠬᠢ
9
ᠴᠠᠭᠲᠤ
ᠴᠡᠯᠡᠭᠡᠷ ᠲᠠᠯᠠ ᠵᠢᠨ ᠮᠢᠩᠭᠠᠨ ᠬᠥᠮᠥᠨᠦ ᠬᠤᠷᠠᠯᠤᠨ ᠲᠥᠪᠲᠦ ᠶᠠᠪᠤᠭᠳᠠᠵᠤ᠂ ᠣᠯᠠᠨ ᠤᠯᠤᠰᠤᠨ ᠠᠵᠢᠯ ᠲᠥᠷᠥᠯᠦᠨ
ᠨᠡᠢᠭᠡᠮᠯᠢᠭᠦᠨ ᠬᠠᠷᠢᠭᠤᠴᠠᠯᠭᠠᠲᠠᠨ᠂ ᠠᠺᠠᠳᠧᠮᠢᠴᠢ᠂ ᠪᠥᠬᠥ ᠪᠥᠮᠪᠥᠷᠴᠡᠭᠦᠨ ᠰᠦᠶᠢᠨ ᠠᠵᠤ ᠦᠢᠯᠡᠰᠦᠨ ᠬᠡᠯᠬᠢᠶᠡᠶᠢᠨ
ᠲᠤᠯᠤᠭᠠᠢᠯᠠᠭᠴᠢ ᠠᠵᠤ ᠠᠬᠤᠢᠯᠠᠯᠤᠨ ᠬᠠᠷᠢᠭᠤᠴᠠᠯᠭᠠᠲᠠᠨᠢ ᠤᠷᠢᠵᠤ ᠣᠷᠣᠯᠴᠠᠭᠤᠯᠤᠨᠠ᠃ ᠡᠬᠢᠯᠡᠯᠲᠡ ᠵᠢᠨ
ᠶᠤᠰᠤᠯᠠᠯᠳᠤ ᠣᠯᠠᠨ ᠤᠯᠤᠰ ᠤᠨ ᠢᠳᠡᠭᠡᠨ ᠦ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠲᠧᠭᠨᠢᠭ ᠮᠡᠷᠭᠡᠵᠢᠯᠦᠨ ᠬᠣᠯᠪᠣᠭᠠᠠᠴᠠ
ᠬᠥᠬᠡᠬᠣᠲᠠ ᠳᠤ《ᠳᠡᠯᠡᠬᠡᠢ ᠶᠢᠨ ᠰᠦ ᠵᠢᠨ ᠬᠤᠲᠠ》ᠵᠢᠨ ᠫᠠᠢᠰᠠ ᠢᠯᠡᠷᠬᠡᠢᠯᠡᠯ ᠣᠯᠭᠣᠬᠤ
ᠪᠦᠭᠡᠳ ᠡᠨᠡ ᠨᠢ ᠬᠥᠬᠡᠬᠣᠲᠠ ᠶᠢᠨ ᠰᠦ ᠶᠢᠨ ᠦᠢᠯᠡᠰ ᠦᠨ ᠬᠥᠭᠵᠢᠯᠲᠡᠳᠦ ᠲᠡᠦᠬᠡᠨ ᠬᠥᠰᠢᠶᠡ ᠳᠤᠷᠠᠰᠬᠠᠯ ᠪᠣᠯᠬᠤ
ᠴᠢᠬᠤᠯᠠ ᠦᠢᠯᠡ ᠶᠠᠪᠤᠳᠠᠯ ᠪᠣᠯᠣᠨᠠ᠃
ᠬᠣᠶᠠᠷ᠂ ᠬᠣᠣᠰ ᠱᠤᠭᠤᠮᠤᠨ ᠪᠦᠬᠦ ᠠᠵᠤ ᠦᠢᠯᠡᠰᠦᠨ ᠬᠡᠯᠬᠢᠶᠡᠶᠢ ᠲᠤᠬᠠᠢᠶᠢᠨ
ᠭᠠᠵᠠᠷ ᠲᠤᠨᠢ ᠲᠣᠭᠣᠷᠢᠨ ᠦᠵᠡᠬᠦ ᠠᠵᠢᠯᠯᠠᠭᠠᠶᠢ ᠵᠣᠬᠢᠶᠠᠨ ᠪᠠᠢᠭᠤᠯᠤᠨᠠ᠃ ᠶᠡᠬᠡ ᠬᠤᠷᠠᠯᠤᠨ ᠬᠤᠭᠤᠴᠠᠭᠠᠨᠳᠤ᠂
ᠤᠯᠤᠰᠤᠨ ᠳᠣᠲᠣᠭᠠᠳᠤ ᠭᠠᠳᠠᠭᠠᠳᠤᠶᠢᠨ ᠵᠣᠴᠢᠳᠢ ᠵᠣᠬᠢᠶᠠᠨ ᠪᠠᠢᠭᠤᠯᠵᠤ ᠢᠯᠢ᠂ ᠮᠧᠩ ᠨᠢᠦᠶᠢᠨ ᠪᠠᠷᠢᠮᠵᠢᠶᠠᠵᠢᠭᠤᠯᠤᠭᠰᠠᠨ
ᠣᠶᠤᠨᠴᠢ ᠮᠠᠯᠵᠢᠯᠤᠨ ᠲᠠᠯᠠᠪᠠᠢ᠂ ᠰᠦᠶᠢᠨ ᠦᠢᠯᠡᠰᠦᠨ ᠤᠯᠤᠰᠤᠨ ᠮᠡᠷᠭᠡᠵᠢᠯᠦᠨ ᠰᠢᠨᠡᠶᠢ ᠡᠭᠦᠳᠬᠦ ᠲᠥᠪ᠂
ᠣᠶᠤᠨᠲᠤ ᠦᠢᠯᠡᠳᠬᠦ ᠰᠠᠭᠤᠷᠢᠨ᠂ ᠰᠢᠨᠡ ᠴᠢᠨᠠᠷᠤᠨ ᠦᠢᠯᠡᠳᠪᠦᠷᠢᠯᠡᠯᠦᠨ ᠬᠦᠴᠦᠨᠦ ᠬᠦᠷᠢᠶᠡᠯᠡᠩ ᠵᠡᠷᠭᠡ ᠰᠦᠶᠢᠨ
ᠦᠢᠯᠡᠰᠢ ᠬᠥᠭᠵᠢᠭᠦᠯᠦᠨ ᠮᠠᠨᠳᠤᠭᠤᠯᠬᠤ ᠲᠦᠷᠦᠯ ᠵᠦᠢᠯᠦᠨ ᠦᠷᠡ ᠪᠦᠲᠦᠭᠡᠯᠢ ᠲᠤᠬᠠᠢᠶᠢᠨ ᠭᠠᠵᠠᠷ ᠲᠤᠨᠢ
ᠲᠣᠭᠣᠷᠢᠨ ᠦᠵᠡᠭᠦᠯᠵᠦ᠂ ᠡᠪᠡᠰᠦ ᠪᠣᠷᠳᠣᠭᠠᠡᠴᠠ ᠪᠦᠲᠦᠭᠡᠭᠳᠡᠬᠦᠨ ᠬᠦᠷᠲᠡᠯᠡᠬᠢ ᠪᠦᠬᠦ ᠦᠶᠡᠯᠡᠯᠦᠨ ᠬᠤᠭᠤᠴᠠᠭᠠᠨᠤ
ᠪᠣᠬᠢᠷᠲᠤᠯ ᠦᠭᠡᠢ ᠬᠥᠭᠵᠢᠯᠲᠡᠶᠢᠨ ᠰᠢᠰᠲ᠋ᠧᠮᠢ ᠪᠦᠷᠢᠨ ᠬᠠᠷᠠᠭᠤᠯᠤᠨᠠ᠃
ᠭᠤᠷᠪᠠ᠂ ᠤᠯᠠᠨ ᠤᠯᠤᠰᠤᠨ ᠳᠡᠭᠡᠳᠦ ᠲᠡᠰᠤᠨ ᠵᠡᠷᠭᠡᠴᠡᠭᠡ ᠬᠤᠷᠠᠯᠢ ᠡᠷᠬᠢᠯᠡᠨᠡ᠃ ᠶᠡᠬᠡ ᠬᠤᠷᠠᠯᠤᠨ ᠬᠤᠭᠤᠴᠠᠭᠠᠨᠳᠤ᠂
ᠤᠯᠠᠨ ᠤᠯᠤᠰᠤᠨ ᠬᠣᠯᠪᠣᠭᠠᠲᠤ ᠪᠠᠢᠭᠤᠯᠭᠠᠶᠢᠨ ᠠᠮᠤ ᠪᠤᠳᠠᠭᠠ ᠬᠥᠳᠡᠭᠡ ᠠᠵᠤ ᠠᠬᠤᠢᠶᠢᠨ ᠵᠣᠬᠢᠶᠠᠨ ᠪᠠᠢᠭᠤᠯᠤᠯᠲᠠ᠂
ᠳᠤᠮᠳᠠᠳᠤ ᠤᠯᠤᠰᠤᠨ ᠢᠳᠡᠭᠡᠨᠤ ᠦᠢᠯᠡᠰᠤᠨ ᠨᠤᠲᠤᠭᠤᠨ ᠮᠠᠯᠢ ᠭᠠᠳᠠᠭᠠᠳᠤᠠᠴᠠ ᠣᠷᠣᠭᠤᠯᠵᠤ ᠭᠠᠳᠠᠭᠠᠳᠤᠳᠤ
ᠭᠠᠷᠭᠠᠬᠤ ᠬᠤᠳᠠᠯᠳᠤᠭᠠᠴᠢᠳᠤᠨ ᠡᠪᠯᠡᠯ ᠲᠤᠰ ᠪᠦᠷᠢ ᠬᠠᠭᠠᠯᠲᠠᠲᠠᠢ ᠬᠤᠷᠠᠯ ᠬᠤᠷᠠᠯᠳᠤᠭᠤᠯᠵᠤ᠂ ᠪᠦᠬᠦ ᠪᠥᠮᠪᠥᠷᠴᠡᠭᠦᠨ
ᠠᠵᠢᠯ ᠲᠦᠷᠦᠯᠦᠨ ᠬᠦᠷᠢᠶᠡᠨᠦ ᠲᠤᠰᠬᠠᠢ ᠮᠡᠷᠭᠡᠵᠢᠯᠲᠡᠨ᠂ ᠠᠵᠤ ᠦᠢᠯᠡᠰᠦᠨ ᠬᠡᠯᠬᠢᠶᠡᠶᠢᠨ ᠳᠡᠭᠡᠳᠦ ᠳᠣᠣᠷᠠᠳᠤ
ᠤᠷᠤᠰᠬᠠᠯᠤᠨ ᠳᠠᠭᠠᠭᠤᠯᠤᠭ᠍ᠴᠢ ᠠᠵᠤ ᠠᠬᠤᠢᠯᠠᠯᠤᠨ ᠮᠡᠷᠭᠡᠵᠢᠯᠦᠨ ᠬᠠᠷᠢᠭᠤᠴᠠᠯᠭᠠᠲᠠᠨ ᠢ ᠴᠤᠭᠯᠠᠭᠤᠯᠵᠤ᠂
ᠬᠣᠰᠢᠭᠤᠷᠠᠯ ᠮᠡᠷᠭᠡᠵᠢᠯᠦᠨ ᠰᠤᠳᠤᠯᠤᠨ ᠶᠠᠷᠢᠯᠴᠠᠭᠠ᠂ ᠠᠵᠢᠯ ᠲᠦᠷᠦ ᠯᠦᠨ ᠪᠠᠷᠢᠮᠵᠢᠶᠠᠶᠢᠨ ᠰᠣᠯᠢᠯᠴᠠᠭᠠ᠂
ᠦᠢᠯᠡᠳᠪᠦᠷᠢᠯᠡᠯ ᠵᠢᠭᠠᠨ ᠰᠤᠷᠭᠠᠯᠲᠠ ᠰᠤᠳᠤᠯᠭᠠᠨᠢ ᠵᠣᠯᠭᠠᠭᠤᠯᠬᠤ ᠠᠵᠢᠯᠯᠠᠭᠠ ᠥᠷᠨᠢᠭᠦᠯᠵᠦ᠂ ᠰᠦᠶᠢᠨ ᠦᠢᠯᠡᠰᠦᠨ
ᠬᠥᠭᠵᠢᠯᠲᠡᠶᠢ ᠠᠬᠢᠭᠤᠯᠬᠤ ᠳᠠᠭᠤᠷᠢᠶᠠᠵᠤ ᠪᠣᠯᠬᠤᠢᠴᠠ ᠠᠷᠭᠠ ᠵᠠᠮᠢ ᠬᠠᠢᠨ ᠰᠦᠪᠡᠭᠴᠢᠯᠡᠨᠡ᠃
ᠢᠷᠡᠯᠲᠡ᠄ ᠦᠪᠦᠷ ᠮᠤᠩᠭᠤᠯᠤᠨ ᠡᠳᠦᠷᠤᠨ ᠰᠤᠨᠢᠨᠤ ᠵᠢᠷᠭᠢᠶᠡ