— ᠶᠠᠫᠣᠨ ᠨᠥᠬᠥᠴᠡᠯ ᠦᠭᠡᠢᠪᠡᠷ ᠪᠠᠭᠤᠵᠤ ᠥᠭᠭᠦᠭᠰᠡᠨ 81 ᠵᠢᠯᠦᠨ ᠣᠢᠶᠢᠨ ᠲᠠᠰᠢᠷᠠᠮᠳᠤ
ᠶᠠᠫᠣᠨ ᠨᠥᠬᠥᠴᠡᠯ ᠦᠭᠡᠢᠪᠡᠷ ᠪᠠᠭᠤᠵᠤ ᠥᠭᠭᠦᠭᠰᠡᠨ 81 ᠵᠢᠯᠤᠨ ᠤᠢ ᠪᠤᠯᠤᠯᠠ᠃
1945 ᠣᠨᠤ 8 ᠰᠠᠷᠠᠶᠢᠨ 15 ᠤ᠋ ᠡᠳᠦᠷ᠂ ᠶᠠᠫᠣᠨ ᠳᠠᠶ᠋ᠢᠨᠳᠦ ᠢᠯᠠᠭᠳᠠᠵᠤ᠂ ᠨᠥᠬᠥᠴᠡᠯ ᠦᠭᠡᠶ ᠪᠠᠭᠤᠵᠤ ᠥᠭᠬᠦ᠌ᠪᠡᠷ ᠨᠡᠢᠲᠡᠯᠡᠪᠡ᠃ 14 ᠵᠢᠯᠦᠨ ᠴᠢᠰᠤᠲᠤ᠌ ᠪᠠᠶ᠋ᠢᠯᠳᠤᠭᠠᠨ ᠢᠶᠠᠷ ᠳᠠᠮᠵᠢᠨ ᠳᠤᠮᠳᠠᠳᠤ ᠤᠯᠤᠰ ᠤᠨ ᠡᠪ ᠬᠠᠮᠲᠤ᠌ ᠨᠠᠮᠤᠨ ᠰᠠᠨᠠᠭᠠᠴᠢᠯᠠᠨ ᠪᠠᠶ᠋ᠢᠭᠤᠯᠤᠭᠰᠠᠨ ᠶᠠᠫᠣᠨᠢ ᠡᠰᠡᠷᠭᠦᠴᠡᠬᠦ᠌ ᠦᠨᠳᠦᠰᠦᠲᠡᠨ ᠦ ᠨᠢᠭᠡᠳᠦᠮᠡᠯ ᠹᠷᠣᠨᠲᠤᠨ ᠲᠤᠭᠤᠨ ᠳᠣᠣᠷᠠ ᠳᠤᠮᠳᠠᠳᠤ ᠤᠯᠤᠰᠤᠨ ᠠᠷᠠᠳ ᠲᠦᠮᠡᠨ ᠣᠷᠴᠢᠨ ᠦᠶᠡᠡᠴᠡ ᠨᠠᠭᠠᠰᠢᠬᠢ ᠭᠠᠳᠠᠭᠠᠳᠤᠶᠢᠨ ᠳᠠᠶ᠋ᠢᠰᠤᠨᠤ ᠲᠦᠷᠢᠮᠡᠬᠡᠶ᠋ᠢᠯᠡᠯᠢ ᠡᠰᠡᠷᠭᠦᠴᠡᠭᠰᠡᠨ ᠠᠩᠬᠠᠳᠤᠭᠠᠷ ᠤᠳᠠᠭᠠᠨᠤ ᠪᠦᠷᠢᠨ ᠢᠯᠠᠯᠲᠠᠶᠢ ᠣᠯᠵᠤ᠂ ᠬᠥᠮᠦᠨ ᠲᠥᠷᠥᠯᠬᠢᠲᠡᠨᠦ ᠪᠣᠯᠪᠠᠰᠤᠨ ᠢ ᠠᠪᠤᠷᠠᠬᠤ᠂ ᠳᠡᠯᠡᠬᠡᠢᠶᠢᠨ ᠡᠩᠬᠡ ᠲᠠᠶ᠋ᠢᠪᠤᠩᠢ ᠬᠠᠮᠠᠭᠠᠯᠠᠬᠤᠳᠤ ᠴᠢᠬᠤᠯᠠ ᠶᠡᠬᠡ ᠬᠤᠪᠢ ᠨᠡᠮᠡᠷᠢ ᠦᠵᠡᠭᠦᠯᠪᠡ᠃
ᠰᠢᠳᠤᠷᠭᠤ ᠶᠣᠰᠣ ᠬᠠᠷᠭᠢᠰ ᠬᠦᠴᠦᠨ ᠢ ᠢᠯᠠᠵᠤ᠂ ᠭᠡᠭᠡᠨ ᠰᠠᠷᠠᠭᠤᠯ ᠲᠦᠨᠡᠷ ᠬᠠᠷᠠᠩᠭᠤᠶᠶᠢ ᠢᠯᠠᠵᠤ᠂ ᠳᠠᠪᠰᠢᠯᠲᠠ ᠨᠢ ᠳᠡᠷᠰᠯᠡᠭᠦᠦᠶᠢ ᠢᠯᠠᠪᠠ᠃ ᠡᠨᠡ ᠬᠦ᠌ ᠠᠭᠤᠤ ᠶᠡᠬᠡ ᠢᠯᠠᠯᠲᠠ ᠨᠢ ᠶᠠᠫᠣᠨᠤ ᠴᠡᠷᠢᠭᠯᠡᠬᠦ᠌ ᠦᠵᠡᠯ ᠦᠨ ᠭᠠᠳᠠᠭᠰᠢ ᠲᠦᠷᠢᠬᠦ᠌ ᠪᠠᠯᠠᠮᠠᠳ ᠠᠵᠢᠯᠯᠠᠭᠠᠶᠢ ᠡᠴᠦᠰᠯᠡᠭᠦᠯᠵᠦ᠍᠂ ᠳᠡᠯᠡᠬᠡᠢᠶᠢᠨ ᠹᠠᠱ᠌ᠢᠰ ᠢ ᠡᠰᠡᠷᠭᠦᠴᠡᠬᠦ᠌ ᠲᠠᠢ᠌ᠨ ᠢᠯᠠᠯᠲᠠ ᠣᠯᠤᠭᠰᠠᠨᠤ ᠳᠠᠷᠠᠭᠠᠬᠢ ᠤᠯᠠᠨ ᠤᠯᠤᠰᠤᠨ ᠡᠮᠬᠢ ᠵᠢᠷᠤᠮᠤᠨ ᠡᠪᠳᠡᠷᠡᠰᠢ ᠦᠭᠡᠢ ᠪᠠᠲᠤ᠌ ᠪᠡᠬᠢ ᠬᠠᠤᠯᠢ ᠵᠦᠢᠶᠢᠨ ᠦᠨᠳᠦᠰᠦ ᠰᠠᠭᠤᠷᠢᠶᠢ ᠴᠣᠭᠴᠠᠯᠠᠨ᠂ ᠬᠥᠮᠦᠨ ᠲᠥᠷᠥᠯᠬᠢᠲᠡᠨ ᠦ ᠬᠥᠭᠵᠢᠯᠲᠡᠶᠢᠨ ᠨᠢᠭᠡᠨ ᠴᠢᠬᠤᠯᠠ ᠶᠡᠬᠡ ᠡᠷᠭᠢᠯᠲᠡᠶᠢᠨ ᠴᠡᠭᠢ ᠲᠠᠮᠠᠭᠠᠯᠠᠭᠰᠠᠨ ᠪᠠᠶ᠋ᠢᠨᠠ᠃
ᠲᠡᠦᠬᠡ ᠪᠣᠯ ᠲᠣᠭᠣᠰᠣᠨᠳᠤ ᠳᠠᠷᠤᠭᠳᠠᠭᠰᠠᠨ ᠥᠩᠭᠡᠷᠡᠭᠰᠡᠨ ᠶᠠᠪᠤᠳᠠᠯ ᠪᠢᠰᠢ᠂ ᠬᠠᠷᠢᠨ ᠢᠷᠡᠭᠡᠳᠦᠢᠶᠢ ᠭᠡᠶ᠋ᠢᠭᠦᠯᠬᠦ᠌ ᠭᠡᠷᠡᠯᠲᠦ᠍ ᠴᠠᠮᠬᠠᠭ ᠮᠥᠨ᠃ ᠣᠳᠣᠬᠠᠨᠳᠤ ᠵᠠᠭᠤᠨ ᠵᠢᠯᠳᠤ ᠲᠤᠬᠢᠶᠠᠯᠳᠤᠭᠠ ᠦᠭᠡᠢ ᠬᠤᠪᠢᠰᠤᠯᠲᠠ ᠲᠦᠷᠭᠡᠰᠦᠨ ᠤᠯᠠᠷᠢᠵᠤ᠂ ᠳᠡᠯᠡᠬᠡᠢᠶᠢᠨ ᠪᠠᠶ᠋ᠢᠳᠠᠯ ᠬᠤᠪᠢᠷᠠᠯᠳᠠ ᠶᠡᠬᠡᠳᠡᠢ ᠪᠠᠶ᠋ᠢᠵᠤ᠂ ᠠᠶᠤᠯ ᠲᠦᠭᠰᠢᠭᠦᠷᠢ ᠥᠷᠢᠰᠥᠯᠳᠦᠭᠡᠨ ᠰᠣᠯᠪᠢᠴᠠᠨ ᠳᠠᠪᠬᠤᠴᠠᠵᠤ ᠪᠠᠶ᠋ᠢᠨᠠ᠃ ᠶᠠᠫᠣᠨ ᠤ ᠲᠥᠷᠥ᠍ ᠪᠠᠷᠢᠵᠤ ᠪᠠᠢᠭᠠ ᠡᠷᠬᠡ ᠪᠠᠷᠢᠭᠴᠢᠳᠤᠨ ᠲᠡᠦᠬᠡᠶᠢᠨ ᠤᠷᠤᠰᠬᠠᠯᠢ ᠰᠥᠷᠴᠦ᠍ ᠶᠠᠪᠤᠭᠳᠠᠭᠤᠯᠵᠤ ᠪᠠᠶ᠋ᠢᠭᠠ ᠵᠦᠢᠯ ᠵᠦᠢᠯᠦᠨ ᠠᠶᠤᠯᠲᠠᠶ ᠠᠵᠢᠯᠯᠠᠭᠠ ᠶᠢᠨ ᠡᠮᠦᠨᠡ ᠲᠥᠪ ᠭᠣᠣᠯᠴᠢ ᠰᠢᠳᠤᠷᠭᠤ ᠶᠣᠰᠣᠶᠢ ᠬᠠᠮᠠᠭᠠᠯᠠᠬᠤ ᠬᠣᠷᠢᠭᠠ ᠱᠤᠭᠤᠮᠡᠴᠡ ᠤᠭᠲᠤ ᠤᠬᠤᠷᠢᠵᠤ ᠪᠣᠯᠬᠤ ᠦᠭᠡᠶ᠃
ᠳᠤᠮᠳᠠᠳᠤᠶᠢᠨ ᠦᠨᠳᠦᠰᠦᠲᠡᠨᠦ ᠠᠭᠤᠤ ᠶᠡᠬᠡ ᠰᠡᠷᠭᠦᠨ ᠮᠠᠨᠳᠤᠯᠲᠠᠶᠢ ᠪᠡᠶᠡᠯᠡᠭᠦᠯᠬᠦ᠌ ᠨᠢ ᠬᠤᠷᠢᠭᠯᠠᠭᠳᠠᠰᠢ ᠦᠭᠡᠢ ᠲᠡᠦᠬᠡᠶᠢᠨ ᠤᠷᠤᠰᠬᠠᠯ ᠪᠤᠯᠪᠠ᠂ ᠶᠠᠫᠣᠨᠤ ᠪᠠᠷᠠᠭᠤᠨᠲᠠᠨᠤ ᠬᠦᠴᠦᠨᠦ ᠲᠡᠦᠬᠡᠶᠢ ᠤᠬᠤᠷᠢᠭᠤᠯᠬᠤᠶᠢ ᠶᠠᠭᠠᠬᠢᠭᠰᠠᠨ ᠴᠤ᠌ ᠵᠥᠪᠰᠢᠶᠡᠷᠡᠬᠦ᠌ ᠦᠭᠡᠢ᠂ ᠶᠠᠫᠣᠨᠤ ᠴᠡᠷᠢᠭᠯᠡᠬᠦ᠌ ᠦᠵᠡᠯᠦᠨ ᠳᠠᠬᠢᠨ ᠰᠡᠷᠭᠦᠬᠦ᠌ᠶᠢ ᠶᠠᠭᠠᠬᠢᠭᠰᠠᠨ ᠴᠤ᠌ ᠵᠥᠪᠰᠢᠶᠡᠷᠡᠬᠦ᠌ ᠦᠭᠡᠢ᠃
（ᠨᠢᠭᠡ） ᠲᠠᠢ᠌ᠨᠦ ᠳᠠᠷᠠᠭᠠᠬᠢ ᠦᠷᠢᠰᠦᠯᠳᠦᠵᠦ᠍ ᠪᠣᠯᠤᠰᠢ ᠦᠭᠡᠢ ᠤᠯᠠᠨ ᠤᠯᠤᠰᠤᠨ ᠡᠮᠬᠢ ᠵᠢᠷᠤᠮ
2026 ᠣᠨᠤ 5 ᠰᠠᠷᠠᠶᠢᠨ 29 ᠤ᠋ ᠡᠳᠦᠷ᠂ ᠳᠤᠮᠳᠠᠳᠤ ᠤᠯᠤᠰᠢ ᠲᠦᠷᠢᠮᠡᠬᠡᠶ᠋ᠢᠯᠡᠭᠰᠡᠨ ᠶᠠᠫᠣᠨ ᠴᠡᠷᠢᠭ ᠦᠨ ᠨᠠᠨᠵᠢᠩᠤᠨ ᠶᠡᠬᠡ ᠬᠢᠳᠤᠯᠭᠠ ᠳᠤ ᠪᠡᠶᠡ ᠦᠷᠡᠭᠳᠡᠭᠰᠡᠨ ᠠᠬᠠ ᠳᠡᠭᠦᠦᠨᠡᠷ ᠦᠨ ᠳᠤᠷᠠᠰᠬᠠᠯ ᠤᠨ ᠣᠷᠳᠣᠨ ᠳᠤ ᠲᠦᠪ ᠬᠢᠴᠢᠶᠡᠩᠭᠦᠢ ᠪᠠᠶ᠋ᠢᠯᠠ᠃ ᠶᠠᠫᠣᠨᠤ 《ᠮᠦᠷᠠᠶᠠᠮᠠ ᠹᠦᠵᠢ ᠵᠢᠨ ᠶᠠᠷᠢᠯᠴᠠᠭᠠᠶᠢ ᠵᠠᠯᠭᠠᠮᠵᠢᠯᠠᠨ ᠬᠥᠭᠵᠢᠭᠦᠯᠬᠦ᠌ ᠬᠤᠷᠠᠯ》ᠤ᠋ᠨ ᠬᠡᠷᠡᠭ ᠡᠷᠬᠢᠯᠡᠭᠴᠢᠳᠦᠨ ᠳᠠᠷᠤᠭᠠ ᠹᠦᠵᠢᠲ᠋ᠠ ᠲᠠᠺᠠᠺᠠᠭᠧ ᠲᠠᠬᠢᠯᠭᠠᠶᠢᠨ ᠲᠠᠯᠠᠪᠠᠢᠳᠠᠬᠢ ᠮᠥᠩᠬᠡ ᠵᠤᠯᠠ ᠵᠢᠨ ᠡᠮᠦᠨᠠ ᠭᠦᠨ ᠶᠣᠰᠣᠯᠠᠪᠠ᠃
《ᠲᠠᠢ᠌ᠨᠦ ᠦᠶᠡᠵᠢᠨ ᠶᠠᠫᠣᠨ ᠤ ᠴᠡᠷᠢᠭᠤᠨ ᠳᠤᠮᠳᠠᠳᠤ ᠤᠯᠤᠰᠤᠨ ᠠᠷᠠᠳ ᠲᠦᠮᠡᠨᠳᠦ ᠬᠢᠭᠰᠡᠨ ᠶᠠᠯᠠᠲᠤ᠌ ᠠᠵᠢᠯᠯᠠᠭᠠ ᠶᠢ ᠠᠭᠤᠴᠢᠯᠠᠵᠤ ᠪᠣᠯᠤᠰᠢ ᠦᠭᠡᠢ ᠶᠤᠮ᠂ ᠡᠨᠡ ᠪᠦᠬᠦᠨᠳᠦ ᠰᠢᠭᠤᠳ ᠬᠠᠨᠳᠤᠬᠤᠶᠢ ᠪᠢ ᠬᠦᠰᠡᠵᠦ᠍ ᠪᠠᠶ᠋ᠢᠨᠠ᠃ ᠡᠷᠬᠡᠪᠰᠢ ᠮᠡᠳᠡᠷᠡᠵᠦ᠍᠂ ᠲᠤᠩᠭᠠᠵᠤ᠂ ᠶᠠᠯᠠᠪᠠᠨ ᠬᠦᠯᠢᠶᠡᠬᠦ ᠵᠢᠨ ᠬᠠᠮᠲᠤ᠌ ᠲᠥᠯᠥᠪᠦᠷᠢ ᠥᠭᠬᠦ᠌ ᠬᠡᠷᠡᠭᠲᠡᠶ᠂ ᠡᠭᠦᠨᠡᠴᠡ ᠥᠭᠡᠷᠡ ᠵᠠᠮ ᠦᠭᠡᠢ》 ᠭᠡᠵᠦ ᠹᠦᠵᠢᠲ᠋ᠠ ᠲᠠᠺᠠᠺᠠᠭᠧ ᠨᠢᠯᠪᠤᠰᠤ ᠠᠰᠬᠠᠷᠠᠭᠤᠯᠤᠨ ᠬᠡᠯᠡᠨᠡ᠃
ᠳᠤᠮᠳᠠᠳᠤ ᠤᠯᠤᠰ ᠪᠣᠯ ᠶᠠᠫᠣᠨᠤ ᠴᠡᠷᠢᠭᠯᠡᠬᠦ᠌ ᠦᠵᠡᠯᠦᠨ ᠭᠠᠳᠠᠭᠰᠢ ᠲᠦᠷᠢᠮᠡᠬᠡᠶ᠋ᠢᠯᠡᠬᠦ᠌ ᠲᠠᠢ᠌ᠨᠦ ᠬᠣᠣᠷ ᠬᠥᠨᠥᠭᠡᠯ ᠢ ᠬᠠᠮᠤᠭᠤᠨ ᠶᠡᠬᠡ ᠠᠮᠰᠠᠭᠰᠠᠨ ᠤᠯᠤᠰ ᠮᠥᠨ᠂ ᠪᠠᠰᠠ ᠴᠤ᠌ ᠳᠡᠯᠡᠬᠡᠢᠶᠢᠨ ᠹᠠᠱ᠌ᠢᠰᠢ ᠡᠰᠡᠷᠭᠦᠴᠡᠬᠦ᠌ ᠲᠠᠢ᠌ᠨᠦ ᠳᠣᠷᠣᠨᠠᠳᠠᠬᠢᠨᠤ ᠭᠣᠣᠯ ᠲᠠᠢ᠌ᠨᠦ ᠲᠠᠯᠠᠪᠤᠷ ᠮᠥᠨ᠂ ᠲᠣᠣᠺᠢᠣ᠋ ᠵᠢᠨ ᠰᠢᠭᠦᠨ ᠲᠠᠰᠣᠯᠣᠯᠳᠠᠶᠢᠨ ᠭᠣᠣᠯ ᠣᠷᠣᠯᠴᠠᠭᠴᠢ ᠤᠯᠤᠰ ᠮᠥᠨ᠃
《ᠶᠠᠫᠣᠨ ᠪᠠᠭᠤᠵᠤ ᠥᠭᠪᠡ！》
1945 ᠣᠨᠤ 8 ᠰᠠᠷᠠᠶᠢᠨ 15 ᠤ᠋ ᠡᠳᠦᠷ ᠬᠡᠪᠯᠡᠭᠳᠡᠭᠰᠡᠨ 《ᠳ᠋ᠠᠬᠦ᠋ᠡᠭ ᠰᠣᠨᠢᠨ》 ᠨᠢ ᠳᠤᠮᠳᠠᠳᠤ ᠤᠯᠤᠰᠤᠨ ᠰᠣᠨᠢᠨᠤ ᠦᠢᠯᠡᠰᠦᠨ ᠲᠡᠦᠬᠡᠨᠳᠦ ᠤᠷᠢᠳ ᠡᠮᠦᠨᠡ ᠭᠠᠷᠤᠭᠠ ᠦᠭᠡᠶ ᠲᠤᠰᠬᠠᠢ ᠤᠢᠯᠡᠲᠥᠭᠰᠡᠨ ᠲᠣᠮᠣ ᠦᠰᠦᠭ ᠪᠠ ᠠᠩᠬᠠᠷᠤᠭᠤᠯᠬᠤ ᠲᠡᠮᠳᠡᠭᠢᠶᠡᠷ ᠲᠤᠮᠳᠠᠳᠤ ᠵᠢᠨ ᠡᠬᠡ ᠭᠠᠵᠠᠷᠢ ᠳᠣᠩᠰᠣᠯᠭᠠᠭᠰᠠᠨ ᠡᠨᠡ ᠬᠦ᠌ ᠮᠡᠳᠡᠭᠡᠶᠢ ᠨᠡᠢᠲᠡᠯᠡᠵᠡᠢ᠃
ᠲᠣᠰ ᠡᠳᠦᠷᠦᠨ ᠥᠷᠯᠥᠭᠡ᠂ ᠳᠤᠮᠳᠠᠳᠤ ᠵᠥᠪᠯᠡᠯᠲᠦ᠍ ᠠᠨᠭ᠌ᠭ᠌ᠯᠢ ᠠᠮᠧᠷᠢᠺᠠ ᠳᠥᠷᠪᠡᠨ ᠤᠯᠤᠰ ᠵᠡᠷᠭᠡ ᠪᠡᠷ ᠠᠯᠪᠠᠨ ᠵᠠᠷᠯᠠᠯ ᠨᠡᠶ᠋ᠢᠲᠡᠯᠡᠵᠦ᠍᠂ ᠶᠠᠫᠣᠨ ᠨᠥᠬᠥᠴᠡᠯ ᠥᠬᠡᠶᠪᠡᠷ ᠪᠠᠭᠤᠵᠤ ᠥᠭᠭᠦᠭᠰᠡᠨᠢ ᠨᠡᠢᠲᠡᠯᠡᠪᠡ᠃ ᠰᠢᠨᠬᠤᠸᠠ ᠬᠤᠷᠢᠶᠠ ᠡᠴᠡ ᠤᠯᠠᠨ ᠮᠡᠳᠡᠭᠡ ᠵᠢᠨ ᠢᠷᠡᠯᠲᠡ ᠵᠢ ᠶᠡᠷᠦᠩᠬᠡᠢᠯᠡᠨ ᠪᠠᠴᠢᠮ ᠴᠠᠬᠢᠯᠭᠠᠨ ᠮᠡᠳᠡᠭᠡᠶᠢ ᠨᠡᠪᠲᠡᠷᠡᠭᠦᠯᠵᠦ᠍᠂ ᠢᠯᠠᠯᠲᠠᠶᠢᠨ ᠪᠠᠶᠠᠷᠤᠨ ᠴᠢᠮᠡᠭᠡ ᠵᠢ ᠳᠠᠮᠵᠢᠭᠤᠯᠪᠠ᠃
ᠲᠡᠷᠡ ᠡᠳᠦᠷ᠂ ᠴᠦᠩᠴᠢᠩᠳᠦ᠂ ᠬᠥᠮᠦᠰ ᠵᠡᠭᠡᠯᠢ ᠭᠤᠲᠤᠮᠵᠢᠳᠦ ᠭᠠᠷᠴᠤ᠌᠂ ᠢᠯᠠᠯᠲᠠ ᠵᠢᠨ ᠴᠢᠮᠡᠭᠡ ᠵᠢ ᠬᠠᠷᠢᠯᠴᠠᠨ ᠬᠤᠪᠢᠶᠠᠯᠴᠠᠪᠠ； ᠶᠠᠨ ᠠᠨᠳᠤ᠂ ᠴᠡᠷᠢᠭ ᠠᠷᠠᠳ ᠬᠡᠩᠭᠡᠷᠭᠡ ᠴᠠᠩ ᠳᠡᠯᠡᠳᠴᠦ᠍᠂ ᠭᠠᠯ ᠪᠠᠮᠪᠠᠷ ᠨᠣᠴᠣᠭᠠᠪᠠ； ᠧᠦ᠋ᠷᠣᠫᠠ ᠠᠮᠧᠷᠢᠺᠠᠶᠢᠨ ᠬᠣᠯᠪᠣᠭᠠᠲᠠᠨ ᠤᠯᠤᠰᠤᠨ ᠴᠡᠷᠢᠭ ᠠᠷᠠᠳ ᠴᠤ᠌ ᠬᠠᠮᠲᠤᠶᠢᠨ ᠢᠯᠠᠯᠲᠠᠪᠠᠨ ᠬᠠᠯᠠᠭᠤᠨᠢᠶᠠᠷ ᠪᠡᠯᠭᠡᠯᠡᠪᠡ᠃
1945 ᠣᠨᠤ 9 ᠰᠠᠷᠠᠶᠢᠨ 2 ᠤ᠋ᠨ ᠡᠳᠦᠷ᠂ ᠳᠤᠮᠳᠠᠳᠤ ᠤᠯᠤᠰ ᠵᠡᠷᠭᠡ ᠪᠠᠭᠤᠵᠤ ᠥᠭᠭᠦ ᠵᠢ ᠬᠦᠯᠢᠶᠡᠨ ᠠᠪᠬᠤ 9 ᠤᠯᠤᠰᠤᠨ ᠲᠥᠯᠥᠭᠡᠯᠡᠭᠴᠢᠶᠢᠨ ᠡᠮᠤᠨᠠ ᠶᠠᠫᠣᠨᠤ ᠲᠥᠯᠥᠭᠡᠯᠡᠭᠴᠢ ᠪᠠᠭᠤᠵᠤ ᠥᠭᠬᠦ᠌ ᠪᠢᠴᠢᠭ ᠳᠡᠭᠡᠷᠡ ᠭᠠᠷᠤᠨ ᠦᠰᠦᠭ ᠵᠢᠷᠤᠵᠤ᠂ ᠳᠡᠯᠡᠬᠡᠶᠶᠢᠨ ᠬᠣᠶᠠᠳᠤᠭᠠᠷ ᠳᠠᠶ᠋ᠢᠨ ᠳᠠᠭᠤᠰᠪᠠ᠃
1931 ᠣᠨᠤ 《9·18》 ᠤ᠋ ᠬᠡᠷᠡᠭ ᠬᠤᠪᠢᠰᠤᠯ ᠡᠭᠦᠰᠦᠭᠰᠡᠨᠡᠴᠡ 1945 ᠣᠨᠳᠤ ᠶᠠᠫᠣᠨ ᠨᠥᠬᠥᠴᠡᠯ ᠦᠭᠡᠢᠪᠡᠷ ᠪᠠᠭᠤᠵᠤ ᠥᠭᠬᠦ᠌ᠪᠡᠷ ᠨᠡᠶ᠋ᠢᠲᠡᠯᠡᠭᠰᠡᠨ ᠬᠦᠷᠲᠡᠯᠡ᠂ ᠳᠡᠯᠡᠬᠡᠢᠶᠢᠨ ᠹᠠᠱ᠌ᠢᠰᠢ ᠡᠰᠡᠷᠭᠦᠴᠡᠬᠦ᠌ ᠲᠠᠢ᠌ᠨᠦ ᠳᠤᠮᠳᠠ ᠳᠤᠮᠳᠠᠳᠤ ᠤᠯᠤᠰᠤᠨ ᠠᠷᠠᠳ ᠲᠦᠮᠡᠨᠦ ᠶᠠᠫᠣᠨᠢ ᠡᠰᠡᠷᠭᠦᠴᠡᠬᠦ᠌ ᠲᠠᠢ᠌ᠨᠤ ᠡᠬᠢᠯᠡᠭᠰᠡᠨ ᠴᠠᠭ ᠨᠢ ᠬᠠᠮᠤᠭᠤᠨ ᠡᠷᠲᠡ᠂ ᠦᠷᠭᠦᠯᠵᠢᠯᠡᠭᠰᠡᠨ ᠴᠠᠭ ᠨᠢ ᠬᠠᠮᠤᠭᠤᠨ ᠤᠷᠳᠤ᠂ ᠨᠥᠬᠥᠴᠡᠯ ᠨᠢ ᠬᠠᠮᠤᠭᠤᠨ ᠬᠠᠲᠠᠭᠤᠵᠢᠯᠲᠠᠢ᠂ ᠦᠷᠡᠭᠳᠡᠯ ᠰᠦᠢᠳᠦᠯ ᠨᠢ ᠬᠠᠮᠤᠭᠤᠨ ᠶᠡᠬᠡ ᠪᠠᠶ᠋ᠢᠪᠠ᠃ ᠳᠤᠮᠳᠠᠳᠤ ᠤᠯᠤᠰᠤᠨ ᠴᠡᠷᠢᠭ ᠠᠷᠠᠳ 3500 ᠭᠠᠷᠤᠶ ᠲᠦᠮᠡᠨ ᠬᠥᠮᠦᠨ ᠥᠭᠦᠵᠦ᠍ ᠰᠢᠷᠬᠠᠲᠤᠭᠰᠠᠨ ᠦᠷᠡᠭᠳᠡᠯᠢᠶᠡᠷ ᠶᠠᠫᠣᠨ ᠴᠡᠷᠢᠭᠦᠨ 50% ᠡᠴᠡ ᠳᠡᠭᠡᠭᠰᠢᠬᠢ ᠭᠠᠳᠠᠭᠠᠳᠤ ᠳᠠᠬᠢ ᠴᠡᠷᠢᠭ ᠦᠨ ᠬᠦᠴᠦᠨᠢ ᠬᠣᠷᠢᠭᠯᠠᠵᠠᠶ᠃
ᠡᠨᠡ ᠪᠣᠯ ᠳᠤᠮᠳᠠᠳᠤᠶᠢᠨ ᠦᠨᠳᠦᠰᠦᠲᠡᠨᠦ ᠵᠣᠷᠢᠭ ᠰᠠᠨᠠᠭᠠᠨᠤ ᠲᠡᠦᠬᠡᠨ ᠳᠡᠭᠡᠷᠡᠬᠢ ᠪᠠᠯᠠᠷᠠᠰᠢ ᠦᠭᠡᠢ ᠥᠷᠯᠥᠭ ᠬᠥᠰᠢᠢᠡ ᠮᠥᠨ᠂ ᠳᠡᠯᠡᠬᠡᠢᠶᠢᠨ ᠲᠠᠢ᠌ᠨᠦ ᠲᠡᠦᠬᠡᠨ ᠳᠡᠭᠡᠷᠡᠬᠢ ᠠᠤᠭᠠ ᠦᠢᠯᠡᠰ ᠮᠥᠨ᠃
ᠶᠡᠬᠡ ᠬᠡᠪᠴᠢᠶᠡᠨᠦ ᠬᠢᠳᠤᠯᠭᠠᠬᠢᠭᠰᠡᠨ ᠶᠠᠯᠠᠲᠤ᠌ ᠠᠵᠢᠯᠯᠠᠭᠠ᠂ ᠡᠬᠡᠯ ᠠᠷᠠᠳᠢ ᠬᠥᠨᠥᠭᠡᠭᠰᠡᠨ᠂ ᠳᠤᠮᠳᠠᠳᠤ ᠤᠯᠤᠰ ᠲᠤ᠌ ᠪᠠᠺᠲ᠋ᠧᠷᠢᠶᠢᠨ ᠲᠡᠶ᠋ᠢᠨ ᠶᠠᠪᠤᠭᠤᠯᠤᠭᠰᠠᠨ ᠁ ᠨᠠᠨᠵᠢᠩᠤᠨ ᠶᠡᠬᠡ ᠬᠢᠳᠤᠯᠭᠠᠶᠢ ᠪᠠᠶ᠋ᠢᠴᠠᠭᠠᠭᠰᠠᠨ ᠠᠩᠬᠠᠨᠤ ᠪᠦᠯᠦᠭᠤᠨ ᠣᠯᠠᠨ ᠤᠯᠤᠰᠤᠨ ᠪᠠᠶ᠋ᠢᠴᠠᠭᠠᠭᠴᠢ ᠲᠤᠰᠢᠶᠠᠯᠲᠠᠨ᠂ ᠠᠮᠧᠷᠢᠺᠠ ᠬᠥᠮᠦᠨ ᠰᠠᠲ᠋ᠤᠨ ᠡᠳᠦᠷᠦᠨ ᠲᠡᠮᠳᠡᠭᠯᠡᠯᠳᠡᠭᠡᠨ ᠶᠠᠫᠣᠨ ᠴᠡᠷᠢᠭᠦᠨ ᠳᠤᠮᠳᠠᠳᠤ ᠤᠯᠤᠰ ᠢ ᠲᠦᠷᠢᠮᠡᠬᠡᠶ᠋ᠢᠯᠡᠭᠰᠡᠨ ᠪᠠᠯᠠᠮᠠᠳ ᠠᠵᠢᠯᠯᠠᠭᠠᠶᠢ ᠨᠢᠭᠡᠳ ᠨᠢᠭᠡᠪᠡᠷ ᠲᠡᠮᠳᠡᠭᠯᠡᠭᠰᠡᠨ ᠪᠠᠶ᠋ᠢᠨᠠ᠃
818 ᠤᠳᠠᠭᠠ ᠵᠢᠨ ᠰᠢᠭᠦᠯᠲᠡ᠂ 419 ᠭᠡᠷᠡᠴᠢᠯᠡᠭᠴᠢ ᠰᠢᠭᠦᠯᠲᠡᠳᠦ ᠣᠷᠣᠯᠴᠠᠵᠤ᠂ ᠭᠡᠷᠡᠴᠢ ᠪᠠᠷᠢᠮᠲᠠᠶᠢᠨ ᠶᠡᠷᠦᠩᠬᠡᠶ ᠲᠣᠭᠠ 4336 ᠬᠤᠪᠢ᠂ ᠠᠨᠭ᠌ᠭ᠌ᠯᠢ ᠬᠡᠯᠡᠨᠦ ᠰᠢᠭᠦᠬᠦ ᠲᠢᠩᠬᠢᠮᠦᠨ ᠰᠢᠭᠦᠯᠲᠡᠶᠢᠨ ᠲᠡᠮᠳᠡᠭᠯᠡᠯ 5 ᠲᠦᠮᠡ ᠰᠢᠬᠠᠮ ᠨᠢᠭᠤᠷ ᠬᠦᠷᠴᠡᠢ ᠁ 1946 ᠣᠨᠤ 5 ᠰᠠᠷᠠᠶᠢᠨ 3 ᠤ᠋ ᠡᠳᠦᠷᠡᠴᠡ 1948 ᠣᠨ ᠤ 11 ᠰᠠᠷᠠᠶᠢᠨ 12 ᠤ᠋ᠨ ᠡᠳᠦᠷ ᠪᠣᠯᠲᠠᠯᠠ᠂ ᠲᠣᠣᠺᠢᠣ᠋ᠶᠢᠨ ᠰᠢᠭᠦᠨ ᠲᠠᠰᠤᠯᠤᠯᠲᠠ ᠨᠢ ᠶᠠᠫᠣᠨᠤ ᠲᠡᠶ᠋ᠢᠨᠦ ᠶᠠᠯᠠᠲᠤ᠌ ᠠᠵᠢᠯᠯᠠᠭᠠᠳᠤ ᠰᠢᠳᠤᠷᠭᠤ ᠶᠣᠰᠣᠨᠤ ᠲᠣᠭᠠᠴᠠᠭᠠ ᠬᠢᠵᠦ᠍᠂ ᠲᠡᠶ᠋ᠢᠨᠦ ᠳᠠᠷᠠᠭᠠᠬᠢ ᠣᠯᠠᠨ ᠤᠯᠤᠰᠤᠨ ᠡᠮᠬᠢ ᠵᠢᠷᠤᠮᠤᠨ ᠬᠠᠤᠯᠢ ᠵᠦᠶᠶᠢᠨ ᠦᠨᠳᠦᠰᠦ ᠰᠠᠭᠤᠷᠢᠶᠢ ᠤᠯᠠᠮ ᠨᠢᠭᠡ ᠠᠯᠬᠤᠮ ᠲᠠᠯᠪᠢᠪᠠ᠃
ᠦᠩᠭᠡᠷᠡᠭᠰᠡᠨ ᠣᠨ ᠰᠠᠷᠠᠶᠢ ᠡᠷᠭᠢᠴᠡᠭᠦᠯᠬᠦᠶᠡ᠂ ᠲᠡᠦᠬᠡᠶᠢᠨ ᠪᠣᠳᠠᠲᠤ᠌ ᠶᠠᠪᠤᠳᠠᠯ ᠲᠤᠪ ᠲᠣᠳᠣᠷᠬᠠᠶ ᠪᠠᠢᠵᠤ᠂ ᠬᠠᠤᠯᠢ ᠵᠦᠶᠶᠢᠨ ᠦᠨᠳᠦᠰᠦᠯᠡᠯ ᠨᠢᠭᠲᠠ ᠬᠣᠯᠪᠣᠯᠳᠤᠵᠤ ᠪᠠᠢᠨᠠ᠃
—— 1943 ᠣᠨᠤ 12 ᠰᠠᠷᠠᠶᠢᠨ 1 ᠤ᠋ ᠡᠳᠦᠷ᠂《ᠺᠠᠶ᠋ᠢᠷᠣ᠋ᠶᠢᠨ ᠲᠤᠩᠬᠠᠭ》ᠲᠤ᠌ ᠶᠠᠫᠣᠨᠤ ᠡᠭᠦᠰᠭᠡᠭᠰᠡᠨ ᠳᠤᠮᠳᠠᠳᠤ ᠤᠯᠤᠰ ᠲᠡᠬᠢ ᠳᠠᠶ᠋ᠢᠨ ᠪᠠ ᠨᠣᠮᠣᠬᠠᠨ ᠳᠠᠯᠠᠶᠶᠢᠨ ᠳᠠᠶ᠋ᠢᠨ ᠦ ᠲᠦᠷᠢᠮᠡᠬᠡᠶ᠋ᠢᠯᠡᠬᠦ᠌ ᠰᠢᠨᠵᠢ ᠴᠢᠨᠠᠷᠢ ᠨᠤᠲᠠᠯᠠᠵᠤ᠂ 《ᠶᠠᠫᠣᠨᠤ ᠬᠤᠯᠠᠭᠠᠶ᠋ᠢᠯᠠᠨ ᠠᠪᠤᠭᠰᠠᠨ ᠳᠤᠮᠳᠠᠳᠤ ᠤᠯᠤᠰᠤᠨ ᠨᠤᠲᠤᠭ ᠳᠡᠪᠢᠰᠬᠡᠷ᠂ ᠵᠢᠱ᠌ᠢᠶᠡᠯᠡᠪᠡᠯ ᠵᠡᠭᠦᠨ ᠬᠣᠶ᠋ᠢᠲᠤ᠌ ᠣᠷᠣᠨᠤ ᠳᠥᠷᠪᠡᠨ ᠮᠤᠵᠢ᠂ ᠲᠠᠶ᠋ᠢᠸᠠᠨ᠂ ᠫᠸᠩ ᠬᠤ᠌ ᠣᠯᠲᠣᠷᠢᠭ ᠵᠡᠷᠭᠡ》ᠵᠢ ᠪᠦᠭᠦᠳᠡᠶᠢ ᠳᠤᠮᠳᠠᠳᠤ ᠤᠯᠤᠰᠲᠤ᠌ ᠪᠤᠴᠠᠭᠠᠨᠠ ᠭᠡᠵᠦ᠍ ᠲᠣᠳᠣᠷᠬᠠᠶ ᠲᠣᠭᠲᠠᠭᠠᠵᠠᠶ；
—— 1945 ᠣᠨᠤ 7 ᠰᠠᠷᠠᠶᠢᠨ 26 ᠤ᠋ ᠡᠳᠦᠷ᠂ 《 ᠪᠤᠼᠳᠠᠮᠤᠨ ᠠᠯᠪᠠᠨ ᠵᠠᠷᠯᠠᠯ》 ᠢ᠋ ᠨᠡᠶ᠋ᠢᠲᠡᠯᠡᠵᠦ᠍᠂ ᠲᠡᠭᠦᠨᠤ ᠨᠠᠢ᠍ᠮᠠᠳᠤᠭᠠᠷ ᠵᠦᠢᠯᠳᠦ 《〈ᠺᠠᠢ᠌ᠷᠤ᠋ ᠵᠢᠨ ᠲᠤᠩᠬᠠᠭ〉 ᠤ᠋ᠨ ᠨᠥᠬᠥᠴᠡᠯᠢ ᠯᠠᠪᠲᠠᠢ ᠬᠡᠷᠡᠭᠵᠢᠭᠦᠯᠦᠨᠡ 》 ᠭᠡᠵᠦ᠍ ᠲᠣᠳᠣᠷᠬᠠᠢ ᠲᠣᠭᠲᠠᠭᠠᠵᠠᠢ；
—— 1945 ᠣᠨᠤ 9 ᠰᠠᠷᠠᠶᠢᠨ 2ᠤ᠋ᠨ ᠡᠳᠦᠷ᠂ ᠶᠠᠫᠤᠨᠤ ᠵᠠᠰᠠᠭᠤᠨ ᠣᠷᠳᠣᠨ《ᠶᠠᠫᠤᠨᠤ ᠪᠠᠭᠤᠵᠤ ᠥᠭᠬᠦ ᠪᠢᠴᠢᠭ》 ᠲᠥ᠍ 《ᠪᠤᠼᠳᠠᠮᠤᠨ ᠠᠯᠪᠠᠨ ᠵᠠᠷᠯᠠᠯ》 ᠢ᠋ ᠬᠦᠯᠢᠶᠡᠨ ᠠᠪᠬᠤ ᠵᠢ ᠲᠤᠳᠤᠷᠬᠠᠢᠯᠠᠵᠤ᠂ 《ᠪᠤᠼᠳᠠᠮᠤᠨ ᠠᠯᠪᠠᠨ ᠵᠠᠷᠯᠠᠯ》 ᠤ᠋ᠨ ᠡᠯᠡ ᠵᠦᠢᠯᠦᠨ ᠲᠣᠭᠲᠠᠭᠠᠯᠢ ᠦᠨᠡᠨᠴᠢ ᠰᠢᠳᠤᠷᠭᠤᠪᠠᠷ ᠭᠦᠢᠴᠡᠳᠬᠡᠨᠡ ᠭᠡᠵᠦ ᠠᠮᠠᠯᠳᠠᠪᠠ；
︱— 1945 ᠣᠨᠤ ᠤᠯᠠᠨ ᠤᠯᠤᠰᠤᠨ ᠬᠣᠯᠪᠣᠭᠠᠲᠤ ᠪᠠᠢᠭᠤᠯᠭᠠᠶᠢᠨ ᠦᠨᠳᠦᠰᠦᠨ ᠬᠠᠤᠯᠢ ᠲᠣᠭᠲᠠᠭᠠᠬᠤ ᠬᠤᠷᠠᠯ ᠳᠡᠭᠡᠷᠡ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠲᠥᠯᠥᠭᠡᠯᠡᠭᠴᠢ《ᠤᠯᠠᠨ ᠤᠯᠤᠰᠤᠨ ᠬᠣᠯᠪᠣᠭᠠᠲᠤ ᠪᠠᠢᠭᠤᠯᠭᠠᠶᠢᠨ ᠦᠨᠳᠦᠰᠦᠨ ᠳᠦᠷᠢᠮ》 ᠳᠡᠭᠡᠷᠡ ᠬᠠᠮᠤᠭᠤᠨ ᠲᠦᠷᠦᠭᠦᠨᠳᠦ ᠭᠠᠷᠤᠨ ᠦᠰᠦᠭ ᠵᠢᠷᠤᠪᠠ ᠁
《〈ᠣᠯᠠᠨ ᠤᠯᠤᠰᠤᠨ ᠬᠣᠯᠪᠣᠭᠠᠲᠤ ᠪᠠᠢᠭᠤᠯᠭᠠᠶᠢᠨ ᠦᠨᠳᠦᠰᠦᠨ ᠳᠦᠷᠢᠮ〉᠂ 〈ᠺᠠᠢᠷᠤ᠋ᠶᠢᠨ ᠲᠤᠩᠬᠠᠭ〉᠂ 〈ᠫᠤᠼᠳᠠᠮᠤᠨ ᠠᠯᠪᠠᠨ ᠵᠠᠷᠯᠠᠯ〉᠂ 〈ᠶᠠᠫᠤᠨᠤ ᠪᠠᠭᠤᠵᠤ ᠥᠭᠬᠦ ᠪᠢᠴᠢᠭ〉ᠵᠢᠴᠢ ᠲᠣᠤᠺᠢᠣ᠋ᠶᠢᠨ ᠰᠢᠭᠦᠨ ᠲᠠᠰᠤᠯᠬᠤ ᠲᠠᠰᠤᠯᠤᠯᠲᠠ ᠨᠢ ᠬᠠᠮᠲᠤᠪᠠᠷ ᠳᠠᠶ᠋ᠢᠨᠦ ᠳᠠᠷᠠᠭᠠᠬᠢ ᠣᠯᠠᠨ ᠤᠯᠤᠰᠤᠨ ᠡᠮᠬᠢ ᠵᠢᠷᠤᠮᠤᠨ ᠰᠠᠭᠤᠷᠢᠶᠢᠨ ᠴᠢᠬᠤᠯᠠ ᠪᠦᠷᠢᠯᠳᠦᠭᠦᠨ ᠬᠡᠰᠡᠭᠢ ᠪᠦᠷᠢᠯᠳᠦᠭᠦᠯᠵᠡᠢ》 ᠭᠡᠵᠦ ᠱᠠᠩᠬᠠᠢᠶᠢᠨ ᠵᠠᠮ ᠬᠠᠷᠢᠯᠴᠠᠭᠠᠨᠤ ᠶᠡᠬᠡ ᠰᠤᠷᠭᠠᠭᠤᠯᠢᠶᠢᠨ ᠲᠣᠣᠺᠢᠤ᠋ ᠵᠢᠨ ᠰᠢᠭᠦᠨ ᠲᠠᠰᠤᠯᠬᠤ ᠰᠤᠳᠤᠯᠭᠠᠨᠤ ᠲᠥᠪᠦᠨ ᠡᠷᠬᠢᠯᠡᠭᠴᠢ ᠴᠧᠩ ᠵᠤᠤ ᠴᠢ ᠬᠡᠯᠡᠪᠡ᠃
ᠣᠳᠣᠬᠠᠨ ᠤ ᠳᠡᠯᠡᠬᠡᠢ ᠶᠢᠷᠲᠢᠨᠴᠦᠳᠦ᠂ ᠴᠠᠭ ᠦᠶᠡᠶᠢᠨ ᠡᠩᠬᠡ ᠲᠠᠢᠪᠤᠩ ᠬᠥᠭᠵᠢᠯᠲᠡᠶᠢᠨ ᠶᠡᠬᠡ ᠬᠠᠨᠳᠤᠰᠢᠶᠢ ᠲᠠᠭᠠᠵᠦ ᠪᠠᠢᠭᠠ ᠨᠢ ᠨᠢᠭᠡ ᠰᠢᠰᠲᠧᠮ᠂ ᠨᠢᠭᠡ ᠵᠦᠢᠯᠦᠨ ᠡᠮᠬᠢ ᠲᠢᠭᠯᠢᠮ᠂ ᠨᠢᠭᠡ ᠢᠵᠢ ᠳᠦᠷᠢᠮ ᠪᠣᠯᠣᠨᠠ᠂ ᠲᠡᠷᠡ ᠨᠢ ᠳᠠᠷᠤᠢ ᠤᠯᠠᠨ ᠤᠯᠤᠰᠤᠨ ᠬᠣᠯᠪᠣᠭᠠᠲᠤ ᠪᠠᠢᠭᠤᠯᠭᠠᠪᠠᠷ ᠭᠣᠣᠯ ᠪᠣᠯᠭᠠᠭᠰᠠᠨ ᠤᠯᠠᠨ ᠤᠯᠤᠰᠤᠨ ᠰᠢᠰᠲᠧᠮ᠂ ᠤᠯᠠᠨ ᠤᠯᠤᠰᠤᠨ ᠬᠠᠤᠯᠢᠪᠠᠷ ᠰᠠᠭᠤᠷᠢ ᠪᠣᠯᠭᠠᠭᠰᠠᠨ ᠤᠯᠠᠨ ᠤᠯᠤᠰᠤᠨ ᠡᠮᠬᠢ ᠲᠢᠭᠯᠢᠮ᠂《ᠤᠯᠠᠨ ᠤᠯᠤᠰᠤᠨ ᠬᠣᠯᠪᠣᠭᠠᠲᠤ ᠪᠠᠢᠭᠤᠯᠭᠠᠶᠢᠨ ᠦᠨᠳᠦᠰᠦᠨ ᠳᠦᠷᠢᠮ》 ᠤ᠋ᠨ ᠵᠣᠷᠢᠯᠲᠠ ᠪᠣᠯᠣᠨ ᠵᠠᠷᠴᠢᠮᠢᠶᠠᠷ ᠰᠠᠭᠤᠷᠢ ᠪᠣᠯᠭᠠᠭᠰᠠᠨ ᠤᠯᠠᠨ ᠤᠯᠤᠰᠤᠨ ᠬᠠᠷᠢᠯᠴᠠᠭᠠᠨ ᠤ ᠦᠨᠳᠦᠰᠦᠨ ᠪᠠᠷᠢᠮᠵᠢᠶᠠ ᠪᠣᠯᠣᠨᠠ᠃
1949 ᠣᠨᠤ 10 ᠰᠠᠷᠠ ᠵᠢᠨ 24ᠤ᠋ ᠡᠳᠦᠷ᠂ ᠣᠯᠠᠨ ᠤᠯᠤᠰᠤᠨ ᠬᠣᠯᠪᠣᠭᠠᠲᠤ ᠪᠠᠢᠭᠤᠯᠭᠠ ᠪᠠᠢᠭᠤᠯᠤᠭᠳᠠᠭᠰᠠᠨ ᠳᠥᠷᠪᠡᠨ ᠵᠢᠯᠦᠨ ᠣᠶᠶᠢᠨ ᠲᠠᠰᠢᠷᠠᠮᠳᠤ᠂ ᠨᠢᠦ᠋ ᠶᠣᠷᠺᠲᠤ ᠪᠠᠢᠷᠢᠯᠠᠭᠠ ᠣᠯᠠᠨ ᠤᠯᠤᠰᠤᠨ ᠬᠣᠯᠪᠣᠭᠠᠲᠤ ᠪᠠᠢᠭᠤᠯᠭᠠᠶᠢᠨ ᠶᠡᠷᠦᠩᠬᠡᠢ ᠵᠠᠬᠢᠷᠭᠠᠶᠢᠨ ᠲᠣᠮᠣ᠌ ᠠᠰᠠᠷᠤᠨ ᠰᠠᠭᠤᠷᠢ ᠲᠠᠯᠪᠢᠬᠤ ᠶᠣᠰᠣᠯᠠᠯ ᠶᠠᠪᠤᠭᠳᠠᠪᠠ᠃ ᠠᠩᠭ᠌ᠯᠢ᠂ ᠹᠷᠠᠨᠼᠢ᠂ ᠳᠤᠮᠳᠠᠳᠤ᠂ ᠤᠷᠤᠰ᠂ ᠢᠰᠫᠠᠨᠢ ᠬᠡᠯᠡᠪᠡᠷ《ᠤᠯᠠᠨ ᠤᠯᠤᠰᠤᠨ ᠬᠣᠯᠪᠣᠭᠠᠲᠤ ᠪᠠᠢᠭᠤᠯᠭᠠ》 ᠭᠡᠬᠦ ᠦᠰᠦᠭᠢ ᠰᠡᠢᠯᠦᠭᠰᠡᠨ ᠰᠠᠭᠤᠷᠢᠶᠢᠨ ᠴᠢᠯᠠᠭᠤᠨ ᠳᠤᠮᠳᠠ᠂ ᠲᠤᠰᠬᠠᠢᠯᠠᠨ ᠲᠡᠮᠦᠷᠯᠢᠭ ᠬᠠᠢᠷᠴᠠᠭᠳᠤᠲᠤᠷᠠ《ᠤᠯᠠᠨ ᠤᠯᠤᠰ ᠤᠨ ᠬᠣᠯᠪᠣᠭᠠᠲᠤ ᠪᠠᠢᠭᠤᠯᠭᠠᠶᠢᠨ ᠦᠨᠳᠦᠰᠦᠨ ᠳᠦᠷᠢᠮ》 ᠵᠡᠷᠭᠡ ᠲᠣᠪᠬᠢᠮᠠᠯ ᠢ ᠬᠠᠳᠠᠭᠠᠯᠠᠵᠤ᠂ ᠦᠭᠡ ᠥᠭᠦᠯᠡᠪᠦᠷᠢ ᠪᠤᠯᠭᠠᠨ ᠨᠢ ᠬᠦᠨᠳᠦ ᠴᠢᠬᠤᠯᠠ ᠠᠭᠤᠯᠭᠠ ᠲᠡᠢ ᠪᠠᠢᠯᠠ᠄
ᠬᠣᠵᠢᠮ ᠤᠨ ᠬᠥᠮᠥᠰ ᠤᠨ ᠳᠠᠢᠨᠤ ᠠᠶᠤᠯᠳᠤ ᠳᠠᠬᠢᠨ ᠤᠴᠠᠷᠠᠬᠤᠡᠴᠡ ᠵᠠᠢᠯᠠᠬᠤᠶᠢᠨ ᠲᠥᠯᠥᠭᠡ᠂ ᠡᠷᠬᠡᠪᠰᠢ 《ᠬᠦᠴᠦᠨᠢᠶᠡᠨ ᠲᠥᠪᠯᠡᠷᠡᠭᠦᠯᠵᠦ᠂ ᠳᠡᠯᠡᠬᠡᠢᠶᠢᠨ ᠡᠩᠬᠡ ᠲᠠᠢ᠍ᠢᠪᠤᠩ ᠪᠣᠯᠣᠨ ᠠᠮᠤᠷ ᠲᠦᠪᠰᠢᠨᠢ ᠬᠠᠮᠠᠭᠠᠯᠠᠵᠤ》᠂ 《ᠵᠠᠷᠴᠢᠮᠢ ᠬᠦᠯᠢᠶᠡᠨ ᠠᠪᠴᠤ᠂ ᠠᠷᠭᠠᠶᠢ ᠲᠣᠭᠲᠠᠭᠠᠵᠤ᠂ ᠣᠯᠠᠨ ᠨᠡᠢ᠍ᠢᠲᠡᠶᠢᠨ ᠠᠰᠢᠭ᠋ ᠲᠤᠰᠠᠶᠢᠨ ᠲᠥᠯᠥᠭᠡ ᠪᠢᠰᠢ ᠪᠤᠯ ᠵᠡᠪᠰᠡᠭᠲᠦ ᠬᠦᠴᠦᠨ ᠬᠡᠷᠡᠭᠯᠡᠵᠦ ᠪᠣᠯᠬᠤ ᠦᠭᠡᠢ ᠵᠢ ᠪᠠᠲᠤᠯᠠᠬᠤ ᠬᠡᠷᠡᠭᠳᠡᠢ》 ᠁
（ᠬᠣᠶᠠᠷ） ᠰᠣᠶᠣᠭᠠ ᠪᠠᠨ ᠴᠤᠬᠤᠶ᠋ᠢᠯᠭᠠᠭᠰᠠᠨ ᠶᠠᠫᠤᠨᠤ 《ᠰᠢᠨᠡ ᠬᠡᠯᠪᠡᠷᠢ ᠵᠢᠨ ᠴᠡᠷᠢᠭᠯᠡᠬᠦ ᠦᠵᠡᠯ》
《ᠲᠠᠺᠠᠶᠢᠴᠢ ᠰᠠᠨᠠᠶᠸ ᠳᠤᠷᠠ ᠪᠠᠷ ᠠᠭᠠᠰᠢᠯᠠᠵᠤ ᠪᠤᠯᠬᠤ ᠦᠭᠡᠢ》᠂《ᠶᠠᠫᠤᠨ ᠵᠡᠪᠰᠡᠭᠲᠦ ᠬᠦᠴᠦᠨᠢᠶᠡᠨ ᠡᠭᠦᠷᠢᠳᠡ ᠲᠠᠶᠠᠭᠳᠠᠬᠤ ᠬᠡᠷᠡᠭᠲᠡᠢ》᠁ 2026 ᠣᠨᠤ 7 ᠰᠠᠷᠠᠶᠢᠨ 10 ᠤ᠋ ᠡᠳᠦᠷ ᠲᠣᠣᠺᠢᠤ᠋ᠳᠤ᠂ ᠬᠡᠳᠦᠨ ᠺᠢᠯᠤᠮᠸᠲᠷ ᠤᠷᠳᠤ ᠮᠥᠷᠯᠡᠭᠰᠡᠨ ᠶᠠᠫᠤᠨᠤ ᠠᠷᠠᠳ ᠤᠯᠠᠨ ᠭᠠᠷᠲᠠᠭᠠᠨ ᠤᠷᠢᠶᠠ ᠯᠣᠽᠦ᠋ᠩ ᠪᠠᠷᠢᠵᠤ᠂ ᠤᠯᠤᠰᠤᠨ ᠬᠤᠷᠠᠯᠤᠨ ᠬᠡᠷᠡᠭ ᠵᠥᠪᠯᠡᠬᠦ ᠲᠠᠩᠬᠢᠮᠤᠨ ᠡᠮᠦᠨᠡ ᠡᠰᠡᠷᠭᠦᠴᠡᠯᠤᠨ ᠴᠤᠭᠯᠠᠭᠠᠨᠪᠤᠯᠵᠦ᠂ ᠲᠠᠺᠠᠶᠢᠴᠢ ᠰᠠᠨᠠᠶᠸᠶᠢᠨ ᠵᠠᠰᠠᠭᠤᠨ ᠣᠷᠳᠣᠨᠤ ᠴᠡᠷᠢᠭ ᠥᠷᠭᠡᠳᠬᠡᠬᠦ ᠲᠦᠷᠦᠶᠢᠨ ᠪᠣᠳᠣᠯᠭᠠ ᠪᠣᠯᠣᠨ ᠦᠨᠳᠦᠰᠦᠨ ᠬᠠᠤᠯᠢᠳᠤ ᠵᠠᠰᠠᠪᠤᠷᠢ ᠣᠷᠣᠭᠤᠯᠬᠤ ᠭᠣᠷᠢᠳᠠᠯᠭᠠᠶᠢ ᠡᠰᠡᠷᠭᠦᠴᠡᠪᠡ᠃
ᠶᠠᠫᠤᠨᠤ ᠡᠭᠦᠰᠬᠡᠭᠰᠡᠨ ᠳᠠᠶ᠋ᠢᠨ ᠪᠣᠯ 《ᠥᠪᠡᠷᠤᠨ ᠤᠷᠤᠰᠢᠨ ᠲᠤᠭᠲᠠᠨᠢᠯᠢ ᠪᠠᠲᠤᠯᠠᠨ ᠥᠪᠡᠷᠢᠪᠡᠨ ᠬᠠᠮᠠᠭᠠᠯᠠᠬᠤ ᠳᠠᠶ᠋ᠢᠨ》 ᠮᠥᠨ ᠭᠡᠵᠦ ᠢᠯᠡᠷᠬᠡᠢᠯᠡᠵᠦ᠂ ᠲᠦᠷᠢᠮᠡᠬᠡᠢᠯᠡᠬᠦ ᠳᠠᠶ᠋ᠢᠨᠤ ᠬᠤᠤᠷᠯᠠᠯ ᠠᠮᠰᠠᠭᠰᠠᠨ ᠠᠽᠢᠶᠠ ᠲᠢᠪᠦᠨ ᠤᠯᠤᠰ ᠪᠣᠯᠣᠨ ᠠᠷᠠᠳ ᠲᠦᠮᠡᠨᠳᠦ ᠣᠰᠣᠯ ᠬᠦᠯᠢᠶᠡᠬᠦ ᠵᠢ ᠲᠤᠳᠤᠷᠬᠠᠢ ᠡᠰᠡᠷᠭᠦᠴᠡᠨ᠂ ᠳᠡᠯᠡᠬᠡᠢᠶᠢᠨ ᠬᠣᠶᠠᠳᠤᠭᠠᠷ ᠳᠠᠶ᠋ᠢᠨᠦ ᠬᠥᠬᠡ ᠳᠡᠰᠤᠨ 14 ᠳᠠᠶ᠋ᠢᠨᠦ ᠶᠠᠯᠠᠲᠠᠨᠢ ᠲᠠᠬᠢᠳᠠᠭ ᠶᠠᠰᠦᠢ᠍ᠺᠦᠢ᠍ᠨᠢ ᠰᠦᠮᠡᠳᠦ ᠤᠳᠠᠭᠠᠨ ᠵᠢᠯ ᠪᠠᠷᠠᠳᠠᠨ ᠮᠦᠷᠭᠦᠭᠰᠡᠨ᠁ ᠲᠠᠺᠠᠶᠢᠴᠢ ᠰᠠᠨᠠᠶᠸ᠂ ᠶᠠᠭ ᠡᠢᠮᠦᠷᠬᠦᠦ ᠲᠡᠦᠬᠡᠶᠢᠨ ᠪᠤᠷᠤᠭᠤ ᠦᠵᠡᠯᠲᠡᠶᠢ ᠪᠠᠷᠢᠮᠲᠠᠯᠠᠳᠠᠭ ᠪᠠᠷᠠᠭᠤᠨᠲᠠᠨᠤ ᠤᠯᠤᠰ ᠲᠦᠷᠦ ᠵᠢᠨ ᠵᠠᠪᠰᠢᠭᠴᠢ ᠬᠠᠷᠢᠨ ᠶᠠᠫᠤᠨᠤ ᠣᠳᠣ᠌ᠶᠢᠨ ᠲᠡᠷᠢᠭᠦᠨ ᠰᠠᠢᠳ ᠪᠤᠯᠪᠠ᠃
2025 ᠣᠨᠤ 10 ᠰᠠᠷᠠᠳᠤ ᠲᠠᠢᠰᠠᠨᠳᠤ ᠭᠠᠷᠤᠭᠰᠠᠨᠡᠴᠡ ᠨᠠᠭᠠᠰᠢ᠂ ᠲᠠᠺᠠᠶᠢᠴᠢ ᠰᠠᠨᠠᠶᠸᠶᠢᠨ ᠵᠠᠰᠠᠭᠤᠨ ᠡᠷᠬᠡ ᠡᠯᠡ ᠵᠦᠢᠯᠦᠨ ᠪᠠᠷᠠᠭᠤᠨᠳᠠᠨᠤ ᠵᠥᠪᠯᠡᠬᠦ ᠵᠦᠢᠯᠢ ᠶᠡᠬᠡ ᠪᠡᠷ ᠠᠬᠢᠭᠤᠯᠵᠤ᠂ ᠴᠡᠷᠢᠭ ᠦᠷᠭᠡᠳᠬᠡᠨ ᠵᠡᠷ ᠵᠡᠪᠰᠡᠭ ᠪᠡᠯᠡᠳᠬᠡᠬᠦ ᠠᠵᠢᠯᠢ ᠶᠡᠬᠡ ᠪᠡᠷ ᠬᠢᠪᠡ᠃
ᠰᠡᠷᠭᠡᠢᠯᠡᠨ ᠬᠠᠮᠠᠭᠠᠯᠠᠬᠤ ᠲᠥᠰᠥᠪᠢ ᠶᠡᠬᠡᠪᠡᠷ ᠨᠡᠮᠡᠭᠳᠡᠭᠦᠯᠵᠦ᠂ ᠲᠠᠢ᠍ᠢᠨᠦ ᠳᠠᠷᠠᠭᠠᠬᠢ ᠲᠡᠦᠬᠡᠶᠢᠨ ᠬᠠᠮᠤᠭᠤᠨ ᠥᠨᠳᠥᠷ ᠲᠡᠮᠳᠡᠭᠯᠡᠯᠢ 14 ᠵᠢᠯ ᠳᠠᠷᠠᠭᠠᠯᠠᠨ ᠰᠢᠨᠡᠳᠬᠡᠪᠡ；《ᠰᠡᠷᠭᠡᠢᠯᠡᠨ ᠬᠠᠮᠠᠭᠠᠯᠠᠬᠤ ᠲᠣᠨᠣᠭ ᠲᠦᠬᠦᠭᠡᠷᠦᠮᠵᠢ ᠵᠢ ᠰᠢᠯᠵᠢᠭᠦᠯᠬᠦ ᠭᠤᠷᠪᠠᠨ ᠵᠠᠷᠴᠢᠮ》 ᠵᠢᠴᠢ ᠲᠡᠭᠦᠨᠢ ᠬᠡᠷᠡᠭᠯᠡᠬᠦ ᠵᠦᠭᠯᠡᠭᠦᠷᠲᠦ ᠵᠠᠰᠠᠪᠤᠷᠢ ᠣᠷᠣᠭᠤᠯᠵᠤ᠂ ᠠᠯᠠᠵᠤ ᠰᠢᠷᠬᠠᠲᠤᠭᠤᠯᠬᠤ ᠴᠢᠨᠠᠷᠲᠠᠢ ᠵᠡᠪᠰᠡᠭᠢ ᠭᠠᠳᠠᠭᠠᠳᠤᠳᠤ ᠭᠠᠷᠭᠠᠬᠤᠶᠢ ᠴᠠᠭᠠᠵᠠᠯᠠᠬᠤᠶᠢ ᠵᠣᠭᠰᠣᠭᠠᠪᠠ； ᠳᠣᠲᠣᠭᠠᠳᠤ ᠭᠠᠳᠠᠭᠠᠳᠤ ᠶᠢᠨ ᠨᠢᠭᠤᠴᠠ ᠮᠡᠳᠡᠭᠡᠨᠤ ᠴᠢᠳᠠᠪᠤᠷᠢᠶᠢ ᠴᠢᠩᠭᠠᠳᠬᠠᠬᠤᠪᠠᠷ ᠴᠢᠷᠮᠠᠢᠵᠤ᠂ 《ᠤᠯᠤᠰ ᠤᠨ ᠨᠢᠭᠤᠴᠠ ᠮᠡᠳᠡᠭᠡᠨᠤ ᠲᠣᠪᠴᠢᠶᠠ》ᠶ᠋ᠢ ᠵᠢᠩᠬᠢᠨᠢᠪᠡᠷ ᠪᠠᠢᠭᠤᠯᠵᠤ᠂ ᠴᠡᠷᠢᠭ ᠥᠷᠭᠡᠳᠬᠡᠬᠦᠳᠦ ᠨᠢᠭᠤᠴᠠ ᠮᠡᠳᠡᠭᠡᠨᠤ ᠲᠤᠯᠭᠠᠭᠤᠷᠢᠯᠠᠯ ᠬᠠᠩᠭᠠᠪᠠ；《ᠴᠥᠮᠡᠶᠢᠨ ᠵᠡᠪᠰᠡᠭ ᠦᠭᠡᠢ ᠪᠠᠢᠬᠤ ᠭᠤᠷᠪᠠᠨ ᠵᠠᠷᠴᠢᠮ》 ᠳ᠋ᠤ ᠵᠠᠰᠠᠪᠤᠷᠢ ᠣᠷᠣᠭᠤᠯᠬᠤᠪᠠᠷ ᠭᠣᠷᠢᠳᠠᠵᠤ᠂ ᠴᠥᠮᠡᠶᠢᠨ ᠬᠤᠷᠢᠭᠠ ᠴᠡᠭᠡᠷᠢ ᠰᠢᠪᠲᠤᠯᠬᠤᠪᠠᠷ ᠲᠠᠰᠤᠷᠠᠯᠲᠠ ᠦᠭᠡᠢ ᠲᠤᠷᠰᠢᠪᠠ；《ᠳᠤᠮᠳᠠᠳᠤ ᠤᠯᠤᠰᠤᠨ ᠰᠦᠷᠳᠡᠭᠦᠯᠦᠯ》 ᠢ᠋ ᠲᠠᠰᠤᠷᠠᠯᠲᠠ ᠦᠭᠡᠢ ᠦᠰᠭᠡᠭᠡᠨ ᠲᠦᠰᠭᠡᠭᠡᠨ ᠲᠡᠢ ᠶᠠᠷᠢᠵᠤ᠂ ᠲᠠᠢᠸᠠᠨ ᠬᠣᠭᠣᠯᠠᠢᠶᠢᠨ ᠪᠠᠢᠳᠠᠯᠳᠤ ᠭᠠᠷ ᠲᠦᠷᠦᠯᠡ ᠬᠡᠮᠡᠨ ᠶᠡᠬᠡᠷᠬᠡᠦ ᠢᠯᠡᠷᠬᠡᠢᠯᠡᠵᠦ᠂ ᠶᠠᠫᠤᠨᠤ ᠥᠩᠭᠡᠷᠡᠭᠰᠡᠨᠦ ᠲᠡᠷᠢᠭᠦᠨ ᠰᠠᠢᠳᠤᠨ ᠳᠣᠲᠣᠷᠡ ᠡᠴᠡ ᠬᠠᠮᠤᠭ ᠲᠦᠷᠦᠭᠦᠨᠳᠦ《ᠲᠠᠢᠸᠠᠨ ᠤᠴᠢᠷᠶᠠᠪᠤᠳᠠᠯ ᠲᠡᠢ ᠪᠠᠢᠬᠤ》 ᠶᠢ ᠶᠠᠫᠤᠨᠤ ᠬᠠᠮᠲᠤᠶᠢᠨ ᠥᠪᠡᠷᠢᠪᠡᠨ ᠬᠠᠮᠠᠭᠠᠯᠠᠬᠤ ᠡᠷᠬᠡᠪᠡᠨ ᠬᠡᠷᠡᠭᠵᠢᠭᠦᠯᠵᠦ ᠪᠣᠯᠬᠤ《ᠰᠦᠨᠦᠵᠦ ᠲᠤᠭᠳᠠᠨᠢᠬᠤᠶᠢᠨ ᠬᠢᠮᠤᠷᠠᠯᠤᠨ ᠪᠠᠢᠳᠠᠯ》 ᠲᠠᠢ ᠬᠣᠯᠪᠣᠨᠠ ᠭᠡᠵᠦ ᠲᠤᠳᠤᠷᠬᠠᠢᠯᠠᠪᠠ ᠁
ᠶᠠᠫᠤᠨ ᠳᠠᠶ᠋ᠢᠨ ᠳᠦ ᠢᠯᠠᠭᠳᠠᠭᠰᠠᠨᠡᠴᠡ ᠨᠠᠭᠠᠰᠢ᠂ ᠶᠠᠫᠤᠨᠤ ᠤᠯᠤᠰᠤᠨ ᠳᠣᠲᠣᠭᠠᠳᠤᠳᠤ ᠴᠡᠷᠢᠭᠯᠡᠬᠦ ᠦᠵᠡᠯ ᠦᠨ ᠦᠯᠡᠳᠡᠭᠳᠡᠯ ᠶᠤᠷᠤ ᠵᠢ ᠶᠡᠷᠦᠡᠴᠡ ᠠᠷᠢᠯᠭᠠᠵᠤ ᠴᠢᠳᠠᠭᠰᠠᠨ ᠦᠭᠡᠢ᠂ ᠨᠢᠭᠡ ᠪᠦᠯᠦᠭ ᠬᠦᠴᠦᠨ ᠨᠢ ᠲᠦᠷᠢᠮᠡᠬᠡᠢᠯᠡᠯᠦᠨ ᠲᠡᠦᠬᠡᠶᠢ ᠡᠷᠭᠢᠴᠡᠭᠦᠯᠦᠨ ᠲᠤᠨᠭᠭᠠᠵᠤ ᠴᠢᠳᠠᠭᠰᠠᠨ ᠦᠭᠡᠢ ᠮᠥᠷᠲᠡᠭᠡᠨ ᠬᠠᠷᠢᠨ ᠳᠠᠶ᠋ᠢᠨᠦ ᠳᠠᠷᠠᠭᠠᠬᠢ ᠣᠯᠠᠨ ᠤᠯᠤᠰᠤᠨ ᠲᠣᠬᠢᠷᠠᠭᠤᠯᠤᠯᠲᠠᠳᠤ ᠲᠤᠢᠯᠢᠶᠠᠷ 《ᠳᠤᠷᠠ ᠦᠭᠡᠢᠴᠡᠵᠦ》 ᠪᠠᠢᠪᠠ᠃
ᠣᠳᠣᠬᠠᠨᠳᠤ᠂ ᠲᠠᠺᠠᠶᠢᠴᠢ ᠰᠠᠨᠠᠶᠸ ᠪᠠᠷ ᠲᠥᠯᠥᠭᠡᠯᠡᠭᠦᠯᠦᠭᠰᠡᠨ ᠶᠠᠫᠤᠨᠤ ᠪᠠᠷᠠᠭᠤᠨᠳᠠᠨᠤ ᠬᠦᠴᠦᠨ ᠲᠦᠷᠢᠮᠡᠬᠡᠢᠯᠡᠯ ᠢᠶᠡᠨ ᠵᠦᠪᠳᠦᠭᠡᠵᠦ᠂ ᠲᠦᠷᠢᠮᠡᠬᠡᠢᠯᠡᠯᠢᠶᠡᠨ ᠦᠭᠡᠢᠰᠬᠡᠵᠤ᠂ ᠲᠡᠦᠬᠡᠶᠢ ᠭᠠᠵᠢᠭᠤᠳᠠᠭᠤᠯᠤᠨ᠂ ᠲᠡᠦᠬᠡᠶᠢ ᠥᠭᠡᠷᠡᠲᠦᠭᠦᠯᠵᠦ᠂《ᠳᠠᠬᠢᠨ ᠴᠡᠷᠢᠭᠵᠢᠬᠦ》 ᠭᠡᠰᠡᠨ ᠵᠡᠷᠯᠢᠭ ᠰᠠᠨᠠᠭᠠ ᠨᠢ ᠮᠠᠰᠢ ᠲᠣᠳᠣᠷᠬᠠᠢ᠃ ᠶᠠᠫᠤᠨᠤ 《ᠰᠢᠨᠡ ᠬᠡᠯᠪᠡᠷᠢ ᠵᠢᠨ ᠴᠡᠷᠢᠭᠵᠢᠬᠦ ᠦᠵᠡᠯ》 ᠤᠨ ᠭᠠᠢ ᠲᠠᠳᠠᠵᠤ ᠪᠠᠢᠭᠠ ᠨᠢ ᠮᠠᠷᠭᠤᠰᠢ ᠦᠭᠡᠢ ᠪᠣᠳᠠᠲᠤ ᠬᠡᠷᠡᠭ ᠪᠠᠢᠵᠤ᠂ ᠪᠣᠳᠠᠲᠤ ᠠᠬᠤᠢ ᠵᠢᠨ ᠰᠦᠷᠳᠡᠭᠦᠯᠦᠯ ᠪᠣᠯᠵᠤ ᠪᠠᠢᠨᠠ᠃
ᠶᠠᠫᠤᠨᠤ ᠪᠠᠷᠠᠭᠤᠨᠲᠠᠨᠤ ᠬᠦᠴᠦᠨᠦ ᠪᠤᠢ ᠪᠦᠬᠦᠢ ᠦᠢᠯᠡ ᠠᠵᠢᠯᠯᠠᠭᠠ ᠨᠢ ᠶᠠᠫᠤᠨᠤ ᠭᠦᠢᠴᠡᠳᠬᠡᠬᠦ ᠶᠣᠰᠣᠲᠠᠢ ᠣᠯᠠᠨ ᠤᠯᠤᠰᠤᠨ ᠬᠠᠤᠯᠢᠶᠢᠨ ᠡᠭᠦᠷᠭᠡᠡᠴᠡ ᠬᠦᠨᠳᠦ ᠨᠣᠴᠢᠲᠠᠢ ᠵᠥᠷᠢᠴᠡᠪᠡ᠃
ᠶᠠᠫᠤᠨ《ᠵᠡᠪᠰᠡᠭᠯᠡᠬᠦ ᠪᠡᠨ ᠪᠦᠷᠢᠮᠦᠰᠦᠨ ᠦᠭᠡᠢᠰᠬᠡᠬᠦ》ᠨᠢ ᠵᠤᠬᠢᠰᠳᠠᠢ ᠪᠠᠢᠵᠤ᠂ 《ᠳᠠᠬᠢᠨ ᠵᠡᠪᠰᠡᠭᠯᠡᠵᠤ ᠪᠠᠢᠯᠳᠤᠵᠤ ᠪᠣᠯᠬᠤ ᠠᠵᠤ ᠦᠢᠯᠡᠳᠪᠦᠷᠢ》ᠶ᠋ᠢ ᠬᠡᠪᠢᠶᠡᠷ ᠪᠠᠢᠯᠭᠠᠵᠤ ᠪᠣᠯᠬᠤ ᠦᠭᠡᠢ᠂ ᠴᠥᠮᠡᠶᠢᠨ ᠵᠡᠪᠰᠡᠭᠢ ᠦᠯᠦ ᠬᠦᠯᠢᠶᠡᠨ ᠠᠪᠬᠤ᠂ ᠦᠯᠦ ᠦᠢᠯᠡᠳᠬᠦ᠂ ᠦᠯᠦ ᠡᠵᠡᠮᠰᠢᠬᠦ᠂ ᠦᠯᠦ ᠲᠠᠷᠬᠠᠭᠠᠬᠤ ᠲᠣᠭᠲᠠᠭᠠᠯᠢ ᠡᠷᠬᠡᠪᠰᠢ ᠪᠦᠷᠢᠮᠦᠰᠦᠨ ᠵᠢᠷᠤᠮᠯᠠᠬᠤ ᠬᠡᠷᠡᠭᠲᠡᠢ᠃ ᠡᠳᠡᠭᠡᠷ ᠪᠣᠯ ᠴᠥᠮ ᠶᠠᠫᠤᠨᠤ ᠲᠠᠯᠠᠶᠢᠨ ᠡᠷᠬᠡᠪᠰᠢ ᠭᠦᠢᠴᠡᠳᠬᠡᠬᠦ ᠬᠡᠷᠡᠭᠲᠡᠢ ᠣᠯᠠᠨ ᠤᠯᠤᠰᠤᠨ ᠬᠠᠤᠯᠢᠶᠢᠨ ᠡᠭᠦᠷᠭᠡ ᠪᠠᠢᠵᠤ᠂ ᠦᠨᠡ ᠬᠠᠨᠭᠰᠢ ᠬᠡᠯᠡᠯᠴᠡᠬᠦ ᠤᠯᠤᠰ ᠲᠥᠷᠥᠶᠢᠨ ᠨᠥᠬᠥᠴᠡᠯ ᠣᠭᠲᠣ᠌ ᠪᠢᠰᠢ ᠶᠤᠮ᠃
ᠶᠠᠫᠤᠨᠤ ᠪᠠᠷᠠᠭᠤᠨᠲᠠᠨᠤ ᠬᠦᠴᠦᠨᠦ ᠪᠤᠢ ᠪᠦᠬᠦᠢ ᠦᠢᠯᠡ ᠠᠵᠢᠯᠯᠠᠭᠠ ᠨᠢ ᠳᠡᠯᠡᠬᠡᠢᠶᠢᠨ ᠪᠠ ᠠᠽᠢᠶᠠ ᠲᠢᠪ ᠨᠣᠮᠣᠬᠠᠨ ᠳᠠᠯᠠᠶᠶᠢᠨ ᠣᠷᠣᠨᠤ ᠡᠩᠬᠡ ᠲᠠᠢᠪᠤᠩ ᠪᠠ ᠲᠣᠭᠲᠠᠭᠤᠨᠢ ᠬᠦᠨᠳᠦ ᠨᠣᠴᠢᠲᠠᠢ ᠬᠣᠬᠢᠷᠠᠭᠤᠯᠪᠠ᠃
ᠤᠯᠠᠨᠤ ᠨᠢᠳᠤ ᠤᠳᠤ ᠶᠤᠮ᠃ ᠠᠵᠢᠯᠯᠠᠭᠠᠶᠢᠨ ᠲᠠᠯᠠᠪᠠᠷ ᠨᠠᠢᠷᠠᠮᠳᠠᠯᠤᠨ ᠦᠨᠳᠦᠰᠦᠨ ᠬᠠᠤᠯᠢᠳᠤ ᠵᠠᠰᠠᠪᠤᠷᠢ ᠣᠷᠣᠭᠤᠯᠬᠤᠶᠢ ᠲᠦᠯᠬᠢᠨ ᠠᠬᠢᠭᠤᠯᠵᠤ᠂ ᠠᠯᠠᠵᠤ ᠰᠢᠷᠬᠠᠲᠤᠭᠤᠯᠬᠤ ᠴᠢᠨᠠᠷᠲᠠᠢ ᠵᠡᠪᠰᠡᠭᠢ ᠭᠠᠳᠠᠭ᠍ᠰᠢ ᠭᠠᠷᠭᠠᠬᠤᠶᠢ ᠠᠭᠤᠵᠢᠭᠤ ᠲᠠᠯᠪᠢᠵᠤ᠂ ᠳᠠᠭᠠᠷᠢᠯᠲᠠᠶᠢᠨ ᠴᠢᠨᠠᠷᠲᠠᠢ ᠵᠠᠯᠠᠭᠤᠷᠲᠤ ᠰᠤᠮᠤ ᠪᠠᠢᠷᠢᠯᠠᠭᠤᠯᠤᠭᠰᠠᠨ ᠶᠠᠫᠤᠨ᠂ ᠠᠯᠢ ᠬᠡᠳᠦᠢᠨ ᠰᠦᠢᠷᠡᠭᠰᠡᠨ《ᠡᠩᠬᠡ ᠲᠠᠢᠪᠤᠩ ᠤᠯᠤᠰ》 ᠤ᠋ᠨ ᠳᠦᠷᠢ ᠲᠥᠷᠬᠦᠪᠡᠨ ᠬᠡᠳᠦᠢᠴᠢᠨᠡᠬᠡᠨ ᠵᠠᠰᠠᠵᠤ ᠴᠢᠮᠡᠪᠡᠴᠦ ᠴᠡᠷᠢᠭᠦᠨ ᠶᠠᠪᠤᠳᠠᠯᠢ ᠦᠷᠭᠡᠳᠬᠡᠬᠦᠳᠦ ᠵᠠᠮ ᠳᠡᠪᠢᠰᠬᠦ ᠦᠨᠡᠨ ᠰᠠᠨᠠᠭᠠᠪᠠᠨ ᠬᠠᠯᠬᠠᠯᠠᠵᠤ ᠴᠢᠳᠠᠬᠤ ᠦᠭᠡᠢ ᠶᠤᠮ᠃ ᠶᠠᠫᠤᠨ ᠪᠠᠰᠠ ᠤᠮᠠᠷᠠᠲᠤ ᠠᠲᠯᠠᠨᠲᠤᠨ ᠳᠠᠯᠠᠢᠶᠢᠨ ᠨᠡᠶ᠋ᠢᠲᠡᠶᠢᠨ ᠭᠡᠷᠡᠶᠢᠨ ᠵᠣᠬᠢᠶᠠᠨ ᠪᠠᠢᠭᠤᠯᠤᠯᠲᠠᠲᠠᠢ ᠪᠠᠢᠨ ᠳᠠᠬᠢᠨ ᠨᠡᠪᠲᠡᠷᠡᠯᠴᠡᠵᠤ᠂ ᠬᠢᠯᠢᠶᠢᠨ ᠭᠠᠳᠠᠨᠠᠬᠢ ᠴᠡᠷᠢᠭᠦᠨ ᠶᠠᠪᠤᠳᠠᠯᠤᠨ ᠵᠣᠬᠢᠶᠠᠨ ᠪᠠᠢᠭᠤᠯᠤᠯᠲᠠᠶᠢ ᠠᠽᠢᠶᠠ ᠲᠢᠪ ᠨᠣᠮᠣᠬᠠᠨ ᠳᠠᠯᠠᠢᠶᠢᠨ ᠣᠷᠣᠨᠳᠤ ᠣᠷᠣᠭᠤᠯᠬᠤᠪᠠᠷ ᠤᠷᠤᠯᠳᠤᠵᠤ᠂ ᠡᠰᠡᠷᠭᠦᠴᠡᠯᠳᠦᠬᠦ ᠰᠡᠳᠬᠢᠯᠢ ᠦᠳᠦᠭᠡᠬᠦ ᠨᠢ ᠮᠠᠰᠢ ᠲᠣᠳᠣᠷᠬᠠᠢ ᠪᠣᠯᠪᠠ᠃
ᠶᠠᠫᠤᠨᠤ ᠪᠠᠷᠠᠭᠤᠨᠳᠠᠨ ᠤ᠋ ᠬᠦᠴᠦᠨ ᠴᠥᠮᠡ ᠶ᠋ᠢᠨ ᠵᠡᠪᠰᠡᠭ ᠢ᠋ ᠬᠦᠷᠢᠶᠡᠯᠡᠬᠦ ᠨᠢ ᠭᠢᠯᠪᠠᠷ ᠪᠤᠰᠤᠪᠠᠷ ᠢᠷᠡᠭᠰᠡᠨ ᠡᠩᠬᠡ ᠲᠠᠢᠪᠤᠩ ᠪᠣᠯᠣᠨ ᠬᠥᠭᠵᠢᠯ ᠪᠠᠳᠠᠷᠠᠯ ᠢ᠋ ᠬᠣᠬᠢᠷᠠᠭᠤᠯᠬᠤᠪᠠᠷ ᠭᠣᠷᠢᠳᠠᠭᠰᠠᠨᠳᠤ ᠶᠠᠫᠤᠨᠤ ᠡᠯᠡ ᠡᠲᠡᠭᠡᠳᠦᠨ ᠬᠥᠮᠥᠰ ᠪᠣᠯᠣᠨ ᠠᠷᠠᠳᠤᠨ ᠪᠦᠯᠭᠦᠮ ᠵᠠᠯᠭᠠᠪᠡᠷ ᠰᠣᠴᠢᠨ ᠭᠡᠯᠮᠡᠭᠳᠡᠵᠦ᠂ ᠮᠠᠰᠢ ᠣᠯᠠᠨ ᠤᠯᠤᠰ ᠡᠭᠦᠨ ᠢ᠋ ᠲᠣᠳᠣᠷᠬᠠᠢ ᠡᠰᠡᠷᠭᠦᠴᠡᠵᠦ ᠪᠠᠢᠨᠠ᠃
ᠶᠠᠫᠤᠨᠤ ᠲᠠᠯᠠ ᠶ᠋ᠢᠨ ᠭᠢᠨ ᠲᠡᠦᠬᠡ ᠪᠡᠨ ᠪᠠᠯᠠᠯᠤᠨ 《ᠳᠠᠭᠢᠨ ᠴᠡᠷᠢᠭᠵᠢᠬᠦ》 ᠶ᠋ᠢ ᠭᠤᠷᠢᠳᠠᠬᠤ ᠶ᠋ᠢᠨ ᠵᠡᠷᠭᠡᠳᠦ ᠠᠶᠤᠯ ᠲᠦᠭᠰᠢᠭᠦᠷᠢᠲᠡᠢ ᠲᠡᠦᠬᠡ ᠶ᠋ᠢᠨ ᠦᠯᠢᠭᠡᠷ ᠳᠡᠪᠲᠡᠷ ᠢ᠋ ᠳᠠᠭᠢᠨ ᠰᠡᠶ᠋ᠢᠯᠵᠦ ᠪᠠᠢᠨᠠ᠃ ᠳᠡᠯᠡᠬᠡᠢ ᠨᠡᠶ᠋ᠢᠲᠡ ᠶ᠋ᠢᠨ ᠡᠷᠳᠡᠮᠲᠡᠨ ᠮᠡᠷᠭᠡᠳ ᠪᠣᠯᠣᠨ ᠭᠣᠣᠯ ᠤᠷᠤᠰᠬᠠᠯ ᠪᠦᠯᠦᠭᠤᠨ ᠬᠢᠨ ᠶᠠᠫᠤᠨ ᠤ ᠪᠠᠷᠠᠭᠤᠨᠲᠠᠨᠤ ᠬᠦᠴᠦᠨᠦ ᠣᠳᠣᠬᠠᠨᠤ ᠠᠵᠢᠯᠯᠠᠭᠠ ᠪᠣᠯ《ᠣᠯᠠᠨ ᠤᠯᠤᠰᠤᠨ ᠬᠣᠯᠪᠣᠭᠠᠲᠤ ᠪᠠᠢᠭᠤᠯᠭᠠ ᠶ᠋ᠢᠨ ᠦᠨᠳᠦᠰᠦᠨ ᠳᠦᠷᠢᠮ》 ᠳ᠋ᠦ ᠦᠷᠢᠰᠦᠯᠳᠦᠬᠡᠨ ᠵᠠᠷᠯᠠᠬᠰᠠᠨ ᠶᠠᠪᠤᠳᠠᠯ ᠪᠤᠯᠤᠨᠠ᠂ ᠳᠠᠶ᠋ᠢᠨᠦ ᠳᠠᠷᠠᠭᠠᠬᠢ ᠣᠯᠠᠨ ᠤᠯᠤᠰᠤᠨ ᠡᠮᠬᠢ ᠵᠢᠷᠤᠮᠳᠤ ᠲᠤᠯᠭᠠᠷᠠᠵᠤ ᠪᠠᠢᠭᠠ ᠥᠷᠢᠰᠦᠯᠳᠦᠭᠡᠨ ᠮᠥᠨ᠂ ᠬᠥᠮᠥᠨ ᠲᠥᠷᠥᠯᠬᠢᠲᠡᠨᠦ ᠦᠪᠡᠷᠤᠨ ᠤᠬᠠᠮᠰᠠᠷ ᠲᠦ᠍ ᠲᠤᠯᠭᠠᠷᠠᠵᠤ ᠪᠠᠢᠭᠠ ᠥᠷᠢᠰᠦᠯᠳᠦᠭᠡᠨ ᠮᠥᠨ᠂ ᠪᠠᠰᠠ ᠴᠤ᠌ ᠳᠠᠶ᠋ᠢᠨᠳᠦ ᠢᠯᠠᠭᠰᠠᠨ ᠪᠤᠶ ᠪᠦᠬᠦᠢ ᠤᠯᠤᠰᠤᠨ ᠠᠷᠠᠳ ᠲᠦᠮᠡᠨᠳᠦ ᠲᠤᠯᠭᠠᠷᠠᠵᠤ ᠪᠠᠢᠭᠠ ᠥᠷᠢᠰᠦᠯᠳᠦᠭᠡᠨ ᠮᠥᠨ ᠭᠡᠵᠦ ᠬᠦᠴᠦᠲᠡᠢ ᠵᠢᠭᠠᠵᠤ ᠭᠠᠷᠭᠠᠭᠰᠠᠨ ᠪᠠᠢᠨᠠ᠃
8 ᠰᠠᠷᠠᠳᠤ᠂ ᠶᠠᠫᠤᠨᠤ ᠵᠠᠰᠠᠭᠤᠨ ᠣᠷᠳᠣᠨ 《ᠳᠤᠮᠳᠠᠳᠤ ᠤᠯᠤᠰ ᠤᠨ ᠰᠦᠷᠳᠡᠭᠦᠯᠦᠯ》 ᠭᠡᠭᠴᠢᠶᠢ ᠬᠥᠭᠡᠷᠭᠡᠳᠡᠭᠰᠡᠨ 2026 ᠣᠨᠤ ᠬᠡᠪᠯᠡᠯᠦᠨ 《ᠬᠠᠮᠠᠭᠠᠯᠠᠯᠲᠠᠶᠢᠨ ᠴᠠᠭᠠᠨ ᠭᠠᠳᠠᠷᠲᠤ ᠪᠢᠴᠢᠭ》 ᠢ᠋ ᠨᠡᠢᠲᠡᠯᠡᠮᠡᠭᠴᠡ ᠳᠤᠮᠳᠠᠳᠤᠶᠢᠨ ᠲᠠᠯᠠᠶᠢᠨ ᠭᠢᠨ ᠶᠠᠫᠤᠨᠤ ᠲᠠᠯᠠᠶᠢᠨ ᠭᠢᠨ ᠳ᠋ᠦ ᠰᠠᠨᠠᠯᠢᠶᠠᠨ ᠲᠥᠪ ᠴᠢᠩᠭᠠᠪᠠᠷ ᠢᠯᠡᠳᠭᠡᠪᠡ；
ᠣᠷᠣᠰᠤᠨ ᠭᠠᠳᠠᠭᠠᠳᠤ ᠬᠠᠷᠢᠯᠴᠠᠭᠠᠨᠤ ᠶᠠᠮᠤᠨᠤ ᠥᠭᠦᠯᠡᠭᠴᠢ ᠵᠠᠬᠠᠯᠦᠸᠠ᠂ ᠶᠠᠫᠤᠨᠤ 《ᠳᠠᠭᠢᠨ ᠴᠡᠷᠢᠭᠵᠢᠭᠦ》 ᠱᠤᠭᠤᠮ ᠨᠢ ᠡᠩᠬᠡ ᠲᠠᠢ᠍ᠢᠪᠤᠡᠭ ᠦᠵᠡᠯᠡᠴᠡ ᠲᠡᠷᠰᠯᠡᠵᠦ᠂ ᠠᠽᠢᠶᠠ ᠨᠣᠮᠣᠬᠠᠨ ᠳᠠᠯᠠᠶ ᠶ᠋ᠢᠨ ᠣᠷᠣᠨᠤ ᠪᠠᠴᠢᠮ ᠪᠠᠢᠳᠠᠯ ᠢ᠋ ᠤᠯᠠᠮ ᠨᠢᠭᠡ ᠠᠯᠬᠤᠮ ᠬᠤᠷᠴᠠᠳᠬᠠᠭᠰᠠᠨᠢᠶᠠᠷ ᠪᠠᠷᠠᠬᠤ ᠦᠭᠡᠢ ᠪᠠᠰᠠ ᠰᠢᠨᠡ ᠨᠢᠭᠡᠨ ᠡᠭᠡᠯᠵᠢ ᠶ᠋ᠢᠨ ᠴᠡᠷᠢᠭ ᠵᠡᠪᠰᠡᠭᠦᠨ ᠤᠷᠤᠯᠳᠤᠭᠠᠨ ᠢ᠋ ᠡᠭᠦᠰᠬᠡᠬᠦ ᠪᠣᠯᠣᠨᠠ ᠭᠡᠵᠦ ᠵᠢᠭᠠᠵᠤ ᠭᠠᠷᠭᠠᠵᠠᠢ；
ᠠᠦ᠋ᠰᠲᠷᠠᠯᠢᠶᠠ ᠶ᠋ᠢᠨ ᠢᠷᠭᠡᠨᠦ ᠨᠠᠮᠤᠨ ᠪᠦᠭᠦ ᠤᠯᠤᠰᠤᠨ ᠲᠡᠷᠢᠭᠦᠯᠡᠭᠴᠢ ᠪᠠᠸᠢᠺ᠂ ᠶᠠᠫᠤᠨᠤ ᠤᠯᠤᠰᠤᠨ ᠳᠣᠲᠣᠭᠠᠳᠤᠳᠤ ᠶᠠᠬ ᠰᠠᠢᠬᠠᠨ 《ᠳᠠᠭᠢᠨ ᠴᠡᠷᠢᠭᠵᠢᠭᠦ》 ᠵᠢᠨ ᠵᠡᠷᠭᠡᠪᠡᠷ ᠲᠦᠷᠢᠮᠡᠬᠡᠢᠯᠡᠯᠦᠨ ᠲᠡᠦᠬᠡᠪᠡᠨ ᠦᠮᠦᠭᠯᠡᠬᠦ ᠪᠠᠢᠳᠠᠯ ᠶᠠᠪᠤᠬᠤ ᠲᠤᠲᠤᠮ ᠢᠯᠡᠷᠬᠡᠢ ᠪᠣᠯᠵᠤ ᠪᠠᠢᠨᠠ ᠭᠡᠵᠦ ᠦᠨᠡᠯᠡᠪᠡ ᠁ 《ᠵᠢᠯ ᠪᠦᠷᠢᠶᠢᠨ ᠡᠨᠡ ᠦᠶᠡᠳᠦ᠂ ᠡᠩᠬᠡ ᠲᠠᠢᠪᠤᠩᠢ ᠨᠠᠨᠳᠢᠩᠨᠠᠨ ᠦᠵᠡᠳᠡᠭ ᠬᠥᠮᠥᠰ ᠴᠥᠮ ᠳᠤᠮᠳᠠᠳᠤ ᠤᠯᠤᠰᠢ ᠪᠠᠭᠲᠠᠭᠠᠭᠰᠠᠨ ᠳᠡᠯᠡᠬᠡᠢᠶᠢᠨ ᠹᠠᠱ᠌ᠢᠰᠢ ᠡᠰᠡᠷᠭᠦᠴᠡᠬᠦ ᠬᠣᠯᠪᠣᠭᠠᠲᠠᠨ ᠤᠯᠤᠰᠤᠳᠤᠨ ᠶᠠᠫᠤᠨᠤ ᠴᠡᠷᠢᠭᠯᠡᠬᠦ ᠦᠵᠡᠯᠢ ᠢᠯᠠᠬᠤ ᠵᠢᠨ ᠲᠦᠯᠦᠭᠡ ᠡᠷᠡᠯᠬᠡᠭ ᠪᠠᠭᠠᠲᠤᠷᠯᠢᠭ᠋ᠢᠶᠠᠷ ᠡᠷᠡᠯᠬᠡᠭᠯᠡᠨ ᠪᠠᠢᠯᠳᠤᠭᠰᠠᠨᠢ ᠰᠠᠨᠠᠭᠠᠯᠵᠠᠳᠠᠭ ᠶᠤᠮ᠃ ᠭᠡᠪᠡᠴᠦ ᠣᠳᠣᠬᠠᠨᠳᠤ ᠶᠠᠫᠤᠨᠤ ᠪᠠᠷᠠᠭᠤᠨᠲᠠᠨ ᠤ᠋ ᠬᠦᠴᠦᠨ ᠤᠯᠠᠢᠷᠠᠨ ᠳᠣᠭᠰᠢᠷᠠᠵᠤ ᠪᠠᠢᠭᠠ ᠪᠠᠢᠳᠠᠯ ᠳᠣᠣᠷᠠ᠂ ᠪᠢᠳᠡ ᠡᠨᠡᠬᠦ ᠵᠠᠩᠭᠢᠯᠠᠭᠠ ᠶ᠋ᠢᠨ ᠦᠶᠡᠳᠦ ᠳᠡᠯᠡᠬᠡᠢ ᠳ᠋ᠠᠬᠢᠨᠳᠦ ᠡᠩᠬᠡ ᠲᠠᠢᠪᠤᠩ ᠪᠣᠯ ᠭᠢᠯᠪᠠᠷ ᠪᠤᠰᠤᠪᠠᠷ ᠢᠷᠡᠭᠰᠡᠨ ᠶᠤᠮ᠂ ᠡᠭᠦᠨ ᠢ᠋ ᠬᠢᠵᠠᠭᠠᠯᠠᠰᠢ ᠦᠭᠡᠢ ᠡᠷᠬᠢᠮᠨᠡᠨ ᠨᠠᠨᠳᠢᠩᠨᠠᠭᠤᠰᠢᠲᠠᠢ ᠶᠤᠮ ᠭᠡᠵᠦ ᠰᠡᠷᠡᠮᠵᠢᠯᠡᠬᠦᠯᠪᠡᠯ ᠵᠤᠬᠢᠨᠠ； ᠶᠠᠫᠤᠨ ᠲᠡᠦᠬᠡᠶᠢᠨ ᠤᠷᠤᠰᠬᠠᠯ ᠢ ᠰᠦᠷᠪᠡᠯ ᠡᠴᠦᠰᠲᠡᠬᠡᠨ ᠲᠡᠦᠬᠡᠶᠢᠨ ᠲᠠᠩᠰᠠ ᠪᠤᠳᠤᠯᠳᠠᠶᠢ ᠣᠯᠬᠤ ᠪᠣᠯᠣᠨᠠ》 ᠭᠡᠵᠦ ᠰᠧᠴᠦᠸᠠᠨ ᠶᠡᠬᠡ ᠰᠤᠷᠭᠠᠭᠤᠯᠢᠶᠢᠨ ᠲᠡᠦᠬᠡ ᠰᠣᠶᠣᠯᠤᠨ ᠳᠡᠭᠡᠳᠦ ᠰᠤᠷᠭᠠᠭᠤᠯᠢᠶᠢᠨ ᠫᠷᠤᠹᠧᠰᠰᠤᠷ ᠸᠠᠩ ᠴᠤᠤ ᠭᠤᠸᠠᠩ ᠬᠡᠯᠡᠪᠡ᠃
（ᠭᠤᠷᠪᠠ） ᠡᠷᠬᠡᠪᠰᠢ ᠬᠠᠮᠠᠭᠠᠯᠠᠬᠤ ᠴᠢᠬᠤᠯᠠᠳᠠᠢ ᠲᠡᠦᠬᠡᠶᠢᠨ ᠰᠢᠳᠤᠷᠭᠤ ᠶᠣᠰᠣ᠌ ᠪᠠ ᠬᠥᠮᠥᠨ ᠲᠥᠷᠥᠯᠬᠢᠲᠡᠨᠦ ᠢᠯᠡ ᠶᠣᠰᠣ᠌
ᠴᠠᠭ ᠮᠥᠴᠡ ᠰᠦᠷ ᠳᠠᠯᠠᠢᠴᠠᠲᠠᠢ ᠤᠷᠤᠭᠰᠢᠯᠠᠬᠤᠶᠠ᠂ ᠭᠠᠭᠴᠠ ᠬᠦ᠌ ᠠᠤᠭᠠ ᠶᠡᠬᠡ ᠪᠥᠭᠡᠳ ᠨᠦᠰᠡᠷ ᠬᠦᠨᠳᠦ ᠰᠢᠳᠤᠷᠭᠤ ᠶᠣᠰᠣᠨᠤ ᠬᠦᠴᠦ᠂ ᠥᠨᠢ ᠡᠭᠦᠷᠢᠳᠡ ᠪᠣᠳᠠᠲᠤ ᠠᠬᠤᠢᠶᠢ ᠲᠤᠰᠬᠠᠵᠤ᠂ ᠢᠷᠡᠭᠡᠳᠦᠢᠶᠢ ᠢᠯᠡᠷᠬᠡᠢᠯᠡᠨᠡ᠃
ᠶᠠᠫᠤᠨᠤ ᠪᠠᠷᠠᠭᠤᠨᠤ ᠡᠲᠡᠭᠡᠳᠦᠨ ᠬᠦᠴᠦᠨᠦ ᠠᠮᠠᠨ ᠳᠡᠭᠡᠷᠡᠪᠡᠨ 《ᠡᠩᠬᠡ ᠲᠠᠢᠪᠤᠩ》᠂ 《ᠬᠠᠮᠠᠭᠠᠯᠠᠯᠲᠠ》 ᠭᠡᠵᠦ ᠬᠠᠰᠬᠢᠷᠴᠤ ᠪᠠᠢᠪᠠᠴᠤ ᠠᠵᠢᠯᠯᠠᠭᠠ ᠳᠡᠭᠡᠷᠡᠪᠡᠨ ᠬᠠᠷᠢᠨ 《ᠳᠠᠭᠢᠨ ᠴᠡᠷᠢᠭᠵᠢᠭᠦ》 ᠵᠦᠭ ᠰᠢᠪᠲᠤᠯᠤᠨ ᠤᠷᠤᠭᠰᠢᠯᠠᠵᠤ ᠪᠠᠢᠭᠠ ᠵᠦᠢᠯ ᠵᠦᠢᠯᠦᠨ ᠮᠠᠭᠤ ᠠᠵᠢᠯᠯᠠᠭᠠᠳᠤ ᠴᠢᠭᠯᠡᠭᠦᠯᠦᠨ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠵᠣᠭᠰᠣᠯᠲᠠ ᠪᠠᠲᠤ ᠴᠢᠩᠭᠠ ᠪᠠᠢᠨᠠ᠄
ᠭᠠᠭᠴᠠ ᠬᠦ᠌ ᠲᠡᠦᠬᠡᠳᠦ ᠵᠥᠪᠢᠶᠡᠷ ᠬᠠᠨᠳᠤᠪᠠᠯ ᠰᠠᠶᠢ ᠬᠦᠨᠳᠦᠳᠬᠡᠯᠢ ᠣᠯᠵᠤ ᠴᠢᠳᠠᠨᠠ； ᠭᠠᠭᠴᠠ ᠬᠦ᠌ ᠲᠡᠦᠬᠡᠪᠡᠷ ᠲᠣᠯᠢ ᠪᠣᠯᠭᠠᠪᠠᠰᠤ ᠰᠠᠶᠢ ᠢᠷᠡᠭᠡᠳᠦᠢᠪᠡᠨ ᠨᠡᠭᠡᠭᠡᠵᠦ ᠴᠢᠳᠠᠨᠠ； ᠥᠩᠭᠡᠷᠡᠭᠰᠡᠨᠦ ᠶᠠᠪᠤᠳᠠᠯᠢᠶᠠᠨ ᠮᠠᠷᠲᠠᠬᠤ ᠦᠭᠡᠢ ᠪᠣᠯ ᠰᠠᠶᠢ ᠪᠤᠷᠤᠭᠤ ᠵᠠᠮᠳᠤ ᠳᠠᠭᠢᠨ ᠣᠷᠣᠬᠤᠶᠢ ᠰᠡᠷᠭᠡᠢᠯᠡᠵᠦ ᠴᠢᠳᠠᠨᠠ᠃
ᠲᠡᠦᠬᠡᠪᠡᠨ ᠪᠠᠲᠤ ᠴᠡᠭᠡᠵᠢᠯᠡᠬᠦ ᠨᠢ ᠥᠰᠢᠶᠡ ᠬᠣᠷᠣᠰᠤᠯᠢᠶᠠᠨ ᠦᠷᠭᠦᠯᠵᠢᠯᠡᠭᠦᠯᠬᠦᠶᠢᠨ ᠲᠥᠯᠥᠭᠡ ᠪᠢᠰᠢ᠂ ᠬᠠᠷᠢᠨ ᠡᠩᠬᠡ ᠲᠠᠢᠪᠤᠩᠤᠨ ᠬᠣᠩᠬᠣᠨ ᠳᠠᠭᠤᠨᠢ ᠡᠭᠦᠷᠢᠳᠡ ᠬᠠᠩᠭᠢᠨᠠᠭᠤᠯᠬᠤᠶᠢᠨ ᠲᠥᠯᠥᠭᠡ ᠶᠤᠮ ︱
ᠳᠡᠯᠡᠬᠡᠢ ᠳ᠋ᠠᠬᠢᠨᠢ ᠪᠠᠷᠠᠯᠠᠬᠤᠶᠠ᠂ ᠬᠣᠶᠠᠳᠤᠭᠠᠷ ᠳᠠᠶ᠋ᠢᠨᠦ ᠦᠶᠡᠶᠢᠨ ᠢᠪᠷᠡᠢᠴᠦᠳᠤᠨ ᠭᠠᠰᠠᠯᠠᠩ ᠵᠣᠪᠠᠯᠠᠩᠢ ᠲᠡᠮᠳᠡᠭᠯᠡᠭᠰᠡᠨ《ᠠᠨᠨᠢ ᠵᠢᠨ ᠡᠳᠦᠷᠦᠨ ᠲᠡᠮᠳᠡᠭᠯᠡᠯ》 ᠢ᠋ ᠳᠡᠯᠡᠬᠡᠢᠶᠢᠨ ᠣᠶ ᠰᠠᠨᠠᠮᠵᠢᠶᠢᠨ ᠨᠡᠷᠡᠰᠲᠦ ᠣᠷᠣᠭᠤᠯᠵᠠᠢ᠃ ᠬᠣᠯᠪᠣᠭᠠᠨᠤ ᠭᠧᠷᠮᠠᠨᠤ ᠤᠤᠯᠤᠨ ᠶᠡᠷᠦᠩᠬᠡᠢ ᠰᠠᠢᠳ ᠪᠦᠧᠧᠯᠠᠨᠲ ᠫᠤᠯᠠᠨᠳ᠋ᠤᠨ ᠢᠪᠷᠡᠢᠶᠢᠨ ᠡᠨᠳᠡᠭᠰᠡᠳᠦᠨ ᠳᠤᠷᠠᠰᠬᠠᠯᠤᠨ ᠬᠥᠰᠢᠶᠡᠶᠢᠨ ᠡᠮᠦᠨᠡ ᠰᠥᠭᠥᠳᠴᠦ᠂ ᠢᠰᠷᠧᠯ ᠦᠨ ᠶᠡᠬᠡ ᠬᠢᠳᠤᠯᠭᠠᠶᠢᠨ ᠳᠤᠷᠠᠰᠬᠠᠯᠤᠨ ᠣᠷᠳᠣᠨ ᠨᠢ ᠮᠠᠰᠢ ᠤᠯᠠᠨ ᠭᠠᠳᠠᠭᠠᠳᠤ ᠤᠯᠤᠰ ᠤᠨ ᠤᠯᠤᠰ ᠲᠦᠷᠦᠶᠢᠨ ᠴᠢᠬᠤᠯᠠ ᠬᠥᠮᠥᠰᠦᠨ ᠠᠶ᠋ᠢᠯᠴᠢᠯᠠᠯᠲᠠᠶᠢᠨ ᠭᠠᠵᠠᠷ ᠪᠣᠯᠪᠠ ᠁ ᠬᠠᠷᠠᠰᠠᠯᠲᠤ ᠳᠠᠢ᠍ᠢᠨᠦ ᠴᠡᠭᠡᠵᠢᠯᠡᠭᠦᠢ ᠨᠢ ᠣᠯᠠᠩᠬᠢ ᠤᠯᠤᠰᠲᠦ ᠢᠯᠠᠯᠲᠠᠶᠢᠨ ᠢᠷᠠᠭᠤ ᠠᠯᠳᠠᠷᠢ ᠰᠠᠴᠤᠷᠠᠭᠤᠯᠤᠭᠰᠠᠨ ᠬᠥᠮᠥᠨᠦ ᠶᠢᠷᠲᠢᠨᠴᠦᠶᠢᠨ ᠲᠥᠪ ᠶᠣᠰᠣ᠌ᠶᠢ ᠬᠢᠵᠠᠭᠠᠯᠠᠰᠢ ᠦᠭᠡᠢ ᠨᠠᠨᠳᠢᠩᠨᠠᠭᠤᠯᠵᠠᠢ᠃
ᠡᠩᠬᠡ ᠲᠠᠢᠪᠤᠩ ᠣᠷᠴᠢᠨ ᠲᠤᠭᠤᠷᠢᠨ ᠪᠣᠯ ᠨᠢᠭᠡ ᠤᠯᠤᠰᠤᠨ ᠬᠠᠮᠤᠭᠤᠨ ᠡᠷᠬᠢᠮ ᠨᠠᠨᠳᠢᠨ ᠬᠥᠭᠵᠢᠯᠲᠡᠶᠢᠨ ᠨᠥᠬᠥᠴᠡᠯ ᠮᠥᠨ᠃ ᠶᠠᠫᠤᠨᠤ ᠤᠤᠯᠤᠨ ᠲᠡᠷᠢᠭᠦᠨ ᠰᠠᠢᠳ ᠮᠦᠷᠠᠶᠠᠮᠠ ᠹᠦᠵᠢ᠄《ᠡᠩᠬᠡ ᠲᠠᠢᠪᠤᠩᠤᠨ ᠦᠨᠳᠦᠰᠦᠨ ᠬᠠᠤᠯᠢᠪᠠᠷ ᠳᠠᠮᠵᠢᠭᠤᠯᠤᠨ ᠳᠡᠯᠡᠬᠡᠢ ᠳ᠋ᠠᠬᠢᠨᠳᠤ ᠡᠩᠬᠡ ᠲᠠᠢᠪᠤᠩᠤᠨ ᠳᠣᠬᠢᠶᠠ ᠥᠭᠬᠦ ᠪᠣᠯ ᠰᠠᠶᠢ ᠶᠠᠫᠤᠨᠤ ᠣᠳᠣ᠌ ᠦᠶᠡ ᠶ᠋ᠢᠨ ᠳᠡᠯᠡᠬᠡᠢ ᠨᠡᠶ᠋ᠢᠲᠡᠳᠦ ᠪᠠᠢᠪᠠᠰᠤ ᠵᠣᠬᠢᠬᠤ ᠵᠦᠢᠯ ᠮᠥᠨ》 ᠭᠡᠵᠦ ᠰᠢᠭᠤᠳ ᠬᠡᠯᠡᠭᠰᠡᠨ ᠪᠠᠢᠨᠠ᠃
《ᠶᠠᠫᠤᠨᠤ ᠭᠢᠨ ᠳᠠᠶ᠋ᠢᠨᠦ ᠳᠠᠷᠠᠭᠠᠬᠢ ᠠᠯᠢ ᠣᠯᠠᠨ ᠬᠠᠤᠯᠢ ᠴᠠᠭᠠᠵᠠ ᠶ᠋ᠢᠨ ᠲᠣᠬᠢᠷᠠᠭᠤᠯᠤᠯᠲᠠ ᠶ᠋ᠢ ᠭᠥᠯᠢᠶᠡᠨ ᠠᠪᠴᠤ᠂ ᠳᠠᠶ᠋ᠢᠨᠳᠦ ᠢᠯᠠᠭᠳᠠᠭᠰᠠᠨ ᠤᠯᠤᠰᠤᠨ ᠬᠣᠯᠪᠣᠭᠳᠠᠯ ᠪᠦᠬᠦᠢ ᠡᠭᠦᠷᠭᠡ ᠶ᠋ᠢ ᠭᠦᠢᠴᠡᠳᠬᠡᠭᠰᠡᠨᠡᠴᠡ ᠰᠠᠶᠢ ᠣᠯᠠᠨ ᠤᠯᠤᠰᠤᠨ ᠶᠡᠬᠡ ᠭᠡᠷ ᠪᠦᠯᠢᠳᠦ ᠳᠠᠭᠢᠨ ᠪᠤᠴᠠᠬᠤ ᠬᠢᠷᠢ ᠭᠡᠮ ᠢ᠋ ᠣᠯᠵᠤ᠂ ᠣᠯᠠᠨ ᠤᠯᠤᠰᠤᠨ ᠬᠣᠯᠪᠣᠭᠠᠲᠤ ᠪᠠᠢᠭᠤᠯᠭᠠᠳᠤ ᠣᠷᠣᠵᠤ᠂ ᠠᠵᠤ ᠠᠬᠤᠢ ᠠᠷᠠᠯᠵᠢᠶᠠ᠂ ᠰᠣᠶᠣᠯᠤᠨ ᠰᠣᠯᠢᠯᠴᠠᠭᠠ ᠬᠠᠮᠲᠤᠷᠠᠯᠴᠠᠭᠠ ᠶ᠋ᠢ ᠬᠡᠪᠦᠨ ᠶᠣᠰᠣᠭᠠᠷ ᠥᠷᠨᠢᠭᠦᠯᠵᠦ ᠴᠢᠳᠠᠭᠰᠠᠨ ᠶᠤᠮ᠂ ᠲᠡᠶ᠋ᠢᠮᠦ ᠪᠢᠰᠢ ᠪᠣᠯ ᠠᠯᠢᠪᠠ ᠬᠥᠭᠵᠢᠯᠲᠡ ᠶ᠋ᠢ ᠶᠠᠷᠢᠬᠤ ᠶ᠋ᠢᠨ ᠠᠷᠭᠠ ᠦᠭᠡᠢ ᠶᠤᠮ》 ᠭᠡᠵᠦ ᠴᠧᠩ ᠵᠤᠤ ᠴᠢ ᠬᠡᠯᠡᠪᠡ᠃
ᠲᠡᠦᠬᠡᠶᠢ ᠪᠠᠲᠤ ᠴᠡᠭᠡᠵᠢᠯᠡᠪᠡᠯ ᠰᠠᠶᠢ ᠲᠡᠦᠬᠡᠪᠡᠷ ᠲᠣᠯᠢ ᠪᠤᠯᠭᠠᠵᠤ᠂ ᠦᠯᠡᠳᠡᠭᠳᠡᠯ ᠬᠣᠣᠷ ᠢ ᠠᠷᠢᠯᠭᠠᠵᠤ᠂ ᠬᠠᠭᠤᠴᠢᠨ ᠵᠠᠮᠳ᠋ᠠᠭᠠᠨ ᠲᠠᠭᠢᠨ ᠪᠤᠴᠠᠬᠤᠠᠴᠠ ᠵᠠᠢᠯᠠᠰᠬᠢᠵᠦ ᠴᠢᠳᠠᠨᠠ ︱
ᠨᠢᠭᠡ ᠤᠯᠤᠰ ᠤᠨ ᠥᠨᠥᠳᠥᠷ ᠪᠠ ᠮᠠᠷᠭᠠᠰᠢᠶᠢ ᠦᠵᠡᠬᠦᠳᠦ ᠡᠷᠬᠡᠪᠰᠢ ᠲᠡᠭᠦᠨᠦ ᠥᠴᠥᠭᠡᠳᠦᠷᠢ ᠣᠢᠯᠠᠭᠠᠬᠤ ᠬᠡᠷᠡᠭᠲᠡᠢ᠃
1931 ᠣᠨᠳᠤ᠂ 《ᠮᠠᠨᠵᠤᠶᠢ ᠣᠯᠵᠤ ᠳᠡᠶ᠋ᠢᠯᠭᠦ ᠡᠰᠡᠬᠦ》ᠶ᠋ᠢ 《ᠶᠠᠫᠤᠨᠤ ᠰᠦᠨᠦᠵᠦ ᠲᠤᠭᠳᠠᠨᠢᠬᠤᠶᠢ ᠰᠦᠷᠳᠡᠭᠦᠯᠦᠭᠰᠡᠨ》 ᠵᠢᠨᠷ ᠦᠵᠡᠵᠦ ᠪᠠᠢᠪᠠ᠂ ᠶᠠᠫᠤᠨ ᠡᠭᠦᠨᠢᠶᠡᠷ ᠰᠢᠯᠲᠠᠭ ᠪᠤᠯᠭᠠᠵᠤ ᠶᠢᠰᠦᠨ ᠰᠠᠷᠠᠶᠢᠨ ᠠᠷᠪᠠᠨ ᠨᠠᠢ᠍ᠮᠠᠨᠤ ᠬᠡᠷᠡᠭ ᠬᠤᠪᠢᠰᠤᠯᠢ ᠡᠭᠦᠰᠬᠡᠵᠡᠢ； ᠡᠭᠦᠨᠡᠴᠡ ᠰᠡᠭᠦᠯᠡᠷ᠂ ᠶᠠᠫᠤᠨ 《 〈ᠶᠡᠬᠡ ᠲᠤᠷᠤᠨᠠᠳᠤ ᠠᠽᠢᠶᠠᠶᠢᠨ ᠬᠠᠮᠲᠤ ᠪᠡᠷ ᠮᠠᠨᠳᠤᠬᠤ ᠲᠣᠭᠣᠷᠢᠭ᠋〉 ᠪᠣᠯ ᠶᠠᠫᠤᠨᠤ ᠰᠦᠨᠦᠵᠦ ᠲᠤᠭᠳᠠᠨᠢᠬᠤ ᠳ᠋ᠦ ᠬᠤᠯᠪᠤᠭᠳᠠᠭᠰᠠᠨ ᠳᠠᠶ᠋ᠢᠨ ᠮᠥᠨ》 ᠭᠡᠵᠦ ᠲᠤᠩᠬᠠᠭᠯᠠᠵᠤ᠂ ᠲᠦᠷᠢᠮᠡᠬᠡᠢᠯᠡᠬᠦ ᠳᠠᠶ᠋ᠢᠨᠦ ᠭᠠᠯᠢ ᠪᠦᠭᠦ ᠠᠽᠢᠶᠠ ᠲᠢᠪᠲᠦ ᠳᠡᠭᠳᠡᠭᠡᠪᠡ； 《ᠰᠤᠪᠤᠳ ᠭᠠᠷᠠᠮᠢ ᠭᠡᠨᠡᠳᠡᠭᠦᠯᠦᠨ ᠳᠠᠭᠠᠷᠢᠬᠤ ᠡᠰᠡᠬᠦ》 ᠶ᠋ᠢ ᠪᠠᠰᠠ《ᠶᠠᠫᠤᠨᠤ ᠰᠦᠨᠦᠵᠦ ᠲᠤᠭᠳᠠᠨᠢᠬᠤᠶᠢ ᠰᠦᠷᠳᠡᠭᠦᠯᠦᠭᠰᠡᠨ》 ᠭᠡᠵᠦ ᠦᠵᠡᠵᠦ ᠪᠠᠢᠭᠰᠠᠨᠠᠴᠠ ᠨᠣᠮᠣᠬᠠᠨ ᠲᠠᠯᠠᠢᠶᠢᠨ ᠲᠠᠢ᠍ᠢᠨᠦ ᠰᠢᠵᠢᠮᠢ ᠨᠣᠴᠣᠭᠠᠭᠰᠠᠨ ᠪᠠᠢᠨᠠ ᠁ 《ᠰᠦᠨᠦᠵᠦ ᠲᠤᠭᠳᠠᠨᠢᠬᠤ ᠠᠶᠤᠯ ᠲᠦᠭᠰᠢᠭᠦᠷᠢ》 ᠪᠠ 《ᠥᠪᠡᠷᠢᠪᠡᠨ ᠬᠠᠮᠠᠭᠠᠯᠠᠬᠤ》 ᠨᠡᠷᠡᠪᠡᠷ ᠭᠠᠳᠠᠭᠠᠳᠤᠶᠢᠨ ᠲᠦᠷᠢᠮᠡᠬᠡᠢᠯᠡᠯᠢ ᠡᠭᠦᠰᠬᠡᠭᠰᠡᠨ ᠶᠠᠪᠤᠳᠠᠯ ᠪᠣᠯ ᠶᠠᠫᠤᠨᠤ ᠴᠡᠷᠢᠭᠯᠡᠬᠦ ᠦᠵᠡᠯᠦᠨ ᠬᠡᠷᠡᠭᠯᠡᠵᠦ ᠳᠠᠳᠤᠭᠰᠠᠨ ᠠᠷᠭᠠ ᠪᠠᠰᠢᠷ ᠮᠥᠨ᠃
ᠳᠠᠶ᠋ᠢᠨᠳᠦ ᠢᠯᠠᠭᠳᠠᠭᠰᠠᠨ 80 ᠭᠠᠷᠤᠢ ᠵᠢᠯᠦᠨ ᠲᠤᠷᠰᠢ᠂ ᠶᠠᠫᠤᠨᠤ ᠭᠢᠨ ᠴᠡᠷᠢᠭᠯᠡᠬᠦ ᠦᠵᠡᠯᠦᠨ ᠦᠯᠡᠳᠡᠭᠳᠡᠯ ᠬᠣᠣᠷ ᠢ᠋ ᠲᠤᠢᠯᠪᠤᠷᠢᠲᠠᠢ ᠢᠯᠭᠠᠷᠠᠭᠤᠯᠤᠨ ᠪᠤᠳᠤᠬ᠍ᠰᠠᠨ ᠦᠭᠡᠢ᠂ ᠪᠠᠰᠠ ᠬᠢᠴᠢᠶᠡᠯᠦᠨ ᠪᠢᠴᠢᠭᠲᠡᠬᠡᠨ ᠲᠦᠷᠢᠮᠡᠬᠡᠢᠯᠡᠯᠦᠨ ᠲᠡᠦᠬᠡ ᠶ᠋ᠢ ᠪᠦᠭᠦ ᠲᠠᠯᠠᠪᠠᠷ ᠪᠤᠰᠤᠳᠴᠢᠪᠠᠷ ᠲᠤᠰᠬᠠᠵᠦ᠂ ᠡᠭᠦᠷᠢᠳᠡ ᠳᠠᠭᠢᠵᠤ ᠪᠠᠢᠯᠳᠤᠬᠤ ᠦᠭᠡᠢ ᠭᠡᠰᠡᠨ ᠤᠳᠤᠷᠢᠳᠤᠮᠵᠢ ᠶ᠋ᠢ ᠪᠤᠶ ᠪᠤᠯᠭᠠᠬ᠍ᠰᠠᠨ ᠦᠭᠡᠢ᠂ ᠬᠠᠷᠢᠨ《ᠬᠣᠣᠷ ᠠᠮᠰᠠᠭ᠍ᠴᠢ》 ᠭᠡᠭᠴᠢ ᠶ᠋ᠢ ᠪᠤᠶ ᠪᠤᠯᠭᠠᠵᠤ᠂ ᠳᠡᠯᠡᠬᠡᠢ ᠶ᠋ᠢᠨ ᠬᠣᠶᠠᠳᠤᠭᠠᠷ ᠳᠠᠶ᠋ᠢᠨᠦ ᠲᠡᠦᠬᠡ ᠶ᠋ᠢᠨ ᠪᠤᠷᠤᠭᠤ ᠦᠵᠡᠯᠲᠡ ᠶ᠋ᠢ ᠤᠬᠠᠭᠤᠯᠤᠭᠰᠠᠨ ᠪᠠᠢᠨᠠ᠃
ᠶᠠᠭ ᠣᠯᠠᠨ ᠵᠢᠯᠦᠨ ᠲᠤᠷᠰᠢ ᠳᠤᠮᠳᠠᠳᠤ ᠤᠯᠤᠰᠢ ᠲᠦᠷᠢᠮᠡᠬᠡᠢᠯᠡᠭᠰᠡᠨ ᠶᠠᠫᠤᠨ ᠴᠡᠷᠢᠭᠦᠨ ᠪᠠᠺᠲᠧᠷᠢᠶᠢᠨ ᠳᠠᠶ᠋ᠢᠨ ᠦ ᠲᠡᠦᠬᠡᠨ ᠪᠣᠳᠠᠲᠤ ᠬᠡᠷᠡᠭ （ᠢ ᠦ᠋） ᠤ᠋ᠨ ᠦᠵᠡᠭᠦᠯᠭᠡᠶᠢᠨ ᠣᠷᠳᠣᠨᠳᠤ ᠶᠠᠫᠤᠨ ᠤ ᠳᠤᠮᠳᠠᠳᠤ ᠤᠯᠤᠰᠢ ᠲᠦᠷᠢᠮᠡᠬᠡᠢᠯᠡᠭᠰᠡᠨ ᠳᠠᠶ᠋ᠢᠨᠦ ᠶᠡᠬᠡ ᠬᠡᠮᠵᠢᠶᠡᠨᠦ ᠲᠡᠦᠬᠡᠨ ᠮᠠᠲᠧᠷᠢᠶᠠᠯᠢ ᠪᠡᠯᠡᠭᠯᠡᠨ ᠬᠦᠷᠭᠡᠭᠰᠡᠨ ᠶᠠᠫᠤᠨ ᠤ ᠡᠷᠳᠡᠮᠲᠡᠨ ᠨᠠᠰᠦ᠋ ᠱᠢᠭᠧᠤ᠋᠄ 《ᠶᠠᠫᠤᠨᠤ ᠮᠠᠰᠢ ᠣᠯᠠᠨ ᠠᠷᠠᠳ ᠲᠦᠮᠡᠨ ᠡᠨᠡ ᠬᠡᠰᠡᠭ ᠲᠡᠦᠬᠡ ᠶᠢ ᠮᠡᠳᠡᠬᠦ ᠦᠭᠡᠢ ᠪᠣᠯᠵᠠᠢ᠂ ᠪᠢᠳᠡ ᠡᠭᠦᠨᠦ ᠲᠥᠯᠥᠭᠡ ᠡᠷᠬᠡᠪᠰᠢ ᠶᠠᠭᠤ ᠨᠢᠭᠡᠶᠢ ᠬᠢᠬᠦ ᠬᠡᠷᠡᠭᠲᠡᠢ》 ᠭᠡᠵᠦ ᠰᠡᠳᠬᠢᠯ ᠵᠣᠪᠠᠵᠤ ᠪᠠᠢᠵᠠᠢ᠃
ᠰᠡᠷᠡᠮᠵᠢᠶᠢᠨ ᠬᠣᠩᠬᠣ᠌ ᠨᠢᠭᠡᠨᠲᠡ ᠳᠤᠤᠭᠠᠷᠴᠤ᠂ ᠭᠤᠨᠢᠭ᠍ᠲᠤ ᠵᠦᠴᠦᠭᠡᠶᠢ ᠳᠠᠬᠢᠨ ᠲᠣᠭᠯᠠᠵᠤ ᠪᠣᠯᠬᠤ ᠦᠭᠡᠢ᠃
ᠤᠯᠠᠨ ᠤᠯᠤᠰᠤᠨ ᠬᠣᠯᠪᠣᠭᠠᠲᠤ ᠪᠠᠢᠭᠤᠯᠭᠠᠶᠢᠨ ᠬᠥᠮᠥᠨᠦ ᠡᠷᠬᠡᠶᠢᠨ ᠬᠡᠷᠡᠭ ᠡᠷᠬᠢᠯᠡᠭᠴᠢᠳᠦᠨ ᠬᠤᠷᠠᠯᠤᠨ ᠣᠨᠴᠠᠭᠠᠢ ᠲᠣᠭᠲᠠᠴᠠᠶᠢᠨ 16 ᠲᠤᠰᠬᠠᠢ ᠮᠡᠷᠭᠡᠵᠢᠯᠲᠡᠨ ᠬᠠᠮᠲᠤᠷᠠᠭᠰᠠᠨ ᠰᠣᠨᠢᠨ ᠮᠡᠳᠡᠭᠡᠨᠤ ᠨᠤᠤᠷᠠᠭ ᠨᠡᠢᠲᠡᠯᠡᠵᠦ᠂ ᠶᠠᠫᠤᠨᠤ ᠬᠢᠨ ᠢ 《ᠪᠡᠯᠭᠡᠶᠢᠨ ᠪᠤᠭᠤᠯᠴᠢᠯᠠᠯᠳᠦ ᠦᠷᠳᠦᠭᠰᠡᠨ ᠪᠦᠰᠡᠭᠦᠢ》ᠶ᠋ᠢᠨ ᠲᠡᠦᠬᠡᠳᠦ ᠵᠥᠪ ᠬᠠᠨᠳᠤᠵᠤ᠂ ᠶᠠᠫᠤᠨᠤ ᠲᠠᠯᠠᠶᠢ ᠲᠡᠦᠬᠡᠲᠦ ᠬᠠᠷᠢᠭᠤᠴᠠᠯᠭᠠᠪᠠᠨ ᠦᠨᠡᠨᠬᠦ ᠡᠭᠦᠷᠭᠡᠯᠡᠬᠦ ᠬᠡᠷᠡᠭᠲᠡᠢ ᠭᠡᠵᠦ ᠱᠠᠭᠠᠷᠳᠠᠪᠠ； ᠰᠢᠩᠭᠠᠫᠤᠷᠤᠨ ᠵᠠᠭᠤᠴᠢᠯᠠᠭᠤᠷᠦᠨ ᠬᠢᠨ 《731 ᠴᠡᠷᠢᠭ ᠠᠩᠭᠢᠶᠢ ᠢᠯᠡᠴᠢᠯᠡᠬᠦ ᠨᠢ᠄ ᠶᠠᠫᠤᠨᠤ ᠨᠢᠭᠤᠴᠠ ᠪᠡᠷ ᠬᠢᠭᠰᠡᠨ ᠬᠥᠮᠥᠨᠦ ᠪᠡᠶᠡᠶᠢᠨ ᠲᠤᠷᠰᠢᠯᠲᠠ》 ᠭᠡᠬᠦ ᠪᠠᠷᠢᠮᠲᠠᠲᠤ ᠹᠢᠯᠢᠮᠢ ᠨᠠᠪᠲᠠᠷᠡᠭᠦᠯᠵᠦ᠂ ᠦᠵᠡᠭᠴᠢᠳᠲᠦ ᠲᠡᠦᠬᠡᠶᠢᠨ ᠦᠨᠡᠨ ᠪᠠᠢᠳᠠᠯᠢ ᠤᠯᠠᠮ ᠨᠢᠭᠡ ᠠᠯᠬᠤᠮ ᠣᠢᠯᠠᠭᠠᠭᠤᠯᠵᠠᠢ； ᠶᠠᠫᠤᠨ ᠤ ᠤᠤᠯ ᠤᠨ ᠤᠳᠤᠷᠢᠳᠬᠤ ᠬᠥᠮᠥᠰ ᠪᠠᠰᠠ᠂ ᠬᠡᠷᠪᠡ ᠶᠠᠫᠤᠨ ᠶᠠᠭᠤᠨᠤ ᠤᠴᠢᠷ ᠡᠴᠡ ᠳᠠᠶ᠋ᠢᠨᠢ ᠦᠳᠦᠭᠡᠭᠰᠡᠨᠢᠶᠡᠨ ᠪᠠᠢᠴᠠᠭᠠᠨ ᠳᠤᠩᠭᠠᠬᠤ ᠦᠭᠡᠢ ᠪᠣᠯ ᠲᠡᠦᠬᠡ ᠯᠠᠪᠲᠠᠢ ᠳᠠᠬᠢᠨ ᠢᠯᠡᠷᠡᠬᠦ ᠶᠤᠮ᠂ ᠭᠤᠨᠢᠭ᠍ᠲᠤ ᠵᠦᠴᠦᠭᠡᠶᠢ ᠶᠠᠭᠠᠬᠢᠭ᠍ᠰᠠᠨ ᠴᠤ᠌ ᠳᠠᠬᠢᠨ ᠡᠭᠦᠰᠬᠡᠵᠦ ᠪᠣᠯᠬᠤ ᠦᠭᠡᠢ ᠭᠡᠵᠦ ᠢᠯᠡ ᠪᠡᠷ ᠢᠯᠡᠳᠬᠡᠪᠡ ᠁
ᠶᠠᠫᠤᠨᠤ ᠬᠢᠨ ᠡᠷᠬᠡᠪᠰᠢ ᠲᠡᠦᠬᠡᠨ ᠶᠠᠯᠠᠲᠤ ᠬᠠᠷᠢᠭᠤᠴᠠᠯᠭᠠᠪᠠᠨ ᠭᠦᠨᠵᠡᠭᠡᠢ ᠡᠷᠭᠢᠴᠡᠭᠦᠯᠦᠨ ᠪᠤᠳᠤᠵᠤ᠂ ᠪᠣᠳᠠᠲᠤ ᠠᠵᠢᠯᠯᠠᠭᠠᠪᠠᠷᠢᠶᠠᠨ ᠴᠡᠷᠢᠭᠯᠡᠬᠦ ᠦᠵᠡᠯᠲᠠᠢ ᠲᠤᠢᠯᠪᠤᠷᠢᠲᠠᠢ ᠰᠠᠯᠤᠩᠬᠢᠷᠠᠵᠤ᠂ ᠡᠩᠬᠡ ᠲᠠᠢᠪᠤᠩ ᠬᠥᠭᠵᠢᠯᠲᠡᠶᠢᠨ ᠵᠠᠮᠢᠶᠠᠷ ᠦᠨᠡᠨ ᠬᠦ᠌ ᠵᠠᠮᠨᠠᠬᠤ ᠬᠡᠷᠡᠭᠲᠡᠢ᠃
（ᠳᠥᠷᠪᠡ） ᠡᠩᠬᠡ ᠲᠠᠢᠪᠤᠩ ᠪᠠ ᠬᠥᠭᠵᠢᠯᠲᠡᠶᠢ ᠬᠠᠮᠠᠭᠠᠯᠠᠬᠤ ᠰᠦᠷ ᠳᠠᠯᠠᠢᠴᠠᠲᠠᠢ ᠬᠦᠴᠦᠨ ᠢ᠋ ᠬᠤᠷᠠᠮᠳᠤᠭᠤᠯᠪᠠ
ᠭᠢᠷᠢᠨ ᠮᠤᠵᠢᠶᠢᠨ ᠴᠠᠩᠴᠦ᠋ᠨ ᠬᠣᠲᠠᠳᠤ ᠪᠠᠢᠭᠠ ᠬᠠᠭᠤᠷᠮᠠᠭ ᠮᠠᠨᠵᠤ ᠤᠯᠤᠰᠤᠨ ᠬᠠᠭᠠᠨᠤ ᠣᠷᠳᠣᠨᠤ ᠮᠦᠽᠧᠢᠳᠦ ᠣᠷᠣᠬᠤ ᠪᠡᠷ᠂ ᠬᠦᠷᠢᠶᠡᠨᠳᠡᠬᠢ ᠰᠢᠩ ᠶᠦᠨ ᠡᠭᠦᠳᠡᠨ ᠳᠡᠭᠡᠷᠡᠬᠢ ᠴᠠᠭ ᠨᠢ ᠡᠭᠦᠷᠢᠳᠡ ᠫᠦ ᠢᠶᠢᠨ ᠡᠨᠡ ᠬᠦ᠌ 《ᠬᠠᠭᠠᠨ ᠤ ᠣᠷᠳᠣᠨ》 ᠡᠴᠡ ᠰᠡᠩᠳᠡ ᠮᠡᠩᠳᠡ ᠳᠤᠲᠠᠭᠠᠨ ᠶᠠᠪᠤᠭᠰᠠᠨ ᠴᠠᠭ ᠮᠥᠴᠡᠳᠦ ᠵᠤᠭᠰᠤᠩᠬᠢᠷᠠᠪᠠ᠃
ᠶᠠᠫᠤᠨᠤ ᠭᠤᠸᠠᠨᠳ᠋ᠦᠩ ᠴᠡᠷᠢᠭ 《9·18 》 ᠤ᠋ ᠬᠡᠷᠡᠭ ᠬᠤᠪᠢᠰᠤᠯᠢ ᠤᠬᠠᠭᠠᠯᠠᠵᠤ᠂ ᠵᠡᠭᠦᠨ ᠬᠣᠢᠲᠤᠶᠢᠨ ᠡᠬᠢ ᠪᠠᠶᠠᠯᠢᠭ᠋ ᠢ ᠪᠤᠯᠢᠶᠠᠨ ᠳᠡᠭᠡᠷᠡᠮᠳᠡᠪᠡ᠁ ᠳᠤᠮᠳᠠᠳᠤ ᠭᠠᠳᠠᠭᠠᠳᠤᠶᠢᠨ ᠲᠣᠭᠣᠷᠢᠨ ᠦᠵᠡᠭᠴᠢᠳ ᠲᠡᠦᠬᠡ ᠵᠢ ᠤᠭ ᠬᠡᠪᠢᠶᠡᠷ ᠨᠢ ᠰᠡᠷᠭᠦᠭᠡᠭᠰᠡᠨ ᠦᠵᠡᠭᠳᠡᠯ ᠪᠣᠯᠣᠨ ᠬᠦᠷᠢᠶᠡᠨ ᠳᠣᠲᠣᠷᠠᠬᠢ ᠵᠡᠭᠦᠨ ᠬᠣᠢᠲᠤᠶᠢᠨ ᠡᠵᠡᠯᠡᠭᠳᠡᠭᠰᠡᠨ ᠲᠡᠦᠬᠡ ᠵᠢ ᠳᠡᠯᠭᠡᠨ ᠦᠵᠡᠭᠦᠯᠬᠦ ᠣᠷᠳᠣᠨᠳᠤ ᠳᠡᠯᠭᠡᠨ ᠦᠵᠡᠭᠦᠯᠵᠦ ᠪᠠᠢᠭᠠ ᠡᠳ᠋ ᠪᠤᠳᠠᠰᠢ ᠳᠤᠭᠤᠷᠢᠨ ᠦᠵᠡᠵᠦ᠂ ᠡᠨᠡ ᠬᠦ᠌ ᠬᠠᠭᠤᠴᠢᠨ ᠪᠠᠭᠤᠷᠢᠶᠢᠨ ᠲᠡᠦᠬᠡᠶᠢᠨ ᠬᠤᠪᠢᠰᠤᠯᠲᠠ ᠳᠤᠮᠳᠠ ᠴᠠᠭ ᠬᠤᠭᠤᠴᠠᠭᠠ ᠣᠷᠣᠨ ᠵᠠᠢᠶᠢ ᠲᠤᠭᠤᠯᠤᠭᠰᠠᠠ ᠰᠡᠩᠬᠡᠷᠡᠭᠦᠯᠦᠯᠢ ᠭᠦᠨ ᠮᠡᠳᠡᠷᠡᠪᠡ᠃
《ᠶᠠᠫᠤᠨᠤ ᠲᠦᠷᠢᠮᠡᠬᠡᠢᠯᠡᠭᠴᠢᠳ ᠨᠤᠲᠤᠭ ᠳᠡᠪᠢᠰᠬᠡᠷᠢ ᠲᠦᠷᠢᠮᠡᠬᠡᠢᠯᠡᠨ ᠡᠵᠡᠯᠡᠵᠦ᠂ ᠮᠠᠨᠤᠤᠯ ᠵᠠᠰᠠᠭᠢ ᠲᠡᠳᠬᠦᠵᠦ ᠪᠣᠯᠬᠤ ᠪᠣᠯᠪᠠᠴᠤ ᠳᠤᠮᠳᠠᠳᠤ ᠤᠯᠤᠰᠤᠨ ᠠᠷᠠᠳ ᠲᠦᠮᠡᠨᠦ ᠴᠢᠰᠤ ᠮᠢᠬᠠᠨᠳᠤ ᠭᠦᠨ ᠰᠢᠩᠭᠡᠭᠰᠡᠨ ᠦᠨᠳᠦᠰᠦᠲᠡᠨ ᠦ ᠬᠠᠮᠳᠤ ᠵᠢᠨ ᠲᠠᠨᠢᠯᠳᠠᠶᠢ ᠦᠭᠡᠶ᠋ᠢᠰᠬᠡᠬᠦᠶᠢᠨ ᠠᠷᠭᠠ ᠦᠭᠡᠢ ᠶᠤᠮ᠃ ᠪᠢᠳᠡ ᠶᠠᠫᠤᠨ ᠤ ᠴᠡᠷᠢᠭᠯᠡᠬᠦ ᠦᠵᠡᠯᠦᠨ ᠲᠦᠷᠢᠮᠡᠬᠡᠢ ᠠᠵᠢᠯᠯᠠᠭᠠᠶᠢᠨ ᠳᠤᠮᠳᠠᠳᠤ ᠤᠯᠤᠰᠤᠨ ᠠᠷᠠᠳ ᠲᠦᠮᠡᠨᠳᠦ ᠤᠴᠠᠷᠠᠭᠤᠯᠤᠭᠰᠠᠨ ᠬᠦᠨᠳᠦ ᠨᠣᠴᠢᠲᠠᠢ ᠭᠠᠰᠠᠯᠠᠩ ᠵᠣᠪᠠᠯᠠᠩᠢ ᠨᠡᠩ ᠤᠯᠠᠨ ᠬᠥᠮᠥᠨᠳᠦ ᠣᠢᠯᠠᠭᠠᠭᠤᠯᠵᠤ᠂ ᠤᠯᠠᠨᠢ ᠬᠠᠮᠲᠤᠪᠠᠷ ᠡᠩᠬᠡ ᠲᠠᠢᠪᠤᠩᠢ ᠨᠠᠨᠳᠢᠩᠨᠠᠵᠤ᠂ ᠡᠩᠬᠡ ᠲᠠᠢᠪᠤᠩᠢ ᠬᠠᠮᠠᠭᠠᠯᠠᠬᠤ ᠪᠤᠯᠭᠠᠨᠠ》ᠭᠡᠵᠦ ᠬᠠᠭᠤᠷᠮᠠᠭ ᠮᠠᠨᠵᠤ ᠤᠯᠤᠰᠤᠨ ᠬᠠᠭᠠᠨᠤ ᠣᠷᠳᠣᠨ ᠤ ᠮᠦᠽᠧᠢᠶᠢᠨ ᠲᠠᠢᠯᠪᠤᠷᠢᠯᠠᠬᠤ ᠳᠤᠭᠤᠢᠯᠠᠩᠤᠨ ᠳᠠᠷᠤᠭᠠ ᠰᠦᠨ ᠳ᠋ᠠᠨ ᠢᠦᠢ ᠮᠧᠢ ᠬᠡᠯᠡᠪᠡ᠃
ᠳᠡᠯᠡᠬᠡᠢ ᠳᠡᠭᠡᠷᠡᠬᠢ ᠴᠢᠬᠤᠯᠠ ᠡᠩᠬᠡ ᠲᠠᠢᠪᠤᠩᠤᠨ ᠬᠦᠴᠦᠨ᠂ ᠰᠢᠳᠤᠷᠭᠤ ᠶᠣᠰᠣᠨᠤ ᠬᠦᠴᠦᠨ᠂ ᠳᠠᠪᠰᠢᠩᠭᠤᠢ ᠬᠦᠴᠦᠨ ᠪᠣᠯᠤᠭᠰᠠᠨᠤ ᠬᠤᠪᠢᠳᠤ᠂ ᠳᠤᠮᠳᠠᠳᠤ ᠤᠯᠤᠰ ᠳᠤᠷᠠᠲᠠᠶᠠ ᠪᠦᠬᠦ ᠳᠡᠯᠡᠬᠡᠢᠶᠢᠨ ᠡᠩᠬᠡ ᠲᠠᠢᠪᠤᠩᠢ ᠡᠷᠬᠢᠮᠯᠡᠳᠡᠭ ᠤᠯᠤᠰ ᠪᠠ ᠠᠷᠠᠳ ᠲᠦᠮᠡᠨᠲᠠᠢ ᠬᠠᠮᠲᠤᠪᠠᠷ ᠳᠡᠯᠡᠬᠡᠢᠶᠢᠨ ᠬᠣᠶᠠᠳᠤᠭᠠᠷ ᠲᠠᠢ᠍ᠢᠨᠦ ᠳᠠᠷᠠᠭᠠᠬᠢ ᠡᠮᠬᠢ ᠵᠢᠷᠤᠮᠢ ᠬᠠᠮᠠᠭᠠᠯᠠᠵᠤ᠂ ᠳᠡᠯᠡᠬᠡᠢᠶᠢᠨ ᠡᠩᠬᠡ ᠲᠠᠢᠪᠤᠩ ᠠᠮᠤᠷ ᠲᠣᠭᠲᠠᠭᠤᠨᠢ ᠬᠠᠮᠠᠭᠠᠯᠠᠨᠠ᠃
ᠬᠠᠮᠲᠤᠶᠢᠨ ᠴᠡᠭᠡᠵᠢᠯᠡᠭᠦᠢᠶᠢ ᠰᠠᠬᠢᠨ ᠬᠠᠮᠠᠭᠠᠯᠠᠬᠤ ᠪᠣᠯ ᠳᠠᠷᠤᠢ ᠬᠥᠮᠥᠨ ᠲᠥᠷᠥᠯᠬᠢᠲᠡᠨᠦ ᠬᠠᠮᠲᠤᠶᠢᠨ ᠭᠡᠷ ᠣᠷᠣᠨᠢᠶᠠᠨ ᠰᠠᠬᠢᠨ ᠬᠠᠮᠠᠭᠠᠯᠠᠵᠤ ᠪᠠᠢᠭᠠ ᠶᠠᠪᠤᠳᠠᠯ ᠪᠣᠯᠣᠨᠠ᠃
ᠳᠤᠮᠳᠠᠳᠤ ᠤᠯᠤᠰᠤᠨ ᠠᠷᠠᠳ ᠲᠦᠮᠡᠨᠦ ᠶᠠᠫᠤᠨᠢ ᠡᠰᠡᠷᠭᠦᠴᠡᠭᠦ ᠳᠠᠶ᠋ᠢᠨᠦ ᠢᠯᠠᠯᠲᠠᠶᠢᠨ ᠳᠤᠷᠠᠰᠬᠠᠯᠤᠨ ᠡᠳᠦᠷᠢ ᠬᠠᠤᠯᠢ ᠪᠡᠷ ᠲᠣᠭᠲᠠᠭᠠᠵᠤ᠂ ᠨᠠᠨᠵᠢᠩᠤᠨ ᠶᠡᠬᠡ ᠬᠢᠳᠤᠯᠭᠠᠳᠤ ᠡᠨᠳᠡᠭᠰᠡᠳ ᠢ ᠭᠠᠰᠢᠭᠤᠳᠠᠬᠤ ᠤᠯᠤᠰᠤᠨ ᠨᠡᠶ᠋ᠢᠲᠡᠶᠢᠨ ᠳᠠᠬᠢᠯᠭᠠᠶᠢᠨ ᠡᠳᠦᠷᠢ ᠲᠣᠭᠲᠠᠭᠠᠵᠤ᠁ ᠡᠨᠡ ᠨᠢ ᠳᠤᠮᠳᠠᠳᠤ ᠤᠯᠤᠰᠤᠨ ᠠᠷᠠᠳ ᠲᠦᠮᠡᠨᠦ ᠬᠠᠮᠲᠤᠶᠢᠨ ᠵᠣᠷᠢᠭ᠋ ᠰᠠᠨᠠᠭᠠᠶᠢ ᠲᠥᠪᠯᠡᠷᠡᠩᠭᠦᠢ ᠲᠤᠰᠬᠠᠵᠤ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠠᠷᠠᠳ ᠲᠦᠮᠡᠨᠦ ᠤᠯᠤᠰᠤᠨ ᠡᠷᠬᠡ ᠮᠡᠳᠡᠯ ᠪᠣᠯᠣᠨ ᠨᠤᠲᠤᠭ ᠳᠡᠪᠢᠰᠬᠡᠷᠦᠨ ᠪᠦᠷᠢᠨ ᠪᠦᠲᠦᠨ ᠪᠠᠢᠬᠤᠶᠢ ᠡᠷᠡᠰ ᠬᠠᠮᠠᠭᠠᠯᠠᠬᠤ ᠪᠠᠲᠤ ᠵᠣᠭᠰᠣᠯᠲᠠᠶᠢ ᠬᠠᠷᠠᠭᠤᠯᠵᠤ᠂ ᠳᠤᠮᠳᠠᠳᠤᠶᠢᠨ ᠦᠨᠳᠦᠰᠦᠲᠡᠨᠦ ᠰᠥᠷᠴᠦ ᠶᠠᠪᠤᠵᠤ ᠰᠥᠷᠭᠡᠦ ᠠᠭᠠᠰᠢᠯᠠᠬᠤᠶᠢ ᠡᠰᠡᠷᠭᠦᠴᠡᠬᠦ᠂ ᠬᠥᠮᠥᠨ ᠲᠥᠷᠥᠯᠬᠢᠲᠡᠨᠦ ᠨᠡᠷᠡ ᠬᠦᠨᠳᠦᠶᠢ ᠬᠠᠮᠠᠭᠠᠯᠠᠬᠤ᠂ ᠳᠡᠯᠡᠬᠡᠢᠶᠢᠨ ᠡᠩᠬᠡ ᠲᠠᠢᠪᠤᠩ ᠢ ᠬᠠᠮᠠᠭᠠᠯᠠᠬᠤ ᠶᠡᠬᠡ ᠵᠢᠷᠤᠮ ᠡᠭᠦᠷᠭᠡᠯᠡᠯᠢ ᠬᠠᠷᠠᠭᠤᠯᠵᠠᠢ᠃
ᠳᠡᠯᠡᠬᠡᠢ ᠨᠡᠢᠭᠡᠮᠢ ᠠᠵᠢᠭᠯᠠᠬᠤᠶᠠ᠂ ᠤᠷᠤᠰᠤᠨ ᠶᠠᠫᠤᠨᠤ ᠴᠡᠷᠢᠭᠯᠡᠬᠦ ᠦᠵᠡᠯᠢ ᠢᠯᠠᠭᠰᠠᠨ ᠵᠢᠴᠢ ᠳᠡᠯᠡᠬᠡᠢᠶᠢᠨ ᠬᠣᠶᠠᠳᠤᠭᠠᠷ ᠲᠠᠢ᠍ᠢᠨ ᠳᠠᠭᠤᠰᠤᠭᠰᠠᠨ ᠳᠤᠷᠠᠰᠬᠠᠯᠤᠨ ᠡᠳᠦᠷ᠂ ᠰᠣᠯᠣᠩᠭᠣᠰ ᠤᠨ ᠡᠬᠡ ᠤᠯᠤᠰ ᠤᠨ ᠴᠢᠯᠦᠭᠡᠯᠡᠯᠲᠡᠶᠢᠨ ᠡᠳᠦᠷ᠂ ᠺᠣᠷᠢᠶᠠᠶᠢᠨ ᠰᠡᠷᠭᠦᠭᠡᠯᠲᠡᠶᠢᠨ ᠡᠳᠦᠷ᠂ ᠰᠢᠩᠭᠠᠫᠤᠷ ᠤᠨ ᠪᠦᠬᠦ ᠲᠠᠯᠠᠶᠢᠨ ᠬᠠᠮᠠᠭᠠᠯᠠᠯᠲᠠᠶᠢᠨ ᠡᠳᠦᠷ ᠁ ᠠᠯᠢ ᠤᠯᠠᠨ ᠳᠤᠷᠠᠰᠬᠠᠯᠤᠨ ᠡᠳᠦᠷ᠂ ᠠᠯᠢ ᠤᠯᠠᠨ ᠳᠤᠷᠠᠰᠬᠠᠬᠤ ᠠᠵᠢᠯᠯᠠᠭᠠ ᠨᠢ ᠳᠡᠯᠡᠬᠡᠢ ᠳ᠋ᠠᠬᠢᠨᠳᠤ ᠲᠡᠦᠬᠡᠶᠢᠨ ᠦᠨᠡᠨ ᠪᠠᠢᠳᠠᠯᠢ ᠬᠠᠮᠠᠭᠠᠯᠠᠬᠤ᠂ ᠡᠩᠬᠡ ᠲᠠᠢᠪᠤᠩ ᠪᠣᠯᠣᠨ ᠬᠥᠭᠵᠢᠯᠲᠡᠶᠢ ᠬᠠᠮᠠᠭᠠᠯᠠᠬᠤ ᠬᠠᠮᠲᠤᠶᠢᠨ ᠬᠦᠰᠡᠯ ᠡᠷᠡᠮᠡᠯᠵᠡᠯᠢ ᠳᠠᠮᠵᠢᠭᠤᠯᠪᠠ᠃
ᠬᠥᠮᠥᠨ ᠲᠥᠷᠥᠯᠬᠢᠲᠡᠨ ᠳᠠᠬᠢᠨᠳᠠ ᠡᠩᠬᠡ ᠲᠠᠢᠪᠤᠩ ᠶᠤᠮ ᠦᠦ ᠡᠰᠡᠭᠦᠯᠡ ᠲᠠᠢ᠍ᠢᠨ ᠳᠠᠵᠢᠨ ᠶᠤᠮ ᠦᠦ᠂ ᠶᠠᠷᠢᠯᠴᠠᠭᠠ ᠬᠢᠬᠦ ᠶᠤᠮ ᠦᠦ ᠡᠰᠡᠬᠦᠯᠡ ᠡᠰᠡᠷᠭᠦᠴᠡᠯᠳᠦᠬᠦ ᠶᠤᠮ ᠦᠦ᠂ ᠬᠠᠮᠲᠤᠪᠠᠷ ᠠᠰᠢᠭ᠋ ᠬᠦᠷᠳᠡᠬᠦ ᠶᠤᠮ ᠦᠦ ᠡᠰᠡᠬᠦᠯᠡ ᠦᠯᠦ ᠡᠪᠰᠡᠬᠦ ᠦᠵᠡᠯᠴᠡᠭᠡᠨ ᠬᠢᠬᠦ ᠶᠤᠮᠤᠤ ᠭᠡᠬᠦ ᠰᠣᠩᠭᠣᠯᠲᠠᠳᠤ ᠲᠤᠯᠭᠠᠷᠠᠵᠤ᠂ ᠳᠤᠮᠳᠠᠳᠤ ᠤᠯᠤᠰ ᠡᠩᠬᠡ ᠲᠠᠢᠪᠤᠩ᠂ ᠬᠥᠭᠵᠢᠯᠲᠡ᠂ ᠬᠠᠮᠲᠤᠷᠠᠯᠴᠠᠭᠠ᠂ ᠬᠠᠮᠲᠤᠪᠠᠷ ᠠᠰᠢᠭ᠋ ᠬᠦᠷᠳᠡᠬᠦ ᠲᠤᠭᠢ ᠥᠨᠳᠥᠷᠲᠦ ᠮᠠᠨᠳᠤᠭᠤᠯᠪᠠ᠃
2025 ᠣᠨᠤ 9 ᠰᠠᠷᠠᠶᠢᠨ ᠡᠬᠢᠪᠡᠷ᠂ ᠶᠡᠷᠦᠩᠬᠡᠢ ᠱᠦᠵᠢ ᠰᠢ ᠵᠢᠨ ᠫᠢᠩ ᠳᠡᠯᠡᠬᠡᠢᠶᠢᠨ ᠲᠠᠪᠤᠨ ᠶᠡᠬᠡ ᠲᠢᠪᠡᠴᠡ ᠢᠷᠡᠭᠰᠡᠨ ᠭᠠᠳᠠᠭᠠᠳᠤ ᠤᠯᠤᠰᠤᠨ ᠤᠳᠤᠷᠢᠳᠬᠤ ᠬᠥᠮᠥᠰ ᠵᠢᠴᠢ ᠬᠣᠯᠪᠣᠭᠳᠠᠯ ᠪᠦᠬᠦᠢ ᠤᠯᠤᠰᠤᠨ ᠳᠡᠭᠡᠳᠦ ᠲᠠᠰᠤᠨ ᠲᠥᠯᠥᠭᠡᠯᠡᠭᠴᠢ᠂ ᠣᠯᠠᠨ ᠤᠯᠤᠰᠤᠨ ᠵᠣᠬᠢᠶᠠᠨ ᠪᠠᠢᠭᠤᠯᠤᠯᠲᠠᠶᠢᠨ ᠬᠠᠷᠢᠭᠤᠴᠠᠯᠭᠠᠲᠠᠨ᠂ ᠤᠤᠯᠤᠨ ᠤᠯᠤᠰ ᠲᠥᠷᠥᠶᠢᠨ ᠴᠢᠬᠤᠯᠠ ᠬᠥᠮᠥᠰ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠶᠠᠫᠤᠨᠢ ᠡᠰᠡᠷᠭᠦᠴᠡᠬᠦ ᠲᠡᠶ᠋ᠢᠨᠦ ᠢᠯᠠᠯᠲᠠ ᠣᠯᠬᠤᠳᠤ ᠬᠤᠪᠢ ᠨᠡᠮᠡᠷᠢ ᠦᠵᠡᠭᠦᠯᠦᠭᠰᠡᠨ ᠣᠯᠠᠨ ᠤᠯᠤᠰᠤᠨ ᠨᠥᠬᠥᠷᠰᠡᠭ ᠬᠥᠮᠥᠰ ᠪᠤᠶᠤ ᠲᠡᠳᠡᠨᠦ ᠭᠡᠷ ᠪᠦᠯᠢᠶᠢᠨ ᠲᠥᠯᠥᠭᠡᠯᠡᠭᠴᠢ ᠨᠠᠷᠲᠠᠢ ᠬᠠᠮᠲᠤᠪᠠᠷ ᠪᠡᠭᠡᠵᠢᠩᠳᠦ ᠳᠤᠮᠳᠠᠳᠤ ᠤᠯᠤᠰᠤᠨ ᠠᠷᠠᠳ ᠲᠦᠮᠡᠨᠦ ᠶᠠᠫᠤᠨᠢ ᠡᠰᠡᠷᠭᠦᠴᠡᠬᠦ ᠲᠡᠶ᠋ᠢᠨ ᠵᠢᠴᠢ ᠳᠡᠯᠡᠬᠡᠢᠶᠢᠨ ᠹᠠᠱ᠌ᠢᠰᠢ ᠡᠰᠡᠷᠭᠦᠴᠡᠬᠦ ᠲᠡᠶ᠋ᠢᠨ ᠢᠯᠠᠯᠲᠠ ᠣᠯᠣᠭᠰᠠᠨ 80 ᠵᠢᠯᠦᠨ ᠣᠶᠶᠢ ᠳᠤᠷᠠᠰᠬᠠᠵᠤ᠂ ᠬᠥᠮᠥᠨ ᠲᠥᠷᠥᠯᠬᠢᠲᠡᠨᠦ ᠡᠩᠬᠡ ᠲᠠᠢᠪᠤᠩ ᠪᠠ ᠬᠥᠭᠵᠢᠯᠲᠡᠶᠢᠨ ᠰᠠᠢᠨ ᠰᠠᠢᠬᠠᠨ ᠢᠷᠡᠭᠡᠳᠦᠢᠶᠢ ᠬᠠᠮᠲᠤᠪᠠᠷ ᠪᠡᠷᠡᠯᠡᠪᠡ᠃
《ᠶᠠᠮᠠᠷᠪᠠ ᠦᠶᠡᠳᠦ ᠴᠦ᠍᠂ ᠪᠢᠳᠡ ᠴᠥᠮ ᠪᠦᠬᠦ ᠬᠥᠮᠥᠨ ᠲᠥᠷᠥᠯᠬᠢᠲᠡᠨᠦ ᠬᠠᠮᠲᠤᠶᠢᠨ ᠦᠷᠳᠡᠭᠢ ᠪᠠᠳᠠᠷᠠᠭᠤᠯᠵᠤ᠂ ᠳᠡᠯᠡᠬᠡᠢᠶᠢᠨ ᠲᠥᠪ ᠭᠣᠣᠯᠴᠢ ᠰᠢᠳᠤᠷᠭᠤ ᠶᠣᠰᠣ᠌ᠶᠢ ᠡᠷᠡᠰ ᠬᠠᠮᠠᠭᠠᠯᠠᠵᠤ᠂ ᠳᠡᠯᠡᠬᠡᠢ ᠳ᠋ᠠᠬᠢᠨᠢ ᠲᠥᠪ ᠴᠢᠬᠡᠴᠢ᠂ ᠠᠭᠤᠳᠠᠮᠴᠢ ᠪᠠᠭᠲᠠᠭᠠᠮᠵᠢᠲᠠᠢ ᠪᠣᠯᠭᠠᠬᠤ ᠬᠡᠷᠡᠭᠲᠡᠢ》 ᠃
《ᠳᠤᠮᠳᠠᠳᠤᠶᠢᠨ ᠦᠨᠳᠦᠰᠦᠲᠡᠨᠦ ᠠᠭᠤᠤ ᠶᠡᠬᠡ ᠰᠡᠷᠭᠦᠨ ᠮᠠᠨᠳᠤᠯᠲᠠᠶᠢᠨ ᠰᠦᠷ ᠬᠦᠴᠦᠨ ᠬᠣᠷᠢᠭ᠍ᠯᠠᠭᠳᠠᠰᠢ ᠦᠭᠡᠢ！ ᠬᠥᠮᠥᠨ ᠲᠥᠷᠥᠯᠬᠢᠲᠡᠨᠦ ᠡᠩᠬᠡ ᠲᠠᠢᠪᠤᠩ ᠪᠠ ᠬᠥᠭᠵᠢᠯᠲᠡᠶᠢᠨ ᠡᠷᠬᠢᠮ ᠳᠡᠭᠡᠳᠦ ᠦᠢᠯᠡᠰ ᠯᠠᠪᠲᠠᠢ ᠢᠯᠠᠯᠲᠠ ᠣᠯᠣᠨᠠ》 ！
ᠶᠡᠷᠦᠩᠬᠡᠢ ᠱᠦᠵᠢ ᠰᠢ ᠵᠢᠨ ᠫᠢᠩᠦᠨ ᠡᠷᠡᠰ ᠪᠠᠲᠤ ᠲᠤᠩᠬᠠᠭᠯᠠᠯ ᠨᠢ ᠳᠡᠯᠡᠬᠡᠢ ᠨᠡᠢᠭᠡᠮᠢᠶᠡᠷᠢᠶᠡᠨ ᠲᠡᠦᠬᠡ ᠶᠢᠨ ᠵᠥᠪ ᠲᠠᠯᠠᠳᠤ ᠡᠷᠡᠰ ᠵᠣᠭᠰᠣᠵᠤ᠂ ᠬᠥᠮᠥᠨ ᠲᠥᠷᠥᠯᠬᠢᠲᠡᠨᠦ ᠪᠣᠯᠪᠠᠰᠤᠨ ᠤ ᠲᠠᠪᠰᠢᠯᠳᠠᠶᠢᠨ ᠲᠠᠯᠠᠳᠤ ᠵᠣᠭᠰᠣᠵᠤ᠂ ᠬᠥᠮᠥᠨ ᠲᠥᠷᠥᠯᠬᠢᠲᠡᠨᠦ ᠰᠠᠢᠨ ᠰᠠᠢᠬᠠᠨ ᠢᠷᠡᠭᠡᠳᠦᠢᠶᠢ ᠬᠠᠮᠲᠤᠪᠠᠷ ᠴᠣᠭᠴᠠᠯᠠᠬᠤ ᠢᠲᠡᠭᠡᠯ ᠪᠣᠯᠣᠨ ᠬᠦᠴᠦᠨᠢ ᠬᠤᠷᠠᠮᠳᠤᠭᠤᠯᠪᠠ᠃
ᠳᠡᠯᠡᠬᠡᠢᠶᠢᠨ ᠤᠷᠤᠰᠬᠠᠯ ᠰᠦᠷ ᠳᠠᠯᠠᠢᠴᠠᠲᠠᠢ᠂ ᠲᠠᠭᠠᠪᠠᠯ ᠮᠠᠨᠳᠤᠵᠤ᠂ ᠰᠥᠷᠪᠡᠯ ᠮᠥᠬᠥᠨᠡ᠃
ᠶᠠᠮᠠᠷᠪᠠ ᠬᠥᠮᠥᠨ᠂ ᠶᠠᠮᠠᠷᠪᠠ ᠬᠦᠴᠦᠨ ᠬᠡᠷᠪᠡ ᠬᠢᠷᠢᠪᠡᠨ ᠮᠡᠳᠡᠬᠦ ᠦᠭᠡᠢ᠂ ᠲᠦᠷᠢᠮᠡᠬᠡᠢᠯᠡᠭᠰᠡᠨ ᠲᠡᠦᠬᠡᠶᠢᠨ ᠬᠡᠷᠡᠭᠢ ᠵᠥᠪᠲᠥᠭᠡᠬᠦᠪᠡᠷ ᠳᠡᠮᠡᠢᠷᠡᠨ ᠭᠣᠷᠢᠳᠠᠵᠤ᠂ ᠲᠠᠢ᠍ᠢᠨᠦ ᠶᠠᠯᠠᠲᠤ ᠠᠵᠢᠯᠯᠠᠭᠠᠶᠢ ᠴᠠᠭᠠᠳᠬᠠᠵᠤ᠂ ᠴᠡᠷᠢᠭᠯᠡᠬᠦ ᠦᠵᠡᠯᠦᠨ ᠰᠦᠨᠡᠰᠦᠶᠢ ᠳᠠᠭᠤᠳᠠᠬᠤᠳᠤ ᠬᠦᠷᠪᠡᠯ᠂ ᠡᠴᠦᠰᠲᠡᠬᠡᠨ ᠴᠥᠮ ᠢᠯᠠᠭᠳᠠᠯᠢᠶᠠᠷ ᠳᠠᠭᠤᠰᠴᠤ᠂ ᠰᠢᠳᠤᠷᠭᠤ ᠶᠣᠰᠣᠨᠤ ᠰᠢᠭᠦᠨ ᠲᠠᠰᠤᠯᠤᠯᠳᠠ ᠪᠠ ᠲᠡᠦᠬᠡᠶᠢᠨ ᠲᠠᠩᠰᠠ ᠪᠤᠳᠤᠬᠤ ᠵᠢ ᠲᠤᠢᠯᠪᠤᠷᠢᠲᠠᠢ ᠬᠦᠯᠢᠶᠡᠬᠦ ᠪᠣᠯᠣᠨᠠ᠃
ᠳᠡᠯᠡᠬᠡᠢ ᠳᠡᠭᠡᠷᠡᠬᠢ ᠠᠯᠢᠪᠠ ᠳᠠᠪᠰᠢᠩᠭᠤᠢ ᠬᠦᠴᠦᠨ᠂ ᠡᠩᠬᠡ ᠲᠠᠢᠪᠤᠩ ᠪᠠ ᠬᠥᠭᠵᠢᠯᠲᠡᠶᠢᠨ ᠡᠷᠬᠢᠮ ᠳᠡᠭᠡᠳᠦ ᠦᠢᠯᠡᠰᠦᠨ ᠲᠥᠯᠥᠭᠡ ᠭᠠᠷ ᠭᠠᠷᠢᠶᠡᠨ ᠬᠤᠯᠪᠤᠯᠴᠠᠪᠠᠯ᠂ ᠠᠭᠤᠤ ᠶᠡᠬᠡ ᠢᠯᠠᠯᠲᠠᠶᠢᠨ ᠢᠷᠠᠭᠤ ᠠᠯᠳᠠᠷᠢ ᠬᠥᠮᠥᠨ ᠲᠥᠷᠥᠯᠬᠢᠲᠡᠨᠦ ᠳᠠᠪᠰᠢᠯᠲᠠᠶᠢᠨ ᠲᠡᠦᠬᠡᠨ ᠬᠠᠭᠤᠳᠠᠰᠤᠨᠠ ᠡᠭᠦᠷᠢᠳᠡ ᠭᠢᠯᠠᠯᠵᠠᠭᠤᠯᠬᠤ ᠨᠢ ᠯᠠᠪᠲᠠᠢ ᠶᠤᠮ！
（ᠰᠢᠨᠬᠤᠸᠠ ᠬᠤᠷᠢᠶᠠ ᠵᠢᠨ ᠪᠡᠭᠡᠵᠢᠩᠦᠨ 8 ᠰᠠᠷᠠᠶᠢᠨ 14 ᠤ᠋ ᠴᠠᠬᠢᠯᠭᠠᠨ ᠮᠡᠳᠡᠭᠡ）