11 ᠰᠠᠷᠠᠶ᠋ᠢᠨ 10 ᠤ ᠡᠳᠤᠷ ᠳᠤᠮᠳᠠᠳᠤ ᠤᠯᠤᠰᠤᠨ ᠪᠦᠵᠢᠭ᠌ᠴᠢᠳᠤᠨ ᠨᠡᠢᠬᠡᠮᠯᠢᠭ᠂ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨᠤ ᠨᠠᠮᠤᠨ ᠬᠤᠷᠢᠶᠠᠨᠤ ᠤᠬᠠᠭᠤᠯᠬᠤ ᠬᠡᠯᠳᠡᠰ᠂ ᠦᠪᠦᠷ ᠮᠤᠩᠭᠤᠯᠤᠨ ᠤᠳᠭᠠ ᠤᠷᠠᠯᠢᠭᠤᠨᠬᠢᠨᠤ ᠬᠤᠯᠪᠤᠭᠠ ᠭᠤᠤᠯᠯᠠᠨ ᠡᠷᠬᠢᠯᠡᠵᠤ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠪᠦᠵᠢᠭ᠌ᠴᠢᠳᠤᠨ ᠨᠡᠢᠬᠡᠮᠯᠢᠭᠤᠨ ᠤᠨᠤᠯ ᠱᠢᠭᠦᠮᠵᠢᠶ᠋ᠢᠨ ᠺᠤᠮᠢᠰ᠂ ᠦᠪᠦᠷ ᠮᠤᠩᠭᠤᠯᠤᠨ ᠪᠦᠵᠢᠭ᠌ᠴᠢᠳᠤᠨ ᠨᠡᠢᠬᠡᠮᠯᠢᠭ᠂ ᠦᠪᠦᠷ ᠮᠤᠩᠭᠤᠯᠤᠨ ᠦᠨᠳᠦᠰᠦᠲᠡᠨᠤ ᠤᠷᠠᠯᠢᠭ ᠵᠦᠴᠦᠭᠡᠶ᠋ᠢᠨ ᠬᠦᠷᠢᠶᠡᠯᠡᠩ ᠳᠠᠭᠠᠭᠠᠴᠢᠯᠠᠨ ᠡᠷᠬᠢᠯᠡᠭ᠌ᠰᠡᠨ 《ᠬᠤᠨ ᠭᠠᠯᠠᠭᠤᠶ᠋ᠢᠨ ᠦᠨᠳᠦᠷᠲᠤ ᠳᠡᠭᠦᠯᠢᠬᠦ᠌ ᠵᠤᠷᠢᠭ ᠰᠠᠨᠠᠭᠠ ᠦᠨᠢᠳᠡ ᠮᠦᠩᠬᠡᠷᠡᠨᠡ》 ᠬᠡᠮᠡᠬᠦ᠌ ᠵᠢᠶᠠ ᠽᠦᠸᠧ ᠭᠤᠸᠠᠩ ᠠᠪᠤᠭᠠᠢᠶ᠋ᠢᠨ ᠪᠦᠵᠢᠭ ᠤᠷᠠᠯᠢᠭᠤᠨ ᠦᠨᠳᠦᠷ ᠲᠦᠪᠱᠢᠨᠤ ᠶᠠᠷᠢᠶᠠᠨᠤ ᠳᠠᠪᠴᠠᠩ ᠬᠦᠬᠡᠬᠤᠳᠠᠳᠤ ᠶᠠᠪᠤᠭ᠍ᠳᠠᠪᠠ᠃
ᠶᠠᠷᠢᠶᠠᠨᠤ ᠳᠠᠪᠴᠠᠩᠳᠤ ᠵᠢᠶᠠ ᠽᠦᠸᠧ ᠭᠤᠸᠠᠩ ᠠᠪᠤᠭᠠᠢᠶ᠋ᠢᠨ ᠵᠤᠬᠢᠶᠠᠨ ᠪᠦᠳᠦᠭᠡᠯᠭᠡᠶ᠋ᠢᠨ ᠦᠵᠡᠯ ᠰᠠᠨᠠᠭᠠᠶ᠋ᠢ ᠡᠷᠳᠡᠮ ᠱᠢᠨᠵᠢᠯᠡᠭᠡᠨᠤ ᠤᠯᠠᠨ ᠬᠠᠷᠠᠭᠠᠰᠤᠠᠴᠠ ᠱᠦᠬᠦᠨ ᠬᠤᠷᠢᠶᠠᠩᠭᠤᠢ᠍ᠢᠯᠠᠵᠤ ᠰᠤᠳᠤᠯᠤᠨ ᠶᠠᠷᠢᠯᠴᠠᠪᠠ᠃ ᠬᠤᠷᠠᠯᠳᠤ ᠳᠤᠮᠳᠠᠳᠤ ᠤᠯᠤᠰᠤᠨ ᠪᠦᠵᠢᠭ᠌ᠴᠢᠳᠤᠨ ᠨᠡᠢᠬᠡᠮᠯᠢᠭᠤᠨ ᠤᠳᠤᠷᠢᠳᠤᠯᠭᠠ᠂ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨᠤ ᠨᠠᠮᠤᠨ ᠬᠤᠷᠢᠶᠠᠨᠤ ᠤᠬᠠᠭᠤᠯᠬᠤ ᠬᠡᠯᠳᠡᠰ ᠵᠢᠴᠢ ᠤᠳᠭᠠ ᠤᠷᠠᠯᠢᠭᠤᠨᠬᠢᠨ ᠬᠤᠯᠪᠤᠭᠠᠨᠤ ᠤᠳᠤᠷᠢᠳᠤᠯᠭᠠ᠂ ᠤᠯᠤᠰᠤᠨ ᠳᠤᠳᠤᠭᠠᠳᠤᠶ᠋ᠢᠨ ᠴᠦᠭᠡᠨ ᠳᠤᠭᠠᠳᠤ ᠦᠨᠳᠦᠰᠦᠲᠡᠨᠤ ᠪᠦᠵᠢᠭ ᠤᠷᠠᠯᠢᠭᠤᠨ ᠰᠤᠳᠤᠯᠭᠠᠨᠤ ᠡᠷᠳᠡᠮᠳᠡᠨ ᠮᠡᠷᠭᠡᠵᠢᠯᠳᠡᠳ ᠬᠢᠬᠡᠳ ᠮᠠᠨᠤ ᠤᠯᠤᠰᠤᠨ ᠪᠦᠵᠢᠭ ᠤᠷᠠᠯᠢᠭᠤᠨ ᠨᠡᠷᠡᠳᠦ ᠤᠨᠤᠯᠴᠢ᠂ ᠪᠦᠵᠢᠭᠤᠨ ᠰᠤᠷᠭᠠᠨ ᠬᠦᠮᠦᠵᠢᠯᠳᠡᠨ᠂ ᠠᠯᠳᠠᠷᠳᠤ ᠤᠷᠠᠯᠢᠭ᠍ᠴᠢᠨ ᠵᠢᠶᠠ ᠽᠦᠸᠧ ᠭᠤᠸᠠᠩᠤᠨ ᠬᠡᠷᠤᠨ ᠬᠦᠮᠦᠰ ᠵᠡᠷᠭᠡ ᠤᠷᠤᠯᠴᠠᠵᠤ᠂ ᠰᠡᠴᠡᠨᠳᠠᠷᠢᠬᠢ᠂ ᠵᠤᠤ ᠯᠢᠨ ᠫᠢᠩ ᠵᠡᠷᠭᠡ 6 ᠪᠦᠵᠢᠭᠤᠨ ᠡᠷᠳᠡᠮᠳᠡᠨᠠᠴᠠ 《ᠮᠠᠨᠤ ᠵᠢᠶᠠ ᠽᠦᠸᠧ ᠭᠤᠸᠠᠩ ᠬᠠᠷᠢᠭᠠᠳ ᠢᠷᠡᠯᠡ》᠂ 《ᠵᠢᠶᠠ ᠽᠦᠸᠧ ᠭᠤᠸᠠᠩᠤᠨ ᠵᠤᠬᠢᠶᠠᠨ ᠪᠦᠳᠦᠭᠡᠯᠭᠡᠶ᠋ᠢᠨ ᠦᠵᠡᠯ ᠰᠠᠨᠠᠭᠠ ᠪᠢᠳᠡᠨᠢ ᠵᠢᠯᠤᠭᠤᠳᠤᠨ ᠤᠷᠤᠭ᠍ᠰᠢᠯᠠᠨᠠ》 ᠵᠡᠷᠭᠡ ᠭᠤᠤᠯ ᠰᠡᠳᠦᠪᠳᠤ ᠶᠠᠷᠢᠶᠠ ᠢᠯᠡᠳᠭᠡᠯ ᠬᠢᠪᠡ᠃ ᠶᠠᠷᠢᠶᠠᠨᠤ ᠳᠠᠪᠴᠠᠩᠳᠤ ᠪᠠᠰᠠ 《ᠪᠦᠵᠢᠭᠢᠶᠠᠨ ᠪᠦᠵᠢᠭ᠌ᠯᠡᠨ ᠡᠭᠦᠯᠡᠨᠳᠤ ᠠᠭᠤᠯᠵᠠᠶᠠ》 ᠭᠡᠬᠦ᠌ ᠱᠢᠭᠤᠳ ᠨᠡᠪᠳᠡᠷᠡᠭᠦᠯᠭᠡ ᠬᠢᠵᠤ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠪᠦᠵᠢᠭ᠌ᠴᠢᠳᠤᠨ ᠨᠡᠢᠬᠡᠮᠯᠢᠭᠤᠨ ᠳᠡᠷᠢᠭᠦᠯᠡᠭ᠌ᠴᠢ ᠹᠧᠩ ᠱᠤᠸᠠᠩ ᠪᠠᠢ᠂ ᠠᠯᠳᠠᠳᠤ ᠪᠦᠵᠢᠭ᠌ᠴᠢᠨ ᠰᠡᠴᠡᠨᠳᠠᠷᠢᠬᠢ ᠨᠠᠷ ᠱᠢᠭᠤᠳ ᠨᠡᠪᠳᠡᠷᠡᠭᠦᠯᠭᠡᠪᠠᠷ ᠵᠢᠶᠠ ᠽᠦᠸᠧ ᠭᠤᠸᠠᠩ ᠠᠪᠤᠭᠠᠢᠶ᠋ᠢᠨ ᠤᠳᠭᠠ ᠤᠷᠠᠯᠢᠭᠤᠨ ᠭᠠᠪᠢᠶᠠ ᠵᠢᠳᠭᠦᠯᠢ ᠡᠷᠬᠢᠴᠡᠭᠦᠯᠤᠨ᠂ ᠵᠢᠭᠠᠨ ᠰᠤᠷᠭᠠᠯᠳᠠ᠂ ᠵᠤᠬᠢᠶᠠᠨ ᠪᠦᠳᠦᠭᠡᠯᠭᠡ ᠵᠢᠴᠢ ᠤᠨᠤᠯᠤᠨ ᠳᠠᠯᠠᠠᠴᠠ ᠳᠡᠭᠦᠨᠤ ᠦᠪᠦᠷ ᠮᠤᠩᠭᠤᠯᠤᠨ ᠪᠦᠵᠢᠭ ᠤᠷᠠᠯᠢᠭᠤᠨ ᠵᠤᠬᠢᠶᠠᠨ ᠪᠦᠳᠦᠭᠡᠯᠭᠡᠳᠤ ᠦᠵᠡᠭᠦᠯᠦᠭ᠌ᠰᠡᠨ ᠠᠴᠢ ᠭᠠᠪᠢᠶᠠᠶ᠋ᠢ ᠦᠨᠳᠦᠷ ᠦᠨᠡᠯᠡᠬᠦ᠌ᠶ᠋ᠢᠨ ᠬᠠᠮᠳᠤ ᠤᠳᠤᠬᠠᠨᠳᠤ ᠤᠷᠤᠱᠢᠵᠤ ᠪᠠᠢᠭᠠ ᠠᠰᠠᠭᠤᠳᠠᠯᠢ ᠵᠠᠳᠠᠯᠤᠨ ᠱᠢᠨᠵᠢᠯᠡᠪᠡ᠃
ᠵᠢᠶᠠ ᠽᠦᠸᠧ ᠭᠤᠸᠠᠩ ᠠᠪᠤᠭᠠᠢ ᠪᠤᠯ ᠳᠤᠮᠳᠠᠳᠤ ᠤᠯᠤᠰᠤᠨ ᠱᠢᠨᠡ ᠪᠦᠵᠢᠭ ᠤᠷᠠᠯᠢᠭᠤᠨ ᠰᠠᠭᠤᠷᠢᠯᠠᠭ᠍ᠴᠢᠶ᠋ᠢᠨ ᠨᠢᠭᠡ ᠶᠤᠮ᠂ 1947 ᠤᠨᠠᠴᠠ ᠡᠬᠢᠯᠡᠨ ᠦᠪᠦᠷ ᠮᠤᠩᠭᠤᠯ ᠤᠷᠤᠨᠳᠤ ᠬᠦᠨᠵᠡᠭᠡᠢᠷᠡᠨ ᠮᠤᠩᠭᠤᠯ᠂ ᠳᠠᠭᠤᠷ᠂ ᠤᠷᠴᠤᠨ᠂ ᠡᠸᠡᠩᠬᠢ ᠵᠡᠷᠭᠡ ᠦᠨᠳᠦᠰᠦᠲᠡᠨᠤ ᠠᠷᠠᠳ ᠲᠦᠮᠡᠨᠤ ᠦᠢᠯᠡᠳᠪᠦᠷᠢᠯᠡᠯ ᠠᠮᠢᠳᠤᠷᠠᠯᠠᠴᠠ ᠤᠬᠢ ᠱᠢᠮᠡ ᠬᠦᠷᠳᠡᠵᠤ᠂ 《ᠤᠷᠳᠤᠰ ᠪᠦᠵᠢᠭ》᠂ 《ᠮᠤᠷᠢᠨ ᠪᠦᠵᠢᠭ》᠂ 《ᠬᠤᠨᠳᠠᠭᠠᠨ ᠪᠦᠵᠢᠭ》᠂ 《ᠰᠤᠯᠤᠩᠭᠠ》 ᠵᠡᠷᠭᠡ 200 ᠭᠠᠷᠤᠢ ᠪᠦᠳᠦᠭᠡᠯᠢ ᠵᠤᠬᠢᠶᠠᠨ ᠪᠦᠳᠦᠭᠡᠭ᠌ᠰᠡᠨ ᠪᠠᠢᠨᠠ᠃