ᠰᠡᠴᠡᠩᠭᠤᠸᠠ ᠪᠤᠯ ᠵᠠᠷᠤᠳ ᠬᠤᠱᠢᠭᠤᠨᠤ ᠠᠷᠤ ᠬᠦᠨᠳᠡᠯᠡᠨ ᠪᠠᠯᠭᠠᠰᠤᠶ᠋ᠢᠨ ᠬᠤᠢᠳᠤ ᠰᠠᠯᠠᠭᠠ ᠭᠠᠴᠠᠭᠠᠨᠤ ᠮᠠᠩᠭᠢᠷᠳᠤ ᠠᠢᠯᠤᠨ ᠡᠪ ᠬᠠᠮᠳᠤ ᠨᠠᠮᠤᠨ ᠭᠡᠱᠢᠭᠦᠨ ᠪᠤᠯᠤᠨᠠ᠃ 2013 ᠤᠨᠳᠤ ᠵᠠᠷᠤᠳ ᠬᠤᠱᠢᠭᠤ ᠠᠷᠤ ᠬᠦᠨᠳᠡᠯᠡᠨ ᠪᠠᠯᠭᠠᠰᠤᠨᠤ ᠬᠤᠢᠳᠤ ᠬᠡᠰᠡᠭᠤᠨ 9 ᠭᠠᠴᠠᠭᠠ ᠲᠤᠰᠭᠤᠨᠤ ᠠᠷᠠᠳᠢ ᠪᠦᠬᠦᠨᠢ ᠬᠤᠱᠢᠭᠤᠨ ᠲᠦᠪ ᠯᠦᠪᠸᠢ ᠪᠠᠯᠭᠠᠰᠤᠨᠳᠤ ᠨᠡᠭᠦᠯᠭᠡᠨ ᠠᠪᠴᠢᠷᠠᠪᠠ᠃ ᠠᠵᠢᠯᠴᠢ ᠬᠦᠳᠡᠯᠮᠦᠷᠢᠴᠢ ᠰᠡᠴᠡᠩᠭᠤᠸᠠ ᠵᠥᠬᠡᠷ ᠰᠠᠭᠤᠵᠤ ᠡᠳᠦᠷ ᠦᠩᠬᠡᠷᠡᠬᠦᠯᠥᠭ᠌ᠰᠡᠨ ᠦᠬᠡᠢ᠂ ᠦᠪᠡᠷᠤᠨ ᠲᠤᠷᠠ ᠪᠠᠬᠠᠪᠠᠨ ᠪᠠᠳᠠᠷᠠᠭᠤᠯᠵᠤ ᠮᠤᠩᠭᠤᠯ ᠬᠤᠪᠴᠠᠰᠤ ᠵᠠᠰᠠᠯᠢᠶᠠᠨ ᠤᠯᠠᠮᠵᠢᠯᠠᠯᠳᠤ ᠠᠷᠭᠠᠪᠠᠷ ᠤᠶᠤᠵᠤ ᠬᠠᠳᠭᠤᠨ ᠪᠤᠷᠤᠯᠠᠭᠤᠯᠵᠤ ᠡᠬᠢᠯᠡᠯᠡ᠃
ᠰᠡᠴᠡᠩᠭᠤᠸᠠᠶ᠋ᠢᠨ ᠲᠠᠭᠠᠭᠤᠯᠭᠠ ᠪᠠ ᠨᠦᠯᠦᠭᠡᠪᠠᠷ ᠤᠳᠤ ᠯᠦᠪᠸᠢ ᠪᠠᠯᠭᠠᠰᠤᠨᠳᠤ 130 ᠭᠠᠷᠤᠢ ᠮᠠᠯᠴᠢᠨ ᠤᠯᠠᠮᠵᠢᠯᠠᠯᠳᠤ ᠮᠤᠩᠭᠤᠯ ᠤᠶᠤᠳᠠᠯ ᠭᠠᠷᠳᠠᠵᠤ ᠪᠠᠢᠭᠠ ᠪᠦᠬᠡᠳ 20 ᠭᠠᠷᠤᠢᠨᠢ ᠨᠡᠯᠢᠶᠡᠳ ᠪᠤᠯᠪᠠᠰᠤᠷᠠᠩᠭᠤᠢ ᠮᠡᠷᠭᠡᠵᠢᠯᠲᠠᠢ ᠪᠤᠯᠵᠤ᠂ ᠬᠦᠮᠦᠨ ᠲᠤᠮᠳᠠᠴᠢᠪᠠᠷ ᠵᠢᠯᠤᠨ 5 ᠲᠦᠮᠡᠨ ᠲᠦᠭᠦᠷᠢᠭᠤᠨ ᠤᠷᠤᠯᠭᠠᠲᠠᠢ ᠪᠤᠯᠵᠤ᠂ ᠪᠦᠬᠦ᠌ ᠬᠤᠱᠢᠭᠤᠨᠤ ᠤᠨᠢᠠ ᠲᠡᠬᠡᠷᠠᠨᠢ ᠶᠠᠳᠠᠭᠤᠠᠴᠠ ᠠᠩᠬᠢᠵᠢᠷᠠᠭᠤᠯᠬᠤ ᠠᠵᠢᠯᠢ ᠠᠬᠢᠯᠳᠠᠲᠠᠢ ᠪᠤᠯᠤᠭ᠍ᠰᠠᠨ ᠪᠠᠢᠨᠠ᠃
ᠮᠤᠩᠭᠤᠯ ᠬᠤᠪᠴᠠᠰᠤ ᠤᠶᠤᠬᠤ ᠭᠠᠵᠠᠷ ᠡᠷᠬᠢᠯᠡᠭ᠌ᠰᠡᠨᠤ ᠬᠤᠪᠢᠳᠤ ᠵᠠᠷᠤᠳ ᠮᠤᠩᠭᠤᠯ ᠬᠤᠪᠴᠠᠰᠤ ᠵᠠᠰᠠᠯᠤᠨ ᠰᠤᠶᠤᠯᠢᠶᠠᠨ ᠪᠦᠷᠢᠨ ᠪᠦᠳᠦᠨᠢᠶᠠᠷᠨᠢ ᠦᠪᠯᠡᠨ ᠤᠯᠠᠮᠵᠢᠯᠠᠬᠤ ᠪᠤᠯ ᠰᠡᠴᠡᠩᠭᠤᠸᠠᠶ᠋ᠢᠨ ᠬᠦᠰᠡᠯ ᠵᠤᠷᠢᠯᠳᠠ ᠪᠤᠯᠬᠤ ᠶᠤᠮ᠃ ᠲᠡᠷᠡ ᠬᠡᠳᠦᠨ ᠡᠭᠡᠴᠢ ᠲᠡᠭᠦᠤᠲᠠᠢᠪᠠᠨ ᠵᠢᠷᠬᠢᠶᠠᠠᠴᠠ ᠮᠤᠩᠭᠤᠯ ᠦᠨᠳᠦᠰᠦᠳᠡᠨᠤ ᠬᠤᠪᠴᠠᠰᠤ ᠵᠠᠰᠠᠯ ᠪᠠ ᠡᠳ᠋ᠯᠡᠯ ᠬᠡᠷᠡᠭ᠌ᠰᠡᠯᠤᠳᠢ ᠨᠠᠷᠢᠨ ᠬᠢᠨᠠᠮᠠᠭᠠᠢ ᠡᠷᠢᠨ ᠴᠤᠭ᠍ᠯᠠᠭᠤᠯᠵᠤ᠂ ᠤᠶᠤᠳᠠᠯᠴᠢᠨ ᠡᠵᠢ ᠪᠠ ᠠᠪᠠᠭᠠ ᠡᠵᠢᠠᠴᠠᠪᠠᠨ ᠤᠯᠠᠮᠵᠢᠯᠠᠯᠳᠤ ᠴᠢᠬᠢᠪᠴᠢ᠂ ᠬᠠᠪᠳᠠᠭᠠ᠂ ᠵᠡᠭᠦᠪᠴᠢ ᠵᠡᠷᠭᠡ ᠵᠠᠷᠤᠳ ᠮᠤᠩᠭᠤᠯᠴᠤᠳᠤᠨ ᠨᠢᠭᠡᠨᠳᠡ ᠭᠡᠭᠡᠭ᠌ᠳᠡᠭ᠌ᠰᠡᠨ ᠪᠤᠶᠤ ᠭᠡᠭᠡᠭ᠌ᠳᠡᠭᠦ᠌ ᠱᠢᠬᠠᠭ᠍ᠰᠠᠨ 18 ᠵᠦᠢᠯᠤᠨ ᠡᠳ᠋ᠯᠡᠯ ᠵᠠᠰᠠᠯᠢ ᠶᠠᠭᠠᠬᠢᠵᠤ ᠡᠰᠭᠡᠵᠦ᠍ ᠤᠶᠤᠬᠤ ᠪᠠ ᠡᠳ᠋ᠯᠡᠵᠦ᠍ ᠬᠡᠷᠡᠭ᠌ᠯᠡᠬᠦ᠌ ᠠᠷᠭᠠᠨᠤᠭᠤᠳᠢ ᠰᠤᠷᠴᠤ᠌ ᠲᠡᠯᠬᠡᠷᠡᠬᠦᠯᠬᠦ᠌ᠶ᠋ᠢᠨ ᠲᠠᠭᠠᠤ ᠦᠪᠡᠷᠢᠶᠠᠨ ᠪᠠᠰᠠ ᠠᠷᠤ ᠬᠦᠨᠳᠡᠯᠡᠨ᠂ ᠪᠠᠶᠠᠷᠳᠤᠬᠤᠱᠢᠭᠤ ᠵᠡᠷᠭᠡ ᠭᠠᠵᠠᠷᠢᠶᠠᠷ ᠤᠯᠠᠨ ᠤᠳᠠᠭᠠ ᠬᠦᠷᠴᠦ᠍ ᠨᠤᠳᠤᠭ ᠤᠰᠤᠨᠤ ᠨᠡᠷᠡᠳᠦ ᠤᠷᠠᠨ ᠤᠶᠤᠳᠠᠯᠴᠢᠨᠢ ᠬᠠᠢᠨ ᠰᠤᠷᠪᠤᠯᠵᠢᠯᠠᠵᠤ ᠤᠯᠠᠮᠵᠢᠯᠠᠯᠳᠤ ᠤᠶᠤᠳᠠᠯᠤᠨ ᠤᠷᠠ ᠲᠡᠮᠢ ᠡᠵᠡᠮᠱᠢᠭ᠌ᠰᠡᠨ ᠪᠠᠢᠨᠠ᠃ ᠲᠡᠷᠡ ᠪᠠᠰᠠ ᠨᠠᠩ ᠤᠯᠠᠨ ᠬᠦᠮᠤᠨᠳᠤ ᠮᠤᠩᠭᠤᠯ ᠦᠨᠳᠦᠰᠦᠳᠡᠨᠤᠪᠠᠨ ᠭᠠᠢᠬᠠᠮᠱᠢᠭ᠍ᠳᠤ ᠰᠤᠶᠤᠯᠢ ᠤᠯᠠᠮ ᠢᠯᠡᠭᠦᠤ ᠲᠠᠨᠢᠭᠤᠯᠤᠨ ᠤᠢᠯᠠᠭᠠᠭᠤᠯᠵᠤ ᠲᠡᠯᠭᠡᠷᠡᠭᠦᠯᠦᠨ ᠬᠦᠭ᠌ᠵᠢᠭᠦᠯᠭᠦᠶ᠋ᠢᠨ ᠲᠦᠯᠦᠭᠡ 2016 ᠤᠨᠤ 7 ᠰᠠᠷᠠᠳᠤ ᠬᠤᠪᠢᠪᠠᠷᠢᠶᠠᠨ 5 ᠲᠦᠮᠡᠨ ᠲᠦᠭᠦᠷᠢᠭ ᠭᠠᠷᠭᠠᠵᠤ᠂ 《ᠭᠤᠸᠠ ᠮᠤᠩᠭᠤᠯ ᠬᠤᠪᠴᠠᠰᠤ ᠵᠠᠰᠠᠯᠤᠨ ᠦᠵᠡᠭᠦᠯᠭᠡ》 ᠡᠷᠬᠢᠯᠡᠵᠦ᠍ ᠦᠪᠡᠷᠤᠨ ᠤᠶᠤᠵᠤ ᠤᠷᠠᠯᠠᠭ᠍ᠰᠠᠨ᠂ ᠡᠷᠢᠵᠦ᠍ ᠴᠤᠭ᠍ᠯᠠᠭᠤᠯᠤᠭ᠍ᠰᠠᠨ ᠪᠤᠢ ᠪᠦᠬᠦᠢ ᠪᠦᠳᠦᠭᠡᠯᠤᠳᠢᠶᠠᠨ ᠲᠡᠯᠭᠡᠨ ᠦᠵᠡᠭᠦᠯᠵᠦ᠍᠂ ᠪᠠᠯᠭᠠᠰᠤᠨᠤ ᠡᠮᠡᠭ᠌ᠳᠡᠢᠴᠦᠳᠤᠨ ᠰᠤᠷᠴᠤ᠌ ᠮᠥᠷᠳᠡᠬᠦ᠌ᠳᠤ ᠲᠦᠬᠦᠮ ᠦᠵᠡᠬᠦᠯᠥᠭ᠌ᠰᠡᠨ ᠪᠦᠬᠡᠳ ᠬᠤᠪᠴᠠᠰᠤ ᠵᠠᠰᠠᠯᠤᠨ ᠤᠷᠤᠯᠳᠤᠭᠠᠨ᠂ ᠲᠡᠭᠡᠰᠦ ᠲᠠᠮᠤᠬᠤ ᠤᠷᠤᠯᠳᠤᠭᠠᠨ ᠪᠠ ᠮᠤᠩᠭᠤᠯ ᠱᠢᠳᠠᠷᠡᠶ᠋ᠢᠨ ᠤᠷᠤᠯᠳᠤᠭᠠᠨ ᠡᠷᠬᠢᠯᠠᠠ ᠱᠠᠩᠨᠠᠠ ᠬᠦᠬᠢᠬᠦᠯᠵᠡᠢ᠃
ᠵᠢᠷᠤᠭ ᠪᠤᠯ ᠰᠠᠴᠠᠩᠭᠤᠸᠠ （ᠵᠡᠬᠦᠨᠳᠡᠬᠢ） ᠤᠶᠤᠳᠠᠯᠤᠨ ᠭᠠᠵᠠᠷᠲᠠᠭᠠᠨ ᠠᠵᠢᠯᠯᠠᠵᠤ ᠪᠠᠢᠭᠠᠨᠢ᠃
ᠪᠠᠯᠭᠠᠰᠤᠨᠳᠤ ᠨᠠᠬᠦᠠ ᠱᠢᠯᠵᠢᠭ᠌ᠰᠡᠨ ᠮᠠᠯᠴᠢᠳᠤᠨ ᠰᠤᠶᠤᠯ ᠤᠷᠠᠯᠢᠭᠤᠨ ᠠᠮᠢᠳᠤᠷᠠᠯᠢ ᠪᠠᠶᠠᠯᠢᠭ᠍ᠵᠢᠭᠤᠯᠬᠤᠶ᠋ᠢᠨ ᠲᠦᠯᠦᠭᠡ ᠰᠡᠴᠡᠩᠭᠤᠸᠠ ᠪᠠᠰᠠ ᠡᠭᠡᠴᠢ ᠲᠡᠭᠦᠤ ᠨᠠᠷᠢᠶᠠᠨ ᠵᠤᠬᠢᠶᠠᠨ ᠪᠠᠢᠭᠤᠯᠤᠠ 《ᠭᠤᠶᠤᠬᠠᠨ》 ᠮᠤᠩᠭᠤᠯ ᠦᠨᠳᠦᠰᠦᠳᠡᠨᠤ ᠬᠤᠪᠴᠠᠰᠤ ᠵᠠᠰᠠᠯᠤᠨ ᠮᠤᠳᠧᠯᠤᠨ ᠠᠩᠬᠢ ᠪᠠᠢᠭᠤᠯᠵᠤ᠂ ᠦᠪᠦᠷ ᠮᠤᠩᠭᠤᠯᠤᠨ ᠲᠧᠯᠸᠢᠰ ᠬᠤᠷᠢᠶᠠᠠᠤ ᠮᠤᠩᠭᠤᠯ ᠰᠤᠪᠠᠭᠤᠨ ᠴᠠᠭᠠᠨ ᠰᠠᠷᠠᠶ᠋ᠢᠨ ᠦᠳᠡᠱᠢᠯᠡᠭᠡᠳᠤ 3 ᠤᠳᠠᠭᠠ ᠤᠷᠤᠯᠴᠠᠵᠤ᠂ ᠬᠤᠳᠠᠶ᠋ᠢᠨ ᠲᠡᠰᠤᠨ ᠤᠷᠠᠨ ᠰᠠᠢᠬᠠᠨᠤ ᠠᠵᠢᠯᠯᠠᠭᠠᠳᠤ ᠤᠯᠠᠨᠳᠠ ᠤᠷᠤᠯᠴᠠᠵᠤ ᠱᠢᠯᠢᠳᠡᠭ ᠰᠠᠢᠨ ᠬᠢᠷᠢ ᠪᠦᠳᠦᠮᠵᠢ ᠤᠯᠤᠭ᠍ᠰᠠᠨ ᠪᠠᠢᠨᠠ᠃
ᠤᠷᠴᠢᠮᠤᠨ ᠠᠷᠪᠠᠭᠠᠳ ᠵᠢᠯᠳᠤ ᠰᠡᠴᠡᠩᠭᠤᠸᠠ ᠵᠢᠯ ᠪᠤᠯᠭᠠᠨ ᠬᠤᠱᠢᠭᠤᠠᠤ ᠮᠤᠩᠭᠤᠯ ᠰᠤᠷᠭᠠᠭᠤᠯᠢᠶ᠋ᠢᠨ ᠠᠮᠢᠳᠤᠷᠠᠯ ᠬᠦᠴᠢᠷᠳᠠᠯᠳᠡᠢ 3 ᠰᠤᠷᠤᠭ᠍ᠴᠢᠶ᠋ᠢ ᠵᠤᠭᠤᠰ ᠮᠦᠩᠭᠦᠪᠠᠷ ᠲᠤᠰᠠᠯᠠᠳᠠᠭ᠃ 2016 ᠤᠨᠳᠤ 18 ᠨᠠᠰᠤᠳᠠᠢ ᠬᠡᠤᠬᠡᠨ ᠰᠤᠷᠤᠭ᠍ᠴᠢ ᠯᠢ ᠶᠤᠸᠠᠨ ᠶᠤᠸᠠᠨ ᠬᠠᠷᠠ ᠪᠦᠭᠡᠷᠡᠶ᠋ᠢᠨ ᠦᠷᠪᠢᠰᠦᠯᠳᠤ ᠨᠡᠷᠪᠡᠭ᠌ᠳᠡᠭ᠌ᠰᠡᠨ ᠴᠢᠮᠡᠭᠡᠶ᠋ᠢ ᠰᠤᠨᠤᠰᠤᠭᠠᠳ 4200 ᠲᠦᠭᠦᠷᠢᠭᠢᠶᠠᠷ ᠲᠤᠰᠠᠯᠠᠵᠤ᠂ ᠤᠳᠤ ᠪᠤᠯᠳᠠᠯᠠ ᠱᠢᠨᠡᠯᠡᠬᠦ᠌ ᠪᠤᠯᠭᠠᠨ ᠯᠢ ᠶᠤᠸᠠᠨ ᠶᠤᠸᠠᠨᠤ ᠭᠡᠷᠲᠤ ᠬᠦᠷᠴᠦ᠍ ᠪᠤᠯᠭᠤᠭᠠᠨ ᠦᠵᠡᠭ᠌ᠰᠡᠭᠡᠷ᠃ ᠪᠠᠰᠠ ᠦᠯᠵᠡᠢᠮᠦᠷᠡᠨ ᠰᠤᠮᠤᠨᠤ ᠠᠯᠳᠠᠩᠬᠤᠸᠠᠷ᠂ ᠭᠡᠷᠴᠢᠯᠠᠭᠤ ᠰᠤᠮᠤᠨᠤ ᠰᠡᠴᠡᠨᠳᠦ ᠵᠡᠷᠭᠡ ᠤᠯᠠᠨ ᠬᠦᠮᠦᠠᠢ ᠲᠤᠰᠠᠯᠠᠵᠠᠢ᠃
ᠰᠠᠴᠠᠩᠭᠤᠸᠠ᠄ 《ᠤᠳᠤ ᠠᠮᠢᠳᠤᠷᠠᠯ ᠰᠠᠢᠵᠢᠷᠠᠭ᠍ᠰᠠᠨ᠂ ᠬᠤᠪᠴᠠᠰᠤ ᠤᠶᠤᠭᠠᠳ ᠤᠯᠤᠭ᠍ᠰᠠᠠ ᠵᠤᠭᠤᠰᠢᠶᠠᠷᠢᠶᠠᠨ ᠪᠠᠷᠤᠭ ᠯᠡ ᠤᠯᠠᠩᠬᠢᠶ᠋ᠢᠨᠢ ᠠᠮᠢᠳᠤᠷᠠᠯ ᠬᠦᠴᠢᠷᠳᠠᠯᠳᠡᠢ ᠡᠷᠦᠬᠡ ᠪᠠ ᠡᠪᠡᠳᠴᠢᠨ ᠠᠷᠬᠠᠭᠲᠠᠢ ᠬᠦᠮᠦᠰᠢ ᠲᠤᠰᠠᠯᠠᠨ ᠲᠡᠮᠵᠢᠵᠦ᠍ ᠪᠠᠢᠨᠠ》 ᠭᠡᠵᠦ᠍ ᠪᠠᠢᠯᠠ᠃
ᠤᠢᠷᠠᠶ᠋ᠢᠨ ᠵᠢᠯ ᠰᠡᠴᠡᠩᠭᠤᠸᠠ ᠤᠷᠤᠨᠤ ᠲᠡᠰᠤᠨ 《ᠬᠠᠮᠤᠭ ᠭᠤᠶᠤ ᠭᠡᠷ ᠪᠦᠯᠢ》᠂ ᠬᠤᠳᠠᠶ᠋ᠢᠨ ᠲᠡᠰᠤᠨ 《〈5 · 1〉 ᠤ ᠬᠦᠳᠡᠯᠮᠦᠷᠢᠶ᠋ᠢᠨ ᠵᠢᠱ᠌ᠢᠶᠡᠴᠢ》᠂ 《ᠬᠠᠮᠤᠭ ᠭᠤᠶᠤ ᠡᠮᠡᠭ᠌ᠳᠡᠢ》᠂ ᠬᠤᠳᠠᠶ᠋ᠢᠨ ᠲᠡᠰᠤᠨ ᠮᠤᠩᠭᠤᠯ ᠤᠶᠤᠳᠠᠯ ᠬᠠᠳᠭᠤᠮᠠᠯᠤᠨ ᠪᠤᠳᠠᠰᠤᠨ ᠪᠤᠰᠤ ᠰᠤᠶᠤᠯᠤᠨ ᠦᠪᠤᠨ ᠤᠯᠠᠮᠵᠢᠯᠠᠭ᠍ᠴᠢ ᠵᠡᠷᠭᠡ ᠤᠯᠠᠨ ᠠᠷᠪᠢᠠ ᠢᠷᠠᠭᠤ ᠠᠯᠳᠠᠷᠢ ᠬᠦᠷᠳᠡᠵᠦ᠍᠂ ᠮᠤᠩᠭᠤᠯ ᠲᠡᠷᠯᠢᠭᠤᠨᠢᠶᠠᠨ ᠠᠭᠤᠵᠢᠮ ᠡᠩᠭᠡᠷᠢ ᠱᠠᠩᠨᠠᠯᠤᠨ ᠤᠳᠤᠳᠢᠶᠠᠷ ᠮᠢᠯᠢᠶᠠᠯᠭᠠᠵᠥ᠍ ᠶᠠᠪᠤᠨᠠ᠃
2008-2023 © ᠳᠤᠮᠳᠠᠳᠤ ᠤᠯᠤᠰᠤᠨ ᠮᠤᠩᠭᠤᠯ ᠬᠡᠯᠡᠨᠤ ᠰᠤᠨᠢᠨ ᠮᠡᠳᠡᠭᠡᠨᠤ ᠰᠦᠯᠵᠢᠶᠡ ᠦᠮᠴᠢᠯᠡᠯᠤᠨ ᠡᠷᠬᠡᠲᠠᠢ
ᠵᠤᠬᠢᠶᠠᠭᠴᠢᠶᠢᠨ ᠡᠷᠬᠡ ᠬᠠᠤᠯᠢᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤᠶᠢ ᠬᠠᠲᠠᠭᠤ ᠬᠤᠷᠢᠭᠯᠠᠨᠠ
ᠬᠠᠷᠢᠯᠴᠠᠬᠤ ᠤᠲᠠᠰᠤ᠄0471-6635435
ᠢᠮᠧᠯ᠄tn@mgyxw.net 蒙ICP备10000005号