ᠨᠠᠮᠤᠨ ᠦᠨᠳᠦᠰᠦᠲᠡᠨᠤ ᠲᠥᠷᠥᠶ᠋ᠢᠨ ᠪᠣᠳᠣᠯᠭᠠᠶ᠋ᠢ ᠪᠥᠬᠦ᠌ ᠲᠠᠯᠠᠪᠠᠷ ᠲᠤᠭᠤᠱᠢᠯᠠᠭᠤᠯᠵᠤ᠂ ᠦᠨᠳᠦᠰᠦᠲᠡᠨᠤ ᠪᠦᠯᠬᠦᠮᠳᠡᠯ ᠲᠠᠪᠱᠢᠯᠲᠠᠶ᠋ᠢᠨ ᠬᠥᠮᠦᠵᠢᠯᠢ ᠭᠦᠨᠵᠡᠭᠡᠢᠷᠡᠭᠦᠯᠦᠨ᠂ ᠳᠤᠮᠳᠠᠳᠤᠶ᠋ᠢᠨ ᠦᠨᠳᠦᠰᠦᠲᠡᠨᠤ ᠬᠠᠮᠲᠤ ᠴᠣᠭ᠍ᠴᠠᠶ᠋ᠢᠨ ᠤᠬᠠᠮᠰᠠᠷᠢ ᠪᠠᠲᠤ ᠴᠤᠭ᠍ᠴᠠᠯᠠᠵᠤ᠂ ᠦᠨᠳᠦᠰᠦᠲᠡᠨᠨᠦᠭᠦᠳᠤᠨ ᠶᠠᠪᠤᠯᠴᠠᠭᠠ ᠰᠣᠯᠢᠯᠴᠠᠭᠠ ᠠᠭᠤᠰᠤᠯᠴᠠᠯᠢ ᠴᠢᠩᠭᠠᠳᠭᠠᠨ᠂ ᠦᠨᠳᠦᠰᠦᠲᠡᠨᠨᠦᠭᠦᠳ ᠠᠨᠠᠷᠤᠨ ᠦᠷᠡ ᠱᠢᠭ ᠨᠢᠭ᠍ᠳᠠᠷᠠᠨ ᠪᠦᠯᠬᠦᠮᠳᠡᠵᠦ᠍᠂ ᠬᠠᠮᠳᠤᠪᠠᠷ ᠪᠦᠯᠬᠦᠮᠳᠡᠨ ᠲᠡᠮᠡᠴᠡᠵᠦ᠍᠂ ᠬᠠᠮᠲᠤᠪᠠᠷ ᠴᠡᠴᠡᠭ᠌ᠯᠡᠨ ᠬᠥᠭ᠌ᠵᠢᠬᠦ᠌ᠶ᠋ᠢ ᠠᠬᠢᠭᠤᠯᠤᠨᠠ᠃
— 《ᠰᠢᠶ᠋ᠢᠨ ᠫᠢᠩ ᠲᠦᠷᠦᠶ᠋ᠢ ᠵᠠᠰᠠᠵᠤ ᠵᠠᠰᠠᠭᠢ ᠡᠷᠬᠢᠯᠡᠬᠦ᠌ ᠲᠤᠬᠠᠢ ᠶᠠᠷᠢᠭ᠍ᠰᠠᠨᠨᠢ》 （ᠭᠤᠷᠪᠠᠳᠤᠭᠠᠷ ᠪᠣᠳᠢᠠᠴᠠ）
ᠳᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠲᠤ ᠨᠠᠮᠤᠨ ᠤᠳᠤᠷᠢᠳᠤᠯᠭᠠ ᠪᠣᠯ ᠦᠨᠳᠦᠰᠦᠲᠡᠨᠤ ᠠᠵᠢᠯᠤᠨ ᠠᠮᠵᠢᠯᠲᠠ ᠤᠯᠬᠤᠶ᠋ᠢᠨ ᠦᠨᠳᠦᠰᠦᠨ ᠪᠠᠲᠤᠯᠠᠭᠠ᠂ ᠮᠥᠨ ᠴᠦ᠍ ᠦᠨᠳᠦᠰᠦᠲᠡᠨᠨᠦᠭᠦᠳᠤᠨ ᠶᠡᠭᠡ ᠪᠦᠯᠬᠦᠮᠳᠡᠯᠤᠨ ᠦᠨᠳᠦᠰᠦᠨ ᠪᠠᠲᠤᠯᠠᠭᠠ ᠮᠦᠨ᠃
ᠪᠢᠳᠡ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠲᠤ ᠨᠠᠮᠤᠨ ᠤᠳᠤᠷᠢᠳᠤᠯᠭᠠᠶ᠋ᠢ ᠴᠢᠩᠭᠠ ᠪᠠᠷᠢᠮᠲᠠᠯᠠᠳᠠᠭ ᠯᠠ ᠶᠤᠮ ᠪᠣᠯ ᠶᠠᠮᠠᠷᠪᠠ ᠬᠦᠮᠦᠨ ᠶᠠᠮᠠᠷᠪᠠ ᠤᠯᠤᠰ ᠲᠥᠷᠥᠶ᠋ᠢᠨ ᠬᠦᠴᠦᠨ ᠭᠡᠳ ᠮᠠᠨᠤ ᠦᠨᠳᠦᠰᠦᠲᠡᠨᠤ ᠬᠠᠷᠢᠴᠠᠭᠠᠶ᠋ᠢ ᠬᠠᠳᠭᠤᠨ ᠵᠠᠪᠰᠠᠷᠳᠠᠭᠤᠯᠵᠤ ᠲᠡᠢᠯᠬᠦ᠌ ᠦᠭᠡᠢ᠂ ᠮᠠᠨᠤ ᠦᠨᠳᠦᠰᠦᠲᠡᠨᠤ ᠪᠦᠯᠬᠦᠮᠳᠡᠯ ᠨᠢᠭᠡᠲᠦᠯ ᠤᠯᠤᠰ ᠲᠥᠷᠥᠶ᠋ᠢᠨ ᠲᠠᠯᠠᠪᠠᠷ ᠭᠦᠢᠴᠡᠳ ᠪᠠᠲᠤᠯᠠᠭᠠᠲᠠᠢ ᠪᠠᠢᠵᠤ ᠴᠢᠳᠠᠨᠠ᠃
ᠦᠨᠳᠦᠰᠦᠲᠡᠨᠤ ᠭᠠᠵᠠᠷ ᠣᠷᠣᠨ ᠦᠨᠳᠦᠰᠦᠨ ᠱᠠᠲᠤᠨᠤ ᠨᠠᠮᠤᠨ ᠵᠣᠬᠢᠶᠠᠨ ᠪᠠᠢᠭᠤᠯᠤᠯᠲᠠᠶ᠋ᠢᠨ ᠴᠤᠭ᠍ᠴᠠᠯᠠᠯᠲᠠᠶ᠋ᠢ ᠴᠢᠬᠤᠯᠠᠴᠢᠯᠠᠵᠦ᠍᠂ ᠲᠡᠭᠦᠨᠢ ᠲᠤᠬᠠᠢᠶ᠋ᠢᠨ ᠭᠠᠵᠠᠷᠢ ᠴᠢᠨᠡᠭᠡᠯᠢᠭ᠌ᠵᠢᠭᠦᠯᠬᠦ᠂ ᠲᠤᠬᠠᠢᠶ᠋ᠢᠨ ᠭᠠᠵᠠᠷᠤᠨᠬᠢᠨᠢ ᠪᠦᠯᠬᠦᠮᠳᠡᠭᠦᠯᠬᠦ᠂ ᠲᠤᠬᠠᠢᠶ᠋ᠢᠨ ᠭᠠᠵᠠᠷᠢ ᠠᠮᠤᠷ ᠲᠤᠭ᠍ᠲᠠᠭᠤᠨ ᠪᠠᠢᠯᠭᠠᠬᠤ ᠡᠷᠡᠰ ᠴᠢᠩᠭᠠ ᠲᠠᠢᠴᠢᠨ ᠪᠠᠬᠢᠯᠡᠯᠲᠡ ᠪᠣᠯᠭᠠᠨ᠂ ᠨᠠᠮᠤᠨ ᠭᠡᠱᠢᠭᠦᠨ ᠨᠢᠭᠡᠪᠦᠷᠢᠶ᠋ᠢ ᠴᠥᠮ ᠪᠦᠯᠬᠦᠮᠳᠡᠯ ᠲᠣᠭ᠍ᠲᠠᠭᠤᠨᠢ ᠬᠠᠮᠠᠭᠠᠯᠠᠬᠤ᠂ ᠬᠠᠮᠲᠤᠪᠠᠷ ᠴᠢᠨᠡᠭᠡᠯᠢᠭ᠌ᠵᠢᠬᠦ᠌ᠶ᠋ᠢ ᠠᠬᠢᠭᠤᠯᠬᠤ ᠲᠤᠭ ᠪᠣᠯᠭᠠᠬᠤ ᠬᠡᠷᠡᠭ᠌ᠲᠡᠢ᠃
— ᠶᠡᠷᠦᠩᠬᠡᠢ ᠱᠦᠵᠢ ᠰᠢᠶ᠋ᠢᠨ ᠫᠢᠡᠭᠤᠨ 2014 ᠤᠨᠤ 9 ᠰᠠᠷᠠᠶ᠋ᠢᠨ 28 ᠤ ᠡᠳᠦᠷᠤᠨ ᠲᠦᠪᠤᠨ ᠦᠨᠳᠦᠰᠦᠲᠡᠨᠤ ᠠᠵᠢᠯᠤᠨ ᠬᠤᠷᠠᠯ ᠳᠡᠭᠡᠷᠡᠬᠢ ᠶᠠᠷᠢᠶᠠᠠᠴᠠ
ᠱᠢᠨᠡ ᠪᠠᠢᠳᠠᠯ ᠳᠣᠣᠷᠠᠬᠢ ᠦᠨᠳᠦᠰᠦᠲᠡᠨᠤ ᠠᠵᠢᠯᠢ ᠰᠠᠢᠲᠤᠷ ᠬᠢᠬᠦ᠌ᠳᠤ ᠡᠷᠬᠡᠪᠰᠢ ᠨᠠᠮᠤᠨ ᠦᠨᠳᠦᠰᠦᠲᠡᠨᠤ ᠠᠵᠢᠯᠳᠠᠬᠢ ᠤᠳᠤᠷᠢᠳᠤᠯᠭᠠᠶ᠋ᠢ ᠴᠢᠩᠭᠠᠳᠭᠠᠬᠤ ᠬᠡᠷᠡᠭ᠌ᠲᠡᠢ᠃ ᠡᠯᠡ ᠱᠠᠲᠤᠨᠤ ᠨᠠᠮᠤᠨ ᠬᠤᠷᠢᠶᠠ ᠦᠨᠳᠦᠰᠦᠲᠡᠨᠤ ᠠᠵᠢᠯᠢ ᠡᠳᠦᠷ ᠳᠣᠳᠣᠮᠤᠨ ᠴᠢᠬᠤᠯᠠ ᠵᠥᠪᠯᠡᠬᠦ᠌ ᠵᠦᠢᠯᠳᠡᠭᠡᠨ ᠣᠷᠣᠭᠤᠯᠵᠤ᠂ ᠦᠨᠳᠦᠰᠦᠲᠡᠨᠤ ᠠᠵᠢᠯᠢ ᠣᠢᠯᠠᠭᠠᠬᠤ ᠡᠰᠡᠬᠦ᠂ ᠦᠨᠳᠦᠰᠦᠲᠡᠨᠤ ᠪᠦᠯᠬᠦᠮᠳᠡᠯᠢ ᠠᠳᠭᠤᠵᠤ ᠴᠢᠳᠠᠬᠤ ᠡᠰᠡᠬᠦ᠌ᠪᠠᠷ ᠤᠳᠤᠷᠢᠳᠭᠤ ᠺᠠᠳ᠋ᠷᠢ ᠱᠢᠯᠭᠠᠨ ᠪᠠᠢᠴᠠᠭᠠᠬᠤ ᠴᠢᠬᠤᠯᠠ ᠠᠭᠤᠯᠭᠠ ᠪᠣᠯᠭᠠᠬᠤ ᠬᠡᠷᠡᠭ᠌ᠲᠡᠢ᠃
— ᠶᠡᠷᠦᠩᠬᠡᠢ ᠱᠦᠵᠢ ᠰᠢᠶ᠋ᠢᠨ ᠫᠢᠡᠭᠤᠨ 2019 ᠤᠨᠤ 9 ᠰᠠᠷᠠᠶ᠋ᠢᠨ 27 ᠤ ᠡᠳᠦᠷᠤᠨ ᠪᠦᠬᠦ᠌ ᠤᠯᠤᠰᠤᠨ ᠦᠨᠳᠦᠰᠦᠲᠡᠨᠤ ᠪᠦᠯᠬᠦᠮᠳᠡᠯ ᠳᠠᠪᠱᠢᠯᠲᠡᠶ᠋ᠢᠨ ᠬᠦᠬᠢᠭᠦᠯᠦᠨ ᠰᠠᠢᠱᠢᠶᠠᠬᠤ ᠶᠡᠭᠡ ᠬᠤᠷᠠᠯ ᠲᠡᠭᠡᠷᠡᠬᠢ ᠶᠠᠷᠢᠶᠠᠠᠴᠠ
ᠬᠦᠷᠡᠯ ᠰᠠᠪᠠ ᠪᠤᠯ ᠮᠠᠨᠤ ᠤᠯᠤᠰᠤᠨ ᠡᠷᠲᠡᠨᠤ ᠲᠦᠷᠦᠶ᠋ᠢᠨ ᠴᠢᠬᠤᠯᠠ ᠪᠠᠭᠠᠵᠢ ᠬᠡᠷᠡᠭ᠌ᠰᠡᠯ ᠪᠤᠯᠤᠨᠠ᠂ ᠱᠠᠩ ᠤᠯᠤᠰᠠᠴᠠ ᠵᠡᠭᠦᠨ ᠵᠧᠦ ᠬᠦᠷᠲᠡᠯᠡᠬᠢ ᠴᠠᠭ ᠦᠶᠡᠳᠤ ᠬᠤᠭᠤᠯᠠ ᠪᠤᠳᠠᠭᠠ ᠠᠶᠠᠭᠠᠯᠠᠬᠤ ᠬᠡᠷᠡᠭ᠌ᠰᠡᠯ ᠪᠤᠶᠤ ᠶᠤᠰᠤᠯᠠᠯᠤᠨ ᠬᠡᠷᠡᠭ᠌ᠰᠡᠯ （ᠲᠠᠬᠢᠯᠭᠠᠶ᠋ᠢᠨ ᠡᠳ᠋ ᠰᠠᠪᠠᠯᠠᠬᠤᠳᠤ ᠬᠡᠷᠡᠭ᠌ᠯᠡᠳᠡᠭ） ᠤᠨ ᠬᠤᠪᠢᠳᠤ ᠦᠷᠭᠡᠨᠢᠶᠠᠷ ᠬᠡᠷᠡᠭ᠌ᠯᠡᠭ᠌ᠳᠡᠵᠦ᠍ ᠪᠠᠢᠵᠠᠢ᠃
ᠤᠯᠠᠨ ᠵᠠᠭᠤᠨ ᠵᠢᠯᠤᠨ ᠲᠠᠷᠠᠭᠠᠬᠢ ᠦᠨᠦᠳᠦᠷ᠂ ᠮᠠᠨᠤ ᠤᠯᠤᠰᠠᠴᠠ ᠮᠠᠯᠲᠠᠵᠤ ᠢᠯᠡᠷᠡᠭᠦᠯᠦᠭ᠌ᠰᠡᠨ ᠵᠧᠦ ᠤᠯᠤᠰ ᠴᠦᠨ ᠴᠢᠦᠶ᠋ᠢᠨ ᠦᠶᠡᠶ᠋ᠢᠨ ᠬᠦᠷᠡᠯ ᠰᠠᠪᠠ ᠲᠤᠩ ᠴᠦᠬᠡᠨ᠃ ᠤᠯᠠᠭᠠᠨᠬᠠᠳᠠ ᠬᠤᠲᠠᠶ᠋ᠢᠨ ᠨᠢᠩᠴᠧᠩ ᠱᠢᠶᠠᠨᠤ ᠯᠢᠶᠣᠣ ᠤᠯᠤᠰᠤᠨ ᠲᠤᠮᠳᠠᠳᠤ ᠨᠡᠢᠰᠯᠡᠯᠤᠨ ᠮᠦᠽᠧᠢᠳᠤ ᠳᠡᠯᠡᠬᠡᠢᠳᠤ ᠬᠤᠪᠣᠷᠬᠠᠨ 《ᠱᠢᠦᠢ ᠤᠯᠤᠰᠤᠨ ᠵᠢᠶᠠᠩ ᠤᠪᠤᠭ᠍ᠳᠤᠶ᠋ᠢᠨ ᠤᠳᠭᠤᠨ ᠬᠦᠪᠡᠭᠦᠨᠤ ᠬᠢᠭ᠌ᠰᠡᠨ ᠬᠤᠨᠳᠠᠭᠠ ᠬᠦᠷᠡᠯ ᠰᠠᠪᠠᠶ᠋ᠢ ᠦᠷᠡ ᠠᠴᠢᠨᠠᠷ ᠪᠤᠯᠤᠭ᠍ᠰᠠᠳ ᠲᠦᠮᠡᠨ ᠦᠶᠡ ᠬᠠᠳᠠᠭᠠᠯᠠᠨ ᠬᠡᠷᠡᠭ᠌ᠯᠡᠮᠦ᠍》 ᠭᠡᠮᠡᠬᠦ᠌ ᠠᠭᠤᠯᠭᠠ ᠪᠦᠬᠦᠢ ᠬᠢᠳᠠᠳ ᠦᠰᠦᠭ ᠰᠡᠢᠯᠦᠭ᠌ᠰᠡᠨ ᠲᠦᠷᠪᠡᠯᠵᠢᠨ ᠰᠠᠭᠤᠳᠠᠯᠳᠤ ᠬᠦ᠍ᠷᠡᠯ ᠰᠠᠪᠠ ᠬᠠᠳᠠᠭᠠᠯᠠᠰᠤᠳᠠᠢ ᠪᠠᠢᠳᠠᠬ᠃
ᠡᠨᠡ ᠬᠦ᠌ ᠬᠦᠷᠡᠯ ᠰᠠᠪᠠ ᠪᠣᠯ ᠱᠢᠨᠡ ᠳᠤᠮᠳᠠᠳᠤ ᠤᠯᠤᠰ ᠪᠠᠢᠭᠤᠯᠤᠭ᠍ᠳᠠᠭ᠍ᠰᠠᠨᠠᠴᠠ ᠨᠠᠭᠠᠱᠢᠬᠢ ᠤᠮᠠᠷᠠᠲᠤ ᠣᠷᠣᠨᠳᠤ ᠢᠯᠡᠷᠡᠭᠦᠯᠦᠭ᠌ᠰᠡᠨ ᠬᠠᠮᠤᠭᠤᠨ ᠦᠨᠡ ᠥᠷᠲᠡᠭᠲᠠᠢ ᠬᠦᠷᠡᠯ ᠰᠠᠪᠠ ᠪᠣᠯᠤᠨᠠ᠃ ᠲᠡᠭᠦᠨᠳᠤ ᠮᠠᠨᠤ ᠤᠯᠤᠰᠤᠨ ᠡᠷᠲᠡᠨᠠᠴᠠ ᠨᠠᠭᠠᠱᠢᠬᠢ ᠶᠣᠰᠣᠯᠠᠯ ᠬᠦ᠍ᠭ᠌ᠵᠢᠮᠤᠨ ᠰᠣᠶᠣᠯ ᠵᠢᠴᠢ ᠲᠠᠷᠢᠶᠠᠯᠠᠬᠤ ᠪᠣᠯᠪᠠᠰᠤᠨ ᠪᠣᠯᠤᠨ ᠨᠡᠭᠦᠳᠡᠯ ᠮᠠᠯᠵᠢᠯᠤᠨ ᠪᠣᠯᠪᠠᠰᠤᠨᠤ ᠮᠥᠷᠭᠦᠯᠲᠦᠭᠡᠨ᠂ ᠰᠣᠯᠢᠯᠴᠠᠭᠠᠨᠤ ᠤᠯᠠ ᠮᠥᠷ ᠨᠢᠭᠤᠭ᠍ᠳᠠᠵᠤ ᠪᠣᠢ᠃
ᠳ᠋ᠦᠡᠭ᠌ᠬᠤᠶ᠋ᠢᠨ ᠪᠤᠯᠠᠱᠢᠨᠠᠴᠠ ᠵᠦᠡᠭ᠌ᠶᠤᠸᠠᠨ ᠤᠷᠤᠨᠤ ᠶᠤᠰᠤᠯᠠᠯᠤᠨ ᠪᠠᠭᠠᠵᠢ ᠤᠯᠳᠠᠪᠠ
ᠴᠦᠨ ᠴᠢᠦᠶ᠋ᠢᠨ ᠦᠶᠡᠶ᠋ᠢᠨ ᠱᠢᠦᠢ ᠤᠯᠤᠰᠤᠨ ᠬᠦᠷᠡᠯ ᠰᠠᠪᠠᠨᠢ ᠫᠠᠯᠠᠭᠠᠷ ᠠᠮᠠᠰᠠᠷᠲᠠᠢ᠂ ᠬᠡᠪᠡᠯᠢᠶ᠋ᠢᠨ ᠬᠡᠰᠡᠭᠢᠶᠠᠷᠢᠶᠠᠨ ᠭᠦᠳᠦ᠋ᠢᠭ᠌ᠰᠡᠨ ᠮᠦᠷᠳᠡᠭᠡᠨ ᠵᠢᠭᠠᠬᠠᠨ ᠤᠨᠵᠢᠭᠠᠷ ᠪᠠᠢᠵᠤ᠂ ᠴᠠᠭᠠᠷᠢᠭ ᠰᠠᠭᠤᠷᠢ᠂ ᠳᠥᠷᠪᠡᠯᠵᠢᠨ ᠰᠠᠭᠤᠳᠠᠯᠲᠠᠢ᠂ ᠠᠷᠢᠶᠠᠲᠠᠨᠤ ᠴᠢᠬᠢᠶ᠋ᠢᠨ ᠬᠡᠯᠪᠡᠷᠢ ᠪᠦᠬᠦᠢ ᠬᠤᠤᠰ ᠰᠡᠨᠵᠢᠲᠠᠢ᠂ ᠵᠢᠭ᠌ᠲᠡ ᠵᠢᠷᠤᠭᠠᠰᠤᠶ᠋ᠢᠨ ᠬᠡᠲᠠᠢ ᠪᠠᠢᠵᠤ᠂ ᠬᠦᠷᠡᠯ ᠰᠠᠪᠠᠶ᠋ᠢᠨ ᠢᠷᠤᠭᠠᠷᠲᠤᠨᠢ 《ᠱᠢᠦᠢ ᠤᠯᠤᠰᠤᠨ ᠵᠢᠶᠠᠩ ᠤᠪᠤᠭ᠍ᠳᠤᠶ᠋ᠢᠨ ᠤᠳᠭᠤᠨ ᠬᠦᠪᠡᠭᠦᠨᠤ ᠬᠢᠭ᠌ᠰᠡᠨ ᠬᠤᠨᠳᠠᠭᠠ ᠬᠦᠷᠡᠯ ᠰᠠᠪᠠᠶ᠋ᠢ ᠦᠷᠡ ᠠᠴᠢᠨᠠᠷ ᠪᠤᠯᠤᠭ᠍ᠰᠠᠳ ᠲᠦᠮᠡᠨ ᠦᠶᠡ ᠬᠠᠳᠠᠭᠠᠯᠠᠨ ᠬᠡᠷᠡᠭ᠌ᠯᠡᠮᠦ᠍》 ᠬᠡᠮᠡᠬᠦ᠌ 3 ᠮᠥᠷ 16 ᠦᠰᠦᠭ ᠬᠦᠷᠡᠯᠤᠨ ᠪᠢᠴᠢᠭᠡᠰᠦᠲᠠᠢ᠂ ᠥᠨᠳᠥᠷᠢᠶᠠᠷᠢᠶᠠᠨ 25.4 ᠰᠡᠨᠲ᠋ᠢᠮᠧᠲᠷ᠂ ᠥᠷᠭᠡᠨᠢᠶᠠᠷᠢᠶᠠᠨ 34.6 ᠰᠡᠨᠲ᠋ᠢᠮᠧᠲᠷ᠂ ᠠᠮᠠᠰᠠᠷᠤᠨ ᠳ᠋ᠢᠶᠠᠮᠧᠲᠷᠨᠢ 30 ᠰᠡᠨᠲ᠋ᠢᠮᠧᠲᠷ ᠪᠠᠢᠵᠤ᠂ ᠤᠯᠤᠰᠤᠨ ᠨᠢᠭᠡᠳᠦᠭᠡᠷ ᠳᠡᠰᠤᠨ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠡᠳ᠋ ᠪᠣᠯᠤᠨᠠ᠃
《ᠱᠢᠦᠢ ᠤᠯᠤᠰᠤᠨ ᠬᠦᠷᠡᠯ ᠰᠠᠪᠠᠶ᠋ᠢ 1985 ᠣᠨᠳᠤ ᠮᠠᠯᠳᠠᠵᠤ ᠢᠯᠡᠷᠡᠭᠦᠯᠵᠡᠢ᠂ ᠵᠦᠡᠭ᠌ᠶᠤᠸᠠᠨ ᠤᠷᠤᠨᠤ ᠨᠡᠢᠲᠡᠯᠢᠭ ᠰᠣᠶᠣᠯᠤᠨ ᠣᠨᠴᠠᠯᠢᠭᠲᠠᠢ᠃ ᠪᠢ ᠡᠨᠡ ᠬᠦ᠌ ᠬᠦᠷᠡᠯ ᠰᠠᠪᠠᠶ᠋ᠢ ᠮᠠᠯᠲᠠᠨ ᠢᠯᠡᠷᠡᠭᠦᠯᠦᠭ᠌ᠰᠡᠨ ᠴᠠᠭᠠᠴᠠ ᠡᠬᠢᠯᠡᠭᠡᠳ ᠳᠡᠯᠡᠬᠡᠢᠶ᠋ᠢᠨ ᠬᠥᠮᠦᠰᠤᠨ ᠠᠩᠬᠠᠷᠤᠯᠳᠤ ᠬᠦᠷᠬᠦ᠌ ᠪᠦᠬᠦ᠌ ᠶᠠᠪᠤᠴᠠᠳᠤ ᠣᠷᠣᠯᠴᠠᠭ᠍ᠰᠠᠨ ᠪᠥᠭᠡᠳ ᠬᠦᠷᠡᠯ ᠰᠠᠪᠠᠶ᠋ᠢᠨ ᠲᠤᠬᠠᠢ ᠬᠤᠶᠠᠷ ᠵᠣᠬᠢᠶᠠᠯ ᠨᠡᠢᠲᠡᠯᠡᠭ᠌ᠰᠡᠨᠳᠡᠭᠡᠨ ᠰᠡᠳᠭᠢᠯ ᠬᠠᠨᠤᠮᠵᠢᠳᠠᠢ ᠪᠠᠢᠨᠠ》 ᠭᠡᠵᠦ᠍ 85 ᠨᠠᠰᠤᠲᠠᠢ᠂ ᠠᠵᠢᠯᠠᠴᠠᠪᠠᠨ ᠠᠮᠠᠷᠠᠭ᠍ᠰᠠᠨ ᠤᠯᠠᠭᠠᠨᠬᠠᠳᠠᠶ᠋ᠢᠨ ᠮᠦᠽᠧᠢᠶ᠋ᠢᠨ ᠤᠤᠯᠤᠨ ᠳᠠᠷᠤᠭᠠ ᠪᠠᠢᠭ᠍ᠰᠠᠨ ᠱᠢᠶᠠᠩ ᠴᠦᠨ ᠰᠥᠩ ᠨᠠᠰᠤᠲᠠᠨ ᠲᠤᠬᠠᠢᠶ᠋ᠢᠨ ᠵᠢᠯᠤᠨ ᠮᠠᠯᠳᠠᠯᠭᠠ ᠪᠠ ᠡᠮᠬᠢᠳᠭᠡᠬᠦ᠌ ᠠᠵᠢᠯᠳᠤ ᠣᠷᠣᠯᠴᠠᠭ᠍ᠰᠠᠨᠢᠶᠠᠨ ᠡᠷᠭᠢᠴᠡᠭᠦᠯᠦᠨ ᠶᠠᠷᠢᠨᠠ᠃
1985 ᠣᠨᠤ 4 ᠰᠠᠷᠠᠶ᠋ᠢᠨ ᠡᠬᠢᠪᠠᠷ᠂ ᠨᠢᠩᠴᠧᠩ ᠱᠢᠶᠠᠨᠤ ᠳ᠋ᠢᠶᠠᠨ ᠽᠢ ᠱᠢᠶᠠᠩᠤᠨ ᠱᠢᠶᠣᠤ ᠾᠸᠢ ᠱ᠌ᠢ ᠭᠧᠦ ᠲᠣᠰᠭᠤᠨᠤ ᠲᠠᠷᠢᠶᠠᠴᠢᠨ ᠱᠢᠷᠣᠢ ᠲᠡᠭᠡᠭᠡᠵᠦ᠍ ᠪᠠᠢᠬᠤᠳᠤ ᠬᠡᠨᠡᠳᠲᠡ ᠱᠢᠷᠦᠢᠶ᠋ᠢᠨ ᠲᠤᠪᠤ ᠨᠤᠷᠠᠵᠤ᠂ ᠨᠢᠭᠡᠨ ᠴᠢᠯᠠᠭᠤᠨ ᠠᠪᠰᠠᠲᠠᠢ ᠪᠤᠯᠠᠰᠢ ᠪᠠ ᠮᠠᠰᠢ ᠣᠯᠠᠨ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠢᠯᠡᠰ ᠢᠯᠡᠷᠡᠪᠡ᠃
ᠲᠣᠰᠭᠤᠨᠤ ᠵᠥᠪᠯᠡᠯ ᠡᠨᠡ ᠬᠦ᠌ ᠪᠠᠢᠳᠠᠯᠢ ᠮᠡᠳᠡᠭ᠌ᠰᠡᠨᠤ ᠳᠠᠷᠠᠭᠠ᠂ ᠬᠥᠮᠦᠨ ᠲᠣᠮᠢᠯᠠᠨ ᠪᠤᠯᠢᠶᠠᠬᠤ ᠠᠵᠢᠯᠯᠠᠭᠠᠶ᠋ᠢ ᠴᠢᠩᠭᠠ ᠰᠡᠷᠭᠡᠢᠯᠡᠬᠦ᠌ᠶ᠋ᠢᠨ ᠵᠡᠷᠭᠡᠪᠡᠷ ᠳᠡᠭᠡᠷᠠ ᠱᠠᠳᠤᠨᠳᠤ ᠮᠡᠳᠡᠭᠦᠯᠪᠡ᠃ ᠤᠳᠠᠯ ᠦᠭᠡᠢ ᠱᠢᠶᠠᠩᠤᠨ ᠵᠠᠰᠠᠭᠤᠨ ᠣᠷᠳᠣᠨ᠂ ᠨᠢᠩᠴᠧᠩ ᠱᠢᠶᠠᠨᠤ ᠰᠣᠶᠣᠯᠤᠨ ᠲᠣᠪᠴᠢᠶᠠ᠂ ᠤᠯᠠᠭᠠᠨᠬᠠᠳᠠ ᠬᠤᠲᠠᠶ᠋ᠢᠨ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠢᠯᠡᠰᠤᠨ ᠠᠵᠢᠯᠤᠨ ᠥᠷᠲᠡᠭᠡ （ᠣᠳᠣᠶ᠋ᠢᠨ ᠤᠯᠠᠭᠠᠨᠬᠠᠳᠠ ᠬᠤᠲᠠᠶ᠋ᠢᠨ ᠮᠦᠽᠧᠢ） ᠵᠡᠷᠭᠡ ᠬᠠᠮᠢᠶᠠ ᠪᠦᠬᠦᠢ ᠰᠠᠯᠠᠭᠠ ᠮᠥᠴᠢᠷᠤᠨ ᠠᠵᠢᠯᠲᠠᠳ ᠲᠤᠬᠠᠢᠶ᠋ᠢᠨ ᠲᠠᠯᠠᠪᠠᠢᠳᠤ ᠬᠦᠷᠴᠦ᠍ ᠪᠤᠯᠠᠰᠢᠶ᠋ᠢ ᠬᠠᠢᠨ ᠱᠢᠨᠵᠢᠯᠡᠬᠦ᠌ᠶ᠋ᠢᠨ ᠲᠠᠭᠠᠤ ᠬᠤᠪᠢ ᠬᠦᠮᠦᠨᠤ ᠠᠪᠠᠴᠢᠭ᠍ᠰᠠᠨ ᠪᠣᠢ ᠪᠦᠬᠦᠢ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠢᠯᠡᠰᠢ ᠤᠯᠵᠦ᠍ ᠠᠪᠴᠢᠷᠠᠪᠠ᠃
ᠤᠯᠠᠭᠠᠨᠬᠠᠳᠠ ᠬᠤᠲᠠᠶ᠋ᠢᠨ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠢᠯᠡᠰᠤᠨ ᠠᠵᠢᠯᠤᠨ ᠥᠷᠲᠡᠭᠡᠶ᠋ᠢᠨ ᠳᠠᠷᠤᠭᠠ ᠪᠠᠢᠭ᠍ᠰᠠᠨ ᠱᠢᠶᠠᠩ ᠴᠦᠨ ᠰᠥᠩ ᠪᠠᠰᠠ ᠲᠤᠬᠠᠢᠶ᠋ᠢᠨ ᠲᠠᠯᠠᠪᠠᠢᠳᠤ ᠬᠦᠷᠴᠦ᠍ ᠪᠤᠯᠠᠱᠢᠨᠤ ᠮᠠᠯᠲᠠᠯᠭᠠᠳᠤ ᠣᠷᠣᠯᠴᠠᠪᠠ᠃ ᠤᠳᠠᠭᠠᠨ ᠬᠤᠨᠤᠭᠤᠨ ᠮᠠᠯᠳᠠᠯᠭᠠᠪᠠᠷ ᠲᠠᠮᠵᠢᠵᠤ᠂ 20 ᠱᠢᠷᠬᠡᠭ ᠶᠤᠰᠤᠯᠠᠯᠤᠨ ᠬᠦᠷᠡᠯ ᠪᠠᠭᠠᠵᠢ᠂ 10 ᠴᠢᠯᠠᠭᠤᠨ ᠪᠠᠭᠠᠵᠢ᠂ 70 ᠭᠠᠷᠤᠢ ᠲᠡᠷᠭᠡ ᠮᠣᠷᠢᠨᠤ ᠡᠳ᠋ᠯᠡᠯ᠂ 28 ᠱᠢᠷᠬᠡᠭ ᠬᠦᠷᠡᠯ ᠵᠡᠪᠰᠡᠭ ᠵᠡᠷᠭᠡ ᠣᠯᠠᠨ ᠲᠥᠷᠥᠯᠤᠨ ᠲᠠᠭᠠᠭᠤᠯᠤᠨ ᠤᠷᠤᠱᠢᠭᠤᠯᠤᠭ᠍ᠰᠠᠨ 400 ᠭᠠᠷᠤᠢ ᠬᠡᠷᠡᠭ᠌ᠰᠡᠯᠢ ᠮᠠᠯᠳᠠᠨ ᠴᠤᠭ᠍ᠯᠠᠭᠤᠯᠪᠠ᠂ ᠱᠢᠦᠢ ᠤᠯᠤᠰᠤᠨ ᠬᠦᠷᠡᠯ ᠰᠠᠪᠠ ᠲᠠᠷᠤᠢ ᠡᠭᠦᠨᠳᠤ ᠪᠠᠭ᠍ᠳᠠᠵᠤ ᠪᠤᠢ᠃
ᠬᠡᠳᠦ᠋ᠢᠪᠡᠷ ᠣᠨ ᠵᠢᠯ ᠦᠡᠭ᠌ᠭᠡᠷᠡᠵᠦ᠍᠂ ᠮᠤᠳᠤᠨ ᠠᠪᠰᠠ ᠪᠠ ᠪᠤᠯᠠᠰᠢᠶ᠋ᠢᠨ ᠡᠵᠡᠨᠤ ᠬᠡᠭᠦᠷ ᠪᠡᠶᠡᠨᠢ ᠢᠯᠵᠢᠷᠡᠵᠦ᠍᠂ ᠢᠯᠭᠠᠨ ᠲᠠᠨᠢᠭ᠍ᠳᠠᠬᠤ ᠦᠭᠡᠢ ᠪᠤᠯᠤᠭ᠍ᠰᠠᠨ ᠪᠣᠯᠪᠠᠴᠤ᠌᠂ ᠮᠠᠯᠲᠠᠵᠤ ᠢᠯᠡᠷᠡᠭᠦᠯᠦᠭ᠌ᠰᠡᠨ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠢᠯᠡᠰᠤᠨ ᠲᠤᠭᠠ᠂ ᠬᠤᠪᠤᠷ ᠴᠤᠬᠠᠭᠤᠨ ᠬᠡᠮᠵᠢᠶᠡ ᠵᠢᠴᠢ ᠬᠡᠪ ᠨᠠᠮᠪᠠᠶ᠋ᠢᠨᠢ ᠦᠨᠳᠦᠰᠦᠯᠡᠪᠡᠯ᠂ ᠡᠨᠡ ᠬᠦ᠌ ᠴᠢᠯᠠᠭᠤᠨ ᠠᠪᠰᠠᠲᠠᠢ ᠪᠤᠯᠠᠰᠢᠨᠢ ᠪᠠᠷᠤᠭ ᠱᠢᠶᠠ ᠵᠢᠶᠠ ᠳ᠋ᠢᠶᠠᠨᠤ ᠳᠡᠭᠡᠳᠦ ᠳᠠᠪᠬᠤᠷᠭᠠᠶ᠋ᠢᠨ ᠰᠣᠶᠣᠯᠤᠨ ᠴᠠᠭ ᠦᠶᠡᠳᠤ ᠤᠷᠤᠱᠢᠵᠤ ᠪᠠᠢᠭ᠍ᠰᠠᠨ ᠪᠠ ᠳ᠋ᠦᠡᠭ᠌ᠬᠤᠶ᠋ᠢᠨ ᠢᠵᠠᠭᠤᠷᠲᠠᠨᠤ ᠪᠤᠯᠠᠰᠢ ᠮᠦᠨ ᠭᠡᠳᠡᠭᠨᠢ ᠲᠤᠳᠤᠷᠬᠠᠢ》 ᠭᠡᠵᠦ᠍ ᠱᠢᠶᠠᠩ ᠴᠦᠨ ᠰᠥᠩ ᠬᠡᠯᠡᠪᠡ᠃
ᠬᠤᠶᠠᠷ ᠵᠦᠢᠯᠤᠨ ᠠᠳᠠᠯᠢ ᠪᠤᠰᠤ ᠰᠣᠶᠣᠯᠤᠨ ᠬᠡᠪ ᠨᠠᠮᠪᠠ ᠪᠦ᠍ᠬᠦᠢ ᠣᠷᠣᠱᠢᠭᠤᠯᠭᠠᠶ᠋ᠢᠨ ᠡᠳ᠋
ᠰᠤᠷᠪᠤᠯᠵᠢ ᠪᠢᠴᠢᠭᠲᠤ ᠲᠡᠮᠳᠡᠭ᠌ᠯᠡᠭ᠌ᠰᠡᠨᠢᠶᠠᠷ᠂ ᠱᠢᠶᠨ ᠵᠢᠶᠨ ᠳ᠋ᠢᠶᠠᠨᠤ ᠳᠡᠭᠡᠳᠦ ᠳᠠᠪᠬᠤᠷᠭᠠᠶ᠋ᠢᠨ ᠰᠣᠶᠣᠯᠤᠨ ᠴᠠᠭ ᠦᠶᠡᠳᠤ ᠳ᠋ᠦᠡᠭ᠌ᠬᠤᠶ᠋ᠢᠨ ᠦᠯᠡᠳᠡᠭ᠌ᠳᠡᠯᠨᠢ ᠭᠤᠣᠯᠳᠠᠭᠤ ᠯᠢᠶᠣᠤᠾᠧ ᠭᠤᠣᠯᠤᠨ ᠳᠡᠭᠡᠳᠦ ᠤᠷᠤᠰᠭᠠᠯ᠂ ᠲᠠᠷᠤᠢ ᠣᠳᠣᠶ᠋ᠢᠨ ᠤᠯᠠᠭᠠᠠᠬᠠᠳᠡ ᠬᠤᠲᠠᠶ᠋ᠢᠨ ᠬᠢᠯᠢᠳᠤ ᠲᠠᠷᠬᠠᠵᠤ᠂ ᠨᠢᠩᠴᠧᠩ ᠱᠢᠶᠠᠨᠤ ᠨᠠᠨ ᠱᠠᠨ ᠭᠧᠨ ᠲᠤᠰᠭᠤᠨ ᠪᠠ ᠤᠢ᠍ᠢᠷᠠ ᠬᠠᠪᠢᠶ᠋ᠢᠨ ᠠᠷᠪᠠ ᠭᠠᠷᠤᠢ ᠺᠢᠯᠣᠮᠧᠲᠷ ᠵᠠᠢᠲᠠᠢ ᠪᠠᠢᠬᠤ ᠱᠢᠶᠤᠤ ᠾᠸᠢ ᠱ᠌ᠢ ᠭᠧᠦ ᠠᠭᠤᠯᠠᠷᠬᠠᠭ ᠣᠷᠣᠨ ᠪᠣᠯ ᠤᠷᠤᠱᠢᠨ ᠠᠮᠢᠳᠤᠷᠠᠵᠤ ᠪᠠᠢᠭ᠍ᠰᠠᠨ ᠲᠦᠪ ᠤᠷᠤᠨ ᠪᠣᠯᠤᠨᠠ᠃
ᠮᠠᠯᠲᠠᠨ ᠢᠯᠡᠷᠡᠭᠦᠯᠦᠭ᠌ᠰᠡᠨ 400 ᠭᠠᠷᠤᠢ ᠱᠢᠷᠬᠡᠭ ᠲᠡᠦᠬᠡᠨ ᠳᠤᠷᠠᠰᠭᠠᠯᠲᠤ ᠵᠦᠢᠯᠡᠰᠢ ᠱᠢᠨᠵᠢᠪᠡᠯ᠂ ᠬᠤᠶᠠᠷ ᠲᠤᠮᠤ ᠰᠣᠶᠣᠯᠤᠨ ᠱᠢᠰᠲ᠋ᠧᠮᠳᠤ ᠬᠠᠷᠢᠶᠠᠯᠠᠭ᠍ᠳᠠᠬᠤᠨᠢ ᠲᠤᠳᠤᠷᠬᠠᠢ᠃ ᠨᠢᠭᠡᠨᠢ ᠤᠮᠠᠷᠠᠲᠤᠶ᠋ᠢᠨ ᠳ᠋ᠦᠡᠭ᠌ᠬᠤ ᠤᠭ᠍ᠰᠠᠭᠠᠨᠤ ᠲᠤᠰ ᠪᠡᠶᠡᠶ᠋ᠢᠨᠬᠢᠨ ᠰᠣᠶᠣᠯᠤᠨ ᠱᠢᠰᠲ᠋ᠧᠮᠳᠤ ᠪᠠᠭ᠍ᠳᠠᠨᠠ᠂ ᠲᠤᠬᠠᠢᠯᠠᠪᠠᠯ ᠵᠠᠯᠭᠠᠯᠳᠤᠭ᠍ᠰᠠᠨ ᠬᠤᠤᠰ ᠪᠤᠳᠤᠩ᠂ ᠵᠠᠯᠭᠠᠯᠳᠤᠭ᠍ᠰᠠᠨ ᠲᠦᠷᠪᠡᠨ ᠪᠤᠳᠤᠩ᠂ ᠭᠤᠷᠪᠠᠨ ᠬᠦᠯᠳᠦ ᠰᠠᠪᠠ᠂ ᠵᠠᠯᠭᠠᠯᠳᠤᠭ᠍ᠰᠠᠨ ᠦᠨᠳᠦᠷ ᠬᠦᠯᠲᠦ ᠵᠢᠷᠭᠤᠭᠠᠨ ᠲᠠᠪᠠᠭ ᠵᠡᠷᠭᠡ᠃ ᠡᠭᠦᠨᠳᠤ ᠦᠢᠯᠡᠳᠪᠦᠷᠢᠯᠡᠯᠤᠨ ᠪᠠᠭᠠᠵᠢ ᠬᠡᠷᠡᠭ᠌ᠰᠡᠯ᠂ ᠠᠮᠢᠲᠠᠨᠤ ᠬᠡᠲᠠᠢ ᠵᠠᠰᠠᠯ ᠴᠢᠮᠡᠭ᠌ᠯᠡᠯᠤᠨ ᠡᠳ᠋᠂ ᠲᠡᠷᠭᠡ ᠮᠣᠷᠢᠨᠤ ᠬᠡᠷᠡᠭ᠌ᠰᠡᠯ ᠵᠡᠷᠭᠡᠨᠢ ᠪᠤᠯ ᠳ᠋ᠦᠡᠭ᠌ᠬᠤ ᠪᠤᠶᠤ ᠱᠢᠶᠨ ᠵᠢᠶᠨ ᠳ᠋ᠢᠶᠠᠨᠤ ᠳᠡᠭᠡᠳᠦ ᠳᠠᠪᠬᠤᠷᠭᠠᠶ᠋ᠢᠨ ᠰᠣᠶᠣᠯᠳᠤ ᠤᠨᠴᠠ ᠪᠠᠢᠳᠠᠭ ᠪᠠᠭᠠᠵᠢ ᠬᠡᠷᠡᠭ᠌ᠰᠡᠯ ᠪᠤᠯᠤᠨᠠ᠃ ᠨᠦᠭᠦᠭᠡᠨᠢ ᠵᠦᠩᠶᠤᠸᠠᠨ ᠤᠷᠤᠨᠤ ᠰᠣᠶᠣᠯᠤᠨ ᠱᠢᠰᠲ᠋ᠧᠮᠳᠤ ᠪᠠᠭ᠍ᠳᠠᠨᠠ᠂ ᠵᠢᠱ᠌ᠢᠶᠡᠯᠡᠪᠡᠯ ᠬᠤᠨᠳᠠᠭᠠ᠂ ᠲᠦᠷᠪᠡᠯᠵᠢᠨ ᠬᠦᠯᠢᠰ ᠪᠣᠯᠤᠨ ᠱᠢᠦᠢ ᠤᠯᠤᠰᠤᠨ ᠬᠦᠷᠡᠯ ᠰᠠᠪᠠ ᠵᠡᠷᠭᠡ᠃
《ᠱᠢᠦᠢ ᠤᠯᠤᠰᠤᠨ ᠬᠦᠷᠡᠯ ᠰᠠᠪᠠ ᠪᠣᠯ ᠱᠢᠨᠡ ᠳᠤᠮᠳᠠᠳᠤ ᠤᠯᠤᠰ ᠪᠠᠢᠭᠤᠯᠤᠭ᠍ᠳᠠᠭ᠍ᠰᠠᠨᠠᠴᠠ ᠨᠠᠭᠠᠱᠢᠬᠢ ᠵᠡᠭᠦᠨ ᠬᠤᠢᠲᠤ ᠣᠷᠣᠨᠤ ᠱᠢᠶᠠ ᠵᠢᠶᠠ ᠳ᠋ᠢᠶᠠᠨᠤ ᠳᠡᠭᠡᠳᠦ ᠳᠠᠪᠬᠤᠷᠭᠠᠶ᠋ᠢᠨ ᠰᠣᠶᠣᠯᠤᠨ ᠪᠠᠭᠤᠷᠢᠠᠴᠠ ᠮᠠᠯᠳᠠᠵᠤ ᠢᠯᠡᠷᠡᠭᠦᠯᠦᠭ᠌ᠰᠡᠨ ᠬᠦᠷᠡᠯ ᠪᠠᠭᠠᠵᠢᠶ᠋ᠢᠨ ᠲᠤᠳᠤᠷᠠᠠᠴᠠ ᠬᠠᠮᠤᠭᠤᠨ ᠠᠩᠬᠠ ᠢᠯᠡᠷᠡᠭᠦᠯᠦᠭ᠌ᠰᠡᠨ ᠮᠦᠷᠳᠡᠭᠡᠨ ᠪᠢᠴᠢᠭᠡᠰᠦᠶ᠋ᠢᠨ ᠠᠭᠤᠯᠭᠠᠨᠢ ᠬᠠᠮᠤᠭᠤᠨ ᠪᠦᠷᠢᠨ ᠪᠦᠲᠦᠨ ᠵᠦᠡᠭ᠌ᠶᠤᠸᠠᠨ ᠤᠷᠤᠨᠤ ᠶᠤᠰᠤᠯᠠᠯᠤᠨ ᠪᠠᠭᠠᠵᠢ ᠪᠣᠯᠤᠨᠠ᠃》 ᠭᠡᠵᠦ᠍ ᠱᠢᠶᠠᠩ ᠴᠦᠨ ᠰᠥᠩ ᠬᠡᠯᠡᠪᠡ᠃ ᠡᠭᠦᠨᠳᠤ᠂ 《ᠱᠢᠦᠢ》 ᠭᠡᠳᠡᠭ ᠬᠢᠳᠠᠳ ᠦᠰᠦᠭᠠᠴᠠ ᠦᠵᠡᠬᠦ᠌ᠳᠤ ᠲᠡᠷᠡᠨᠢ ᠲᠤᠬᠠᠢᠶ᠋ᠢᠨ ᠦᠶᠡᠶ᠋ᠢᠨ ᠵᠦᠩᠶᠤᠸᠠᠨ ᠤᠷᠤᠨᠤ ᠱᠢᠦᠢ ᠤᠯᠤᠰᠢ ᠵᠢᠭᠠᠵᠤ ᠪᠤᠢ᠂ ᠱᠢᠦᠢ ᠤᠯᠤᠰ ᠪᠤᠯ ᠤᠳᠤᠶ᠋ᠢᠨ ᠾᠧᠨᠠᠨ ᠮᠤᠵᠢᠶ᠋ᠢᠨ ᠱᠢᠦᠢ ᠴᠠᠩ ᠣᠷᠴᠢᠮ ᠪᠠᠢᠵᠤ᠂ ᠳ᠋ᠦᠩᠬᠤ ᠦᠨᠳᠦᠰᠦᠲᠡᠨᠤ ᠤᠷᠤᠱᠢᠨ ᠠᠮᠢᠳᠤᠷᠠᠵᠤ ᠪᠠᠢᠭ᠍ᠰᠠᠨ ᠤᠯᠠᠭᠠᠨᠬᠠᠳᠠ ᠤᠷᠤᠨᠠᠴᠠ ᠮᠢᠩᠭᠠ ᠢᠯᠡᠭᠦᠦ ᠭᠠᠵᠠᠷ ᠵᠠᠢᠲᠠᠢ᠃
ᠤᠢ᠍ᠢᠯᠠᠭᠠᠭ᠍ᠰᠠᠨᠢᠶᠠᠷ᠂ ᠣᠳᠣᠬᠠᠨᠳᠤ ᠡᠢᠮᠦᠷᠬᠦᠦ ᠮᠠᠶᠢᠭᠲᠠᠢ ᠱᠢᠦᠢ ᠤᠯᠤᠰᠤᠨ ᠬᠦᠷᠡᠯ ᠪᠠᠭᠠᠵᠢᠶ᠋ᠢ ᠱᠢᠦᠢ ᠴᠠᠩᠠᠴᠠ ᠤᠯᠠᠨ ᠤᠯᠠᠨ ᠢᠯᠡᠷᠡᠭᠦᠯᠵᠡᠢ᠂ ᠲᠡᠭᠡᠪᠡᠯ ᠱᠢᠦᠢ ᠤᠯᠤᠰᠤᠨ ᠬᠦᠷᠡᠯ ᠰᠠᠪᠠ ᠶᠠᠭᠠᠬᠢᠭᠠᠳ ᠮᠢᠩᠭᠠᠨ ᠭᠠᠵᠠᠷᠤᠨ ᠴᠠᠭᠠᠨᠠᠬᠢ ᠤᠯᠠᠭᠠᠨᠬᠠᠳᠠᠳᠤ ᠢᠯᠡᠷᠡᠪᠡ？ ᠲᠡᠢᠮᠦ᠍ ᠮᠥᠷᠲᠡᠭᠡᠨ ᠶᠠᠭᠠᠬᠢᠭᠠᠳ ᠪᠠᠰᠠ ᠳ᠋ᠦᠩᠬᠤ ᠤᠭ᠍ᠰᠠᠭᠠᠨᠤ ᠢᠵᠠᠭᠤᠷᠲᠠᠨᠤ ᠪᠤᠯᠠᠱᠢᠨᠠᠴᠠ ᠢᠯᠡᠷᠡᠪᠡ？
ᠱᠢᠶᠠᠩ ᠴᠦᠨ ᠰᠥᠩ ᠤᠯᠠᠨ ᠵᠢᠯ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠢᠯᠡᠰ ᠰᠤᠳᠤᠯᠵᠤ᠂ ᠬᠤᠪᠣᠷ ᠴᠤᠬᠠᠭ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠢᠯᠡᠰᠢ ᠮᠠᠰᠢ ᠣᠯᠠᠨ ᠦᠵᠡᠵᠦ᠍ ᠦᠡᠭ᠌ᠭᠡᠷᠡᠭ᠌ᠰᠡᠨ ᠪᠣᠯᠪᠠᠴᠤ᠌ ᠲᠤᠰᠭᠠᠢ ᠰᠤᠳᠤᠯᠤᠭ᠍ᠰᠠᠨ ᠪᠥᠭᠡᠳ ᠣᠮᠣᠭ᠍ᠰᠢᠯ ᠲᠦᠷᠦᠭᠦᠯᠦᠭ᠌ᠰᠡᠨ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠢᠯᠡᠰᠨᠢ ᠬᠠᠷᠢᠨ ᠡᠨᠡ ᠬᠦ᠌ ᠱᠢᠦᠢ ᠤᠯᠤᠰᠤᠨ ᠬᠦᠷᠡᠯ ᠰᠠᠪᠠ ᠪᠠᠢᠯᠠ᠃
1995 ᠣᠨᠳᠤ ᠱᠢᠶᠠᠩ ᠴᠦᠨ ᠰᠥᠩ ᠨᠢᠭᠡᠳᠦᠭᠡᠷ ᠵᠣᠬᠢᠶᠠᠭ᠍ᠴᠢᠶ᠋ᠢᠨ ᠬᠤᠪᠢᠪᠠᠷ ᠪᠤᠰᠤᠳᠲᠠᠢ ᠬᠠᠮᠳᠤᠷᠠᠨ 《ᠨᠢᠩᠴᠧᠩ ᠱᠢᠶᠠᠨᠤ ᠱᠢᠶᠣᠤ ᠾᠸᠢ ᠱ᠌ᠢ ᠭᠧᠦ ᠲᠣᠰᠭᠤᠨᠤ ᠴᠢᠯᠠᠭᠤᠨ ᠠᠪᠰᠠᠲᠠᠢ ᠪᠤᠯᠠᠰᠢᠶ᠋ᠢ ᠪᠠᠢᠴᠠᠭᠠᠵᠤ ᠲᠢᠭ᠌ᠯᠡᠭ᠌ᠰᠡᠨ ᠮᠡᠳᠡᠭᠦᠯᠦᠯᠲᠡ》 ᠶ᠋ᠢ ᠲᠤᠭᠤᠷᠪᠢᠵᠤ᠂ ᠬᠠᠭᠤᠴᠢ ᠰᠤᠳᠤᠯᠤᠯ᠂ ᠮᠦᠽᠧᠢᠶ᠋ᠢᠨ ᠰᠤᠳᠤᠯᠭᠠᠨᠤ ᠡᠷᠬᠡ ᠰᠦᠷᠳᠦ ᠰᠡᠳᠭᠦᠯ ᠪᠤᠯᠬᠤ 《ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠢᠯᠡᠰ》 ᠰᠡᠳᠬᠦᠯ ᠳᠡᠭᠡᠷᠡ ᠨᠡᠢᠳᠡᠯᠡᠪᠡ᠃ ᠡᠨᠡ ᠬᠦ᠌ ᠵᠤᠬᠢᠶᠠᠯ ᠨᠡᠢᠲᠡᠯᠡᠭ᠌ᠳᠡᠬᠦ᠌ᠲᠠᠢ ᠵᠡᠷᠭᠡ ᠠᠵᠢᠯ ᠲᠦᠷᠦᠯᠤᠨᠬᠢᠨᠤ ᠳᠤᠮᠳᠠ ᠬᠠᠯᠠᠮᠱᠢᠯ ᠪᠤᠯᠵᠤ᠂ ᠡᠭᠦᠨᠳᠤ ᠱᠢᠦᠢ ᠤᠯᠤᠰᠤᠨ ᠬᠦᠷᠡᠯ ᠰᠠᠪᠠᠨᠢ ᠨᠡᠩ ᠴᠦ᠍ ᠲᠤᠰᠭᠠᠢ ᠮᠡᠷᠭᠡᠵᠢᠯᠲᠡᠨ ᠪᠠ ᠡᠷᠳᠡᠮᠳᠡᠳᠤᠨ ᠠᠩᠬᠠᠷᠤᠯᠢ ᠲᠠᠲᠠᠪᠠ᠃ 2000 ᠣᠨᠳᠤ ᠱᠢᠶᠠᠩ ᠴᠦᠨ ᠰᠥᠩ ᠣᠯᠠᠨ ᠵᠢᠯᠤᠨ ᠰᠤᠳᠤᠯᠭᠠᠨᠳᠠᠭᠠᠨ ᠰᠠᠭᠤᠷᠢᠯᠠᠵᠤ᠂ 《ᠱᠢᠦᠢ ᠤᠯᠤᠰᠤᠨ ᠬᠦᠷᠡᠯ ᠰᠠᠪᠠᠶ᠋ᠢᠨ ᠪᠢᠴᠢᠭᠡᠰᠦᠶ᠋ᠢᠨ ᠱᠢᠯᠭᠠᠨ ᠨᠤᠳᠠᠯᠠᠯᠲᠠ》 ᠭᠡᠬᠦ᠌ ᠦᠭᠦᠯᠡᠯᠢᠶᠠᠨ ᠨᠡᠢᠲᠡᠯᠡᠪᠡ᠃ ᠲᠤᠰ ᠦᠭᠦᠯᠡᠯᠳᠡᠭᠡᠨ ᠱᠢᠦᠢ ᠤᠯᠤᠰᠤᠨ ᠬᠦᠷᠡᠯ ᠰᠠᠪᠠ ᠶᠠᠭᠠᠬᠢᠭᠠᠳ ᠤᠯᠠᠭᠠᠨᠬᠠᠳᠠ ᠣᠷᠣᠨᠳᠤ ᠢᠯᠡᠷᠡᠭ᠌ᠰᠡᠨ᠂ ᠲᠡᠷᠡ ᠮᠦᠷᠳᠡᠭᠡᠨ ᠬᠡᠷᠬᠢᠨ ᠳ᠋ᠦᠩᠬᠤ ᠤᠭ᠍ᠰᠠᠭᠠᠨᠤ ᠢᠵᠠᠭᠤᠷᠳᠠᠨᠤ ᠣᠩᠭᠤᠨᠳᠤ ᠢᠯᠡᠷᠡᠭ᠌ᠰᠡᠨ ᠲᠤᠬᠠᠢ ᠯᠠᠪᠳᠠᠭᠤᠨ ᠪᠣᠳᠠᠲᠠᠢ᠂ ᠨᠠᠷᠢᠨ ᠨᠢᠮᠪᠠᠢ ᠰᠤᠳᠤᠯᠤᠨ ᠲᠠᠢᠯᠪᠤᠷᠢᠯᠠᠵᠤ᠂ ᠣᠳᠣ ᠪᠣᠯᠳᠠᠯᠠᠬᠢ ᠠᠳᠠᠯᠢ ᠲᠥᠷᠥᠯᠤᠨ ᠪᠠᠭᠠᠵᠢ ᠬᠡᠷᠡᠭ᠌ᠰᠡᠯᠤᠨ ᠰᠤᠳᠤᠯᠭᠠᠨᠤ ᠬᠦᠷᠢᠶᠠ ᠴᠠᠷᠠᠭᠠᠨᠳᠠᠬᠢ ᠴᠢᠬᠤᠯᠠ ᠭᠡᠷᠡᠴᠢ ᠪᠠᠷᠢᠮᠳᠠ ᠪᠤᠯᠵᠠᠢ᠃
ᠥᠷᠥᠱᠢᠶᠡᠯ ᠶᠤᠰᠤᠯᠠᠯ ᠠᠴᠢᠯᠠᠯᠢᠶᠠᠷ ᠲᠦᠪᠯᠡᠭ᠌ᠰᠡᠨ ᠰᠤᠯᠢᠯᠴᠠᠭᠠ
ᠱᠢᠶᠠᠩ ᠴᠦᠨ ᠰᠥᠩᠤᠨ ᠬᠡᠯᠡᠬᠦ᠌ᠪᠠᠷ᠂ ᠱᠢᠦᠢ ᠤᠯᠤᠰᠤᠨ ᠬᠦᠷᠡᠯ ᠰᠠᠪᠠᠶ᠋ᠢᠨ ᠬᠡᠯᠪᠡᠷᠢ ᠪᠦᠳᠦᠴᠡ᠂ ᠪᠢᠴᠢᠭᠡᠰᠦ ᠵᠡᠷᠭᠡᠠᠴᠠ ᠦᠵᠡᠬᠦ᠌ᠳᠤ ᠲᠡᠷᠡᠨᠢ ᠤᠯᠤᠰᠤᠨ ᠨᠡᠷᠡᠪᠠᠷ ᠴᠢᠳᠭᠤᠵᠤ ᠪᠦᠳᠦᠭᠡᠭ᠌ᠰᠡᠨ ᠤᠯᠤᠰᠤᠨ ᠡᠷᠳᠡᠨᠢ ᠪᠣᠯᠬᠤᠨᠢ ᠰᠡᠵᠢᠭ᠌ᠯᠡᠰᠢ ᠦᠭᠡᠢ᠃ ᠣᠳᠣᠬᠠᠨᠳᠤ ᠮᠠᠨᠤ ᠤᠯᠤᠰ ᠱᠢᠦᠢ ᠤᠯᠤᠰᠤᠨ ᠤᠯᠤᠰᠤᠨ ᠡᠷᠳᠡᠨᠢᠶ᠋ᠢᠨ ᠳᠡᠰᠤᠨ ᠬᠦᠷᠡᠯ ᠰᠠᠪᠠᠶ᠋ᠢ ᠲᠠᠪᠤ ᠵᠢᠷᠭᠤᠭᠠᠬᠠᠨ ᠱᠢᠷᠬᠡᠭ ᠢᠯᠡᠷᠡᠭᠦᠯᠦᠭᠡᠳ ᠪᠤᠢ᠂ ᠡᠭᠦᠨᠳᠤ ᠲᠤᠰ ᠬᠦᠷᠡᠯ ᠰᠠᠪᠠᠨᠢ ᠤᠯᠠᠭᠠᠨᠬᠠᠳᠠᠳᠤ ᠬᠠᠳᠠᠭᠠᠯᠠᠭ᠍ᠳᠠᠵᠤ᠂ ᠪᠤᠰᠤᠳᠨᠢ ᠾᠧᠨᠠᠨ ᠮᠤᠵᠢ ᠪᠤᠶᠤ ᠱᠢᠦᠢ ᠴᠠᠩᠤᠨ ᠮᠦᠽᠧᠢᠳᠤ ᠬᠠᠳᠠᠭᠠᠯᠠᠭ᠍ᠳᠠᠵᠤ ᠪᠤᠢ᠃
《ᠲᠡᠦᠬᠡᠨᠳᠤ ᠤᠯᠤᠰᠤᠨ ᠳᠦᠷᠢ ᠲᠥᠷᠬᠦ᠌ᠶ᠋ᠢ ᠲᠥᠯᠥᠭᠡᠯᠡᠭ᠌ᠰᠡᠨ ᠤᠯᠤᠰᠤᠨ ᠡᠷᠳᠡᠨᠢ ᠪᠤᠰᠤᠳ ᠤᠯᠤᠰᠲᠤ ᠢᠯᠡᠷᠡᠭ᠌ᠰᠡᠨ ᠱᠢᠯᠲᠠᠭᠠᠨᠢ ᠬᠤᠷᠢᠶᠠᠩᠭᠤᠢ᠍ᠢᠯᠠᠪᠠᠯ ᠶᠡᠭᠡ ᠲᠥᠯᠥᠪ ᠭᠤᠷᠪᠠᠨ ᠱᠢᠯᠳᠠᠭᠠᠨ ᠪᠤᠢ᠃ ᠲᠠᠷᠤᠢ ᠲᠠᠢᠨ ᠪᠠᠢᠯᠳᠤᠭᠠᠨ᠂ ᠳᠣᠲᠣᠭᠠᠳᠤᠶ᠋ᠢᠨ ᠰᠠᠮᠠᠭᠤᠷᠠᠯ᠂ ᠬᠤᠶᠠᠷ ᠤᠯᠤᠰᠤᠨ ᠬᠤᠭᠤᠷᠣᠨᠳᠣᠬᠢ ᠨᠥᠬᠦᠷᠰᠡᠭ ᠶᠠᠪᠤᠯᠴᠠᠭᠠ ᠪᠣᠯᠤᠨᠠ》 ᠭᠡᠵᠦ᠍ ᠱᠢᠶᠠᠩ ᠴᠦᠨ ᠰᠥᠩ ᠬᠡᠯᠡᠪᠡ᠃ ᠲᠡᠦᠬᠡᠨᠠᠴᠠ ᠦᠵᠡᠪᠡᠯ᠂ ᠳ᠋ᠦᠩᠬᠤ ᠦᠨᠳᠦᠰᠦᠲᠡᠨ ᠵᠥᠪᠬᠡᠨ ᠵᠡᠭᠦᠨ ᠬᠤᠢᠲᠤ ᠣᠷᠣᠨ᠂ ᠤᠮᠠᠷᠠᠲᠤ ᠣᠷᠣᠨᠳᠤ ᠬᠥᠳᠡᠯᠭᠡᠭᠡᠨ ᠬᠢᠵᠦ᠍ ᠪᠠᠢᠵᠠᠢ᠂ ᠳ᠋ᠦᠩᠬᠤ ᠦᠨᠳᠦᠰᠦᠲᠡᠨ ᠪᠠ ᠵᠦᠡᠭ᠌ᠶᠤᠸᠠᠨ ᠣᠷᠣᠨᠤ ᠱᠢᠦᠢ ᠤᠯᠤᠰᠤᠨ ᠬᠤᠭᠤᠷᠤᠨᠳᠤ ᠲᠠᠢᠨ ᠪᠠᠢᠯᠳᠤᠭᠠᠨ ᠡᠭᠦᠰᠦᠭ᠌ᠰᠡᠨ ᠤᠯᠠ ᠮᠥᠷ ᠪᠣᠯᠤᠨ ᠪᠢᠴᠢᠭ ᠮᠠᠲ᠋ᠧᠷᠢᠶᠠᠯᠢ ᠡᠷᠢᠵᠦ᠍ ᠣᠯᠬᠤ ᠦᠭᠡᠢ᠂ ᠬᠡᠷᠪᠡ ᠱᠢᠦᠢ ᠤᠯᠤᠰᠲᠤ ᠤᠯᠤᠰᠤᠨ ᠳᠣᠲᠣᠭᠠᠳᠤᠶ᠋ᠢᠨ ᠰᠠᠮᠠᠭᠤᠷᠠᠯ ᠡᠭᠦᠰᠦᠭ᠌ᠰᠡᠨ ᠪᠤᠯ ᠤᠯᠠᠭᠠᠨᠬᠠᠳᠠᠨᠢ ᠾᠧᠨᠠᠨ ᠮᠣᠵᠢᠶ᠋ᠢᠨ ᠱᠢᠦᠢ ᠴᠠᠩᠠᠴᠠ ᠬᠤᠶᠠᠷ ᠭᠤᠷᠪᠠᠨ ᠮᠢᠩᠭᠠᠨ ᠭᠠᠵᠠᠷᠤᠨ ᠵᠠᠢᠲᠠᠢ ᠤᠴᠢᠷᠠᠴᠠ ᠳ᠋ᠦᠩᠬᠤᠶ᠋ᠢᠨ ᠬᠥᠮᠦᠰ ᠱᠢᠦᠢ ᠤᠯᠤᠰᠲᠤ ᠬᠦᠷᠴᠦ᠍ ᠶᠠᠭᠤᠮᠠ ᠪᠤᠯᠢᠶᠠᠯᠴᠠᠬᠤ ᠪᠣᠯᠤᠯᠴᠠᠭᠠ ᠦᠭᠡᠢ᠂ ᠡᠢᠮᠦᠠᠴᠠ ᠵᠥᠪᠬᠡᠨ ᠨᠥᠬᠦᠷᠰᠡᠭ ᠶᠠᠪᠤᠯᠴᠠᠭᠠᠨᠢ ᠲᠤᠬᠠᠢᠶ᠋ᠢᠨ ᠦᠶᠡᠶ᠋ᠢᠨ ᠪᠠᠢᠳᠠᠯᠳᠤ ᠬᠠᠮᠤᠭᠠᠴᠠ ᠨᠡᠢᠴᠡᠨᠡ᠃
ᠡᠢᠮᠦᠷᠬᠦᠦ ᠨᠥᠬᠦᠷᠰᠡᠭ ᠶᠠᠪᠤᠯᠴᠠᠭᠠᠨᠳᠤ ᠬᠤᠸᠠᠱᠢᠶᠠ ᠦᠨᠳᠦᠰᠦᠲᠡᠨᠤ ᠡᠷᠲᠡᠨᠠᠴᠠ ᠲᠡᠭᠡᠳᠦᠯᠡᠨ ᠤᠯᠠᠮᠵᠢᠯᠠᠭ᠍ᠰᠠᠭᠠᠷ ᠢᠷᠡᠭ᠌ᠰᠡᠨ ᠰᠠᠢᠨ ᠰᠠᠢᠬᠠᠨ ᠦᠷᠦᠱᠢᠶᠡᠯ ᠵᠢᠷᠤᠮ᠂ ᠶᠤᠰᠤᠯᠠᠯ᠂ ᠠᠴᠢᠯᠠᠯᠨᠢ ᠶᠠᠭ ᠨᠢᠭᠡᠨ ᠬᠡᠯᠪᠡᠷᠢ ᠦᠭᠡᠢ ᠬᠤᠯᠪᠣᠭᠠᠰᠤ ᠪᠣᠯᠵᠤ᠂ ᠵᠦᠡᠭ᠌ᠶᠦᠸᠠᠨ ᠣᠷᠣᠨ ᠪᠠ ᠤᠮᠠᠷᠠᠲᠤᠶ᠋ᠢᠨ ᠦᠨᠳᠦᠰᠦᠲᠡᠨᠢ ᠬᠤᠯᠪᠤᠨ᠂ ᠲᠤᠮᠳᠠᠳᠤᠶ᠋ᠢᠨ ᠦᠨᠳᠦᠰᠦᠳᠡᠨᠤ ᠦᠶᠡᠶ᠋ᠢᠨ ᠦᠶᠡᠳᠤ ᠲᠠᠰᠤᠷᠠᠰᠢ ᠦᠭᠡᠢ ᠤᠯᠠᠨ ᠶᠠᠩᠵᠤᠳᠤ ᠪᠣᠯᠪᠠᠰᠤᠨᠤ ᠰᠦᠭ ᠰᠦᠨᠡᠰᠦᠶ᠋ᠢ ᠨᠢᠭ᠍ᠳᠠᠷᠠᠭᠤᠯᠪᠠ᠃ ᠬᠠᠷᠢᠨ ᠱᠢᠦᠢ ᠤᠯᠤᠰᠤᠨ ᠬᠦᠷᠡᠯ ᠰᠠᠪᠠᠨᠢ ᠮᠠᠨᠤ ᠤᠯᠤᠰᠤᠨ ᠡᠷᠲᠡᠨᠤ ᠨᠡᠷᠡᠲᠦ ᠬᠥᠮᠦᠨ ᠪᠦᠸᠧ ᠢ ᠪᠠ ᠱᠦ᠍ ᠴᠢᠶ᠋ᠢᠨ ᠦᠯᠢᠭᠡᠷᠢ ᠠᠭᠤᠯᠵᠤ ᠪᠤᠢ᠃
《ᠯᠢᠦᠢ ᠣᠪᠣᠭ᠍ᠲᠤᠶ᠋ᠢᠨ ᠱᠠᠱᠢᠨᠲᠤ ᠨᠤᠮ》 《ᠰᠤᠳᠤᠷ ᠲᠡᠮᠳᠡᠭ᠌ᠯᠡᠯ · ᠪᠦᠸᠧ ᠢᠶ᠋ᠢᠨ ᠨᠠᠮᠳᠠᠷ》 ᠲᠤ᠋ ᠲᠡᠮᠳᠡᠭ᠌ᠯᠡᠭ᠌ᠰᠡᠨᠢᠶᠠᠷ᠂ ᠪᠦᠸᠧ ᠢ᠂ ᠱᠦ᠍ ᠴᠢ ᠪᠣᠯ ᠱᠠᠩ ᠤᠯᠤᠰᠤᠨ ᠰᠡᠭᠦᠯᠴᠢᠶ᠋ᠢᠨ ᠭᠦ᠋ ᠵᠦ᠍ ᠵᠢᠶᠦ᠋ᠨ ᠸᠠᠩᠤᠨ ᠬᠤᠶᠠᠷ ᠬᠥᠪᠡᠭᠦᠨ᠂ ᠭᠦ᠋ ᠵᠦ᠍ ᠵᠢᠶᠦ᠋ᠨ ᠸᠠᠩ ᠬᠡᠷᠢᠶᠡᠰ ᠦᠯᠡᠳᠡᠭᠡᠵᠦ᠍᠂ ᠭᠤᠷᠪᠠᠳᠤᠭᠠᠷ ᠬᠦᠪᠡᠭᠦᠨ ᠱᠦ᠍ ᠴᠢᠶ᠋ᠢ ᠸᠠᠩᠤᠨ ᠰᠠᠭᠤᠷᠢᠨ ᠵᠠᠯᠭᠠᠮᠵᠢᠯᠠᠭᠤᠯᠬᠤ ᠭᠡᠵᠡᠢ᠃ ᠭᠦ᠋ ᠵᠦ᠍ ᠵᠢᠶᠦ᠋ᠨ ᠸᠠᠩ ᠨᠠᠰᠤ ᠪᠠᠷᠠᠭ᠍ᠰᠠᠨᠤ ᠳᠠᠷᠠᠭᠠ᠂ ᠱᠦ᠍ ᠴᠢ ᠸᠠᠩᠤᠨ ᠰᠠᠭᠤᠷᠢᠨᠢᠶᠠᠨ ᠪᠦᠸᠧ ᠢᠳᠤ ᠨᠠᠢᠷ ᠲᠠᠯᠪᠢᠵᠤ ᠦᠭ᠌ᠭᠦᠭ᠌ᠰᠡᠨᠳᠤ ᠪᠦᠸᠧ ᠢ ᠡᠰᠡ ᠬᠦᠯᠢᠶᠡᠨ ᠠᠪᠤᠪᠠ᠂ ᠱᠦ᠍ ᠴᠢ ᠡᠰᠢ ᠶᠤᠰᠤᠶ᠋ᠢ ᠵᠢᠷᠤᠮᠯᠠᠨ ᠨᠡᠢᠭᠡᠮᠤᠨ ᠲᠦᠷᠢᠮ ᠭᠤᠷᠢᠮᠢ ᠡᠪᠳᠡᠬᠦ᠌ᠶ᠋ᠢ ᠬᠢᠴᠢᠶᠡᠵᠦ᠍ ᠸᠠᠩᠤᠨ ᠰᠠᠭᠤᠷᠢᠨᠢ ᠡᠰᠡ ᠵᠠᠯᠭᠠᠮᠵᠢᠯᠠᠪᠠ᠃ ᠠᠬᠠᠨ ᠲᠡᠭᠦᠦᠰ ᠬᠤᠶᠠᠭᠤᠯᠠ ᠤᠷᠢᠳ ᠬᠤᠵᠢᠳ ᠵᠧᠦ ᠤᠯᠤᠰᠲᠤ ᠬᠦᠷᠴᠦ᠍ ᠪᠠᠢᠴᠠᠭᠠᠪᠠ᠃ ᠵᠧᠦ ᠡᠦ ᠸᠠᠩ ᠱᠠᠩ ᠵᠧᠦ ᠸᠠᠩᠢ ᠲᠤᠪᠳᠤᠯᠬᠤ ᠭᠡᠰᠡᠨᠳᠤ ᠠᠬᠠᠨ ᠲᠡᠭᠦᠦᠰ ᠬᠤᠶᠠᠭᠤᠯᠠ ᠢᠳᠭᠠᠨ ᠬᠤᠷᠢᠭ᠍ᠯᠠᠵᠠᠢ᠃ ᠵᠧᠦ ᠡᠦ ᠸᠠᠩ ᠱᠠᠩ ᠤᠯᠤᠰᠢ ᠮᠥᠬᠦᠭᠡᠭ᠌ᠰᠡᠨᠤ ᠰᠡᠭᠦᠯᠡᠷ᠂ ᠠᠬᠠᠨ ᠲᠡᠭᠦᠦᠰ ᠬᠤᠶᠠᠭᠤᠯᠠ ᠵᠧᠦ ᠤᠯᠤᠰᠤᠨ ᠠᠮᠤ ᠪᠤᠳᠠᠭᠠᠶ᠋ᠢ ᠢᠳᠡᠬᠦ᠌ᠶ᠋ᠢ ᠢᠴᠢᠭᠦᠷᠢ ᠬᠡᠮᠡᠨ ᠦᠵᠡᠵᠦ᠍᠂ ᠬᠡᠬᠡᠷᠡᠶ᠋ᠢᠨ ᠡᠪᠡᠰᠦᠪᠠᠷ ᠠᠮᠢ ᠵᠢᠭᠤᠵᠤ᠂ ᠱᠧᠦ ᠶᠠᠩ ᠱᠠᠨ ᠠᠭᠤᠯᠠᠨᠠ ᠦᠬᠦᠪᠡᠢ᠃
《ᠡᠭᠦᠨᠠᠴᠠ ᠱᠢᠦᠢ ᠤᠯᠤᠰᠤᠨ ᠬᠦᠷᠡᠯ ᠰᠠᠪᠠ ᠶᠠᠭᠠᠬᠢᠭᠠᠳ ᠤᠯᠠᠭᠠᠨᠬᠠᠳᠠ ᠣᠷᠣᠨᠤ ᠳ᠋ᠦᠩᠬᠤᠶ᠋ᠢᠨ ᠢᠵᠠᠭᠤᠷᠳᠠᠨᠤ ᠪᠤᠯᠠᠱᠢᠨᠳᠤ ᠢᠯᠡᠷᠡᠭ᠌ᠰᠡᠨᠢ ᠱᠢᠯᠭᠠᠨ ᠨᠤᠳᠠᠯᠠᠵᠤ ᠪᠤᠯᠤᠨᠠ》 ᠭᠡᠵᠦ᠍ ᠱᠢᠶᠠᠩ ᠴᠦᠨ ᠰᠥᠩ ᠬᠡᠯᠡᠪᠡ᠃ 《ᠵᠧᠩ ᠢᠦᠢ》 ᠳᠤ ᠲᠡᠮᠳᠡᠭ᠌ᠯᠡᠭ᠌ᠰᠡᠨᠢᠶᠠᠷ᠂ 《ᠵᠢᠶᠠᠩ᠂ ᠪᠦᠸᠧ ᠢᠶ᠋ᠢᠨ ᠬᠤᠢᠴᠢ》᠂ ᠱᠢᠦᠢ ᠤᠯᠤᠰᠲᠤ ᠠᠮᠢᠳᠤᠷᠠᠵᠤ ᠪᠠᠢᠭ᠍ᠰᠠᠨ ᠪᠦᠸᠧ ᠢᠶ᠋ᠢᠨ ᠬᠤᠢᠴᠢ ᠵᠢᠶᠠᠩ ᠣᠪᠣᠭ᠍ᠲᠤᠶ᠋ᠢᠨ ᠤᠭ᠍ᠰᠠᠭᠠᠶ᠋ᠢᠨᠬᠢᠨ ᠦᠪᠡᠷᠤᠨ ᠲᠡᠭᠡᠳᠦᠰ ᠪᠤᠯᠬᠤ ᠪᠦᠸᠧ ᠢᠶ᠋ᠢ ᠲᠠᠬᠢᠬᠤᠶ᠋ᠢᠨ ᠲᠤᠯᠠᠳᠠ ᠬᠦᠴᠢᠷ ᠪᠡᠷᠬᠡᠱᠢᠶᠡᠯᠢ ᠬᠠᠢᠬᠤᠷᠤᠯ ᠦᠭᠡᠢᠪᠠᠷ ᠱᠢᠦᠢ ᠤᠯᠤᠰᠤᠨ ᠬᠦᠷᠡᠯ ᠰᠠᠪᠠ᠂ ᠬᠤᠨᠳᠠᠭᠠ᠂ ᠲᠦᠷᠪᠡᠯᠵᠢᠨ ᠬᠦᠯᠢᠰ ᠵᠡᠷᠭᠡ ᠤᠯᠠᠨ ᠶᠤᠰᠤᠯᠠᠯᠤᠨ ᠬᠡᠷᠡᠭ᠌ᠰᠡᠯᠢ ᠠᠪᠴᠤ᠌᠂ ᠤᠮᠠᠷᠠᠳᠤᠶ᠋ᠢᠨ ᠴᠤᠤ ᠶᠠᠩ᠂ ᠤᠯᠠᠭᠠᠨᠬᠠᠳᠠᠶ᠋ᠢᠨ ᠱᠧᠦ ᠶᠠᠩ ᠱᠠᠨ ᠠᠭᠤᠯᠠᠨᠠ ᠬᠦᠷᠴᠦ᠍᠂ ᠳ᠋ᠦᠡᠭ᠌ᠬᠤᠶ᠋ᠢᠨ ᠠᠬᠠᠯᠠᠭ᠍ᠴᠢᠳᠤ ᠬᠠᠯᠠᠭᠤᠨᠢᠶᠠᠷ ᠵᠤᠴᠢᠯᠠᠭ᠍ᠳᠠᠵᠠᠢ᠃ ᠲᠠᠬᠢᠯᠭᠠ ᠲᠠᠭᠤᠰᠤᠭ᠍ᠰᠠᠨᠤ ᠲᠠᠷᠠᠭᠠ᠂ ᠳ᠋ᠦᠡᠭ᠌ᠬᠤᠶ᠋ᠢᠨ ᠠᠬᠠᠯᠠᠭ᠍ᠴᠢᠳᠤ ᠲᠠᠯᠠᠷᠬᠠᠯᠢᠶᠠᠨ ᠢᠯᠡᠳᠭᠡᠵᠦ᠍᠂ ᠪᠦᠸᠧ ᠢᠶ᠋ᠢᠨ ᠬᠤᠢᠴᠢᠰ ᠡᠳᠡᠭᠡᠷ ᠶᠤᠰᠤᠯᠠᠯᠤᠨ ᠰᠠᠪᠠ ᠬᠡᠷᠡᠭ᠌ᠰᠡᠯᠢ ᠳᠤᠷᠠᠰᠭᠠᠯ ᠪᠣᠯᠭᠠᠨ ᠦᠯᠡᠳᠡᠭᠡᠨ ᠦᠭ᠌ᠴᠠᠢ᠃ ᠬᠡᠳᠦᠨ ᠵᠠᠭᠤᠨ ᠵᠢᠯᠤᠨ ᠳᠠᠷᠠᠭᠠ᠂ ᠱᠢᠦᠢ ᠤᠯᠤᠰᠤᠨ ᠬᠦᠷᠡᠯ ᠰᠠᠪᠠ᠂ ᠬᠤᠨᠳᠠᠭᠠ᠂ ᠲᠦᠷᠪᠡᠯᠵᠢᠨ ᠬᠦᠯᠢᠰ ᠵᠡᠷᠭᠡᠨᠢ ᠤᠷᠤᠱᠢᠭᠤᠯᠭᠠᠶ᠋ᠢᠨ ᠡᠳ᠋ᠤᠨ ᠬᠤᠪᠢᠪᠠᠷ ᠳ᠋ᠦᠩᠬᠤᠶ᠋ᠢᠨ ᠢᠵᠠᠭᠤᠷᠳᠠᠨᠤ ᠪᠤᠯᠠᠱᠢᠨᠳᠤ ᠣᠷᠣᠱᠢᠭᠤᠯᠤᠭ᠍ᠳᠠᠵᠠᠢ᠃
ᠮᠠᠲ᠋ᠧᠷᠢᠶᠠᠯ ᠤᠷᠪᠠᠭᠤᠯᠪᠠᠯ᠂ ᠮᠠᠨᠤ ᠤᠯᠤᠰᠲᠤ ᠱᠧᠦ ᠶᠠᠩ ᠱᠠᠨ ᠭᠡᠳᠡᠭ ᠨᠡᠷᠡᠲᠠᠢ ᠭᠠᠵᠠᠷ ᠣᠯᠠᠨ ᠪᠤᠢ᠂ ᠤᠯᠠᠩᠬᠢ ᠬᠥᠮᠦᠰᠤᠨ ᠦᠵᠡᠬᠦ᠌ᠪᠠᠷ ᠪᠦᠸᠧ ᠢ᠂ ᠱᠦ᠍ ᠴᠢᠶ᠋ᠢᠨ ᠠᠮᠢᠳᠤᠷᠠᠵᠤ ᠪᠠᠢᠭ᠍ᠰᠠᠨ ᠱᠧᠦ ᠶᠠᠩ ᠱᠠᠨᠨᠢ ᠣᠳᠣᠶ᠋ᠢᠨ ᠭᠠᠨᠰᠦ ᠮᠤᠵᠢᠶ᠋ᠢᠨ ᠸᠧᠢ ᠶᠤᠸᠠᠨᠳᠤ ᠪᠤᠢ᠃ ᠭᠡᠪᠡᠴᠦ᠍ ᠤᠷᠴᠢᠮᠬᠠᠨ ᠪᠦᠸᠧ ᠢ᠂ ᠱᠦ᠍ ᠴᠢᠶ᠋ᠢᠨ ᠠᠮᠢᠳᠤᠷᠠᠵᠤ ᠪᠠᠢᠭ᠍ᠰᠠᠨ ᠱᠧᠦ ᠶᠠᠩ ᠱᠠᠨᠨᠢ ᠤᠳᠤᠶ᠋ᠢᠨ ᠯᠢᠶᠣᠤᠨᠢᠩ ᠮᠤᠵᠢᠶ᠋ᠢᠨ ᠴᠤᠤ ᠶᠠᠩ ᠪᠤᠶᠤ ᠤᠯᠠᠭᠠᠨᠬᠠᠳᠠ ᠣᠷᠴᠢᠮ ᠪᠤᠢ ᠭᠡᠳᠡᠭ ᠱᠢᠨᠡ ᠨᠤᠳᠠᠯᠠᠯᠲᠠ ᠢᠯᠡᠷᠡᠵᠡᠢ᠃ ᠱᠢᠶᠠᠩ ᠴᠦᠨ ᠰᠥᠩ ᠡᠨᠡ ᠨᠤᠳᠠᠯᠠᠯᠲᠠᠶ᠋ᠢ ᠵᠦᠪᠱᠢᠶᠡᠵᠦ᠍ ᠪᠠᠢᠬᠤ ᠮᠦᠷᠳᠡᠭᠡᠨ 《ᠡᠩ ᠲᠡᠷᠢᠭᠦᠨᠳᠤ ᠪᠦᠸᠧ ᠢ᠂ ᠱᠦ᠍ ᠴᠢ ᠵᠧᠦ ᠤᠯᠤᠰᠲᠤ ᠬᠦᠴᠦᠪᠠᠨ ᠡᠷᠭᠦᠬᠦ᠌ ᠳᠤᠷᠠ ᠦᠭᠡᠢ᠂ ᠵᠧᠦ ᠡᠦ ᠸᠠᠩᠠᠴᠠ ᠵᠠᠢᠯᠠᠰᠭᠢᠬᠦ᠌ᠶ᠋ᠢᠨ ᠲᠤᠯᠠᠲᠠ ᠬᠤᠯᠠ ᠶᠠᠪᠤᠬᠤᠨᠢ ᠯᠠᠪᠳᠠᠢ᠃ ᠡᠭᠦᠨᠠᠴᠠ ᠭᠠᠳᠠᠨᠠ᠂ ᠴᠤᠤ ᠶᠠᠩ᠂ ᠤᠯᠠᠭᠠᠨᠬᠠᠳᠠ ᠵᠡᠷᠭᠡ ᠭᠠᠵᠠᠷᠤᠳᠢᠶᠠᠷ ᠤᠷᠭᠤᠳᠠᠭ ᠣᠢᠮᠠ ᠨᠣᠭᠤᠭᠠᠨᠢ ᠪᠦᠸᠧ ᠢ᠂ ᠱᠦ᠍ ᠴᠢᠶ᠋ᠢᠨ ᠱᠧᠦ ᠶᠠᠩ ᠱᠠᠨ ᠠᠭᠤᠯᠠᠨᠳᠤ ᠢᠳᠡᠰᠢ ᠪᠤᠯᠭᠠᠵᠤ ᠪᠠᠢᠭ᠍ᠰᠠᠨ ᠬᠡᠬᠡᠷᠡᠶ᠋ᠢᠨ ᠨᠤᠭᠤᠭᠠ ᠪᠣᠯᠤᠨᠠ》 ᠭᠡᠳᠡᠭ ᠦᠨᠳᠦᠰᠦᠯᠡᠯ ᠬᠠᠨᠭ᠌ᠭᠠᠪᠠ᠃
ᠱᠢᠶᠠᠩ ᠴᠦᠨ ᠰᠥᠩ ᠬᠡᠯᠡᠬᠦ᠌ᠪᠠᠷ᠂ ᠱᠢᠦᠢ ᠤᠯᠤᠰᠤᠨ ᠬᠦᠷᠡᠯ ᠰᠠᠪᠠ ᠪᠣᠯ ᠮᠠᠨᠤ ᠤᠯᠤᠰᠤᠨ ᠡᠷᠲᠡᠨᠤ ᠦᠶᠡᠳᠤ ᠦᠨᠳᠦᠰᠦᠲᠡᠨ ᠢᠯᠡᠷᠡᠭ᠌ᠰᠡᠨᠤ ᠲᠠᠷᠠᠭᠠᠬᠢ ᠵᠦᠡᠭ᠌ᠶᠤᠸᠠᠨ ᠣᠷᠣᠨ ᠪᠣᠯᠤᠨ ᠤᠮᠠᠷᠠᠲᠤ ᠣᠷᠣᠨᠤ ᠰᠤᠯᠢᠯᠴᠠᠭᠠᠨᠤ ᠲᠡᠦᠬᠡᠨ ᠭᠡᠷᠡᠴᠢ ᠪᠤᠯᠤᠨᠠ᠃