ᠠᠯᠳᠠᠨ ᠪᠠᠳᠠᠭ
ᠨᠡᠢᠭᠡᠮ ᠵᠢᠷᠤᠮᠤᠨ ᠭᠤᠣᠯᠯᠠᠭ᠍ᠴᠢ ᠥᠷᠲᠡᠭᠤᠨ ᠦᠵᠡᠯᠲᠡᠶ᠋ᠢ ᠪᠤᠢᠵᠢᠭᠤᠯᠤᠨ ᠪᠠᠳᠠᠷᠠᠭᠤᠯᠬᠤᠳᠤ ᠡᠷᠬᠡᠪᠰᠢ ᠳᠤᠮᠳᠠᠳᠤᠶ᠋ᠢᠨ ᠱᠢᠯᠢᠳᠡᠭ ᠤᠯᠠᠮᠵᠢᠯᠠᠯᠲᠤ ᠰᠣᠶᠣᠯᠳᠤ ᠰᠠᠭᠤᠷᠢᠯᠠᠬᠤ ᠬᠡᠷᠡᠭ᠌ᠲᠡᠢ᠃ ᠪᠠᠲᠤ ᠪᠠᠬᠢ ᠭᠤᠣᠯᠯᠠᠭ᠍ᠴᠢ ᠥᠷᠲᠡᠭᠤᠨ ᠦᠵᠡᠯᠲᠡ ᠶᠡᠷᠦᠨᠢ ᠦᠨᠳᠦᠰᠦ ᠰᠠᠭᠤᠷᠢᠲᠠᠢ ᠪᠠᠢᠳᠠᠭ᠃ ᠤᠯᠠᠮᠵᠢᠯᠠᠯᠢᠶᠠᠨ ᠲᠠᠶᠠᠭ᠍ᠳᠠᠵᠤ᠂ ᠦᠨᠳᠦᠰᠦᠪᠠᠨ ᠠᠯᠳᠠᠬᠤᠨᠢ ᠳᠠᠷᠤᠢ ᠥᠪᠡᠷᠤᠨ ᠤᠶᠤᠨ ᠰᠠᠨᠠᠭᠠᠨᠤ ᠠᠮᠢᠨ ᠰᠤᠳᠠᠰᠤᠪᠠᠨ ᠲᠠᠰᠤᠯᠤᠭ᠍ᠰᠠᠨᠲᠠᠢ ᠠᠳᠠᠯᠢ ᠶᠤᠮ᠃ ᠥᠷᠭᠡᠨ ᠳᠡᠯᠭᠡᠷ ᠭᠦᠨ ᠭᠦᠨᠵᠡᠭᠡᠶ ᠳᠤᠮᠳᠠᠳᠤᠶ᠋ᠢᠨ ᠱᠢᠯᠢᠳᠡᠭ ᠤᠯᠠᠮᠵᠢᠯᠠᠯᠲᠤ ᠰᠣᠶᠣᠯ ᠪᠣᠯ ᠮᠠᠨᠤ ᠳᠡᠯᠡᠬᠡᠶᠶ᠋ᠢᠨ ᠰᠣᠶᠣᠯᠤᠨ ᠳᠠᠪᠠᠯᠭᠠᠨᠳᠤ ᠯᠠᠪᠳᠠᠭᠤᠨ ᠵᠤᠭ᠍ᠰᠤᠬᠤᠶ᠋ᠢᠨ ᠪᠠᠲᠤ ᠰᠠᠭᠤᠷᠢ ᠮᠥᠨ᠃
— ᠶᠡᠷᠦᠩᠬᠡᠢ ᠱᠦᠵᠢ ᠰᠢᠶ᠋ᠢᠨ ᠫᠢᠩᠤᠨ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠲᠤ ᠨᠠᠮᠤᠨ ᠲᠥᠪ ᠬᠤᠷᠢᠶᠠᠨᠤ ᠤᠯᠤᠰ ᠲᠦᠷᠦᠶ᠋ᠢᠨ ᠲᠣᠪᠴᠢᠶᠠᠨᠤ ᠠᠷᠪᠠᠨ ᠭᠤᠷᠪᠠᠳᠤᠭᠠᠷ ᠤᠳᠠᠭᠠᠨᠤ ᠬᠠᠮᠲᠤᠶ᠋ᠢᠨ ᠰᠤᠷᠤᠯᠴᠠᠯᠭᠠ ᠳᠡᠭᠡᠷᠡ ᠬᠡᠯᠡᠭ᠌ᠰᠡᠨ ᠶᠠᠷᠢᠶᠠᠠᠴᠠ ᠠᠪᠤᠪᠠ
（2014 ᠣᠨᠤ 2 ᠰᠠᠷᠠᠶ᠋ᠢᠨ 24 ᠤ ᠡᠳᠦᠷ）
ᠡᠷᠲᠡᠨᠠᠴᠠ ᠣᠳᠣ ᠪᠣᠯᠲᠠᠯᠠ ᠨᠠᠰᠤᠲᠠᠢᠴᠤᠳᠤᠨ ᠪᠠᠶᠡᠷ ᠪᠣᠯ ᠮᠠᠨᠤ ᠤᠯᠤᠰᠤᠨ ᠴᠢᠬᠤᠯᠠ ᠤᠯᠠᠮᠵᠢᠯᠠᠯᠲᠤ ᠪᠠᠶᠠᠷᠤᠨ ᠡᠳᠦᠷᠤᠨ ᠨᠢᠭᠡ ᠪᠤᠯᠤᠨᠠ᠃ ᠡᠷᠲᠡᠨᠤ ᠨᠠᠰᠤᠲᠠᠢᠴᠤᠳᠤᠨ ᠪᠠᠶᠠᠷᠤᠨ ᠡᠳᠦᠷ ᠳᠡᠭᠡᠳᠦᠰᠢᠶᠠᠨ ᠲᠠᠬᠢᠬᠤ᠂ ᠥᠨᠳᠥᠷᠲᠤ ᠠᠪᠠᠷᠢᠬᠤ᠂ ᠨᠠᠮᠤᠷᠤᠨ ᠬᠤᠷᠢᠶᠠᠯᠲᠠᠶ᠋ᠢᠨ ᠦᠷᠡ ᠵᠢᠮᠢᠰᠢᠶᠠᠨ ᠭᠠᠳᠠᠨᠠ ᠬᠠᠲᠠᠭᠠᠬᠤ ᠵᠡᠷᠭᠡ ᠠᠷᠠᠳᠤᠨ ᠵᠠᠩᠱᠢᠯ ᠪᠠᠢᠭ᠍ᠰᠠᠨ ᠪᠥᠭᠡᠳ ᠣᠳᠣ ᠬᠦᠷᠲᠡᠯᠡ ᠬᠠᠳᠠᠭᠠᠯᠠᠭ᠍ᠳᠠᠭ᠍ᠰᠠᠭᠠᠷ ᠪᠠᠢᠨᠠ᠃ 2006 ᠣᠨᠳᠤ᠂ ᠨᠠᠰᠤᠲᠠᠢᠴᠤᠳᠤᠨ ᠪᠠᠶᠠᠷᠢ ᠲᠥᠷᠥᠶ᠋ᠢᠨ ᠶᠠᠪᠤᠳᠠᠯᠤᠨ ᠬᠤᠷᠢᠶᠠ ᠠᠩᠬᠠᠨᠤ ᠪᠦᠯᠦᠭᠤᠨ ᠤᠯᠤᠰᠤᠨ ᠲᠠᠰᠤᠨ ᠪᠣᠳᠠᠰᠤᠨ ᠪᠤᠰᠤ ᠰᠣᠶᠣᠯᠤᠨ ᠥᠪᠤᠨ ᠨᠡᠷᠡᠰᠲᠤ ᠣᠷᠣᠭᠤᠯᠵᠠᠶ᠃
ᠴᠠᠭ ᠦᠶᠡᠶ᠋ᠢᠨ ᠬᠥᠭ᠌ᠵᠢᠯᠲᠡᠶ᠋ᠢ ᠳᠠᠭᠠᠯᠳᠤᠨ᠂ ᠡᠨᠡ ᠬᠦ᠌ ᠪᠠᠶᠠᠷᠤᠨ ᠡᠳᠦᠷ ᠣᠳᠣᠬᠠᠨᠳᠤ ᠨᠠᠰᠤᠲᠠᠨᠢᠶᠠᠨ ᠬᠦᠨᠳᠦᠯᠡᠬᠦ᠌ ᠱᠢᠨᠡ ᠠᠭᠤᠯᠤᠭ᠍ᠳᠠᠬᠤᠨᠲᠠᠢ ᠪᠣᠯᠵᠠᠶ᠃ 1989 ᠣᠨᠳᠤ ᠮᠠᠨᠤ ᠤᠯᠤᠰ ᠪᠢᠯᠢᠭᠤᠨ ᠤᠯᠠᠷᠢᠯᠤᠨ ᠶᠢᠰᠦᠨ ᠰᠠᠷᠠᠶ᠋ᠢᠨ ᠶᠢᠰᠦᠨᠢ ᠨᠠᠰᠤᠲᠠᠢᠴᠤᠳᠤᠨ ᠪᠠᠶᠠᠷᠤᠨ ᠡᠳᠦᠷ᠂ ᠨᠠᠰᠤᠳᠠᠨᠢᠶᠠᠨ ᠬᠦᠨᠳᠦᠯᠡᠬᠦ᠌ ᠪᠠᠶᠠᠷᠤᠨ ᠡᠳᠦᠷᠢᠶᠠᠷ ᠲᠣᠭ᠍ᠲᠠᠭᠠᠪᠠ； 2012 ᠣᠨᠳᠤ ᠪᠦᠬᠦ᠌ ᠤᠯᠤᠰᠤᠨ ᠠᠷᠠᠳᠤᠨ ᠲᠥᠯᠥᠭᠡᠯᠡᠭ᠌ᠴᠢᠳᠤᠨ ᠶᠡᠭᠡ ᠬᠤᠷᠠᠯᠤᠨ ᠪᠠᠢᠩᠭᠤᠶ᠋ᠢᠨ ᠬᠤᠷᠢᠶᠠ ᠱᠢᠨᠡᠪᠠᠷ ᠵᠠᠰᠠᠪᠤᠷᠢ ᠣᠷᠣᠭᠤᠯᠤᠭ᠍ᠰᠠᠨ 《ᠨᠠᠰᠤᠲᠠᠢᠴᠤᠳᠤᠨ ᠡᠷᠬᠡ ᠠᠱᠢᠭᠢ ᠪᠠᠲᠤᠯᠠᠬᠤ ᠬᠠᠤᠯᠢ》 ᠶ᠋ᠢ ᠪᠠᠲᠤᠯᠠᠵᠤ᠂ ᠠᠩᠬᠠ ᠤᠳᠠᠭᠠ ᠬᠠᠤᠯᠢ ᠴᠠᠭᠠᠵᠠᠶ᠋ᠢᠨ ᠬᠡᠯᠪᠡᠷᠢᠪᠠᠷ ᠵᠢᠯ ᠪᠦᠷᠢᠶ᠋ᠢᠨ ᠪᠢᠯᠢᠭᠤᠨ ᠤᠯᠠᠷᠢᠯᠤᠨ ᠶᠢᠰᠦᠨ ᠰᠠᠷᠠᠶ᠋ᠢᠨ ᠱᠢᠨᠡᠶ᠋ᠢᠨ ᠶᠢᠰᠦᠨᠢ ᠨᠠᠰᠤᠲᠠᠢᠴᠤᠳᠤᠨ ᠪᠠᠶᠠᠷᠤᠨ ᠡᠳᠦᠷᠢᠶᠠᠷ ᠲᠣᠭ᠍ᠲᠠᠭᠠᠵᠤ᠂ ᠳᠤᠮᠳᠠᠳᠤᠶ᠋ᠢᠨ ᠦᠨᠳᠦᠰᠦᠲᠡᠨᠤ ᠨᠠᠰᠤᠲᠠᠨᠢᠶᠠᠨ ᠬᠦᠨᠳᠦᠯᠡᠬᠦ᠂ ᠨᠠᠰᠤᠲᠠᠨᠢᠶᠠᠨ ᠠᠰᠠᠷᠠᠬᠤ᠂ ᠨᠠᠰᠤᠲᠠᠨᠢᠶᠠᠨ ᠬᠠᠪᠰᠤᠷᠬᠤ ᠤᠯᠠᠮᠵᠢᠯᠠᠯᠲᠤ ᠰᠠᠢᠬᠠᠨ ᠰᠤᠷᠲᠠᠯᠢ ᠪᠠᠳᠠᠷᠠᠭᠤᠯᠬᠤᠪᠠᠷ ᠵᠤᠷᠢᠭ᠍ᠰᠠᠨ ᠪᠠᠢᠨᠠ᠃
ᠨᠠᠰᠤᠲᠠᠢᠴᠤᠳᠤᠨ ᠪᠠᠶᠠᠷᠢ ᠤᠯᠠᠮᠵᠢᠯᠠᠬᠤᠶ᠋ᠢᠨ ᠳᠤᠮᠳᠠ ᠬᠥᠭ᠌ᠵᠢᠭᠦᠯᠵᠦ᠍᠂ ᠬᠥᠭ᠌ᠵᠢᠭᠦᠯᠬᠦ᠌ᠶ᠋ᠢᠨ ᠳᠤᠮᠳᠠ ᠤᠯᠠᠮᠵᠢᠯᠠᠬ᠍ᠰᠠᠭᠠᠷ ᠢᠷᠡᠭ᠌ᠰᠡᠨ ᠶᠤᠮ᠃
ᠲᠠᠩ ᠤᠯᠤᠰᠤᠨ ᠦᠶᠡᠳᠤ ᠶᠢᠰᠦᠨ ᠰᠠᠷᠠᠶ᠋ᠢᠨ ᠶᠢᠰᠦᠨᠤ ᠡᠳᠦᠷᠢ ᠬᠤᠤᠰ ᠶᠢᠰᠦᠨᠤ ᠪᠠᠶᠠᠷᠤᠨ ᠡᠳᠦᠷᠢᠶᠠᠷ ᠲᠤᠭ᠍ᠲᠠᠭᠠᠵᠠᠢ
ᠬᠤᠤᠰ ᠶᠢᠰᠤᠨᠤ ᠪᠠᠶᠠᠷ ᠬᠡᠵᠢᠶᠡ ᠡᠭᠦᠰᠦᠭ᠌ᠰᠡᠨ ᠪᠤᠢ᠂ ᠶᠠᠮᠠᠷ ᠢᠷᠡᠯᠲᠡᠲᠠᠢ ᠪᠤᠢ？ ᠶᠠᠭᠤᠨᠳᠤ ᠵᠢᠯ ᠪᠦᠷᠢᠶ᠋ᠢᠨ ᠶᠢᠰᠦᠨ ᠰᠠᠷᠠᠶ᠋ᠢᠨ ᠶᠢᠰᠦᠨᠤ ᠡᠳᠦᠷᠢ ᠬᠤᠤᠰ ᠶᠢᠰᠦᠨᠤ ᠪᠠᠶᠠᠷᠢᠶᠠᠷ ᠲᠣᠭ᠍ᠲᠠᠭᠠᠭ᠍ᠰᠠᠨ ᠪᠤᠢ？ ᠥᠪᠥᠷ ᠮᠣᠩᠭᠤᠯᠤᠨ ᠨᠡᠢᠭᠡᠮᠤᠨ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠤ ᠬᠦᠷᠢᠶᠡᠯᠡᠩᠤᠨ ᠳᠡᠳ᠋ ᠰᠤᠳᠤᠯᠤᠭ᠍ᠴᠢ ᠯᠢᠦ ᠴᠦᠨ ᠽᠢ ᠶᠢᠰᠦᠨ ᠰᠠᠷᠠᠶ᠋ᠢᠨ ᠶᠢᠰᠦᠨᠤ ᠪᠠᠶᠠᠷᠤᠨ ᠡᠭᠦᠰᠦᠯ ᠪᠠ ᠢᠷᠡᠯᠳᠡᠶ᠋ᠢᠨ ᠲᠤᠬᠠᠢ ᠲᠠᠢᠯᠪᠤᠷᠢᠯᠠᠨ ᠶᠠᠷᠢᠨᠠ᠃ 《ᠡᠷᠲᠡᠨᠤ ᠦᠶᠡᠳᠤ᠂ ᠮᠠᠨᠤ ᠤᠯᠤᠰᠤᠨ ᠲᠤᠭᠠ ᠠᠷᠭᠠ ᠪᠢᠯᠢᠭᠤᠨ ᠢᠯᠭᠠᠭᠠᠲᠠᠢ᠂ ᠶᠢᠰᠦ ᠪᠤᠯ ᠠᠷᠭᠠ ᠲᠤᠭᠠ ᠪᠠᠢᠵᠤ᠂ ᠳᠠᠩ ᠲᠣᠭᠠᠨᠤ ᠬᠠᠮᠤᠭᠤᠨ ᠶᠡᠭᠡ ᠲᠤᠭᠠ ᠪᠤᠯᠤᠨᠠ᠂ ᠡᠢᠮᠦᠠᠴᠠ ᠣᠷᠳᠣ ᠤᠳᠠᠭᠠᠨ᠂ ᠣᠷᠳᠣ ᠨᠠᠰᠤᠯᠠᠬᠤ ᠭᠡᠰᠡᠨ ᠤᠳᠭᠠᠲᠠᠢ᠃ ᠪᠢᠯᠢᠭᠤᠨ ᠤᠯᠠᠷᠢᠯᠤᠨ ᠶᠢᠰᠦᠨ ᠰᠠᠷᠠᠶ᠋ᠢᠨ ᠱᠢᠨᠡᠶ᠋ᠢᠨ ᠶᠢᠰᠦᠨᠤ ᠡᠳᠦᠷ ᠬᠤᠶᠠᠷ ᠶᠢᠰᠦ ᠳᠠᠪᠬᠤᠴᠠᠵᠤ᠂ ᠬᠤᠤᠰ ᠶᠢᠰᠦᠨᠤ ᠡᠳᠦᠷ ᠭᠡᠳᠡᠭ》 ᠭᠡᠵᠦ᠍ ᠯᠢᠦ ᠴᠦᠨ ᠽᠢ ᠶᠠᠷᠢᠨᠠ᠃ ᠶᠢᠰᠦᠨ ᠰᠠᠷᠠᠶ᠋ᠢᠨ ᠶᠢᠰᠦᠨᠤ ᠪᠠᠶᠠᠷᠤᠨ ᠡᠬᠢ ᠡᠭᠦᠰᠦᠯᠢ ᠴᠢᠨ ᠤᠯᠤᠰᠠᠴᠠ ᠡᠮᠦᠨᠡᠬᠢ ᠦᠶᠡ ᠬᠦᠷᠲᠡᠯᠡ ᠮᠥᠷᠳᠡᠵᠦ᠍ ᠪᠣᠯᠤᠨᠠ᠂ ᠲᠤᠬᠠᠶᠶ᠋ᠢᠨ ᠦᠶᠡᠳᠤ ᠨᠠᠮᠤᠷᠤᠨ ᠶᠢᠰᠦᠨ ᠰᠠᠷᠠᠶ᠋ᠢᠨ ᠡᠯᠪᠡᠭ ᠬᠤᠷᠢᠶᠠᠯᠲᠠᠶ᠋ᠢᠨ ᠦᠶᠡᠳᠤ ᠲᠩᠷᠢ ᠲᠠᠬᠢᠬᠤ᠂ ᠳᠡᠭᠡᠳᠦᠰᠢᠶᠠᠨ ᠳᠠᠬᠢᠬᠤ ᠠᠵᠢᠯᠯᠠᠭᠠ ᠬᠢᠵᠦ᠍ ᠪᠠᠢᠵᠠᠢ᠃ 《ᠭᠤᠷᠪᠠᠨ ᠤᠯᠤᠰᠤᠨ ᠣᠢᠶᠠᠳᠤ ᠶᠢᠰᠦᠨ ᠰᠠᠷᠠᠶ᠋ᠢᠨ ᠶᠢᠰᠦᠨᠤ ᠪᠠᠶᠠᠷᠤᠨ ᠲᠤᠬᠠᠶ ᠲᠡᠮᠳᠡᠭ᠌ᠯᠡᠯᠲᠠᠢ ᠪᠣᠯᠵᠠᠶ》 ᠭᠡᠵᠦ᠍ ᠯᠢᠦ ᠴᠦᠨ ᠽᠢ ᠶᠠᠷᠢᠨᠠ᠃ ᠬᠠᠷᠢᠨ ᠸᠧᠶᠶ᠋ᠢᠨᠤ ᠦᠶᠡ ᠪᠣᠯᠬᠤᠳᠤ᠂ ᠶᠢᠰᠦᠨ ᠰᠠᠷᠠᠶ᠋ᠢᠨ ᠱᠢᠨᠡᠶ᠋ᠢᠨ ᠶᠢᠰᠦᠨᠳᠤ ᠪᠠᠰᠠ ᠤᠳᠪᠠᠯᠠ ᠰᠣᠨᠢᠷᠬᠠᠬᠤ᠂ ᠠᠷᠢᠬᠢ ᠤᠤᠭᠤᠬᠤ ᠵᠠᠩᠱᠢᠯᠲᠠᠢ ᠪᠣᠯᠵᠠᠶ᠃ ᠲᠠᠩ ᠤᠯᠤᠰᠤᠨ ᠦᠶᠡᠳᠤ ᠬᠦᠷᠦᠭᠡᠳ ᠶᠢᠰᠦᠨ ᠰᠠᠷᠠᠶ᠋ᠢᠨ ᠱᠢᠨᠡᠶ᠋ᠢᠨ ᠶᠢᠰᠦᠨᠢ ᠬᠤᠤᠰ ᠶᠢᠰᠦᠨᠤ ᠪᠠᠶᠠᠷ ᠭᠡᠵᠦ᠍ ᠵᠢᠩᠬᠢᠨᠢᠪᠠᠷ ᠲᠣᠭ᠍ᠲᠠᠭᠠᠪᠠ᠃
ᠯᠢᠦ ᠴᠦᠨ ᠽᠢᠶ᠋ᠢᠨ ᠶᠠᠷᠢᠬᠤᠪᠠᠷ᠂ ᠡᠭᠦᠨᠠᠴᠠ ᠬᠤᠢᠰᠢ ᠲᠥᠷᠥ᠍ ᠭᠦᠷᠦᠨ᠂ ᠠᠷᠠᠳ ᠢᠷᠭᠡᠳ ᠬᠠᠮᠲᠤᠪᠠᠷ ᠶᠢᠰᠦᠨ ᠰᠠᠷᠠᠶ᠋ᠢᠨ ᠶᠢᠰᠦᠨᠤ ᠪᠠᠶᠠᠷᠢ ᠪᠡᠯᠭᠡᠯᠡᠬᠦ᠌ᠶ᠋ᠢᠨ ᠬᠠᠮᠲᠤ ᠪᠠᠶᠠᠷᠤᠨ ᠡᠳᠦᠷᠤᠨ ᠬᠤᠭᠤᠴᠠᠭᠠᠨᠳᠤ ᠥᠨᠳᠥᠷᠲᠤ ᠠᠪᠠᠷᠢᠬᠤ᠂ ᠵᠢᠭᠤᠯᠴᠢᠯᠠᠬᠤ᠂ ᠳᠠᠢᠯᠠᠯᠭᠠ ᠬᠢᠬᠦ᠌ ᠪᠠ ᠣᠯᠠᠨ ᠶᠠᠩᠵᠤᠶ᠋ᠢᠨ ᠵᠤᠭᠠ ᠴᠡᠩᠭᠡᠯᠤᠨ ᠠᠵᠢᠯᠯᠠᠭᠠ ᠥᠷᠨᠢᠭᠦᠯᠬᠦ᠌ ᠪᠣᠯᠪᠠ᠃ ᠮᠢᠩ᠂ ᠴᠢᠩ ᠤᠯᠤᠰᠤᠨ ᠦᠶᠡᠳᠤ ᠶᠢᠰᠦᠨ ᠰᠠᠷᠠᠶ᠋ᠢᠨ ᠶᠢᠰᠦᠨᠤ ᠪᠠᠶᠠᠷᠤᠨ ᠵᠠᠩ ᠦᠢᠯᠡᠶ᠋ᠢᠨ ᠠᠵᠢᠯᠯᠠᠭᠠ ᠮᠥᠨ ᠯᠡ ᠤᠯᠠᠮᠵᠢᠯᠠᠭ᠍ᠳᠠᠨ ᠳᠡᠯᠭᠡᠷᠡᠭ᠌ᠰᠡᠨ ᠭᠡᠨᠡ᠃
ᠣᠳᠣ ᠶᠢᠰᠦᠨ ᠰᠠᠷᠠᠶ᠋ᠢᠨ ᠶᠢᠰᠦᠨᠤ ᠪᠠᠶᠠᠷᠢ ᠲᠡᠮᠲᠡᠭ᠌ᠯᠡᠬᠦ᠌ᠳᠤ ᠴᠢᠯᠥᠭᠡ ᠲᠠᠯᠪᠢᠬᠤ ᠦᠭᠡᠢ᠃ ᠲᠡᠦᠬᠡᠨ ᠮᠠᠲ᠋ᠧᠷᠢᠶᠠᠯᠳᠤ ᠲᠡᠮᠳᠡᠭ᠌ᠯᠡᠭ᠌ᠰᠡᠨᠢᠶᠠᠷ᠂ ᠰᠦᠩ ᠤᠯᠤᠰᠤᠨ ᠶᠢᠰᠦᠨ ᠰᠠᠷᠠᠶ᠋ᠢᠨ ᠶᠢᠰᠦᠨᠤ ᠪᠠᠶᠠᠷ ᠪᠣᠯ ᠬᠠᠷᠢᠨ ᠬᠠᠤᠯᠢᠪᠠᠷ ᠲᠣᠭ᠍ᠲᠠᠭᠠᠭ᠍ᠰᠠᠨ ᠠᠮᠠᠷᠠᠯᠲᠠ ᠪᠠᠢᠵᠠᠢ᠃ ᠰᠦᠩ ᠱᠸᠠᠽᠦᠡᠭ ᠬᠠᠭᠠᠨ ᠰᠠᠭᠤᠷᠢᠨᠳᠤ ᠰᠠᠭᠤᠭ᠍ᠰᠠᠨᠤ ᠳᠠᠷᠠᠭᠠ ᠶᠢᠰᠦᠨ ᠰᠠᠷᠠᠶ᠋ᠢᠨ ᠶᠢᠰᠦᠨᠤ ᠪᠠᠶᠠᠷᠤᠨ ᠠᠮᠠᠷᠠᠯᠲᠠᠶ᠋ᠢᠨ ᠬᠤᠭᠤᠴᠠᠭᠠᠶ᠋ᠢ ᠬᠤᠶᠠᠷ ᠡᠳᠦᠷ ᠪᠤᠯᠭᠠᠨ ᠤᠷᠲᠤᠳᠭᠠᠪᠠ᠃
ᠱᠢᠨᠡ ᠴᠠᠭ ᠦᠶᠡᠶ᠋ᠢᠨ ᠨᠠᠰᠤᠳᠠᠢᠴᠤᠳᠤᠨ ᠪᠠᠶᠠᠷᠲᠤ ᠨᠠᠰᠤᠳᠠᠨᠢᠶᠠᠨ ᠬᠦᠨᠳᠦᠯᠡᠬᠦ᠌ ᠠᠷᠭᠠ ᠪᠠᠷᠢᠯ ᠤᠯᠠᠨ ᠣᠨ ᠰᠠᠷᠠ ᠤᠷᠴᠢᠵᠤ᠂ ᠴᠠᠭ ᠦᠶᠡ ᠬᠤᠪᠢᠷᠠᠵᠦ᠍ ᠯᠡ ᠪᠠᠢᠨᠠ᠃
ᠰᠦᠩ ᠾᠧ ᠫᠢᠩ ᠪᠤᠯ ᠥᠪᠥᠷ ᠮᠣᠩᠭᠤᠯᠤᠨ ᠨᠡᠷᠡ ᠬᠦᠨᠳᠦᠲᠦ ᠵᠠᠭᠤᠴᠢᠯᠠᠭᠤᠷᠤᠨ ᠬᠥᠮᠦᠨ᠂ ᠰᠣᠶᠣᠯ ᠵᠢᠭᠤᠯᠴᠢᠯᠠᠯᠤᠨ ᠲᠤᠰᠭᠠᠶ ᠮᠡᠷᠭᠡᠵᠢᠯᠲᠡᠨ ᠪᠤᠯᠤᠨᠠ᠃ 2020 ᠣᠨᠳᠤ᠂ ᠬᠥᠬᠡᠬᠤᠲᠠᠶ᠋ᠢᠨ ᠰᠣᠶᠣᠯ ᠵᠢᠭᠤᠯᠴᠢᠯᠠᠯᠤᠨ ᠰᠠᠯᠠᠭᠠ ᠮᠥᠴᠢᠷᠤᠨ ᠳᠡᠮᠵᠢᠯᠭᠡᠪᠠᠷ ᠲᠡᠷᠡ ᠬᠥᠬᠡᠬᠤᠲᠠᠶ᠋ᠢᠨ ᠬᠡᠳᠦᠨ ᠪᠠᠢᠭᠤᠯᠤᠮᠵᠢᠲᠠᠢ ᠬᠠᠮᠲᠤᠷᠠᠨ᠂ 《ᠪᠦᠯᠬᠦᠮᠳᠡᠯᠤᠨ ᠠᠶᠠᠰ ᠴᠢᠪᠬᠠᠳᠠᠭ᠍ᠰᠠᠨ ᠨᠠᠰᠤᠲᠠᠢᠴᠤᠳᠤᠨ ᠪᠠᠶᠠᠷ — 〈ᠴᠡᠯᠡᠭᠡᠷ ᠲᠠᠯᠠᠶ᠋ᠢᠨ ᠦᠨᠦᠷ ᠠᠮᠳᠠ〉》 ᠨᠠᠰᠤᠲᠠᠨᠢᠶᠠᠨ ᠬᠦᠨᠳᠦᠯᠡᠬᠦ᠌ ᠠᠵᠢᠯᠯᠠᠭᠠᠶ᠋ᠢ ᠬᠠᠮᠲᠤᠪᠠᠷ ᠲᠥᠰᠦᠪᠯᠡᠨ ᠡᠷᠬᠢᠯᠡᠪᠡ᠃
《ᠮᠠᠨᠤ ᠠᠵᠢᠯᠯᠠᠭᠠ 3 ᠡᠳᠦᠷ ᠶᠠᠪᠤᠭ᠍ᠳᠠᠵᠤ᠂ 2020 ᠣᠨᠤ 10 ᠰᠠᠷᠠᠶ᠋ᠢᠨ 23 ᠤ ᠡᠳᠦᠷᠠᠴᠠ 10 ᠰᠠᠷᠠᠶ᠋ᠢᠨ 25 ᠤ ᠡᠳᠦᠷ ᠳᠠᠷᠤᠢ ᠨᠠᠰᠤᠲᠠᠢᠴᠤᠳᠤᠨ ᠪᠠᠶᠠᠷᠤᠨ ᠡᠳᠦᠷ ᠪᠣᠯᠲᠠᠯᠠ ᠶᠠᠪᠤᠭ᠍ᠳᠠᠵᠠᠢ᠃ ᠠᠵᠢᠯᠯᠠᠭᠠᠶ᠋ᠢᠨ ᠬᠤᠭᠤᠴᠠᠭᠠᠨᠳᠤ᠂ 65 ᠨᠠᠰᠤᠨᠠᠴᠠ ᠳᠡᠭᠡᠭ᠌ᠰᠢᠬᠢ ᠨᠠᠰᠤᠲᠠᠢᠴᠤᠳ ᠦᠨᠡ ᠲᠦᠯᠦᠪᠦᠷᠢ ᠥᠬᠡᠶᠪᠠᠷ ᠨᠠᠰᠤᠲᠠᠨᠢᠶᠠᠨ ᠬᠦᠨᠳᠦᠯᠡᠬᠦ᠌ ᠬᠤᠭᠤᠯᠠᠶ᠋ᠢ ᠠᠮᠲᠠᠯᠠᠵᠤ᠂ ᠠᠯᠪᠠᠨ ᠵᠢᠷᠤᠮᠤᠨ ᠡᠮᠴᠢᠯᠡᠭᠡ ᠬᠢᠯᠭᠡᠨ᠂ ᠠᠯᠪᠠᠨ ᠵᠢᠷᠤᠮᠤᠨ ᠲᠣᠭ᠍ᠯᠠᠯᠲᠠᠶ᠋ᠢ ᠰᠣᠨᠢᠷᠬᠠᠵᠤ ᠪᠣᠯᠤᠨᠠ》 ᠭᠡᠵᠦ᠍ ᠰᠦᠩ ᠾᠧ ᠫᠢᠩ ᠬᠡᠯᠡᠨᠡ᠃ ᠠᠵᠢᠯᠯᠠᠭᠠᠶ᠋ᠢᠨ ᠦᠶᠡᠳᠤ ᠨᠠᠰᠤᠲᠠᠢᠴᠤᠳᠤᠨ ᠪᠠᠶᠠᠷᠲᠤ ᠶᠢᠰᠦᠨ ᠰᠠᠷᠠᠶ᠋ᠢᠨ ᠶᠢᠰᠦᠨᠤ ᠪᠣᠭᠤᠷᠰᠤᠭ ᠢᠳᠡᠬᠦ᠂ ᠤᠳᠪᠠᠯᠠᠶ᠋ᠢᠨ ᠠᠷᠢᠬᠢ ᠤᠤᠭᠤᠬᠤ ᠵᠡᠷᠭᠡ ᠵᠠᠩ ᠳᠠᠳᠭᠠᠯᠢ ᠦᠨᠳᠦᠰᠦᠯᠡᠨ᠂ ᠬᠥᠬᠡᠬᠤᠲᠠᠶ᠋ᠢᠨ ᠪᠣᠳᠠᠲᠤ ᠪᠠᠢᠳᠠᠯᠲᠠᠢ ᠤᠶᠠᠯᠳᠤᠭᠤᠯᠵᠤ᠂ ᠨᠠᠰᠤᠲᠠᠨᠢᠶᠠᠨ ᠬᠦᠨᠳᠦᠯᠡᠬᠦ᠌ ᠬᠤᠭᠤᠯᠠᠨᠳᠤ ᠲᠠᠯᠠ ᠨᠤᠲᠤᠭᠤᠨ ᠴᠢᠨᠠᠭ᠍ᠰᠠᠨ ᠬᠤᠨᠢᠨ ᠮᠢᠬᠠ᠂ ᠲᠣᠰᠣᠨᠳᠤ ᠬᠠᠭᠠᠷᠢᠭ᠍ᠰᠠᠨ ᠪᠤᠤᠪᠤ᠂ ᠲᠣᠭ᠍ᠲᠠᠬᠤ ᠱᠢᠶᠠᠨᠤ ᠹᠧᠨᠲ᠋ᠢᠶᠤᠤᠷᠲᠠᠢ ᠱᠥᠯᠥ᠍᠂ ᠬᠤᠨᠢᠨ ᠮᠢᠬᠠᠲᠠᠢ ᠰᠠᠭᠠᠭᠤᠨ ᠭᠤᠯᠢᠷᠤᠨ ᠾᠧᠯᠧ᠂ ᠲᠣᠭ᠍ᠲᠠᠬᠤ ᠱᠢᠶᠠᠨᠤ ᠳᠠᠷᠠᠰᠤ᠂ ᠬᠡᠪᠤᠨ ᠴᠠᠶ ᠵᠡᠷᠭᠡ ᠢᠳᠡᠭᠡᠨ ᠤᠮᠳᠠᠭᠠᠨᠢ ᠬᠠᠩᠭᠠᠵᠠᠢ᠃ ᠲᠤᠬᠠᠢᠶ᠋ᠢᠨ ᠲᠠᠯᠠᠪᠠᠢᠳᠤ ᠡᠯ ᠷᠧᠨᠲᠠᠢ ᠵᠦᠴᠦᠭᠡ᠂ ᠱᠠᠨ ᠰᠢ ᠵᠦᠴᠦᠭᠡ᠂ ᠠᠭᠤᠳᠠᠮ ᠲᠠᠯᠠᠪᠠᠢᠶ᠋ᠢᠨ ᠪᠥᠵᠢᠭ᠂ ᠵᠡᠭᠡᠯᠢᠶ᠋ᠢᠨ ᠪᠥᠵᠢᠭ ᠵᠡᠷᠭᠡ ᠲᠣᠭ᠍ᠯᠠᠯᠲᠠ ᠭᠠᠷᠭᠠᠵᠤ᠂ ᠪᠠᠰᠠ ᠬᠢᠲᠠᠳ ᠮᠣᠩᠭᠤᠯ ᠧᠦ᠋ᠷᠣᠫᠠ ᠡᠮᠨᠡᠯᠭᠡᠶ᠋ᠢᠨ ᠲᠤᠰᠭᠠᠢ ᠮᠡᠷᠭᠡᠵᠢᠯᠲᠡᠳ ᠦᠨᠡ ᠲᠥᠯᠥᠪᠦᠷᠢ ᠦᠭᠡᠢᠪᠠᠷ ᠨᠠᠰᠤᠲᠠᠢᠴᠤᠳᠲᠤ ᠪᠡᠶᠡᠶ᠋ᠢᠨ ᠪᠠᠢᠴᠠᠭᠠᠯᠲᠠ ᠬᠢᠵᠦ᠍ ᠥᠭ᠌ᠪᠡ᠃
ᠪᠦᠬᠦ᠋ᠢᠯᠡ ᠠᠵᠢᠯᠯᠠᠭᠠ ᠠᠭᠤᠯᠭᠠᠪᠠᠷ ᠪᠠᠶᠠᠯᠢᠭ ᠪᠦᠭᠡᠳ ᠣᠯᠠᠨ ᠲᠦᠮᠡᠨᠲᠠᠢ ᠣᠢᠷᠠᠳᠴᠤ᠌᠂ ᠮᠠᠰᠢ ᠰᠠᠢᠨ ᠦᠷᠡ ᠪᠦᠲᠦᠮᠵᠢ ᠣᠯᠵᠠᠶ᠃
ᠦᠨᠡᠨᠳᠡᠭᠡᠨ ᠨᠠᠰᠤᠲᠠᠨᠢᠶᠠᠨ ᠬᠦᠨᠳᠦᠯᠡᠵᠦ᠍ ᠲᠥᠷᠥᠯ ᠰᠠᠳᠤᠨᠢᠶᠠᠨ ᠠᠴᠢᠯᠠᠬᠤᠨᠢ ᠵᠥᠪᠬᠡᠨ ᠨᠠᠰᠤᠲᠠᠨᠢ ᠮᠥᠷᠥ᠍ ᠪᠦᠲᠦᠨ ᠭᠡᠳᠡᠰᠦ ᠴᠠᠳᠭᠤᠯᠠᠩ᠂ ᠡᠷᠡᠭᠦᠯ ᠴᠢᠭᠢᠷᠠᠭ ᠶᠠᠪᠤᠭᠤᠯᠬᠤ ᠯᠡ ᠲᠡᠳᠦᠶ ᠪᠢᠰᠢ᠂ ᠪᠠᠰᠠ ᠲᠡᠳᠡᠨᠢ ᠴᠠᠭ ᠦᠶᠡᠶ᠋ᠢᠨ ᠬᠥᠭ᠌ᠵᠢᠯᠲᠡᠶ᠋ᠢ ᠲᠠᠭᠠᠵᠤ᠂ ᠣᠳᠣ ᠦᠶᠡᠶ᠋ᠢᠨ ᠠᠮᠢᠳᠤᠷᠠᠯᠤᠨ ᠳᠥᠭᠦᠮ ᠳᠥᠲᠡᠶ᠋ᠢ ᠡᠳ᠋ᠯᠡᠭᠦᠯᠬᠦ᠌ ᠬᠡᠷᠡᠭ᠌ᠲᠡᠶ᠃ ᠪᠤᠭᠤᠲᠤ ᠬᠤᠲᠠᠳᠤ ᠰᠠᠭᠤᠵᠤ ᠪᠠᠢᠭᠠ ᠰᠥᠩ ᠠᠪᠠᠭ᠍ᠠᠶ 2018 ᠣᠨᠳᠤ ᠬᠤᠷᠢᠮᠯᠠᠭ᠍ᠰᠠᠨᠤ ᠳᠠᠷᠠᠭᠠ᠂ ᠵᠢᠯ ᠪᠦᠷᠢᠶ᠋ᠢᠨ ᠨᠠᠰᠤᠲᠠᠢᠴᠤᠳᠤᠨ ᠪᠠᠶᠠᠷᠲᠤ ᠡᠵᠢᠳᠡᠭᠡᠨ ᠱᠢᠨᠡ ᠮᠠᠶᠢᠭᠤᠨ ᠪᠡᠯᠡᠭ ᠠᠪᠴᠤ᠌ ᠥᠭ᠌ᠲᠡᠭ᠂ ᠨᠢᠭᠡᠳᠤ ᠲᠡᠭᠦᠨᠤ ᠠᠴᠢᠯᠠᠯᠤᠨ ᠰᠡᠳᠭᠢᠯᠢ ᠬᠠᠷᠠᠭᠤᠯᠵᠤ᠂ ᠬᠤᠶᠠᠷᠲᠤ ᠴᠠᠭ ᠦᠶᠡᠠᠴᠠ ᠬᠤᠴᠤᠷᠤᠭᠤᠯᠤᠯ ᠥᠬᠡᠶ ᠡᠵᠢᠪᠠᠨ ᠠᠴᠢᠯᠠᠨᠠ᠃ ᠰᠦᠩ ᠠᠪᠠᠭ᠍ᠠᠢ ᠡᠵᠢᠳᠡᠭᠡᠨ ᠨᠢᠭᠤᠷᠤᠨ ᠲᠤᠰᠤ᠂ ᠴᠠᠬᠢᠯᠭᠠᠨ ᠱᠢᠳᠦᠨ ᠱᠤᠸᠠᠰᠠ᠂ ᠡᠯᠧᠺᠲᠷᠤᠨ ᠰᠤᠨᠤᠰᠭᠠᠭᠤᠷ ᠵᠡᠷᠭᠡ ᠪᠡᠯᠡᠭ᠌ᠯᠡᠵᠦ᠍ ᠪᠠᠶᠠᠷᠯᠠᠭᠤᠯᠳᠠᠭ᠃
ᠱᠢᠨᠡ ᠴᠠᠭ ᠦᠶᠡᠶ᠋ᠢᠨ ᠨᠠᠰᠤᠲᠠᠢᠴᠤᠳᠤᠨ ᠪᠠᠶᠠᠷᠲᠤ ᠨᠠᠰᠤᠲᠠᠨᠢᠶᠠᠨ ᠬᠦᠨᠳᠦᠯᠡᠵᠦ᠍ ᠲᠥᠷᠥᠯ ᠰᠠᠳᠤᠨᠢᠶᠠᠨ ᠠᠴᠢᠯᠠᠬᠤ ᠠᠷᠭᠠ ᠬᠡᠯᠪᠡᠷᠢ ᠨᠢᠭᠡᠨᠲᠡ ᠴᠠᠭ ᠦᠶᠡᠲᠠᠢ ᠵᠡᠷᠭᠡᠪᠠᠷ ᠤᠷᠤᠭ᠍ᠰᠢᠯᠠᠵᠤ᠂ ᠪᠣᠯᠪᠠᠰᠤᠨ ᠡᠶᠡ ᠵᠣᠬᠢᠴᠠᠩᠭᠤᠶ ᠤᠯᠠᠨ ᠵᠦᠢᠯᠤᠨ ᠬᠡᠯᠪᠡᠷᠢᠶ᠋ᠢ ᠢᠯᠡᠷᠡᠭᠦᠯᠵᠤ ᠪᠤᠢ᠃
ᠨᠠᠰᠤᠲᠠᠢᠴᠤᠳᠤᠨ ᠪᠠᠶᠠᠷᠤᠨ ᠰᠣᠶᠣᠯᠤᠨ ᠠᠭᠤᠯᠤᠭ᠍ᠳᠠᠬᠤᠨ ᠪᠠᠶᠠᠯᠢᠭ ᠠᠭᠤᠰᠤᠯᠴᠠᠯ ᠭᠦᠨᠵᠡᠭᠡᠢ
ᠰᠦᠩ ᠾᠧ ᠫᠢᠩᠤᠨ ᠬᠡᠯᠡᠬᠦ᠌ᠪᠠᠷ᠂ ᠤᠯᠠᠮᠵᠢᠯᠠᠯᠲᠤ ᠪᠠᠶᠠᠷᠤᠨ ᠡᠳᠦᠷ ᠭᠠᠵᠠᠷ ᠣᠷᠣᠨ᠂ ᠠᠭᠤᠷ ᠠᠮᠢᠰᠭᠤᠯᠤᠨ ᠢᠯᠭᠠᠭᠠᠠᠴᠠ ᠪᠣᠯᠵᠤ᠂ ᠪᠠᠶᠠᠷᠤᠨ ᠡᠳᠦᠷᠤᠨ ᠬᠡᠯᠪᠡᠷᠢᠨᠢ ᠪᠠᠰᠠ ᠠᠳᠠᠯᠢ ᠦᠭᠡᠢ᠃ ᠵᠠᠩ ᠦᠢᠯᠡᠶ᠋ᠢ ᠦᠨᠳᠦᠰᠦᠯᠡᠪᠡᠯ᠂ ᠨᠠᠰᠤᠲᠠᠢᠴᠤᠳᠤᠨ ᠪᠠᠶᠠᠷᠤᠨ ᠡᠳᠦᠷ ᠡᠮᠦᠨᠡᠲᠦ ᠣᠷᠣᠨᠳᠤ ᠬᠥᠮᠦᠰ ᠲᠠᠷᠠᠨᠠᠶ ᠬᠠᠳᠭᠤᠵᠤ᠂ ᠤᠳᠪᠠᠯᠠᠶ᠋ᠢᠨ ᠠᠷᠢᠬᠢ ᠤᠤᠭᠤᠨ᠂ ᠶᠢᠰᠦᠨ ᠰᠠᠷᠠᠶ᠋ᠢᠨ ᠶᠢᠰᠦᠨᠤ ᠪᠣᠭᠤᠷᠰᠤᠭ ᠢᠳᠡᠳᠡᠭ᠂ ᠤᠮᠠᠷᠠᠲᠤ ᠣᠷᠣᠨᠤ ᠬᠥᠮᠦᠰ ᠢᠯᠠᠩᠭᠤᠶᠠ ᠥᠪᠥᠷ ᠮᠣᠩᠭᠤᠯᠤᠨ ᠬᠥᠮᠦᠰ ᠲᠤᠰ ᠡᠳᠦᠷ ᠪᠠᠰᠠ ᠪᠣᠭᠤᠷᠰᠤᠭ ᠢᠳᠡᠵᠦ᠍᠂ ᠨᠠᠰᠤᠲᠠᠨᠢᠶᠠᠨ ᠬᠦᠨᠳᠦᠯᠡᠨ᠂ ᠥᠨᠳᠥᠷᠲᠤ ᠠᠪᠠᠷᠢᠵᠦ᠍ ᠤᠳᠪᠠᠯᠠ ᠰᠣᠨᠢᠷᠬᠠᠨᠠ᠃ ᠭᠡᠪᠡᠴᠦ᠍ ᠡᠮᠦᠨᠡᠲᠦ ᠣᠷᠣᠨᠳᠤ ᠴᠦ᠍ ᠭᠡᠰᠡᠨ᠂ ᠤᠮᠠᠷᠠᠲᠤ ᠣᠷᠣᠨᠳᠤ ᠴᠦ᠍ ᠭᠡᠰᠡᠨ ᠶᠢᠰᠦᠨ ᠰᠠᠷᠠᠶ᠋ᠢᠨ ᠶᠢᠰᠦᠨᠤ ᠪᠠᠶᠠᠷ ᠲᠡᠦᠬᠡᠨ ᠬᠥᠭ᠌ᠵᠢᠯᠤᠨ ᠶᠠᠪᠤᠴᠠᠳᠤ ᠠᠯᠢ ᠤᠯᠠᠨ ᠵᠠᠩ ᠥᠢᠯᠨᠶ᠋ᠢᠨ ᠠᠭᠤᠯᠭᠠ ᠪᠠ ᠰᠣᠶᠣᠯᠤᠨ ᠠᠭᠤᠯᠤᠭ᠍ᠳᠠᠬᠤᠨᠢ ᠠᠭᠤᠰᠭᠠᠭ᠍ᠰᠠᠨ ᠭᠡᠨᠡ᠃
ᠨᠠᠰᠤᠲᠠᠢᠴᠤᠳᠤᠨ ᠪᠠᠶᠠᠷ ᠮᠠᠰᠢ ᠣᠯᠠᠨ ᠨᠡᠷᠡᠲᠠᠢ᠂ ᠪᠠᠰᠠ ᠤᠳᠪᠠᠯᠠ ᠴᠡᠴᠡᠭᠤᠨ ᠪᠠᠶᠠᠷ ᠭᠡᠳᠡᠭ᠃ ᠾᠧᠨᠠᠨ ᠮᠤᠵᠢᠶ᠋ᠢᠨ ᠱᠠᠩ ᠼᠠᠢ ᠱᠢᠶᠠᠨ ᠪᠣᠯ ᠳᠤᠮᠳᠠᠳᠤ ᠤᠯᠤᠰᠤᠨ ᠨᠠᠰᠤᠲᠠᠢᠴᠤᠳᠤᠨ ᠪᠠᠶᠠᠷᠤᠨ ᠰᠣᠶᠣᠯᠤᠨ ᠨᠤᠲᠤᠭ ᠪᠣᠯᠤᠨᠠ᠂ 《ᠳᠤᠮᠳᠠᠳᠤ ᠤᠯᠤᠰ · ᠱᠠᠩ ᠼᠠᠢᠶ᠋ᠢᠨ ᠶᠢᠰᠦᠨ ᠰᠠᠷᠠᠶ᠋ᠢᠨ ᠶᠢᠰᠦᠨᠤ ᠰᠣᠶᠣᠯᠤᠨ ᠨᠠᠢᠷ》 2003 ᠣᠨᠠᠴᠠ ᠡᠬᠢᠯᠡᠭᠡᠳ᠂ ᠣᠳᠣ ᠪᠣᠯᠲᠠᠯᠠ ᠨᠢᠭᠡᠨᠲᠡ 18 ᠬᠤᠭᠤᠴᠠᠭᠠ ᠶᠠᠪᠤᠭ᠍ᠳᠠᠵᠠᠶ᠃ ᠵᠢᠯ ᠪᠦᠷᠢᠶ᠋ᠢᠨ ᠠᠵᠢᠯᠯᠠᠭᠠᠳᠤ 《ᠨᠠᠰᠤᠲᠠᠨᠢᠶᠠᠨ ᠬᠦᠨᠳᠦᠯᠡᠬᠦ᠌》 ᠠᠭᠤᠯᠭᠠᠶ᠋ᠢ ᠤᠷᠤᠭᠤᠯᠳᠠᠭ᠃ ᠲᠡᠦᠬᠡᠨ ᠲᠡᠮᠳᠡᠭ᠌ᠯᠡᠯᠳᠤ᠂ ᠸᠧᠶᠶ᠋ᠢᠨ ᠤᠯᠤᠰᠤᠨ ᠦᠶᠡᠳᠤ ᠤᠳᠪᠠᠯᠠ ᠰᠣᠨᠢᠷᠬᠠᠬᠤ ᠵᠠᠩ ᠦᠢᠯᠡ ᠳᠡᠯᠭᠡᠷᠡᠵᠡᠢ᠂ ᠱᠠᠩ ᠼᠠᠢ ᠱᠢᠶᠠᠨ ᠠᠯᠢ ᠡᠷᠲᠡ ᠡᠮᠦᠨᠡᠲᠦ ᠤᠮᠠᠷᠠᠲᠤ ᠲᠥᠷᠥᠶ᠋ᠢᠨ ᠤᠮᠠᠷᠠᠲᠤ ᠸᠧᠶ ᠤᠯᠤᠰᠤᠨ ᠦᠶᠡᠳᠤ ᠱᠢᠶᠠᠨᠪᠢ ᠦᠨᠳᠦᠰᠦᠲᠡᠨ ᠳᠤᠮᠳᠠᠳᠤ ᠣᠷᠣᠨᠳᠤ ᠰᠠᠭᠤᠷᠢᠱᠢᠭᠠᠳ ᠤᠳᠪᠠᠯᠠ ᠰᠣᠨᠢᠷᠬᠠᠬᠤ ᠵᠠᠩ ᠦᠢᠯᠡ ᠳᠠᠬᠢᠨ ᠳᠡᠯᠭᠡᠷᠡᠵᠡᠶ᠃ ᠡᠭᠦᠨᠠᠴᠠ ᠬᠤᠢᠰᠢ ᠶᠢᠰᠦᠨ ᠰᠠᠷᠠᠶ᠋ᠢᠨ ᠶᠢᠰᠦᠨᠤ ᠪᠠᠶᠠᠷᠤᠨ ᠦᠶᠡᠳᠤ ᠤᠳᠪᠠᠯᠠ ᠰᠣᠨᠢᠷᠬᠠᠬᠤ ᠵᠠᠩ ᠦᠢᠯᠡ ᠳᠡᠯᠭᠡᠷᠡᠭᠡᠳ᠂ ᠤᠮᠠᠷᠠᠲᠤᠶ᠋ᠢᠨ ᠰᠣᠶᠣᠯ ᠪᠠ ᠳᠤᠮᠳᠠᠳᠤ ᠣᠷᠣᠨᠤ ᠰᠣᠶᠣᠯᠤᠨ ᠠᠭᠤᠰᠤᠯᠴᠠᠯᠢ ᠬᠠᠷᠠᠭᠤᠯᠪᠠ᠃
ᠰᠦᠩ ᠡᡁᠧ ᠫᠢᠩᠤᠨ ᠦᠵᠡᠬᠦ᠌ᠪᠠᠷ᠂ ᠳᠤᠮᠳᠠᠳᠤᠶ᠋ᠢᠨ ᠤᠯᠠᠮᠵᠢᠯᠠᠯᠲᠤ ᠰᠣᠶᠣᠯᠢ ᠪᠠᠳᠠᠷᠠᠭᠤᠯᠵᠤ᠂ ᠳᠤᠮᠳᠠᠳᠤᠶ᠋ᠢᠨ ᠦᠨᠳᠦᠰᠦᠲᠡᠨᠤ ᠬᠠᠮᠲᠤ ᠴᠣᠭ᠍ᠴᠠᠶ᠋ᠢᠨ ᠤᠬᠠᠮᠰᠠᠷᠢ ᠪᠠᠲᠤ ᠴᠣᠭ᠍ᠴᠠᠯᠠᠵᠤ᠂ ᠡᠯᠡ ᠭᠠᠵᠠᠷᠤᠨᠬᠢᠨ ᠡᠯᠡ ᠵᠦᠢᠯᠤᠨ ᠤᠯᠠᠮᠵᠢᠯᠠᠯᠲᠤ ᠪᠠᠶᠠᠷᠤᠨ ᠡᠳᠦᠷ ᠡᠷᠬᠢᠯᠡᠬᠦ᠌ᠳᠡᠭᠡᠨ ᠱᠢᠨᠡᠶ᠋ᠢ ᠡᠭᠦᠳᠦᠨ ᠬᠥᠭ᠌ᠵᠢᠭᠦᠯᠵᠦ᠍᠂ ᠠᠭᠤᠯᠭᠠᠪᠠᠨ ᠪᠠᠶᠠᠯᠢᠭ᠍ᠵᠢᠭᠤᠯᠬᠤ ᠬᠡᠷᠡᠭ᠌ᠲᠡᠢ ᠭᠡᠨᠡ᠃ ᠡᠨᠡ ᠵᠢᠯᠤᠨ ᠨᠠᠰᠤᠲᠠᠢᠴᠤᠳᠤᠨ ᠪᠠᠶᠠᠷᠲᠤ ᠮᠥᠨ ᠬᠦ᠌ ᠠᠵᠢᠯᠯᠠᠭᠠ ᠥᠷᠨᠢᠭᠦᠯᠵᠦ᠍᠂ ᠬᠢᠵᠢᠭᠤᠨ ᠪᠠᠢᠳᠠᠯᠢ ᠰᠡᠷᠭᠡᠢᠯᠡᠨ ᠡᠵᠡᠮᠳᠡᠬᠦ᠌ ᠠᠵᠢᠯᠢ ᠰᠠᠢᠲᠤᠷ ᠬᠢᠭ᠌ᠰᠡᠨ ᠪᠠᠢᠳᠠᠯ ᠳᠣᠣᠷᠠ᠂ ᠠᠵᠢᠯᠯᠠᠭᠠᠶ᠋ᠢᠨ ᠠᠷᠭᠠ ᠬᠡᠯᠪᠡᠷᠢᠶ᠋ᠢᠨ ᠱᠢᠨᠡᠶ᠋ᠢ ᠡᠭᠦᠳᠦᠨᠡ ᠭᠡᠵᠠᠢ᠃
ᠥᠨᠳᠥᠷᠲᠤ ᠠᠪᠠᠷᠢᠨ ᠦᠵᠡᠮᠵᠢ ᠰᠣᠨᠢᠷᠬᠠᠵᠤ ᠱᠢᠨᠡ ᠠᠮᠢᠳᠤᠷᠠᠯᠢᠶᠠᠨ ᠮᠠᠭ᠍ᠲᠠᠨ ᠳᠠᠭᠤᠯᠠᠨᠠ
ᠨᠠᠰᠤᠲᠠᠢᠴᠤᠳᠤᠨ ᠪᠠᠶᠠᠷᠤᠨ ᠡᠳᠦᠷ ᠥᠨᠳᠥᠷᠲᠤ ᠠᠪᠠᠷᠢᠬᠤ ᠵᠠᠩᠱᠢᠯ ᠡᠷᠲᠡᠨᠠᠴᠠ ᠪᠠᠢᠭ᠍ᠰᠠᠨ ᠶᠤᠮ᠂ ᠭᠡᠲᠡᠯᠡ ᠨᠠᠰᠤᠲᠠᠢᠴᠤᠳᠤᠨ ᠪᠠᠶᠠᠷᠤᠨ ᠡᠳᠦᠷ ᠶᠠᠭᠤᠨᠳᠤ ᠥᠨᠳᠥᠷᠲᠤ ᠠᠪᠠᠷᠢᠬᠤ ᠪᠣᠶ？
ᠯᠢᠦ ᠴᠦᠨ ᠽᠢᠶ᠋ᠢᠨ ᠬᠡᠯᠡᠬᠦ᠌ᠪᠠᠷ᠂ ᠬᠠᠨ ᠤᠯᠤᠰᠤᠨ ᠦᠶᠡᠶ᠋ᠢᠨ ᠬᠤᠸᠠᠨ ᠵᠢᠩ ᠶᠢᠰᠦᠨ ᠰᠠᠷᠠᠶ᠋ᠢᠨ ᠶᠢᠰᠦᠨᠤ ᠡᠳᠦᠷ ᠥᠩᠭᠡᠲᠦ ᠬᠠᠪᠲᠠᠭᠠᠳᠠᠭᠠᠨ ᠲᠠᠷᠠᠨᠠᠶ ᠬᠢᠵᠦ᠍᠂ ᠥᠨᠳᠥᠷᠲᠤ ᠠᠪᠠᠷᠢᠨ ᠤᠳᠪᠠᠯᠠ ᠴᠡᠴᠡᠭᠤᠨ ᠠᠷᠢᠬᠢ ᠤᠤᠭᠤᠭᠠᠳ ᠭᠠᠶ ᠭᠠᠮᠱᠢᠭᠠᠴᠠ ᠵᠠᠢᠯᠠᠵᠠᠢ᠃ ᠤᠷᠤᠢ ᠪᠤᠯᠤᠭᠠᠳ ᠭᠡᠷᠲᠡᠭᠡᠨ ᠬᠠᠷᠢᠬᠤᠳᠤ ᠳᠠᠬᠢᠶᠠ᠂ ᠨᠣᠬᠠᠶ᠂ ᠦᠬᠡᠷ᠂ ᠬᠤᠨᠢᠨᠢ ᠦᠬᠦᠭᠡᠳ᠂ ᠭᠡᠷᠤᠨᠬᠢᠨᠨᠢ ᠬᠠᠷᠢᠨ ᠠᠮᠤᠷ ᠲᠠᠢᠪᠤᠩ ᠪᠠᠢᠵᠠᠢ᠃ ᠢᠩᠭᠢᠭᠡᠳ ᠶᠢᠰᠦᠨ ᠰᠠᠷᠠᠶ᠋ᠢᠨ ᠱᠢᠨᠡᠶ᠋ᠢᠨ ᠶᠢᠰᠦᠨᠳᠤ ᠲᠠᠷᠠᠨᠠᠢᠶ᠋ᠢᠨ ᠴᠢᠬᠢ ᠬᠠᠳᠭᠤᠨ᠂ ᠤᠳᠪᠠᠯᠠᠶ᠋ᠢᠨ ᠠᠷᠢᠬᠢ ᠤᠤᠭᠤᠬᠤ ᠵᠠᠩᠱᠢᠯ ᠦᠯᠡᠳᠡᠵᠡᠢ᠃
ᠠᠯᠢ ᠵᠦᠢᠯᠤᠨ ᠬᠡᠯᠡᠯᠭᠡᠨᠢ ᠴᠦ᠍ ᠭᠡᠰᠡᠨ ᠨᠠᠰᠤᠲᠠᠢᠴᠤᠳᠤᠨ ᠪᠠᠶᠠᠷᠤᠨ ᠡᠳᠦᠷ ᠥᠨᠳᠥᠷᠲᠤ ᠭᠠᠷᠪᠠᠯ 《ᠭᠠᠶ ᠪᠠᠷᠴᠢᠳᠢ ᠠᠷᠢᠯᠭᠠᠨᠠ》 ᠭᠡᠳᠡᠭᠢ ᠬᠠᠷᠠᠭᠤᠯᠵᠤ ᠪᠠᠢᠨᠠ ᠭᠡᠵᠦ᠍ ᠬᠥᠬᠡᠬᠤᠲᠠᠶ᠋ᠢᠨ ᠱᠢᠨᠡ ᠬᠤᠲᠠ ᠲᠣᠭᠤᠷᠢᠭᠤᠨ ᠵᠣᠬᠢᠶᠠᠯᠴᠢᠳᠤᠨ ᠡᠪᠯᠡᠯᠤᠨ ᠵᠥᠪᠯᠡᠭ᠌ᠴᠢ ᠭᠤᠤᠶ᠋ᠢᠨ ᠬᠦᠶ ᠶᠠᠷᠢᠵᠦ᠍ ᠪᠠᠢᠯᠠ᠃
ᠭᠤᠤᠶ᠋ᠢᠨ ᠬᠦᠶᠶ᠋ᠢᠨ ᠬᠡᠯᠡᠬᠦ᠌ᠪᠠᠷ᠂ ᠵᠢᠯ ᠪᠦᠷᠢᠶ᠋ᠢᠨ ᠨᠠᠰᠤᠳᠠᠢᠴᠤᠳᠤᠨ ᠪᠠᠶᠠᠷᠤᠨ ᠦᠶᠡᠳᠤ᠂ ᠲᠡᠷᠡ ᠶᠡᠷᠦᠳᠡᠭᠡᠨ ᠠᠷᠠᠳᠤᠨ ᠵᠠᠩ ᠦᠢᠯᠡ᠂ ᠬᠡᠷᠡᠯ ᠵᠢᠷᠤᠭᠤᠨ ᠪᠠᠭ᠍ᠠᠲᠠᠳᠲᠠᠢ ᠬᠠᠮᠲᠤ ᠳᠠᠯᠠᠨ ᠬᠠᠷᠠ ᠠᠭᠤᠯᠠᠨᠳᠤ ᠭᠠᠷᠴᠤ᠌ ᠭᠡᠷᠡᠯ ᠵᠢᠷᠤᠭ ᠲᠠᠲᠠᠲᠠᠭ᠂ ᠡᠨᠡᠨᠢ ᠡᠷᠲᠡᠨᠤ ᠵᠠᠩ ᠦᠢᠯᠡᠶ᠋ᠢ ᠤᠯᠠᠮᠵᠢᠯᠠᠨ ᠦᠨᠳᠦᠷᠲᠤ ᠭᠠᠷᠴᠤ᠌ ᠦᠵᠡᠮᠵᠢ ᠰᠤᠨᠢᠷᠬᠠᠨ᠂ ᠥᠯᠵᠡᠢ ᠪᠡᠯᠭᠡᠲᠠᠢ ᠪᠤᠯᠬᠤᠶ᠋ᠢ ᠬᠦᠰᠡᠭ᠌ᠰᠡᠨ ᠲᠡᠳᠦᠢ ᠦᠭᠡᠢ ᠠᠭᠤᠯᠠᠨ ᠣᠷᠣᠶ ᠳᠡᠭᠡᠷᠡᠠᠴᠠ ᠠᠯᠤᠰᠢ ᠪᠡᠷᠡᠯᠡᠬᠤᠳᠤ ᠨᠠᠯᠠᠭᠠᠷ ᠨᠠᠮᠤᠷᠤᠨ ᠰᠠᠢᠬᠠᠨ ᠦᠵᠡᠮᠵᠢ ᠰᠡᠳᠭᠢᠯ ᠰᠡᠷᠭᠦᠭᠡᠮᠠ ᠰᠠᠢᠬᠠᠨᠠᠴᠠ ᠪᠤᠯᠵᠠᠢ᠃
《ᠪᠢᠳᠡ ᠠᠭᠤᠯᠠᠨᠳᠤ ᠠᠪᠠᠷᠢᠬᠤ ᠵᠠᠮᠳᠠᠭᠠᠨ ᠠᠭᠤᠯᠠᠷᠬᠠᠭ ᠣᠷᠣᠨᠤ ᠠᠢᠯ ᠲᠣᠰᠭᠤᠨᠲᠠᠢ ᠲᠠᠭᠠᠷᠠᠯᠳᠤᠳᠠᠭ᠂ ᠡᠲᠡᠭᠡᠷ ᠠᠢᠯ ᠲᠣᠰᠭᠤᠨᠳᠤ ᠡᠷᠲᠡᠨᠤ ᠰᠣᠶᠣᠯᠤᠨ ᠦᠯᠡᠳᠡᠭ᠌ᠳᠡᠯ ᠪᠠ ᠰᠤᠶᠤᠯ ᠢᠷᠭᠡᠨᠱᠢᠯ ᠬᠠᠳᠠᠭᠠᠯᠠᠭ᠍ᠳᠠᠵᠤ ᠪᠠᠢᠳᠠᠭ᠂ ᠡᠨᠡᠨᠢ ᠶᠠᠭ ᠮᠠᠨᠳᠤ ᠮᠠᠲ᠋ᠧᠷᠢᠶᠠᠯ ᠪᠤᠯᠵᠤ᠂ ᠬᠠᠷᠠᠭᠠᠪᠠᠨ ᠥᠷᠭᠡᠳᠭᠡᠨ᠂ ᠰᠠᠨᠠᠭᠠ ᠰᠡᠳᠭᠢᠯᠢᠶᠠᠨ ᠠᠭᠤᠵᠢᠷᠠᠭᠤᠯᠬᠤ ᠮᠥᠷᠲᠡᠭᠡᠨ ᠪᠠᠰᠠ ᠠᠷᠠᠳᠤᠨ ᠵᠠᠩ ᠦᠢᠯᠡᠶ᠋ᠢ ᠣᠢᠯᠠᠭᠠᠵᠤ᠂ ᠬᠡᠷᠡᠯ ᠵᠢᠷᠤᠭᠤᠨ ᠪᠣᠷᠣ ᠮᠠᠲ᠋ᠧᠷᠢᠶᠠᠯᠢ ᠪᠠᠶᠠᠯᠢᠭ᠍ᠵᠢᠭᠤᠯᠤᠨ᠂ ᠵᠣᠬᠢᠶᠠᠨ ᠪᠦᠲᠦᠭᠡᠬᠦ᠌ ᠠᠪᠢᠶᠠᠰ ᠪᠢᠯᠢᠭᠢ ᠬᠥᠭ᠌ᠵᠢᠭᠡᠵᠦ᠍᠂ ᠰᠡᠳᠭᠢᠯ ᠰᠠᠨᠠᠭᠠ ᠬᠠᠨᠤᠮᠵᠢᠲᠠᠶ ᠪᠠᠢᠨᠠ》 ᠭᠡᠵᠦ᠍ ᠭᠤᠤᠶ᠋ᠢᠨ ᠬᠦᠶ ᠢᠨᠢᠶᠡᠭ᠌ᠰᠡᠭᠡᠷ ᠶᠠᠷᠢᠨᠠ᠃ ᠥᠨᠳᠥᠷᠲᠤ ᠠᠪᠠᠷᠢᠨ ᠮᠠᠲ᠋ᠧᠷᠢᠶᠠᠯ ᠴᠤᠭ᠍ᠯᠠᠭᠤᠯᠬᠤᠳᠠᠭᠠᠨ ᠳᠤᠷᠠᠨ ᠪᠠ ᠪᠢᠴᠢᠯᠭᠡᠪᠠᠷ ᠡᠬᠡ ᠭᠠᠵᠠᠷᠤᠨ ᠡᠯᠪᠡᠭ ᠬᠤᠷᠢᠶᠠᠯᠲᠠᠶ᠋ᠢᠨ ᠦᠵᠡᠰᠭᠦᠯᠡᠩᠲᠦ ᠰᠠᠢᠬᠠᠨ ᠦᠵᠡᠮᠵᠢᠶ᠋ᠢ ᠬᠠᠷᠠᠭᠤᠯᠵᠤ᠂ ᠴᠠᠭ ᠦᠶᠡᠶ᠋ᠢᠨ ᠬᠥᠳᠡᠭᠡ ᠲᠣᠰᠭᠤᠨᠤ ᠱᠢᠨᠡ ᠬᠤᠪᠢᠷᠠᠯᠲᠠ᠂ ᠲᠠᠷᠢᠶᠠᠴᠢᠳᠤᠨ ᠱᠢᠨᠡ ᠳᠦᠷᠰᠦ ᠪᠠᠢᠳᠠᠯᠢ ᠮᠠᠭ᠍ᠲᠠᠨ ᠳᠠᠭᠤᠯᠠᠨᠠ᠃
ᠬᠡᠳᠦᠨ ᠵᠢᠯᠤᠨ ᠲᠤᠷᠰᠢ᠂ ᠥᠨᠳᠥᠷᠲᠤ ᠠᠪᠠᠷᠢᠨ ᠮᠠᠲ᠋ᠧᠷᠢᠶᠠᠯ ᠴᠤᠭ᠍ᠯᠠᠭᠤᠯᠬᠤᠪᠠᠷ ᠳᠡᠮᠵᠢᠨ᠂ ᠭᠤᠤᠶ᠋ᠢᠨ ᠭᠦᠢ ᠨᠠᠢᠵᠠ ᠨᠠᠷᠲᠠᠢᠪᠠᠨ ᠡᠯᠡ ᠵᠦᠢᠯᠤᠨ ᠲᠠᠪᠴᠠᠩᠳᠤ ᠣᠯᠠᠨ ᠰᠠᠢᠬᠠᠨ ᠵᠣᠬᠢᠶᠠᠯ ᠵᠢᠷᠤᠭ ᠨᠡᠢᠲᠡᠯᠡᠵᠦ᠍᠂ ᠳᠠᠯᠠᠨ ᠬᠠᠷᠠ ᠠᠭᠤᠯᠠ ᠳᠠᠭᠠᠤ ᠡᠯᠡ ᠲᠣᠰᠭᠤᠨᠤ ᠠᠷᠠᠳᠤᠨ ᠵᠠᠩ ᠦᠢᠯᠡᠶ᠋ᠢᠨ ᠦᠵᠡᠮᠵᠢ ᠪᠠ ᠠᠭᠤᠯᠠ ᠤᠰᠤᠨᠤ ᠰᠦᠷᠯᠢᠭ ᠰᠠᠢᠬᠠᠨᠢ ᠢᠯᠡᠷᠡᠭᠦᠯᠪᠡ᠃
ᠤᠳᠪᠠᠯᠠ ᠴᠡᠴᠡᠭ ᠰᠣᠨᠢᠷᠬᠠᠨᠠ᠃
（ᠵᠢᠷᠤᠭᠢ ᠰᠦᠯᠵᠢᠶᠡᠠᠴᠠ ᠠᠪᠤᠪᠠ）
《ᠴᠡᠯᠡᠭᠡᠷ ᠲᠠᠯᠠᠶ᠋ᠢᠨ ᠦᠨᠦᠷ ᠠᠮᠳᠠ》 ᠨᠠᠰᠤᠲᠠᠢᠴᠤᠳᠢ ᠬᠦᠨᠳᠦᠯᠡᠬᠦ᠌ ᠭᠠᠷᠠᠭᠤᠨ ᠠᠵᠢᠯᠯᠠᠭᠠᠶ᠋ᠢᠨ ᠲᠤᠬᠠᠶᠶ᠋ᠢᠨ ᠲᠠᠯᠠᠪᠠᠢᠶ᠋ᠢᠨ ᠠᠷᠠᠳᠤᠨ ᠵᠠᠩ ᠦᠢᠯᠡᠶ᠋ᠢᠨ ᠲᠣᠭ᠍ᠯᠠᠯᠲᠠ᠃
ᠨᠠᠰᠤᠲᠠᠢᠴᠤᠳᠲᠤ ᠲᠤᠭ᠍ᠲᠠᠬᠤ ᠱᠢᠶᠠᠨᠤ ᠳᠠᠷᠠᠰᠤᠶ᠋ᠢ ᠪᠠᠷᠢᠵᠤ ᠪᠠᠢᠭᠠᠨᠢ᠃
《ᠤᠮᠠᠷᠠᠲᠤᠶ᠋ᠢᠨ ᠱᠢᠨᠡ ᠰᠣᠨᠢᠨ》 ᠤ ᠰᠤᠷᠪᠤᠯᠵᠢᠯᠠᠭ᠍ᠴᠢ ᠨᠢᠦ ᠲᠢᠶᠠᠨ ᠵᠢᠶᠠ ᠰᠡᠭᠦᠳᠡᠷᠯᠡᠪᠡ