《ᠵᠦᠢᠷ ᠦᠭᠡᠨᠳᠤ 〈ᠲᠩᠷᠢ ᠳᠡᠭᠡᠷᠡᠬᠢ ᠯᠣᠣᠶ᠋ᠢᠨ ᠮᠢᠬᠠ᠂ ᠭᠠᠵᠠᠷ ᠳᠣᠣᠷᠠᠬᠢ ᠡᠯᠵᠢᠭᠡᠨ ᠮᠢᠬᠠ〉 ᠭᠡᠳᠡᠭ᠂ ᠯᠣᠣᠶ᠋ᠢᠨ ᠮᠢᠬᠠ ᠶᠠᠮᠠᠷ ᠠᠮᠲᠠᠲᠠᠢᠶ᠋ᠢ ᠪᠢᠳᠡ ᠮᠡᠳᠡᠬᠦ᠌ ᠦᠭᠡᠢ᠂ ᠭᠡᠪᠡᠴᠦ᠍ ᠡᠯᠵᠢᠭᠡᠨ ᠮᠢᠬᠠ ᠦᠨᠡᠬᠡᠷ ᠠᠮᠳᠠᠳᠠᠢ！》 ᠬᠡᠵᠤ ᠯᠢ ᠲᠢᠩ ᠼᠠᠢ ᠨᠢᠭᠡ ᠬᠡᠰᠡᠭ ᠵᠢᠶᠠᠩᠨᠠᠭ᠍ᠰᠠᠨ ᠡᠯᠵᠢᠭᠡᠨ ᠮᠢᠬᠠ ᠰᠠᠪᠬᠠᠯᠠᠨ ᠠᠮᠠᠨᠳᠠᠭᠠᠨ ᠬᠢᠵᠦ᠍᠂ ᠳᠠᠬᠢᠨ ᠬᠤᠨᠳᠠᠭᠠᠪᠠᠨ ᠡᠷᠬᠦᠵᠤ ᠠᠮᠳᠠᠷᠬᠠᠨ ᠱᠢᠮᠠᠨᠠ᠃
62 ᠨᠠᠰᠤᠲᠠᠢ ᠯᠢ ᠲᠢᠩ ᠼᠠᠢᠶ᠋ᠢᠨ ᠴᠢᠷᠠᠢᠨᠢ ᠭᠡᠷᠡᠯ ᠲᠠᠳᠠᠵᠤ᠂ ᠴᠣᠩᠬᠤᠨ ᠭᠠᠳᠠᠨᠠᠬᠢ ᠡᠯᠵᠢᠭᠡᠨ ᠬᠠᠱᠢᠶᠠ ᠤᠷᠤᠭᠤᠪᠠᠨ ᠬᠠᠷᠠᠵᠤ ᠢᠨᠢᠶᠡᠮᠰᠦᠭ᠌ᠯᠡᠨᠡ᠃ ᠲᠡᠨᠳᠡ ᠨᠢᠬᠡ ᠲᠤᠳᠠᠷᠠᠢ ᠳᠤᠭ᠍ᠯᠠᠵᠦ᠍ ᠪᠠ ᠵᠢᠪᠠ᠃ 《ᠡᠨᠡ ᠳᠤᠳᠠᠷᠠᠢ ᠨᠢᠬᠡ ᠰᠠᠷᠠ ᠪᠤᠯᠵᠤ ᠪᠠ ᠵᠢᠨᠠ᠂ ᠳᠠᠬᠢᠭᠠᠳ 4 ᠰᠠᠷᠠ ᠢᠯᠡᠭᠦᠦ ᠲᠡᠵᠢᠭᠡᠪᠡᠯ ᠬᠤᠳᠠᠯᠳᠤᠴᠢᠬᠠᠨᠠ᠂ ᠣᠲᠣᠶ᠋ᠢᠨ ᠵᠠᠬᠠ ᠳᠡᠯᠭᠡᠭᠦᠷᠤᠨ ᠦᠨᠡ ᠬᠠᠩᠰᠢᠪᠠᠷ ᠪᠤᠳᠤᠪᠠᠯ ᠨᠠᠭᠠᠳᠤ ᠵᠠᠬᠠᠳᠠᠭᠠᠨ ᠲᠠᠪᠤ ᠵᠢᠷᠭᠤᠭᠠᠨ ᠮᠢᠩᠭᠠᠨ ᠲᠥᠭᠦᠷᠢᠭᠢᠶᠠᠷ ᠬᠤᠳᠠᠯᠳᠤᠨᠠ᠃ ᠬᠠᠷᠠ ᠡᠯᠵᠢᠭᠡᠶ᠋ᠢ ᠲᠡᠵᠢᠭᠡᠬᠦ᠌ᠳᠤ ᠬᠢᠯᠪᠠᠷ᠂ ᠠᠮᠠᠷᠬᠠᠨ ᠡᠪᠡᠳᠴᠢᠯᠡᠳᠡᠭ ᠦᠭᠡᠶ᠂ ᠪᠤᠢᠵᠢᠯᠲᠠᠨᠢ ᠲᠦᠷᠭᠡᠨ᠂ ᠵᠣᠬᠢᠴᠠᠬᠤ ᠴᠢᠳᠠᠪᠤᠷᠢᠨᠢ ᠴᠢᠩᠭᠠ᠂ ᠡᠮᠡ ᠡᠯᠵᠢᠭᠡ ᠳᠤᠮᠳᠠᠴᠢᠪᠠᠷ ᠵᠢᠯᠳᠤ ᠨᠢᠭᠡ ᠳᠤᠳᠠᠷᠠ ᠵᠢᠯᠠᠳᠠᠬ》 ᠭᠡᠵᠦ᠍ ᠯᠢ ᠨᠠᠰᠤᠳᠠᠨ ᠶᠠᠷᠢᠵᠤ ᠪᠠᠢᠯᠠ᠃
ᠯᠢ ᠲᠢᠩ ᠼᠠᠢᠶ᠋ᠢᠨᠬᠢᠨ ᠤᠯᠠᠭᠠᠨᠬᠠᠳᠠ ᠬᠤᠲᠠᠶ᠋ᠢᠨ ᠪᠠᠭᠠᠷᠢᠨ ᠵᠡᠭᠦᠨ ᠬᠤᠱᠢᠭᠤᠨᠤ ᠯᠦᠩ ᠴᠠᠩ ᠪᠠᠯᠭᠠᠰᠤᠨᠤ ᠵᠢᠶᠠᠩ ᠵᠢᠶᠠ ᠸᠠᠨ ᠲᠣᠰᠭᠤᠨᠳᠤ ᠰᠠᠭᠤᠵᠤ᠂ ᠡᠬᠡᠨᠡᠷᠨᠢ ᠣᠯᠠᠨ ᠵᠢᠯ ᠡᠪᠡᠳᠴᠢᠨ ᠡᠮᠭᠡᠭᠲᠤ ᠨᠡᠷᠪᠡᠭ᠌ᠳᠡᠵᠦ᠍᠂ 2014 ᠣᠨᠳᠤ ᠲᠡᠳᠡᠨᠤᠬᠢᠨ ᠲᠠᠩᠰᠠᠯᠠᠵᠤ ᠺᠠᠷᠳ᠋ᠯᠠᠬ᠍ᠰᠠᠨ ᠶᠠᠳᠠᠭᠤ ᠬᠦᠴᠢᠷᠳᠡᠯᠲᠡᠶ ᠡᠷᠦᠬᠡ ᠪᠤᠯᠤᠬ᠍ᠰᠠᠨᠤ ᠳᠠᠷᠠᠭᠠ᠂ ᠬᠤᠶᠠᠭᠤᠯᠠᠪᠠᠨ ᠤᠯᠤᠰᠤᠨ ᠬᠦᠨᠳᠦ ᠡᠪᠡᠳᠴᠢᠨᠤ ᠠᠪᠤᠷᠠᠨ ᠲᠤᠰᠠᠯᠠᠯᠲᠠ᠂ ᠨᠤᠷᠠᠬᠤ ᠠᠶᠤᠯᠲᠠᠶ ᠬᠡᠷ ᠪᠠᠢᠱᠢᠩᠢ ᠱᠢᠨᠡᠳᠭᠡᠨ ᠵᠠᠰᠠᠬᠤ᠂ ᠨᠠᠭᠠᠳᠤ ᠵᠠᠬᠠᠶ᠋ᠢᠨ ᠠᠮᠢᠳᠤᠷᠠᠯᠤᠨ ᠪᠠᠳᠤᠯᠠᠪᠤᠷᠢ ᠵᠡᠷᠭᠡ ᠲᠥᠷᠥᠶ᠋ᠢᠨ ᠪᠣᠳᠣᠯᠭᠠᠶ᠋ᠢᠨ ᠳᠡᠮᠵᠢᠯᠭᠡᠶ᠋ᠢ ᠭᠥᠷᠳᠡᠪᠡ᠃
2016 ᠣᠨᠳᠤ ᠲᠡᠳᠡᠨᠤᠬᠢᠨ ᠲᠣᠭ᠍ᠲᠠᠭᠤᠨᠢᠶᠠᠷ ᠶᠠᠳᠠᠭᠤᠠᠴᠠ ᠠᠩᠭᠢᠵᠢᠷᠠᠭ᠍ᠰᠠᠨ ᠪᠣᠯᠪᠠᠴᠤ᠌ ᠶᠠᠳᠠᠭᠤᠠᠴᠠ ᠠᠩᠬᠢᠵᠢᠷᠠᠬᠤ ᠲᠦᠷᠤᠶ᠋ᠢᠨ ᠪᠤᠳᠤᠯᠭᠠᠠᠴᠠ ᠰᠠᠯᠤᠭ᠍ᠰᠠᠨ ᠦᠭᠡᠢ᠂ 2017 ᠣᠨᠳᠤ᠂ ᠯᠢ ᠲᠢᠩ ᠼᠠᠢ ᠲᠦᠷᠤᠯ ᠵᠦᠢᠯᠤᠨ 2 ᠡᠯᠵᠢᠭᠡ ᠣᠯᠵᠤ᠂ 4 ᠵᠢᠯᠤᠨ ᠲᠤᠷᠰᠢ᠂ ᠵᠢᠯ ᠪᠦᠷᠢ 1 ᠠᠴᠠ 2 ᠳᠤᠳᠠᠷᠠᠢ ᠨᠡᠮᠡᠭ᠌ᠳᠡᠳᠡᠭ ᠪᠠ ᠵᠢᠪᠠ᠃ 《ᠡᠨᠡ ᠵᠢᠯᠤᠨ ᠠᠯᠠᠱᠢᠨ ᠡᠯᠵᠢᠭᠡᠨᠤ ᠦᠨᠡ ᠨᠢᠳᠤᠨᠤᠨᠤᠬᠢᠲᠠᠢ ᠬᠠᠷᠢᠴᠠᠭᠤᠯᠪᠠᠯ ᠪᠠᠰᠠ 4 ᠠᠴᠠ 6 ᠲᠥᠭᠦᠷᠢᠭ ᠥᠰᠴᠠᠢ᠂ ᠮᠢᠨᠦ᠍ ᠠᠮᠢᠳᠤᠷᠠᠯ ᠶᠠᠪᠤᠬᠤ ᠲᠤᠲᠤᠮ ᠪᠠᠶᠠᠨ ᠴᠢᠨᠡᠭᠡᠯᠢᠭ ᠪᠣᠯᠵᠣ ᠪᠠᠢᠨᠠ！》 ᠬᠡᠵᠤ ᠯᠢ ᠲᠢᠩ ᠼᠠᠢ ᠪᠠᠶᠠᠷᠯᠠᠨ ᠶᠠᠷᠢᠵᠤ ᠪᠠ ᠵᠢᠪᠠ᠃
ᠵᠢᠶᠠᠩ ᠵᠢᠶᠠ ᠸᠠᠨ ᠲᠣᠰᠭᠤᠨᠳᠤ 325 ᠡᠷᠦᠬᠡ᠂ 637 ᠬᠥᠮᠦᠨ ᠠᠮᠠᠲᠠᠢ᠂ ᠡᠷᠦᠬᠡ ᠪᠦᠷᠢ ᠡᠯᠵᠢᠭᠡ ᠲᠡᠵᠢᠭᠡᠵᠦ᠍᠂ ᠨᠡᠷᠡ ᠨᠢᠳᠡᠷᠲᠡᠭᠡᠨ ᠨᠡᠢᠴᠡᠭ᠌ᠰᠡᠨ ᠠᠯᠠᠱᠢᠨ ᠡᠯᠵᠢᠭᠡ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠬᠦ᠌ ᠲᠤᠰᠭᠠᠶ ᠲᠣᠰᠭᠤᠨ ᠪᠣᠯᠵᠠᠢ᠃ 《ᠮᠠᠨᠤ ᠲᠣᠰᠭᠤᠨᠤ ᠠᠷᠠᠳ ᠡᠯᠵᠢᠭᠡ ᠲᠡᠵᠢᠭᠡᠬᠦ᠌ᠠᠴᠠ ᠭᠠᠳᠠᠨᠠ ᠪᠠᠰᠠ ᠬᠤᠨᠢ᠂ ᠦᠬᠡᠷ ᠲᠡᠵᠢᠬᠡᠵᠤ᠂ ᠲᠠᠷᠢᠶᠠ ᠲᠠᠷᠢᠵᠤ᠂ ᠬᠥᠮᠦᠨ ᠳᠤᠮᠳᠠᠴᠢᠶ᠋ᠢᠨ ᠴᠡᠪᠡᠷ ᠣᠷᠣᠯᠭᠠ ᠵᠢᠯ ᠳᠠᠷᠠᠭᠠᠯᠠᠨ ᠨᠡᠮᠡᠭ᠌ᠳᠡᠵᠦ᠍ ᠪᠠᠢᠨᠠ》 ᠭᠡᠵᠦ᠍ ᠲᠣᠰᠭᠤᠨᠤ ᠨᠠᠮᠤᠨ ᠡᠭᠦᠷᠤᠨ ᠱᠦᠵᠢ ᠵᠠᠩ ᠱᠢᠶᠤᠤ ᠯᠢ ᠰᠤᠷᠪᠤᠯᠵᠢᠯᠠᠭ᠍ᠴᠢᠳᠤ ᠬᠡᠯᠡᠪᠡ᠃
ᠯᠦᠩ ᠴᠠᠩ ᠲᠣᠰᠭᠤᠨᠤ ᠱ᠌ᠢ ᠳ᠋ᠡ ᠶᠦᠩ ᠪᠣᠯ ᠬᠤᠯᠠ ᠤ ᠵᠢᠷᠠᠳᠠᠭᠠᠨ ᠠᠯᠳᠠᠷᠱᠢᠭ᠍ᠰᠠᠨ ᠪᠠᠶᠠᠵᠢᠯᠤᠨ ᠴᠢᠳᠠᠪᠤᠷᠢᠲᠠᠨ ᠶᠤᠮ᠂ ᠲᠡᠭᠦᠨᠤ ᠠᠯᠠᠱᠢᠨ ᠡᠯᠵᠢᠭᠡ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠬᠦ᠌ ᠰᠠᠭᠤᠷᠢᠨᠳᠤ᠂ 260 ᠭᠠᠷᠤᠢ ᠪᠡᠶᠡ ᠪᠢᠯᠳᠠᠷ ᠲᠤᠮᠤ ᠡᠯᠵᠢᠭᠡ ᠨᠡᠷᠡᠨᠳᠤ ᠡᠭᠡᠭᠡᠬᠦ᠌ ᠪᠤᠶᠤ ᠡᠪᠡᠰᠦ ᠪᠣᠷᠳᠤᠭᠠ ᠢᠳᠡᠵᠦ᠍᠂ ᠪᠠᠢᠨ ᠪᠠᠢᠨ ᠦᠨᠳᠦᠷ ᠲᠠᠭᠤᠨᠢᠶᠠᠷ ᠡᠬᠡᠭ᠌ᠯᠠᠵᠤ ᠪᠠ ᠵᠢᠪᠠ᠃ 《ᠡᠯᠵᠢᠭᠡ ᠪᠠ ᠲᠤᠳᠠᠷᠠᠢᠶ᠋ᠢ ᠬᠠᠭᠠᠰ ᠵᠢᠯ ᠣᠷᠴᠢᠮ ᠪᠣᠷᠳᠣᠨ ᠲᠠᠷᠭᠤᠯᠠᠭᠤᠯᠵᠤ᠂ ᠡᠪᠡᠰᠦ ᠪᠣᠷᠳᠤᠭᠠ ᠵᠡᠷᠭᠡ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠬᠦ᠌ ᠥᠪᠡᠷᠤᠨ ᠥᠷᠲᠡᠭᠢ ᠭᠠᠷᠭᠠᠪᠠᠯ᠂ ᠨᠢᠬᠡ ᠡᠯᠵᠢᠬᠡᠠᠴᠠ 1000 ᠲᠥᠭᠦᠷᠢᠭᠠᠴᠠ 3000 ᠲᠥᠭᠦᠷᠢᠭ ᠣᠷᠴᠢᠮᠤᠨ ᠴᠡᠪᠡᠷ ᠤᠷᠤᠯᠭᠠ ᠤᠯᠤᠨᠠ᠃ ᠮᠠᠨᠤᠬᠢᠨ ᠵᠢᠯᠳᠤ 1000 ᠠᠯᠠᠱᠢᠨ ᠡᠯᠵᠢᠭᠡ ᠬᠤᠳᠠᠯᠳᠤᠵᠤ᠂ ᠵᠢᠯᠤᠨ ᠴᠡᠪᠡᠷ ᠣᠷᠣᠯᠭᠠ ᠵᠠᠭᠤ ᠱᠢᠬᠠᠮ ᠲᠦᠮᠡᠨ ᠲᠥᠭᠦᠷᠢᠭᠲᠤ ᠬᠦᠷᠴᠤ᠌ ᠪᠠ ᠵᠢᠨᠠ》 ᠬᠡᠵᠤ ᠲᠡᠷᠡ ᠬᠠᠱᠢᠶᠠᠨᠤ ᠭᠠᠳᠠᠨᠠ ᠵᠣᠭ᠍ᠰᠣᠵᠤ ᠰᠤᠷᠪᠤᠯᠵᠢᠯᠠᠭ᠍ᠴᠢᠳᠤ ᠬᠤᠷᠤᠭᠤ ᠲᠠᠷᠤᠨ ᠠᠵᠤ ᠠᠬᠤᠢᠶ᠋ᠢᠨ ᠲᠠᠩᠰᠠ ᠪᠤᠳᠤᠵᠤ ᠦᠭ᠌ᠪᠠ᠃
ᠡᠯᠵᠢᠭᠡ ᠲᠡᠵᠢᠭᠡᠭ᠌ᠰᠡᠨ 20 ᠭᠠᠷᠤᠢ ᠵᠢᠯᠳᠤ᠂ ᠱ᠌ᠢ ᠳ᠋ᠡ ᠶᠦᠩᠤᠨᠬᠢᠨ ᠥᠩᠭᠡᠷᠡᠭ᠌ᠰᠡᠨᠳᠤ 50 ᠲᠡᠭ᠌ᠰᠢ ᠳᠥᠷᠪᠡᠯᠵᠢᠨ ᠮᠧᠲᠷ ᠬᠦᠷᠬᠦ᠌ ᠦᠭᠡᠢ 3 ᠲᠠᠰᠤᠯᠭᠠ ᠵᠢᠵᠢᠭ ᠱᠢᠪᠠᠷ ᠪᠠᠢᠱᠢᠩᠲᠠᠢ ᠪᠠᠢᠭ᠍ᠰᠠᠨᠠᠴᠠᠪᠠᠨ 8 ᠲᠠᠰᠤᠯᠭᠠ ᠠᠭᠤᠵᠢᠮ ᠰᠠᠷᠠᠭᠤᠯ ᠲᠤᠮᠤ ᠸᠠᠭᠠᠷᠤᠨ ᠪᠠᠢᠱᠢᠩᠲᠠᠢ ᠪᠣᠯᠵᠠᠢ； ᠨᠢᠭᠡ ᠭᠤᠷᠪᠠᠨ ᠬᠦᠷᠳᠦᠲᠦ ᠮᠠᠱᠢᠨ ᠲᠡᠷᠭᠡᠲᠠᠢ ᠪᠠᠢᠭ᠍ᠰᠠᠨᠠᠴᠠᠪᠠᠨ ᠬᠤᠶᠠᠷ ᠬᠡᠭᠡᠷᠠᠯᠠᠨ ᠠᠶᠠᠯᠠᠬᠤ ᠮᠠᠱᠢᠨ ᠲᠡᠷᠭᠡᠲᠠᠢ ᠪᠣᠯᠵᠠᠢ； 30 ᠲᠡᠭ᠌ᠰᠢ ᠳᠥᠷᠪᠡᠯᠵᠢᠨ ᠮᠧᠲᠷᠤᠨ ᠳᠥᠭᠦᠮᠬᠡᠨ ᠡᠯᠵᠢᠭᠡᠨ ᠬᠠᠱᠢᠶᠠᠲᠠᠢ ᠪᠠᠢᠭ᠍ᠰᠠᠨᠠᠴᠠᠪᠠᠨ ᠰᠠᠭᠤᠷᠢ ᠲᠥᠬᠦᠭᠡᠷᠦᠮᠵᠢ ᠪᠦᠷᠢᠨ ᠳᠦᠬᠦᠷ᠂ 10 ᠭᠠᠷᠤᠢ ᠮᠦ᠍ ᠭᠠᠵᠠᠷ ᠡᠵᠡᠯᠡᠭ᠌ᠰᠡᠨ ᠥᠩᠭᠡᠲᠦ ᠪᠤᠯᠤᠳᠤᠨ ᠰᠠᠷᠠᠪᠴᠢᠳᠤ ᠬᠠᠱᠢᠶᠠᠲᠠᠢ ᠪᠣᠯᠵᠠᠢ； ᠤᠤᠯᠤᠨ 5 ᠲᠦᠮᠡᠨ ᠲᠥᠭᠦᠷᠢᠭᠤᠨ ᠦᠷᠢᠲᠠᠢ ᠪᠠᠢᠭ᠍ᠰᠠᠨᠠᠴᠠᠪᠠᠨ ᠣᠲᠣ ᠪᠠᠩᠬᠢᠶ᠋ᠢᠨ ᠺᠠᠷᠲᠲᠠᠬᠢ ᠲᠤᠭᠠᠨᠢ ᠲᠠᠰᠤᠷᠠᠯᠲᠠ ᠥᠬᠡᠶ ᠨᠡᠮᠡᠭ᠌ᠳᠡᠵᠦ᠍ ᠪᠠᠢᠨᠠ ᠁
ᠱ᠌ᠢ ᠳ᠋ᠡ ᠶᠦᠩᠤᠨ ᠠᠮᠵᠢᠯᠲᠠ ᠣᠯᠤᠭ᠍ᠰᠠᠨᠨᠢ ᠪᠦᠬᠦ᠌ ᠲᠣᠰᠭᠤᠨᠤ ᠬᠥᠮᠦᠰ ᠵᠢᠴᠢ ᠡᠷᠬᠢᠨ ᠲᠣᠭᠤᠷᠢᠨᠤ ᠮᠠᠰᠢ ᠤᠯᠠᠨ ᠲᠣᠰᠭᠤᠨᠤ ᠠᠷᠠᠳᠢ ᠳᠠᠭᠠᠭᠤᠯᠤᠨ ᠠᠯᠠᠱᠢᠨ ᠡᠯᠵᠢᠭᠡ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠬᠦ᠌ ᠪᠤᠯᠭᠠᠪᠠ᠃ ᠠᠯᠠᠱᠢᠨ ᠡᠯᠵᠢᠭᠡᠶ᠋ᠢᠨ ᠠᠷᠠᠯᠵᠢᠶᠠᠨᠤ ᠬᠡᠮᠵᠢᠶᠡ ᠵᠢᠯ ᠳᠠᠷᠠᠭᠠᠯᠠᠨ ᠥᠷᠭᠡᠳᠬᠦ᠌ᠶ᠋ᠢ ᠳᠠᠭᠠᠯᠳᠤᠨ᠂ 1 ᠲᠣᠮᠣ ᠬᠡᠯᠪᠡᠷᠢᠶ᠋ᠢᠨ ᠠᠷᠠᠯᠵᠢᠶᠠᠨᠤ ᠵᠠᠬᠠ ᠳᠡᠯᠭᠡᠭᠦᠷᠢ ᠪᠠᠢᠭᠤᠯᠬᠤ ᠶᠠᠪᠤᠳᠠᠯ ᠲᠤᠯᠭᠠᠮ ᠱᠠᠭᠠᠷᠳᠠᠭ᠍ᠳᠠᠵᠠᠢ᠃ 2010 ᠣᠨᠳᠤ᠂ 160 ᠲᠦᠮᠡᠨ ᠲᠥᠭᠦᠷᠢᠭᠤᠨ ᠪᠡᠯᠡ ᠣᠷᠣᠭᠤᠯᠵᠤ᠂ 50 ᠭᠠᠷᠤᠶ ᠮᠦ᠍ ᠭᠠᠵᠠᠷ ᠡᠵᠡᠯᠡᠭ᠌ᠰᠡᠨ ᠸᠠᠩ ᠯᠦᠩ ᠠᠮᠢᠳᠤ ᠮᠠᠯᠤᠨ ᠠᠷᠠᠯᠵᠢᠶᠠᠨᠤ ᠵᠠᠬᠠ ᠳᠡᠯᠭᠡᠭᠦᠷ ᠯᠦᠩ ᠴᠠᠩ ᠪᠠᠯᠭᠠᠰᠤᠨᠤ ᠱᠤᠸᠠᠩ ᠱᠧᠩ ᠲᠣᠰᠭᠤᠨᠳᠤ ᠪᠠᠢᠭᠤᠯᠤᠭ᠍ᠳᠠᠵᠤ᠂ ᠵᠠᠬᠠ ᠳᠡᠯᠭᠡᠭᠦᠷᠲᠠᠬᠢ ᠠᠯᠠᠱᠢᠨ ᠡᠯᠵᠢᠭᠡ ᠠᠷᠠᠯᠵᠢᠶᠠᠯᠠᠬᠤ ᠲᠣᠭᠤᠷᠢᠭ᠂ ᠡᠪᠡᠰᠦ ᠪᠣᠷᠳᠣᠭᠠᠨᠤ ᠬᠥᠮᠥᠷᠭᠡ᠂ ᠢᠳᠡᠭᠡᠨ ᠤᠮᠳᠠᠭᠠᠨ᠂ ᠬᠤᠨᠤᠭ ᠵᠡᠷᠭᠡ ᠲᠥᠬᠦᠭᠡᠷᠦᠮᠵᠢᠨᠢ ᠪᠦᠷᠢᠨ ᠪᠣᠯᠵᠠᠶ᠃ ᠲᠣᠰ ᠠᠷᠠᠯᠵᠢᠶᠠᠨᠤ ᠵᠠᠬᠠ ᠳᠡᠯᠭᠡᠭᠦᠷᠨᠢ ᠰᠠᠷᠠ ᠪᠦᠷᠢ ᠨᠡᠢᠲᠡ 12 ᠠᠷᠠᠯᠵᠢᠶᠠᠨᠤ ᠡᠳᠦᠷᠲᠠᠢ ᠪᠠᠢᠵᠤ᠂ ᠭᠢᠷᠢᠨ᠂ ᠱᠠᠨᠳᠦ᠋ᠩ᠂ ᠪᠡᠭᠡᠵᠢᠩ᠂ ᠾᠧᠪᠸᠢ᠂ ᠾᠧᠨᠠᠨ᠂ ᠵᠢᠶᠠᠩᠰᠢ ᠵᠡᠷᠭᠡ 10 ᠭᠠᠷᠤᠶ ᠮᠤᠵᠢ ᠬᠤᠲᠠᠶ᠋ᠢ ᠬᠠᠮᠤᠷᠴᠤ᠌᠂ ᠠᠯᠠᠱᠢᠨ ᠡᠯᠵᠢᠭᠡᠶ᠋ᠢᠨ ᠵᠢᠯᠤᠨ ᠠᠷᠠᠯᠵᠢᠶᠠᠨᠤ ᠬᠡᠮᠵᠢᠶᠡᠨᠢ 12 ᠲᠦᠮᠡᠳᠤ ᠬᠦᠷᠳᠡᠭ᠃
ᠰᠤᠷᠪᠤᠯᠵᠢᠯᠠᠭ᠍ᠴᠢ ᠠᠷᠠᠯᠵᠢᠶᠠᠨᠤ ᠵᠠᠬᠠ ᠳᠡᠯᠭᠡᠭᠦᠷᠲᠤ ᠢᠷᠡᠬᠦ᠌ᠳᠤ᠂ ᠨᠢᠭᠡᠨ ᠬᠠᠷᠠ ᠴᠢᠷᠠᠶᠲᠠᠢ᠂ ᠳᠤᠮᠳᠠᠶ᠋ᠢᠨ ᠪᠡᠶᠡᠲᠠᠢ᠂ ᠮᠠᠷᠢᠶᠠᠯᠢᠭ ᠬᠥᠳᠡᠭᠡᠶ᠋ᠢᠨ ᠪᠦᠰᠡᠬᠦᠢ ᠡᠯᠵᠢᠭᠡ ᠫᠠᠨᠽᠠᠯᠠᠭ᠍ᠴᠢᠲᠠᠢ ᠦᠨᠡ ᠬᠠᠩᠰᠢ ᠪᠤᠯᠢᠶᠠᠯᠳᠤᠵᠤ ᠪᠠᠢᠬᠤᠶ᠋ᠢ ᠣᠯᠵᠤ ᠬᠠᠷᠠᠪᠠ᠂ ᠲᠡᠭᠦᠨᠤ ᠬᠦᠩᠭᠢᠨᠡᠮᠡ ᠬᠤᠭᠤᠯᠠᠢᠨᠢ ᠮᠠᠰᠢ ᠣᠯᠠᠨ ᠭᠠᠳᠠᠨᠠᠬᠢ ᠬᠤᠳᠠᠯᠳᠤᠭᠠᠴᠢᠨᠤ ᠠᠩᠬᠠᠷᠤᠯᠢ ᠲᠠᠲᠠᠵᠤ ᠪᠠᠢᠯᠠ᠃ ᠲᠡᠭᠦᠨᠢ ᠯᠢᠦ ᠱᠦᠸᠧ ᠶᠢᠩ ᠭᠡᠳᠡᠭ᠂ ᠲᠤᠰᠭᠠᠶ ᠠᠯᠠᠱᠢᠨ ᠡᠯᠵᠢᠭᠡᠶ᠋ᠢᠨ ᠦᠨᠡ ᠵᠠᠰᠠᠭ᠍ᠴᠢ ᠪᠤᠯᠤᠨᠠ᠃ ᠠᠷᠠᠯᠵᠢᠶᠠᠨᠤ ᠡᠳᠦᠷ ᠪᠦᠷᠢ ᠲᠡᠭᠦᠨᠤ ᠭᠠᠷᠢᠶᠠᠷ ᠳᠠᠮᠵᠢᠭ᠍ᠰᠠᠨ ᠠᠯᠠᠱᠢᠨ ᠡᠯᠵᠢᠭᠡ 50 ᠭᠠᠷᠤᠶ ᠪᠠᠢᠳᠠᠭ᠃ ᠲᠡᠷᠡ ᠡᠷᠡ ᠨᠥᠬᠦᠷᠲᠠᠢᠪᠠᠨ ᠠᠯᠠᠱᠢᠨ ᠡᠯᠵᠢᠭᠡᠶ᠋ᠢᠨ ᠦᠨᠡ ᠵᠠᠰᠠᠭ᠍ᠴᠢ ᠪᠣᠯᠣᠭᠠᠳ ᠨᠢᠭᠡᠨᠲᠡ 5 ᠵᠢᠯ ᠪᠣᠯᠵᠤ᠂ ᠭᠡᠷ ᠪᠦᠯᠢᠶ᠋ᠢᠨ ᠵᠢᠯᠤᠨ ᠣᠷᠣᠯᠭᠠᠨᠢ ᠲᠠᠪᠢ ᠵᠢᠷᠠᠨ ᠲᠦᠮᠡᠨ ᠲᠥᠭᠦᠷᠢᠭ ᠬᠦᠷᠪᠡ᠃ ᠰᠦᠯᠵᠢᠶᠡᠨᠤ ᠲᠧᠭ᠌ᠨᠢᠭ ᠮᠡᠷᠭᠡᠵᠢᠯ ᠬᠥᠳᠡᠭᠡ ᠲᠣᠰᠭᠤᠨᠳᠤ ᠦᠳᠲᠡᠷ ᠲᠦᠷᠭᠡᠨ ᠬᠥᠭ᠌ᠵᠢᠬᠦ᠌ᠶ᠋ᠢ ᠳᠠᠭᠠᠯᠳᠤᠨ᠂ ᠯᠢᠦ ᠱᠦᠸᠧ ᠶᠢᠩ ᠴᠦ᠍ 《ᠰᠦᠯᠵᠢᠶᠡᠨᠤ ᠠᠯᠠᠱᠢᠨ ᠡᠯᠵᠢᠭᠡᠶ᠋ᠢᠨ ᠦᠨᠡ ᠵᠠᠰᠠᠭ᠍ᠴᠢ》 ᠪᠣᠯᠵᠣ᠂ ᠰᠦᠯᠵᠢᠶᠡᠨ ᠳᠡᠭᠡᠷᠡ ᠠᠯᠠᠱᠢᠨ ᠡᠯᠵᠢᠭᠡ ᠬᠤᠳᠠᠯᠳᠤᠵᠤ᠂ ᠠᠯᠠᠱᠢᠨ ᠡᠯᠵᠢᠭᠡᠶ᠋ᠢᠨ ᠠᠷᠠᠯᠵᠢᠶᠠᠳᠤ ᠪᠠᠰᠠ ᠨᠢᠭᠡ ᠴᠣᠩᠬᠤ ᠨᠡᠭᠡᠭᠡᠵᠦ᠍ ᠥᠭ᠌ᠴᠡᠶ᠃
ᠣᠳᠣᠬᠠᠨ ᠪᠣᠯᠲᠠᠯᠠ᠂ ᠯᠦᠩ ᠴᠠᠩ ᠪᠠᠯᠭᠠᠰᠤᠨᠳᠤ ᠨᠢᠭᠡᠨᠲᠡ 4 ᠠᠯᠠᠱᠢᠨ ᠡᠯᠵᠢᠭᠡ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠬᠦ᠌ ᠲᠤᠰᠭᠠᠶ ᠲᠣᠰᠭᠤᠨ᠂ 5 ᠭᠤᠤᠯᠳᠠᠯᠭᠠᠲᠠᠢ ᠠᠯᠠᠱᠢᠨ ᠡᠯᠵᠢᠭᠡ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠬᠦ᠌ ᠲᠠᠯᠠᠪᠠᠶ᠂ 11 ᠠᠯᠠᠱᠢᠨ ᠡᠯᠵᠢᠭᠡᠶ᠋ᠢᠨ ᠡᠭᠦᠯᠳᠡᠷ ᠰᠠᠢᠵᠢᠷᠠᠭᠤᠯᠬᠤ ᠴᠡᠭ ᠪᠠᠢᠵᠤ᠂ ᠪᠥᠬᠦ᠌ ᠪᠠᠯᠭᠠᠰᠤᠨᠤ ᠠᠯᠠᠱᠢᠨ ᠡᠯᠵᠢᠭᠡᠶ᠋ᠢᠨ ᠲᠤᠭᠠ 1.8 ᠲᠦᠮᠡᠳᠤ ᠬᠦᠷᠴᠦ᠍᠂ ᠠᠯᠠᠱᠢᠨ ᠡᠯᠵᠢᠭᠡᠶ᠋ᠢᠨ ᠦᠨᠡ ᠵᠠᠰᠠᠭ᠍ᠴᠢ 140 ᠭᠠᠷᠤᠶ ᠬᠥᠮᠦᠨ ᠪᠠᠢᠨᠠ᠃