ᠱᠢᠨᠡ ᠲᠤᠬᠠᠢ ᠭᠠᠴᠠᠭᠠᠨᠤ ᠠᠷᠠᠳ ᠡᠯᠡᠰᠦᠨ ᠴᠦᠯᠤᠨ ᠵᠢᠭᠤᠯᠴᠢᠯᠠᠯᠤᠨ ᠠᠱᠢᠭᠢ ᠡᠳ᠋ᠯᠡᠨᠡ
ᠪᠤᠤ ᠬᠤᠩ ᠰᠡᠭᠦᠳᠡᠷᠯᠡᠪᠡ
ᠠ ᠵᠢᠯ ᠡᠷᠦᠬᠡ ᠪᠣᠯᠭᠠᠨ ᠭᠡᠷᠤᠨᠢᠶᠠᠨ ᠠᠷᠤ ᠥᠪᠥᠷᠢ ᠴᠡᠪᠡᠷᠬᠡᠨ ᠴᠡᠪᠡᠷᠯᠡᠪᠡ； ᠲᠠᠷᠢᠶᠠᠴᠢᠨ ᠠ ᠵᠢᠯᠤᠨ ᠪᠠᠶᠠᠰᠤᠯ᠂ ᠮᠠᠯᠴᠢᠨ ᠠ ᠵᠢᠯᠤᠨ ᠪᠠᠶᠠᠰᠤᠯᠳᠤ ᠱᠢᠨᠡ ᠫᠠᠢᠰᠠ ᠡᠯᠭᠦᠵᠦ᠍᠂ ᠦᠬᠡᠷ ᠬᠤᠨᠢᠨ ᠮᠢᠬᠠ ᠵᠡᠷᠭᠡ ᠢᠳᠡᠭᠡᠨᠤ ᠮᠠᠲ᠋ᠧᠷᠢᠶᠠᠯ ᠨᠢᠭᠡᠨᠲᠡ ᠪᠡᠯᠡᠬᠡᠨ ᠪᠤᠯᠪᠠ； ᠤᠷᠤᠨ ᠰᠠᠭᠤᠴᠠᠶ᠋ᠢᠨ ᠣᠷᠣᠶ᠋ᠢᠨ ᠪᠦᠲᠡᠭᠡᠯᠭᠡ ᠬᠥᠨᠵᠢᠯᠡᠶ᠋ᠢᠨ ᠳᠤᠬ᠍ᠳᠤᠢᠪᠠᠨ ᠨᠢᠬᠡᠳᠤᠯᠳᠠᠢ ᠰᠤᠯᠢᠪᠠ； ᠡᠯᠡᠰᠦᠨ ᠴᠦᠯᠤᠨ ᠬᠡᠭᠡᠷᠡᠯᠡᠭ᠌ᠴᠢ ᠮᠠᠱᠢᠨ᠂ ᠡᠯᠡᠰᠦᠨ ᠴᠦᠯᠤᠨ ᠮᠣᠲ᠋ᠣᠷ ᠲᠡᠷᠭᠡᠶ᠋ᠢ ᠴᠠᠭᠢ ᠠᠮᠵᠢᠨ ᠰᠡᠯᠪᠢᠨ ᠵᠠᠰᠠᠵᠤ ᠠᠷᠠᠴᠢᠯᠠᠨ ᠬᠠᠮᠠᠭᠠᠯᠠᠨᠠ ᠁ ᠤᠯᠤᠰᠤᠨ ᠪᠠᠶᠠᠷᠠᠴᠠ ᠡᠮᠦᠨᠡᠬᠡᠨ᠂ ᠠᠯᠠᠱᠠ ᠠᠢᠮᠠᠭᠤᠨ ᠲᠩᠷᠢ ᠡᠯᠡᠰᠦᠨᠤ ᠬᠥᠪᠡᠭᠡᠨᠳᠠᠬᠢ ᠱᠢᠨᠠ ᠳᠤᠬᠤᠢ ᠭᠠᠴᠠᠭᠠ ᠴᠣ᠌ ᠱᠢᠨᠡ ᠳᠦᠷᠰᠦ ᠪᠠᠢᠳᠠᠯᠢᠶᠠᠷ ᠪᠢᠯᠬᠠᠵᠤ᠂ ᠵᠢᠭᠤᠯᠴᠢᠯᠠᠬ᠍ᠰᠠᠳᠢ ᠤᠭ᠍ᠲᠤᠬᠤᠪᠠᠷ ᠪᠡᠯᠡᠳᠭᠡᠨᠡ᠃
ᠱᠢᠨᠡ ᠲᠣᠬᠤᠢ ᠭᠠᠴᠠᠭᠠ ᠪᠣᠯ ᠠᠯᠠᠱᠠ ᠵᠡᠭᠦᠨ ᠬᠤᠱᠢᠭᠤᠨᠤ ᠪᠠᠶᠠᠨᠬᠤᠲᠠ ᠪᠠᠯᠭᠠᠰᠤᠨᠤ ᠬᠠᠭᠠᠰ ᠲᠠᠷᠢᠶᠠᠯᠠᠬᠤ ᠬᠠᠭᠠᠰ ᠮᠠᠯᠵᠢᠬᠤ ᠭᠠᠴᠠᠭᠠ ᠪᠣᠯᠤᠨᠠ᠂ ᠪᠠᠷᠠᠭᠤᠨ ᠲᠠᠯᠠᠨᠢ ᠲᠩᠷᠢ ᠡᠯᠡᠰᠦᠨ ᠴᠦᠯᠲᠠᠢ ᠵᠠᠯᠭᠠᠯᠳᠤᠵᠥ᠍᠂ ᠵᠡᠭᠦᠨ ᠲᠠᠯᠠᠨᠢ ᠠᠯᠠᠱᠠ ᠠᠭᠤᠯᠠᠲᠠᠢ ᠬᠥᠷᠱᠢᠯᠡᠵᠦ᠍᠂ ᠬᠤᠨᠳᠣ ᠨᠠᠭᠤᠷᠤᠨ ᠦᠵᠡᠮᠵᠢᠶ᠋ᠢᠨ ᠣᠷᠣᠨᠠᠴᠠ ᠵᠥᠪᠬᠡᠨ 25 ᠺᠢᠯᠣᠮᠧᠲᠷ ᠵᠠᠢᠲᠠᠶ ᠪᠠ ᠵᠢᠳᠠᠭ᠃ ᠥᠪᠡᠷᠮᠢᠴᠡ ᠣᠨᠴᠠᠯᠢᠭᠲᠠᠢ ᠵᠢᠭᠤᠯᠴᠢᠯᠠᠯᠤᠨ ᠡᠬᠢ ᠪᠠᠶᠠᠯᠢᠭᠢ ᠠᠱᠢᠭ᠍ᠯᠠᠨ᠂ ᠭᠠᠴᠠᠭᠠᠨᠢ ᠨᠢᠭᠡᠨᠲᠡ ᠡᠯᠡᠰᠦᠨ ᠴᠥᠯᠳᠤ ᠪᠠᠷᠲᠠᠭᠠ ᠬᠠᠢᠬᠤ ᠵᠢᠭᠤᠯᠴᠢᠯᠠᠯᠤᠨ ᠠᠷᠤ ᠲᠠᠯᠠᠶ᠋ᠢᠨ ᠦᠶ᠋ᠯᠡᠴᠢᠯᠡᠭᠡᠨᠤ ᠪᠠᠲᠤᠯᠠᠭᠠᠶ᠋ᠢᠨ ᠰᠠᠭᠤᠷᠢᠨ ᠪᠣᠯᠵᠣ᠂ ᠪᠥᠬᠦ᠌ ᠭᠠᠴᠠᠭᠠᠨᠤ 40% ᠠᠴᠠ ᠳᠡᠭᠡᠭ᠌ᠰᠢᠬᠢ ᠮᠠᠯᠴᠢᠨ ᠲᠠᠷᠢᠶᠠᠴᠢᠳ ᠵᠢᠭᠤᠯᠴᠢᠯᠠᠯᠤᠨ ᠦᠶ᠋ᠯᠡᠰᠤᠨ ᠬᠥᠭ᠌ᠵᠢᠯᠲᠡᠳᠤ ᠲᠦᠱᠢᠭ᠌ᠯᠡᠨ ᠪᠠᠶᠠᠵᠢᠭ᠍ᠰᠠᠨ ᠪᠠᠢᠨᠠ᠃
《ᠱᠢᠨᠡ ᠲᠣᠬᠤᠶ ᠭᠡᠳᠡᠭ ᠮᠣᠩᠭᠤᠯ ᠦᠭᠡᠨᠢ 〈ᠱᠢᠨᠡ ᠪᠤᠯᠤᠩ〉 ᠭᠡᠰᠡᠨ ᠤᠳᠭᠠᠲᠠᠢ᠂ ᠭᠡᠪᠡᠴᠦ᠍ ᠠᠷᠪᠠᠨ ᠬᠡᠳᠦᠨ ᠵᠢᠯᠤᠨ ᠡᠮᠦᠨᠡ᠂ 〈ᠱᠢᠨᠡ ᠪᠤᠯᠤᠩ〉 ᠨᠢ ᠵᠢᠭᠠᠬᠠᠨ ᠴᠤ᠌ ᠱᠢᠨᠡ ᠪᠢᠰᠢ ᠪᠠᠢᠭ᠍ᠰᠠᠨᠢᠶᠠᠷ ᠪᠠᠷᠠᠬᠤ ᠥᠬᠡᠶ ᠪᠠᠰᠠ ᠨᠢᠭᠡᠨ ᠶᠠᠳᠠᠭᠤ ᠬᠦᠴᠢᠷᠳᠡᠯᠲᠡᠶ ᠭᠠᠴᠠᠭᠠ ᠪᠠᠢᠵᠠᠶ》 ᠬᠡᠵᠥ᠍ ᠭᠠᠴᠠᠭᠠᠨᠤ ᠨᠠᠮᠤᠨ ᠡᠭᠦᠷᠤᠨ ᠱᠦᠵᠢ ᠯᠦᠸᠧ ᠭᠠᠩ ᠡᠷᠭᠢᠴᠡᠭᠦᠯᠵᠥ᠍ ᠶᠠᠷᠢᠨᠠ᠃ ᠪᠠᠢᠭᠠᠯᠢᠶ᠋ᠢᠨ ᠨᠥᠬᠦᠴᠡᠯᠤᠨ ᠬᠢᠵᠠᠭᠠᠷᠯᠠᠯᠠᠴᠠ ᠪᠣᠯᠵᠣ᠂ ᠰᠠᠯᠬᠢ ᠰᠠᠯᠬᠢᠯᠠᠬ᠍ᠰᠠᠭᠠᠷ ᠭᠠᠵᠠᠷ ᠪᠣᠯᠭᠠᠨᠳᠤ ᠱᠢᠷᠠ ᠡᠯᠡᠰᠦ ᠳᠡᠭ᠌ᠳᠡᠵᠥ᠍᠂ ᠲᠤᠬᠠᠶᠶ᠋ᠢᠨ ᠭᠠᠵᠠᠷᠤᠨ ᠬᠥᠮᠦᠰ ᠶᠡᠷᠦᠨᠢ ᠲᠠᠷᠢᠶᠠᠨᠳᠠᠭᠠᠨ 30 ᠵᠢᠩ ᠪᠣᠭᠤᠳᠠᠶᠶ᠋ᠢᠨ ᠦᠷᠡ ᠰᠠᠴᠤᠬ᠍ᠰᠠᠭᠠᠷ 20 ᠵᠢᠩ ᠬᠤᠷᠢᠶᠠᠪᠠᠯ ᠪᠣᠯᠴᠢᠬᠠᠨᠠ ᠭᠡᠵᠦ᠍ ᠨᠠᠭᠠᠳᠤᠮ ᠬᠢᠳᠡᠭ ᠪᠠ ᠵᠢᠪᠠ᠃ ᠠᠷᠠᠶ ᠴᠢᠷᠠᠶ ᠬᠤᠷᠢᠶᠠᠵᠤ ᠣᠯᠤᠭ᠍ᠰᠠᠨ ᠭᠤᠸᠠ ᠵᠢᠮᠢᠰ ᠢᠳᠡᠱᠢᠨ ᠨᠣᠭᠤᠭᠠ᠂ ᠪᠤᠭᠤᠳᠠᠶ ᠡᠷᠳᠡᠨᠢ ᠱᠢᠰᠢᠪᠠᠨ ᠵᠣᠭᠤᠰ ᠪᠣᠯᠭᠠᠶᠠ ᠭᠡᠪᠡᠯ ᠡᠯᠵᠢᠭᠡᠨ ᠲᠡᠷᠭᠡᠪᠠᠷ 4 ᠴᠠᠭ ᠭᠠᠷᠤᠶ ᠶᠠᠪᠤᠵᠤ ᠬᠤᠱᠢᠭᠤᠨᠳᠤ ᠠᠪᠠᠴᠢᠵᠤ ᠬᠤᠳᠠᠯᠳᠤᠬᠤ ᠯᠡ ᠬᠡᠷᠡᠭ᠌ᠲᠡᠶ᠃ ᠰᠡᠭᠦᠯᠡᠷᠨᠢ ᠭᠠᠴᠠᠭᠠᠠᠴᠠ ᠬᠤᠱᠢᠭᠤᠨ ᠳᠦᠪᠲᠤ ᠨᠡᠪᠲᠡᠷᠡᠬᠦ᠌ ᠵᠠᠮᠨᠢ ᠱᠢᠷᠣᠶ ᠴᠢᠯᠠᠭᠤᠨ ᠵᠠᠮ ᠪᠠᠢᠭ᠍ᠰᠠᠨᠠᠴᠠᠪᠠᠨ ᠠᠭᠠᠵᠢᠮᠢᠶᠠᠷ ᠬᠠᠢᠷ ᠴᠢᠯᠠᠭᠤᠨ ᠵᠠᠮ᠂ ᠴᠠᠷᠳᠠᠮᠠᠯ ᠵᠠᠮ ᠪᠣᠯᠤᠭ᠍ᠰᠠᠨ ᠪᠣᠯᠪᠠᠴᠤ᠌ ᠮᠠᠯᠴᠢᠨ ᠲᠠᠷᠢᠶᠠᠴᠢᠨᠤ ᠲᠩᠷᠢᠶ᠋ᠢᠨ ᠴᠢᠷᠠᠶᠶ᠋ᠢ ᠬᠠᠷᠠᠵᠤ ᠠᠮᠢᠳᠤᠷᠠᠬᠤ ᠪᠣᠳᠠᠲᠤ ᠪᠠ ᠵᠢᠳᠠᠯᠨᠢ ᠬᠤᠪᠢᠷᠬᠠᠰᠠᠨ ᠥᠬᠡᠶ᠂ ᠠᠮᠢᠳᠤᠷᠠᠯᠨᠢ ᠮᠥᠨ ᠯᠡ ᠰᠠᠢᠵᠢᠷᠠᠭ᠍ᠰᠠᠨ ᠥᠬᠡᠶ᠃ ᠮᠠᠰᠢ ᠣᠯᠠᠨ ᠬᠥᠮᠦᠨ ᠭᠠᠳᠠᠭ᠍ᠰᠢ ᠭᠠᠷᠴᠤ᠌ ᠠᠮᠢ ᠵᠢᠭᠤᠵᠤ᠂ ᠭᠠᠴᠠᠭᠠᠨᠤ ᠬᠥᠮᠦᠨ ᠤᠯᠠᠮᠢᠶᠠᠷ ᠴᠦᠬᠡᠷᠡᠭ᠌ᠰᠡᠨ ᠪᠠ ᠵᠢᠵᠠᠢ᠃
ᠡᠯᠡᠰᠤᠨ ᠴᠦᠯᠳᠤ ᠲᠦᠱᠢᠭ᠌ᠯᠡᠨ ᠦᠢᠯᠡᠰ ᠪᠤᠰᠭᠠᠬᠤ ᠬᠦᠴᠢᠷ᠂ 2007 ᠣᠨᠳᠤ ᠶᠡᠭᠡ ᠰᠤᠷᠭᠠᠭᠤᠯᠢᠪᠠᠨ ᠲᠡᠭᠦᠰᠦᠭᠡᠳ ᠨᠤᠲᠤᠭᠲᠠᠭᠠᠨ ᠪᠤᠴᠠᠭ᠍ᠰᠠᠨ ᠯᠦᠸᠧ ᠭᠠᠩ ᠠᠵᠠ ᠲᠣᠬᠢᠶᠠᠯᠢ ᠣᠯᠵᠤ ᠬᠠᠷᠠᠵᠠᠶ᠃ ᠲᠤᠬᠠᠶᠶ᠋ᠢᠨ ᠦᠶᠡᠳᠤ ᠡᠯᠡᠰᠦᠨ ᠴᠥᠯᠤᠨ ᠵᠢᠭᠤᠯᠴᠢᠯᠠᠯ᠂ ᠡᠯᠡᠰᠦᠨ ᠴᠥᠯᠤᠨ ᠬᠡᠭᠡᠷᠡᠯᠡᠬᠦ᠌ ᠠᠵᠢᠯᠯᠠᠭᠠ ᠠᠭᠠᠵᠢᠮᠢᠶᠠᠷ ᠥᠷᠨᠢᠵᠦ᠍᠂ ᠭᠠᠳᠠᠷ ᠣᠷᠣᠨᠤ ᠡᠯᠡᠰᠦᠨ ᠴᠥᠯᠤᠨ ᠬᠡᠭᠡᠷᠡᠯᠡᠬᠦ᠌ ᠳᠤᠷᠠᠲᠠᠶ ᠬᠥᠮᠦᠰ ᠦᠷᠭᠦᠯᠵᠢ ᠠᠳᠡ ᠴᠤᠭ᠍ᠯᠠᠷᠠᠵᠤ᠂ ᠡᠯᠡᠰᠦᠨ ᠴᠥᠯᠳᠤ ᠣᠷᠣᠬᠤᠳᠤ ᠨᠥᠬᠦᠪᠥᠷᠢᠯᠡᠯᠳᠠ ᠬᠠᠩᠭᠠᠬᠤᠶ᠋ᠢᠨ ᠬᠠᠮᠲᠤ ᠲᠤᠬᠠᠶᠶ᠋ᠢᠨ ᠭᠠᠵᠠᠷᠤᠨ ᠬᠥᠮᠦᠰᠢ ᠡᠷᠢᠵᠦ᠍ ᠵᠠᠮᠴᠢᠯᠠᠳᠠᠭ ᠪᠠᠢᠪᠠ᠃ 《ᠡᠯᠡᠰᠦᠨ ᠴᠥᠯᠤᠨ ᠪᠠᠢᠭᠠᠯᠢᠶ᠋ᠢᠨ ᠥᠩᠭᠡ ᠦᠵᠡᠮᠵᠢ ᠣᠨᠴᠠᠭᠠᠶ ᠪᠥᠭᠡᠳ ᠪᠢᠳᠡ ᠬᠠᠷᠠᠬᠠᠨ ᠪᠠᠭᠠᠠᠴᠠᠪᠠᠨ ᠠᠳᠡ ᠦᠰᠦᠨ ᠪᠤᠢᠵᠢᠵᠤ ᠡᠯᠡᠰᠦᠨ ᠴᠥᠯᠤᠨ ᠭᠠᠵᠠᠷᠤᠨ ᠪᠠᠢᠴᠠᠶ᠋ᠢ ᠰᠠᠢᠨ ᠮᠡᠳᠡᠳᠡᠭ᠂ ᠶᠠᠭᠤᠨᠳᠤ ᠭᠠᠵᠠᠷ ᠵᠦᠶᠶ᠋ᠢᠨ ᠳᠠᠪᠠᠭᠤᠯᠢᠭᠢᠶᠠᠨ ᠪᠠᠳᠠᠷᠠᠭᠤᠯᠵᠤ᠂ ᠭᠠᠴᠠᠭᠠᠪᠠᠨ ᠵᠢᠭᠤᠯᠴᠢᠯᠠᠭ᠍ᠰᠡᠳᠤᠨ ᠠᠷᠤ ᠲᠠᠯᠠᠶ᠋ᠢᠨ ᠦᠶ᠋ᠯᠡᠴᠢᠯᠡᠭᠡᠨᠤ ᠪᠠᠲᠤᠯᠠᠭᠠᠶ᠋ᠢᠨ ᠰᠠᠭᠤᠷᠢᠨ ᠪᠣᠯᠭᠠᠬᠤ ᠥᠬᠡᠶ ᠪᠣᠶ？》 ᠭᠡᠵᠦ᠍ ᠯᠦᠸᠧ ᠭᠠᠩ ᠪᠤᠳᠤᠨᠡ᠃
2008 ᠣᠨᠳᠤ᠂ ᠯᠦᠸᠧ ᠭᠠᠩ ᠤᠯᠠᠨ ᠲᠠᠯᠠᠶ᠋ᠢᠨ ᠪᠡᠯᠡᠳᠭᠡᠯᠢᠶᠠᠷ ᠳᠠᠮᠵᠢᠨ ᠭᠡᠷᠤᠨᠢᠶᠠᠨ ᠱᠢᠪᠠᠷ ᠪᠠᠢᠱᠢᠩᠢ ᠱᠢᠨᠡᠳᠭᠡᠨ ᠵᠠᠰᠠᠵᠤ᠂ ᠭᠠᠴᠠᠭᠠᠨᠤᠪᠠᠨ ᠠᠩᠬᠠᠳᠠᠭ᠍ᠴᠢ ᠲᠠᠷᠢᠶᠠᠴᠢᠨ ᠠᠢᠯᠤᠨ ᠵᠢᠭᠤᠯᠴᠢᠯᠠᠯᠢ ᠡᠷᠬᠢᠯᠡᠪᠡ᠃ 2009 ᠣᠨᠳᠤ᠂ ᠲᠡᠷᠡ ᠪᠠᠰᠠ ᠥᠪᠡᠷᠢᠶᠠᠨ ᠲᠡᠷᠭᠡ ᠵᠢᠯᠣᠭᠤᠳᠴᠤ᠌ ᠵᠢᠭᠤᠯᠴᠢᠯᠠᠬᠤ᠂ ᠡᠯᠡᠰᠦᠨ ᠴᠦᠯᠤᠨ ᠪᠠᠷᠲᠠᠭᠠ ᠬᠠᠢᠬᠤᠪᠠᠷ ᠭᠤᠣᠯ ᠠᠭᠤᠯᠭᠠ ᠪᠣᠯᠭᠠᠭ᠍ᠰᠠᠨ 《ᠹᠧᠩ ᠱᠢᠩ ᠵᠧ》 ᠬᠡᠭᠡᠷᠡᠯᠡᠭ᠌ᠴᠢᠳᠤᠨ ᠺᠯᠦ᠋ᠪᠢ ᠪᠠᠢᠭᠤᠯᠵᠤ᠂ ᠨᠢᠭᠡ ᠯᠡ ᠵᠢᠯᠤᠨ ᠳᠣᠲᠣᠷᠠ ᠺᠯᠦ᠋ᠪᠤᠨ ᠭᠡᠱᠢᠭᠦᠳᠢ ᠵᠣᠬᠢᠶᠠᠨ ᠪᠠᠢᠭᠤᠯᠵᠤ 8 ᠤᠳᠠᠭᠠ ᠠᠮᠵᠢᠯᠲᠠᠲᠠᠢᠪᠠᠷ ᠭᠡᠭᠡᠷᠡᠯᠡᠨ ᠠᠶᠠᠯᠠᠪᠠ᠃ ᠲᠤᠷᠱᠢᠵᠤ ᠠᠮᠵᠢᠯᠲᠠ ᠣᠯᠤᠭ᠍ᠰᠠᠨᠤ ᠳᠠᠷᠠᠭᠠ᠂ 2011 ᠣᠨᠳᠤ ᠲᠡᠷᠡ ᠪᠠᠯᠠ ᠮᠥᠩᠭᠦ᠌ ᠭᠠᠷᠭᠠᠵᠤ ᠭᠠᠴᠠᠭᠠᠳᠠᠭᠠᠨ ᠠᠯᠠᠱᠠᠶ᠋ᠢᠨ ᠬᠡᠪ ᠨᠠᠮᠪᠠᠲᠠᠢ ᠬᠡᠭᠡᠷᠡᠯᠡᠭ᠌ᠴᠢᠳᠤᠨ ᠰᠠᠭᠤᠷᠢᠨᠢ ᠪᠠᠢᠭᠤᠯᠵᠤ᠂ ᠭᠠᠴᠠᠭᠠᠨᠤ ᠮᠠᠯᠴᠢᠨ ᠲᠠᠷᠢᠶᠠᠴᠢᠨᠢ ᠳᠠᠢᠴᠢᠯᠠᠨ ᠡᠯᠡᠰᠦᠨ ᠲᠠᠩᠤᠨ ᠮᠣᠲ᠋ᠣᠷ ᠬᠤᠳᠠᠯᠳᠤᠨ ᠠᠪᠤᠭᠤᠯᠵᠤ᠂ ᠨᠢᠭᠡᠳᠦᠯᠲᠡᠶ ᠬᠠᠮᠢᠶᠠᠷᠤᠨ ᠡᠵᠡᠩᠨᠡᠭᠦᠯᠪᠡ᠃ ᠲᠤᠬᠠᠢᠶ᠋ᠢᠨ ᠵᠢᠯᠳᠤ᠂ ᠠᠯᠠᠱᠠᠶ᠋ᠢᠨ ᠪᠠᠭᠠᠲᠤᠷᠴᠤᠳᠤᠨ ᠴᠤᠬ᠍ᠯᠠᠭᠠᠨ ᠠᠯᠠᠱᠠ ᠵᠡᠭᠦᠨ ᠬᠤᠱᠢᠭᠤᠨᠳᠤ ᠨᠤᠲᠤᠭ᠍ᠰᠢᠵᠤ᠂ ᠪᠦᠬᠦ᠌ ᠤᠯᠤᠰᠤᠨ ᠡᠯᠡ ᠭᠠᠵᠠᠷᠤᠨ ᠬᠡᠭᠡᠷᠡᠯᠡᠭ᠌ᠴᠢᠳ ᠵᠢᠭᠤᠯᠴᠢᠯᠠᠯᠳᠤ ᠪᠠᠭ᠍ᠠᠲᠠᠢ ᠬᠥᠮᠦᠰ ᠬᠤᠢᠨᠠ ᠬᠤᠢᠨᠠᠠᠴᠠᠪᠠᠨ ᠬᠦᠷᠦᠯᠴᠡᠨ ᠢᠷᠡᠵᠦ᠍᠂ ᠱᠢᠨᠡᠶ᠋ᠢᠨ ᠲᠤᠬᠤᠢᠶ᠋ᠢᠨ ᠵᠢᠭᠤᠯᠴᠢᠯᠠᠯᠤᠨ ᠦᠢᠯᠡᠰᠤᠨ ᠬᠥᠭ᠌ᠵᠢᠯᠲᠡᠳᠤ ᠱᠢᠨᠡ ᠬᠦᠴᠦᠨ ᠨᠡᠮᠡᠷᠢᠯᠡᠵᠦ᠍᠂ ᠡᠭᠦᠨᠳᠤ ᠣᠷᠣᠯᠴᠠᠭ᠍ᠰᠠᠨ ᠮᠠᠯᠴᠢᠨ ᠲᠠᠷᠢᠶᠠᠴᠢᠨ ᠨᠡᠩ ᠴᠤ᠌ 《ᠵᠢᠭᠤᠯᠴᠢᠯᠠᠯᠤᠨ ᠤᠷᠤᠯᠭᠠ》 ᠶ᠋ᠢᠨ ᠠᠱᠢᠭᠢ ᠬᠦᠷᠳᠡᠭ᠌ᠰᠡᠨ ᠪᠠᠢᠨᠠ᠃
ᠲᠠᠷᠢᠶᠠᠴᠢᠨ ᠠᠢᠯᠤᠨ ᠵᠢᠭᠤᠯᠴᠢᠯᠠᠯ ᠡᠷᠬᠢᠯᠡᠬᠦ᠂ ᠡᠯᠡᠰᠦᠨ ᠴᠦᠯᠤᠨ ᠬᠡᠭᠡᠷᠡᠯᠡᠭ᠌ᠴᠢ ᠮᠠᠱᠢᠨ ᠬᠤᠳᠠᠯᠳᠤᠨ ᠠᠪᠬᠤ᠂ ᠬᠤᠨᠣᠵᠤ ᠪᠠᠭᠤᠳᠠᠯᠯᠠᠬᠤᠶ᠋ᠢ ᠬᠦᠯᠢᠶᠡᠨ ᠠᠪᠬᠤ᠂ ᠪᠦᠯᠬᠦᠮ ᠪᠠᠢᠭᠤᠯᠬᠤ᠂ ᠨᠤᠲᠤᠭᠤᠨ ᠣᠨᠴᠠ ᠭᠠᠷᠤᠯᠲᠠ ᠬᠤᠳᠠᠯᠳᠤᠬᠤ ᠁ ᠢᠡᠭ᠌ᠭᠢᠭᠡᠳ ᠶᠡᠭᠡ ᠡᠷᠦᠭᠡᠨᠢ ᠪᠠᠭᠠ ᠡᠷᠦᠭᠡᠪᠠᠨ ᠳᠠ ᠵᠢᠴᠢᠯᠠᠵᠤ᠂ ᠨᠢᠭᠡ ᠭᠠᠴᠠᠭᠠᠨᠢ ᠡᠷᠬᠢᠨ ᠲᠣᠭᠤᠷᠢᠨᠤ ᠭᠠᠴᠠᠭᠠᠪᠠᠨ ᠳᠠ ᠵᠢᠴᠢᠯᠠᠵᠤ᠂ ᠤᠯᠠᠨᠢᠶᠠᠷᠢᠶᠠᠨ ᠬᠥᠳᠡᠯᠦᠯᠴᠡᠵᠦ᠍ ᠡᠬᠢᠯᠡᠪᠡ᠃ 《ᠡᠷᠬᠢᠨ ᠲᠣᠭᠤᠷᠢᠨᠳᠤ 200 ᠭᠠᠷᠤᠶ ᠮᠠᠱᠢᠨ ᠲᠡᠷᠭᠡᠲᠠᠢ᠂ ᠮᠠᠱᠢᠨ ᠲᠡᠷᠭᠡᠨᠳᠤ ᠲᠦᠱᠢᠭ᠌ᠯᠡᠨ ᠡᠵᠡᠩᠨᠡᠯᠲᠡ ᠬᠢᠵᠦ᠍ ᠪᠠᠢᠭᠠ ᠲᠤᠬᠠᠶᠶ᠋ᠢᠨ ᠭᠠᠵᠠᠷᠤᠨ ᠵᠢᠯᠣᠭᠤᠴᠢ ᠳᠠᠷᠤᠶ 200 ᠭᠠᠷᠤᠶ ᠬᠥᠮᠦᠨ ᠪᠣᠶ᠂ ᠵᠢᠭᠤᠯᠴᠢᠯᠠᠯᠤᠨ ᠪᠦᠯᠬᠦᠮ ᠢᠷᠡᠩᠭᠦᠳᠡ ᠵᠢᠷᠬᠢᠶᠡᠶ᠋ᠢᠨ ᠬᠤᠯᠪᠣᠭᠠᠠᠴᠠ ᠨᠢᠭᠡ ᠳᠠᠭᠤᠳᠠᠮᠠᠭ᠍ᠴᠠ ᠣᠯᠠᠨᠢᠶᠠᠷᠢᠶᠠᠨ ᠴᠤᠭ᠍ᠯᠠᠷᠠᠵᠤ᠂ ᠨᠢᠭᠡ ᠯᠡ ᠡᠳᠤᠷᠲᠤ ᠭᠡᠳᠤᠨ ᠵᠠᠭᠤᠨ ᠲᠦᠬᠦᠷᠢᠭ ᠤᠯᠴᠢᠬᠠᠨᠡ！》 ᠭᠡᠵᠦ᠍ ᠡᠯᠡᠰᠦᠨ ᠴᠦᠯᠤᠨ ᠬᠡᠭᠡᠷᠡᠯᠡᠬᠦ᠌ ᠮᠠᠱᠢᠨ ᠲᠡᠷᠭᠡ᠂ ᠡᠯᠡᠰᠦᠨ ᠴᠦᠯᠤᠨ ᠮᠣᠲ᠋ᠣᠷ ᠲᠡᠷᠭᠡᠶ᠋ᠢᠨ ᠡᠮᠦᠨᠡ ᠵᠣᠭ᠍ᠰᠣᠵᠤ᠂ ᠯᠦᠸᠧ ᠭᠠᠩ ᠰᠡᠳᠭᠢᠯ ᠳᠣᠭ᠍ᠳᠣᠯᠤᠨ ᠬᠡᠯᠡᠨᠡ᠃
ᠡᠳᠦᠭᠡ᠂ ᠡᠨᠡ ᠬᠦ᠌ ᠡᠯᠡᠰᠦᠨ ᠴᠦᠯᠤᠨ ᠬᠥᠪᠡᠭᠡᠨᠳᠠᠬᠢ ᠭᠠᠴᠠᠭᠠᠶ᠋ᠢᠨ ᠳᠦᠷᠰᠦ ᠪᠠᠢᠳᠠᠯ ᠠᠯᠢ ᠬᠡᠳᠦ᠋ᠢᠨ ᠱᠢᠨᠡᠳᠴᠦ᠍᠂ ᠤᠰᠤ᠂ ᠴᠠᠬᠢᠯᠭᠠᠨ᠂ ᠲᠣᠣᠷ᠂ ᠵᠠᠮ ᠪᠦᠷ ᠨᠡᠪᠲᠡᠷᠡᠵᠦ᠍᠂ ᠨᠤᠲᠤᠭᠤᠨ ᠬᠥᠮᠦᠰ ᠱᠢᠪᠠᠷ ᠪᠠᠢᠱᠢᠩᠠᠴᠠᠪᠠᠨ ᠠᠭᠤᠵᠢᠮ ᠰᠠᠷᠠᠭᠤᠯ ᠲᠣᠭᠤᠰᠭᠠᠨ ᠪᠠᠢᠱᠢᠩᠳᠤ ᠨᠡᠭᠦᠨ ᠣᠷᠣᠪᠠ᠃ ᠭᠠᠴᠠᠭᠠᠠᠴᠠ ᠨᠢᠭᠡ ᠺᠢᠯᠣᠮᠧᠲᠷ ᠵᠠᠢᠲᠠᠶ᠂ ᠬᠦᠯᠡᠮᠵᠢᠳᠠᠬᠢ ᠭᠦᠵᠡᠯᠵᠡᠭᠡᠨᠡ ᠪᠠ ᠲᠥᠪᠡᠳ ᠬᠠᠰᠢᠨᠢ ᠳᠥᠷᠪᠡᠨ ᠤᠯᠠᠷᠢᠯᠳᠤ ᠲᠡᠭᠦᠵᠦ᠍ ᠪᠣᠯᠤᠨᠠ᠂ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠬᠦ᠌ ᠣᠷᠣᠨᠤ ᠦᠬᠡᠷ ᠬᠤᠨᠢᠨᠢ ᠡᠯᠡ ᠲᠠᠷᠢᠶᠠᠴᠢᠨ ᠠ ᠵᠢᠯᠳᠠᠬᠢ ᠵᠤᠭᠠᠴᠠᠯ᠂ ᠮᠠᠯᠴᠢᠨ ᠠ ᠵᠢᠯᠳᠠᠬᠢ ᠵᠤᠭᠠᠴᠠᠯᠳᠤ ᠬᠠᠩᠭᠠᠭ᠍ᠳᠠᠵᠤ᠂ ᠭᠡᠷᠠᠴᠠᠪᠠᠨ ᠭᠠᠷᠬᠤ ᠦᠭᠡᠢᠪᠠᠷ ᠪᠡᠯᠡᠨ ᠵᠣᠭᠤᠰ ᠪᠤᠯᠪᠠ᠃ ᠵᠢᠭᠤᠯᠴᠢᠯᠠᠯ ᠬᠦᠭ᠌ᠵᠢᠩᠭᠦᠢ ᠤᠯᠠᠷᠢᠯᠨᠢ ᠲᠠᠪᠤᠨ ᠰᠠᠷᠠᠶ᠋ᠢᠨ ᠨᠢᠭᠡᠨ᠂ ᠤᠯᠤᠰᠤᠨ ᠪᠠᠶᠠᠷᠤᠨ ᠠᠮᠠᠷᠠᠯᠲᠠᠳᠤ ᠪᠠ ᠵᠢᠭ᠍ᠰᠠᠨᠠᠴᠠ ᠵᠢᠯ ᠪᠦᠷᠢᠶ᠋ᠢᠨ 4 ᠰᠠᠷᠠᠠᠴᠠ 10 ᠰᠠᠷᠠᠶ᠋ᠢᠨ ᠰᠡᠭᠦᠯᠴᠢ ᠪᠣᠯᠲᠠᠯᠠ ᠪᠤᠯᠵᠤ ᠬᠤᠪᠢᠷᠠᠪᠠ᠃ ᠭᠠᠳᠠᠨᠠ ᠣᠷᠣᠨᠤ ᠵᠤᠭᠠᠴᠠᠭ᠍ᠰᠠᠳ ᠲᠠᠰᠤᠷᠠᠯᠲᠠ ᠥᠬᠡᠶ ᠨᠡᠮᠡᠭ᠌ᠳᠡᠬᠦ᠌ᠶ᠋ᠢ ᠳᠠᠭᠠᠯᠳᠤᠨ᠂ ᠪᠠᠶᠠᠵᠢᠬᠤ ᠵᠠᠮ ᠴᠤ᠌ ᠶᠠᠪᠤᠬᠤ ᠲᠤᠲᠤᠮ ᠥᠷᠭᠡᠵᠢᠵᠦ᠍᠂ ᠭᠠᠳᠠᠭ᠍ᠰᠢ ᠭᠠᠷᠴᠤ᠌ ᠬᠦᠴᠦ᠍ ᠶᠠᠪᠤᠵᠤ ᠪᠠᠢᠭᠠ ᠮᠠᠯᠴᠢᠨ ᠲᠠᠷᠢᠶᠠᠴᠢᠨ ᠬᠤᠢᠨᠠ ᠬᠤᠢᠨᠠᠠᠴᠠᠪᠠᠨ ᠨᠤᠲᠤᠭᠲᠠᠭᠠᠨ ᠪᠤᠴᠠᠵᠤ ᠵᠢᠭᠤᠯᠴᠢᠯᠡᠯᠤᠨ ᠦᠢᠯᠡᠰᠢ ᠪᠤᠰᠭᠠᠪᠠ᠃
ᠭᠠᠴᠠᠭᠠᠨᠤ ᠴᠡᠪᠡᠷ ᠴᠡᠮᠴᠡᠭᠡᠷ ᠵᠠᠮᠢᠶᠠᠷ ᠳᠣᠲᠣᠭ᠍ᠰᠢᠪᠠᠨ ᠶᠠᠪᠤᠪᠠᠯ᠂ ᠵᠢᠭᠤᠯᠴᠢᠯᠠᠯᠤᠨ ᠦᠶ᠋ᠯᠡᠴᠢᠯᠡᠭᠡᠨᠤ ᠦᠢᠯᠡᠰᠢ ᠬᠠᠮᠤᠭ ᠰᠠᠢᠨ ᠬᠢᠵᠦ᠍ ᠪᠠ ᠵᠢᠭᠠ ᠯᠢᠦ ᠱᠢᠩ ᠭᠦᠸᠧᠶ᠋ᠢᠨ ᠭᠡᠷᠲᠤ ᠬᠦᠷᠦᠨᠡ᠃ ᠡᠭᠦᠳᠡᠨ ᠢᠯᠡᠷᠬᠡᠢᠯᠡᠯ ᠲᠡᠭᠡᠷᠡᠬᠢ 《ᠠᠯᠲᠠᠨ ᠱᠢᠷᠭᠠᠯ ᠡᠯᠡᠰᠦᠨ ᠴᠥᠯᠤᠨ ᠬᠡᠷ ᠪᠦᠯᠢᠶ᠋ᠢᠨ ᠲᠠᠷᠢᠶᠠᠯᠠᠩᠤᠨ ᠲᠠᠯᠠᠪᠠᠶ》 ᠭᠡᠰᠡᠨ ᠬᠡᠳᠦᠨ ᠲᠣᠮᠣ ᠥᠰᠥᠭ ᠲᠣᠳᠣᠬᠠᠨ ᠬᠠᠷᠠᠭ᠍ᠳᠠᠵᠤ᠂ ᠬᠦᠷᠢᠶᠡᠨ ᠳᠣᠲᠣᠷᠠ ᠨᠣᠭᠤᠭᠠᠨ ᠯᠠᠵᠤᠤ᠂ ᠤᠯᠠᠭᠠᠨ ᠱᠠᠪᠲᠠᠯᠠ ᠳᠦᠭᠦᠷᠲᠡᠯᠡ ᠤᠷᠭᠤᠪᠠ᠂ ᠯᠢᠦ ᠱᠢᠩ ᠭᠦᠸᠧ ᠶᠠᠭ ᠱᠢᠨᠡᠪᠠᠷ ᠵᠠᠰᠠᠵᠤ ᠴᠢᠮᠡᠭ᠌ᠰᠡᠨ ᠵᠣᠴᠢᠨᠤ ᠥᠷᠥᠭᠡᠪᠠᠨ ᠴᠡᠪᠡᠷᠯᠡᠵᠦ᠍ ᠪᠠᠢᠯᠠ᠃
ᠬᠡᠳᠦᠨ ᠵᠢᠯᠤᠨ ᠡᠮᠦᠨᠡ᠂ ᠠᠪᠤ ᠡᠵᠢᠶ᠋ᠢᠨ ᠬᠢᠨᠢ ᠪᠡᠶᠡᠨᠢ ᠮᠠᠭᠤᠳᠠᠵᠤ ᠵᠢᠯ ᠲᠤᠵᠢ ᠡᠮ ᠤᠤᠭᠤᠵᠤ᠂ ᠨᠠᠭᠠᠴᠤ᠌ ᠡᠮᠡᠭᠡᠨᠢ ᠴᠦ᠍ ᠬᠡᠪᠲᠡᠷᠢᠳᠤ ᠤᠷᠤᠪᠠ᠂ ᠵᠢᠯᠳᠡᠭᠡᠨ ᠣᠷᠣᠯᠭᠠᠨᠢ ᠵᠠᠷᠤᠯᠭᠠᠳᠠᠭᠠᠨ ᠬᠦᠷᠬᠦ᠌ ᠦᠭᠡᠢ ᠪᠠᠢᠭ᠍ᠰᠠᠨ ᠪᠣᠯᠬᠤᠷ ᠯᠢᠦ ᠱᠢᠩ ᠭᠦᠸᠧᠶ᠋ᠢᠨᠬᠢᠨ ᠭᠠᠴᠠᠭᠠᠨᠤᠪᠠᠨ ᠨᠡᠢᠲᠡᠯᠢᠭ ᠶᠠᠳᠠᠭᠤ ᠬᠦᠴᠢᠷᠳᠡᠯᠲᠡᠢ ᠡᠷᠦᠬᠡ ᠪᠤᠯᠪᠠ᠃ ᠣᠷᠣᠯᠭᠠᠪᠠᠨ ᠨᠡᠮᠡᠭ᠌ᠳᠡᠭᠦᠯᠬᠦ᠌ᠶ᠋ᠢᠨ ᠲᠥᠯᠥᠭᠡ᠂ ᠲᠡᠷᠡ ᠪᠠᠰᠠ 10 ᠲᠦᠮᠡᠨ ᠲᠥᠭᠦᠷᠢᠭᠤᠨ ᠵᠢᠭᠡᠯᠡᠯᠭᠡ ᠠᠪᠴᠤ᠌ ᠲᠠᠷᠢᠵᠦ᠍ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠬᠦ᠌ ᠠᠵᠢᠯ ᠬᠢᠪᠡ᠂ ᠭᠡᠪᠡᠴᠦ᠍ ᠲᠡᠷᠡ ᠦᠶᠡᠳᠤ ᠦᠬᠡᠷ ᠬᠤᠨᠢᠨ ᠮᠢᠬᠠ ᠪᠣᠷᠣᠯᠠᠭᠤᠯᠬᠤ ᠵᠠᠮ ᠦᠭᠡᠢᠠᠴᠠ᠂ ᠵᠢᠯ ᠵᠢᠯ ᠵᠣᠭᠤᠰ ᠪᠤᠴᠠᠭᠠᠵᠤ ᠵᠢᠯ ᠵᠢᠯ ᠵᠢᠭᠡᠯᠡᠵᠦ᠍᠂ 10 ᠲᠦᠮᠡᠨ ᠲᠥᠭᠦᠷᠢᠭᠤᠨ ᠵᠢᠭᠡᠯᠡᠯᠭᠡᠪᠠᠨ ᠴᠦ᠍ ᠬᠡᠵᠢᠶᠡᠳᠡ ᠲᠦᠯᠦᠵᠦ᠍ ᠪᠠᠷᠠᠬᠤ ᠦᠭᠡᠢ ᠪᠠᠢᠪᠠ᠃ 2017 ᠣᠨᠳᠤ᠂ ᠨᠤᠲᠤᠭᠤᠨᠢᠶᠠᠨ ᠰᠠ᠊ ᠶ᠋ᠢᠨ ᠰᠠᠢᠬᠠᠨ ᠪᠠᠢᠳᠠᠯᠢ ᠬᠠᠷᠠᠭᠠᠳ᠂ ᠭᠠᠳᠠᠨᠠ ᠬᠥᠯᠥᠰᠥᠨ ᠠᠵᠢᠯ ᠬᠢᠵᠦ᠍ ᠪᠠᠢᠭ᠍ᠰᠠᠨ ᠯᠢᠦ ᠱᠢᠩ ᠭᠦᠸᠧ ᠨᠤᠲᠤᠭᠲᠠᠭᠠᠨ ᠪᠤᠴᠠᠵᠤ ᠬᠥᠭ᠌ᠵᠢᠬᠦ᠌ᠪᠠᠷ ᠲᠣᠭ᠍ᠲᠠᠪᠠ᠃ ᠦᠢᠯᠡᠴᠢᠯᠡᠭᠡᠨᠤ ᠠᠵᠢᠯ ᠲᠦᠷᠦᠯᠠᠴᠠ ᠬᠤᠷᠠᠮᠳᠤᠭᠤᠯᠤᠭ᠍ᠰᠠᠨ ᠲᠤᠷᠱᠢᠯᠭᠠᠪᠠᠨ ᠠᠱᠢᠭ᠍ᠯᠠᠵᠤ᠂ ᠲᠡᠷᠡ ᠱᠠᠩᠬᠠᠢᠶ᠋ᠢᠨ ᠨᠢᠭᠡᠨ ᠵᠢᠭᠤᠯᠴᠢᠯᠠᠯᠤᠨ ᠬᠤᠷᠱᠢᠶᠠᠲᠠᠢ ᠬᠠᠮᠲᠤᠷᠠᠨ᠂ ᠲᠤᠰᠭᠠᠢᠯᠠᠨ ᠵᠢᠭᠤᠯᠴᠢᠯᠠᠯᠤᠨ ᠪᠦᠯᠬᠦᠮᠢ ᠬᠦᠯᠢᠶᠡᠨ ᠠᠪᠴᠤ᠌᠂ ᠪᠦᠬᠦ᠋ᠢᠯᠡ ᠪᠦᠯᠬᠦᠮᠤᠨ ᠠᠷᠤ ᠲᠠᠯᠠᠶ᠋ᠢᠨ ᠦᠢᠯᠡᠴᠢᠯᠡᠭᠡᠨᠤ ᠪᠠᠲᠤᠯᠠᠭᠠ᠂ ᠲᠠᠭᠠᠭᠤᠯᠤᠬ᠍ᠴᠢ᠂ ᠡᠳ᠋ ᠪᠠᠷᠠᠭᠠ ᠵᠥᠭᠡᠭᠡᠪᠦᠷᠢᠯᠡᠨ ᠬᠦᠷᠭᠡᠬᠦ᠂ ᠵᠠᠮ ᠳᠠᠭᠠᠤᠶ᠋ᠢᠨ ᠪᠠᠲᠤᠯᠠᠭᠠ᠂ ᠢᠳᠡᠭᠡᠨ ᠤᠮᠳᠠᠭᠠᠨ ᠵᠡᠷᠭᠡ ᠲᠠᠯᠠᠪᠠᠷ ᠴᠥᠮᠢ ᠬᠠᠮᠤᠷᠠᠨ ᠦᠢᠯᠡᠴᠢᠯᠡᠪᠡ᠃
ᠲᠩᠷᠢ ᠬᠠᠪᠰᠤᠷᠴᠦ᠍ ᠬᠥᠮᠦᠨᠨᠢ ᠴᠢᠷᠮᠠᠢᠨᠠ᠂ ᠬᠡᠲᠦ ᠴᠢᠩᠭᠠ ᠦᠶ᠋ᠯᠡᠴᠢᠯᠡᠭᠡᠨᠤ ᠤᠬᠠᠮᠰᠠᠷᠨᠢ ᠲᠡᠭᠦᠨᠢ ᠮᠠᠰᠢ ᠬᠤᠷᠳᠤᠨ ᠠᠵᠢᠯ ᠲᠥᠷᠥᠯᠤᠨ ᠣᠷᠦ᠋ᠢᠯᠠᠭ᠍ᠴᠢ ᠪᠣᠯᠭᠠᠪᠠ᠃ 《ᠲᠠᠪᠤᠨ ᠰᠠᠷᠠᠶ᠋ᠢᠨ ᠨᠢᠭᠡᠨ᠂ ᠤᠯᠤᠰᠤᠨ ᠪᠠᠶᠠᠷᠤᠨ ᠠᠮᠠᠷᠠᠯᠲᠠᠳᠤ ᠨᠢᠭᠡ ᠡᠳᠦᠷᠲᠤ ᠬᠤᠶᠠᠷ ᠭᠤᠷᠪᠠᠨ ᠲᠦᠮᠡᠶ᠋ᠢ ᠣᠯᠤᠨᠠ᠂ ᠵᠢᠯᠲᠤ ᠵᠤᠭᠠᠴᠠᠭ᠍ᠰᠠᠳᠢ ᠲᠦᠮᠡ ᠢᠯᠡᠭᠦᠦ ᠬᠥᠮᠦᠨ ᠤᠳᠠᠭᠠ ᠬᠦᠯᠢᠶᠡᠨ ᠲᠤᠰᠤᠨᠠ᠃ ᠬᠠᠮᠤᠭ ᠣᠯᠠᠨᠳᠠᠭᠠᠨ ᠨᠢᠭᠡ ᠡᠳᠦᠷ 1100 ᠭᠠᠷᠤᠢ ᠬᠥᠮᠦᠨᠢ ᠬᠦᠯᠢᠶᠡᠨ ᠠᠪᠴᠤ᠌ ᠥᠩᠭᠡᠷᠡᠵᠡᠢ᠂ ᠪᠢ 16 ᠮᠠᠩᠵᠠᠨ ᠲᠣᠭᠤᠭᠠ ᠪᠠᠷᠢᠵᠤ᠂ ᠪᠦᠬᠦ᠌ ᠲᠣᠰᠭᠤᠨᠤ ᠡᠮᠡᠭ᠌ᠲᠡᠢᠴᠦᠳᠢ ᠴᠤᠭ᠍ᠯᠠᠭᠤᠯᠵᠤ᠂ ᠥᠷᠯᠥᠭᠡᠶ᠋ᠢᠨ ᠲᠠᠪᠤᠨ ᠴᠠᠭᠠᠴᠠ ᠡᠬᠢᠯᠡᠨ ᠵᠤᠭᠠᠴᠠᠭ᠍ᠰᠠᠳᠲᠤ ᠬᠤᠭᠤᠯᠠ ᠪᠡᠯᠡᠳᠭᠡᠵᠡᠢ》᠃ ᠯᠢᠦ ᠱᠢᠩ ᠭᠦᠸᠧ ᠣᠮᠤᠭ ᠪᠠᠭ᠍ᠠᠳᠤᠯᠢᠶᠠᠷ ᠪᠢᠯᠬᠠᠨᠠ᠃ ᠨᠢᠭᠡᠯᠬᠡᠨ ᠵᠢᠯᠤᠨ ᠳᠣᠲᠣᠷᠠ᠂ ᠲᠡᠷᠡ ᠥᠷᠢᠲᠦᠭ᠌ᠰᠡᠨ ᠠᠷᠪᠠᠨ ᠬᠡᠳᠦᠨ ᠲᠦᠮᠡᠨ ᠵᠢᠭᠡᠯᠡᠯᠭᠡᠪᠠᠨ ᠪᠦᠬᠦᠨᠢ ᠲᠦᠯᠦᠵᠦ᠍ ᠳᠠᠭᠤᠰᠭᠠᠪᠠ᠃
ᠡᠯᠡᠰᠦᠨ ᠴᠦᠯᠤᠨ ᠵᠢᠭᠤᠯᠴᠢᠯᠠᠯᠳᠤ ᠲᠦᠱᠢᠭ᠌ᠯᠡᠨ᠂ 《ᠱᠢᠨ ᠸᠠᠨ》 ᠱᠢᠨᠡ ᠳᠦᠷᠰᠦ ᠪᠠᠢᠳᠠᠯᠲᠠᠢ ᠪᠤᠯᠵᠤ᠂ ᠯᠢᠦ ᠱᠢᠩ ᠭᠦᠸᠧ ᠪᠠᠰᠠ 《ᠪᠡᠶᠡ ᠤᠷᠪᠠᠭ᠍ᠤ》 ᠭᠤᠶᠤ ᠳᠠᠢᠯᠠᠯᠳᠤᠭᠠᠨ ᠬᠢᠵᠡᠢ᠃ 《ᠲᠠᠷᠠᠭᠠᠴᠢᠶ᠋ᠢᠨ ᠠᠯᠬᠤᠮᠳᠤ᠂ ᠪᠢᠳᠡ ᠣᠯᠠᠨ ᠡᠱᠢᠵᠢᠭ᠌ᠰᠡᠨ ᠬᠥᠭ᠌ᠵᠢᠯᠲᠡᠶ᠋ᠢ ᠰᠦᠪᠡᠭ᠌ᠴᠢᠯᠡᠵᠦ᠍᠂ ᠨᠢᠭᠡ ᠲᠠᠯᠠᠪᠠᠷ ᠵᠢᠭᠤᠯᠴᠢᠯᠠᠯᠤᠨ ᠵᠠᠮ ᠱᠤᠭᠤᠮᠢ ᠤᠷᠲᠤᠳᠭᠠᠵᠤ᠂ ᠡᠷᠬᠢᠨ ᠲᠣᠭᠤᠷᠢᠨᠤ ᠦᠵᠡᠮᠵᠢᠶ᠋ᠢᠨ ᠣᠷᠣᠨᠤ ᠠᠯᠳᠠᠷᠱᠢᠯᠢ ᠨᠡᠮᠡᠭ᠌ᠳᠡᠭᠦᠯᠦᠨᠡ； ᠨᠦᠬᠦᠭᠡ ᠲᠠᠯᠠᠪᠠᠷ ᠡᠯᠡᠰᠦᠨ ᠴᠥᠯᠤᠨ ᠵᠢᠭᠤᠯᠴᠢᠯᠠᠯᠢ ᠠᠱᠢᠭ᠍ᠯᠠᠨ ᠮᠠᠨᠤ ᠴᠢᠨᠠᠷ ᠰᠠᠢᠲᠠᠶ ᠦᠬᠡᠷ ᠬᠤᠨᠢᠨ ᠮᠢᠬᠠᠶ᠋ᠢ ᠳᠡᠯᠭᠡᠷᠡᠭᠦᠯᠵᠦ᠍᠂ ᠭᠠᠴᠠᠭᠠ ᠵᠢᠴᠢ ᠡᠷᠬᠢᠨ ᠲᠣᠭᠤᠷᠢᠨᠤ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠬᠦ᠌ ᠦᠶ᠋ᠯᠡᠰᠤᠨ ᠬᠥᠭ᠌ᠵᠢᠯᠲᠡᠶ᠋ᠢ ᠠᠬᠢᠭᠤᠯᠤᠨᠠ》 ᠭᠡᠵᠦ᠍ ᠯᠢᠦ ᠱᠢᠩ ᠭᠦᠸᠧ ᠢᠲᠡᠭᠡᠯ ᠳᠦᠭᠦᠷᠡᠩ ᠬᠡᠯᠡᠪᠡ᠃