ᠨᠠᠢᠷᠠᠭᠤᠯᠤᠭᠴᠢ ᠵᠢᠨ ᠦᠭᠡ᠄
ᠬᠦᠮᠦᠰᠤᠨ ᠬᠤᠭᠤᠯᠠᠨ ᠳ᠋ᠤ ᠯᠡ ᠰᠢᠮᠠ ᠲᠠᠵᠢᠬᠡᠯᠤᠨ ᠮᠡᠷᠬᠡᠵᠢᠯᠳᠡᠨᠢ ᠱᠠᠭᠠᠷᠳᠠᠬᠤ ᠪᠢᠰᠢ᠂ ᠮᠠᠯ ᠤᠨᠤᠭᠠᠨᠤ ᠲᠠᠵᠢᠬᠡᠯ ᠳ᠋ᠤ ᠴᠦ᠍ ᠰᠢᠮᠡ ᠳᠡᠵᠢᠭᠡᠯ ᠦ᠋ᠨ ᠮᠡᠷᠭᠡᠵᠢᠯᠳᠠᠨᠢ ᠱᠠᠭᠠᠷᠳᠠᠳᠠᠭ ᠶᠤᠮ᠃ ᠰᠢᠯᠢ ᠶ᠋ᠢᠨ ᠭᠤᠤᠯ ᠠᠢᠮᠠᠭ ᠦ᠋ᠨ ᠠᠯᠳᠠᠨᠬᠦ᠋ᠷᠳᠤ᠂ ᠭᠠᠨᠳᠢᠭ᠂ ᠪᠢᠨᠳᠠᠷᠢᠶᠠ ᠭᠤᠷᠪᠠᠨ ᠵᠠᠯᠠᠭᠤ ᠶᠡᠬᠡ ᠰᠤᠷᠭᠠᠭᠤᠯᠢ ᠪᠠᠨ ᠲᠡᠬᠦᠰᠬᠡᠬᠡᠳ ᠬᠦᠳᠡᠭᠡ ᠨᠤᠳᠤᠭ ᠳᠠᠭᠠᠨ ᠪᠤᠴᠠᠨ ᠮᠠᠯ ᠤᠨᠤᠭᠠᠨᠤ ᠰᠢᠮᠡ ᠳᠡᠵᠢᠭᠡᠯ ᠦ᠋ᠨ ᠮᠡᠷᠭᠡᠵᠢᠯᠳᠠᠨ ᠪᠤᠯᠵᠤ᠂ ᠨᠤᠳᠤᠭ ᠤᠰᠤᠨ ᠳ᠋ᠠᠭᠠᠨ ᠦᠩᠭᠡ ᠨᠡᠮᠡᠷᠢᠯᠡᠵᠤ ᠶᠠᠪᠤᠨᠠ᠃
2017 ᠤᠨ ᠳ᠋ᠤ᠌᠂ ᠦᠪᠦᠷ ᠮᠣᠩᠭᠣᠯ ᠤ᠋ᠨ ᠳᠠᠷᠢᠶᠠᠯᠠᠩ ᠤ᠋ᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠶ᠋ᠢᠨ ᠢᠳᠡᠭᠡᠨ ᠦ᠌ ᠮᠡᠷᠭᠡᠵᠢᠯ ᠵᠢᠡᠷ ᠳᠡᠭᠦᠰᠦᠭᠰᠡᠨ ᠠᠯᠳᠠᠨᠬᠦ᠋ᠷᠳᠤ ᠦᠪᠡᠷᠦᠨ ᠮᠡᠷᠭᠡᠵᠢᠯ ᠵᠢᠡᠷ ᠵᠢᠡᠨ ᠦᠢᠯᠡᠰ ᠪᠤᠰᠬᠠᠬᠤ ᠬᠡᠰᠡᠨ ᠰᠠᠨᠠᠭᠠ ᠨᠢ ᠳᠡᠭᠦᠨᠦ ᠦᠨᠳᠦᠷ ᠳᠤᠮᠳᠠᠳᠤ ᠵᠢᠨ ᠰᠠᠢᠨ ᠨᠠᠢᠵᠠ ᠭᠠᠨᠳᠢᠭ᠂ ᠪᠢᠨᠳᠠᠷᠢᠶᠠ ᠬᠤᠶᠠᠭᠤᠯᠠ ᠵᠢᠨ 《 ᠬᠦᠳᠡᠭᠡ ᠨᠤᠳᠤᠭ ᠳᠠᠭᠠᠨ ᠪᠤᠴᠠᠶᠠ》 ᠬᠡᠰᠡᠨ ᠰᠠᠨᠠᠭᠠ ᠳᠠᠢ ᠶᠠᠪ ᠨᠠᠢᠯᠠᠵᠤ᠂ ᠵᠠᠯᠠᠭᠤ ᠬᠦᠮᠦᠨᠦ ᠤᠮᠤᠭ ᠵᠢᠡᠷ ᠦᠢᠯᠡᠰᠦᠨ ᠵᠢᠯᠤᠭᠤ ᠪᠠᠨ ᠰᠤᠩᠭᠠᠯᠠ᠃
ᠡᠨᠡ ᠭᠤᠷᠪᠠᠨ ᠵᠠᠯᠠᠭᠤ ᠬᠠᠷᠠᠬᠠᠨ ᠪᠠᠭᠠ ᠡᠴᠡ ᠪᠠᠨ ᠮᠠᠯ ᠪᠡᠯᠴᠢᠭᠡᠷᠤᠨ ᠲᠤᠮᠳᠠ ᠳᠤᠭᠯᠠᠨ ᠥᠰᠦᠭᠰᠡᠨ ᠵᠢᠡᠷ ᠮᠠᠯᠴᠢᠳ ᠤ᠋ᠨ ᠮᠠᠯ ᠤᠨᠤᠭᠠ ᠪᠠᠨ ᠠᠷᠠᠴᠢᠯᠠᠨ ᠳᠡᠵᠢᠭᠡᠭᠦ ᠳ᠋ᠤ᠌ ᠶᠠᠭᠤ ᠱᠠᠭᠠᠷᠳᠠᠭᠳᠠᠵᠤ ᠪᠠᠢᠭᠠ ᠶ᠋ᠢ ᠰᠠᠢᠨ ᠮᠡᠳᠡᠳᠡᠭ ᠶᠤᠮ᠃ ᠳᠡᠳᠡ ᠦᠩᠬᠡᠷᠡᠭᠰᠡᠨ ᠲᠦᠷᠪᠡᠨ ᠵᠢᠯᠦᠨ ᠬᠤᠭᠤᠴᠠᠭᠠᠨ ᠳ᠋ᠤ᠌ ᠮᠠᠯᠵᠢᠬᠤ ᠣᠷᠣᠨ ᠤ᠋ ᠪᠡᠯᠴᠢᠭᠡᠷ ᠡᠪᠡᠰᠤᠨ ᠤ᠋ ᠲᠦᠷᠦᠯ ᠵᠦ᠋ᠢᠯ᠂ ᠠᠭᠤᠷ ᠠᠮᠢᠰᠭᠤᠯ ᠤ᠋ᠨ ᠣᠨᠴᠠᠯᠢᠭ ᠵᠢᠴᠢ ᠮᠠᠯ ᠤ᠋ᠨ ᠪᠠᠢᠳᠠᠯ ᠵᠡᠷᠭᠡ ᠳ᠋ᠤ᠌ ᠪᠠᠢᠴᠠᠭᠠᠨ ᠰᠤᠳᠤᠯᠤᠯᠳᠠ ᠬᠢᠭᠰᠡᠨ ᠰᠠᠭᠤᠷᠢᠨ ᠳᠡᠭᠡᠷᠡ᠂ ᠬᠤᠷᠠᠭᠠ ᠳᠤᠭᠤᠯ ᠦ᠋ᠨ ᠪᠣᠷᠳᠣᠭᠠ ᠂ ᠰᠠᠭᠠᠯᠢ ᠶ᠋ᠢᠨ ᠦᠨᠢᠶᠡ ᠶ᠋ᠢᠨ ᠪᠣᠷᠳᠣᠭᠠ᠂ ᠤᠷᠤᠯᠳᠤᠭᠠᠨ ᠦ᠌ ᠮᠤᠷᠢᠨ ᠦ᠌ ᠪᠣᠷᠳᠣᠭᠠ ᠵᠡᠷᠭᠡ 8 ᠵᠦ᠋ᠢᠯ ᠦ᠋ᠨ ᠪᠣᠷᠳᠣᠭᠠ ᠶ᠋ᠢ ᠠᠮᠵᠢᠯᠳᠠ ᠳᠠᠢ ᠪᠡᠷ ᠰᠤᠳᠤᠯᠤᠨ ᠦᠢᠯᠡᠳᠪᠦᠷᠢᠯᠡᠵᠤ ᠂ ᠨᠢᠭᠡᠨᠳᠡ ᠤᠯᠤᠰ ᠤ᠋ᠨ ᠲᠠᠵᠢᠬᠡᠯ ᠪᠣᠷᠳᠣᠭᠠᠨ ᠤ᠋ ᠡᠷᠡᠭᠦᠯ ᠬᠠᠮᠠᠭᠠᠯᠠᠯ ᠤ᠋ᠨ ᠬᠢᠨᠡᠨ ᠪᠠᠢᠴᠠᠭᠠᠯᠳᠠ ᠶ᠋ᠢ ᠦᠩᠬᠡᠷᠡᠭᠦᠯᠦᠭᠡᠳ ᠴᠢᠨᠠᠷ ᠰᠠᠢᠳᠠᠢ ᠲᠠᠵᠢᠬᠡᠯ ᠪᠣᠷᠳᠣᠭᠠ ᠵᠢ ᠵᠠᠬᠠ ᠳᠡᠯᠭᠡᠭᠦᠷ ᠲᠦ᠍ ᠭᠠᠷᠭᠠᠨ ᠪᠤᠷᠤᠯᠠᠭᠤᠯᠵᠤ᠂ ᠮᠠᠯᠴᠢᠳᠦᠨ ᠵᠢᠡᠨ ᠬᠠᠯᠠᠭᠤᠨ ᠬᠦᠷᠢᠶᠡᠯᠡᠯ ᠪᠠ ᠮᠠᠭᠳᠠᠭᠠᠯ ᠰᠠᠢᠰᠢᠶᠠᠯᠢ ᠬᠦᠷᠳᠡᠭᠰᠡᠨ ᠪᠠᠢᠨᠠ᠃
— ᠨᠤᠳᠤᠭ ᠲᠠᠭᠠᠨ ᠪᠤᠴᠠᠵᠤ ᠦᠢᠯᠡᠰ ᠪᠤᠰᠬᠠᠭᠰᠠᠨ ᠭᠤᠷᠪᠠᠨ ᠤᠶᠤᠳᠠᠨ ᠵᠠᠯᠠᠭᠤ ᠵᠢᠨ ᠦᠯᠢᠬᠡᠷ
《ᠶᠡᠬᠡ ᠰᠤᠷᠭᠠᠭᠤᠯᠢ ᠳ᠋ᠠᠭᠠᠨ ᠢᠳᠡᠬᠡᠨᠤ ᠮᠡᠷᠭᠡᠵᠢᠯᠢ ᠰᠤᠷᠤᠭᠰᠠᠨ᠂ ᠤᠳᠤ ᠳᠠᠪᠤᠨ ᠬᠤᠰᠢᠭᠤ ᠮᠠᠯᠦᠨ ᠲᠠᠵᠢᠬᠡᠯᠢ ᠰᠤᠳᠤᠯᠵᠤ ᠶᠠᠪᠤᠨᠠ》
《ᠲᠠᠵᠢᠬᠡᠯ ᠪᠤᠷᠳᠤᠭᠠ ᠬᠦᠷᠭᠡᠭᠦ ᠶᠠᠭᠠᠷᠠᠤ ᠴᠠᠭ ᠪᠤᠯᠤᠭᠠᠳ ᠪᠤᠢ᠂ ᠮᠠᠨᠤ ᠬᠢᠨ ᠠᠷᠪᠠᠨ ᠬᠤᠨᠤᠭ ᠲᠦ᠍ 2000 ᠭᠠᠷᠤᠢ ᠳᠤᠨ ᠭᠦᠷᠭᠡᠴᠢᠬᠡᠵᠡᠢ᠂ ᠨᠢᠳᠤᠨᠤᠨ 1.5 ᠲᠦᠮᠡᠨ ᠳᠤᠨ ᠲᠠᠵᠢᠬᠡᠯ ᠪᠣᠷᠳᠣᠭᠠ ᠪᠣᠷᠣᠯᠠᠭᠤᠯᠪᠠ᠂ ᠡᠨᠡ ᠵᠢᠯ ᠳ᠋ᠤ 2 ᠲᠦᠮᠡᠨ ᠳᠤᠨᠢ ᠳᠠᠪᠠᠬᠤ ᠪᠤᠯᠤᠮᠵᠢ ᠳᠠᠢ》ᠭᠡᠵᠤ ᠤᠨᠠᠭᠰᠠᠨ ᠮᠠᠯᠠᠭᠠᠢ ᠪᠠᠨ ᠠᠪᠬᠤ ᠵᠠᠪ ᠦᠬᠡᠢ ᠶᠠᠭᠠᠷᠠᠯᠳᠤᠵᠤ ᠪᠠᠢᠭᠠ ᠠᠯᠳᠠᠨᠬᠦ᠋ᠷᠳᠤ ᠤᠳᠠᠰᠤᠨᠦ ᠴᠠᠭᠠᠨᠠ ᠡᠴᠡ ᠲᠤᠪᠴᠢᠬᠠᠨ ᠶᠠᠷᠢᠯᠠ᠃ ᠲᠡᠷᠡ ᠡᠪᠤᠯᠦᠨ ᠬᠦᠢᠳᠡᠨ ᠡᠴᠡ ᠡᠮᠤᠨᠠ ᠨᠤᠳᠤᠭ ᠤᠰᠤᠨᠤ ᠪᠠᠨ ᠮᠠᠯᠴᠢᠳᠤᠨ ᠠᠪᠤᠬᠰᠠᠨ ᠲᠡᠵᠢᠬᠡᠯ ᠪᠤᠷᠳᠤᠭᠠ ᠵᠢ ᠠᠮᠵᠢᠭᠤᠯᠵᠤ ᠬᠦᠷᠬᠡᠬᠦ ᠪᠡᠷ ᠶᠠᠭᠠᠷᠠᠯᠳᠤᠵᠤ ᠪᠠᠢᠭᠠ ᠨᠢ ᠡᠨᠡ ᠠᠵᠢ᠃
ᠰᠢᠯᠤᠭᠤᠨ ᠬᠦᠭᠡ ᠬᠤᠰᠢᠭᠤᠨᠦ ᠪᠤᠱᠤᠤᠳᠠᠢ ᠰᠤᠮᠤ ᠵᠢᠨ ᠵᠠᠷᠤᠳ ᠭᠠᠴᠠᠭᠠᠨ ᠳ᠋ᠤ ᠨᠤᠳᠤᠭᠳᠠᠢ ᠠᠯᠳᠠᠨᠬᠦ᠋ᠷᠳᠤ ᠪᠤᠯ ᠦᠪᠦᠷ ᠮᠤᠩᠭᠤᠯᠦᠨ ᠬᠦᠷᠳᠤ ᠮᠠᠯ ᠠᠵᠤ ᠠᠬᠤᠢ ᠵᠢᠨ ᠬᠢᠵᠠᠭᠠᠷᠳᠤ ᠺᠤᠮᠫᠠᠨᠢ ᠵᠢᠨ ᠡᠭᠦᠰᠭᠡᠨ ᠪᠠᠢᠭᠤᠯᠤᠭᠴᠢ ᠮᠦᠨ᠂ 2017 ᠤᠨ ᠳ᠋ᠤ ᠦᠪᠦᠷ ᠮᠤᠩᠭᠤᠯᠦᠨ ᠳᠠᠷᠢᠶᠠᠯᠠᠩᠦᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠡᠴᠡ ᠳᠡᠭᠦᠰᠴᠠᠢ᠃ ᠳᠡᠷᠡ ᠰᠤᠷᠭᠠᠭᠤᠯᠢ ᠳᠡᠭᠦᠰᠭᠦ ᠵᠢᠯ ᠡᠴᠡ ᠪᠠᠨ ᠡᠬᠢᠯᠡᠨ ᠪᠠᠭᠰᠢ ᠵᠢᠡ ᠵᠢᠡᠨ ᠳᠠᠨᠢᠯᠴᠠᠭᠤᠯᠭᠠ ᠵᠢᠯᠤᠭᠤᠳᠤᠯᠭᠠ ᠳᠤᠤᠷᠠ ᠺᠤᠮᠫᠠᠨᠢ ᠪᠠᠨ ᠡᠭᠦᠰᠭᠡᠨ ᠪᠠᠢᠭᠤᠯᠵᠤ ᠳᠡᠵᠢᠭᠡᠯ ᠪᠤᠷᠳᠤᠭᠠ ᠨᠠᠢᠷᠠᠭᠤᠯᠵᠤ ᠡᠬᠢᠯᠡᠭᠰᠡᠨ ᠪᠢᠯᠡ᠃
ᠲᠦᠮᠡᠨ ᠠᠯᠬᠤᠮᠦᠨ ᠲᠦᠷᠦᠭᠦᠦ ᠠᠯᠬᠤᠮ ᠨᠢ ᠬᠦᠴᠢᠷ ᠬᠡᠭᠴᠢ ᠦᠨᠡᠨ᠂ ᠳᠡᠷᠡ ᠦᠢᠯᠡᠰ ᠪᠤᠰᠬᠠᠭᠰᠠᠨ ᠳᠦᠷᠦᠭᠦᠨᠦ ᠬᠤᠶᠠᠷ ᠵᠢᠯ ᠳ᠋ᠡᠭᠡᠨ ᠶᠡᠭᠡ ᠬᠦᠴᠢᠷᠳᠠᠵᠤ ᠶᠠᠪᠤᠵᠠᠢ᠃《ᠠᠩᠬᠠ ᠡᠬᠢᠯᠡᠭᠦ ᠳ᠋ᠦ᠍ ᠮᠠᠨᠦ ᠲᠠᠵᠢᠬᠡᠯ ᠪᠤᠷᠳᠤᠭᠠ ᠵᠢᠨ ᠴᠢᠨᠠᠷᠢ ᠤᠢᠯᠠᠭᠠᠬᠤ ᠦᠭᠡᠢ᠂ ᠬᠡᠪᠡᠴᠦ ᠦᠢᠯᠡᠰᠦᠨ ᠵᠢᠯᠤᠭᠤ ᠰᠤᠩᠭᠠᠵᠤ ᠪᠠᠢᠭᠠ ᠬᠤᠢᠴᠢ ᠨᠢᠭᠡ ᠦᠶᠡ ᠵᠢᠨ ᠬᠢᠨ ᠵᠢᠡᠨ ᠳᠡᠮᠵᠢᠶᠡ ᠬᠡᠰᠡᠨ ᠪᠤᠳᠤᠯᠢ ᠡᠪᠦᠷᠯᠡᠨ ᠮᠠᠯᠴᠢᠳ ᠮᠢᠨᠢ ᠮᠠᠨᠦ ᠨᠠᠢᠷᠠᠭᠤᠯᠤᠭᠰᠠᠨ ᠲᠠᠵᠢᠬᠡᠯ ᠪᠤᠷᠳᠤᠭᠠ ᠵᠢ ᠨᠢᠭᠡ ᠬᠤᠶᠠᠷ ᠳᠤᠨ ᠵᠢᠡᠷ ᠬᠤᠳᠠᠯᠳᠤᠨ ᠠᠪᠴᠦ ᠬᠡᠳᠤᠨ ᠮᠠᠯ ᠳ᠋ᠠᠭᠠᠨ ᠳᠤᠷᠰᠢᠨ ᠬᠡᠷᠡᠭᠯᠡᠵᠤ ᠪᠠᠢᠭᠰᠠᠨ ᠶᠤᠮ》 ᠭᠡᠵᠤ ᠠᠯᠳᠠᠨᠬᠦ᠋ᠷᠳᠤ ᠳᠠᠨᠢᠯᠴᠠᠭᠤᠯᠵᠤ ᠭᠠᠷᠤᠯᠠ᠃
ᠳᠤᠷᠰᠢᠨ ᠬᠡᠷᠡᠭᠯᠡᠭᠰᠡᠨ ᠪᠤᠯᠭᠠᠨᠦ ᠮᠠᠯ ᠨᠢ ᠳᠠᠷᠭᠤ ᠬᠦᠴᠦ ᠰᠠᠢᠵᠢᠷᠠᠵᠤ ᠦᠷᠡ ᠪᠦᠳᠦᠮᠵᠢ ᠨᠢ ᠢᠯᠡᠳᠳᠡ ᠪᠤᠯᠬᠤᠷ ᠵᠠᠯᠭᠠᠭᠠᠳ ᠪᠦᠬᠦ ᠮᠠᠯ ᠤᠨᠤᠭᠠ ᠳ᠋ᠠᠭᠠᠨ ᠬᠡᠷᠡᠭᠯᠡᠭᠦᠯᠬᠦ ᠪᠤᠯᠵᠠᠢ᠃ ᠨᠤᠳᠤᠭ ᠤ᠋ᠨ ᠬᠥᠮᠦᠰ ᠨᠢ ᠰᠢᠨᠡ ᠶ᠋ᠢ ᠡᠭᠦᠳᠦᠨ ᠦᠢᠯᠡᠰ ᠪᠤᠰᠭᠠᠵᠤ ᠶᠠᠪᠤᠭᠠ ᠵᠠᠯᠠᠭᠤᠴᠤᠳ ᠵᠢᠡᠨ ᠤᠷᠮᠠᠱᠢᠭᠤᠯᠵᠤ᠂ ᠮᠦᠨ ᠴᠦ᠍ ᠵᠠᠯᠠᠭᠤᠴᠤᠳ ᠵᠢᠡᠨ ᠢᠳᠡᠬᠡᠵᠤ᠂ ᠬᠦᠷᠳᠤ ᠪᠣᠷᠳᠣᠭᠠ ᠳ᠋ᠤ ᠶᠡᠭᠡ ᠡᠭᠡᠯᠢᠳᠠᠢ ᠪᠤᠯᠤᠯᠠ᠃ ᠨᠢᠭᠡᠳᠦᠭᠡᠷ ᠵᠢᠯ ᠳ᠋ᠦ᠍ ᠬᠡᠷᠡᠭᠯᠡᠭᠴᠢᠳᠦᠨ ᠬᠢᠨᠢ 90% ᠨᠢ ᠪᠦᠷ 《ᠰᠠᠢᠨ》 ᠭᠡᠳ ᠳᠠᠭᠠᠰᠢᠶᠠᠵᠤ᠂ ᠬᠦᠷᠳᠤ ᠺᠤᠮᠫᠠᠨᠢ ᠵᠢᠨ ᠬᠢᠨ ᠲᠦᠷᠦᠭᠦᠦ ᠵᠢᠯ ᠳ᠋ᠡᠭᠡᠨ ᠭᠤᠷᠪᠠᠨ ᠰᠠᠷᠠ ᠵᠢᠨ ᠬᠤᠭᠤᠴᠠᠭᠠᠨ ᠳ᠋ᠤ 1000 ᠭᠠᠷᠤᠢ ᠳᠤᠨ ᠲᠠᠵᠢᠬᠡᠯ ᠪᠤᠷᠳᠤᠭᠠ ᠪᠤᠷᠤᠯᠠᠭᠤᠯᠵᠠᠢ᠃ ᠡᠨᠡ ᠨᠢ ᠠᠯᠳᠠᠨᠬᠦ᠋ᠷᠳᠤ ᠳ᠋ᠤ ᠶᠡᠭᠡ ᠵᠤᠷᠢᠭᠵᠢᠭᠤᠯᠤᠯ ᠪᠤᠯᠵᠤ᠂ ᠠᠵᠢᠯ ᠦᠢᠯᠡᠰ ᠳᠡᠭᠡᠨ ᠤᠯᠠᠮ ᠤᠷᠮᠠ ᠳᠠᠢ ᠪᠤᠯᠵᠤ ᠤᠷᠤᠭᠰᠢ ᠵᠢᠳᠭᠦᠭᠰᠡᠨ ᠠᠵᠢ᠃ 《ᠪᠢ ᠶᠡᠭᠡ ᠰᠤᠷᠭᠠᠭᠤᠯᠢ ᠳ᠋ᠠᠭᠠᠨ ᠢᠳᠡᠭᠡᠨᠤ ᠮᠡᠷᠭᠡᠵᠢᠯᠢ ᠰᠤᠷᠤᠭᠰᠠᠨ ᠶᠤᠮ᠂ ᠤᠳᠤ ᠲᠠᠪᠤᠨ ᠬᠤᠰᠢᠭᠤ ᠮᠠᠯᠤᠨ ᠲᠠᠵᠢᠬᠡᠯ ᠢ ᠰᠤᠳᠤᠯᠵᠤ ᠪᠠᠢᠨᠠ》ᠭᠡᠵᠤ ᠨᠤᠳᠤᠭ ᠤᠷᠤᠨ ᠳ᠋ᠠᠭᠠᠨ ᠬᠢᠯᠠᠷᠠᠭᠤᠯᠤᠨ ᠶᠠᠪᠤᠭᠠ ᠠᠯᠳᠠᠨᠬᠦ᠋ᠷᠳᠤ ᠪᠠᠶᠠᠷᠳᠠᠢ ᠶᠠᠷᠢᠨᠠ᠃
ᠡᠳᠦᠭᠡ ᠵᠠᠬᠠ ᠳᠡᠯᠭᠡᠭᠦᠷ ᠳᠡᠭᠡᠷᠡ ᠤᠯᠠᠨ ᠵᠦᠢᠯᠦᠨ ᠲᠠᠵᠢᠬᠡᠯ ᠪᠤᠷᠳᠤᠭᠠ ᠵᠢᠨ ᠦᠢᠯᠡᠳᠪᠤᠷᠢ ᠺᠤᠮᠫᠠᠨᠢ ᠪᠤᠢ᠂ ᠵᠠᠷᠢᠮᠠᠳᠨᠢ ᠳᠤᠰᠬᠠᠢ ᠡᠪᠤᠯᠦᠨ ᠲᠠᠵᠢᠬᠡᠯ ᠪᠤᠷᠳᠤᠭᠠ ᠦᠢᠯᠡᠳᠪᠦᠷᠢᠯᠡᠳᠡᠭ᠂ ᠡᠨᠧᠷᠬᠢ ᠵᠢᠨ ᠠᠭᠤᠯᠤᠭᠳᠠᠴᠠ ᠶᠡᠭᠡ ᠳᠠᠢ ᠡᠪᠤᠯᠤᠨ ᠲᠠᠵᠢᠬᠡᠯ ᠪᠤᠷᠳᠤᠭᠠ ᠨᠢ ᠦᠭᠡᠷᠡ ᠪᠤᠷᠳᠤᠭᠠ ᠳᠠᠢ ᠪᠠᠨ ᠠᠳᠠᠯᠢᠳᠬᠠᠪᠠᠯ ᠦᠨᠡ ᠬᠠᠩᠰᠢ ᠪᠡᠷ ᠬᠢᠮᠳᠠᠬᠠᠨ ᠪᠠᠢᠳᠠᠭ᠃ ᠡᠨᠡ ᠳᠤᠬᠠᠢ ᠠᠯᠳᠠᠨᠬᠦ᠋ᠷᠳᠤ᠄ 《ᠲᠤᠰᠬᠠᠢ ᠡᠪᠤᠯᠦᠨ ᠲᠠᠵᠢᠬᠡᠯ ᠪᠤᠷᠳᠤᠭᠠ ᠪᠡᠷ ᠡᠪᠤᠯᠵᠢᠭ᠌ᠰᠡᠨ ᠦᠨᠢᠶᠡ ᠵᠢᠨ ᠤᠷᠤᠭᠠ ᠤᠷᠤᠬᠤ ᠨᠢ ᠤᠳᠠᠭᠠᠨ ᠪᠠᠢᠳᠠᠭ᠂ ᠭᠤᠷᠪᠠᠨ ᠵᠢᠯ ᠳ᠋ᠤ ᠬᠤᠶᠠᠷ ᠳᠤᠭᠤᠯᠯᠠᠬᠤ ᠪᠤᠯᠤᠮᠵᠢ ᠶᠡᠭᠡ᠂ ᠡᠨᠡ ᠳᠠᠯᠡ ᠡᠴᠡ ᠠᠪᠴᠦ ᠬᠡᠯᠡᠪᠠᠯ ᠮᠠᠯᠴᠢᠳ ᠲᠦ᠍ ᠪᠠᠭᠠ ᠪᠤᠰᠤ ᠵᠢᠨ ᠭᠠᠷᠤᠵᠠ ᠪᠤᠯᠬᠤ ᠶᠤᠮ》 ᠬᠡᠵᠤ ᠦᠵᠡᠯᠳᠡ ᠪᠠᠨ ᠶᠠᠷᠢᠨᠠ᠃ ᠭᠤᠷᠪᠠᠨ ᠵᠠᠯᠠᠭᠤ ᠤᠶᠤᠳᠠᠨ ᠭᠠᠵᠠᠷ ᠤᠷᠤᠨᠦ ᠪᠠᠨ ᠤᠨᠴᠠᠯᠢᠭ ᠲᠦ᠍ ᠬᠠᠨᠳᠤᠭᠤᠯᠤᠨ ᠰᠢᠮᠡ ᠳᠡᠵᠢᠭᠡᠯᠦᠨ ᠠᠭᠤᠯᠤᠭᠳᠠᠴᠠ ᠵᠢ ᠠᠩᠬᠠᠷᠤᠭᠰᠠᠨ᠂ ᠭᠠᠵᠠᠷ ᠤᠷᠤᠨᠦ ᠪᠠᠢᠳᠠᠯ ᠳ᠋ᠤ ᠳᠤᠬᠢᠷᠠᠭᠰᠠᠨ ᠨᠠᠷᠢᠯᠢᠭ ᠪᠤᠷᠳᠤᠭᠠ ᠦᠢᠯᠡᠳᠪᠦᠷᠢᠯᠡᠳᠡᠭ᠂ ᠳᠡᠳᠡᠨᠤᠰᠦᠨ ᠬᠢᠵᠤ ᠪᠠᠢᠭᠠ ᠲᠠᠵᠢᠬᠡᠯ ᠪᠤᠷᠳᠤᠭᠠ ᠨᠢ ᠵᠠᠬᠠ ᠳᠡᠯᠭᠡᠭᠦᠷ ᠲᠠᠬᠡᠷᠡᠬᠢ ᠠᠳᠠᠯᠢᠬᠠᠨ ᠰᠢᠮᠡ ᠳᠡᠵᠢᠭᠡᠯᠦᠨ ᠠᠭᠤᠯᠤᠭᠳᠠᠴᠠ ᠲᠠᠢ ᠳᠡᠵᠢᠭᠡᠯ ᠪᠤᠷᠳᠤᠭᠠ ᠵᠢᠨ ᠦᠨᠡ ᠬᠠᠩᠰᠢ ᠡᠴᠡ ᠳᠤᠤᠷᠠ ᠶᠤᠮ᠃ 《ᠬᠦᠷᠳᠤ ᠪᠤᠷᠳᠤᠭᠠ ᠡᠪᠤᠯᠵᠢᠬᠦ ᠮᠠᠯ ᠤᠨᠤᠭᠠ ᠵᠢᠨ ᠰᠢᠮᠡ ᠲᠠᠵᠢᠬᠡᠯᠢ ᠪᠠᠳᠤᠯᠠᠵᠤ ᠲᠠᠢᠯᠦᠨᠡ᠂ ᠬᠦᠷᠳᠤ ᠪᠤᠷᠳᠤᠭᠠ ᠪᠡᠷ ᠲᠡᠵᠢᠬᠡᠭᠰᠡᠨ ᠦᠨᠢᠶᠡ ᠳᠤᠭᠤᠯᠯᠠᠭᠰᠠᠨᠦ ᠪᠠᠨ ᠳᠠᠷᠠᠭᠠ 50 ᠭᠠᠷᠤᠢ ᠡᠳᠤᠷ ᠲᠦ᠍ ᠳᠠᠬᠢᠨ ᠤᠷᠤᠭᠠ ᠤᠷᠤᠵᠤ᠂ ᠨᠢᠭᠡ ᠵᠢᠯ ᠳ᠋ᠤ ᠨᠢᠭᠡ ᠲᠤᠭᠤᠯᠯᠠᠬᠤ ᠵᠢ ᠪᠠᠳᠤᠯᠠᠴᠢᠬᠠᠨᠠ》ᠭᠡᠳ ᠠᠯᠳᠠᠨᠬᠦ᠋ᠷᠳᠤ ᠦᠪᠡᠷᠦᠨ ᠴᠤᠭᠴᠠᠯᠠᠵᠤ ᠶᠠᠪᠤᠭᠠ ᠦᠢᠯᠡᠰ ᠳᠡᠭᠡᠨ ᠪᠡᠳᠤ ᠢᠳᠡᠭᠡᠯ ᠳᠠᠢ ᠶᠠᠪᠤᠨᠠ᠃
《ᠪᠡᠯᠴᠢᠬᠡᠷᠡᠪᠡᠰᠤ ᠵᠢᠨ ᠰᠢᠮᠡ ᠳᠡᠵᠢᠭᠡᠯᠦᠨ ᠠᠭᠤᠯᠤᠭᠳᠠᠴᠠᠵᠢ ᠨᠢ ᠦᠨᠳᠦᠰᠦᠯᠡᠨ ᠳᠡᠵᠢᠭᠡᠯ ᠪᠤᠷᠳᠤᠭᠠ ᠵᠢᠨ ᠨᠠᠢᠷᠠᠯᠭᠠ ᠪᠠᠨ ᠵᠤᠬᠢᠴᠠᠭᠤᠯᠳᠠᠭ》
ᠮᠠᠩᠬᠠᠨ ᠪᠠᠯᠴᠢᠭᠡᠷ ᠬᠢᠭᠡᠳ ᠳᠠᠯᠠ ᠵᠢᠨ ᠪᠠᠯᠴᠢᠭᠡᠷᠤᠨ ᠤᠷᠭᠤᠮᠠᠯᠦᠨ ᠲᠦᠷᠦᠯ ᠵᠦᠢᠯ ᠤᠨᠳᠤᠤ ᠪᠠᠢᠳᠠᠭ᠂ ᠡᠢᠮᠦ ᠡᠴᠡ ᠠᠳᠠᠯᠢ ᠪᠤᠰᠤ ᠭᠠᠵᠠᠷ ᠤᠷᠤᠨᠦ ᠳᠠᠪᠤᠨ ᠬᠤᠰᠢᠭᠤ ᠮᠠᠯᠦᠨ ᠰᠢᠮᠡ ᠳᠡᠵᠢᠭᠡᠯ ᠱᠠᠭᠠᠷᠳᠠᠭᠳᠠᠬᠤ ᠪᠠᠢᠳᠠᠯ ᠨᠢ ᠴᠦ᠍ ᠤᠨᠳᠤᠤ ᠶᠤᠮ᠃ 《ᠬᠠᠪᠤᠷ ᠪᠤᠯᠵᠤ ᠨᠤᠭᠤᠭᠠ ᠭᠠᠷᠬᠤ ᠦᠶᠡ ᠳ᠋ᠤ ᠪᠢᠳᠡ ᠰᠤᠩᠭᠤᠯᠳᠠ ᠳᠠᠢ ᠪᠡᠷ ᠬᠦᠳᠡᠭᠡ ᠨᠤᠳᠤᠭ ᠵᠢᠡᠷ ᠶᠠᠪᠤᠵᠤ ᠪᠠᠢᠴᠠᠭᠠᠯᠳᠠ ᠬᠢᠵᠤ᠂ ᠪᠡᠯᠴᠢᠭᠡᠷᠦᠨ ᠬᠢᠨᠢ ᠡᠪᠡᠰᠤᠨᠦ ᠲᠦᠷᠦᠯ ᠵᠢᠴᠢ ᠰᠢᠮᠡ ᠳᠡᠵᠢᠭᠡᠯᠦᠨ ᠠᠭᠤᠯᠤᠭᠳᠠᠴᠠ ᠵᠢ ᠨᠢ ᠦᠨᠳᠦᠰᠦᠯᠡᠨ ᠳᠡᠵᠢᠭᠡᠯ ᠪᠤᠷᠳᠤᠭᠠ ᠵᠢᠨ ᠨᠠᠢᠷᠠᠯᠭᠠ ᠪᠠᠨ ᠵᠤᠬᠢᠴᠠᠭᠤᠯᠳᠠᠭ》 ᠭᠡᠵᠤ ᠦᠪᠦᠷ ᠮᠤᠩᠭᠤᠯᠦᠨ ᠳᠠᠷᠢᠶᠠᠯᠠᠩᠦᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠳ᠋ᠤ ᠠᠮᠢ ᠵᠢᠨ ᠰᠢᠨᠵᠢᠯᠡᠭᠦ ᠤᠬᠠᠭᠠᠨᠦ ᠮᠡᠷᠭᠡᠵᠢᠯ ᠰᠤᠷᠤᠭᠰᠠᠨ ᠪᠢᠨᠳᠠᠷᠢᠶᠠ ᠶᠠᠷᠢᠨᠠ᠃ ᠳᠡᠷᠡ ᠶᠡᠭᠡ ᠰᠤᠷᠭᠠᠭᠤᠯᠢ ᠵᠢᠨ ᠬᠤᠭᠤᠴᠠᠭᠠᠨ ᠳ᠋ᠠᠭᠠᠨ ᠤᠷᠭᠤᠮᠠᠯᠦᠨ ᠲᠦᠷᠦᠯ ᠵᠦᠢᠯ ᠡᠮᠦᠨ ᠲᠦᠷᠦᠯ ᠵᠦᠢᠯᠦᠨ ᠳᠤᠬᠠᠢ ᠰᠢᠰᠲᠧᠮ ᠳᠠᠢ ᠪᠡᠷᠰᠤᠷᠤᠯᠴᠠᠵᠤ᠂ ᠶᠠᠮᠠᠷ ᠤᠷᠭᠤᠮᠠᠯ ᠳ᠋ᠤ ᠶᠠᠮᠠᠷ ᠠᠭᠤᠯᠤᠭᠳᠠᠴᠠ ᠪᠠᠢᠬᠤ ᠵᠢ ᠨᠠᠷᠢᠨ ᠤᠢᠯᠠᠭᠠᠳᠠᠭ ᠡᠴᠡ ᠳᠡᠵᠢᠭᠡᠯ ᠪᠤᠷᠳᠤᠭᠠ ᠦᠢᠯᠡᠳᠭᠦ ᠦᠢᠯᠡᠰ ᠲᠤᠨᠢ ᠶᠡᠭᠡᠬᠡᠨ ᠳᠤᠰᠠ ᠪᠤᠯᠵᠠᠢ᠃
ᠬᠦᠪᠡᠭᠡᠳᠤ ᠰᠢᠷᠡ ᠬᠤᠰᠢᠭᠤᠨᠦ ᠪᠠᠶᠠᠨᠳᠠᠯᠠ ᠰᠤᠮᠤᠨ ᠳ᠋ᠤ ᠠᠢᠯ ᠭᠡᠷ ᠪᠤᠰᠬᠠᠨ ᠠᠵᠢᠯ ᠦᠢᠯᠡᠰ ᠴᠤᠭᠴᠠᠯᠠᠵᠤ ᠶᠠᠪᠤᠭᠠ ᠪᠢᠨᠳᠠᠷᠢᠶᠠ ᠤᠳᠤ ᠴᠦ᠍ ᠬᠡᠳ ᠦᠪᠡᠷ ᠵᠢᠡᠨ ᠮᠠᠯ ᠮᠠᠯᠵᠢᠵᠤ ᠪᠤᠢ᠃ ᠡᠢᠮᠦ ᠡᠴᠡ ᠳᠠᠷᠠ ᠮᠠᠯᠴᠢᠳᠦᠨ ᠱᠠᠭᠠᠷᠳᠠᠯᠭᠠ ᠵᠢ ᠨᠡᠩ ᠰᠠᠢᠨ ᠤᠢᠯᠠᠭᠠᠳᠠᠭ ᠠᠵᠢ᠃ ᠵᠢᠯ ᠪᠤᠯᠭᠠᠨᠦ ᠳᠠᠪᠤᠨ ᠰᠠᠷᠠ ᠵᠢᠨ ᠦᠶᠡ ᠳ᠋ᠤ ᠪᠢᠨᠳᠠᠷᠢᠶᠠ᠂ ᠠᠯᠳᠠᠨᠬᠦ᠋ᠷᠳᠤ᠂ ᠭᠠᠨᠳᠢᠭ ᠭᠤᠷᠪᠠᠭᠤᠯᠠ ᠡᠯᠡ ᠭᠠᠵᠠᠷ ᠤᠷᠤᠨ ᠵᠢᠡᠷ ᠶᠠᠪᠤᠵᠤ 200 ᠦᠨᠢᠶᠡ ᠪᠤᠶᠤ 500 ᠬᠤᠨᠢ ᠰᠤᠩᠭᠤᠨ ᠭᠡᠭᠡᠯ ᠳᠤᠭᠳᠠᠭᠰᠠᠨ ᠡᠰᠡᠭᠦ ᠵᠢ ᠪᠠᠢᠴᠠᠭᠠᠳᠠᠭ᠃ ᠬᠠᠪᠤᠷ ᠪᠤᠯᠪᠠᠯ ᠮᠠᠯᠴᠢᠳᠦᠨ ᠨᠦᠬᠡᠴᠡᠯᠡᠭᠰᠡᠨ ᠡᠪᠡᠰᠦ ᠴᠦᠭᠡᠷᠡᠵᠤ ᠮᠠᠯᠦᠨ ᠬᠢᠨᠢ ᠳᠡᠵᠢᠭᠡᠯ ᠪᠤᠷᠳᠤᠭᠠ ᠪᠠᠭᠠᠰᠤᠨ᠂ ᠵᠠᠷᠢᠮ ᠮᠦᠩᠭᠦ ᠵᠤᠭᠤᠰ ᠬᠤᠮᠰᠠᠬᠠᠨ ᠠᠢᠯᠦᠨ ᠬᠢᠨᠢ ᠬᠢᠮᠳᠠᠬᠠᠨ ᠳᠡᠵᠢᠭᠡᠯ ᠪᠤᠷᠳᠤᠭᠠ ᠬᠡᠷᠡᠭᠯᠡᠳᠡᠭ ᠶᠤᠮ᠃ ᠡᠨᠡ ᠦᠶᠡ ᠳ᠋ᠤ ᠦᠨᠢᠶᠡ ᠨᠢ ᠤᠷᠤᠭᠠ ᠤᠷᠤᠭᠰᠠᠨ ᠵᠢᠡᠨ ᠮᠡᠳᠡᠭᠦ ᠦᠭᠡᠢ ᠭᠡᠭᠡᠯ ᠳᠤᠭᠳᠠᠭᠰᠠᠨ ᠡᠰᠡᠭᠦ ᠪᠠᠨ ᠮᠡᠳᠡᠭᠦ ᠦᠭᠡᠢ ᠠᠰᠠᠭᠤᠳᠠᠯ ᠭᠠᠷᠴᠦ᠂ ᠮᠠᠯᠴᠢᠳ ᠲᠦ᠍ ᠬᠤᠬᠢᠷᠠᠯ ᠠᠪᠴᠢᠷᠠᠳᠠᠭ᠃ ᠡᠨᠡ ᠦᠶᠡ ᠳ᠋ᠤ ᠪᠠᠢᠴᠠᠭᠠᠯᠳᠠ ᠪᠡᠷ ᠲᠠᠮᠵᠢᠨ ᠭᠡᠭᠡᠯ ᠠᠪᠤᠭᠠᠳᠤᠢ ᠮᠠᠯ ᠤᠨᠤᠭᠠ ᠳ᠋ᠠᠭᠠᠨ ᠰᠢᠮᠡ ᠳᠡᠵᠢᠭᠡᠯ ᠨᠦᠭᠦᠪᠦᠷᠢᠯᠡᠬᠦ ᠵᠢ ᠰᠠᠨᠠᠭᠤᠯᠵᠤ᠂ ᠮᠠᠯᠴᠢᠳᠦᠨ ᠤᠷᠤᠯᠭᠠ ᠵᠢ ᠨᠡᠮᠡᠭᠳᠡᠭᠦᠯᠳᠡᠭ ᠤᠴᠢᠷ ᠳᠤᠬᠢᠶᠠᠯᠳᠤᠯ ᠨᠢ ᠳᠡᠳᠡᠨ ᠳ᠋ᠤ ᠶᠡᠭᠡ ᠵᠢᠷᠭᠠᠯ ᠠᠪᠴᠢᠷᠠᠳᠠᠭ ᠪᠢᠯᠡ᠃
ᠠᠵᠢᠯ ᠦᠢᠯᠡᠰ ᠴᠤᠭᠴᠠᠯᠠᠨ ᠶᠠᠪᠤᠬᠤ ᠵᠠᠭᠤᠷᠠ ᠳᠡᠳᠡ ᠨᠠᠷ ᠬᠠᠳᠠᠭᠤ ᠰᠢᠯᠭᠠᠯᠳᠠ ᠳ᠋ᠤ ᠬᠠᠶᠠ ᠳᠤᠯᠭᠠᠷᠠᠳᠠᠭ ᠨᠢ ᠶᠠᠷᠢᠶᠡᠨ ᠦᠬᠡᠢ᠃ ᠬᠤᠶᠠᠷ ᠵᠢᠯᠦᠨ ᠡᠮᠤᠨᠡᠬᠢ ᠨᠢᠭᠡᠨ ᠳᠤᠬᠢᠶᠠᠯᠳᠤᠯ ᠪᠢᠨᠳᠠᠷᠢᠶᠠ ᠳ᠋ᠤ ᠬᠦᠨ ᠰᠠᠭᠤᠭᠳᠠᠯ ᠦᠯᠡᠳᠡᠭᠡᠵᠡᠢ᠃ ᠨᠢᠭᠡᠨ ᠮᠠᠯᠴᠢᠨᠠᠢᠯᠤᠨ ᠬᠤᠨᠢ ᠨᠢ ᠨᠢᠭᠡ ᠳᠠᠯᠡ ᠡᠴᠡ ᠪᠠᠨ ᠦᠭᠦᠵᠤ ᠡᠬᠢᠯᠡᠭᠡᠳ 《ᠪᠤᠷᠳᠤᠭᠠ ᠵᠢᠨ ᠴᠢᠨᠢ ᠤᠴᠢᠷ ᠪᠤᠯᠪᠠᠤ》 ᠭᠡᠮᠡᠨ ᠴᠢᠮᠡᠭᠡ ᠳᠠᠮᠵᠢᠭᠤᠯᠵᠤ ᠢᠷᠡᠵᠠᠢ᠃ ᠳᠡᠳᠡ ᠬᠠᠷᠢᠭᠤᠴᠠᠯᠭᠠ ᠳᠦᠯᠬᠢᠭᠰᠡᠨ ᠦᠭᠡᠢ᠂ ᠬᠠᠷᠢᠨ ᠳᠠᠷᠤᠢ ᠳ᠋ᠤᠨᠢ ᠬᠦᠭᠡᠬᠤᠳᠠ ᠡᠴᠡ ᠳᠤᠰᠬᠠᠢ ᠮᠡᠷᠭᠡᠵᠢᠯᠳᠡᠨ ᠵᠠᠯᠠᠵᠤ᠂ ᠦᠪᠡᠷᠦᠨ ᠦᠢᠯᠡᠳᠪᠦᠷᠢᠯᠡᠭᠰᠡᠨ ᠪᠤᠷᠳᠤᠭᠠ ᠵᠢᠴᠢ ᠳᠡᠷᠡ ᠠᠢᠯᠦᠨ ᠮᠠᠯ ᠳ᠋ᠠᠭᠠᠨ ᠬᠡᠷᠡᠭᠯᠡᠵᠤ ᠪᠠᠢᠭᠠ ᠡᠮᠦᠨ ᠬᠢᠨᠢ ᠳᠤᠬᠠᠢ ᠨᠠᠷᠢᠨ ᠪᠠᠢᠴᠠᠭᠠᠯᠳᠠ ᠬᠢᠵᠤ᠂ ᠤᠴᠢᠷ ᠰᠢᠯᠳᠠᠭᠠᠨᠢ ᠨᠢ ᠤᠯᠵᠤ ᠦᠭᠭᠦᠭᠰᠡᠨ ᠶᠤᠮ᠃ ᠤᠤᠯ ᠨᠢ ᠬᠤᠨᠢᠨ ᠰᠦᠷᠦᠭ ᠳᠤᠨᠢ ᠴᠢᠰᠤᠨ ᠬᠤᠤᠷᠳᠠᠯᠦᠨ ᠬᠡᠮ ᠳᠡᠯᠭᠡᠷᠡᠭᠰᠡᠨ ᠪᠠᠢᠵᠠᠢ᠃ ᠡᠨᠡ ᠬᠦ᠌ ᠪᠠᠢᠳᠠᠯ ᠳᠤᠤᠷᠡ ᠳᠡᠳᠡ ᠨᠠᠷ ᠮᠠᠯᠤᠨ ᠡᠮᠴᠢ ᠳᠠᠭᠠᠭᠤᠯᠤᠨ ᠳᠠᠷᠢᠯᠭᠠ ᠬᠢᠵᠤ ᠦᠭᠭᠦᠭᠰᠡᠨ ᠡᠴᠡ ᠦᠯᠡᠳᠡᠭᠰᠡᠨ ᠬᠤᠨᠢᠳᠨᠢ ᠪᠦᠷ ᠰᠠᠢᠬᠠᠨ ᠤᠨᠳᠤᠷᠤᠭᠰᠠᠨ ᠪᠠᠢᠪᠠ᠃ 《ᠳᠡᠷᠡᠠᠢᠯᠦᠨ ᠬᠢᠨᠢ ᠪᠢᠳᠡᠨ ᠳᠠᠢ ᠰᠠᠢᠨ ᠨᠠᠢᠵᠠ ᠪᠤᠯᠤᠯᠴᠠᠵᠤ᠂ ᠬᠤᠨᠢ ᠮᠠᠯᠦᠨ ᠳᠤᠬᠠᠢ ᠶᠠᠮᠠᠷ ᠠᠰᠠᠭᠤᠳᠠᠯ ᠳ᠋ᠤ ᠳᠤᠯᠭᠠᠷᠠᠭᠰᠠᠭᠠᠷ ᠨᠠᠳᠠ ᠳᠠᠢ ᠪᠠᠷᠢᠨ ᠬᠤᠯᠪᠤᠭᠠ ᠪᠠᠷᠢᠵᠤ ᠠᠰᠠᠭᠤᠨ ᠰᠤᠷᠠᠳᠠᠭ ᠪᠤᠯᠤᠭᠰᠠᠨ》 ᠭᠡᠬᠦ ᠡᠴᠡ ᠪᠢᠨᠳᠠᠷᠢᠶᠠ ᠵᠢᠨ ᠰᠡᠳᠬᠢᠯ ᠲᠦᠭᠦᠷᠡᠩ᠃
ᠡᠨᠡ ᠮᠡᠳᠤ ᠮᠠᠯᠴᠢᠳ ᠨᠢ ᠠᠩᠬᠠ ᠳᠡᠳᠡᠨᠢ ᠰᠡᠵᠢᠭᠯᠡᠵᠤ ᠪᠠᠢᠭᠰᠠᠨ ᠡᠴᠡ ᠪᠠᠨ ᠰᠡᠭᠦᠯᠳᠡᠵᠤ ᠢᠷᠡᠭᠡᠳ ᠢᠳᠡᠭᠡᠵᠤ ᠳᠡᠮᠵᠢᠵᠤ ᠨᠠᠢᠳᠠᠵᠤ ᠶᠠᠪᠤᠬᠤ ᠪᠤᠯᠤᠯᠠ᠃ ᠵᠢᠯᠦᠨ ᠲᠦᠷᠪᠡᠨ ᠤᠯᠠᠷᠢᠯ ᠵᠢᠡᠷ ᠮᠠᠯᠴᠢᠳ ᠮᠠᠯ ᠠᠷᠠᠴᠢᠯᠠᠭᠠ ᠶ᠋ᠢᠨ ᠳᠤᠬᠠᠢ ᠠᠰᠠᠭᠤᠨ ᠯᠠᠪᠯᠠᠭᠠ ᠬᠢᠪᠡᠯ ᠪᠢᠨᠳᠠᠷᠢᠶᠠᠥᠪᠡᠷ ᠦ᠋ᠨ ᠰᠤᠷᠤᠭᠰᠠᠨ ᠮᠡᠷᠭᠡᠵᠢᠯ ᠵᠢᠡᠨ ᠠᠱᠢᠭᠯᠠᠨ ᠬᠦᠯᠢᠴᠡᠩᠭᠦᠢ ᠪᠡᠷ ᠬᠠᠷᠢᠭᠤᠯᠳᠠ ᠥᠭᠳᠡᠭ᠂ ᠮᠡᠳᠡᠭᠦ ᠦᠭᠡᠢ ᠴᠢᠳᠠᠬᠤ ᠦᠭᠡᠢ ᠵᠦ᠋ᠢᠯᠡᠰ ᠵᠢᠡᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠵᠢᠡ ᠡᠷᠳᠡᠮᠳᠡᠨ ᠪᠠᠭᠱᠢ ᠨᠠᠷ ᠪᠤᠶᠤ ᠨᠤᠳᠤᠭᠦᠨ ᠮᠡᠷᠭᠡᠵᠢᠯᠳᠡᠨ ᠡᠴᠡ ᠠᠰᠠᠭᠤᠨ ᠰᠤᠷᠠᠵᠤ ᠬᠠᠷᠢᠭᠤᠯᠳᠠ ᠥᠭᠳᠡᠭ ᠪᠤᠯᠬᠤᠷ ᠮᠠᠯᠴᠢᠳ ᠨᠢ ᠴᠦ᠍ ᠳᠡᠳᠡᠨ ᠳᠠᠢ ᠰᠡᠳᠭᠢᠯᠦᠨ ᠨᠠᠢᠳᠠᠯᠭᠠ ᠳᠠᠢ ᠪᠤᠯᠵᠤ ᠶᠠᠪᠤᠨᠠ᠃
《ᠳᠣᠯᠣᠭᠠᠨ ᠬᠣᠨᠣᠭ ᠤ᠋ᠨ ᠳᠤᠳᠤᠷᠠ ᠦᠢᠯᠡᠳᠪᠦᠷᠢᠯᠡᠭᠰᠡᠨ ᠲᠠᠵᠢᠬᠡᠯ ᠪᠣᠷᠳᠣᠭᠠ ᠶ᠋ᠢ ᠬᠦᠷᠭᠡᠵᠤ ᠱᠢᠨᠡ ᠰᠣᠷᠭᠣᠭ ᠴᠢᠨᠠᠷᠢ ᠨᠢ ᠪᠠᠳᠤᠯᠠᠵᠤ ᠪᠠᠢᠨᠠ》
《2019 ᠤᠨ ᠳ᠋ᠤ᠌ ᠠᠩᠬᠠ ᠬᠦᠷᠳᠤ ᠪᠤᠷᠳᠤᠭᠠ ᠶ᠋ᠢ ᠬᠤᠷᠠᠭᠠ ᠳᠤᠭᠤᠯ ᠳ᠋ᠠᠭᠠᠨ ᠬᠡᠷᠡᠭᠯᠡᠵᠠᠢ᠂ ᠬᠡᠷᠡᠭᠯᠡᠭᠰᠡᠨᠦ ᠳᠠᠷᠠᠭᠠᠬᠢ ᠳᠤᠯᠤᠭᠠᠨ ᠬᠤᠨᠤᠭ ᠲᠦ᠍ ᠦᠰᠦ ᠨᠢ ᠬᠢᠯᠳᠦᠬᠡᠨᠡᠬᠡᠳ᠂ ᠨᠢᠳᠤ ᠨᠢ ᠪᠦᠯᠳᠦ᠋ᠢᠭᠡᠳ᠂ ᠳᠤᠮᠤᠷᠠᠵᠤ ᠳᠠᠷᠭᠤᠯᠠᠬᠤ ᠨᠢ ᠢᠯᠡᠳᠳᠡ ᠮᠡᠳᠡᠭᠳᠡᠵᠠᠢ᠂ ᠳᠡᠭᠡᠭᠡᠳ ᠪᠢ ᠤᠳᠤᠬᠠᠨ ᠪᠤᠯᠳᠠᠯᠠ ᠭᠤᠷᠪᠠᠨ ᠵᠢᠯ ᠬᠡᠷᠡᠭᠯᠡᠴᠢᠭᠡᠭᠰᠡᠨ ᠶᠤᠮ》ᠭᠡᠵᠤ ᠬᠦᠪᠡᠭᠡᠳᠤ ᠰᠢᠷᠠ ᠬᠤᠱᠢᠭᠤᠨ ᠦ᠌ ᠪᠤᠭᠳᠠ ᠵᠢᠨ ᠭᠤᠤᠯ ᠰᠤᠮᠤ ᠵᠢᠨ ᠡᠯᠡᠰᠤᠳᠠᠢ ᠭᠠᠴᠠᠭᠠᠨᠤ ᠮᠠᠯᠴᠢᠨ ᠴᠡᠩᠭᠡᠯ ᠭᠤᠸᠠᠢ ᠬᠦᠷᠳᠤ ᠲᠠᠵᠢᠬᠡᠯ ᠪᠤᠷᠳᠤᠭᠠ ᠶ᠋ᠢ ᠬᠡᠷᠡᠭᠯᠡᠭᠰᠡᠨ ᠦᠩᠬᠡᠷᠡᠯᠳᠡ ᠪᠠᠨ ᠳᠠᠨᠢᠯᠴᠠᠭᠤᠯᠤᠨᠠ᠃ ᠭᠤᠷᠪᠠᠨ ᠵᠢᠯᠦᠨ ᠡᠮᠦᠨᠡ ᠠᠷᠪᠠᠭᠠᠳ ᠦᠨᠢᠶᠡ ᠳᠠᠢ ᠪᠠᠢᠭᠰᠠᠨ ᠬᠦᠪᠡᠭᠡᠳᠤ ᠰᠢᠷᠡ ᠬᠤᠱᠢᠭᠤᠨᠦ᠌ ᠪᠤᠭᠳᠠᠵᠢᠨ ᠭᠤᠤᠯᠰᠤᠮᠤ ᠵᠢᠨ ᠵᠠᠪᠢᠯᠠᠬᠤ ᠭᠠᠴᠠᠭᠠᠨᠤ ᠮᠠᠯᠴᠢᠨ ᠮᠠᠩᠯᠠᠢᠪᠠᠭᠠᠳᠤᠷ 2019 ᠤᠨ ᠡᠴᠡ ᠡᠬᠢᠯᠡᠨ ᠬᠦᠷᠳᠤ ᠲᠡᠵᠢᠬᠡᠯ ᠪᠤᠷᠳᠤᠭᠠ ᠵᠢ ᠬᠡᠷᠡᠭᠯᠡᠵᠤ᠂ ᠭᠠᠨᠳᠢᠭ ᠨᠠᠷᠦᠨ ᠦᠢᠯᠡᠴᠢᠯᠡᠭᠡ ᠳᠡᠮᠵᠢᠯᠭᠡ ᠳᠤᠤᠷᠠ ᠡᠳᠦᠭᠡ 60 ᠭᠠᠷᠤᠢ ᠦᠭᠡᠷ ᠳᠡᠵᠢᠭᠡᠨ ᠬᠡᠷ ᠪᠦᠯᠢ ᠶ᠋ᠢᠨ ᠮᠠᠯᠵᠢᠯ ᠦ᠋ᠨ ᠳᠠᠯᠠᠪᠠᠢ ᠪᠠᠢᠭᠤᠯᠴᠢᠬᠠᠭᠰᠠᠨ ᠦᠭᠡᠳᠡᠯᠡᠭᠦ ᠠᠮᠢᠳᠤᠷᠠᠯ ᠵᠢᠡᠨ ᠴᠤᠭᠴᠠᠯᠠᠵᠤ ᠶᠠᠪᠤᠨᠠ᠃ ᠡᠢᠮᠦᠷᠭᠦᠦ ᠬᠦᠷᠳᠤ ᠪᠤᠷᠳᠤᠭᠠ ᠵᠢ ᠬᠡᠷᠡᠭᠯᠡᠭᠡᠳ ᠠᠰᠢᠭ ᠬᠦᠷᠳᠡᠭᠰᠡᠨ ᠮᠠᠯᠴᠢᠳ ᠵᠠᠬᠠ ᠡᠴᠨ ᠤᠯᠠᠨ ᠪᠤᠢ᠃
ᠬᠦᠷᠳᠤ ᠪᠣᠷᠳᠣᠭᠠ ᠵᠠᠬᠠ ᠳᠡᠯᠭᠡᠭᠦᠷ ᠲᠦ᠍ ᠭᠠᠷᠤᠭᠠᠳ ᠬᠡᠳᠤᠭᠡᠨ ᠵᠢᠯ ᠪᠣᠯᠵᠤ ᠪᠠᠢᠭᠠ ᠴᠦ᠍ ᠳᠡᠵᠢᠭᠡᠯ ᠪᠤᠷᠳᠤᠭᠠ ᠵᠢᠨ ᠶᠠᠰᠤ ᠴᠢᠨᠠᠷ ᠰᠠᠢᠨ᠂ ᠭᠤᠷᠪᠠᠨ ᠵᠠᠯᠠᠭᠤ ᠵᠢᠨ ᠦᠢᠯᠡᠴᠢᠯᠡᠭᠡ ᠢᠳᠡᠭᠡᠯ ᠦᠨᠡᠮᠱᠢᠯ ᠲᠠᠢ ᠪᠤᠯᠬᠤᠷ ᠪᠣᠷᠣᠯᠠᠭᠤᠯᠭᠠ ᠨᠢ ᠠᠭᠠᠵᠢᠮ ᠵᠢᠡᠷ ᠰᠠᠢᠵᠢᠷᠠᠭᠰᠠᠨ ᠪᠠᠢᠨᠠ᠃ ᠭᠤᠷᠪᠠᠨ ᠵᠠᠯᠠᠭᠤ ᠴᠦ᠍ ᠪᠣᠷᠳᠣᠭᠠ ᠪᠠᠨ ᠦᠢᠯᠡᠳᠪᠦᠷᠢᠯᠡᠵᠤ ᠪᠣᠷᠣᠯᠠᠭᠤᠯᠬᠤ ᠶ᠋ᠢᠨ ᠳᠠᠭᠠᠤ ᠦᠷᠭᠦᠯᠵᠢ ᠬᠥᠳᠡᠭᠡ ᠨᠤᠳᠤᠭ ᠵᠢᠡᠷ ᠬᠦᠨᠵᠡᠭᠡᠢᠷᠡᠨ᠂ ᠮᠠᠯᠴᠢᠳ ᠤ᠋ᠨ ᠰᠠᠨᠠᠯ ᠰᠠᠨᠠᠭᠤᠯᠭᠠ ᠶ᠋ᠢ ᠴᠤᠭᠯᠠᠭᠤᠯᠳᠠᠭ ᠪᠥᠭᠡᠳ ᠮᠠᠯᠴᠢᠳ ᠲᠦ᠍ ᠳᠡᠵᠢᠭᠡᠯ ᠪᠣᠷᠳᠣᠭᠠ ᠶ᠋ᠢᠨ ᠨᠠᠢᠷᠠᠯᠭᠠ ᠂ ᠮᠠᠯᠤᠨ ᠠᠷᠠᠴᠢᠯᠠᠭᠠ ᠳᠡᠵᠢᠭᠡᠯᠭᠡ ᠶ᠋ᠢᠨ ᠳᠤᠬᠠᠢ ᠮᠡᠷᠭᠡᠵᠢᠯ ᠦ᠋ᠨ ᠬᠢᠴᠢᠶᠡᠯ ᠳᠠᠢᠯᠤᠮᠵᠢ ᠬᠢᠵᠤ ᠶᠠᠪᠤᠳᠠᠭ ᠪᠠᠢᠯᠠ᠃
ᠤᠳᠤᠬᠠᠨ ᠳ᠋ᠤ ᠳᠡᠳᠡᠨᠦ ᠺᠤᠮᠫᠠᠨᠢ ᠨᠢ ᠡᠳᠦᠷ ᠢᠷᠡᠭᠦᠶᠡ ᠪᠤᠵᠠᠭᠠᠢᠷᠠᠵᠤ ᠪᠠᠢᠨᠠ᠃ ᠡᠨᠡ ᠵᠢᠯ ᠳ᠋ᠤ ᠪᠠᠰᠠ ᠪᠤᠷᠤᠯᠠᠭᠤᠯᠭᠠ ᠵᠢᠨ 8 ᠳᠡᠯᠭᠡᠭᠦᠷ ᠨᠡᠮᠡᠭᠳᠡᠭᠡᠳ ᠨᠡᠢᠳᠡ 36 ᠳᠡᠯᠭᠡᠭᠦᠷ ᠲᠠᠢ ᠪᠤᠯᠵᠠᠢ᠂ ᠬᠡᠷᠡᠭᠯᠡᠭᠴᠢ ᠨᠢ ᠰᠢᠯᠢ ᠵᠢᠨ ᠭᠤᠤᠯ᠂ ᠤᠷᠳᠤᠰ᠂ ᠤᠯᠠᠭᠠᠨᠴᠠᠪ᠂ ᠤᠯᠠᠭᠠᠨᠬᠠᠳᠠ᠂ ᠲᠦᠩᠯᠢᠶᠤᠤ᠂ ᠪᠠᠶᠠᠨᠨᠠᠭᠤᠷ ᠵᠡᠷᠭᠡ ᠠᠢᠮᠠᠭ ᠬᠤᠳᠠ ᠪᠡᠷ ᠳᠠᠷᠬᠠᠵᠤ ᠪᠤᠢ᠃ ᠨᠢᠭᠡ ᠠᠢᠮᠠᠭ ᠬᠤᠳᠠ ᠬᠠᠮᠤᠭᠦᠨ ᠪᠠᠭᠠ ᠳ᠋ᠠᠭᠠᠨ ᠠᠷᠪᠠ ᠬᠤᠷᠢᠨ ᠳᠤᠨ ᠳᠡᠵᠢᠭᠡᠯ ᠪᠤᠷᠳᠤᠭᠠ ᠤᠷᠤᠭᠤᠯᠵᠤ᠂ ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠬᠤᠰᠢᠭᠤ᠂ ᠵᠡᠬᠦᠨ ᠦᠵᠦᠮᠦᠴᠢᠨ ᠬᠤᠰᠢᠭᠤ᠂ ᠠᠪᠠᠭᠠ ᠬᠤᠰᠢᠭᠤ ᠵᠢᠴᠢ ᠤᠷᠳᠤᠰ ᠬᠤᠳᠠ᠂ ᠤᠯᠠᠭᠠᠨᠬᠠᠳᠠ ᠬᠤᠳᠠ ᠵᠢᠨ ᠵᠠᠷᠢᠮ ᠬᠤᠰᠢᠭᠤ ᠵᠢᠨ ᠬᠢᠨ ᠭᠤᠴᠢ ᠲᠦᠴᠢᠨ ᠳᠤᠨᠦ ᠵᠠᠬᠢᠶᠠᠯᠠᠭᠠ ᠠᠪᠴᠦ ᠪᠤᠢ᠃ 《ᠪᠢᠳᠡ ᠲᠠᠵᠢᠬᠡᠯ ᠪᠣᠷᠳᠣᠭᠠ ᠵᠠᠬᠢᠶᠠᠯᠠᠭᠰᠠᠨ ᠬᠡᠷᠡᠭᠯᠡᠭᠴᠢᠳ ᠲᠦ᠍ ᠳᠣᠯᠣᠭᠠᠨ ᠬᠣᠨᠣᠭ ᠤ᠋ᠨ ᠳᠤᠳᠤᠷᠠ ᠦᠢᠯᠡᠳᠪᠦᠷᠢᠯᠡᠭᠰᠡᠨ ᠪᠣᠷᠳᠣᠭᠠ ᠶ᠋ᠢ ᠬᠦᠷᠭᠡᠵᠤ ᠱᠢᠨᠡ ᠰᠣᠷᠭᠣᠭ ᠴᠢᠨᠠᠷᠢ ᠨᠢ ᠪᠠᠳᠤᠯᠠᠵᠤ ᠪᠠᠢᠨᠠ》 ᠭᠡᠵᠤ ᠭᠠᠨᠳᠢᠭ ᠶᠠᠷᠢᠨᠠ᠃
ᠰᠢᠯᠤᠭᠤᠨ ᠬᠦᠭᠡ ᠬᠤᠰᠢᠭᠤᠨᠦ ᠰᠠᠢᠨᠬᠤᠳᠳᠤᠭ ᠰᠤᠮᠤ ᠵᠢᠨ ᠨᠠᠷᠠᠰᠤᠳᠤ ᠭᠠᠴᠠᠭᠠᠨ ᠳ᠋ᠤ ᠨᠤᠳᠤᠭᠳᠠᠢ ᠭᠠᠨᠳᠢᠭ ᠪᠤᠯ ᠺᠤᠮᠫᠠᠨᠢ ᠵᠢᠨ ᠵᠢᠡᠨ ᠳᠡᠵᠢᠭᠡᠯ ᠪᠤᠷᠳᠤᠭᠠ ᠵᠢᠨ ᠲᠦᠭᠦᠭᠡᠢ ᠮᠠᠲᠧᠷᠢᠶᠠᠯ ᠤᠷᠤᠭᠤᠯᠬᠤ ᠪᠠ ᠳᠡᠵᠢᠭᠡᠯ ᠪᠤᠷᠳᠤᠭᠠ ᠬᠦᠷᠭᠡᠭᠦ ᠵᠡᠷᠭᠡ ᠠᠵᠢᠯᠢ ᠬᠠᠷᠢᠭᠤᠴᠠᠵᠤ ᠪᠤᠢ᠃ ᠳᠡᠷᠡ ᠶᠡᠭᠡ ᠰᠤᠷᠭᠠᠭᠤᠯᠢ ᠳ᠋ᠠᠭᠠᠨ ᠪᠠᠷᠢᠯᠭᠠ ᠵᠢᠨ ᠮᠡᠷᠭᠡᠵᠢᠯ ᠰᠤᠷᠴᠤ᠂ ᠦᠪᠡᠷᠦᠨ ᠮᠡᠷᠭᠡᠵᠢᠯ ᠳ᠋ᠡᠭᠡᠨ ᠪᠠᠬᠠ ᠦᠭᠡᠢ ᠪᠤᠯᠬᠤᠷ ᠬᠦᠳᠡᠭᠡ ᠨᠤᠳᠤᠭ ᠳᠠᠭᠠᠨ ᠪᠤᠴᠠᠬᠤ ᠬᠦᠰᠡᠯᠢ ᠡᠪᠦᠷᠯᠡᠨ ᠰᠠᠢᠨ ᠨᠠᠢᠵᠠ ᠠᠯᠳᠠᠨᠬᠦ᠋ᠷᠳᠤ ᠳᠠᠢ ᠪᠠᠨ ᠰᠡᠳᠬᠢᠯ ᠨᠢᠭᠡᠳᠴᠦ ᠬᠦᠷᠳᠤ ᠺᠤᠮᠫᠠᠨᠢ ᠵᠢ ᠪᠠᠢᠭᠤᠯᠬᠤ ᠠᠩᠬᠠᠨᠦ ᠡᠳᠦᠷ ᠡᠴᠡ ᠬᠠᠮᠳᠤ ᠵᠢᠳᠬᠦᠵᠤ ᠶᠠᠪᠤᠭᠰᠠᠨ ᠶᠤᠮ᠃ ᠳᠡᠷᠡ ᠦᠭᠡ ᠳᠠᠭᠤ ᠴᠦᠭᠡᠨ ᠴᠦ᠍ ᠠᠵᠢᠯ ᠳ᠋ᠠᠭᠠᠨ ᠳᠤᠩ ᠬᠠᠷᠢᠭᠤᠴᠠᠯᠭᠠ ᠳᠠᠢ᠃ ᠮᠠᠯᠦᠨ ᠳᠡᠵᠢᠭᠡᠯ ᠪᠤᠷᠳᠤᠭᠠ ᠵᠢᠨ ᠴᠢᠨᠠᠷᠢ ᠴᠢᠩᠭᠠ ᠪᠠᠳᠤᠯᠠᠬᠤ ᠵᠢᠨ ᠲᠦᠯᠦᠭᠡ ᠳᠡᠷᠡ ᠪᠤᠷᠳᠤᠭᠠ ᠶ᠋ᠢᠨ ᠲᠦᠭᠦᠭᠡᠢ ᠮᠠᠲ᠋ᠧᠷᠢᠶᠠᠯ ᠰᠣᠩᠭᠣᠬᠤ ᠳ᠋ᠠᠭᠠᠨ ᠤᠯᠠᠨ ᠭᠠᠵᠠᠷ ᠲᠦ᠍ ᠪᠠᠢᠴᠠᠭᠠᠯᠳᠠ ᠬᠢᠵᠤ᠂ ᠬᠦᠷᠦᠰᠤᠨᠦ ᠴᠢᠨᠠᠷ᠂ ᠵᠢᠯᠦᠨ ᠪᠤᠷᠤᠭᠠᠨ ᠬᠤᠷᠠ ᠵᠢᠨ ᠪᠠᠢᠳᠠᠯᠢ ᠦᠨᠳᠦᠰᠦᠯᠡᠵᠤ ᠦᠯᠢᠭᠡᠷ ᠬᠡᠪᠢ ᠵᠠᠳᠠᠯᠤᠭᠠᠳ ᠨᠢᠭᠡᠳᠦᠭᠡᠷ ᠳᠡᠰᠦᠨ ᠠᠮᠤ ᠪᠤᠳᠠᠭᠠ ᠵᠢ ᠰᠤᠩᠭᠤᠨ ᠤᠷᠤᠭᠤᠯᠳᠠᠭ᠃
ᠳᠡᠷᠡ ᠦᠪᠡᠷ ᠵᠢᠡᠨ ᠴᠦ᠍ ᠮᠠᠯᠴᠢᠨ ᠬᠦᠮᠦᠨ ᠶᠤᠮ ᠴᠢᠨᠢ ᠮᠠᠯᠴᠢᠳᠦᠨ ᠳᠤᠮᠳᠠ ᠠᠭᠤᠰᠤᠯᠴᠠᠨ ᠨᠠᠢᠷᠳᠠᠢ ᠶᠠᠪᠤᠯᠴᠠᠳᠠᠭ ᠶᠤᠮ᠃ ᠮᠠᠯᠴᠢᠳᠦᠨ ᠵᠠᠬᠢᠶᠠᠯᠠᠭᠰᠠᠨ ᠳᠡᠵᠢᠭᠡᠯ ᠪᠤᠷᠳᠤᠭᠠ ᠵᠢ ᠬᠦᠷᠭᠡᠭᠦ ᠵᠠᠭᠤᠷᠠ ᠮᠠᠯᠴᠢᠳᠦᠨ ᠨᠠᠢᠳᠠᠭᠰᠠᠨ ᠮᠠᠯᠦᠨ ᠡᠮ᠂ ᠪᠠᠷᠢᠯᠭᠠ ᠵᠢᠨ ᠮᠠᠲ᠋ᠧᠷᠢᠶᠠᠯ ᠵᠡᠷᠭᠡ ᠵᠢ ᠨᠢ ᠬᠠᠮᠳᠤ ᠳ᠋ᠤᠨᠢ ᠳᠡᠭᠡᠭᠡᠪᠦᠷᠢᠯᠡᠵᠤ ᠬᠦᠷᠭᠡᠳᠡᠭ ᠨᠢ ᠵᠦᠩᠳᠡᠭᠡᠨ᠃