ᠶᠡᠷᠦᠩᠬᠡᠢ ᠱᠦᠵᠢ ᠰᠢᠶ᠋ᠢᠨ ᠫᠢᠩᠤᠨ ᠥᠪᠦᠷ ᠮᠤᠩᠭᠤᠯᠤᠨ ᠳᠤᠬᠠᠢ ᠴᠢᠬᠤᠯᠠ ᠶᠠᠷᠢᠶᠠ ᠴᠢᠬᠤᠯᠠ ᠵᠢᠭᠠᠪᠤᠷᠢ ᠴᠤᠬᠤᠯᠠᠪᠤᠷᠢᠶ᠋ᠢᠨ ᠵᠤᠷᠢᠭ ᠰᠠᠨᠠᠭᠠᠶ᠋ᠢ ᠬᠦᠨᠵᠡᠭᠡᠢ ᠲᠤᠭᠤᠱᠢᠯᠠᠭᠤᠯᠤᠨ ᠨᠠᠢᠳᠠᠪᠤᠷᠢᠵᠢᠭᠤᠯᠵᠤ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠳᠤ ᠨᠠᠮ ᠪᠠᠢᠭᠤᠯᠤᠬ᠍ᠳᠠᠬ᠍ᠰᠠᠨ 100 ᠵᠢᠯᠤᠨ ᠤᠢᠶ᠋ᠢ ᠪᠠᠶᠠᠷᠯᠠᠨ ᠪᠡᠯᠭᠡᠯᠡᠬᠦ᠌ᠶ᠋ᠢᠨ ᠲᠦᠯᠦᠭᠡ᠂ ᠥᠪᠦᠷ ᠮᠤᠩᠭᠤᠯᠤᠨ ᠡᠳᠦᠷᠤᠨ ᠰᠤᠨᠢᠨᠤ ᠬᠤᠷᠢᠶᠠᠨᠢ ᠥᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨ᠂ ᠠᠢᠮᠠᠭ ᠬᠤᠳᠠ᠂ ᠬᠤᠱᠢᠭᠤ ᠱᠢᠶᠠᠨ ᠭᠤᠷᠪᠠᠨ ᠱᠠᠳᠤᠨᠤ ᠬᠠᠮ ᠵᠠᠭᠤᠴᠢᠯᠠᠭᠤᠷᠲᠠᠢ ᠬᠠᠮᠳᠤ 《ᠳᠠᠯᠠ ᠨᠤᠲᠤᠭᠤᠨ ᠡᠭᠦᠯᠡ 〈ᠡᠭᠦᠷᠢᠳᠡ ᠨᠠᠮᠢᠶᠠᠨ ᠲᠠᠭᠠᠶᠠ〉 ᠵᠠᠭᠤᠨ ᠰᠤᠷᠪᠤᠯᠵᠢᠯᠠᠬ᠍ᠴᠢᠶ᠋ᠢᠨ ᠲᠦᠮᠡᠨ ᠭᠠᠵᠠᠷᠤᠨ ᠠᠶᠠᠯᠠᠯ》 ᠳᠤᠮᠤ ᠬᠡᠯᠪᠡᠷᠢᠶ᠋ᠢᠨ ᠳᠠᠮᠵᠢᠭᠤᠯᠭᠠᠶ᠋ᠢᠨ ᠠᠵᠢᠯᠯᠠᠭᠠ ᠦᠷᠨᠢᠭᠦᠯᠵᠦ᠍᠂ ᠰᠤᠷᠪᠤᠯᠵᠢᠯᠠᠭᠠ ᠢᠳᠡ ᠬᠦᠭᠲᠠᠢ ᠶᠠᠪᠤᠬ᠍ᠳᠠᠵᠤ ᠡᠬᠢᠯᠡᠭ᠌ᠰᠡᠨ ᠪᠠᠢᠨᠠ᠃
6 ᠰᠠᠷᠠᠶ᠋ᠢᠨ 10 ᠤ ᠡᠳᠦᠷᠤᠨ 15 ᠴᠠᠭᠲᠤ᠌᠂ 《ᠳᠠᠯᠠ ᠨᠤᠲᠤᠭᠤᠨ ᠡᠭᠦᠯᠡ 〈ᠡᠭᠦᠷᠢᠳᠡ ᠨᠠᠮᠢᠶᠠᠨ ᠲᠠᠭᠠᠶᠠ〉 ᠵᠠᠭᠤᠨ ᠰᠤᠷᠪᠤᠯᠵᠢᠯᠠᠬ᠍ᠴᠢᠶ᠋ᠢᠨ ᠲᠦᠮᠡᠨ ᠭᠠᠵᠠᠷᠤᠨ ᠠᠶᠠᠯᠠᠯ》 ᠳᠤᠮᠤ ᠬᠡᠯᠪᠡᠷᠢᠶ᠋ᠢᠨ ᠳᠠᠮᠵᠢᠭᠤᠯᠭᠠᠶ᠋ᠢᠨ ᠠᠵᠢᠯᠯᠠᠭᠠᠶ᠋ᠢᠨ ᠠᠩᠬᠠᠨᠤ ᠳᠠᠯᠠᠪᠠᠢ ᠪᠤᠤᠬᠢᠶᠠ ᠳᠠᠮᠵᠢᠭᠤᠯᠤᠬ᠍ᠰᠠᠨ ᠱᠢᠭᠤᠳ ᠨᠡᠪᠳᠡᠷᠡᠭᠦᠯᠭᠡ ᠵᠢᠩᠬᠢᠨᠢᠪᠠᠷ ᠡᠬᠢᠯᠡᠵᠠᠢ᠃ ᠳᠤᠰ ᠤᠳᠠᠭᠠᠨᠤ ᠰᠤᠷᠪᠤᠯᠵᠢᠯᠠᠭᠠᠨᠢ ᠥᠪᠦᠷ ᠮᠤᠩᠭᠤᠯᠢ ᠬᠦᠨᠳᠡᠯᠡᠨ ᠰᠤᠨᠳᠠᠯᠠᠵᠤ᠂ ᠥᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨ᠂ ᠠᠢᠮᠠᠭ ᠬᠤᠳᠠ᠂ ᠬᠤᠱᠢᠭᠤ ᠱᠢᠶᠠᠨ ᠭᠤᠷᠪᠠᠨ ᠱᠠᠳᠤᠨᠤ ᠬᠠᠮ ᠵᠠᠭᠤᠴᠢᠯᠠᠭᠤᠷᠤᠨ ᠤᠷᠤᠯᠴᠠᠯᠭᠠᠲᠠᠢ᠂ ᠮᠡᠷᠭᠡᠵᠢᠯᠤᠨ ᠪᠦᠯᠬᠦᠮᠤᠨ ᠴᠢᠩᠭᠠ ᠬᠦᠴᠦᠳᠡᠢ ᠪᠠᠳᠤᠯᠠᠭᠠᠲᠠᠢ᠂ ᠡᠮᠦᠨᠡ ᠹᠷᠤᠨᠲ᠂ ᠠᠷᠤ ᠳᠠᠯᠠᠶ᠋ᠢᠨ ᠬᠠᠮᠵᠢᠯᠴᠠᠭᠠᠲᠠᠢ ᠢᠯᠭᠤᠮ ᠤᠷᠤᠬ᠍ᠰᠢᠳᠠᠢ ᠬᠦᠱᠢᠭᠡᠪᠠᠨ ᠰᠡᠬᠦᠯᠡ᠃
ᠪᠠᠷᠤᠬ 4 ᠴᠠᠭ ᠤᠷᠴᠢᠮᠤᠨ ᠪᠤᠤᠬᠢᠶᠠ ᠳᠠᠮᠵᠢᠭᠤᠯᠤᠬ᠍ᠰᠠᠨ ᠱᠢᠭᠤᠳ ᠨᠡᠪᠳᠡᠷᠡᠭᠦᠯᠬᠡ ᠳᠤᠮᠳᠠ ᠥᠪᠦᠷ ᠮᠤᠩᠭᠤᠯᠤᠨ ᠡᠳᠦᠷᠤᠨ ᠰᠤᠨᠢᠨᠤ ᠬᠤᠷᠢᠶᠠᠶ᠋ᠢᠨ ᠳᠠᠯᠠ ᠨᠤᠲᠤᠭᠤᠨ ᠡᠭᠦᠯᠡ ᠬᠠᠮ ᠵᠠᠭᠤᠴᠢᠯᠠᠭᠤᠷᠤᠨ ᠵᠢᠯᠤᠭᠤᠳᠭᠤ ᠲᠦᠪᠠᠴᠠ ᠬᠦᠬᠡᠬᠤᠳᠠ᠂ ᠬᠦᠯᠦᠨ ᠪᠤᠢᠷ ᠬᠤᠳᠠ᠂ ᠤᠯᠠᠭᠠᠨᠬᠠᠳᠠ ᠬᠤᠳᠠ᠂ ᠠᠯᠠᠱᠠ ᠠᠢᠮᠠᠭᠤᠨ ᠲᠦᠷᠪᠡᠨ ᠰᠤᠷᠪᠤᠯᠵᠢᠯᠠᠭᠠᠶ᠋ᠢᠨ ᠲᠤᠭᠤᠢ᠍ᠢᠯᠠᠩᠲᠠᠢ ᠬᠠᠷᠢᠯᠴᠠᠨ ᠴᠡᠭ ᠬᠤᠯᠪᠤᠨ ᠱᠢᠭᠤᠳ ᠨᠡᠪᠳᠡᠷᠡᠭᠦᠯᠬᠡ ᠬᠢᠪᠡ᠃ ᠡᠭᠦᠨᠤ ᠲᠠᠭᠠᠤ ᠳᠠᠯᠠ ᠨᠤᠲᠤᠭ ᠱᠢᠯᠵᠢᠶᠡ᠂ ᠥᠪᠦᠷ ᠮᠤᠩᠭᠤᠯᠤᠨ ᠰᠤᠨᠢᠨ ᠮᠡᠳᠡᠭᠡᠨᠤ ᠰᠦᠯᠵᠢᠶᠡ᠂ ᠡᠯᠡ ᠠᠢᠮᠠᠭ ᠬᠤᠳᠠ᠂ 103 ᠬᠤᠱᠢᠭᠤ ᠱᠢᠶᠠᠨᠤ ᠬᠠᠮ ᠵᠠᠭᠤᠴᠢᠯᠠᠭᠤᠷᠤᠨ ᠲᠦᠪ ᠵᠢᠴᠢ ᠲᠦᠪᠤᠨ ᠵᠠᠭᠤᠴᠢᠯᠠᠭᠤᠷ᠂ ᠭᠤᠷᠪᠠᠳᠤᠭᠠᠷ ᠳᠠᠯᠠᠶ᠋ᠢᠨ ᠳᠠᠪᠴᠠᠩ ᠵᠡᠷᠭᠡᠶ᠋ᠢ ᠠᠱᠢᠬ᠍ᠯᠠᠨ ᠲᠦᠷᠪᠡᠨ ᠱᠠᠳᠤ ᠬᠤᠯᠪᠤᠭᠠᠯᠠᠨ ᠪᠤᠰᠤᠭᠠ ᠴᠤᠬ᠍ᠴᠠᠪᠠᠷ ᠳᠠᠮᠵᠢᠭᠤᠯᠭᠠ ᠬᠢᠬᠦ᠌ᠶ᠋ᠢ ᠪᠡᠶᠡᠯᠡᠭᠦᠯᠵᠦ᠍ ᠴᠢᠳᠠᠵᠠᠢ᠃
ᠳᠤᠰ ᠤᠳᠠᠭᠠᠨᠤ ᠠᠵᠢᠯᠯᠠᠭᠠᠨᠢ 20 ᠡᠳᠦᠷ ᠶᠠᠪᠤᠬ᠍ᠳᠠᠨ᠂ ᠠᠬᠤᠢ ᠳᠠᠯᠠᠪᠠᠢᠶ᠋ᠢᠨ ᠮᠡᠳᠡᠭᠡᠯᠡᠯ᠂ ᠱᠢᠭᠤᠳ ᠨᠡᠪᠳᠡᠷᠡᠭᠦᠯᠭᠡᠪᠠᠷ ᠬᠤᠯᠪᠤᠯᠳᠤᠬᠤ᠂ ᠸᠢᠳᠢᠣ᠋ᠪᠠᠷ ᠦᠯᠢᠭᠡᠷ ᠬᠦᠦᠷᠨᠢᠬᠦ᠂ ᠪᠦᠲᠦᠭᠡᠯᠴᠢ ᠦᠢᠯᠡᠳᠬᠦᠨ ᠦᠢᠯᠡᠳᠬᠦ᠌ ᠵᠡᠷᠭᠡ ᠬᠠᠮ ᠵᠠᠭᠤᠴᠢᠯᠠᠭᠤᠷᠤᠨ ᠢᠯᠡᠷᠡᠭᠦᠯᠬᠦ᠌ ᠬᠡᠯᠪᠡᠷᠢᠪᠠᠷ ᠪᠦᠬᠦ᠌ ᠳᠠᠯᠠᠪᠠᠷ᠂ ᠪᠤᠰᠤᠭᠠ ᠴᠤᠬ᠍ᠴᠠᠪᠠᠷ᠂ ᠤᠯᠠᠨ ᠡᠱᠢᠵᠢᠭᠦᠯᠦᠭ᠌ᠰᠡᠨ ᠮᠠᠶᠢᠬᠢᠶᠠᠷ ᠪᠦᠬᠦ᠌ ᠤᠷᠤᠨᠤ ᠦᠨᠳᠦᠰᠦᠳᠡᠨᠨᠦᠭᠦᠳᠤᠨ ᠠᠷᠠᠳ ᠲᠦᠮᠡᠨᠤ 《ᠡᠭᠦᠷᠢᠳᠡ ᠨᠠᠮᠢᠶᠠᠨ ᠲᠠᠭᠠᠵᠤ᠂ ᠨᠠᠮᠤᠨ ᠠᠴᠢᠳᠤ ᠳᠠᠯᠠᠷᠬᠠᠵᠤ᠂ ᠨᠠᠮᠤᠨ ᠦᠬᠡᠶ᠋ᠢ ᠰᠤᠨᠤᠰᠴᠤ᠌》 ᠪᠠᠢᠭᠠ ᠰᠡᠳᠭᠢᠯ ᠬᠦᠳᠡᠯᠬᠡᠮᠡ ᠬᠠᠢᠷᠠ ᠰᠡᠳᠭᠢᠯᠬᠡᠶ᠋ᠢ ᠬᠦᠦᠷᠨᠢᠨ ᠳᠡᠮᠳᠡᠭ᠌ᠯᠡᠬᠦ᠌ ᠪᠤᠯᠤᠨᠠ᠃
