ᠦᠬᠠᠶ ᠬᠤᠲᠠᠶ᠋ᠢᠨ ᠬᠠᠢᠷᠤᠪᠤᠨ ᠲᠣᠬᠤᠢ ᠲᠣᠭᠤᠷᠢᠭᠤᠨ ᠯᠢᠨ ᠶᠢᠨ ᠵᠡᠭᠡᠯᠢ ᠭᠤᠳᠤᠮᠵᠢᠶ᠋ᠢᠨ ᠬᠠᠢ ᠱᠢᠨ ᠨᠡᠢᠭᠡᠮ ᠲᠣᠭᠤᠷᠢᠭᠲᠤ 16 ᠡᠵᠢᠪᠠᠷ ᠪᠦᠷᠢᠯᠳᠦᠭ᠌ᠰᠡᠨ ᠰᠠᠢᠨ ᠳᠤᠷᠠᠴᠤᠳᠤᠨ ᠡᠩᠨᠡᠭᠡ ᠪᠤᠢ
ᠲᠡᠳᠡᠡᠤ ᠳᠤᠮᠳᠠᠴᠢ ᠨᠠᠰᠤᠨ ᠰᠡᠬᠦᠳᠡᠷ 65᠂ ᠬᠠᠮᠤᠭ ᠶᠡᠭᠡᠨᠢ ᠨᠢᠭᠡᠨᠲᠡ 80 ᠶ᠋ᠢ ᠳᠠᠪᠠᠵᠠᠢ
ᠲᠡᠳᠡ ᠰᠠᠨᠠᠭᠠᠴᠢᠯᠠᠭᠠᠠᠴᠠᠪᠠᠨ ᠬᠦᠷᠰᠢ ᠵᠡᠷᠭᠡᠯᠡᠳᠡᠭᠡᠶ᠋ᠢᠨ ᠵᠢᠭᠤᠷᠠᠯᠳᠤᠭᠠᠨᠢ ᠡᠶᠡᠳᠡᠭᠦᠯᠵᠥ᠍
ᠥᠨᠥᠴᠢᠨ ᠪᠡᠯᠪᠡᠰᠦᠨ ᠨᠠᠰᠤᠲᠠᠨ᠂ ᠵᠡᠮᠳᠡᠭ᠌ᠴᠦᠳᠤᠨ ᠭᠡᠷ ᠪᠦᠯᠢᠳᠤ ᠵᠣᠭᠤᠰ ᠮᠥᠩᠭᠦ᠌ ᠡᠳ᠋ ᠪᠣᠳᠠᠰ ᠬᠠᠨᠳᠢᠪᠯᠠᠨ ᠬᠥᠳᠡᠯᠵᠦ᠍ ᠪᠠᠷᠢᠬᠤᠳᠤ ᠳᠥᠭᠦᠮ ᠦᠭᠡᠢ ᠰᠠᠭᠤᠭᠠᠯᠢ ᠠᠷᠠᠳᠲᠤ ᠨᠣᠭᠤᠭᠠ ᠴᠠᠭᠠ ᠬᠤᠳᠠᠯᠳᠤᠨ ᠠᠪᠴᠤ᠌ ᠦᠭ᠌ᠬᠦ᠂ ᠭᠡᠷᠲᠤᠨᠢ ᠬᠦᠷᠴᠦ᠍ ᠬᠤᠭᠤᠯᠠ ᠵᠠᠭᠤᠰᠢᠶ᠋ᠢᠨᠢ ᠪᠡᠯᠡᠳᠭᠡᠵᠤ ᠦᠭ᠌ᠭᠦ᠂ ᠭᠡᠷᠤᠨ ᠠᠵᠢᠯᠢᠨᠢ ᠬᠢᠵᠥ᠍ ᠦᠭ᠌ᠭᠦ ᠦᠢᠯᠡᠴᠢᠯᠡᠭᠡ ᠬᠠᠩᠭᠠᠨᠠ
ᠪᠠᠰᠠ ᠰᠠᠭᠤᠭᠠᠯᠢ ᠠᠷᠠᠳᠤᠨ ᠲᠣᠭᠤᠷᠢᠭᠤᠨ ᠣᠷᠴᠢᠨ ᠲᠣᠭᠤᠷᠢᠨᠤ ᠠᠷᠢᠭᠤᠨ ᠴᠡᠪᠡᠷᠢ ᠴᠡᠪᠡᠷᠯᠡᠬᠦ᠌ ᠵᠡᠷᠭᠡ ᠠᠵᠢᠯᠢ ᠬᠢᠵᠥ᠍ 《ᠨᠢᠩᠵᠢᠨ ᠡᠵᠢᠶ᠋ᠢᠨ ᠪᠦᠯᠬᠦᠮ》 ᠬᠡᠮᠡᠨ ᠳᠤᠳᠤᠨᠤᠴᠢᠯᠠᠬ᠍ᠳᠠᠬᠤ ᠪᠤᠯᠪᠠ
6 ᠰᠠᠷᠠᠶ᠋ᠢᠨ 15 ᠤ ᠡᠳᠦᠷ᠂ ᠥᠪᠥᠷ ᠮᠣᠩᠭᠤᠯᠤᠨ ᠡᠳᠦᠷᠤᠨ ᠰᠣᠨᠢᠨᠤ 《〈ᠡᠭᠦᠷᠢᠳᠡ ᠨᠠᠮᠢᠶᠠᠨ ᠳᠠᠭᠠᠶᠠ〉 ᠡᠬᠦᠯᠡᠨ ᠬᠦᠯᠦᠭ • ᠵᠠᠭᠤᠨ ᠰᠤᠷᠪᠤᠯᠵᠢᠯᠠᠭ᠍ᠴᠢᠶ᠋ᠢᠨ ᠲᠦᠮᠡᠨ ᠭᠠᠵᠠᠷᠤᠨ ᠠᠶᠠᠯᠠᠯ》 ᠲᠣᠮᠣ ᠬᠡᠯᠪᠡᠷᠢᠶ᠋ᠢᠨ ᠳᠠᠮᠵᠢᠭᠤᠯᠭᠠᠶ᠋ᠢᠨ ᠠᠵᠢᠯᠯᠠᠭᠠᠶ᠋ᠢᠨ ᠮᠡᠳᠡᠭᠡᠯᠡᠬᠦ᠌ ᠳᠤᠭᠤᠢᠯᠠᠩ ᠬᠠᠢ ᠱᠢᠨ ᠨᠡᠢᠭᠡᠮ ᠲᠣᠭᠤᠷᠢᠭᠲᠤ ᠬᠦᠷᠴᠤ᠌᠂ ᠲᠡᠳᠡᠨᠤ ᠪᠤᠰᠤᠳᠢ ᠬᠠᠪᠰᠤᠷᠬᠤᠪᠠᠷ ᠵᠢᠷᠭᠠᠯᠢᠶᠠᠨ ᠪᠣᠯᠭᠠᠭ᠍ᠰᠠᠨ ᠦᠢᠯᠡ ᠶᠠᠪᠤᠳᠠᠯᠢ ᠰᠤᠷᠪᠤᠯᠵᠢᠯᠠᠪᠠ᠃
《ᠱᠤ᠌ ᠵᠧᠨ ᠡ᠂ ᠪᠢᠳᠡ ᠴᠢᠮᠠᠶ᠋ᠢ ᠦᠵᠡᠬᠦ᠌ᠪᠠᠷ ᠢᠷᠡᠯᠡ᠂ ᠬᠠᠪᠰᠤᠷᠴᠤ᠌ ᠭᠡᠷᠢ ᠴᠢᠨᠢ ᠴᠡᠪᠡᠷᠯᠡᠵᠦ᠍ ᠥᠭ᠌ᠬᠦᠶᠡ》᠃ ᠥᠷᠯᠥᠭᠡ ᠡᠷᠲᠡ᠂ 《ᠨᠢᠩᠵᠢᠨ ᠡᠵᠢᠶ᠋ᠢᠨ ᠪᠦᠯᠬᠦᠮ》 ᠤᠨ ᠪᠦᠷᠢᠯᠳᠦᠬᠦᠨ ᠨᠡᠢᠭᠡᠮ ᠲᠣᠭᠤᠷᠢᠭᠲᠤ ᠭᠠᠭ᠍ᠴᠠᠭᠠᠷ ᠰᠠᠭᠤᠵᠤ ᠪᠠᠢᠭᠠ ᠵᠡᠮᠳᠡᠭ ᠬᠥᠮᠦᠨ ᠯᠢᠦ ᠱᠤ᠌ ᠵᠧᠨᠤ ᠡᠭᠦᠳᠡᠶ᠋ᠢ ᠳᠤᠬ᠍ᠰᠢᠪᠠ᠃ ᠤᠳᠠᠯ ᠦᠭᠡᠢ᠂ ᠯᠢᠦ ᠱᠤ᠌ ᠵᠧᠨᠤ ᠭᠡᠷ ᠴᠡᠪᠡᠷ ᠴᠡᠮᠴᠡᠬᠡᠷ ᠪᠣᠯᠪᠠ᠃
ᠯᠢᠦ ᠱᠤ᠌ ᠵᠧᠨ ᠪᠠᠭᠠᠠᠴᠠᠪᠠᠨ ᠬᠤᠶᠠᠷ ᠬᠥᠯᠨᠢ ᠵᠡᠮᠳᠡᠭ᠂ ᠠᠮᠢᠳᠤᠷᠠᠯᠢᠶᠠᠨ ᠠᠷᠭᠠᠴᠠᠭᠠᠵᠤ ᠳᠡᠢᠯᠬᠦ᠌ ᠦᠭᠡᠶ᠂ ᠪᠤᠰᠤᠳᠲᠠᠢ ᠳᠡᠮᠡᠶ ᠬᠠᠷᠢᠯᠴᠠᠬᠤ ᠦᠭᠡᠶ ᠪᠠᠢᠪᠠ᠃ 《ᠨᠢᠩᠵᠢᠨ ᠡᠵᠢᠶ᠋ᠢᠨ ᠪᠦᠯᠬᠦᠮ》 ᠤᠨ ᠳᠠᠷᠤᠭᠠ ᠭᠦᠸᠧ ᠸᠧᠨ ᠬᠤᠸᠠ ᠪᠠᠢᠳᠠᠯᠢ ᠣᠢᠯᠠᠭᠠᠭ᠍ᠰᠠᠨᠤ ᠳᠠᠷᠠᠭᠠ᠂ ᠰᠠᠨᠠᠭᠠᠴᠢᠯᠠᠭᠠᠠᠴᠠᠪᠠᠨ ᠭᠡᠷᠲᠤᠨᠢ ᠬᠦᠷᠴᠦ᠍ ᠲᠡᠭᠦᠨᠲᠠᠢ ᠵᠣᠭᠤᠭ᠍ᠳᠠᠵᠤ᠂ ᠲᠡᠭᠦᠨᠢ ᠬᠠᠪᠰᠤᠷᠤᠨ ᠰᠡᠳᠭᠢᠯᠢᠨᠢ ᠳᠠᠢᠪᠤᠱᠢᠷᠠᠭᠤᠯᠵᠥ᠍᠂ ᠪᠠᠰᠠ ᠦᠷᠭᠦᠯᠵᠢ ᠲᠡᠭᠦᠨᠢ ᠳᠠᠭᠠᠭᠤᠯᠤᠨ ᠨᠡᠢᠭᠡᠮ ᠲᠣᠭᠤᠷᠢᠭᠤᠨ ᠠᠵᠢᠯᠯᠠᠭᠠᠳᠤ ᠣᠷᠣᠯᠴᠠᠳᠠᠭ ᠪᠠᠢᠪᠠ᠃ ᠠᠭᠠᠵᠢᠮᠢᠶᠠᠷ᠂ ᠯᠢᠦ ᠱᠤ᠌ ᠵᠧᠨ ᠪᠠᠶᠠᠰᠤᠩᠭᠤᠶ ᠪᠣᠯᠵᠤ ᠡᠬᠢᠯᠡᠪᠡ᠃ 《ᠡᠨᠡ ᠬᠡᠳᠦᠨ ᠡᠭᠡᠴᠢ ᠦᠷᠭᠦᠯᠵᠢ ᠨᠠᠮᠠᠶ᠋ᠢ ᠦᠵᠡᠬᠦ᠌ᠪᠠᠷ ᠢᠷᠡᠳᠡᠭ᠂ ᠲᠡᠳᠡ ᠶᠠᠭ ᠮᠢᠨᠦ᠍ ᠰᠠᠳᠤᠨ ᠲᠥᠷᠥᠯ ᠱᠢᠭ》 ᠭᠡᠵᠦ᠍ ᠯᠢᠦ ᠱᠤ᠌ ᠵᠧᠨ ᠳᠣᠭ᠍ᠳᠣᠯᠤᠭ᠍ᠰᠠᠨ ᠰᠡᠳᠭᠢᠯᠭᠡᠪᠠᠨ ᠳᠠᠷᠤᠵᠥ᠍ ᠶᠠᠳᠠᠨ ᠶᠠᠷᠢᠪᠠ᠃
《ᠨᠢᠩᠵᠢᠨ ᠡᠵᠢᠶ᠋ᠢᠨ ᠪᠦᠯᠬᠦᠮ》 2019 ᠣᠨᠤ 11 ᠰᠠᠷᠠᠳᠤ ᠪᠠᠢᠭᠤᠯᠤᠭ᠍ᠳᠠᠵᠤ᠂ 16 ᠪᠦᠷᠢᠯᠳᠦᠬᠦᠨᠨᠢ ᠴᠦᠮ ᠬᠠᠢ ᠱᠢᠨ ᠨᠡᠢᠭᠡᠮ ᠲᠣᠭᠤᠷᠢᠭᠤᠨ ᠰᠠᠭᠤᠭᠠᠯᠢ ᠠᠷᠠᠳ ᠪᠤᠯᠤᠨᠠ᠂ ᠡᠭᠦᠨᠳᠤ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠲᠤ ᠨᠠᠮᠤᠨ ᠭᠡᠱᠢᠭᠦᠨ 6 ᠪᠤᠢ᠃ 《ᠮᠠᠨᠤ ᠣᠯᠠᠩᠬᠢᠨᠢ ᠨᠡᠭᠦᠷᠡᠰᠦᠨ ᠠᠭᠤᠷᠬᠠᠢᠶ᠋ᠢᠨ ᠠᠵᠢᠯᠴᠢᠳᠤᠨ ᠭᠡᠷ ᠪᠦᠯᠢᠶ᠋ᠢᠨᠬᠢᠨ ᠪᠤᠯᠤᠨᠠ᠃ ᠡᠲᠡᠭᠡᠷ ᠵᠢᠯᠤᠳᠲᠤ᠌᠂ ᠨᠠᠮᠤᠨ ᠲᠥᠷᠥᠶ᠋ᠢᠨ ᠪᠣᠳᠣᠯᠭᠠᠶ᠋ᠢᠨ ᠳᠤᠶᠠᠭᠠᠷᠠᠯᠢᠶᠠᠷ᠂ ᠪᠢᠳᠡ ᠨᠡᠭᠦᠷᠡᠰᠦᠨ ᠠᠭᠤᠷᠬᠠᠶᠶ᠋ᠢᠨ ᠲᠥᠬᠦᠮ ᠪᠦᠲᠦᠴᠡᠲᠦ ᠣᠷᠣᠨ ᠰᠠᠭᠤᠴᠠᠶ᠋ᠢᠨ ᠲᠣᠭᠤᠷᠢᠭᠤᠨ ᠵᠢᠵᠢᠭ ᠪᠠᠢᠱᠢᠩᠠᠴᠠ ᠭᠤᠤᠯ ᠬᠤᠲᠠ ᠲᠣᠭᠤᠷᠢᠭᠤᠨ ᠱᠢᠨᠡ ᠠᠰᠠᠷᠲᠤ ᠨᠡᠭᠦᠨ ᠣᠷᠣᠪᠠ᠃ ᠠᠮᠢᠳᠤᠷᠠᠯ ᠤᠯᠠᠮᠠᠴᠠ ᠤᠯᠠᠮ ᠰᠠᠢᠨ ᠪᠣᠯᠤᠬ᠍ᠰᠠᠨᠠᠴᠠ᠂ ᠡᠭᠡᠴᠢ ᠳᠡᠭᠦᠦ ᠨᠡᠷ ᠬᠠᠮᠳᠤᠪᠠᠷᠢᠶᠠᠨ ᠨᠡᠢᠭᠡᠮᠳᠤ ᠬᠤᠪᠢ ᠨᠡᠮᠡᠷᠢ ᠦᠵᠡᠬᠦᠯᠬᠦ᠌ᠶ᠋ᠢ ᠰᠠᠨᠠᠨᠠ᠃ ᠪᠤᠰᠤᠳᠢ ᠬᠠᠪᠰᠤᠷᠴᠤ᠌ ᠪᠠᠢᠭᠠᠳᠠᠭᠠᠨ ᠪᠢᠳᠡ ᠮᠠᠰᠢ ᠵᠣᠯ ᠵᠢᠷᠭᠠᠯᠳᠠᠢ ᠪᠠᠢᠨᠠ》 ᠭᠡᠵᠦ᠍ ᠭᠦᠸᠧ ᠸᠧᠨ ᠬᠤᠸᠠ ᠬᠡᠯᠡᠨᠡ᠃