6 ᠰᠠᠷᠠᠶ᠋ᠢᠨ 15 ᠤ ᠥᠷᠯᠥᠭᠡ ᠡᠷᠲᠡ᠂ ᠥᠪᠥᠷ ᠮᠣᠩᠭᠤᠯᠤᠨ ᠡᠳᠦᠷᠤᠨ ᠰᠣᠨᠢᠨᠤ 《ᠡᠭᠦᠷᠢᠳᠡ ᠨᠠᠮᠢᠶᠠᠨ ᠳᠠᠭᠠᠶᠠ — ᠡᠭᠦᠯᠡᠨ ᠬᠦᠯᠦᠭ • ᠵᠠᠭᠤᠨ ᠰᠤᠷᠪᠤᠯᠵᠢᠯᠠᠬ᠍ᠴᠢᠶ᠋ᠢᠨ ᠳᠦᠮᠡᠨ ᠭᠠᠵᠠᠷᠤᠨ ᠠᠶᠠᠯᠠᠯ》 ᠲᠣᠮᠣ ᠬᠡᠯᠪᠡᠷᠢᠶ᠋ᠢᠨ ᠳᠠᠮᠵᠢᠭᠤᠯᠭᠠᠶ᠋ᠢᠨ ᠠᠵᠢᠯᠯᠠᠭᠠᠶ᠋ᠢᠨ ᠮᠡᠳᠡᠭᠡᠯᠡᠬᠦ᠌ ᠳᠤᠭᠤᠢᠯᠠᠩᠤᠨ ᠰᠤᠷᠪᠤᠯᠵᠢᠯᠠᠭ᠍ᠴᠢ ᠪᠤᠭᠤᠲᠤᠠᠴᠠ ᠭᠦᠶᠡᠩ ᠵᠦᠭ ᠮᠣᠷᠳᠠᠵᠤ᠂ ᠲᠠᠷᠢᠶᠠᠴᠢᠨ ᠵᠠᠩ ᠹᠸᠢᠶ᠋ᠢᠨ ᠱᠢᠨᠡ ᠠᠮᠢᠳᠤᠷᠠᠯᠢ ᠦᠵᠡᠬᠦ᠌ᠪᠠᠷ ᠬᠦᠷᠴᠡᠢ᠃
ᠵᠠᠩ ᠹᠧᠶᠶ᠋ᠢᠨ ᠪᠠᠢᠭᠠ ᠭᠦᠶᠡᠩ ᠱᠢᠶᠠᠨᠤᠶ᠋ᠢᠨ ᠱᠠᠨ ᠪᠠᠯᠭᠠᠰᠤᠨᠤ ᠱᠢᠶᠧ ᠾᠧ ᠢ ᠲᠣᠰᠭᠤᠨ ᠦᠩᠭᠡᠷᠡᠭ᠌ᠰᠡᠨᠳᠤ ᠪᠤᠭᠤᠲᠤ ᠬᠤᠲᠠᠶ᠋ᠢᠨ ᠬᠠᠮᠤᠭᠤᠨ ᠲᠤᠮᠤ ᠶᠠᠳᠠᠭᠤ ᠬᠦᠴᠢᠷᠳᠡᠯᠲᠡᠶ ᠲᠣᠰᠭᠤᠨ ᠪᠠᠢᠵᠠᠢ᠃ ᠶᠠᠳᠠᠭᠤᠠᠴᠠ ᠠᠩᠭᠢᠵᠢᠷᠠᠭᠤᠯᠬᠤ ᠲᠥᠷᠥᠶ᠋ᠢᠨ ᠪᠣᠳᠣᠯᠭᠠᠶ᠋ᠢᠨ ᠬᠠᠪᠰᠤᠷᠤᠯᠭᠠ ᠳᠤᠤᠷᠠ᠂ ᠵᠠᠩ ᠹᠧᠶ 2016 ᠣᠨᠳᠤ ᠤᠷᠤᠭ᠍ᠰᠢᠲᠠᠶᠪᠠᠷ ᠶᠠᠳᠠᠭᠤᠠᠴᠠ ᠠᠩᠭᠢᠵᠢᠷᠠᠪᠠ᠃ ᠶᠠᠳᠠᠭᠤᠠᠴᠠ ᠠᠩᠭᠢᠵᠢᠷᠠᠭᠤᠯᠬᠤᠶ᠋ᠢᠨ ᠡᠮᠦᠨᠡ ᠬᠤᠢᠨᠠᠬᠢ ᠠᠮᠢᠳᠤᠷᠠᠯᠤᠨᠢᠶᠠᠨ ᠲᠤᠬᠠᠢ 64 ᠲᠠᠢ ᠵᠠᠩ ᠹᠧᠶ ᠦᠭᠡᠪᠠᠨ ᠳᠡᠯᠭᠡᠯᠡ᠃
ᠤᠤᠯᠨᠢ ᠲᠩᠷᠢᠶ᠋ᠢᠨ ᠴᠢᠷᠠᠢᠶ᠋ᠢ ᠬᠠᠷᠠᠵᠤ ᠠᠮᠢᠳᠤᠷᠠᠵᠤ ᠪᠠᠢᠵᠠᠢ᠂ ᠭᠠᠩ ᠬᠠᠭ᠍ᠰᠠᠷᠠᠭᠠᠨᠤ ᠦᠶᠡᠳᠤ ᠣᠷᠣᠯᠭᠠ ᠦᠭᠡᠢ ᠮᠥᠷᠲᠡᠭᠡᠨ ᠪᠠᠰᠠ ᠦᠷᠡ ᠬᠤᠳᠠᠯᠳᠤᠵᠤ ᠠᠪᠤᠬ᠍ᠰᠠᠨ ᠪᠡᠯᠡᠪᠠᠨ ᠴᠤ᠌ ᠠᠯᠳᠠᠵᠤ ᠪᠠᠢᠵᠠᠢ᠃ 2016 ᠣᠨᠳᠤ ᠱᠢᠶᠠᠨᠤ ᠵᠠᠰᠠᠭᠤᠨ ᠣᠷᠳᠣᠨᠠᠴᠠ 10 ᠬᠤᠴᠠ ᠬᠠᠩᠭᠠᠨ ᠦᠭ᠌ᠴᠤ᠂ ᠡᠨᠡ ᠵᠢᠯᠤᠨ ᠰᠡᠭᠦᠯᠴᠢ ᠪᠤᠯᠬᠤᠳᠤ ᠵᠠᠩ ᠹᠸᠢᠶ᠋ᠢᠨᠬᠢᠨ 100 ᠬᠤᠨᠢᠲᠠᠢ ᠪᠤᠯᠵᠤ᠂ ᠲᠣᠰᠭᠤᠨᠠᠴᠠᠨᠢ ᠪᠠᠰᠠ ᠨᠡᠢᠲᠡᠶ᠋ᠢᠨ ᠠᠰᠠᠷᠠᠮᠵᠢᠶ᠋ᠢᠨ ᠴᠢᠨᠠᠷᠲᠠᠢ ᠠᠵᠢᠯᠤᠨ ᠪᠠᠢᠷᠢ ᠲᠤᠬᠢᠷᠠᠭᠤᠯᠵᠦ᠍ ᠦᠭ᠌ᠴᠡᠢ᠃ ᠵᠠᠩ ᠹᠸᠢ ᠰᠤᠷᠪᠤᠯᠵᠢᠯᠠᠭ᠍ᠴᠢᠳᠤ᠄ 《ᠵᠢᠯᠤᠨ ᠣᠷᠣᠯᠭᠠ ᠲᠦᠷᠪᠡ ᠲᠠᠪᠤᠨ ᠲᠦᠮᠡ ᠬᠦᠷᠬᠦ᠌ᠳᠤ ᠠᠰᠠᠭᠤᠳᠠᠯ ᠦᠭᠡᠢ》 ᠭᠡᠪᠡ᠃
《ᠡᠨᠡ ᠵᠠᠩ ᠠᠪᠤᠭᠠᠢ ᠤᠤᠯᠨᠢ ᠶᠡᠭᠡ ᠵᠠᠯᠬᠠᠭᠤ ᠪᠠᠢᠪᠠ᠂ ᠭᠡᠷᠲᠤᠨᠢ ᠬᠦᠷᠦᠭᠡᠳ ᠲᠡᠭᠦᠨᠢ ᠭᠡᠷᠢᠶᠠᠨ ᠴᠡᠪᠡᠷᠯᠡ ᠭᠡᠬᠦᠯᠡᠷ᠂ ᠡᠨᠡ ᠠᠪᠤᠭᠠᠢ ᠴᠢᠨᠢ ᠮᠢᠨᠤ ᠬᠤᠪᠴᠠᠰᠤᠨᠠᠴᠠ ᠪᠠᠵᠠᠬ᠍ᠳᠠᠭᠠᠳ ᠲᠤᠪᠴᠢᠶ᠋ᠢ ᠪᠦᠷ ᠤᠨᠠᠭᠠᠴᠢᠬᠠᠬ᠍ᠰᠠᠨ ᠡ！》᠃ ᠱᠢᠶᠧ ᠾᠧ ᠢ ᠲᠣᠰᠭᠤᠨᠤ ᠨᠠᠮᠤᠨ ᠡᠭᠦᠷᠤᠨ ᠱᠦᠵᠢ ᠯᠢᠦ ᠽᠠᠢ ᠽᠠᠢ ᠢᠨᠢᠶᠡᠮᠰᠦᠭ᠌ᠯᠡᠨ᠄ 《ᠣᠳᠣ ᠲᠡᠭᠦᠨᠤ ᠪᠠᠶᠠᠷᠲᠠᠢ ᠪᠠᠢᠬᠤᠶ᠋ᠢ ᠦᠵᠡᠭᠡᠴᠢ᠂ ᠠᠮᠠᠪᠠᠨ ᠬᠠᠮᠬᠢᠯ ᠦᠭᠡᠢ ᠪᠠᠶᠠᠷᠯᠠᠵᠤ ᠪᠠᠢᠨᠠ！》 ᠭᠡᠯᠡ᠃
《ᠨᠠᠩ ᠪᠠᠶᠠᠷᠯᠠᠭᠤᠱᠢᠲᠠᠢᠨᠢ ᠪᠢ ᠪᠠᠰᠠ ᠬᠥᠭ᠌ᠰᠢᠨᠲᠠᠢ ᠪᠤᠯᠵᠠᠢ！》
ᠤᠤᠯᠨᠢ᠂ ᠵᠠᠩ ᠹᠸᠢ ᠬᠠᠭᠠᠰ ᠨᠠᠰᠤᠪᠠᠷᠢᠶᠠᠨ ᠭᠤᠩ ᠪᠡᠶᠡ ᠭᠤᠵᠣᠩ ᠲᠣᠯᠣᠭᠠᠢ ᠶᠠᠪᠤᠵᠤ᠂ ᠶᠠᠳᠠᠭᠤᠠᠴᠠ ᠠᠩᠭᠢᠵᠢᠷᠠᠭ᠍ᠰᠠᠨᠤ ᠳᠠᠷᠠᠭᠠ ᠪᠤᠰᠤᠳᠤᠨ ᠲᠠᠨᠢᠯᠴᠠᠭᠤᠯᠭᠠᠪᠠᠷ ᠭᠧ ᠴᠢᠤᠸᠠᠨ ᠮᠧᠢᠲᠠᠢ ᠤᠷᠤᠬ᠍ᠯᠠᠵᠠᠢ᠃ 《ᠨᠠᠮᠤᠨ ᠲᠦᠷᠦᠶ᠋ᠢᠨ ᠪᠤᠳᠤᠯᠭᠠ ᠡᠢᠮᠦ᠍ ᠰᠠᠢᠨ᠂ ᠪᠢᠳᠡ ᠦᠪᠡᠷᠢᠶᠠᠨ ᠠᠵᠢᠯᠴᠢ ᠬᠥᠳᠡᠯᠮᠦᠷᠢᠴᠢ ᠪᠠᠢᠪᠠᠯ ᠪᠦᠷ ᠰᠠᠢᠨ ᠰᠠᠢᠬᠠᠨ ᠠᠮᠢᠳᠤᠷᠠᠯᠲᠠᠢ ᠪᠣᠯᠵᠤ ᠴᠢᠳᠠᠨᠠ！》 ᠭᠡᠵᠦ᠍ ᠵᠠᠩ ᠹᠸᠢ ᠪᠣᠯᠤᠨ ᠭᠧ ᠴᠢᠤᠸᠠᠨ ᠮᠧᠶ ᠢᠲᠡᠭᠡᠯ ᠳᠦᠭᠦᠷᠡᠩ ᠪᠠᠢᠯᠠ᠃