ᠬᠥᠬᠡᠬᠤᠲᠠᠶ᠋ᠢᠨ ᠴᠭᠠᠨ ᠰᠤᠪᠤᠷᠭᠠᠶ᠋ᠢᠨ ᠭᠠᠳᠠᠷ ᠦᠵᠡᠮᠵᠢ
ᠵᠠᠶ ᠢᠦᠶ ᠰᠡᠭᠦᠳᠡᠷᠯᠡᠪᠡ
ᠥᠪᠥᠷ ᠮᠣᠩᠭᠤᠯᠤᠨ ᠲᠥᠪ ᠬᠥᠬᠡᠬᠤᠲᠠᠳᠤ ᠢᠷᠡᠭ᠌ᠰᠡᠨ ᠵᠢᠭᠤᠯᠴᠢᠯᠠᠭ᠍ᠴᠢᠳ 《ᠴᠠᠭᠠᠨ ᠰᠤᠪᠤᠷᠭᠠ ᠣᠯᠠᠨ ᠤᠯᠤᠰᠤᠨ ᠨᠢᠰᠭᠡᠯᠤᠨ ᠪᠠᠭᠤᠳᠠᠯ》 ᠢ ᠮᠡᠳᠡᠬᠦ᠌ ᠪᠤᠯᠪᠠᠴᠤ᠌ ᠲᠡᠬᠦᠨᠤ ᠨᠠᠷᠠᠶ᠋ᠢᠨ ᠢᠷᠡᠯᠲᠡᠶ᠋ᠢ ᠰᠠᠢᠨ ᠮᠡᠳᠡᠬᠦ᠌ ᠦᠭᠡᠶ ᠪᠠᠢᠬᠠ᠃ ᠴᠠᠭᠠᠨ ᠰᠤᠪᠤᠷᠭᠠ ᠪᠣᠯ ᠯᠢᠶᠣᠤ ᠤᠯᠤᠰᠤᠨ ᠦᠶᠡᠶ᠋ᠢᠨ ᠡᠷᠲᠡᠨᠤ ᠰᠤᠪᠤᠷᠭᠠ ᠪᠣᠯᠤᠨᠠ᠂ ᠨᠢᠰᠭᠡᠯᠤᠨ ᠪᠠᠭᠤᠳᠠᠯᠠᠴᠠ ᠵᠡᠭᠦᠨ ᠡᠮᠦᠨᠡᠰᠢ 5 ᠺᠢᠯᠣᠮᠧᠲᠷ ᠣᠷᠴᠢᠮ ᠬᠤᠯᠠ ᠪᠠᠢᠷᠢᠯᠠᠵᠤ᠂ ᠮᠢᠩᠭᠠᠨ ᠵᠢᠯᠤᠨ ᠤᠯᠠᠷᠢᠯ ᠬᠤᠪᠢᠰᠤᠯᠲᠠᠶ᠋ᠢ ᠲᠤᠭᠤᠯᠵᠤ᠂ ᠲᠠᠯᠠ ᠨᠤᠲᠤᠭᠤᠨ ᠲᠣᠷᠭᠠᠨ ᠵᠠᠮᠤᠨ ᠬᠥᠭ᠌ᠵᠢᠯᠲᠡ ᠪᠣᠯᠤᠨ ᠬᠤᠳᠠᠶ᠋ᠢᠨ ᠬᠤᠪᠢᠷᠠᠯᠲᠠᠶ᠋ᠢ ᠭᠡᠷᠡᠴᠢᠯᠡᠭ᠌ᠰᠡᠭᠡᠷ ᠢᠷᠡᠵᠡᠢ᠃
ᠴᠠᠭᠠᠨ ᠰᠤᠪᠤᠷᠭᠠ ᠪᠣᠯ ᠯᠢᠶᠣᠤ ᠤᠯᠤᠰᠤᠨ ᠦᠶᠡᠶ᠋ᠢᠨ ᠬᠤᠸᠠ ᠶᠠᠨ ᠽᠦᠩ ᠪᠤᠷᠬᠠᠨᠤ ᠰᠦᠮᠡᠶ᠋ᠢᠨ ᠰᠤᠳᠤᠷ ᠬᠠᠳᠠᠭᠠᠯᠠᠬᠤ ᠰᠤᠪᠤᠷᠭᠠ ᠶᠤᠮ᠃ ᠰᠤᠪᠤᠷᠭᠠᠶ᠋ᠢᠨ ᠭᠠᠳᠠᠷᠭᠤᠳᠤ ᠴᠠᠷᠳᠠ ᠱᠢᠷᠣᠶ ᠳᠦᠷᠭᠢᠵᠦ᠍᠂ ᠥᠪᠴᠢ ᠪᠡᠶᠡᠨᠢ ᠴᠠᠰᠤ ᠴᠠᠭᠠᠨ ᠦᠩᠭᠡᠲᠠᠢ ᠪᠣᠯᠬᠤᠷ ᠶᠡᠷᠦᠳᠡᠭᠡᠨ ᠴᠠᠭᠠᠨ ᠰᠤᠪᠤᠷᠭᠠ ᠭᠡᠳᠡᠭ᠃ ᠰᠤᠪᠤᠷᠭᠠᠶ᠋ᠢᠨ ᠥᠨᠳᠥᠷᠨᠢ 55.6 ᠮᠧᠲᠷ᠂ ᠨᠠᠢ᠍ᠮᠠᠯᠵᠢᠨ ᠳᠣᠯᠣᠭᠠᠨ ᠳᠠᠪᠬᠤᠷ ᠠᠰᠠᠷ ᠲᠠᠭ᠍ᠲᠤᠶ᠋ᠢᠨ ᠮᠠᠶᠢᠭᠲᠠᠢ ᠲᠣᠭᠤᠰᠭᠠᠨ ᠰᠤᠪᠤᠷᠭᠠ ᠪᠠᠢᠵᠤ᠂ ᠰᠠᠭᠤᠷᠢᠶ᠋ᠢᠨᠢ ᠯᠢᠩᠬᠤᠸᠠᠶ᠋ᠢᠨ ᠲᠡᠯᠪᠢᠶ᠋ᠢᠨ ᠬᠡᠯᠪᠡᠷᠢᠲᠠᠢ ᠪᠠᠷᠢᠵᠤ᠂ ᠲᠡᠭ᠌ᠰᠢ ᠰᠠᠭᠤᠳᠠᠯᠲᠤ ᠬᠡᠷᠡᠰᠭᠡ ᠪᠠ ᠨᠢᠷᠤᠭᠤᠪᠠᠷ ᠪᠦᠰᠡᠯᠡᠵᠤ᠂ ᠯᠢᠶᠣᠤ ᠤᠯᠤᠰᠤᠨ ᠦᠶᠡᠶ᠋ᠢᠨ ᠪᠤᠷᠬᠠᠨᠤ ᠰᠤᠪᠤᠷᠭᠠᠶ᠋ᠢᠨ ᠨᠡᠢᠲᠡᠯᠢᠭ ᠣᠨᠴᠠᠯᠢᠭᠢ ᠪᠦᠷᠢᠳᠦᠬᠦᠯᠵᠡᠢ᠃ ᠯᠢᠶᠣᠤ ᠤᠯᠤᠰᠤᠨ ᠦᠶᠡᠳᠤ ᠪᠤᠷᠬᠠᠨᠤ ᠱᠠᠱᠢᠨᠤ ᠰᠣᠶᠣᠯ ᠮᠠᠰᠢ ᠬᠥᠭ᠌ᠵᠢᠵᠦ᠍᠂ ᠪᠠᠢᠭᠤᠯᠤᠭ᠍ᠰᠠᠨ ᠪᠤᠷᠬᠠᠨᠤ ᠰᠤᠪᠤᠷᠭᠠ ᠮᠠᠰᠢ ᠤᠯᠠᠨ᠂ ᠤᠳᠤᠬᠠᠨᠳᠤ ᠳᠤᠮᠳᠠᠳᠤ ᠤᠯᠤᠰᠤᠨ ᠤᠮᠠᠷᠠᠲᠤ ᠣᠷᠣᠨᠳᠤ 100 ᠭᠠᠷᠤᠶ ᠯᠢᠶᠣᠤ ᠤᠯᠤᠰᠤᠨ ᠦᠶᠡᠶ᠋ᠢᠨ ᠪᠤᠷᠬᠠᠨᠤ ᠰᠤᠪᠤᠷᠭᠠ ᠦᠯᠡᠳᠡᠵᠦ᠍ ᠪᠤᠶ᠃ ᠯᠢᠶᠤᠤ ᠤᠯᠤᠰᠤᠨ ᠰᠤᠪᠤᠷᠭᠠᠨᠤᠭᠤᠳᠤᠨ ᠨᠢᠭᠡ ᠬᠡᠰᠡᠭᠨᠢ ᠬᠦᠨᠳᠦ ᠨᠣᠴᠢᠲᠠᠶ ᠡᠪᠳᠡᠭ᠌ᠳᠡᠭ᠌ᠰᠡᠡᠠᠴᠠ ᠤᠯᠠᠭᠠᠨᠬᠠᠳᠠ ᠬᠤᠲᠠᠶ᠋ᠢᠨ ᠡᠤ ᠠᠨ ᠵᠧᠤᠶ᠋ᠢᠨ ᠯᠢᠶᠣᠤ ᠤᠯᠤᠰᠤᠨ ᠰᠤᠪᠤᠷᠭᠠᠶ᠋ᠢ ᠬᠠᠮᠠᠭᠠᠯᠠᠬᠤ ᠠᠰᠠᠭᠤᠳᠠᠯᠢ ᠤᠯᠤᠰᠠᠴᠠ ᠴᠢᠬᠤᠯᠠᠴᠢᠯᠠᠨ ᠡᠬᠢᠯᠡᠵᠠᠢ᠂ ᠭᠡᠬᠦ᠌ᠳᠡᠭᠡᠨ ᠳᠤᠰ ᠰᠤᠪᠤᠷᠭᠠ ᠪᠣᠯ ᠣᠲᠣᠶ᠋ᠢᠨ ᠦᠯᠡᠳᠡᠵᠦ᠍ ᠪᠠᠢᠭᠠ ᠯᠢᠶᠣᠤ ᠤᠯᠤᠰᠤᠨ ᠦᠶᠡᠶ᠋ᠢᠨ ᠪᠤᠷᠬᠠᠨᠤ ᠰᠤᠪᠤᠷᠭᠠᠶ᠋ᠢᠨ ᠳᠣᠲᠣᠷᠠᠬᠢ ᠬᠠᠮᠠᠭᠠᠯᠠᠯᠲᠠᠪᠠᠷ ᠨᠡᠯᠢᠶᠡᠳ ᠰᠠᠢᠨ ᠰᠤᠪᠤᠷᠭᠠᠶ᠋ᠢᠨ ᠨᠢᠭᠡᠨᠢ ᠪᠣᠯᠬᠤ ᠶᠤᠮ᠃
ᠡᠨᠡ ᠬᠦ᠌ ᠮᠢᠩᠭᠠᠨ ᠣᠨᠤ ᠡᠷᠲᠡᠨᠤ ᠰᠤᠪᠤᠷᠭᠠᠶ᠋ᠢᠨ ᠬᠠᠮᠤᠭᠤᠨ ᠮᠠᠭ᠍ᠲᠠᠭᠤᠱᠢᠲᠠᠢ ᠵᠦᠢᠯ ᠭᠡᠪᠡᠯ 7 ᠳᠠᠪᠬᠤᠷ ᠰᠤᠪᠤᠷᠭᠠᠶ᠋ᠢᠨ ᠳᠣᠲᠣᠷᠠᠬᠢ ᠬᠤᠩᠭᠢᠯᠳᠤ ᠲᠠᠷᠬᠠᠵᠤ ᠪᠠᠢᠭᠠ ᠬᠡᠳᠦᠨ ᠵᠠᠭᠤᠨ ᠵᠤᠷᠪᠤᠰ ᠦᠶᠡᠶ᠋ᠢᠨ ᠦᠶᠡᠶ᠋ᠢᠨ ᠵᠢᠭᠤᠯᠴᠢᠯᠠᠭ᠍ᠰᠠᠳᠤᠨ ᠪᠢᠴᠢᠬᠡᠰᠤ ᠲᠡᠮᠳᠡᠭ᠌ᠯᠡᠯ ᠪᠣᠯᠤᠨᠠ᠃ ᠡᠳᠡᠭᠡᠷ ᠲᠡᠮᠳᠡᠭ᠌ᠯᠡᠯᠨᠢ ᠠᠯᠲᠠᠨ ᠤᠯᠤᠰᠤᠨ ᠦᠶᠡᠠᠴᠠ ᠢᠷᠭᠡᠨ ᠤᠯᠤᠰᠤᠨ ᠦᠶᠡ ᠬᠦᠷᠲᠡᠯᠡ ᠦᠷᠭᠦᠯᠵᠢᠯᠡᠵᠦ᠍᠂ ᠬᠠᠮᠤᠭᠤᠨ ᠡᠷᠲᠡᠨᠤ ᠲᠡᠮᠳᠡᠭ᠌ᠯᠡᠯᠨᠢ 《ᠳ᠋ᠠ ᠳ᠋ᠢᠩᠤᠨ ᠬᠤᠶᠠᠳᠤᠭᠠᠷ ᠣᠨ》 ᠭᠡᠰᠡᠨ ᠦᠰᠦᠭᠲᠠᠢ᠃ ᠡᠳᠡᠭᠡᠷ ᠪᠢᠴᠢᠭᠡᠰᠦ ᠲᠡᠮᠳᠡᠭ᠌ᠯᠡᠯᠤᠳ ᠵᠥᠪᠬᠡᠨ ᠬᠢᠲᠠᠳᠢᠶᠠᠷ ᠪᠢᠴᠢᠭ᠌ᠳᠡᠭ᠌ᠰᠡᠨ ᠲᠡᠳᠦᠶ ᠦᠭᠡᠢ᠂ ᠪᠠᠰᠠ ᠬᠢᠳᠠᠨ ᠦᠰᠦᠭ᠂ ᠵᠦᠷᠴᠢᠨ ᠦᠰᠦᠭ᠂ ᠮᠣᠩᠭᠤᠯ ᠦᠰᠦᠭ ᠴᠢᠨᠠᠭ᠍ᠰᠢᠯᠠᠨ ᠡᠷᠲᠡᠨᠤ ᠱᠢᠷᠢᠶᠠ ᠦᠰᠦᠭ᠂ ᠡᠷᠲᠡᠨᠤ ᠫᠧᠷᠰ ᠦᠰᠦᠭ ᠵᠡᠷᠭᠡ ᠪᠠᠢᠵᠤ᠂ ᠹᠧᠩᠵᠸᠤ ᠣᠷᠣᠨᠤ ᠣᠯᠠᠨ ᠦᠨᠳᠦᠰᠦᠲᠡᠨᠤ ᠰᠣᠶᠣᠯᠤᠨ ᠰᠣᠯᠢᠯᠴᠠᠭᠠ ᠠᠭᠤᠰᠤᠯᠴᠠᠯᠤᠨ ᠭᠡᠷᠡᠴᠢ ᠭᠡᠵᠦ᠍ ᠬᠡᠯᠡᠵᠦ᠍ ᠪᠤᠯᠤᠨᠠ᠃ ᠠᠯᠲᠠᠨ ᠤᠯᠤᠰᠤᠨ ᠣᠯᠠᠨ ᠪᠢᠴᠢᠭᠡᠰᠦ ᠲᠡᠮᠳᠡᠭ᠌ᠯᠡᠯᠳᠤ ᠲᠤᠰ ᠰᠤᠪᠤᠷᠭᠠᠶ᠋ᠢ 《ᠹᠸᠡᠭ᠌ᠵᠸᠤ ᠰᠤᠪᠤᠷᠭᠠ》 ᠭᠡᠵᠦ᠍ ᠳᠤᠷᠠᠳᠴᠤ᠌᠂ ᠲᠤᠬᠠᠶᠶ᠋ᠢᠨ ᠦᠶᠡᠶ᠋ᠢᠨ ᠹᠸᠡᠭ᠌ᠵᠸᠤ ᠰᠤᠪᠤᠷᠭᠠ ᠬᠤᠲᠠᠶ᠋ᠢᠨ ᠱᠢᠨᠵᠢ ᠲᠡᠮᠳᠡᠭ ᠲᠡᠳᠦᠶ ᠦᠭᠡᠶ᠂ ᠪᠠᠰᠠ ᠬᠤᠲᠠᠶ᠋ᠢᠨ ᠳᠣᠲᠣᠷᠠᠬᠢ ᠴᠢᠬᠤᠯᠠ ᠠᠵᠢᠯᠯᠠᠭᠠᠶ᠋ᠢᠨ ᠭᠠᠵᠠᠷ ᠪᠠᠢᠵᠤ᠂ ᠨᠡᠷᠡᠲᠦ ᠬᠥᠮᠦᠰᠤᠨ ᠪᠠᠷᠠᠳᠠᠵᠤ ᠢᠷᠡᠳᠡᠭ ᠡᠷᠳᠡᠨᠢᠶ᠋ᠢᠨ ᠰᠤᠪᠤᠷᠭᠠ ᠪᠣᠯᠤᠨᠠ᠃
ᠶᠤᠸᠠᠨ ᠤᠯᠤᠰᠤᠨ ᠡᠬᠢᠨᠤ ᠦᠶᠡᠳᠤ ᠨᠡᠷᠡᠲᠦ ᠲᠦᠱᠢᠮᠡᠯ ᠯᠢᠦ ᠪᠢᠩ ᠵᠥᠩ ᠹᠸᠡᠭ᠌ᠵᠸᠤᠪᠠᠷ ᠦᠩᠬᠡᠷᠡᠬᠦ᠌ᠳᠡᠭᠡᠨ 《ᠹᠸᠡᠭ᠌ᠵᠸᠤᠪᠠᠷ ᠥᠩᠭᠡᠷᠡᠭ᠌ᠰᠡᠡ ᠬᠤᠶᠠᠷ ᠪᠠᠳᠠᠭ》 ᠬᠡᠮᠡᠬᠦ᠌ ᠱᠢᠯᠦᠭ ᠪᠢᠴᠢᠵᠠᠢ᠃ ᠡᠨᠡ ᠱᠢᠯᠦᠭᠲᠤ ᠬᠠᠮᠤᠭᠤᠨ ᠲᠦᠷᠦᠭᠦᠨᠳᠤ ᠹᠸᠡᠭ᠌ᠵᠸᠤᠶ᠋ᠢᠨ ᠱᠢᠨᠵᠢ ᠲᠡᠮᠳᠡᠭ ᠪᠤᠯᠬᠤ 《ᠰᠦᠮᠡᠶ᠋ᠢᠨ ᠳᠤᠮᠳᠠᠬᠢ ᠰᠤᠪᠤᠷᠭᠠ》 ᠶ᠋ᠢ ᠳᠤᠷᠠᠳᠤᠭ᠍ᠰᠠᠨ ᠪᠠᠢᠨᠠ᠃ ᠰᠤᠪᠤᠷᠭᠠᠶ᠋ᠢᠨ ᠳᠤᠮᠳᠠ ᠬᠡᠰᠡᠭᠤᠨ ᠶᠤᠸᠠᠨ ᠤᠯᠤᠰᠤᠨ ᠦᠶᠡᠶ᠋ᠢᠨ ᠪᠢᠴᠢᠭᠡᠰᠦ ᠲᠡᠮᠳᠡᠭ᠌ᠯᠡᠯᠨᠢ ᠬᠢᠲᠠᠳ ᠬᠡᠯᠡᠪᠠᠷ ᠪᠢᠴᠢᠭ᠌ᠳᠡᠵᠤ᠂ ᠪᠠᠰᠠ ᠵᠠᠷᠢᠮᠨᠢ ᠫᠠᠭ᠍ᠪᠠ ᠦᠰᠦᠭᠢᠶᠠᠷ ᠬᠢᠲᠠᠳ ᠦᠰᠦᠭᠢ ᠠᠪᠢᠶᠠᠴᠢᠯᠠᠨ ᠪᠢᠴᠢᠭ᠌ᠰᠡᠨ ᠪᠤᠶᠤ ᠫᠠᠭ᠍ᠪᠠ ᠦᠰᠦᠭ ᠪᠠ ᠬᠢᠲᠠᠳ ᠦᠰᠦᠭᠢ ᠬᠠᠷᠢᠴᠠᠭᠤᠯᠤᠨ ᠪᠢᠴᠢᠭ᠌ᠰᠡᠨ ᠪᠠᠢᠪᠠ᠃ ᠰᠤᠪᠤᠷᠭᠠᠠᠴᠠ ᠣᠯᠳᠠᠭ᠍ᠰᠠᠨ ᠶᠤᠸᠠᠨ ᠤᠯᠤᠰᠤᠨ ᠡᠬᠢᠨᠤ ᠦᠶᠡᠶ᠋ᠢᠨ 《ᠵᠥᠩ ᠲᠦᠩᠤᠨ ᠴᠠᠭᠠᠰᠤᠨ ᠵᠣᠭᠤᠰ》 ᠨᠢ ᠤᠯᠤᠰᠤᠨ ᠳᠣᠲᠣᠭᠠᠳᠤᠳᠤ ᠡᠳᠦᠭᠡ ᠢᠯᠡᠷᠡᠭᠦᠯᠦᠭ᠌ᠰᠡᠨ ᠬᠠᠮᠤᠭᠤᠨ ᠡᠷᠲᠡᠨᠤ ᠠᠯᠪᠠᠨᠠᠴᠠ ᠵᠢᠩᠬᠢᠨᠢᠪᠠᠷ ᠬᠡᠪᠯᠡᠨ ᠲᠠᠷᠬᠠᠭᠠᠭ᠍ᠰᠠᠨ ᠴᠠᠭᠠᠰᠤᠨ ᠵᠣᠭᠤᠰᠤᠨ ᠪᠣᠳᠠᠰ ᠪᠣᠯᠤᠨᠠ᠃
ᠶᠤᠸᠠᠨ ᠤᠯᠤᠰᠤᠨ ᠦᠶᠡᠳᠤ ᠲᠠᠯᠠ ᠨᠤᠲᠤᠭᠤᠨ ᠲᠣᠷᠭᠠᠨ ᠵᠠᠮ ᠨᠡᠩ ᠴᠡᠴᠡᠭ᠌ᠯᠡᠨ ᠬᠥᠭ᠌ᠵᠢᠵᠦ᠍᠂ ᠤᠯᠠᠩᠬᠢ ᠠᠷᠠᠯᠵᠢᠶᠠᠴᠢᠳ ᠲᠠᠯᠠ ᠨᠤᠲᠤᠭᠢ ᠲᠤᠭᠤᠯᠤᠨ ᠧᠦ᠋ᠷᠣᠫᠠ ᠠᠽᠢᠶᠠᠳᠤ ᠬᠦᠷᠴᠦ᠍ ᠢᠷᠡᠵᠠᠢ᠃ ᠧᠦ᠋ᠷᠣᠫᠠᠶ᠋ᠢᠨ ᠵᠢᠭᠤᠯᠴᠢᠨ ᠮᠠᠷᠺᠤ ᠫᠣᠯᠣ ᠡᠨᠡ ᠵᠠᠮᠢᠶᠠᠷ ᠳᠤᠮᠳᠠᠳᠤ ᠤᠯᠤᠰᠲᠤ ᠢᠷᠡᠵᠦ᠍᠂ ᠹᠧᠩᠵᠸᠦ ᠪᠣᠯᠤᠨ ᠲᠡᠭᠦᠨᠤ ᠤᠢ᠍ᠢᠷᠠ ᠬᠠᠪᠢᠪᠠᠷ ᠪᠠᠭᠤᠳᠠᠯᠯᠠᠨ᠂ ᠹᠧᠩᠵᠸᠦᠠᠴᠠ ᠵᠡᠭᠦᠨᠰᠢ ᠶᠤᠸᠠᠨᠤ ᠳᠡᠭᠡᠳᠦ ᠨᠡᠢᠰᠯᠡᠯ （ᠣᠳᠣᠶ᠋ᠢᠨ ᠥᠪᠥᠷ ᠮᠣᠩᠭᠤᠯᠤᠨ ᠱᠢᠯᠢᠶ᠋ᠢᠨ ᠭᠤᠣᠯ ᠠᠢᠮᠠᠭᠤᠨ ᠱᠢᠯᠤᠭᠤᠨ ᠬᠥᠬᠡ ᠬᠤᠱᠢᠭᠤᠨᠤ ᠶᠤᠸᠠᠨᠤ ᠳᠡᠭᠡᠳᠦ ᠨᠡᠢᠰᠯᠡᠯᠤᠨ ᠪᠠᠭᠤᠷᠢ） ᠳᠤ ᠬᠦᠷᠴᠡᠶ᠃ 《ᠮᠠᠷᠺᠤ ᠫᠣᠯᠣᠶ᠋ᠢᠨ ᠠᠶᠠᠯᠠᠯᠤᠨ ᠲᠡᠮᠳᠡᠭ᠌ᠯᠡᠯ》 ᠳᠤ ᠹᠧᠩᠵᠸᠦᠶ᠋ᠢ 《ᠲᠢᠶᠠᠨ ᠳ᠋ᠧ ᠵᠧᠤ》 ᠭᠡᠮᠡᠨ ᠲᠡᠮᠳᠡᠭ᠌ᠯᠡᠵᠤ᠂ ᠡᠨᠡᠨᠢ ᠯᠢᠶᠣᠤ ᠤᠯᠤᠰᠠᠴᠠ ᠨᠠᠭᠠᠱᠢᠬᠢ ᠲᠤᠬᠠᠶᠶ᠋ᠢᠨ ᠭᠠᠵᠠᠷᠤᠨ ᠠᠷᠠᠳ ᠢᠷᠭᠡᠳᠤᠨ ᠡᠩᠤᠨ ᠨᠡᠷᠡᠢᠳᠤᠯ ᠪᠣᠯᠤᠨᠠ᠃
ᠯᠢᠶᠣᠤ ᠤᠯᠤᠰ᠂ ᠠᠯᠲᠠᠨ ᠤᠯᠤᠰᠤᠨ ᠦᠶᠡᠳᠤ ᠹᠸᠡᠭ᠌ᠵᠸᠤ ᠣᠷᠣᠨ ᠬᠢᠲᠠᠳ ᠬᠥᠮᠦᠨᠢᠶᠠᠷ ᠭᠤᠣᠯᠯᠠᠵᠤ᠂ ᠬᠢᠳᠠᠨ᠂ ᠵᠦᠷᠴᠢᠨ ᠬᠤᠯᠢᠯᠳᠤᠨ ᠰᠠᠭᠤᠷᠢᠱᠢᠵᠤ ᠪᠠᠢᠪᠠ᠃ ᠶᠤᠸᠠᠨ ᠤᠯᠤᠰᠤᠨ ᠦᠶᠡᠳᠤ ᠹᠧᠩᠵᠧᠦ ᠣᠷᠣᠨᠤ ᠭᠤᠣᠯ ᠰᠠᠭᠤᠭᠠᠯᠢ ᠠᠷᠠᠳ ᠪᠣᠯ ᠮᠣᠩᠭᠤᠯ ᠦᠨᠳᠦᠰᠦᠲᠡᠨᠤ ᠤᠩᠭᠤᠳ ᠠᠢᠮᠠᠭ ᠪᠣᠯᠤᠨᠠ᠃ ᠲᠡᠳᠡ ᠡᠷᠬᠡᠬᠦᠨ ᠱᠠᠱᠢᠨ ᠱᠢᠲᠦᠵᠦ᠍ ᠪᠠᠢᠵᠠᠢ᠃ ᠡᠷᠬᠡᠬᠦᠨ ᠱᠠᠱᠢᠨ ᠬᠢᠭᠡᠳ ᠳᠤᠮᠳᠠᠳᠤ ᠤᠯᠤᠰᠤᠨ ᠰᠣᠶᠣᠯ ᠮᠠᠰᠢ ᠭᠦᠨ ᠠᠭᠤᠰᠤᠯᠴᠠᠵᠤ᠂ ᠮᠠᠰᠢ ᠣᠯᠠᠨ ᠡᠷᠬᠡᠬᠦᠨ ᠱᠠᠱᠢᠨᠢ ᠱᠢᠲᠦᠭ᠌ᠴᠢᠳ ᠪᠠᠰᠠ ᠪᠢᠴᠢᠭᠤᠨ ᠰᠤᠷᠭᠠᠯᠤᠨ ᠳᠡᠯᠭᠡᠷᠡᠭᠦᠯᠦᠭ᠌ᠴᠢ ᠪᠠᠢᠵᠠᠢ᠃ ᠡᠷᠬᠡᠬᠦᠨ ᠱᠠᠱᠢᠨ ᠱᠢᠷᠢᠶᠠᠠᠴᠠ ᠡᠭᠦᠰᠦᠯᠲᠠᠢ ᠪᠣᠯᠬᠤᠷ ᠡᠷᠬᠡᠬᠦᠨ ᠱᠠᠱᠢᠨᠤ ᠰᠦᠰᠦᠭ᠌ᠲᠡᠨᠤ ᠣᠩᠭᠤᠨᠤ ᠴᠢᠯᠠᠭᠤᠨ ᠳᠡᠭᠡᠷᠡ ᠡᠷᠲᠡᠨᠤ ᠱᠢᠷᠢᠶᠠ ᠪᠢᠴᠢᠭ ᠦᠷᠭᠦᠯᠵᠢ ᠭᠠᠷᠳᠠᠭ᠃ ᠡᠨᠡᠨᠢ ᠲᠤᠬᠠᠶᠶ᠋ᠢᠨ ᠦᠶᠡᠶ᠋ᠢᠨ ᠣᠯᠠᠨ ᠡᠱᠢᠲᠦ ᠱᠠᠱᠢᠨ ᠰᠤᠷᠲᠠᠬᠤᠨᠤ ᠡᠶᠡ ᠵᠣᠬᠢᠴᠠᠯᠲᠠᠢ ᠵᠡᠷᠭᠡᠴᠡᠨ ᠣᠷᠣᠱᠢᠵᠤ ᠪᠠᠢᠰᠠᠨᠢ ᠬᠠᠷᠠᠭᠤᠯᠵᠤ ᠪᠠᠢᠨᠠ᠃
ᠮᠢᠩ ᠤᠯᠤᠰᠤᠨ ᠦᠶᠡᠳᠤ ᠠᠯᠲᠠᠨ ᠬᠠᠭᠠᠨ ᠬᠦᠢᠬᠤᠸᠠ ᠬᠤᠳᠠᠶ᠋ᠢ ᠪᠠᠢᠭᠤᠯᠵᠤ᠂ ᠬᠤᠳᠠᠶ᠋ᠢᠨ ᠰᠠᠭᠤᠴᠠᠶ᠋ᠢ ᠪᠠᠷᠠᠭᠤᠨᠰᠢ ᠬᠡᠳᠦᠨ ᠠᠷᠪᠠᠨ ᠺᠢᠯᠣᠮᠧᠲᠷ ᠨᠡᠭᠦᠯᠭᠡᠭ᠌ᠰᠡᠨᠠᠴᠠ ᠹᠸᠡᠭ᠌ᠵᠸᠤ ᠬᠤᠳᠠ ᠲᠤᠷᠦ᠋ᠢᠳᠠᠨ ᠠᠭᠠᠵᠢᠮᠢᠶᠠᠷ ᠬᠠᠶᠠᠭ᠍ᠳᠠᠵᠠᠶ᠃ ᠴᠢᠩ ᠤᠯᠤᠰᠤᠨ ᠦᠶᠡᠳᠤ ᠪᠠᠰᠠ ᠭᠦᠢᠬᠤᠸᠠ ᠬᠤᠳᠠᠶ᠋ᠢᠨ ᠬᠠᠵᠠᠭᠤᠳᠤ ᠰᠦᠢᠶᠤᠸᠠᠨ ᠬᠤᠳᠠᠶ᠋ᠢ ᠱᠢᠨᠡᠪᠠᠷ ᠪᠠᠢᠭᠤᠯᠤᠭ᠍ᠰᠠᠨᠨᠢ ᠥᠨᠥᠳᠦᠷᠤᠨ ᠬᠥᠬᠡᠬᠤᠲᠠᠶ᠋ᠢᠨ ᠬᠤᠳᠠᠶ᠋ᠢᠨ ᠰᠠᠭᠤᠷᠢ ᠪᠣᠯᠤᠭ᠍ᠰᠠᠨ ᠪᠠᠢᠨᠠ᠃ ᠭᠦᠢᠬᠤᠸᠠ ᠬᠤᠳᠠᠶ᠋ᠢ ᠮᠣᠩᠭᠤᠯᠢᠶᠠᠷ 《ᠬᠥᠬᠡ ᠬᠤᠳᠠ》 ᠭᠡᠳᠡᠭ᠂ ᠥᠭᠡᠷᠡᠪᠠᠷ ᠬᠡᠯᠡᠪᠡᠯ ᠬᠥᠬᠡᠬᠤᠲᠠ ᠭᠡᠳᠡᠭ᠂ 《ᠬᠥᠬᠡ ᠦᠩᠬᠡᠲᠠᠢ ᠬᠤᠳᠠ》 ᠭᠡᠰᠡᠨ ᠤᠳᠭᠠᠲᠠᠢ᠃
ᠬᠤᠲᠠᠶ᠋ᠢᠨ ᠬᠥᠭ᠌ᠵᠢᠯᠲᠡ ᠪᠠ ᠲᠠᠰᠤᠷᠠᠯᠲᠠ ᠦᠭᠡᠶ ᠥᠷᠭᠡᠳᠬᠦ᠌ᠶ᠋ᠢ ᠳᠠᠭᠠᠯᠳᠤᠨ᠂ ᠬᠠᠶᠠᠭ᠍ᠳᠠᠵᠤ ᠤᠷᠬᠢᠬ᠍ᠳᠠᠬ᠍ᠰᠠᠠ ᠹᠸᠡᠭ᠌ᠵᠸᠤᠶ᠋ᠢᠨ ᠴᠠᠭᠠᠨ ᠰᠤᠪᠤᠷᠭᠠ ᠳᠠᠬᠢᠨᠲᠠ ᠬᠤᠲᠠᠶ᠋ᠢᠨ ᠲᠡᠮᠳᠡᠭ ᠪᠣᠯᠤᠭ᠍ᠰᠠᠨ ᠪᠠᠢᠨᠠ᠃ ᠬᠥᠬᠡᠬᠤᠲᠠᠶ᠋ᠢᠨ ᠣᠯᠠᠨ ᠤᠯᠤᠰᠤᠨ ᠨᠢᠰᠭᠡᠯᠤᠨ ᠪᠠᠭᠤᠳᠠᠯᠢ ᠴᠠᠭᠠᠨ ᠰᠤᠪᠤᠷᠭᠠᠶ᠋ᠢᠨ ᠬᠠᠪᠢᠳᠤ ᠪᠠᠢᠭᠤᠯᠵᠤ᠂ ᠴᠠᠭᠠᠨ ᠰᠤᠪᠤᠷᠭᠠᠪᠠᠷ ᠨᠡᠷᠡᠢᠳᠪᠡ᠃ ᠳᠤᠰ ᠰᠤᠪᠤᠷᠭᠠ ᠪᠠ ᠹᠧᠩᠵᠧᠤᠶ᠋ᠢᠨ ᠬᠠᠭᠤᠴᠢᠨ ᠬᠤᠲᠠᠶ᠋ᠢᠨ ᠪᠠᠭᠤᠷᠢᠶ᠋ᠢ ᠴᠥᠮ ᠤᠯᠤᠰᠤᠨ ᠭᠤᠤᠯᠳᠠᠯᠭᠠᠲᠠᠢ ᠲᠡᠤᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠢᠯᠤᠨ ᠬᠠᠮᠠᠭᠠᠯᠠᠯᠲᠠᠶ᠋ᠢᠨ ᠨᠢᠭᠡᠴᠢᠳᠤ ᠣᠷᠣᠭᠤᠯᠪᠠ᠃ ᠡᠷᠲᠡᠨᠤ ᠰᠤᠪᠤᠷᠭᠠᠶ᠋ᠢ ᠬᠠᠮᠠᠭᠠᠯᠠᠬᠤᠶ᠋ᠢᠨ ᠲᠥᠯᠥᠭᠡ ᠵᠢᠭᠤᠯᠴᠢᠯᠠᠭ᠍ᠴᠢᠳ ᠰᠤᠪᠤᠷᠭᠠᠶ᠋ᠢ ᠪᠠᠷᠠᠳᠠᠵᠤ ᠲᠡᠢᠯᠬᠦ᠌ᠪᠠᠨ ᠪᠤᠯᠢᠵᠤ᠂ ᠰᠤᠪᠤᠷᠭᠠᠶ᠋ᠢᠨ ᠬᠠᠵᠠᠭᠤᠳᠤ ᠦᠵᠡᠭᠦᠯᠭᠡᠶ᠋ᠢᠨ ᠲᠢᠩᠬᠢᠮ ᠭᠠᠷᠭᠠᠠ᠂ ᠲᠡᠦᠬᠡᠶ᠋ᠢᠨ ᠭᠡᠷᠡᠯ ᠵᠢᠷᠤᠭᠤᠳᠢ ᠳᠡᠯᠭᠡᠨ ᠦᠵᠡᠭᠦᠯᠵᠤ ᠪᠠᠢᠨᠠ᠃ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠢᠯᠡᠰᠤᠨ ᠰᠠᠯᠠᠭᠠ ᠮᠥᠴᠢᠷ ᠦᠵᠡᠭᠦᠯᠭᠡᠶ᠋ᠢᠨ ᠲᠢᠩᠬᠢᠮᠢ ᠲᠡᠭᠦᠯᠳᠡᠷᠵᠢᠭᠦᠯᠵᠦ᠍᠂ ᠣᠳᠣᠬᠢᠴᠢᠯᠠᠭ᠍ᠰᠠᠨ ᠠᠷᠭᠠᠪᠠᠷ ᠰᠤᠪᠤᠷᠭᠠᠶ᠋ᠢᠨ ᠳᠣᠲᠣᠷᠠᠬᠢ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠢᠯᠡᠰ᠂ ᠪᠢᠴᠢᠭᠡᠰᠦ ᠲᠡᠮᠳᠡᠭ᠌ᠯᠡᠯ᠂ ᠬᠥᠱᠢᠶᠡᠨᠤ ᠰᠡᠢᠯᠦᠮᠡᠯ ᠵᠡᠷᠭᠡᠶ᠋ᠢ ᠵᠢᠭᠤᠯᠴᠢᠯᠠᠭ᠍ᠴᠢᠳᠲᠤ ᠲᠡᠯᠬᠡᠨ ᠦᠵᠡᠭᠦᠯᠬᠦ᠌ᠪᠠᠷ ᠴᠢᠷᠮᠠᠢᠵᠤ ᠪᠤᠢ᠃
（ᠵᠣᠬᠢᠶᠠᠭ᠍ᠴᠢ ᠪᠤᠯ ᠥᠪᠥᠷ ᠮᠣᠩᠭᠤᠯᠤᠨ ᠨᠡᠢᠭᠡᠮᠤᠨ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠤ ᠬᠦᠷᠢᠶᠡᠯᠡᠩᠤᠨ ᠰᠤᠳᠤᠯᠤᠭ᠍ᠴᠢ᠂ ᠲᠣᠰ ᠵᠣᠬᠢᠶᠠᠯ ᠤᠤᠯᠨᠢ 《ᠠᠷᠠᠳᠤᠨ ᠡᠳᠦᠷᠤᠨ ᠰᠣᠨᠢᠨᠤ ᠭᠠᠳᠠᠭᠠᠳᠤᠳᠤ ᠵᠣᠷᠢᠭᠤᠯᠤᠭ᠍ᠰᠠᠨ ᠬᠡᠪᠯᠡᠯ》 ᠳᠤ 2020 ᠣᠨᠤ 12 ᠰᠠᠷᠠᠶ᠋ᠢᠨ 15 ᠤ ᠡᠳᠦᠷ ᠨᠡᠢᠲᠡᠯᠡᠭ᠌ᠳᠡᠪᠡ）