ᠪᠤᠯᠤᠩ ᠡᠬᠢᠯᠡᠬᠦ᠌ ᠦᠭᠡ᠄ 《ᠲᠡᠦᠬᠡᠨ ᠦᠪᠨᠢ ᠬᠡᠷᠡᠯ ᠰᠠᠴᠤᠷᠠᠩᠭᠤᠶ ᠪᠣᠯᠪᠠᠰᠤᠨᠢ ᠠᠴᠢᠶᠠᠯᠠᠵᠤ᠂ ᠲᠡᠦᠬᠡ ᠰᠣᠶᠣᠯᠢ ᠤᠯᠠᠮᠵᠢᠯᠠᠨ ᠵᠠᠯᠭᠠᠮᠵᠢᠯᠠᠵᠤ᠂ ᠦᠨᠳᠦᠰᠦᠲᠡᠨᠤ ᠵᠣᠷᠢᠭ ᠰᠠᠨᠠᠭᠠᠶ᠋ᠢ ᠬᠠᠮᠠᠭᠠᠯᠠᠨ᠂ ᠡᠪᠦᠭᠡ ᠳᠡᠭᠡᠳᠦᠰᠠᠴᠠ ᠪᠢᠳᠡᠨᠳᠤ ᠦᠪᠯᠡᠨ ᠦᠯᠡᠳᠡᠭᠡᠭ᠌ᠰᠡᠨ ᠡᠷᠬᠢᠮ ᠨᠠᠨᠳᠢᠨ ᠥᠪ ᠬᠥᠷᠥᠩᠭᠡ᠂ ᠨᠡᠢᠭᠡᠮ ᠵᠢᠷᠤᠮᠤᠨ ᠣᠶᠤᠨᠤ ᠪᠣᠯᠪᠠᠰᠤᠨᠤ ᠪᠠᠢᠭᠤᠯᠤᠯᠲᠠᠶ᠋ᠢ ᠴᠢᠩᠭᠠᠳᠭᠠᠬᠤ ᠭᠦᠨ ᠵᠤᠵᠠᠭᠠᠨ ᠱᠢᠮᠡ ᠲᠡᠵᠢᠭᠡᠯ ᠮᠥᠨ》 ᠭᠡᠵᠦ᠍ ᠶᠡᠷᠦᠩᠬᠡᠢ ᠱᠦᠵᠢ ᠰᠢᠶ᠋ᠢᠨ ᠫᠢᠩ ᠵᠢᠭᠠᠵᠦ᠍ ᠭᠠᠷᠭᠠᠵᠠᠢ᠃ ᠮᠠᠨᠤ ᠤᠷᠤᠨ ᠶᠡᠷᠦᠩᠬᠡᠢ ᠱᠦᠵᠢᠶ᠋ᠢᠨ ᠴᠢᠬᠤᠯᠠ ᠵᠢᠭᠠᠪᠤᠷᠢᠶ᠋ᠢ ᠨᠠᠢᠳᠠᠪᠤᠷᠢᠵᠢᠭᠤᠯᠤᠨ᠂ 《ᠬᠠᠮᠠᠭᠠᠯᠠᠬᠤᠪᠠᠷ ᠭᠤᠣᠯ ᠪᠣᠯᠭᠠᠬᠤ᠂ ᠠᠪᠤᠷᠠᠬᠤᠶ᠋ᠢ ᠲᠡᠷᠢᠭᠦᠨᠳᠤ ᠲᠠᠯᠪᠢᠬᠤ᠂ ᠵᠣᠬᠢᠰᠲᠠᠢ ᠠᠱᠢᠬ᠍ᠯᠠᠬᠤ᠂ ᠬᠠᠮᠢᠶᠠᠷᠤᠯᠲᠠᠪᠠᠨ ᠴᠢᠩᠭᠠᠳᠭᠠᠬᠤ》 ᠠᠵᠢᠯᠤᠨ ᠴᠢᠭ᠌ᠯᠡᠯᠲᠡᠶ᠋ᠢ ᠪᠦᠬᠦ᠌ ᠲᠠᠯᠠᠪᠠᠷ ᠲᠤᠭᠤᠱᠢᠯᠠᠭᠤᠯᠵᠤ᠂ ᠲᠡᠦᠬᠡᠨ ᠦᠪᠢ ᠬᠠᠮᠠᠭᠠᠯᠠᠬᠤ ᠡᠷᠴᠢᠮᠢᠶᠠᠨ ᠴᠢᠩᠭᠠᠷᠠᠭᠤᠯᠵᠤ ᠵᠦᠢ ᠵᠣᠬᠢᠰᠲᠠᠢ ᠠᠱᠢᠬ᠍ᠯᠠᠬᠤᠶ᠋ᠢ ᠠᠬᠢᠭᠤᠯᠤᠨ᠂ ᠲᠡᠦᠬᠡᠨ ᠦᠪᠢ ᠬᠠᠮᠠᠭᠠᠯᠠᠭ᠍ᠰᠠᠨ ᠦᠷᠡ ᠪᠦᠲᠦᠭᠡᠯᠢ ᠠᠷᠠᠳ ᠤᠯᠠᠨᠳᠤ ᠦᠨᠡᠨ ᠬᠦ᠌ ᠬᠦᠷᠳᠡᠭᠡᠵᠦ᠍ ᠪᠤᠢ᠃ 《ᠲᠤᠮᠳᠠᠳᠤᠶ᠋ᠢᠨ ᠰᠤᠶᠤᠯ》 ᠲᠤᠰᠭᠠᠢ ᠬᠡᠪᠯᠡᠯ ᠲᠤᠰ ᠳ᠋ᠤᠭᠠᠷᠠᠴᠠ ᠡᠬᠢᠯᠡᠨ 《ᠦᠪᠦᠷ ᠮᠤᠩᠭᠤᠯᠤᠨ ᠲᠡᠦᠭᠡᠨ ᠦᠪ》 ᠲᠤᠰᠭᠠᠢ ᠪᠤᠯᠤᠩᠢᠶᠠᠷ ᠲᠠᠮᠵᠢᠨ ᠮᠠᠨᠤ ᠤᠷᠤᠨᠤ ᠲᠡᠦᠭᠡᠨ ᠦᠪᠤᠨ ᠬᠠᠮᠠᠭᠠᠯᠠᠯᠳᠠ ᠠᠱᠢᠬ᠍ᠯᠠᠯᠳᠠᠶ᠋ᠢᠨ ᠪᠠᠢᠳᠠᠯᠢ ᠵᠠᠯᠭᠠᠭᠠᠪᠠᠷ ᠮᠡᠳᠡᠭᠡᠯᠡᠬᠦ᠌ ᠪᠤᠯᠤᠨᠠ᠃ ᠠᠩᠬᠠᠷᠤᠯᠳᠠᠭᠠᠨ ᠠᠪᠤᠭᠠᠷᠠᠢ！ — ᠨᠠᠢᠷᠠᠭᠤᠯᠤᠭ᠍ᠴᠢᠠᠴᠠ
ᠴᠠᠭ᠍ᠯᠠᠰᠢ ᠦᠭᠡᠢ ᠰᠦᠮᠡ
ᠴᠠᠬ᠍ᠯᠠᠰᠢ ᠦᠭᠡᠢ ᠰᠦᠮᠠ
ᠬᠦᠬᠡᠬᠤᠲᠠᠶ᠋ᠢᠨ ᠢᠦ᠋ᠢᠴᠢᠤᠸᠠᠨ ᠲᠤᠭᠤᠷᠢᠭᠲᠤ ᠪᠠᠢᠷᠢᠯᠠᠭᠠ ᠴᠠᠬ᠍ᠯᠠᠰᠢ ᠦᠭᠡᠢ ᠰᠦᠮᠠᠶ᠋ᠢ ᠨᠡᠢᠲᠡᠶ᠋ᠢᠨ ᠤᠨ ᠲᠤᠭᠠᠯᠠᠯᠤᠨ 1579 — 1580 ᠤᠨᠳᠤ᠂ ᠮᠢᠩ ᠤᠯᠤᠰᠤᠨ ᠦᠶᠡᠶ᠋ᠢᠨ ᠲᠦᠮᠡᠳ ᠠᠢᠮᠠᠭᠤᠨ ᠠᠢᠮᠠᠭᠤᠨ ᠠᠬᠠᠯᠠᠭ᠍ᠴᠢ ᠪᠠᠢᠭ᠍ᠰᠠᠨ ᠠᠯᠲᠠᠨ ᠬᠠᠭᠠᠨ ᠪᠠᠢᠭᠤᠯᠵᠠᠢ᠃ ᠲᠤᠰ ᠰᠦᠮᠠ ᠬᠦᠬᠡᠬᠤᠲᠠᠶ᠋ᠢᠨ ᠬᠡᠪᠴᠢᠶᠡᠨᠳᠠᠬᠢ ᠬᠠᠮᠤᠭᠠᠴᠠ ᠡᠷᠲᠡ ᠪᠠᠢᠭᠤᠯᠤᠭ᠍ᠳᠠᠭ᠍ᠰᠠᠨ ᠱᠢᠷᠡᠶ᠋ᠢᠨ ᠱᠠᠱᠢᠨᠤ ᠰᠦᠮᠡ ᠬᠡᠢᠳ ᠪᠤᠯᠤᠨᠠ᠃
ᠠᠩᠬᠠ ᠪᠠᠢᠭᠤᠯᠤᠭ᠍ᠳᠠᠬᠤ ᠦᠶᠡᠳᠤ ᠮᠢᠩ ᠤᠯᠤᠰᠤᠨ ᠸᠠᠨ ᠯᠢ ᠬᠠᠭᠠᠨᠠᠴᠠ ᠬᠠᠢᠷᠠᠯᠠᠭ᠍ᠰᠠᠨ ᠨᠡᠷᠡᠨᠢ 《ᠾᠦᠩ ᠼᠢ ᠰᠧ》 （弘慈寺）᠂ ᠮᠤᠩᠭᠤᠯᠴᠢᠯᠠᠪᠠᠯ 《ᠶᠡᠭᠡ ᠨᠢᠭᠦᠯᠡᠰᠦᠩᠬᠦᠢ ᠰᠦᠮᠡ》 ᠭᠡᠰᠡᠨ ᠤᠳᠭᠠᠲᠠᠢ᠂ ᠠᠷᠠᠳᠤᠨ ᠲᠤᠮᠳᠠ 《ᠶᠡᠭᠡ ᠵᠤᠤ ᠰᠦᠮᠠ》 ᠭᠡᠵᠦ᠍ ᠠᠯᠳᠠᠷᠱᠢᠵᠠᠢ᠃ 《ᠵᠤᠤ》 ᠭᠡᠳᠡᠭ ᠦᠭᠡᠨᠢ ᠲᠦᠪᠡᠳ ᠦᠬᠡᠠᠴᠠ ᠢᠷᠡᠯᠲᠡᠢ ᠰᠦᠮᠡ ᠬᠡᠢᠳ ᠬᠡᠮᠡᠬᠦ᠌ ᠤᠳᠭᠠᠲᠠᠢ᠃ ᠴᠢᠩ ᠤᠯᠤᠰᠤᠨ ᠡᠶᠡᠪᠡᠷ ᠵᠠᠰᠠᠭ᠍ᠴᠢ ᠬᠠᠭᠠᠨ ᠪᠡᠭᠡᠵᠢᠩᠳᠤ ᠣᠴᠢᠬᠤᠳᠠᠭᠠᠨ ᠲᠤᠰ ᠰᠦᠮᠠᠳᠤ ᠪᠠᠭᠤᠳᠠᠯᠯᠠᠵᠤ᠂ ᠬᠤᠵᠢᠮᠨᠢ ᠡᠩᠬᠡ ᠠᠮᠤᠭᠤᠯᠠᠩ ᠬᠠᠭᠠᠨ 《ᠲᠦᠮᠡᠨ ᠨᠠᠰᠤᠲᠤ ᠬᠠᠭᠠᠨ》 ᠤ ᠠᠯᠲᠠᠨ ᠫᠠᠢᠰᠠᠶ᠋ᠢ ᠶᠡᠭᠡ ᠳᠤᠭᠠᠩᠤᠨ ᠮᠥᠩᠭᠦᠨ ᠪᠤᠷᠬᠠᠨᠤ ᠡᠮᠦᠨᠡ ᠴᠢᠳᠭᠤᠵᠤ᠂ ᠶᠡᠭᠡ ᠵᠣᠣ ᠰᠦᠮᠠᠶ᠋ᠢ 《ᠬᠠᠭᠠᠨᠤ ᠰᠦᠮᠡ》 ᠭᠡᠵᠦ᠍ ᠡᠷᠭᠦᠮᠵᠢᠯᠡᠪᠡ᠃ 1640 ᠤᠨᠳᠤ ᠴᠢᠩ ᠤᠯᠤᠰᠤᠨ ᠲᠠᠢᠽᠦᠩ ᠬᠠᠭᠠᠨ ᠬᠤᠸᠠᠩ ᠲᠠᠢᠵᠢ ᠲᠦᠮᠡᠳᠤᠨ ᠳ᠋ᠦᠲ᠋ᠦᠩ ᠭᠦᠯᠦᠭᠡ ᠴᠦᠬᠦᠷᠲᠤ ᠵᠠᠷᠯᠢᠭ ᠪᠠᠭᠤᠯᠭᠠᠨ ᠲᠤᠰ ᠰᠦᠮᠡᠶ᠋ᠢ ᠳᠠᠬᠢᠨ ᠰᠡᠯᠪᠢᠨ ᠵᠠᠰᠠᠭᠤᠯᠬᠤᠶ᠋ᠢᠨ ᠬᠠᠮᠲᠤ ᠦᠷᠭᠡᠳᠭᠡᠨ ᠪᠠᠢᠭᠤᠯᠵᠤ ᠨᠡᠷᠡᠶ᠋ᠢᠨᠢ 《ᠴᠠᠭ᠍ᠯᠠᠰᠢ ᠦᠭᠡᠢ ᠰᠦᠮᠡ》 ᠭᠡᠵᠦ᠍ ᠬᠠᠯᠠᠵᠠᠢ᠃ ᠪᠠᠰᠠ ᠪᠠᠢᠭᠤᠯᠤᠭ᠍ᠰᠠᠨ ᠬᠦᠮᠦᠨᠢᠨᠢ ᠳᠤᠷᠠᠰᠭᠠᠵᠤ 《ᠠᠯᠲᠠᠨ ᠬᠠᠭᠠᠨᠤ ᠰᠦᠮᠡ》 ᠪᠤᠶᠤ 《ᠭᠡᠭᠡᠨ ᠬᠠᠭᠠᠨᠤ ᠰᠦᠮᠡ》 ᠭᠡᠳᠡᠭ ᠪᠦᠭᠡᠳ 《ᠭᠠᠨᠵᠤᠤᠷ》 ᠨᠤᠮᠢ ᠮᠤᠩᠭᠤᠯᠤᠨ ᠪᠠᠷᠠᠭᠤᠨ ᠭᠤᠷᠪᠠᠨ ᠲᠦᠮᠡᠨᠤ ᠭᠠᠵᠠᠷ ᠠᠩᠬᠠ ᠲᠡᠷᠢᠭᠦᠨᠳᠤ ᠲᠤᠰ ᠰᠦᠮᠡᠳᠤ ᠵᠠᠯᠠᠵᠤ ᠠᠪᠴᠢᠷᠠᠭ᠍ᠰᠠᠨ ᠪᠤᠯᠬᠤᠷ ᠪᠠᠰᠠ 《ᠭᠠᠨᠵᠤᠤᠷᠤᠨ ᠰᠦᠮᠡ》 ᠬᠡᠮᠡᠨ ᠨᠡᠷᠡᠯᠡᠳᠡᠭ ᠴᠤ᠌ ᠪᠤᠢ᠃
ᠲᠤᠮᠳᠠᠳᠤᠶ᠋ᠢᠨ ᠡᠷᠳᠡᠨᠤ ᠪᠠᠷᠢᠯᠭᠠᠶ᠋ᠢᠨ ᠰᠤᠶᠤᠯᠤᠨ ᠤᠬᠢ ᠲᠠᠯᠠᠰᠳᠤ
ᠴᠠᠬ᠍ᠯᠠᠰᠢ ᠦᠭᠡᠢ ᠰᠦᠮᠡᠶ᠋ᠢᠨ ᠪᠠᠷᠢᠯᠭᠠᠶ᠋ᠢ ᠬᠢᠲᠠᠳ ᠰᠦᠮᠡᠶ᠋ᠢᠨ ᠬᠡᠯᠪᠡᠷᠢᠪᠠᠷ ᠲᠤᠯᠢ ᠪᠤᠯᠭᠠᠨ ᠪᠠᠢᠷᠢᠱᠢᠭᠤᠯᠵᠤ᠂ ᠮᠠᠬᠠᠷᠠᠨᠽᠠᠶ᠋ᠢᠨ ᠳᠤᠭᠠᠩ᠂ ᠪᠤᠳᠢ ᠬᠤᠩᠬᠢᠯ ᠳᠤᠭᠠᠩ᠂ ᠰᠤᠭ᠍ᠴᠢᠨ ᠳᠤᠭᠠᠩ᠂ ᠷᠠᠬᠢᠨ ᠳᠤᠭᠠᠩ᠂ ᠴᠠᠭᠠᠨ ᠱᠢᠬᠦᠷᠲᠤᠶ᠋ᠢᠨ ᠳᠤᠭᠠᠩ᠂ ᠪᠤᠳᠢᠰᠡᠸᠠᠶ᠋ᠢᠨ ᠳᠤᠭᠠᠩ᠂ ᠬᠠᠰ ᠪᠤᠷᠬᠠᠨᠤ ᠳᠤᠭᠠᠩ᠂ ᠮᠠᠢᠳᠠᠷ ᠪᠤᠷᠬᠠᠨᠤ ᠳᠤᠭᠠᠩ ᠵᠡᠷᠭᠡ ᠶᠡᠭᠡ ᠪᠠᠭᠠ 12 ᠳᠤᠭᠠᠩᠲᠠᠢ᠃ ᠭᠤᠤᠯ ᠳᠤᠭᠠᠩ ᠪᠤᠶᠤ ᠰᠤᠭ᠍ᠴᠢᠨ ᠳᠤᠭᠠᠩᠨᠢ ᠪᠦᠬᠦ᠌ ᠰᠦᠮᠡᠶ᠋ᠢᠨ ᠴᠤᠷᠤᠨ ᠭᠠᠭ᠍ᠴᠠ ᠬᠢᠲᠠᠳ ᠰᠤᠶᠤᠯᠤᠨ ᠬᠡᠪ ᠨᠠᠮᠪᠠ ᠪᠠ ᠲᠦᠪᠡᠳ ᠰᠤᠶᠤᠯᠤᠨ ᠬᠡᠪ ᠨᠠᠮᠪᠠᠶ᠋ᠢ ᠤᠶᠠᠯᠳᠤᠭᠤᠯᠤᠭ᠍ᠰᠠᠨ ᠳᠤᠭᠠᠩ ᠪᠤᠯᠤᠨᠠ᠃ ᠰᠦᠮᠡᠶ᠋ᠢᠨ ᠨᠡᠷᠡᠶ᠋ᠢ ᠮᠠᠨᠵᠤ᠂ ᠮᠤᠩᠭᠤᠯ᠂ ᠬᠢᠲᠠᠳ ᠭᠤᠷᠪᠠᠨ ᠵᠦᠢᠯᠤᠨ ᠦᠰᠦᠭᠢᠶᠠᠷ ᠰᠦᠮᠡᠶ᠋ᠢᠨ ᠶᠡᠭᠡ ᠬᠠᠭᠠᠯᠭᠠᠶ᠋ᠢᠨ ᠡᠭᠦᠳᠡᠨ ᠳᠡᠭᠡᠷᠡ ᠡᠯᠭᠦᠳᠡᠭ᠃ ᠤᠳᠤ ᠲᠤᠰ ᠰᠦᠮᠠᠶ᠋ᠢᠨ ᠫᠠᠢᠰᠠ ᠲᠡᠭᠡᠷᠡ ᠬᠢᠳᠡᠳ᠂ ᠮᠤᠩᠭᠤᠯ᠂ ᠮᠠᠨᠵᠦ᠍᠂ ᠲᠦᠪᠡᠳ ᠲᠦᠷᠪᠡᠨ ᠦᠰᠦᠭᠤᠨ ᠢᠯᠡᠷᠭᠡᠢᠯᠡᠯ ᠡᠯᠬᠦᠵᠦ᠍ ᠪᠤᠢ᠃ ᠲᠤᠰ ᠰᠦᠮᠠᠶ᠋ᠢᠨ ᠪᠠᠷᠢᠯᠭᠠᠶ᠋ᠢᠨ ᠭᠡᠪ ᠨᠠᠮᠪᠠᠨᠢ ᠬᠢᠳᠡᠳ᠂ ᠲᠦᠪᠡᠳ᠂ ᠮᠤᠩᠭᠤᠯ ᠪᠠᠷᠢᠯᠭᠠᠶ᠋ᠢᠨ ᠭᠡᠪ ᠨᠠᠮᠪᠠᠶ᠋ᠢ ᠠᠭᠤᠰᠭᠠᠨ ᠬᠦᠭ᠌ᠵᠢᠬᠦᠯᠦᠭ᠌ᠰᠡᠨᠢᠶᠠᠷᠢᠶᠠᠨ ᠤᠨᠴᠠᠯᠢᠬ᠍ᠳᠠᠵᠦ᠍᠂ ᠮᠠᠨᠤ ᠤᠯᠤᠰᠤᠨ ᠡᠷᠳᠡᠨᠤ ᠪᠠᠷᠢᠯᠭᠠᠶ᠋ᠢᠨ ᠰᠤᠶᠤᠯᠳᠤ ᠭᠡᠷᠡᠯ ᠬᠢᠯᠪᠠᠭᠠ ᠰᠠᠴᠤᠷᠠᠭ᠍ᠰᠠᠨ ᠬᠤᠪᠢ ᠨᠡᠮᠡᠷᠢ ᠬᠠᠨᠳᠢᠪᠯᠠᠨ᠂ ᠲᠤᠮᠳᠠᠳᠤᠶ᠋ᠢᠨ ᠡᠷᠳᠡᠨᠤ ᠪᠠᠷᠢᠯᠭᠠᠶ᠋ᠢᠨ ᠰᠤᠶᠤᠯᠤᠨ ᠤᠬᠢ ᠲᠠᠯᠠᠰᠳᠤ ᠪᠤᠯᠤᠭ᠍ᠰᠠᠨ ᠶᠤᠮ᠃
ᠴᠠᠬ᠍ᠯᠠᠰᠢ ᠦᠭᠡᠢ ᠰᠦᠮᠡ ᠪᠠᠢᠭᠤᠯᠤᠭ᠍ᠳᠠᠭ᠍ᠰᠠᠨ 400 ᠭᠠᠷᠤᠢ ᠵᠢᠯᠤᠨ ᠲᠤᠷᠰᠢ᠂ ᠤᠮᠠᠷᠠᠳᠤ ᠬᠢᠯᠢᠶ᠋ᠢᠨ ᠨᠡᠢᠭᠡᠮᠤᠨ ᠤᠯᠤᠰ ᠲᠦᠷᠦ᠍᠂ ᠰᠤᠶᠤᠯᠤᠨ ᠰᠤᠯᠢᠯᠴᠠᠭᠠ ᠵᠡᠷᠭᠡ ᠲᠠᠯᠠᠳᠤ ᠪᠦᠷ ᠴᠢᠬᠤᠯᠠ ᠶᠡᠭᠡ ᠦᠢᠯᠡᠳᠦᠯ ᠦᠵᠡᠭᠦᠯᠵᠤ ᠪᠠᠢᠭ᠍ᠰᠠᠨ ᠪᠦᠭᠡᠳ ᠦᠨᠳᠦᠰᠦᠲᠡᠨᠨᠦᠭᠦᠳᠤᠨ ᠬᠤᠭᠤᠷᠤᠨᠳᠤᠬᠢ ᠪᠦᠯᠬᠦᠮᠳᠡᠯ ᠨᠢᠭ᠍ᠲᠠᠷᠠᠯᠢ ᠪᠠᠳᠤᠳᠭᠠᠨ᠂ ᠲᠤᠬᠠᠢᠶ᠋ᠢᠨ ᠦᠶᠡᠶ᠋ᠢᠨ ᠤᠮᠠᠷᠠᠳᠤ ᠬᠢᠯᠢᠶ᠋ᠢᠨ ᠠᠮᠤᠷ ᠲᠤᠭ᠍ᠳᠠᠭᠤᠨᠢ ᠬᠠᠮᠠᠭᠠᠯᠠᠬᠤᠳᠤ ᠮᠠᠰᠢ ᠴᠢᠬᠤᠯᠠ ᠦᠢᠯᠡᠳᠦᠯ ᠦᠵᠡᠭᠦᠯᠵᠡᠢ᠃
ᠴᠠᠬ᠍ᠯᠠᠰᠢ ᠦᠭᠡᠢ ᠰᠦᠮᠠᠶ᠋ᠢᠨ ᠲᠦᠷᠪᠡᠨ ᠡᠷᠳᠡᠨᠢ
ᠴᠠᠬ᠍ᠯᠠᠰᠢ ᠦᠭᠡᠢ ᠰᠦᠮᠠᠶ᠋ᠢᠨ ᠰᠤᠭ᠍ᠴᠢᠨ ᠳᠤᠭᠠᠩᠳᠤ ᠰᠦᠮᠡ ᠪᠠᠢᠭᠤᠯᠤᠭ᠍ᠳᠠᠭ᠍ᠰᠠᠨᠠᠴᠠ ᠤᠳᠤ ᠪᠤᠯᠲᠠᠯᠠ ᠬᠠᠳᠠᠭᠠᠯᠠᠭ᠍ᠳᠠᠵᠤ ᠪᠤᠢ ᠲᠦᠷᠪᠡᠨ ᠡᠷᠳᠡᠨᠢ ᠪᠠᠢᠳᠠᠭ᠃ ᠲᠡᠳᠡᠭᠡᠷᠨᠢ ᠤᠨᠴᠠ ᠨᠠᠷᠢᠯᠢᠭ ᠬᠢᠴᠡᠲᠠᠢ ᠪᠦᠭᠡᠳ ᠤᠨ ᠵᠢᠯᠤᠨ ᠲᠡᠦᠬᠡᠨ ᠤᠷᠤᠰᠭᠠᠯᠢ ᠦᠩᠭᠡᠷᠡᠭᠦᠯᠵᠤ ᠤᠳᠤ ᠪᠤᠯᠲᠠᠯᠠ ᠪᠦᠷᠢᠨ ᠪᠦᠲᠦᠨᠢᠶᠠᠷᠢᠶᠠᠨ ᠬᠠᠳᠠᠭᠠᠯᠠᠭ᠍ᠳᠠᠵᠤ ᠦᠯᠡᠳᠡᠭ᠌ᠰᠡᠨ ᠪᠤᠯᠬᠤᠷ ᠮᠠᠰᠢ ᠦᠨᠳᠦᠷ ᠰᠤᠨᠢᠷᠬᠠᠯᠤᠨ ᠦᠨᠡ ᠦᠷᠲᠡᠭ᠂ ᠲᠤᠩ ᠴᠢᠬᠤᠯᠠ ᠲᠡᠦᠬᠡᠶ᠋ᠢᠨ ᠦᠨᠡ ᠦᠷᠲᠡᠭ ᠪᠠ ᠡᠷᠬᠢᠮ ᠦᠨᠡᠳᠦ ᠤᠷᠠᠯᠢᠬᠤᠨ ᠦᠨᠡ ᠦᠷᠳᠡᠭᠲᠠᠢ᠃
ᠮᠥᠩᠭᠦᠨ ᠪᠤᠷᠬᠠᠨ᠄ ᠰᠤᠭ᠍ᠴᠢᠨ ᠳᠤᠭᠠᠩᠳᠤ ᠲᠠᠬᠢᠵᠤ ᠪᠠᠢᠭᠠ ᠲᠤᠬᠠᠢᠶ᠋ᠢᠨ ᠦᠶᠡᠳᠤ ᠨᠧᠫᠡᠯᠤᠨ ᠳᠠᠷᠬᠠᠨᠤ ᠤᠷᠠᠯᠠᠭ᠍ᠰᠠᠨ 3000 ᠵᠢᠩ ᠴᠡᠪᠡᠷ ᠮᠦᠩᠭᠦ᠌ ᠵᠠᠷᠤᠴᠠᠭᠤᠯᠤᠭ᠍ᠰᠠᠨ 3 ᠮᠧᠲᠷ ᠦᠨᠳᠦᠷ ᠱᠠᠭ᠍ᠵᠠᠮᠤᠨᠢ ᠪᠤᠷᠬᠠᠨᠤ ᠬᠦᠷᠦᠭᠢ ᠵᠢᠭᠠᠵᠤ ᠪᠤᠢ᠃ ᠤᠳᠤᠠᠴᠠ 400 ᠭᠠᠷᠤᠢ ᠵᠢᠯᠤᠨ ᠡᠮᠦᠨᠡ ᠤᠷᠠᠯᠠᠭ᠍ᠳᠠᠭ᠍ᠰᠠᠨ ᠮᠠᠨᠤ ᠤᠯᠤᠰᠤᠨ ᠤᠳᠤᠬᠠᠨᠳᠤ ᠬᠠᠳᠠᠭᠠᠯᠠᠭ᠍ᠳᠠᠵᠤ ᠪᠠᠢᠭᠠ ᠬᠠᠮᠤᠭᠤᠨ ᠶᠡᠭᠡ ᠮᠥᠩᠭᠦᠨ ᠪᠤᠷᠬᠠᠨᠤ ᠨᠢᠭᠡ ᠪᠣᠯᠤᠨᠠ᠃
ᠯᠤᠤᠶ᠋ᠢᠨ ᠰᠡᠢᠯᠦᠮᠡᠯ᠄ ᠭᠤᠷᠪᠠᠨ ᠴᠠᠭᠤᠨ ᠪᠤᠷᠬᠠᠨᠤ ᠡᠮᠤᠨᠡᠬᠢ ᠱᠢᠷ ᠪᠤᠳᠤᠭ ᠰᠠᠭᠤᠯᠭᠠᠭ᠍ᠰᠠᠨ ᠲᠤᠯᠭᠠᠭᠤᠷᠢ ᠳᠡᠭᠡᠷᠡ 10 ᠮᠧᠲᠷ ᠤᠷᠴᠢᠮ ᠬᠤᠶᠠᠷ ᠯᠤᠤᠶ᠋ᠢ ᠭᠦᠳᠦᠭᠡᠷ ᠰᠡᠢᠯᠦᠮᠡᠯᠤᠨ ᠠᠷᠭᠠᠪᠠᠷ ᠰᠡᠢᠯᠦᠨ ᠤᠷᠠᠯᠠᠭ᠍ᠰᠠᠨᠠᠴᠠ ᠯᠤᠤᠨᠢ ᠠᠮᠢᠳᠤ ᠯᠤᠤ ᠡᠪᠬᠡᠷᠡᠯᠲᠤᠨ ᠤᠷᠢᠶᠠᠯᠳᠤᠵᠤ ᠪᠠᠢᠭᠠ ᠮᠡᠲᠤ ᠲᠤᠩ ᠳᠦᠷᠰᠦᠯᠢᠭ ᠬᠠᠷᠠᠭ᠍ᠳᠠᠳᠠᠭ᠃ ᠮᠢᠩ ᠤᠯᠤᠰᠤᠨ ᠦᠶᠡᠶ᠋ᠢᠨ ᠯᠣᠣᠶ᠋ᠢᠨ ᠰᠡᠢᠯᠦᠮᠡᠯ ᠤᠷᠠᠯᠢᠭᠢ ᠮᠠᠰᠢ ᠭᠦᠢᠴᠡᠳ ᠬᠠᠷᠠᠭᠤᠯᠤᠭ᠍ᠰᠠᠨ ᠲᠤᠰ ᠬᠤᠶᠠᠷ ᠯᠤᠤᠶ᠋ᠢ ᠨᠠᠩᠭᠢ ᠱᠢᠷᠣᠶ᠂ ᠡᠭᠡᠳᠡᠩ ᠴᠢᠯᠠᠭᠤ ᠵᠡᠷᠭᠡᠪᠠᠷ ᠲᠦᠭᠦᠬᠡᠶ ᠮᠠᠲ᠋ᠧᠷᠢᠶᠠᠯ ᠪᠤᠯᠭᠠᠵᠤ ᠰᠡᠢᠯᠦᠨ ᠤᠷᠠᠯᠠᠵᠠᠢ᠃ ᠡᠷᠳᠡᠨᠤ ᠰᠡᠢᠯᠦᠮᠡᠯ ᠤᠷᠠᠯᠢᠬᠤᠨ ᠭᠤᠢᠳᠠ ᠪᠦᠲᠦᠭᠡᠯ ᠪᠤᠯᠤᠭ᠍ᠰᠠᠨᠤ ᠬᠤᠪᠢᠳᠤ᠂ ᠪᠦᠷᠢᠨ ᠪᠦᠲᠦᠨᠢᠶᠠᠷᠢᠶᠠᠨ ᠬᠠᠳᠠᠭᠠᠯᠠᠭ᠍ᠳᠠᠭ᠍ᠰᠠᠨ ᠲᠤᠰ ᠪᠦᠲᠦᠭᠡᠯᠨᠢ ᠴᠠᠬ᠍ᠯᠠᠰᠢ ᠦᠭᠡᠢ ᠰᠦᠮᠠᠲᠠᠢᠪᠠᠨ ᠠᠳᠠᠯᠢ ᠴᠠᠬ᠍ᠯᠠᠰᠢ ᠦᠭᠡᠢ ᠲᠡᠦᠭᠡ ᠰᠤᠶᠤᠯᠤᠨ ᠦᠨᠡ ᠦᠷᠳᠡᠭᠲᠠᠢ᠃
ᠬᠠᠨᠠᠶ᠋ᠢᠨ ᠵᠢᠷᠤᠭ᠄ ᠬᠠᠨᠠᠶ᠋ᠢᠨ ᠵᠢᠷᠤᠭ ᠪᠣᠯ ᠴᠠᠭ᠍ᠯᠠᠰᠢ ᠦᠭᠡᠢ ᠰᠦᠮᠡᠶ᠋ᠢᠨ ᠪᠠᠰᠠ ᠨᠢᠭᠡᠨ ᠤᠨᠴᠠᠯᠢᠭ᠍ᠲᠤ ᠲᠡᠦᠬᠡᠨ ᠦᠪ ᠪᠤᠯᠤᠨᠠ᠃ ᠬᠠᠨᠠᠶ᠋ᠢᠨ ᠵᠢᠷᠤᠭᠲᠤ ᠪᠤᠷᠬᠠᠨ ᠱᠠᠱᠢᠨᠤ ᠲᠦᠷᠢ ᠪᠠ ᠦᠯᠢᠭᠡᠷ ᠦᠢᠯᠡ ᠶᠠᠪᠤᠳᠠᠯᠢ ᠵᠢᠷᠤᠭ᠍ᠯᠠᠨ᠂ ᠠᠭᠤᠯᠭᠠᠨᠢ ᠪᠠᠶᠠᠯᠢᠭ ᠪᠦᠭᠡᠳ ᠠᠮᠢᠳᠤᠯᠢᠭ᠂ ᠪᠦᠬᠦᠯᠢ ᠴᠤᠭ᠍ᠴᠠᠪᠠᠷᠢᠶᠠᠨ ᠠᠪᠴᠠᠯᠳᠤᠳᠠᠭ ᠮᠦᠷᠲᠡᠭᠡᠨ ᠭᠠᠭ᠍ᠴᠠ ᠭᠠᠭ᠍ᠴᠠᠪᠠᠷᠢᠶᠠᠨ ᠴᠤ᠌ ᠪᠡᠶᠡᠪᠠᠨ ᠳᠠᠭᠠᠭᠠᠭ᠍ᠰᠠᠨ ᠪᠦᠲᠦᠭᠡᠯ ᠪᠤᠯᠵᠤ ᠴᠢᠳᠠᠳᠠᠭ᠃ ᠪᠦᠬᠦ᠌ ᠵᠢᠷᠤᠭᠲᠤ ᠪᠤᠷᠬᠠᠨ ᠰᠠᠬᠢᠭᠤᠯᠰᠤᠨ᠂ ᠡᠭᠡᠯ ᠠᠷᠠᠳ ᠵᠡᠷᠭᠡ 770 ᠭᠠᠷᠤᠢ ᠬᠦᠮᠦᠨᠢ ᠪᠠᠭ᠍ᠲᠠᠭᠠᠵᠤ᠂ ᠦᠵᠡᠮᠵᠢ ᠪᠠᠢᠳᠠᠯ ᠠᠤᠭᠠ ᠰᠦᠷᠯᠢᠭᠢᠶᠠᠷᠢᠶᠠᠨ ᠮᠠᠨᠤ ᠤᠯᠤᠰᠤᠨ ᠮᠢᠩ ᠤᠯᠤᠰᠤᠨ ᠦᠶᠡᠶ᠋ᠢᠨ ᠵᠢᠷᠤᠭᠤᠨ ᠤᠷᠠᠯᠢᠭᠤᠨ ᠦᠨᠳᠦᠷ ᠲᠦᠪᠱᠢᠨᠢ ᠶᠠᠭᠠᠬᠢᠬᠤᠶ᠋ᠢᠨ ᠠᠷᠭᠠ ᠦᠭᠡᠢ ᠬᠠᠷᠠᠭᠤᠯᠵᠠᠢ᠃ ᠡᠳᠡᠭᠡᠷ ᠬᠠᠨᠠᠶ᠋ᠢᠨ ᠵᠢᠷᠤᠭᠨᠢ 400 ᠭᠠᠷᠤᠢ ᠵᠢᠯᠤᠨ ᠲᠡᠦᠬᠡᠶ᠋ᠢ ᠦᠩᠭᠡᠷᠡᠭᠦᠯᠦᠭ᠌ᠰᠡᠨ ᠪᠤᠯᠪᠠᠴᠤ᠌ ᠤᠳᠤ ᠴᠤ᠌ ᠭᠡᠰᠡᠨ ᠬᠡᠭᠡᠨᠴᠢᠷ ᠰᠠᠢᠬᠠᠨ ᠦᠩᠭᠡ ᠪᠤᠳᠤᠭᠢᠶᠠᠨ ᠬᠠᠳᠠᠭᠠᠯᠠᠭ᠍ᠰᠠᠭᠠᠷ᠃
ᠲᠡᠮᠦᠷ ᠠᠷᠰᠯᠠᠨ᠄ ᠰᠤᠭ᠍ᠴᠢᠨ ᠳᠤᠭᠠᠩᠤᠨ ᠡᠮᠤᠨᠡ ᠲᠡᠮᠤᠷᠢᠶᠠᠷ ᠴᠢᠳᠭᠤᠭ᠍ᠰᠠᠨ ᠤᠴᠦ᠋ᠢᠵᠤ ᠰᠠᠭᠤᠭᠠ ᠬᠤᠶᠠᠷ ᠠᠷᠰᠯᠠᠨ ᠪᠤᠢ᠃ ᠵᠡᠭᠦᠨ ᠲᠠᠯᠠᠶ᠋ᠢᠨ ᠠᠷᠰᠯᠠᠨᠨᠢ ᠲᠤᠮᠤ ᠱᠢᠬ᠂ 86 ᠰᠨᠨᠲ᠋ᠢᠮᠧᠲᠷ᠃ ᠠᠷᠰᠯᠠᠨᠤ ᠨᠢᠷᠤᠭᠤᠨ ᠳᠡᠭᠡᠷᠡ ᠤᠨ ᠰᠠᠷᠠ ᠡᠳᠦᠷ᠂ ᠤᠷᠠᠨ ᠳᠠᠷᠬᠠᠨᠤ ᠤᠪᠤᠭ ᠨᠡᠷᠡ ᠵᠢᠴᠢ ᠬᠢᠯᠭᠡᠭ᠌ᠰᠡᠨ ᠬᠦᠮᠦᠰᠤᠨ ᠨᠡᠷᠡ ᠴᠤᠯᠠᠶ᠋ᠢ ᠲᠡᠮᠳᠡᠭ᠌ᠯᠡᠭ᠌ᠰᠡᠨ 《ᠲᠢᠶᠠᠨ ᠴᠢᠶ᠋ᠢᠨ ᠭᠤᠷᠪᠠᠳᠤᠭᠠᠷ ᠤᠨ （1623 ᠤᠨ） ᠤ ᠪᠢᠯᠢᠭᠤᠨ ᠤᠯᠠᠷᠢᠯᠤᠨ 9 ᠰᠠᠷᠠᠶ᠋ᠢᠨ ᠰᠠᠢᠨ ᠡᠳᠦᠷ᠂ ᠳ᠋ᠠ ᠲᠦᠩᠤᠨ ᠠᠷᠤ ᠡᠪᠡᠰᠤᠨ ᠲᠠᠯᠠᠳᠠᠬᠢ ᠲᠡᠮᠤᠷᠤᠨ ᠳᠠᠷᠬᠠᠨ ᠴᠧᠨ ᠡᠯ ᠭᠡᠳᠡᠭ ᠨᠢᠭᠡᠨ ᠬᠦᠮᠦᠨ ᠤᠮᠪᠤ ᠬᠤᠩ ᠲᠠᠢᠵᠢᠶ᠋ᠢᠨ ᠬᠦᠰᠡᠯᠢ ᠳᠠᠭᠠᠯᠳᠤᠭᠤᠯᠤᠨ ᠨᠢᠭᠡᠨ ᠭᠤᠤᠯ ᠠᠷᠰᠯᠠᠨ ᠴᠢᠳᠭᠤᠪᠠᠢ》 ᠭᠡᠰᠡᠨ ᠪᠢᠴᠢᠭᠡᠰᠦᠲᠠᠢ᠃
ᠬᠠᠰ ᠪᠤᠯᠠᠭᠤᠨ ᠲᠤᠮᠤᠭ
ᠴᠠᠭ᠍ᠯᠠᠰᠢ ᠦᠭᠡᠢ ᠰᠦᠮᠡᠶ᠋ᠢᠨ ᠰᠦᠮᠡᠶ᠋ᠢᠨ ᠬᠠᠭᠠᠯᠭᠠᠶ᠋ᠢᠨ ᠡᠭᠦᠳᠡᠨ ᠳᠡᠭᠡᠷᠡ 《ᠶᠢᠰᠦᠨ ᠬᠢᠯᠢ ᠬᠢᠵᠠᠭᠠᠷᠤᠨ ᠤᠷᠤᠨᠳᠠᠬᠢ ᠨᠢᠭᠡᠳᠦᠭᠡᠷ ᠪᠤᠯᠠᠭ》 ᠭᠡᠰᠡᠨ ᠢᠯᠡᠷᠬᠡᠢᠯᠡᠯ ᠡᠯᠭᠦᠭᠡᠰᠦᠲᠠᠢ᠃ ᠳᠤᠮᠤᠭ ᠶᠠᠷᠢᠶᠠᠨᠳᠤ ᠴᠢᠩ ᠤᠯᠤᠰᠤᠨ ᠦᠶᠡᠳᠤ ᠡᠩᠬᠡ ᠠᠮᠤᠭᠤᠯᠠᠩ ᠬᠠᠭᠠᠨ ᠴᠡᠷᠢᠭ ᠳᠠᠭᠠᠭᠤᠯᠤᠨ ᠪᠠᠷᠠᠭᠤᠨᠰᠢ ᠳᠠᠢᠯᠠᠭᠠᠳ ᠨᠡᠢᠰᠯᠡᠯ ᠵᠦᠭᠢᠶᠠᠨ ᠪᠤᠴᠠᠬᠤ ᠵᠠᠮᠳᠠᠭᠠᠨ ᠬᠥᠬᠡᠬᠤᠲᠠᠪᠠᠷ ᠦᠩᠭᠡᠷᠡᠨ᠂ ᠴᠠᠭ᠍ᠯᠠᠰᠢ ᠦᠭᠡᠢ ᠰᠦᠮᠡᠶ᠋ᠢᠨ ᠡᠭᠦᠳᠡᠨᠳᠤ ᠠᠮᠠᠷᠠᠵᠤ ᠪᠠᠢᠵᠠᠶ᠃ ᠠᠭᠠᠭᠢᠮᠠ ᠬᠠᠯᠠᠭᠤᠨ ᠴᠠᠭᠲᠤ᠌᠂ ᠬᠦᠮᠦᠨ ᠮᠤᠷᠢᠳ ᠴᠦᠮ ᠠᠩᠭᠠᠵᠤ ᠴᠠᠩᠭᠠᠬᠤᠶ᠋ᠢᠨ ᠲᠦᠢᠯᠳᠤ ᠬᠦᠷᠴᠤ᠌ ᠪᠠᠢᠬᠤᠳᠤ᠂ ᠬᠠᠭᠠᠨᠤ ᠤᠨᠤᠵᠤ ᠪᠠᠢᠭ᠍ᠰᠠᠨ ᠬᠦᠯᠦᠭᠨᠢ ᠭᠡᠨᠡᠳᠲᠡ ᠭᠠᠵᠠᠷ ᠴᠠᠪᠴᠢᠯᠠᠬᠤᠳᠤ ᠲᠤᠩᠭᠠᠯᠠᠭ ᠪᠤᠯᠠᠭ ᠤᠷᠬᠢᠯᠤᠨ ᠭᠠᠷᠤᠭ᠍ᠰᠠᠨ ᠭᠡᠳᠡᠭ᠃ ᠡᠭᠦᠨᠠᠴᠠ ᠬᠤᠢᠰᠢ ᠪᠤᠯᠠᠭᠤᠨ ᠤᠰᠤ ᠲᠠᠰᠤᠷᠠᠯᠲᠠ ᠦᠭᠡᠶ ᠤᠨᠳᠤᠷᠳᠠᠭ ᠪᠤᠯᠤᠭ᠍ᠰᠠᠨᠠᠴᠠ 《ᠬᠠᠭᠠᠨᠤ ᠮᠣᠷᠢᠨᠤ ᠪᠤᠯᠠᠭ》 ᠭᠡᠬᠦ᠌ ᠳᠣᠮᠤᠭ ᠤᠯᠠᠮᠵᠢᠯᠠᠭ᠍ᠳᠠᠵᠠᠢ᠃
ᠬᠤᠵᠢᠮᠨᠢ ᠬᠥᠮᠦᠰ ᠪᠤᠯᠠᠭᠤᠨ ᠤᠰᠤᠨᠤ ᠳᠡᠷᠭᠡᠳᠡ ᠬᠤᠳᠳᠤᠭᠤᠨ ᠲᠠᠢᠰᠠ ᠪᠠᠷᠢᠵᠤ᠂ ᠤᠢ᠍ᠢᠷᠠ ᠬᠠᠪᠢᠶ᠋ᠢᠨ ᠬᠥᠮᠦᠰ ᠪᠤᠯᠠᠭᠤᠨ ᠤᠰᠤᠶ᠋ᠢ ᠤᠤᠭᠤᠳᠠᠭ ᠪᠤᠯᠪᠠ᠃ ᠪᠤᠯᠠᠬᠤᠨ ᠤᠰᠤᠨᠢ ᠲᠤᠩᠭᠠᠯᠠᠭ ᠪᠥᠭᠡᠳ ᠴᠠᠭᠠᠨᠠᠪᠠᠨ ᠠᠮᠲᠠᠲᠠᠢ᠂ ᠶᠠᠭ ᠯᠠ ᠬᠠᠰᠤᠨ ᠡᠭᠡᠳᠡᠩ ᠮᠡᠲᠦ ᠪᠤᠯᠬᠤᠷ 《ᠬᠠᠰ ᠪᠤᠯᠠᠭ》 ᠭᠡᠭ᠌ᠳᠡᠳᠡᠭ ᠪᠤᠯᠵᠦ᠍᠂ ᠡᠨᠡᠨᠢ ᠮᠦᠨ ᠴᠤ᠌ ᠬᠦᠬᠡᠬᠤᠲᠠᠶ᠋ᠢᠨ ᠢᠦ᠋ᠢᠴᠢᠤᠸᠠᠨ ᠲᠤᠭᠤᠷᠢᠭᠤᠨ ᠨᠡᠷᠡᠶ᠋ᠢᠨ ᠢᠷᠡᠯᠲᠡ ᠪᠤᠯᠤᠭ᠍ᠰᠠᠨ ᠪᠠᠢᠨᠠ᠃ ᠬᠠᠰ ᠪᠤᠯᠠᠭᠠᠴᠠ ᠪᠣᠯᠵᠤ ᠴᠠᠭ᠍ᠯᠠᠰᠢ ᠦᠭᠡᠢ ᠰᠦᠮᠡᠶ᠋ᠢᠨ ᠡᠮᠤᠨᠡᠭᠦᠷᠬᠢ ᠠᠭᠤᠳᠠᠮ ᠲᠠᠯᠠᠪᠠᠢ ᠬᠥᠭ᠌ᠵᠢᠶᠡᠨᠢᠶᠠᠷ ᠪᠢᠯᠬᠠᠵᠤ᠂ ᠮᠢᠩ ᠴᠢᠩᠤᠨ ᠠᠯᠳᠠᠷᠲᠠᠢ ᠵᠡᠭᠡᠯᠢ ᠪᠤᠯᠵᠠᠢ᠃ ᠬᠠᠰ ᠪᠤᠯᠠᠭᠤᠨ ᠤᠰᠤ ᠬᠤᠯᠠ ᠤᠢ᠍ᠢᠷᠠᠳᠠᠭᠠᠨ ᠠᠯᠳᠠᠷᠲᠠᠢ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠷᠲᠡᠨᠤ ᠤᠮᠠᠷᠠᠲᠤᠶ᠋ᠢᠨ ᠯᠢᠶᠣᠤᠳᠦ᠋ᠩ᠂ ᠵᠢᠶ ᠵᠧᠤ᠂ ᠳ᠋ᠠᠲ᠋ᠦ᠋ᠩ᠂ ᠨᠢᠩᠱᠢᠶᠠ᠂ ᠭᠠᠨᠰᠦ ᠪᠠ ᠬᠥ᠋ ᠶᠤᠸᠠᠨ ᠵᠡᠷᠭᠡ ᠶᠢᠰᠦᠨ ᠬᠢᠯᠢ ᠬᠢᠵᠠᠭᠠᠷᠤᠨ ᠪᠠᠯᠭᠠᠰᠤᠨᠤ ᠪᠤᠯᠠᠭᠤᠨ ᠤᠰᠤᠨᠤ ᠲᠡᠷᠢᠭᠦᠨᠳᠤ ᠵᠢᠭ᠍ᠰᠠᠭᠠᠭ᠍ᠳᠠᠳᠠᠭ ᠪᠤᠯᠬᠤᠷ ᠴᠢᠩ ᠤᠯᠤᠰᠤᠨ ᠦᠶᠡᠶ᠋ᠢᠨ ᠱᠠᠨ ᠰᠢᠶ᠋ᠢᠨ ᠪᠢᠴᠢᠭᠤᠨ ᠬᠥᠮᠦᠨ ᠸᠠᠩ ᠶᠦᠩ ᠵᠧᠨ ᠬᠥᠪᠥᠩᠢᠶᠠᠷ 《ᠶᠢᠰᠦᠨ ᠬᠢᠯᠢ ᠬᠢᠵᠠᠭᠠᠷᠤᠨ ᠤᠷᠤᠨᠳᠠᠬᠢ ᠨᠢᠭᠡᠳᠦᠭᠡᠷ ᠪᠤᠯᠠᠭ》 ᠬᠡᠮᠡᠬᠦ᠌ ᠳᠠᠭᠤᠯᠠᠯ ᠪᠢᠴᠢᠵᠦ᠍᠂ ᠲᠡᠬᠦᠨᠢᠶᠠᠨ ᠬᠥᠨᠳᠡᠯᠡᠨ ᠫᠠᠢᠰᠠ ᠪᠣᠯᠭᠠᠨ ᠴᠠᠭ᠍ᠯᠠᠰᠢ ᠦᠭᠡᠢ ᠰᠦᠮᠡᠶ᠋ᠢᠨ ᠡᠭᠦᠳᠡᠨ ᠳᠡᠭᠡᠷᠡ ᠡᠯᠬᠦᠵᠡᠢ᠃
ᠬᠠᠴᠢᠨ ᠨᠢᠭᠤᠴᠠᠬᠠᠢ ᠦᠪ ᠰᠤᠶᠤᠯ
ᠴᠠᠭ᠍ᠯᠠᠰᠢ ᠦᠭᠡᠢ ᠰᠦᠮᠡᠳᠤ ᠵᠢᠯᠳᠤ ᠬᠤᠶᠠᠷ ᠤᠳᠠᠭᠠ ᠲᠤᠮᠤ ᠬᠡᠪᠴᠢᠶᠡᠨᠤ ᠰᠦᠮᠡᠶ᠋ᠢᠨ ᠬᠤᠷᠠᠯ ᠬᠢᠳᠡᠭ᠃ ᠨᠢᠭᠡᠨᠢ ᠪᠢᠯᠢᠭᠤᠨ ᠤᠯᠠᠷᠢᠯᠤᠨ ᠵᠢᠷᠭᠤᠭᠠᠨ ᠰᠠᠷᠠᠶ᠋ᠢᠨ ᠨᠠᠢ᠍ᠮᠠᠨᠠᠴᠠ ᠠᠷᠪᠠᠨ ᠲᠠᠪᠤᠨᠤ ᠡᠳᠦᠷ ᠪᠤᠯᠲᠠᠯᠠ᠂ ᠨᠦᠭᠦᠭᠡᠨᠢ ᠴᠠᠭᠠᠨ ᠰᠠᠷᠠᠶ᠋ᠢᠨ ᠱᠢᠨᠡᠶ᠋ᠢᠨ ᠨᠠᠢ᠍ᠮᠠᠨᠠᠴᠠ ᠠᠷᠪᠠᠨ ᠲᠠᠪᠤᠨ ᠪᠤᠯᠲᠠᠯᠠ ᠶᠠᠪᠤᠭ᠍ᠳᠠᠳᠠᠭ᠃ ᠰᠦᠮᠡᠶ᠋ᠢᠨ ᠬᠤᠷᠠᠯᠤᠨ ᠬᠤᠭᠤᠴᠠᠭᠠᠨᠳᠤ ᠪᠤᠷᠬᠠᠨ ᠳᠡᠯᠭᠡᠬᠦ᠌ ᠪᠤᠶᠤ ᠮᠠᠢᠳᠠᠷ ᠡᠷᠬᠢᠬᠦ᠂ ᠴᠠᠮ ᠴᠠᠮᠨᠠᠬᠤ ᠪᠤᠶᠤ ᠴᠠᠮ ᠬᠠᠷᠠᠢᠬᠤ᠂ ᠰᠤᠷ ᠬᠠᠶᠠᠬᠤ ᠪᠤᠶᠤ ᠰᠤᠷ ᠵᠠᠯᠠᠬᠤ ᠵᠡᠷᠭᠡ ᠱᠠᠱᠢᠨᠤ ᠦᠢᠯᠡ ᠠᠵᠢᠯᠯᠠᠭᠠ ᠶᠠᠪᠤᠭ᠍ᠳᠠᠳᠠᠭ᠃ ᠡᠳᠡᠭᠡᠷ ᠬᠠᠴᠢᠨ ᠨᠢᠭᠤᠴᠠᠬᠠᠢ ᠦᠪ ᠰᠤᠶᠤᠯᠨᠢ ᠪᠦᠵᠢᠭ᠂ ᠲᠠᠭᠤᠤ᠂ ᠱᠢᠯᠦᠭ᠂ ᠤᠷᠠᠯᠢᠬ ᠵᠡᠷᠭᠡ ᠲᠤᠮᠳᠠᠳᠤᠶ᠋ᠢᠨ ᠤᠯᠠᠮᠵᠢᠯᠠᠯᠳᠤ ᠰᠤᠶᠤᠯᠤᠨ ᠰᠠᠩᠳᠤ ᠶᠠᠨᠳᠠᠰᠢ ᠦᠭᠡᠢ ᠭᠡᠷᠡᠯ ᠬᠢᠯᠪᠠᠭᠠ ᠨᠡᠮᠡᠷᠢᠯᠡᠭ᠌ᠰᠡᠨ ᠪᠦᠭᠡᠳ ᠤᠮᠠᠷᠠᠳᠤ ᠤᠷᠤᠨᠤ ᠤᠯᠤᠰ ᠲᠦᠷᠦ᠍᠂ ᠠᠵᠦ᠍ ᠠᠬᠤᠢ᠂ ᠰᠤᠶᠤᠯᠤᠨ ᠬᠦᠭ᠌ᠵᠢᠯᠳᠡᠳᠤ ᠲᠦᠢᠯᠤᠨ ᠶᠡᠭᠡ ᠠᠬᠢᠭᠤᠯᠬᠤ ᠦᠢᠯᠡᠳᠦᠯ ᠦᠵᠡᠬᠦᠯᠵᠦ᠍ ᠪᠠᠢᠬ᠍ᠰᠠᠨ ᠶᠤᠮ᠃
ᠤᠳᠤ ᠴᠤ᠌ ᠭᠡᠰᠡᠨ ᠴᠠᠬ᠍ᠯᠠᠰᠢ ᠦᠭᠡᠢ ᠰᠦᠮᠠᠶ᠋ᠢᠨ ᠴᠤᠭ᠍ᠯᠠᠭᠠᠨ ᠪᠤᠯᠬᠤ ᠪᠦᠷᠢ ᠤᠯᠤᠰᠤᠨ ᠲᠤᠳᠤᠭᠠᠳᠤ ᠭᠠᠳᠠᠭᠠᠳᠤᠶ᠋ᠢᠨ ᠲᠤᠭᠠ ᠦᠭᠡᠢ ᠤᠯᠠᠨ ᠵᠢᠭᠤᠯᠴᠢᠯᠠᠭ᠍ᠰᠠᠳ᠂ ᠮᠦᠷᠬᠦᠯᠴᠢᠦᠨ ᠬᠦᠷᠦᠯᠴᠡᠨ ᠢᠷᠡᠵᠦ᠍ ᠵᠢᠭᠤᠯᠴᠢᠯᠠᠨ ᠰᠤᠨᠢᠷᠬᠠᠭᠠᠳ ᠬᠦᠬᠡᠬᠤᠳᠠᠶ᠋ᠢᠨ ᠠᠵᠦ᠍ ᠠᠬᠤᠢ᠂ ᠰᠤᠶᠤᠯᠤᠨ ᠰᠤᠯᠢᠯᠴᠠᠭᠠᠶ᠋ᠢ ᠬᠦᠭ᠌ᠵᠢᠶᠡᠨᠳᠡᠢ ᠪᠤᠯᠭᠠᠵᠦ᠍ ᠪᠤᠢ᠃
ᠪᠤᠷᠬᠠᠨ ᠳᠡᠯᠭᠡᠬᠦ᠌ ᠪᠤᠶᠤ ᠮᠠᠢᠳᠠᠷ ᠡᠷᠬᠢᠬᠦ᠄ ᠪᠤᠷᠬᠠᠨ ᠳᠡᠯᠭᠡᠬᠦ᠌ ᠪᠤᠶᠤ ᠮᠠᠢᠳᠠᠷ ᠡᠷᠬᠢᠬᠦ᠌ ᠭᠡᠵᠤ ᠴᠠᠬ᠍ᠯᠠᠰᠢ ᠦᠭᠡᠢ ᠰᠦᠮᠠᠶ᠋ᠢᠨ ᠵᠢᠯ ᠪᠦᠷᠢᠶ᠋ᠢᠨ ᠴᠠᠭᠠᠨ ᠰᠠᠷᠠᠶ᠋ᠢᠨ ᠠᠷᠪᠠᠨ ᠲᠠᠪᠤᠨ ᠪᠠ ᠵᠢᠷᠭᠤᠭᠠᠨ ᠰᠠᠷᠠᠶ᠋ᠢᠨ ᠠᠷᠪᠠᠨ ᠲᠠᠪᠤᠨᠤ ᠡᠳᠦᠷ ᠶᠠᠪᠤᠭ᠍ᠳᠠᠳᠠᠭ ᠪᠤᠷᠬᠠᠨ ᠱᠠᠱᠢᠨᠤ ᠠᠵᠢᠯᠯᠠᠭᠠ ᠪᠤᠯᠤᠨᠠ᠃ ᠲᠤᠭᠠᠩᠳᠠᠭᠠᠨ ᠬᠠᠳᠠᠭᠠᠯᠠᠵᠤ ᠪᠠᠢᠭᠠ 2 ᠠᠯᠳᠠ ᠤᠷᠲᠤ᠌᠂ 1.5 ᠠᠯᠳᠠ ᠦᠷᠭᠡᠨ ᠮᠠᠢᠳᠠᠷ ᠪᠤᠷᠬᠠᠨᠤ ᠲᠠᠩᠺᠠ ᠬᠦᠷᠦᠭᠢ ᠳᠤᠭᠠᠩᠤᠨᠢᠶᠠᠨ ᠡᠮᠤᠨᠡ ᠳᠡᠯᠭᠡᠬᠦ᠌ᠶ᠋ᠢᠨ ᠬᠠᠮᠲᠤ ᠨᠤᠮᠤᠨ ᠬᠤᠷᠠᠯ ᠬᠢᠵᠤ᠂ ᠯᠠᠮᠠ ᠨᠠᠷ ᠨᠤᠮ ᠤᠩᠱᠢᠨ᠂ ᠪᠤᠷᠬᠠᠨ ᠱᠠᠱᠢᠨᠤ ᠬᠦᠭ᠌ᠵᠢᠮ ᠬᠠᠪᠰᠤᠷᠭᠠᠵᠤ᠂ ᠮᠦᠷᠭᠦᠯᠴᠢᠳᠠᠴᠠ ᠪᠤᠷᠬᠠᠨᠳᠤ ᠮᠦᠷᠭᠦᠨ᠂ ᠬᠠᠳᠠᠭ᠂ ᠪᠠᠷᠢᠴᠠ ᠪᠠᠷᠢᠳᠠᠭ᠃ ᠪᠤᠷᠬᠠᠨ ᠳᠡᠯᠭᠡᠬᠦ᠌ᠨᠢ ᠱᠢᠳᠦᠯᠭᠡᠳᠡᠳᠢ ᠪᠤᠷᠬᠠᠨᠳᠤ ᠪᠠᠷᠠᠳᠠᠭᠤᠯᠵᠤ᠂ ᠪᠡᠶᠡᠪᠠᠨ ᠠᠷᠢᠭᠤᠰᠭᠠᠨ᠂ ᠪᠤᠷᠬᠠᠨ ᠱᠠᠱᠢᠨᠢ ᠬᠦᠭ᠌ᠵᠢᠭᠦᠯᠬᠦ᠌ ᠵᠣᠷᠢᠯᠭᠠᠲᠠᠢ ᠪᠦᠭᠡᠳ ᠪᠠᠰᠠ ᠤᠷᠲᠤ ᠬᠤᠭᠤᠴᠠᠭᠠᠪᠠᠷ ᠳᠤᠭᠠᠩᠳᠤ ᠬᠠᠳᠠᠭᠠᠯᠡᠵᠤ ᠪᠠᠢᠭᠠ ᠪᠤᠷᠬᠠᠨᠤ ᠬᠦᠷᠦᠭᠢ ᠨᠠᠷᠠ ᠰᠠᠯᠬᠢ ᠦᠵᠡᠭᠦᠯᠵᠤ᠂ ᠬᠤᠷᠣᠬᠠᠢᠲᠠᠬᠤᠠᠴᠠ ᠰᠡᠷᠭᠡᠢᠯᠡᠨ᠂ ᠪᠤᠷᠬᠠᠨᠤ ᠲᠠᠩᠺᠠ ᠬᠦᠷᠦᠭᠢ ᠬᠠᠮᠠᠭᠠᠯᠠᠬᠤ ᠦᠢᠯᠡᠳᠦᠯ ᠦᠵᠡᠭᠦᠯᠳᠡᠭ᠃
ᠴᠠᠮ ᠴᠠᠮᠨᠠᠬᠤ ᠪᠤᠶᠤ ᠴᠠᠮ ᠬᠠᠷᠠᠢᠬᠤ᠄ 《ᠴᠠᠮ》 ᠪᠤᠶᠤ 《ᠭᠠᠷᠴᠠᠮ》 ᠪᠤᠯ ᠲᠦᠪᠡᠳ ᠦᠭᠡ᠂ ᠮᠤᠩᠭᠤᠯ ᠦᠭᠡᠨᠳᠤ ᠶᠠᠭ ᠲᠡᠷᠡ ᠬᠡᠪᠢᠶᠠᠷᠨᠢ ᠬᠡᠷᠡᠭ᠌ᠯᠡᠵᠦ᠍ ᠪᠤᠢ᠂ ᠲᠦᠪᠡᠳ ᠬᠡᠯᠡᠨᠤ 《ᠴᠠᠮ》 ᠪᠤᠯ ᠵᠦᠪᠬᠡᠨ ᠬᠠᠷᠠᠢᠬᠤ ᠪᠤᠶᠤ ᠪᠦᠵᠢᠭ᠌ᠯᠡᠬᠦ᠌ ᠭᠡᠬᠦ᠌ ᠤᠳᠭᠠᠲᠠᠢ᠃ ᠴᠠᠮ ᠴᠠᠮᠨᠠᠬᠤ ᠪᠤᠯ ᠮᠦᠨ ᠴᠤ᠌ ᠴᠠᠬ᠍ᠯᠠᠰᠢ ᠦᠭᠡᠢ ᠰᠦᠮᠡᠶ᠋ᠢᠨ ᠨᠢᠭᠡᠨ ᠴᠢᠬᠤᠯᠠ ᠱᠠᠱᠢᠨᠤ ᠠᠵᠢᠯᠯᠠᠭᠠ ᠪᠤᠯᠤᠨᠠ᠃ ᠭᠤᠤᠯᠳᠠᠭᠤ ᠴᠢᠳᠬᠦᠷ ᠱᠤᠯᠤᠮ ᠭᠠᠢ ᠪᠠᠷᠴᠢᠳᠢ ᠳᠠᠷᠤᠬᠤ᠂ ᠮᠠᠭᠤ ᠮᠠᠭᠤᠬᠠᠢ ᠵᠦᠢᠯᠢ ᠬᠤᠯᠠᠳᠠᠭᠤᠯᠬᠤ ᠵᠡᠷᠭᠡ ᠤᠳᠭᠠᠲᠠᠢ᠃ ᠵᠢᠯ ᠪᠦᠷᠢᠶ᠋ᠢᠨ ᠪᠢᠯᠢᠭᠤᠨ ᠤᠯᠠᠷᠢᠯᠤᠨ ᠴᠠᠭᠠᠨ ᠰᠠᠷᠠ ᠪᠠ ᠵᠢᠷᠭᠤᠭᠠᠨ ᠰᠠᠷᠠᠳᠤ ᠴᠠᠬ᠍ᠯᠠᠰᠢ ᠦᠭᠡᠢ ᠰᠦᠮᠠᠳᠤ ᠪᠦᠷ ᠬᠤᠶᠠᠷ ᠤᠳᠠᠭᠠᠶ᠋ᠢᠨ ᠶᠡᠭᠡ ᠬᠡᠪᠴᠢᠶᠡᠨᠤ ᠴᠠᠮ ᠴᠠᠮᠨᠠᠬᠤ ᠠᠵᠢᠯᠯᠠᠭᠠ ᠶᠠᠪᠤᠭ᠍ᠳᠠᠳᠠᠭ᠂ ᠴᠠᠮ ᠴᠠᠮᠨᠠᠬᠤᠳᠠᠭᠠᠨ ᠯᠠᠮᠠ ᠨᠠᠷ ᠴᠠᠮᠤᠨ ᠬᠤᠪᠴᠠᠰᠤᠪᠠᠨ ᠡᠮᠦᠰᠴᠦ᠍᠂ ᠴᠢᠳᠬᠦᠷ ᠰᠠᠬᠢᠭᠤᠯᠰᠤᠨ᠂ ᠠᠷᠢᠶᠠᠲᠠᠨ ᠬᠦᠷᠦᠭᠡᠰᠦᠨᠤ ᠪᠠᠭ ᠵᠡᠭᠦᠨ᠂ ᠲᠤᠰᠭᠠᠢ ᠲᠣᠮᠣ ᠪᠦᠷᠢᠶᠡ᠂ ᠲᠣᠩ᠂ ᠴᠠᠩ ᠵᠡᠷᠭᠡᠶ᠋ᠢ ᠬᠦᠭ᠌ᠵᠢᠮᠳᠡᠵᠤ ᠴᠠᠮᠨᠠᠳᠠᠭ᠃ ᠴᠠᠮᠳᠤ ᠶᠡᠭᠡ᠂ ᠳᠤᠮᠳᠠ᠂ ᠪᠠᠭᠠ ᠬᠡᠮᠵᠢᠶᠡᠨᠤ ᠭᠤᠷᠪᠠᠨ ᠵᠦᠢᠯ ᠪᠠᠢᠵᠤ᠂ ᠶᠡᠭᠡ ᠬᠡᠮᠵᠢᠶᠡᠨᠤ ᠴᠠᠮᠳᠤ 300 ᠴᠠᠮᠴᠢ᠂ ᠳᠤᠮᠳᠠ ᠬᠡᠮᠵᠢᠶᠡᠨᠤ ᠴᠠᠮᠳᠤ 75 ᠴᠠᠮᠴᠢ᠂ ᠪᠠᠭᠠ ᠬᠡᠮᠵᠢᠶᠡᠨᠤ ᠴᠠᠮᠳᠤ 10 ᠴᠠᠮᠴᠢ ᠪᠤᠶᠤ ᠵᠠᠷᠢᠮᠳᠠᠭᠠᠨ ᠭᠠᠭ᠍ᠴᠠ ᠴᠠᠮᠴᠢ ᠤᠷᠤᠯᠴᠠᠬᠤ ᠲᠤᠬᠢᠶᠠᠯᠳᠤᠯ ᠴᠤ᠌ ᠪᠤᠢ᠃
ᠰᠤᠷ ᠬᠠᠶᠠᠬᠤ ᠪᠤᠶᠤ ᠰᠤᠷ ᠵᠠᠯᠠᠬᠤ᠄ 《ᠰᠤᠷ》 ᠭᠡᠵᠤ ᠲᠦᠪᠡᠳ ᠦᠭᠡᠶ᠋ᠢᠨ ᠮᠤᠩᠭᠤᠯ ᠠᠪᠢᠶᠡᠪᠠᠷ ᠨᠡᠷᠡᠯᠡᠭ᠌ᠰᠡᠨ ᠦᠭᠡ᠂ ᠲᠡᠷᠡᠨᠢ ᠬᠤᠪᠬᠠᠢ ᠶᠠᠰᠤᠨᠤ ᠳᠦᠷᠢᠲᠠᠢ᠃ ᠬᠤᠶᠠᠷ ᠲᠠᠯᠠᠳᠠᠭᠠᠨ ᠳᠦᠷᠪᠡ ᠲᠠᠪᠤᠨ ᠵᠦᠢᠯᠤᠨ ᠦᠩᠭᠡᠲᠠᠢ ᠴᠠᠭᠠᠰᠤᠪᠠᠷ ᠤᠷᠠᠯᠠᠵᠤ ᠰᠠᠪᠠᠨ ᠳᠡᠭᠡᠷᠡ ᠲᠤᠭ᠍ᠲᠠᠭᠠᠵᠤ ᠰᠠᠭᠤᠯᠭᠠᠳᠠᠭ᠂ ᠴᠦᠢᠷᠠᠵᠢᠯᠤᠨ ᠡᠭᠦᠳᠡᠨᠠᠴᠠ ᠬᠢᠵᠤ ᠪᠠᠢᠭᠠ ᠭᠦᠷᠢᠮ ᠪᠤᠶᠤ ᠱᠠᠱᠢᠨᠤ ᠦᠢᠯᠡ ᠠᠵᠢᠯᠯᠠᠭᠠ ᠪᠤᠯᠤᠨᠠ᠃ ᠴᠦᠢᠷᠠᠵᠢᠯ ᠭᠡᠵᠤ ᠳᠤᠭ᠍ᠰᠢᠨ ᠰᠠᠬᠢᠭᠤᠯᠰᠤᠨᠤ ᠨᠢᠭᠡ᠂ ᠮᠦᠨ ᠴᠤ᠌ ᠡᠷᠯᠢᠭᠤᠨ ᠬᠠᠭᠠᠨ ᠬᠡᠮᠡᠨ ᠦᠵᠡᠳᠡᠭ᠃ ᠲᠡᠢᠮᠤᠠᠴᠠ ᠰᠤᠷ ᠬᠠᠶᠠᠬᠤ ᠭᠡᠳᠡᠭᠨᠢ ᠪᠤᠢ ᠪᠦᠬᠦᠢ ᠡᠪᠡᠳᠴᠢᠨ ᠲᠠᠬᠤᠯ᠂ ᠭᠠᠷ ᠪᠠᠷᠴᠢᠳ᠂ ᠮᠠᠭᠤ ᠮᠠᠭᠤᠬᠠᠢ ᠵᠦᠢᠯᠢ ᠬᠠᠶᠠᠵᠤ ᠪᠠᠢᠭᠠ ᠨᠢᠭᠡᠨ ᠵᠦᠢᠯᠤᠨ ᠪᠤᠷᠬᠠᠨ ᠱᠠᠱᠢᠨᠤ ᠠᠵᠢᠯᠯᠠᠭᠠ ᠬᠡᠮᠡᠨ ᠤᠢ᠍ᠢᠯᠠᠭᠠᠵᠤ ᠪᠤᠯᠤᠨᠠ᠃ ᠰᠤᠷ ᠬᠠᠶᠠᠬᠤᠨᠢ ᠴᠤ᠌ ᠵᠢᠷᠭᠤᠭᠠᠨ ᠰᠠᠷᠠᠶ᠋ᠢᠨ ᠠᠷᠪᠠᠨ ᠲᠠᠪᠤᠨ ᠪᠠ ᠴᠠᠭᠠᠨ ᠰᠠᠷᠠᠶ᠋ᠢᠨ ᠠᠷᠪᠠᠨ ᠲᠠᠪᠤᠨ ᠭᠡᠵᠤ ᠵᠢᠯᠳᠤ ᠬᠤᠶᠠᠷ ᠤᠳᠠᠭᠠ ᠶᠠᠪᠤᠭ᠍ᠳᠠᠳᠠᠭ᠃
ᠤᠯᠤᠰᠤᠨ 4A ᠳᠡᠰᠤᠨ ᠵᠢᠭᠤᠯᠴᠢᠯᠠᠯᠤᠨ ᠦᠵᠡᠮᠵᠢᠶ᠋ᠢᠨ ᠤᠷᠤᠨ
ᠴᠠᠬ᠍ᠯᠠᠰᠢ ᠦᠭᠡᠢ ᠰᠦᠮᠡᠶ᠋ᠢᠨ ᠡᠮᠦᠨᠡᠬᠢ ᠠᠭᠤᠳᠠᠮ ᠲᠠᠯᠠᠪᠠᠢᠶ᠋ᠢ ᠶᠡᠭᠡ ᠵᠤᠤ ᠠᠭᠤᠳᠠᠮ ᠲᠠᠯᠠᠪᠠᠢ ᠪᠤᠶᠤ ᠠᠯᠲᠠᠨ ᠬᠠᠭᠠᠨᠤ ᠠᠭᠤᠳᠠᠮ ᠲᠠᠯᠠᠪᠠᠢ ᠭᠡᠳᠡᠭ᠃ ᠠᠭᠤᠳᠠᠮ ᠲᠠᠯᠠᠪᠠᠢᠶ᠋ᠢᠨ ᠵᠡᠭᠦᠨ ᠲᠠᠯᠠᠳᠤ ᠨᠠᠷᠢᠯᠢᠭ ᠬᠢᠴᠡᠲᠠᠢ ᠠᠭ᠍ᠲᠠ ᠬᠦᠯᠦᠭ᠂ ᠡᠷᠳᠡᠨᠢᠶ᠋ᠢᠨ ᠵᠠᠭᠠᠨ᠂ ᠯᠤᠤᠶ᠋ᠢᠨ ᠰᠡᠢᠯᠪᠦᠷᠢᠪᠠᠷ ᠴᠢᠮᠡᠭ᠌ᠯᠡᠭᠡᠰᠦᠲᠠᠢ ᠬᠠᠭᠠᠨ ᠰᠠᠭᠤᠳᠠᠯᠳᠠᠭᠠᠨ ᠵᠠᠯᠠᠷᠠᠵᠤ ᠪᠤᠢ ᠠᠯᠳᠠᠨ ᠬᠠᠭᠠᠨᠤ ᠬᠦᠷᠡᠯ ᠱᠤᠭᠤᠮᠠᠯ ᠤᠨᠴᠠᠶ᠋ᠢᠨ ᠲᠤᠳᠤ ᠬᠠᠷᠠᠭ᠍ᠳᠠᠳᠠᠭ᠃ ᠠᠯᠳᠠᠨ ᠬᠠᠭᠠᠨ ᠪᠤᠯ ᠴᠢᠩᠭᠢᠰ ᠬᠠᠭᠠᠨᠤ ᠠᠷᠪᠠᠨ ᠳᠤᠯᠤᠳᠤᠭᠠᠷ ᠦᠶᠠᠶ᠋ᠢᠨ ᠤᠮᠪᠤᠯᠤ᠂ ᠮᠤᠩᠭᠤᠯᠤᠨ ᠪᠠᠷᠠᠭᠤᠨ ᠭᠠᠷᠤᠨ ᠲᠦᠮᠡᠳ ᠲᠦᠮᠡᠨᠤ ᠲᠡᠷᠢᠭᠦᠨ᠂ ᠭᠠᠷᠮᠠᠭᠠᠢ ᠤᠳᠤᠷᠢᠳᠤᠭ᠍ᠴᠢ ᠪᠤᠯᠤᠨᠠ᠃
ᠠᠯᠲᠠᠨ ᠬᠠᠭᠠᠨ 1507 ᠤᠨᠳᠤ ᠮᠡᠨᠳᠤᠯᠠᠵᠤ᠂ 1542 ᠤᠨᠳᠤ ᠬᠠᠭᠠᠨ ᠤᠷᠤ ᠵᠠᠯᠭᠠᠮᠵᠢᠯᠠᠵᠤ ᠤᠷᠳᠤᠰ᠂ ᠲᠦᠮᠡᠳ ᠬᠢᠭᠡᠳ ᠶᠦᠩᠱᠢᠶᠡᠪᠦ᠌ ᠲᠦᠮᠡᠳᠢ ᠪᠠᠭ᠍ᠲᠠᠭᠠᠭ᠍ᠰᠠᠨ ᠭᠤᠷᠪᠠᠨ ᠲᠦᠮᠡᠳᠤᠶ᠋ᠢ ᠨᠤᠶᠠᠯᠠᠵᠤ ᠪᠠᠢᠵᠠᠢ᠃ ᠠᠯᠲᠠᠨ ᠬᠠᠭᠠᠨᠤ ᠳᠡᠮᠵᠢᠯᠭᠡᠪᠠᠷ ᠲᠦᠪᠡᠳᠤᠨ ᠪᠤᠷᠬᠠᠨ ᠱᠠᠱᠢᠨᠤ ᠭᠡᠯᠦᠭ᠌ᠪᠠ ᠪᠦᠯᠦᠭ᠂ ᠦᠭᠡᠷᠡᠪᠠᠷ ᠬᠡᠯᠡᠪᠡᠯ ᠱᠢᠷᠠᠶ᠋ᠢᠨ ᠱᠠᠱᠢᠨᠤ ᠨᠤᠮᠯᠠᠯ ᠰᠤᠷᠭᠠᠯ ᠮᠤᠩᠭᠤᠯ ᠤᠷᠤᠨᠳᠤ ᠤᠯᠠᠮᠵᠢᠯᠠᠭ᠍ᠳᠠᠨ ᠳᠡᠯᠭᠡᠷᠡᠭ᠌ᠰᠡᠨ ᠶᠤᠮ᠃
ᠠᠯᠲᠠᠨ ᠬᠠᠭᠠᠨ ᠲᠤᠬᠠᠢᠶ᠋ᠢᠨ ᠦᠶᠡᠶ᠋ᠢᠨ ᠪᠤᠭᠤᠮᠲᠠᠶ᠋ᠢᠨ ᠭᠠᠳᠠᠨᠠᠬᠢ ᠬᠦᠬᠡᠬᠤᠲᠠᠳᠤ ᠠᠵᠤ ᠲᠦᠷᠦᠨ ᠠᠮᠢᠳᠤᠷᠠᠵᠤ ᠪᠠᠢᠭᠠ ᠮᠤᠩᠭᠤᠯ ᠬᠢᠲᠠᠳ ᠵᠡᠷᠭᠡ ᠤᠯᠠᠨ ᠦᠨᠳᠦᠰᠦᠲᠡᠨᠤ ᠡᠩᠬᠡ ᠲᠠᠢᠪᠤᠩ ᠠᠮᠤᠷ ᠲᠤᠭ᠍ᠲᠠᠭᠤᠨ ᠡᠶᠡ ᠡᠪᠲᠠᠢ ᠪᠦᠯᠬᠦᠮᠳᠡᠯᠲᠠᠢᠪᠠᠷ ᠤᠷᠤᠱᠢᠨ ᠲᠤᠭ᠍ᠲᠠᠨᠢᠬᠤ᠂ ᠲᠡᠷᠡᠴᠢᠯᠡᠨ ᠬᠦᠬᠡᠬᠤᠲᠠᠶ᠋ᠢᠨ ᠠᠵᠤ ᠠᠬᠤᠢᠶ᠋ᠢ ᠬᠦᠭ᠌ᠵᠢᠭᠦᠯᠬᠦ᠌ ᠪᠠ ᠱᠠᠱᠢᠨ ᠰᠤᠷᠲᠠᠬᠤᠨᠢ ᠳᠡᠯᠭᠡᠷᠡᠭᠦᠯᠬᠦ᠌ᠳᠤ ᠴᠦᠮ ᠳᠤᠪᠤᠢᠮᠠ ᠭᠠᠪᠢᠶᠡ ᠪᠠᠢᠭᠤᠯᠤᠭ᠍ᠰᠠᠨ ᠪᠤᠯᠬᠤᠷ 2011 ᠤᠨᠤ 9 ᠰᠠᠷᠠᠳᠤ ᠠᠵᠤ ᠠᠬᠤᠢ᠍ᠢᠯᠠᠯᠲᠠᠳᠠᠴᠠ ᠬᠠᠨᠳᠢᠪᠢᠶᠠᠨ ᠡᠷᠭᠦᠵᠤ ᠠᠯᠲᠠᠨ ᠬᠠᠭᠠᠨᠤ ᠬᠦᠷᠡᠯ ᠱᠤᠭᠤᠮᠠᠯᠢ ᠪᠤᠰᠭᠠᠵᠠᠢ᠃
ᠶᠡᠭᠡ ᠵᠤᠤᠶ᠋ᠢᠨ ᠠᠭᠤᠳᠠᠮ ᠲᠠᠯᠠᠪᠠᠢᠶ᠋ᠢᠨ ᠡᠷᠬᠢᠨ ᠲᠤᠭᠤᠷᠢᠨᠤ ᠪᠠᠷᠢᠯᠭᠠᠨᠢ ᠴᠦᠮ ᠰᠦᠮᠡᠶ᠋ᠢᠨ ᠪᠠᠷᠢᠯᠭᠠᠶ᠋ᠢᠨ ᠤᠨᠴᠠᠯᠢᠭᠲᠠᠢ᠂ ᠠᠯᠲᠠᠨ ᠬᠠᠭᠠᠨᠤ ᠱᠤᠭᠤᠮᠠᠯᠢ ᠦᠩᠭᠡᠷᠡᠭᠡᠳ᠂ ᠰᠦᠮᠡᠶ᠋ᠢᠨ ᠡᠭᠦᠳᠡᠪᠠᠷ ᠪᠠᠷᠠᠭᠤᠨᠱᠢᠯᠠᠪᠠᠯ 《ᠪᠤᠭᠤᠮᠲᠠᠨᠳᠠᠬᠢ ᠬᠠᠭᠤᠴᠢᠨ ᠵᠡᠭᠡᠯᠢ》 ᠭᠡᠰᠡᠨ ᠫᠠᠢᠰᠠ ᠬᠠᠷᠠᠭᠠᠨᠳᠤ ᠲᠤᠳᠤᠷᠠᠨᠠ᠃ ᠡᠨᠡ ᠵᠡᠭᠡᠯᠢᠶ᠋ᠢᠨ ᠪᠦᠬᠦ᠌ ᠤᠷᠲᠤᠨᠢ 380 ᠮᠧᠲᠷ᠂ ᠠᠩᠬᠠ ᠮᠢᠩ ᠤᠯᠤᠰᠤᠨ ᠸᠠᠨ ᠯᠢᠶ᠋ᠢᠨ ᠦᠶᠡᠳᠤ ᠪᠠᠢᠭᠤᠯᠵᠤ᠂ ᠰᠡᠭᠦᠯᠡᠷᠨᠢ ᠬᠦᠬᠡᠬᠤᠲᠠᠶ᠋ᠢᠨ ᠵᠠᠰᠠᠭᠤᠨ ᠣᠷᠳᠣᠨ ᠬᠤᠶᠠᠷ ᠵᠢᠯᠤᠨ ᠴᠠᠭ ᠵᠠᠷᠤᠴᠠᠭᠤᠯᠵᠤ ᠪᠠᠢᠭᠠᠳ ᠲᠡᠦᠬᠡ ᠰᠣᠶᠣᠯᠤᠨ ᠨᠠᠷᠠᠲᠤ ᠬᠤᠲᠠᠶ᠋ᠢᠨ ᠬᠢᠯᠠᠰ ᠴᠡᠭᠢ ᠬᠠᠷᠠᠭᠤᠯᠤᠭ᠍ᠰᠠᠨ ᠵᠡᠭᠡᠯᠢ ᠭᠤᠳᠤᠮᠵᠢ ᠪᠤᠯᠭᠠᠨ ᠵᠠᠰᠠᠨ ᠱᠢᠨᠡᠳᠭᠡᠪᠡ᠃ ᠡᠨᠡ ᠬᠦ᠌ ᠵᠡᠭᠡᠯᠢᠶ᠋ᠢᠨ ᠪᠦᠬᠦ᠌ ᠪᠠᠷᠢᠯᠭᠠᠶ᠋ᠢᠨ ᠬᠡᠪ ᠨᠠᠮᠪᠠᠨᠢ ᠴᠦᠮ ᠮᠢᠩ ᠴᠢᠩ ᠤᠯᠤᠰᠤᠨ ᠦᠶᠡᠶ᠋ᠢᠨ ᠪᠠᠷᠢᠯᠭᠠᠶ᠋ᠢᠨ ᠤᠨᠴᠠᠯᠢᠭᠢ ᠭᠦᠢᠴᠡᠳ ᠬᠠᠳᠠᠭᠠᠯᠠᠵᠤ᠂ ᠬᠤᠵᠢᠮᠨᠢ ᠬᠦᠮᠦᠰᠲᠤ ᠬᠦᠬᠡᠬᠤᠲᠠᠶ᠋ᠢᠨ ᠬᠠᠭᠤᠴᠢᠨ ᠲᠦᠷᠢ ᠳᠦᠷᠬᠦ᠌ᠶ᠋ᠢ ᠬᠠᠷᠠᠭᠤᠯᠤᠭ᠍ᠰᠠᠨ ᠵᠡᠭᠡᠯᠢ ᠬᠡᠮᠡᠨ ᠨᠡᠷᠡᠢᠳᠦᠭ᠌ᠳᠡᠳᠡᠭ ᠪᠤᠯᠵᠠᠢ᠃ ᠠᠳᠡ ᠬᠠᠭᠤᠴᠢᠨ ᠬᠤᠲᠠᠲᠠᠢ ᠵᠤᠬᠢᠴᠠᠭ᠍ᠰᠠᠨ ᠬᠠᠭᠤᠴᠢᠨᠤ ᠡᠳ᠋ᠯᠡᠯ ᠬᠡᠷᠡᠭ᠌ᠰᠡᠯ᠂ ᠦᠨᠳᠦᠰᠦᠲᠡᠨᠤ ᠵᠠᠩ ᠦᠢᠯᠡᠶ᠋ᠢᠨ ᠪᠦᠲᠦᠬᠡᠭ᠌ᠳᠡᠬᠦᠨ᠂ ᠠᠯᠲᠠ ᠮᠦᠩᠭᠦ᠌ ᠠᠷᠠᠰᠤ ᠱᠢᠷᠢᠶ᠋ᠢᠨ ᠭᠠᠷ ᠤᠷᠠᠯᠠᠯᠤᠨ ᠪᠦᠲᠦᠭᠡᠭ᠌ᠳᠡᠬᠦᠨ ᠵᠢᠴᠢ ᠨᠤᠲᠤᠭᠤᠨ ᠭᠠᠷᠤᠯᠲᠠᠶ᠋ᠢᠨ ᠳᠡᠯᠭᠡᠭᠦᠷᠤᠳ ᠶᠡᠬᠡᠩᠬᠢ ᠲᠤᠭᠠᠶ᠋ᠢ ᠡᠵᠡᠯᠡᠵᠤ᠂ ᠠᠮᠳᠠᠳᠤ ᠬᠤᠭᠤᠯᠠ᠂ ᠤᠯᠠᠮᠵᠢᠯᠠᠯᠳᠤ ᠰᠤᠶᠤᠯ ᠵᠡᠷᠭᠡᠨᠢ ᠴᠤ᠌ ᠬᠤᠯᠠ ᠤᠢ᠍ᠢᠷᠠᠶ᠋ᠢᠨ ᠵᠢᠭᠤᠯᠴᠢᠯᠠᠭ᠍ᠰᠠᠳᠤᠨ ᠠᠩᠬᠠᠷᠤᠯ ᠰᠤᠨᠢᠷᠬᠠᠯᠢ ᠲᠠᠲᠠᠳᠠᠭ ᠴᠢᠬᠤᠯᠠ ᠨᠢᠭᠡᠨ ᠭᠠᠵᠠᠷ ᠪᠤᠯᠵᠠᠢ᠃
ᠦᠪ ᠵᠤᠵᠠᠭᠠᠨ ᠰᠤᠶᠤᠯ ᠲᠡᠦᠭᠡ᠂ ᠡᠳᠡᠭᠡᠳ ᠤᠨᠴᠠᠯᠢᠬ᠍ᠳᠤ ᠪᠠᠷᠢᠯᠭᠠ ᠱᠤᠭᠤᠮᠠᠯ᠂ ᠦᠪᠡᠷᠮᠢᠴᠠ ᠰᠡᠪᠡᠬᠦᠨ ᠵᠡᠭᠡᠯᠢ ᠭᠤᠳᠤᠮᠵᠢ᠂ ᠡᠷᠳᠡᠨ ᠡᠳᠦᠭᠡᠶ᠋ᠢ ᠬᠦᠦᠷᠨᠢᠭ᠌ᠰᠡᠨ ᠠᠭᠤᠳᠠᠮ ᠲᠠᠯᠠᠪᠠᠢᠲᠠᠢᠪᠠᠨ ᠨᠡᠢᠯᠡᠭᠡᠳ ᠬᠦᠬᠡᠬᠤᠲᠠᠶ᠋ᠢᠨ ᠴᠠᠬ᠍ᠯᠠᠰᠢ ᠦᠭᠡᠢ ᠰᠦᠮᠡ ᠤᠯᠤᠰᠤᠨ ᠳᠡᠰᠤᠨ ᠭᠤᠤᠯᠳᠠᠯᠭᠠᠲᠠᠢ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠢᠯᠡᠰᠢ ᠬᠠᠮᠠᠭᠠᠯᠠᠬᠤ ᠨᠢᠭᠡᠴᠢ᠂ ᠤᠯᠤᠰᠤᠨ 4A ᠳᠡᠰᠤᠨ ᠵᠢᠭᠤᠯᠴᠢᠯᠠᠯᠤᠨ ᠦᠵᠡᠮᠵᠢᠶ᠋ᠢᠨ ᠤᠷᠤᠨᠢᠶᠠᠷ ᠲᠤᠭ᠍ᠲᠠᠭᠠᠭ᠍ᠳᠠᠵᠤ᠂ ᠦᠨᠢ ᠤᠯᠠᠨ ᠵᠢᠭᠤᠯᠴᠢᠯᠠᠭ᠍ᠰᠠᠳᠢᠶᠠᠨ ᠤᠭ᠍ᠳᠤᠨ ᠪᠠᠶᠠᠷᠬᠠᠵᠦ᠍᠂ ᠦᠨᠳᠦᠰᠦᠳᠡᠨᠤ ᠪᠦᠯᠬᠦᠮᠳᠡᠯ᠂ ᠤᠷᠤᠨ ᠨᠤᠲᠤᠭᠤᠨ ᠬᠦᠭ᠌ᠵᠢᠯᠳᠡ᠂ ᠤᠮᠠᠷᠠᠳᠤ ᠬᠢᠯᠢᠶ᠋ᠢᠨ ᠲᠤᠭ᠍ᠳᠠᠭᠤᠨ ᠲᠠᠢᠪᠤᠩᠳᠤ ᠬᠦᠴᠦᠨ ᠨᠡᠮᠡᠷᠢᠯᠡᠨ ᠰᠦᠨᠳᠡᠷᠯᠡᠨᠠ᠃
ᠪᠤᠭᠤᠮᠲᠠᠨᠳᠠᠬᠢ ᠬᠠᠭᠤᠴᠢᠨ ᠵᠡᠭᠡᠯᠢ
ᠬᠤᠶᠠᠷ ᠬᠡᠮᠵᠢᠯᠲᠦ ᠺᠤᠳ᠋ᠢ ᠱᠢᠷᠪᠢᠵᠦ᠍ ᠸᠢᠳᠢᠤ᠋ ᠮᠡᠳᠡᠭᠡᠯᠡᠯᠢ ᠰᠤᠨᠢᠷᠬᠠᠭᠠᠷᠠᠢ！