— ᠦᠪᠦᠷ ᠮᠣᠩᠭᠤᠯᠤᠨ ᠲᠡᠤᠬᠡᠨ ᠦᠪ ᠱᠢᠷᠢᠰ ᠮᠡᠳᠡᠭᠡᠯᠡᠯ （ᠬᠤᠶᠠᠷ）
ᠲᠡᠦᠬᠡ ᠰᠣᠶᠣᠯᠤᠨ ᠥᠪ ᠪᠣᠯ ᠳᠠᠬᠢᠨ ᠡᠭᠦᠰᠴᠦ᠍ ᠪᠣᠯᠤᠰᠢ ᠦᠭᠡᠢ᠂ ᠣᠷᠣᠯᠠᠭᠤᠯᠵᠤ ᠪᠣᠯᠤᠰᠢ ᠦᠭᠡᠢ ᠡᠷᠬᠢᠮ ᠨᠠᠨᠳᠢᠨ ᠡᠬᠢ ᠪᠠᠶᠠᠯᠢᠭ ᠮᠥᠨ᠂ ᠬᠠᠮᠠᠭᠠᠯᠠᠬᠤᠶ᠋ᠢ ᠢᠮᠠᠭ᠍ᠲᠠ ᠲᠡᠷᠢᠭᠦᠨ ᠪᠠᠢᠷᠢᠨᠳᠤ ᠲᠠᠯᠪᠢᠬᠤ ᠬᠡᠷᠡᠭ᠌ᠲᠡᠢ᠃ ᠵᠢᠭᠤᠯᠴᠢᠯᠠᠯᠢ ᠬᠥᠭ᠌ᠵᠢᠭᠦᠯᠬᠦ᠌ᠳᠤ ᠬᠠᠮᠠᠭᠠᠯᠠᠬᠤᠪᠠᠷ ᠤᠷᠢᠲᠠᠯ ᠪᠤᠯᠭᠠᠵᠤ᠂ ᠬᠡᠲᠦᠷᠬᠡᠢ ᠬᠤᠳᠠᠯᠳᠤᠭᠠᠴᠢᠯᠠᠵᠤ ᠪᠣᠯᠬᠤ ᠦᠭᠡᠢ᠂ ᠵᠢᠭᠤᠯᠴᠢᠯᠠᠯᠤᠨ ᠦᠢᠯᠡᠰᠢ ᠬᠥᠮᠦᠰᠤᠨ ᠳᠤᠮᠳᠠᠳᠤᠶ᠋ᠢᠨ ᠰᠣᠶᠣᠯᠢ ᠣᠢᠯᠠᠭᠠᠬᠤ᠂ ᠰᠣᠶᠣᠯᠤᠨ ᠢᠲᠡᠭᠡᠯᠢᠶᠠᠨ ᠨᠡᠮᠡᠭ᠌ᠳᠡᠭᠦᠯᠬᠦ᠌ ᠶᠠᠪᠤᠴᠠ ᠪᠣᠯᠭᠠᠬᠤ ᠬᠡᠷᠡᠭ᠌ᠲᠡᠢ᠃
— ᠶᠡᠷᠦᠩᠬᠡᠢ ᠱᠦᠵᠢ ᠰᠢᠶ᠋ᠢᠨ ᠫᠢᠩᠤᠨ ᠴᠢᠬᠤᠯᠠ ᠶᠠᠷᠢᠶᠠᠠᠴᠠ
ᠰᠤᠩᠭᠤᠳᠠᠭ ᠡᠷᠳᠡᠨᠤ ᠪᠠᠷᠢᠯᠭᠠᠶ᠋ᠢᠨ ᠤᠷᠠᠯᠢᠬ
ᠬᠦᠬᠡᠬᠤᠳᠠᠶ᠋ᠢᠨ ᠹᠧᠩᠵᠸᠦᠶ᠋ᠢᠨ ᠴᠠᠭᠠᠨ ᠰᠤᠪᠤᠷᠭᠠᠶ᠋ᠢ ᠲᠦᠮᠡᠨ ᠪᠤᠳᠢ ᠴᠡᠴᠡᠭᠤᠨ ᠴᠢᠮᠡᠭ᠌ᠳᠤ ᠰᠤᠳᠤᠷᠤᠨ ᠰᠤᠪᠤᠷᠭᠠ ᠭᠡᠳᠡᠭ᠂ ᠯᠢᠶᠣᠤ ᠤᠯᠤᠰᠤᠨ ᠦᠶᠡᠶ᠋ᠢᠨ ᠬᠤᠸᠠ ᠶᠠᠨ ᠽᠦᠡᠭᠤᠨ ᠪᠤᠷᠬᠠᠨᠤ ᠰᠦᠮᠡᠶ᠋ᠢᠨ ᠨᠢᠭᠡᠨ ᠲᠥᠪᠡᠳ ᠨᠣᠮᠤᠨ ᠰᠤᠪᠤᠷᠭᠠ ᠪᠣᠯᠤᠨᠠ᠃ ᠬᠦᠬᠡᠬᠤᠳᠠᠶ᠋ᠢᠨ ᠴᠠᠭᠠᠨ ᠰᠤᠪᠤᠷᠭᠠ ᠤᠯᠠᠨ ᠤᠯᠤᠰᠤᠨ ᠨᠢᠰᠭᠡᠯᠤᠨ ᠪᠠᠭᠤᠳᠠᠯᠠᠴᠠ ᠵᠡᠭᠦᠨ ᠡᠮᠦᠨᠡᠰᠢ 6 ᠺᠢᠯᠣᠮᠧᠲᠷ ᠣᠷᠴᠢᠮ ᠪᠠᠢᠷᠢᠯᠠᠵᠤ᠂ 1000 ᠵᠢᠯᠤᠨ ᠤᠯᠠᠷᠢᠯ ᠬᠤᠪᠢᠰᠤᠯᠢ ᠥᠩᠭᠡᠷᠡᠭᠡᠵᠦ᠍᠂ ᠲᠠᠯᠠ ᠨᠤᠲᠤᠭᠤᠨ ᠲᠣᠷᠭᠠᠨ ᠵᠠᠮᠤᠨ ᠬᠥᠭ᠌ᠵᠢᠯᠲᠡ ᠪᠠ ᠬᠤᠳᠠᠶ᠋ᠢᠨ ᠬᠤᠪᠢᠷᠠᠯᠲᠠᠶ᠋ᠢ ᠬᠡᠷᠡᠴᠢᠯᠡᠭ᠌ᠰᠡᠭᠡᠷ ᠢᠷᠡᠵᠠᠢ᠃
ᠵᠠᠷᠢᠮ ᠨᠤᠮᠳᠤ 《ᠲᠦᠮᠡᠨ ᠪᠤᠳᠢ ᠤᠯᠠᠩᠭᠢ ᠪᠤᠷᠬᠠᠨ ᠨᠤᠮᠳᠤ ᠰᠤᠪᠤᠷᠭᠠ》 ᠬᠡᠵᠤ ᠪᠤᠢ᠃ ᠰᠤᠪᠤᠷᠭᠠᠳᠤ ᠪᠤᠷᠬᠠᠨᠤ ᠱᠠᠱᠢᠨᠤ ᠨᠤᠮ ᠰᠤᠳᠤᠷ ᠪᠤᠯᠬᠤ 《ᠴᠡᠴᠡᠭᠤᠨ ᠴᠢᠮᠡᠭ᠌ᠳᠤ ᠰᠤᠳᠤᠷ》 ᠢ ᠲᠦᠮᠡ ᠭᠠᠷᠤᠢ ᠪᠤᠳᠢ ᠬᠠᠳᠠᠭᠠᠯᠠᠵᠤ ᠪᠠᠢᠬ᠍ᠰᠠᠨ ᠪᠤᠯᠬᠤᠷ ᠲᠡᠬᠦᠨᠢ 《ᠲᠦᠮᠡᠨ ᠪᠤᠳᠢ ᠴᠡᠴᠡᠭᠤᠨ ᠴᠢᠮᠡᠭ᠌ᠳᠤ ᠰᠤᠳᠤᠷᠤᠨ ᠰᠤᠪᠤᠷᠭᠠ》 ᠬᠡᠮᠡᠨ ᠨᠡᠷᠡᠯᠡᠵᠠᠢ᠃
ᠰᠤᠪᠤᠷᠭᠠᠶ᠋ᠢᠨ ᠭᠠᠳᠠᠷᠭᠤᠳᠤ ᠴᠠᠷᠳᠠ ᠱᠢᠷᠣᠶ ᠲᠦᠷᠬᠢᠵᠦ᠍᠂ ᠥᠪᠴᠢ ᠪᠡᠶᠡᠨᠢ ᠴᠠᠪ ᠴᠠᠭᠠᠨ ᠪᠣᠯᠬᠤᠷ ᠶᠡᠷᠦᠳᠡᠭᠡᠨ ᠬᠦᠮᠤᠰ ᠴᠠᠭᠠᠨ ᠰᠤᠪᠤᠷᠭᠠ ᠭᠡᠳᠡᠭ᠃ ᠰᠤᠪᠤᠷᠭᠠᠶ᠋ᠢᠨ ᠥᠨᠳᠥᠷᠨᠢ 55.6 ᠮᠧᠲᠷ᠂ ᠨᠠᠢ᠍ᠮᠠᠨ ᠦᠨᠴᠦᠭ᠌ᠳᠤ ᠳᠣᠯᠣᠭᠠᠨ ᠳᠠᠪᠬᠤᠷᠭᠠᠶ᠋ᠢᠨ ᠮᠤᠳᠤ ᠲᠣᠭᠤᠰᠭᠠᠨ ᠪᠦᠳᠤᠴᠡᠲᠠᠢ᠂ ᠰᠠᠭᠤᠷᠢᠨᠢ ᠯᠢᠩᠬ᠍ᠸᠠᠶ᠋ᠢᠨ ᠳᠡᠯᠪᠢᠶ᠋ᠢᠨ ᠬᠡᠯᠪᠡᠷᠢᠲᠠᠢ᠂ ᠲᠡᠭ᠌ᠰᠢ ᠰᠠᠭᠤᠳᠠᠯᠳᠤ ᠬᠡᠷᠡᠰᠭᠡ ᠪᠠ ᠨᠢᠷᠤᠭᠤᠪᠠᠷ ᠪᠦᠰᠡᠯᠡᠵᠤ᠂ ᠯᠢᠶᠣᠤ ᠤᠯᠤᠰᠤᠨ ᠦᠶᠡᠶ᠋ᠢᠨ ᠪᠤᠷᠬᠠᠨᠤ ᠰᠤᠪᠤᠷᠭᠠᠶ᠋ᠢᠨ ᠨᠡᠢᠲᠡᠯᠢᠭ ᠣᠨᠴᠠᠯᠢᠭᠢ ᠪᠦᠷᠢᠯᠳᠤᠬᠦᠯᠵᠠᠢ᠃ ᠰᠤᠪᠤᠷᠭᠠᠶ᠋ᠢᠨ ᠨᠢᠭᠡᠳᠦᠭᠡᠷ᠂ ᠬᠤᠶᠠᠳᠤᠭᠠᠷ ᠳᠠᠪᠬᠤᠷᠭᠠᠶ᠋ᠢᠨ ᠭᠠᠳᠠᠷ ᠬᠠᠨᠠᠳᠤᠨᠢ ᠸᠠᠭᠠᠷᠢᠶᠠᠷ ᠰᠡᠢᠯᠦᠭ᠌ᠰᠡᠨ ᠪᠤᠷᠬᠠᠨ᠂ ᠪᠣᠳᠢᠰᠠᠳ᠋ᠸᠠ᠂ ᠮᠠᠬᠠᠷᠠᠨᠽᠠ᠂ ᠠᠪᠤᠷᠭᠤ ᠬᠦᠴᠦᠲᠡᠨᠤ ᠬᠥᠷᠥᠭᠢ ᠱᠢᠭᠢᠳᠭᠡᠵᠦ᠍᠂ ᠳᠦᠷᠰᠦ ᠪᠦᠲᠦᠭᠡᠯᠲᠡᠨᠢ ᠠᠮᠢᠳᠤᠯᠢᠭ ᠰᠠᠢᠬᠠᠨ᠂ ᠵᠢᠷᠤᠭᠠᠰᠤᠨᠢ ᠤᠷᠤᠰᠤᠮᠠ ᠱᠢᠯᠤᠭᠤᠨ᠂ ᠤᠷᠠᠯᠢᠭᠤᠨ ᠦᠨᠡ ᠦᠷᠳᠡᠭᠨᠢ ᠮᠠᠰᠢ ᠥᠨᠳᠥᠷ ᠶᠤᠮ᠃ ᠨᠢᠭᠡᠳᠦᠭᠡᠷ ᠳᠠᠪᠬᠤᠷᠭᠠᠶ᠋ᠢᠨ ᠡᠮᠦᠨᠡ ᠲᠠᠯᠠᠳᠤ ᠰᠤᠪᠤᠷᠭᠠᠳᠤ ᠤᠷᠤᠬᠤ ᠡᠭᠦᠳᠡᠲᠠᠢ᠂ ᠡᠬᠦᠳᠡᠨ ᠲᠡᠭᠡᠷᠠᠨᠢ 《ᠲᠦᠮᠡᠨ ᠪᠤᠳᠢ ᠴᠡᠴᠡᠭᠤᠨ ᠴᠢᠮᠡᠭ᠌ᠳᠤ ᠰᠤᠳᠤᠷᠤᠨ ᠰᠤᠪᠤᠷᠭᠠ》 ᠭᠡᠬᠦ᠌ ᠴᠢᠯᠠᠭᠤᠨ ᠢᠯᠡᠷᠭᠡᠢᠯᠡᠯᠲᠠᠢ᠃
ᠤᠳᠤᠬᠠᠨᠳᠤ ᠮᠠᠨᠤ ᠤᠯᠤᠰᠤᠨ ᠤᠮᠠᠷᠠᠲᠤ ᠣᠷᠣᠨᠳᠤ 100 ᠭᠠᠷᠤᠢ ᠯᠢᠶᠣᠤ ᠤᠯᠤᠰᠤᠨ ᠦᠶᠡᠶ᠋ᠢᠨ ᠪᠤᠷᠬᠠᠨᠤ ᠰᠤᠪᠤᠷᠭᠠ ᠦᠯᠡᠳᠡᠵᠤ ᠪᠤᠶ᠃ ᠡᠬᠦᠨᠤ ᠲᠤᠳᠤᠷᠠ ᠲᠦᠮᠡᠨ ᠪᠤᠳᠢ ᠴᠡᠴᠡᠭᠤᠨ ᠴᠢᠮᠡᠭ᠌ᠳᠤ ᠰᠤᠳᠤᠷᠤᠨ ᠰᠤᠪᠤᠷᠭᠠ ᠪᠣᠯ ᠤᠳᠤᠬᠠᠨ ᠪᠤᠯᠳᠠᠯᠠ ᠦᠯᠡᠳᠡᠭ᠌ᠳᠡᠵᠦ᠍ ᠪᠠᠢᠭᠠ ᠬᠠᠮᠤᠭᠤᠨ ᠪᠦᠷᠢᠨ ᠪᠦᠲᠦᠨ ᠯᠢᠶᠣᠤ ᠤᠯᠤᠰᠤᠨ ᠦᠶᠡᠶ᠋ᠢᠨ ᠲᠥᠪᠡᠳ ᠰᠤᠳᠤᠷᠤᠨ ᠰᠤᠪᠤᠷᠭᠠ ᠪᠣᠯᠤᠨᠠ᠃ ᠲᠤᠰ ᠰᠤᠪᠤᠷᠭᠠ ᠡᠷᠲᠡᠨᠤ ᠪᠠᠷᠢᠯᠭᠠᠶ᠋ᠢᠨ ᠬᠡᠲᠦᠢᠳᠦᠭ᠌ᠰᠡᠨ ᠤᠷᠠ ᠮᠡᠷᠭᠡᠵᠢᠯᠢ ᠭᠠᠢᠬᠠᠭᠤᠯᠵᠤ ᠪᠠᠢᠬᠤᠪᠠᠷ ᠪᠠᠷᠠᠬᠤ ᠦᠬᠡᠢ ᠲᠦᠢᠯᠤᠨ ᠶᠡᠭᠡ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠤ ᠰᠤᠳᠤᠯᠭᠠᠨᠤ ᠦᠨᠡ ᠥᠷᠲᠡᠭᠲᠠᠢ ᠶᠤᠮ᠃
ᠲᠤᠷᠭᠠᠨ ᠵᠠᠮᠤᠨ ᠪᠠᠯᠴᠢᠷ
ᠹᠸᠡᠭ᠌ᠵᠸᠤ ᠬᠤᠲᠠᠶ᠋ᠢ ᠯᠢᠶᠣᠤ ᠤᠯᠤᠰᠤᠨ ᠱᠧᠨ ᠴᠧᠩᠤᠨ ᠲᠠᠪᠤᠳᠤᠭᠠᠷ ᠤᠨ （920 ᠤᠨ） ᠳᠤ ᠡᠬᠢᠯᠡᠨ ᠪᠠᠢᠭᠤᠯᠵᠤ᠂ ᠯᠢᠶᠣᠤ ᠤᠯᠤᠰᠤᠨ ᠲᠢᠶᠠᠨ ᠳ᠋ᠧ ᠵᠢᠶᠦ᠋ᠨ ᠴᠡᠷᠢᠭᠤᠨ ᠰᠠᠭᠤᠭᠠ ᠭᠠᠵᠠᠷ ᠪᠣᠯᠭᠠᠨ᠂ ᠴᠢᠬᠤᠯᠠ ᠵᠠᠮ ᠬᠠᠷᠢᠯᠴᠠᠭᠠ ᠪᠠ ᠴᠡᠷᠢᠭᠤᠨ ᠶᠠᠪᠤᠳᠠᠯᠤᠨ ᠪᠠᠢᠷᠢ ᠰᠠᠭᠤᠷᠢᠲᠠᠢ ᠪᠠᠢᠪᠠ᠃ ᠯᠢᠶᠣᠤ ᠤᠯᠤᠰᠤᠨ ᠦᠶᠡᠳᠤ ᠠᠳᠡ ᠵᠧᠦ ᠱᠢᠶᠠᠨ ᠪᠣᠯᠤᠨ ᠴᠡᠷᠢᠭᠤᠨ ᠶᠠᠪᠤᠳᠠᠯᠤᠨ ᠰᠠᠬᠢᠨ ᠬᠠᠮᠠᠭᠠᠯᠠᠬᠤ ᠪᠠᠢᠭᠤᠯᠤᠮᠵᠢ ᠭᠠᠷᠭᠠᠵᠤ᠂ ᠬᠢᠯᠢ ᠬᠢᠵᠠᠭᠠᠷᠤᠨ ᠠᠮᠤᠷ ᠲᠣᠭ᠍ᠲᠠᠭᠤᠨᠢ ᠪᠠᠲᠤᠯᠠᠭ᠍ᠰᠠᠨ ᠪᠥᠭᠡᠳ ᠲᠠᠯᠠ ᠨᠤᠲᠤᠭᠤᠨ ᠲᠣᠷᠭᠠᠨ ᠵᠠᠮᠤᠨ ᠰᠠᠭᠠᠳ ᠦᠭᠡᠢ ᠨᠡᠪᠲᠡᠷᠡᠬᠦ᠌ᠶ᠋ᠢ ᠪᠠᠲᠤᠯᠠᠨ᠂ ᠠᠵᠤ ᠠᠬᠤᠢ ᠰᠣᠶᠣᠯᠤᠨ ᠰᠣᠯᠢᠯᠴᠠᠭᠠ ᠪᠣᠯᠤᠨ ᠤᠯᠠᠨ ᠦᠨᠳᠦᠰᠦᠲᠡᠨᠤ ᠠᠭᠤᠰᠤᠯᠴᠠᠯᠢ ᠠᠬᠢᠭᠤᠯᠵᠦ᠍᠂ ᠯᠢᠶᠣᠤ ᠤᠯᠤᠰ᠂ ᠠᠯᠳᠠᠨ ᠤᠯᠤᠰ᠂ ᠶᠤᠸᠠᠨ ᠤᠯᠤᠰ ᠭᠤᠷᠪᠠᠨ ᠤᠯᠤᠰᠤᠨ ᠦᠶᠡᠳᠤ ᠦᠷᠭᠦᠯᠵᠢᠯᠡᠨ ᠬᠡᠷᠡᠭ᠌ᠯᠡᠭ᠌ᠳᠡᠵᠦ᠍᠂ 450 ᠵᠢᠯ ᠦᠷᠭᠦᠯᠵᠢᠯᠡᠭ᠌ᠰᠡᠨ ᠪᠠᠢᠨᠠ᠃ ᠹᠸᠡᠭ᠌ᠵᠸᠤ ᠬᠤᠳᠠ ᠴᠡᠷᠢᠭ ᠲᠠᠢᠨᠤ ᠡᠪᠳᠡᠯᠡᠭᠡᠳᠤ ᠰᠦᠨᠦᠭ᠌ᠰᠡᠨ ᠴᠤ᠌ ᠬᠤᠳᠠᠶ᠋ᠢᠨ ᠪᠠᠷᠠᠭᠤᠨ ᠬᠤᠢᠳᠤ ᠦᠨᠴᠦᠭᠲᠤ ᠪᠠᠢᠷᠢᠯᠠᠭᠠ ᠴᠠᠭᠠᠨ ᠰᠤᠪᠤᠷᠭᠠ ᠲᠡᠷᠡ ᠬᠡᠪᠢᠶᠠᠷᠢᠶᠠᠨ ᠰᠡᠬᠦ᠋ᠢᠨ ᠦᠯᠡᠳᠡᠵᠠᠢ᠃
ᠡᠷᠳᠡᠨᠤ ᠪᠢᠴᠢᠭᠡᠰᠤ ᠲᠡᠮᠳᠡᠭ᠌ᠯᠡᠯ
ᠴᠠᠭᠠᠨ ᠰᠤᠪᠤᠷᠭᠠᠨᠢ ᠯᠢᠶᠤᠤ ᠱᠸᠡᠭ᠌ᠽᠦ᠋ᠡᠭ ᠬᠠᠭᠠᠨᠤ ᠦᠶᠠ （983 — 1031 ᠤᠨ） ᠳᠤ ᠪᠠᠢᠭᠤᠯᠤᠬ᠍ᠳᠠᠵᠠᠢ᠃ ᠯᠢᠶᠤᠤ ᠤᠯᠤᠰ ᠠᠯᠳᠠᠨ ᠤᠯᠤᠰᠤᠨ ᠦᠶᠠᠶ᠋ᠢᠨ ᠹᠸᠡᠭ᠌ᠵᠸᠤ ᠬᠤᠳᠠ ᠪᠤᠯ ᠬᠢᠯᠢ ᠬᠢᠵᠠᠭᠠᠷ ᠤᠷᠤᠨᠤ ᠴᠡᠷᠢᠭᠤᠨ ᠶᠠᠪᠤᠳᠠᠯᠤᠨ ᠴᠢᠬᠤᠯᠠ ᠪᠠᠯᠭᠠᠰᠤ ᠪᠠᠢᠬ᠍ᠰᠠᠨ ᠲᠤᠯᠡ ᠰᠤᠪᠤᠷᠭᠠᠨ ᠲᠡᠭᠡᠷᠠ ᠤᠴᠢᠵᠤ ᠪᠠᠷᠠᠳᠠᠨ ᠵᠢᠭᠤᠯᠴᠢᠯᠠᠬᠤ ᠬᠦᠮᠤᠨ ᠴᠦᠭᠡᠨ ᠪᠠᠢᠯᠠ᠃ ᠬᠠᠷᠢᠨ ᠶᠤᠸᠠᠨ ᠤᠯᠤᠰᠤᠨ ᠦᠶᠠᠶ᠋ᠢᠨ ᠹᠸᠡᠭ᠌ᠵᠸᠤ ᠬᠤᠳᠠ ᠪᠤᠯ ᠡᠮᠤᠨᠠᠳᠤ ᠤᠮᠠᠷᠠᠳᠤ ᠪᠠ ᠵᠠᠬᠦᠨ ᠪᠠᠷᠠᠭᠤᠨ ᠤᠷᠤᠨᠤ ᠵᠠᠮ ᠬᠠᠷᠢᠯᠴᠠᠭᠠᠨᠤ ᠠᠭᠤᠯᠵᠠᠷ ᠴᠡᠭ ᠪᠤᠯᠬᠤᠷ ᠡᠯᠠ ᠦᠨᠳᠤᠰᠤᠳᠡᠨ ᠡᠯᠠ ᠲᠠᠪᠬᠤᠷᠭᠠᠶ᠋ᠢᠨ ᠬᠦᠮᠤᠰ ᠹᠧᠩᠵᠸᠦ ᠬᠤᠳᠠᠪᠠᠷ ᠦᠩᠭᠡᠷᠡᠬᠦ᠌ᠳᠡᠭᠡᠨ ᠰᠤᠪᠤᠷᠭᠠ ᠲᠡᠭᠡᠷᠠ ᠤᠴᠢᠵᠤ ᠪᠠᠷᠠᠳᠠᠨ ᠵᠤᠯᠭᠠᠬᠤ ᠪᠠ ᠲᠤᠭᠤᠷᠢᠨ ᠵᠢᠭᠤᠯᠴᠢᠯᠠᠳᠠᠭ᠃ ᠲᠡᠳᠡ ᠰᠤᠪᠤᠷᠭᠠᠶ᠋ᠢᠨ ᠲᠤᠳᠤᠷᠠ ᠬᠠᠨᠠᠳᠤ ᠮᠠᠰᠢ ᠤᠯᠠᠨ ᠦᠨᠠ ᠦᠷᠳᠡᠭᠲᠠᠢ ᠪᠢᠴᠢᠭᠡᠰᠤ ᠲᠡᠮᠳᠡᠭ᠌ᠯᠡᠯ ᠦᠯᠡᠳᠡᠭᠡᠵᠤ᠂ ᠡᠳᠡᠭᠡᠷ ᠪᠢᠴᠢᠭᠡᠰᠤᠨᠢ ᠬᠤᠵᠢᠮᠤᠨ ᠬᠦᠮᠤᠰᠤᠨ ᠰᠤᠳᠤᠯᠭᠠᠨ ᠦᠷᠨᠢᠬᠦᠯᠬᠦ᠌ᠳᠤ ᠮᠠᠰᠢ ᠶᠡᠭᠡ ᠦᠢᠯᠡᠳᠦᠯ ᠦᠵᠡᠬᠦᠯᠵᠡᠢ᠃
ᠡᠳᠡᠭᠡᠷ ᠪᠢᠴᠢᠭᠡᠰᠤ ᠲᠡᠮᠳᠡᠭ᠌ᠯᠡᠯᠨᠢ ᠠᠯᠲᠠᠨ ᠤᠯᠤᠰᠤᠨ ᠦᠶᠡᠠᠴᠠ ᠢᠷᠭᠡᠨ ᠤᠯᠤᠰᠤᠨ ᠦᠶᠡ ᠬᠦᠷᠲᠡᠯᠡ ᠦᠷᠭᠦᠯᠵᠢᠯᠡᠵᠦ᠍᠂ ᠬᠠᠮᠤᠭᠤᠨ ᠡᠷᠲᠡᠨᠤ ᠲᠡᠮᠳᠡᠭ᠌ᠯᠡᠯᠨᠢ 《ᠳ᠋ᠠ ᠳ᠋ᠢᠩᠤᠨ ᠬᠤᠶᠠᠳᠤᠭᠠᠷ ᠣᠨ》 ᠭᠡᠰᠡᠨ ᠦᠰᠦᠭᠲᠠᠢ᠃ ᠬᠢᠳᠠᠨ ᠦᠰᠦᠭ᠂ ᠵᠦᠷᠴᠢᠨ ᠦᠰᠦᠭ᠂ ᠮᠣᠩᠭᠤᠯ ᠦᠰᠦᠭ᠂ ᠫᠠᠭ᠍ᠪᠠ ᠦᠰᠦᠭᠢᠶᠠᠷ ᠬᠢᠲᠠᠳ ᠦᠰᠦᠭᠢ ᠠᠪᠢᠶᠠᠴᠢᠯᠠᠨ ᠪᠢᠴᠢᠭ᠌ᠰᠡᠨ ᠪᠤᠶᠤ ᠫᠠᠭ᠍ᠪᠠ ᠦᠰᠦᠭ ᠪᠠ ᠬᠢᠲᠠᠳ ᠦᠰᠦᠭᠢ ᠬᠠᠷᠢᠴᠠᠭᠤᠯᠤᠨ ᠪᠢᠴᠢᠭ᠌ᠰᠡᠨ᠂ ᠴᠢᠨᠠᠭ᠍ᠰᠢᠯᠠᠨ ᠡᠷᠲᠡᠨᠤ ᠱᠢᠷᠢᠶᠠ ᠦᠰᠦᠭ᠂ ᠡᠷᠲᠡᠨᠤ ᠫᠧᠷᠰ ᠦᠰᠦᠭ ᠵᠡᠷᠭᠡ ᠪᠠᠢᠵᠤ᠂ ᠹᠧᠩᠵᠸᠤ ᠣᠷᠣᠨᠤ ᠣᠯᠠᠨ ᠦᠨᠳᠦᠰᠦᠲᠡᠨᠤ ᠰᠣᠶᠣᠯᠤᠨ ᠰᠣᠯᠢᠯᠴᠠᠭᠠ ᠠᠭᠤᠰᠤᠯᠴᠠᠯᠤᠨ ᠭᠡᠷᠡᠴᠢ ᠪᠤᠯᠤᠭ᠍ᠰᠠᠨ ᠪᠠᠢᠨᠠ᠃
ᠶᠤᠸᠠᠨ ᠤᠯᠤᠰᠤᠨ ᠡᠬᠢᠨᠤ ᠦᠶᠡᠳᠤ ᠨᠡᠷᠡᠲᠦ ᠲᠦᠱᠢᠮᠡᠯ ᠯᠢᠦ ᠪᠢᠩ ᠵᠥᠩ ᠹᠸᠡᠭ᠌ᠵᠸᠤᠪᠠᠷ ᠦᠩᠬᠡᠷᠡᠬᠦ᠌ᠳᠡᠭᠡᠨ 《ᠹᠸᠡᠭ᠌ᠵᠸᠤᠪᠠᠷ ᠥᠩᠭᠡᠷᠡᠭ᠌ᠰᠡᠡ ᠬᠤᠶᠠᠷ ᠪᠠᠳᠠᠭ》 ᠬᠡᠮᠡᠬᠦ᠌ ᠱᠢᠯᠦᠭ ᠪᠢᠴᠢᠵᠠᠢ᠃ ᠡᠨᠡ ᠱᠢᠯᠦᠭᠲᠤ ᠬᠠᠮᠤᠭᠤᠨ ᠲᠦᠷᠦᠭᠦᠨᠳᠤ ᠹᠸᠡᠭ᠌ᠵᠸᠤᠶ᠋ᠢᠨ ᠱᠢᠨᠵᠢ ᠲᠡᠮᠳᠡᠭ ᠪᠤᠯᠬᠤ 《ᠰᠦᠮᠡᠶ᠋ᠢᠨ ᠳᠤᠮᠳᠠᠬᠢ ᠰᠤᠪᠤᠷᠭᠠ》 ᠶ᠋ᠢ ᠳᠤᠷᠠᠳᠤᠭ᠍ᠰᠠᠨ ᠪᠠᠢᠨᠠ᠃
ᠶᠤᠸᠠᠨ ᠤᠯᠤᠰᠤᠨ ᠦᠶᠡᠳᠤ ᠲᠠᠯᠠ ᠨᠤᠲᠤᠭᠤᠨ ᠲᠣᠷᠭᠠᠨ ᠵᠠᠮ ᠨᠡᠩ ᠴᠡᠴᠡᠭ᠌ᠯᠡᠨ ᠬᠥᠭ᠌ᠵᠢᠵᠦ᠍᠂ ᠤᠯᠠᠩᠬᠢ ᠠᠷᠠᠯᠵᠢᠶᠠᠴᠢᠨ ᠲᠠᠯᠠ ᠨᠤᠲᠤᠭᠢ ᠲᠤᠭᠤᠯᠤᠨ ᠧᠦ᠋ᠷᠣᠫᠠ ᠠᠽᠢᠶᠠᠳᠤ ᠬᠦᠷᠴᠦ᠍ ᠢᠷᠡᠵᠠᠢ᠃ ᠧᠦ᠋ᠷᠣᠫᠠᠶ᠋ᠢᠨ ᠵᠢᠭᠤᠯᠴᠢᠨ ᠮᠠᠷᠺᠤ ᠫᠣᠯᠣ ᠡᠨᠡ ᠵᠠᠮᠢᠶᠠᠷ ᠳᠤᠮᠳᠠᠳᠤ ᠤᠯᠤᠰᠲᠤ ᠢᠷᠡᠵᠦ᠍᠂ ᠹᠧᠩᠵᠸᠦ ᠪᠣᠯᠤᠨ ᠲᠡᠭᠦᠨᠤ ᠤᠢ᠍ᠢᠷᠠ ᠬᠠᠪᠢᠪᠠᠷ ᠪᠠᠭᠤᠳᠠᠯᠯᠠᠨ᠂ ᠹᠧᠩᠵᠸᠦᠠᠴᠠ ᠵᠡᠭᠦᠨᠰᠢ ᠶᠤᠸᠠᠨᠤ ᠳᠡᠭᠡᠳᠦ ᠨᠡᠢᠰᠯᠡᠯᠳᠤ ᠬᠦᠷᠴᠡᠶ᠃ 《ᠮᠠᠷᠺᠤ ᠫᠣᠯᠣᠶ᠋ᠢᠨ ᠠᠶᠠᠯᠠᠯᠤᠨ ᠲᠡᠮᠳᠡᠭ᠌ᠯᠡᠯ》 ᠳᠤ ᠹᠧᠩᠵᠸᠦᠶ᠋ᠢ 《ᠲᠢᠶᠠᠨ ᠳ᠋ᠧ ᠵᠧᠤ》 ᠭᠡᠮᠡᠨ ᠲᠡᠮᠳᠡᠭ᠌ᠯᠡᠵᠦ᠍ ᠪᠠᠢᠪᠠ᠃
ᠠᠯᠳᠠᠨ ᠤᠯᠤᠰᠤᠨ ᠴᠢᠯᠠᠭᠤᠨ ᠬᠦᠱᠢᠶᠠ
ᠴᠠᠭᠠᠨ ᠰᠤᠪᠤᠷᠭᠠᠶ᠋ᠢ ᠠᠯᠲᠠᠨ ᠤᠯᠤᠰᠤᠨ ᠦᠶᠡᠳᠤ ᠳᠠᠬᠢᠨ ᠵᠠᠰᠠᠵᠤ ᠥᠩᠭᠡᠷᠡᠭ᠌ᠰᠡᠨ ᠶᠤᠮ᠃ ᠳᠠᠬᠢᠨ ᠵᠠᠰᠠᠭ᠍ᠰᠠᠨ ᠴᠠᠭᠢ ᠰᠤᠪᠤᠷᠭᠠᠨ ᠳᠣᠲᠣᠷᠠᠬᠢ ᠵᠢᠭᠤᠯᠴᠢᠯᠠᠬ᠍ᠰᠠᠳᠤᠨ ᠲᠡᠮᠳᠡᠭ᠌ᠯᠡᠯᠠᠴᠠ ᠦᠵᠡᠪᠡᠯ᠂ ᠠᠯᠲᠠᠨ ᠤᠯᠤᠰᠤᠨ ᠱ᠌ᠢᠽᠦᠡᠭ ᠬᠠᠭᠠᠨᠤ ᠳ᠋ᠠ ᠳ᠋ᠢᠩᠤᠨ ᠬᠤᠶᠠᠳᠤᠭᠠᠷ ᠤᠨ （1162 ᠤᠨ） ᠠᠴᠠ ᠡᠮᠦᠨᠡ ᠪᠤᠯᠤᠨᠠ᠃ ᠴᠠᠭᠠᠨ ᠰᠤᠪᠤᠷᠭᠠᠶ᠋ᠢᠨ ᠳᠣᠲᠣᠷᠠᠬᠢ ᠨᠢᠭᠡᠳᠦᠭᠡᠷ ᠳᠠᠪᠬᠤᠷᠭᠠᠶ᠋ᠢᠨ ᠳᠥᠷᠪᠡᠨ ᠲᠠᠯᠠᠶ᠋ᠢᠨ ᠬᠡᠷᠡᠮ ᠳᠡᠭᠡᠷᠡ ᠤᠤᠯᠨᠢ ᠠᠷᠪᠠᠨ ᠨᠢᠭᠡᠨ ᠴᠢᠯᠠᠭᠤᠨ ᠬᠥᠱᠢᠶᠡ ᠱᠢᠭᠢᠳᠭᠡᠵᠦ᠍ ᠪᠠᠢᠵᠠᠶ᠂ ᠴᠢᠯᠥᠭᠡᠯᠡᠭ᠌ᠳᠡᠬᠦ᠌ᠠᠴᠠ ᠡᠮᠦᠨᠡ ᠲᠠᠪᠤᠨ ᠬᠡᠰᠡᠭᠨᠢ ᠬᠤᠯᠠᠭᠠᠢᠯᠠᠭ᠍ᠳᠠᠵᠤ᠂ ᠣᠳᠣ ᠵᠢᠷᠭᠤᠭᠠᠬᠠᠨ ᠬᠡᠰᠡᠭ ᠦᠯᠡᠳᠡᠵᠤ ᠪᠤᠢ᠃ ᠴᠢᠯᠠᠭᠤᠨ ᠬᠦᠱᠢᠶᠠ ᠲᠡᠭᠡᠷᠡᠬᠢ ᠦᠰᠦᠭᠤᠳᠨᠢ ᠪᠦᠷᠢᠨ ᠪᠦᠲᠦᠨ ᠪᠠᠢᠭ᠍ᠰᠠᠭᠠᠷ ᠲᠤᠯᠡ ᠪᠢᠳᠡ ᠲᠤᠬᠠᠶᠶ᠋ᠢᠨ ᠦᠶᠡᠶ᠋ᠢᠨ ᠬᠥᠮᠦᠰᠤᠨ ᠠᠮᠢᠳᠤᠷᠠᠯ ᠪᠣᠯᠤᠨ ᠬᠤᠲᠠᠶ᠋ᠢᠨ ᠪᠦᠳᠦᠭᠦᠪᠴᠢ ᠪᠠᠢᠳᠠᠯᠢ ᠣᠢᠯᠠᠭᠠᠵᠤ ᠪᠣᠯᠤᠨᠠ᠃
ᠣᠲᠣᠶ᠋ᠢᠨ ᠦᠯᠡᠳᠡᠵᠤ ᠪᠠᠢᠭᠠ ᠵᠢᠷᠭᠤᠭᠠᠨ ᠴᠢᠯᠠᠭᠤᠨ ᠬᠥᠱᠢᠶᠡᠨᠤ ᠥᠰᠥᠭᠲᠤ ᠪᠣᠳᠠᠲᠠᠶ ᠤᠨ ᠵᠢᠯ ᠭᠡᠵᠦ᠍ ᠪᠠᠢᠬᠤ ᠥᠬᠡᠶ᠂ ᠪᠣᠳᠠᠲᠠᠶ ᠤᠨ ᠵᠢᠯᠨᠢ ᠪᠠᠷᠤᠭ ᠬᠤᠯᠠᠭᠠᠢᠯᠠᠭ᠍ᠳᠠᠭ᠍ᠰᠠᠨ ᠴᠢᠯᠠᠭᠤᠨ ᠬᠥᠱᠢᠶᠡ ᠳᠡᠭᠡᠷᠡ ᠪᠠᠢᠵᠤ ᠮᠡᠳᠡᠨᠡ ᠭᠡᠵᠦ᠍ ᠲᠤᠰᠭᠠᠢ ᠮᠡᠷᠭᠡᠵᠢᠯᠳᠡᠳ ᠲᠠᠭᠠᠮᠠᠭ᠍ᠯᠠᠵᠤ ᠪᠠᠢᠨᠠ᠃ ᠭᠡᠪᠡᠴᠦ᠍ ᠣᠲᠣ ᠦᠯᠡᠳᠡᠵᠦ᠍ ᠢᠷᠡᠭ᠌ᠰᠡᠨ ᠵᠢᠷᠭᠤᠭᠠᠨ ᠬᠥᠱᠢᠶᠡᠨᠤ ᠥᠰᠥᠭ ᠳᠡᠭᠡᠷᠡᠬᠢ ᠵᠣᠭᠤᠰ ᠬᠠᠨᠳᠢᠪᠯᠠᠭ᠍ᠴᠢᠶ᠋ᠢᠨ ᠪᠤᠳᠠᠳᠠᠢ ᠮᠡᠳᠡᠭᠡ ᠵᠠᠩᠭᠢ ᠵᠢᠴᠢ ᠰᠤᠪᠤᠷᠭᠠᠨ ᠳᠣᠲᠣᠷᠠᠬᠢ ᠵᠢᠭᠤᠯᠴᠢᠯᠠᠬ᠍ᠰᠠᠳᠤᠨ ᠲᠡᠮᠳᠡᠭ᠌ᠯᠡᠯᠠᠴᠠ ᠡᠲᠡᠭᠡᠷ ᠴᠢᠯᠠᠭᠤᠨ ᠬᠥᠱᠢᠶᠡᠶ᠋ᠢ ᠠᠯᠲᠠᠨ ᠤᠯᠤᠰᠤᠨ ᠦᠶᠡᠶ᠋ᠢᠨ ᠰᠤᠪᠤᠷᠭᠠ ᠵᠠᠰᠠᠬᠤ ᠦᠶᠡᠳᠤ ᠱᠢᠭᠢᠳᠭᠡᠨ ᠣᠷᠣᠭᠤᠯᠤᠭ᠍ᠰᠠᠨ ᠭᠡᠳᠡᠭᠢ ᠮᠡᠳᠡᠵᠦ᠍ ᠪᠣᠯᠤᠨᠠ᠃ ᠵᠢᠱ᠌ᠢᠶᠡᠯᠡᠪᠡᠯ ᠬᠥᠱᠢᠶᠡᠨᠤ ᠪᠢᠴᠢᠭ ᠳᠡᠭᠡᠷᠡᠬᠢ ᠱᠧᠨ ᠱᠠᠨ ᠵᠡᠷᠭᠡ ᠭᠠᠵᠠᠷᠤᠨ ᠨᠡᠷᠡᠨᠢ ᠪᠦᠷ ᠠᠯᠲᠠᠨ ᠤᠯᠤᠰᠤᠨ ᠭᠠᠵᠠᠷᠤᠨ ᠨᠡᠷᠡ ᠪᠠᠢᠵᠤ᠂ ᠬᠥᠱᠢᠶᠡᠨᠤ ᠪᠢᠴᠢᠭᠲᠤ ᠳᠤᠷᠠᠳᠤᠭ᠍ᠰᠠᠨ ᠵᠡᠷᠭᠡ ᠲᠤᠱᠢᠶᠠᠯᠨᠢ ᠵᠥᠪᠬᠡᠨ ᠠᠯᠲᠠᠨ ᠤᠯᠤᠰᠤᠨ ᠦᠶᠡᠳᠤ ᠯᠡ ᠪᠠᠢᠳᠠᠭ᠃
ᠴᠢᠯᠠᠭᠤᠨ ᠬᠦᠱᠢᠶᠠ ᠲᠡᠭᠡᠷᠡᠬᠢ ᠬᠠᠨᠳᠢᠪᠯᠡᠬ᠍ᠰᠠᠨ ᠬᠦᠮᠤᠰᠤᠨ ᠨᠡᠷᠠᠠᠴᠠ ᠦᠵᠡᠪᠡᠯ ᠤᠯᠠᠩᠭᠢᠨᠢ ᠬᠢᠳᠠᠳ ᠦᠨᠳᠤᠰᠤᠳᠡᠨ ᠪᠤᠯᠬᠤᠠᠴᠠ ᠭᠠᠳᠠᠨᠠ ᠪᠠᠰᠠ ᠴᠦᠭᠡᠨ ᠲᠤᠭᠠᠳᠤ ᠦᠨᠳᠤᠰᠤᠳᠠᠨᠤ ᠬᠦᠮᠤᠰᠤᠨ ᠨᠡᠷᠠ ᠴᠤ᠌ ᠪᠤᠢ᠂ ᠡᠬᠦᠨᠤ ᠲᠤᠳᠤᠷᠠ ᠵᠦᠷᠴᠢᠨ ᠦᠨᠳᠤᠰᠤᠳᠡᠨ᠂ ᠬᠢᠳᠠᠨ ᠦᠨᠳᠤᠰᠤᠳᠠᠨ᠂ ᠮᠤᠩᠭᠤᠯ ᠦᠨᠳᠤᠰᠤᠳᠡᠨᠤ ᠬᠦᠮᠦᠰᠤᠨ ᠨᠡᠷᠠ ᠪᠦᠷ ᠪᠠᠢᠨᠠ᠃ ᠡᠬᠦᠨᠠᠴᠠ ᠭᠠᠳᠠᠨᠠ ᠴᠢᠯᠠᠭᠤᠨ ᠬᠦᠱᠢᠶᠠ ᠲᠡᠭᠡᠷᠠ ᠪᠠᠰᠠ ᠴᠦᠬᠡᠨ ᠲᠤᠭᠠᠳᠤ ᠦᠨᠳᠤᠰᠤᠳᠡᠨᠤ ᠠᠢᠮᠠᠭ ᠤᠬ᠍ᠰᠠᠭᠠᠶ᠋ᠢ ᠴᠤ᠌ ᠲᠡᠮᠳᠡᠭ᠌ᠯᠡᠵᠤ ᠪᠤᠢ᠃ ᠡᠳᠡᠭᠡᠷᠠᠴᠠ ᠲᠤᠬᠠᠢᠶ᠋ᠢᠨ ᠦᠶᠡᠳᠤ ᠹᠧᠩᠵᠸᠦ ᠬᠤᠳᠠᠳᠤ ᠬᠢᠳᠡᠳ ᠦᠨᠳᠤᠰᠤᠳᠡᠨ᠂ ᠵᠦᠷᠴᠢᠨ ᠦᠨᠳᠤᠰᠤᠳᠡᠨ᠂ ᠬᠢᠳᠡᠨ ᠦᠨᠳᠤᠰᠤᠳᠡᠨ ᠵᠢᠴᠢ ᠪᠤᠰᠤᠳ ᠦᠨᠳᠤᠰᠤᠳᠡᠨᠨᠦᠭᠦᠳ ᠡᠶᠡ ᠵᠤᠬᠢᠴᠠᠩᠭᠤᠢᠪᠠᠷ ᠤᠷᠤᠱᠢᠨ ᠲᠤᠬ᠍ᠳᠠᠨᠢᠵᠤ᠂ ᠨᠦᠬᠦᠷᠰᠡᠭᠢᠶᠠᠷ ᠶᠠᠪᠤᠯᠴᠠᠵᠤ ᠪᠠᠢᠭᠠ ᠪᠠᠢᠳᠠᠯᠢ ᠮᠡᠳᠡᠷᠡᠵᠤ ᠪᠤᠯᠬᠤ ᠶᠤᠮ᠃ ᠹᠸᠡᠭ᠌ᠵᠸᠤᠶ᠋ᠢᠨ ᠦᠡᠭ ᠱᠢᠮᠡᠯᠢᠭ ᠭᠠᠵᠠᠷ ᠨᠤᠳᠤᠭᠢ ᠶᠠᠭ ᠡᠳᠡᠭᠡᠷ ᠦᠨᠳᠤᠰᠤᠳᠡᠨᠨᠦᠭᠦᠳᠤᠨ ᠬᠦᠮᠦᠰ ᠰᠡᠳᠭᠢᠯ ᠨᠢᠭᠡᠳᠤᠨ ᠬᠦᠴᠤᠪᠠᠨ ᠬᠠᠮᠳᠤᠳᠭᠠᠵᠤ ᠨᠡᠭᠡᠭᠡᠨ ᠬᠦᠭ᠌ᠵᠢᠬᠦᠯᠦᠭ᠌ᠰᠡᠨ ᠠᠵᠢ᠃
ᠵᠥᠩ ᠲᠦᠩᠤᠨ ᠶᠤᠸᠠᠨ ᠪᠦᠦ ᠵᠣᠭᠤᠰ
1983 ᠤᠨᠳᠤ᠂ ᠬᠦᠬᠡᠬᠤᠳᠠᠶ᠋ᠢᠨ ᠲᠡᠤᠭᠡᠨ ᠲᠤᠷᠠᠰᠭᠠᠯᠳᠤ ᠵᠦᠢᠯᠡᠰᠤᠨ ᠬᠠᠮᠢᠶᠠ ᠪᠦᠬᠦᠢ ᠰᠠᠯᠠᠭᠠ ᠮᠦᠴᠢᠷᠠᠴᠠ ᠲᠦᠮᠡᠨ ᠪᠤᠳᠢ ᠴᠡᠴᠡᠭᠤᠨ ᠴᠢᠮᠡᠭ᠌ᠳᠤ ᠰᠤᠳᠤᠷᠤᠨ ᠰᠤᠪᠤᠷᠭᠠᠶ᠋ᠢ ᠰᠡᠯᠪᠢᠨ ᠵᠠᠰᠠᠬᠤ ᠦᠶᠠᠳᠤ᠂ ᠰᠤᠪᠤᠷᠭᠠᠶ᠋ᠢᠨ ᠡᠯᠡᠰᠦᠨ ᠱᠢᠭᠤᠷᠭᠠᠳᠤ ᠳᠠᠷᠤᠭ᠍ᠳᠠᠭ᠍ᠰᠠᠨ ᠱᠢᠷᠣᠶ ᠳᠣᠲᠣᠷᠠᠠᠴᠠ ᠨᠢᠭᠡ ᠴᠠᠭᠠᠰᠤᠨ ᠵᠤᠭᠤᠰᠢ ᠢᠯᠡᠷᠡᠭᠦᠯᠪᠡ᠃
ᠲᠤᠰᠭᠠᠶ ᠮᠡᠷᠭᠡᠵᠢᠯᠲᠡᠨᠤ ᠬᠢᠨᠠᠨ ᠲᠣᠭ᠍ᠲᠠᠭᠠᠭ᠍ᠰᠠᠨᠢᠶᠠᠷ᠂ ᠡᠨᠡ ᠪᠤᠯ ᠬᠤᠪᠢᠯᠠᠶ ᠬᠠᠭᠠᠨᠤ ᠦᠶᠡᠶ᠋ᠢᠨ 《ᠵᠥᠩ ᠲᠦᠩᠤᠨ ᠶᠤᠸᠠᠨ ᠪᠦᠦ ᠵᠣᠭᠤᠰ》 ᠪᠠᠢᠵᠤ᠂ ᠮᠠᠨᠤ ᠤᠯᠤᠰᠤᠨ ᠣᠲᠣᠬᠠᠨ ᠪᠣᠯᠲᠠᠯᠠ ᠣᠯᠵᠤ ᠮᠡᠳᠡᠭ᠌ᠰᠡᠨ ᠬᠠᠮᠤᠭᠤᠨ ᠡᠷᠲᠡᠨᠤ ᠴᠠᠭᠠᠰᠤᠨ ᠵᠣᠭᠤᠰ ᠪᠣᠯᠬᠤ ᠪᠥᠭᠡᠳ ᠳᠡᠯᠡᠬᠡᠶ ᠳᠡᠭᠡᠷᠡᠬᠢ ᠣᠲᠣᠬᠠᠨ ᠪᠤᠯᠳᠠᠯᠠ ᠤᠯᠳᠠᠬ᠍ᠰᠠᠨ ᠬᠠᠮᠤᠭᠤᠨ ᠡᠷᠲᠡᠨᠤ ᠴᠠᠭᠠᠰᠤᠨ ᠵᠣᠭᠤᠰᠤᠨ ᠨᠢᠭᠡ ᠪᠣᠯᠤᠨᠠ᠃ ᠲᠤᠰ ᠵᠤᠭᠤᠰᠨᠢ ᠶᠤᠸᠠᠨ ᠤᠯᠤᠰᠤᠨ ᠴᠠᠭᠠᠰᠤᠨ ᠵᠣᠭᠤᠰᠤᠨ ᠬᠡᠯᠪᠡᠷᠢᠶ᠋ᠢᠨ ᠬᠤᠭᠤᠰᠣᠨᠢ ᠨᠥᠬᠦᠪᠥᠷᠢᠯᠡᠭ᠌ᠰᠡᠨᠢᠶᠠᠷ ᠪᠠᠷᠠᠬᠤ ᠦᠭᠡᠢ᠂ ᠪᠠᠰᠠ ᠶᠤᠸᠠᠨ ᠤᠯᠤᠰᠤᠨ ᠴᠠᠭᠠᠰᠤᠨ ᠵᠣᠭᠤᠰᠢ ᠰᠤᠳᠤᠯᠬᠤᠳᠤ ᠬᠤᠪᠣᠷ ᠨᠠᠨᠳᠢᠨ ᠪᠣᠳᠠᠲᠤ ᠮᠠᠲ᠋ᠧᠷᠢᠶᠠᠯ ᠬᠠᠨᠭ᠌ᠭᠠᠪᠠ᠃
ᠠᠯᠳᠠᠨ ᠲᠠᠬᠢᠶᠠᠶ᠋ᠢᠨ ᠲᠤᠮᠤᠭ
ᠥᠩᠭᠡᠷᠡᠭ᠌ᠰᠡᠨᠳᠤ ᠴᠠᠭᠠᠨ ᠰᠤᠪᠤᠷᠭᠠᠶ᠋ᠢᠨ ᠣᠷᠣᠶᠳᠤ ᠨᠢᠭᠡ ᠠᠯᠳᠠᠨ ᠥᠳᠥᠲᠠᠢ ᠡᠷᠡᠭ᠌ᠴᠢᠨ ᠲᠠᠬᠢᠶᠠ ᠠᠮᠢᠳᠤᠷᠠᠵᠤ ᠪᠠᠢᠵᠠᠶ ᠭᠡᠨᠡ᠃ ᠲᠡᠷᠡᠨᠢ ᠡᠳᠦᠷ ᠪᠦᠷᠢ ᠬᠠᠮᠤᠭᠤᠨ ᠡᠷᠳᠡ ᠳᠤᠤᠭᠠᠷᠴᠤ᠌ ᠬᠡᠬᠡ ᠤᠷᠤᠬ᠍ᠰᠠᠨᠢ ᠲᠤᠰᠭᠤᠨᠤ ᠠᠷᠠᠳᠲᠤ ᠮᠡᠳᠡᠭ᠌ᠳᠡᠵᠦ᠍᠂ ᠬᠥᠮᠦᠰ ᠨᠢᠭᠡ ᠡᠳᠦᠷᠤᠨ ᠴᠣ᠌ ᠱᠢᠨᠡ ᠠᠮᠢᠳᠤᠷᠠᠯᠢᠶᠠᠨ ᠡᠬᠢᠯᠡᠭᠦᠯᠳᠡᠭ᠃ ᠡᠨᠡ ᠠᠯᠳᠠᠨ ᠲᠠᠬᠢᠶᠠ ᠬᠡᠨ ᠨᠢᠭᠡᠨᠤ ᠲᠠᠷᠢᠶᠠᠨᠳᠤ ᠪᠠᠭᠤᠬᠤᠳᠤ ᠬᠦᠷᠪᠡᠯ ᠲᠡᠷᠡ ᠠᠢᠯᠤᠨ ᠲᠠᠷᠢᠶᠠ ᠲᠦᠮᠤᠰᠤ ᠡᠯᠪᠡᠭ ᠬᠤᠷᠢᠶᠠᠯᠳᠠ ᠤᠯᠳᠠᠭ ᠶᠤᠮ ᠬᠡᠨᠠ᠃
ᠨᠢᠭᠡᠨ ᠡᠳᠤᠷ᠂ ᠭᠠᠳᠠᠷ ᠣᠷᠣᠨᠤ ᠲᠦᠯᠭᠡᠴᠢ ᠲᠤᠰᠭᠤᠨᠢᠶᠠᠷ ᠥᠩᠭᠡᠷᠡᠬᠦ᠌ᠳᠡᠭᠡᠨ ᠴᠠᠭᠠᠨ ᠰᠤᠪᠤᠷᠭᠠᠨ ᠳᠡᠭᠡᠷᠡᠬᠢ ᠠᠯᠲᠠᠨ ᠲᠠᠬᠢᠶᠠᠶ᠋ᠢ ᠬᠡᠷᠬᠢᠨ ᠬᠤᠯᠠᠭᠠᠢᠯᠠᠨ ᠠᠪᠠᠴᠢᠬᠤ ᠲᠤᠬᠠᠢ ᠠᠷᠭᠠ ᠪᠤᠳᠤᠵᠤ᠂ ᠲᠤᠬᠠᠶᠶ᠋ᠢᠨ ᠭᠠᠵᠠᠷᠤᠨ ᠨᠢᠭᠡ ᠵᠦᠢᠯᠤᠨ ᠦᠨᠳᠦᠰᠦ ᠦᠭᠡᠢ ᠡᠪᠡᠰᠦ ᠪᠠ ᠱᠢᠭᠦᠳᠡᠷᠢᠪᠠᠷ ᠥᠭ᠌ᠶᠥᠭᠡ ᠪᠣᠯᠭᠠᠵᠤ᠂ ᠲᠣᠮᠣ ᠲᠤᠤᠷ ᠪᠠᠵᠠᠭᠠᠨ ᠠᠯᠳᠠᠨ ᠲᠠᠬᠢᠶᠠᠶ᠋ᠢ ᠬᠤᠯᠠᠭᠠᠢᠯᠠᠬᠤᠪᠠᠷ ᠪᠡᠯᠡᠳᠭᠡᠪᠡ᠃ ᠨᠢᠭᠡᠨ ᠡᠳᠦᠷ᠂ ᠠᠯᠲᠠᠨ ᠲᠠᠬᠢᠶᠠ ᠢᠳᠡᠰᠢ ᠡᠷᠢᠬᠦ᠌ᠪᠠᠷ ᠭᠠᠷᠴᠤ᠌ ᠢᠷᠡᠬᠦ᠌ ᠦᠶᠡᠳᠤ ᠦᠨᠦᠬᠢ ᠲᠦᠯᠭᠡᠴᠢ ᠪᠠᠷᠢᠬᠤ ᠭᠡᠵᠦ᠍ ᠪᠠᠢᠳᠠᠯᠠ ᠨᠢᠭᠡᠨ ᠲᠣᠰᠭᠤᠨᠤ ᠠᠷᠠᠳ ᠣᠯᠵᠤ ᠦᠵᠡᠭᠡᠳ ᠠᠯᠳᠠᠨ ᠲᠠᠬᠢᠶᠠᠳᠤ ᠲᠤᠬᠢᠶᠠ ᠦᠭ᠌ᠴᠤ ᠠᠮᠵᠢᠬ᠍ᠰᠠᠨᠠᠴᠠ ᠲᠦᠯᠭᠡᠴᠢ ᠠᠯᠲᠠᠨ ᠲᠠᠬᠢᠶᠠᠶ᠋ᠢ ᠪᠠᠷᠢᠵᠤ ᠲᠡᠢᠯᠦᠭ᠌ᠰᠡᠨ ᠥᠬᠡᠶ᠃ ᠡᠬᠦᠨᠠᠴᠠ ᠪᠤᠯᠵᠦ᠍ ᠠᠶᠤᠵᠤ ᠰᠣᠴᠢᠭ᠍ᠰᠠᠨ ᠠᠯᠲᠠᠨ ᠲᠠᠬᠢᠶᠠ ᠡᠷᠬᠢᠵᠤ ᠴᠠᠭᠠᠨ ᠰᠤᠪᠤᠷᠭᠠ ᠲᠡᠭᠡᠷᠠ ᠢᠷᠡᠭ᠌ᠰᠡᠨ ᠦᠬᠡᠢ ᠭᠡᠨᠡ᠃
ᠴᠠᠭᠠᠨ ᠰᠤᠪᠤᠷᠭᠠ
ᠬᠥᠬᠡᠬᠤᠲᠠᠳᠤ ᠢᠷᠡᠵᠦ᠍ ᠥᠩᠭᠡᠷᠡᠭ᠌ᠰᠡᠨ ᠠᠶᠠᠨᠴᠢᠳ ᠴᠠᠭᠠᠨ ᠰᠤᠪᠤᠷᠭᠠ ᠣᠯᠠᠨ ᠤᠯᠤᠰᠤᠨ ᠨᠢᠰᠭᠡᠯᠤᠨ ᠪᠠᠭᠤᠳᠠᠯᠢ ᠪᠦᠷ ᠮᠡᠳᠡᠨᠡ᠃ ᠦᠡᠭ᠌ᠭᠡᠷᠡᠭ᠌ᠰᠡᠨᠳᠤ᠂ ᠭᠠᠯᠳᠤ ᠲᠡᠷᠭᠡᠪᠠᠷ ᠪᠤᠯ ᠴᠠᠭᠠᠨ ᠰᠤᠪᠤᠷᠭᠠ ᠭᠠᠯᠳᠤ ᠲᠡᠷᠭᠡᠨ ᠦᠷᠳᠡᠭᠡᠪᠠᠷ ᠲᠠᠮᠵᠢᠨ ᠬᠦᠬᠡᠬᠤᠳᠠ ᠦᠷᠳᠡᠭᠡᠳᠤ ᠬᠦᠷᠳᠡᠭ᠂ ᠮᠠᠱᠢᠨ ᠲᠡᠷᠭᠡᠪᠠᠷ ᠪᠤᠯ ᠴᠠᠭᠠᠨ ᠰᠤᠪᠤᠷᠭᠠ ᠰᠦᠢᠳᠭᠡᠯ ᠬᠤᠷᠢᠶᠠᠬᠤ ᠦᠷᠳᠡᠭᠡᠪᠠᠷ ᠲᠠᠮᠵᠢᠨ ᠬᠦᠬᠡᠬᠤᠳᠠᠳᠤ ᠤᠷᠤᠳᠠᠭ ᠶᠤᠮ᠃ ᠡᠳᠡᠭᠡᠷ ᠴᠢᠬᠤᠯᠠ ᠵᠠᠮ ᠱᠤᠭᠤᠮᠢ ᠪᠦᠷ ᠴᠠᠭᠠᠨ ᠰᠤᠪᠤᠷᠭᠠᠪᠠᠷ ᠨᠡᠷᠡᠢᠳᠦᠭ᠌ᠰᠡᠨᠨᠢ ᠦᠪᠡᠷᠤᠨ ᠬᠡᠰᠡᠨ ᠤᠳᠭᠠ ᠤᠴᠢᠷᠲᠠᠢ᠃
ᠴᠠᠭᠠᠨ ᠰᠤᠪᠤᠷᠭᠠ ᠨᠢᠰᠭᠡᠯᠤᠨ ᠪᠠᠭᠤᠳᠠᠯ᠂ ᠴᠠᠭᠠᠨ ᠰᠤᠪᠤᠷᠭᠠ ᠰᠦᠢᠳᠭᠡᠯ ᠬᠤᠷᠢᠶᠠᠬᠤ ᠦᠷᠳᠡᠭᠡ᠂ ᠴᠠᠭᠠᠨ ᠰᠤᠪᠤᠷᠭᠠ ᠭᠠᠯᠳᠤ ᠲᠡᠷᠭᠡᠨ ᠦᠷᠳᠡᠭᠡᠶ᠋ᠢᠨ ᠡᠷᠬᠢᠨ ᠲᠣᠭᠤᠷᠢᠨᠳᠤ ᠨᠢᠭᠡᠨ ᠴᠠᠭᠠᠨ ᠰᠤᠪᠤᠷᠭᠠ ᠬᠡᠬᠦ᠌ ᠲᠣᠰᠭᠤᠨ ᠪᠠᠢᠵᠤ᠂ ᠲᠤᠰᠭᠤᠨᠤ ᠪᠠᠢᠭᠠ ᠭᠠᠵᠠᠷᠨᠢ ᠲᠠᠷᠤᠢ ᠡᠷᠳᠡᠨᠤ ᠹᠧᠩᠵᠸᠦ ᠬᠤᠳᠠᠶ᠋ᠢᠨ ᠪᠠᠭᠤᠷᠢ ᠪᠤᠯᠤᠨᠠ᠃
ᠴᠠᠭᠠᠨ ᠰᠤᠪᠤᠷᠭᠠ ᠲᠣᠰᠭᠤᠨ ᠲᠩᠷᠢ ᠭᠠᠵᠠᠷᠢ ᠳᠣᠩᠰᠣᠯᠭᠠᠮᠠ ᠬᠤᠪᠢᠷᠠᠯᠲᠠ ᠭᠠᠷᠤᠭ᠍ᠰᠠᠨ ᠪᠤᠯᠪᠠᠴᠤ᠌ ᠲᠤᠰᠭᠤᠨᠤ ᠵᠢᠯ ᠪᠦᠷᠢᠶ᠋ᠢᠨ ᠪᠢᠯᠢᠭᠤᠨ ᠤᠯᠠᠷᠢᠯᠤᠨ ᠳᠥᠷᠪᠡᠨ ᠰᠠᠷᠠᠶ᠋ᠢᠨ ᠬᠤᠷᠢᠨ ᠨᠠᠢ᠍ᠮᠠᠨᠤ ᠰᠦᠮᠡᠶ᠋ᠢᠨ ᠴᠤᠭ᠍ᠯᠠᠭᠠᠨ ᠮᠦᠨ ᠬᠦ᠌ ᠤᠤᠯ ᠶᠤᠰᠤᠭᠠᠷ ᠶᠠᠪᠤᠭ᠍ᠳᠠᠭ᠍ᠰᠠᠭᠠᠷ᠃ ᠰᠦᠮᠡᠶ᠋ᠢᠨ ᠴᠤᠭ᠍ᠯᠠᠭᠠᠨᠳᠤ᠂ ᠦᠢᠷᠠ ᠬᠠᠪᠢᠶ᠋ᠢᠨ ᠲᠤᠰᠭᠤᠨᠤ ᠠᠷᠠᠳ ᠪᠦᠬᠦᠳᠡᠭᠡᠷ ᠴᠤᠬ᠍ᠯᠠᠷᠠᠵᠤ ᠤᠳᠭᠠ ᠲᠡᠬᠦᠯᠳᠡᠷ ᠰᠤᠶᠤᠯᠤᠨ ᠠᠵᠢᠯᠯᠠᠭᠠ ᠦᠷᠨᠢᠬᠦᠯᠦᠨ ᠵᠢᠭᠤᠯᠴᠢᠯᠠᠯᠤᠨ ᠠᠵᠤ ᠦᠢᠯᠡᠰᠢᠶᠠᠨ ᠲᠠᠢᠴᠢᠯᠠᠳᠠᠭ᠃
ᠴᠠᠭᠠᠨ ᠰᠤᠪᠤᠷᠭᠠ ᠤᠯᠠᠨ ᠤᠯᠤᠰᠤᠨ ᠨᠢᠰᠭᠡᠯᠤᠨ ᠪᠠᠭᠤᠳᠠᠯ ᠦᠪᠤᠷ ᠮᠤᠩᠭᠤᠯᠤᠨ 《ᠨᠡᠷᠠᠶ᠋ᠢᠨ ᠬᠠᠭᠤᠳᠠᠰᠤ》 ᠪᠤᠯᠵᠤ ᠡᠷᠳᠡᠨᠤ ᠹᠧᠩᠵᠸᠦ ᠬᠤᠳᠠᠶ᠋ᠢᠨ ᠵᠠᠮ ᠬᠠᠷᠢᠯᠴᠠᠭᠠᠨᠤ ᠪᠠᠯᠴᠢᠷᠤᠨ ᠦᠢᠯᠡᠳᠦᠯᠢ ᠵᠠᠯᠭᠠᠮᠵᠢᠯᠠᠨ ᠪᠠᠳᠠᠷᠠᠭᠤᠯᠵᠦ᠍᠂ ᠲᠠᠯᠠ ᠨᠤᠳᠤᠭ ᠬᠢᠭᠡᠳ ᠲᠠᠯᠠᠬᠡᠢ ᠲᠠᠬᠢᠨᠯᠤᠭᠠ ᠵᠤᠯᠭᠠᠬᠤ ᠴᠢᠬᠤᠯᠠ ᠠᠶᠠᠯᠠᠯᠤᠨ ᠱᠤᠭᠤᠮ ᠪᠤᠯᠵᠤ ᠬᠦᠭ᠌ᠵᠢᠵᠠᠢ᠃ ᠴᠠᠭᠠᠨ ᠰᠤᠪᠤᠷᠭᠠ ᠭᠠᠯᠳᠤ ᠲᠡᠷᠭᠡᠨ ᠦᠷᠳᠡᠭᠡᠶ᠋ᠢ 1923 ᠤᠨᠳᠤ ᠡᠬᠢᠯᠡᠨ ᠪᠠᠢᠭᠤᠯᠵᠤ᠂ 2019 ᠤᠨᠤ 10 ᠰᠠᠷᠠᠶ᠋ᠢᠨ 17 ᠤ ᠡᠳᠤᠷ᠂ ᠴᠠᠭᠠᠨ ᠰᠤᠪᠤᠷᠭᠠ ᠭᠠᠯᠳᠤ ᠲᠡᠷᠭᠡᠨ ᠦᠷᠳᠡᠭᠡᠶ᠋ᠢᠨ ᠬᠠᠭᠤᠴᠢᠨ ᠪᠠᠭᠤᠷᠢ ᠨᠢᠭᠡᠨᠳᠡ ᠨᠠᠢ᠍ᠮᠠᠳᠤᠭᠠᠷ ᠪᠦᠯᠦᠭᠤᠨ ᠪᠦᠬᠦ᠌ ᠤᠯᠤᠰᠤᠨ ᠭᠤᠤᠯᠳᠠᠯᠭᠠᠲᠠᠢ ᠲᠡᠤᠭᠡᠶ᠋ᠢᠨ ᠲᠤᠷᠠᠰᠭᠠᠯᠳᠤ ᠵᠦᠢᠯᠡᠰᠤᠨ ᠬᠠᠮᠠᠭᠠᠯᠠᠯᠳᠠᠶ᠋ᠢᠨ ᠨᠢᠭᠡᠴᠢᠳᠤ ᠰᠤᠩᠭᠤᠬ᠍ᠳᠠᠪᠠ᠃
ᠲᠡᠦᠭᠡᠶ᠋ᠢᠨ ᠦᠪᠤᠨ ᠦᠵᠡᠬᠦᠯᠭᠡᠶ᠋ᠢᠨ ᠬᠤᠩᠬᠢᠯ
1982 ᠣᠨᠳᠤ᠂ ᠲᠦᠷᠦᠶ᠋ᠢᠨ ᠶᠠᠪᠤᠳᠠᠯᠤᠨ ᠬᠤᠷᠢᠶᠠᠠᠴᠠ ᠴᠠᠭᠠᠨ ᠰᠤᠪᠤᠷᠭᠠᠶ᠋ᠢ ᠬᠤᠶᠠᠳᠤᠭᠠᠷ ᠪᠦᠯᠦᠭᠤᠨ ᠭᠤᠣᠯᠳᠠᠯᠭᠠᠲᠠᠢ ᠪᠦᠬᠦ᠌ ᠤᠯᠤᠰᠤᠨ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠢᠯᠡᠰᠤᠨ ᠬᠠᠮᠠᠭᠠᠯᠠᠯᠲᠠᠶ᠋ᠢᠨ ᠨᠢᠭᠡᠴᠢᠪᠠᠷ ᠨᠡᠢᠳᠡᠯᠠᠪᠠ᠃ ᠰᠤᠪᠤᠷᠭᠠᠶ᠋ᠢ ᠰᠠᠢᠳᠤᠷ ᠬᠠᠮᠠᠭᠠᠯᠠᠬᠤᠶ᠋ᠢᠨ ᠲᠦᠯᠤᠭᠡ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠪᠠ ᠬᠦᠬᠡᠬᠤᠳᠠᠶ᠋ᠢᠨ ᠬᠠᠮᠢᠶᠠ ᠪᠦᠬᠦᠢ ᠪᠠᠢᠭᠤᠯᠭᠠ ᠨᠢᠭᠡᠴᠢᠶ᠋ᠢᠨᠬᠢᠨ ᠬᠠᠭᠤᠴᠢ ᠰᠤᠳᠤᠯᠭᠠᠨ᠂ ᠲᠡᠤᠭᠡ᠂ ᠪᠠᠷᠢᠯᠭᠠᠶ᠋ᠢᠨ ᠮᠡᠷᠭᠡᠵᠢᠯᠳᠡᠨᠢ ᠤᠷᠢᠵᠤ᠂ ᠴᠠᠭᠠᠨ ᠰᠤᠪᠤᠷᠭᠠᠨᠳᠤ ᠱᠢᠯᠭᠠᠨ ᠪᠠᠳᠤᠯᠠᠯᠳᠠ ᠬᠢᠯᠬᠡᠵᠤ᠂ ᠰᠠᠯᠪᠢᠨ ᠵᠠᠰᠠᠬᠤ ᠲᠦᠰᠤᠯ ᠲᠤᠭ᠍ᠳᠠᠭᠠᠨ᠂ 1985 ᠤᠨᠠᠴᠠ 1987 ᠤᠨ ᠪᠤᠯᠳᠠᠯᠠ 3 ᠬᠤᠭᠤᠴᠠᠭᠠ ᠬᠤᠪᠢᠶᠠᠵᠤ ᠲᠦᠢᠯᠪᠤᠷᠢᠳᠠᠢ ᠰᠡᠯᠪᠢᠨ ᠵᠠᠰᠠᠵᠠᠢ᠃
ᠴᠠᠭᠠᠨ ᠰᠤᠪᠤᠷᠭᠠ ᠪᠣᠯᠤᠨ ᠹᠧᠩᠵᠸᠤᠶ᠋ᠢᠨ ᠬᠠᠭᠤᠴᠢᠨ ᠬᠤᠲᠠᠶ᠋ᠢᠨ ᠪᠠᠭᠤᠷᠢᠨᠢ ᠴᠥᠮ ᠪᠦᠬᠦ᠌ ᠤᠯᠤᠰᠤᠨ ᠭᠤᠣᠯᠳᠠᠯᠭᠠᠲᠠᠢ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠢᠯᠡᠰᠤᠨ ᠬᠠᠮᠠᠭᠠᠯᠠᠯᠲᠠᠶ᠋ᠢᠨ ᠨᠢᠭᠡᠴᠢᠳᠤ ᠵᠢᠬ᠍ᠰᠠᠭᠠᠬ᠍ᠳᠠᠬ᠍ᠰᠠᠨ ᠪᠤᠯᠬᠤᠷ ᠦᠵᠡᠭ᠌ᠴᠢᠳ ᠰᠤᠪᠤᠷᠭᠠ ᠳᠣᠲᠣᠷᠠ ᠣᠷᠣᠵᠤ ᠳᠡᠢᠯᠬᠦ᠌ᠪᠠᠨ ᠪᠤᠯᠢᠬ᠍ᠰᠠᠨ ᠲᠤᠯᠠ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠢᠯᠡᠰᠤᠨ ᠰᠠᠯᠠᠭᠠ ᠮᠥᠴᠢᠷᠠᠴᠠ ᠵᠢᠭᠤᠯᠴᠢᠯᠠᠭ᠍ᠰᠠᠳᠤᠨ ᠲᠤᠷᠠ ᠰᠤᠨᠢᠷᠬᠠᠯᠢ ᠬᠠᠨᠭ᠌ᠭᠠᠬᠤᠶ᠋ᠢᠨ ᠲᠦᠯᠤᠭᠡ ᠰᠤᠪᠤᠷᠭᠠᠶ᠋ᠢᠨ ᠪᠠᠷᠠᠭᠤᠨ ᠲᠠᠯᠠᠳᠤ ᠲᠠᠪᠢᠨ ᠮᠧᠲᠷ ᠬᠢᠷᠢᠲᠠᠢ ᠤᠷᠳᠤ ᠲᠡᠦᠭᠡᠶ᠋ᠢᠨ ᠲᠤᠷᠠᠰᠭᠠᠯᠳᠤ ᠵᠦᠢᠯᠤᠨ ᠦᠵᠡᠬᠦᠯᠭᠡᠶ᠋ᠢᠨ ᠬᠤᠨᠭ᠌ᠭᠢᠯᠢ ᠲᠤᠬᠢᠷᠠᠭᠤᠯᠤᠬ᠍ᠰᠠᠨ ᠪᠠᠢᠨᠠ᠃ ᠲᠤᠰ ᠬᠤᠨᠭ᠌ᠭᠢᠯᠳᠤ ᠰᠤᠪᠤᠷᠭᠠᠠᠴᠠ ᠮᠠᠯᠳᠠᠵᠤ ᠭᠠᠷᠭᠠᠬ᠍ᠰᠠᠨ ᠲᠢᠶᠡᠨ ᠸᠠᠩᠤᠨ ᠲᠤᠯᠤᠭᠠᠢᠶ᠋ᠢᠨ ᠬᠦᠷᠦᠭ᠂ ᠠᠪᠤᠷᠭᠤ ᠬᠦᠴᠤᠳᠡᠨᠤ ᠬᠦᠷᠦᠭ᠂ ᠪᠤᠷᠬᠠᠨᠤ ᠬᠦᠷᠦᠭ᠂ ᠶᠤᠸᠠᠨ ᠤᠯᠤᠰᠤᠨ ᠱᠠᠭᠠᠵᠠᠩ ᠯᠤᠩᠬᠤ ᠪᠠ ᠬᠦᠯᠢᠰ ᠵᠡᠷᠭᠡ 20 ᠱᠢᠬᠠᠮ ᠤᠯᠤᠰᠤᠨ ᠲᠡᠰᠤᠨ ᠲᠡᠤᠭᠡᠨ ᠦᠪᠢ ᠲᠡᠯᠭᠡᠨ ᠦᠵᠡᠬᠦᠯᠵᠤ ᠪᠠᠢᠬᠤᠠᠴᠠ ᠭᠠᠳᠠᠨᠠ ᠰᠤᠪᠤᠷᠭᠠᠶ᠋ᠢᠨ ᠲᠤᠳᠤᠷᠠ ᠬᠠᠨᠠᠳᠤ ᠦᠯᠡᠳᠡᠭᠡᠭ᠌ᠰᠡᠨ ᠬᠡᠰᠡᠭ ᠪᠢᠴᠢᠭᠡᠰᠤ ᠲᠡᠮᠳᠡᠭ᠌ᠯᠡᠯᠤᠨ ᠵᠢᠷᠤᠭ ᠰᠡᠬᠦᠳᠡᠷᠢ ᠴᠦ᠍ ᠲᠡᠯᠭᠡᠨ ᠦᠵᠡᠬᠦᠯᠵᠦ᠍ ᠪᠤᠢ᠃
ᠲᠡᠦᠭᠡᠶ᠋ᠢᠨ ᠦᠪᠤᠨ ᠦᠵᠡᠬᠦᠯᠭᠡᠶ᠋ᠢᠨ ᠬᠤᠩᠬᠢᠯᠤᠨ ᠪᠠᠷᠠᠭᠤᠨ ᠬᠤᠢᠳᠤ ᠲᠠᠯᠠᠳᠤ ᠦᠵᠡᠭᠦᠯᠭᠡᠶ᠋ᠢᠨ ᠲᠢᠩᠬᠢᠮ ᠪᠠᠢᠷᠢᠯᠠᠵᠤ ᠪᠤᠢ᠃ ᠦᠵᠡᠬᠦᠯᠭᠡᠶ᠋ᠢᠨ ᠲᠢᠩᠭᠢᠮᠳᠤ ᠯᠢᠶᠤᠤ ᠤᠯᠤᠰᠤᠨ ᠪᠦᠷᠢᠯᠳᠤᠵᠤ ᠪᠦᠳᠦᠭ᠌ᠰᠡᠨ ᠲᠡᠤᠭᠡᠶ᠋ᠢ ᠲᠦᠬᠦᠮ ᠲᠠᠨᠢᠯᠴᠠᠭᠤᠯᠤᠬ᠍ᠰᠠᠨᠠᠴᠠ ᠭᠠᠳᠠᠨᠠ᠂ ᠯᠢᠶᠤᠤ ᠤᠯᠤᠰᠤᠨ ᠡᠵᠡᠯᠡᠵᠤ ᠪᠠᠢᠬ᠍ᠰᠠᠨ ᠨᠤᠳᠤᠭ ᠲᠡᠪᠢᠰᠭᠡᠷᠤᠨ ᠭᠠᠵᠠᠷᠤᠨ ᠵᠢᠷᠤᠭ᠂ ᠯᠢᠶᠤᠤ ᠤᠯᠤᠰᠤᠨ ᠬᠠᠭᠠᠳᠤᠨ ᠤᠨᠤ ᠲᠠᠷᠠᠭᠠᠯᠠᠯᠤᠨ ᠬᠦᠰᠦᠨᠦᠭ ᠵᠢᠴᠢ ᠵᠢᠷᠤᠭᠤᠳᠢ ᠲᠡᠯᠭᠡᠵᠤ ᠪᠠᠢᠭᠠ ᠪᠦᠭᠡᠳ ᠯᠢᠶᠤᠤ ᠤᠯᠤᠰᠤᠨ ᠰᠢ ᠵᠢᠩᠤᠨ ᠲᠠᠨᠢᠯᠴᠠᠭᠤᠯᠭᠠ᠂ ᠹᠸᠡᠭ᠌ᠵᠸᠤᠶ᠋ᠢᠨ ᠡᠷᠳᠡᠨᠤ ᠬᠤᠳᠠ᠂ ᠪᠤᠷᠬᠠᠨ ᠱᠠᠱᠢᠨᠤ ᠱᠢᠳᠤᠯᠭᠡ᠂ ᠲᠦᠮᠡᠨ ᠪᠤᠳᠢ ᠴᠡᠴᠡᠭᠤᠨ ᠴᠢᠮᠡᠭ᠌ᠳᠤ ᠰᠤᠳᠤᠷᠤᠨ ᠰᠤᠪᠤᠷᠭᠠ᠂ ᠯᠢᠶᠤᠤ ᠤᠯᠤᠰ ᠠᠯᠳᠡᠠ ᠤᠯᠤᠰ ᠶᠤᠸᠠᠨ ᠤᠯᠤᠰᠤᠨ ᠦᠶᠠᠶ᠋ᠢᠨ ᠦᠨᠳᠤᠰᠤᠳᠡᠨᠤ ᠲᠤᠮᠤ ᠠᠭᠤᠰᠤᠯᠴᠠᠯ᠂ ᠹᠸᠡᠭ᠌ᠵᠸᠤᠶ᠋ᠢᠨ ᠲᠤᠬᠠᠢ ᠱᠢᠯᠦᠭ ᠲᠠᠭᠤᠯᠠᠯ ᠵᠡᠷᠭᠡᠶ᠋ᠢ ᠲᠤᠪᠴᠢ ᠲᠠᠨᠢᠯᠴᠠᠭᠤᠯᠤᠬ᠍ᠰᠠᠨᠠᠴᠠ ᠭᠠᠳᠠᠨᠠ ᠲᠡᠬᠦᠰᠭᠡᠯᠤᠨ ᠬᠡᠰᠡᠭᠲᠤ ᠯᠢᠶᠤᠤ ᠤᠯᠤᠰᠤᠨ ᠹᠸᠡᠭ᠌ᠵᠸᠤ ᠬᠤᠳᠠ ᠵᠢᠴᠢ ᠲᠦᠮᠡᠨ ᠪᠤᠳᠢ ᠴᠡᠴᠡᠭᠤᠨ ᠴᠢᠮᠡᠭ᠌ᠳᠤ ᠰᠤᠳᠤᠷᠤᠨ ᠰᠤᠪᠤᠷᠭᠠᠶ᠋ᠢᠨ ᠲᠤᠮᠤ ᠬᠡᠷᠡᠭ ᠤᠴᠢᠷᠢ ᠲᠤᠰᠭᠠᠢ ᠵᠢᠬ᠍ᠰᠠᠭᠠᠨ ᠦᠵᠡᠬᠦᠯᠵᠤ ᠪᠠᠢᠨᠠ᠃
ᠹᠧᠩᠵᠸᠤᠶ᠋ᠢᠨ ᠬᠠᠭᠤᠴᠢᠨ ᠬᠤᠲᠠᠶ᠋ᠢᠨ ᠪᠠᠭᠤᠷᠢ
ᠠᠯᠳᠠᠨ ᠤᠯᠤᠰᠤᠨ ᠴᠢᠯᠠᠭᠤᠨ ᠬᠦᠱᠢᠶᠡ （ᠲᠠᠭᠤᠷᠢᠶᠠᠨ ᠵᠤᠬᠢᠶᠠᠬ᠍ᠰᠠᠨ ᠵᠦᠢᠯ）
《ᠵᠥᠩ ᠲᠦᠩᠤᠨ ᠶᠤᠸᠠᠨ ᠪᠦᠦ ᠵᠣᠭᠤᠰ》
ᠴᠠᠭᠠᠨ ᠰᠤᠪᠤᠷᠭᠠᠶ᠋ᠢᠨ ᠲᠤᠳᠤᠷᠠᠬᠢ ᠦᠵᠡᠮᠵᠢ
ᠬᠤᠶᠠᠷ ᠬᠡᠮᠵᠢᠯᠲᠦ ᠺᠤᠳ᠋ᠢ ᠱᠢᠷᠪᠢᠵᠦ᠍ ᠸᠢᠳᠢᠣ᠋ ᠮᠡᠳᠡᠭᠡᠯᠡᠯᠢ ᠰᠤᠨᠢᠷᠬᠠᠭᠠᠷᠠᠢ！
ᠤᠤᠯᠤᠨ ᠴᠠᠭᠠᠨ ᠰᠤᠪᠤᠷᠭᠠ ᠭᠠᠯᠳᠤ ᠲᠡᠷᠭᠡᠨ ᠦᠷᠳᠡᠭᠡ
ᠵᠤᠬᠢᠶᠠᠯ \ ᠵᠢᠷᠤᠭ᠄ ᠲᠤᠰ ᠰᠤᠨᠢᠨᠤ ᠰᠤᠷᠪᠤᠯᠵᠢᠯᠠᠬ᠍ᠴᠢ ᠭᠤᠤ ᠬᠤᠨᠭ᠌ ᠯᠢᠶᠠᠨ