ᠤᠢ᠍ᠢᠷᠠᠶ᠋ᠢᠨ ᠡᠳᠦᠷ᠂ ᠪᠤᠭᠤᠲᠤ ᠬᠤᠳᠠᠶ᠋ᠢᠨ ᠬᠦᠨᠳᠡᠯᠡᠨ ᠲᠤᠭᠤᠷᠢᠭᠤᠨ ᠬᠤᠢᠳᠤ ᠬᠡᠰᠡᠭᠲᠤ ᠱᠢᠨᠠᠪᠠᠷ ᠪᠠᠢᠭᠤᠯᠤᠬ᠍ᠳᠠᠬ᠍ᠰᠠᠨ ᠮᠤᠨᠢ ᠴᠡᠴᠡᠷᠯᠢᠭ ᠡᠷᠦᠭᠡᠪᠠᠨ ᠰᠡᠭᠦᠨ ᠵᠢᠭᠤᠯᠴᠢᠯᠠᠭ᠍ᠰᠠᠳᠢ ᠤᠬ᠍ᠳᠤᠵᠦ᠍᠂ ᠪᠤᠭᠤᠲᠤ ᠬᠤᠳᠠᠳᠤ ᠪᠠᠰᠠ ᠨᠢᠭᠡ ᠱᠢᠨᠠ ᠦᠵᠡᠮᠵᠢ ᠨᠡᠮᠡᠷᠢᠯᠡᠭ᠌ᠰᠡᠨ ᠪᠠᠢᠨᠠ᠃
9.6 ᠲᠡᠭ᠌ᠰᠢ ᠲᠦᠷᠪᠡᠯᠵᠢᠨ ᠮᠧᠲᠷᠤᠨ ᠭᠠᠵᠠᠷ ᠡᠵᠡᠯᠡᠭ᠌ᠰᠡᠡ ᠮᠤᠨᠢ ᠴᠡᠴᠡᠷᠯᠢᠭ ᠪᠤᠭᠤᠲᠤ ᠬᠤᠳᠠᠶ᠋ᠢᠨ ᠬᠦᠨᠳᠡᠯᠡᠨ ᠲᠤᠭᠤᠷᠢᠭᠲᠤ ᠪᠠᠢᠷᠢᠯᠠᠨ᠂ ᠦᠩᠬᠡᠷᠡᠭ᠌ᠰᠡᠨᠳᠤ ᠨᠢᠭᠡ ᠤᠢᠶ᠋ᠢᠨ ᠪᠦᠰᠡ ᠪᠠᠢᠵᠦ᠍᠂ ᠴᠠᠭ ᠦᠶᠠᠶ᠋ᠢᠨ ᠬᠦᠭ᠌ᠵᠢᠯᠳᠡᠶ᠋ᠢ ᠲᠠᠭᠠᠯᠳᠤᠨ ᠤᠢ᠍ᠢᠷᠠ ᠬᠠᠪᠢᠶ᠋ᠢᠨ ᠰᠠᠭᠤᠭᠠᠯᠢ ᠠᠷᠠᠳᠤᠨ ᠰᠡᠯᠡᠭᠦᠴᠠᠠ ᠲᠤᠭᠤᠷᠢᠬᠤ ᠪᠠ ᠪᠠᠶᠠ ᠴᠢᠬᠢᠷᠠᠬ᠍ᠵᠢᠭᠤᠯᠬᠤ ᠬᠡᠷᠡᠭ᠌ᠴᠡᠭᠡᠶ᠋ᠢ ᠬᠠᠩᠭᠠᠵᠦ᠍ ᠲᠡᠢᠯᠬᠦ᠌ ᠦᠭᠡᠢ ᠪᠤᠯᠵᠠᠢ᠃ ᠡᠨᠡ ᠵᠢᠯ ᠬᠦᠨᠳᠡᠯᠡᠨ ᠲᠤᠭᠤᠷᠢᠭ ᠬᠤᠳᠠ ᠲᠤᠭᠤᠷᠢᠭᠤᠨ ᠰᠠᠭᠤᠷᠢ ᠲᠦᠬᠦᠭᠡᠷᠤᠮᠵᠢᠶ᠋ᠢ ᠪᠦᠷᠢᠨᠱᠢᠬᠦᠯᠬᠦ᠂ ᠠᠷᠠᠳ ᠤᠯᠠᠨᠳᠤ ᠠᠱᠢᠭ ᠬᠦᠷᠳᠡᠭᠡᠬᠦ᠌ ᠡᠭᠦᠳᠡᠨᠠᠴᠠ ᠤᠤᠯᠤᠨ ᠮᠤᠨᠢ ᠤᠢᠶ᠋ᠢᠨ ᠪᠦᠰᠡᠶ᠋ᠢ ᠮᠤᠨᠢ ᠴᠡᠴᠡᠷᠯᠢᠭ ᠪᠤᠯᠭᠠᠨ ᠦᠭᠡᠷᠡᠴᠢᠯᠡᠨ ᠪᠠᠢᠭᠤᠯᠵᠡᠢ᠃ ᠪᠤᠳᠠᠳᠠᠢ ᠪᠠᠢᠭᠤᠯᠤᠯᠳᠠᠶ᠋ᠢᠨ ᠶᠠᠪᠤᠴᠠᠳᠤ᠂ ᠬᠦᠨᠳᠡᠯᠡᠨ ᠲᠤᠭᠤᠷᠢᠭᠤᠨ ᠤᠷᠤᠨ ᠰᠠᠭᠤᠴᠠ ᠪᠤᠯᠤᠨ ᠪᠦᠳᠦᠭᠡᠨ ᠪᠠᠢᠭᠤᠯᠤᠯᠳᠠᠶ᠋ᠢᠨ ᠲᠤᠪᠴᠢᠶᠠ ᠮᠤᠨᠢ ᠴᠡᠴᠡᠷᠯᠢᠭᠤᠨ ᠵᠠᠮ᠂ ᠬᠡᠷᠡᠰᠭᠡ ᠬᠦᠬᠦᠷᠭᠡ᠂ ᠰᠡᠷᠢᠬᠦᠴᠡᠬᠦ᠌ ᠲᠢᠩᠰᠠ᠂ ᠦᠵᠡᠮᠵᠢᠶ᠋ᠢᠨ ᠲᠠᠪᠴᠠᠩ᠂ ᠤᠰᠤ ᠴᠠᠬᠢᠯᠭᠠᠨᠤ ᠬᠡᠷᠡᠯᠳᠦᠬᠦᠯᠭᠡ ᠵᠢᠴᠢ ᠲᠤᠰᠤᠯᠭᠠᠨ ᠤᠰᠤᠯᠠᠬᠤ ᠱᠢᠰᠲ᠋ᠧᠮ ᠵᠡᠷᠭᠡ ᠲᠠᠯᠠᠪᠠᠷ ᠲᠤᠰᠭᠠᠢ ᠪᠡᠯᠡ ᠤᠷᠤᠭᠤᠯᠤᠨ ᠦᠭᠡᠷᠡᠴᠢᠯᠡᠨ ᠵᠠᠰᠠᠬᠤᠶ᠋ᠢᠨ ᠳᠠᠭᠠᠤ ᠠᠷᠪᠢᠴᠢ ᠭᠠᠮᠳᠠᠢ ᠪᠠᠢᠬᠤᠶ᠋ᠢ ᠠᠩᠬᠠᠷᠴᠦ᠍᠂ ᠬᠦᠨᠳᠡᠯᠡᠨ ᠲᠤᠭᠤᠷᠢᠭᠤᠨᠢᠶᠠᠨ ᠠᠱᠢᠬ᠍ᠯᠠᠵᠦ᠍ ᠪᠤᠯᠬᠤ ᠬᠠᠭᠤᠴᠢᠨ ᠮᠠᠲ᠋ᠧᠷᠢᠶᠠᠯᠢ ᠠᠯᠢ ᠪᠤᠯᠬᠤᠪᠠᠷ ᠠᠱᠢᠬ᠍ᠯᠠᠵᠡᠢ᠃ ᠴᠡᠴᠡᠷᠯᠢᠭᠤᠨ ᠬᠤᠢᠳᠤ ᠬᠡᠰᠡᠭᠲᠤ ᠦᠩᠬᠡᠷᠡᠭ᠌ᠰᠡᠨᠳᠤ ᠨᠢᠭᠡ ᠬᠠᠭᠤᠴᠢᠨ ᠬᠡᠷᠡᠮ ᠦᠯᠡᠳᠡᠵᠦ᠍ ᠪᠠᠢᠬ᠍ᠰᠠᠨᠢ ᠡᠨᠡ ᠤᠳᠠᠭᠠ ᠵᠠᠰᠠᠨ ᠰᠡᠯᠪᠢᠵᠦ᠍ ᠱᠢᠷᠳᠡᠨ ᠪᠤᠳᠤᠭᠠᠳ ᠪᠦᠵᠢᠭᠤᠨ ᠲᠠᠯᠠᠪᠤᠷᠤᠨ ᠦᠵᠡᠮᠵᠢᠶ᠋ᠢᠨ ᠬᠡᠷᠡᠮ ᠪᠤᠯᠭᠠᠨ᠂ ᠴᠡᠴᠡᠷᠯᠢᠭ ᠲᠤᠮᠳᠠᠬᠢ ᠪᠠᠶᠠ ᠴᠢᠬᠢᠷᠠᠬ᠍ᠵᠢᠭᠤᠯᠬᠤ ᠦᠭᠡᠳᠡ ᠲᠠᠪᠠᠭᠠᠨᠢ ᠴᠦ᠍ ᠦᠩᠬᠡᠷᠡᠭ᠌ᠰᠡᠨᠤ ᠨᠢᠭᠡ ᠬᠦᠳᠤᠯᠢ ᠠᠱᠢᠬ᠍ᠯᠠᠬ᠍ᠰᠠᠨ ᠪᠠᠢᠨᠠ᠃ ᠪᠤᠭᠤᠲᠤ ᠬᠤᠳᠠᠶ᠋ᠢᠨ ᠪᠠᠶᠬᠠᠤᠪᠤᠭᠠ ᠵᠠᠮᠢ ᠦᠭᠡᠷᠡᠴᠢᠯᠡᠨ ᠪᠠᠢᠭᠤᠯᠬᠤᠳᠤ ᠬᠡᠷᠡᠭ᠌ᠴᠡᠭᠡᠨᠠᠴᠠ ᠭᠠᠷᠤᠬ᠍ᠰᠠᠨ ᠨᠢᠭᠡ ᠬᠠᠭᠤᠴᠢᠨ ᠰᠡᠷᠢᠭᠦᠴᠡᠬᠦ᠌ ᠲᠢᠩᠰᠠᠶ᠋ᠢ ᠡᠨᠡ ᠤᠳᠠᠭᠠ ᠲᠠᠬᠢᠨ ᠠᠱᠢᠬ᠍ᠯᠠᠵᠦ᠍᠂ ᠪᠤᠳᠤᠨ ᠱᠢᠷᠳᠡᠵᠦ᠍᠂ ᠮᠤᠨᠢ ᠴᠡᠴᠡᠷᠯᠢᠭᠤᠨ ᠨᠢᠭᠡ ᠪᠢᠴᠢᠬᠠᠨ ᠠᠷᠠᠯᠤᠨ ᠤᠷᠤᠢ ᠲᠡᠭᠡᠷᠡᠬᠢ ᠦᠵᠡᠮᠵᠢ ᠪᠤᠯᠭᠠᠪᠠ᠃
ᠠᠯᠳᠠᠨ ᠨᠠᠮᠤᠷᠤᠨ ᠡᠬᠢᠨᠳᠤ᠂ ᠠᠯᠠᠬ᠍ᠯᠠᠬ᠍ᠰᠠᠨ ᠴᠡᠴᠡᠭ᠂ ᠴᠡᠯᠡᠭᠡᠷᠡᠭ᠌ᠰᠡᠨ ᠤᠢ᠂ ᠰᠡᠯᠡᠭᠦᠬᠡᠨ ᠵᠦᠷᠢᠭ᠂ ᠴᠡᠮᠴᠡᠭᠡᠨᠡᠭ᠌ᠰᠡᠨ ᠴᠢᠯᠠᠭᠤ᠂ ᠡᠷᠳᠡᠨᠢ ᠰᠠᠨᠠᠬ᠍ᠳᠠᠭᠤᠯᠤᠬ᠍ᠰᠠᠨ ᠲᠢᠩᠰᠠ ᠰᠠᠷᠠᠪᠴᠢ ᠵᠡᠷᠭᠡᠪᠠᠷᠢᠶᠠᠨ ᠲᠤᠭᠤᠷᠢᠨ ᠵᠢᠭᠤᠯᠴᠢᠯᠠᠭ᠍ᠰᠠᠳᠤᠨ ᠬᠠᠷᠠᠭᠠᠶ᠋ᠢ ᠮᠢᠯᠢᠶᠠᠵᠤ ᠮᠡᠯᠮᠡᠢᠶ᠋ᠢ ᠬᠤᠵᠢᠷᠯᠠᠬ᠍ᠰᠠᠨ ᠮᠤᠨᠢ ᠴᠡᠴᠡᠷᠯᠢᠭ᠂ ᠮᠤᠨᠢ ᠠᠭᠤᠯᠠᠶ᠋ᠢᠨ ᠡᠩᠭᠡᠷᠲᠠᠬᠢ ᠪᠤᠭᠤᠳᠤ ᠬᠤᠳᠠᠳᠤ ᠠᠮᠢ ᠠᠬᠤᠢᠶ᠋ᠢᠨ ᠪᠤᠯᠪᠠᠰᠤᠨᠤ ᠪᠠᠰᠠ ᠨᠢᠭᠡ ᠢᠷᠠᠭᠤᠯᠢᠭ ᠦᠯᠢᠭᠡᠷᠢ ᠬᠦᠤᠷᠨᠢᠵᠤ ᠪᠠᠢᠨᠠ᠃