ᠲᠠᠯᠠᠪᠠᠨ ᠳᠠᠭᠠᠭ᠍ᠰᠠᠨ ᠲᠡᠨᠢᠭᠦᠬᠡᠨ ᠠᠮᠢᠳᠤᠷᠠᠯᠲᠠᠢ᠂ ᠮᠠᠯᠢᠶᠠᠨ ᠳᠠᠭᠠᠭ᠍ᠰᠠᠨ ᠪᠤᠷᠤ ᠤᠬᠠᠭᠠᠨᠲᠠᠢ ᠰᠦᠯᠳᠡ ᠰᠤᠮᠤᠨᠤ ᠲᠦᠩᠽᠢ ᠭᠠᠴᠠᠭᠠᠨᠤ ᠮᠠᠯᠴᠢᠨ ᠰᠤᠶᠤᠯᠳᠠᠯᠠᠢᠶ᠋ᠢᠨᠬᠢᠨ ᠪᠣᠯ ᠦᠦᠱᠢᠨ ᠬᠤᠱᠢᠭᠤᠨᠤ ᠤᠷᠳᠤᠰᠤᠨ ᠨᠠᠷᠢᠨ ᠨᠤᠤᠰᠤᠳᠤ ᠬᠤᠨᠢ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠭᠦ᠌ ᠵᠢᠱ᠌ᠢᠶᠠᠴᠢ ᠡᠷᠤᠭᠡ ᠪᠤᠯᠤᠨᠠ᠂ 2008 ᠤᠨᠠᠴᠠ ᠡᠬᠢᠯᠡᠨ ᠬᠠᠭᠠᠰ ᠮᠠᠱᠢᠨᠴᠢᠯᠠᠭ᠍ᠰᠠᠨ ᠮᠠᠯ ᠲᠡᠵᠢᠭᠡᠬᠦ᠌ ᠠᠷᠭᠠ ᠪᠠᠷᠢᠯᠢ ᠰᠦᠪᠡᠭ᠌ᠴᠢᠯᠡᠵᠦ᠍᠂ 2009 ᠤᠨᠠᠴᠠ ᠡᠬᠢᠯᠡᠨ ᠬᠠᠱᠢᠶᠠ ᠰᠠᠷᠠᠪᠴᠢ ᠨᠡᠮᠡᠨ ᠪᠠᠢᠭᠤᠯᠬᠤᠶ᠋ᠢᠨ ᠬᠠᠮᠲᠤ ᠪᠣᠷᠳᠤᠭᠠ ᠨᠠᠢᠷᠠᠭᠤᠯᠬᠤ ᠮᠠᠱᠢᠨ᠂ ᠳᠠᠮᠵᠢᠭᠤᠯᠬᠤ ᠬᠤᠭᠤᠯᠠᠢ ᠤᠭ᠍ᠰᠠᠷᠠᠨ᠂ 2012 ᠤᠨᠠᠴᠠ ᠠᠢᠯ ᠠᠢᠮᠠᠭᠤᠨᠢᠶᠠᠨ ᠮᠡᠯᠤᠨ ᠪᠡᠯᠴᠢᠭᠡᠷᠢ ᠲᠦᠷᠢᠶᠡᠰᠦᠯᠡᠨ ᠠᠪᠴᠤ᠌᠂ ᠬᠤᠨᠢᠨᠤᠪᠠᠨ ᠲᠤᠭᠠ ᠲᠤᠯᠤᠭᠠᠢᠶ᠋ᠢ ᠵᠢᠯ ᠳᠠᠷᠠᠭᠠᠯᠠᠨ ᠨᠡᠮᠡᠭ᠌ᠳᠡᠭᠦᠯᠦᠭᠡᠳ 2016 ᠤᠨ ᠪᠤᠯᠬᠤᠳᠤ ᠮᠢᠩᠭᠠᠨ ᠲᠤᠯᠤᠭᠠᠢ ᠤᠷᠳᠤᠰᠤᠨ ᠨᠠᠷᠢᠨ ᠨᠤᠤᠰᠤᠲᠤ ᠬᠤᠨᠢᠲᠠᠢ ᠪᠤᠯᠤᠬ᠍ᠰᠠᠨ ᠪᠠᠢᠨᠠ᠃

《ᠮᠠᠱᠢᠨᠴᠢᠯᠠᠯᠲᠠᠪᠠᠷ ᠮᠠᠯ ᠲᠡᠵᠢᠭᠡᠬᠦ᠌ᠨᠢ ᠮᠠᠯᠴᠢᠨ ᠲᠦᠮᠡᠨᠤ ᠡᠷᠬᠡᠪᠰᠢ ᠶᠠᠪᠤᠬᠤ ᠵᠠᠮ ᠮᠦᠨ᠂ ᠮᠠᠱᠢᠨᠴᠢᠯᠠᠬᠤ ᠦᠭᠡᠢ ᠪᠣᠯ ᠬᠦᠮᠦᠨᠤ ᠬᠦᠴᠦ᠍ ᠶᠡᠭᠡ ᠬᠡᠷᠡᠭ᠌ᠰᠡᠬᠦ᠌ ᠮᠦᠷᠲᠡᠭᠡᠨ ᠵᠠᠷᠤᠴᠠᠭᠤᠯᠬᠤ ᠴᠠᠭᠨᠢ ᠠᠷᠪᠢᠨ ᠪᠣᠯᠵᠤ ᠠᠱᠢᠭ ᠣᠷᠣᠯᠭᠠᠨᠢ ᠳᠤᠤᠷᠠ ᠪᠤᠯᠳᠠᠭ᠂ ᠮᠠᠱᠢᠨᠴᠢᠯᠠᠭ᠍ᠰᠠᠨᠤ ᠬᠤᠢᠨᠠ ᠠᠳᠠᠯᠢᠬᠠᠨ ᠬᠤᠭᠤᠴᠠᠭᠠᠨ ᠳᠤᠲᠤᠷᠠ ᠭᠠᠭ᠍ᠴᠠ ᠬᠦᠮᠦᠨ ᠠᠷᠪᠠᠨ ᠬᠦᠮᠦᠨᠤ ᠠᠵᠢᠯᠢ ᠬᠢᠵᠦ᠍ ᠳᠡᠢᠯᠬᠦ᠌ ᠪᠤᠯᠤᠨᠠ》 ᠭᠡᠵᠦ᠍ ᠰᠣᠶᠣᠯᠳᠠᠯᠠᠢ ᠪᠢᠳᠠᠨᠳᠤ ᠶᠠᠷᠢᠵᠤ ᠪᠠᠢᠯᠠ᠃
ᠤᠷᠴᠢᠮᠤᠨ ᠬᠤᠶᠠᠷ ᠵᠢᠯ ᠰᠣᠶᠣᠯᠳᠠᠯᠠᠢ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠭᠦ᠌ ᠠᠷᠭᠠ ᠪᠠᠷᠢᠯ ᠲᠡᠭᠡᠷᠡᠪᠠᠨ ᠦᠭᠡᠷᠡᠴᠢᠯᠡᠯᠳᠡ ᠬᠢᠵᠦ᠍᠂ ᠬᠤᠴᠠᠨ ᠬᠤᠷᠠᠭᠠ ᠪᠤᠢᠵᠢᠭᠤᠯᠬᠤ᠂ ᠪᠤᠷᠳᠤᠨ ᠲᠠᠷᠭᠤᠯᠠᠭᠤᠯᠬᠤ ᠵᠡᠷᠭᠡ ᠵᠠᠬᠠ ᠳᠡᠯᠭᠡᠬᠦᠷᠲᠠᠢ ᠳᠣᠬᠢᠷᠠᠭ᠍ᠰᠠᠨ ᠠᠷᠭᠠᠪᠠᠷ ᠮᠠᠯᠢᠶᠠᠨ ᠮᠠᠯᠵᠢᠭ᠍ᠰᠠᠨᠢᠶᠠᠷ ᠣᠷᠣᠯᠭᠠᠨᠢ ᠴᠤ᠌ ᠢᠯᠡᠳᠳᠡ ᠳᠡᠭᠡᠭ᠌ᠰᠢᠯᠡᠵᠦ᠍᠂ ᠵᠢᠯᠳᠡᠭᠡᠨ 500 ᠭᠠᠷᠤᠢ ᠲᠥᠯ ᠲᠤᠰᠴᠤ᠌ ᠲᠥᠯᠢᠶᠠᠨ ᠪᠤᠷᠳᠤᠨ ᠲᠠᠷᠭᠤᠯᠠᠭᠤᠯᠵᠤ ᠪᠤᠷᠤᠯᠠᠭᠤᠯᠳᠠᠭ ᠪᠤᠯᠵᠠᠢ᠃

《ᠮᠠᠯᠤᠨ ᠲᠤᠭᠠ ᠲᠣᠯᠣᠭᠠᠢᠪᠠᠨ ᠨᠡᠮᠡᠭ᠌ᠳᠡᠭᠦᠯᠬᠦ᠌ᠠᠴᠠ ᠡᠮᠦᠨᠡ᠂ ᠠᠬᠠᠷ ᠨᠤᠤᠰᠤ᠂ ᠮᠢᠬᠠᠨᠤ ᠦᠨᠡ ᠳᠤᠭ᠍ᠲᠠᠭᠤᠨ ᠪᠠᠢᠳᠠᠯ ᠳᠤᠤᠷᠠ ᠵᠢᠯᠤᠨ ᠣᠷᠣᠯᠭᠠ ᠲᠠᠪᠤᠠᠴᠠ ᠵᠢᠷᠭᠤᠭᠠᠨ ᠲᠦᠮᠡ ᠪᠠᠢᠭ᠍ᠰᠠᠨ᠂ ᠡᠨᠡ ᠬᠤᠶᠠᠷ ᠵᠢᠯ ᠡᠪᠡᠰᠦ ᠪᠤᠷᠳᠤᠭᠠᠨᠤ ᠵᠤᠭᠤᠰ᠂ ᠪᠡᠯᠴᠢᠭᠡᠷᠤᠨ ᠲᠦᠷᠢᠶᠡᠰᠦᠪᠠᠨ ᠬᠠᠰᠤᠭᠠᠳ ᠨᠠᠷᠢᠨ ᠨᠤᠤᠰᠤᠲᠤ ᠬᠤᠨᠢ ᠮᠠᠯᠵᠢᠭ᠍ᠰᠠᠨ ᠴᠡᠪᠡᠷ ᠣᠷᠣᠯᠭᠠ ᠳᠦᠴᠢᠭᠡᠳ ᠲᠦᠮᠡ ᠬᠦᠷᠴᠦ᠍ ᠪᠠᠢᠨᠠ》 ᠭᠡᠵᠦ᠍ ᠰᠤᠶᠤᠯᠳᠠᠯᠠᠢ ᠪᠢᠳᠠᠨᠳᠤ ᠶᠠᠷᠢᠯᠠ᠃
(ᠮᠡᠷᠭᠡᠨ ᠴᠤᠬᠤᠷᠢ ᠱᠢᠷᠪᠢᠵᠦ᠍ ᠨᠠᠷᠢᠨ ᠠᠭᠤᠯᠭᠠᠶ᠋ᠢ ᠦᠵᠡᠭᠡᠷᠡᠢ!)
