9 ᠰᠠᠷᠠᠶ᠋ᠢᠨ ᠡᠬᠢᠪᠠᠷ ᠪᠢᠳᠠ ᠠᠯᠠᠱᠠ ᠠᠭᠤᠯᠠᠶ᠋ᠢ ᠳᠠᠪᠠᠨ ᠡᠯᠡᠰᠤᠨ ᠴᠦᠯᠤᠨ ᠳᠤᠮᠳᠠᠭᠤᠷ ᠠᠶᠠᠯᠠᠵᠤ᠂ ᠬᠦᠮᠡᠯᠢ ᠳᠠᠭᠠᠨᠠᠶ᠋ᠢᠨ ᠦᠨᠤᠷᠲᠤ ᠰᠡᠳᠭᠢᠯ ᠲᠠᠪᠠᠳᠠᠢᠪᠠᠷ ᠮᠦᠩᠭᠡᠪᠠᠶᠠᠷᠤᠨᠬᠢᠨᠳᠤ ᠬᠦᠷᠦᠭ᠌ᠰᠡᠨ ᠶᠤᠮ᠃ 《ᠬᠦᠮᠡᠯᠢ ᠪᠤᠯ ᠮᠠᠨᠤ ᠪᠠᠭᠠᠶ᠋ᠢᠨ ᠦᠶᠠᠶ᠋ᠢᠨ ᠦᠷᠭᠦᠯᠵᠢ ᠢᠳᠡᠳᠡᠭ ᠨᠤᠭᠤᠭᠠ ᠪᠤᠯᠤᠨᠠ᠂ ᠵᠢᠯ ᠪᠤᠯᠭᠠᠨᠤ 7 ᠰᠠᠷᠠᠶ᠋ᠢᠨ ᠬᠤᠷᠢᠳᠠᠴᠠ 8 ᠰᠠᠷᠠᠶ᠋ᠢᠨ ᠬᠤᠷᠢᠳ ᠪᠤᠯᠳᠠᠯᠠ ᠳᠤᠯᠠᠭᠠᠨᠤ ᠬᠡᠮᠵᠢᠶᠡ ᠲᠠᠬᠡᠭ᠌ᠰᠢᠯᠡᠬᠦ᠌ᠶ᠋ᠢ ᠳᠠᠭᠠᠯᠳᠤᠨ ᠬᠦᠮᠡᠯᠢ ᠴᠡᠴᠡᠭ᠌ᠯᠡᠵᠤ ᠭᠤᠤᠯᠨᠢ ᠬᠠᠳᠠᠭᠤᠷᠠᠳᠠᠭᠠᠴᠠ ᠬᠦᠮᠡᠯᠢ ᠠᠪᠳᠠᠭ ᠦᠭᠡᠢ᠂ ᠤᠳᠤ ᠬᠠᠯᠠᠭᠤᠨᠤ ᠴᠠᠭ ᠦᠩᠭᠡᠷᠡᠭ᠌ᠰᠡᠨ ᠳᠤᠯᠠ ᠪᠢᠳᠡ ᠬᠦᠮᠡᠯᠢᠪᠠᠨ ᠳᠠᠪᠤᠰᠤᠯᠠᠬᠤ ᠠᠵᠢᠯᠢᠶᠠᠨ ᠡᠬᠢᠯᠡᠭᠦᠯᠦᠭᠡᠳ ᠬᠡᠳᠦᠭᠡᠨ ᠡᠳᠦᠷ ᠪᠤᠯᠵᠤ ᠪᠠᠢᠨᠠ》 ᠭᠡᠵᠤ ᠪᠢᠳᠡᠨᠤ ᠰᠤᠷᠪᠤᠯᠵᠢᠯᠠᠬᠤ ᠵᠤᠷᠢᠯᠳᠠᠶ᠋ᠢ ᠮᠡᠳᠡᠭ᠌ᠰᠡᠨ ᠮᠦᠩᠭᠡᠪᠠᠶᠠᠷ ᠦᠪᠡᠷᠤᠨ ᠬᠦᠭ᠌ᠵᠢᠭᠦᠯᠵᠤ ᠪᠠᠢᠭᠠ ᠦᠢᠯᠡᠰᠤᠨᠢᠶᠠᠨ ᠳᠤᠬᠠᠢ ᠳᠠᠨᠢᠯᠴᠠᠭᠤᠯᠵᠤ ᠭᠠᠷᠤᠯᠠ᠃
ᠮᠦᠩᠬᠡᠪᠠᠶᠠᠷ ᠪᠤᠯ ᠠᠯᠠᠱᠠ ᠵᠡᠬᠦᠨ ᠬᠤᠱᠢᠭᠤᠨᠤ ᠳᠡᠭ᠌ᠷᠢ ᠡᠯᠡᠰᠤ ᠪᠠᠯᠭᠠᠰᠤᠶ᠋ᠢᠨ ᠳᠡᠮᠡᠭᠡᠨ ᠠᠭᠤᠯᠠ ᠭᠠᠴᠠᠭᠠᠨᠤ ᠮᠠᠯᠴᠢᠨ ᠶᠤᠮ᠂ ᠪᠠᠯᠴᠢᠷ ᠪᠠᠭᠠᠳᠤᠨᠢ ᠭᠡᠭᠡᠷᠠᠶ᠋ᠢᠨ ᠬᠦᠮᠡᠯᠢᠠᠴᠠ ᠪᠤᠰᠤᠳ ᠨᠤᠭᠤᠭᠠ ᠪᠠᠢᠬᠤ ᠦᠭᠡᠢ ᠭᠡᠳᠡᠭ᠂ ᠡᠳᠦᠭᠡ ᠮᠦᠩᠭᠡᠪᠡᠶᠠᠷ ᠤᠢ᠍ᠢᠷᠠ ᠬᠠᠪᠢᠶ᠋ᠢᠨ ᠮᠠᠯᠴᠢᠳᠢᠶᠠᠨ ᠳᠠᠭᠠᠭᠤᠯᠤᠨ ᠡᠪᠦᠭᠡ ᠳᠡᠭᠡᠳᠤᠠᠴᠠᠪᠠᠨ ᠢᠳᠡᠭ᠌ᠰᠡᠭᠡᠷ ᠢᠷᠡᠭ᠌ᠰᠡᠨ ᠬᠦᠮᠠᠯᠢᠶ᠋ᠢ ᠠᠵᠤ ᠦᠢᠯᠡᠰ ᠪᠤᠯᠭᠠᠨ ᠴᠤᠭ᠍ᠴᠠᠯᠠᠵᠤ ᠶᠠᠪᠤᠭᠠ ᠶᠤᠮ᠃ ᠤᠤᠯᠨᠢ ᠮᠦᠩᠬᠡᠪᠠᠶᠠᠷ ᠰᠤᠷᠭᠠᠭᠤᠯᠢ ᠰᠤᠶᠤᠯᠤᠨ ᠮᠦᠷ ᠬᠦᠭᠡᠭᠡᠨ ᠬᠦᠭᠡᠬᠤᠳᠠ ᠬᠦᠷᠳᠡᠯᠠ ᠰᠤᠷᠤᠯᠴᠠᠵᠦ᠍᠂ ᠱᠢᠯᠢᠶ᠋ᠢᠨ ᠭᠤᠤᠯ ᠠᠢᠮᠠᠭᠲᠤ ᠬᠦᠷᠴᠦ᠍ ᠠᠮᠤ ᠪᠤᠳᠠᠭᠠᠨᠤ ᠬᠦᠮᠦᠷᠭᠡᠳᠤ ᠠᠵᠢᠯᠯᠠᠨ ᠠᠢᠯ ᠭᠡᠷ ᠪᠤᠯᠵᠤ ᠠᠵᠤ ᠠᠮᠢᠳᠤᠷᠠᠯᠢᠶᠠᠨ ᠪᠤᠰᠭᠠᠭ᠍ᠰᠠᠨ ᠪᠠᠢᠵᠠᠢ᠃ ᠬᠤᠵᠢᠮ ᠬᠤᠢᠨᠠᠨᠢ ᠠᠵᠢᠯ ᠠᠯᠳᠠᠭᠠᠳ ᠦᠪᠡᠷᠤᠨ ᠦᠯᠦᠭᠡᠢ ᠨᠤᠳᠤᠭᠲᠠᠭᠠᠨ ᠪᠤᠴᠠᠵᠤ᠂ ᠨᠤᠳᠤᠭ ᠤᠰᠤᠨᠤᠪᠠᠨ ᠬᠡᠱᠢᠭ ᠪᠤᠶᠠᠨᠳᠤ ᠲᠦᠱᠢᠨ ᠦᠢᠯᠡᠰ ᠪᠤᠰᠭᠠᠨ ᠵᠢᠳᠭᠦᠭᠡᠳ ᠬᠤᠯᠠ ᠤᠢ᠍ᠢᠷᠠᠳᠠᠭᠠᠨ ᠠᠯᠳᠠᠷ ᠴᠤᠤᠲᠠᠢ ᠬᠦᠮᠦᠨ ᠪᠤᠯᠵᠠᠢ᠃
ᠨᠤᠳᠤᠭᠲᠠᠭᠠᠨ ᠬᠠᠷᠢᠭ᠍ᠰᠠᠨ ᠠᠩᠬᠠᠨᠤ ᠡᠳᠦᠷ ᠬᠤᠨᠤᠭᠤᠳᠲᠤ ᠳᠡᠷᠡ ᠴᠦᠭᠡᠨ ᠬᠡᠳᠤᠨ ᠮᠠᠯᠢᠶᠠᠨ ᠬᠠᠷᠢᠭᠤᠯᠵᠤ ᠶᠠᠪᠤᠬᠤ ᠵᠠᠭᠤᠷᠠ᠂ ᠪᠤᠷᠤᠭᠠᠨᠤ ᠳᠠᠷᠠᠭᠠ ᠪᠡᠯᠴᠢᠭᠡᠷ ᠲᠦᠭᠦᠷᠡᠩ ᠤᠷᠭᠤᠭ᠍ᠰᠠᠨ ᠬᠦᠮᠡᠯᠢᠶ᠋ᠢ ᠬᠠᠷᠠᠭᠠᠳ ᠠᠷᠠᠯᠵᠢᠶᠠᠨᠤ ᠠᠵᠠ ᠳᠤᠬᠢᠶᠠᠯ ᠪᠠᠢᠭᠠᠶ᠋ᠢ ᠠᠵᠢᠭ᠍ᠴᠢᠪᠠᠷ ᠰᠠᠷᠡᠵᠤ ᠮᠡᠳᠡᠭ᠌ᠰᠡᠨ ᠠᠵᠢ᠃ 2012 ᠤᠨᠠᠴᠠ ᠡᠬᠢᠯᠡᠨ ᠱᠢᠨᠠ ᠰᠤᠷᠭᠤᠭ ᠬᠦᠮᠡᠯᠢᠶ᠋ᠢᠨ ᠠᠷᠠᠯᠵᠢᠶᠠ ᠬᠢᠵᠤ ᠦᠢᠯᠡᠰᠤᠨ ᠴᠠᠭᠠᠨ ᠮᠦᠷᠢ ᠬᠦᠭᠡᠭᠡᠵᠡᠢ᠃ ᠬᠦᠮᠡᠯᠢᠨᠢ ᠨᠢᠩᠱᠢᠶᠠᠳᠤ ᠪᠤᠷᠤᠯᠠᠭᠤᠯᠭᠠ ᠰᠠᠢᠳᠠᠢ ᠪᠤᠯᠤᠭ᠍ᠰᠠᠨᠳᠤ ᠲᠡᠷᠡ 2014 ᠤᠨᠳᠤ ᠭᠠᠴᠠᠭᠠᠨᠤᠪᠠᠨ 14 ᠡᠷᠦᠭᠡᠶ᠋ᠢ ᠳᠠᠢᠴᠢᠯᠠᠨ ᠨᠤᠭᠤᠭᠠᠨ ᠳᠠᠯᠠ ᠠᠮᠢ ᠠᠬᠤᠢᠶ᠋ᠢᠨ ᠳᠤᠰᠭᠠᠢ ᠬᠤᠷᠱᠢᠶᠠ ᠪᠠᠢᠭᠤᠯᠵᠤ᠂ ᠨᠤᠳᠤᠭ ᠤᠰᠤᠨᠤ ᠮᠠᠯᠴᠢᠳᠢᠶᠠᠨ ᠳᠠᠢᠴᠢᠯᠠᠨ ᠬᠦᠮᠡᠯᠢᠶ᠋ᠢᠨ ᠦᠢᠯᠡᠰᠲᠤ ᠪᠦᠬᠦ᠌ ᠬᠦᠴᠦᠪᠠᠨ ᠵᠤᠷᠢᠭᠤᠯᠵᠤ ᠢᠷᠡᠯᠠ᠃
ᠳᠡᠭᠦᠨᠤ ᠦᠢᠯᠡᠰᠤᠨ ᠵᠠᠮ ᠠᠩᠬᠠ ᠡᠬᠢᠯᠡᠭᠦᠳᠡᠭᠡᠨ ᠳᠡᠢᠮᠦ᠍ ᠱᠢᠯᠤᠭᠤᠨ ᠪᠢᠰᠢ ᠪᠠᠢᠵᠠᠢ᠃ ᠱᠢᠨᠠ ᠰᠤᠷᠭᠤᠭ ᠬᠦᠮᠡᠯᠢᠶ᠋ᠢᠨ ᠦᠨᠠ ᠬᠠᠩᠰᠢ ᠳᠤᠤᠷᠠ ᠮᠦᠷᠳᠡᠭᠡᠨ ᠵᠠᠷᠢᠮᠳᠠᠭᠠᠨ ᠵᠠᠮᠤᠨ ᠬᠤᠯᠠᠳᠤ ᠢᠯᠵᠢᠷᠠᠴᠢᠬᠡᠳᠡᠭ᠂ ᠡᠬᠦᠨᠳᠤ ᠮᠦᠩᠬᠡᠪᠠᠶᠠᠷ ᠮᠡᠷᠭᠡᠵᠢᠯᠳᠠᠨ ᠤᠷᠢᠵᠤ ᠳᠤᠰᠭᠠᠢ ᠬᠤᠷᠱᠢᠶᠠᠶ᠋ᠢᠨ ᠬᠡᠱᠢᠭᠦᠨᠳᠡᠭᠡᠨ ᠮᠡᠷᠭᠡᠵᠢᠯ ᠰᠤᠷᠭᠠᠭᠠᠳ ᠳᠠᠪᠤᠰᠤᠯᠠᠭ᠍ᠰᠠᠨ ᠬᠦᠮᠡᠯᠢᠶ᠋ᠢ ᠵᠠᠬᠠ ᠳᠡᠯᠭᠡᠭᠦᠷᠲᠤ ᠭᠠᠷᠭᠠᠵᠤ ᠡᠬᠢᠯᠡᠪᠡ᠃ 《ᠠᠩᠬᠠᠨᠤ ᠵᠢᠯᠳᠤ 2 ᠲᠦᠮᠡᠨ ᠵᠢᠩ ᠬᠦᠮᠡᠯᠢ ᠳᠠᠪᠤᠰᠤᠯᠠᠵᠤ᠂ ᠲᠦᠮᠡᠨ ᠵᠢᠩᠢᠨᠢ ᠪᠤᠷᠤᠯᠠᠭᠤᠯᠵᠤ ᠲᠠᠢᠯᠦᠭ᠌ᠰᠡᠨ ᠦᠭᠡᠢ ᠭᠡᠭᠡᠵᠤ ᠤᠷᠬᠢᠴᠢᠬᠠᠭ᠍ᠰᠠᠨ᠃ ᠳᠠᠷᠠᠭᠠ ᠵᠢᠯᠳᠤᠨᠢ ᠠᠵᠢᠯᠤᠨ ᠳᠤᠷᠱᠢᠯᠭᠠᠲᠠᠢ ᠪᠤᠯᠤᠭ᠍ᠰᠠᠨ ᠪᠦᠭᠡᠳ ᠵᠠᠬᠠ ᠳᠡᠯᠭᠡᠭᠦᠷᠤᠨ ᠵᠠᠬᠢᠶᠠᠯᠠᠭᠠᠲᠠᠢ ᠪᠤᠯᠤᠭ᠍ᠰᠠᠨ ᠳᠤᠯᠠ ᠳᠠᠪᠤᠰᠤᠯᠠᠭ᠍ᠰᠠᠨ 4 ᠲᠦᠮᠡᠨ ᠵᠢᠩ ᠬᠦᠮᠡᠯᠢᠪᠠᠨ ᠰᠠᠷᠠ ᠪᠤᠯᠤᠭ᠍ᠰᠠᠨ ᠦᠭᠡᠢᠪᠠᠷ ᠪᠦᠬᠦᠨᠢ ᠪᠤᠷᠤᠯᠠᠭᠤᠯᠴᠢᠬᠠᠵᠠᠢ》 ᠭᠡᠵᠤ ᠮᠦᠩᠬᠡᠪᠠᠶᠠᠷ ᠦᠢᠯᠡᠰ ᠪᠤᠰᠭᠠᠭ᠍ᠰᠠᠨ ᠠᠩᠠᠬ᠍ᠨᠤ ᠶᠠᠪᠤᠳᠠᠯᠤᠳᠢᠶᠠᠨ ᠤᠴᠢᠷᠯᠠᠨᠠ᠃
ᠤᠤᠯᠨᠢ ᠳᠡᠮᠡᠭᠡᠨ ᠠᠭᠤᠯᠠ ᠭᠠᠴᠠᠭᠠᠨᠤ ᠮᠠᠯᠴᠢᠳ ᠮᠠᠯ ᠮᠠᠯᠵᠢᠨ ᠠᠵᠤ ᠲᠦᠷᠦᠵᠤ ᠪᠠᠢᠪᠠ᠂ ᠪᠡᠯᠴᠢᠭᠡᠷᠯᠡᠭᠦᠯᠬᠦ᠌ᠶ᠋ᠢ ᠵᠤᠭ᠍ᠰᠤᠭᠠᠭ᠍ᠰᠠᠨᠤ ᠳᠠᠷᠠᠭᠠ ᠬᠦᠮᠡᠯᠢᠶ᠋ᠢᠨ ᠤᠷᠭᠤᠴᠠ ᠰᠠᠢᠵᠢᠷᠠᠵᠤ᠂ ᠪᠡᠯᠴᠢᠭᠡᠷ ᠲᠦᠭᠦᠷᠡᠩ ᠬᠦᠮᠡᠯᠢ ᠬᠠᠯᠢᠭᠤᠷᠠᠨ ᠨᠤᠭᠤᠭᠠᠷᠠᠳᠠᠭ ᠪᠤᠯᠤᠯᠠ᠃ ᠠᠳᠡᠬᠢᠶ᠋ᠢᠨᠬᠢᠨ ᠪᠡᠯᠴᠢᠭᠡᠷᠢᠶᠠᠨ ᠳᠤᠤᠷᠯᠠᠨ ᠬᠤᠪᠢᠶᠠᠭ᠍ᠰᠠᠨ ᠦᠭᠡᠢ ᠪᠤᠯᠬᠤᠷ ᠬᠡᠨ ᠬᠦᠮᠤᠨ ᠬᠠᠮᠢᠭᠠᠬᠢ ᠪᠡᠯᠴᠢᠭᠡᠷᠤᠨ ᠬᠦᠮᠡᠯᠢᠶ᠋ᠢ ᠴᠦ᠍ ᠬᠠᠳᠤᠵᠤ ᠪᠤᠯᠳᠠᠭ᠃ 《ᠬᠤᠶᠠᠷ ᠬᠦᠮᠦᠨ ᠮᠠᠯᠢᠶᠠᠨ ᠬᠠᠷᠢᠭᠤᠯᠬᠤᠪᠠᠷ ᠮᠤᠲ᠋ᠤᠷᠢᠶᠠᠨ ᠤᠨᠤᠭᠠᠳ ᠭᠠᠷᠪᠠᠯ ᠬᠠᠭᠠᠰ ᠡᠳᠦᠷᠲᠤ ᠬᠦᠮᠡᠯᠢ ᠬᠠᠳᠤᠭᠠᠳ ᠬᠡᠳᠤᠨ ᠵᠠᠭᠤᠠᠴᠠ ᠮᠢᠩᠭᠠᠨ ᠲᠦᠭᠦᠷᠢᠭᠤᠨ ᠤᠷᠤᠯᠭᠠ ᠤᠯᠴᠢᠬᠠᠳᠠᠭ ᠶᠤᠮ᠃ ᠪᠤᠷᠤᠭᠠᠨ ᠰᠠᠢᠨ ᠵᠢᠯᠳᠤ ᠮᠠᠯᠴᠢᠳᠤᠨ ᠭᠠᠷᠠᠴᠠ ᠪᠠᠷᠤᠭ 50 ᠲᠦᠮᠡᠨ ᠵᠢᠩ ᠬᠦᠮᠡᠯᠢ ᠬᠤᠷᠢᠶᠠᠵᠤ ᠪᠤᠢ᠂ ᠪᠢᠳᠡ ᠵᠦᠪᠭᠡᠨ 30 ᠲᠦᠮᠡᠨ ᠵᠢᠩᠤᠨ ᠬᠦᠮᠡᠯᠢᠶ᠋ᠢ ᠡᠳ᠋ᠱᠢᠬᠦᠯᠦᠨ ᠪᠤᠯᠪᠠᠰᠤᠷᠠᠭᠤᠯᠬᠤ ᠴᠢᠳᠠᠪᠤᠷᠢᠲᠠᠢ ᠪᠤᠯᠬᠤᠷ ᠪᠤᠰᠤᠳᠢᠨᠢ ᠱᠢᠨᠠ ᠰᠤᠷᠭᠤᠭᠢᠶᠠᠷ ᠪᠤᠷᠤᠯᠠᠭᠤᠯᠵᠤ᠂ ᠭᠤᠤᠯᠨᠢ ᠮᠠᠯᠴᠢᠳᠲᠠᠭᠠᠨ ᠠᠱᠢᠭ ᠤᠯᠭᠤᠵᠤ ᠪᠠᠢᠨᠠ》 ᠭᠡᠵᠤ ᠮᠦᠩᠬᠡᠪᠠᠶᠠᠷ ᠳᠠᠨᠢᠯᠴᠠᠭᠤᠯᠤᠨᠠ᠃
ᠬᠦᠮᠦᠰ ᠬᠦᠮᠡᠯᠢᠪᠠᠷ ᠪᠤᠤᠵᠠ ᠬᠢᠳᠡᠭ᠂ ᠬᠠᠭᠤᠷᠤᠯᠭᠠ ᠬᠠᠭᠠᠷᠢᠯᠭᠠ ᠬᠢᠳᠡᠭ᠂ ᠪᠠᠰᠠ ᠬᠦᠢᠳᠡᠨ ᠵᠠᠭᠤᠰᠢ ᠪᠤᠯᠭᠠᠳᠠᠭ ᠶᠤᠮ᠃ ᠳᠡᠮᠡᠭᠡᠨ ᠠᠭᠤᠯᠠ ᠭᠠᠴᠠᠭᠠᠨᠤ ᠮᠠᠯᠴᠢᠳᠠᠴᠠ ᠪᠤᠰᠤᠳ ᠬᠠᠵᠠᠭᠤ ᠬᠠᠪᠢᠶ᠋ᠢᠨ ᠳᠠᠪᠤᠨ ᠳᠤᠯᠤᠭᠠᠢ ᠭᠠᠴᠠᠭᠠ᠂ ᠤᠯᠠᠭᠠᠨᠬᠠᠳᠠ ᠭᠠᠴᠠᠭᠠ᠂ ᠴᠠᠯᠠᠭᠠᠷ ᠭᠠᠴᠠᠭᠠ ᠵᠢᠴᠢ ᠤᠨᠳᠤᠷᠤᠯᠳᠤ ᠰᠤᠮᠤᠨᠤ ᠮᠠᠯᠴᠢᠳ ᠴᠦ᠍ ᠬᠦᠮᠡᠯᠢ ᠬᠠᠳᠤᠵᠤ ᠮᠦᠩᠬᠡᠪᠠᠶᠠᠷᠤᠨᠬᠢᠨᠳᠤ ᠬᠤᠳᠠᠯᠳᠤᠳᠠᠭ ᠪᠢᠯᠡ᠃ ᠨᠤᠭᠤᠭᠠᠨ ᠳᠠᠯᠠ ᠠᠮᠢ ᠠᠬᠤᠢᠶ᠋ᠢᠨ ᠳᠤᠰᠭᠠᠢ ᠬᠤᠷᠱᠢᠶᠠᠶ᠋ᠢᠨ ᠬᠦᠮᠡᠯᠢᠶ᠋ᠢᠨ ᠠᠵᠤ ᠦᠢᠯᠡᠰ ᠰᠦᠨᠳᠡᠷᠯᠡᠨ ᠪᠤᠰᠤᠭ᠍ᠰᠠᠨᠠᠴᠠ ᠨᠤᠳᠤᠭᠤᠨ ᠮᠠᠯᠴᠢᠳ ᠪᠠᠯᠴᠢᠭᠡᠷᠤᠨ ᠬᠦᠮᠡᠯᠢᠪᠠᠨ 《ᠨᠤᠭᠤᠭᠠᠨ ᠪᠠᠩᠬᠢ》 ᠭᠡᠳᠡᠭᠲᠤ ᠤᠯᠠᠮ ᠢᠳᠡᠭᠡᠳᠡᠭ ᠪᠤᠯᠵᠠᠢ᠃ ᠠᠯᠢ ᠡᠷᠳᠡ ᠨᠢᠩᠱᠢᠶᠠᠶ᠋ᠢᠨ ᠬᠤᠳᠠᠯᠳᠤᠭᠠᠴᠢᠳ ᠵᠢᠩ ᠪᠦᠷᠢᠳᠤ 20 ᠮᠦᠩᠬᠦ᠌ᠪᠠᠷ ᠮᠠᠯᠴᠢᠳᠤᠨ ᠭᠠᠷᠠᠴᠠ ᠬᠦᠮᠡᠯᠢ ᠬᠤᠳᠠᠯᠳᠤᠨ ᠠᠪᠴᠦ᠍ ᠪᠠᠢᠵᠠᠢ᠂ ᠮᠦᠩᠬᠡᠪᠠᠶᠠᠷᠤᠨ ᠳᠠᠢᠴᠢᠯᠠᠯᠳᠠ ᠳᠤᠤᠷᠠ ᠤᠳᠤ ᠨᠢᠭᠡ ᠵᠢᠩ ᠬᠦᠮᠡᠯᠢᠶ᠋ᠢ ᠳᠠᠪᠤᠰᠤᠯᠠᠭᠠᠳ ᠬᠤᠳᠠᠯᠳᠤᠪᠠᠯ 10 ᠲᠦᠭᠦᠷᠢᠭᠲᠤ ᠬᠦᠷᠴᠦ᠍᠂ ᠬᠦᠬᠡᠬᠤᠳᠠᠳᠠᠬᠢ ᠪᠤᠷᠤᠯᠠᠭᠤᠯᠭᠠᠨᠢ 20 ᠲᠦᠭᠦᠷᠢᠭᠲᠤ ᠬᠦᠷᠴᠤ᠌ ᠪᠤᠢ᠃ ᠤᠳᠤ ᠨᠤᠭᠤᠭᠠᠨ ᠳᠠᠯᠠ ᠠᠮᠢ ᠠᠬᠤᠢᠶ᠋ᠢᠨ ᠳᠤᠰᠭᠠᠢ ᠬᠤᠷᠱᠢᠶᠠᠶ᠋ᠢᠨ ᠳᠠᠪᠤᠰᠤᠯᠠᠭ᠍ᠰᠠᠨ ᠬᠦᠮᠡᠯᠢᠶ᠋ᠢᠨ ᠵᠢᠯᠤᠨ ᠤᠷᠤᠯᠭᠠ ᠬᠡᠳᠤᠨ ᠵᠠᠭᠤᠨ ᠲᠦᠮᠡᠨ ᠲᠦᠭᠦᠷᠢᠭᠲᠤ ᠬᠦᠷᠴᠦ᠍᠂ ᠨᠢᠩᠱᠢᠶᠠ᠂ ᠭᠠᠨᠰᠤ᠂ ᠬᠦᠬᠡᠬᠤᠳᠠ᠂ ᠪᠤᠭᠤᠳᠤ ᠵᠡᠷᠭᠡ ᠭᠠᠵᠠᠷ ᠤᠷᠤᠨᠳᠤ ᠳᠤᠰᠭᠠᠢ ᠪᠤᠷᠤᠯᠠᠭᠤᠯᠭᠠᠶ᠋ᠢᠨ 50 ᠭᠠᠷᠤᠢ ᠤᠷᠤᠯᠠᠨ ᠪᠤᠷᠤᠯᠠᠭᠤᠯᠤᠭ᠍ᠴᠢᠲᠠᠢ ᠪᠤᠯᠵᠠᠢ᠃
ᠡᠳᠦᠭᠡ ᠨᠤᠭᠤᠭᠠᠨ ᠳᠠᠯᠠ ᠠᠮᠢ ᠠᠬᠤᠢᠶ᠋ᠢᠨ ᠳᠤᠰᠭᠠᠢ ᠬᠤᠷᠱᠢᠶᠠᠨᠤ ᠮᠠᠯᠴᠢᠳᠤᠨ ᠡᠩᠤᠨ ᠦᠶᠠᠶ᠋ᠢᠨ ᠭᠤᠤᠯ ᠠᠵᠢᠯ ᠪᠤᠯ ᠳᠠᠪᠤᠰᠤᠯᠠᠭ᠍ᠰᠠᠨ ᠬᠦᠮᠡᠯᠢ ᠤᠭᠤᠳᠠᠯᠠᠨ ᠰᠠᠷᠠᠳᠤ 1.2 ᠲᠦᠮᠡᠨ ᠲᠦᠭᠦᠷᠢᠭᠤᠨ ᠬᠦᠯᠦᠰᠤ ᠤᠯᠭᠤᠮᠵᠢ ᠤᠯᠵᠤ᠂ ᠪᠠᠰᠠ ᠴᠢᠯᠦᠬᠡ ᠵᠠᠪᠢᠶᠠᠷᠢᠶᠠᠨ ᠮᠠᠯ ᠮᠠᠯᠵᠢᠨ ᠬᠦᠮᠠᠯᠢ ᠬᠠᠳᠤᠵᠤ ᠬᠦᠮᠡᠯᠢ ᠬᠤᠳᠠᠯᠳᠤᠵᠤ ᠪᠠᠢᠨᠠ᠃ ᠮᠦᠩᠬᠡᠴᠢᠯᠠᠭᠤ ᠪᠤᠯ ᠳᠡᠮᠡᠭᠡᠨ ᠠᠭᠤᠯᠠ ᠭᠠᠴᠠᠭᠠᠨᠤ ᠮᠠᠯᠴᠢᠨ᠂ ᠲᠡᠷᠡ ᠮᠦᠩᠬᠡᠪᠠᠶᠠᠷᠢ ᠳᠠᠭᠠᠭᠠᠳ ᠠᠷᠪᠠᠭᠠᠳ ᠵᠢᠯ ᠠᠵᠢᠯᠯᠠᠵᠤ᠂ ᠤᠳᠤ ᠦᠢᠯᠡᠳᠪᠦᠷᠢᠶ᠋ᠢᠨ ᠳᠠᠰᠤᠭᠲᠤ ᠬᠦᠮᠡᠯᠢ ᠳᠠᠪᠤᠰᠤᠯᠠᠬᠤ ᠠᠵᠢᠯᠢ ᠭᠤᠤᠯᠯᠠᠨ ᠬᠠᠷᠢᠭᠤᠴᠠᠵᠤ ᠪᠤᠢ᠃ 《ᠪᠢ ᠵᠢᠯᠤᠨ 7 ᠲᠦᠮᠡᠨ ᠲᠦᠭᠦᠷᠢᠭᠤᠨ 〈ᠴᠠᠯᠢᠩ〉 ᠢᠳᠡᠵᠤ ᠪᠠᠢᠨᠠ᠂ ᠨᠤᠭᠤᠭᠠᠨ ᠳᠠᠯᠠ ᠠᠮᠢ ᠠᠬᠤᠢᠶ᠋ᠢᠨ ᠲᠤᠰᠭᠠᠢ ᠬᠤᠷᠱᠢᠶᠠᠶ᠋ᠢᠨ ᠲᠠᠢᠴᠢᠯᠠᠯᠢᠶᠠᠷ ᠡᠷᠬᠢᠨ ᠲᠤᠭᠤᠷᠢᠨᠤ ᠮᠠᠯᠴᠢᠳᠤᠨ ᠤᠷᠤᠯᠭᠠ ᠶᠡᠬᠡᠬᠡᠨ ᠨᠡᠮᠡᠭ᠌ᠳᠡᠯᠠ》 ᠭᠡᠵᠤ ᠮᠦᠩᠬᠡᠴᠢᠯᠡᠭᠤ ᠤᠷᠮᠠᠳᠠᠢ ᠶᠠᠷᠢᠨᠠ᠃ 《ᠪᠢᠳᠡᠨᠤ ᠵᠠᠬᠢᠶᠠᠯᠠᠭᠠ ᠵᠢᠯᠠᠴᠠ ᠵᠢᠯ ᠨᠡᠮᠡᠭ᠌ᠳᠡᠵᠤ᠂ ᠵᠢᠯ ᠪᠦᠷᠢ ᠭᠠᠳᠠᠭ᠍ᠰᠢᠪᠠᠨ 30 ᠲᠦᠮᠡᠨ ᠵᠢᠩ ᠳᠠᠪᠤᠰᠤᠯᠠᠭ᠍ᠰᠠᠨ ᠬᠦᠮᠡᠯᠢ ᠶᠠᠪᠤᠭᠤᠯᠵᠤ ᠪᠠᠢᠭᠠ ᠪᠤᠯᠪᠠᠴᠦ᠍ ᠵᠠᠬᠠ ᠳᠡᠯᠭᠡᠭᠦᠷᠤᠨ ᠬᠡᠷᠡᠭ᠌ᠴᠡᠭᠡᠶ᠋ᠢ ᠬᠠᠩᠭᠠᠵᠤ ᠬᠦᠢᠴᠡᠭᠦ᠌ ᠦᠭᠡᠢ ᠪᠠᠢᠭ᠍ᠰᠠᠭᠠᠷ᠃ ᠳᠠᠷᠠᠭᠠᠴᠢᠪᠠᠷ ᠪᠠᠰᠠ 30 ᠲᠦᠮᠡᠨ ᠵᠢᠩ ᠬᠦᠮᠡᠯᠢ ᠡᠳ᠋ᠱᠢᠬᠦᠯᠦᠨ ᠪᠤᠯᠪᠠᠰᠤᠷᠠᠭᠤᠯᠬᠤ ᠴᠢᠳᠠᠪᠤᠷᠢᠲᠠᠢ ᠦᠢᠯᠡᠳᠪᠦᠷᠢᠶ᠋ᠢᠨ ᠳᠠᠰᠤᠭ ᠪᠠᠢᠭᠤᠯᠵᠤ᠂ ᠨᠡᠩ ᠤᠯᠠᠨ ᠮᠠᠯᠴᠢᠨᠳᠤ ᠠᠱᠢᠭ ᠬᠦᠷᠳᠡᠭᠡᠨ ᠬᠦᠮᠡᠯᠢᠶ᠋ᠢᠨ ᠠᠵᠤ ᠦᠢᠯᠡᠰᠢ ᠬᠦᠭ᠌ᠵᠢᠬᠦᠯᠤᠨ ᠲᠤᠮᠤᠷᠠᠭᠤᠯᠬᠤᠶ᠋ᠢ ᠪᠤᠳᠤᠵᠤ ᠪᠠᠢᠨᠠ》 ᠭᠡᠵᠤ ᠮᠦᠩᠭᠡᠪᠠᠶᠠᠷ ᠬᠤᠵᠢᠮᠤᠨ ᠬᠠᠷᠠᠯᠳᠠᠪᠠᠨ ᠲᠠᠯᠬᠡᠯᠠ᠃