ᠪᠤᠯᠤᠩ ᠨᠡᠭᠡᠭᠡᠬᠦ᠌ ᠦᠭᠡ᠄
《ᠰᠣᠶᠣᠯᠤᠨ ᠬᠠᠮᠲᠤᠶ᠋ᠢᠨ ᠲᠠᠨᠢᠯᠲᠠ ᠪᠣᠯ ᠬᠠᠮᠤᠭᠤᠨ ᠭᠦᠨ ᠳᠠᠪᠬᠤᠷᠭᠠᠶ᠋ᠢᠨ ᠬᠠᠮᠲᠤᠶ᠋ᠢᠨ ᠲᠠᠨᠢᠯᠲᠠ ᠮᠥᠨ᠂ ᠦᠨᠳᠦᠰᠦᠲᠡᠨᠤ ᠪᠦᠯᠬᠦᠮᠳᠡᠯᠤᠨ ᠦᠨᠳᠦᠰᠦ᠂ ᠦᠨᠳᠦᠰᠦᠲᠡᠨᠤ ᠡᠶᠡ ᠨᠠᠢᠷᠠᠮᠳᠠᠯᠤᠨ ᠰᠦᠭ ᠰᠦᠨᠡᠰᠦ ᠮᠥᠨ》᠃ ᠶᠡᠷᠦᠩᠬᠡᠢ ᠱᠦᠵᠢ ᠰᠢᠶ᠋ᠢᠨ ᠫᠢᠩ ᠠᠷᠪᠠᠨ ᠭᠤᠷᠪᠠᠳᠤᠭᠠᠷ ᠬᠤᠭᠤᠴᠠᠭᠠᠨᠤ ᠪᠦᠬᠦ᠌ ᠤᠯᠤᠰᠤᠨ ᠠᠷᠠᠳᠤᠨ ᠲᠥᠯᠥᠭᠡᠯᠡᠭ᠌ᠴᠢᠳᠤᠨ ᠶᠡᠭᠡ ᠬᠤᠷᠠᠯᠤᠨ ᠳᠥᠷᠪᠡᠳᠦᠭᠡᠷ ᠬᠤᠷᠠᠯᠤᠨ ᠥᠪᠥᠷ ᠮᠣᠩᠭᠤᠯᠤᠨ ᠲᠥᠯᠥᠭᠡᠯᠡᠭ᠌ᠴᠢᠳᠤᠨ ᠪᠦᠯᠬᠦᠮᠤᠨ ᠬᠢᠨᠠᠨ ᠵᠥᠪᠯᠡᠬᠦ᠌ᠳᠤ ᠣᠷᠣᠯᠴᠠᠬᠤ ᠦᠶᠡᠶ᠋ᠢᠨ ᠴᠢᠬᠤᠯᠠ ᠶᠠᠷᠢᠶᠠᠨᠢ ᠦᠨᠳᠦᠰᠦᠲᠡᠨᠨᠦᠭᠦᠳᠤᠨ ᠠᠷᠠᠳ ᠲᠦᠮᠡᠨᠤ ᠨᠢᠭᠡ ᠭᠡᠷᠤᠨ ᠬᠥᠮᠦᠨ ᠮᠡᠲᠦ ᠳᠣᠲᠣᠨᠣ ᠪᠠᠢᠬᠤ ᠰᠣᠶᠣᠯᠤᠨ ᠰᠠᠭᠤᠷᠢᠶ᠋ᠢ ᠦᠬᠦᠯᠡᠵᠤ᠂ ᠳᠤᠮᠳᠠᠳᠤᠶ᠋ᠢᠨ ᠦᠨᠳᠦᠰᠦᠲᠡᠨᠤ ᠤᠯᠠᠨ ᠡᠱᠢᠲᠦ ᠨᠢᠭᠡ ᠴᠤᠭ᠍ᠴᠠᠵᠢᠭ᠍ᠰᠠᠨ ᠤᠶᠤᠨ ᠰᠠᠨᠠᠭᠠᠨᠤ ᠰᠤᠳᠠᠰᠤᠶ᠋ᠢ ᠢᠯᠡᠷᠡᠭᠦᠯᠦᠭ᠌ᠰᠡᠨ ᠪᠠᠢᠨᠠ᠃
ᠳᠤᠮᠳᠠᠳᠤᠶ᠋ᠢᠨ ᠱᠢᠯᠢᠳᠡᠭ ᠤᠯᠠᠮᠵᠢᠯᠠᠯᠲᠤ ᠰᠣᠶᠣᠯᠢ ᠤᠯᠠᠮᠵᠢᠯᠠᠨ ᠪᠠᠳᠠᠷᠠᠭᠤᠯᠬᠤᠶ᠋ᠢᠨ ᠲᠥᠯᠥᠭᠡ᠂ ᠲᠤᠰ ᠨᠢᠭᠤᠷ 《ᠤᠯᠠᠮᠵᠢᠯᠠᠯᠲᠤ ᠤᠷᠠ ᠮᠡᠷᠭᠡᠵᠢᠯᠢ ᠰᠤᠨᠢᠷᠬᠠᠵᠤ · ᠠᠭᠤᠰᠤᠯᠴᠠᠯᠤᠨ ᠦᠯᠢᠭᠡᠷᠢ ᠰᠣᠨᠣᠰᠤᠶᠠ》 ᠬᠡᠬᠦ᠌ ᠪᠤᠯᠤᠩᠢ ᠲᠤᠬᠢᠷᠠᠭᠤᠯᠵᠤ᠂ ᠮᠠᠨᠤ ᠣᠷᠣᠨᠤ ᠦᠨᠳᠦᠰᠦᠲᠡᠨᠨᠦᠭᠦᠳᠤᠨ ᠣᠯᠠᠨ ᠲᠦᠮᠡᠨᠤ ᠬᠠᠮᠲᠤᠪᠠᠷ ᠡᠭᠦᠳᠦᠨ ᠪᠦᠲᠦᠭᠡᠭ᠌ᠰᠡᠨ ᠪᠣᠳᠠᠰᠤᠨ ᠪᠤᠰᠤ ᠰᠣᠶᠣᠯᠤᠨ ᠥᠪ ᠵᠢᠴᠢ ᠥᠪᠡᠷᠮᠢᠴᠡ ᠣᠨᠴᠠᠯᠢᠭᠲᠠᠢ ᠠᠷᠠᠳᠤᠨ ᠤᠷᠠ ᠮᠡᠷᠭᠡᠵᠢᠯᠳᠤ ᠠᠩᠬᠠᠷᠤᠯᠢᠶᠠᠨ ᠬᠠᠨᠳᠤᠭᠤᠯᠵᠤ᠂ ᠥᠪᠥᠷ ᠮᠣᠩᠭᠤᠯᠤᠨ ᠦᠨᠳᠦᠰᠦᠲᠡᠨᠨᠦᠭᠦᠳᠤᠨ ᠰᠣᠶᠣᠯᠤᠨ ᠠᠭᠤᠰᠤᠯᠴᠠᠵᠤ ᠬᠠᠷᠢᠯᠴᠠᠨ ᠲᠣᠯᠢ ᠪᠤᠯᠭᠠᠬ᠍ᠰᠠᠨ᠂ ᠬᠠᠮᠲᠤᠪᠠᠷ ᠴᠡᠴᠡᠭ᠌ᠯᠡᠨ ᠬᠦᠭ᠌ᠵᠢᠭ᠌ᠰᠡᠨ ᠠᠭᠤᠰᠤᠯᠴᠠᠯᠤᠨ ᠦᠯᠢᠭᠡᠷᠢ ᠶᠠᠷᠢᠵᠤ᠂ ᠪᠦᠬᠦ᠌ ᠣᠷᠣᠨᠤ ᠡᠯᠡ ᠦᠨᠳᠦᠰᠦᠲᠡᠨ ᠡᠯᠡ ᠡᠲᠡᠭᠡᠳ᠂ ᠡᠯᠡ ᠠᠵᠢᠯ ᠲᠦᠷᠦᠯᠤᠨᠬᠢᠨᠤ ᠳᠤᠮᠳᠠᠳᠤᠶ᠋ᠢᠨ ᠦᠨᠳᠦᠰᠦᠲᠡᠨᠤ ᠬᠠᠮᠲᠤ ᠴᠣᠭ᠍ᠴᠠᠶ᠋ᠢᠨ ᠤᠬᠠᠮᠰᠠᠷᠢ ᠴᠢᠨᠠᠭ᠍ᠰᠢᠳᠠ ᠪᠠᠲᠤ ᠴᠤᠬ᠍ᠴᠠᠯᠠᠵᠤ᠂ ᠰᠣᠶᠣᠯᠤᠨ ᠬᠠᠮᠳᠤᠶ᠋ᠢᠨ ᠲᠠᠨᠢᠯᠳᠠᠪᠠᠨ ᠴᠢᠩᠭᠠᠳᠭᠠᠵᠤ᠂ ᠰᠣᠶᠣᠯᠤᠨ ᠢᠲᠡᠭᠡᠯᠢᠶᠠᠨ ᠪᠠᠲᠤᠳᠭᠠᠬᠤᠶ᠋ᠢ ᠵᠤᠷᠢᠭ᠍ᠵᠢᠭᠤᠯᠵᠤ᠂ ᠣᠳᠣᠬᠢᠴᠢᠯᠠᠭ᠍ᠰᠠᠨ ᠥᠪᠥᠷ ᠮᠣᠩᠭᠤᠯᠢ ᠪᠦᠳᠦᠭᠡᠨ ᠪᠠᠢᠭᠤᠯᠬᠤ ᠱᠢᠨᠡ ᠠᠶᠠᠨᠳᠤ ᠪᠦᠯᠬᠦᠮᠳᠡᠨ ᠲᠡᠮᠡᠴᠡᠵᠦ᠍᠂ ᠡᠷᠡᠮᠡᠭᠡᠢᠯᠡᠨ ᠤᠷᠤᠭ᠍ᠰᠢᠯᠠᠵᠤ᠂ ᠱᠢᠨᠡ ᠴᠠᠭ ᠦᠶᠡᠶ᠋ᠢᠨ ᠴᠢᠨᠠᠷ ᠰᠠᠢᠲᠠᠢ ᠬᠥᠭ᠌ᠵᠢᠯᠲᠡᠶ᠋ᠢᠨ ᠥᠪᠥᠷ ᠮᠣᠩᠭᠤᠯᠤᠨ ᠬᠠᠭᠤᠳᠠᠰᠤᠶ᠋ᠢ ᠴᠢᠷᠮᠠᠢᠨ ᠪᠢᠴᠢᠭ᠌ᠯᠡᠨᠡ᠃
《ᠯᠤᠤᠳᠤ ᠳ᠋ᠧᠩᠤᠨ ᠬᠡᠩᠬᠡᠷᠬᠡ》 ᠪᠠᠨ ᠲᠡᠯᠡᠳᠦᠨ ᠱᠢᠨᠠ ᠡᠷᠢᠨᠳᠤ ᠡᠷᠡᠮᠡᠬᠡᠢᠯᠡᠨ ᠤᠷᠤᠬ᠍ᠰᠢᠯᠠᠶᠠ
ᠲᠡᠭ᠌ᠷᠢᠠᠴᠠ ᠡᠬᠢᠲᠠᠢ ᠬᠠᠳᠤᠨ ᠭᠤᠤᠯᠤᠨ ᠤᠰᠤ ᠬᠤᠯᠠᠶ᠋ᠢᠨ ᠬᠤᠯᠠᠶ᠋ᠢ ᠵᠤᠷᠢᠨ ᠡᠳᠦᠷ ᠰᠦᠨᠢᠶ᠋ᠢᠨ ᠬᠤᠪᠢᠨᠳᠤ ᠬᠦᠷᠬᠢᠷᠡᠨ ᠲᠠᠪᠠᠯᠭᠠᠯᠠᠨᠠ᠃ ᠳᠡᠭᠡᠳᠦ ᠤᠷᠤᠰᠭᠠᠯᠤᠨ ᠬᠠᠮᠤᠭᠤᠨ ᠰᠡᠭᠦᠯᠴᠢᠶ᠋ᠢᠨ ᠴᠢᠳᠭᠤᠯᠠᠩ ᠶᠡᠭᠡ ᠲᠦᠷᠭᠡᠨ ᠭᠤᠣᠯᠨᠢ ᠲᠣᠭ᠍ᠲᠠᠬᠤ ᠱᠢᠶᠠᠨᠤ ᠾᠧ ᠺᠸᠤ ᠲᠣᠰᠭᠤᠨᠳᠤ ᠬᠠᠲᠤᠨ ᠭᠤᠣᠯᠳᠤ ᠨᠡᠢᠯᠡᠨ ᠣᠷᠣᠨᠠ᠃ ᠥᠪᠡᠷᠮᠢᠴᠡ ᠤᠨᠴᠠᠭᠠᠢ ᠭᠠᠵᠠᠷ ᠵᠦᠶᠶ᠋ᠢᠨ ᠪᠠᠢᠷᠢᠯᠠᠯᠨᠢ ᠠᠳᠡᠬᠢᠶ᠋ᠢ ᠮᠠᠨᠤ ᠤᠯᠤᠰᠤᠨ ᠤᠮᠠᠷᠠᠲᠤ ᠣᠷᠣᠨᠤ ᠨᠡᠷᠡᠲᠦ ᠤᠰᠤ ᠪᠠ ᠬᠠᠭᠤᠷᠠᠢᠶ᠋ᠢᠨ ᠭᠠᠷᠠᠮ ᠪᠣᠯᠭᠠᠵᠤ᠂ ᠬᠤᠶᠠᠷ ᠵᠠᠭᠤ ᠭᠠᠷᠤᠶ ᠵᠢᠯᠤᠨ ᠪᠠᠳᠠᠷᠠᠯ ᠴᠡᠴᠡᠭ᠌ᠯᠡᠯᠢ ᠦᠷᠭᠦᠯᠵᠢᠯᠡᠬᠦᠯᠵᠤ᠂ ᠡᠯᠪᠡᠭ ᠪᠠᠶᠠᠯᠢᠭ ᠠᠭᠤᠯᠭᠠᠲᠠᠢ ᠠᠷᠠᠳᠤᠨ ᠰᠣᠶᠣᠯᠢ ᠪᠤᠶ ᠪᠣᠯᠭᠠᠪᠠ᠃ ᠡᠭᠦᠨᠳᠤ᠂ ᠯᠣᠣᠳᠤ ᠳ᠋ᠧᠩᠤᠨ ᠬᠡᠩᠭᠡᠷᠭᠡᠨᠢ ᠠᠷᠠᠳᠤᠨ ᠤᠷᠠᠯᠢᠭᠤᠨ ᠭᠠᠢᠬᠠᠮᠱᠢᠭ᠍ᠲᠤ ᠡᠷᠳᠡᠨᠢᠶ᠋ᠢᠨ ᠨᠢᠭᠡᠨᠢ ᠶᠤᠮ᠃
《ᠬᠡᠳᠦᠨ ᠡᠷᠴᠢᠮ ᠣᠯᠣᠰᠣᠨ ᠳᠡᠭᠡᠰᠦᠶ᠋ᠢ ᠨᠢᠭᠡ ᠡᠷᠴᠢᠮ ᠪᠣᠯᠭᠠᠨ ᠨᠡᠢᠯᠡᠬᠦᠯᠪᠡ》
ᠾᠧ ᠺᠸᠤᠶ᠋ᠢᠨ ᠪᠠᠢᠷᠢᠯᠠᠵᠤ ᠪᠠᠢᠭᠠ ᠲᠣᠭ᠍ᠲᠠᠬᠤ ᠱᠢᠶᠠᠨᠤ ᠭᠠᠵᠠᠷ ᠣᠷᠣᠨ ᠪᠤᠯ ᠮᠤᠨᠢ ᠠᠭᠤᠯᠠᠶ᠋ᠢ ᠲᠦᠱᠢᠵᠦ᠍᠂ ᠬᠠᠲᠤᠨ ᠭᠤᠣᠯᠢ ᠡᠰᠡᠷᠬᠦᠯᠡᠨ᠂ ᠠᠭᠤᠷ ᠠᠮᠢᠰᠭᠤᠯ ᠳᠤᠯᠠᠭᠠᠨ᠂ ᠳᠥᠷᠪᠡᠨ ᠤᠯᠠᠷᠢᠯ ᠡᠬᠡᠯᠵᠢᠯᠡᠭ᠌ᠰᠡᠨ᠂ ᠬᠥᠷᠥᠰᠥ᠍ ᠱᠢᠷᠣᠶᠨᠢ ᠦᠩ ᠱᠢᠮᠡᠯᠢᠭ ᠤᠰᠤᠨᠢ ᠲᠤᠩᠭᠠᠯᠠᠭ᠂ ᠮᠠᠯᠵᠢᠬᠤᠳᠤ ᠲᠣᠬᠢᠷᠠᠮᠵᠢᠲᠠᠶ ᠲᠠᠷᠢᠶᠠᠯᠠᠬᠤᠳᠤ ᠴᠤ᠌ ᠠᠱᠢᠬ᠍ᠳᠠᠢ ᠶᠤᠮ᠃ ᠴᠢᠩ ᠤᠯᠤᠰᠤᠨ ᠦᠶᠡᠠᠴᠠ ᠨᠠᠭᠠᠰᠢ᠂ ᠾᠧ ᠺᠸᠤᠨᠢ ᠠᠭᠠᠵᠢᠮᠢᠶᠠᠷ ᠮᠠᠨᠤ ᠤᠯᠤᠰᠤᠨ ᠤᠮᠠᠷᠠᠲᠤ ᠣᠷᠣᠨᠤ ᠨᠡᠷᠡᠲᠦ ᠤᠰᠤ ᠬᠠᠭᠤᠷᠠᠶᠶ᠋ᠢᠨ ᠭᠠᠷᠠᠮ ᠪᠣᠯᠵᠤ᠂ ᠳᠡᠯᠭᠡᠭᠦᠷ ᠫᠦᠰᠡ ᠲᠦᠪᠯᠡᠷᠡᠵᠤ᠂ ᠪᠤᠭᠤᠮᠳᠠ ᠲᠠᠪᠠᠵᠤ ᠮᠤᠩᠭᠤᠯ ᠤᠷᠤᠨᠢ ᠵᠤᠷᠢᠬ᠍ᠰᠠᠨ ᠡᠯᠡ ᠵᠠᠮᠤᠨ ᠬᠦᠮᠦᠰ ᠠᠳᠡ ᠬᠤᠷᠠᠨ ᠴᠤᠭ᠍ᠯᠠᠷᠠᠵᠤ᠂ ᠬᠠᠮᠤᠭᠤᠨ ᠴᠡᠴᠡᠭ᠌ᠯᠡᠨ ᠬᠥᠭ᠌ᠵᠢᠭ᠌ᠰᠡᠨ ᠦᠶᠡᠳᠤ᠂ ᠡᠨᠡ ᠵᠢᠵᠢᠭ᠌ᠬᠡᠨ ᠪᠠᠯᠭᠠᠰᠤᠨᠳᠤ ᠳᠥᠷᠪᠡ ᠲᠠᠪᠤᠨ ᠲᠦᠮᠡᠨ ᠬᠥᠮᠦᠨᠢ ᠪᠠᠭ᠍ᠲᠠᠭᠠᠵᠤ ᠪᠠᠢᠪᠠ᠃
ᠠᠷᠠᠯᠵᠢᠶᠠ ᠬᠤᠳᠠᠯᠳᠤᠭᠠᠨᠤ ᠬᠥᠭ᠌ᠵᠢᠯᠲᠡᠨᠢ ᠰᠣᠶᠣᠯᠤᠨ ᠴᠡᠴᠡᠭ᠌ᠯᠡᠯᠲᠡᠳᠤ ᠰᠠᠭᠤᠷᠢᠶ᠋ᠢ ᠲᠠᠯᠪᠢᠵᠤ ᠥᠭ᠌ᠴᠡᠶ᠃ ᠬᠤᠳᠠᠯᠳᠤᠭᠠᠨᠤ ᠬᠤᠷᠱᠢᠶᠠ᠂ ᠶᠠᠪᠤᠭᠤᠯ ᠬᠤᠳᠠᠯᠳᠤᠭᠠᠨᠤ ᠬᠤᠷᠱᠢᠶᠠ᠂ ᠨᠢᠭᠡ ᠨᠤᠳᠤᠭ᠍ᠳᠠᠨᠤ ᠬᠤᠷᠱᠢᠶᠠ ᠵᠡᠷᠭᠡ ᠠᠷᠠᠳᠤᠨ ᠨᠡᠢᠭᠡᠮᠤᠨ ᠪᠦᠯᠬᠦᠮᠲᠠᠢ ᠬᠠᠮᠲᠤᠪᠠᠷ ᠬᠥᠭ᠌ᠵᠢᠭ᠌ᠰᠡᠨᠨᠢ ᠪᠠᠰᠠ ᠾᠧ ᠺᠸᠤᠶ᠋ᠢᠨ ᠨᠠᠢᠷ ᠨᠠᠭᠠᠳᠤᠮᠤᠨ ᠰᠣᠶᠣᠯ ᠪᠤᠢ᠃ ᠨᠠᠢᠷ ᠨᠠᠭᠠᠳᠤᠮᠤᠨ ᠲᠣᠭ᠍ᠯᠠᠯᠲᠠᠳᠤ ᠡᠯᠳᠡᠪ ᠵᠦᠢᠯᠤᠨ ᠲᠠᠭᠤᠷᠢᠬᠠᠨ ᠵᠦᠴᠦᠭᠡ᠂ ᠼᠢᠷᠺ ᠲᠤᠭ᠍ᠯᠠᠭᠠᠮ ᠪᠤᠢ᠂ ᠾᠧ ᠺᠸᠤᠶ᠋ᠢᠨ ᠯᠣᠣᠳᠤ ᠳ᠋ᠧᠩᠤᠨ ᠬᠡᠩᠭᠡᠷᠭᠡ ᠪᠤᠯ ᠳᠠᠷᠤᠶ ᠲᠡᠳᠡᠭᠡᠷᠤᠨ ᠳᠣᠲᠣᠷᠠᠬᠢ ᠨᠢᠭᠡᠨᠢ ᠪᠣᠯᠤᠨᠠ᠃
ᠯᠣᠣᠳᠤ ᠳ᠋ᠧᠩᠤᠨ ᠬᠡᠩᠭᠡᠷᠭᠡ ᠪᠣᠯ ᠯᠣᠣᠳᠤ ᠪᠥᠵᠢᠭᠲᠤ ᠬᠠᠪᠰᠤᠷᠭᠠᠵᠤ ᠬᠥᠭ᠌ᠵᠢᠮᠳᠡᠬᠦ᠌ ᠳᠡᠯᠡᠳᠦᠭᠦᠷ ᠬᠥᠭ᠌ᠵᠢᠮ ᠪᠥᠭᠡᠳ ᠬᠡᠩᠭᠡᠷᠭᠡ᠂ ᠴᠠᠩᠬᠢᠯᠵᠠᠭᠤᠷ᠂ ᠴᠠᠩ ᠵᠡᠷᠬᠡ 3 ᠵᠦᠢᠯᠤᠨ ᠬᠦᠭ᠌ᠵᠢᠮᠳᠡᠬᠦᠷᠢᠶᠠᠷ ᠪᠦᠷᠢᠯᠳᠦᠵᠡᠶ᠃
ᠤᠭ ᠨᠤᠲᠤᠭᠨᠢ ᠱᠠᠨ ᠰᠢᠶ᠋ᠢᠨ ᠶᠤᠸᠠᠨ ᠫᠢᠩᠤᠨ ᠮᠠ ᠺᠠᠢ ᠱᠢᠶᠦ᠋ᠩ ᠡᠨᠡ ᠵᠢᠯ 54 ᠨᠠᠰᠤᠲᠠᠢ᠂ ᠬᠥᠬᠡᠬᠤᠲᠠᠶ᠋ᠢᠨ ᠪᠣᠳᠠᠰᠤᠨ ᠪᠤᠰᠤ ᠰᠣᠶᠣᠯᠤᠨ ᠥᠪᠤᠨ ᠾᠧ ᠺᠸᠤᠶ᠋ᠢᠨ ᠯᠣᠣᠳᠤ ᠳ᠋ᠧᠩᠤᠨ ᠬᠡᠩᠭᠡᠷᠭᠡᠶ᠋ᠢᠨ ᠤᠯᠠᠮᠵᠢᠯᠠᠭ᠍ᠴᠢ ᠪᠣᠯᠤᠨᠠ᠂ 14 ᠨᠠᠰᠤᠨᠠᠴᠠᠪᠠᠨ ᠡᠬᠢᠯᠡᠨ ᠬᠡᠩᠭᠡᠷᠭᠡ ᠳᠡᠯᠡᠳᠦᠵᠦ᠍᠂ ᠡᠳᠦᠭᠡ ᠪᠣᠯᠲᠠᠯᠠ ᠨᠢᠭᠡᠨᠲᠡ ᠪᠦᠬᠦᠯᠢ 40 ᠵᠢᠯ ᠪᠣᠯᠵᠠᠢ᠃ ᠮᠠ ᠺᠠᠶ ᠱᠢᠶᠦ᠋ᠩᠤᠨ ᠡᠪᠦᠭᠡ ᠪᠣᠯᠤᠨ ᠠᠪᠤᠨᠢ ᠪᠦᠷ ᠳᠡᠭᠡᠳᠦᠰᠠᠴᠠ ᠤᠯᠠᠮᠵᠢᠯᠠᠭ᠍ᠰᠠᠨ ᠤᠷᠠ ᠮᠡᠷᠬᠡᠵᠢᠯᠲᠠᠢ ᠲᠡᠮᠦᠷᠤᠨ ᠳᠠᠷᠬᠠᠨ ᠪᠠᠢᠵᠤ᠂ ᠲᠡᠮᠦᠷ ᠬᠠᠢᠯᠤᠭᠤᠯᠬᠤ ᠪᠣᠯᠣᠳ ᠲᠠᠪᠳᠠᠬᠤ ᠠᠵᠢᠯᠳᠤ ᠮᠤᠩᠭᠠᠨᠢᠬᠤᠠᠴᠠ ᠭᠠᠳᠠᠨᠠ ᠪᠠᠰᠠ ᠬᠡᠩᠭᠡᠷᠭᠡᠶ᠋ᠢᠨ ᠬᠥᠭ᠌ᠵᠢᠮᠳᠤ ᠤᠨᠴᠠ ᠬᠠᠢᠷᠠ ᠰᠡᠳᠭᠢᠯᠭᠡᠲᠠᠢ ᠪᠠᠢᠳᠠᠭ᠃
《ᠶᠠᠭ ᠯᠠ ᠣᠯᠣᠰᠣᠨ ᠳᠡᠭᠡᠰᠦᠶ᠋ᠢ ᠬᠡᠳᠦᠨ ᠡᠷᠴᠢᠮ ᠪᠤᠯᠭᠠᠨ ᠬᠤᠪᠢᠶᠠᠭᠠᠳ᠂ ᠬᠠᠮᠤᠭᠤᠨ ᠰᠡᠭᠦᠯᠳᠤᠨᠢ ᠨᠡᠢᠯᠡᠬᠦᠯᠵᠤ ᠨᠢᠭᠡ ᠡᠷᠴᠢᠮ ᠪᠤᠯᠭᠠᠭ᠍ᠰᠠᠨ ᠮᠡᠲᠦ！》 ᠭᠡᠵᠦ᠍ ᠮᠠ ᠺᠠᠶ ᠱᠢᠶᠦ᠋ᠩ ᠰᠤᠷᠪᠤᠯᠵᠢᠯᠠᠭ᠍ᠴᠢᠳᠤ ᠾᠧ ᠺᠸᠤᠶ᠋ᠢᠨ ᠯᠣᠣᠳᠤ ᠳ᠋ᠧᠩᠤᠨ ᠬᠡᠩᠭᠡᠷᠭᠡᠶ᠋ᠢᠨ ᠡᠭᠦᠰᠦᠯᠢ ᠮᠠᠰᠢ ᠳᠦᠷᠰᠦᠯᠢᠭ ᠵᠦᠢᠷᠯᠡᠵᠦ᠍ ᠲᠠᠨᠢᠯᠴᠠᠭᠤᠯᠤᠯᠠ᠃
ᠾᠧ ᠺᠸᠤ ᠬᠡᠵᠤ ᠤᠰᠤᠶ᠋ᠢ ᠲᠦᠱᠢᠵᠤ ᠪᠤᠰᠤᠬ᠍ᠰᠠᠨ ᠪᠦᠭᠡᠳ ᠤᠰᠤᠶ᠋ᠢ ᠲᠦᠱᠢᠭ᠌ᠯᠡᠨ ᠬᠥᠭ᠌ᠵᠢᠭ᠌ᠰᠡᠨ ᠶᠤᠮ᠃ ᠡᠢᠨ ᠬᠦ᠂ ᠤᠰᠤᠨ ᠲᠡᠭᠡᠭᠡᠪᠦᠷᠢᠶ᠋ᠢᠨ ᠦᠢᠯᠡᠰᠤᠨ ᠮᠠᠭᠤᠳᠠᠬᠤᠶ᠋ᠢ ᠳᠠᠭᠠᠯᠳᠤᠨ᠂ ᠾᠧ ᠺᠸᠤᠶ᠋ᠢᠨ ᠬᠠᠮᠤᠭᠤᠨ ᠦᠷᠨᠢᠯ ᠬᠥᠭ᠌ᠵᠢᠯ ᠴᠤ᠌ ᠠᠭᠠᠵᠢᠮᠢᠶᠠᠷ ᠠᠷᠢᠯᠪᠠ᠃ ᠭᠡᠲᠡᠯᠡ ᠯᠣᠣᠳᠤ ᠳ᠋ᠧᠩᠤᠨ ᠬᠡᠩᠭᠡᠷᠭᠡᠨᠢ ᠠᠵᠠᠪᠠᠷ ᠠᠷᠠᠳᠤᠨ ᠤᠷᠠᠯᠢᠭᠤᠨ ᠬᠡᠯᠪᠡᠷᠢᠪᠠᠷ ᠤᠯᠠᠮᠵᠢᠯᠠᠬ᠍ᠳᠠᠨ ᠦᠯᠡᠳᠡᠭ᠌ᠰᠡᠨ ᠪᠠᠢᠵᠠᠢ᠃
《ᠯᠤᠤᠳᠤ ᠳ᠋ᠧᠩ ᠲᠤᠬ᠍ᠯᠠᠬᠤ ᠬᠡᠵᠤ ᠨᠢᠭᠡ ᠵᠦᠢᠯᠤᠨ ᠰᠦᠷ ᠬᠦᠴᠦᠨᠢ ᠢᠯᠡᠷᠡᠬᠦᠯᠵᠤ ᠪᠠᠢᠨᠠ》
ᠾᠧ ᠺᠸᠤᠶ᠋ᠢᠨ ᠡᠷᠡᠭ᠌ᠲᠡᠢᠴᠦᠳ ᠳᠣᠯᠤᠭᠠ ᠨᠠᠢ᠍ᠮᠠᠨ ᠨᠠᠰᠤᠨᠠᠴᠠᠪᠠᠨ ᠡᠬᠢᠯᠡᠨ ᠣᠩᠭᠤᠴᠠᠨᠳᠤ ᠭᠠᠷᠴᠤ᠌ ᠪᠠᠩᠽᠢ ᠲᠣᠭ᠍ᠰᠢᠵᠤ ᠭᠤᠣᠯᠳᠤ ᠲᠣᠣᠷ ᠲᠠᠯᠪᠢᠨᠡ᠂ ᠪᠠᠩᠽᠢ ᠲᠣᠭ᠍ᠰᠢᠬᠤᠨᠢ ᠵᠢᠭᠠᠰᠤᠶ᠋ᠢ ᠦᠷᠭᠦᠭᠡᠵᠦ᠍ ᠲᠣᠣᠷᠲᠤ ᠣᠷᠣᠭᠤᠯᠬᠤ ᠦᠢᠯᠡᠳᠦᠯᠲᠠᠢ᠃ 《ᠡᠨᠡᠨᠢ ᠠᠭᠠᠵᠢᠮᠢᠶᠠᠷ ᠬᠡᠩᠭᠡᠷᠭᠡᠶ᠋ᠢᠨ ᠠᠢᠵᠠᠮ ᠴᠣᠬᠢᠯᠭᠠᠲᠠᠢ ᠪᠤᠯᠵᠤ᠂ ᠬᠡᠩᠭᠡᠷᠭᠡ ᠳᠡᠯᠡᠳᠬᠦ᠌ᠶ᠋ᠢᠨ ᠦᠨᠳᠦᠰᠦᠨ ᠡᠷᠳᠡᠮ ᠪᠤᠯᠪᠠᠰᠤᠷᠠᠯ ᠪᠤᠯ ᠲᠡᠪᠳᠡᠬ᠍ᠳᠠᠳᠠᠭ᠂ ᠲᠦᠩ ᠲᠦᠩ ᠲᠦᠩ᠂ ᠲᠦᠩ ᠲᠦᠩ ᠲᠦᠩ ᠁》 ᠭᠡᠵᠦ᠍ ᠮᠠ ᠺᠠᠶ ᠱᠢᠶᠦ᠋ᠩ ᠲᠠᠨᠢᠯᠴᠠᠭᠤᠯᠬᠤᠶ᠋ᠢᠨ ᠲᠠᠭᠠᠤ ᠡᠮᠦᠨᠡ ᠪᠠᠢᠭᠠ ᠱᠢᠷᠡᠭᠡᠶ᠋ᠢ ᠲᠣᠭ᠍ᠰᠢᠵᠤ ᠬᠡᠩᠭᠡᠷᠭᠡᠶ᠋ᠢᠨ ᠠᠢᠵᠠᠮ ᠴᠣᠬᠢᠯᠭᠠᠶ᠋ᠢ ᠳᠡᠯᠡᠳᠴᠤ᠌ ᠦᠵᠡᠬᠦᠯᠪᠡ᠃
ᠦᠶᠡᠶ᠋ᠢᠨ ᠦᠶᠡ ᠤᠯᠠᠮᠵᠢᠯᠠᠨ ᠵᠠᠯᠭᠠᠮᠵᠢᠯᠠᠬᠤ ᠳᠤᠮᠳᠠ᠂ ᠾᠧ ᠺᠸᠤᠶ᠋ᠢᠨ ᠯᠣᠣᠳᠤ ᠳ᠋ᠧᠩᠤᠨ ᠬᠡᠩᠭᠡᠷᠭᠡᠶ᠋ᠢᠨ ᠤᠤᠯᠤᠨ ᠠᠢᠵᠠᠮ ᠴᠤᠬᠢᠯᠭᠠᠶ᠋ᠢ ᠬᠠᠳᠠᠭᠠᠯᠠᠭ᠍ᠰᠠᠨ ᠤᠷᠢᠲᠠᠯ ᠳᠣᠤᠷᠠ᠂ ᠤᠷᠠᠯᠢᠭ᠍ᠴᠢᠳ ᠲᠠᠰᠤᠷᠠᠯᠲᠠ ᠥᠬᠡᠶ ᠰᠤᠳᠤᠯᠵᠤ᠂ ᠨᠢᠬᠡᠨ ᠢᠵᠢ ᠥᠪᠡᠷᠮᠢᠴᠡ ᠤᠨᠴᠠᠯᠢᠭᠲᠠᠢ ᠲᠡᠯᠡᠳᠬᠦ᠌ ᠤᠷᠠ ᠮᠡᠷᠭᠡᠵᠢᠯᠢ ᠵᠣᠬᠢᠶᠠᠨ ᠪᠦᠲᠦᠭᠡᠵᠤ᠂ ᠬᠤᠷᠴᠠ ᠲᠣᠳᠣ ᠣᠨᠴᠠᠯᠢᠭᠲᠠᠢ ᠬᠡᠩᠬᠡᠷᠬᠡᠶ᠋ᠢᠨ ᠲᠠᠭᠤᠨ ᠥᠩᠭᠡ ᠪᠠ ᠠᠢᠵᠠᠮᠢ ᠪᠦᠷᠢᠯᠳᠦᠭᠦᠯᠦᠭ᠌ᠰᠡᠨ ᠪᠠᠢᠨᠠ᠃
ᠾᠧ ᠺᠸᠤᠶ᠋ᠢᠨ ᠯᠣᠣᠳᠤ ᠳ᠋ᠧᠩᠤᠨ ᠬᠡᠩᠭᠡᠷᠭᠡᠶ᠋ᠢᠨ ᠲᠡᠯᠡᠳᠬᠦ᠌ ᠠᠷᠭᠠ ᠪᠣᠯ ᠴᠠᠩᠬᠢᠯᠵᠠᠭᠤᠷ ᠬᠦᠭ᠌ᠵᠢᠮᠳᠡᠨ ᠬᠡᠩᠭᠡᠷᠭᠡ ᠳᠡᠯᠡᠳᠬᠦ᠂ ᠴᠠᠩ ᠴᠤᠬᠢᠬᠤ ᠠᠢᠵᠠᠮ ᠪᠤᠯᠤᠨᠠ᠃ ᠶᠠᠩ ᠴᠧᠩ᠂ ᠶᠠᠩ ᠽᠢ ᠶᠠᠩᠤᠨ ᠨᠠᠢᠷᠠᠭᠤᠯᠤᠨ ᠵᠣᠬᠢᠶᠠᠭ᠍ᠰᠠᠨ 《ᠡᠷᠲᠡᠨᠤ ᠪᠠᠯᠭᠠᠰᠤ ᠾᠧ ᠺᠸᠤ》 ᠭᠡᠬᠦ᠌ ᠨᠣᠮᠳᠤ᠂ ᠾᠧ ᠺᠸᠤᠶ᠋ᠢᠨ ᠯᠣᠣᠳᠤ ᠳ᠋ᠧᠩᠤᠨ ᠬᠡᠩᠭᠡᠷᠭᠡᠨᠢ ᠴᠠᠩᠬᠢᠯᠵᠠᠭᠤᠷ ᠬᠥᠭ᠌ᠵᠢᠮᠳᠡᠬᠦ᠌ᠪᠠᠷ ᠵᠢᠯᠣᠭᠤᠳᠤᠮᠵᠢ ᠪᠣᠯᠭᠠᠵᠤ᠂ ᠪᠦᠬᠦ᠋ᠢᠯᠡ ᠬᠡᠩᠭᠡᠷᠭᠡᠶ᠋ᠢᠨ ᠠᠶᠠᠰᠤᠨ ᠲᠠᠭᠤᠨᠤ ᠥᠨᠳᠥᠷ ᠪᠣᠭᠤᠨᠢ᠂ ᠠᠢᠵᠠᠮᠤᠨ ᠠᠯᠭᠤᠷ ᠤᠳᠠᠭᠠᠨ᠂ ᠬᠤᠷᠳᠤᠴᠠᠶ᠋ᠢᠨ ᠬᠤᠷᠳᠤᠨ ᠤᠳᠠᠭᠠᠨ᠂ ᠬᠦᠴᠦᠨᠤ ᠬᠦᠨᠳᠦ ᠬᠥᠩᠭᠡᠨ ᠵᠡᠷᠭᠡᠨᠢ ᠴᠥᠮ ᠲᠡᠯᠡᠳᠬᠦ᠌ ᠬᠦᠮᠦᠨᠤ ᠭᠠᠷᠢᠶᠠᠷ ᠡᠵᠡᠮᠳᠡᠵᠤ ᠲᠣᠭ᠍ᠳᠠᠭᠠᠨᠠ᠃ ᠴᠠᠩᠬᠢᠯᠵᠠᠭᠤᠷᠴᠢᠨᠤ ᠪᠥᠵᠢᠭ᠌ᠯᠡᠬᠦ᠌ ᠠᠷᠭᠠ ᠪᠠᠷᠢᠯᠨᠢ ᠬᠤᠷᠴᠠ ᠱᠠᠯᠠᠮᠠᠭᠠᠶ ᠪᠥᠭᠡᠳ ᠬᠤᠪᠢᠷᠠᠯᠲᠠ ᠶᠡᠬᠡᠲᠡᠶ ᠪᠠᠢᠵᠤ᠂ ᠬᠥᠮᠦᠰᠤᠨ ᠪᠠᠭ᠍ᠠᠷᠬᠠᠯᠢ ᠲᠠᠳᠠᠳᠠᠭ᠃ ᠴᠠᠩᠬᠢᠯᠵᠠᠭᠤᠷᠴᠢᠨᠤ ᠬᠤᠶᠠᠷᠲᠠᠬᠢ ᠴᠠᠩᠬᠢᠯᠵᠠᠭᠤᠷ ᠬᠠᠷᠢᠯᠴᠠᠨ ᠮᠦᠷᠬᠦᠯᠳᠦᠵᠤ᠂ ᠲᠡᠭᠡᠷᠡ ᠲᠤᠤᠷᠡ ᠵᠡᠬᠦᠨ ᠪᠠᠷᠠᠭᠤᠨ᠂ ᠲᠤᠳᠤᠨᠠ ᠭᠠᠳᠠᠨᠠ ᠲᠠᠯᠠ ᠵᠡᠷᠬᠡ ᠠᠳᠠᠯᠢ ᠪᠤᠰᠤᠶ᠋ᠢᠨ ᠲᠠᠭᠤᠨᠤ ᠴᠠᠷᠠᠭᠠ ᠬᠤᠪᠢᠶᠠᠵᠤ᠂ ᠠᠳᠠᠯᠢ ᠪᠤᠰᠤ ᠲᠠᠭᠤᠨᠤ ᠴᠠᠷᠠᠭᠠᠳᠤ ᠲᠣᠰ ᠲᠣᠰᠤᠨ ᠬᠦᠭ᠌ᠵᠢᠮᠳᠡᠬᠦ᠌ ᠠᠷᠭᠠ ᠮᠡᠷᠭᠡᠵᠢᠯᠲᠠᠢ᠂ ᠴᠣᠬᠢᠬᠤ᠂ ᠱᠦᠷᠭᠦᠬᠦ᠂ ᠲᠦᠯᠬᠢᠬᠦ᠂ ᠲᠠᠲᠠᠬᠤ᠂ ᠡᠷᠭᠢᠯᠳᠦᠭᠦᠯᠬᠦ᠌ ᠵᠡᠷᠬᠡ ᠬᠤᠷᠴᠠ ᠱᠠᠯᠠᠮᠠᠭᠠᠶᠪᠠᠷ ᠤᠯᠠᠷᠢᠭᠠᠳ ᠢᠷᠡᠬᠦ᠌ᠨᠢ ᠦᠨᠡᠬᠡᠷ ᠭᠠᠢᠬᠠᠯᠳᠠᠢ ᠪᠠᠢᠳᠠᠭ᠃ ᠬᠡᠩᠭᠡᠷᠭᠡᠶ᠋ᠢᠨ ᠳᠣᠬᠢᠭᠤᠷᠢ ᠴᠠᠩᠬᠢᠯᠵᠠᠭᠤᠷᠲᠠᠢ ᠨᠢᠭ᠍ᠲᠠ ᠠᠪᠴᠠᠯᠳᠤᠭᠤᠯᠵᠤ᠂ ᠬᠡᠩᠭᠡᠷᠭᠡᠶ᠋ᠢᠨ ᠭᠠᠳᠠᠷᠭᠤᠶ᠋ᠢᠨ ᠠᠳᠠᠯᠢ ᠪᠤᠰᠤ ᠣᠷᠣᠨ ᠪᠠᠢᠷᠢᠳᠤ ᠴᠣᠬᠢᠬᠤ᠂ ᠲᠣᠭ᠍ᠰᠢᠬᠤ᠂ ᠱᠦᠷᠭᠦᠭᠦ᠌᠂ ᠮᠥᠷᠭᠦᠬᠦᠯᠬᠦ᠌ᠳᠤ ᠬᠡᠩᠭᠡᠷᠭᠡᠶ᠋ᠢᠨ ᠠᠢᠵᠠᠮ ᠴᠣᠬᠢᠯᠭᠠᠨᠢ ᠴᠤ᠌ ᠤᠯᠠᠨ ᠶᠠᠩᠵᠤᠶ᠋ᠢᠨ᠂ ᠴᠤᠬᠢᠬᠤ ᠠᠷᠭᠠᠨᠢ ᠴᠦ᠍ ᠣᠯᠠᠨ ᠬᠤᠪᠢᠷᠠᠯᠲᠠᠲᠠᠢ ᠪᠠᠢᠳᠠᠭ᠃ ᠴᠠᠩ ᠴᠤᠬᠢᠬᠤ ᠬᠦᠭ᠌ᠵᠢᠮᠴᠢᠨᠠᠴᠠ ᠴᠠᠩᠬᠢᠯᠵᠠᠭᠤᠷ᠂ ᠬᠡᠩᠭᠡᠷᠭᠡᠶ᠋ᠢᠨ ᠳᠠᠭᠤᠨᠤ ᠴᠠᠷᠠᠭᠠᠶ᠋ᠢᠨ ᠱᠠᠭᠠᠷᠳᠠᠯᠭᠠᠶ᠋ᠢ ᠦᠨᠳᠦᠰᠦᠯᠡᠵᠦ᠍᠂ ᠤᠳᠠᠭᠠᠨ ᠪᠤᠶᠤ ᠲᠦᠷᠭᠡᠨ ᠡᠰᠡᠬᠦᠯᠡ ᠥᠨᠳᠥᠷ ᠪᠤᠶᠤ ᠳᠣᠣᠷᠠ ᠳᠡᠪᠢᠰᠭᠡᠷᠲᠦ ᠴᠣᠬᠢᠯᠭᠠᠪᠠᠷ ᠲᠣᠭ᠍ᠰᠢᠨᠠ᠃ ᠡᠨᠡ ᠦᠶᠠᠳᠤ᠂ ᠬᠡᠩᠭᠡᠷᠭᠡ ᠴᠠᠩᠬᠢᠯᠵᠠᠭᠤᠷ ᠴᠠᠩ ᠵᠡᠷᠬᠡ 3 ᠬᠦᠭ᠌ᠵᠢᠮᠳᠡᠬᠦᠷᠨᠢ ᠨᠢᠭᠡ ᠴᠣᠭ᠍ᠴᠠ ᠪᠣᠯᠵᠤ᠂ ᠵᠠᠷᠢᠮᠳᠠᠭᠠᠨ ᠠᠶᠤᠩᠭᠠ ᠨᠢᠵᠢᠭᠢᠨᠡᠬᠦ᠌ ᠮᠡᠲᠦ ᠪᠠᠰᠠ ᠳᠣᠭ᠍ᠰᠢᠨ ᠰᠠᠯᠬᠢ ᠱᠢᠷᠦᠭᠦᠨ ᠪᠣᠷᠣᠭᠠᠨ ᠲᠩᠷᠢ ᠭᠠᠵᠠᠷᠢ ᠳᠣᠩᠰᠣᠯᠭᠠᠬᠤ ᠮᠡᠲᠦ ᠰᠣᠨᠣᠰᠳᠠᠵᠤ᠂ ᠵᠠᠷᠢᠮᠳᠠᠭᠠᠨ ᠲᠠᠢᠪᠤᠭᠤ ᠨᠠᠮᠤᠭᠤᠬᠠᠨ᠂ ᠠᠶᠠᠷᠬᠠᠨ ᠵᠦᠬᠡᠯᠡᠨ ᠨᠠᠮᠢᠷᠠᠭᠠ ᠬᠤᠷᠠ ᠮᠡᠲᠦ ᠠᠯᠭᠤᠷ ᠨᠠᠮᠤᠭᠤᠬᠠᠨ ᠶᠤᠮ ᠭᠡᠵᠦ᠍ ᠲᠠᠨᠢᠯᠴᠠᠭᠤᠯᠤᠬ᠍ᠰᠠᠨ ᠪᠠᠢᠳᠠᠭ᠃
《ᠬᠠᠢᠷᠠ ᠰᠡᠳᠭᠢᠯᠭᠡᠲᠠᠢ ᠤᠴᠢᠷᠠᠴᠠ ᠬᠠᠮᠲᠤᠪᠠᠷ ᠤᠯᠠᠮᠵᠢᠯᠠᠨ ᠵᠠᠯᠭᠠᠮᠵᠢᠯᠠᠨᠡ》
ᠬᠠᠲᠤᠨ ᠭᠤᠤᠯᠤᠨ ᠰᠠᠪᠠ ᠭᠠᠵᠠᠷᠤᠨ ᠬᠥᠮᠦᠰ ᠪᠣᠷᠣᠭ᠍ᠵᠢᠭᠤᠨ ᠨᠣᠮᠣᠬᠠᠨ᠂ ᠨᠤᠭᠤᠷᠠᠰᠢ ᠥᠬᠡᠶ ᠬᠠᠳᠠᠨ ᠵᠣᠷᠢᠭᠲᠠᠢ᠂ ᠨᠤᠲᠤᠭ ᠤᠰᠤᠨᠳᠠᠭᠠᠨ ᠬᠠᠢᠷᠠᠲᠠᠶ ᠪᠠᠢᠳᠠᠭ᠃ ᠲᠡᠳᠡᠨᠤ ᠪᠡᠶᠠ ᠲᠠᠬᠡᠷᠡ ᠦᠶᠡᠶ᠋ᠢᠨ ᠦᠶᠡᠳᠤᠨᠢ ᠴᠦᠮ ᠬᠠᠲᠤᠨ ᠭᠤᠤᠯᠤᠨ ᠰᠣᠶᠣᠯ ᠪᠠ ᠬᠠᠲᠤᠨ ᠭᠤᠤᠯᠤᠨ ᠵᠣᠷᠢᠭ ᠰᠠᠨᠠᠭᠠᠨᠤ ᠢᠯᠡ ᠲᠣᠳᠣ ᠢᠮ ᠲᠡᠮᠳᠡᠭ ᠲᠠᠮᠠᠭᠠᠯᠠᠬ᠍ᠳᠠᠵᠤ ᠪᠠᠢᠳᠠᠭ᠂ ᠲᠡᠳᠡᠨᠤ ᠴᠢᠰᠦ ᠮᠢᠬᠠᠨᠳᠤ ᠤᠤᠯᠠᠴᠠᠪᠠᠨ ᠪᠠᠢᠳᠠᠭ ᠡᠷᠡᠯᠬᠡᠭ ᠪᠠᠭᠠᠲᠤᠷᠯᠢᠭ᠂ ᠨᠤᠭᠤᠷᠠᠰᠢ ᠥᠬᠡᠶ ᠵᠤᠷᠢᠭ ᠰᠠᠨᠠᠭᠠᠨᠢ ᠾᠧ ᠺᠸᠤᠶ᠋ᠢᠨ ᠯᠣᠣᠳᠤ ᠳ᠋ᠧᠩᠤᠨ ᠬᠡᠩᠭᠡᠷᠭᠡ ᠳᠡᠭᠡᠷᠡ ᠮᠠᠰᠢ ᠰᠠᠢᠨ ᠢᠯᠡᠷᠡᠵᠦ᠍ ᠪᠠᠢᠨᠠ᠂ ᠵᠠᠭᠤᠨ ᠵᠢᠯᠤᠨ ᠲᠤᠷᠰᠢ᠂ ᠾᠧ ᠺᠸᠤᠶ᠋ᠢᠨ ᠯᠣᠣᠳᠤ ᠳ᠋ᠧᠩᠤᠨ ᠬᠡᠩᠭᠡᠷᠭᠡᠨᠢ ᠬᠥᠮᠦᠰᠤᠨ ᠲᠤᠮᠳᠠ ᠤᠯᠠᠮᠵᠢᠯᠠᠬ᠍ᠳᠠᠵᠤ ᠤᠯᠠᠮᠢᠶᠠᠷ ᠱᠢᠨᠠᠳᠤᠨ ᠠᠮᠢᠵᠢᠷᠠᠯᠤᠨ ᠬᠦᠴᠦᠨᠢᠶᠠᠷ ᠪᠢᠯᠬᠠᠬ᠍ᠰᠠᠭᠠᠷ᠃
2019 ᠣᠨᠳᠤ᠂ ᠮᠠ ᠺᠠᠢ ᠱᠢᠶᠦ᠋ᠩ ᠥᠪᠡᠷᠤᠨ ᠵᠣᠭᠤᠰᠢᠶᠠᠷᠢᠶᠠᠨ ᠲᠣᠭ᠍ᠲᠠᠬᠤ ᠱᠢᠶᠠᠨᠤ ᠾᠧ ᠺᠸᠤᠶ᠋ᠢᠨ ᠯᠦᠩ ᠲᠧᠩ ᠬᠡᠩᠭᠡᠷᠭᠡᠶ᠋ᠢᠨ ᠠᠩᠬᠢᠶ᠋ᠢ ᠪᠠᠢᠭᠤᠯᠪᠠ᠂ ᠡᠨᠡ ᠬᠦ᠌ ᠠᠩᠬᠢᠶ᠋ᠢᠨ 30 ᠭᠠᠷᠤᠢ ᠬᠥᠮᠦᠨᠤ 60% ᠨᠢ ᠴᠦᠮ ᠡᠮᠡᠭ᠌ᠲᠡᠢ ᠪᠣᠯᠤᠨᠠ᠃ ᠮᠠ ᠺᠠᠶ ᠱᠢᠶᠦ᠋ᠩ᠄ 《ᠮᠠᠨᠤ ᠭᠡᠱᠢᠭᠦᠳ ᠴᠦᠮ ᠯᠤᠤᠲᠤ ᠳ᠋ᠧᠩᠤᠨ ᠬᠡᠩᠭᠡᠷᠭᠡᠳᠤ ᠬᠠᠢᠷᠠ ᠰᠡᠳᠭᠢᠯᠭᠡᠲᠠᠢᠠᠴᠠ ᠪᠣᠯᠵᠤ ᠨᠢᠬᠡ ᠲᠤᠤᠷᠠ ᠬᠠᠮᠳᠤᠳᠠ ᠴᠤᠭ᠍ᠯᠠᠷᠠᠵᠤ᠂ ᠡᠨᠡ ᠬᠦ᠌ ᠰᠣᠶᠣᠯᠢ ᠬᠠᠮᠲᠤᠪᠠᠷ ᠤᠯᠠᠮᠵᠢᠯᠠᠨ ᠵᠠᠯᠭᠠᠮᠵᠢᠯᠠᠵᠤ ᠪᠠᠢᠭᠠ ᠶᠤᠮ᠃ ᠮᠠᠨᠤ ᠬᠡᠩᠬᠡᠷᠬᠡᠶ᠋ᠢᠨ ᠠᠩᠬᠢ ᠳᠤᠮᠳᠠᠳᠤᠶ᠋ᠢᠨ ᠱᠢᠯᠢᠳᠡᠭ ᠤᠯᠠᠮᠵᠢᠯᠠᠯᠲᠤ ᠰᠣᠶᠣᠯᠤᠨ ᠨᠢᠬᠡ ᠪᠤᠯᠬᠤ ᠾᠧ ᠺᠸᠤᠶ᠋ᠢᠨ ᠯᠣᠤᠳᠤ ᠳ᠋ᠧᠩᠤᠨ ᠬᠡᠩᠭᠡᠷᠭᠡᠶ᠋ᠢ ᠤᠯᠠᠮᠵᠢᠯᠠᠨ ᠵᠠᠯᠭᠠᠮᠵᠢᠯᠠᠭ᠍ᠰᠠᠨᠢᠶᠠᠷ᠂ ᠤᠯᠠᠨ ᠤᠳᠠᠭᠠ ᠬᠥᠬᠡᠬᠤᠲᠠ᠂ ᠲᠣᠭ᠍ᠲᠠᠬᠤ ᠱᠢᠶᠠᠨᠤ ᠬᠥᠬᠢᠭᠦᠯᠦᠯ ᠰᠠᠢᠱᠢᠶᠠᠯᠢ ᠭᠥᠷᠳᠡᠭ᠌ᠰᠡᠨ ᠪᠠᠢᠨᠠ》 ᠭᠡᠵᠦ᠍ ᠲᠠᠨᠢᠯᠴᠠᠭᠤᠯᠵᠤ ᠪᠢᠯᠠ᠃
ᠡᠨᠡ ᠵᠢᠯ 38 ᠨᠠᠰᠤᠲᠠᠶ ᠯᠢᠦ ᠨᠠ ᠪᠣᠯ ᠲᠣᠭ᠍ᠳᠠᠬᠤ ᠱᠢᠶᠠᠨᠤ ᠾᠧ ᠺᠸᠦᠶ᠋ᠢᠨ ᠯᠦᠩ ᠲᠧᠩ ᠬᠡᠩᠭᠡᠷᠭᠡᠶ᠋ᠢᠨ ᠠᠩᠭᠢᠶ᠋ᠢᠨ ᠳᠠᠷᠤᠭᠠ᠂ ᠮᠥᠨ ᠴᠦ᠍ ᠯᠦᠩ ᠲᠧᠩ ᠬᠡᠩᠭᠡᠷᠭᠡᠶ᠋ᠢᠨ ᠠᠩᠭᠢᠶ᠋ᠢᠨ ᠠᠩᠬᠠᠳᠠᠭ᠍ᠴᠢ ᠡᠮᠡᠭ᠌ᠲᠡᠶ ᠭᠡᠱᠢᠭᠦᠨ ᠪᠣᠯᠤᠨᠠ᠃ ᠯᠢᠦ ᠨᠠᠶ᠋ᠢᠨ ᠨᠤᠲᠤᠭᠨᠢ ᠬᠤᠷᠢᠨᠭᠡᠷᠲᠤ ᠪᠠᠢᠵᠤ᠂ ᠡᠷᠡ ᠨᠥᠬᠦᠷᠢᠶᠠᠨ ᠳᠠᠭᠠᠵᠤ ᠲᠣᠭ᠍ᠲᠠᠬᠤ ᠱᠢᠶᠠᠨᠳᠤ ᠢᠷᠡᠭᠡᠳ᠂ ᠠᠭᠠᠵᠢᠮᠢᠶᠠᠷ ᠾᠧ ᠺᠸᠤᠶ᠋ᠢᠨ ᠯᠤᠤᠲᠤ ᠳ᠋ᠧᠩ ᠬᠡᠩᠭᠡᠷᠭᠡ ᠡᠨᠡ ᠬᠦ᠌ ᠠᠷᠠᠳᠤᠨ ᠤᠷᠠᠯᠢᠭᠲᠤ ᠳᠤᠷᠠ ᠪᠠᠭ᠍ᠠᠲᠠᠶ ᠪᠣᠯᠤᠭ᠍ᠰᠠᠨ ᠪᠠᠢᠨᠠ᠃ ᠯᠢᠦ ᠨᠠ᠄ 《ᠪᠢ ᠳᠠᠭᠤᠤ ᠳᠠᠭᠤᠯᠠᠵᠤ ᠪᠥᠵᠢᠭ ᠪᠥᠵᠢᠭ᠌ᠯᠡᠬᠦ᠌ ᠳᠤᠷᠠᠲᠠᠶ ᠪᠠᠢᠭ᠍ᠰᠠᠨ᠂ ᠬᠤᠵᠢᠮᠨᠢ ᠯᠤᠤᠲᠤ ᠳ᠋ᠧᠩᠤᠨ ᠬᠡᠩᠭᠡᠷᠭᠡᠨᠢ ᠬᠦᠮᠦᠨᠤ ᠪᠡᠶᠡ ᠮᠠᠬᠠᠪᠣᠳᠢ ᠴᠢᠭᠢᠷᠠᠭ᠍ᠵᠢᠭᠤᠯᠬᠤ ᠮᠥᠷᠲᠡᠭᠡᠨ ᠪᠠᠰᠠ ᠮᠠᠨᠤ ᠤᠯᠤᠰᠤᠨ ᠤᠯᠠᠮᠵᠢᠯᠠᠯᠲᠤ ᠱᠢᠯᠢᠳᠡᠭ ᠤᠷᠠᠯᠢᠭᠤᠨ ᠬᠡᠯᠪᠡᠷᠢ ᠪᠣᠯᠬᠤᠶ᠋ᠢ ᠮᠡᠳᠡᠬᠡᠳ ᠨᠡᠩ ᠲᠤᠷᠠ ᠪᠠᠬᠠᠲᠠᠢ ᠪᠣᠯᠵᠠᠶ》 ᠭᠡᠵᠦ᠍ ᠶᠠᠷᠢᠵᠤ ᠪᠠᠢᠯᠠ᠃
ᠥᠩᠭᠡᠷᠡᠭ᠌ᠰᠡᠨᠤᠬᠢᠲᠠᠢ ᠬᠠᠷᠢᠴᠠᠭᠤᠯᠪᠠᠯ᠂ ᠱᠢᠨᠡ ᠴᠠᠭ ᠦᠶᠡᠳᠤ᠂ ᠯᠤᠤᠲᠤ ᠳ᠋ᠧᠩᠤᠨ ᠬᠡᠩᠭᠡᠷᠭᠡᠨᠢ ᠨᠢᠭᠡᠨᠲᠡ ᠱᠢᠨᠡ ᠠᠭᠤᠯᠤᠭ᠍ᠳᠠᠬᠤᠨᠲᠠᠢ ᠪᠣᠯᠵᠣ᠂ ᠬᠥᠮᠦᠰ ᠯᠤᠤᠲᠤ ᠳ᠋ᠧᠩᠤᠨ ᠬᠡᠩᠭᠡᠷᠭᠡᠪᠠᠷ ᠪᠢᠳᠡᠨᠤ ᠥᠨᠥᠳᠦᠷᠤᠨ ᠵᠣᠯ ᠵᠢᠷᠭᠠᠯᠲᠤ ᠰᠠᠢᠨ ᠰᠠᠢᠬᠠᠨ ᠱᠢᠨᠡ ᠠᠮᠢᠳᠤᠷᠠᠯᠢᠶᠠᠨ ᠮᠠᠭ᠍ᠲᠠᠨ ᠳᠠᠭᠤᠯᠠᠵᠦ᠍᠂ ᠯᠤᠤᠲᠤ ᠳ᠋ᠧᠩᠤᠨ ᠬᠡᠩᠭᠡᠷᠭᠡᠨᠢ ᠭᠠᠵᠠᠷ ᠣᠷᠣᠨᠤ ᠨᠢᠭᠡ ᠵᠦᠢᠯᠤᠨ ᠰᠣᠶᠣᠯᠤᠨ ᠪᠡᠯᠭᠡ ᠲᠡᠮᠳᠡᠭ ᠪᠣᠯᠵᠣ᠂ ᠨᠤᠲᠤᠭ ᠤᠰᠤᠨᠤ ᠬᠠᠢᠷᠠ ᠪᠠ ᠮᠥᠷᠥᠭᠡᠳᠦᠯᠤᠨ ᠲᠤᠬᠠᠢ ᠨᠢᠬᠡ ᠵᠦᠢᠯᠤᠨ ᠠᠴᠢᠶᠠᠯᠠᠪᠤᠷᠢ ᠪᠣᠯᠤᠭ᠍ᠰᠠᠨ ᠪᠠᠢᠨᠠ᠃
（ᠵᠢᠷᠤᠭᠢ ᠲᠣᠭ᠍ᠲᠠᠬᠤ ᠱᠢᠶᠠᠨᠤ ᠬᠠᠮ ᠵᠠᠭᠤᠴᠢᠯᠠᠭᠤᠷᠤᠨ ᠲᠥᠪᠠᠴᠠ ᠬᠠᠩᠭᠠᠪᠠ）