1 ᠰᠠᠷᠠᠶ᠋ᠢᠨ 22 ᠤ᠋ᠨ ᠡᠳᠦᠷᠤᠨ 22 ᠴᠠᠭᠤᠨ ᠦᠶᠡ ᠪᠡᠷ᠂ 2022 ᠣᠨᠤ ᠪᠡᠭᠡᠵᠢᠩᠦᠨ ᠡᠪᠦᠯᠦᠨ ᠤᠯᠠᠷᠢᠯᠤᠨ ᠣᠯᠢᠮᠫᠢᠺ ᠤᠨ ᠲᠠᠮᠢᠷᠤᠨ ᠴᠤᠭ᠍ᠯᠠᠭᠠᠨᠤ ᠪᠣᠯᠣᠳ ᠵᠢᠶᠠᠰᠠᠲᠤ ᠴᠠᠰᠤᠨ ᠲᠡᠷᠭᠡᠨᠦ ᠤᠯᠤᠰᠤᠨ ᠠᠩᠭᠢᠶ᠋ᠢᠨ ᠱᠢᠯᠭᠠᠷᠠᠭᠤᠯᠬᠤ ᠤᠷᠤᠯᠳᠤᠭᠠᠨᠦᠨᠳᠦᠷᠯᠡᠬᠦ ᠶ᠋ᠢ ᠳᠠᠭᠠᠯᠳᠤᠨ᠂ ᠮᠠᠨᠤ ᠣᠷᠣᠨᠤ ᠪᠡᠭᠡᠵᠢᠩᠦᠨ ᠡᠪᠦᠯᠦᠨ ᠤᠯᠠᠷᠢᠯᠤᠨ ᠣᠯᠢᠮᠫᠢᠺᠤᠨ ᠲᠠᠮᠢᠷᠤᠨ ᠴᠤᠭ᠍ᠯᠠᠭᠠᠨᠳᠤ ᠣᠷᠣᠯᠴᠠᠬᠤ ᠲᠠᠮᠢᠷᠴᠢᠳᠤᠨ ᠨᠡᠷᠡᠰ ᠵᠢᠩᠬᠢᠨᠢᠪᠡᠷ ᠨᠡᠢᠲᠡᠯᠡᠭ᠌ᠳᠡᠵᠦ᠍᠂ ᠬᠠᠨ ᠮᠧᠶ᠂ ᠹᠠᠨ ᠳ᠋ᠦᠸᠸ ᠶᠣᠣ᠂ ᠵᠣᠣ ᠳ᠋ᠠᠨ᠂ ᠴᠥ ᠶᠤᠸᠠᠨ ᠮᠸᠩ᠂ ᠳ᠋ᠢᠩ ᠢᠦᠶ ᠬᠤᠸᠠᠨ ᠵᠡᠷᠭᠡ 5 ᠲᠠᠮᠢᠷᠴᠢᠨ ᠪᠡᠭᠡᠵᠢᠩᠦᠨ ᠣᠯᠢᠮᠫᠢᠺᠤᠨ ᠲᠠᠮᠢᠷᠤᠨ ᠴᠤᠭ᠍ᠯᠠᠭᠠᠨᠳᠤ ᠣᠷᠣᠯᠴᠠᠬᠤ ᠡᠷᠭᠡᠵᠢ ᠣᠯᠵᠠᠶ᠃
ᠬᠠᠨ ᠮᠧᠶ᠂ ᠲᠦᠷᠭᠡᠨ ᠲᠡᠱᠢᠯᠲᠡ ᠶ᠋ᠢᠨ ᠲᠠᠮᠢᠷᠴᠢᠨ᠃ 2021 ᠣᠨᠤ 11 ᠰᠠᠷᠠᠠᠴᠠ ᠨᠠᠭᠠᠰᠢ ᠠᠮᠧᠷᠢᠺᠠ᠂ ᠫᠤᠯᠠᠨᠳ᠋ ᠵᠡᠷᠭᠡ ᠭᠠᠵᠠᠷᠲᠤ ᠳᠥᠷᠪᠡᠨ ᠥᠷᠲᠡᠭᠡ ᠳᠡᠯᠡᠬᠡᠶᠶ᠋ᠢᠨ ᠬᠤᠨᠳᠠᠭᠠᠲᠤ ᠤᠷᠤᠯᠳᠤᠭᠠᠨᠳᠤ ᠣᠷᠣᠯᠴᠠᠵᠤ᠂ 1500 ᠮᠧᠲ᠋ᠷ᠂ 3000 ᠮᠧᠲ᠋ᠷ ᠦᠨ ᠪᠥᠬᠥ᠌ ᠤᠯᠤᠰᠤᠨ ᠲᠡᠮᠳᠡᠭ᠌ᠯᠡᠯᠢ 3 ᠤᠳᠠᠭᠠ ᠰᠢᠨᠡᠳᠭᠡᠪᠡ᠃ ᠪᠡᠭᠡᠵᠢᠩᠦᠨ ᠡᠪᠦᠯᠦᠨ ᠤᠯᠠᠷᠢᠯᠤᠨ ᠣᠯᠢᠮᠫᠢᠺᠤᠨ ᠲᠠᠮᠢᠷᠤᠨ ᠴᠤᠭ᠍ᠯᠠᠭᠠᠨᠤ 1500 ᠮᠧᠲ᠋ᠷ᠂ 3000 ᠮᠧᠲ᠋ᠷ᠂ 5000 ᠮᠧᠲ᠋ᠷ ᠪᠠ ᠪᠦᠯᠬᠦᠮᠦᠨ ᠳᠥᠷᠪᠡᠨ ᠵᠦᠢᠯᠦᠨ ᠤᠷᠤᠯᠳᠤᠭᠠᠨᠳᠤ ᠣᠷᠣᠯᠴᠠᠬᠤ ᠪᠠᠷ ᠪᠤᠢ᠃
ᠹᠠᠨ ᠳ᠋ᠦᠸᠸ ᠶᠣᠣ᠂ ᠴᠢᠷᠭᠠᠶ᠋ᠢᠨ ᠲᠠᠮᠢᠷᠴᠢᠨ᠃ ᠣᠲᠣᠬᠠᠨ ᠳᠡᠯᠡᠬᠡᠶ ᠳᠡᠭᠡᠷᠡ ᠲᠦᠴᠢᠨ ᠭᠤᠷᠪᠠᠳᠤᠭᠠᠷᠲᠤ ᠵᠢᠭ᠍ᠰᠠᠭᠠᠭ᠍ᠳᠠᠵᠤ᠂ ᠤᠯᠤᠰᠤᠨ ᠳᠣᠲᠣᠭᠠᠳᠤᠳᠤ ᠨᠢᠭᠡᠳᠦᠭᠡᠷᠲᠦ ᠵᠢᠭ᠍ᠰᠠᠭᠠᠭ᠍ᠳᠠᠵᠤ ᠪᠠᠢᠨᠠ᠃ 2021 ᠣᠨᠤ ᠤᠷᠤᠯᠳᠤᠭᠠᠨᠤ ᠤᠯᠠᠷᠢᠯᠤᠨ ᠴᠢᠷᠭᠠᠶ᠋ᠢᠨ ᠤᠯᠤᠰ ᠤᠨ ᠬᠤᠨᠳᠠᠭᠠᠲᠤ ᠡᠷᠡᠭ᠌ᠲᠡᠶᠶ᠋ᠢᠨ ᠭᠠᠭ᠍ᠴᠠ ᠬᠥᠮᠦᠨᠦ ᠤᠷᠤᠯᠳᠤᠭᠠᠨ ᠳ᠋ᠤ ᠠᠷᠪᠠᠨ ᠲᠤᠯᠤᠳᠤᠭᠠᠷᠲᠤ ᠵᠢᠭ᠍ᠰᠠᠭᠠᠭ᠍ᠳᠠᠵᠤ᠂ ᠳᠡᠯᠡᠬᠡᠶᠶ᠋ᠢᠨ ᠬᠤᠨᠳᠠᠭᠠᠲᠤ ᠤᠷᠤᠯᠳᠤᠭᠠᠨᠤ ᠶᠠᠨᠴᠢᠩ ᠥᠷᠲᠡᠭᠡᠶ᠋ᠢᠨ ᠤᠷᠤᠯᠳᠤᠭᠠᠨᠳᠤ ᠣᠷᠣᠯᠴᠠᠬᠤ ᠬᠢᠷᠢ ᠬᠡᠮᠢ ᠣᠯᠤᠭ᠍ᠰᠠᠨ ᠪᠠᠢᠨᠠ᠂ ᠡᠨᠡ ᠨᠢ ᠮᠥᠨ ᠴᠦ᠍ ᠳᠤᠮᠳᠠᠳᠤ ᠤᠯᠤᠰᠤᠨ ᠲᠠᠮᠢᠷᠴᠢᠨ ᠠᠩᠬᠠ ᠤᠳᠠᠭᠠ ᠲᠣᠰ ᠤᠷᠤᠯᠳᠤᠭᠠᠨᠤ ᠬᠢᠷᠢ ᠬᠡᠮᠢ ᠣᠯᠵᠤ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠴᠢᠷᠭᠠᠶ᠋ᠢᠨ ᠬᠥᠳᠡᠯᠭᠡᠭᠡᠨᠦ ᠲᠡᠦᠬᠡᠶ᠋ᠢ ᠡᠭᠦᠳᠦᠭ᠌ᠰᠡᠨ ᠶᠠᠪᠤᠳᠠᠯ ᠪᠣᠯᠤᠨᠠ᠃ ᠪᠡᠭᠡᠵᠢᠩᠦᠨ ᠡᠪᠦᠯᠦᠨ ᠤᠯᠠᠷᠢᠯᠤᠨ ᠣᠯᠢᠮᠫᠢᠺᠤᠨ ᠲᠠᠮᠢᠷᠤᠨ ᠴᠤᠭ᠍ᠯᠠᠭᠠᠨᠤ ᠴᠢᠷᠭᠠ ᠵᠢᠨ ᠲᠦᠷᠦᠯᠤᠨ ᠡᠷᠡᠭ᠌ᠲᠡᠶᠶ᠋ᠢᠨ ᠭᠠᠭ᠍ᠴᠠ ᠬᠥᠮᠦᠨ ᠤ ᠤᠷᠤᠯᠳᠤᠭᠠᠨ ᠪᠠ ᠪᠦᠯᠬᠦᠮ ᠤᠨ ᠤᠷᠤᠯᠳᠤᠭᠠᠨ ᠬᠣᠶᠠᠷ ᠵᠦᠢᠯᠦᠨ ᠤᠷᠤᠯᠳᠤᠭᠠᠨᠳᠤ ᠣᠷᠣᠯᠴᠠᠬᠤᠪᠠᠷ ᠪᠠᠢᠨᠠ᠃
ᠵᠣᠣ ᠳ᠋ᠠᠨ᠂ ᠪᠤᠯᠤᠳ ᠵᠢᠶᠠᠰᠠᠳᠤ ᠴᠠᠰᠤᠨ ᠲᠡᠷᠭᠡᠨᠦ ᠲᠠᠮᠢᠷᠴᠢᠨ᠃ ᠣᠳᠣᠬᠠᠨ ᠳᠡᠯᠡᠬᠡᠶ ᠳᠡᠭᠡᠷᠡ ᠭᠤᠴᠢᠨ ᠲᠤᠯᠤᠳᠤᠭᠠᠷ ᠲᠸ᠋ ᠵᠢᠭ᠍ᠰᠠᠭᠠᠭ᠍ᠳᠠᠵᠤ᠂ ᠤᠯᠤᠰᠤᠨ ᠳᠣᠲᠣᠭᠠᠳᠤᠳᠤ ᠭᠤᠷᠪᠠᠳᠤᠭᠠᠷ ᠲᠸ᠋ ᠵᠢᠭ᠍ᠰᠠᠭᠠᠭ᠍ᠳᠠᠵᠤ ᠪᠠᠢᠨᠠ᠃ ᠤᠯᠤᠰᠤᠨ ᠠᠩᠭᠢᠶ᠋ᠢᠨ ᠨᠠᠰᠤᠪᠠᠷ ᠬᠠᠮᠤᠭ ᠤᠨ ᠪᠠᠭᠠ ᠲᠠᠮᠢᠷᠴᠢᠨ ᠪᠣᠯᠤᠭ᠍ᠰᠠᠨᠤ ᠬᠤᠪᠢᠳᠤ᠂ ᠤᠯᠤᠰᠤᠨ ᠠᠩᠭᠢ ᠳᠤ ᠣᠷᠣᠭ᠍ᠰᠠᠨ ᠡᠴᠡ ᠨᠠᠭᠠᠰᠢ 4 ᠵᠢᠯᠳᠦ ᠮᠡᠷᠭᠡᠵᠢᠯ ᠨᠢ ᠢᠯᠡᠳᠲᠡ ᠳᠡᠭᠡᠭ᠌ᠰᠢᠯᠡᠵᠦ᠍᠂《ᠡᠪᠦᠯᠦᠨ ᠤᠯᠠᠷᠢᠯᠤᠨ ᠵᠠᠯᠠᠭᠤᠴᠤᠳᠤᠨ ᠣᠯᠢᠮᠫᠢᠺ ᠤᠨ ᠲᠠᠮᠢᠷᠤᠨ ᠴᠤᠭ᠍ᠯᠠᠭᠠᠨ》ᠤ᠋ ᠡᠮᠡᠭ᠌ᠲᠡᠶᠶ᠋ᠢᠨ ᠬᠤᠪᠢ ᠬᠥᠮᠦᠨᠦ ᠲᠥᠷᠥᠯ ᠵᠦᠢᠯᠦᠨ ᠳᠣᠯᠣᠳᠤᠭᠠᠷᠲᠤ ᠣᠷᠣᠵᠤ᠂ ᠠᠦ᠋ᠰᠲ᠋ᠷᠢᠶᠠᠶ᠋ᠢᠨ ᠢᠨᠰᠪᠷᠦ᠋ᠺ ᠥᠷᠲᠡᠭᠡᠨᠤ ᠤᠷᠤᠯᠳᠤᠭᠠᠨᠳᠦ ᠮᠠᠩᠯᠠᠢᠯᠠᠪᠠ᠃ ᠪᠡᠭᠡᠵᠢᠩ ᠦᠨ ᠡᠪᠦᠯᠦᠨ ᠤᠯᠠᠷᠢᠯᠤᠨ ᠣᠯᠢᠮᠫᠢᠺᠤᠨ ᠲᠠᠮᠢᠷᠤᠨ ᠴᠤᠭ᠍ᠯᠠᠭᠠᠨᠤ ᠲᠤᠰ ᠲᠦᠷᠦᠯ ᠵᠦᠢᠯᠤᠨ ᠡᠮᠡᠭ᠌ᠲᠡᠶᠶ᠋ᠢᠨ ᠭᠠᠭ᠍ᠴᠠ ᠬᠥᠮᠦᠨᠦ ᠤᠷᠤᠯᠳᠤᠭᠠᠨᠳᠤ ᠤᠷᠤᠯᠴᠠᠨᠠ᠃
ᠴᠥ ᠶᠤᠸᠠᠨ ᠮᠸᠩ᠂ ᠭᠤᠯᠭᠤᠭᠤᠷ ᠬᠦᠷᠳᠦ + ᠬᠠᠷᠪᠤᠯᠲᠠᠶᠢᠨ ᠲᠠᠮᠢᠷᠴᠢᠨ᠃ 1999 ᠣᠨᠳᠤ ᠥᠪᠥᠷ ᠮᠣᠩᠭᠣᠯᠤᠨ ᠶᠠᠭ᠍ᠰᠢ ᠬᠤᠲᠠ ᠳᠤ ᠲᠦᠷᠦᠵᠡᠢ᠃ ᠠᠷᠪᠠᠨ ᠳᠥᠷᠪᠡᠳᠦᠭᠡᠷ ᠬᠤᠭᠤᠴᠠᠭᠠᠨᠤ ᠪᠥᠬᠥ᠌ ᠤᠯᠤᠰ ᠤᠨ ᠲᠠᠮᠢᠷᠤᠨ ᠴᠤᠭ᠍ᠯᠠᠭᠠᠨᠤ ᠭᠤᠯᠭᠤᠭᠤᠷ ᠬᠦᠷᠳᠦ + ᠬᠠᠷᠪᠤᠯᠲᠠᠶᠢᠨ ᠡᠮᠡᠭ᠌ᠲᠡᠶᠶ᠋ᠢᠨ 4×6 ᠺᠢᠯᠣᠮᠧᠲ᠋ᠷᠦᠨ ᠪᠤᠤᠬᠢᠶᠠ ᠤᠷᠤᠯᠳᠤᠭᠠᠨᠳᠤ ᠮᠠᠩᠯᠠᠢᠯᠠᠪᠠ᠃ 2021—2022 ᠣᠨᠤ ᠡᠪᠦᠯᠦᠨ ᠤᠯᠠᠷᠢᠯ ᠤᠨ ᠭᠤᠯᠭᠤᠭᠤᠷ ᠬᠦᠷᠳᠦ + ᠬᠠᠷᠪᠤᠯᠲᠠᠶᠢᠨ ᠳᠡᠯᠡᠬᠡᠢᠶ᠋ᠢᠨ ᠬᠤᠨᠳᠠᠭᠠᠲᠤ ᠤᠷᠤᠯᠳᠤᠭᠠᠨᠤ ᠰᠸᠧᠳᠧᠨ ᠦᠷᠲᠡᠭᠡ᠂ ᠠᠦ᠋ᠰᠲ᠋ᠷᠢᠢᠠ ᠦᠷᠲᠡᠭᠡ᠂ ᠹᠷᠠᠨᠼᠢ ᠦᠷᠲᠡᠭᠡᠶ᠋ᠢᠨ ᠤᠷᠤᠯᠳᠤᠭᠠᠨᠳᠤ ᠣᠷᠣᠯᠴᠠᠪᠠ᠃ ᠪᠡᠭᠡᠵᠢᠩᠦᠨ ᠡᠪᠦᠯᠦᠨ ᠤᠯᠠᠷᠢᠯᠤᠨ ᠣᠯᠢᠮᠫᠢᠺᠤᠨ ᠲᠠᠮᠢᠷᠤᠨ ᠴᠤᠭ᠍ᠯᠠᠭᠠᠨᠤ ᠭᠤᠯᠭᠤᠭᠤᠷ ᠬᠦᠷᠳᠦ + ᠬᠠᠷᠪᠤᠯᠲᠠᠶᠢᠨ ᠤᠷᠤᠯᠳᠤᠭᠠᠨᠤ ᠲᠦᠷᠦᠯᠤᠨ ᠡᠮᠡᠭ᠌ᠲᠡᠶᠶ᠋ᠢᠨ 15 ᠺᠢᠯᠣᠮᠧᠲ᠋ᠷᠦᠨ ᠬᠤᠪᠢ ᠬᠥᠮᠦᠨᠤ ᠤᠷᠤᠯᠳᠤᠭᠠᠨ᠂ ᠡᠮᠡᠭ᠌ᠲᠡᠶᠶ᠋ᠢᠨ 4×6 ᠺᠢᠯᠣᠮᠧᠲ᠋ᠷᠦᠨ ᠪᠤᠤᠬᠢᠶᠠ ᠤᠷᠤᠯᠳᠤᠭᠠᠨᠳᠤ ᠣᠷᠣᠯᠴᠠᠨᠠ᠃
ᠳ᠋ᠢᠩ ᠢᠦᠶ ᠬᠤᠸᠠᠨ᠂ ᠭᠤᠯᠭᠤᠭᠤᠷ ᠬᠦᠷᠳᠦ + ᠬᠠᠷᠪᠤᠯᠲᠠ ᠶᠢᠨ ᠲᠠᠮᠢᠷᠴᠢᠨ᠃ 2003 ᠣᠨᠳᠤ ᠪᠠᠶᠠᠨᠨᠠᠭᠤᠷ ᠬᠤᠲᠠᠳᠤ ᠲᠦᠷᠦᠵᠡᠢ᠃ ᠠᠷᠪᠠᠨ ᠳᠥᠷᠪᠡᠳᠦᠭᠡᠷ ᠬᠤᠭᠤᠴᠠᠭᠠᠨᠤ ᠪᠥᠬᠥ᠌ ᠤᠯᠤᠰ ᠲᠠᠮᠢᠷᠤᠨ ᠴᠤᠭ᠍ᠯᠠᠭᠠᠨᠤ ᠭᠤᠯᠭᠤᠭᠤᠷ ᠬᠦᠷᠳᠦ + ᠬᠠᠷᠪᠤᠯᠲᠠᠶᠢᠨ ᠡᠮᠡᠭ᠌ᠲᠡᠶᠶ᠋ᠢᠨ 4×6 ᠺᠢᠯᠣᠮᠧᠲ᠋ᠷᠦᠨ ᠪᠤᠤᠬᠢᠶᠠ ᠤᠷᠤᠯᠳᠤᠭᠠᠨᠳᠤ ᠳᠡᠳ᠋ᠯᠡᠪᠡ᠃ 2021—2022 ᠣᠨᠤ ᠡᠪᠦᠯᠦᠨ ᠤᠯᠠᠷᠢᠯᠤᠨ ᠭᠤᠯᠭᠤᠭᠤᠷ ᠬᠦᠷᠳᠦ + ᠬᠠᠷᠪᠤᠯᠲᠠᠶᠢᠨ ᠳᠡᠯᠡᠬᠡᠢᠶ᠋ᠢᠨ ᠬᠤᠨᠳᠠᠭᠠᠲᠤ ᠤᠷᠤᠯᠳᠤᠭᠠᠨᠤ ᠰᠸᠧᠳᠧᠨ ᠦᠷᠲᠡᠭᠡ᠂ ᠠᠦ᠋ᠰᠲ᠋ᠷᠢᠢᠠ ᠦᠷᠲᠡᠭᠡ᠂ ᠹᠷᠠᠨᠼᠢ ᠦᠷᠲᠡᠭᠡᠶ᠋ᠢᠨ ᠤᠷᠤᠯᠳᠤᠭᠠᠨᠳᠤ ᠣᠷᠣᠯᠴᠠᠪᠠ᠃ ᠪᠡᠭᠡᠵᠢᠩᠦᠨ ᠡᠪᠦᠯᠦᠨ ᠤᠯᠠᠷᠢᠯᠤᠨ ᠣᠯᠢᠮᠫᠢᠺᠤᠨ ᠲᠠᠮᠢᠷᠤᠨ ᠴᠤᠭ᠍ᠯᠠᠭᠠᠨᠤ ᠭᠤᠯᠭᠤᠭᠤᠷ ᠬᠦᠷᠳᠦ + ᠬᠠᠷᠪᠤᠯᠲᠠᠶᠢᠨ ᠤᠷᠤᠯᠳᠤᠭᠠᠨᠤ ᠡᠮᠡᠭ᠌ᠲᠡᠶᠶ᠋ᠢᠨ 15 ᠺᠢᠯᠣᠮᠧᠲ᠋ᠷᠦᠨ ᠬᠤᠪᠢ ᠬᠥᠮᠦᠨᠤ ᠤᠷᠤᠯᠳᠤᠭᠠᠨ᠂ ᠡᠮᠡᠭ᠌ᠲᠡᠶᠶ᠋ᠢᠨ 4×6 ᠺᠢᠯᠣᠮᠧᠲ᠋ᠷᠦᠨ ᠪᠤᠤᠬᠢᠶᠠ ᠤᠷᠤᠯᠳᠤᠭᠠᠨᠳᠤ ᠣᠷᠣᠯᠴᠠᠨᠠ᠃
