ᠱᠢᠶᠤᠤ ᠲᠠᠩ ᠱᠠᠨ ᠤ᠋ ᠪᠠᠭᠤᠷᠢ ᠤᠯᠠᠭᠠᠨᠬᠠᠳᠠ ᠬᠣᠲᠠ ᠵᠢᠨ ᠨᠢᠩᠴᠧᠩ ᠱᠢᠶᠠᠨ ᠤ᠋ ᠰᠠᠨ ᠽᠦᠸᠧ ᠳ᠋ᠢᠶᠠᠨ ᠪᠠᠯᠭᠠᠰᠤᠨ ᠤ᠋ ᠱᠢᠶᠤᠤ ᠲᠠᠩ ᠭᠸᠤ ᠲᠣᠰᠭᠣᠨᠡᠴᠡ ᠡᠮᠤᠨᠡᠰᠢ 300 ᠮᠧᠲ᠋ᠷ ᠤ᠋ᠨ ᠤᠷᠴᠢᠮ ᠳ᠋ᠦ ᠪᠠᠢᠳᠠᠭ᠃ ᠲᠤᠰ ᠪᠠᠭᠤᠷᠢ ᠨᠢ ᠬᠥᠨᠳᠡᠯᠡᠨ ᠭᠣᠣᠯ ᠤ᠋ᠨ ᠬᠣᠢᠲᠤ ᠡᠷᠭᠢ ᠵᠢᠨ ᠠᠭᠤᠯᠠᠨ ᠳᠡᠭᠡᠷᠡ ᠪᠠᠢᠷᠢᠯᠠᠵᠤ᠂ ᠡᠷᠭᠢᠨ ᠲᠣᠭᠣᠷᠢᠨ ᠳ᠋ᠤᠨᠢ ᠴᠢᠯᠠᠭᠤᠨ ᠬᠡᠷᠡᠮᠲᠡᠶ᠃ ᠪᠦᠬᠦᠢᠯᠡ ᠴᠢᠯᠠᠭᠤᠨ ᠬᠣᠲᠠ ᠵᠢᠨ ᠪᠠᠭᠤᠷᠢ ᠵᠢᠨ ᠬᠠᠪᠲᠠᠭᠠᠶ ᠵᠢᠷᠤᠭ ᠨᠢ ᠵᠤᠤᠪᠠᠩ ᠬᠡᠯᠪᠡᠷᠢᠲᠡᠶ ᠪᠠᠢᠳᠠᠭ᠃
2021 ᠣᠨ ᠤ᠋ 5—10 ᠰᠠᠷᠠ ᠳ᠋ᠦ᠂ 508 ᠤᠯᠤᠰ ᠤ᠋ᠨ ᠵᠠᠮ ᠤ᠋ᠨ ᠢᠨᠵᠧᠨᠧᠷᠢᠩᠦᠨ ᠪᠥᠲᠥᠭᠡᠨ ᠪᠠᠢᠭᠤᠯᠤᠯᠲᠠ ᠳ᠋ᠦ ᠬᠠᠮᠵᠢᠯᠴᠠᠬᠤ ᠵᠢᠨ ᠲᠥᠯᠥᠭᠡ᠂ ᠤᠯᠤᠰ ᠤ᠋ᠨ ᠲᠡᠦᠬᠡ ᠵᠢᠨ ᠳᠤᠷᠠᠰᠭᠠᠯᠲᠤ ᠵᠦᠶ᠋ᠯᠡᠰᠦᠨ ᠲᠣᠪᠴᠢᠶᠠ ᠵᠢᠨ ᠵᠥᠪᠱᠢᠶᠡᠷᠡᠯ ᠵᠢᠡᠷ᠂ ᠥᠪᠥᠷ ᠮᠣᠩᠭᠣᠯ ᠤ᠋ᠨ ᠲᠡᠦᠬᠡ ᠵᠢᠨ ᠳᠤᠷᠠᠰᠭᠠᠯᠲᠤ ᠵᠦᠶ᠋ᠯᠡᠰ ᠬᠠᠭᠤᠴᠢ ᠰᠤᠳᠤᠯᠤᠯ ᠤ᠋ᠨ ᠬᠦᠷᠢᠶᠡᠯᠡᠩ ᠨᠢᠩᠴᠧᠩ ᠱᠢᠶᠠᠨ ᠤ᠋ ᠲᠡᠦᠬᠡ ᠵᠢᠨ ᠳᠤᠷᠠᠰᠭᠠᠯᠲᠤ ᠵᠦᠶ᠋ᠯᠡᠰᠦᠨ ᠬᠠᠮᠠᠭᠠᠯᠠᠯᠲᠠ ᠵᠢᠨ ᠲᠥᠪ ᠲᠡᠶ ᠬᠠᠮᠲᠤᠷᠠᠵᠤ᠂ ᠱᠢᠶᠤᠤ ᠲᠠᠩ ᠱᠠᠨ ᠤ᠋ ᠪᠠᠭᠤᠷᠢᠳᠤ ᠠᠪᠤᠷᠠᠯᠳᠠ ᠵᠢᠨ ᠴᠢᠨᠠᠷᠲᠠᠶᠮᠠᠯᠲᠠᠯᠭᠠ ᠰᠤᠳᠤᠯᠭᠠ ᠬᠢᠪᠡ᠃ ᠮᠠᠯᠳᠠᠯᠭᠠ ᠰᠤᠳᠤᠯᠭᠠᠨ ᠤ᠋ ᠲᠠᠯᠠᠪᠠᠶ ᠨᠢ ᠪᠠᠷᠤᠭ 4000 ᠲᠡᠭ᠌ᠰᠢ ᠳᠥᠷᠪᠡᠯᠵᠢᠨ ᠮᠧᠲ᠋ᠷ᠂ 40 ᠭᠠᠷᠤᠶ ᠭᠡᠷᠦᠨ ᠪᠠᠭᠤᠷᠢ᠂ ᠤᠩᠭᠤᠨ 6 ᠰᠠᠭᠤᠷᠢ᠂ ᠸᠠᠭᠠᠷ ᠰᠢᠲᠠᠭᠠᠬᠤ ᠭᠠᠵᠠᠷ 1 ᠰᠠᠭᠤᠷᠢᠶᠢ ᠴᠡᠪᠡᠷᠯᠡᠭᠰᠡᠨ ᠡᠴᠡ ᠭᠠᠳᠠᠨᠠ ᠪᠠᠰᠠ ᠬᠦᠷᠢᠶᠡ ᠬᠠᠱᠢᠶᠠ᠂ ᠵᠠᠮ ᠵᠡᠷᠭᠡ ᠪᠤᠢ᠃ ᠮᠠᠯᠳᠠᠯᠭᠠ ᠰᠤᠳᠤᠯᠭᠠᠨ ᠡᠴᠡ ᠸᠠᠭᠠᠷ ᠰᠠᠪᠠ᠂ ᠴᠢᠯᠠᠭᠤᠨ ᠵᠡᠪᠰᠡᠭ᠂ ᠶᠠᠰᠤᠨ ᠵᠡᠪᠰᠡᠭ᠂ ᠬᠦᠷᠡᠯ ᠵᠡᠪᠰᠡᠭ᠂ ᠬᠢᠰᠤᠭᠠ ᠵᠢᠨ ᠵᠡᠪᠰᠡᠭ ᠵᠡᠷᠭᠡ ᠡᠯᠡ ᠵᠦᠢᠯᠦᠨ ᠪᠠᠭᠠᠵᠢ ᠬᠡᠷᠡᠭ᠌ᠰᠡᠯᠦᠨ ᠦᠯᠢᠭᠡᠷ 750 ᠭᠠᠷᠤᠶ ᠵᠦᠢᠯ ᠪᠠᠢᠬᠤ ᠪᠡᠷ ᠪᠠᠷᠠᠬᠤ ᠦᠭᠡᠢ ᠪᠠᠰᠠ ᠨᠡᠯᠢᠶᠡᠳ ᠣᠯᠠᠨ ᠠᠮᠢᠲᠠᠨ ᠤ᠋ ᠠᠷᠤᠭ ᠶᠠᠰᠤ ᠶ᠋ᠢ ᠢᠯᠡᠷᠡᠭᠦᠯᠵᠤ᠂ ᠬᠢᠨᠠᠨ ᠲᠣᠭ᠍ᠲᠠᠭᠠᠯᠲᠠ ᠪᠡᠷ ᠳᠠᠮᠵᠢᠨ ᠠᠮᠢᠲᠠᠨ ᠤ᠋ ᠠᠷᠤᠭ ᠶᠠᠰᠤᠨ ᠳ᠋ᠦ ᠭᠣᠣᠯᠳᠠᠭᠤ ᠮᠣᠷᠢ᠂ ᠦᠬᠡᠷ᠂ ᠭᠠᠬᠠᠶ᠂ ᠬᠣᠨᠢ᠂ ᠨᠣᠬᠠᠶ᠂ ᠴᠢᠨᠣᠠ᠂ ᠪᠤᠭᠤ ᠵᠡᠷᠭᠡ ᠵᠢᠨ ᠠᠷᠤᠭ ᠶᠠᠰᠤ ᠪᠠᠢᠪᠠ᠃
ᠮᠠᠯᠳᠠᠯᠭᠠ ᠰᠤᠳᠤᠯᠭᠠ ᠪᠡᠷ ᠳᠠᠮᠵᠢᠨ ᠢᠯᠡᠷᠡᠭᠦᠯᠦᠭ᠌ᠰᠡᠨ ᠲᠡᠦᠬᠡᠨ ᠦᠯᠡᠳᠡᠭ᠌ᠳᠡᠯ ᠵᠢᠴᠢ ᠮᠠᠯᠲᠠᠵᠤ ᠭᠠᠷᠭᠠᠭ᠍ᠰᠠᠨ ᠪᠠᠭᠤᠷᠢᠲᠠᠶ ᠤᠶᠠᠯᠳᠤᠭᠤᠯᠪᠠᠯ᠂ ᠱᠢᠶᠤᠤ ᠲᠠᠩ ᠱᠠᠨ ᠤ᠋ ᠪᠠᠭᠤᠷᠢ ᠪᠣᠯ ᠮᠠᠨ ᠤ᠋ ᠤᠯᠤᠰ ᠤ᠋ᠨ ᠤᠮᠠᠷᠠᠲᠤ ᠵᠢᠨ ᠱᠢᠶᠠ ᠵᠢᠶᠠ ᠳ᠋ᠢᠶᠠᠨ ᠤ᠋ ᠳᠤᠤᠷᠠᠳᠤ ᠳᠠᠪᠬᠤᠷᠭᠠ ᠵᠢᠨ ᠰᠣᠶᠣᠯ ᠤ᠋ᠨ ᠦᠶᠡ ᠵᠢᠨ ᠨᠢᠭᠡᠨ ᠴᠢᠬᠤᠯᠠ ᠴᠢᠯᠠᠭᠤᠨ ᠬᠣᠲᠠ ᠵᠢᠨ ᠪᠠᠭᠤᠷᠢ ᠪᠣᠯᠬᠤ ᠶ᠋ᠢ ᠨᠤᠲᠠᠯᠠᠵᠤ ᠪᠣᠯᠤᠨᠠ᠃ ᠱᠢᠶᠠ ᠵᠢᠶᠠ ᠳ᠋ᠢᠶᠠᠨ ᠤ᠋ ᠳᠣᠣᠷᠠᠳᠤ ᠳᠠᠪᠬᠤᠷᠭᠠ ᠵᠢᠨ ᠰᠣᠶᠣᠯ ᠤ᠋ᠨ ᠤᠷᠤᠰᠢᠵᠤ ᠪᠠᠢᠭᠰᠠᠨ ᠴᠠᠭ ᠦᠶᠡ ᠨᠢ ᠣᠳᠣᠠᠴᠠ 4100 ᠵᠢᠯᠡᠴᠡ 3300 ᠵᠢᠯ ᠤ᠋ᠨ ᠣᠷᠴᠢᠮ ᠪᠠᠢᠵᠤ᠂ ᠮᠠᠨ ᠤ᠋ ᠤᠯᠤᠰ ᠤ᠋ᠨ ᠤᠮᠠᠷᠠᠲᠤ ᠣᠷᠣᠨ ᠤ᠋ ᠬᠠᠮᠤᠭ ᠤ᠋ᠨ ᠡᠷᠲᠡᠨᠦ ᠬᠦᠷᠡᠯ ᠪᠠᠭᠠᠵᠢ ᠬᠡᠷᠡᠭᠰᠡᠯ ᠤ᠋ᠨ ᠦᠶᠡ ᠵᠢᠨ ᠰᠣᠶᠣᠯ ᠪᠣᠯᠤᠨᠠ᠃ ᠲᠡᠭᠦᠨᠦ ᠳᠣᠲᠣᠷᠠ ᠴᠢᠯᠠᠭᠤᠨ ᠬᠣᠲᠠ ᠶᠡᠬᠡ ᠬᠡᠮᠵᠢᠶᠡᠪᠡᠷ ᠢᠯᠡᠷᠡᠭ᠌ᠰᠡᠨ ᠨᠢ ᠡᠨᠡ ᠬᠦ᠌ ᠰᠣᠶᠣᠯ ᠤ᠋ᠨ ᠥᠪᠡᠷᠮᠢᠴᠡ ᠣᠨᠴᠠᠯᠢᠭ ᠪᠦᠬᠦᠢ ᠬᠥᠮᠦᠨ ᠨᠡᠢᠭᠡᠮᠦᠨ ᠭᠠᠵᠠᠷ ᠵᠦᠢ ᠵᠢᠨ ᠦᠵᠡᠮᠵᠢ ᠪᠣᠯᠤᠨᠠ᠃
ᠱᠢᠶᠤᠤ ᠲᠠᠩ ᠱᠠᠨ ᠠᠭᠤᠯᠠ ᠵᠢᠨ ᠴᠢᠯᠠᠭᠤᠨ ᠬᠣᠲᠠ ᠵᠢᠨ ᠪᠠᠭᠤᠷᠢᠵᠢᠨ ᠤᠷᠤᠰᠢᠵᠤ ᠪᠤᠢ ᠭᠠᠵᠠᠷ ᠪᠣᠯ ᠱᠢᠶᠠ ᠵᠢᠶᠠ ᠳ᠋ᠢᠶᠠᠨ ᠤ᠋ ᠳᠣᠣᠷᠠᠳᠤ ᠳᠠᠪᠬᠤᠷᠭᠠ ᠵᠢᠨ ᠰᠣᠶᠣᠯ ᠴᠢᠯᠠᠭᠤᠨ ᠬᠣᠲᠠ ᠵᠢᠨ ᠲᠠᠷᠬᠠᠯᠲᠠ ᠨᠡᠯᠢᠶᠡᠳ ᠲᠥᠪᠯᠡᠷᠡᠭ᠌ᠰᠡᠨ ᠣᠷᠣᠨ ᠤ᠋ ᠨᠢᠭᠡ ᠪᠣᠯᠤᠨᠠ᠃ ᠱᠢᠶᠤᠤ ᠲᠠᠩ ᠱᠠᠨ ᠠᠭᠤᠯᠠ ᠵᠢᠨ ᠴᠢᠯᠠᠭᠤᠨ ᠬᠣᠲᠠ ᠵᠢᠨ ᠪᠠᠭᠤᠷᠢ ᠵᠢᠨ ᠰᠢᠨᠡ ᠪᠡᠷ ᠤᠯᠳᠠᠭᠰᠠᠨ ᠬᠠᠭᠤᠴᠢ ᠰᠤᠳᠤᠯᠤᠯ ᠤ᠋ᠨ ᠮᠠᠲ᠋ᠧᠷᠢᠶᠠᠯ ᠨᠢ ᠱᠢᠶᠠ ᠵᠢᠶᠠ ᠳ᠋ᠢᠶᠠᠨ ᠤ᠋ ᠳᠤᠤᠷᠠᠳᠤ ᠳᠠᠪᠬᠤᠷᠭᠠ ᠵᠢᠨ ᠰᠣᠶᠣᠯ ᠤ᠋ᠨ ᠴᠢᠯᠠᠭᠤᠨ ᠬᠣᠲᠠ ᠵᠢᠨ ᠪᠠᠢᠭᠤᠯᠤᠯᠲᠠ ᠪᠠ ᠲᠠᠷᠬᠠᠯᠲᠠ ᠵᠢᠨ ᠵᠢᠮᠡ ᠶᠣᠰᠣ ᠶ᠋ᠢ ᠰᠤᠳᠤᠯᠵᠤ᠂ ᠡᠨᠡ ᠬᠦ᠌ ᠰᠣᠶᠣᠯ ᠤ᠋ᠨ ᠠᠭᠤᠯᠤᠭ᠍ᠳᠠᠬᠤᠨ ᠢ᠋ ᠤᠯᠠᠮ ᠨᠢᠭᠡ ᠠᠯᠬᠤᠮ ᠢᠯᠡᠷᠡᠭᠦᠯᠬᠦ᠌ᠳᠦ ᠠᠰᠢᠭᠲᠠᠢ ᠨᠥᠬᠥᠴᠡᠯ ᠬᠠᠩᠭᠠᠭ᠍ᠰᠠᠨ ᠪᠠᠢᠨᠠ᠃
ᠢᠷᠡᠯᠳᠡ᠄ ᠦᠪᠦᠷ ᠮᠤᠨᠭᠭᠤᠯᠤᠨ ᠡᠳᠦᠷᠤᠨ ᠰᠤᠨᠢᠨ （ᠮᠤᠨᠭᠭᠤᠯ ᠬᠡᠪᠯᠡᠯ）
ᠡᠮᠬᠢᠯᠡᠭᠴᠢ᠄ ᠰᠢᠶᠠᠡᠭ ᠴᠦᠨ