— ᠪᠡᠯᠴᠢᠬᠡᠷ ᠤ᠋ᠨ ᠮᠠᠯ ᠠᠵᠤ ᠠᠬᠤᠢ ᠵᠢᠨ ᠬᠡᠯᠪᠡᠷᠢ ᠵᠢ ᠬᠤᠪᠢᠷᠠᠭᠤᠯᠵᠤ ᠲᠡᠰ ᠲᠡᠪᠰᠢᠬᠦᠯᠬᠦ ᠵᠢ ᠠᠬᠢᠭᠤᠯᠤᠭᠰᠠᠨ ᠦᠪᠦᠷ ᠮᠤᠩᠭᠤᠯ ᠤ᠋ᠨ ᠰᠢᠨᠠ ᠦᠢᠯᠡᠳᠦᠯᠬᠡ ⑤
ᠨᠠᠮᠤᠷ ᠤ᠋ᠨ ᠰᠡᠬᠦᠯᠴᠢ ᠵᠢᠨ ᠰᠢᠷᠭᠠᠯ ᠨᠠᠷᠠ ᠰᠢᠵᠢᠷᠳᠡᠨ ᠬᠢᠯᠪᠠᠭᠠᠯᠠᠵᠦ᠂ ᠠᠭᠤᠯᠠ ᠵᠢᠨ ᠥᠪᠤᠷ ᠨᠦᠮᠦᠷᠢᠳᠡᠨ ᠰᠠᠭᠤᠷᠢᠰᠢᠭᠰᠠᠨ ᠠᠢᠯ ᠤ᠋ᠳ ᠤ᠋ᠨ ᠨᠠᠮ ᠬᠦᠮ ᠢ᠋ ᠡᠪᠳᠡᠬᠦ ᠭᠡᠰᠡᠨ ᠰᠢᠭ ᠵᠠᠰᠠᠮᠠᠯ ᠵᠠᠮ ᠵᠢᠡᠷ ᠬᠠᠶᠠ ᠨᠢᠭᠡ ᠡᠪᠡᠰᠦ ᠰᠦᠷᠡᠯ ᠠᠴᠢᠭᠰᠠᠨ ᠮᠠᠰᠢᠨ ᠲᠷᠠᠺᠲ᠋ᠤᠷ ᠬᠤᠷᠳᠤᠯᠠᠨ ᠲᠠᠪᠬᠢᠵᠤ᠂ ᠮᠠᠯᠴᠢᠳ ᠬᠠᠰᠢᠶᠠᠯᠠᠨ ᠲᠠᠵᠢᠬᠡᠬᠥ ᠬᠠᠭᠠᠰ ᠬᠠᠰᠢᠶᠠᠯᠠᠨ ᠲᠠᠵᠢᠬᠡᠬᠦ ᠮᠠᠯ ᠰᠦᠷᠦᠭ ᠤ᠋ᠨ ᠵᠢᠡᠨ ᠡᠪᠡᠰᠤ ᠪᠤᠷᠳᠤᠭᠠ ᠵᠢ ᠨᠦᠬᠡᠴᠡᠯᠡᠵᠤ ᠶᠠᠭᠠᠷᠠᠯᠳᠤᠨᠠ᠃
ᠪᠡᠯᠴᠢᠬᠡᠷᠯᠡᠬᠦᠯᠬᠦ ᠵᠢ ᠴᠠᠭᠠᠵᠠᠯᠠᠵᠤ ᠬᠠᠰᠢᠶᠠᠯᠠᠨ ᠲᠠᠵᠢᠬᠡᠬᠥ ᠬᠠᠭᠠᠰ ᠬᠠᠰᠢᠶᠠᠯᠠᠨ ᠲᠠᠵᠢᠬᠡᠬᠦ ᠨᠢ ᠨᠢᠬᠡᠨᠳᠡ ᠪᠡᠯᠴᠢᠭᠡᠷ ᠤ᠋ᠨ ᠳᠠᠭᠠᠭᠠᠴᠠ ᠡᠴᠡ ᠬᠡᠲᠤᠷᠠᠲᠠᠯᠠ ᠪᠡᠯᠴᠢᠭᠡᠷᠯᠡᠭᠦᠯᠬᠦ ᠠᠰᠠᠭᠤᠳᠠᠯ ᠢ᠋ ᠱᠢᠶ᠋ᠳᠪᠦᠷᠢᠯᠡᠬᠦ᠌ ᠨᠡᠢᠳᠡᠯᠢᠭ ᠵᠠᠭᠪᠤᠷ ᠪᠤᠯᠵᠤ ᠪᠦᠬᠦ ᠤᠷᠤᠨ ᠳ᠋ᠤ ᠲᠦᠬᠡᠮᠡᠯᠵᠢᠪᠠ᠃ ᠪᠡᠯᠴᠢᠬᠡᠷᠯᠡᠬᠦᠯᠬᠦ ᠵᠢ ᠴᠠᠭᠠᠵᠠᠯᠠᠭᠰᠠᠨ ᠴᠦ᠍ ᠮᠠᠯᠵᠢᠬᠤ ᠵᠢ ᠴᠠᠭᠠᠵᠠᠯᠠᠬᠤ ᠦᠬᠡᠢ᠂ ᠨᠤᠳᠤᠭ ᠪᠡᠯᠴᠢᠬᠡᠷ ᠢ᠋ ᠠᠮᠠᠷᠠᠭᠤᠯᠤᠭᠰᠠᠨ ᠴᠦ᠍ ᠮᠠᠯᠵᠢᠬᠤ ᠦᠢᠯᠡᠳᠪᠤᠷᠢᠯᠡᠯ ᠢ᠋ ᠠᠮᠠᠷᠠᠭᠤᠯᠬᠤ ᠦᠬᠡᠢ᠂ ᠡᠨᠡ ᠪᠤᠯ ᠪᠡᠯᠴᠢᠬᠡᠷ ᠤ᠋ᠨ ᠮᠠᠯ ᠠᠵᠤ ᠠᠬᠤᠢ ᠵᠢᠨ ᠬᠡᠯᠪᠡᠷᠢ ᠵᠢ ᠬᠤᠪᠢᠷᠠᠭᠤᠯᠵᠤ ᠲᠡᠰ ᠲᠡᠪᠰᠢᠬᠦᠯᠬᠦ ᠵᠢᠨ ᠴᠢᠬᠤᠯᠠ ᠵᠠᠷᠴᠢᠮ ᠪᠤᠯᠤᠨᠠ᠃ ᠡᠢᠨ ᠬᠦ᠌ ᠵᠠᠷᠴᠢᠮ ᠲᠤᠤᠷᠠ ᠮᠠᠯ ᠤᠨᠤᠭᠠ ᠪᠠᠨ ᠶᠠᠭᠠᠬᠢᠵᠤ ᠮᠠᠯᠵᠢᠨ᠂ ᠮᠠᠯᠵᠢᠬᠤ ᠦᠢᠯᠡᠳᠪᠤᠷᠢᠯᠡᠯ ᠤ᠋ᠨ ᠦᠷᠬᠦᠯᠵᠢᠯᠡᠬᠦ ᠬᠦᠭᠵᠢᠯᠳᠡ ᠵᠢ ᠬᠡᠷᠬᠢᠨ ᠪᠠᠳᠤᠯᠠᠵᠤ᠂ 《ᠮᠠᠯ》 ᠤ᠋ᠨ ᠠᠰᠠᠭᠤᠳᠠᠯ ᠢ᠋ ᠴᠤᠬᠤᠮ ᠬᠡᠷᠬᠢᠨ ᠰᠢᠢᠳᠪᠦᠷᠢᠯᠡᠬᠦ ᠪᠤᠢ？ ᠡᠨᠡ ᠪᠤᠯ ᠤᠷᠤᠨ ᠨᠤᠳᠤᠭ ᠤ᠋ᠨ ᠬᠢᠨ ᠪᠤᠯᠤᠨ ᠮᠠᠯᠴᠢᠨ ᠲᠦᠮᠡᠨ ᠤ᠋ ᠤᠬᠠᠭᠠᠨ ᠲᠠᠮᠢᠷ ᠢ᠋ ᠰᠤᠷᠢᠬᠤ ᠬᠠᠳᠠᠭᠤ ᠰᠢᠯᠭᠠᠯᠳᠠ ᠶᠤᠮ᠃
11 ᠰᠠᠷᠠ ᠵᠢᠨ ᠡᠬᠢ ᠪᠡᠷ ᠪᠢᠳᠡ ᠦᠪᠡᠷᠳᠡᠬᠡᠨ ᠵᠠᠰᠠᠬᠤ ᠤᠷᠤᠨ ᠤ᠋ ᠪᠡᠯᠴᠢᠭᠡᠷ ᠤ᠋ᠨ ᠳᠠᠭᠠᠭᠠᠴᠠ ᠡᠴᠡ ᠬᠡᠲᠤᠷᠠᠲᠠᠯᠠ ᠪᠡᠯᠴᠢᠭᠡᠷᠯᠡᠭᠦᠯᠬᠦ ᠠᠰᠠᠭᠤᠳᠠᠯ ᠢ᠋ ᠱᠢᠶ᠋ᠳᠪᠦᠷᠢᠯᠡᠬᠦ᠌ ᠲᠤᠷᠱᠢᠯᠲᠠ ᠢ᠋ᠢᠨ ᠴᠡᠭ ᠤ᠋ᠨ ᠬᠤᠰᠢᠭᠤ ᠰᠢᠶᠠᠠ ᠪᠤᠯᠬᠤ ᠲᠦᠨᠭᠯᠢᠶᠤᠤ ᠬᠤᠳᠠ ᠵᠢᠨ ᠵᠠᠷᠤᠳ ᠬᠤᠰᠢᠭᠤ᠂ ᠬᠢᠨᠭᠭᠠᠨ ᠠᠢᠮᠠᠭ ᠤ᠋ᠨ ᠬᠤᠷᠴᠢᠨ ᠪᠠᠷᠠᠭᠤᠨ ᠭᠠᠷᠤᠨ ᠡᠮᠦᠨᠠᠳᠤ ᠬᠤᠰᠢᠭᠤ᠂ ᠬᠦᠯᠦᠨ ᠪᠤᠢᠷ ᠬᠤᠳᠠ ᠵᠢᠨ ᠰᠢᠨᠠ ᠪᠠᠷᠭᠤ ᠪᠠᠷᠠᠭᠤᠨ ᠬᠤᠰᠢᠭᠤ ᠪᠡᠷ ᠰᠤᠷᠪᠤᠯᠵᠢᠯᠠᠵᠤ ᠶᠠᠪᠤᠬᠤ ᠳ᠋ᠠᠭᠠᠨ᠂ ᠮᠠᠰᠢ ᠤᠯᠠᠨ ᠰᠤᠮᠤ ᠪᠠᠯᠭᠠᠰᠤ᠂ ᠭᠠᠴᠠᠭᠠ ᠲᠤᠰᠬᠤᠨ᠂ ᠮᠠᠯᠵᠢᠬᠤ ᠡᠷᠦᠬᠡ᠂ ᠲᠤᠰᠬᠠᠢ ᠬᠤᠷᠰᠢᠶᠠ ᠨᠢ 《ᠳᠠᠪᠠᠭᠤᠯᠢᠭ ᠵᠢᠡᠨ ᠠᠰᠢᠬᠯᠠᠨ ᠲᠤᠳᠠᠭᠤᠳᠠᠯ ᠵᠢᠡᠨ ᠨᠦᠬᠦᠪᠦᠷᠢᠯᠡᠵᠦ᠂ ᠲᠦᠪᠯᠡᠷᠡᠬᠦᠯᠦᠨ ᠲᠠᠵᠢᠬᠡᠬᠦ᠂ ᠡᠷᠴᠢᠮᠵᠢᠬᠦᠯᠦᠨ ᠮᠠᠯᠵᠢᠬᠤ᠂ ᠬᠡᠪᠴᠢᠶᠡᠵᠢᠬᠦᠯᠦᠨ ᠡᠵᠡᠩᠨᠡᠬᠦ》 ᠰᠡᠳᠬᠢᠴᠡ ᠪᠡᠷ ᠡᠨᠡ ᠬᠦ᠌ ᠬᠠᠳᠠᠭᠤ ᠰᠢᠯᠭᠠᠯᠳᠠ ᠵᠢ ᠬᠠᠷᠢᠭᠤᠯᠵᠤ ᠪᠠᠢᠬᠤ ᠵᠢ ᠬᠠᠷᠠᠯᠠ᠃
ᠵᠠᠩᠬᠢᠯᠠᠭᠠ ᠵᠢᠨ ᠦᠬᠡ᠄ ᠲᠦᠪᠯᠡᠷᠡᠬᠦᠯᠦᠨ ᠲᠠᠵᠢᠬᠡᠬᠦ
ᠪᠠᠢᠭᠠᠯᠢ ᠵᠢᠨ ᠵᠢᠮᠠ ᠵᠢ ᠮᠦᠷᠳᠡᠨ ᠠᠭᠤᠷ ᠠᠮᠢᠰᠬᠤᠯ ᠳ᠋ᠠᠭᠠᠨ ᠵᠤᠬᠢᠴᠠᠭᠤᠯᠵᠦ᠂ ᠮᠠᠯ ᠰᠦᠷᠦᠭ ᠵᠢᠡᠨ ᠦᠩ ᠲᠠᠢ ᠤᠨᠳᠤᠷᠤᠭᠤᠯᠵᠦ ᠴᠢᠳᠠᠳᠠᠭ ᠨᠢ ᠮᠠᠯᠴᠢᠨ ᠬᠦᠮᠦᠨ ᠤ᠋ ᠬᠡᠬᠡᠨ ᠤᠬᠠᠭᠠᠨ ᠶᠤᠮ᠃ ᠵᠠᠷᠤᠳ ᠬᠤᠰᠢᠭᠤᠨ ᠤ᠋ ᠵᠢᠷᠦᠬᠡ ᠪᠠᠯᠭᠠᠰᠤ ᠵᠢᠨ ᠵᠢᠷᠦᠬᠡ ᠲᠤᠰᠬᠤᠨ ᠳ᠋ᠤ ᠪᠠᠢᠷᠢᠯᠠᠭᠠ ᠪᠠᠢ ᠱᠦᠨ ᠳᠡᠵᠢᠭᠡᠨ ᠦᠷᠡᠵᠢᠬᠦᠯᠬᠦ ᠲᠤᠰᠬᠠᠢ ᠬᠤᠷᠰᠢᠶᠠ ᠳ᠋ᠤ ᠬᠦᠷᠬᠦ ᠳ᠋ᠤ᠂ ᠳᠡᠳᠡ ᠶᠠᠭ ᠲᠤᠮᠤ ᠵᠤᠤᠬᠠᠨ ᠳ᠋ᠠᠭᠠᠨ ᠬᠦᠷᠵᠡᠩ ᠲᠦᠯᠡᠵᠦ᠂ ᠦᠬᠡᠷ ᠵᠢᠡᠨ ᠪᠦᠯᠢᠶᠡᠨ ᠤᠰᠤ ᠪᠡᠷ ᠤᠰᠤᠯᠠᠵᠦ ᠪᠠᠢᠯᠠ᠃
ᠵᠠᠷᠤᠳ ᠬᠣᠱᠢᠭᠤ 《ᠲᠠᠷᠢᠵᠤ ᠲᠡᠵᠢᠭᠡᠬᠦ᠌ ᠵᠢ ᠤᠶᠠᠯᠳᠤᠭᠤᠯᠬᠤ + ᠬᠠᠱᠢᠶᠠᠯᠠᠨ ᠲᠡᠵᠢᠭᠡᠵᠦ᠍ ᠨᠠᠷᠢᠯᠢᠭ ᠪᠤᠷᠳᠤᠬᠤ》 ᠵᠠᠭ᠍ᠪᠤᠷ ᠵᠢᠡᠷ ᠮᠠᠯᠴᠢᠨ ᠲᠠᠷᠢᠶᠠᠴᠢᠨ ᠤ᠋ ᠲᠤᠰᠬᠠᠢ ᠬᠤᠷᠱᠢᠶᠠ᠂ ᠠᠵᠤ ᠠᠬᠤᠢᠯᠠᠯ᠂ ᠮᠠᠯᠵᠢᠬᠤ ᠡᠷᠦᠬᠡ ᠵᠢ ᠳᠡᠮᠵᠢᠨ ᠵᠤᠷᠢᠭᠵᠢᠭᠤᠯᠵᠦ᠂ ᠪᠠᠢᠭᠠᠯᠢ ᠵᠢᠨ ᠪᠡᠯᠴᠢᠭᠡᠷ ᠢ᠋ ᠰᠠᠢᠵᠢᠷᠠᠭᠤᠯᠬᠤ᠂ ᠡᠪᠡᠰᠦ ᠲᠠᠷᠢᠬᠤ᠂ ᠬᠦᠬᠡ ᠳᠠᠷᠤᠰᠢ ᠳᠠᠷᠤᠱᠢᠭᠤᠯᠬᠤ ᠪᠠ 《ᠦᠷᠡᠵᠢᠭᠦᠯᠦᠨ ᠪᠣᠢᠵᠢᠭᠤᠯᠵᠤ ᠪᠣᠷᠳᠣᠨ ᠲᠠᠷᠭᠤᠯᠠᠭᠤᠯᠬᠤ》 ᠠᠷᠭᠠ ᠪᠡᠷ ᠲᠠᠷᠢᠵᠤ ᠲᠡᠵᠢᠭᠡᠬᠦ ᠦᠢᠯᠡᠰ ᠢ᠋ ᠪᠠᠷᠢᠮᠵᠢᠶᠡᠵᠢᠭᠤᠯᠤᠨ ᠬᠦᠭᠵᠢᠬᠦᠯᠵᠤ ᠪᠠᠢᠨᠠ᠃
2013 ᠤᠨ ᠳ᠋ᠤ ᠪᠠᠢᠭᠤᠯᠤᠭᠳᠠᠭᠰᠠᠨ ᠪᠠᠢ ᠱᠦᠨ ᠳᠡᠵᠢᠭᠡᠨ ᠦᠷᠡᠵᠢᠬᠦᠯᠬᠦ ᠲᠤᠰᠬᠠᠢ ᠬᠤᠷᠰᠢᠶᠠ ᠤᠳᠤ 15 ᠦᠬᠡᠷ ᠤ᠋ᠨ ᠫᠧᠩ᠂ 2 ᠪᠣᠷᠳᠣᠭᠠᠨ ᠬᠥᠮᠥᠷᠭᠡ ᠪᠤᠯᠤᠨ 3 ᠬᠦᠬᠡ ᠳᠠᠷᠤᠰᠢ ᠵᠢᠨ ᠵᠣᠭᠣᠷᠢ ᠲᠠᠢ ᠪᠠᠢᠵᠤ᠂ 1260 ᠦᠬᠡᠷ ᠢ᠋ ᠲᠦᠪᠯᠡᠷᠡᠬᠦᠯᠦᠨ ᠲᠠᠵᠢᠬᠡᠵᠤ ᠪᠠᠢᠨᠠ᠃ ᠲᠤᠰ ᠬᠤᠷᠰᠢᠶᠠ ᠠᠷᠠᠴᠢᠯᠠᠵᠤ ᠪᠤᠢᠵᠢᠭᠤᠯᠬᠤ᠂ ᠪᠤᠷᠳᠤᠨ ᠳᠠᠷᠭᠤᠯᠠᠭᠤᠯᠬᠤ ᠪᠦᠬᠦ ᠶᠠᠪᠤᠴᠠ ᠵᠢ ᠴᠦᠮ ᠪᠤᠬᠢᠷᠳᠤᠯ ᠦᠬᠡᠢ ᠦᠬᠡᠷ ᠤ᠋ᠨ ᠮᠢᠬᠠᠨ ᠤ᠋ ᠪᠦᠳᠦᠭᠡᠭᠳᠡᠬᠦᠨ ᠤ᠋ ᠦᠢᠯᠡᠳᠪᠤᠷᠢᠯᠡᠯ ᠤ᠋ᠨ ᠪᠠᠷᠢᠮᠵᠢᠶᠠ ᠶᠤᠰᠤᠭᠠᠷ ᠪᠡᠶᠡᠯᠡᠬᠦᠯᠵᠤ᠂ ᠤᠯᠤᠰ ᠤ᠋ᠨ ᠬᠦᠳᠡᠭᠡ ᠠᠵᠤ ᠠᠬᠤᠢ ᠬᠦᠳᠡᠭᠡ ᠲᠤᠰᠬᠤᠨ ᠤ᠋ ᠶᠠᠮᠤᠨ ᠤ᠋ 《ᠬᠦᠳᠡᠭᠡ ᠠᠵᠤ ᠠᠬᠤᠢ ᠵᠢᠨ ᠰᠢᠯᠢᠳᠡᠭ ᠠᠵᠤ ᠠᠬᠤᠢᠯᠠᠯ》 ᠤ᠋ᠨ ᠦᠨᠡᠯᠡᠯᠳᠡ ᠵᠢ ᠤᠯᠵᠠᠢ᠃
ᠮᠠᠯᠵᠢᠯ ᠤ᠋ᠨ ᠤᠬᠠᠭᠠᠨ ᠭᠡᠵᠦ ᠴᠠᠭ ᠤ᠋ᠨ ᠪᠠᠢᠳᠠᠯ ᠢ᠋ ᠠᠵᠢᠨ᠂ ᠦᠪᠡᠷ ᠤ᠋ᠨ ᠳᠠᠪᠠᠭᠤᠯᠢᠭ ᠲᠤᠳᠠᠭᠤᠳᠠᠯ ᠵᠢᠡᠨ ᠬᠦᠢᠴᠡᠳ ᠤᠢᠯᠠᠭᠠᠭᠰᠠᠨ ᠤ ᠰᠠᠭᠤᠷᠢᠨ ᠲᠠᠬᠡᠷᠠ ᠤᠷᠤᠯᠭᠠ ᠵᠠᠷᠤᠯᠭᠠ ᠪᠠᠨ ᠨᠡᠩ ᠰᠠᠢᠬᠠᠨ ᠲᠡᠩᠴᠡᠬᠦᠯᠵᠦ᠂ ᠨᠡᠩ ᠰᠠᠢᠨ ᠦᠷᠠ ᠠᠰᠢᠭ ᠤᠯᠵᠦ ᠴᠢᠳᠠᠬᠤ ᠳ᠋ᠤ ᠪᠠᠢᠭᠠ ᠵᠢ ᠲᠤᠯᠤᠭᠠᠨ ᠲᠣᠰᠭᠣᠨ ᠤ᠋ ᠬᠣᠯᠪᠣᠭᠠᠲᠤ ᠬᠤᠷᠱᠢᠶᠠ ᠬᠡᠷᠡᠴᠢᠯᠡᠨᠠ᠃ ᠬᠥᠮᠦᠨ ᠠᠮᠠ ᠤᠯᠠᠨᠳᠠᠢ ᠭᠠᠵᠠᠷ ᠨᠤᠳᠤᠭ ᠪᠠᠭᠠᠳᠠᠢ᠂ ᠮᠠᠯ ᠤᠨᠤᠭᠠ ᠲᠥᠪᠯᠡᠷᠡᠭ᠌ᠰᠡᠨ ᠲᠤᠬᠠᠢ ᠵᠢᠨ ᠭᠠᠵᠠᠷ ᠤ᠋ᠨ ᠪᠤᠳᠠᠳᠤ ᠪᠠᠢᠳᠠᠯ ᠳᠣᠣᠷᠠ᠂ ᠰᠢᠨᠠ ᠪᠠᠷᠭᠤ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ᠋ ᠠᠯᠳᠠᠠᠠᠮᠡᠭᠡᠯ ᠪᠠᠯᠭᠠᠰᠤ ᠨᠢ ᠰᠠᠢᠬᠠᠨ ᠬᠦᠷᠢᠶᠡ ᠭᠠᠴᠠᠭᠠ᠂ ᠪᠠᠷᠠᠭᠤᠨ ᠰᠦᠮᠡ ᠭᠠᠴᠠᠭᠠ᠂ ᠱᠢᠷᠠᠳᠠᠯᠠ ᠭᠠᠴᠠᠭᠠ᠂ ᠵᠡᠭᠦᠨ ᠰᠦᠮᠡ ᠭᠠᠴᠠᠭᠠ᠂ ᠱᠠᠩᠳᠠ ᠭᠠᠴᠠᠭᠠ᠂ ᠬᠠᠢᠯᠠᠰᠤ ᠭᠠᠴᠠᠭᠠ ᠪᠣᠯᠤᠨ ᠪᠠᠶᠠᠨ ᠳᠡᠷᠡᠰᠦ ᠭᠠᠴᠠᠭᠠᠨ ᠤ᠋ 7 ᠬᠤᠷᠱᠢᠶᠠ ᠵᠢ ᠨᠡᠢᠯᠡᠭᠦᠯᠦᠭᠡᠳ ᠬᠤᠯᠠ ᠤᠢᠷᠠ ᠳ᠋ᠤ ᠮᠡᠳᠡᠷᠡᠭᠳᠡᠭᠰᠡᠨ ᠲᠤᠯᠤᠭᠠᠨ ᠲᠣᠰᠭᠣᠨ ᠤ᠋ ᠬᠣᠯᠪᠣᠭᠠᠲᠤ ᠬᠤᠷᠱᠢᠶᠠ ᠵᠢ ᠪᠠᠢᠭᠤᠯᠵᠦ᠂ ᠮᠠᠯᠴᠢᠳ ᠤ᠋ᠨ ᠬᠡᠷ ᠪᠦᠯᠢ ᠵᠢᠨ ᠲᠠᠷᠠᠬᠠᠢ ᠪᠤᠲᠠᠷᠬᠠᠢ ᠮᠠᠯᠵᠢᠯ ᠢ᠋ ᠲᠤᠰᠭᠠᠢᠵᠢᠭᠰᠠᠨ ᠨᠠᠷᠢᠯᠢᠭᠵᠢᠭᠰᠠᠨ ᠬᠡᠪᠴᠢᠶᠡᠵᠢᠭᠰᠡᠨ ᠮᠠᠯᠵᠢᠯ ᠪᠣᠯᠭᠠᠨ ᠬᠤᠪᠢᠷᠠᠭᠤᠯᠵᠤ᠂ ᠮᠠᠯᠵᠢᠬᠤ ᠣᠷᠣᠨ ᠤ᠋ ᠠᠵᠤ ᠠᠬᠤᠢ ᠵᠢᠨ ᠰᠤᠩᠭᠤᠳᠠᠭ ᠵᠠᠭᠪᠤᠷ ᠢ᠋ ᠪᠦᠷᠢᠯᠳᠦᠬᠦᠯᠪᠠ᠃
ᠦᠢᠯᠡᠳᠪᠦᠷᠢᠯᠡᠯ ᠤ᠋ᠨ ᠠᠷᠭᠠ ᠬᠡᠯᠪᠡᠷᠢ ᠪᠠᠨ ᠠᠮᠢᠳᠤᠯᠢᠭ ᠲᠤᠬᠢᠷᠠᠭᠤᠯᠵᠦ᠂ ᠨᠡᠢᠳᠡ ᠤᠯᠠᠨ ᠵᠢᠡᠷ ᠵᠢᠡᠨ ᠠᠰᠢᠬ ᠬᠦᠷᠳᠡᠬᠦ ᠨᠢ ᠮᠠᠯᠵᠢᠬᠤ ᠤᠷᠤᠨ ᠤ᠋ ᠴᠢᠨᠠᠷ ᠰᠠᠢᠳᠠᠢ ᠬᠦᠭᠵᠢᠯᠳᠡ ᠳ᠋ᠤ ᠵᠢᠬᠦᠷ ᠤᠷᠭᠤᠭᠤᠯᠵᠦ᠂ ᠮᠠᠯ ᠠᠵᠤ ᠠᠬᠤᠢ ᠵᠢᠨ ᠦᠷᠬᠦᠯᠵᠢᠯᠡᠬᠦ ᠬᠦᠭᠵᠢᠯᠳᠡ ᠳ᠋ᠤ ᠰᠠᠭᠤᠷᠢ ᠳᠠᠯᠪᠢᠵᠦ ᠪᠠᠢᠭᠠ ᠶᠠᠪᠤᠳᠠᠯ ᠮᠦᠨ᠃
ᠪᠠᠢ ᠱᠦᠨ ᠳᠡᠵᠢᠭᠡᠨ ᠦᠷᠡᠵᠢᠬᠦᠯᠬᠦ ᠲᠤᠰᠬᠠᠢ ᠬᠤᠷᠰᠢᠶᠠ 《ᠦᠨᠢᠶᠠ ᠪᠠᠨ ᠰᠦᠷᠦᠭ ᠲᠦ᠍ᠨᠢ ᠳᠠᠯᠪᠢᠵᠦ ᠲᠤᠭᠤᠯ ᠠᠪᠬᠤ》 ᠬᠡᠯᠪᠡᠷᠢ ᠪᠡᠷ 31 ᠮᠠᠯᠵᠢᠬᠤ ᠡᠷᠦᠬᠡ ᠲᠡᠶ ᠬᠡᠯᠡᠯᠴᠡᠭᠡᠷ ᠲᠣᠭ᠍ᠲᠠᠨ ᠬᠠᠮᠳᠤᠷᠠᠯᠴᠠᠵᠦ᠂ ᠡᠷᠦᠬᠡ ᠪᠤᠯᠭᠠᠨ ᠤ᠋ ᠵᠢᠯ ᠤ᠋ᠨ ᠤᠷᠤᠯᠭᠠ ᠵᠢ 4 ᠲᠦᠮᠡᠨ ᠲᠥᠭᠥᠷᠢᠭ ᠨᠡᠮᠡᠭ᠌ᠳᠡᠬᠦᠯᠪᠠ᠃ ᠲᠡᠳᠡ 3 ᠵᠢᠯ ᠤ᠋ᠨ ᠬᠡᠯᠡᠯᠴᠡᠬᠡᠷ ᠲᠤᠭᠳᠠᠨ ᠦᠨᠢᠶᠠ ᠪᠠᠨ ᠮᠠᠯᠵᠢᠬᠤ ᠡᠷᠦᠬᠡ ᠳ᠋ᠤ ᠦᠭᠴᠦ ᠤᠷᠤᠯᠠᠨ ᠲᠠᠵᠢᠬᠡᠯᠬᠡᠵᠤ᠂ 10 ᠦᠨᠢᠶᠡ ᠪᠡᠷ ᠨᠢᠭᠡᠴᠢᠯᠡᠨ ᠮᠠᠯᠵᠢᠬᠤ ᠡᠷᠦᠬᠡ ᠡᠴᠡ ᠵᠢᠯ ᠪᠦᠷᠢ 500 ᠵᠢᠩ ᠡᠴᠡ ᠳᠡᠭᠡᠭ᠌ᠰᠢᠬᠢ 2 ᠲᠤᠭᠤᠯ ᠠᠪᠴᠦ᠂ ᠬᠡᠯᠡᠯᠴᠡᠭᠡᠷ ᠤ᠋ᠨ ᠬᠤᠭᠤᠴᠠᠭᠠ ᠲᠤᠯᠤᠭᠰᠠᠨ ᠤ᠋ ᠳᠠᠷᠠᠭᠠ ᠦᠨᠢᠶᠡ ᠪᠠᠨ ᠲᠤᠭᠠ ᠶᠤᠰᠤᠭᠠᠷ ᠪᠤᠴᠠᠭᠠᠨ ᠠᠪᠴᠦ᠂ ᠪᠤᠰᠤᠳ ᠠᠱᠢᠭ ᠣᠷᠣᠯᠭᠠ ᠵᠢ ᠪᠦᠬᠦᠨ ᠢ᠋ ᠮᠠᠯᠵᠢᠬᠤ ᠡᠷᠦᠬᠡ ᠳ᠋ᠤ ᠤᠯᠭᠤᠵᠤ ᠪᠠᠢᠨᠠ᠃
ᠲᠤᠯᠤᠭᠠᠨ ᠲᠣᠰᠭᠣᠨ ᠤ᠋ ᠬᠣᠯᠪᠣᠭᠠᠲᠤ ᠬᠤᠷᠱᠢᠶᠠ ᠬᠠᠱᠢᠶᠠᠯᠠᠨ ᠲᠡᠵᠢᠭᠡᠬᠦ ᠪᠡᠷ ᠭᠣᠣᠯᠳᠠᠭᠤᠯᠤᠨ ᠱᠢᠷᠠᠳᠠᠯᠠ ᠬᠡᠪᠴᠢᠶᠡᠵᠢᠭᠦᠯᠦᠨ ᠲᠡᠵᠢᠭᠡᠬᠦ᠌ ᠰᠠᠭᠤᠷᠢᠨ ᠵᠢᠡᠷ ᠭᠤᠤᠯ ᠪᠤᠯᠭᠠᠵᠤ᠂ ᠪᠠᠷᠢᠮᠵᠢᠶᠠᠵᠢᠭ᠍ᠰᠠᠨ ᠮᠠᠯ ᠤ᠋ᠨ ᠬᠠᠱᠢᠶᠠ ᠰᠠᠷᠠᠪᠴᠢ᠂ ᠬᠥᠬᠡ ᠳᠠᠷᠤᠰᠢ ᠵᠢᠨ ᠵᠣᠭᠣᠷᠢ᠂ ᠲᠡᠵᠢᠭᠡᠯ ᠪᠣᠷᠳᠣᠭᠠ ᠪᠣᠯᠪᠠᠰᠤᠷᠠᠭᠤᠯᠬᠤ ᠲᠠᠰᠤᠭ ᠵᠡᠷᠭᠡ ᠵᠢ ᠢᠵᠢ ᠪᠦᠷᠢᠳᠦᠭᠦᠯᠦᠨ ᠪᠦᠲᠦᠭᠡᠨ ᠪᠠᠢᠭᠤᠯᠵᠤ᠂ 《ᠵᠠᠰᠠᠭ ᠤ᠋ᠨ ᠣᠷᠳᠣᠨ ᠡᠴᠡ ᠬᠥᠲᠥᠯᠥᠨ ᠵᠢᠯᠣᠭᠣᠳᠭᠤ᠂ ᠲᠤᠰᠬᠠᠢ ᠬᠣᠷᠱᠢᠶᠠ ᠡᠴᠡ ᠡᠵᠡᠩᠨᠡᠬᠦ᠌᠂ ᠮᠠᠯᠴᠢᠳ ᠣᠷᠣᠯᠴᠠᠬᠤ》 ᠵᠠᠭ᠍ᠪᠤᠷ ᠵᠢᠡᠷ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠬᠦ᠌ ᠰᠠᠭᠤᠷᠢᠨ ᠢ᠋ ᠦᠷᠭᠡᠳᠭᠡᠬᠦ᠂ ᠲᠡᠵᠢᠭᠡᠯ ᠪᠣᠷᠳᠣᠭᠠ ᠨᠥᠭᠡᠴᠡᠯᠡᠬᠦ᠌᠂ ᠦᠷᠡ ᠵᠢᠨ ᠮᠠᠯ ᠤ᠋ᠨ ᠰᠦᠷᠦᠭ ᠭᠠᠷᠭᠠᠬᠤ᠂ ᠮᠠᠯ ᠰᠦᠷᠦᠭ ᠢ᠋ ᠥᠷᠭᠡᠳᠭᠡᠬᠦ᠂ ᠬᠡᠮ ᠬᠢᠵᠢᠭ ᠢ᠋ ᠰᠡᠷᠭᠡᠢᠯᠡᠨ ᠵᠠᠰᠠᠬᠤ᠂ ᠲᠦᠪᠯᠡᠷᠡᠬᠦᠯᠦᠨ ᠲᠠᠵᠢᠬᠡᠬᠦ ᠵᠢ ᠪᠡᠶᠡᠯᠡᠭᠦᠯᠵᠠᠢ᠃ ᠤᠳᠤ 7 ᠭᠠᠴᠠᠭᠠ ᠳ᠋ᠤ 3 ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠬᠦ᠌ ᠰᠠᠭᠤᠷᠢᠨ ᠪᠠᠢᠭᠤᠯᠵᠤ᠂ 3600 ᠬᠣᠨᠢ ᠵᠢ ᠲᠥᠪᠯᠡᠷᠡᠭᠦᠯᠦᠨ ᠬᠠᠱᠢᠶᠠᠯᠠᠨ ᠲᠡᠵᠢᠭᠡᠵᠦ᠍ ᠪᠠᠢᠨᠠ᠃ ᠡᠭᠦᠨ ᠳ᠋ᠤ 7 ᠭᠠᠴᠠᠭᠠᠨ ᠤ᠋ ᠮᠠᠯᠴᠢᠳ ᠤ᠋ᠨ 1000 ᠭᠠᠷᠤᠢ ᠬᠣᠨᠢ ᠶ᠋ᠢ ᠨᠠᠢᠳᠠᠨ ᠬᠠᠮᠢᠶᠠᠷᠴᠤ ᠣᠷᠣᠯᠠᠨ ᠲᠡᠵᠢᠭᠡᠵᠦ᠍᠂ 14 ᠬᠥᠮᠦᠨ ᠳ᠋ᠤ ᠠᠵᠢᠯ ᠣᠯᠭᠣᠨ᠂ ᠨᠠᠢᠳᠠᠨ ᠬᠠᠮᠢᠶᠠᠷᠤᠭᠤᠯᠬᠤ ᠳ᠋ᠤ ᠣᠷᠣᠯᠴᠠᠭ᠍ᠰᠠᠨ ᠮᠠᠯᠴᠢᠳ ᠤ᠋ᠨ ᠵᠢᠯ ᠤ᠋ᠨ ᠣᠷᠣᠯᠭᠠ ᠵᠢ ᠤᠤᠯ ᠤ᠋ᠨ ᠬᠢ ᠡᠴᠡ ᠪᠠᠨ 1500 ᠲᠥᠭᠥᠷᠢᠭ ᠨᠡᠮᠡᠭ᠌ᠳᠡᠬᠦᠯᠪᠠ᠃
《ᠪᠢᠳᠡ ᠰᠢ ᠷᠦ ᠮᠠᠯ ᠠᠵᠤ ᠠᠬᠤᠶ ᠵᠢᠨ ᠬᠢᠵᠠᠭᠠᠷᠲᠤ ᠺᠣᠮᠫᠠᠨᠢ ᠵᠢ ᠣᠷᠣᠭᠤᠯᠤᠨ ᠠᠪᠴᠢᠷᠠᠵᠤ᠂ ᠰᠠᠢᠨ ᠡᠭᠦᠯᠳᠡᠷ ᠤ᠋ᠨ 200 ᠭᠠᠷᠤᠢ ᠰᠠᠭᠠᠯᠢ ᠵᠢᠨ ᠦᠨᠢᠶᠡ ᠲᠠᠵᠢᠬᠡᠨ᠂ ᠡᠳᠦᠷ ᠲᠦ᠍ 1 ᠲᠣᠨ ᠰᠦ ᠰᠠᠭᠠᠵᠦ᠂ ᠨᠢᠬᠡᠨᠳᠡ 〈ᠰᠠᠭᠠᠯᠢ ᠵᠢᠨ ᠦᠨᠢᠶᠠ ᠳᠡᠵᠢᠬᠡᠬᠦ — ᠰᠠᠭᠠᠯᠢ ᠠᠪᠬᠤ — ᠴᠠᠭᠠᠨ ᠢᠳᠡᠬᠡᠨ ᠪᠤᠯᠪᠠᠰᠤᠷᠠᠭᠤᠯᠬᠤ — ᠵᠠᠬᠠ ᠳᠡᠯᠭᠡᠭᠦᠷ ᠲᠦ᠍ ᠪᠤᠷᠤᠯᠠᠭᠤᠯᠬᠤ〉 ᠪᠦᠷᠢᠨ ᠪᠦᠳᠦᠨ ᠬᠡᠯᠬᠢᠶᠠ ᠵᠢ ᠪᠦᠷᠢᠯᠳᠦᠬᠦᠯᠪᠠ᠃ ᠤᠳᠤ ᠪᠠᠰᠠ ᠵᠢᠯ ᠳ᠋ᠤ 10 ᠲᠦᠮᠡᠨ ᠦᠬᠡᠷ ᠪᠣᠷᠣᠯᠠᠭᠤᠯᠬᠤ ᠸᠧ ᠵᠢᠨ ᠮᠠᠯ ᠠᠵᠤ ᠠᠬᠤᠶ ᠵᠢᠨ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨ ᠲᠸᠭᠨᠢᠭ ᠮᠡᠷᠭᠡᠵᠢᠯ ᠤ᠋ᠨ ᠲᠥᠷᠥᠯ ᠵᠦᠶ᠋ᠯ ᠢ᠋ ᠪᠠᠢᠭᠤᠯᠵᠦ ᠪᠠᠢᠨᠠ》 ᠭᠡᠵᠦ ᠲᠤᠯᠤᠭᠠᠨ ᠲᠣᠰᠭᠣᠨ ᠤ᠋ ᠬᠣᠯᠪᠣᠭᠠᠲᠤ ᠬᠣᠷᠱᠢᠶᠠ ᠵᠢᠨ ᠬᠠᠷᠢᠭᠤᠴᠠᠯᠭᠠᠳᠠᠨ ᠲᠢᠶᠠᠨ ᠵᠠᠨ ᠺᠦᠨ ᠬᠡᠯᠡᠵᠤ ᠪᠠᠢᠯᠠ᠃
《ᠮᠢᠬᠠᠨ ᠤ᠋ ᠴᠢᠨᠠᠷ ᠢ᠋ ᠪᠤᠳᠤᠪᠠᠯ ᠠᠩᠭᠢᠰ ᠦᠬᠡᠷ ᠪᠤᠯᠤᠨ ᠶᠠᠮᠠᠲ᠋ᠤ᠋ ᠦᠬᠡᠷ ᠤ᠋ᠨ ᠮᠢᠬᠠ ᠰᠠᠢᠨ᠂ ᠭᠡᠪᠡᠴᠦ ᠮᠢᠬᠠᠨ ᠤ᠋ ᠭᠠᠷᠤᠯᠳᠠ ᠵᠢ ᠪᠤᠳᠤᠪᠠᠯ ᠰᠢᠮᠧᠨ᠋ᠳᠠᠷ ᠦᠬᠡᠷ ᠤ᠋ᠨ ᠮᠢᠬᠠᠨ ᠤ᠋ ᠭᠠᠷᠤᠯᠳᠠ ᠶᠡᠬᠡ ᠶᠤᠮ》 ᠭᠡᠵᠦ ᠪᠠᠢ ᠱᠦᠨ ᠳᠡᠵᠢᠭᠡᠨ ᠦᠷᠡᠵᠢᠬᠦᠯᠬᠦ ᠲᠤᠰᠬᠠᠢ ᠬᠤᠷᠰᠢᠶᠠ ᠵᠢᠨ ᠬᠡᠷᠡᠭ ᠡᠷᠬᠢᠯᠡᠭᠴᠢ ᠶᠠᠩ ᠱᠤᠤ ᠡᠦ ᠲᠤᠷᠰᠢᠯᠭᠠ ᠪᠠᠨ ᠲᠠᠨᠢᠯᠴᠠᠭᠤᠯᠤᠨᠠ᠃ ᠪᠠᠢ ᠱᠦᠨ ᠳᠡᠵᠢᠭᠡᠨ ᠦᠷᠡᠵᠢᠬᠦᠯᠬᠦ ᠲᠤᠰᠬᠠᠢ ᠬᠤᠷᠰᠢᠶᠠ ᠮᠠᠯᠵᠢᠬᠤ ᠲᠠᠷᠢᠶᠠᠯᠠᠬᠤ ᠰᠤᠯᠪᠢᠴᠠᠭᠰᠠᠨ ᠤᠷᠤᠨ ᠳ᠋ᠤ ᠪᠠᠢᠷᠢᠯᠠᠭᠠ ᠳᠠᠪᠠᠭᠤᠯᠢᠬ ᠵᠢᠡᠨ ᠠᠰᠢᠭᠯᠠᠨ᠂ ᠰᠦᠯ ᠰᠠᠢᠲᠠᠶ ᠡᠪᠡᠰᠦ ᠪᠠ ᠨᠠᠷᠢᠯᠢᠭ ᠪᠣᠷᠳᠣᠭᠠ ᠪᠠᠷ ᠲᠤᠭᠤᠯ ᠵᠢᠡᠨ ᠪᠤᠷᠳᠤᠵᠦ᠂ ᠰᠠᠢᠨ ᠡᠬᠦᠯᠳᠡᠷ ᠤ᠋ᠨ ᠰᠢᠮᠧᠨ᠋ᠳᠠᠷ ᠦᠬᠡᠷ ᠢ᠋ ᠦᠷᠬᠡᠳᠬᠡᠨ᠂ ᠵᠠᠬᠠ ᠳᠡᠯᠬᠡᠬᠦᠷ ᠤ᠋ᠨ ᠦᠨᠠ ᠬᠠᠩᠰᠢ ᠵᠢᠨ ᠵᠦᠷᠢᠶᠠ ᠵᠢ ᠠᠰᠢᠭ ᠰᠢᠮᠠ ᠵᠢᠨ ᠭᠠᠷᠤᠯᠳᠠ ᠵᠢᠨ ᠬᠡᠮᠵᠢᠶᠠ ᠪᠡᠷ ᠵᠢᠡᠨ ᠨᠦᠬᠦᠵᠤ ᠶᠠᠪᠤᠨᠠ᠃ ᠵᠠᠷᠤᠳ ᠬᠤᠰᠢᠭᠤ ᠮᠠᠯᠵᠢᠬᠤ ᠲᠠᠷᠢᠶᠠᠯᠠᠬᠤ ᠰᠣᠯᠪᠢᠴᠠᠭ᠍ᠰᠠᠨ ᠣᠷᠣᠨ ᠤ᠋ 2.8 ᠲᠦᠮᠡᠨ ᠡᠷᠦᠬᠡ ᠳ᠋ᠤ ᠵᠢᠯ ᠲᠤᠵᠢ ᠪᠡᠷ ᠬᠠᠱᠢᠶᠠᠯᠠᠨ ᠲᠡᠵᠢᠭᠡᠬᠦ᠌ ᠠᠷᠭᠠ ᠵᠢ ᠠᠪᠴᠦ᠂ ᠬᠠᠰᠢᠶᠠᠯᠠᠨ ᠲᠠᠵᠢᠬᠡᠵᠤ ᠪᠠᠢᠭᠠ ᠮᠠᠯ ᠨᠢ 175 ᠲᠦᠮᠡᠨ ᠬᠣᠨᠢ ᠨᠢᠭᠡᠴᠢ ᠳ᠋ᠤ ᠬᠦᠷᠴᠠᠢ᠃
ᠪᠡᠯᠴᠢᠭᠡᠷ ᠤ᠋ᠨ ᠳᠠᠭᠠᠭᠠᠴᠠ ᠡᠴᠡ ᠬᠡᠲᠦᠷᠡᠭ᠌ᠰᠡᠨ ᠪᠤᠯ ᠬᠡᠳᠦᠷᠡᠭᠰᠡᠨ ᠲᠤᠭᠠ ᠬᠡᠮᠵᠢᠶᠡᠨ ᠤ᠋ ᠮᠠᠯ ᠢ᠋ ᠬᠠᠱᠢᠶᠠᠯᠠᠨ ᠲᠡᠵᠢᠭᠡᠬᠦ᠂ ᠪᠡᠯᠴᠢᠭᠡᠷ ᠤ᠋ᠨ ᠳᠠᠭᠠᠭᠠᠴᠠ ᠡᠴᠡ ᠬᠡᠲᠦᠷᠡᠭ᠌ᠰᠡᠨ ᠦᠬᠡᠢ ᠪᠤᠯᠪᠠᠴᠦ ᠬᠥᠮᠦᠨ ᠳᠤᠮᠳᠠᠴᠢ ᠳ᠋ᠤ ᠨᠤᠭᠳᠠᠬᠤ ᠪᠡᠯᠴᠢᠭᠡᠷ ᠤ᠋ᠨ ᠲᠠᠯᠠᠪᠠᠢ ᠨᠢ 1000 ᠮᠦ᠍ ᠳ᠋ᠤ ᠬᠦᠷᠬᠦ᠌ ᠦᠬᠡᠢ ᠪᠤᠯ ᠮᠠᠯᠵᠢᠬᠤ ᠡᠷᠦᠬᠡ ᠵᠢ ᠬᠥᠲᠥᠯᠥᠨ ᠵᠢᠯᠣᠭᠣᠳᠴᠤ᠌ ᠰᠠᠢᠨ ᠳᠤᠷᠠ ᠵᠢᠨ ᠵᠠᠷᠴᠢᠮ ᠶᠣᠰᠣᠭᠠᠷ ᠨᠤᠳᠤᠭ ᠪᠡᠯᠴᠢᠭᠡᠷ᠂ ᠮᠠᠯ ᠤᠨᠤᠭᠠ᠂ ᠪᠡᠯᠡ ᠮᠥᠩᠭᠥ᠌ ᠵᠡᠷᠭᠡ ᠦᠢᠯᠡᠳᠪᠦᠷᠢᠯᠡᠯ ᠤ᠋ᠨ ᠬᠦᠴᠦᠨ ᠵᠦᠢᠯ ᠵᠢᠡᠷ ᠬᠤᠪᠢ ᠣᠷᠣᠭᠤᠯᠵᠤ᠂ ᠬᠤᠪᠢ ᠤᠷᠤᠭᠤᠯᠵᠤ ᠬᠤᠷᠰᠢᠭᠰᠠᠨ ᠮᠠᠯᠵᠢᠯ ᠤ᠋ᠨ ᠬᠣᠷᠱᠢᠶᠠ ᠪᠡᠷ ᠲᠠᠮᠵᠢᠨ ᠮᠠᠯ ᠤᠨᠤᠭᠠ ᠵᠢ ᠲᠦᠪᠯᠡᠷᠡᠬᠦᠯᠦᠨ ᠲᠠᠵᠢᠬᠡᠬᠦ ᠪᠡᠯᠴᠢᠭᠡᠷ ᠤ᠋ᠨ ᠳᠠᠭᠠᠭᠠᠴᠠ ᠡᠴᠡ ᠬᠡᠲᠤᠷᠠᠲᠠᠯᠠ ᠪᠡᠯᠴᠢᠭᠡᠷᠯᠡᠭᠦᠯᠬᠦ ᠠᠰᠠᠭᠤᠳᠠᠯ ᠢ᠋ ᠱᠢᠶ᠋ᠳᠪᠦᠷᠢᠯᠡᠬᠦ᠌ ᠪᠠ ᠪᠡᠯᠴᠢᠬᠡᠷ ᠤ᠋ᠨ ᠮᠠᠯ ᠠᠵᠤ ᠠᠬᠤᠢ ᠵᠢᠨ ᠬᠡᠯᠪᠡᠷᠢ ᠵᠢ ᠬᠤᠪᠢᠷᠠᠭᠤᠯᠵᠤ ᠲᠡᠰ ᠲᠡᠪᠰᠢᠬᠦᠯᠬᠦ ᠮᠠᠯᠵᠢᠯ ᠤ᠋ᠨ ᠠᠷᠭᠠ ᠶᠠᠭ ᠪᠠᠶᠠᠯᠡᠯ ᠵᠢᠡᠨ ᠤᠯᠵᠤ ᠪᠠᠢᠨᠠ᠃
ᠵᠠᠩᠬᠢᠯᠠᠭᠠ ᠵᠢᠨ ᠦᠬᠡ᠄ ᠡᠷᠴᠢᠮᠵᠢᠬᠦᠯᠦᠨ ᠮᠠᠯᠵᠢᠬᠤ
ᠰᠢᠨᠠ ᠪᠠᠷᠭᠤ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ᠋ ᠪᠤᠢᠷ ᠰᠤᠮᠤ ᠵᠢᠨ ᠮᠧᠨᠡᠩᠳᠠᠯᠠ ᠭᠠᠴᠠᠭᠠᠨ ᠤ᠋ ᠰᠤᠭᠤᠷ ᠶᠡᠬᠡ ᠰᠤᠷᠭᠠᠭᠤᠯᠢ ᠪᠠᠨ ᠳᠡᠬᠦᠰᠦᠮᠡᠭᠴᠡ ᠨᠤᠲᠤᠭ ᠲᠠᠭᠠᠨ ᠪᠤᠴᠠᠵᠤ᠂ ᠮᠠᠯᠵᠢᠬᠤ ᠠᠮᠢᠳᠤᠷᠠᠯ ᠳ᠋ᠠᠭᠠᠨ ᠵᠢᠯᠤᠭᠤ ᠰᠤᠩᠭᠠᠨ ᠤᠬᠠᠭᠠᠨ ᠰᠤᠪᠢᠵᠦ ᠤᠢᠭᠠ ᠦᠬᠡᠢ ᠴᠢᠷᠮᠠᠢᠵᠠᠢ᠃ 2022 ᠤᠨ ᠳ᠋ᠤ ᠲᠡᠷᠡ ᠦᠬᠡᠷ ᠤ᠋ᠨ ᠡᠬᠦᠯᠳᠡᠷ ᠵᠢᠡᠨ ᠰᠠᠢᠵᠢᠷᠠᠭᠤᠯᠬᠤ ᠪᠡᠷ ᠪᠢᠷᠠᠭᠤ ᠨᠢᠬᠡᠪᠤᠷᠢ ᠵᠢ 2.8 ᠲᠦᠮᠡᠨ ᠲᠦᠬᠦᠷᠢᠭ ᠵᠢᠡᠷ 20 ᠰᠠᠢᠨ ᠡᠬᠦᠯᠳᠡᠷ ᠤ᠋ᠨ ᠠᠥ᠋ᠰᠲ᠋ᠷᠠᠯᠢᠶᠠ ᠵᠢᠨ ᠰᠢᠮᠧᠨ᠋ᠳᠠᠷ ᠪᠢᠷᠠᠭᠤ ᠬᠤᠳᠠᠯᠳᠤᠨ ᠠᠪᠴᠤ᠂ ᠪᠠᠰᠠ ᠺᠠᠨᠠᠳᠠ ᠵᠢᠨ ᠰᠢᠮᠧᠨ᠋ᠳᠠᠷ ᠪᠤᠬᠠ ᠵᠢᠨ ᠢᠴᠡᠬᠡᠯ ᠦᠷᠠ ᠪᠡᠷ ᠭᠠᠷ ᠬᠡᠬᠡᠯᠳᠦᠬᠦᠯᠭᠡ ᠬᠢᠵᠠᠢ᠃ ᠤᠳᠤ ᠤᠢᠷᠠ ᠬᠠᠪᠢ ᠵᠢᠨ ᠮᠠᠯᠴᠢᠳ ᠲᠡᠳᠡᠨ ᠤ᠋ ᠴᠡᠪᠡᠷ ᠡᠬᠦᠯᠳᠡᠷ ᠤ᠋ᠨ ᠰᠢᠮᠧᠨ᠋ᠳᠠᠷ ᠲᠤᠭᠤᠯ ᠢ᠋ ᠪᠤᠯᠢᠶᠠᠯᠳᠤᠨ ᠠᠪᠴᠠᠭᠠᠵᠦ ᠪᠠᠢᠨᠠ᠃
《ᠪᠢ ᠬᠡᠷ ᠲᠡᠭᠡᠨ ᠰᠠᠭᠤᠵᠦ ᠪᠠᠢᠭᠠᠳ ᠰᠠᠢᠨ ᠡᠬᠦᠯᠳᠡᠷ ᠤ᠋ᠨ ᠰᠢᠮᠧᠨ᠋ᠳᠠᠷ ᠲᠤᠭᠤᠯ ᠵᠢᠡᠨ ᠲᠤᠮᠳᠠᠴᠢ ᠪᠠᠷ 1.7 ᠲᠦᠮᠡᠨ ᠲᠦᠬᠦᠷᠢᠭ ᠵᠢᠡᠷ ᠬᠤᠳᠠᠯᠳᠤᠵᠤ ᠪᠤᠢ᠂ ᠪᠤᠷᠤᠯᠠᠭᠤᠯᠬᠤᠳᠤ ᠵᠤᠪᠠᠳᠠᠭ ᠦᠭᠡᠢ᠂ ᠵᠠᠪᠰᠠᠷ ᠤ᠋ᠨ ᠮᠠᠢᠮᠠᠢᠴᠢᠨ ᠢ᠋ ᠳᠠᠮᠵᠢᠬᠤ ᠦᠬᠡᠢ ᠪᠤᠯᠬᠤᠷ ᠬᠤᠳᠠᠯᠳᠤᠵᠦ ᠠᠪᠤᠭᠰᠠᠨ ᠮᠠᠯᠴᠢᠳᠲᠦ ᠴᠦ᠍ ᠠᠰᠢᠭ ᠳᠠᠢ ᠶᠤᠮ᠃ ᠡᠨᠡ ᠵᠢᠯ ᠬᠤᠧᠠᠰᠢ ᠲᠤᠭᠤᠯ ᠵᠢᠡᠨ ᠲᠦᠮᠡᠨ ᠲᠦᠬᠦᠷᠢᠭ ᠵᠢᠡᠷ ᠬᠤᠳᠠᠯᠳᠤᠵᠦ᠂ 4 — 5 ᠰᠠᠷᠠ ᠪᠤᠯᠤᠭᠰᠠᠨ ᠮᠤᠨᠭᠭᠤᠯ ᠦᠭᠡᠷᠤᠨ ᠲᠤᠭᠤᠯ ᠵᠢᠡᠨ 7000 ᠲᠦᠬᠦᠷᠢᠭ ᠵᠢᠡᠷ ᠬᠤᠳᠠᠯᠳᠤᠭᠰᠠᠨ᠂ ᠤᠷᠤᠯᠭᠠ ᠵᠢᠨ ᠬᠤᠪᠢ ᠳ᠋ᠤ ᠬᠠᠰᠢᠯᠠ ᠰᠢᠮᠧᠨ᠋ᠳᠠᠷ ᠦᠬᠡᠷ ᠳᠠᠪᠠᠭᠤᠯᠢᠭ ᠲᠠᠢ》 ᠭᠡᠵᠦ ᠰᠤᠭᠤᠷ ᠲᠠᠢᠯᠪᠤᠷᠢᠯᠠᠨᠠ᠃
ᠰᠠᠢᠨ ᠡᠬᠦᠯᠳᠡᠷ ᠤ᠋ᠨ ᠦᠬᠡᠷ ᠢ᠋ ᠴᠦᠬᠡᠨ ᠲᠠᠵᠢᠬᠡᠵᠤ ᠡᠷᠴᠢᠮᠵᠢᠬᠦᠯᠦᠨ ᠮᠠᠯᠵᠢᠬᠤ ᠨᠢ ᠰᠦᠷᠦᠭ ᠤ᠋ᠨ ᠪᠦᠳᠦᠴᠡ ᠵᠢ ᠰᠢᠯᠢᠳᠡᠭᠵᠢᠬᠦᠯᠦᠨ᠂ ᠪᠡᠯᠴᠢᠬᠡᠷ ᠤ᠋ᠨ ᠲᠠᠷᠤᠭᠠᠰᠤ ᠵᠢ ᠬᠦᠩᠬᠡᠷᠡᠬᠦᠯᠵᠤ᠂ ᠠᠰᠢᠭ ᠤᠷᠤᠯᠭᠠ ᠵᠢ ᠨᠡᠮᠡᠭᠳᠡᠬᠦᠯᠬᠦ ᠠᠮᠵᠢᠯᠳᠠ ᠳᠠᠢ ᠮᠠᠯᠵᠢᠯ ᠤ᠋ᠨ ᠠᠷᠭᠠ ᠪᠤᠯᠬᠤ ᠵᠢ ᠰᠤᠭᠤᠷ ᠤ᠋ᠨ ᠬᠢᠨ ᠬᠡᠷᠡᠴᠢᠯᠡᠯᠠ᠃ ᠰᠢᠨᠠ ᠪᠠᠷᠭᠤ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ᠋ ᠵᠠᠰᠠᠭ ᠤ᠋ᠨ ᠤᠷᠳᠤᠨ ᠡᠴᠡ ᠰᠠᠢᠨ ᠡᠬᠦᠯᠳᠡᠷ ᠤ᠋ᠨ ᠢᠴᠡᠭᠡᠯ ᠦᠷᠠ ᠪᠡᠷ ᠬᠡᠬᠡᠯᠳᠦᠬᠦᠯᠭᠡ ᠬᠢᠭᠰᠡᠨ ᠦᠨᠢᠶᠠ ᠪᠤᠯᠭᠠᠨ ᠳ᠋ᠤ 210 ᠲᠦᠬᠦᠷᠢᠭ ᠤ᠋ᠨ ᠨᠦᠬᠦᠪᠦᠷᠢ ᠦᠭᠴᠦ᠂ ᠮᠠᠯᠴᠢᠳ ᠵᠢᠡᠨ ᠲᠠᠢᠴᠢᠯᠠᠨ ᠡᠬᠦᠯᠳᠡᠷ ᠰᠠᠢᠵᠢᠷᠠᠭᠤᠯᠬᠤ ᠠᠵᠢᠯ ᠢ᠋ ᠡᠷᠴᠢᠮᠳᠠᠢ ᠶᠠᠪᠤᠭᠳᠠᠭᠤᠯᠵᠦ ᠪᠠᠢᠨᠠ᠃
ᠰᠤᠭᠤᠷ ᠤ᠋ᠨ ᠬᠢᠨ ᠵᠢᠯ ᠪᠦᠷᠢ 140 ᠦᠨᠢᠶᠡ ᠡᠴᠡ ᠪᠠᠨ ᠪᠠᠷᠤᠭ 120 ᠲᠤᠭᠤᠯ ᠲᠤᠰᠴᠦ᠂ ᠬᠤᠯᠠ ᠵᠢᠨ ᠪᠤᠳᠤᠯ ᠠᠯᠤᠰ ᠤ᠋ᠨ ᠬᠠᠷᠠᠯᠳᠠ ᠵᠢ ᠡᠪᠦᠷᠯᠡᠨ᠂ ᠤᠷᠤᠨ ᠨᠤᠳᠤᠭ ᠤ᠋ᠨ ᠵᠢᠠᠨ ᠠᠭᠤᠷ ᠠᠮᠢᠰᠬᠤᠯ᠂ ᠪᠡᠯᠴᠢᠬᠡᠷ ᠡᠪᠡᠰᠦ ᠪᠤᠯᠤᠨ ᠵᠠᠬᠠ ᠳᠡᠯᠭᠡᠭᠦᠷ ᠤ᠋ᠨ ᠦᠨᠠ ᠬᠠᠩᠰᠢ᠂ ᠮᠢᠬᠠ ᠰᠦ ᠵᠢᠨ ᠠᠮᠳᠠ ᠰᠢᠮᠠ ᠠᠯᠢ ᠠᠯᠢ ᠵᠢ ᠨᠢ ᠵᠤᠬᠢᠴᠠᠭᠤᠯᠵᠦ ᠶᠠᠪᠤᠨᠠ᠃ 《ᠮᠤᠨᠭᠭᠤᠯ ᠦᠬᠡᠷ ᠵᠢᠡᠨ ᠪᠠᠰᠠ ᠬᠠᠮᠠᠭᠠᠯᠠᠵᠦ ᠦᠯᠡᠳᠡᠭᠡᠵᠦ ᠶᠠᠪᠤᠬᠤ ᠨᠢ ᠵᠦᠢᠳᠡᠢ᠂ ᠬᠤᠵᠢᠮ ᠮᠤᠨᠭᠭᠤᠯ ᠦᠬᠡᠷ ᠦᠨᠠ ᠳ᠋ᠤ ᠬᠦᠷᠬᠦ ᠴᠠᠭ ᠪᠠᠢᠪᠠᠯ ᠪᠡᠯᠡᠳᠬᠡᠯ ᠲᠠᠢ ᠪᠠᠢᠭᠰᠠᠨ ᠨᠢ ᠳᠡᠭᠡᠷᠠ》 ᠭᠡᠵᠦ ᠲᠡᠷᠡ ᠬᠡᠷᠰᠡᠦ ᠤᠬᠠᠭᠠᠨ ᠰᠤᠪᠢᠨᠠ᠃
ᠰᠤᠭᠤᠷ 2100 ᠭᠠᠷᠤᠢ ᠳᠡᠭᠰᠢ ᠲᠦᠷᠪᠡᠯᠵᠢᠨ ᠮᠧᠲ᠋ᠷ ᠳᠠᠯᠠᠪᠠᠢ ᠲᠠᠢ ᠪᠢᠳᠡᠬᠦᠦ ᠫᠧᠩ ᠰᠠᠷᠠᠪᠴᠢ ᠪᠠᠢᠭᠤᠯᠵᠦ᠂ ᠲᠤᠷᠠᠨᠳᠠᠭᠤᠷ᠂ ᠠᠥ᠋ᠲ᠋ᠤ᠋ ᠤᠰᠤᠯᠠᠯᠳᠠ ᠵᠢᠨ ᠮᠠᠰᠢᠨ ᠵᠡᠷᠬᠡ ᠤᠶᠤᠨᠴᠢᠯᠠᠭᠰᠠᠨ ᠲᠦᠬᠦᠭᠡᠷᠦᠮᠵᠢ ᠵᠢ ᠠᠰᠢᠭᠯᠠᠭᠰᠠᠨ ᠡᠴᠡ ᠬᠦᠳᠡᠯᠮᠦᠷᠢ ᠬᠦᠴᠦ ᠵᠢ ᠶᠡᠬᠡ ᠪᠡᠷ ᠠᠷᠪᠢᠯᠠᠵᠠᠢ᠃ ᠡᠬᠦᠨ ᠤ᠋ ᠳᠤᠳᠤᠷᠠ 103 ᠲᠦᠮᠡᠨ ᠲᠦᠬᠦᠷᠢᠭ ᠤ᠋ᠨ ᠦᠷᠳᠡᠭ ᠪᠦᠬᠦᠢ 800 ᠲᠡᠭᠰᠢ ᠲᠦᠷᠪᠡᠯᠵᠢᠨ ᠮᠧᠲ᠋ᠷ ᠳᠠᠯᠠᠪᠠᠢ ᠲᠠᠢ ᠤᠳᠤᠬᠢᠴᠢᠯᠠᠭᠰᠠᠨ ᠫᠧᠩ ᠰᠠᠷᠠᠪᠴᠢ ᠵᠢ ᠬᠤᠰᠢᠭᠤᠨ ᠡᠴᠡ ᠪᠠᠢᠭᠤᠯᠤᠨ ᠦᠭᠴᠦ᠂ ᠳᠡᠵᠢᠬᠡᠯ ᠡᠪᠡᠰᠦ ᠨᠠᠢᠷᠠᠭᠤᠯᠬᠤ ᠮᠠᠰᠢᠨ᠂ ᠳᠠᠮᠵᠢᠭᠤᠯᠬᠤ ᠪᠦᠰᠡ᠂ ᠬᠡᠪᠳᠡᠷᠢ ᠵᠢᠨ ᠵᠢᠶᠠᠰᠠ ᠵᠡᠷᠬᠡ ᠲᠤᠨᠤᠭ ᠲᠦᠬᠦᠬᠡᠷᠦᠮᠵᠢ ᠵᠢ ᠢᠵᠢ ᠪᠦᠷᠢᠳᠦᠬᠦᠯᠵᠤ᠂ ᠵᠤᠳ ᠭᠠᠮᠰᠢᠭ ᠢ᠋ ᠰᠡᠷᠬᠡᠢᠯᠡᠨ ᠮᠠᠯ ᠰᠦᠷᠦᠭ ᠤ᠋ᠨ ᠮᠡᠨᠳᠦ ᠤᠨᠳᠤᠷᠤᠯᠳᠠ ᠵᠢ ᠪᠠᠳᠤᠯᠠᠵᠠᠢ᠃ 《ᠤᠷᠤᠯᠳᠤᠯᠭᠠ ᠰᠠᠢᠳᠦ ᠤᠷᠤᠢ ᠳ᠋ᠤᠨᠢ ᠭᠠᠷᠤᠨᠠ》 ᠬᠡᠭᠴᠢ ᠪᠡᠷ ᠲᠡᠷᠡ ᠦᠨᠢᠶᠠ ᠵᠢᠨ ᠵᠢᠡᠨ ᠭᠡᠭᠡᠯ ᠤ᠋ᠨ ᠪᠠᠢᠳᠠᠯ ᠢ᠋ ᠰᠢᠨᠵᠢᠨ ᠬᠦᠨᠳᠦ ᠵᠢ ᠨᠢ ᠵᠢᠩᠨᠡᠵᠤ᠂ ᠤᠷᠳᠤ ᠬᠤᠭᠤᠴᠠᠭᠠ ᠨᠢᠮᠪᠠᠢ ᠠᠵᠢᠭᠯᠠᠨ ᠲᠤᠷᠰᠢᠭᠠᠳ ᠪᠦᠯᠢᠶᠡᠨ ᠤᠰᠤ ᠪᠡᠷ ᠦᠨᠢᠶᠠ ᠪᠠᠨ ᠤᠰᠤᠯᠠᠪᠠᠯ ᠡᠳᠦᠷ ᠲᠦ᠍ 5 ᠵᠢᠩ ᠬᠠᠭᠤᠷᠠᠢ ᠡᠪᠡᠰᠦ ᠠᠷᠪᠢᠯᠠᠵᠦ ᠴᠢᠳᠠᠳᠠᠭ ᠢ᠋ ᠳ᠋ᠦᠩᠨᠡᠨ ᠭᠠᠷᠭᠠᠭᠰᠠᠨ ᠠᠵᠢ᠃
ᠤᠰᠤ ᠬᠠᠯᠠᠭᠠᠬᠤ ᠴᠠᠬᠢᠯᠭᠠᠨ ᠵᠤᠤᠬᠠ᠂ ᠬᠤᠵᠢᠷ ᠤ᠋ᠨ ᠤᠩᠭᠤᠴᠠ᠂ ᠡᠩᠨᠡᠷᠡᠬᠦᠯᠦᠨ ᠪᠤᠰᠬᠠᠭᠰᠠᠨ ᠲᠡᠮᠦᠷ ᠬᠠᠯᠬᠠᠪᠴᠢ ᠬᠡᠷᠡᠮ ᠁ ᠤᠶᠤᠳᠠᠨ ᠮᠠᠯᠴᠢᠨ ᠰᠤᠭᠤᠷ ᠤ᠋ᠨ ᠤᠳᠤ ᠦᠶᠠ ᠵᠢᠨ ᠬᠡᠷ ᠪᠦᠯᠢ ᠵᠢᠨ ᠮᠠᠯᠵᠢᠯ ᠤ᠋ᠨ ᠳᠠᠯᠠᠪᠠᠢ ᠬᠢᠭᠡᠳ ᠠᠮᠢᠳᠤᠷᠠᠯ ᠠᠬᠤᠢ ᠨᠢ ᠬᠠᠷᠠᠭᠰᠠᠨ ᠪᠦᠬᠦᠨ ᠢ᠋ ᠱᠠᠭᠰᠢᠭᠤᠯᠬᠤ ᠳ᠋ᠤ ᠵᠠᠷᠤᠳ ᠬᠤᠰᠢᠭᠤᠨ ᠤ᠋ ᠯᠦᠪᠸᠢ ᠪᠠᠯᠭᠠᠰᠤ ᠵᠢᠨ ᠵᠥᠩ ᠱᠢᠩ ᠼᠦᠨ ᠲᠣᠰᠭᠣᠨ ᠤ᠋ ᡁᠢ ᠷᠠᠨ ᠬᠡᠷ ᠪᠦᠯᠢ ᠵᠢᠨ ᠮᠠᠯᠵᠢᠯ ᠤ᠋ᠨ ᠲᠠᠯᠠᠪᠠᠶ ᠨᠢ ᠪᠠᠰᠠ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠴᠢ ᠮᠠᠯᠵᠢᠯ᠂ ᠲᠣᠬᠢᠷᠠᠮᠵᠢᠲᠠᠶ ᠬᠡᠪᠴᠢᠶᠡ᠂ ᠡᠷᠴᠢᠮᠯᠢᠭ ᠦᠶ᠋ᠯᠡᠳᠪᠦᠷᠢᠯᠡᠯ᠂ ᠲᠡᠷᠢᠭᠦᠨ ᠤ᠋ ᠬᠠᠮᠢᠶᠠᠷᠤᠯᠲᠠ ᠪᠡᠷ ᠵᠢᠡᠨ ᠤᠷᠤᠨ ᠨᠤᠳᠤᠭ ᠲᠠᠭᠠᠨ ᠬᠤᠰᠢᠭᠤᠴᠢᠯᠠᠵᠤ ᠶᠠᠪᠤᠨᠠ᠃
ᡁᠢ ᠷᠠᠨ ᠬᠡᠷ ᠪᠦᠯᠢ ᠵᠢᠨ ᠮᠠᠯᠵᠢᠯ ᠤ᠋ᠨ ᠲᠠᠯᠠᠪᠠᠶ ᠳ᠋ᠤ 90 ᠦᠬᠡᠷ᠂ 2300 ᠲᠡᠭ᠌ᠰᠢ ᠳᠥᠷᠪᠡᠯᠵᠢᠨ ᠮᠧᠲ᠋ᠷ ᠤ᠋ᠨ ᠫᠧᠩ ᠰᠠᠷᠠᠪᠴᠢ᠂ 800 ᠲᠡᠭ᠌ᠰᠢ ᠳᠥᠷᠪᠡᠯᠵᠢᠨ ᠮᠧᠲᠷ ᠤ᠋ᠨ ᠡᠪᠡᠰᠦᠨ ᠫᠧᠩ ᠲᠠᠢ ᠪᠠᠢᠵᠤ᠂ ᠲᠡᠵᠢᠭᠡᠯ ᠪᠣᠷᠳᠣᠭᠠ ᠬᠡᠮᠬᠡᠯᠬᠦ᠌ ᠮᠠᠱᠢᠨ᠂ tmr ᠵᠢᠭᠤᠷᠠᠬᠤ ᠮᠠᠱᠢᠨ᠂ ᠤᠳᠭᠤᠭᠤᠷ ᠲᠡᠷᠭᠡ᠂ ᠪᠤᠷᠳᠤᠭᠠ ᠰᠠᠴᠤᠬᠤ ᠲᠡᠷᠭᠡ᠂ ᠢᠯᠭᠠᠳᠠᠰᠤ ᠴᠡᠪᠡᠷᠯᠡᠬᠦ ᠲᠡᠷᠭᠡ ᠵᠡᠷᠭᠡ ᠮᠠᠰᠢᠨ ᠲᠦᠬᠦᠬᠡᠷᠦᠮᠵᠢ ᠵᠢ ᠢᠵᠢ ᠪᠦᠷᠢᠳᠦᠬᠦᠯᠪᠡ᠃ ᠳᠡᠳᠡ ᠡᠷᠠ ᠲᠤᠭᠤᠯ ᠢ᠋ 180 ᠡᠳᠦᠷ ᠲᠦ᠍ᠨᠢ ᠰᠦ ᠡᠴᠡ ᠨᠢ ᠰᠠᠯᠭᠠᠵᠤ᠂ ᠲᠤᠰᠬᠠᠢ ᠪᠣᠷᠳᠣᠭᠠ ᠪᠠᠷ ᠲᠡᠵᠢᠭᠡᠳᠡᠭ᠃ ᠬᠡᠬᠦ ᠳ᠋ᠡᠬᠡᠨ ᠱᠢᠮᠡ ᠲᠡᠵᠢᠭᠡᠯ ᠢ᠋ ᠲᠡᠩᠴᠡᠭᠦᠷᠢᠲᠡᠶ ᠪᠠᠢᠯᠭᠠᠬᠤ ᠵᠢ ᠠᠩᠬᠠᠷᠴᠤ᠂ ᠴᠠᠭ ᠤᠯᠠᠷᠢᠯ ᠪᠣᠯᠤᠨ ᠲᠤᠭᠤᠯ ᠤ᠋ᠨ ᠦᠰᠦᠯᠳᠡ ᠵᠢ ᠦᠨᠳᠦᠰᠦᠯᠡᠨ ᠬᠦᠬᠡ ᠲᠠᠷᠤᠰᠢ ᠵᠢᠨ ᠡᠷᠳᠡᠨᠢ ᠱᠢᠰᠢ᠂ ᠬᠠᠭᠤᠷᠠᠶ ᠡᠪᠡᠰᠦ ᠪᠠ ᠰᠦᠯ ᠰᠠᠢᠲᠠᠶ ᠨᠠᠷᠢᠯᠢᠭ ᠪᠣᠷᠳᠣᠭᠠ ᠳ᠋ᠠᠭᠠᠨ ᠡᠯᠡ ᠲᠥᠷᠥᠯ ᠤ᠋ᠨ ᠱᠢᠮᠡ ᠲᠡᠵᠢᠭᠡᠯ ᠤ᠋ᠨ ᠡᠳ᠋ ᠢ ᠲᠤᠬᠢᠷᠠᠭᠤᠯᠤᠨ ᠬᠡᠷᠡᠭᠯᠡᠵᠦ᠂ 10 — 12 ᠰᠠᠷᠠ ᠪᠤᠷᠳᠤᠭᠠᠳ 1500 ᠵᠢᠩ ᠢ᠋ ᠳᠠᠪᠠᠮᠠᠭᠴᠠ ᠬᠤᠳᠠᠯᠳᠤᠴᠢᠬᠠᠳᠠᠭ ᠶᠤᠮ᠃
ᠨᠤᠲᠤᠭ ᠪᠡᠯᠴᠢᠭᠡᠷ ᠤ᠋ᠨ ᠲᠥᠷᠥᠯ᠂ ᠪᠡᠯᠴᠢᠬᠡᠷ ᠡᠪᠡᠰᠤ ᠵᠢᠨ ᠪᠠᠢᠳᠠᠯ ᠳ᠋ᠤ ᠰᠠᠭᠤᠷᠢᠯᠠᠨ ᠪᠠᠢᠭᠤᠯᠤᠭᠰᠠᠨ ᠭᠡᠷ ᠪᠦᠯᠢ ᠵᠢᠨ ᠮᠠᠯᠵᠢᠯ ᠤ᠋ᠨ ᠲᠠᠯᠠᠪᠠᠶ᠂ ᠡᠷᠦᠬᠡ ᠬᠣᠯᠪᠣᠭᠠᠯᠠᠭ᠍ᠰᠠᠨ ᠮᠠᠯᠵᠢᠯ ᠤ᠋ᠨ ᠲᠠᠯᠠᠪᠠᠶ ᠪᠣᠯᠤᠨ ᠮᠠᠯᠵᠢᠯ ᠤ᠋ᠨ ᠲᠤᠰᠬᠠᠢ ᠬᠣᠷᠱᠢᠶᠠ ᠨᠢ ᠡᠷᠴᠢᠮᠵᠢᠭᠰᠡᠨ ᠮᠠᠯ ᠠᠵᠤ ᠠᠬᠤᠢ ᠵᠢ ᠬᠦᠭᠵᠢᠬᠦᠯᠬᠦ ᠭᠤᠤᠯ ᠡᠵᠡᠩᠨᠡᠯᠳᠡ ᠵᠢᠨ ᠠᠷᠭᠠ ᠬᠡᠯᠪᠡᠷᠢ ᠪᠤᠯᠵᠤ᠂ ᠪᠡᠯᠴᠢᠬᠡᠷ ᠤ᠋ᠨ ᠮᠠᠯ ᠠᠵᠤ ᠠᠬᠤᠢ ᠵᠢᠨ ᠬᠡᠯᠪᠡᠷᠢ ᠵᠢ ᠬᠤᠪᠢᠷᠠᠭᠤᠯᠵᠤ ᠲᠡᠰ ᠲᠡᠪᠰᠢᠬᠦᠯᠬᠦ ᠲᠠᠯᠠ ᠪᠠᠷ ᠵᠢᠱ᠌ᠢᠶᠡ ᠳᠠᠭᠤᠷᠢᠶᠠᠯ ᠤ᠋ᠨ ᠦᠢᠯᠡᠳᠦᠯ ᠵᠢᠡᠨ ᠪᠠᠳᠠᠷᠠᠭᠤᠯᠵᠤ ᠪᠠᠢᠨᠠ᠃
ᠵᠠᠩᠬᠢᠯᠠᠭᠠ ᠵᠢᠨ ᠦᠬᠡ᠄ ᠬᠡᠪᠴᠢᠶᠡᠵᠢᠬᠦᠯᠦᠨ ᠡᠵᠡᠩᠨᠡᠬᠦ
ᠪᠢᠳᠡ ᠰᠤᠷᠪᠤᠯᠵᠢᠯᠠᠭᠠ ᠵᠢᠨ ᠶᠠᠪᠤᠴᠠ ᠳ᠋ᠠᠭᠠᠨ ᠵᠤᠬᠢᠬᠤ ᠬᠡᠪᠴᠢᠶᠡᠳᠤ ᠮᠠᠯᠵᠢᠯ ᠤ᠋ᠨ ᠰᠠᠭᠤᠷᠢᠨ ᠤᠯᠠᠮ ᠡᠴᠡ ᠤᠯᠠᠨ ᠪᠤᠯᠵᠦ᠂ ᠰᠢᠨᠠ ᠠᠷᠭᠠ ᠵᠠᠮ᠂ ᠰᠢᠨᠠ ᠰᠡᠳᠬᠢᠮᠵᠢ ᠪᠡᠷ ᠵᠢᠡᠨ ᠪᠡᠯᠴᠢᠬᠡᠷ ᠤ᠋ᠨ ᠮᠠᠯ ᠠᠵᠤ ᠠᠬᠤᠢ ᠵᠢᠨ ᠦᠶ᠋ᠯᠡᠳᠪᠦᠷᠢᠯᠡᠯ ᠡᠵᠡᠩᠨᠡᠯᠲᠡ ᠵᠢᠨ ᠬᠡᠪᠴᠢᠶᠡᠵᠢᠭᠰᠡᠨ᠂ ᠪᠠᠷᠢᠮᠵᠢᠶᠠᠵᠢᠭᠰᠠᠨ᠂ ᠡᠷᠴᠢᠮᠵᠢᠭ᠌ᠰᠡᠨ ᠬᠥᠭ᠌ᠵᠢᠯᠲᠡ ᠳ᠋ᠤ ᠲᠤᠯᠤᠭᠠᠢᠯᠠᠭᠴᠢ ᠦᠢᠯᠡᠳᠦᠯ ᠦᠵᠡᠬᠦᠯᠵᠤ ᠪᠠᠢᠬᠤ ᠵᠢ ᠮᠡᠳᠡᠯᠠ᠃
ᠬᠤᠷᠴᠢᠨ ᠪᠠᠷᠠᠭᠤᠨ ᠭᠠᠷᠤᠨ ᠡᠮᠦᠨᠡᠲᠦ ᠬᠤᠱᠢᠭᠤᠨ ᠤ᠋ ᠮᠦ᠍ ᠰᠧᠨ ᠳᠡᠵᠢᠬᠡᠨ ᠦᠷᠡᠵᠢᠬᠦᠯᠬᠦ᠌ ᠰᠠᠭᠤᠷᠢᠨ ᠨᠢ ᠬᠣ᠌ ᠶᠠᠩ ᠬᠤᠨᠢ ᠮᠠᠯᠵᠢᠵᠤ ᠪᠤᠷᠳᠤᠨ ᠳᠠᠷᠭᠤᠯᠠᠭᠤᠯᠬᠤ ᠪᠠᠷ ᠭᠤᠣᠯ ᠪᠤᠯᠭᠠᠳᠠᠭ᠃ ᠲᠤᠰ ᠳᠠᠯᠠᠪᠠᠢ ᠵᠢᠨ ᠭᠠᠵᠠᠷ ᠨᠢ ᠣᠣᠯ ᠳ᠋ᠠᠭᠠᠨ ᠲᠤᠭᠤᠰᠭᠠᠨ ᠦᠢᠯᠡᠳᠪᠦᠷᠢ ᠪᠠᠢᠵᠦ᠂ 2020 ᠣᠨ ᠳ᠋ᠤ ᠳᠡᠵᠢᠬᠡᠨ ᠦᠷᠡᠵᠢᠬᠦᠯᠬᠦ᠌ ᠲᠠᠯᠠᠪᠠᠢ ᠪᠤᠯᠭᠠᠨ ᠦᠭᠡᠷᠡᠴᠢᠯᠡᠨ ᠪᠠᠢᠭᠤᠯᠵᠦ᠍᠂ ᠤᠳᠤ 3 ᠲᠦᠮᠡᠨ ᠬᠤᠨᠢ ᠲᠡᠵᠢᠬᠡᠵᠦ᠍᠂ ᠡᠬᠡ ᠮᠠᠯ ᠨᠢ ᠲᠦᠮᠡ ᠵᠢ ᠳᠠᠪᠠᠪᠠ᠃ 1.5 ᠳ᠋ᠦᠩᠰᠢᠭᠤᠷ ᠲᠦᠬᠦᠷᠢᠭ ᠤ᠋ᠨ ᠪᠡᠯᠡ ᠤᠷᠤᠭᠤᠯᠵᠦ᠂ 11.6 ᠲᠦᠮᠡᠨ ᠲᠡᠭ᠌ᠰᠢ ᠲᠦᠷᠪᠡᠯᠵᠢᠨ ᠮᠧᠲᠷ ᠳᠠᠯᠠᠪᠠᠢ ᠪᠦᠬᠦᠢ 53 ᠬᠤᠨᠢᠨ ᠤ᠋ ᠫᠧᠩ ᠪᠠᠢᠭᠤᠯᠤᠨ᠂ ᠪᠦᠬᠦ ᠳᠡᠵᠢᠬᠡᠨ ᠦᠷᠡᠵᠢᠬᠦᠯᠬᠦ᠌ ᠰᠠᠭᠤᠷᠢᠨ ᠤ᠋ ᠲᠠᠯᠠᠪᠠᠢ ᠨᠢ 120 ᠮᠦ᠍ ᠵᠢ ᠳᠠᠪᠠᠵᠠᠢ᠃
《ᠬᠣ᠌ ᠶᠠᠩ ᠬᠤᠨᠢ ᠨᠢ ᠵᠢᠯ ᠲᠤᠵᠢ ᠪᠡᠷ ᠬᠠᠱᠢᠶᠠᠯᠠᠨ ᠲᠡᠵᠢᠬᠡᠬᠦ᠌ ᠳ᠋ᠤ ᠲᠤᠬᠢᠷᠠᠮᠵᠢᠳᠠᠢ᠃ ᠨᠢᠭᠡ ᠵᠢᠯ ᠳ᠋ᠤ ᠤᠯᠠᠨ ᠤᠳᠠᠭᠠ ᠤᠷᠤᠭᠠ ᠤᠷᠤᠵᠦ᠍᠂ ᠤᠯᠠᠨ ᠲᠦᠯᠯᠡᠳᠡᠭ ᠮᠦᠷᠳᠡᠭᠡᠨ ᠲᠥᠯ ᠳ᠋ᠡᠭᠡᠨ ᠠᠮᠠᠷᠠᠭ᠂ ᠰᠦ ᠰᠠᠢᠳᠠᠢ ᠪᠠᠢᠳᠠᠭ᠃ ᠪᠢᠳᠡ ᠬᠤᠴᠠ ᠵᠢᠨ ᠰᠦᠷᠦᠭ ᠵᠢᠨᠨ ᠦᠷᠡ ᠵᠢᠨ ᠬᠤᠴᠠ ᠪᠤᠯᠤᠨ ᠤᠷᠤᠭᠠᠨ ᠳ᠋ᠤ ᠭᠠᠷᠬᠤ ᠬᠤᠴᠠ ᠬᠡᠵᠤ ᠬᠤᠶᠠᠷ ᠪᠦᠯᠦᠭ ᠬᠤᠪᠢᠶᠠᠨ᠂ ᠬᠤᠨᠢ ᠳ᠋ᠠᠭᠠᠨ ᠭᠠᠷ ᠬᠡᠬᠡᠯᠳᠦᠬᠦᠯᠭᠡ ᠬᠢᠵᠤ᠂ ᠡᠬᠡ ᠬᠤᠨᠢ ᠵᠢᠨ ᠲᠥᠯᠯᠡᠬᠦ᠌ ᠨᠤᠷᠮᠠ 224% ᠳᠤ ᠬᠦᠷᠴᠦ ᠪᠠᠢᠨᠠ》 ᠭᠡᠵᠦ ᠮᠦ᠍ ᠰᠧᠨ ᠳᠡᠵᠢᠬᠡᠨ ᠦᠷᠡᠵᠢᠬᠦᠯᠬᠦ ᠰᠠᠭᠤᠷᠢᠨ ᠤ᠋ ᠬᠠᠷᠢᠭᠤᠴᠠᠯᠭᠠᠳᠠᠨ ᠶᠠᠩ ᠪᠦᠧᠧ ᠬᠡᠯᠡᠨᠠ᠃
ᠬᠡᠪᠴᠢᠶᠡᠵᠢᠬᠦᠯᠦᠨ ᠡᠵᠡᠩᠨᠡᠬᠦ ᠨᠢ ᠮᠠᠯ ᠤ᠋ᠨ ᠠᠰᠢᠭ ᠰᠢᠮᠠ ᠵᠢ ᠪᠤᠯᠪᠠᠰᠤᠷᠠᠭᠤᠯᠬᠤ ᠠᠵᠤ ᠠᠬᠤᠢᠯᠠᠯ ᠯᠤᠭᠠ ᠲᠤᠭᠳᠠᠮᠠᠯ ᠬᠠᠮᠳᠤᠷᠠᠯᠴᠠᠭᠠ ᠪᠠᠢᠭᠤᠯᠬᠤ ᠳ᠋ᠤ ᠠᠮᠠᠷ ᠪᠠᠢᠵᠤ᠂ ᠪᠤᠷᠤᠯᠠᠭᠤᠯᠭᠠ ᠵᠤᠭᠰᠤᠩᠭᠤᠢᠷᠠᠬᠤ᠂ ᠪᠤᠷᠤᠯᠠᠭᠤᠯᠭᠠ ᠵᠢᠨ ᠵᠠᠮ ᠬᠠᠭᠠᠭᠳᠠᠬᠤ᠂ ᠡᠰᠡᠬᠦᠯᠠ ᠪᠤᠷᠤᠯᠠᠭᠤᠯᠭᠠ ᠮᠠᠭᠤᠳᠠᠬᠤ ᠠᠰᠠᠭᠤᠳᠠᠯ ᠢ᠋ ᠦᠨᠳᠦᠰᠦᠨ ᠡᠴᠡ ᠨᠢ ᠰᠢᠢᠳᠪᠦᠷᠢᠯᠡᠵᠦ ᠪᠤᠯᠳᠠᠭ᠃ ᠵᠠᠷᠤᠳ ᠬᠣᠱᠢᠭᠤᠨ ᠤ᠋ ᠴᠦᠨ ᠵᠧᠨ ᠮᠦ᠍ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠬᠦ᠌ ᠺᠣᠮᠫᠠᠨᠢ ᠵᠢᠨ ᠬᠢᠨ 30 ᠵᠢᠩ ᠣᠷᠴᠢᠮ ᠤ᠋ᠨ ᠬᠤᠷᠠᠭᠠ ᠵᠢ 1 — 1.5 ᠲᠦᠮᠡ ᠬᠤᠳᠠᠯᠳᠤᠨ ᠠᠪᠴᠤ᠂ 2 — 3 ᠰᠠᠷᠠ ᠲᠥᠪᠯᠡᠷᠡᠭᠦᠯᠦᠨ ᠪᠣᠷᠳᠣᠵᠤ ᠲᠠᠵᠢᠬᠡᠬᠡᠳ 90 ᠵᠢᠩ ᠪᠤᠯᠤᠮᠠᠭᠴᠠ ᠥᠪᠥᠷ ᠮᠣᠩᠭᠣᠯ ᠤ᠋ᠨ ᠬᠣᠩ ᠹᠠ ᠢᠳᠡᠭᠡᠨ ᠤ᠋ ᠺᠤᠮᠫᠠᠨᠢ ᠳ᠋ᠤ ᠬᠦᠷᠭᠡᠵᠦ᠂ ᠬᠣᠩ ᠹᠠ ᠢᠳᠡᠭᠡᠨ ᠤ᠋ ᠺᠤᠮᠫᠠᠨᠢ ᠡᠴᠡ ᠨᠢᠳᠤᠯᠤᠨ ᠡᠳ᠋ᠰᠢᠬᠦᠯᠦᠬᠡᠳ ᠪᠦᠬᠦ᠌ ᠤᠯᠤᠰ ᠤ᠋ᠨ ᠡᠯᠡ ᠭᠠᠵᠠᠷ ᠲᠦ᠍ ᠪᠣᠷᠣᠯᠠᠭᠤᠯᠵᠤ ᠪᠤᠢ᠃ ᠮᠦ᠍ ᠰᠧᠨ ᠳᠡᠵᠢᠬᠡᠨ ᠦᠷᠡᠵᠢᠬᠦᠯᠬᠦ᠌ ᠰᠠᠭᠤᠷᠢᠨ ᠨᠢ ᠬᠤᠷᠠᠭᠠ ᠪᠠᠨ 45 ᠡᠳᠤᠷ ᠤ᠋ᠨ ᠳᠠᠷᠠᠭᠠ ᠰᠦ ᠡᠴᠡ ᠨᠢ ᠰᠠᠯᠭᠠᠨ ᠳᠡᠵᠢᠬᠡᠯ ᠪᠣᠷᠳᠤᠭᠠᠨ ᠳ᠋ᠤ ᠤᠷᠤᠭᠤᠯᠵᠤ᠂ 5 — 6 ᠰᠠᠷᠠ ᠪᠤᠷᠳᠤᠨ ᠳᠡᠵᠢᠬᠡᠪᠡᠯ ᠭᠠᠷᠭᠠᠯᠳᠠ ᠬᠢᠳᠡᠭ᠃ ᠲᠡᠭᠡᠬᠦ ᠳ᠋ᠤ ᠬᠤᠷᠠᠭᠠᠨ ᠤ᠋ ᠬᠦᠨᠳᠦ ᠨᠢ 100 — 110 ᠵᠢᠩ ᠪᠤᠯᠵᠦ᠂ ᠮᠢᠬᠠ ᠨᠢ ᠪᠦᠷ ᠠᠯᠠᠭ ᠮᠢᠬᠠ ᠪᠤᠯᠬᠤᠷ ᠡᠮᠦᠨᠠ ᠣᠷᠣᠨ ᠤ᠋ ᠬᠡᠷᠡᠭᠯᠡᠭᠴᠢᠳ ᠤ᠋ᠨ ᠬᠦᠷᠢᠶᠡᠯᠡᠯ ᠢ᠋ ᠶᠡᠬᠡᠳᠡ ᠤᠯᠵᠦ᠂ ᠡᠮᠦᠨᠠ ᠤᠷᠤᠨ ᠤ᠋ ᠵᠠᠬᠠ ᠳᠡᠯᠬᠡᠬᠦᠷ ᠲᠦ᠍ ᠪᠤᠷᠤᠯᠠᠭᠤᠯᠭᠠ ᠰᠠᠢᠳᠠᠢ ᠪᠠᠢᠨᠠ᠃
ᠬᠡᠪᠴᠢᠶᠡᠵᠢᠬᠦᠯᠦᠨ ᠡᠵᠡᠩᠨᠡᠬᠦ ᠨᠢ ᠤᠳᠤᠬᠠᠨᠦ ᠮᠠᠯ ᠠᠵᠤ ᠠᠬᠤᠢ ᠵᠢᠨ ᠬᠦᠭᠵᠢᠯᠳᠡ ᠵᠢᠨ ᠴᠢᠬᠤᠯᠠ ᠨᠢᠬᠡᠨ ᠬᠠᠨᠳᠤᠰᠢ ᠪᠤᠯᠵᠤ᠂ ᠪᠦᠬᠦ ᠠᠵᠤ ᠦᠢᠯᠡᠰ ᠤ᠋ᠨ ᠬᠡᠯᠬᠢᠶᠠ ᠵᠢ ᠲᠤᠭᠳᠠᠪᠤᠷᠢᠵᠢᠭᠤᠯᠬᠤ᠂ ᠮᠠᠯ ᠤ᠋ᠨ ᠠᠰᠢᠭ ᠰᠢᠮᠠ ᠵᠢᠨ ᠬᠠᠩᠭᠠᠯᠭᠠ ᠵᠢ ᠪᠠᠳᠤᠯᠠᠬᠤ᠂ ᠮᠠᠯᠴᠢᠨ ᠲᠠᠷᠢᠶᠠᠴᠢᠨ ᠤ᠋ ᠤᠷᠤᠯᠭᠠ ᠵᠢᠨ ᠨᠡᠮᠡᠭᠳᠡᠯ ᠢ᠋ ᠲᠠᠢᠴᠢᠯᠠᠬᠤ ᠵᠡᠷᠭᠡ ᠲᠠᠯᠠ ᠪᠡᠷ ᠤᠨᠴᠠ ᠵᠢᠨ ᠳᠠᠪᠠᠭᠤᠯᠢᠭ ᠲᠠᠢ ᠶᠤᠮ᠃ ᠬᠤᠷᠴᠢᠨ ᠪᠠᠷᠠᠭᠤᠨ ᠭᠠᠷᠤᠨ ᠡᠮᠦᠨᠡᠲᠦ ᠬᠤᠱᠢᠭᠤ ᠤᠯᠤᠰ ᠤ᠋ᠨ ᠲᠡᠰ ᠤ᠋ᠨ ᠤᠳᠤ ᠦᠶᠠ ᠵᠢᠨ ᠮᠠᠯ ᠠᠵᠤ ᠠᠬᠤᠢ ᠵᠢᠨ ᠲᠤᠷᠰᠢᠯᠳᠠ ᠵᠢᠨ ᠤᠷᠤᠨ ᠢ᠋ ᠬᠦᠴᠦᠯᠡᠨ ᠪᠠᠢᠭᠤᠯᠵᠤ᠂ ᠡᠨᠡ ᠵᠢᠯ ᠶᠡᠷᠤᠩᠬᠡᠢ ᠳ᠋ᠡᠬᠡᠨ 383 ᠲᠦᠮᠡᠨ ᠮᠢᠬᠠᠨ ᠤ᠋ ᠬᠣᠨᠢ ᠪᠤᠯᠤᠨ 48.7 ᠲᠦᠮᠡᠡ ᠮᠢᠬᠠᠨ ᠤ᠋ ᠦᠬᠡᠷ ᠮᠠᠯᠵᠢᠵᠤ᠂ ᠲᠤᠷᠱᠢᠯᠲᠠ ᠵᠢᠨ ᠣᠷᠣᠨ ᠤ᠋ ᠪᠦᠳᠦᠬᠡᠨ ᠪᠠᠢᠭᠤᠯᠤᠯᠳᠠ ᠵᠢᠨ ᠲᠥᠷᠥᠯ ᠵᠦᠶ᠋ᠯ ᠤ᠋ᠨ ᠪᠠᠯᠠ ᠮᠥᠩᠭᠥ᠌ ᠵᠢ 804 ᠲᠦᠮᠡᠨ ᠲᠥᠭᠥᠷᠢᠭ ᠪᠠᠭᠤᠯᠭᠠᠨ᠂ ᠣᠶᠤᠨᠴᠢ ᠮᠠᠯᠵᠢᠯ ᠤ᠋ᠨ ᠲᠠᠯᠠᠪᠠᠶ ᠪᠠᠢᠭᠤᠯᠵᠤ ᠬᠡᠪᠴᠢᠶᠡᠵᠢᠬᠦᠯᠦᠨ ᠡᠵᠡᠩᠨᠡᠬᠦ᠂ ᠱᠢᠨᠡ ᠡᠭᠦᠯᠳᠡᠷ ᠢ᠋ ᠪᠣᠢᠵᠢᠭᠤᠯᠬᠤ ᠵᠢᠴᠢ ᠱᠢᠨᠡ ᠡᠭᠦᠯᠳᠡᠷ ᠤ᠋ᠨ ᠡᠬᠢ ᠪᠠᠶᠠᠯᠢᠭ ᠢ᠋ ᠰᠤᠳᠤᠯᠤᠨ ᠠᠰᠢᠬᠯᠠᠬᠤ ᠵᠢ ᠳᠡᠮᠵᠢᠵᠤ ᠪᠠᠢᠨᠠ᠃ ᠵᠠᠷᠤᠳ ᠬᠤᠰᠢᠭᠤ ᠴᠦ᠍ ᠬᠡᠪᠴᠢᠶᠡᠵᠢᠭᠰᠡᠨ ᠡᠵᠡᠩᠨᠡᠯᠳᠡ ᠳ᠋ᠤ ᠦᠭᠬᠦ ᠡᠳ᠋ ᠤ᠋ᠨ ᠵᠠᠰᠠᠭ ᠤ᠋ᠨ ᠲᠠᠮᠵᠢᠯᠬᠡ ᠪᠡᠨ ᠬᠦᠴᠦᠯᠡᠨ ᠴᠢᠩᠭᠠᠳᠬᠠᠵᠤ ᠪᠠᠢᠨᠠ᠃
ᠮᠦ᠍ ᠰᠧᠨ ᠳᠡᠵᠢᠬᠡᠨ ᠦᠷᠡᠵᠢᠬᠦᠯᠬᠦ᠌ ᠰᠠᠭᠤᠷᠢᠨ ᠦᠪᠦᠷ ᠮᠤᠩᠭᠤᠯ ᠤ᠋ᠨ ᠲᠠᠷᠢᠶᠠᠯᠠᠩ ᠤ᠋ᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠲᠠᠢ ᠬᠠᠮᠲᠤᠷᠠᠯᠴᠠᠨ ᠠᠵᠢᠯᠯᠠᠬᠤ ᠬᠠᠷᠢᠴᠠᠭᠠ ᠪᠠᠢᠭᠤᠯᠵᠤ᠂ ᠮᠡᠷᠬᠡᠵᠢᠯ ᠤ᠋ᠨ ᠲᠤᠰᠠᠯᠠᠮᠵᠢ ᠬᠦᠷᠳᠡᠳᠡᠭ ᠮᠦᠷᠳᠡᠭᠡᠨ ᠬᠤᠰᠢᠭᠤᠨ ᠤ᠋ ᠵᠠᠰᠠᠭ ᠤ᠋ᠨ ᠣᠷᠳᠤᠨ ᠡᠴᠡ 200 ᠲᠦᠮᠡᠨ ᠲᠦᠬᠦᠷᠢᠭ ᠤ᠋ᠨ ᠦᠷᠳᠡᠭ ᠪᠦᠬᠦᠢ ᠤᠶᠤᠨᠴᠢ ᠮᠠᠯᠵᠢᠯ ᠤ᠋ᠨ ᠲᠤᠨᠤᠭ ᠲᠦᠬᠦᠭᠡᠷᠦᠮᠵᠢ ᠤᠭᠰᠠᠷᠠᠵᠦ ᠦᠭᠬᠦᠭᠰᠡᠨ ᠨᠢ ᠲᠡᠳᠡᠨ ᠤ᠋ ᠮᠠᠯᠵᠢᠯ ᠤ᠋ᠨ ᠳᠠᠯᠠᠪᠠᠢ ᠵᠢᠨ ᠬᠠᠮᠢᠶᠠᠷᠤᠯᠳᠠ ᠪᠠ ᠮᠠᠯ ᠰᠦᠷᠦᠭ ᠤ᠋ᠨ ᠠᠷᠠᠴᠢᠯᠠᠭᠠ ᠳ᠋ᠤ ᠶᠡᠬᠡᠬᠡᠨ ᠲᠤᠰᠠ ᠳᠡᠮ ᠪᠤᠯᠵᠤ᠂ ᠬᠡᠪᠴᠢᠶᠡᠵᠢᠬᠦᠯᠦᠨ ᠡᠵᠡᠩᠨᠡᠬᠦ ᠡᠷᠴᠢ ᠵᠤᠷᠢᠭ ᠢ᠋ ᠨᠢ ᠬᠦᠪᠴᠢᠯᠡᠪᠡ᠃ 《ᠲᠡᠭᠰᠢᠳᠬᠡᠵᠦ ᠪᠤᠳᠤᠪᠠᠯ ᠨᠢᠭᠡ ᠡᠮᠡ ᠬᠤᠨᠢ ᠳ᠋ᠤ ᠰᠠᠷᠠ ᠵᠢᠨ 100 ᠲᠦᠬᠦᠷᠢᠭ ᠤ᠋ᠨ ᠵᠠᠷᠤᠳᠠᠯ ᠣᠷᠣᠵᠤ᠂ ᠡᠨᠡ ᠵᠢᠯ ᠬᠤᠷᠠᠭᠠ ᠪᠠᠨ ᠲᠤᠮᠳᠠᠴᠢ ᠪᠡᠷ 730 ᠲᠦᠬᠦᠷᠢᠭ ᠵᠢᠡᠷ ᠬᠤᠳᠠᠯᠳᠤᠵᠠᠢ᠃ ᠤᠷᠤᠯᠭᠠ ᠵᠢᠨ ᠬᠤᠪᠢ ᠳ᠋ᠤ ᠶᠡᠬᠡ ᠵᠦᠬᠡᠷ᠂ ᠬᠤᠨᠢ ᠪᠠᠨ ᠦᠷᠡᠵᠢᠬᠦᠯᠦᠭᠡᠳ 5 ᠲᠦᠮᠡ ᠵᠢ ᠳᠠᠪᠠᠭᠤᠯᠤᠨᠠ》 ᠭᠡᠵᠦ ᠶᠠᠩ ᠪᠦᠧᠧ ᠢᠳᠡᠬᠡᠯ ᠲᠡᠬᠦᠯᠳᠡᠷ ᠬᠡᠯᠡᠨᠠ᠃
ᠵᠠᠷᠤᠳ ᠬᠣᠱᠢᠭᠤᠨ ᠤ᠋ ᠯᠦᠪᠸᠢ ᠪᠠᠯᠭᠠᠰᠤ ᠵᠢᠨ ᠬᠦᠩ ᠨᠦᠩ ᠲᠤᠰᠬᠤᠨ ᠳ᠋ᠤ ᠪᠠᠢᠭᠠ ᠴᠦᠨ ᠵᠧᠨ ᠮᠦ᠍ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠬᠦ᠌ ᠺᠤᠮᠫᠠᠨᠢ ᠪᠤᠯ ᠤᠬᠤᠷ ᠰᠡᠬᠦᠯᠳᠦ ᠦᠯᠴᠢᠷ ᠬᠤᠨᠢ ᠵᠢ ᠪᠤᠢᠵᠢᠭᠤᠯᠬᠤ᠂ ᠲᠡᠵᠢᠭᠡᠬᠦ ᠪᠠ ᠪᠣᠷᠣᠯᠠᠭᠤᠯᠬᠤ ᠵᠢ ᠨᠢᠭᠡ ᠴᠣᠭ᠍ᠴᠠᠵᠢᠭᠤᠯᠤᠭ᠍ᠰᠠᠨ ᠶᠡᠷᠦᠩᠬᠡᠢᠯᠡᠭ᠌ᠰᠡᠨ ᠴᠢᠨᠠᠷᠲᠠᠶ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠬᠦ᠌ ᠲᠠᠯᠠᠪᠠᠢ ᠪᠠᠢᠵᠦ᠂ ᠵᠢᠯ ᠤ᠋ᠨ ᠡᠵᠡᠩᠨᠡᠯᠲᠡ ᠵᠢᠨ ᠣᠷᠣᠯᠭᠠ ᠨᠢ 300 ᠲᠦᠮᠡᠨ ᠲᠥᠭᠥᠷᠢᠭ ᠢ᠋ ᠳᠠᠪᠠᠨ᠂ ᠵᠢᠯ ᠪᠦᠷᠢ ᠲᠣᠰᠭᠣᠨ ᠤ᠋ ᠬᠠᠮᠲᠤ ᠵᠢᠨ ᠠᠵᠤ ᠠᠬᠤᠢ ᠳ᠋ᠤ 12.23 ᠲᠦᠮᠡᠨ ᠲᠥᠭᠥᠷᠢᠭ ᠤ᠋ᠨ ᠣᠷᠣᠯᠭᠠ ᠡᠭᠦᠳᠴᠦ᠍᠂ ᠲᠤᠰᠬᠤᠨ ᠤ᠋ ᠬᠦᠮᠦᠰ ᠲᠦ᠍ ᠠᠵᠢᠯ ᠤ᠋ᠨ ᠪᠠᠢᠷᠢ ᠬᠠᠩᠭᠠᠨ ᠠᠵᠢᠯᠴᠢᠨ ᠤ᠋ ᠬᠥᠮᠦᠨ ᠳᠤᠮᠳᠠᠴᠢ ᠵᠢᠨ ᠵᠢᠯ ᠤ᠋ᠨ ᠣᠷᠣᠯᠭᠠ ᠵᠢ ᠪᠠᠷᠤᠭ 6.5 ᠲᠦᠮᠡᠨ ᠲᠥᠭᠥᠷᠢᠭ ᠨᠡᠮᠡᠭ᠌ᠳᠡᠬᠦᠯᠵᠠᠢ᠃ ᠲᠡᠷᠡ ᠮᠦᠷᠳᠡᠬᠡᠨ ᠠᠵᠤ ᠦᠢᠯᠡᠰ ᠤ᠋ᠨ ᠬᠡᠯᠬᠢᠶᠡ ᠵᠢ ᠤᠷᠲᠤᠳᠭᠠᠬᠤ ᠪᠠᠷ ᠳᠠᠮᠵᠢᠨ ᠤᠢᠷᠠ ᠬᠠᠪᠢ ᠵᠢᠨ ᠲᠡᠵᠢᠭᠡᠯ ᠪᠤᠷᠳᠤᠭᠠᠨ ᠤ᠋ ᠦᠢᠯᠡᠰ ᠢ᠋ ᠲᠠᠢᠴᠢᠯᠠᠨ ᠬᠥᠭ᠌ᠵᠢᠬᠦᠯᠵᠤ᠂ ᠮᠠᠯᠴᠢᠨ ᠲᠠᠷᠢᠶᠠᠴᠢᠨ ᠤ᠋ ᠣᠷᠣᠯᠭᠠ ᠵᠢᠨ ᠨᠡᠮᠡᠭᠳᠡᠯ ᠳ᠋ᠤ ᠪᠠᠰᠠ ᠲᠤᠰᠠ ᠲᠡᠮ ᠪᠤᠯᠵᠠᠢ᠃
᠁
ᠳᠠᠯᠠ ᠵᠢᠨ ᠵᠢᠡᠨ ᠬᠦᠨ ᠳ᠋ᠤ᠂ ᠰᠦᠷᠦᠭ ᠤ᠋ᠨ ᠵᠢᠡᠨ ᠳᠡᠷᠭᠡᠳᠡ ᠵᠠᠭᠤ ᠮᠢᠩᠭᠠᠨ ᠵᠢᠯ ᠵᠢᠡᠷ ᠮᠠᠯ ᠮᠠᠯᠵᠢᠵᠦ ᠢᠷᠡᠭᠰᠡᠨ ᠨᠠᠷᠠᠨ ᠤ᠋ ᠪᠤᠷᠤ ᠮᠠᠯᠴᠢᠳ ᠤ᠋ᠨ ᠮᠠᠯᠵᠢᠯ ᠤ᠋ᠨ ᠤᠬᠠᠭᠠᠨ ᠡᠳᠦᠬᠡ ᠪᠠᠢᠭᠠᠯᠢ ᠠᠬᠤᠢ ᠵᠢᠨ ᠬᠤᠪᠢᠰᠤᠯᠳᠠ᠂ ᠵᠠᠬᠠ ᠳᠡᠯᠭᠡᠭᠦᠷ ᠤ᠋ᠨ ᠲᠦᠷᠢᠯᠳᠡ᠂ ᠠᠯᠤᠰ ᠬᠦᠭᠵᠢᠯᠳᠡ ᠵᠢᠨ ᠱᠠᠭᠠᠷᠳᠠᠯᠭᠠ ᠳ᠋ᠤ ᠦᠪᠡᠷ ᠦᠪᠡᠷ ᠤ᠋ᠨ ᠵᠢᠮᠠ ᠪᠡᠷ ᠵᠢᠡᠨ ᠴᠠᠭ ᠦᠶᠡ ᠵᠢ ᠲᠠᠭᠠᠨ ᠰᠢᠨᠡᠳᠦᠨ ᠦᠬᠡᠷᠡᠳᠦᠵᠦ ᠪᠠᠢᠭᠠ ᠵᠢ ᠤᠶᠤᠳᠠᠨ ᠮᠠᠯᠴᠢᠨ ᠰᠤᠭᠤᠷ ᠤ᠋ᠨ ᠤᠳᠤ ᠦᠶᠠ ᠵᠢᠨ ᠬᠡᠷ ᠪᠦᠯᠢ ᠵᠢᠨ ᠮᠠᠯᠵᠢᠯ ᠤ᠋ᠨ ᠳᠠᠯᠠᠪᠠᠢ᠂ ᠪᠠᠢ ᠱᠦᠨ ᠳᠡᠵᠢᠭᠡᠨ ᠦᠷᠡᠵᠢᠬᠦᠯᠬᠦ ᠲᠤᠰᠬᠠᠢ ᠬᠤᠷᠰᠢᠶᠠ ᠵᠢᠨ 《ᠦᠨᠢᠶᠠ ᠪᠠᠨ ᠰᠦᠷᠦᠭ ᠲᠦ᠍ᠨᠢ ᠳᠠᠯᠪᠢᠵᠦ ᠲᠤᠭᠤᠯ ᠠᠪᠬᠤ》 ᠵᠠᠭᠪᠤᠷ᠂ ᠲᠤᠯᠤᠭᠠᠨ ᠲᠤᠰᠬᠤᠨ ᠤ᠋ ᠬᠤᠯᠪᠤᠭᠠᠳᠦ ᠬᠤᠷᠰᠢᠶᠠ ᠵᠢᠨ ᠦᠢᠯᠡᠳᠦᠯᠬᠡ᠂ ᠴᠦᠨ ᠵᠧᠨ ᠮᠦ᠍ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠬᠦ᠌ ᠺᠣᠮᠫᠠᠨᠢ ᠵᠢᠨ ᠬᠦᠭᠵᠢᠯᠳᠡ᠂ ᠮᠦ᠍ ᠰᠧᠨ ᠳᠡᠵᠢᠬᠡᠨ ᠦᠷᠡᠵᠢᠬᠦᠯᠬᠦ᠌ ᠰᠠᠭᠤᠷᠢᠨ ᠤ᠋ ᠠᠮᠵᠢᠯᠳᠠ ᠡᠴᠡ ᠬᠠᠷᠠᠯᠠ᠃ ᠲᠡᠳᠡᠨᠦ ᠮᠠᠯᠴᠢᠨ ᠲᠦᠮᠡᠨ ᠢ᠋ ᠲᠠᠢᠴᠢᠯᠠᠨ 《ᠮᠠᠯ》 ᠤ᠋ᠨ ᠠᠰᠠᠭᠤᠳᠠᠯ ᠢ᠋ ᠰᠢᠢᠳᠪᠤᠷᠢᠯᠡᠬᠦ ᠪᠦᠳᠦᠮᠵᠢᠳᠠᠢ ᠠᠷᠭᠠ ᠵᠠᠮ ᠢ᠋ ᠬᠠᠮᠳᠤ ᠪᠡᠷ ᠬᠠᠢᠵᠤ᠂ ᠪᠡᠯᠴᠢᠬᠡᠷ ᠤ᠋ᠨ ᠮᠠᠯ ᠠᠵᠤ ᠠᠬᠤᠢ ᠵᠢᠨ ᠬᠡᠯᠪᠡᠷᠢ ᠵᠢ ᠬᠤᠪᠢᠷᠠᠭᠤᠯᠵᠤ ᠲᠡᠰ ᠲᠡᠪᠰᠢᠬᠦᠯᠬᠦ ᠵᠢ ᠠᠬᠢᠭᠤᠯᠬᠤ᠂ ᠲᠦᠪᠯᠡᠷᠡᠭᠰᠡᠨ ᠡᠷᠴᠢᠮᠵᠢᠭᠰᠡᠨ ᠬᠡᠪᠴᠢᠶᠡᠵᠢᠭᠰᠡᠨ ᠪᠠᠷᠢᠮᠵᠢᠶᠠᠵᠢᠭᠰᠠᠨ ᠮᠠᠯ ᠠᠵᠤ ᠠᠬᠤᠢ ᠵᠢᠨ ᠬᠦᠭᠵᠢᠯᠳᠡ ᠳ᠋ᠤ ᠲᠤᠯᠢ ᠪᠤᠯᠬᠤᠢᠴᠠ ᠯᠠᠪᠯᠠᠯᠳᠠ ᠬᠠᠩᠭᠠᠭᠰᠠᠨ ᠨᠢ ᠪᠠᠬᠠᠳᠤᠭᠤᠰᠢᠳᠠᠢ！