— ᠪᠡᠯᠴᠢᠭᠡᠷ ᠤ᠋ᠨ ᠮᠠᠯ ᠠᠵᠤ ᠠᠬᠤᠢ ᠵᠢᠨ ᠬᠡᠯᠪᠡᠷᠢ ᠵᠢ ᠬᠤᠪᠢᠷᠠᠭᠤᠯᠵᠤ ᠲᠡᠰ ᠲᠡᠪᠰᠢᠬᠦᠯᠬᠦ ᠵᠢ ᠠᠬᠢᠭᠤᠯᠤᠬᠰᠠᠨ ᠦᠪᠦᠷ ᠮᠤᠡᠭᠭᠤᠯ ᠤ᠋ᠨ ᠰᠢᠨᠠ ᠦᠢᠯᠡᠳᠦᠯᠭᠡ ⑥
ᠠᠳᠠᠷ ᠲᠠᠯᠠ ᠵᠢᠨ ᠰᠢᠮᠠ ᠳᠠᠢ
ᠠᠳᠤᠭᠤ ᠮᠠᠯ ᠤ᠋ᠨ ᠬᠡᠰᠢᠭ ᠲᠠᠢ
ᠠᠵᠢᠯᠴᠢ ᠮᠠᠯᠴᠢᠳ ᠤ᠋ᠨ ᠵᠢᠳᠬᠦᠯ ᠲᠠᠢ
ᠠᠳᠠᠯ ᠦᠢᠯᠡᠰ ᠤ᠋ᠨ ᠤᠶᠠᠩᠭᠠ ᠲᠠᠢ
ᠬᠦᠳᠡᠬᠡ ᠨᠤᠳᠤᠭ ᠤ᠋ᠨ ᠬᠦᠭᠵᠢᠯ ᠴᠡᠴᠡᠭᠯᠡᠯ ᠶᠠᠭᠤᠨ ᠳ᠋ᠤ ᠰᠠᠭᠤᠷᠢᠯᠠᠬᠤ ᠪᠤᠢ？ᠬᠤᠷᠸᠠ ᠪᠠ ᠬᠤᠮᠠᠬᠢ ᠲᠠᠯᠠ ᠵᠢᠨ ᠤᠯᠠᠨ ᠬᠦᠴᠦᠨ ᠵᠤᠢᠯ ᠳ᠋ᠤ ᠰᠠᠭᠤᠷᠢᠯᠠᠬᠤ ᠪᠤᠯᠪᠠᠴᠦ ᠡᠬᠦᠨ ᠤ᠋ ᠲᠤᠳᠤᠷᠠ ᠡᠴᠡ ᠨᠤᠳᠤᠭ ᠪᠡᠯᠴᠢᠭᠡᠷ᠂ ᠮᠠᠯ ᠤᠨᠤᠭᠠ᠂ ᠮᠠᠯᠴᠢᠨ ᠲᠦᠮᠡᠨ ᠪᠤᠯ 《ᠲᠤᠯᠭᠠ ᠵᠢᠨ ᠭᠤᠷᠪᠠᠨ ᠴᠢᠯᠠᠭᠤ》 ᠨᠢ ᠪᠠᠢᠵᠤ ᠲᠠᠭᠠᠷᠠᠨᠠ᠃ ᠡᠨᠡ ᠭᠤᠷᠪᠠ ᠡᠶᠠ ᠵᠤᠬᠢᠴᠠᠯ ᠵᠢᠡᠨ ᠤᠯᠵᠦ᠂ ᠮᠠᠯᠴᠢᠨ ᠲᠦᠮᠡᠨ ᠤᠷᠤᠯᠭᠠ ᠰᠠᠢᠳᠠᠢ ᠪᠠᠢᠪᠠᠯ ᠬᠦᠳᠡᠬᠡ ᠨᠤᠳᠤᠭ ᠰᠠᠶᠢ ᠠᠮᠢᠯᠠᠯ ᠤ᠋ᠨ ᠬᠦᠴᠦᠨ ᠵᠢᠡᠷ ᠪᠢᠯᠬᠠᠨ᠂ ᠬᠦᠭᠵᠢᠯ ᠴᠡᠴᠡᠭᠯᠡᠯ ᠤ᠋ᠨ ᠲᠠᠷᠳᠠᠩ ᠵᠠᠮ ᠬᠤᠯᠠ ᠵᠢᠨ ᠬᠤᠯᠠ ᠳ᠋ᠤ ᠰᠤᠨᠤᠯᠵᠠᠬᠤ ᠶᠤᠮ᠃ ᠳᠡᠬᠡᠪᠡᠯ ᠨᠤᠳᠤᠭ ᠪᠡᠯᠴᠢᠭᠡᠷ᠂ ᠮᠠᠯ ᠤᠨᠤᠭᠠ᠂ ᠮᠠᠯᠴᠢᠨ ᠲᠦᠮᠡᠨ ᠤ᠋ ᠡᠬᠦᠷᠢᠳᠡ ᠵᠢᠨ ᠡᠶᠠ ᠵᠤᠬᠢᠴᠠᠯ ᠢ᠋ ᠵᠤᠷᠢᠭᠰᠠᠨ ᠪᠡᠯᠴᠢᠭᠡᠷ ᠤ᠋ᠨ ᠮᠠᠯ ᠠᠵᠤ ᠠᠬᠤᠢ ᠵᠢᠨ ᠬᠡᠯᠪᠡᠷᠢ ᠵᠢ ᠬᠤᠪᠢᠷᠠᠭᠤᠯᠵᠤ ᠲᠡᠰ ᠲᠡᠪᠰᠢᠬᠦᠯᠬᠦ ᠠᠶᠠᠨ ᠳ᠋ᠤ ᠴᠤᠬᠤᠮ 《ᠤᠷᠤᠯᠭᠠ》 ᠵᠢᠨ ᠠᠰᠠᠭᠤᠳᠠᠯ ᠢ᠋ ᠭᠡᠷᠬᠢᠨ ᠰᠢᠢᠳᠪᠤᠷᠢᠯᠡᠵᠤ᠂ ᠮᠠᠯᠴᠢᠨ ᠲᠦᠮᠡᠨ ᠤ᠋ ᠤᠷᠤᠯᠭᠠ ᠵᠢᠨ ᠨᠡᠮᠡᠭᠳᠡᠯ ᠢ᠋ ᠶᠠᠭᠠᠬᠢᠵᠤ ᠪᠠᠳᠤᠯᠠᠬᠤ ᠪᠤᠢ？
11 ᠰᠠᠷᠠ ᠵᠢᠨ ᠡᠬᠢ ᠪᠡᠷ ᠪᠢᠳᠡ ᠦᠪᠡᠷᠳᠡᠬᠡᠨ ᠵᠠᠰᠠᠬᠤ ᠤᠷᠤᠨ ᠤ᠋ ᠪᠡᠯᠴᠢᠭᠡᠷ ᠤ᠋ᠨ ᠳᠠᠭᠠᠭᠠᠴᠠ ᠡᠴᠡ ᠬᠡᠲᠤᠷᠠᠲᠠᠯᠠ ᠪᠡᠯᠴᠢᠭᠡᠷᠯᠡᠭᠦᠯᠬᠦ ᠠᠰᠠᠭᠤᠳᠠᠯ ᠢ᠋ ᠱᠢᠶ᠋ᠳᠪᠦᠷᠢᠯᠡᠬᠦ᠌ ᠲᠤᠷᠱᠢᠯᠲᠠ ᠢ᠋ᠢᠨ ᠴᠡᠭ ᠤ᠋ᠨ ᠬᠤᠰᠢᠭᠤ ᠰᠢᠶᠠᠨ ᠪᠤᠯᠬᠤ ᠪᠠᠶᠠᠨᠨᠠᠭᠤᠷ ᠬᠤᠳᠠ ᠵᠢᠨ ᠤᠷᠠᠳ ᠤ᠋ᠨ ᠲᠤᠮᠳᠠᠳᠤ ᠬᠤᠰᠢᠭᠤ᠂ ᠪᠤᠭᠤᠳᠤ ᠬᠤᠳᠠ ᠵᠢᠨ ᠲᠠᠷᠬᠠᠨ ᠮᠤᠤᠮᠢᠩᠭᠠᠨ ᠬᠤᠯᠪᠤᠭᠠᠳᠤ ᠬᠤᠰᠢᠭᠤ᠂ ᠤᠷᠳᠤᠰ ᠬᠤᠳᠠ ᠵᠢᠨ ᠤᠳᠤᠭ ᠤ᠋ᠨ ᠡᠮᠤᠨᠡᠳᠤ ᠬᠤᠰᠢᠭᠤᠨ ᠳ᠋ᠤ ᠬᠦᠷᠴᠦ ᠰᠤᠷᠪᠤᠯᠵᠢᠯᠠᠬᠤ ᠳ᠋ᠠᠭᠠᠨ᠂ ᠦᠩᠬᠡᠷᠡᠭᠰᠡᠨ ᠤ᠋ ᠠᠢᠯ ᠠᠢᠯ ᠤ᠋ᠨ ᠡᠭᠦᠳᠡᠨ ᠡᠴᠡ ᠬᠤᠳᠠ ᠰᠠᠭᠤᠷᠢᠨ ᠢ᠋ ᠴᠢᠭᠯᠡᠨ ᠰᠤᠨᠤᠯᠵᠠᠭᠰᠠᠨ ᠨᠤᠳᠤᠭ ᠤ᠋ᠨ ᠰᠢᠷᠠ ᠵᠠᠮ ᠤᠳᠤ ᠬᠦᠳᠡᠬᠡ ᠨᠤᠳᠤᠭ ᠤ᠋ᠨ ᠬᠦᠰᠡᠯ ᠢ᠋ ᠬᠥᠪᠤᠷᠠᠬᠥᠯᠵᠤ᠂ ᠮᠠᠯᠴᠢᠨ ᠠᠢᠯ ᠢ᠋ ᠠᠵᠦ ᠠᠬᠤᠢᠯᠠᠯ ᠲᠠᠢ ᠬᠤᠯᠪᠤᠨ᠂ ᠪᠠᠶᠠᠵᠢᠯ ᠤ᠋ᠨ ᠳᠠᠷᠳᠠᠩ ᠬᠠᠷᠭᠤᠢ ᠪᠤᠯᠤᠭᠰᠠᠨ ᠢ᠋ ᠬᠠᠷᠠᠵᠤ᠂ ᠴᠠᠬ ᠤ᠋ᠨ ᠰᠠᠢᠬᠠᠨ ᠢ᠋ ᠪᠠᠬᠠᠳᠤᠵᠦ ᠶᠠᠪᠤᠯᠠ᠃
ᠵᠠᠡᠭᠬᠢᠯᠠᠭᠠ ᠵᠢᠨ ᠦᠭᠡ᠄ ᠪᠦᠬᠦ ᠬᠡᠯᠬᠢᠶᠠ
ᠤᠯᠠᠷᠢᠯ ᠤ᠋ᠨ ᠵᠢᠮᠠ ᠪᠡᠷ ᠡᠪᠡᠰᠤᠨ ᠤ᠋ ᠰᠦᠯ ᠲᠠᠰᠤᠷᠠᠨ᠂ ᠮᠤᠳᠤᠨ ᠤ᠋ ᠨᠠᠪᠴᠢ ᠤᠨᠠᠵᠤ ᠡᠬᠢᠯᠡᠭᠰᠡᠨ ᠪᠤᠯᠪᠠᠴᠦ ᠤᠳᠤᠭ ᠤ᠋ᠨ ᠡᠮᠤᠨᠡᠳᠤ ᠬᠤᠰᠢᠭᠤᠨ ᠤ᠋ ᠨᠠᠡᠭᠰᠤ ᠪᠠᠯᠭᠠᠰᠤ ᠵᠢᠨ ᠰᠦᠯᠳᠡ ᠭᠠᠴᠠᠭᠠᠨ ᠤ᠋ ᠮᠠᠯᠴᠢᠨ ᠵᠠᠶᠠᠭᠠ ᠵᠢᠨ ᠪᠡᠯᠴᠢᠭᠡᠷ ᠲᠦ᠍ ᠡᠪᠡᠰᠤ ᠬᠠᠷᠭᠠᠨᠠ ᠰᠠᠯᠬᠢᠨ ᠤ᠋ ᠠᠶᠠᠰ ᠵᠢᠡᠷ ᠨᠠᠢᠭᠤᠨ ᠬᠠᠯᠢᠭᠤᠷᠠᠵᠤ᠂ ᠲᠠᠡᠭᠰᠤᠬ ᠨᠠᠮᠤᠷ ᠤ᠋ᠨ ᠦᠵᠡᠮᠵᠢ ᠵᠢ ᠬᠠᠷᠠᠭᠤᠯᠤᠨᠠ᠃
ᠲᠡᠭᠡᠷᠠ ᠵᠠᠭᠤᠨ ᠤ᠋ ᠶᠡᠷᠡᠬᠡᠳ ᠤᠨ ᠳ᠋ᠤ ᠵᠠᠶᠠᠭᠠ ᠦᠪᠡᠷ ᠤ᠋ᠨ ᠬᠠᠯᠴᠠᠭᠠᠢ ᠪᠡᠯᠴᠢᠭᠡᠷ ᠲᠡᠭᠡᠷᠠ ᠪᠠᠨ 400 ᠭᠠᠷᠤᠢ ᠮᠸ᠋ ᠬᠠᠷᠭᠠᠨᠠ ᠲᠠᠷᠢᠵᠠᠢ᠃ 《ᠬᠠᠷᠭᠠᠨᠠ ᠭᠡᠵᠦ ᠮᠠᠨ ᠤ᠋ ᠨᠤᠳᠤᠭ ᠤ᠋ᠨ ᠡᠷᠳᠡᠨᠢ᠂ ᠪᠤᠷᠤᠭᠠᠨ ᠬᠤᠷᠠ ᠪᠠᠭᠠᠳᠠᠢ ᠡᠯᠡᠰᠤ ᠮᠠᠩᠬᠠᠨ ᠳ᠋ᠤ ᠦᠨᠳᠦᠰᠤ ᠨᠢ ᠬᠦᠨ ᠬᠠᠳᠬᠤᠵᠤ᠂ ᠨᠠᠪᠴᠢ ᠨᠠᠮᠠᠭᠠ ᠳ᠋ᠤᠨᠢ ᠤᠭᠤᠷᠠᠭ᠂ ᠥᠭᠡᠬᠦ᠌᠂ ᠸᠢᠲ᠋ᠠᠮᠢᠨ ᠵᠡᠷᠭᠡ ᠣᠯᠠᠨ ᠵᠦᠢᠯ ᠤ᠋ᠨ ᠪᠦᠷᠢᠯᠳᠦᠬᠦᠨ ᠡᠯᠪᠡᠭ ᠠᠭᠤᠯᠤᠭ᠍ᠳᠠᠳᠠᠬ ᠵᠢᠡᠷ ᠵᠢᠡᠨ ᠰᠦᠯ ᠰᠠᠢᠳᠠᠢ ᠲᠡᠵᠢᠭᠡᠯ ᠪᠤᠷᠳᠤᠭᠠ ᠪᠤᠯᠵᠦ᠂ ᠮᠠᠯ ᠤᠨᠤᠭᠠ ᠢᠳᠡᠬᠦ ᠲᠤᠷᠠᠳᠠᠢ ᠶᠤᠮ 》 ᠭᠡᠵᠦ ᠲᠡᠷᠡ ᠬᠠᠷᠭᠠᠨᠠ ᠲᠠᠷᠢᠬᠰᠠᠨ ᠠᠡᠭᠬᠠᠨ ᠤ᠋ ᠪᠤᠳᠤᠯ ᠵᠢᠡᠨ ᠲᠡᠯᠭᠡᠨᠠ᠃
ᠡᠳᠦᠭᠡ ᠵᠠᠶᠠᠭᠠ ᠵᠢᠨ ᠲᠠᠷᠢᠬᠰᠠᠨ ᠬᠠᠷᠭᠠᠨᠠ ᠵᠢᠨ ᠲᠠᠯᠠᠪᠠᠢ 3000 ᠮᠸ᠋ ᠵᠢ ᠲᠠᠪᠠᠵᠤ᠂ ᠵᠤᠨ ᠪᠤᠯᠪᠠᠯ ᠨᠤᠳᠤᠭ ᠪᠡᠯᠴᠢᠭᠡᠷ ᠨᠢ ᠨᠡᠢᠳᠡᠮ ᠳ᠋ᠡᠬᠡᠨ ᠬᠦᠬᠡᠷᠡᠨ ᠨᠤᠭᠤᠭᠠᠷᠠᠵᠤ᠂ ᠬᠤᠨᠢ ᠮᠠᠯ ᠨᠢ ᠳᠠᠷᠭᠤ ᠰᠠᠢᠨ ᠠᠪᠳᠠᠭ᠃ 《ᠬᠠᠷᠭᠠᠨᠠ ᠵᠢ ᠲᠠᠷᠢᠵᠤ ᠠᠷᠠᠴᠢᠯᠠᠬᠤ ᠳ᠋ᠤ ᠲᠦᠬᠦᠮ᠂ ᠬᠠᠳᠤᠵᠤ ᠬᠤᠷᠢᠶᠠᠬᠰᠠᠨ ᠬᠠᠷᠭᠠᠨᠠ ᠪᠡᠷ ᠲᠡᠵᠢᠭᠡᠯ ᠪᠤᠷᠳᠤᠭᠠ ᠪᠤᠯᠭᠠᠵᠤ᠂ ᠦᠭᠡᠷ ᠮᠠᠯ ᠤ᠋ᠨ ᠲᠠᠷᠭᠤ ᠬᠦᠴᠦ ᠵᠢ ᠪᠠᠳᠤᠯᠠᠭᠰᠠᠨ ᠮᠦᠷᠳᠡᠭᠡᠨ ᠨᠤᠳᠤᠭ ᠤᠰᠤ ᠪᠠᠨ ᠴᠦ᠍ ᠨᠤᠭᠤᠭᠠᠷᠠᠭᠤᠯᠴᠢᠬᠠᠯᠠ》 ᠭᠡᠵᠦ ᠵᠠᠶᠠᠭᠠ ᠤᠷᠮᠠᠳᠠᠢ ᠬᠡᠯᠡᠨᠠ᠃ ᠡᠨᠡ ᠵᠢᠯ ᠲᠡᠷᠡ 200 ᠮᠸ᠋ ᠬᠠᠷᠭᠠᠨᠠ ᠬᠠᠳᠤᠵᠤ ᠬᠤᠷᠢᠶᠠᠨ᠂ 500 ᠭᠠᠷᠤᠢ ᠮᠠᠯ ᠤ᠋ᠨ ᠲᠡᠵᠢᠭᠡᠯ ᠪᠤᠷᠳᠤᠭᠠ ᠪᠠᠨ ᠬᠦᠷᠦᠯᠴᠡᠬᠦᠢᠴᠡ ᠪᠠᠳᠤᠯᠠᠭᠰᠠᠨ ᠤ ᠬᠤᠢᠨᠠ ᠦᠯᠡᠳᠡᠭᠰᠡᠨ ᠢ᠋ ᠨᠢ ᠲᠤᠨ ᠪᠦᠷᠢ ᠵᠢ 300 ᠲᠦᠬᠦᠷᠢᠭ ᠵᠢᠡᠷ ᠤᠢᠷᠠ ᠬᠠᠪᠢ ᠵᠢᠨ ᠬᠤᠳᠠ ᠰᠠᠭᠤᠷᠢᠨ ᠳ᠋ᠤ ᠪᠤᠷᠤᠯᠠᠭᠤᠯᠵᠠᠢ᠃ 《ᠬᠠᠷᠭᠠᠨᠠ ᠳᠠᠷᠢᠬᠰᠠᠨ ᠵᠢᠡᠷ ᠬᠤᠰᠢᠭᠤ ᠵᠠᠰᠠᠭ ᠡᠴᠡ ᠮᠸ᠋ ᠪᠦᠷᠢ ᠳ᠋ᠤ 30 ᠲᠦᠬᠦᠷᠢᠭ ᠤ᠋ᠨ ᠨᠦᠬᠦᠪᠦᠷᠢ ᠦᠭᠴᠤ᠂ ᠡᠨᠡ ᠨᠢ ᠵᠢᠯ ᠳ᠋ᠤ ᠪᠠᠰᠠ 9 ᠲᠦᠮᠡᠨ ᠲᠦᠬᠦᠷᠢᠭ ᠤ᠋ᠨ ᠤᠷᠤᠯᠭᠠ ᠠᠪᠴᠢᠷᠠᠳᠠᠭ ᠶᠤᠮ》 ᠭᠡᠵᠦ ᠵᠠᠶᠠᠭᠠ ᠬᠡᠯᠡᠨᠠ᠃
ᠵᠠᠶᠠᠭᠠ ᠭᠤᠸᠠᠢ ᠠᠮᠵᠢᠯᠳᠠ ᠤᠯᠤᠬᠰᠠᠨ ᠢ᠋ᠢᠡᠷ ᠤᠢᠷᠠ ᠬᠠᠪᠢ ᠵᠢᠨ ᠬᠠᠷᠭᠠᠨᠠ ᠲᠠᠷᠢᠬᠤ ᠮᠠᠯᠴᠢᠨ ᠨᠠᠡᠭ ᠤᠯᠠᠰᠢᠷᠠᠬᠤ ᠵᠢᠨ ᠵᠡᠷᠭᠡ ᠪᠡᠷ ᠬᠠᠷᠭᠠᠨᠠ ᠲᠠᠷᠢᠵᠤ ᠤᠷᠭᠤᠭᠤᠯᠬᠤ᠂ ᠬᠠᠳᠤᠵᠤ ᠬᠤᠷᠢᠶᠠᠬᠤ᠂ ᠡᠳ᠋ᠰᠢᠬᠦᠯᠵᠤ ᠪᠤᠯᠪᠠᠰᠤᠷᠠᠭᠤᠯᠬᠤ᠂ ᠡᠵᠡᠩᠨᠡᠵᠤ ᠪᠤᠷᠤᠯᠠᠭᠤᠯᠬᠤ ᠠᠵᠤ ᠦᠢᠯᠡᠰ ᠴᠸ᠋ ᠦᠷᠨᠢᠨ ᠬᠦᠭᠵᠢᠵᠠᠢ᠃
ᠪᠢᠳᠡ ᠰᠢᠭᠤᠢ ᠲᠡᠵᠢᠭᠡᠯ ᠪᠣᠷᠳᠣᠭᠠ ᠪᠣᠯᠪᠠᠰᠤᠷᠠᠭᠤᠯᠬᠤ ᠦᠶ᠋ᠯᠡᠳᠪᠦᠷᠢ ᠵᠢᠨ ᠡᠭᠦᠳᠡᠨ ᠳ᠋ᠤ ᠤᠯᠠᠭᠠᠨᠬᠤᠱᠢᠭᠤ ᠭᠠᠴᠠᠭᠠᠨ ᠤ᠋ ᠨᠠᠮ ᠤ᠋ᠨ ᠡᠭᠦᠷ ᠤ᠋ᠨ ᠱᠦᠵᠢ ᠳ᠋ᠦ᠋ ᠱ᠌ᠢ ᠴᠢᠶᠠᠩ ᠢ᠋ ᠬᠦᠯᠢᠶᠡᠨ ᠵᠤᠬᠰᠤᠯᠠ᠃ ᠤᠳᠠᠵᠤ ᠳᠦᠳᠡᠯ ᠦᠬᠡᠢ 《ᠵᠠ᠂ ᠰᠠᠢᠨ ᠪᠠᠢᠨᠠᠤ⁈ ᠬᠤᠰᠢᠭᠤᠨ ᠲᠡᠭᠡᠷᠠ ᠲᠡᠵᠢᠭᠡᠯ ᠪᠤᠷᠳᠤᠭᠠ ᠪᠤᠷᠤᠯᠠᠭᠤᠯᠬᠤ ᠶᠠᠪᠤᠳᠠᠯ ᠢ᠋ ᠬᠡᠯᠡᠯᠴᠡᠭᠡᠳ ᠵᠢᠭᠠᠬᠠᠨ ᠤᠷᠤᠢᠳᠠᠵᠤ ᠢᠷᠡᠯᠠ》 ᠬᠡᠭᠰᠡᠬᠡᠷ ᠳ᠋ᠦ᠋ ᠱ᠌ᠢ ᠴᠢᠶᠠᠩ ᠳᠡᠷᠬᠡᠨ ᠡᠴᠡ ᠪᠠᠭᠤᠭᠠᠳ ᠮᠠᠨᠤᠰ ᠲᠠᠢ ᠠᠮᠤᠷ ᠮᠡᠨᠳᠤ ᠠᠰᠠᠭᠤᠯᠴᠠᠯᠠ᠃ ᠪᠢᠳᠡ ᠦᠢᠯᠡᠳᠪᠤᠷᠢ ᠵᠢᠨ ᠬᠦᠮᠦᠷᠭᠡ ᠳ᠋ᠤᠨᠢ ᠬᠦᠷᠬᠦ ᠳ᠋ᠤ ᠳᠤᠮᠤ ᠳᠤᠮᠤ ᠤᠭᠤᠳᠠ ᠲᠠᠢ ᠮᠦᠬᠦᠯᠢᠭᠳᠤ ᠪᠤᠷᠳᠤᠭᠠ ᠬᠡᠳᠦᠨ ᠮᠦᠷ ᠵᠢᠡᠷ ᠲᠡᠭᠳᠡᠷᠯᠡᠨ ᠤᠪᠤᠭᠠᠯᠠᠵᠤ᠂ ᠬᠠᠷᠭᠠᠨᠠ ᠬᠠᠳᠤᠵᠤ ᠬᠤᠷᠢᠶᠠᠬᠤ ᠬᠤᠭᠤᠴᠠᠭᠠᠨ ᠳ᠋ᠤ ᠡᠨᠳᠡ ᠲᠡᠷᠬᠡ ᠲᠡᠷᠬᠡ ᠬᠠᠷᠭᠠᠨᠠ ᠵᠢ ᠲᠡᠵᠢᠭᠡᠯ ᠪᠤᠷᠳᠤᠭᠠ ᠪᠤᠯᠭᠠᠨ ᠪᠤᠯᠪᠠᠰᠤᠷᠠᠭᠤᠯᠤᠭᠰᠠᠨ ᠶᠠᠭᠠᠷᠠᠯᠳᠠᠢ ᠪᠠᠢᠳᠠᠯ ᠬᠠᠷᠠᠭᠠᠨ ᠳ᠋ᠤ ᠲᠤᠳᠤᠷᠠᠬᠤ ᠰᠢᠬ ᠪᠤᠯᠵᠠᠢ᠃
《ᠪᠢᠳᠡ ᠬᠠᠷᠭᠠᠨᠠ ᠵᠢ ᠪᠤᠷᠤ ᠴᠠᠷᠭᠠᠰᠤ᠂ ᠡᠰᠢ ᠰᠦᠷᠡᠯ ᠵᠡᠷᠭᠡ ᠲᠠᠢ ᠰᠢᠨᠵᠢᠯᠡᠬᠦ ᠤᠬᠠᠭᠠᠴᠢ ᠪᠡᠷ ᠬᠤᠯᠢᠨ ᠪᠤᠯᠪᠠᠰᠤᠷᠠᠭᠤᠯᠵᠤ᠂ ᠬᠠᠷᠭᠠᠨᠠ ᠵᠢᠨ ᠨᠤᠨᠳᠠᠭ᠂ ᠮᠥᠬᠥᠯᠢᠭᠳᠤ ᠪᠤᠷᠳᠤᠭᠠ ᠵᠡᠷᠭᠡ ᠵᠢ ᠵᠢᠯ ᠳ᠋ᠤ 3000 ᠭᠠᠷᠤᠢ ᠲᠣᠨ ᠦᠢᠯᠡᠳᠪᠦᠷᠢᠯᠡᠵᠤ᠂ ᠤᠢᠷᠠ ᠬᠠᠪᠢ ᠵᠢᠨ ᠮᠠᠯᠴᠢᠳ ᠤ᠋ᠨ 1200 ᠭᠠᠷᠤᠢ ᠲᠤᠨ ᠬᠠᠷᠭᠠᠨᠠ ᠵᠢ ᠪᠦᠳᠦᠮᠵᠢᠳᠡᠢ ᠬᠤᠷᠢᠶᠠᠨ ᠠᠰᠢᠬᠯᠠᠵᠤ ᠪᠠᠢᠨᠠ᠃ ᠮᠠᠯᠴᠢᠳ ᠤ᠋ᠨ ᠬᠠᠷᠭᠠᠨᠠ ᠲᠠᠷᠢᠬᠤ ᠢᠳᠡᠪᠬᠢᠵᠢᠯ ᠮᠠᠰᠢ ᠦᠨᠳᠦᠷ᠂ ᠬᠠᠷᠭᠠᠨᠠ ᠲᠠᠷᠢᠬᠰᠠᠨ ᠡᠴᠨ ᠪᠡᠯᠴᠢᠬᠡᠷ ᠰᠠᠢᠵᠢᠷᠠᠭᠰᠠᠨ ᠵᠢᠡᠷ ᠪᠠᠷᠠᠬᠤ ᠥᠬᠡᠶ ᠡᠷᠦᠬᠡ ᠪᠦᠷᠢ ᠵᠢᠨ ᠵᠢᠯ ᠤ᠋ᠨ ᠤᠷᠤᠯᠭᠠ ᠨᠢ ᠴᠦ᠍ ᠬᠡᠳᠦᠨ ᠲᠦᠮᠡᠨ ᠲᠥᠭᠥᠷᠢᠭ ᠨᠡᠮᠡᠭᠳᠡᠭᠰᠡᠨ ᠰᠢᠦ！》 ᠭᠡᠵᠦ᠍ ᠳ᠋ᠦ᠋ ᠱ᠌ᠢ ᠴᠢᠶᠠᠩ ᠳᠠᠨᠢᠯᠴᠠᠭᠤᠯᠪᠠ᠃
2021 ᠣᠨ ᠳ᠋ᠤ᠂ ᠨᠠᠡᠭᠰᠤ ᠪᠠᠯᠭᠠᠰᠤᠨ ᠤ᠋ ᠵᠠᠰᠠᠭ ᠤ᠋ᠨ ᠣᠷᠳᠣᠨ ᠤ᠋ ᠵᠣᠬᠢᠴᠠᠭᠤᠯᠭᠠ ᠪᠡᠷ ᠱᠢᠷᠠᠬᠤᠱᠢᠭᠤ᠂ ᠤᠯᠠᠭᠠᠨᠬᠤᠱᠢᠭᠤ᠂ ᠪᠠᠶᠠᠨ ᠦᠵᠦᠭᠦᠷ 3 ᠭᠠᠴᠠᠭᠠ ᠵᠢᠨ ᠬᠢᠨ ᠵᠥᠪᠳᠡᠯᠴᠡᠬᠡᠳ ᠭᠠᠴᠠᠭᠠᠨ ᠤ᠋ ᠬᠠᠮᠳᠤ ᠨᠡᠢᠲᠡ ᠡᠴᠨ ᠪᠡᠯᠡ ᠮᠦᠡᠭᠭᠦ ᠭᠠᠷᠭᠠᠨ ᠱᠢᠭᠤᠶ ᠲᠡᠵᠢᠭᠡᠯ ᠪᠣᠷᠳᠣᠭᠠ ᠪᠣᠯᠪᠠᠰᠤᠷᠠᠭᠤᠯᠬᠤ ᠦᠶ᠋ᠯᠡᠳᠪᠦᠷᠢ ᠶ᠋ᠢ ᠬᠠᠮᠲᠤᠷᠠᠨ ᠪᠠᠢᠭᠤᠯᠵᠠᠢ᠃ 《3 ᠭᠠᠴᠠᠭᠠ ᠬᠠᠮᠲᠤᠷᠠᠨ ᠠᠵᠢᠯᠯᠠᠬᠤ ᠨᠢ ᠰᠠᠭᠤᠷᠢ ᠲᠦᠭᠦᠭᠡᠷᠦᠮᠵᠢ ᠠᠨᠠᠢ᠂ ᠪᠠᠯᠠ ᠮᠥᠩᠭᠥ᠌ ᠬᠦᠷᠦᠯᠴᠡᠬᠦ ᠦᠭᠡᠢ ᠵᠡᠷᠭᠡ ᠠᠰᠠᠭᠤᠳᠠᠯ ᠢ᠋ ᠱᠢᠶ᠋ᠳᠪᠦᠷᠢᠯᠡᠵᠦ᠂ ᠭᠠᠴᠠᠭᠠᠨ ᠤ᠋ ᠬᠠᠮᠲᠤ ᠵᠢᠨ ᠠᠵᠤ ᠠᠬᠤᠶ ᠵᠢᠨ ᠣᠷᠣᠯᠭᠠ ᠵᠢ 20 ᠲᠦᠮᠡᠨ ᠲᠦᠭᠦᠷᠢᠭ ᠨᠡᠮᠡᠭᠳᠡᠬᠦᠯᠦᠭᠰᠡᠨ ᠮᠦᠷᠳᠡᠬᠡᠨ ᠤᠢᠷᠠ ᠬᠠᠪᠢ ᠵᠢᠨ ᠮᠠᠯᠴᠢᠨ ᠲᠠᠷᠢᠶᠠᠴᠢᠨ ᠳ᠋ᠤ 10 ᠠᠵᠢᠯ ᠤ᠋ᠨ ᠪᠠᠢᠷᠢ ᠬᠠᠩᠭᠠᠵᠦ᠂ ᠲᠡᠳᠡᠨ ᠤ᠋ ᠮᠠᠯᠵᠢᠯ ᠤ᠋ᠨ ᠪᠤᠰᠤ ᠤᠷᠤᠯᠭᠠ ᠵᠢ ᠶᠡᠬᠡᠬᠡᠨ ᠲᠡᠭᠡᠭᠰᠢᠯᠡᠬᠦᠯᠪᠠ᠃ ᠪᠢᠳᠡ ᠪᠠᠰᠠ ᠶᠠᠳᠠᠭᠤ ᠡᠴᠡ ᠠᠩᠭᠢᠵᠢᠷᠠᠭ᠍ᠰᠠᠨ ᠡᠷᠦᠬᠡ ᠳ᠋ᠤ ᠵᠢᠯ ᠪᠦᠷᠢ 2 ᠲᠣᠨ ᠡᠪᠡᠰᠦ ᠪᠤᠷᠳᠤᠭᠠ ᠶ᠋ᠢ ᠦᠨᠡ ᠲᠥᠯᠥᠪᠦᠷᠢ ᠥᠬᠡᠶ ᠬᠠᠩᠭᠠᠵᠤ ᠪᠠᠢᠨᠠ》 ᠭᠡᠵᠦ᠍ ᠳ᠋ᠦ᠋ ᠱ᠌ᠢ ᠴᠢᠶᠠᠩ ᠬᠡᠯᠡᠨᠠ᠃
ᠰᠦᠯ ᠰᠠᠢᠳᠠᠢ ᠲᠡᠵᠢᠭᠡᠯ ᠪᠣᠷᠳᠣᠭᠠ ᠵᠢᠨ ᠬᠦᠷᠦᠯᠴᠡᠬᠦᠢᠴᠡ ᠢᠷᠡᠯᠳᠡ ᠲᠠᠢ ᠪᠤᠯᠬᠤᠷ ᠪᠡᠯᠴᠢᠬᠡᠷ ᠤ᠋ᠨ ᠲᠠᠭᠠᠭᠠᠴᠠ ᠳ᠋ᠠᠭᠠᠨ ᠵᠤᠬᠢᠴᠠᠭᠤᠯᠵᠤ ᠬᠠᠰᠢᠶᠠᠯᠡᠨ ᠲᠠᠵᠢᠬᠡᠭᠰᠡᠨ ᠪᠤᠶᠤ ᠬᠠᠭᠠᠰ ᠬᠠᠰᠢᠶᠠᠯᠠᠨ ᠲᠠᠵᠢᠬᠡᠭᠰᠡᠨ ᠮᠠᠯ ᠤ᠋ᠨ ᠲᠠᠷᠭᠤ ᠰᠠᠢᠳᠠᠢ ᠪᠠᠢᠬᠤ ᠵᠢ ᠪᠠᠳᠤᠯᠠᠪᠠ᠃ ᠲᠠᠬᠡᠪᠡᠯ ᠳᠠᠷᠭᠤ ᠰᠠᠢᠳᠠᠢ ᠮᠠᠯ ᠵᠢᠡᠨ ᠬᠡᠷᠬᠢᠨ ᠰᠠᠢᠨ ᠦᠨᠠ ᠳ᠋ᠤ ᠬᠦᠷᠬᠡᠵᠤ᠂ ᠰᠠᠭᠠᠳ ᠦᠬᠡᠢ ᠬᠤᠳᠠᠯᠳᠤᠬᠤ ᠪᠤᠢ？ ᠤᠷᠳᠤᠰ ᠬᠤᠳᠠ ᠵᠢᠨ ᠾᠧᠩ ᠺᠸ ᠲᠠᠷᠢᠶᠠᠯᠠᠩ ᠮᠠᠯ ᠠᠵᠤ ᠠᠬᠤᠶ ᠵᠢᠨ ᠨᠡᠬᠡᠬᠡᠨ ᠬᠦᠭᠵᠢᠬᠦᠯᠦᠯᠳᠡ ᠵᠢᠨ ᠬᠢᠵᠠᠭᠠᠷᠳᠤ ᠺᠣᠮᠫᠠᠨᠢ ᠵᠢ ᠨᠠᠩᠰᠤ ᠪᠠᠯᠭᠠᠰᠤᠨ ᠳ᠋ᠤ ᠨᠤᠳᠤᠭᠰᠢᠭᠤᠯᠤᠭᠰᠠᠨ ᠡᠴᠡ ᠨᠠᠭᠠᠰᠢ ᠡᠨᠡ ᠬᠦ᠌ ᠠᠰᠠᠭᠤᠳᠠᠯ ᠠᠶᠠᠨᠳᠠᠭᠠᠨ ᠰᠢᠢᠳᠪᠤᠷᠢᠯᠡᠭᠳᠡᠪᠡ᠃ 《ᠪᠢ ᠵᠢᠯ ᠪᠦᠷᠢ ᠲᠤᠰ ᠺᠣᠮᠫᠠᠨᠢ ᠳ᠋ᠤ 120 ᠬᠤᠷᠠᠭᠠ ᠬᠤᠳᠠᠯᠳᠤᠬᠤ ᠬᠡᠯᠡᠯᠴᠡᠭᠡᠷ ᠲᠤᠬᠳᠠᠵᠤ᠂ᠡᠨᠡ ᠤᠳᠠᠭᠠ 22 ᠬᠤᠷᠠᠭᠠ ᠲᠡᠭᠡᠭᠡᠵᠦ ᠠᠪᠴᠢᠷᠠᠯᠠ᠃ ᠺᠤᠮᠫᠠᠨᠢ ᠡᠴᠡ ᠬᠡᠮ ᠬᠢᠵᠢᠭ ᠢ᠋ ᠨᠠᠷᠢᠨ ᠪᠠᠢᠴᠠᠭᠠᠵᠤ᠂ ᠬᠠᠮᠢᠶᠠ ᠪᠦᠬᠦᠢ ᠪᠠᠷᠢᠮᠵᠢᠶᠠ ᠳ᠋ᠤ ᠨᠡᠢᠴᠡᠪᠡᠯ ᠪᠦᠬᠦᠨ ᠢ᠋ ᠬᠠᠨᠤᠮᠵᠢᠳᠠᠢ ᠦᠨᠡ ᠪᠡᠷ ᠬᠤᠳᠠᠯᠳᠤᠨ ᠠᠪᠴᠦ᠂ ᠶᠠᠪᠤᠭᠤᠯ ᠮᠠᠢᠮᠠᠢᠴᠢᠨ ᠳ᠋ᠤ ᠦᠭᠬᠦ ᠵᠢ ᠪᠤᠳᠤᠪᠠᠯ ᠬᠤᠷᠠᠭᠠ ᠨᠢᠬᠡᠪᠦᠷᠢ ᠡᠴᠡ 100 — 120 ᠲᠦᠬᠦᠷᠢᠭ ᠢᠯᠡᠬᠦᠤ ᠤᠯᠳᠠᠭ᠃ ᠤᠳᠤ ᠪᠢᠳᠡ ᠬᠤᠨᠢ ᠪᠠᠨ ᠰᠠᠢ᠌ᠨ ᠲᠡᠵᠢᠭᠡᠪᠡᠯ ᠪᠣᠯᠴᠢᠬᠠᠨᠠ᠂ ᠪᠣᠷᠣᠯᠠᠭᠤᠯᠭᠠ ᠵᠢᠨ ᠲᠠᠯᠠ ᠪᠠᠷ ᠰᠠᠨᠠᠭᠠ ᠵᠣᠪᠠᠬᠤ ᠦᠭᠡᠢ ᠪᠤᠯᠵᠠᠢ》 ᠭᠡᠵᠤ ᠡᡁᠸᠩ ᠺᠸ ᠺᠣᠮᠫᠠᠨᠢ ᠳ᠋ᠤ ᠬᠤᠷᠠᠭᠠ ᠪᠠᠨ ᠬᠤᠳᠠᠯᠳᠤᠬᠤ ᠪᠡᠷ ᠢᠷᠡᠭᠰᠡᠨ ᠮᠠᠯᠴᠢᠨ ᠠᠯᠳᠠᠡᠸᠴᠢᠷ ᠬᠡᠯᠡᠵᠤ ᠪᠠᠢᠯᠠ᠃
ᠡᡁᠸᠩ ᠺᠸ ᠺᠣᠮᠫᠠᠨᠢ 2023 ᠣᠨ ᠳ᠋ᠤ ᠪᠦᠬᠦ᠌ ᠤᠯᠤᠰ ᠤ᠋ᠨ ᠲᠠᠷᠢᠶᠠᠯᠠᠩ ᠮᠠᠯ ᠠᠵᠤ ᠠᠬᠤᠢ ᠵᠢᠨ ᠠᠵᠤ ᠦᠢᠯᠡᠰᠵᠢᠯᠲᠡ ᠵᠢᠨ ᠲᠠᠭᠠᠭᠤᠯᠤᠬ᠍ᠴᠢ ᠠᠵᠤ ᠠᠬᠤᠢᠯᠠᠯ ᠵᠢᠡᠷ ᠦᠨᠡᠯᠡᠭ᠌ᠳᠡᠵᠦ᠍᠂ ᠤᠳᠤ ᠵᠢᠯ ᠤ᠋ᠨ ᠦᠢᠯᠡᠳᠬᠦᠨ ᠤ᠋ ᠦᠷᠳᠡᠭ ᠨᠢ ᠳ᠋ᠦᠩᠱᠢᠭᠤᠷ ᠲᠥᠭᠥᠷᠢᠭ ᠲᠦ᠍ ᠬᠦᠷᠴᠤ ᠪᠠᠢᠨᠠ᠃ ᠲᠤᠰ ᠺᠣᠮᠫᠠᠨᠢ 《ᠵᠠᠭᠤᠨ ᠮᠠᠯᠵᠢᠬᠤ ᠡᠷᠦᠬᠡ ᠲᠠᠢ ᠣᠲᠣᠬᠢᠴᠢᠯᠠᠬᠰᠠᠨ ᠮᠠᠯ ᠠᠵᠤ ᠠᠬᠤᠶ ᠵᠢᠨ ᠵᠢᠱ᠌ᠢᠶᠡ ᠦᠵᠡᠭᠦᠯᠵᠦ᠍ ᠬᠠᠮᠲᠤᠷᠠᠨ ᠪᠠᠢᠭᠤᠯᠬᠤ ᠢᠨᠵᠧᠨᠧᠷᠢᠩ》 ᠢ᠋ ᠬᠡᠷᠡᠭ᠌ᠵᠢᠭᠦᠯᠵᠦ᠍᠂ ᠡᠷᠦᠭᠡ ᠪᠦᠷᠢ ᠳ᠋ᠤ 240 ᠲᠡᠭ᠌ᠰᠢ ᠳᠥᠷᠪᠡᠯᠵᠢᠨ ᠮᠧᠲ᠋ᠷ ᠤ᠋ᠨ ᠬᠠᠱᠢᠶᠠ ᠰᠠᠷᠠᠪᠴᠢ ᠵᠢ ᠦᠨᠡ ᠲᠥᠯᠥᠪᠦᠷᠢ ᠥᠬᠡᠶ ᠪᠠᠢᠭᠤᠯᠤᠨ ᠦᠭᠴᠦ᠂ ᠮᠠᠯᠵᠢᠬᠤ ᠡᠷᠦᠬᠡ ᠡᠴᠨ ᠺᠤᠮᠫᠠᠨᠢ ᠳ᠋ᠤ ᠵᠢᠯ ᠪᠦᠷᠢ 120 ᠬᠤᠷᠠᠭᠠ ᠬᠤᠳᠠᠯᠳᠤᠬᠤ ᠭᠤᠷᠪᠠᠨ ᠵᠢᠯ ᠤ᠋ᠨ ᠬᠠᠮᠲᠤᠷᠠᠯᠴᠠᠭᠠᠨ ᠤ᠋ ᠬᠡᠯᠡᠯᠴᠡᠭᠡᠷ ᠲᠣᠭ᠍ᠲᠠᠪᠠ᠃ 《ᠪᠢᠳᠡ ᠣᠳᠣᠬᠠᠨ ᠪᠤᠯᠳᠠᠯᠠ ᠨᠢᠭᠡᠨᠲᠡ 51 ᠮᠠᠯᠵᠢᠬᠤ ᠡᠷᠦᠬᠡ ᠳ᠋ᠤ ᠦᠨᠠ ᠲᠦᠯᠦᠪᠤᠷᠢ ᠦᠬᠡᠢ ᠬᠠᠱᠢᠶᠠ ᠰᠠᠷᠠᠪᠴᠢ ᠪᠠᠢᠭᠤᠯᠵᠤ ᠥᠭ᠌ᠪᠡ᠃ ᠠᠵᠤ ᠠᠬᠤᠢᠯᠠᠯ ᠡᠴᠨ ᠮᠠᠯᠴᠢᠳ ᠤ᠋ᠨ ᠬᠤᠨᠢ ᠮᠠᠯ ᠢ᠋ ᠵᠠᠬᠠ ᠵᠢᠨ ᠠᠷᠠᠯᠵᠢᠶᠠᠴᠢᠨ ᠡᠴᠡ ᠥᠨᠳᠥᠷ ᠦᠨᠠ ᠪᠡᠷ ᠬᠤᠳᠠᠯᠳᠤᠨ ᠠᠪᠴᠤ᠂ ᠮᠠᠯᠴᠢᠨ ᠲᠦᠮᠡᠨ ᠳ᠋ᠤ ᠬᠠᠮᠤᠭ ᠤ᠋ᠨ ᠶᠡᠬᠡ ᠠᠱᠢᠭ ᠲᠤᠰᠠ ᠬᠦᠷᠳᠡᠭᠡᠭᠦ ᠪᠡᠷ ᠴᠢᠷᠮᠠᠢᠵᠤ ᠪᠠᠢᠨᠠ》 ᠭᠡᠵᠦ ᠡᡁᠸᠩ ᠺᠸ ᠺᠤᠮᠫᠠᠨᠢ ᠵᠢᠨ ᠬᠠᠷᠢᠭᠤᠴᠠᠯᠭᠠᠳᠠᠨ ᠯᠢ ᠶᠦᠡᠭ ᠴᠢᠡᠭ ᠶᠠᠷᠢᠨᠠ᠃
ᠲᠤᠰ ᠺᠣᠮᠫᠠᠨᠢ ᠵᠢᠨ ᠦᠢᠯᠡᠳᠪᠦᠷᠢᠯᠡᠯ ᠤ᠋ᠨ ᠲᠠᠰᠤᠬ ᠲᠸ᠋ ᠠᠵᠢᠯᠴᠢᠳ ᠮᠠᠯ ᠤ᠋ᠨ ᠮᠢᠬᠠ ᠵᠢ ᠦᠶᠠ ᠦᠶᠠ ᠪᠡᠷ ᠨᠢ ᠲᠤᠶᠠᠴᠢᠨ ᠰᠠᠯᠭᠠᠵᠤ ᠬᠡᠰᠡᠭᠯᠡᠨ ᠪᠤᠭᠤᠳᠠᠯᠯᠠᠵᠤ ᠶᠠᠭᠠᠷᠠᠯᠳᠤᠨᠠ᠃ 《ᠲᠤᠰ ᠺᠤᠮᠫᠠᠨᠢ ᠳ᠋ᠤ ᠦᠭᠡᠷ ᠬᠤᠨᠢ ᠵᠢ ᠨᠢᠳᠦᠯᠬᠤ ᠡᠴᠡ ᠠᠪᠤᠭᠠᠳ ᠮᠢᠬᠠᠨ ᠤ᠋ ᠬᠦᠴᠢᠯ ᠢ᠋ ᠢᠯᠭᠠᠷᠠᠭᠤᠯᠬᠤ᠂ ᠬᠡᠰᠡᠭᠯᠡᠨ ᠪᠤᠭᠤᠳᠠᠯᠯᠠᠬᠤ᠂ ᠬᠦᠯᠳᠡᠭᠡᠨ ᠬᠠᠳᠠᠭᠠᠯᠠᠬᠤ ᠪᠦᠷᠢᠨ ᠬᠡᠯᠬᠢᠶᠠ ᠲᠠᠢ ᠪᠠᠢᠵᠤ᠂ ᠨᠠᠷᠢᠯᠢᠭ ᠪᠤᠯᠪᠠᠰᠤᠷᠠᠭᠤᠯᠤᠭᠰᠠᠨ 156 ᠵᠤᠢᠯ ᠤ᠋ᠨ ᠤᠯᠠᠭᠠᠨ ᠢᠳᠡᠬᠡᠨ ᠢ᠋ ᠪᠦᠬᠦ᠌ ᠤᠯᠤᠰ ᠤ᠋ᠨ ᠡᠯᠡ ᠭᠠᠵᠠᠷ ᠲᠦ᠍ ᠪᠣᠷᠣᠯᠠᠭᠤᠯᠵᠤ ᠪᠠᠢᠨᠠ》 ᠭᠡᠵᠦ ᠦᠢᠯᠡᠳᠪᠤᠷᠢ ᠵᠢᠨ ᠲᠠᠰᠤᠭ ᠤ᠋ᠨ ᠠᠵᠢᠯᠴᠢᠨ ᠭᠤᠸᠠ ᠬᠡᠯᠡᠨᠠ᠃
ᠬᠠᠷᠭᠠᠨᠠ ᠲᠠᠷᠢᠬᠤ ᠡᠴᠡ ᠠᠪᠤᠭᠠᠳ ᠨᠤᠳᠤᠭ ᠪᠡᠯᠴᠢᠬᠡᠷ ᠤ᠋ᠨ ᠠᠮᠢ ᠠᠬᠤᠢ ᠵᠢ ᠰᠠᠢᠵᠢᠷᠠᠭᠤᠯᠬᠤ ᠬᠦᠷᠳᠡᠯᠠ᠂ ᠰᠦᠯ ᠰᠠᠢᠳᠠᠢ ᠲᠠᠵᠢᠬᠡᠯ ᠪᠤᠷᠳᠤᠭᠠ ᠪᠤᠯᠪᠠᠰᠤᠷᠠᠭᠤᠯᠬᠤ ᠡᠴᠡ ᠠᠪᠤᠭᠠᠳ ᠮᠠᠯ ᠰᠦᠷᠦᠭ ᠵᠢᠡᠨ ᠬᠠᠰᠢᠶᠠᠯᠠᠨ ᠲᠠᠵᠢᠬᠡᠬᠥ ᠬᠠᠭᠠᠰ ᠬᠠᠰᠢᠶᠠᠯᠠᠨ ᠲᠡᠵᠢᠬᠡᠬᠦ ᠬᠦᠷᠳᠡᠯᠠ᠂ ᠲᠠᠷᠭᠤ ᠰᠠᠢᠳᠠᠢ ᠮᠠᠯ ᠵᠢᠡᠨ ᠲᠤᠬᠢᠳᠠᠢ ᠦᠨᠠ ᠪᠡᠷ ᠬᠤᠳᠠᠯᠳᠤᠬᠤ ᠡᠴᠡ ᠠᠪᠤᠭᠠᠳ ᠮᠠᠯ ᠤ᠋ᠨ ᠠᠰᠢᠭ ᠰᠢᠮᠠ ᠵᠢ ᠨᠠᠷᠢᠯᠢᠭ ᠪᠤᠯᠪᠠᠰᠤᠷᠠᠭᠤᠯᠵᠤ ᠪᠦᠬᠦ ᠤᠯᠤᠰ ᠤ᠋ᠨ ᠵᠠᠬᠠ ᠲᠠᠯᠬᠡᠬᠦᠷ ᠲᠦ᠍ ᠭᠠᠷᠭᠠᠬᠤ ᠬᠦᠷᠳᠡᠯᠠ᠂ ᠨᠠᠩᠰᠤ ᠪᠠᠯᠭᠠᠰᠤ 《ᠰᠢᠷᠬᠡᠭ ᠡᠪᠡᠰᠤ ᠡᠴᠡ ᠰᠢᠮᠠ ᠰᠠᠢᠳᠠᠢ ᠤᠯᠠᠭᠠᠨ ᠢᠳᠡᠬᠡᠨ》 ᠬᠦᠷᠳᠡᠯᠡᠬᠢ ᠠᠵᠤ ᠦᠢᠯᠡᠰ ᠤ᠋ᠨ ᠪᠦᠬᠦ ᠬᠡᠯᠬᠢᠶᠠ ᠵᠢ ᠪᠦᠷᠢᠯᠳᠦᠬᠦᠯᠵᠤ᠂ ᠮᠠᠯᠴᠢᠨ ᠲᠦᠮᠡᠨ ᠤ᠋ ᠤᠷᠤᠯᠭᠠ ᠵᠢ ᠨᠡᠮᠡᠭᠳᠡᠬᠦᠯᠬᠦ ᠵᠢᠨ ᠤᠯᠠᠮ ᠵᠢᠡᠷ ᠪᠡᠯᠴᠢᠭᠡᠷ ᠤ᠋ᠨ ᠮᠠᠯ ᠠᠵᠤ ᠠᠬᠤᠢ ᠵᠢᠨ ᠬᠡᠯᠪᠡᠷᠢ ᠵᠢ ᠬᠤᠪᠢᠷᠠᠭᠤᠯᠵᠤ ᠲᠡᠰ ᠲᠡᠪᠰᠢᠬᠦᠯᠬᠦ ᠵᠠᠮ ᠵᠢᠡᠷ ᠭᠠᠨᠵᠤᠭᠠ ᠲᠦᠬᠦᠷᠡᠩ ᠲᠡᠮᠡᠤᠯᠤᠨᠠ᠃
ᠵᠠᠡᠬᠬᠢᠯᠠᠭᠠ ᠵᠢᠨ ᠦᠭᠡ ᠄ ᠶᠠᠰᠤ ᠴᠢᠨᠠᠷ
ᠤᠷᠠᠳ ᠤ᠋ᠨ ᠲᠠᠯᠠ ᠳ᠋ᠤ ᠨᠠᠮᠤᠷ ᠤ᠋ᠨ ᠰᠡᠷᠢᠬᠦᠨ ᠪᠤᠷᠤᠭᠠᠨ ᠰᠢᠪᠡᠷᠡᠵᠤ᠂ ᠪᠢᠳᠡ ᠠᠭᠤᠯᠠ ᠲᠠᠭᠠᠬᠰᠠᠨ ᠵᠠᠮ ᠵᠢᠡᠷ ᠬᠠᠨ ᠠᠭᠤᠯᠠ ᠲᠤᠰᠬᠠᠢ ᠬᠤᠷᠰᠢᠶᠠ ᠵᠢ ᠵᠤᠷᠢᠨ ᠠᠶᠠᠨ ᠵᠢᠡᠨ ᠡᠪᠬᠡᠬᠦ ᠳ᠋ᠤ ᠰᠦᠨ ᠴᠠᠭᠠᠨ ᠢᠮᠠᠭᠠᠨ ᠰᠦᠷᠦᠭ ᠠᠭᠤᠯᠠᠨ ᠬᠦᠳᠦᠯ ᠳᠠᠭᠠᠨ ᠲᠠᠪᠠᠳᠠᠢ ᠢᠳᠡᠰᠢᠯᠡᠬᠦ ᠬᠠᠷᠠᠭᠳᠠᠨᠠ᠃ ᠬᠤᠶᠠᠷ ᠪᠤᠬᠳᠠ ᠵᠢᠨ ᠨᠤᠤᠯᠤᠭᠤᠷ ᠤ᠋ᠨ ᠴᠠᠭᠠᠨ ᠢᠮᠠᠭᠠ ᠨᠢ ᠤᠷᠠᠳ ᠨᠤᠳᠤᠭ ᠤ᠋ᠨ ᠪᠡᠯᠭᠡ ᠲᠡᠮᠳᠡᠭ ᠪᠤᠯᠬᠤ ᠪᠡᠷ ᠪᠠᠷᠠᠬᠤ ᠦᠭᠡᠢ ᠡᠨᠳᠡᠬᠢ ᠵᠢᠨ ᠮᠠᠯᠴᠢᠳ ᠤ᠋ᠨ ᠤᠷᠤᠯᠭᠠ ᠪᠠᠨ ᠨᠡᠮᠡᠭᠳᠡᠬᠦᠯᠬᠦ ᠤᠷᠬᠤᠳᠠᠢ ᠪᠤᠯᠬᠤ ᠶᠤᠮ᠃
ᠮᠤᠨᠢ ᠠᠭᠤᠯᠠ ᠵᠢᠨ ᠦᠷᠦᠴᠡᠨ ᠳ᠋ᠤ ᠪᠠᠢᠷᠢᠯᠠᠭᠠ ᠤᠷᠠᠳ ᠤ᠋ᠨ ᠲᠤᠮᠳᠠᠳᠤ ᠬᠤᠰᠢᠭᠤᠨ ᠤ᠋ ᠬᠠᠨ ᠠᠭᠤᠯᠠ ᠲᠡᠵᠢᠭᠡᠪᠤᠷᠢ ᠵᠢᠨ ᠲᠤᠰᠬᠠᠢ ᠬᠤᠷᠰᠢᠶᠠ ᠳ᠋ᠤ ᠬᠦᠷᠬᠦ ᠳ᠋ᠤ ᠦᠨᠳᠦᠷ ᠪᠠᠷᠢᠮᠵᠢᠶᠠᠳᠤ ᠫᠸᠡᠭ ᠰᠠᠷᠠᠪᠴᠢ᠂ ᠡᠪᠡᠰᠤ ᠪᠤᠷᠳᠤᠭᠠ ᠵᠢᠨ ᠬᠦᠮᠦᠷᠭᠡ᠂ ᠢᠮᠠᠭᠠᠨ ᠤ᠋ ᠬᠠᠰᠢᠶᠠ ᠵᠡᠷᠬᠡ ᠨᠢ ᠡᠮᠬᠢ ᠴᠡᠭᠴᠡ ᠳᠠᠢ ᠵᠢᠬᠳᠡᠷᠡᠨ ᠪᠠᠢᠷᠢᠰᠢᠵᠤ᠂ ᠬᠤᠷᠰᠢᠶᠠ ᠵᠢᠨ ᠡᠭᠦᠰᠭᠡᠨ ᠪᠠᠢᠭᠤᠯᠤᠬᠴᠢ ᠵᠢᠨ ᠨᠢᠭᠡ ᠪᠤᠯᠬᠤ ᠤᠡᠭᠭᠤᠨ ᠪᠠᠯᠭᠠᠰᠤ ᠵᠢᠨ ᠭᠤᠷᠪᠠᠨ ᠰᠠᠢᠬᠠᠨ ᠭᠠᠴᠠᠭᠠ ᠵᠢᠨ ᠨᠠᠮ ᠤ᠋ᠨ ᠡᠭᠦᠷ ᠤ᠋ᠨ ᠱᠦᠵᠢ ᠬᠦᠭᠵᠢᠯᠳᠤ ᠭᠤᠸᠠᠢ ᠨᠤᠤᠯᠤᠭᠤᠷ ᠤ᠋ᠨ ᠢᠮᠠᠭᠠᠳ ᠲᠠᠭᠠᠨ ᠲᠡᠵᠢᠭᠡᠯ ᠪᠤᠷᠳᠤᠭᠠ ᠦᠭᠴᠦ ᠪᠠᠢᠯᠠ᠃ 《ᠮᠠᠯ ᠪᠡᠯᠴᠢᠭᠡᠷ ᠢ᠋ ᠲᠡᠩᠴᠡᠭᠦᠷᠢᠰᠢᠬᠦᠯᠵᠦ ᠬᠤᠶᠠᠷ ᠪᠤᠬᠳᠠ ᠵᠢᠨ ᠨᠤᠤᠯᠤᠭᠤᠷ ᠤ᠋ᠨ ᠴᠠᠭᠠᠨ ᠢᠮᠠᠭᠠᠨ ᠤ᠋ ᠡᠬᠦᠯᠳᠡᠷ ᠢ᠋ ᠬᠠᠮᠠᠭᠠᠯᠠᠬᠤ ᠵᠢᠨ ᠲᠤᠰᠠᠳᠠ2022 ᠤᠨ ᠳ᠋ᠤ ᠪᠢᠳᠡ ᠤᠯᠠᠮᠵᠢᠯᠠᠯᠳᠤ ᠮᠠᠯᠵᠢᠯ ᠤ᠋ᠨ ᠠᠷᠭᠠ ᠬᠡᠯᠪᠡᠷᠢ ᠪᠠᠨ ᠬᠤᠪᠢᠷᠠᠭᠤᠯᠵᠤ ᠭᠠᠴᠠᠭᠠᠨ ᠤ᠋ ᠪᠠᠨ 17 ᠮᠠᠯᠵᠢᠬᠤ ᠡᠷᠦᠬᠡ ᠵᠢ ᠵᠤᠬᠢᠶᠠᠨ ᠪᠠᠢᠭᠤᠯᠤᠨ ᠲᠤᠰ ᠬᠤᠷᠰᠢᠶᠠ ᠵᠢ ᠪᠠᠢᠭᠤᠯᠵᠠᠢ᠃ ᠤᠳᠤ ᠮᠠᠨ ᠤ᠋ ᠲᠤᠰᠬᠠᠢ ᠬᠤᠷᠰᠢᠶᠠ ᠵᠢᠨ ᠬᠠᠰᠢᠶᠠ ᠰᠠᠷᠠᠪᠴᠢ ᠵᠢᠨ ᠶᠡᠷᠦᠡᠭᠬᠡᠢ ᠲᠠᠯᠠᠪᠠᠢ ᠲᠦᠮᠡᠨ ᠲᠡᠭᠰᠢ ᠲᠦᠷᠪᠡᠯᠵᠢᠨ ᠮᠸᠲᠷ ᠢ᠋ ᠲᠠᠪᠠᠵᠤ᠂ 3000 ᠢᠮᠠᠭᠠ ᠵᠢ ᠬᠠᠰᠢᠶᠠᠯᠠᠨ ᠲᠡᠵᠢᠭᠡᠬᠦ ᠳ᠋ᠤ ᠠᠰᠠᠭᠤᠳᠠᠯ ᠦᠭᠡᠢ ᠶᠤᠮ》 ᠭᠡᠵᠦ ᠭᠦᠭᠵᠢᠯᠳᠤ ᠬᠤᠷᠰᠢᠶᠠ ᠪᠠᠢᠭᠤᠯᠤᠬᠰᠠᠨ ᠦᠡᠭᠭᠡᠷᠡᠯᠳᠡ ᠪᠠᠨ ᠬᠤᠪᠢᠶᠠᠯᠴᠠᠯᠠ᠃
ᠲᠤᠰᠬᠠᠢ ᠬᠤᠷᠰᠢᠶᠠ ᠵᠢ ᠪᠠᠢᠭᠤᠯᠤᠬᠰᠠᠨ ᠤ᠋ ᠲᠠᠷᠠᠭᠠ ᠲᠡᠳᠡ ᠨᠤᠲᠤᠭ ᠪᠡᠯᠴᠢᠭᠡᠷ ᠵᠢᠡᠨ ᠨᠡᠢᠳᠭᠡᠨ᠂ ᠡᠷᠦᠬᠡ ᠬᠣᠯᠪᠣᠭᠠᠯᠠᠨ ᠡᠵᠡᠩᠨᠡᠬᠦ ᠬᠡᠯᠪᠡᠷᠢ ᠪᠡᠷ ᠢᠮᠠᠭᠠ ᠪᠠᠨ ᠨᠢᠭᠡ ᠲᠤᠤᠷᠠ ᠨᠡᠢᠯᠡᠬᠦᠯᠵᠤ᠂ ᠲᠡᠵᠢᠭᠡᠯ ᠡᠪᠡᠰᠤ ᠪᠣᠷᠳᠣᠭᠠ ᠵᠢ ᠨᠢᠭᠡᠳᠦᠯᠲᠡᠶ ᠬᠤᠳᠠᠯᠳᠤᠨ ᠠᠪᠴᠦ᠂ ᠬᠡᠮ ᠬᠢᠵᠢᠭ ᠢ᠋ ᠨᠢᠭᠡᠳᠦᠯᠲᠡᠶ ᠰᠡᠷᠭᠡᠢᠯᠡᠨ᠂ ᠮᠠᠯ ᠤ᠋ᠨ ᠠᠰᠢᠭ ᠰᠢᠮᠠ ᠪᠠᠨ ᠨᠢᠭᠡᠳᠦᠯᠲᠡᠶ ᠪᠣᠷᠣᠯᠠᠭᠤᠯᠵᠤ᠂ ᠬᠠᠮᠳᠤ ᠪᠡᠷ ᠪᠠᠶᠠᠵᠢᠬᠤ ᠵᠠᠮ ᠵᠢᠡᠷ ᠵᠠᠮᠨᠠᠵᠠᠢ᠃ 《ᠪᠢᠳᠡ ᠲᠡᠷᠢᠬᠦᠨ ᠤ᠋ ᠮᠠᠯᠵᠢᠯ ᠤ᠋ᠨ ᠠᠷᠭᠠ ᠪᠤᠯᠤᠨ ᠬᠡᠬᠡᠯᠳᠦᠬᠦᠯᠬᠦ ᠮᠡᠷᠭᠡᠵᠢᠯ ᠢ᠋ ᠠᠰᠢᠭᠯᠠᠨ 2 ᠵᠢᠯ ᠳ᠋ᠤ 3 ᠤᠳᠠᠭᠠ ᠲᠦᠯ ᠲᠤᠰᠬᠤ ᠵᠢᠨ ᠬᠠᠮᠳᠤ ᠨᠤᠤᠯᠤᠭᠤᠷ ᠰᠠᠢᠳᠠᠢ ᠢᠮᠠᠭᠠ ᠪᠠᠨ ᠠᠰ ᠲᠤᠨᠢ ᠲᠡᠵᠢᠭᠡᠵᠦ᠂ ᠨᠤᠤᠯᠤᠭᠤᠷ ᠤ᠋ᠨ ᠭᠠᠷᠤᠯᠳᠠ ᠪᠠ ᠶᠠᠰᠤ ᠴᠢᠨᠠᠷ ᠢ᠋ ᠪᠠᠳᠤᠯᠠᠭᠰᠠᠨ ᠡᠴᠡ ᠦᠨᠠ ᠬᠠᠩᠰᠢ ᠨᠢ ᠴᠦ᠍ ᠵᠠᠬᠠ ᠲᠠᠯᠬᠡᠬᠦᠷ ᠤ᠋ᠨ ᠦᠨᠠ ᠡᠴᠡ ᠵᠢᠩ ᠳ᠋ᠡᠬᠡᠨ 10 ᠭᠠᠷᠤᠢ ᠲᠦᠬᠦᠷᠢᠭ ᠦᠨᠡᠳᠠᠢ ᠪᠤᠯᠵᠤ ᠪᠠᠢᠨᠠ᠃ ᠪᠢᠳᠡ ᠠᠵᠤ ᠠᠬᠤᠢᠯᠠᠯ ᠳ᠋ᠤ ᠦᠷᠬᠦᠯᠵᠢᠯᠡᠨ ᠰᠢᠯᠢᠳᠡᠭ ᠰᠠᠢᠨ ᠨᠤᠤᠯᠤᠭᠤᠷ ᠬᠠᠩᠭᠠᠵᠤ᠂ ᠬᠤᠶᠠᠷ ᠪᠤᠬᠳᠠ ᠵᠢᠨ ᠨᠤᠤᠯᠤᠭᠤᠷ ᠤ᠋ᠨ ᠴᠠᠭᠠᠨ ᠢᠮᠠᠭᠠᠨ ᠤ᠋ ᠲᠦᠷᠦᠯ ᠲᠡᠮᠳᠡᠭ ᠢ᠋ ᠤᠯᠠᠮ ᠠᠯᠳᠠᠷᠰᠢᠭᠤᠯᠬᠤ ᠪᠡᠷ ᠴᠢᠷᠮᠠᠢᠨᠠ》 ᠭᠡᠵᠦ ᠭᠦᠭᠵᠢᠯᠳᠤ ᠪᠤᠳᠤᠯ ᠵᠤᠷᠢᠯᠳᠠ ᠪᠠᠨ ᠲᠡᠯᠭᠡᠨᠠ᠃
ᠬᠤᠶᠠᠷ ᠪᠤᠬᠳᠠ ᠵᠢᠨ ᠨᠤᠤᠯᠤᠭᠤᠷ ᠤ᠋ᠨ ᠴᠠᠭᠠᠨ ᠢᠮᠠᠭᠠ 3 ᠵᠢᠯ ᠲᠠᠷᠠᠭᠠᠯᠠᠨ ᠢᠲ᠋ᠠᠯᠢ ᠵᠢᠨ ᠴᠠᠢᠺᠸᠨ᠋ᠠ ᠤᠯᠠᠨ ᠤᠯᠤᠰ ᠤ᠋ᠨ ᠨᠤᠤᠯᠤᠭᠤᠷ ᠤ᠋ᠨ ᠢᠮᠠᠭᠠᠨ ᠤ᠋ ᠶᠡᠬᠡ ᠬᠤᠷᠠᠯ ᠤ᠋ᠨ ᠠᠯᠳᠠᠨ ᠱᠠᠩᠨᠠᠯ ᠢ᠋ ᠬᠦᠷᠳᠡᠵᠤ᠂ ᠨᠤᠤᠯᠤᠭᠤᠷ ᠨᠢ ᠨᠠᠷᠢᠨ ᠤᠷᠳᠤ ᠰᠢᠷᠬᠡᠭᠯᠢᠭ ᠲᠠᠢ᠂ ᠬᠦᠯᠢᠬᠡᠷ ᠴᠠᠭᠠᠨ ᠮᠦᠷᠳᠡᠬᠡᠨ ᠵᠦᠬᠡᠯᠡᠨ ᠲᠤᠷᠭᠠᠮᠰᠤᠭ ᠵᠢᠡᠷ ᠵᠢᠡᠨ ᠨᠠᠷᠠ ᠠᠯᠳᠠᠷᠰᠢᠵᠠᠢ᠃ ᠪᠢᠳᠡ ᠬᠠᠨ ᠠᠭᠤᠯᠠ ᠲᠡᠵᠢᠭᠡᠪᠤᠷᠢ ᠵᠢᠨ ᠲᠤᠰᠬᠠᠢ ᠬᠤᠷᠰᠢᠶᠠ ᠡᠴᠡ ᠰᠠᠯᠤᠭᠠᠳ ᠡᠨᠡ ᠬᠦ᠌ 《ᠠᠯᠳᠠᠨ ᠱᠠᠩᠨᠠᠯ ᠤ᠋ᠨ ᠡᠵᠡᠨ》 ᠤ᠋ ᠠᠰᠢᠭ ᠰᠢᠮᠠ ᠶᠠᠭᠠᠬᠢᠵᠤ ᠲᠠᠯᠠᠬᠡᠢ ᠵᠢᠨ ᠵᠠᠬᠠ ᠲᠠᠯᠬᠡᠬᠦᠷ ᠲᠦ᠍ ᠴᠡᠷᠢᠭᠯᠡᠵᠤ ᠪᠠᠢᠬᠤ ᠵᠢ ᠬᠠᠢᠨ ᠲᠤᠳᠤᠯᠠᠬᠤ ᠪᠡᠷ ᠤᠷᠠᠳ ᠤ᠋ᠨ ᠲᠤᠮᠳᠠᠳᠤ ᠬᠤᠰᠢᠭᠤᠨ ᠤ᠋ ᠪᠸᠢ ᠫᠢᠩ ᠨᠡᠬᠡᠮᠡᠯ ᠤ᠋ᠨ ᠬᠢᠵᠠᠭᠠᠷᠲᠤ ᠺᠣᠮᠫᠠᠨᠢ ᠳ᠋ᠤ ᠬᠦᠷᠴᠠᠢ᠃ ᠦᠢᠯᠡᠳᠪᠤᠷᠢ ᠵᠢᠨ ᠲᠠᠰᠤᠭ ᠲᠸ᠋ᠨᠢ ᠤᠷᠤᠬᠤ ᠳ᠋ᠤ ᠮᠠᠰᠢᠨ ᠮᠸᠬᠠᠨᠢᠭ ᠬᠦᠡᠭᠭᠢᠨᠡᠵᠦ᠂ ᠨᠠᠷᠢᠯᠢᠭ ᠤᠬᠢᠶᠠᠬᠰᠠᠨ ᠨᠤᠤᠯᠤᠭᠤᠷ ᠨᠢ ᠰᠢᠯᠢᠨ ᠰᠢᠭᠰᠢᠬᠦ᠂ ᠲᠢᠭᠯᠡᠨ ᠰᠠᠮᠨᠠᠬᠤ ᠵᠡᠷᠭᠡ 10 ᠭᠠᠷᠤᠢ ᠠᠯᠬᠤᠮ ᠤ᠋ᠨ ᠤᠶᠤᠨᠴᠢ ᠦᠢᠯᠡᠳᠪᠤᠷᠢᠯᠡᠯ ᠵᠢᠡᠷ ᠲᠠᠮᠵᠢᠭᠠᠳ ᠨᠠᠷᠢᠨ ᠵᠦᠬᠡᠯᠡᠨ ᠤᠳᠠᠰᠤ ᠪᠤᠯᠵᠤ ᠮᠠᠰᠢᠨ ᠤ᠋ ᠠᠮᠠ ᠪᠡᠷ ᠰᠤᠪᠤᠷᠠᠨ ᠭᠠᠷᠴᠤ ᠢᠷᠡᠭᠰᠡᠨ ᠵᠢᠡᠨ ᠡᠯᠠ ᠵᠤᠢᠯ ᠤ᠋ᠨ ᠦᠢᠯᠡᠳᠬᠦᠨ ᠪᠤᠯᠵᠤ 《ᠬᠤᠪᠢᠯᠬᠤ》 ᠭᠤᠬᠴᠤᠭᠠᠨ ᠳ᠋ᠤ ᠤᠷᠤᠪᠠ᠃
《ᠮᠠᠨ ᠤ᠋ ᠦᠢᠯᠡᠳᠪᠤᠷᠢ ᠤᠳᠤᠬᠠᠨ ᠳ᠋ᠤ 8 ᠵᠤᠷᠪᠤᠰ ᠣᠶᠤᠨᠳᠤ ᠦᠶ᠋ᠯᠡᠳᠪᠦᠷᠢᠯᠡᠯ ᠤ᠋ᠨ ᠱᠤᠭᠤᠮ ᠪᠠ 4 ᠪᠠᠷᠢᠮᠵᠢᠶᠠᠵᠢᠭ᠍ᠰᠠᠨ ᠦᠶ᠋ᠯᠡᠳᠪᠦᠷᠢ ᠵᠢᠨ ᠲᠠᠰᠤᠭ ᠲᠠᠢ ᠶᠤᠮ᠃ ᠬᠤᠶᠠᠷ ᠪᠤᠬᠳᠠ ᠵᠢᠨ ᠨᠤᠤᠯᠤᠭᠤᠷ ᠤ᠋ᠨ ᠴᠠᠭᠠᠨ ᠢᠮᠠᠭᠠᠨ ᠤ᠋ ᠨᠤᠤᠯᠤᠭᠤᠷ ᠤ᠋ᠨ ᠴᠢᠨᠠᠷ ᠲᠠᠯᠡᠬᠡᠢ ᠳ᠋ᠠᠬᠢᠨ ᠳ᠋ᠤ ᠦᠵᠦᠬᠦᠷᠯᠡᠵᠤ᠂ ᠪᠢᠳᠡᠨ ᠤ᠋ ᠦᠢᠯᠡᠳᠬᠦᠨ ᠪᠦᠬᠦ ᠤᠯᠤᠰ ᠤ᠋ᠨ ᠡᠯᠠ ᠭᠠᠵᠠᠷ ᠴᠢᠨᠠᠬᠰᠢᠯᠠᠭᠠᠳ ᠶᠠᠫᠤᠨ᠂ ᠺᠠᠨᠠᠳᠠ ᠵᠡᠷᠬᠡ ᠤᠯᠤᠰ ᠵᠢᠡᠷ ᠪᠤᠷᠤᠯᠠᠭᠤᠯᠭᠠ ᠰᠠᠢᠳᠠᠢ ᠪᠠᠢᠨᠠ》 ᠭᠡᠵᠦ ᠪᠸᠢ ᠫᠢᠩ ᠺᠣᠮᠫᠠᠨᠢ ᠵᠢᠨ ᠮᠡᠷᠭᠡᠵᠢᠯ ᠤ᠋ᠨ ᠵᠦᠪᠯᠡᠭᠴᠢ ᠸᠠᠡᠭ ᠬᠦᠢ ᠶᠢᠨ ᠲᠠᠨᠢᠯᠴᠠᠭᠤᠯᠤᠨᠠ᠃ ᠲᠤᠰ ᠺᠤᠮᠫᠠᠨᠢ ᠦᠢᠯᠡᠳᠬᠦᠨ ᠤ᠋ ᠶᠠᠰᠤ ᠴᠢᠨᠠᠷ ᠢ᠋ ᠪᠠᠳᠤᠯᠠᠬᠤ ᠵᠢᠨ ᠲᠦᠯᠦᠬᠡ 《ᠰᠠᠢᠨ ᠨᠣᠤᠯᠤᠭᠤᠷ + ᠬᠦᠬᠢᠬᠦᠯᠦᠨ ᠱᠠᠩᠨᠠᠬᠤ》 ᠬᠡᠯᠪᠡᠷᠢ ᠪᠡᠷ ᠰᠠᠢᠨ ᠨᠣᠤᠯᠤᠭᠤᠷ ᠤ᠋ᠨ ᠪᠠᠷᠢᠮᠵᠢᠶᠠᠵᠢᠭᠰᠠᠨ ᠦᠢᠯᠡᠳᠪᠦᠷᠢᠯᠡᠯ ᠤ᠋ᠨ 150 ᠵᠢᠱ᠌ᠢᠶᠡ ᠦᠵᠡᠭᠦᠯᠬᠦ᠌ ᠡᠷᠦᠬᠡ ᠵᠢ ᠲᠠᠢᠴᠢᠯᠠᠨ ᠬᠥᠭ᠌ᠵᠢᠭᠦᠯᠵᠦ᠍᠂ ᠨᠢᠬᠡᠨᠳᠡ 3 ᠲᠦᠮᠡᠨ ᠰᠠᠢᠨ ᠡᠬᠦᠯᠳᠡᠷ ᠤ᠋ᠨ ᠨᠣᠤᠯᠤᠭᠤᠷ ᠤ᠋ᠨ ᠢᠮᠠᠭᠠ ᠮᠠᠯᠵᠢᠬᠤ ᠬᠡᠪᠴᠢᠶᠡᠵᠢᠯ ᠢ᠋ ᠪᠣᠶ ᠪᠣᠯᠭᠠᠪᠠ᠃
ᠤᠷᠠᠳ ᠤ᠋ᠨ ᠳᠤᠮᠳᠠᠳᠤ ᠬᠣᠱᠢᠭᠤᠨ ᠤ᠋ ᠬᠤᠯᠤᠰᠤᠲᠠᠶ ᠰᠤᠮᠤ ᠵᠢᠨ ᠬᠤᠯᠤᠰᠤᠲᠠᠶ ᠭᠠᠴᠠᠭᠠᠨ ᠤ᠋ ᠮᠠᠯᠴᠢᠨ ᠲᠣᠭ᠍ᠲᠠᠬᠤ ᠵᠢᠨ ᠬᠢᠨ ᠪᠤᠯ ᠲᠤᠰ ᠺᠤᠮᠫᠠᠨᠢ ᠵᠢᠨ ᠰᠠᠢᠨ ᠨᠣᠤᠯᠤᠭᠤᠷ ᠤ᠋ᠨ ᠪᠠᠷᠢᠮᠵᠢᠶᠠᠵᠢᠭᠰᠠᠨ ᠦᠢᠯᠡᠳᠪᠦᠷᠢᠯᠡᠯ ᠤ᠋ᠨ ᠵᠢᠱ᠌ᠢᠶᠡ ᠦᠵᠡᠭᠦᠯᠬᠦ᠌ ᠡᠷᠦᠬᠡ ᠵᠢᠨ ᠨᠢᠭᠡ ᠪᠤᠯᠤᠨᠠ᠃ ᠲᠡᠳᠡᠨ ᠤ᠋ ᠢᠮᠠᠭᠠᠨ ᠨᠣᠤᠯᠤᠭᠤᠷ ᠤ᠋ᠨ ᠨᠠᠷᠢᠴᠠ ᠵᠢᠨ ᠬᠡᠮᠵᠢᠶᠠ ᠨᠢ ᠪᠦᠷ 15 ᠮᠢᠺᠷᠤᠮᠸᠲᠷ ᠤᠷᠴᠢᠮ ᠤ᠋ᠨ ᠥᠨᠳᠥᠷ ᠪᠠᠷᠢᠮᠵᠢᠶᠠ ᠳ᠋ᠤ ᠬᠦᠷᠴᠤ᠂ ᠺᠤᠮᠫᠠᠨᠢ ᠡᠴᠡ ᠵᠠᠬᠠ ᠲᠠᠯᠬᠡᠬᠦᠷ ᠤ᠋ᠨ ᠦᠨᠠ ᠡᠴᠡ ᠦᠨᠡᠳᠠᠢ ᠪᠡᠷ ᠪᠤᠴᠠᠭᠠᠨ ᠠᠪᠴᠦ ᠪᠠᠢᠬᠤ ᠪᠦᠬᠡᠳ ᠪᠠᠰᠠ ᠰᠠᠢᠨ ᠨᠤᠤᠯᠤᠭᠤᠷ ᠤ᠋ᠨ ᠱᠠᠩᠨᠠᠯ ᠤ᠋ᠨ ᠮᠦᠩᠬᠦ ᠦᠭᠴᠦ ᠪᠠᠢᠨᠠ᠃ 《ᠮᠠᠨ ᠤ᠋ ᠬᠢᠨ ᠬᠤᠶᠠᠷ ᠪᠤᠬᠳᠠ ᠵᠢᠨ ᠨᠤᠤᠯᠤᠭᠤᠷ ᠤ᠋ᠨ ᠴᠠᠭᠠᠨ ᠢᠮᠠᠭᠠ ᠮᠠᠯᠵᠢᠵᠤ᠂ ᠡᠨᠡ ᠵᠢᠯ 200 ᠭᠠᠷᠤᠶ ᠢᠰᠢᠭᠡ ᠲᠤᠰᠴᠦ ᠪᠤᠢᠵᠢᠭᠤᠯᠪᠠ᠃ ᠭᠠᠬᠴᠠ ᠢᠮᠠᠭᠠᠨ ᠨᠤᠤᠯᠤᠭᠤᠷ ᠤ᠋ᠨ ᠣᠷᠣᠯᠭᠠ ᠵᠢᠯ ᠳ᠋ᠤ 4 ᠲᠦᠮᠡᠨ ᠲᠥᠭᠥᠷᠢᠭ ᠲᠦ᠍ ᠬᠦᠷᠴᠦ ᠪᠠᠢᠨᠠ》 ᠭᠡᠵᠦ ᠲᠣᠭ᠍ᠲᠠᠬᠤ ᠪᠠᠶᠠᠷᠳᠠᠢ ᠬᠡᠯᠡᠨᠠ᠃
ᠤᠷᠠᠳ ᠤ᠋ᠨ ᠳᠤᠮᠳᠠᠳᠤ ᠬᠣᠱᠢᠭᠤ ᠪᠡᠯᠴᠢᠭᠡᠷ ᠤ᠋ᠨ ᠳᠠᠭᠠᠭᠠᠴᠠ ᠳ᠋ᠤ ᠵᠤᠬᠢᠴᠠᠭᠤᠯᠤᠨ ᠮᠠᠯᠵᠢᠯ ᠤ᠋ᠨ ᠠᠷᠭᠠ ᠬᠡᠯᠪᠡᠷᠢ ᠪᠠᠨ ᠬᠤᠪᠢᠷᠠᠭᠤᠯᠬᠤ ᠵᠢᠨ ᠬᠠᠮᠳᠤ ᠬᠤᠶᠠᠷ ᠪᠤᠬᠳᠠ ᠵᠢᠨ ᠨᠤᠤᠯᠤᠭᠤᠷ ᠤ᠋ᠨ ᠴᠠᠭᠠᠨ ᠢᠮᠠᠭᠠᠨ ᠤ᠋ ᠡᠭᠦᠯᠳᠡᠷ ᠢ᠋ ᠬᠠᠮᠠᠭᠠᠯᠠᠨ ᠰᠠᠢᠵᠢᠷᠠᠭᠤᠯᠵᠤ᠂ ᠤᠷᠤᠨ ᠨᠤᠳᠤᠭ ᠤ᠋ᠨ ᠵᠢᠡᠨ ᠲᠠᠪᠠᠭᠤᠯᠢᠭᠳᠤ ᠠᠵᠤ ᠦᠢᠯᠡᠰ ᠤ᠋ᠨ ᠲᠠᠭᠠᠭᠠᠮᠠᠭᠠᠢ ᠬᠦᠭᠵᠢᠯᠳᠡ ᠵᠢ ᠪᠠᠳᠤᠯᠠᠵᠤ ᠪᠠᠢᠨᠠ᠃ ᠲᠡᠷᠡ ᠮᠦᠷᠳᠡᠬᠡᠨ ᠢᠮᠠᠭᠠᠨ ᠨᠤᠤᠯᠤᠭᠤᠷ ᠡᠴᠡ ᠢᠮᠠᠭᠠᠨ ᠨᠤᠤᠯᠤᠭᠤᠷ ᠤ᠋ᠨ ᠦᠢᠯᠡᠳᠬᠦᠨ ᠬᠦᠷᠳᠡᠯᠡᠬᠢ ᠪᠦᠬᠦ ᠶᠠᠪᠤᠴᠠ ᠵᠢᠨ ᠶᠠᠰᠤ ᠴᠢᠨᠠᠷ ᠢ᠋ ᠲᠠᠬᠡᠳᠤᠯᠡᠵᠤ᠂ 《ᠰᠠᠢᠨ ᠨᠤᠤᠯᠤᠭᠤᠷ ᠢ᠋ ᠰᠠᠢᠨ ᠦᠨᠠ ᠳ᠋ᠤ ᠬᠦᠷᠬᠡᠭᠰᠡᠨ》 ᠡᠴᠡ ᠮᠠᠯᠴᠢᠨ ᠲᠦᠮᠡᠨ ᠨᠣᠤᠯᠣᠭᠣᠷ ᠤ᠋ᠨ ᠢᠮᠠᠭᠠᠨ ᠤ᠋ ᠠᠵᠤ ᠦᠶ᠋ᠯᠡᠰ ᠤ᠋ᠨ ᠬᠥᠭ᠌ᠵᠢᠯᠲᠡ ᠡᠴᠨ ᠪᠠᠶᠠᠵᠢᠯ ᠤ᠋ᠨ ᠲᠦᠯᠬᠢᠭᠦᠷ ᠢ᠋ ᠠᠳᠬᠤᠯᠠ᠃
ᠵᠠᠡᠭᠬᠢᠯᠠᠭᠠ ᠵᠢᠨ ᠦᠭᠡ᠄ ᠲᠦᠷᠦᠯ ᠲᠡᠮᠳᠡᠭ
ᠰᠠᠯᠬᠢᠨ ᠤ᠋ ᠠᠶᠠ ᠪᠡᠷ ᠡᠪᠡᠰᠦᠨ ᠤ᠋ ᠲᠤᠯᠤᠭᠠᠢ ᠰᠢᠵᠢᠷᠳᠤᠨ ᠲᠤᠬᠢᠯᠵᠠᠵᠤ᠂ ᠲᠠᠷᠭᠤ ᠰᠠᠢᠳᠠᠢ ᠬᠤᠨᠢᠨ ᠰᠦᠷᠦᠭ ᠲᠠᠪᠠᠳᠠᠢᠬᠠᠨ ᠪᠡᠯᠴᠢᠨᠠ᠃ ᠨᠠᠷᠠ ᠵᠢᠷᠭᠠᠬᠤ ᠠᠯᠳᠠ ᠪᠡᠷ ᠲᠠᠷᠬᠠᠨ ᠮᠤᠤᠮᠢᠡᠭᠭᠠᠨ ᠬᠤᠯᠪᠤᠭᠠᠳᠤ ᠬᠤᠰᠢᠭᠤᠨ ᠤ᠋ ᠲᠠᠷᠬᠠᠨ ᠰᠤᠮᠤ ᠵᠢᠨ ᠠᠯᠳᠠᠨᠳᠤᠭ ᠭᠠᠴᠠᠭᠠ ᠵᠢᠨ ᠮᠠᠯᠴᠢᠨ ᠬᠦᠬᠡ ᠡᠯᠸᠺᠲᠷᠤᠨ ᠲᠤᠷᠠᠨᠳᠠᠭᠤᠷ ᠵᠢᠡᠷ ᠠᠯᠵᠠᠭᠤᠳᠠᠢᠬᠠᠨ ᠨᠠᠭᠠᠰᠢᠯᠠᠬᠤ ᠬᠤᠨᠢᠨ ᠰᠦᠷᠦᠭ ᠵᠢᠡᠨ ᠠᠵᠢᠭᠯᠠᠵᠤ ᠰᠠᠭᠤᠨᠠ᠃ ᠪᠠᠬᠠᠨ ᠤᠳᠠᠭᠰᠠᠨ ᠵᠢᠡᠨ ᠲᠤᠮᠤ ᠳᠡᠯᠭᠡᠴᠡ ᠳᠡᠭᠡᠷᠡ 200 ᠭᠠᠷᠤᠢ ᠬᠤᠨᠢ ᠨᠢ ᠤᠰᠤᠨ ᠤᠡᠭᠭᠤᠴᠠ ᠵᠢ ᠴᠢᠭᠯᠡᠨ ᠴᠤᠪᠤᠬᠤ ᠳ᠋ᠤ ᠲᠡᠷᠡ ᠲᠠᠷᠤᠪᠴᠢ ᠪᠠᠨ ᠬᠥᠩᠭᠡᠬᠡᠨ ᠲᠠᠷᠤᠬᠤ ᠲᠠᠢ ᠵᠡᠷᠭᠡ ᠲᠣᠭ᠍ᠲᠠᠮᠠᠯ ᠳᠤᠯᠠᠭᠠᠨ ᠲᠠᠢ ᠲᠤᠡᠭᠭᠠᠯᠠᠭ ᠤᠰᠤ ᠤᠷᠤᠰᠤᠨ ᠭᠠᠷᠴᠤ ᠢᠷᠡᠪᠡ᠃
《ᠪᠢ ᠴᠢᠨᠢ ᠣᠳᠣ ᠣᠶᠤᠨᠴᠢ ᠮᠠᠯᠴᠢᠨ ᠰᠢᠤ！》 ᠭᠡᠵᠦ ᠬᠦᠬᠡ ᠪᠠᠶᠠᠷᠳᠠᠢ ᠬᠡᠯᠡᠨᠠ᠃ ᠡᠳᠡᠨ ᠤ᠋ ᠬᠢᠨ ᠠᠤᠢ᠍ᠲ᠋ᠣ᠋ ᠤᠰᠤᠯᠠᠬᠤ ᠤᠡᠭᠭᠤᠴᠠ᠂ ᠠᠤᠢ᠍ᠲ᠋ᠣ᠋ ᠡᠪᠡᠰᠤ ᠪᠤᠷᠳᠤᠭᠠ ᠦᠭᠭᠦ ᠮᠠᠰᠢᠨ᠂ ᠬᠢᠨᠠᠨ ᠡᠵᠡᠮᠳᠡᠬᠦ ᠲᠦᠬᠦᠬᠡᠷᠦᠮᠵᠢ ᠵᠡᠷᠭᠡ ᠤᠶᠤᠨᠴᠢ ᠮᠠᠯᠵᠢᠯ ᠤ᠋ᠨ ᠲᠦᠭᠦᠭᠡᠷᠦᠮᠵᠢ ᠵᠢ ᠢᠵᠢ ᠪᠦᠷᠢᠳᠦᠬᠦᠯᠵᠦ᠂ ᠤᠯᠠᠮᠵᠢᠯᠠᠯᠳᠤ ᠮᠠᠯᠵᠢᠬᠤ ᠠᠮᠢᠳᠤᠷᠠᠯ ᠳ᠋ᠤᠨᠢ ᠰᠢᠨᠡᠴᠢᠯᠡᠯ ᠬᠤᠪᠢᠷᠠᠯᠳᠠ ᠭᠠᠷᠴᠠᠢ᠃ 《ᠮᠠᠨ ᠤ᠋ ᠬᠢᠨ ᠰᠠᠢᠨ ᠡᠬᠦᠯᠳᠡᠷ ᠤ᠋ᠨ 〈ᠲᠠᠷᠬᠠᠨ ᠮᠤᠤᠮᠢᠡᠭᠭᠠᠨ ᠤ᠋ ᠲᠠᠯᠠ ᠨᠤᠳᠤᠭ ᠤ᠋ᠨ ᠬᠤᠨᠢ〉 ᠵᠢ ᠮᠠᠯᠵᠢᠵᠤ ᠪᠠᠢᠨᠠ᠃ ᠡᠨᠡ ᠡᠭᠦᠯᠳᠡᠷ ᠤ᠋ᠨ ᠬᠤᠨᠢ ᠮᠠᠨ ᠤ᠋ ᠨᠤᠲᠤᠭ ᠤ᠋ᠨ ᠪᠠᠢᠭᠠᠯᠢ ᠤᠷᠴᠢᠨ ᠪᠠ ᠠᠭᠤᠷ ᠠᠮᠢᠰᠭᠤᠯ ᠳ᠋ᠤ ᠳᠣᠭᠢᠷᠠᠵᠤ᠂ ᠬᠦᠶ᠋ᠲᠡᠨ ᠳ᠋ᠤ ᠲᠠᠭᠠᠭᠠᠮᠠᠭᠠᠢ᠂ ᠭᠠᠩ ᠳ᠋ᠤ ᠲᠡᠰᠪᠦᠷᠢᠲᠡᠶ ᠮᠦᠷᠳᠡᠬᠡᠨ ᠮᠢᠬᠠ ᠭᠠᠷᠬᠤ ᠨᠢ ᠠᠷᠪᠢᠨ ᠪᠤᠯᠬᠤᠷ ᠠᠰᠢᠭ ᠤᠷᠤᠯᠭᠠ ᠪᠡᠷ ᠮᠠᠰᠢ ᠰᠠᠢᠨ》 ᠭᠡᠵᠦ᠍ ᠬᠦᠬᠡ ᠬᠡᠯᠡᠨᠠ᠃
《ᠲᠠᠷᠬᠠᠨ ᠮᠤᠤᠮᠢᠡᠭᠭᠠᠨ ᠤ᠋ ᠲᠠᠯᠠ ᠨᠤᠳᠤᠭ ᠤ᠋ᠨ ᠬᠤᠨᠢ》 ᠪᠤᠯ ᠤᠷᠳᠤ ᠤᠳᠠᠭᠠᠨ ᠵᠢᠯ ᠤ᠋ᠨ ᠪᠠᠢᠭᠠᠯᠢ ᠵᠢᠨ ᠰᠢᠯᠢᠯᠳᠡ ᠪᠠ ᠬᠦᠮᠦᠨ ᠤ᠋ ᠬᠦᠴᠦ ᠪᠡᠷ ᠦᠰᠭᠡᠨ ᠪᠤᠢᠵᠢᠭᠤᠯᠤᠭᠰᠠᠨ ᠮᠤᠡᠭᠭᠤᠯ ᠬᠤᠨᠢ ᠵᠢᠨ ᠰᠢᠯᠢᠳᠡᠭ ᠡᠬᠦᠯᠳᠡᠷ ᠤ᠋ᠨ ᠨᠢᠭᠡ ᠶᠤᠮ᠃ ᠮᠢᠬᠠ ᠨᠢ ᠰᠢᠨᠠ ᠰᠤᠷᠭᠤᠭ᠂ ᠠᠮᠳᠠ ᠰᠠᠢᠳᠠᠢ᠂ ᠰᠢᠮᠠ ᠲᠡᠵᠢᠭᠡᠯ ᠡᠯᠪᠡᠭ ᠪᠠᠢᠳᠠᠭ᠃ ᠤᠳᠤ ᠲᠤᠰ ᠬᠤᠰᠢᠭᠤᠨ ᠳ᠋ᠤ 《ᠲᠠᠷᠬᠠᠨ ᠮᠤᠤᠮᠢᠡᠭᠭᠠᠨ ᠤ᠋ ᠲᠠᠯᠠ ᠨᠤᠳᠤᠭ ᠤ᠋ᠨ ᠬᠤᠨᠢ》 ᠪᠡᠷ ᠭᠤᠤᠯᠯᠠᠭᠤᠯᠤᠭᠰᠠᠨ 100 ᠲᠦᠮᠡ ᠭᠠᠷᠤᠢ ᠬᠤᠨᠢ ᠮᠠᠯᠵᠢᠵᠤ᠂ ᠵᠢᠯ ᠳ᠋ᠤ 90 ᠲᠦᠮᠡ ᠰᠢᠬᠠᠮ ᠬᠤᠨᠢ ᠭᠠᠷᠭᠠᠵᠤ᠂ ᠮᠠᠯᠴᠢᠨ ᠲᠦᠮᠡᠨ ᠤ᠋ ᠤᠷᠤᠯᠭᠠ ᠵᠢᠨ ᠭᠤᠤᠯ ᠢᠷᠡᠯᠳᠡ ᠵᠢᠨ ᠨᠢᠬᠡ ᠪᠤᠯᠵᠠᠢ᠃
ᠲᠤᠰ ᠬᠤᠰᠢᠭᠤ ᠮᠠᠯᠴᠢᠳ ᠤ᠋ᠨ ᠠᠰᠢᠭ ᠤᠷᠤᠯᠭᠠ ᠵᠢ ᠤᠯᠠᠮ ᠨᠡᠮᠡᠭᠳᠡᠬᠦᠯᠬᠦ ᠵᠢᠨ ᠲᠦᠯᠦᠬᠡ ᠨᠢᠬᠡ ᠲᠠᠯᠠ ᠪᠡᠷ ᠦᠢᠯᠡᠳᠪᠤᠷᠢᠯᠡᠯ ᠤ᠋ᠨ ᠠᠷᠭᠠ ᠬᠡᠯᠪᠡᠷᠢ ᠵᠢ ᠬᠤᠪᠢᠷᠠᠭᠤᠯᠤᠨ ᠲᠣᠭᠠ ᠬᠡᠮᠵᠢᠶᠠ ᠵᠢ ᠴᠢᠬᠤᠯᠠᠴᠢᠯᠠᠵᠤ ᠪᠠᠢᠬᠰᠠᠨ ᠡᠴᠡ ᠦᠷᠡ ᠠᠱᠢᠭ ᠢ᠋ ᠨᠡᠮᠡᠭᠳᠡᠬᠦᠯᠬᠦ ᠳᠠᠢᠰᠢ ᠬᠤᠪᠢᠷᠠᠭᠤᠯᠵᠤ᠂ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠴᠢ ᠪᠠᠷ ᠠᠷᠠᠴᠢᠯᠠᠨ ᠲᠡᠵᠢᠭᠡᠬᠦ᠌᠂ ᠴᠥᠭᠡᠨ ᠲᠡᠵᠢᠭᠡᠵᠦ᠍ ᠨᠠᠷᠢᠯᠢᠭ ᠮᠠᠯᠵᠢᠬᠤ ᠶ᠋ᠢ ᠲᠠᠢᠴᠢᠯᠠᠪᠠ᠃ ᠨᠦᠬᠦᠬᠡ ᠲᠠᠯᠠ ᠪᠡᠷ ᠮᠢᠬᠠᠨ ᠤ᠋ ᠬᠤᠨᠢ ᠵᠢᠨ ᠠᠰᠢᠭ ᠰᠢᠮᠠ ᠵᠢᠨ ᠶᠠᠰᠤ ᠴᠢᠨᠠᠷ ᠢ᠋ ᠪᠠᠳᠤᠯᠠᠨ᠂ 《ᠲᠠᠷᠬᠠᠨ ᠮᠤᠤᠮᠢᠡᠭᠭᠠᠨ ᠤ᠋ ᠲᠠᠯᠠ ᠨᠤᠳᠤᠭ ᠤ᠋ᠨ ᠬᠤᠨᠢ》 ᠵᠢᠨ ᠲᠦᠷᠦᠯ ᠲᠡᠮᠳᠡᠭ ᠢ᠋ ᠬᠦᠴᠦᠯᠡᠨ ᠠᠯᠳᠠᠷᠰᠢᠭᠤᠯᠵᠤ᠂ ᠰᠠᠢᠨ ᠬᠤᠨᠢ ᠪᠠᠨ ᠰᠠᠢᠨ ᠦᠨᠡ ᠳ᠋ᠤ ᠬᠦᠷᠬᠡᠬᠦ ᠪᠡᠷ ᠬᠦᠴᠦᠯᠡᠨ ᠴᠢᠷᠮᠠᠢᠭᠰᠠᠭᠠᠷ ᠢᠷᠡᠵᠠᠢ᠃
ᠲᠤᠰ ᠬᠤᠰᠢᠭᠤ 《 ᠪᠡᠯᠴᠢᠭᠡᠷ ᠤ᠋ᠨ ᠲᠠᠭᠠᠭᠠᠴᠠ ᠪᠡᠷ ᠮᠠᠯ ᠤ᠋ᠨ ᠲᠤᠭᠠ ᠵᠢ ᠲᠣᠭ᠍ᠲᠠᠭᠠᠬᠤ》 ᠵᠢ ᠴᠢᠩᠭᠠ ᠪᠠᠷᠢᠮᠳᠠᠯᠠᠨ ᠳᠤᠮᠳᠠᠴᠢ ᠪᠠᠷ 20 ᠮᠦ᠍ ᠪᠡᠯᠴᠢᠭᠡᠷ ᠲᠦ᠍ 1 ᠬᠤᠨᠢ ᠮᠠᠯᠵᠢᠵᠤ᠂ ᠦᠩ ᠰᠢᠮᠡᠯᠢᠭ ᠪᠡᠯᠴᠢᠬᠡᠷ ᠡᠴᠡ ᠲᠠᠷᠭᠤ ᠬᠦᠴᠦ ᠠᠪᠬᠤ ᠵᠢ ᠪᠠᠳᠤᠯᠠᠭᠰᠠᠨ ᠮᠦᠷᠳᠡᠬᠡᠨ ᠬᠤᠨᠢᠨ ᠮᠢᠬᠠ ᠵᠢᠨ ᠵᠢᠡᠨ ᠰᠢᠮᠠ ᠰᠢᠬᠦᠰᠤ ᠵᠢ ᠴᠦ᠍ ᠪᠠᠳᠤᠯᠠᠭᠰᠠᠨ ᠡᠴᠡ 《ᠲᠠᠷᠬᠠᠨ ᠮᠤᠤᠮᠢᠡᠭᠭᠠᠨ ᠤ᠋ ᠲᠠᠯᠠ ᠨᠤᠳᠤᠭ ᠤ᠋ᠨ ᠬᠤᠨᠢ》 ᠦᠪᠤᠷ ᠮᠤᠩᠭᠤᠯ ᠤ᠋ᠨ ᠤᠷᠤᠨ ᠪᠦᠰᠨ ᠵᠢᠨ ᠨᠡᠢᠳᠡ ᠵᠢᠨ ᠬᠡᠷᠡᠭᠯᠡᠭᠡᠨ ᠤ᠋ ᠨᠡᠷᠡᠳᠤ ᠲᠦᠷᠦᠯ ᠲᠡᠮᠳᠡᠭ ᠵᠢᠡᠷ ᠰᠤᠡᠭᠭᠤᠬᠳᠠᠵᠤ᠂ ᠲᠦᠷᠦᠯ ᠲᠡᠮᠳᠡᠭ ᠤ᠋ᠨ ᠵᠢᠱ᠌ᠢᠭᠰᠡᠨ ᠦᠷᠳᠡᠭ ᠨᠢ 41.97 ᠳ᠋ᠦᠡᠭᠰᠢᠭᠤᠷ ᠲᠦᠭᠦᠷᠢᠭ ᠲᠸ᠋ ᠬᠦᠷᠴᠤ᠂ ᠲᠦᠷᠦᠯ ᠲᠡᠮᠳᠡᠭ ᠤ᠋ᠨ ᠨᠠᠷᠠ ᠠᠯᠳᠠᠷᠰᠢᠯ ᠪᠠ ᠨᠦᠯᠦᠭᠡᠯᠡᠬᠦ ᠬᠦᠴᠦᠨ ᠨᠢ ᠤᠯᠠᠮ ᠦᠷᠭᠡᠳᠴᠠᠢ᠃
《ᠪᠡᠯᠴᠢᠭᠡᠷ ᠤ᠋ᠨ ᠰᠢᠮᠠ ᠪᠡᠷ ᠲᠤᠷᠨᠢᠭᠰᠠᠨ 〈ᠳᠠᠷᠬᠠᠨ ᠮᠤᠸ᠋ᠮᠢᠩᠭᠠᠨ ᠤ᠋ ᠲᠠᠯᠠ ᠨᠤᠲᠤᠭ ᠤ᠋ᠨ ᠬᠣᠨᠢ〉 ᠵᠢᠨ ᠲᠦᠷᠦᠯ ᠲᠡᠮᠳᠡᠭ ᠤ᠋ᠨ ᠬᠦᠴᠦᠨ ᠵᠢᠡᠷ ᠮᠠᠨ ᠤ᠋ ᠨᠤᠳᠤᠭ ᠤ᠋ᠨ ᠬᠤᠨᠢ ᠤᠯᠠᠮ ᠡᠴᠡ ᠤᠯᠠᠮ ᠵᠠᠬᠠ ᠳᠡᠯᠭᠡᠭᠦᠷ ᠲᠦ᠍ ᠮᠡᠳᠡᠷᠡᠭᠳᠡᠨ ᠤᠯᠠᠨ ᠤ᠋ ᠬᠦᠷᠢᠶᠡᠯᠡᠯ ᠢ᠋ ᠤᠯᠵᠤ᠂ ᠦᠨᠡ ᠬᠠᠩᠰᠢ ᠨᠢ ᠴᠦ᠍ ᠡᠩ ᠤ᠋ᠨ ᠬᠣᠨᠢ ᠡᠴᠡ ᠢᠯᠡᠷᠬᠡᠢ ᠦᠨᠳᠤᠷ ᠪᠤᠯᠵᠠᠢ᠃ ᠬᠡᠳᠤᠢᠪᠡᠷ ᠮᠠᠯ ᠤ᠋ᠨ ᠲᠤᠭᠠ ᠵᠢ ᠬᠢᠵᠠᠭᠠᠷᠯᠠᠭᠰᠠᠨ ᠴᠦ᠍ ᠮᠠᠨ ᠤ᠋ ᠤᠷᠤᠯᠭᠠ ᠨᠦᠯᠦᠬᠡᠯᠡᠭᠳᠡᠭᠰᠡᠨ ᠦᠬᠡᠢ ᠶᠤᠮ》 ᠭᠡᠵᠦ ᠬᠦᠬᠡ ᠤᠷᠮᠠᠳᠠᠢ ᠬᠡᠯᠡᠨᠠ᠃
ᠳᠠᠷᠬᠠᠨ ᠮᠤᠤᠮᠢᠩᠭᠠᠨ ᠬᠣᠯᠪᠣᠭᠠᠲᠤ ᠬᠣᠱᠢᠭᠤᠨ ᠤ᠋ ᠮᠠᠯ ᠠᠵᠤ ᠠᠬᠤᠢ ᠵᠢᠨ ᠵᠠᠬᠠ ᠲᠡᠯᠭᠡᠭᠦᠷ ᠤ᠋ᠨ ᠲᠦᠪ ᠤ᠋ᠨ ᠡᠷᠬᠢᠯᠡᠭᠴᠢ ᠬᠤᠤ ᠰᠢᠶᠤᠤ ᠢᠤᠢ ᠰᠤᠷᠪᠤᠯᠵᠢᠯᠠᠭᠠ ᠬᠦᠯᠢᠶᠡᠬᠦ ᠳ᠋ᠡᠬᠡᠨ᠄ 《ᠪᠢᠳᠡ ᠮᠢᠬᠠᠨ ᠤ᠋ ᠬᠤᠨᠢ ᠵᠢᠨ ᠠᠰᠢᠭ ᠰᠢᠮᠠ ᠵᠢᠨ ᠶᠠᠰᠤ ᠴᠢᠨᠠᠷ ᠢ᠋ ᠪᠠᠳᠤᠯᠠᠨ ᠲᠦᠷᠦᠯ ᠲᠡᠮᠳᠡᠭ ᠤ᠋ᠨ ᠪᠠᠢᠭᠤᠯᠤᠯᠲᠠ ᠶ᠋ᠢ ᠦᠷᠬᠦᠯᠵᠢᠯᠡᠨ ᠴᠢᠩᠭᠠᠳᠬᠠᠵᠤ᠂ ᠪᠣᠷᠣᠯᠠᠭᠤᠯᠭᠠᠶ᠋ᠢᠨ ᠠᠷᠭᠠ ᠵᠠᠮ ᠢ᠋ ᠤᠯᠠᠮ ᠥᠷᠭᠡᠳᠭᠡᠬᠦ᠌ ᠪᠡᠷ ᠲᠠᠮᠵᠢᠨ ᠮᠠᠯᠴᠢᠨ ᠲᠦᠮᠡᠨ ᠤ᠋ ᠠᠰᠢᠭ ᠤᠷᠤᠯᠭᠠ ᠵᠢ ᠨᠡᠮᠡᠭᠳᠡᠬᠦᠯᠵᠤ᠂ 〈ᠳᠠᠷᠬᠠᠨ ᠮᠤᠤᠮᠢᠩᠭᠠᠨ ᠤ᠋ ᠲᠠᠯᠠ ᠨᠤᠲᠤᠭ ᠤ᠋ᠨ ᠬᠣᠨᠢ〉 ᠵᠢ ᠥᠪᠥᠷ ᠮᠣᠩᠭᠣᠯ ᠤ᠋ᠨ ᠮᠠᠯ ᠠᠵᠤ ᠠᠬᠤᠢ ᠶ᠋ᠢᠨ ᠬᠢᠯᠠᠯᠵᠠᠮᠠ ᠨᠡᠷᠡᠶ᠋ᠢᠨ ᠬᠠᠭᠤᠳᠠᠰᠤ ᠪᠤᠯᠭᠠᠨᠠ》 ᠭᠡᠵᠦ ᠶᠠᠷᠢᠵᠤ ᠪᠠᠢᠯᠠ᠃
᠁
ᠮᠠᠯᠴᠢᠳ ᠤ᠋ᠨ ᠣᠷᠣᠯᠭᠠ ᠶ᠋ᠢ ᠨᠡᠮᠡᠭ᠌ᠳᠡᠭᠦᠯᠬᠦ᠌ ᠪᠣᠯ ᠬᠦᠳᠡᠭᠡ ᠲᠤᠰᠬᠤᠨ ᠢ᠋ ᠪᠦᠬᠦ ᠲᠠᠯᠠ ᠪᠡᠷ ᠬᠥᠭ᠌ᠵᠢᠭᠦᠯᠦᠨ ᠮᠠᠨᠳᠤᠭᠤᠯᠵᠤ᠂ ᠠᠷᠠᠳ ᠤ᠋ᠨ ᠠᠮᠢᠳᠤᠷᠠᠯ ᠢ᠋ ᠪᠠᠳᠤᠯᠠᠨ ᠰᠠᠢᠵᠢᠷᠠᠭᠤᠯᠬᠤ ᠶ᠋ᠢᠨ ᠵᠠᠩᠭᠢᠯᠠᠭᠠ᠂ ᠮᠥᠨ ᠴᠦ᠍ ᠪᠡᠯᠴᠢᠬᠡᠷ ᠤ᠋ᠨ ᠮᠠᠯ ᠠᠵᠤ ᠠᠬᠤᠢ ᠵᠢᠨ ᠬᠡᠯᠪᠡᠷᠢ ᠵᠢ ᠬᠤᠪᠢᠷᠠᠭᠤᠯᠵᠤ ᠲᠡᠰ ᠲᠡᠪᠰᠢᠬᠦᠯᠬᠦ ᠵᠢᠨ ᠲᠤᠰᠤᠯᠳᠠ ᠶᠤᠮ᠃ ᠪᠢᠳᠡ ᠬᠡᠳᠤᠨ ᠡᠳᠤᠷ ᠤ᠋ᠨ ᠰᠤᠷᠪᠤᠯᠵᠢᠯᠠᠭᠠ ᠳ᠋ᠠᠭᠠᠨ ᠬᠤᠰᠢᠭᠤ ᠰᠢᠶᠠᠨ᠂ ᠮᠠᠯᠵᠢᠬᠤ ᠡᠷᠦᠭᠡ᠂ ᠲᠤᠰᠬᠠᠢ ᠬᠤᠷᠰᠢᠢᠠ᠂ ᠲᠠᠵᠢᠬᠡᠪᠤᠷᠢ ᠵᠢᠨ ᠰᠠᠭᠤᠷᠢᠨ᠂ ᠠᠵᠤ ᠠᠬᠤᠢᠯᠠᠯ ᠬᠠᠮᠳᠤᠷᠠᠨ ᠠᠵᠤ ᠦᠢᠯᠡᠰ ᠤ᠋ᠨ ᠪᠦᠬᠦ ᠬᠡᠯᠬᠢᠶᠠ ᠵᠢ ᠪᠠᠢᠭᠤᠯᠬᠤ᠂ ᠠᠰᠢᠭ ᠰᠢᠮᠠ ᠵᠢᠨ ᠶᠠᠰᠤ ᠴᠢᠨᠠᠷ ᠢ᠋ ᠪᠠᠳᠤᠯᠠᠬᠤ᠂ ᠲᠦᠷᠦᠯ ᠲᠡᠮᠳᠡᠭ ᠢ᠋ ᠴᠤᠭᠴᠠᠯᠠᠨ ᠲᠠᠭᠤᠷᠢᠰᠤᠭᠤᠯᠬᠤ ᠪᠡᠷ ᠲᠠᠮᠵᠢᠨ ᠮᠠᠯᠴᠢᠳ ᠤ᠋ᠨ ᠤᠷᠤᠯᠭᠠ ᠵᠢ ᠨᠡᠮᠡᠭᠳᠡᠬᠦᠯᠵᠤ᠂ ᠬᠠᠮᠳᠤ ᠪᠡᠷ ᠪᠠᠶᠠᠵᠢᠬᠤ ᠵᠠᠮ ᠵᠢᠡᠷ ᠵᠤᠤᠵᠠᠢ ᠬᠤᠯᠪᠤᠨ ᠲᠡᠮᠡᠤᠯᠵᠤ ᠪᠠᠢᠬᠤ ᠵᠢ ᠬᠠᠷᠠᠭᠠᠳ 《ᠤᠯᠠᠨ ᠤ᠋ ᠬᠦᠴᠦᠨ ᠳ᠋ᠤ ᠤᠪᠤᠭᠠ ᠪᠤᠰᠤᠨᠠ》 ᠬᠡᠭᠴᠢ ᠡᠨᠡ ᠪᠠᠢᠬᠠ ᠬᠡᠮᠡᠨ ᠪᠤᠳᠤᠵᠤ ᠶᠠᠪᠤᠯᠠ᠃