3 ᠰᠠᠷᠠᠶ᠋ᠢᠨ 19 ᠦ᠌ ᠡᠳᠦᠷ᠂ ᠲᠦᠩᠭᠡᠵᠢ ᠦᠦᠷ ᠭᠡᠭᠡᠷᠡᠵᠦ ᠪᠠᠢᠳᠠᠯᠠ ᠳᠢ ᠠᠩ ᠶᠠᠭᠠᠷᠠᠤ ᠰᠠᠨᠳᠤᠷᠤᠤ ᠪᠣᠰᠤᠭᠠᠳ᠂︽ᠴᠠᠭᠳᠠᠭᠠᠨ ᠤ ᠰᠢᠤᠳᠠᠨᠢ᠋ᠶ᠋ᠠᠷ ᠠᠷᠠᠳᠲᠤ ᠳᠥᠭᠥᠮ ᠦᠵᠡᠭᠦᠯᠬᠦ︾ᠲᠦᠷᠭᠡᠨ ᠭᠤᠪᠢᠭᠤᠯᠭᠠᠶ᠋ᠢᠨ ᠲᠤᠰᠴᠤ ᠭᠤᠪᠢᠭᠤᠯᠬᠤ ᠲᠠᠰᠤᠭᠲᠤ᠌ ᠬᠦᠷᠴᠦ ᠂ ᠦᠨᠳᠦᠰᠦᠨ ᠱᠠᠲᠤᠨᠳ᠋ᠤ᠌ ᠭᠤᠪᠢᠭᠤᠯᠬᠤ ᠰᠢᠤᠳᠠᠨᠤ᠋ ᠪᠣᠭᠣᠳᠠᠯᠢ᠋ ᠡᠮᠬᠢᠳᠬᠡᠵᠦ ᠡᠬᠢᠯᠡᠵᠡᠢ᠃ 7 ᠴᠠᠭ 30 ᠮᠢᠨᠦ᠋ᠲᠲᠦ᠍ 《ᠴᠠᠭᠳᠠᠭᠠᠨᠤ ᠰᠢᠤᠳᠠᠨᠢ᠋ᠶ᠋ᠠᠷ ᠠᠷᠠᠳᠲᠤ ᠳᠥᠭᠥᠮ ᠦᠵᠡᠭᠦᠯᠬᠦ》 ᠦᠢᠯᠡᠴᠢᠯᠡᠭᠡᠨᠦ᠌ ᠲᠡᠷᠭᠡ ᠬᠦᠷᠴᠦ ᠢᠷᠡᠬᠦ ᠦᠶᠡᠳ᠋ᠦ᠍ ᠲᠡᠷᠡ ᠪᠦᠬᠦ ᠪᠠᠷᠠᠭᠠᠪᠠᠨ ᠠᠩᠭᠢᠯᠠᠵᠦ ᠲᠢᠭᠯᠡᠭᠡᠳ ᠪᠡᠯᠡᠭᠡᠨ ᠪᠤᠯᠭᠠᠭᠰᠠᠨ ᠪᠠᠢᠪᠠ᠃
《ᠡᠨᠡ ᠤᠳᠠᠭᠠ ᠨᠡᠯᠢᠶᠡᠳ ᠠᠷᠪᠢᠨ ᠪᠣᠭᠣᠳᠠᠯ ᠪᠤᠢ᠂ ᠳᠣᠲᠣᠷᠠ ᠨᠢ ᠨᠡᠯᠢᠶᠡᠳ ᠬᠡᠳᠦᠨ ᠠᠳᠠᠯᠢ ᠨᠡᠷᠡ ᠲᠠᠢ ᠪᠤᠭᠤᠳᠠᠯ ᠪᠠᠢᠭᠠ᠂ ᠪᠠᠷᠠᠭᠠᠪᠠᠨ ᠬᠦᠷᠭᠡᠬᠦᠳ᠋ᠡᠭᠡᠨ ᠠᠯᠢ ᠦᠢᠯᠡᠴᠢᠯᠡᠭᠡᠨᠤ ᠥᠷᠲᠡᠭᠡᠶᠢᠨ ᠬᠢ᠂ ᠠᠯᠢ ᠭᠠᠴᠠᠭᠠᠨᠤ᠋ ᠮᠠᠯᠴᠢᠨᠤ ᠬᠢ ᠪᠣᠯᠬᠤᠶ᠋ᠢ ᠲᠣᠳᠣᠷᠬᠠᠢ ᠬᠠᠷᠠᠭᠠᠷᠠᠢ᠂ ᠶᠠᠭᠠᠬᠢᠭᠰᠠᠨ ᠴᠤ᠌ ᠪᠤᠷᠤᠭᠤ ᠬᠦᠷᠭᠡᠵᠦ ᠪᠣᠯᠬᠤ ᠥᠬᠡᠢ ᠰᠢᠦ》 ᠭᠡᠮᠡᠨ ᠪᠦᠭᠦᠳᠡᠪᠤᠭᠤᠳᠠᠯ ᠢ ᠲᠡᠷᠭᠡᠨᠳ᠋ᠦ᠍ ᠠᠴᠢᠬᠰᠠᠨᠤ ᠳᠠᠷᠠᠭᠠ ᠳᠢ ᠠᠩ ᠪᠠᠷᠠᠭᠠ ᠬᠦᠷᠭᠡᠬᠦ ᠬᠠᠮᠲᠤ ᠠᠵᠢᠯᠲᠠᠨᠳᠠᠭᠠᠨ ᠠᠬᠢᠨ ᠲᠠᠬᠢᠨ ᠵᠠᠬᠢᠵᠦ ᠰᠠᠨᠠᠭᠤᠯᠤᠨᠠ᠃
ᠳᠢ ᠠᠩ ᠪᠣᠯ ᠪᠠᠶᠠᠨᠨᠠᠭᠤᠷᠤ᠋ᠨ ᠬᠢᠯᠢᠶ᠋ᠢᠨ ᠬᠠᠮᠢᠶᠠᠷᠤᠯᠲᠠᠶ᠋ᠢᠨ ᠰᠠᠯᠪᠤᠷᠢ ᠠᠩᠭᠢᠶ᠋ᠢᠨ ᠤᠷᠠᠳᠤ᠋ᠨ ᠬᠣᠢᠲᠤ ᠬᠤᠰᠢᠭᠤᠨᠤ᠋ ᠶᠡᠬᠡ ᠠᠩᠭᠢᠶ᠋ᠢᠨ ᠠᠷᠠᠳᠤ᠋ᠨ ᠴᠠᠭᠳᠠᠭᠠ ᠪᠣᠯᠤᠨᠠ᠃ 2014 ᠣᠨᠳ᠋ᠤ᠌ 18 ᠨᠠᠰᠤᠲᠠᠢ ᠲᠡᠷᠡ ᠴᠡᠷᠢᠭᠲᠦ᠍ ᠣᠷᠣᠭᠠᠳ ᠡᠨᠳᠡ ᠵᠢᠵᠢᠭᠦᠷᠯᠡᠵᠦ᠂ ᠨᠢᠭᠡ ᠮᠡᠳᠡᠬᠦᠳᠤ 10 ᠵᠢᠯᠤᠨ ᠨᠢᠭᠤᠷᠢ ᠦᠵᠡᠴᠢᠬᠡᠯᠡ᠂ ᠶᠡᠬᠡ ᠠᠩᠭᠢᠶ᠋ᠢᠨ ᠠᠯᠪᠠᠨ ᠭᠡᠷᠤᠨ ᠬᠠᠮᠢᠶᠠᠷᠤᠯᠳᠠ᠂ ᠰᠦᠯᠵᠢᠶᠡᠶᠢᠨ ᠮᠡᠷᠭᠡᠵᠢᠯ᠂ ᠴᠢᠬᠤᠯᠠ ᠨᠢᠭᠤᠴᠠ ᠵᠡᠷᠭᠡ ᠣᠯᠠᠨ ᠠᠵᠢᠯᠢ᠋ ᠪᠣᠳᠠᠲᠠᠢ ᠬᠠᠷᠢᠭᠤᠴᠠᠵᠤ ᠪᠤᠢ᠃
︽ᠴᠠᠭᠳᠠᠭᠠᠨᠤ ᠰᠢᠤᠳᠠᠨᠢ᠋ᠶ᠋ᠠᠷ ᠠᠷᠠᠳᠲᠤ ᠳᠥᠭᠥᠮ ᠦᠵᠡᠭᠦᠯᠬᠦ︾ᠰᠢᠤᠳᠠᠨᠤ᠋ ᠵᠠᠮ ᠪᠣᠯ ᠤᠷᠠᠳᠤ᠋ᠨ ᠬᠣᠢᠲᠤ ᠬᠤᠰᠢᠭᠤᠨᠤ᠋ ᠬᠢᠯᠢᠶ᠋ᠢᠨ ᠬᠠᠮᠢᠶᠠᠷᠤᠯᠲᠠᠶ᠋ᠢᠨ ᠶᠡᠬᠡ ᠠᠩᠭᠢᠶ᠋ᠢᠨ ᠭᠠᠷᠭᠠᠭᠰᠠᠨ ᠭᠢᠯᠠᠰ ᠴᠡᠭᠢᠨᠵᠧᠨᠧᠷᠢᠩ ᠪᠠᠢᠵᠤ᠂ ᠳᠢ ᠠᠩᠤ᠋ᠨ ᠬᠠᠷᠢᠭᠤᠴᠠᠵᠤ ᠪᠠᠢᠭᠠ ᠠᠵᠢᠯᠤ᠋ᠨ ᠨᠢᠭᠡ ᠨᠢ ᠪᠣᠯᠤᠨᠠ᠃ ᠦᠢᠯᠡᠴᠢᠯᠡᠭᠡᠨᠦ᠌ ᠲᠡᠷᠭᠡ ᠨᠢ ᠭᠠᠷᠠᠭ ᠪᠦᠷᠢ ᠲᠣᠭᠲᠠᠭᠰᠠᠨ ᠬᠤᠭᠤᠴᠠᠭᠠᠲᠠᠢ ᠦᠨᠳᠦᠰᠦᠨ ᠱᠠᠲᠤᠨᠳ᠋ᠤ᠌ ᠪᠠᠭᠤᠵᠤ ᠪᠠᠷᠠᠭᠠ ᠬᠦᠷᠭᠡᠳᠡᠭ᠂ ᠤᠳᠠᠭᠠ ᠪᠦᠷᠢ ᠵᠠᠮ ᠳᠠᠭᠠᠤ 20 ᠭᠠᠷᠤᠢ ᠦᠢᠯᠡᠴᠢᠯᠡᠭᠡᠨᠦ᠌ ᠴᠡᠭ︵ᠥᠷᠲᠡᠭᠡ︶ᠲᠦ᠍ ᠪᠠᠷᠠᠭᠠ ᠬᠦᠷᠭᠡᠨᠡ᠃
ᠰᠠᠶᠢᠬᠠᠨ 《ᠴᠠᠭᠳᠠᠭᠠᠨ ᠤ ᠰᠢᠤᠳᠠᠨᠢ᠋ᠶ᠋ᠠᠷ ᠠᠷᠠᠳ ᠲᠦ᠍ ᠳᠥᠭᠥᠮ ᠦᠵᠡᠭᠦᠯᠬᠦ》 ᠲᠦᠷᠭᠡᠨ ᠭᠤᠪᠢᠭᠤᠯᠭᠠᠶ᠋ᠢᠨ ᠲᠤᠰᠴᠤ ᠬᠦᠷᠭᠡᠬᠦ ᠲᠠᠰᠤᠭᠡᠴᠡ ᠭᠠᠷᠴᠤ ᠢᠷᠡᠭᠡᠳ ᠠᠯᠪᠠᠨ ᠭᠡᠷ ᠵᠦᠭᠢᠶᠡᠨ ᠶᠠᠪᠤᠵᠤ ᠪᠠᠢᠳᠠᠯᠠ ᠲᠡᠭᠦᠨᠦ᠌ ᠭᠠᠷ ᠤᠲᠠᠰᠤ ᠨᠢ ᠳᠤᠤᠭᠠᠷᠤᠯᠠ᠃ ᠤᠤᠯ ᠨᠢ ᠬᠠᠮᠲᠤ ᠠᠵᠢᠯᠲᠠᠨᠤ᠋ ᠬᠢᠨᠢ ᠺᠣᠮᠫᠢᠦ᠋ᠲ᠋ᠧᠷ ᠨᠢ ᠠᠰᠠᠭᠤᠳᠠᠯ ᠭᠠᠷᠴᠤ᠂ ᠮᠠᠰᠢ ᠠᠷᠪᠢᠨ ᠵᠥᠭᠡᠯᠡᠨ ᠲᠤᠨᠤᠭ ᠨᠢ ᠨᠡᠭᠡᠭᠡᠵᠦ ᠳᠡᠢᠯᠬᠦ ᠦᠭᠡᠢ ᠪᠤᠯᠤᠭᠠᠳ᠂ ᠲᠡᠭᠦᠨ ᠡᠴᠡ ᠲᠤᠰᠠᠯᠠᠮᠵᠢ ᠭᠤᠶᠤᠭᠰᠠᠨ ᠪᠠᠢᠨᠠ᠃ ᠳᠢ ᠠᠩ ᠲᠡᠷᠡ ᠲᠠᠷᠤᠢ ᠣᠴᠢᠵᠦ ᠦᠵᠡᠭᠰᠡᠨᠴᠢᠨᠢ ᠰᠠᠨᠠᠭᠠᠨᠠ᠋ᠴᠠ ᠭᠠᠳᠠᠨᠠ ᠬᠦᠨᠳᠦ ᠠᠰᠠᠭᠤᠳᠠᠯ ᠭᠠᠷᠴᠤ᠂ ᠰᠢᠰᠲ᠋ᠧᠮᠦ᠋ᠨ ᠲᠠᠪᠠᠭᠠ᠋ᠴᠠ ᠭᠠᠳᠠᠨᠠ ᠪᠤᠰᠤᠳ ᠲᠠᠪᠠᠭ ᠨᠢ ᠪᠦᠷ ᠡᠷᠢᠵᠦ ᠣᠯᠬᠤ ᠦᠭᠡᠢ ᠪᠣᠯᠵᠠᠢ᠂ ᠺᠣᠮᠫᠢᠦ᠋ᠲ᠋ᠧᠷ ᠳᠣᠲᠣᠷᠠ ᠨᠢ 10 ᠭᠠᠷᠤᠢ ᠵᠤᠷᠪᠤᠰ ᠡᠨᠳᠡᠯ ᠭᠠᠷᠤᠭᠰᠠᠨ ᠰᠠᠨᠠᠭᠤᠯᠤᠮᠵᠢᠪᠠᠢᠵᠤ᠂ ᠬᠡᠷᠪᠡ ᠵᠠᠰᠠᠵᠤ ᠳᠡᠢᠯᠬᠦ ᠦᠭᠡᠢ ᠪᠣᠯ ᠰᠢᠰᠲ᠋ᠧᠮᠢ ᠳᠠᠬᠢᠵᠦ ᠤᠭᠰᠠᠷᠠᠨᠠ᠂ ᠰᠢᠰᠲ᠋ᠧᠮᠢ ᠳᠠᠬᠢᠵᠦ ᠤᠭᠰᠠᠷᠠᠪᠠᠯ ᠤᠤᠯ ᠤ᠋ᠨ ᠬᠠᠳᠠᠭᠠᠯᠠᠭᠰᠠᠨ ᠠᠯᠢᠪᠠ ᠪᠢᠴᠢᠭ ᠮᠠᠲ᠋ᠧᠷᠢᠶᠠᠯ ᠨᠢ ᠪᠦᠷ ᠭᠡᠭᠡᠭᠳᠡᠨᠡ᠃ ᠳᠢ ᠠᠩ ᠺᠣᠮᠫᠢᠦ᠋ᠲ᠋ᠧᠷ ᠢ ᠤᠷᠤᠯᠳᠤᠭᠰᠠᠭᠠᠷ ᠪᠠᠢᠵᠤ᠂ ᠵᠣᠯᠢ᠋ᠶ᠋ᠠᠷ ᠨᠢᠭᠤᠭᠳᠠᠵᠤ ᠪᠠᠢᠭᠠ ᠪᠢᠴᠢᠭ ᠮᠠᠲ᠋ᠧᠷᠢᠶᠠᠯᠢ᠋ ᠨᠢ ᠡᠷᠢᠵᠦ ᠣᠯᠤᠭᠠᠤᠨ ᠦᠭᠴᠡᠢ᠃
ᠳᠢ ᠠᠩ᠄︽ᠪᠢ ᠺᠣᠮᠫᠢᠦ᠋ᠲ᠋ᠧᠷᠤᠨ ᠲᠤᠰᠬᠠᠢ ᠮᠡᠷᠭᠡᠵᠢᠯᠢ ᠰᠤᠷᠤᠭᠰᠠᠨ ᠦᠭᠡᠢ ᠪᠣᠯᠪᠠᠴᠤ ᠡᠨᠳᠡᠬᠢ ᠠᠵᠢᠯ ᠢ᠋ ᠬᠤᠪᠢᠳᠠᠨ ᠬᠠᠮᠢᠶᠠᠷᠤᠭᠰᠠᠨᠤ᠋ ᠳᠠᠷᠠᠭᠠ ᠥᠪᠡᠷᠢ᠋ᠶ᠋ᠡᠨ ᠰᠢᠰᠲ᠋ᠧᠮᠲᠡᠢᠰᠤᠷᠴᠤ ᠰᠤᠳᠤᠯᠤᠭᠠᠳ᠂ ᠤᠨᠴᠠᠭᠠᠢ ᠬᠦᠴᠢᠷ ᠠᠰᠠᠭᠤᠳᠠᠯ ᠪᠢᠰᠢ ᠪᠣᠯ ᠪᠦᠷ ᠰᠢᠢᠳᠪᠦᠷᠢᠯᠡᠵᠦ ᠴᠢᠳᠠᠬᠤ ᠪᠤᠯᠵᠠᠢ︾ᠭᠡᠵᠦ ᠰᠤᠷᠪᠤᠯᠵᠢᠯᠠᠭᠴᠢᠳᠤ ᠶᠠᠷᠢᠵᠦ ᠪᠠᠢᠯᠠ᠃
《ᠮᠠᠷᠭᠠᠰᠢ ᠪᠠᠰᠠ ᠳᠡᠭᠡᠷᠠ ᠱᠠᠲᠤᠨᠤ ᠲᠣᠬᠢᠷᠠᠭᠤᠯᠤᠭᠰᠠᠨ ᠲᠤᠬᠠᠢᠯᠠᠭᠰᠠᠨ ᠠᠵᠢᠯ ᠤ᠋ᠨ ᠰᠢᠯᠭᠠᠯᠲᠠ ᠪᠤᠢ᠂ ᠡᠭᠦᠷᠭᠡ ᠪᠠᠴᠢᠮ ᠲᠤᠯᠠ ᠪᠢ ᠡᠷᠬᠡᠪᠰᠢ ᠰᠦᠯᠵᠢᠶᠡᠨ ᠤᠲᠠᠰᠤ ᠪᠠᠨ ᠤᠷᠢᠳᠴᠢᠯᠠᠨ ᠲᠣᠬᠢᠷᠠᠭᠤᠯᠵᠤ᠂ ᠺᠣᠮᠫᠢᠦ᠋ᠲ᠋ᠧᠷᠢᠶᠡᠨ ᠤᠭᠰᠠᠷᠠᠬᠤ ᠴᠢᠬᠤᠯᠠ ᠲᠠᠢ᠂ ᠰᠢᠯᠭᠠᠯᠲᠠᠵᠢ ᠰᠠᠭᠠᠳᠠᠭᠠᠵᠤ ᠪᠤᠯᠬᠤ ᠦᠭᠡᠢ︾ᠭᠡᠳ ᠬᠠᠮᠲᠤ ᠠᠵᠢᠯᠲᠠᠨᠤ ᠪᠠᠨ ᠺᠤᠮᠫᠢᠦ᠋ᠲ᠋ᠧᠷᠢ ᠨᠢ ᠵᠠᠰᠠᠵᠤ ᠪᠠᠷᠠᠭᠰᠠᠨᠤ᠋ ᠳᠠᠷᠠᠭᠠ᠂ ᠳᠢ ᠠᠩ ᠪᠠᠰᠠ ᠶᠠᠭᠠᠷᠠᠯᠲᠠᠢ ᠲᠡᠯᠭᠡᠭᠦᠷ ᠲᠤᠭᠤᠷᠢᠭᠠᠳ᠂ ᠰᠦᠯᠵᠢᠶᠡᠨ ᠤᠲᠠᠰᠤ᠂ ᠴᠠᠬᠢᠯᠭᠠᠨ ᠤᠭᠯᠠᠭᠤᠷ ᠵᠡᠷᠭᠡ ᠬᠡᠷᠡᠭᠰᠡᠯᠢ ᠬᠤᠳᠠᠯᠳᠤᠨ ᠠᠪᠴᠤ ᠢᠷᠡᠭᠡᠳ᠂ ᠰᠢᠯᠭᠠᠯᠲᠠᠶ᠋ᠢᠨ ᠲᠠᠯᠠᠪᠠᠢᠪᠠᠨ ᠪᠡᠯᠡᠳᠭᠡᠵᠦ ᠡᠬᠢᠯᠡᠪᠡ᠃
ᠡᠩᠤᠨ ᠦᠶᠡᠳ᠋ᠦ᠍ ᠲᠡᠷᠡ ᠪᠠᠰᠠ ᠦᠷᠭᠦᠯᠵᠢ ᠮᠠᠯᠴᠢᠳᠤ᠋ᠨ ᠭᠡᠷ᠂ ᠣᠢᠷᠠ ᠬᠠᠪᠢᠶ᠋ᠢᠨ ᠬᠠᠮ ᠳᠡᠯᠭᠡᠭᠦᠷᠵᠢᠡᠷ ᠭᠦᠨᠵᠡᠭᠡᠢᠷᠡᠨ᠂ ᠬᠠᠤᠯᠢ ᠴᠠᠭᠠᠵᠠᠶ᠋ᠢᠨ ᠮᠡᠳᠡᠯᠭᠡᠵᠡᠷᠭᠡ ᠶ᠋ᠢ ᠲᠦᠭᠡᠮᠡᠯᠵᠢᠭᠦᠯᠳᠡᠭ᠃ ᠲᠡᠷᠡ ᠲᠥᠷᠥᠶ᠋ᠢᠨ ᠪᠣᠳᠣᠯᠭᠠ᠂ ᠦᠢᠯᠡᠴᠢᠯᠡᠭᠡ᠂ ᠮᠡᠳᠡᠭᠡ ᠵᠠᠩᠭᠢ ᠬᠦᠷᠭᠡᠬᠦ᠂ ᠨᠠᠮᠤ᠋ᠨ ᠠᠵᠢᠯ ᠢ᠋ ᠤᠯᠠᠮᠵᠢᠯᠠᠬᠤ᠂ ᠪᠦᠯᠬᠦᠮᠳᠡᠯ ᠢ᠋ ᠠᠬᠢᠭᠤᠯᠬᠤ᠂ ᠮᠡᠷᠭᠡᠵᠢᠯ ᠴᠢᠳᠠᠪᠤᠷᠢᠤᠯᠠᠮᠵᠢᠯᠠᠬᠤ᠂ 《ᠭᠤᠷᠪᠠᠶ᠋ᠢ ᠬᠦᠷᠭᠡᠬᠦ ᠭᠤᠷᠪᠠᠶ᠋ᠢ ᠤᠯᠠᠮᠵᠢᠯᠠᠬᠤ》 ᠬᠡᠪ ᠵᠠᠭᠪᠤᠷᠤ᠋ᠨ ᠰᠢᠨᠡᠶ᠋ᠢ ᠡᠭᠦᠳᠴᠦ᠂ ᠲᠤᠬᠠᠢᠶ᠋ᠢᠨ ᠭᠠᠵᠠᠷᠤ᠋ᠨ ᠮᠠᠯᠴᠢᠨ ᠲᠠᠷᠢᠶᠠᠴᠢᠨᠤ᠋ ᠬᠦᠷᠢᠶᠡᠯᠡᠯᠢ᠋ ᠣᠯᠵᠤ᠂ ᠣᠯᠠᠨ ᠲᠦᠮᠡᠨᠦ᠌ ᠲᠥᠷᠥᠶ᠋ᠢᠨ ᠪᠣᠳᠣᠯᠭᠠᠶ᠋ᠢ ᠤᠢᠯᠠᠭᠠᠬᠤ ᠨᠣᠷᠮᠠᠶ᠋ᠢ ᠪᠦᠲᠦᠮᠵᠢᠲᠡᠢ ᠳᠡᠭᠡᠭᠰᠢᠯᠡᠭᠦᠯᠪᠡ᠃
ᠳᠢ ᠠᠩ ᠬᠢᠯᠢᠶ᠋ᠢᠨ ᠠᠮᠤᠷ ᠲᠣᠭᠲᠠᠭᠤᠨᠢ ᠪᠠᠲᠤᠯᠠᠬᠤ ᠵᠢᠨ ᠴᠢᠬᠤᠯᠠ ᠴᠢᠨᠠᠷᠢ ᠭᠦᠨ ᠮᠡᠳᠡᠵᠦ᠂ 2023 ᠣᠨᠳ᠋ᠤ᠌ 12 ᠬᠤᠪᠢ ᠪᠠᠴᠢᠮ ᠪᠠᠢᠳᠠᠯᠢ᠋ ᠠᠷᠭᠠᠴᠠᠭᠠᠬᠤ ᠲᠥᠰᠦᠯᠢ ᠰᠡᠳᠭᠢᠯ ᠲᠠᠯᠪᠢᠨ ᠨᠠᠢᠷᠠᠭᠤᠯᠤᠨ ᠵᠣᠬᠢᠶᠠᠵᠤ᠂ 14 ᠤᠳᠠᠭᠠᠨᠤ ᠬᠠᠮᠲᠤᠷᠠᠨ ᠡᠭᠦᠷᠭᠡ ᠭᠦᠢᠴᠡᠳᠬᠡᠬᠦ᠂ ᠬᠢᠯᠢ ᠴᠠᠭᠳᠠᠨ ᠪᠠᠢᠴᠠᠭᠠᠬᠤ ᠵᠢᠴᠢ ᠬᠢᠯᠢ ᠬᠢᠵᠠᠭᠠᠷᠤ᠋ᠨ ᠰᠣᠷᠢᠯᠲᠠᠶ᠋ᠢ ᠲᠦᠷᠦᠭᠦᠯᠡᠨ ᠵᠣᠬᠢᠶᠠᠨ ᠪᠠᠢᠭᠤᠯᠵᠤ᠂ 920 ᠲᠡᠷᠭᠡ ᠬᠥᠰᠬᠡᠶ᠋ᠢ ᠪᠠᠢᠴᠠᠭᠠᠨ ᠰᠢᠯᠭᠠᠵᠤ᠂ ᠪᠠᠰᠠ ᠬᠥᠯᠥᠰᠥᠨ ᠠᠵᠢᠯᠴᠢᠨᠳ᠋ᠤ᠌ ᠲᠤᠰᠠᠯᠠᠨ᠂ 9 ᠲᠦᠮᠡᠨ ᠲᠥᠭᠥᠷᠢᠭᠦ᠋ᠨ ᠥᠷᠢᠲᠦᠭᠰᠡᠨ ᠴᠠᠯᠢᠩ ᠢ᠋ ᠨᠢ ᠪᠤᠴᠠᠭᠠᠵᠤ ᠠᠪᠴᠤ ᠥᠭᠭᠦᠨ᠂ 4 ᠤᠳᠠᠭᠠᠨᠤ᠋ ᠠᠮᠤᠷ ᠲᠦᠪᠰᠢᠨᠦ᠌ ᠬᠡᠷᠡᠭᠢ᠋ ᠵᠣᠬᠢᠰᠲᠠᠢ ᠰᠢᠢᠳᠪᠦᠷᠢᠯᠡᠪᠡ᠃
ᠡᠭᠦᠨᠦ᠌ ᠬᠠᠮᠲᠤ᠂ ᠲᠡᠷᠡ ᠨᠠᠮᠤᠨ ᠬᠡᠰᠢᠬᠦᠨ ᠪᠠ ᠣᠯᠠᠨ ᠲᠦᠮᠡᠨᠦ᠌ ᠬᠥᠮᠦᠵᠢᠯᠦ᠋ᠨ ᠬᠠᠷᠢᠯᠴᠠᠭᠠᠨᠤ ᠲᠤᠤᠷᠢ ᠢᠳᠡᠪᠬᠢᠲᠡᠢ ᠪᠠᠢᠭᠤᠯᠤᠨ᠂︽ᠲᠠᠯᠠ ᠨᠤᠲᠤᠭᠤ᠋ᠨ ᠬᠤᠪᠢᠰᠬᠠᠯᠤ᠋ᠨ ᠰᠣᠶᠣᠯᠤ᠋ᠨ ᠥᠷᠥᠭᠡ︾ᠶ᠋ᠢ ᠭᠣᠣᠯᠯᠠᠨ ᠪᠠᠢᠭᠤᠯᠵᠤ᠂︽ᠴᠠᠭᠳᠠᠭᠠ ᠠᠷᠠᠳᠤᠨ ᠨᠠᠭᠠᠳᠤᠮᠤᠨ ᠬᠤᠷᠠᠯ︾᠂ ᠴᠠᠭᠳᠠᠭᠠᠨᠤ ᠬᠤᠸᠠᠷᠠᠨᠢ᠋ ᠨᠡᠭᠡᠭᠡᠬᠦ ᠡᠳᠦᠷᠯᠢᠭ ᠵᠡᠷᠭᠡ ᠠᠵᠢᠯᠯᠠᠭᠠᠶ᠋ᠢ ᠦᠷᠭᠦᠯᠵᠢ ᠵᠣᠬᠢᠶᠠᠨ ᠪᠠᠢᠭᠤᠯᠤᠭᠠᠳ᠂ ᠣᠯᠠᠨ ᠲᠦᠮᠡᠨᠦ᠌ ᠣᠶᠤᠨᠤ᠋ ᠪᠠ ᠰᠣᠶᠣᠯ ᠤ᠋ᠨ ᠠᠮᠢᠳᠤᠷᠠᠯᠢ᠋ ᠪᠠᠶᠠᠯᠢᠭᠵᠢᠭᠤᠯᠵᠤ᠂ ᠬᠠᠷᠢᠶᠠ ᠣᠷᠣᠨᠤ᠋ ᠠᠮᠤᠷ ᠲᠣᠭᠲᠠᠭᠤᠨᠢ ᠪᠠᠲᠤᠯᠠᠬᠤᠳ᠋ᠤ᠌ ᠢᠳᠡᠪᠬᠢᠲᠡᠢ ᠬᠤᠪᠢ ᠨᠡᠮᠡᠷᠢ ᠦᠵᠡᠭᠦᠯᠦᠭᠰᠡᠭᠡᠷ ᠪᠠᠢᠨᠠ᠃