— 《ᠥᠪᠥᠷ ᠮᠣᠩᠭᠣᠯᠤᠨ ᠰᠠᠢᠨ ᠬᠥᠮᠦᠨ》 ᠥᠪᠥᠷ ᠮᠣᠩᠭᠣᠯᠤᠨ ᠹᠸᠢ ᠮᠸᠩ ᠵᠡᠮᠳᠡᠭ᠌ᠴᠦᠳᠦᠨ ᠰᠦᠯᠵᠢᠶᠡᠨᠦ ᠠᠷᠠᠯᠵᠢᠶᠠ ᠬᠤᠳᠠᠯᠳᠤᠭᠠᠨᠤ ᠬᠢᠵᠠᠭᠠᠷᠲᠤ ᠺᠣᠮᠫᠠᠨᠢᠶ᠋ᠢᠨ ᠬᠠᠷᠢᠭᠤᠴᠠᠯᠭᠠᠲᠠᠨ ᠯᠢᠦ ᠺᠠᠶ ᠶ᠋ᠢ ᠲᠡᠮᠳᠡᠭ᠌ᠯᠡᠪᠡ
《〈ᠥᠪᠥᠷ ᠮᠣᠩᠭᠣᠯᠤᠨ ᠰᠠᠢ᠌ᠨ ᠬᠥᠮᠦᠨ〉 ᠭᠡᠬᠦ᠌ ᠢᠷᠠᠭᠤ ᠠᠯᠳᠠᠷᠢ ᠣᠯᠤᠭ᠍ᠰᠠᠨᠳᠠᠭᠠᠨ ᠪᠢ ᠬᠢᠵᠠᠭᠠᠯᠠᠰᠢ ᠦᠭᠡᠢ ᠳᠣᠭ᠍ᠳᠣᠯᠵᠤ ᠪᠠᠢᠨᠠ᠂ ᠬᠠᠷᠢᠭᠤᠴᠠᠯᠭᠠ ᠬᠦᠨᠳᠦ ᠶᠡᠬᠡ ᠭᠡᠳᠡᠭᠢ ᠴᠦ᠍ ᠭᠦᠨ ᠣᠢᠯᠠᠭᠠᠵᠤ ᠪᠠᠢᠨᠠ᠃ ᠡᠨᠡ ᠬᠦ᠌ ᠢᠷᠠᠭᠤ ᠠᠯᠳᠠᠷ ᠨᠢ ᠮᠢᠨᠦ᠍ ᠬᠤᠪᠢ ᠬᠥᠮᠦᠨᠳᠦ ᠬᠠᠷᠢᠶᠠᠯᠠᠭ᠍ᠳᠠᠬᠤᠪᠠᠷ ᠪᠠᠷᠠᠬᠤ ᠦᠭᠡᠢ ᠨᠡᠩ ᠴᠤ᠌ ᠦᠵᠡᠰᠭᠦᠯᠡᠩᠲᠦ ᠰᠠᠢᠬᠠᠨ ᠥᠪᠥᠷ ᠮᠣᠩᠭᠣᠯᠢ ᠪᠦᠳᠦᠭᠡᠨ ᠪᠠᠢᠭᠤᠯᠬᠤᠶ᠋ᠢᠨ ᠲᠥᠯᠥᠭᠡ ᠦᠭᠡ ᠳᠠᠭᠤᠨ ᠦᠭᠡᠢᠪᠡᠷ ᠵᠢᠳᠬᠦᠵᠦ᠍᠂ ᠬᠠᠢᠷᠠ ᠬᠠᠯᠠᠮᠵᠢᠶ᠋ᠢ ᠳᠠᠮᠵᠢᠭᠤᠯᠤᠭ᠍ᠰᠠᠨ ᠡᠭᠡᠯ ᠵᠢᠷᠦᠨ ᠬᠥᠮᠦᠰᠲᠦ ᠬᠠᠷᠢᠶᠠᠯᠠᠭ᠍ᠳᠠᠨᠠ᠃ ᠲᠡᠷᠡ ᠨᠢ ᠰᠠᠢ᠌ᠨ ᠦᠢᠯᠡ ᠶᠠᠪᠤᠳᠠᠯ ᠱᠢᠳᠤᠷᠭᠤ ᠦᠢᠯᠡ ᠠᠵᠢᠯᠯᠠᠭᠠ ᠨᠢ ᠶᠡᠬᠡ ᠪᠠᠭᠠᠶ᠋ᠢᠨ ᠢᠯᠭᠠᠭᠠ ᠦᠭᠡᠢ᠂ ᠴᠢᠩ ᠰᠡᠳᠭᠢᠯᠢᠶᠡᠷ ᠠᠵᠢᠯ ᠶᠠᠪᠤᠳᠠᠯ ᠬᠢᠵᠦ᠍᠂ ᠪᠤᠰᠤᠳᠲᠤ ᠦᠨᠡᠨᠴᠢᠪᠡᠷ ᠬᠠᠨᠳᠤᠪᠠᠯ᠂ ᠮᠠᠨᠤ ᠬᠥᠮᠦᠨ ᠪᠣᠯᠭᠠᠨ ᠴᠥᠮ 〈ᠰᠠᠢ᠌ᠨ ᠬᠥᠮᠦᠨ〉 ᠤ᠋ ᠵᠣᠷᠢᠭ ᠰᠠᠨᠠᠭᠠᠶ᠋ᠢ ᠦᠢᠯᠡᠳᠦᠯᠭᠡᠵᠢᠭᠦᠯᠵᠦ᠍ ᠴᠢᠳᠠᠨᠠ ᠭᠡᠳᠡᠭᠢ ᠴᠠᠭ ᠢᠮᠠᠭ᠍ᠲᠠ ᠨᠠᠳᠠᠳᠤ ᠰᠠᠨᠠᠭᠤᠯᠵᠤ ᠪᠠᠢᠳᠠᠭ》 ᠭᠡᠵᠦ ᠥᠪᠥᠷ ᠮᠣᠩᠭᠣᠯᠤᠨ ᠹᠸᠢ ᠮᠸᠩ ᠵᠡᠮᠳᠡᠭ᠌ᠴᠦᠳᠦᠨ ᠰᠦᠯᠵᠢᠶᠡᠨᠦ ᠠᠷᠠᠯᠵᠢᠶᠠ ᠬᠤᠳᠠᠯᠳᠤᠭᠠᠨᠤ ᠬᠢᠵᠠᠭᠠᠷᠲᠤ ᠺᠣᠮᠫᠠᠨᠢᠶ᠋ᠢᠨ ᠬᠠᠷᠢᠭᠤᠴᠠᠯᠭᠠᠲᠠᠨ ᠯᠢᠦ ᠺᠠᠶ ᠥᠪᠡᠷᠦᠨ ᠰᠡᠳᠭᠢᠯᠦᠨ ᠭᠦᠨᠳᠡᠬᠢ 《ᠰᠠᠢᠨ ᠬᠥᠮᠦᠨ》 ᠤ᠋ ᠲᠤᠬᠠᠶ ᠣᠢᠯᠠᠭᠠᠯᠲᠠᠪᠠᠨ ᠢᠯᠡᠳᠭᠡᠪᠡ᠃
ᠡᠨᠡ ᠵᠢᠯ 33 ᠨᠠᠰᠤᠲᠠᠢ ᠯᠢᠦ ᠺᠠᠢ ᠪᠣᠯ ᠤᠯᠠᠭᠠᠨᠴᠠᠪ ᠬᠤᠳᠠᠶ᠋ᠢᠨ ᠵᠦᠸᠧᠽᠢ ᠱᠢᠶᠠᠨᠤ ᠰᠢᠪᠠᠷᠳᠠᠢ ᠪᠠᠯᠭᠠᠰᠤᠨᠤ ᠬᠥᠮᠦᠨ ᠪᠣᠯᠤᠨᠠ᠃ ᠬᠡᠦᠬᠡᠳᠦᠨ ᠰᠠ ᠡᠪᠡᠳᠴᠢᠨᠳᠦ ᠨᠡᠷᠪᠡᠭ᠌ᠳᠡᠭ᠌ᠰᠡᠨᠡᠴᠡ ᠪᠤᠯᠵᠤ᠂ ᠲᠡᠷᠡ ᠲᠠᠶᠠᠭ ᠲᠤᠯᠪᠠᠯ ᠰᠠᠶᠢ ᠶᠠᠪᠤᠵᠦ ᠲᠡᠢᠯᠦᠨᠡ᠃ ᠪᠡᠶᠡ ᠵᠡᠮᠳᠡᠭ ᠪᠠᠢᠭ᠍ᠰᠠᠨ ᠴᠤ᠌᠂ ᠲᠡᠷᠡ ᠡᠷᠡᠰ ᠬᠠᠲᠠᠭᠤ ᠵᠣᠷᠢᠭ ᠰᠠᠨᠠᠭᠠ ᠪᠣᠯᠤᠨ ᠬᠠᠯᠠᠭᠤᠨ ᠰᠡᠳᠬᠢᠯᠭᠡ ᠪᠡᠷ ᠳᠡᠷᠭᠡᠳᠡᠬᠢ ᠵᠡᠮᠳᠡᠭ᠌ᠴᠦᠳ ᠲᠤ᠌ ᠲᠡᠮᠵᠢᠯᠭᠡ ᠦᠵᠡᠭᠦᠯᠦᠭᠰᠡᠭᠡᠷ ᠢᠷᠡᠪᠡ᠃ ᠣᠯᠠᠨ ᠵᠢᠯᠦᠨ ᠲᠤᠷᠰᠢ᠂ ᠯᠢᠦ ᠺᠠᠶ ᠢᠨᠲ᠋ᠧᠷ ᠰᠦᠯᠵᠢᠶᠡᠨᠦ ᠠᠷᠠᠯᠵᠢᠶᠠ ᠬᠤᠳᠠᠯᠳᠤᠭᠠᠨᠤ ᠺᠣᠮᠫᠠᠨᠢᠶ᠋ᠢ ᠡᠭᠦᠳᠦᠨ ᠪᠠᠢᠭᠤᠯᠬᠤ᠂ ᠴᠠᠭᠠᠰᠤᠨ ᠬᠠᠢᠷᠴᠠᠭᠤᠨ ᠦᠶ᠋ᠯᠡᠳᠪᠦᠷᠢ ᠪᠠ ᠬᠤᠸᠠᠷ ᠬᠠᠳᠭᠤᠬᠤ ᠦᠶ᠋ᠯᠡᠳᠭᠡᠯᠦᠨ ᠭᠠᠵᠠᠷᠪᠠᠢᠭᠤᠯᠵᠦ᠂ ᠰᠠᠢᠨ ᠳᠤᠷᠠᠶ᠋ᠢᠨ ᠦᠶ᠋ᠯᠡᠴᠢᠯᠡᠭᠡ ᠥᠷᠨᠢᠭᠦᠯᠬᠦ᠌ ᠵᠡᠷᠭᠡ ᠠᠷᠭᠠ ᠬᠡᠯᠪᠡᠷᠢᠪᠡᠷ ᠳᠠᠮᠵᠢᠭᠤᠯᠤᠨ᠂ ᠨᠠᠩ ᠣᠯᠠᠨ ᠵᠡᠮᠳᠡᠭ᠌ᠴᠦᠳᠲᠦ ᠬᠠᠮᠳᠤᠷᠠᠯᠴᠠᠨ ᠨᠢᠭᠳᠠᠷᠠᠯᠴᠠᠬᠤ ᠬᠦᠴᠦᠨ ᠴᠢᠳᠠᠯᠢ ᠮᠡᠳᠡᠷᠡᠭᠦᠯᠵᠦ᠍᠂ ᠨᠠᠩ ᠣᠯᠠᠨ ᠵᠡᠮᠳᠡᠭ᠌ᠴᠦᠳ ᠲᠦ᠍ ᠲᠣᠰ ᠪᠡᠶᠡᠶ᠋ᠢᠨ ᠨᠡᠢᠭᠡᠮᠦᠨ ᠦᠨᠡ ᠥᠷᠲᠡᠭᠢᠶᠡᠨ ᠢᠯᠡᠷᠡᠭᠦᠯᠬᠦ ᠲᠤᠬᠢᠶᠠᠯ ᠤᠯᠭᠤᠪᠠ᠃
ᠯᠢᠦ ᠺᠠᠶ 2015 ᠣᠨᠳᠤ ᠬᠥᠬᠡᠬᠣᠲᠠᠶ᠋ᠢᠨ ᠠᠵᠢᠯ ᠮᠡᠷᠭᠡᠵᠢᠯᠦᠨ ᠺᠣᠮᠫᠢᠦ᠋ᠲ᠋ᠧᠷᠦᠨ ᠪᠣᠯᠪᠠᠰᠤᠷᠠᠯᠤᠨ ᠰᠤᠷᠭᠠᠭᠤᠯᠢᠶ᠋ᠢᠨ ᠵᠠᠷ ᠮᠡᠳᠡᠭᠡᠨᠤ ᠵᠢᠷᠤᠭ ᠲᠦᠯᠦᠪᠯᠡᠭᠡ ᠬᠢᠭᠡᠳ ᠬᠡᠷ ᠳᠣᠲᠣᠷᠠᠬᠢ ᠵᠢᠷᠤᠭ ᠲᠥᠯᠥᠪᠯᠡᠭᠡᠨᠦ ᠲᠤᠰᠭᠠᠶ ᠮᠡᠷᠭᠡᠵᠢᠯᠡᠴᠡ ᠲᠡᠭᠦᠰᠴᠡᠶ᠃ ᠲᠡᠭᠦᠰᠴᠤ ᠠᠵᠢᠯ ᠡᠷᠢᠬᠦ᠌ ᠦᠶᠡᠰ᠂ ᠮᠥᠴᠢ ᠨᠢ ᠵᠡᠮᠳᠡᠭᠡᠴᠡ ᠪᠣᠯᠵᠤ ᠮᠠᠰᠢ ᠣᠯᠠᠨ ᠠᠵᠤ ᠠᠬᠤᠢᠯᠠᠯ ᠲᠡᠭᠦᠨᠢ ᠤᠷᠢᠵᠤ ᠬᠡᠷᠡᠭ᠌ᠯᠡᠬᠦ᠌ ᠳᠤᠷᠠ ᠦᠭᠡᠢ ᠪᠠᠢᠪᠠ᠃ ᠯᠢᠦ ᠺᠠᠶ ᠭᠠᠵᠠᠷ ᠪᠣᠯᠭᠠᠨᠳᠤ ᠠᠵᠢᠯ ᠡᠷᠢᠵᠦ᠍ ᠬᠠᠳᠠᠭᠠᠰᠤ ᠮᠥᠷᠭᠥᠭ᠌ᠰᠡᠨᠦ ᠳᠠᠷᠠᠭᠠ᠂ ᠡᠯᠧᠺᠲ᠋ᠷᠣᠨ ᠬᠤᠳᠠᠯᠳᠤᠭᠠᠨᠤ ᠲᠠᠪᠴᠠᠩᠢ ᠠᠱᠢᠭ᠍ᠯᠠᠨ ᠲᠤᠬᠠᠶᠶ᠋ᠢᠨ ᠭᠠᠵᠠᠷᠤᠨ ᠨᠤᠲᠤᠭᠤᠨ ᠣᠨᠴᠠ ᠭᠠᠷᠤᠯᠲᠠᠪᠠᠨ ᠪᠣᠷᠣᠯᠠᠭᠤᠯᠬᠤ ᠪᠣᠳᠣᠯ ᠣᠷᠣᠪᠠ᠃ 2017 ᠣᠨᠤ 10 ᠰᠠᠷᠠᠳᠤ᠂ ᠯᠢᠦ ᠺᠠᠶ ᠥᠪᠥᠷ ᠮᠣᠩᠭᠣᠯᠤᠨ ᠹᠸᠢ ᠮᠸᠩ ᠵᠡᠮᠳᠡᠭ᠌ᠴᠦᠳᠦᠨ ᠰᠦᠯᠵᠢᠶᠡᠨᠦ ᠠᠷᠠᠯᠵᠢᠶᠠ ᠬᠤᠳᠠᠯᠳᠤᠭᠠᠨᠤ ᠬᠢᠵᠠᠭᠠᠷᠲᠤ ᠺᠣᠮᠫᠠᠨᠢᠶ᠋ᠢ ᠳᠠᠩᠰᠠᠯᠠᠭᠤᠯᠤᠨ ᠪᠠᠢᠭᠤᠯᠪᠠ᠃
《ᠺᠣᠮᠫᠠᠨᠢᠶ᠋ᠢᠨ ᠨᠡᠷᠡ ᠪᠠᠨ ᠶᠠᠭᠤᠨᠳᠤ 〈ᠹᠸᠢ ᠮᠸᠩ〉᠂ 〈ᠵᠡᠮᠳᠡᠭᠴᠤᠳ〉 ᠭᠡᠬᠦ᠌ ᠬᠡᠳᠦᠨ ᠦᠭᠡᠵᠢ ᠬᠡᠷᠡᠭᠯᠡᠭᠰᠡᠨ ᠪᠤᠢ ᠭᠡᠵᠦ ᠠᠰᠠᠭᠤᠬᠤ ᠳ᠋ᠤ᠂ ᠪᠢ ᠡᠨᠡ ᠺᠣᠮᠫᠠᠨᠢ ᠪᠣᠯ ᠵᠡᠮᠳᠡᠭ ᠬᠥᠮᠦᠨᠦ ᠪᠠᠢᠭᠤᠯᠤᠭ᠍ᠰᠠᠨ ᠺᠣᠮᠫᠠᠨᠢ᠂ ᠪᠠᠰᠠ ᠵᠡᠮᠳᠡᠭ ᠬᠥᠮᠦᠨᠢ ᠡᠯᠰᠡᠬᠦ᠌ ᠺᠣᠮᠫᠠᠨᠢ ᠮᠥᠷᠲᠡᠭᠡᠨ ᠪᠢᠳᠡ ᠬᠡᠪᠦᠨ ᠠᠵᠤ ᠠᠬᠤᠢᠯᠠᠯᠲᠠᠶ ᠥᠷᠢᠰᠦᠯᠳᠦᠵᠦ᠍ ᠪᠣᠯᠤᠨᠠ᠃ ᠡᠭᠦᠨᠦ ᠬᠠᠮᠲᠤ ᠪᠠᠰᠠ ᠵᠡᠮᠳᠡᠭ᠌ᠴᠦᠳᠢ ᠭᠠᠳᠠᠭᠤᠷᠴᠢᠯᠠᠵᠤ ᠪᠣᠯᠬᠤ ᠦᠭᠡᠢ᠂ ᠪᠦᠷᠢᠨ ᠪᠦᠲᠦᠨ ᠬᠥᠮᠦᠨᠦ ᠬᠢᠵᠦ᠍ ᠳᠡᠢᠯᠬᠦ᠌ ᠶᠠᠪᠤᠳᠠᠯᠢ ᠮᠠᠨᠤ ᠵᠡᠮᠳᠡᠭᠴᠤᠳ ᠪᠠᠰᠠ ᠬᠢᠵᠦ᠍ ᠪᠣᠯᠤᠨᠠ》 ᠭᠡᠵᠦ᠍ ᠯᠢᠦ ᠺᠠᠶ ᠬᠡᠯᠡᠪᠡ᠃
ᠥᠪᠥᠷ ᠮᠣᠩᠭᠣᠯᠤᠨ ᠹᠸᠢ ᠮᠸᠩ ᠵᠡᠮᠳᠡᠭ᠌ᠴᠦᠳᠦᠨ ᠰᠦᠯᠵᠢᠶᠡᠨᠦ ᠠᠷᠠᠯᠵᠢᠶᠠ ᠬᠤᠳᠠᠯᠳᠤᠭᠠᠨᠤ ᠬᠢᠵᠠᠭᠠᠷᠲᠤ ᠺᠣᠮᠫᠠᠨᠢ ᠪᠠᠢᠭᠤᠯᠤᠭ᠍ᠳᠠᠭ᠍ᠰᠠᠨ ᠡᠬᠢᠨᠦ ᠦᠶᠡᠳᠦ ᠵᠥᠪᠬᠡᠨ 10 ᠠᠵᠢᠯᠲᠠᠨᠲᠠᠶ ᠪᠠᠢᠵᠠᠶ᠂ ᠲᠠᠳᠠ ᠴᠥᠮ ᠵᠡᠮᠳᠡᠭ᠌ᠴᠦᠳᠦᠨ ᠬᠡᠷ ᠪᠦᠯᠢᠡᠴᠡ ᠢᠷᠡᠭ᠌ᠰᠡᠨ ᠶᠤᠮ᠃
ᠯᠢᠦ ᠺᠠᠶ᠄ 《ᠺᠣᠮᠫᠠᠨᠢ ᠠᠩᠬᠠ ᠡᠬᠢᠯᠡᠬᠦ᠌ᠳᠡᠭᠡᠨ ᠲᠣᠳᠣᠷᠬᠠᠶ ᠲᠤᠬᠠᠢᠯᠠᠭ᠍ᠰᠠᠨ ᠠᠵᠢᠯ ᠪᠠᠢᠬᠤ ᠥᠬᠡᠶ᠂ ᠪᠢᠳᠡ ᠬᠤᠤᠰ ᠤᠶᠠᠩᠭᠠ᠂ ᠬᠤᠸᠠᠷ ᠫᠤᠤᠵᠢᠩ᠂ ᠮᠠᠱᠢᠨ ᠲᠡᠷᠭᠡᠨᠦ ᠱᠢᠯ ᠤᠬᠢᠶᠠᠬᠤ ᠤᠰᠤ ᠵᠡᠷᠭᠡᠶ᠋ᠢ ᠬᠤᠳᠠᠯᠳᠤᠵᠤ ᠦᠩᠭᠡᠷᠡᠪᠡ᠂ ᠭᠡᠪᠡᠴᠤ ᠡᠲᠡᠭᠡᠷ ᠲᠤᠬᠠᠢᠯᠠᠭ᠍ᠰᠠᠨ ᠠᠵᠢᠯᠨᠢ ᠺᠣᠮᠫᠠᠨᠢᠶ᠋ᠢᠨ ᠬᠥᠭ᠌ᠵᠢᠯᠲᠡᠳᠦ ᠬᠦᠴᠦᠲᠡᠶ ᠲᠤᠯᠭᠠᠭᠤᠷᠢᠯᠠᠯ ᠪᠣᠯᠵᠣ ᠴᠢᠳᠠᠭ᠍ᠰᠠᠨ ᠥᠬᠡᠶ᠃ ᠰᠡᠭᠦᠯᠡᠷᠨᠢ᠂ ᠺᠣᠮᠫᠠᠨᠢ ᠱᠢᠶᠠᠨᠤ ᠡᠯᠧᠺᠲ᠋ᠷᠣᠨ ᠬᠤᠳᠠᠯᠳᠤᠭᠠᠨᠤ ᠶᠠᠪᠤᠳᠠᠯᠤᠨ ᠨᠡᠪᠴᠢᠭᠦᠯᠬᠦ᠌ ᠬᠦᠷᠢᠶᠡᠯᠡᠩ ᠲᠣᠭᠣᠷᠢᠭᠲᠤ ᠣᠷᠣᠵᠤ ᠰᠠᠭᠤᠭᠠᠳ᠂ ᠲᠡᠨᠳᠡ 3 ᠵᠢᠯ ᠴᠢᠷᠮᠠᠢᠵᠤ᠂ ᠬᠦᠷᠢᠶᠡᠯᠡᠩ ᠲᠣᠭᠣᠷᠢᠭᠤᠨ ᠠᠵᠢᠯᠲᠠᠳ ᠪᠢᠳᠡᠨᠳᠦ ᠡᠯᠧᠺᠲ᠋ᠷᠣᠨ ᠬᠤᠳᠠᠯᠳᠤᠭᠠᠨᠤ ᠶᠠᠪᠤᠳᠠᠯ᠂ ᠡᠵᠡᠩᠨᠡᠯᠲᠡ ᠵᠡᠷᠭᠡ ᠲᠠᠯᠠᠶ᠋ᠢᠨ ᠮᠡᠷᠭᠡᠵᠢᠯ ᠪᠠ ᠮᠡᠳᠡᠯᠭᠡᠶ᠋ᠢ ᠵᠢᠭᠠᠵᠤ ᠥᠭ᠌ᠪᠡ᠃ ᠲᠡᠷᠡ ᠦᠶᠡᠡᠴᠡ ᠡᠬᠢᠯᠡᠨ᠂ ᠪᠢᠳᠡ ᠲᠤᠤ ᠪᠦᠦ᠂ ᠠᠯᠢᠪᠠᠪᠠ ᠵᠡᠷᠭᠡ ᠡᠯᠧᠺᠲ᠋ᠷᠣᠨ ᠬᠤᠳᠠᠯᠳᠤᠭᠠᠨᠤ ᠲᠠᠪᠴᠠᠩᠳᠤ ᠵᠦᠸᠧᠽᠢ ᠱᠢᠶᠠᠨᠤ ᠤᠲᠤᠮᠠᠯ ᠲᠠᠬᠢᠶᠠ᠂ ᠲᠠᠪᠤᠨ ᠲᠠᠷᠢᠶᠠ ᠡᠯᠳᠡᠪ ᠠᠮᠤ᠂ ᠶᠠᠮᠠᠶ᠋ᠢᠨ ᠦᠷᠡᠶ᠋ᠢᠨ ᠲᠣᠰᠣ ᠵᠡᠷᠭᠡ ᠪᠦᠲᠦᠭᠡᠭ᠌ᠳᠡᠬᠦᠨᠢ ᠪᠣᠷᠣᠯᠠᠭᠤᠯᠪᠠ》 ᠭᠡᠵᠦ ᠬᠡᠯᠡᠪᠡ᠃
ᠲᠤᠬᠠᠢᠯᠠᠭᠰᠠᠨ ᠠᠵᠢᠯᠤᠨ ᠬᠥᠭ᠌ᠵᠢᠯᠲᠡᠶ᠋ᠢ ᠳᠠᠭᠠᠯᠳᠤᠨ᠂ ᠯᠢᠦ ᠺᠠᠢ ᠴᠠᠭᠠᠰᠤᠨ ᠬᠠᠢᠷᠴᠠᠭᠤᠨ ᠵᠠᠬᠠ ᠳᠡᠯᠭᠡᠭᠦᠷᠦᠨ ᠬᠡᠷᠡᠭ᠌ᠴᠡᠭᠡ ᠮᠠᠰᠢ ᠶᠡᠬᠡ ᠮᠥᠷᠲᠡᠭᠡᠨ ᠴᠠᠭᠠᠰᠤᠨ ᠬᠠᠢᠷᠴᠠᠭ ᠨᠢ ᠬᠥᠩᠭᠡᠨ᠂ ᠵᠡᠮᠳᠡᠭ ᠬᠥᠮᠦᠨ ᠦᠶ᠋ᠯᠡᠳᠪᠦᠷᠢᠯᠡᠯᠳᠦ ᠣᠷᠣᠯᠴᠠᠬᠤᠳᠤ ᠲᠣᠬᠢᠷᠠᠬᠤ ᠵᠢ ᠤᠯᠵᠤ ᠮᠡᠳᠡᠪᠡ᠃ ᠡᠢᠮᠦ᠍ᠡᠴᠡ 2020 ᠣᠨᠳᠤ᠂ ᠯᠢᠦ ᠺᠠᠶ ᠪᠠᠰᠠ ᠨᠢᠭᠡᠨ ᠴᠠᠭᠠᠰᠤᠨ ᠬᠠᠢᠷᠴᠠᠭ ᠦᠶ᠋ᠯᠡᠳᠬᠦ᠌ ᠦᠶ᠋ᠯᠡᠳᠪᠦᠷᠢ ᠪᠠᠢᠭᠤᠯᠵᠤ᠂ ᠤᠲᠤᠮᠠᠯ ᠲᠠᠬᠢᠶᠠ᠂ ᠲᠠᠪᠤᠨ ᠲᠠᠷᠢᠶᠠ ᠡᠯᠳᠡᠪ ᠠᠮᠤ ᠵᠡᠷᠭᠡ ᠦᠶ᠋ᠯᠡᠳᠪᠦᠷᠢᠯᠡᠯᠦᠨ ᠠᠵᠤ ᠠᠬᠤᠢᠯᠠᠯᠳᠤ ᠴᠠᠭᠠᠰᠤᠨ ᠬᠠᠢᠷᠴᠠᠭ ᠬᠢᠵᠦ᠍ ᠥᠭ᠌ᠴᠡᠶ᠃ ᠣᠳᠣᠬᠠᠨᠳᠤ᠂ ᠥᠪᠥᠷ ᠮᠣᠩᠭᠣᠯᠤᠨ ᠹᠸᠢ ᠮᠸᠩ ᠵᠡᠮᠳᠡᠭ᠌ᠴᠦᠳᠦᠨ ᠰᠦᠯᠵᠢᠶᠡᠨᠦ ᠠᠷᠠᠯᠵᠢᠶᠠ ᠬᠤᠳᠠᠯᠳᠤᠭᠠᠨᠤ ᠬᠢᠵᠠᠭᠠᠷᠲᠤ ᠺᠣᠮᠫᠠᠨᠢ ᠴᠠᠭᠠᠰᠤᠨ ᠬᠠᠢᠷᠴᠠᠭ ᠦᠶ᠋ᠯᠡᠳᠬᠦ᠌ᠡᠴᠡ ᠭᠠᠳᠠᠨᠠ ᠪᠠᠰᠠ ᠬᠤᠸᠠᠷ ᠬᠠᠳᠭᠤᠬᠤ ᠵᠡᠷᠭᠡ ᠲᠤᠬᠠᠢᠯᠠᠭ᠍ᠰᠠᠨ ᠠᠵᠢᠯ ᠬᠢᠵᠦ᠍᠂ ᠨᠡᠢᠲᠡ 25 ᠵᠡᠮᠳᠡᠭ᠌ᠴᠦᠳᠢ ᠡᠨᠳᠡ ᠣᠷᠣᠭᠤᠯᠤᠨ ᠲᠣᠭ᠍ᠲᠠᠭᠤᠨᠢᠶᠠᠷ ᠠᠵᠢᠯ ᠣᠯᠭᠣᠵᠤ᠂ ᠬᠥᠮᠦᠨ ᠳᠤᠮᠳᠠᠴᠢᠶ᠋ᠢᠨ ᠵᠢᠯᠦᠨ ᠣᠷᠣᠯᠭᠠᠶ᠋ᠢ 5000 ᠲᠥᠭᠥᠷᠢᠭᠡᠴᠡ ᠳᠡᠭᠡᠭ᠌ᠰᠢᠳᠦ ᠬᠦᠷᠭᠡᠪᠡ᠃
8 ᠰᠠᠷᠠᠶ᠋ᠢᠨ 14 ᠤ᠋ ᠦᠳᠡᠶ᠋ᠢᠨ ᠬᠣᠢᠨᠠ᠂ ᠵᠦᠸᠧᠽᠢ ᠱᠢᠶᠠᠨᠤ ᠵᠦᠸᠧᠽᠢ ᠱᠠᠨ ᠪᠠᠯᠭᠠᠰᠤᠶ᠋ᠢᠨ ᠹᠦ᠋ ᠱᠢᠶᠠᠩ ᠰᠠᠭᠤᠭᠠᠯᠢ ᠠᠷᠠᠳᠤᠨ ᠲᠣᠭᠣᠷᠢᠭᠲᠤ ᠪᠠᠢᠷᠢᠯᠠᠭᠠ ᠠᠨ ᠱᠢᠨ ᠹᠸᠢ᠂ ᠵᠤᠤ ᠵᠢᠶᠠᠨ ᠹᠠᠩ ᠡᠷᠡ ᠡᠮᠡ ᠬᠣᠶᠠᠭᠤᠯᠠᠶ᠋ᠢᠨ ᠭᠡᠷᠲᠦ ᠨᠢᠭᠡ ᠬᠦᠨᠳᠦᠲᠦ ᠵᠣᠴᠢᠨ ᠢᠷᠡᠪᠡ᠂ ᠲᠡᠷᠡ ᠪᠣᠯ ᠳᠠᠷᠤᠢ ᠵᠤᠤ ᠵᠢᠶᠠᠨ ᠹᠠᠩ ᠡᠷᠡ ᠡᠮᠡ ᠬᠣᠶᠠᠭᠤᠯᠠᠶ᠋ᠢᠨ ᠰᠡᠳᠭᠢᠯᠳᠡᠬᠢ ᠰᠠᠢ᠌ᠨ ᠬᠥᠮᠦᠨ ᠯᠢᠦ ᠺᠠᠢ ᠪᠣᠯᠤᠨᠠ᠃ ᠯᠢᠦ ᠺᠠᠶᠲᠠᠶ ᠠᠭᠤᠯᠵᠠᠭ᠍ᠰᠠᠨᠤ ᠳᠠᠷᠠᠭᠠ᠂ ᠡᠷᠡ ᠡᠮᠡ ᠬᠣᠶᠠᠭᠤᠯᠠ ᠲᠡᠷᠡ ᠳᠠᠷᠤᠶᠳᠤᠨᠢ ᠠᠯᠢ ᠡᠷᠲᠡᠡᠴᠡ ᠪᠡᠯᠡᠳᠭᠡᠭ᠌ᠰᠡᠨ ᠬᠡᠮᠡᠷᠯᠢᠭ ᠲᠤᠭᠢᠶᠠᠨ ᠯᠢᠦ ᠺᠠᠶ ᠳ᠋ᠦ ᠬᠦᠷᠭᠡᠵᠦ᠂ ᠬᠡᠮᠡᠷᠯᠢᠭ ᠲᠤᠭ ᠳᠡᠭᠡᠷᠡ 《ᠪᠡᠶᠡ ᠵᠡᠮᠳᠡᠭ ᠴᠤ᠌ ᠵᠤᠷᠢᠭ ᠪᠤᠰᠤᠭᠠ ᠦᠢᠯᠡᠰ ᠪᠤᠰᠬᠠᠵᠤ ᠬᠠᠷᠠᠮ ᠦᠭᠡᠶ ᠬᠠᠢᠷᠠ ᠪᠠᠨ ᠵᠡᠮᠳᠡᠭ᠌ᠴᠦᠳ ᠲᠤ᠌ ᠵᠤᠷᠢᠭᠤᠯᠪᠠ》 ᠭᠡᠵᠦ᠍ ᠪᠢᠴᠢᠭ᠌ᠰᠡᠨ ᠪᠠᠢᠯᠠ᠃
ᠠᠨ ᠱᠢᠨ ᠹᠸᠢ᠂ ᠵᠤᠤ ᠵᠢᠶᠠᠨ ᠹᠠᠩ ᠡᠷᠡ ᠡᠮᠡ ᠬᠣᠶᠠᠭᠤᠯᠠᠪᠠᠨ ᠪᠦᠷ ᠵᠡᠮᠳᠡᠭ᠂ ᠠᠨ ᠱᠢᠨ ᠹᠸᠢ ᠵᠢᠨ ᠮᠥᠴᠢ ᠨᠢ ᠵᠡᠮᠳᠡᠭ᠂ ᠵᠤᠤ ᠵᠢᠶᠠᠨ ᠹᠠᠩ ᠲᠥᠷᠥᠯᠬᠢ ᠲᠠᠷᠢᠬᠢᠨ ᠤ᠋ ᠰᠠ ᠡᠪᠡᠳᠴᠢᠨ ᠲᠠᠢ ᠪᠠᠢᠵᠤ᠂ ᠬᠣᠶᠠᠭᠤᠯᠠᠪᠠᠨ ᠬᠠᠷᠢᠯᠴᠠᠨ ᠲᠦᠱᠢᠭ᠌ᠯᠡᠯᠴᠡᠵᠦ᠍ ᠠᠮᠢ ᠵᠢᠭᠤᠵᠤ ᠪᠠᠢᠯᠠ᠃ ᠵᠤᠤ ᠵᠢᠶᠠᠨ ᠹᠠᠩ ᠪᠣᠯᠤᠨ ᠯᠢᠦ ᠺᠠᠢᠶ᠋ᠢᠨ ᠬᠣᠭᠣᠷᠣᠨᠳᠣᠬᠢ ᠨᠥᠬᠥᠷᠯᠡᠯᠢ ᠬᠡᠯᠡᠪᠡᠯ᠂ ᠪᠠᠰᠠ ᠨᠢᠭᠡ ᠰᠡᠳᠭᠢᠯ ᠬᠥᠳᠡᠯᠭᠡᠮᠡ ᠦᠯᠢᠭᠡᠷ ᠲᠠᠢ᠃ ᠵᠣᠤ ᠵᠢᠶᠠᠨ ᠹᠠᠩᠤᠨ ᠬᠣᠶᠠᠷ ᠭᠠᠷ ᠴᠢᠯᠦᠭᠡᠳᠡᠢ ᠬᠦᠳᠡᠯᠵᠦ ᠲᠡᠢᠯᠬᠦ ᠦᠭᠡᠢ᠂ ᠬᠣᠶᠠᠷ ᠬᠥᠯ ᠨᠢ ᠴᠦ᠍ ᠠᠯᠬᠤᠵᠤ ᠲᠠᠢᠯᠬᠦ ᠥᠬᠡᠶ ᠪᠤᠯᠬᠤᠷ ᠲᠡᠷᠡ ᠨᠢᠭᠡᠮᠦᠰᠦᠨ ᠭᠤᠲᠤᠷᠠᠵᠤ ᠵᠤᠪᠠᠨᠢᠪᠠ᠃ 2018 ᠣᠨᠤ 3 ᠰᠠᠷᠠᠳᠤ᠂ ᠵᠤᠤ ᠵᠢᠶᠠᠨ ᠹᠠᠩ ᠰᠠᠨᠠᠮᠰᠠᠷ ᠦᠭᠡᠢᠪᠡᠷ ᠯᠢᠦ ᠺᠠᠢᠲᠠᠶ ᠲᠠᠨᠢᠯᠴᠠᠵᠤ᠂ ᠯᠢᠦ ᠺᠠᠢᠲᠠᠶ ᠭᠠᠷ ᠤᠲᠠᠰᠤᠪᠠᠷ ᠵᠢᠷᠭᠢᠶᠡᠶ᠋ᠢᠨ ᠰᠠᠢ᠌ᠨ ᠨᠠᠢᠵᠠᠪᠤᠯᠤᠯᠴᠠᠵᠤ᠂ ᠨᠠᠢᠵᠠᠶ᠋ᠢᠨ ᠲᠣᠭᠣᠷᠢᠭᠢᠶᠠᠷᠢᠶᠠᠨ ᠯᠢᠦ ᠺᠠᠢᠶ᠋ᠢᠨ ᠦᠢᠯᠡᠳᠦᠭ᠌ᠰᠡᠨ ᠨᠤᠲᠤᠭᠤᠨ ᠣᠨᠴᠠ ᠭᠠᠷᠤᠯᠲᠠᠶ᠋ᠢᠨ ᠵᠠᠷᠢ ᠳᠠᠮᠵᠢᠭᠤᠯᠤᠨ ᠲᠠᠷᠬᠠᠭᠠᠬᠤᠶ᠋ᠢᠨ ᠬᠠᠮᠲᠤ ᠱᠢᠭᠤᠳ ᠨᠡᠪᠲᠡᠷᠡᠭᠦᠯᠭᠡᠶ᠋ᠢᠨ ᠲᠠᠪᠴᠠᠩᠢᠶᠠᠷ ᠨᠤᠲᠤᠭᠤᠨ ᠣᠨᠴᠠ ᠭᠠᠷᠤᠯᠲᠠᠪᠠᠨ ᠪᠣᠷᠣᠯᠠᠭᠤᠯᠬᠤᠪᠠᠷ ᠲᠤᠷᠱᠢᠪᠠ᠂ ᠲᠤᠬᠠᠢᠶ᠋ᠢᠨ ᠵᠢᠯᠳᠦ ᠵᠤᠤ ᠵᠢᠶᠠᠨ ᠹᠠᠩ 1 ᠲᠦᠮᠡ ᠱᠢᠬᠠᠮ ᠲᠥᠭᠥᠷᠢᠭ ᠣᠯᠵᠤ᠂ ᠠᠮᠢᠳᠤᠷᠠᠯ ᠳ᠋ᠠᠭᠠᠨ ᠡᠷᠡᠮᠡᠯᠵᠡᠯ ᠲᠠᠢ ᠪᠤᠯᠪᠠ᠃
2024 ᠣᠨᠳᠤ᠂ ᠯᠢᠦ ᠺᠠᠶ ᠪᠣᠯᠤᠨ ᠲᠡᠭᠦᠨᠦ ᠪᠦᠯᠬᠦᠮᠨᠢ ᠵᠡᠮᠳᠡᠭ᠌ᠴᠦᠳᠢ᠋ ᠬᠡᠷᠲᠡᠬᠡᠨ ᠨᠠᠢᠳᠠᠨ ᠠᠰᠠᠷᠠᠭᠤᠯᠬᠤ ᠦᠶ᠋ᠯᠡᠴᠢᠯᠡᠭᠡ ᠥᠷᠨᠢᠭᠦᠯᠵᠦ᠍ ᠡᠬᠢᠯᠡᠪᠡ᠂ ᠲᠤᠬᠠᠢᠯᠠᠪᠠᠯ ᠬᠥᠩᠭᠡᠨ ᠲᠠᠰᠤᠨ ᠵᠡᠮᠳᠡᠭ᠌ᠴᠦᠳ ᠲᠣᠭ᠍ᠲᠠᠮᠠᠯ ᠬᠤᠭᠤᠴᠠᠭᠠᠲᠠᠶ ᠪᠠᠷ ᠬᠦᠨᠳᠦ ᠲᠠᠰᠤᠨ ᠵᠡᠮᠳᠡᠭ᠌ᠴᠦᠳᠦᠨ ᠬᠡᠷᠲᠦ ᠬᠦᠷᠴᠦ᠍ ᠰᠦᠶ᠋ᠳᠭᠡᠯ ᠬᠤᠷᠢᠶᠠᠬᠤ ᠥᠬᠡᠶᠪᠡᠷ ᠡᠷᠡᠭᠦᠯ ᠬᠠᠮᠠᠭᠠᠯᠠᠯᠬᠢᠵᠦ ᠦᠭᠭᠦᠨ᠂ ᠬᠡᠷᠦᠨ ᠡᠳ᠋ᠯᠡᠯ ᠬᠡᠷᠡᠭ᠌ᠰᠡᠯᠢᠨᠢ ᠰᠡᠯᠪᠢᠨ ᠵᠠᠰᠠᠬᠤ ᠵᠡᠷᠭᠡ ᠪᠣᠯᠤᠨᠠ᠃ ᠲᠡᠲᠡ ᠵᠤᠤ ᠵᠢᠶᠠᠨ ᠹᠠᠩᠤᠨ ᠭᠡᠷ ᠪᠦᠯᠢᠶ᠋ᠢ ᠪᠠᠰᠠ ᠨᠠᠢᠳᠠᠨ ᠠᠰᠠᠷᠠᠭᠤᠯᠬᠤ ᠦᠢᠯᠡᠴᠢᠯᠡᠭᠡᠨᠦ ᠭᠡᠷ ᠪᠦᠯᠢᠶ᠋ᠢᠨ ᠨᠡᠷᠡᠰᠲᠦ ᠣᠷᠣᠭᠤᠯᠵᠤ᠂ ᠲᠣᠭ᠍ᠲᠠᠭ᠍ᠰᠠᠨ ᠬᠤᠭᠤᠴᠠᠭᠠᠲᠠᠶᠪᠠᠷ ᠲᠡᠲᠡᠨᠳᠦ ᠦᠢᠯᠡᠴᠢᠯᠡᠭᠡ ᠬᠠᠩᠭᠠᠬᠤᠶ᠋ᠢᠨ ᠬᠠᠮᠲᠤ ᠲᠣᠬᠣᠨᠢᠭᠤᠯᠬᠤ ᠪᠣᠳᠠᠰ ᠬᠦᠷᠭᠡᠵᠦ᠍᠂ ᠵᠤᠤ ᠵᠢᠶᠠᠨ ᠹᠠᠩ ᠡᠷᠡ ᠡᠮᠡ ᠬᠣᠶᠠᠭᠤᠯᠠᠶ᠋ᠢ ᠶᠡᠬᠡᠳᠡ ᠳᠣᠭ᠍ᠳᠣᠯᠤᠭᠤᠯᠪᠠ᠃
《ᠯᠢᠦ ᠺᠠᠢ ᠪᠣᠯ ᠡᠷᠡᠰ ᠬᠠᠲᠠᠭᠤ᠂ ᠴᠠᠢᠯᠭᠠᠨ ᠴᠠᠭᠠᠪᠤᠷ᠂ ᠬᠠᠢᠷᠠ ᠰᠡᠳᠭᠢᠯᠭᠡᠲᠡᠶ ᠬᠥᠮᠦᠨ ᠶᠤᠮ᠃ ᠲᠡᠷᠡ ᠪᠢᠳᠡᠨᠳᠦ ᠠᠵᠤ ᠠᠬᠤᠶᠶ᠋ᠢᠨ ᠲᠠᠯᠠᠪᠠᠷ ᠬᠠᠪᠰᠤᠷᠤᠯᠭᠠ ᠦᠵᠡᠭᠦᠯᠦᠭ᠌ᠰᠡᠨᠢᠶᠡᠷ ᠪᠠᠷᠠᠬᠤ ᠥᠬᠡᠶ ᠨᠠᠩ ᠴᠤ᠌ ᠣᠶᠤᠨ ᠰᠠᠨᠠᠭᠠᠨᠤ ᠲᠠᠯᠠᠪᠠᠷ ᠵᠣᠷᠢᠭ᠍ᠵᠢᠭᠤᠯᠤᠯ ᠪᠠ ᠵᠢᠯᠣᠭᠣᠳᠣᠯᠭᠠ ᠥᠭ᠌ᠴᠦ᠂ ᠵᠡᠮᠳᠡᠭ᠌ᠴᠦᠳᠦᠨ ᠨᠡᠢᠭᠡᠮᠦᠨ ᠦᠨᠡ ᠥᠷᠲᠡᠭᠢ ᠢᠯᠡᠷᠡᠭᠦᠯᠦᠭ᠌ᠰᠡᠨ ᠪᠠᠢᠨᠠ᠃ ᠣᠨᠴᠠᠭᠠᠢᠯᠠᠨ ᠪᠢ᠂ ᠯᠢᠦ ᠺᠠᠢᠲᠠᠢ ᠲᠠᠨᠢᠯᠴᠠᠬᠤᠡᠴᠡ ᠡᠮᠦᠨᠡ᠂ ᠪᠠᠭᠠ ᠯᠡ ᠴᠣᠬᠢᠯᠲᠠᠳᠤ ᠤᠴᠠᠷᠠᠪᠠᠯ ᠨᠢᠯᠪᠤᠰᠤᠪᠠᠷ ᠨᠢᠭᠤᠷᠢᠶᠠᠨ ᠤᠬᠢᠶᠠᠵᠤ᠂ ᠨᠢᠭᠡᠮᠦᠰᠦᠨ ᠤᠷᠮᠠ ᠬᠤᠭᠤᠷᠠᠳᠠᠭ ᠪᠠᠢᠵᠠᠢ᠃ ᠯᠢᠦ ᠺᠠᠶᠲᠠᠶ ᠲᠠᠨᠢᠯᠴᠠᠭ᠍ᠰᠠᠨᠡᠴᠡ ᠰᠡᠭᠦᠯᠡᠷ᠂ ᠲᠡᠷᠡ ᠨᠠᠮᠠᠶ᠋ᠢ ᠢᠲᠡᠭᠡᠯ ᠳᠦᠭᠦᠷᠡᠩ ᠪᠣᠯᠭᠠᠵᠠᠶ᠃ ᠡᠩᠦᠨ ᠦᠶᠠᠳᠤ᠂ ᠪᠢ ᠰᠦᠯᠵᠢᠶᠡᠨ ᠳᠡᠭᠡᠷᠡ ᠴᠢᠳᠠᠬᠤ ᠥᠬᠡᠶ ᠶᠠᠭᠤᠮᠠ ᠪᠠᠢᠪᠠᠯ᠂ ᠯᠢᠦ ᠺᠠᠶᠪᠠᠷ ᠵᠢᠭᠠᠯᠭᠠᠨᠠ᠂ ᠠᠮᠢᠳᠤᠷᠠᠯ ᠳᠤᠮᠳᠠ ᠪᠦᠲᠦᠭᠡᠵᠦ᠍ ᠲᠠᠢᠯᠬᠦ ᠥᠬᠡᠶ ᠤᠴᠢᠷ ᠪᠠᠢᠪᠠᠯ᠂ ᠯᠢᠦ ᠺᠠᠶᠪᠠᠷ ᠬᠠᠪᠰᠤᠷᠤᠭᠤᠯᠤᠨᠠ᠃ ᠯᠢᠦ ᠺᠠᠶ ᠬᠡᠵᠢᠶᠡ ᠳᠠᠭᠤᠳᠠᠪᠠᠯ ᠬᠡᠵᠢᠶᠡ ᠢᠷᠡᠨᠡ᠂ ᠰᠠᠳᠤᠨ ᠲᠥᠷᠥᠯᠡᠴᠡᠴᠤ᠌ ᠢᠯᠡᠭᠦᠦ ᠳᠣᠲᠣᠨᠣ》 ᠭᠡᠵᠦ ᠵᠣᠣ ᠵᠢᠶᠠᠨ ᠹᠠᠩ ᠵᠢᠷᠬᠢᠶᠠ ᠪᠡᠷ ᠯᠢᠦ ᠺᠠᠶᠳᠤ ᠲᠠᠯᠠᠷᠬᠠᠵᠤ ᠪᠠᠢᠭᠠ ᠰᠡᠳᠭᠢᠯᠭᠡᠪᠡᠨ ᠢᠯᠡᠳᠭᠡᠪᠡ᠃
2024 ᠣᠨᠳᠤ᠂ ᠯᠢᠦ ᠺᠠᠶ ᠪᠦᠯᠬᠦᠮ ᠲᠠᠢ ᠪᠡᠨ ᠬᠠᠮᠳᠤ 40 ᠭᠠᠷᠤᠶ ᠡᠷᠦᠬᠡ ᠵᠡᠮᠳᠡᠭ᠌ᠴᠦᠳᠦᠨ ᠬᠡᠷ ᠪᠦᠯᠢᠳᠦ ᠵᠡᠮᠳᠡᠭ᠌ᠴᠦᠳᠢ ᠬᠡᠷᠲᠡᠬᠡᠨ ᠨᠠᠢᠳᠠᠨ ᠠᠰᠠᠷᠠᠬᠤ ᠦᠶ᠋ᠯᠡᠴᠢᠯᠡᠭᠡ ᠬᠠᠩᠭᠠᠪᠠ᠃ 2025 ᠣᠨᠳᠤ᠂ ᠲᠡᠷᠡ 52 ᠵᠡᠮᠳᠡᠭ᠌ᠴᠦᠳᠦᠨ ᠭᠡᠷ ᠪᠦᠯᠢᠳᠦ ᠦᠢᠯᠡᠴᠢᠯᠡᠭᠡ ᠬᠠᠩᠭᠠᠪᠠ᠃ ᠯᠢᠦ ᠺᠠᠶ ᠪᠣᠯᠤᠨ ᠪᠦᠯᠬᠦᠮᠦᠨᠬᠢᠨ ᠵᠡᠮᠳᠡᠭ᠌ᠴᠦᠳ ᠵᠡᠮᠳᠡᠭ᠌ᠴᠦᠳᠢ ᠲᠤᠰᠠᠯᠠᠬᠤ ᠪᠡᠷ ᠲᠠᠮᠵᠢᠨ ᠨᠠᠩ ᠣᠯᠠᠨ ᠵᠡᠮᠳᠡᠭ᠌ᠴᠦᠳ ᠢ᠋ ᠥᠪᠡᠷᠦᠨ ᠨᠡᠢᠭᠡᠮᠦᠨ ᠦᠨᠡ ᠥᠷᠲᠡᠭᠢᠶᠡᠨ ᠢᠯᠡᠷᠡᠭᠦᠯᠵᠦ᠍᠂ ᠨᠠᠩ ᠣᠯᠠᠨ ᠵᠡᠮᠳᠡᠭ᠌ᠴᠦᠳᠲᠦ ᠬᠠᠢᠷᠠ ᠬᠠᠯᠠᠮᠵᠢ ᠬᠦᠷᠳᠡᠭᠡᠵᠡᠢ᠃
ᠯᠢᠦ ᠺᠠᠶ ᠵᠢᠨ ᠺᠣᠮᠫᠠᠨᠢᠶ᠋ᠢᠨ ᠪᠦᠯᠬᠦᠮᠦᠨ ᠭᠡᠱᠢᠭᠦᠳ ᠨᠢ ᠪᠦᠷ ᠵᠡᠮᠳᠡᠭ ᠬᠥᠮᠦᠨ ᠪᠤᠯᠤᠨᠠ᠃ 60 ᠨᠠᠰᠤᠲᠠᠶ ᠯᠸᠢ ᠬᠠᠶ ᠫᠢᠩ ᠪᠤᠯ ᠪᠦᠯᠬᠦᠮᠦᠨ ᠶᠡᠬᠡ ᠡᠭᠡᠴᠢ ᠨᠢ ᠪᠤᠯᠤᠨᠠ᠂ ᠬᠡᠦᠬᠡᠳᠦᠨ ᠰᠠ ᠡᠪᠡᠳᠴᠢᠨ ᠲᠠᠢ ᠲᠡᠷᠡ ᠪᠡᠷ ᠯᠢᠦ ᠺᠠᠶ ᠲᠠᠶ ᠲᠠᠨᠢᠯᠴᠠᠭ᠍ᠰᠠᠨᠡᠴᠡ ᠰᠡᠭᠦᠯᠡᠷ᠂ ᠡᠳᠦᠷᠵᠢᠨ ᠬᠠᠮᠳᠤ ᠪᠠᠢᠯᠴᠠᠵᠤ᠂ ᠠᠳᠠᠯᠢᠬᠠᠨ ᠡᠪᠡᠳᠴᠢᠨ᠂ ᠠᠳᠠᠯᠢᠬᠠᠨ ᠥᠩᠭᠡᠷᠡᠯᠲᠡ ᠡᠴᠡ ᠪᠠᠨ ᠪᠤᠯᠵᠤ ᠯᠢᠦ ᠺᠠᠢᠶ᠋ᠢ ᠣᠨᠴᠠᠭᠠᠢ ᠢᠲᠡᠭᠡᠬᠦ ᠪᠤᠯᠪᠠ᠃ ᠯᠧᠢ ᠬᠠᠢ ᠫᠢᠩ᠄ 《ᠪᠢ ᠤᠤᠯ ᠨᠢ ᠠᠵᠢᠯ ᠦᠭᠡᠢ᠂ ᠯᠢᠦ ᠺᠠᠶᠲᠠᠶ ᠲᠠᠨᠢᠯᠴᠠᠭ᠍ᠰᠠᠨᠤ ᠳᠠᠷᠠᠭᠠ᠂ ᠪᠡᠶᠠ ᠳ᠋ᠡᠭᠡᠨ ᠲᠤᠬᠢᠷᠠᠭᠰᠠᠨ ᠠᠵᠢᠯ ᠤᠯᠵᠤ᠂ ᠥᠪᠡᠷᠦᠨ ᠥᠷᠲᠡᠭ ᠴᠤ᠌ᠪᠡᠶᠡᠯᠡᠭᠳᠡᠪᠡ᠃ ᠪᠢ ᠺᠣᠮᠫᠠᠨᠢᠳᠤ ᠥᠨᠳᠡᠭᠡ ᠬᠤᠳᠠᠯᠳᠤᠬᠤ ᠠᠵᠢᠯᠢ ᠬᠠᠷᠢᠭᠤᠴᠠᠵᠤ ᠪᠠᠢᠨᠠ᠂ ᠰᠠᠷᠠᠳᠤ 1000 ᠭᠠᠷᠤᠢ ᠲᠥᠭᠥᠷᠢᠭ ᠣᠯᠵᠤ᠂ ᠠᠮᠢᠳᠤᠷᠠᠯ ᠮᠠᠰᠢ ᠰᠠᠢᠨ ᠪᠠᠢᠨᠠ》 ᠭᠡᠵᠦ ᠬᠡᠯᠡᠪᠡ᠃