5 ᠰᠠᠷᠠᠶ᠋ᠢᠨ 20ᠤ᠋ ᠡᠳᠦᠷ᠂ ᠦᠳᠡᠶ᠋ᠢᠨ ᠨᠠᠷᠠᠨ ᠪᠠᠶᠠᠨᠨᠠᠭᠤᠷ ᠬᠣᠲᠠᠶ᠋ᠢᠨ ᠤᠷᠠᠳᠤ᠋ᠨ ᠬᠣᠢᠲᠤ ᠬᠤᠰᠢᠭᠤᠨᠤ᠋ ᠪᠠᠶᠠᠨᠪᠤᠯᠠᠭ ᠪᠠᠯᠭᠠᠰᠤᠶ᠋ᠢᠨ ᠪᠦᠯᠬᠦᠮᠳᠡᠯ ᠲᠣᠰᠬᠣᠨᠤ᠋ ᠬᠥᠳᠡᠭᠡᠶ᠋ᠢᠨ ᠵᠥᠷᠢᠭᠢ ᠭᠡᠢᠭᠦᠯᠦᠨᠠ᠃ 69 ᠨᠠᠰᠤᠲᠠᠢ ᠾᠧᠦ ᠶᠢᠩ ᠳᠤᠭᠤᠢ ᠲᠡᠷᠭᠡ ᠤᠨᠤᠨ ᠶᠠᠭᠠᠷᠠᠤᠬᠠᠨ ᠭᠡᠷᠢᠶᠡᠨ ᠵᠤᠷᠢᠵᠤ᠂ ᠬᠦᠷᠢᠶᠡᠨᠳᠡᠬᠢ ᠰᠢᠨᠡ ᠲᠠᠷᠢᠭᠰᠡᠨ ᠢᠳᠡᠰᠢᠨ ᠨᠤᠭᠤᠭᠠ ᠨᠢ ᠨᠢᠭᠡᠨᠲᠡ ᠨᠢᠯᠬᠠ ᠨᠠᠬᠢᠶᠠ ᠴᠤᠬᠤᠢᠵᠤ᠂ ᠰᠢᠪᠠᠷ ᠲᠤᠯᠭᠠᠨ ᠲᠡᠭᠡᠷᠡᠬᠢ ᠲᠡᠮᠦᠷ ᠲᠣᠭᠣᠭᠠᠨᠳ᠋ᠤ᠌ ᠴᠢᠨᠠᠭᠰᠠᠨ ᠭᠠᠬᠠᠢᠶ᠋ᠢᠨ ᠮᠢᠬᠠ ᠲᠠᠢ ᠪᠤᠴᠠᠯᠭᠠᠭᠰᠠᠨ ᠵᠠᠭᠤᠰᠢᠶᠢᠨ ᠠᠩᠬᠢᠯᠤᠮᠠ ᠦᠨᠦᠷ ᠬᠠᠮᠠᠷ ᠴᠣᠷᠭᠢᠨᠠ᠃ 《ᠦᠳᠡᠳ᠋ᠦ᠍ ᠨᠢᠭᠡ ᠰᠢᠷᠡᠭᠡ ᠵᠣᠴᠢᠨ ᠬᠣᠭᠣᠯᠠ ᠵᠠᠬᠢᠶᠠᠯᠠᠪᠠ᠃ ᠡᠨᠡ ᠬᠡᠳᠦᠨ ᠵᠢᠯ᠂ ᠬᠣᠲᠠᠶ᠋ᠢᠨ ᠵᠢᠭᠤᠯᠴᠢᠯᠠᠭᠰᠠᠳ ᠡᠨᠳᠡ ᠢᠷᠡᠬᠦᠡᠴᠡ ᠭᠠᠳᠠᠨᠠ᠂ ᠮᠤᠨᠢ ᠠᠭᠤᠯᠠᠶ᠋ᠢ ᠭᠡᠲᠦᠯᠬᠦ ᠠᠵᠢᠯᠯᠠᠭᠠᠳ᠋ᠤ᠌ ᠣᠷᠣᠯᠴᠠᠭᠰᠠᠨ ᠴᠥᠭᠡᠨ ᠪᠤᠰᠤ ᠭᠠᠳᠠᠷ ᠤᠷᠤᠨᠤ ᠵᠢᠭᠤᠯᠴᠢᠯᠠᠭᠰᠠᠳ ᠪᠦᠷ ᠮᠠᠨᠤ᠋ ᠭᠡᠷᠦ᠋ᠨ ᠬᠥᠳᠡᠭᠡᠶ᠋ᠢᠨ ᠬᠣᠭᠣᠯᠠᠶ᠋ᠢ ᠠᠮᠰᠠᠵᠤ ᠥᠩᠭᠡᠷᠡᠭᠰᠡᠨ ᠶᠦ᠍ᠮ᠃ ᠵᠥᠪᠬᠡᠨ ᠡᠨᠡ ᠨᠢᠭᠡ ᠯᠡ ᠲᠥᠷᠥᠯᠡᠴᠡ ᠵᠢᠯ ᠪᠦᠷᠢ 3 ᠲᠦᠮᠡ ᠢᠯᠡᠭᠦᠦ ᠲᠦᠭᠦᠷᠢᠭᠤᠨ ᠤᠷᠤᠯᠭᠠ ᠤᠯᠤᠨᠠ᠃ ᠣᠳᠣ ᠮᠠᠨᠤ᠋ ᠲᠣᠰᠬᠣᠨᠤ᠋ ᠣᠷᠴᠢᠨ ᠲᠣᠭᠣᠷᠢᠨ ᠰᠠᠢᠬᠠᠨ᠂ ᠰᠠᠭᠤᠬᠤᠳᠤ ᠲᠠᠭᠠᠯᠠᠮᠵᠢᠲᠠᠢ᠂ ᠪᠢ ᠣᠳᠣᠶ᠋ᠢᠨ ᠠᠮᠢᠳᠤᠷᠠᠯᠳ᠋ᠠᠭᠠᠨ ᠲᠣᠩ ᠬᠠᠨᠤᠮᠵᠢᠲᠠᠢ ᠪᠠᠢᠨᠠ》 ᠭᠡᠮᠡᠨ ᠾᠧᠦ ᠶᠢᠩ ᠪᠠᠶᠠᠷᠯᠠᠨ ᠶᠠᠷᠢᠨᠠ᠃
《ᠥᠩᠭᠡᠷᠡᠭᠰᠡᠨᠳᠤ ᠪᠦᠯᠬᠦᠮᠳᠡᠯ ᠲᠣᠰᠬᠣᠨᠤ ᠳᠠᠩᠰᠠᠨ ᠳᠡᠭᠡᠷᠡ ᠢᠯᠡᠭᠦᠴᠡ ᠵᠣᠭᠣᠰ ᠦᠭᠡᠢ᠂ ᠤᠯᠠᠨ ᠲᠦᠮᠡᠨ ᠣᠷᠣᠯᠭᠠ ᠪᠠᠨ ᠨᠡᠮᠡᠭᠳᠡᠭᠦᠯᠬᠦᠶᠢᠨ ᠲᠦᠯᠦᠭᠡ ᠶᠡᠭᠡᠳᠡ ᠵᠣᠪᠠᠳᠠᠭ ᠪᠠᠢᠪᠠ᠃ ᠲᠣᠰᠬᠣᠨᠢᠶᠡᠨ ᠴᠢᠨᠡᠭᠡᠯᠢᠭᠵᠢᠭᠦᠯᠦᠶᠡ ᠭᠡᠪᠡᠯ ᠡᠷᠬᠡᠪᠰᠢ ᠰᠤᠯᠠ ᠰᠡᠯᠡᠭᠦᠦ ᠡᠬᠢ ᠪᠠᠶᠠᠯᠢᠭᠢ᠋ ᠰᠠᠢᠲᠤᠷ ᠠᠰᠢᠭᠯᠠᠵᠤ᠂ ᠲᠤᠰᠬᠤᠨᠤ ᠠᠷᠠᠳ ᠭᠡᠷ ᠡᠴᠡ ᠪᠠᠨ ᠬᠤᠯᠠᠳᠠᠬᠤ ᠦᠭᠡᠢ ᠪᠡᠷ ᠵᠣᠭᠣᠰ ᠤᠯᠬᠤ ᠵᠢ ᠪᠠᠳᠤᠯᠠᠬᠤ ᠬᠡᠷᠡᠭᠲᠡᠢ》 ᠭᠡᠵᠦ ᠲᠣᠰᠬᠣᠨᠤ᠋ ᠨᠠᠮᠤ᠋ᠨ ᠡᠭᠦᠷᠦ᠋ᠨ ᠱᠦᠵᠢ ᠯᠦ᠍ ᠵᠢᠶᠦ᠋ᠨ ᠵᠢᠶᠧ ᠶᠠᠷᠢᠨᠠ᠃
ᠬᠤᠪᠢᠷᠠᠯᠲᠠ ᠨᠢ ︽ᠭᠡᠷᠦ᠋ᠨ ᠬᠦᠷᠦᠩᠭᠡ ᠨᠦᠭᠡᠴᠡ ᠪᠠᠨ ᠠᠮᠢᠯᠠᠭᠤᠯᠬᠤ︾ ᠠ᠋ᠴᠠ ᠡᠬᠢᠯᠡᠵᠦ᠂ ᠲᠤᠰᠬᠤᠨᠡᠴᠡ 15 ᠮᠦ᠍ ᠰᠤᠯᠠ ᠭᠠᠵᠠᠷ ᠰᠢᠷᠣᠢ ᠪᠣᠯᠤᠨ ᠬᠥᠮᠥᠷᠭᠡᠶ᠋ᠢᠨ ᠭᠡᠷᠢ᠋ 540 ᠲᠦᠮᠡᠨ ᠲᠥᠭᠥᠷᠢᠭᠤᠨ ᠦᠨᠡ ᠲᠣᠭᠲᠠᠭᠠᠵᠤ᠂ ᠥᠪᠥᠷ ᠮᠣᠩᠭᠣᠯᠤ᠋ᠨ ᠳ᠋ᠢᠩ ᠹᠧᠩ ᠲᠡᠵᠢᠭᠡᠯ ᠪᠣᠷᠳᠣᠭᠠᠶ᠋ᠢᠨ ᠬᠢᠵᠠᠭᠠᠷᠲᠤ ᠺᠣᠮᠫᠠᠨᠢᠳ᠋ᠤ᠌ ᠬᠤᠪᠢ ᠣᠷᠣᠭᠤᠯᠤᠨ᠂ 5%ᠶᠢᠨ ᠬᠠᠷᠢᠴᠠᠯᠢ᠋ᠶ᠋ᠠᠷ ᠵᠢᠯᠦ᠋ᠨ ᠠᠰᠢᠭ ᠣᠷᠣᠯᠭᠠᠶ᠋ᠢᠨ ᠬᠤᠪᠢᠶᠠᠷᠢᠯᠠᠯᠲᠠᠳ᠋ᠤ᠌ ᠣᠷᠣᠯᠴᠠᠵᠤ᠂ ᠵᠥᠪᠬᠡᠨ ᠡᠨᠡ ᠬᠦ᠌ ᠲᠥᠷᠥᠯᠦ᠋ᠨ ᠠᠵᠢᠯᠨᠢ ᠵᠢᠯ ᠪᠦᠷᠢ ᠲᠣᠰᠬᠣᠨᠤ᠋ ᠬᠠᠮᠲᠤ ᠶ᠋ᠢᠨ ᠣᠷᠣᠯᠭᠠᠶ᠋ᠢ 25 ᠲᠦᠮᠡᠨ ᠲᠥᠭᠥᠷᠢᠭ ᠨᠡᠮᠡᠭᠳᠡᠭᠦᠯᠪᠡ᠃ 《ᠡᠨᠳᠡᠬᠢ ᠲᠠᠷᠢᠶᠠᠯᠠᠩ ᠮᠠᠯ ᠠᠵᠤ ᠠᠬᠤᠢᠶ᠋ᠢᠨ ᠳᠠᠪᠠᠭᠤᠯᠢᠭ ᠪᠠ ᠲᠣᠰᠬᠣᠨᠤ᠋ ᠳᠣᠲᠣᠨᠣ ᠦᠢᠯᠡᠴᠢᠯᠡᠭᠡ ᠨᠢ ᠪᠢᠲᠡᠨᠤ ᠲᠠᠭᠠᠰᠢᠶᠠᠯᠢ ᠤᠯᠪᠠ》 ᠭᠡᠮᠡᠨ ᠠᠵᠤ ᠠᠬᠤᠢᠯᠠᠯᠤ᠋ᠨ ᠬᠠᠷᠢᠭᠤᠴᠠᠯᠭᠠᠲᠠᠨ ᠬᠦ ᠪᠢᠩ ᠲᠠᠨᠢᠯᠴᠠᠭᠤᠯᠤᠨᠠ᠃
ᠠᠵᠤ ᠠᠬᠤᠢᠯᠠᠯ ᠨᠢ ᠪᠦᠯᠬᠦᠮᠳᠡᠯ ᠲᠤᠰᠬᠤᠨᠳᠤ ᠨᠤᠳᠤᠭᠰᠢᠭᠰᠠᠨᠤ᠋ ᠳᠠᠷᠠᠭᠠ᠂ ᠬᠠᠭᠠᠰᠠ᠋ᠴᠠ ᠳᠡᠭᠡᠭᠰᠢᠬᠢ ᠠᠵᠢᠯᠴᠢᠨᠢ ᠲᠤᠰ ᠲᠤᠰᠬᠤᠨᠠ᠋ᠴᠠᠡᠯᠰᠡᠪᠡ᠃ 《ᠲᠤᠰ ᠺᠤᠮᠫᠠᠨᠢᠳᠤ ᠠᠵᠢᠯᠯᠠᠪᠠᠯ ᠰᠠᠷᠠ ᠪᠦᠷᠢ 4000 ᠲᠥᠭᠥᠷᠢᠭᠤᠨ ᠴᠠᠯᠢᠩ ᠣᠯᠵᠤ᠂ ᠠᠵᠢᠯ ᠡᠴᠡᠪᠡᠨ ᠪᠠᠭᠤᠮᠠᠭᠴᠠ ᠭᠡᠷᠲᠡᠭᠡᠨ ᠬᠠᠷᠢᠵᠤ ᠳᠡᠢᠯᠦᠨᠡ᠂ ᠡᠭᠦᠨᠡᠴᠡ ᠭᠠᠳᠠᠨᠠ ᠪᠠᠰᠠ ᠭᠠᠵᠠᠷ ᠰᠢᠷᠣᠢᠶ᠋ᠢᠨ ᠡᠵᠡᠩᠨᠡᠯᠲᠡᠶᠢᠨ ᠡᠷᠭᠡ ᠪᠠᠨ ᠰᠢᠯᠵᠢᠭᠦᠯᠦᠭᠰᠡᠨ ᠣᠷᠣᠯᠭᠠ ᠪᠠ ᠲᠣᠰᠬᠣᠨᠤ᠋ ᠬᠠᠮᠲᠤᠶ᠋ᠢᠨ ᠠᠰᠢᠭ ᠬᠤᠪᠢᠶᠠᠬᠤ ᠣᠷᠣᠯᠭᠠ ᠲᠠᠢ ᠪᠠᠢᠵᠤ᠂ ᠭᠠᠳᠠᠭᠰᠢ ᠪᠠᠨ ᠶᠠᠪᠤᠵᠤ ᠬᠦᠯᠦᠰᠦᠨ ᠠᠵᠢᠯ ᠭᠢᠭᠰᠡᠨ ᠡᠴᠡ ᠬᠣᠯᠠ ᠰᠠᠢᠨ ᠪᠠᠢᠨᠠ》 ᠭᠡᠵᠦ ᠲᠤᠰᠬᠤᠨᠤ ᠠᠷᠠᠳ ᠴᠢᠨ ᠺᠠᠢ ᠲᠠᠩᠰᠠ ᠪᠠᠨ ᠪᠤᠳᠤᠨ ᠶᠠᠷᠢᠨᠠ᠃
ᠪᠦᠯᠭᠦᠮᠳᠡᠯ ᠲᠤᠰᠬᠤᠨᠤ ︽ᠠᠷᠠᠯᠵᠢᠶᠠᠨᠤ᠋ ᠠᠷᠭᠠ ᠤᠬᠠᠭᠠᠨ︾ ᠨᠢ ᠡᠭᠦᠨᠢ᠋ᠶ᠋ᠡᠷ ᠵᠤᠭᠰᠤᠭᠰᠠᠨ ᠦᠭᠡᠢ᠂ ᠪᠠᠰᠠ ᠰᠤᠯᠠ ᠰᠡᠯᠡᠭᠦᠦ ᠪᠠᠢᠭᠠ ᠢᠰᠭᠡᠭᠰᠡᠨ ᠴᠠᠭᠠᠨ ᠨᠣᠭᠣᠭᠠ ᠳᠠᠷᠤᠬᠤ 14 ᠲᠠᠲᠠᠭᠠᠯᠢᠶᠡᠨ ᠭᠠᠳᠠᠭᠰᠢ ᠲᠦᠷᠢᠶᠡᠰᠦᠯᠡᠭᠦᠯᠵᠦ᠂ ᠵᠢᠯᠳ᠋ᠦ᠍ 7 ᠲᠦᠮᠡᠨ ᠲᠥᠭᠥᠷᠢᠭᠦ᠋ᠨ ᠣᠷᠣᠯᠭᠠ ᠨᠡᠮᠡᠭᠳᠡᠵᠡᠢ᠃ ᠤᠷᠢᠳ ᠬᠤᠵᠢᠳ ᠲᠦᠮᠡᠨ ᠮᠦ᠍ᠶᠢᠨ ᠥᠨᠳᠥᠷ ᠦᠷᠡ ᠠᠰᠢᠭᠲᠤ ᠤᠰᠤ ᠠᠷᠪᠢᠯᠠᠬᠤ ᠲᠥᠬᠦᠭᠡᠷᠦᠮᠵᠢᠲᠦ ᠲᠠᠷᠢᠶᠠᠯᠠᠩ᠂ ᠮᠢᠬᠠᠨ ᠤ᠋ ᠦᠬᠡᠷ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠬᠦ ᠬᠦᠷᠢᠶᠡᠯᠡᠩ ᠲᠣᠭᠣᠷᠢᠭ ᠵᠡᠷᠭᠡ ᠭᠣᠣᠯᠳᠠᠯᠭᠠᠲᠠᠢ ᠲᠥᠷᠥᠯ ᠵᠦᠢᠯᠢ᠋ ᠪᠠᠢᠭᠤᠯᠪᠠ᠃ ᠣᠳᠣᠬᠠᠨᠳ᠋ᠤ᠌᠂ ᠲᠣᠰᠬᠣᠨᠤ᠋ ᠬᠠᠮᠲᠤᠶ᠋ᠢᠨ ᠠᠵᠤ ᠠᠬᠤᠢᠶ᠋ᠢᠨ ᠵᠢᠯᠦ᠋ᠨ ᠣᠷᠣᠯᠭᠠ 100 ᠲᠦᠮᠡᠨ ᠲᠥᠭᠥᠷᠢᠭᠢ᠋ ᠳᠠᠪᠠᠵᠤ᠂ ᠠᠵᠢᠯ ᠶᠠᠪᠤᠳᠠᠯ ᠵᠤᠬᠢᠴᠠᠭᠤᠯᠬᠤ ᠵᠣᠭᠣᠰ ᠦᠭᠡᠢ ᠭᠠᠴᠢᠭᠳᠠᠯᠲᠠᠢ ᠣᠷᠴᠢᠨᠠ᠋ᠴᠠ ᠪᠦᠷᠢᠮᠦᠰᠦᠨ ᠰᠠᠯᠪᠠ᠃
ᠬᠠᠮᠲᠤ ᠨᠡᠢᠲᠡᠶ᠋ᠢᠨ ᠬᠥᠷᠥᠩᠭᠡ ᠬᠣᠭᠰᠢᠯ ᠵᠤᠵᠠᠭᠠᠷᠠᠵᠤ᠂ ᠠᠷᠠᠳᠤ᠋ᠨ ᠠᠮᠢᠳᠤᠷᠠᠯᠤ᠋ᠨ ᠪᠣᠳᠠᠲᠤ ᠬᠡᠷᠡᠭ ᠴᠦ᠍ ᠳᠠᠭᠠᠯᠳᠤᠨ ᠨᠠᠢᠳᠠᠪᠤᠷᠢᠵᠢᠪᠠ᠃ ᠲᠣᠰᠬᠣᠨᠳ᠋ᠤ᠌ ᠨᠡᠪᠲᠡᠷᠡᠭᠦᠯᠬᠦ ᠵᠠᠮ ᠭᠤᠳᠤᠮᠵᠢᠶᠢᠨ ᠬᠠᠲᠠᠭᠤᠷᠠᠯᠲᠠᠶ᠋ᠢᠨ ᠨᠣᠷᠮᠠ ᠨᠢ 100% ᠳ᠋ᠦ᠍ ᠬᠦᠷᠴᠦ᠂ ᠲᠦᠭᠡᠭᠡᠯ ᠤᠰᠤ᠂ ᠴᠠᠬᠢᠯᠭᠠᠨ᠂ ᠲᠤᠤᠷ ᠰᠦᠯᠵᠢᠶᠡᠶ᠋ᠢ ᠨᠡᠢᠳᠡᠮ ᠪᠦᠷᠬᠦᠭᠦᠯᠵᠦ᠂ ᠵᠠᠮᠤ᠋ᠨ ᠳ᠋ᠧᠩᠦ᠋ᠨ ᠪᠦᠷᠬᠦᠯᠲᠡᠶ᠋ᠢᠨ ᠨᠣᠷᠮᠠ 90% ᠳ᠋ᠤ᠌ ᠬᠦᠷᠴᠦ᠂ ᠠᠷᠠᠳᠲᠤ᠌ ᠳᠥᠭᠥᠮ ᠦᠵᠡᠭᠦᠯᠬᠦ ᠴᠢᠯᠥᠭᠡᠲᠦ ᠳᠡᠯᠭᠡᠭᠦᠷ᠂ ᠡᠷᠡᠭᠦᠯ ᠬᠠᠮᠠᠭᠠᠯᠠᠯᠤ᠋ᠨ ᠲᠠᠰᠤᠭ᠂ ᠲᠣᠰᠬᠣᠨᠤ᠋ ᠠᠷᠠᠳᠤ᠋ᠨ ᠠᠵᠢᠯᠯᠠᠭᠠᠨᠤ᠋ ᠲᠠᠰᠤᠭ ᠪᠦᠷ ᠪᠦᠷᠢᠨ ᠲᠥᠬᠥᠷ ᠪᠣᠯᠪᠠ᠃ ᠦᠨᠳᠦᠰᠦᠨ ᠱᠠᠲᠤᠨᠤ᠋ ᠵᠠᠰᠠᠯᠲᠠᠶ᠋ᠢᠨ ᠬᠢᠷᠢ ᠲᠦᠪᠰᠢᠨ ᠴᠦ᠍ ᠵᠡᠷᠭᠡ ᠪᠡᠷ ᠳᠡᠭᠡᠭᠰᠢᠯᠡᠵᠦ᠂ ᠲᠣᠰᠬᠣᠨᠤ᠋ 《ᠬᠣᠶᠠᠷ ᠵᠥᠪᠯᠡᠯ》 ᠦ᠋ᠨ ᠺᠠᠳ᠋ᠷ ᠨᠠᠷ ᠪᠠᠢᠩᠭᠤᠶᠢᠨ ᠴᠢᠨᠠᠷᠲᠠᠢ ᠲᠠᠷᠢᠶᠠᠴᠢᠨ ᠡᠷᠦᠬᠡᠪᠡᠷ ᠭᠦᠨᠵᠡᠭᠡᠢᠷᠡᠨ ᠲᠥᠷᠥᠶ᠋ᠢᠨ ᠪᠣᠳᠣᠯᠭᠠ ᠬᠠᠤᠯᠢ ᠳᠦᠷᠢᠮᠢ᠋ ᠤᠬᠠᠭᠤᠯᠤᠨ ᠰᠤᠷᠲᠠᠯᠴᠢᠯᠠᠵᠤ᠂ ᠬᠥᠷᠰᠢ ᠵᠡᠷᠭᠡᠯᠡᠳᠡᠭᠡᠶ᠋ᠢᠨ ᠵᠥᠷᠢᠴᠡᠯ ᠵᠠᠭᠤᠷᠠᠯᠳᠤᠭᠠᠨᠢ᠋ ᠴᠠᠭ ᠲᠤᠬᠠᠢᠳ᠋ᠤᠨᠢ ᠡᠶᠡᠳᠡᠭᠦᠯᠦᠨ ᠰᠢᠢᠳᠪᠦᠷᠢᠯᠡᠨᠡ᠃
ᠣᠢᠷᠠᠶ᠋ᠢᠨ ᠵᠢᠯᠳᠤ᠂ ᠪᠦᠯᠬᠦᠮᠳᠡᠯ ᠲᠣᠰᠬᠣᠨ ᠤᠷᠢᠳ ᠬᠣᠵᠢᠳ ᠪᠦᠬᠦ ᠤᠯᠤᠰᠤ᠋ᠨ ᠬᠥᠳᠡᠭᠡ ᠲᠣᠰᠬᠣᠨᠤ ᠵᠠᠰᠠᠯᠲᠠᠶᠢᠨ ᠵᠢᠱ᠌ᠢᠶᠡ ᠦᠵᠡᠭᠦᠯᠬᠦ ᠲᠣᠰᠬᠣᠨ᠂ ᠪᠦᠬᠦ ᠤᠯᠤᠰᠤ᠋ᠨ ᠪᠣᠯᠪᠠᠰᠤᠨ ᠲᠣᠰᠬᠣᠨ ᠪᠠᠯᠭᠠᠰᠤ ᠵᠡᠷᠭᠡ ᠢᠷᠠᠭᠤ ᠠᠯᠳᠠᠷᠢ᠋ ᠬᠦᠷᠲᠡᠵᠡᠢ᠃ ᠡᠳᠡᠭᠡᠷ ᠠᠮᠵᠢᠯᠲᠠ ᠪᠦᠲᠦᠮᠵᠢ ᠪᠣᠯ ᠪᠥᠬᠥ ᠲᠤᠰᠬᠤᠨᠤ᠋ ᠬᠥᠮᠦᠰ ᠰᠡᠳᠭᠢᠯ ᠨᠢᠭᠡᠳᠦᠨ ᠴᠢᠷᠮᠠᠢᠭᠰᠠᠨᠤ᠋ ᠦᠷᠡ ᠳ᠋ᠦᠩ ᠮᠥᠨ ᠪᠠᠢᠵᠥ᠂ ᠨᠠᠮᠤ᠋ᠨ ᠤᠳᠤᠷᠢᠳᠤᠯᠭᠠ ᠳᠣᠣᠷᠠ ᠦᠨᠳᠦᠰᠦᠨ ᠱᠠᠲᠤᠨᠤ᠋ ᠨᠡᠢᠭᠡᠮᠤᠨ ᠪᠦᠯᠬᠦᠮᠳᠡᠨ ᠵᠤᠬᠢᠴᠠᠵᠤ᠂ ᠠᠮᠢᠵᠢᠷᠠᠯᠤᠨ ᠬᠦᠴᠦᠨᠢ᠋ᠶ᠋ᠡᠷ ᠪᠢᠯᠬᠠᠭᠰᠠᠨ ᠠᠮᠢᠳᠤᠯᠢᠭ ᠪᠠᠢᠳᠠᠯᠢ᠋ ᠬᠠᠷᠠᠭᠤᠯᠤᠭᠰᠠᠨ ᠪᠠᠢᠨᠠ᠃
ᠡᠭᠦᠨᠡᠴᠡ ᠭᠠᠳᠠᠨᠠ᠂ ᠲᠣᠰᠬᠣᠨᠡᠴᠡ ᠠᠰᠢᠭᠯᠠᠭᠳᠠᠭᠠ ᠦᠭᠡᠢ ᠡᠬᠢ ᠪᠠᠶᠠᠯᠢᠭᠢ᠋ ᠠᠮᠢᠳᠤᠯᠢᠭ ᠪᠣᠯᠭᠠᠨ᠂ ᠵᠢᠮᠢᠰᠦ᠋ᠨ ᠮᠣᠳᠣᠪᠠᠷ ᠭᠣᠣᠯ ᠰᠡᠳᠦᠪ ᠪᠣᠯᠭᠠᠭᠰᠠᠨ ᠭᠡᠷ ᠪᠦᠯᠢ ᠵᠢᠨ ᠪᠠᠭᠤᠳᠠᠯᠤᠨ ᠲᠣᠰᠬᠣᠨᠢ᠋ ᠪᠠᠢᠭᠤᠯᠵᠤ᠂ ᠲᠣᠮᠣ ᠬᠡᠯᠪᠡᠷᠢᠶ᠋ᠢᠨ ᠴᠡᠩᠭᠡᠯᠦ᠋ᠨ ᠬᠦᠷᠢᠶᠡᠯᠡᠩ᠂ ᠵᠢᠮᠢᠰ ᠲᠡᠭᠦᠬᠦ ᠬᠦᠷᠢᠶᠡᠯᠡᠩ᠂ ᠣᠨᠴᠠᠯᠢᠭᠲᠤ ᠮᠣᠩᠭᠣᠯ ᠬᠣᠭᠣᠯᠠᠨ ᠤ᠋ ᠲᠣᠭᠣᠷᠢᠭ᠂ ᠬᠡᠭᠡᠷᠡ ᠪᠠᠭᠤᠳᠠᠯᠯᠠᠬᠤ ᠲᠣᠭᠣᠷᠢᠭ᠂ ᠵᠢᠭᠠᠰᠤ ᠭᠥᠬᠢᠳᠡᠬᠦ ᠲᠣᠭᠣᠷᠢᠭ ᠵᠡᠷᠭᠡ ᠲᠣᠭᠣᠷᠢᠭᠢ᠋ ᠪᠠᠢᠭᠤᠯᠵᠤ᠂ 24 ᠢᠵᠢ ᠣᠨᠴᠠᠯᠢᠭᠲᠤ ᠭᠡᠷᠤᠨ ᠪᠠᠭᠤᠳᠠᠯᠢ ᠲᠦᠬᠦᠷᠵᠢᠭᠦᠯᠦᠨ ᠪᠠᠢᠭᠤᠯᠤᠭᠰᠠᠨᠡᠴᠡ ᠭᠠᠳᠠᠨᠠ ᠪᠠᠰᠠ 6 ᠡᠷᠦᠭᠡ ᠲᠣᠰᠬᠣᠨᠤ᠋ ᠠᠷᠠᠳ ᠨᠢ ᠥᠪᠡᠰᠦᠪᠡᠨ ᠡᠵᠡᠨ ᠮᠡᠳᠡᠨ ᠭᠡᠷᠤᠨ ᠪᠠᠭᠤᠳᠠᠯᠢ᠋ ᠡᠵᠡᠩᠨᠡᠵᠡᠢ᠃ ᠢᠯᠭᠠᠭᠠ ᠲᠠᠢ ᠰᠣᠶᠣᠯ ᠵᠢᠭᠤᠯᠴᠢᠯᠠᠯᠤ᠋ᠨ ᠬᠥᠭᠵᠢᠯᠲᠡᠶ᠋ᠢᠨ ᠵᠬᠠᠪᠤᠷᠲᠤ᠌ ᠲᠦᠰᠢᠭᠯᠡᠨ᠂ ᠪᠦᠬᠦ ᠲᠣᠰᠬᠣᠨᠨᠢ ᠨᠡᠢᠲᠡ 20 ᠲᠦᠮᠡᠨ ᠬᠥᠮᠦᠨ ᠤᠳᠠᠭᠠᠶᠢᠨ ᠵᠢᠭᠤᠯᠴᠢᠯᠠᠭᠰᠠᠳᠢ᠋ ᠲᠠᠲᠠᠵᠤ᠂ ᠡᠵᠡᠩᠨᠡᠯᠲᠡᠶ᠋ᠢᠨ ᠣᠷᠣᠯᠭᠠᠨᠢ 290 ᠲᠦᠮᠡᠨ ᠲᠥᠭᠥᠷᠢᠭᠢ ᠲᠠᠪᠠᠵᠤ᠂ 《ᠵᠢᠵᠢᠭ ᠭᠡᠷᠤᠨ ᠪᠠᠭᠤᠳᠠᠯ ᠨᠢ ᠲᠣᠮᠣ ᠠᠵᠤ ᠦᠢᠯᠡᠰᠢ᠋ ᠬᠥᠭᠵᠢᠭᠦᠯᠬᠦ》 ᠵᠠᠭᠪᠤᠷᠢ᠋ ᠰᠢᠯᠭᠠᠨ ᠨᠤᠲᠠᠯᠠᠭᠰᠠᠨ ᠪᠠᠢᠨᠠ᠃
ᠲᠣᠰᠬᠣᠨᠤ᠋ ᠠᠷᠠᠳ ᠸᠠᠩ ᠪᠤᠤᠶ᠋ᠢᠨ ᠪᠠᠭᠤᠳᠠᠯᠳᠤ ᠬᠦᠷᠬᠦᠳᠤ᠂ ᠵᠢᠵᠢᠭᠭᠡᠨ ᠬᠦᠷᠢᠶᠡ ᠨᠢ ᠲᠤᠬᠢᠯᠢᠭ ᠮᠦᠷᠲᠡᠭᠡᠨ ᠴᠡᠪᠡᠷ ᠴᠡᠮᠴᠡᠭᠡᠷ ᠪᠠᠢᠯᠠ᠃ ︽ᠵᠢᠭᠤᠯᠴᠢᠯᠠᠬᠰᠠᠳ ᠡᠨᠳᠡ ᠢᠷᠡᠵᠦ ᠵᠢᠷᠤᠭ ᠲᠠᠲᠠᠭᠤᠯᠬᠤ ᠳᠤᠷᠠᠲᠠᠢ ᠪᠠᠢᠵᠤ᠂ ᠠᠷᠠᠯᠵᠢᠶᠠ ᠮᠠᠢᠮᠠᠢ ᠡᠳᠦᠷ ᠢᠷᠡᠭᠦᠶᠡ ᠬᠥᠭᠵᠢᠶᠡᠨ ᠲᠡᠢ ᠪᠣᠯᠪᠠ︾ ᠭᠡᠵᠦ ᠸᠠᠩ ᠪᠤᠤ ᠢᠨᠢᠶᠡᠮᠰᠦᠭᠯᠡᠨ ᠬᠡᠯᠡᠨᠡ᠃ ᠡᠨᠡ ᠬᠦ᠌ ᠶᠡᠷᠦᠩᠬᠡᠢ ᠲᠠᠯᠠᠪᠠᠢ ᠨᠢ 46.4 ᠲᠡᠭᠰᠢ ᠳᠥᠷᠪᠡᠯᠵᠢᠨ ᠺᠢᠯᠣᠮᠧᠲ᠋ᠷ ᠪᠦᠬᠦᠢ ᠲᠣᠰᠬᠣᠨ ᠨᠢ 《ᠡᠬᠢ ᠪᠠᠶᠠᠯᠢᠭᠢ᠋ ᠪᠡᠯᠡ ᠬᠥᠷᠥᠩᠭᠡ ᠪᠣᠯᠭᠠᠨ ᠬᠤᠪᠢᠷᠠᠭᠤᠯᠬᠤ᠂ ᠪᠡᠯᠡ ᠮᠥᠩᠭᠥᠶ᠋ᠢ ᠬᠤᠪᠢ ᠣᠷᠣᠭᠤᠯᠤᠭᠰᠠᠨ ᠮᠥᠩᠭᠥ ᠪᠣᠯᠭᠠᠬᠤ》 ᠵᠠᠭᠪᠤᠷᠢ᠋ᠶ᠋ᠠᠷ ᠲᠦᠰᠢᠭ ᠪᠣᠯᠭᠠᠨ᠂ ᠬᠠᠮᠲᠤᠶ᠋ᠢᠨ ᠠᠵᠤ ᠠᠬᠤᠢ ᠨᠢ ᠬᠥᠳᠡᠭᠡ ᠲᠣᠰᠬᠣᠨᠢ᠋ ᠬᠥᠭᠵᠢᠭᠦᠯᠦᠨ ᠮᠠᠨᠳᠤᠭᠤᠯᠬᠤᠳ᠋ᠤ᠌ ᠬᠦᠴᠦᠨ ᠨᠡᠮᠡᠷᠢᠯᠡᠭᠦ ᠨᠠᠢᠳᠠᠪᠤᠷᠢᠲᠠᠢ ᠠᠵᠢᠯᠤ᠋ᠨ ᠵᠠᠮᠢ᠋ ᠨᠡᠭᠡᠭᠡᠭᠰᠡᠨ ᠪᠠᠢᠨᠠ᠃
︽ᠳᠠᠷᠠᠭᠠᠴᠢᠪᠠᠷ ᠪᠢᠲᠡ ᠲᠣᠰᠬᠣᠨ ᠠᠵᠤ ᠠᠬᠤᠢᠯᠠᠯᠤ᠋ᠨ ᠬᠠᠮᠲᠤᠷᠠᠯᠴᠠᠭᠠᠶ᠋ᠢ ᠦᠷᠭᠦᠯᠵᠢᠯᠡᠨ ᠭᠦᠨᠵᠡᠭᠡᠢᠷᠡᠭᠦᠯᠵᠦ᠂ ᠠᠵᠤ ᠦᠢᠯᠡᠰᠦ᠋ᠨ ᠪᠦᠲᠦᠴᠡᠶ᠋ᠢ ᠰᠢᠯᠢᠳᠡᠭᠵᠢᠭᠦᠯᠦᠨ᠂ ᠠᠷᠠᠳᠤ᠋ᠨ ᠠᠮᠢᠳᠤᠷᠠᠯᠢ ᠡᠳᠦᠷ ᠡᠴᠡ ᠡᠳᠦᠷ ᠰᠠᠢᠵᠢᠷᠠᠭᠤᠯᠬᠤᠪᠠᠷ ᠴᠢᠷᠮᠠᠢᠨᠠ︾ ᠭᠡᠵᠦ ᠯᠦ᠍ ᠵᠢᠶᠦ᠋ᠨ ᠵᠢᠶᠧ ᠬᠡᠯᠡᠨᠡ᠃ ᠡᠨᠳᠡ᠂ ᠠᠵᠤ ᠦᠢᠯᠡᠰ ᠬᠥᠭᠵᠢᠩᠭᠦᠢ᠂ ᠠᠮᠢ ᠠᠬᠤᠢ ᠣᠷᠴᠢᠨ ᠲᠣᠭᠣᠷᠢᠨ ᠲᠠᠭᠠᠯᠠᠮᠵᠢᠲᠠᠢ᠂ ᠠᠮᠢᠳᠤᠷᠠᠯ ᠪᠠᠶᠠᠨ ᠴᠢᠨᠡᠭᠡᠯᠢᠭ ᠬᠥᠳᠡᠭᠡ ᠲᠣᠰᠬᠣᠨᠢ᠋ ᠬᠥᠭᠵᠢᠭᠦᠯᠦᠨ ᠮᠠᠨᠳᠤᠭᠤᠯᠤᠭᠰᠠᠨ ᠵᠢᠷᠤᠭ ᠢᠳᠡᠭ ᠢᠳᠡᠭᠢᠶᠡᠷ ᠲᠡᠯᠭᠡᠭᠳᠡᠵᠦ᠂ ᠦᠨᠳᠦᠰᠦᠨ ᠱᠠᠲᠤᠨᠤ᠋ ᠺᠠᠳ᠋ᠷ ᠣᠯᠠᠨ ᠲᠦᠮᠡᠨᠦ᠌ ᠪᠦᠯᠬᠦᠮᠳᠡᠨ ᠨᠢᠭᠲᠠᠷᠠᠵᠤ ᠴᠢᠷᠮᠠᠢᠨ ᠲᠡᠮᠡᠴᠡᠵᠥ᠂ ᠪᠤᠳᠠᠲᠠᠢ ᠠᠵᠢᠯᠯᠠᠨ ᠦᠢᠯᠡᠰ ᠪᠣᠰᠬᠠᠬᠤ ᠰᠢᠨᠡ ᠰᠣᠷᠭᠣᠭ ᠪᠠᠢᠳᠠᠯᠢ᠋ ᠵᠢᠷᠤᠭᠯᠠᠵᠠᠢ᠃
［ᠰᠤᠷᠪᠤᠯᠵᠢᠯᠠᠭᠴᠢᠶᠢᠨ ᠭᠠᠷ ᠲᠡᠮᠳᠡᠭᠯᠡᠯ］
ᠵᠤᠤᠬᠠᠨᠤ ᠤᠲᠤᠭᠠ ᠾᠧᠦ ᠶᠢᠩᠦ᠋ᠨ ᠬᠢᠨ ᠡᠴᠡ ᠳᠠᠬᠢᠨ ᠰᠤᠭᠤᠨᠠᠭᠯᠠᠵᠤ᠂ ᠠᠩᠬᠢᠯᠤᠮᠠ ᠦᠨᠦᠷ ᠲᠦᠷᠪᠡᠨ ᠵᠦᠭᠲᠤ ᠬᠠᠨᠭᠬᠤᠯᠵᠤ᠂ ᠲᠣᠰᠬᠣᠨᠤ ᠬᠤᠪᠢᠷᠠᠵᠤ ᠬᠥᠭᠵᠢᠭᠰᠡᠨ ᠦᠯᠢᠭᠡᠷᠢ᠋ ᠰᠢᠪᠡᠨᠡᠨᠡ᠃ ᠪᠦᠯᠬᠦᠮᠳᠡᠯ ᠲᠣᠰᠬᠣᠨᠤ᠋ ᠬᠥᠭᠵᠢᠯᠲᠡᠶ᠋ᠢᠨ ᠦᠢᠯᠡᠳᠦᠯᠭᠡ ᠨᠢ ᠪᠦᠯᠬᠦᠮᠳᠡᠯᠦ᠋ᠨ ᠬᠦᠴᠦᠨᠢ᠋ ᠭᠡᠷᠡᠴᠢᠯᠡᠵᠡᠢ᠃ ᠨᠠᠮᠤ᠋ᠨ ᠤᠳᠤᠷᠢᠳᠤᠯᠭᠠ ᠳᠣᠣᠷᠠ᠂ ᠲᠤᠬᠠᠢᠶ᠋ᠢᠨ ᠭᠠᠵᠠᠷᠤ᠋ᠨ ᠬᠢᠨ ᠬᠥᠳᠡᠭᠡ ᠲᠣᠰᠬᠣᠨᠤ᠋ ᠡᠬᠢ ᠪᠠᠶᠠᠯᠢᠭᠢ᠋ ᠨᠢᠭᠡᠳᠦᠯᠲᠡᠢ ᠲᠥᠯᠥᠪᠵᠢᠭᠦᠯᠦᠨ ᠨᠡᠢᠳᠬᠡᠵᠦ᠂ ᠵᠠᠬᠠ ᠳᠡᠯᠭᠡᠭᠦᠷᠦ᠋ᠨ ᠬᠡᠷᠡᠭᠴᠡᠭᠡ ᠱᠠᠭᠠᠷᠳᠠᠯᠭᠠᠶ᠋ᠢ ᠵᠣᠯᠭᠠᠭᠤᠯᠵᠤ᠂ ᠣᠯᠠᠨ ᠲᠦᠮᠡᠨᠦ᠌ ᠬᠦᠰᠡᠯ ᠡᠷᠡᠮᠡᠯᠵᠡᠯᠳᠦ ᠬᠠᠷᠢᠭᠤ ᠲᠤᠰᠬᠠᠵᠤ᠂ ᠡᠨᠡ ᠬᠦ᠌ ᠬᠥᠳᠡᠭᠡ ᠲᠣᠰᠬᠣᠨᠳ᠋ᠤ᠌ ᠨᠤᠲᠤᠭᠰᠢᠭᠰᠠᠨ ︽ᠪᠦᠯᠬᠦᠮᠳᠡᠯᠦ᠋ᠨ ᠬᠦᠴᠦᠨ︾ ᠨᠢ ᠲᠣᠰᠬᠣᠨᠤ᠋ ᠠᠷᠠᠳᠢ ᠭᠡᠷᠡᠴᠡ ᠪᠠᠨ ᠬᠤᠯᠠᠳᠠᠯ ᠦᠭᠡᠢ ᠪᠡᠷ ᠬᠤᠪᠢ ᠣᠷᠣᠭᠤᠯᠤᠭᠴᠢ᠂ ᠬᠥᠯᠥᠰᠥᠨ ᠠᠵᠢᠯᠲᠠᠨ ᠪᠠ ᠡᠵᠡᠩᠨᠡᠯᠲᠡᠶ᠋ᠢᠨ ᠠᠵᠢᠯᠲᠠᠨ ᠪᠣᠯᠭᠠᠨ ᠬᠤᠪᠢᠷᠠᠭᠤᠯᠵᠤ᠂ ᠰᠠᠢᠨ ᠰᠠᠢᠬᠠᠨ ᠠᠮᠢᠳᠤᠷᠠᠯ ᠴᠤ᠌ ᠠᠯᠬᠤᠮ ᠠᠯᠬᠤᠮᠢ᠋ᠶ᠋ᠠᠷ ᠬᠦᠰᠡᠯ ᠮᠥᠷᠥᠭᠡᠳᠦᠯᠡᠴᠡᠪᠡᠨ ᠪᠣᠳᠠᠲᠤ ᠠᠬᠤᠢ ᠪᠣᠯᠵᠤ ᠬᠤᠪᠢᠷᠠᠵᠠᠢ᠃