ᠤᠢ᠍ᠢᠷᠠᠶ᠋ᠢᠨ ᠡᠳᠦᠷ᠂ ᠠᠯᠠᠱᠠ ᠵᠡᠬᠦᠨ ᠬᠤᠱᠢᠭᠤᠨᠤ ᠤᠯᠠᠨᠪᠤᠯᠠᠭ ᠪᠠᠯᠭᠠᠰᠤᠨᠤ ᠲᠦᠬᠦᠮ ᠭᠠᠴᠠᠭᠠᠶ᠋ᠢᠨ ᠮᠠᠯᠴᠢᠨ ᠪᠦᠷᠢᠨᠳᠡᠬᠦᠰᠤᠨ 《ᠪᠦᠷᠢᠨ ᠬᠡᠷᠡᠯᠳᠤ ᠨᠤᠮᠤᠨ ᠰᠠᠩ》 ᠤᠨ ᠡᠷᠦᠬᠡ ᠰᠡᠬᠦᠬᠦ᠌ ᠶᠤᠰᠤᠯᠠᠯ ᠶᠠᠪᠤᠭ᠍ᠳᠠᠬᠤᠶ᠋ᠢᠨ ᠳᠠᠱᠢᠷᠠᠮᠢᠶᠠᠷ᠂ ᠦᠪᠦᠷ ᠮᠤᠩᠭᠤᠯᠤᠨ ᠨᠤᠮᠤᠨ ᠰᠠᠩᠤᠨ ᠠᠩᠬᠠᠳᠠᠭ᠍ᠴᠢ ᠭᠠᠴᠠᠭᠠ ᠳᠤᠰᠭᠤᠨᠳᠠᠬᠢ ᠬᠤᠪᠢᠶᠠᠷᠢ ᠨᠤᠮᠤᠨ ᠰᠠᠩ ᠴᠤ᠌ ᠡᠳᠡᠨᠤᠬᠢᠨᠳᠤ ᠪᠠᠢᠭᠤᠯᠤᠭ᠍ᠳᠠᠯᠠ᠃
ᠡᠨᠡ ᠵᠢᠯ 72 ᠨᠠᠰᠤᠳᠠᠢ ᠮᠠᠯᠴᠢᠨ ᠪᠦᠷᠢᠨᠳᠡᠬᠦᠰ ᠮᠠᠯᠴᠢᠨ ᠲᠦᠮᠡᠨᠳᠡᠭᠡᠨ ᠦᠨᠡ ᠲᠦᠯᠦᠪᠦᠷᠢ ᠦᠬᠡᠢᠪᠠᠷ ᠨᠤᠮ ᠵᠢᠬᠡᠯᠡᠬᠦᠯᠵᠦ᠍ ᠤᠩᠱᠢᠭᠤᠯᠤᠨ᠂ ᠨᠤᠮ ᠡᠷᠳᠡᠮᠤᠨ ᠦᠪ ᠬᠦᠷᠦᠩᠬᠡᠶ᠋ᠢ ᠬᠠᠮᠳᠤᠳᠠᠭᠠᠨ ᠬᠤᠪᠢᠶᠠᠯᠴᠠᠨ᠂ ᠨᠤᠮ ᠪᠢᠴᠢᠭᠢᠶᠠᠷ ᠰᠤᠶᠤᠨ ᠭᠡᠭᠡᠷᠡᠵᠦ᠍᠂ ᠨᠡᠩ ᠤᠯᠠᠨ ᠮᠠᠯᠴᠢᠳ ᠨᠤᠮᠤᠨ ᠬᠡᠱᠢᠭ ᠬᠦᠷᠳᠡᠵᠦ᠍᠂ ᠦᠷᠠ ᠬᠤᠢᠴᠢᠰᠢᠶᠠᠨ ᠰᠤᠶᠤᠯ ᠮᠡᠳᠡᠯᠬᠡᠲᠠᠢ ᠬᠦᠮᠦᠨ ᠪᠤᠯᠭᠠᠨ ᠬᠦᠮᠦᠵᠢᠬᠦᠯᠬᠦ᠌ᠶ᠋ᠢ ᠤᠬᠠᠭᠠᠷᠠᠵᠤ᠂ ᠴᠤᠭ᠍ᠭᠠᠷ ᠬᠦᠭ᠌ᠵᠢᠨ ᠲᠠᠪᠱᠢᠬᠤᠶ᠋ᠢᠨ ᠲᠦᠯᠦᠬᠡ᠂ ᠬᠠᠮᠤᠭ ᠠᠩᠬᠠ 2016 ᠤᠨᠳᠤ ᠬᠤᠪᠢᠶ᠋ᠢᠨ ᠨᠤᠮᠤᠨ ᠰᠠᠩᠢᠶᠠᠨ ᠨᠡᠬᠡᠬᠡᠭ᠌ᠰᠡᠨᠢᠶᠠᠨ ᠨᠠᠮ ᠵᠠᠰᠠᠭᠤᠨ ᠳᠡᠮᠵᠢᠯᠬᠡᠪᠠᠷ᠂ ᠨᠢᠳᠤᠨᠤᠨ ᠨᠤᠮᠤᠨ ᠰᠠᠩᠤᠨ ᠱᠢᠨᠡ ᠦᠷᠦᠬᠡ ᠪᠠᠢᠭᠤᠯᠵᠤ ᠡᠷᠦᠬᠡᠪᠠᠨ ᠰᠡᠬᠦᠵᠦ᠍ ᠪᠠᠢᠭᠠᠨᠢ ᠡᠨᠡ ᠪᠢᠯᠡ᠃ ᠦᠪᠦᠷ ᠮᠤᠩᠭᠤᠯᠤᠨ ᠨᠤᠮᠤᠨ ᠰᠠᠩᠨᠢ ᠦᠨᠳᠦᠰᠦᠨ ᠱᠠᠳᠤᠨᠤ ᠮᠠᠯᠴᠢᠨ ᠲᠦᠮᠡᠨᠳᠤ ᠦᠢᠯᠡᠳᠪᠦᠷᠢᠯᠡᠯ ᠠᠮᠢᠳᠤᠷᠠᠯᠳᠤ ᠱᠠᠭᠠᠷᠳᠠᠳᠠᠭ ᠬᠠᠤᠯᠢ ᠴᠠᠭᠠᠵᠠ᠂ ᠠᠵᠤ ᠠᠬᠤᠢ᠂ ᠰᠤᠶᠤᠯ ᠳᠡᠦᠬᠡ᠂ ᠤᠳᠭᠠ ᠵᠤᠬᠢᠶᠠᠯ᠂ ᠤᠷᠠᠯᠢᠭ ᠵᠡᠷᠬᠡ ᠠᠭᠤᠯᠭᠠ ᠪᠦᠬᠦᠢ 5 ᠲᠦᠮᠡ ᠭᠠᠷᠤᠢ ᠲᠦᠬᠦᠷᠢᠭᠤᠨ 770 ᠭᠠᠷᠤᠢ ᠨᠤᠮ ᠪᠡᠯᠡᠳᠭᠡᠨ ᠦᠭ᠌ᠴᠡᠢ᠃ 《ᠬᠤᠪᠢᠶᠠᠷᠢ ᠨᠤᠮᠤᠨ ᠰᠠᠩ ᠭᠠᠷᠭᠠᠬᠤᠳᠠᠭᠠᠨ ᠬᠤᠪᠢᠶ᠋ᠢᠨ ᠨᠤᠮᠤᠨ ᠰᠠᠩᠲᠠᠢ ᠮᠠᠯᠴᠢᠨ ᠠᠢᠯᠢ ᠰᠤᠩᠭᠤᠭ᠍ᠰᠠᠨᠨᠢ ᠰᠠᠩᠤᠨ ᠨᠤᠮᠤᠨ ᠬᠠᠳᠠᠭᠠᠯᠠᠮᠵᠢᠶ᠋ᠢᠨᠢ ᠪᠠᠶᠠᠯᠢᠭ᠍ᠵᠢᠭᠤᠯᠵᠤ᠂ ᠱᠢᠨᠡᠪᠠᠷ ᠬᠡᠪᠯᠡᠭ᠌ᠳᠡᠵᠦ᠍ ᠪᠠᠢᠭᠠ ᠨᠤᠮ ᠪᠢᠴᠢᠭ ᠬᠠᠩᠭᠠᠵᠠᠢ》 ᠬᠡᠵᠦ᠍ ᠦᠪᠦᠷ ᠮᠤᠩᠭᠤᠯᠤᠨ ᠨᠤᠮᠤᠨ ᠰᠠᠩᠤᠨ ᠮᠤᠩᠭᠤᠯ ᠨᠤᠮᠤᠨ ᠰᠠᠩᠤᠨ ᠡᠷᠬᠢᠯᠡᠭ᠌ᠴᠢ ᠪᠤᠤᠶ᠋ᠢᠨ ᠱᠢᠶᠠᠩ ᠳᠠᠨᠢᠯᠴᠠᠭᠤᠯᠤᠨᠠ᠃
ᠦᠪᠦᠷ ᠮᠤᠩᠭᠤᠯᠤᠨ ᠨᠤᠮᠤᠨ ᠰᠠᠩᠨᠢ ᠦᠢᠯᠡᠴᠢᠯᠡᠭᠡᠶ᠋ᠢᠨ ᠬᠡᠪᠴᠢᠶᠡᠪᠠᠨ ᠦᠷᠬᠡᠳᠭᠡᠵᠦ᠍ ᠤᠷᠳᠤᠳᠭᠠᠨ᠂ ᠨᠤᠮᠤᠨ ᠰᠠᠩᠤᠨ ᠦᠢᠯᠡᠴᠢᠯᠡᠭᠡᠶ᠋ᠢ ᠰᠤᠷᠭᠠᠭᠤᠯᠢᠶ᠋ᠢᠨ ᠬᠦᠷᠢᠶᠡᠨᠳᠤ ᠤᠷᠤᠭᠤᠯᠬᠤ᠂ ᠨᠡᠢᠬᠡᠮ ᠳᠤᠭᠤᠷᠢᠭᠲᠤ ᠤᠷᠤᠭᠤᠯᠬᠤᠪᠠᠷ ᠳᠠᠮᠵᠢᠨ᠂ ᠤᠯᠠᠨ ᠨᠡᠢᠳᠡᠶ᠋ᠢᠨ ᠰᠤᠶᠤᠯᠤᠨ ᠦᠢᠯᠡᠴᠢᠯᠡᠭᠡᠶ᠋ᠢ ᠬᠦᠳᠡᠭᠡ ᠳᠤᠰᠭᠤᠨᠤ ᠮᠠᠯᠴᠢᠨ ᠳᠠᠷᠢᠶᠠᠴᠢᠨ᠂ ᠰᠤᠷᠭᠠᠭᠤᠯᠢᠶ᠋ᠢᠨ ᠪᠠᠭ᠍ᠰᠢ ᠰᠤᠷᠤᠭ᠍ᠴᠢ᠂ ᠨᠡᠢᠬᠡᠮ ᠳᠤᠭᠤᠷᠢᠭᠤᠨ ᠰᠠᠭᠤᠭᠠᠯᠢ ᠠᠷᠠᠳᠲᠤ ᠠᠳᠠᠯᠢ ᠳᠡᠭ᠌ᠰᠢᠪᠠᠷ ᠡᠳ᠋ᠯᠡᠬᠦᠯᠬᠦ᠌ᠶ᠋ᠢᠨ ᠲᠦᠯᠦᠬᠡ 2012 ᠤᠨᠠᠴᠠ ᠦᠨᠳᠦᠰᠦᠨ ᠱᠠᠳᠤᠨᠳᠤ ᠨᠡᠢᠳᠡ 20 ᠭᠠᠷᠤᠢ ᠬᠤᠪᠢᠶᠠᠷᠢ ᠨᠤᠮᠤᠨ ᠰᠠᠩ ᠪᠠᠢᠭᠤᠯᠵᠤ᠂ ᠪᠢᠴᠢᠭᠤᠨ ᠰᠤᠷᠪᠤᠯᠵᠢᠳᠤ ᠳᠠᠯᠠ ᠨᠤᠳᠤᠭ᠂ ᠪᠢᠴᠢᠭᠤᠨ ᠰᠤᠷᠪᠤᠯᠵᠢᠳᠤ ᠰᠤᠷᠭᠠᠭᠤᠯᠢᠶ᠋ᠢᠨ ᠬᠦᠷᠢᠶᠠ᠂ ᠪᠢᠴᠢᠭᠤᠨ ᠰᠤᠷᠪᠤᠯᠵᠢᠳᠤ ᠦᠪᠦᠷ ᠮᠤᠩᠭᠤᠯᠢ ᠪᠠᠢᠭᠤᠯᠬᠤᠳᠤ ᠬᠦᠴᠦᠨ ᠨᠡᠮᠡᠷᠢᠪᠠᠨ ᠦᠵᠡᠬᠦᠯᠦᠨᠡ᠃ 《ᠶᠠᠳᠠᠭᠤ ᠬᠦᠴᠢᠷᠳᠡᠯᠳᠡᠢ ᠭᠠᠵᠠᠷ ᠤᠷᠤᠨᠳᠠᠬᠢ ᠰᠤᠶᠤᠯᠢᠶᠠᠷ ᠶᠠᠳᠠᠭᠤᠶ᠋ᠢ ᠳᠡᠳᠬᠦᠬᠦ᠌ ᠡᠷᠴᠢᠮᠢᠶᠠᠨ ᠴᠢᠩᠭᠠᠷᠠᠭᠤᠯᠵᠤ᠂ ᠨᠤᠮᠤᠨ ᠰᠠᠩᠤᠨ ᠡᠬᠢ ᠪᠠᠶᠠᠯᠢᠭᠤᠨ ᠳᠠᠪᠠᠭᠤᠯᠢᠭᠢᠶᠠᠨ ᠪᠠᠳᠠᠷᠠᠭᠤᠯᠵᠤ᠂ ᠶᠠᠳᠠᠭᠤᠶ᠋ᠢ ᠳᠡᠳᠬᠦᠬᠦ᠌ ᠪᠤᠭᠤᠮᠳᠠ ᠱᠢᠪᠳᠤᠯᠬᠤ ᠳᠠᠢᠯᠠᠯᠳᠤᠭᠠᠨᠤ ᠳᠤᠮᠳᠠ ᠰᠤᠶᠤᠯᠢᠶᠠᠷ 〈ᠤᠶᠤᠨ ᠤᠬᠠᠭᠠᠨ〉 ᠢ ᠳᠡᠳᠬᠦᠵᠦ᠍᠂ ᠬᠢᠯᠢ ᠬᠢᠵᠠᠭᠠᠷ᠂ ᠶᠠᠳᠠᠭᠤ ᠬᠦᠴᠢᠷᠳᠡᠯᠳᠡᠢ ᠭᠠᠵᠠᠷ ᠤᠷᠤᠨᠤ ᠮᠠᠯᠴᠢᠨ ᠳᠠᠷᠢᠶᠠᠴᠢᠨ᠂ ᠢᠯᠠᠩᠭᠤᠶᠠ ᠦᠷᠬᠡᠨ ᠤᠯᠠᠨ ᠪᠠᠭᠠᠴᠤᠳ ᠬᠡᠦᠬᠡᠳᠲᠤ ᠤᠯᠠᠨ ᠨᠡᠢᠳᠡᠶ᠋ᠢᠨ ᠰᠤᠶᠤᠯᠤᠨ ᠦᠢᠯᠡᠴᠢᠯᠡᠭᠡᠶ᠋ᠢ ᠡᠳ᠋ᠯᠡᠬᠦᠯᠬᠦ᠌ᠪᠠᠷ᠂ ᠮᠠᠯᠴᠢᠳᠢ ᠨᠡᠬᠦᠯᠬᠡᠨ ᠱᠢᠯᠵᠢᠬᠦᠯᠦᠭ᠌ᠰᠡᠨ ᠱᠢᠨᠠ ᠪᠠᠷᠭᠤ ᠵᠡᠬᠦᠨ ᠬᠤᠱᠢᠭᠤᠨᠤ ᠠᠮᠤᠭᠤᠯᠠᠩ ᠪᠠᠯᠭᠠᠰᠤᠶ᠋ᠢᠨ ᠢᠪᠡᠬᠡᠯ ᠨᠡᠢᠬᠡᠮ ᠳᠤᠭᠤᠷᠢᠭ ᠵᠢᠴᠢ ᠴᠠᠬᠠᠷ ᠪᠠᠷᠠᠭᠤᠨ ᠭᠠᠷᠤᠨ ᠬᠤᠢᠳᠤ ᠬᠤᠱᠢᠭᠤᠨᠤ ᠮᠤᠩᠭᠤᠯ ᠰᠤᠷᠭᠠᠭᠤᠯᠢ ᠵᠡᠷᠬᠡᠳᠤ ᠬᠤᠪᠢᠶᠠᠷᠢ ᠨᠤᠮᠤᠨ ᠰᠠᠩ ᠪᠠᠢᠭᠤᠯᠵᠠᠢ》 ᠬᠡᠵᠦ᠍ ᠪᠤᠤᠶ᠋ᠢᠨ ᠱᠢᠶᠠᠩ ᠳᠠᠨᠢᠯᠴᠠᠭᠤᠯᠤᠨᠠ᠃