11 ᠰᠠᠷᠠᠶ᠋ᠢᠨ 2 ᠤᠨ ᠡᠳᠦᠷ᠂ ᠦᠪᠦᠷ ᠮᠤᠩᠭᠤᠯᠤᠨ ᠪᠠᠭ᠍ᠰᠢᠶ᠋ᠢᠨ ᠶᠡᠭᠡ ᠰᠤᠷᠭᠠᠭᠤᠯᠢᠶ᠋ᠢᠨ ᠡᠷᠲᠡᠨᠤ ᠰᠤᠷᠪᠤᠯᠵᠢ ᠪᠢᠴᠢᠭ ᠰᠤᠳᠤᠯᠬᠤ ᠳᠠᠰᠤᠭᠤᠨ ᠬᠠᠷᠢᠭᠤᠴᠠᠯᠭᠠᠲᠠᠨ᠂ ᠮᠤᠩᠭᠤᠯ ᠰᠤᠳᠤᠯᠤᠯᠤᠨ ᠳᠡᠭᠡᠳᠦ ᠰᠤᠷᠭᠠᠭᠤᠯᠢᠶ᠋ᠢᠨ ᠤᠶᠤᠨ ᠫᠷᠤᠹᠧᠰᠰᠤᠷ ᠨᠠᠷ ᠨᠤᠲᠤᠭᠤᠨ ᠬᠦᠮᠦᠰᠠᠴᠠ ᠰᠦᠪᠡᠭ᠌ᠴᠢ ᠤᠯᠵᠤ᠂ ᠤᠯᠠᠭᠠᠨᠴᠠᠪ ᠬᠤᠲᠠᠶ᠋ᠢᠨ ᠳᠦᠷᠪᠡᠳ ᠬᠤᠱᠢᠭᠤᠨᠤ ᠬᠢᠵᠠᠭᠠᠷᠠᠴᠠ ᠤᠢ᠍ᠢᠭᠤᠷᠵᠢᠨ ᠮᠤᠩᠭᠤᠯ ᠦᠰᠦᠭᠢᠶᠠᠷ ᠪᠢᠴᠢᠭ᠌ᠳᠡᠭ᠌ᠰᠡᠨ 40 ᠭᠠᠷᠤᠢ ᠬᠠᠳᠠᠨ ᠪᠢᠴᠢᠭᠡᠰᠦᠶ᠋ᠢ ᠱᠢᠨᠡᠪᠠᠷ ᠢᠯᠡᠷᠡᠭᠦᠯᠦᠭ᠌ᠰᠡᠨ ᠪᠠᠢᠨᠠ᠃
ᠤᠶᠤᠨ ᠫᠷᠤᠹᠧᠰᠰᠤᠷᠤᠨ ᠲᠠᠨᠢᠯᠴᠠᠭᠤᠯᠤᠭ᠍ᠰᠠᠨᠢᠶᠠᠷ᠂ ᠡᠳᠡᠭᠡᠷ ᠬᠠᠳᠠᠨ ᠪᠢᠴᠢᠭᠡᠰᠦᠨᠢ ᠳᠦᠷᠪᠡᠳ ᠬᠤᠱᠢᠭᠤᠨᠤ ᠲᠦᠪ ᠤᠯᠠᠭᠠᠨᠬᠤᠸᠠ ᠪᠠᠯᠭᠠᠰᠤᠨᠠᠴᠠ ᠵᠡᠭᠦᠨᠰᠢ 100 ᠭᠠᠷᠤᠢ ᠺᠢᠯᠦᠮᠧᠲᠷᠤᠨ ᠵᠠᠢᠲᠠᠢ ᠪᠠᠶᠠᠨᠴᠤᠭ᠍ᠲᠤ ᠪᠠᠯᠭᠠᠰᠤᠨᠤ ᠤᠯᠠᠭᠠᠨᠬᠠᠳᠠ ᠭᠠᠴᠠᠭᠠᠨᠤ ᠪᠢᠴᠢᠭ᠌ᠲᠦᠶ᠋ᠢᠨ ᠬᠠᠳᠠ ᠭᠡᠬᠦ᠌ ᠭᠠᠵᠠᠷᠲᠤ ᠪᠠᠢᠵᠤ᠂ ᠳᠤᠪᠤᠷᠬᠠᠭ ᠭᠠᠵᠠᠷᠤᠨ ᠬᠠᠪᠴᠢᠯᠳᠠᠬᠢ ᠭᠠᠵᠠᠷᠤᠨ ᠳᠦᠪᠱᠢᠨᠠᠴᠠ ᠳᠤᠷᠤᠭ᠍ᠰᠢ ᠬᠤᠷᠢᠭᠠᠳ ᠮᠧᠳ᠋ᠷᠤᠨ ᠭᠤᠤᠶ᠋ᠢᠨ ᠳᠤᠲᠤᠷᠠᠬᠢ ᠬᠤᠢᠳᠤ ᠡᠩᠭᠡᠷᠢᠶᠠᠷ ᠳᠠᠷᠬᠠᠵᠤ ᠪᠤᠢ᠃ ᠳᠤᠬᠠᠢᠶ᠋ᠢᠨ ᠭᠠᠵᠠᠷᠲᠤ ᠬᠦᠷᠴᠦ᠍ ᠪᠠᠢᠴᠠᠭᠠᠯᠲᠠ ᠬᠢᠬᠦ᠌ᠪᠠᠷ ᠳᠠᠮᠵᠢᠨ᠂ ᠡᠨᠡ ᠬᠦ᠌ ᠦᠷᠭᠡᠨᠢᠶᠠᠷᠢᠶᠠᠨ 50 ᠭᠠᠷᠤᠢ ᠮᠧ᠊ ᠲ᠊ᠷ᠂ ᠤᠷᠲᠤᠪᠠᠷᠢᠶᠠᠨ 200 ᠭᠠᠷᠤᠢ ᠮᠧ᠊ ᠲᠷ ᠦᠷᠭᠦᠯᠵᠢᠯᠡᠭ᠌ᠰᠡᠨ ᠬᠠᠪᠴᠢᠯᠤᠨ ᠳᠡᠭᠡᠷᠡ ᠡᠬᠢᠶ᠋ᠢᠨ ᠬᠠᠳᠠᠨ ᠳᠡᠭᠡᠷᠡ 13 ᠭᠡᠰᠡᠭ ᠪᠢᠴᠢᠭᠡᠰᠦ᠂ ᠬᠠᠪᠴᠢᠯᠤᠨ ᠳᠤᠤᠷᠠ ᠠᠮᠠᠶ᠋ᠢᠨ ᠬᠤᠢᠳᠤ ᠲᠠᠯᠠᠶ᠋ᠢᠨ ᠬᠠᠳᠠᠨ ᠳᠡᠭᠡᠷᠡ 29 ᠭᠡᠰᠡᠭ ᠪᠢᠴᠢᠭᠡᠰᠦ ᠪᠠᠢᠬᠤᠶ᠋ᠢ ᠢᠯᠡᠷᠡᠭᠦᠯᠪᠡ᠃ 《ᠡᠳᠡᠭᠡᠷ ᠪᠢᠴᠢᠭᠡᠰᠦᠶ᠋ᠢᠨ ᠠᠭᠤᠯᠭᠠᠨᠢ ᠪᠤᠷᠬᠠᠨ ᠱᠠᠱᠢᠨᠳᠤ ᠬᠤᠯᠪᠤᠭ᠍ᠳᠠᠭ᠍ᠰᠠᠨ ᠮᠠᠨᠢᠶ᠋ᠢᠨ ᠵᠢᠷᠭᠤᠭᠠᠨ ᠦᠰᠦᠭᠤᠨ ᠪᠢᠴᠢᠭᠡᠰᠦᠪᠠᠷ ᠭᠤᠤᠯᠳᠠᠬᠤᠠᠴᠠ ᠭᠠᠳᠠᠨᠠ ᠪᠠᠰᠠ ᠱᠠᠱᠢᠨᠤ ᠰᠤᠷᠭᠠᠯ ᠱᠢᠯᠦᠭ᠂ ᠨᠡᠢᠬᠡᠮᠤᠨ ᠳᠡᠭᠡᠳᠦ ᠳᠠᠪᠬᠤᠷᠭᠠᠲᠠᠨᠳᠤ ᠬᠤᠯᠪᠤᠭ᠍ᠳᠠᠬᠤ ᠵᠦᠢᠯᠡᠰ ᠴᠤ᠌ ᠬᠠᠷᠠᠭ᠍ᠳᠠᠵᠤ ᠪᠤᠢ᠃ ᠵᠠᠷᠢᠮ ᠪᠢᠴᠢᠭᠡᠰᠦᠨᠳᠠᠬᠢ ᠮᠤᠩᠭᠤᠯ ᠦᠰᠦᠭᠤᠨ ᠪᠢᠴᠢᠯᠭᠡ ᠵᠢᠷᠤᠯᠭᠠᠨᠢ ᠤᠢ᠍ᠢᠭᠤᠷᠵᠢᠨ ᠲᠢᠭᠤᠨ ᠮᠠᠨᠢᠶ᠋ᠢᠨ ᠵᠢᠷᠭᠤᠭᠠᠨ ᠦᠰᠦᠭ ᠪᠠᠢᠵᠤ᠂ ᠤᠷᠦ᠋ᠢᠪᠲᠤᠷ ᠦᠶᠡᠶ᠋ᠢᠨ ᠠᠯᠢ ᠭᠠᠯᠢ ᠦᠰᠦᠭᠤᠨ ᠪᠢᠴᠢᠯᠭᠡᠲᠠᠢ ᠢᠯᠡᠳᠲᠡ ᠢᠯᠭᠠᠭᠠ ᠵᠦᠷᠢᠶᠡᠲᠠᠢ ᠪᠠᠢᠵᠤ᠂ ᠵᠠᠷᠢᠮ ᠪᠢᠴᠢᠭᠡᠰᠦᠨᠢ ᠨᠡᠩ ᠡᠷᠲᠡ ᠦᠶᠡᠶ᠋ᠢᠨ ᠶᠤᠸᠠᠨ ᠤᠯᠤᠰᠤᠨ ᠦᠶᠡ ᠪᠤᠶᠤ ᠲᠡᠭᠦᠨᠠᠴᠠ ᠤᠷᠦ᠋ᠢᠪᠲᠤᠷ ᠦᠶᠡᠶ᠋ᠢᠨᠬᠢ ᠪᠠᠢᠵᠤ ᠮᠡᠳᠡᠨᠡ᠃ ᠪᠢᠴᠢᠭᠡᠰᠦᠶ᠋ᠢᠨ ᠠᠭᠤᠯᠭᠠ ᠬᠢᠭᠡᠳ ᠮᠤᠩᠭᠤᠯ ᠦᠰᠦᠭᠤᠨ ᠪᠢᠴᠢᠯᠭᠡᠶ᠋ᠢᠨ ᠲᠢᠭ ᠬᠡᠯᠪᠡᠷᠢᠠᠴᠠ ᠦᠵᠡᠪᠡᠯ᠂ ᠮᠤᠩᠭᠤᠯ ᠤᠷᠤᠨᠳᠤ ᠪᠤᠷᠬᠠᠨ ᠱᠠᠱᠢᠨ ᠦᠷᠭᠡᠨᠢᠶᠠᠷ ᠳᠡᠯᠭᠡᠷᠡᠭ᠌ᠰᠡᠨ 16 — 17 ᠳ᠋ᠤᠭᠠᠷ ᠵᠠᠭᠤᠨᠤ ᠦᠶᠡᠳᠤ ᠬᠤᠯᠪᠤᠭ᠍ᠳᠠᠵᠤ ᠪᠤᠢ ᠭᠡᠵᠦ᠍ ᠪᠢᠳᠡ ᠠᠩᠬᠠ ᠠᠯᠬᠤᠮ ᠮᠠᠭᠠᠳᠯᠠᠵᠤ ᠪᠠᠢᠨᠠ》 ᠭᠡᠵᠦ᠍ ᠤᠶᠤᠨ ᠫᠷᠤᠹᠧᠰᠰᠤᠷ ᠬᠡᠯᠡᠵᠦ᠍ ᠪᠠᠢᠯᠠ᠃
ᠲᠤᠰ ᠤᠳᠠᠭᠠᠨᠤ ᠪᠠᠢᠴᠠᠭᠠᠯᠲᠠᠳᠤ ᠲᠤᠰ ᠰᠤᠷᠭᠠᠭᠤᠯᠢᠶ᠋ᠢᠨ ᠮᠤᠩᠭᠤᠯ ᠰᠤᠳᠤᠯᠤᠯᠤᠨ ᠳᠡᠭᠡᠳᠦ ᠰᠤᠷᠭᠠᠭᠤᠯᠢᠶ᠋ᠢᠨ ᠳᠡᠳ᠋ ᠰᠤᠳᠤᠯᠤᠭᠠᠴᠢ᠂ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨᠤ 《ᠦᠪᠦᠷ ᠮᠤᠩᠭᠤᠯᠤᠨ ᠭᠠᠵᠠᠷᠤᠨ ᠨᠡᠷᠡᠶ᠋ᠢᠨ ᠰᠤᠶᠤᠯ ᠰᠤᠳᠤᠯᠤᠯ》 ᠳᠦᠰᠦᠯᠤᠨ ᠤᠯᠠᠭᠠᠨᠴᠠᠪ ᠬᠤᠲᠠᠶ᠋ᠢᠨ ᠳᠤᠭᠤᠢ᠍ᠢᠯᠠᠩᠤᠨ ᠭᠡᠱᠢᠭᠦᠨ ᠳᠤᠷᠠᠰᠭᠠᠯᠲᠤ ᠪᠠᠭ᠍ᠰᠢ ᠤᠷᠤᠯᠴᠠᠵᠤ᠂ ᠲᠡᠳᠡ ᠳᠡᠭᠡᠷᠡ ᠳᠤᠷᠠᠳᠤᠭ᠍ᠰᠠᠨ ᠤᠢ᠍ᠢᠭᠤᠷᠵᠢᠨ ᠮᠤᠩᠭᠤᠯ ᠦᠰᠦᠭᠤᠨ ᠬᠠᠳᠠᠨ ᠪᠢᠴᠢᠭᠡᠰᠦᠠᠴᠠ ᠭᠠᠳᠠᠨᠠ ᠪᠠᠰᠠ ᠲᠦᠪᠡᠳ ᠦᠰᠦᠭᠤᠨ ᠬᠠᠳᠠᠨ ᠪᠢᠴᠢᠭᠡᠰᠦ ᠪᠠ ᠬᠠᠳᠠᠨ ᠵᠢᠷᠤᠭ᠂ ᠪᠤᠷᠬᠠᠨ ᠱᠠᠱᠢᠨᠤ ᠲᠡᠮᠲᠡᠭᠤᠳᠢ ᠤᠯᠠᠨ ᠢᠯᠡᠷᠡᠭᠦᠯᠦᠭ᠌ᠰᠡᠨ ᠪᠠᠢᠨᠠ᠃ ᠡᠳᠡᠭᠡᠷ ᠮᠤᠩᠭᠤᠯ᠂ ᠲᠦᠪᠡᠳ ᠦᠰᠦᠭᠤᠨ ᠬᠠᠳᠠᠨ ᠪᠢᠴᠢᠭᠡᠰᠦ ᠬᠢᠭᠡᠳ ᠬᠠᠳᠠᠨ ᠵᠢᠷᠤᠭᠤᠳᠤᠨ ᠢᠯᠡᠷᠡᠭᠦᠯᠦᠯᠲᠡᠨᠢ ᠤᠢ᠍ᠢᠷᠠᠶ᠋ᠢᠨ ᠵᠢᠯᠳᠤ ᠮᠠᠨᠤ ᠤᠷᠤᠨᠠᠴᠠ ᠱᠢᠨᠡᠪᠠᠷ ᠤᠯᠳᠠᠭ᠍ᠰᠠᠨ ᠬᠠᠳᠠᠨ ᠪᠢᠴᠢᠭᠡᠰᠦᠨᠦᠭᠦᠳᠤᠨ ᠳᠤᠲᠤᠷᠠᠬᠢ ᠪᠠᠰᠠ ᠨᠢᠭᠡᠨ ᠱᠢᠨᠡ ᠢᠯᠡᠷᠡᠭᠦᠯᠦᠯᠲᠡ ᠪᠤᠯᠬᠤ ᠪᠦᠭᠡᠳ ᠵᠠᠷᠢᠮ ᠦᠪᠠᠷᠮᠢᠴᠡ ᠤᠨᠴᠠᠯᠢᠭᠢᠶᠠᠷᠢᠶᠠᠨ ᠡᠷᠲᠡᠨᠤ ᠮᠤᠩᠭᠤᠯ ᠦᠰᠦᠭ ᠪᠢᠴᠢᠭ ᠬᠢᠭᠡᠳ ᠮᠤᠩᠭᠤᠯ ᠰᠤᠷᠪᠤᠯᠵᠢ ᠪᠢᠴᠢᠭᠤᠨ ᠰᠤᠳᠤᠯᠭᠠᠨ᠂ ᠮᠤᠩᠭᠤᠯ ᠲᠦᠪᠡᠳᠤᠨ ᠰᠤᠶᠤᠯ ᠲᠡᠦᠬᠡᠶ᠋ᠢᠨ ᠰᠤᠳᠤᠯᠭᠠᠨ ᠵᠡᠷᠭᠡ ᠬᠠᠮᠢᠶᠠ ᠪᠦᠬᠦᠢ ᠰᠤᠳᠤᠯᠭᠠᠨᠤ ᠬᠦᠷᠢᠶᠡᠨᠳᠤ ᠴᠣ᠌ ᠱᠢᠨᠡ ᠮᠠᠲ᠋ᠧᠷᠢᠶᠠᠯ ᠬᠠᠩᠭᠠᠵᠤ᠂ ᠲᠡᠳᠡ ᠤᠳᠤ ᠨᠡᠩ ᠬᠦᠨᠵᠡᠭᠡᠢ ᠡᠷᠳᠡᠮ ᠱᠢᠨᠵᠢᠯᠡᠭᠡᠨᠤ ᠰᠤᠳᠤᠯᠭᠠᠨᠢᠶᠠᠨ ᠶᠠᠭ ᠭᠠᠷᠳᠠᠨ ᠱᠠᠯᠠᠪᠳᠠᠭᠤᠯᠵᠤ ᠪᠤᠢ᠃