ᠡᠷᠬᠡᠴᠢᠮᠡᠭ ᠡᠵᠢ ᠡᠩᠤᠨ ᠮᠠᠯᠴᠢᠨ ᠬᠡᠦᠬᠡᠨ ᠪᠠᠢᠬ᠍ᠰᠠᠨᠠᠴᠠᠪᠠᠨ ᠤᠷᠠᠯᠢᠭᠤᠨ ᠤᠷᠠ ᠠᠪᠢᠶᠠᠰᠢᠶᠠᠷᠢᠶᠠᠨ ᠤᠯᠤᠰᠤᠨ ᠠᠵᠢᠯᠲᠠᠨ ᠪᠤᠯᠵᠤ᠂ ᠨᠤᠲᠤᠭᠤᠨ ᠠᠬᠠᠮᠠᠳ ᠲᠤᠮᠤᠭᠠᠲᠠᠳᠠᠴᠠᠪᠠᠨ ᠠᠷᠠᠳᠤᠨ ᠳᠠᠭᠤᠤ ᠰᠤᠷᠴᠤ᠌᠂ ᠤᠳᠠᠭᠠᠨ ᠵᠢᠯ ᠨᠠᠢᠷ ᠬᠤᠷᠢᠮ᠂ ᠲᠤᠭ᠍ᠯᠠᠯᠲᠠ ᠤᠷᠤᠯᠳᠤᠭᠠᠨ ᠵᠡᠷᠭᠡᠳᠤ ᠤᠷᠳᠤᠰ ᠠᠷᠠᠳᠤᠨ ᠳᠠᠭᠤᠤᠪᠠᠨ ᠳᠠᠭᠤᠯᠠᠵᠤ᠂ ᠤᠯᠠᠨᠳᠤ ᠲᠠᠨᠢᠭᠤᠯᠵᠤ ᠤᠯᠠᠮᠵᠢᠯᠠᠨ᠂ ᠮᠦᠨ ᠡᠨᠡ ᠬᠦ᠌ ᠤᠷᠠᠯᠢᠭᠤᠨ ᠦᠢᠯᠡᠰᠲᠤ ᠤᠯᠠᠨ ᠲᠠᠯᠠᠪᠠᠷ ᠬᠦᠴᠦᠨ ᠵᠢᠳᠬᠦᠯᠢᠶᠠᠨ ᠦᠵᠡᠭᠦᠯᠵᠦ᠍ ᠶᠠᠪᠤᠭ᠍ᠰᠠᠨᠢᠶᠠᠷᠢᠶᠠᠨ ᠤᠳᠤ ᠤᠷᠳᠤᠰ ᠠᠷᠠᠳᠤᠨ ᠳᠠᠭᠤᠤᠶ᠋ᠢᠨ 《ᠬᠤᠤᠰ ᠤᠯᠠᠮᠵᠢᠯᠠᠭ᠍ᠴᠢ》 ᠶ᠋ᠢᠨ ᠰᠠᠢᠬᠠᠨ ᠠᠯᠳᠠᠷ ᠵᠡᠭᠦᠵᠦ᠍ ᠶᠠᠪᠤᠨᠠ᠃
ᠬᠠᠩᠭᠢᠨ ᠬᠤᠱᠢᠭᠤᠨᠤ ᠤᠤᠯᠤᠨ ᠬᠤᠷᠤᠭᠠᠨᠴᠠᠢᠳᠠᠮ ᠰᠤᠮᠤᠨᠤ ᠤᠯᠠᠨᠪᠤᠯᠠᠭ ᠭᠠᠴᠠᠭᠠᠪᠠᠷ ᠨᠤᠲᠤᠭᠲᠠᠢ ᠡᠷᠬᠡᠴᠢᠮᠡᠭ ᠪᠠᠷᠢᠭᠠᠳᠠᠶ᠋ᠢᠨ ᠡᠮᠡᠭ᠌ᠲᠡᠢᠴᠦᠳᠤᠨ ᠬᠤᠯᠪᠤᠭᠠᠶ᠋ᠢᠨ ᠡᠷᠬᠢᠯᠡᠭ᠌ᠴᠢ ᠵᠢᠴᠢ ᠬᠤᠱᠢᠭᠤᠨᠤ ᠺᠢᠨᠣ᠋ ᠳᠠᠷᠬᠠᠭᠠᠬᠤ ᠺᠤᠮᠫᠠᠨᠢ᠂ ᠨᠤᠮᠤᠨ ᠰᠠᠩ᠂ ᠤᠯᠠᠭᠠᠨᠮᠦᠴᠢᠷ ᠵᠡᠷᠭᠡ ᠪᠠᠢᠭᠤᠯᠭᠠᠳᠤ ᠠᠵᠢᠯᠯᠠᠵᠤ ᠶᠠᠪᠤᠭ᠍ᠰᠠᠨ ᠴᠤ᠌ ᠲᠡᠭᠦᠨᠤ ᠭᠤᠤᠯ ᠠᠵᠢᠯᠨᠢ ᠬᠠᠷᠢᠨ ᠠᠷᠠᠳᠤᠨ ᠳᠠᠭᠤᠤ᠂ ᠤᠯᠠᠮᠵᠢᠯᠠᠯᠲᠤ ᠰᠤᠶᠤᠯ ᠤᠷᠠᠯᠢᠭᠤᠨ ᠦᠢᠯᠡᠰᠲᠤ ᠵᠢᠳᠭᠦᠭ᠌ᠰᠠᠨ ᠦᠩᠭᠡᠷᠡᠯᠲᠡ ᠪᠤᠯᠬᠤ ᠶᠤᠮ᠃ ᠴᠠᠭ ᠲᠦᠷᠦᠶ᠋ᠢᠨ ᠤᠷᠪᠠᠭᠠᠨ ᠬᠦᠷᠪᠡᠭᠡᠨᠢᠶᠠᠷ ᠲᠡᠷᠡ ᠲᠦᠩᠭᠡᠵᠢ ᠵᠢᠷᠭᠤᠳᠤᠭᠠᠷ ᠤᠨᠢᠶᠠᠨ ᠲᠡᠭᠦᠰᠭᠡᠭᠡᠳ ᠳᠠᠬᠢᠨ ᠪᠢᠴᠢᠭ ᠰᠤᠶᠤᠯᠤᠨ ᠮᠦᠷ ᠬᠦᠭᠡᠭᠡᠵᠦ᠍ ᠴᠢᠳᠠᠭ᠍ᠰᠠᠨ ᠦᠭᠡᠢ᠂ ᠭᠡᠷᠲᠡᠭᠡᠨ ᠬᠠᠷᠢᠵᠤ ᠮᠠᠯ ᠬᠠᠷᠢᠭᠤᠯᠬᠤ᠂ ᠶᠡᠭᠡ ᠪᠠᠷᠢᠭᠠᠳᠠᠳᠤ ᠬᠦᠳᠡᠯᠮᠦᠷᠢᠯᠡᠬᠦ᠌ᠠᠴᠠ ᠦᠭᠡᠷᠡ ᠵᠠᠮ ᠦᠭᠡᠢ ᠪᠤᠯᠤᠭ᠍ᠰᠠᠨ ᠪᠠᠢᠵᠠᠢ᠃ ᠲᠡᠭᠡᠭᠡᠳ ᠲᠡᠷᠡ ᠪᠠᠷᠢᠭᠠᠳᠠᠶ᠋ᠢᠨᠢᠶᠠᠨ 《ᠲᠡᠮᠦᠷ ᠬᠡᠦᠬᠡᠨᠴᠦᠳᠤᠨ ᠳᠤᠭᠤᠢ᠍ᠢᠯᠠᠩ》 ᠳᠤ ᠤᠷᠤᠯᠴᠠᠨ᠂ ᠬᠠᠲᠠᠭᠤ ᠪᠠᠷᠬᠡ ᠠᠵᠢᠯ ᠬᠦᠳᠡᠯᠮᠦᠷᠢᠳᠤ ᠤᠷᠤᠯᠴᠠᠨ ᠳᠠᠪᠲᠠᠭ᠍ᠳᠠᠵᠤ ᠶᠠᠪᠤᠭ᠍ᠰᠠᠨ ᠲᠡᠳᠦᠢ ᠦᠭᠡᠢ᠂ ᠪᠠᠭᠠᠠᠴᠠᠪᠠᠨ ᠳᠠᠭᠤᠤ ᠪᠦᠵᠢᠭᠲᠤ ᠠᠪᠢᠶᠠᠰᠲᠠᠢ ᠪᠠᠢᠬ᠍ᠰᠠᠨᠢᠶᠠᠷᠢᠶᠠᠨ ᠶᠡᠭᠡ ᠪᠠᠷᠢᠭᠠᠳᠠᠶ᠋ᠢᠨᠢᠶᠠᠨ ᠲᠡᠮᠦᠷ ᠬᠡᠦᠬᠡᠨᠴᠦᠳᠢ ᠵᠤᠬᠢᠶᠠᠨ ᠪᠠᠢᠭᠤᠯᠤᠨ ᠲᠤᠭ᠍ᠯᠠᠯᠲᠠ ᠭᠠᠷᠭᠠᠬᠤ ᠡᠭᠦᠷᠭᠡᠶ᠋ᠢ ᠠᠮᠵᠢᠯᠲᠠᠲᠠᠢ ᠪᠡᠶᠡᠯᠡᠭᠦᠯᠵᠦ᠍᠂ ᠮᠦᠨ ᠵᠡᠷᠭᠡᠯᠡᠳᠡᠭᠡ ᠪᠠᠷᠢᠭᠠᠳᠠ ᠨᠢᠭᠡᠳᠦᠯᠢᠶᠠᠷ ᠲᠤᠭᠤᠷᠢᠨ ᠲᠤᠭ᠍ᠯᠠᠵᠤ᠂ ᠬᠠᠲᠠᠭᠤ ᠪᠠᠷᠬᠡᠱᠢᠶᠡᠯᠲᠡᠢ ᠤᠨ ᠵᠢᠯᠳᠤ ᠮᠠᠯᠴᠢᠨ ᠲᠦᠮᠡᠨᠳᠡᠭᠡᠨ ᠤᠷᠠᠯᠢᠭᠤᠨ ᠬᠦᠷᠲᠡᠭᠡᠯ ᠡᠳ᠋ᠯᠡᠭᠦᠯᠵᠦ᠍ ᠶᠠᠪᠤᠭ᠍ᠰᠠᠨ ᠪᠠᠢᠪᠠ᠃ 《ᠲᠡᠷᠡ ᠦᠶᠡᠳᠤ ᠮᠤᠷᠢ ᠤᠨᠤᠭᠠ ᠴᠤ᠌ ᠪᠠᠢᠬ᠍ᠰᠠᠨ ᠦᠭᠡᠢ᠂ ᠲᠤᠭᠢᠶᠠᠨ ᠪᠠᠷᠢᠭᠠᠳ ᠶᠠᠪᠠᠭᠠᠨᠢᠶᠠᠷ ᠠᠶᠠᠯᠠᠵᠤ ᠰᠤᠮᠤ ᠭᠠᠴᠠᠭᠠᠪᠠᠷ ᠲᠤᠭ᠍ᠯᠠᠯᠲᠠ ᠭᠠᠷᠭᠠᠵᠤ ᠶᠠᠪᠤᠳᠠᠭ ᠪᠠᠢᠬ᠍ᠰᠠᠨ ᠡ》 ᠭᠡᠵᠦ᠍ ᠨᠠᠰᠤᠲᠠᠨ ᠡᠷᠬᠢᠴᠡᠭᠦᠯᠵᠦ᠍ ᠪᠠᠢᠯᠠ᠃ ᠠᠮᠢᠳᠤᠷᠠᠯ ᠰᠠᠢᠵᠢᠷᠠᠵᠤ ᠬᠦᠳᠡᠭᠡ ᠨᠤᠲᠤᠭᠲᠤ ᠬᠤᠷᠢᠮ ᠨᠠᠢᠷ ᠬᠢᠬᠦ᠌ᠨᠢ ᠤᠯᠠᠱᠢᠷᠠᠬᠤᠳᠤ ᠲᠡᠷᠡ ᠬᠤᠷᠢᠮ ᠨᠠᠢᠷᠲᠤ ᠤᠷᠢᠬ᠍ᠳᠠᠨ ᠠᠷᠠᠳᠤᠨ ᠳᠠᠭᠤᠤᠪᠠᠨ ᠳᠠᠭᠤᠯᠠᠵᠤ ᠶᠠᠪᠤᠪᠠ᠃
ᠤᠷᠠᠯᠢᠭᠤᠨ ᠤᠷᠠ ᠠᠪᠢᠶᠠᠰᠢᠶᠠᠷᠢᠶᠠᠨ ᠤᠯᠠᠨᠠᠴᠠ ᠴᠤᠯᠭᠤᠷᠠᠵᠤ᠂ ᠲᠡᠷᠡ 1972 ᠤᠨᠳᠤ ᠤᠯᠤᠰᠤᠨ ᠺᠠᠳ᠋ᠷᠢᠶᠠᠷ ᠡᠯᠰᠡᠭ᠌ᠳᠡᠵᠦ᠍᠂ ᠴᠣ ᠱᠢᠨᠡ ᠠᠮᠢᠳᠤᠷᠠᠯᠤᠨ ᠠᠶᠠᠨᠢᠶᠠᠨ ᠡᠯᠭᠦᠵᠡᠢ᠃ 1982 ᠤᠨᠳᠤ ᠬᠤᠱᠢᠭᠤᠨᠤ ᠤᠯᠠᠭᠠᠨᠮᠦᠴᠢᠷᠤᠨ ᠨᠢᠭ᠍ᠲᠠᠯᠠᠨ ᠪᠤᠳᠤᠭ᠍ᠴᠢᠪᠠᠷ ᠠᠵᠢᠯᠯᠠᠵᠤ ᠪᠠᠢᠬᠤᠳᠠᠭᠠᠨ 《ᠡᠵᠢ》 ᠭᠡᠬᠦ᠌ ᠵᠦᠴᠦᠭᠡᠳᠤ ᠤᠷᠳᠤᠰ ᠠᠷᠠᠳᠤᠨ ᠳᠠᠭᠤᠤ 《ᠬᠦᠬᠡ ᠮᠦᠩᠬᠡ ᠲᠡᠭ᠌ᠷᠢ》 ᠶ᠋ᠢ ᠳᠠᠭᠤᠯᠠᠪᠠ； ᠤᠷᠳᠤᠰ ᠬᠤᠲᠠᠶ᠋ᠢᠨ ᠤᠯᠠᠭᠠᠨᠮᠦᠴᠢᠷᠤᠨ ᠬᠠᠮ ᠲᠤᠭ᠍ᠯᠠᠯᠲᠠᠳᠤ ᠭᠦᠷᠦᠪᠠᠨᠽᠠᠷᠲᠠᠢ ᠬᠠᠮᠲᠤ 《ᠤᠷᠳᠤᠰ ᠬᠤᠷᠢᠮ》 ᠳᠤ ᠠᠪᠤ ᠡᠵᠢᠶ᠋ᠢᠨ ᠳᠦᠷᠢᠶ᠋ᠢ ᠲᠤᠭ᠍ᠯᠠᠵᠤ᠂ ᠤᠷᠳᠤᠰ ᠬᠤᠳᠠᠳᠤ ᠲᠤᠭ᠍ᠯᠠᠯᠲᠠ ᠭᠠᠷᠭᠠᠪᠠ᠃ ᠡᠨᠡ ᠮᠡᠲᠦᠪᠠᠷ ᠲᠡᠷᠡ ᠵᠢᠩᠬᠢᠨᠢ ᠲᠤᠭ᠍ᠯᠠᠭ᠍ᠴᠢ ᠪᠢᠰᠢ ᠴᠤ᠌ ᠤᠷᠠᠨ ᠰᠠᠢᠬᠠᠨᠤ ᠲᠤᠭ᠍ᠯᠠᠯᠲᠠᠳᠤ ᠤᠯᠠᠨᠲᠠ ᠤᠷᠤᠯᠴᠠᠵᠤ ᠪᠠᠢᠵᠠᠢ᠃ ᠱᠢᠨᠡ ᠲᠦᠷᠦᠶ᠋ᠢᠨ ᠪᠤᠳᠤᠯᠭᠠᠶ᠋ᠢᠨ ᠠᠱᠢᠭᠢ ᠬᠦᠷᠲᠡᠵᠦ᠍᠂ ᠲᠡᠷᠡ 1998 ᠤᠨᠳᠤ ᠠᠵᠢᠯᠠᠴᠠᠪᠠᠨ ᠠᠮᠠᠷᠠᠬ᠍ᠰᠠᠨᠤ ᠳᠠᠷᠠᠭᠠ᠂ ᠳᠤᠬᠠᠢᠶ᠋ᠢᠨ ᠦᠶᠡᠰ ᠬᠠᠩᠭᠢᠨ ᠬᠤᠱᠢᠭᠤᠨᠤ ᠦᠨᠳᠦᠰᠦᠲᠡᠨ ᠱᠠᠱᠢᠨ ᠰᠤᠷᠳᠠᠬᠤᠨᠤ ᠳᠤᠪᠴᠢᠶᠠᠶ᠋ᠢᠨ ᠳᠠᠷᠤᠭᠠ ᠪᠠᠢᠬ᠍ᠰᠠᠨ ᠮᠦᠩᠬᠡᠲᠤᠶᠠᠭᠠᠶ᠋ᠢᠨ ᠳᠠᠭᠠᠭᠤᠯᠭᠠᠪᠠᠷ ᠪᠠᠢᠭᠤᠯᠤᠭ᠍ᠳᠠᠭ᠍ᠰᠠᠨ 《ᠠᠨᠳᠠ》 ᠠᠷᠠᠳᠤᠨ ᠤᠷᠠᠨ ᠰᠠᠢᠬᠠᠨᠤ ᠪᠦᠯᠬᠦᠮᠳᠤ ᠤᠷᠤᠯᠴᠠᠨ᠂ ᠤᠷᠳᠤᠰᠤᠨ ᠡᠯᠠ ᠬᠤᠱᠢᠭᠤ ᠪᠠ ᠰᠤᠮᠤ ᠪᠠᠯᠭᠠᠰᠤᠪᠠᠷ ᠲᠤᠭ᠍ᠯᠠᠯᠲᠠ ᠭᠠᠷᠭᠠᠵᠤ᠂ ᠬᠤᠷᠢᠮ ᠨᠠᠢᠷᠲᠤ ᠨᠠᠢᠷᠯᠠᠵᠤ᠂ ᠤᠷᠤᠯᠳᠤᠭᠠᠨ ᠲᠡᠮᠡᠴᠡᠭᠡᠨᠳᠤ ᠴᠤ᠌ ᠤᠷᠤᠯᠴᠠᠵᠤ ᠶᠠᠪᠤᠵᠠᠢ᠃ 《1998 ᠤᠨᠳᠤ ᠤᠲᠤᠭ ᠬᠤᠱᠢᠭᠤᠨᠤ ᠦᠨᠳᠦᠷ ᠨᠠᠰᠤᠲᠠᠢ ᠷᠠᠰᠢ ᠪᠠᠭ᠍ᠰᠢ （ᠨᠠᠰᠤ ᠪᠠᠷᠠᠪᠠ） ᠪᠠ ᠬᠠᠩᠭᠢᠨ ᠬᠤᠱᠢᠭᠤᠨᠤ ᠬᠠᠯᠵᠠᠨ ᠪᠠᠭ᠍ᠰᠢ ᠤᠷᠳᠤᠰᠤᠨ ᠪᠤᠭᠤᠨᠢ ᠳᠠᠭᠤᠤ ᠪᠠ ᠭᠦᠷᠦ᠍ ᠳᠠᠭᠤᠤᠶ᠋ᠢ ᠱᠢᠩᠭᠡᠭᠡᠬᠦ᠌ᠶ᠋ᠢ ᠰᠠᠨᠠᠭᠠᠴᠢᠯᠠᠵᠤ᠂ 〈ᠤᠷᠳᠤᠰ ᠬᠤᠷᠢᠮᠤᠨ ᠶᠡᠭᠡ ᠳᠠᠭᠤᠤᠨᠤᠭᠤᠳ〉 ᠳᠡᠭᠡᠳᠦ ᠳᠤᠤᠷᠠᠳᠤ ᠬᠤᠶᠠᠷ ᠱᠢᠩᠭᠡᠭᠡᠯᠲᠡᠶ᠋ᠢᠨ ᠪᠦᠰᠡ ᠭᠠᠷᠭᠠᠪᠠ᠃ ᠪᠢ ᠡᠳᠡᠭᠡᠷ ᠱᠢᠩᠭᠡᠭᠡᠯᠲᠡᠳᠤ ᠪᠦᠷ ᠤᠷᠤᠯᠴᠠᠵᠤ᠂ ᠠᠷᠠᠳᠤᠨ ᠳᠠᠭᠤᠤᠪᠠᠨ ᠳᠠᠭᠤᠯᠠᠬ᠍ᠰᠠᠨ》 ᠭᠡᠵᠦ᠍ ᠡᠷᠬᠡᠴᠢᠮᠡᠭ ᠡᠵᠢ ᠲᠠᠨᠢᠯᠴᠠᠭᠤᠯᠤᠨᠠ᠃ ᠬᠠᠩᠭᠢᠨᠤ ᠭᠦᠷᠦ᠍ ᠳᠠᠭᠤᠤᠶ᠋ᠢ ᠤᠯᠤᠰᠤᠨ ᠲᠡᠰᠤᠨ ᠪᠤᠳᠠᠰᠤᠨ ᠪᠤᠰᠤ ᠰᠤᠶᠤᠯᠤᠨ ᠦᠪ ᠪᠤᠯᠭᠠᠬᠤ ᠠᠶᠠᠨᠳᠤ ᠭᠦᠷᠦ᠍ ᠳᠠᠭᠤᠤᠶ᠋ᠢᠨ 4 ᠺᠠᠰᠧᠲ ᠳᠠᠷᠬᠠᠭᠠᠭ᠍ᠳᠠᠵᠤ᠂ ᠲᠡᠷᠡ ᠡᠳᠡᠭᠡᠷ ᠱᠢᠩᠭᠡᠭᠡᠯᠲᠡᠳᠤ ᠴᠦᠮ ᠤᠷᠤᠯᠴᠠᠭ᠍ᠰᠠᠨ ᠪᠠᠢᠵᠠᠢ᠃ ᠢᠩᠬᠢᠭᠡᠳ 2009 ᠤᠨᠤ 6 ᠰᠠᠷᠠᠳᠤ ᠤᠷᠳᠤᠰ ᠬᠤᠲᠠᠶ᠋ᠢᠨ ᠤᠷᠳᠤᠰᠤᠨ ᠪᠤᠭᠤᠨᠢ ᠳᠠᠭᠤᠤ᠂ ᠭᠦᠷᠦ᠍ ᠳᠠᠭᠤᠤᠶ᠋ᠢᠨ ᠤᠯᠠᠮᠵᠢᠯᠠᠭ᠍ᠴᠢᠶ᠋ᠢᠨ ᠦᠨᠡᠮᠯᠡᠯᠢ ᠭᠠᠷᠳᠠᠬ᠍ᠰᠠᠨ ᠪᠠᠢᠵᠠᠢ᠃
ᠤᠯᠠᠮᠵᠢᠯᠠᠭ᠍ᠴᠢ ᠪᠤᠯᠤᠭᠠᠳ ᠲᠡᠷᠡ ᠢᠷᠠᠭᠤ ᠠᠯᠳᠠᠷᠢᠶᠠᠨ ᠳᠦᠱᠢᠨ ᠵᠦᠭᠡᠷ ᠰᠠᠭᠤᠬ᠍ᠰᠠᠨ ᠦᠭᠡᠢ᠂ ᠬᠠᠷᠢᠨ ᠨᠤᠲᠤᠭ ᠤᠰᠤᠨᠳᠠᠭᠠᠨ ᠡᠳᠦᠢ ᠲᠡᠳᠦᠢ ᠴᠤ᠌ ᠳᠤᠰᠠᠲᠠᠢ ᠠᠵᠢᠯ ᠬᠢᠶᠡ ᠭᠡᠮᠡᠨ ᠵᠢᠳᠬᠦᠨ ᠲᠡᠮᠡᠦᠯᠵᠡᠢ᠃ 2009 ᠤᠨᠳᠤ ᠲᠦᠷᠦᠭ᠌ᠰᠡᠨ ᠨᠤᠲᠤᠭ ᠤᠯᠠᠨᠪᠤᠯᠠᠭ ᠭᠠᠴᠠᠭᠠᠨᠳᠤᠨᠢ ᠠᠷᠠᠳᠤᠨ ᠤᠷᠠᠯᠢᠭᠤᠨ ᠪᠦᠯᠬᠦᠮ ᠪᠠᠢᠭᠤᠯᠤᠭ᠍ᠳᠠᠵᠤ᠂ ᠲᠡᠷᠡ ᠤᠷᠠᠯᠢᠭᠤᠨ ᠵᠢᠯᠤᠭᠤᠳᠤᠭ᠍ᠴᠢᠪᠠᠷ ᠤᠷᠢᠭ᠍ᠳᠠᠨ ᠤᠷᠤᠯᠴᠠᠪᠠ᠃ 《ᠡᠬᠢᠯᠡᠭᠡᠳ ᠪᠦᠷ ᠦᠪᠠᠷ ᠦᠪᠠᠷᠰᠡᠳᠤᠨ ᠬᠤᠪᠴᠠᠰᠤ ᠵᠠᠰᠠᠯ᠂ ᠬᠦᠭ᠌ᠵᠢᠮᠤᠨ ᠪᠠᠭᠠᠵᠢᠪᠠᠨ ᠠᠪᠠᠴᠢᠭᠠᠳ ᠲᠤᠭ᠍ᠯᠠᠯᠲᠠ ᠭᠠᠷᠭᠠᠳᠠᠭ ᠪᠠᠢᠬ᠍ᠰᠠᠨ᠂ ᠭᠡᠪᠡᠴᠦ᠍ ᠬᠠᠮᠲᠤᠶ᠋ᠢᠨ ᠪᠦᠵᠢᠭᠲᠤ ᠵᠠᠪᠠᠯ ᠨᠢᠭᠡᠳᠦᠯᠲᠡᠢ ᠬᠤᠪᠴᠠᠰᠤ ᠬᠡᠷᠡᠭᠲᠠᠢ ᠪᠤᠯᠬᠤᠷ᠂ ᠪᠢ 3000 ᠲᠦᠭᠦᠷᠢᠭ ᠬᠠᠨᠳᠢᠪᠯᠠᠵᠤ ᠤᠷᠠᠯᠢᠭᠤᠨ ᠪᠦᠯᠬᠦᠮᠳᠤ ᠨᠢᠭᠡᠳᠦᠯᠲᠡᠢ ᠪᠦᠵᠢᠭᠤᠨ ᠬᠤᠪᠴᠠᠰᠤᠲᠠᠢ ᠪᠤᠯᠭᠠᠪᠠ᠃ ᠰᠡᠭᠦᠯᠳᠤᠨᠢ ᠪᠢ ᠪᠠᠰᠠ ᠤᠷᠠᠯᠢᠭᠤᠨ ᠪᠦᠯᠬᠦᠮᠤᠨ ᠬᠡᠱᠢᠭᠦᠳᠲᠡᠭᠡᠨ ᠰᠦᠯᠵᠢᠶᠡᠨ ᠳᠡᠭᠡᠷᠡᠠᠴᠠ 25 ᠵᠠᠬᠠ ᠰᠠᠷᠠᠯ ᠦᠩᠭᠡᠲᠡᠢ ᠴᠡᠷᠢᠭᠤᠨ ᠬᠤᠪᠴᠠᠰᠤ ᠠᠪᠴᠤ᠌ ᠦᠭ᠌ᠪᠡ᠂ ᠢᠩᠬᠢᠭᠡᠳ ᠪᠢᠳᠡ ᠬᠤᠪᠢᠰᠭᠠᠯᠲᠤ ᠳᠠᠭᠤᠤ ᠳᠠᠭᠤᠯᠠᠬᠤᠳᠤ ᠨᠢᠭᠡᠳᠦᠯᠲᠡᠢ ᠬᠤᠪᠴᠠᠰᠤᠲᠠᠢ ᠪᠤᠯᠪᠠ᠃ ᠮᠠᠨᠤ ᠬᠤᠱᠢᠭᠤᠨᠤ ᠠᠬᠠᠮᠠᠳ ᠤᠳᠤᠷᠢᠳᠤᠯᠭᠠ ᠠᠳᠢᠶᠠ ᠨᠦᠬᠦᠷ᠂ ᠳᠠᠮᠷᠢᠨ ᠱᠦᠵᠢᠶ᠋ᠢᠨ ᠳᠡᠮᠵᠢᠯᠭᠡᠪᠠᠷ ᠪᠢᠳᠡ ᠤᠷᠠᠯᠢᠭᠤᠨ ᠪᠦᠯᠬᠦᠮᠤᠨ ᠬᠤᠪᠴᠠᠰᠤ ᠵᠠᠰᠠᠯ᠂ ᠬᠦᠭ᠌ᠵᠢᠮᠤᠨ ᠪᠠᠭᠠᠵᠢ ᠭᠡᠷᠡᠭ᠌ᠰᠡᠯ ᠵᠡᠷᠭᠡᠪᠠᠨ ᠱᠢᠨᠡᠳᠭᠡᠵᠦ᠍ ᠰᠠᠢᠵᠢᠷᠠᠭᠤᠯᠪᠠ᠃ ᠤᠳᠤ ᠮᠠᠨᠤ ᠪᠦᠯᠬᠦᠮᠳᠤ ᠭᠤᠴᠢᠭᠠᠳ ᠬᠦᠮᠦᠨᠲᠠᠢ᠂ ᠬᠦᠮᠦᠨ ᠨᠡᠮᠡᠭᠡᠳ ᠪᠠᠢᠬᠤ ᠠᠷᠭᠠ ᠦᠭᠡᠢ᠂ ᠬᠤᠪᠴᠠᠰᠤ ᠵᠠᠰᠠᠯᠢᠶᠠᠨ ᠨᠢᠭᠡᠳᠭᠡᠬᠦ᠌ᠳᠤ ᠠᠮᠠᠷ ᠦᠭᠡᠢ᠂ ᠦᠭᠡᠷᠡ ᠵᠠᠷᠤᠳᠠᠯ ᠴᠤ᠌ ᠭᠠᠷᠳᠠᠭ》 ᠭᠡᠵᠦ᠍ ᠡᠷᠭᠡᠴᠢᠮᠡᠭ ᠡᠵᠢ ᠲᠠᠨᠢᠯᠴᠠᠭᠤᠯᠵᠤ ᠪᠠᠢᠪᠠ᠃ 2018 ᠪᠠ 2019 ᠤᠨᠳᠤ ᠲᠡᠷᠡ ᠳ᠋ᠦᠩᠱᠧᠩ ᠲᠤᠭᠤᠷᠢᠭᠤᠨ ᠮᠤᠩᠭᠤᠯ ᠪᠠᠭᠠ ᠰᠤᠷᠭᠠᠭᠤᠯᠢᠳᠤ ᠭᠦᠷᠦ᠍ ᠳᠠᠭᠤᠤ᠂ ᠤᠷᠳᠤᠰᠤᠨ ᠪᠤᠭᠤᠨᠢ ᠳᠠᠭᠤᠤ ᠵᠢᠭᠠᠬᠤ ᠠᠵᠢᠯᠯᠠᠭᠠᠳᠤ ᠤᠷᠤᠯᠴᠠᠪᠠ᠃ ᠡᠨᠡ ᠳᠤᠬᠠᠢ ᠲᠡᠷᠡ᠄ 《ᠰᠤᠷᠭᠠᠭᠤᠯᠢᠳᠤ ᠤᠴᠢᠵᠤ ᠳᠠᠭᠤᠤ ᠵᠢᠭᠠᠬᠤᠳᠠᠭᠠᠨ ᠪᠢ ᠶᠠᠮᠠᠷ ᠴᠤ᠌ ᠬᠠᠷᠠᠮᠵᠢ ᠠᠪᠤᠭ᠍ᠰᠠᠨ ᠦᠭᠡᠢ᠂ ᠦᠪᠠᠷᠤᠨ ᠰᠠᠢᠨ ᠳᠤᠷᠠᠠᠴᠠᠪᠠᠨ ᠤᠴᠢᠵᠤ ᠵᠢᠭᠠᠪᠠ᠃ ᠲᠡᠳᠡ ᠬᠠᠷᠠᠮᠵᠢ ᠦᠭ᠌ᠬᠦ ᠬᠡᠰᠡᠨᠳᠤ ᠪᠢ ᠠᠪᠬᠤ ᠦᠭᠡᠢ ᠭᠡᠰᠡᠨ ᠡ᠂ ᠪᠢ ᠤᠷᠳᠤᠰ ᠠᠷᠠᠳᠤᠨ ᠳᠠᠭᠤᠤᠶ᠋ᠢᠨ ᠤᠯᠠᠮᠵᠢᠯᠠᠭ᠍ᠴᠢ ᠭᠡᠰᠡᠨ ᠨᠡᠷᠡᠪᠠᠨ ᠡᠷᠭᠦᠵᠦ᠍ ᠶᠠᠪᠤᠨᠠ᠂ ᠮᠦᠨ ᠨᠢᠭᠡᠨ ᠤᠳᠠᠭᠠᠨ ᠵᠢᠯᠤᠨ ᠠᠠᠬ᠍ᠮᠠᠳ ᠨᠠᠮᠤᠨ ᠭᠡᠱᠢᠭᠦᠨ ᠪᠤᠯᠤᠭ᠍ᠰᠠᠨᠤ ᠬᠢᠪᠡᠰᠦ ᠵᠤᠬᠢᠬᠤ ᠠᠵᠢᠯ ᠶᠤᠮ！》 ᠭᠡᠵᠦ᠍ ᠶᠠᠷᠢᠵᠤ ᠪᠠᠢᠯᠠ᠃
ᠤᠷᠳᠤᠰ ᠠᠷᠠᠳᠤᠨ ᠳᠠᠭᠤᠤ᠂ ᠭᠦᠷᠦ᠍ ᠳᠠᠭᠤᠤᠪᠠᠨ ᠤᠯᠠᠨ ᠲᠦᠮᠡᠨᠳᠤ ᠲᠠᠨᠢᠭᠤᠯᠵᠤ᠂ ᠤᠯᠠᠮᠵᠢᠯᠠᠨ ᠬᠦᠭ᠌ᠵᠢᠭᠦᠯᠬᠦ᠌ ᠲᠠᠯᠠᠪᠠᠷ ᠲᠡᠷᠡ ᠡᠳᠦᠢ ᠵᠢᠯ ᠤᠯᠠᠨ ᠲᠠᠯᠠᠶ᠋ᠢᠨ ᠠᠵᠢᠯᠯᠠᠭᠠᠳᠤ ᠤᠷᠤᠯᠴᠠᠵᠤ ᠢᠷᠡᠵᠡᠢ᠃ 2020 ᠤᠨᠤ ᠬᠠᠪᠤᠷ ᠦᠪᠦᠷ ᠮᠤᠩᠭᠤᠯᠤᠨ ᠮᠤᠩᠭᠤᠯ ᠤᠳᠤᠨ ᠲᠧᠯᠸᠢᠰᠤᠨ 《ᠤᠳᠤᠳ ᠲᠦᠭᠡᠬᠦ᠌ ᠴᠠᠭ》 ᠨᠡᠪᠲᠡᠷᠡᠭᠦᠯᠭᠡᠳᠤ ᠤᠷᠤᠯᠴᠠᠵᠦ᠍᠂ ᠤᠷᠳᠤᠰ ᠠᠷᠠᠳᠤᠨ ᠳᠠᠭᠤᠤ᠂ ᠭᠦᠷᠦ᠍ ᠳᠠᠭᠤᠤᠪᠠᠨ ᠳᠠᠭᠤᠯᠠᠪᠠ； 10 ᠰᠠᠷᠠᠳᠤ ᠦᠪᠦᠷ ᠮᠤᠩᠭᠤᠯᠤᠨ ᠳᠠᠭᠤᠤ ᠳᠦᠷᠰᠦ ᠱᠢᠩᠭᠡᠭᠡᠯᠲᠡᠶ᠋ᠢᠨ ᠬᠡᠪᠯᠡᠯᠤᠨ ᠬᠤᠷᠢᠶᠠᠨᠤᠬᠢᠨᠤ ᠠᠷᠠᠳᠤᠨ ᠳᠠᠭᠤᠤ ᠴᠤᠭ᠍ᠯᠠᠭᠤᠯᠬᠤ ᠠᠵᠢᠯᠯᠠᠭᠠᠶ᠋ᠢᠨ ᠰᠤᠷᠪᠤᠯᠵᠢᠯᠠᠭᠠᠶ᠋ᠢ ᠬᠦᠯᠢᠶᠡᠵᠦ᠍᠂ ᠬᠠᠩᠭᠢᠨ ᠬᠤᠱᠢᠭᠤᠨᠤ ᠠᠬᠠᠮᠠᠳ ᠠᠷᠠᠳᠤᠨ ᠳᠠᠭᠤᠴᠢᠨ ᠬᠠᠯᠵᠠᠨ᠂ ᠬᠤᠪᠢᠰᠭᠠᠯᠮᠠᠲᠠᠢ ᠬᠠᠮᠲᠤ ᠤᠷᠳᠤᠰ ᠠᠷᠠᠳᠤᠨ ᠳᠠᠭᠤᠤᠪᠠᠨ ᠳᠠᠭᠤᠯᠠᠵᠤ ᠱᠢᠩᠭᠡᠭᠡᠵᠡᠢ； ᠤᠷᠴᠢᠮᠬᠠᠨ ᠨᠠᠰᠤᠲᠠᠨ ᠮᠦᠨ ᠤᠷᠳᠤᠰᠤᠨ ᠲᠧᠯᠧᠢᠰ ᠬᠤᠷᠢᠶᠠᠨᠤ ᠮᠤᠩᠭᠤᠯ ᠬᠡᠯᠡᠨᠤ ᠳᠤᠰᠭᠠᠢ ᠫᠷᠦᠭ᠌ᠷᠡᠮ ᠪᠤᠯᠬᠤ 《ᠲᠠᠨᠢᠯᠴᠠᠶᠠ》 ᠭᠡᠬᠦ᠌ ᠨᠡᠪᠲᠡᠷᠡᠭᠦᠯᠭᠡᠶ᠋ᠢᠨ ᠰᠤᠷᠪᠤᠯᠵᠢᠯᠠᠭᠠᠶ᠋ᠢ ᠬᠦᠯᠢᠶᠡᠵᠦ᠍᠂ ᠰᠦᠮᠪᠦᠷᠦᠦᠲᠠᠢ ᠬᠠᠮᠲᠤᠪᠠᠷ ᠤᠯᠠᠨᠪᠤᠯᠠᠭ ᠭᠠᠴᠠᠭᠠᠨᠤᠪᠠᠨ ᠲᠠᠮᠦᠷ ᠬᠡᠦᠬᠡᠨᠴᠦᠳᠤᠨ ᠠᠩᠭᠢᠶ᠋ᠢᠨ ᠳᠤᠬᠠᠢ ᠦᠯᠢᠭᠡᠷ ᠦᠩᠭᠡᠷᠡᠯᠲᠡᠪᠠᠨ ᠳᠡᠯᠭᠡᠵᠦ᠍᠂ ᠮᠦᠨ ᠤᠷᠳᠤᠰ ᠠᠷᠠᠳᠤᠨ ᠳᠠᠭᠤᠤᠪᠠᠨ ᠤᠯᠠᠮᠵᠢᠯᠠᠵᠤ ᠶᠠᠪᠤᠭ᠍ᠰᠠᠨ ᠳᠤᠬᠠᠢᠪᠠᠨ ᠶᠠᠷᠢᠭ᠍ᠰᠠᠨ ᠪᠠᠢᠨᠠ᠃ ᠡᠷᠭᠡᠴᠢᠮᠡᠭ ᠡᠵᠢᠶ᠋ᠢᠨ ᠬᠡᠳᠦᠨ ᠬᠡᠦᠬᠡᠳᠨᠢ ᠴᠤ᠌ ᠴᠦᠮ ᠡᠵᠢ ᠠᠪᠤᠶ᠋ᠢᠨᠢᠶᠠᠨ ᠨᠦᠯᠦᠭᠡᠪᠠᠷ ᠤᠷᠠᠯᠢᠭᠤᠨ ᠵᠠᠮᠢᠶᠠᠷ ᠵᠠᠮᠨᠠᠬ᠍ᠰᠠᠨ ᠶᠤᠮ᠃ ᠡᠭᠦᠨᠳᠤ ᠳᠤᠷᠠᠳᠤᠭᠤᠱᠢᠲᠠᠢᠨᠢ᠂ ᠦᠪᠦᠷ ᠮᠤᠩᠭᠤᠯᠤᠨ ᠦᠨᠳᠦᠰᠦᠲᠡᠨᠤ ᠤᠷᠠᠯᠢᠭ ᠵᠦᠴᠦᠭᠡᠶ᠋ᠢᠨ ᠬᠦᠷᠢᠶᠡᠯᠡᠩᠤᠨ ᠱᠢᠭᠤᠳ ᠬᠠᠷᠢᠶᠠ ᠤᠯᠠᠭᠠᠨᠮᠦᠴᠢᠷᠲᠤ ᠠᠵᠢᠯᠯᠠᠳᠠᠭ ᠬᠦᠦ ᠪᠠᠭᠠᠨᠠᠶ᠋ᠢᠨ ᠬᠢᠨᠢ ᠲᠦᠷᠦᠭᠦᠦ ᠬᠤᠶᠠᠷ ᠵᠢᠯᠳᠤ ᠨᠠᠢᠷᠠᠭᠤᠯᠤᠨ ᠤᠳᠤᠷᠢᠳᠤᠭᠠᠭ᠍ᠰᠠᠨ 《ᠨᠤᠲᠤᠭᠲᠠᠭᠠᠨ ᠬᠤᠷᠭᠤᠳᠠᠭ᠍ᠰᠠᠨ ᠰᠡᠳᠭᠢᠯ》 ᠭᠡᠬᠦ᠌ ᠵᠡᠮᠳᠡᠭ ᠬᠦᠮᠦᠨᠤ ᠦᠨᠡᠨ ᠦᠯᠢᠭᠡᠷ ᠤᠴᠠᠷᠠᠯᠢᠶᠠᠷ ᠰᠡᠳᠦᠪᠯᠡᠭ᠌ᠰᠡᠨ ᠬᠤᠤᠰᠯᠠᠯ ᠪᠦᠵᠢᠭᠨᠢ ᠠᠯᠲᠠᠨ ᠮᠧᠲᠠᠯᠢᠶᠠᠷ ᠮᠢᠯᠢᠶᠠᠯᠭᠠᠵᠤ᠂ ᠡᠷᠬᠡᠴᠢᠮᠡᠭ ᠡᠵᠢ ᠡᠨᠡ ᠪᠦᠲᠦᠭᠡᠯᠳᠤ ᠬᠦᠦᠶ᠋ᠢᠨᠢᠶᠠᠨ ᠨᠠᠢᠲᠠᠯᠭᠠᠪᠠᠷ 《ᠳᠡᠨᠵᠢᠲᠤ ᠳᠤᠬᠤᠢ》 ᠭᠡᠬᠦ᠌ ᠤᠷᠳᠤᠰ ᠠᠷᠠᠳᠤᠨ ᠳᠠᠭᠤᠤᠶ᠋ᠢ ᠳᠠᠭᠤᠯᠠᠵᠤ ᠤᠷᠤᠯᠴᠠᠭ᠍ᠰᠠᠨ ᠪᠠᠢᠪᠠ᠃
ᠤᠷᠳᠤᠰ ᠠᠷᠠᠳᠤᠨ ᠳᠠᠭᠤᠤ ᠪᠠ ᠭᠦᠷᠦ᠍ ᠳᠠᠭᠤᠤᠶ᠋ᠢ ᠤᠯᠠᠮᠵᠢᠯᠠᠨ ᠬᠦᠭ᠌ᠵᠢᠭᠦᠯᠵᠦ᠍᠂ ᠲᠤᠮᠳᠠᠳᠤᠶ᠋ᠢᠨ ᠰᠤᠶᠤᠯᠤᠨ ᠪᠠᠶᠠᠨ ᠰᠠᠩᠳᠤ ᠦᠪ ᠨᠡᠮᠡᠷᠢᠯᠡᠬᠦ᠌ᠳᠡᠭᠡᠨ ᠲᠡᠷᠡᠪᠠᠷ ᠤᠯᠠᠨ ᠵᠦᠢᠯᠤᠨ ᠱᠠᠩᠨᠠᠯᠢᠶᠠᠷ ᠡᠩᠭᠡᠷᠢᠶᠠᠨ ᠮᠢᠯᠢᠶᠠᠯᠭᠠᠵᠤ ᠶᠠᠪᠤᠯᠠ᠄ 2016 ᠤᠨᠤ 7 ᠰᠠᠷᠠᠳᠤ ᠬᠠᠩᠭᠢᠨ ᠬᠤᠱᠢᠭᠤᠨᠤ 《ᠲᠡᠷᠡ ᠬᠤᠯᠠᠶ᠋ᠢᠨ ᠳᠠᠷᠬᠠᠨ ᠠᠶᠠᠯᠭᠤ》 ᠤᠷᠠᠯᠢᠭᠤᠨ ᠪᠦᠯᠬᠦᠮᠢ ᠳᠠᠭᠠᠵᠤ ᠨᠠᠮ ᠪᠠᠢᠭᠤᠯᠤᠭ᠍ᠳᠠᠭ᠍ᠰᠠᠨ 95 ᠵᠢᠯᠤᠨ ᠤᠢᠶ᠋ᠢ ᠪᠡᠯᠭᠡᠯᠡᠬᠦ᠌ ᠨᠠᠰᠤᠲᠠᠢᠴᠤᠳᠤᠨ ᠨᠠᠢᠷᠠᠯ ᠳᠠᠭᠤᠤᠶ᠋ᠢᠨ ᠰᠤᠯᠢᠯᠴᠠᠭᠠᠨᠤ ᠠᠵᠢᠯᠯᠠᠭᠠᠳᠤ ᠤᠯᠤᠰᠤᠨ ᠴᠡᠬᠢᠷᠮᠠ ᠴᠡᠴᠡᠭᠤᠨ ᠱᠠᠩᠨᠠᠯᠤᠨ ᠨᠢᠭᠡᠳᠦᠭᠡᠷ ᠳᠡᠰᠤᠨ ᠱᠠᠩᠨᠠᠯ ᠬᠦᠷᠲᠡᠵᠦ᠍᠂ ᠮᠦᠨ ᠵᠢᠯᠤᠨ 9 ᠰᠠᠷᠠᠳᠤ ᠤᠯᠤᠰᠤᠨ ᠶᠡᠭᠡ ᠲᠢᠶᠠᠲᠷᠲᠤ ᠤᠷᠳᠤ ᠵᠠᠮᠤᠨ ᠠᠶᠠᠨ ᠳᠠᠢᠨᠤ ᠢᠯᠠᠯᠲᠠ ᠤᠯᠤᠭ᠍ᠰᠠᠨ 80 ᠵᠢᠯᠤᠨ ᠤᠢᠶ᠋ᠢ ᠪᠡᠯᠭᠡᠯᠡᠬᠦ᠌ ᠤᠷᠤᠯᠳᠤᠭᠠᠨᠳᠤ ᠬᠦᠷᠦ᠍ ᠳᠠᠭᠤᠤᠪᠠᠨ ᠳᠠᠭᠤᠯᠠᠵᠤ ᠮᠦᠩᠭᠦᠨ ᠮᠧᠲᠠᠯ ᠤᠯᠵᠤ᠂ ᠮᠦᠨ ᠬᠤᠪᠢ ᠬᠦᠮᠦᠨᠤ ᠬᠠᠮᠤᠭᠤᠨ ᠱᠢᠯᠢᠳᠡᠭ ᠲᠤᠭ᠍ᠯᠠᠯᠲᠠᠶ᠋ᠢᠨ ᠱᠠᠩᠨᠠᠯ ᠬᠦᠷᠲᠡᠵᠡᠢ； 2017 — 2018 ᠤᠨᠤ ᠤᠯᠠᠨ ᠤᠯᠤᠰᠤᠨ 《ᠨᠢᠭᠡ ᠪᠦᠰᠡ ᠨᠢᠭᠡ ᠵᠠᠮ》 ᠤᠷᠠᠯᠢᠭᠤᠨ ᠨᠠᠢᠷᠲᠤ ᠤᠷᠤᠯᠴᠠᠨ ᠠᠯᠲᠠᠨ ᠮᠧᠲᠠᠯ ᠬᠦᠷᠲᠡᠵᠡᠢ； 2019 ᠤᠨᠳᠤ ᠮᠤᠩᠭᠤᠯ ᠤᠯᠤᠰᠲᠤ ᠪᠤᠯᠤᠭ᠍ᠰᠠᠨ ᠠᠽᠢᠶᠠᠶ᠋ᠢᠨ ᠠᠷᠠᠳᠤᠨ ᠨᠠᠢᠷ ᠳᠡᠭᠡᠷᠡ ᠬᠤᠶᠠᠳᠤᠭᠠᠷ ᠲᠡᠰᠤᠨ ᠱᠠᠩᠨᠠᠯᠢ ᠬᠦᠷᠲᠡᠵᠡᠢ； 2019 ᠤᠨᠤ 9 ᠰᠠᠷᠠᠳᠤ ᠬᠠᠩᠭᠢᠨ ᠬᠤᠱᠢᠭᠤᠨᠤ ᠭᠦᠷᠦ᠍ ᠳᠠᠭᠤᠤᠶ᠋ᠢᠨ ᠨᠠᠢᠷᠠᠯ ᠳᠠᠭᠤᠤᠶ᠋ᠢᠨ ᠪᠦᠯᠬᠦᠮᠲᠠᠢ ᠬᠠᠮᠲᠤ ᠪᠤᠯᠭᠠᠷᠢᠶᠠ ᠤᠯᠤᠰᠲᠤ ᠪᠤᠯᠤᠭ᠍ᠰᠠᠨ ᠳᠡᠯᠡᠬᠡᠢᠶ᠋ᠢᠨ ᠠᠷᠠᠳᠤᠨ ᠨᠠᠢᠷᠤᠨ ᠴᠤᠷᠤᠨ ᠭᠠᠭ᠍ᠴᠠ ᠠᠯᠲᠠᠨ ᠱᠠᠩᠨᠠᠯᠢ ᠬᠦᠷᠲᠡᠭ᠌ᠰᠡᠨ ᠪᠠᠢᠨᠠ᠃