4 ᠵᠢᠯᠤᠨ ᠠᠪᠤᠷᠠᠵᠤ ᠡᠮᠬᠢᠳᠭᠡᠬᠦ᠌ ᠶᠠᠪᠤᠴᠠᠶ᠋ᠢ ᠦᠩᠭᠡᠷᠡᠭᠡᠨ᠂ ᠥᠪᠥᠷ ᠮᠣᠩᠭᠤᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠲᠠᠩᠰᠠ ᠡᠪᠬᠡᠮᠡᠯᠤᠨ ᠲᠣᠪᠴᠢᠶᠠ ᠣᠢᠷᠠᠳᠤ ᠳᠠᠩᠰᠠ ᠡᠪᠬᠡᠮᠡᠯᠤᠨ ᠤᠷᠳᠤᠨᠳᠤ ᠬᠠᠳᠠᠭᠠᠯᠠᠵᠤ ᠪᠠᠢᠭᠠ ᠶᠠᠫᠣᠨᠤ ᠳᠤᠮᠳᠠᠳᠤ ᠤᠯᠤᠰᠢ ᠲᠦᠷᠢᠮᠡᠬᠡᠢᠯᠡᠭ᠌ᠰᠡᠨ ᠦᠶᠡᠶ᠋ᠢᠨ ᠲᠡᠤᠬᠡᠶ᠋ᠢᠨ ᠲᠠᠩᠰᠠ ᠡᠪᠬᠡᠮᠡᠯᠢ ᠨᠠᠢᠷᠠᠭᠤᠯᠤᠨ ᠣᠷᠴᠢᠭᠤᠯᠬᠤ ᠠᠵᠢᠯᠢᠶᠠᠨ ᠲᠠᠭᠤᠰᠭᠠᠵᠤ᠂ ᠭᠠᠷᠴᠠᠭᠤᠨ ᠳ᠋ᠠᠢᠲ᠋ᠠ ᠬᠥᠮᠥᠷᠭᠡ ᠪᠠᠢᠭᠤᠯᠪᠠ᠃
ᠣᠢᠯᠠᠭᠠᠭ᠍ᠰᠠᠨᠢᠶᠠᠷ᠂ ᠡᠳᠡᠭᠡᠷ ᠲᠡᠦᠬᠡᠶ᠋ᠢᠨ ᠳᠠᠩᠰᠠ ᠡᠪᠬᠡᠮᠡᠯᠤᠨ ᠣᠯᠠᠩᠬᠢᠨᠢ ᠶᠠᠫᠣᠨᠤ ᠡᠵᠡᠷᠬᠡᠭ ᠲᠦᠷᠢᠮᠡᠬᠡᠢᠳᠡᠨ ᠤᠬᠤᠷᠢᠵᠤ ᠭᠠᠷᠬᠤᠳᠠᠭᠠᠨ ᠤᠰᠠᠳᠭᠠᠨ ᠱᠢᠢᠳᠪᠦᠷᠢᠯᠡᠵᠦ᠍ ᠴᠢᠳᠠᠭ᠍ᠰᠠᠨ ᠦᠭᠡᠢ ᠳᠠᠩᠰᠠ ᠡᠪᠬᠡᠮᠡᠯ ᠪᠣᠯᠤᠨᠠ᠂ ᠴᠠᠭᠤᠨ ᠬᠤᠪᠢᠳᠤ 1932 ᠣᠨᠠᠴᠠ 1945 ᠣᠨ ᠪᠤᠯᠳᠠᠯᠡᠬᠢ᠂ ᠭᠤᠣᠯᠳᠠᠭᠤ ᠬᠠᠭᠤᠷᠮᠠᠭ ᠮᠠᠨᠵᠤ ᠤᠯᠤᠰᠤᠨ ᠬᠢᠩᠭᠠᠨ ᠮᠤᠵᠢᠶ᠋ᠢᠨ ᠵᠠᠰᠠᠭᠤᠨ ᠡᠷᠬᠡ ᠪᠠ ᠮᠣᠩᠭᠤᠯ ᠬᠢᠵᠠᠭᠠᠷᠤᠨ ᠬᠤᠯᠪᠣᠭᠠᠲᠤ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠵᠠᠰᠠᠭᠤᠨ ᠣᠷᠳᠣᠨᠤ ᠳᠠᠩᠰᠠ ᠡᠪᠬᠡᠮᠡᠯ ᠪᠣᠯᠤᠨᠠ᠃ ᠠᠭᠤᠯᠭᠠᠨᠢ ᠨᠢᠭᠤᠴᠠ ᠮᠡᠳᠡᠭᠡ᠂ ᠳᠣᠲᠣᠭᠠᠳᠤᠶ᠋ᠢᠨ ᠬᠠᠮᠢᠶᠠᠷᠤᠯᠲᠠᠶ᠋ᠢᠨ ᠪᠢᠴᠢᠭ ᠮᠠᠲ᠋ᠧᠷᠢᠶᠠᠯ ᠵᠡᠷᠭᠡ 6 ᠶᠡᠭᠡ ᠲᠥᠷᠥᠯᠳᠤ ᠬᠤᠯᠪᠣᠭ᠍ᠳᠠᠨᠠ᠃ ᠣᠨ ᠤᠳᠠᠬ᠍ᠰᠠᠨᠠᠴᠠ ᠪᠣᠯᠵᠤ ᠡᠳᠡᠭᠡᠷ ᠳᠠᠩᠰᠠ ᠡᠪᠬᠡᠮᠡᠯᠤᠨ ᠣᠯᠠᠩᠬᠢᠨᠢ ᠡᠪᠳᠡᠷᠡᠵᠦ᠍ ᠡᠯᠡᠭ᠌ᠳᠡᠵᠡᠢ᠃ ᠡᠭᠦᠨᠤ ᠳᠤᠳᠤᠷᠠ᠂ ᠬᠡᠰᠡᠭ ᠳᠠᠩᠰᠠ ᠡᠪᠬᠡᠮᠡᠯᠨᠢ ᠲᠤᠬᠠᠶᠶ᠋ᠢᠨ ᠵᠢᠯᠤᠨ ᠶᠠᠫᠣᠨ ᠴᠡᠷᠢᠭᠤᠨ ᠪᠠᠬᠢᠯᠡᠯᠲᠡᠶ᠋ᠢᠨ ᠳᠤᠮᠳᠠ ᠢᠯᠡᠷᠡᠭᠦᠯᠦᠭ᠌ᠰᠡᠨ ᠦᠯᠡᠳᠡᠭ᠌ᠳᠡᠯ ᠹᠢᠯᠢᠮ ᠪᠣᠯᠤᠨᠠ᠃ ᠬᠡᠰᠡᠭ ᠳᠠᠩᠰᠠ ᠡᠪᠬᠡᠮᠡᠯᠤᠨ ᠭᠠᠷ ᠪᠢᠴᠢᠮᠡᠯ ᠠᠭᠤᠯᠭᠠᠨᠢ ᠬᠡᠳᠦᠷᠬᠡᠢ ᠳᠠᠳᠠᠯᠠᠭ᠍ᠰᠠᠨᠠᠴᠠ ᠢᠯᠭᠠᠨ ᠳᠠᠨᠢᠬᠤᠳᠤ ᠪᠡᠷᠬᠡ ᠪᠠᠢᠨᠠ᠃
ᠠᠵᠢᠯᠲᠠᠳᠠᠴᠠ ᠶᠠᠫᠣᠨᠤ ᠬᠠᠭᠤᠷᠮᠠᠭ ᠵᠠᠰᠠᠭᠤᠨ ᠦᠶᠡᠶ᠋ᠢᠨ ᠲᠡᠤᠬᠡᠶ᠋ᠢᠨ ᠳᠠᠩᠰᠠ ᠡᠪᠬᠡᠮᠡᠯ᠂ ᠲᠡᠤᠬᠡᠶ᠋ᠢᠨ ᠮᠠᠲ᠋ᠧᠷᠢᠶᠠᠯ᠂ ᠲᠠᠮᠠᠭᠠᠶ᠋ᠢ ᠲᠣᠪᠴᠢᠯᠠᠨ ᠨᠠᠢᠷᠠᠭᠤᠯᠤᠭ᠍ᠰᠠᠨᠢ ᠪᠠᠭ᠍ᠳᠠᠭᠠᠭ᠍ᠰᠠᠨ ᠳᠣᠲᠣᠭᠠᠳᠤᠳᠠᠭᠠᠨ ᠡᠮᠬᠢᠳᠭᠡᠨ ᠨᠠᠢᠷᠠᠭᠤᠯᠤᠭ᠍ᠰᠠᠨ ᠮᠠᠲ᠋ᠧᠷᠢᠶᠠᠯᠢ 16 ᠳᠡᠪᠲᠡᠷ ᠡᠮᠬᠢᠳᠭᠡᠨ ᠭᠠᠷᠭᠠᠵᠤ᠂ ᠪᠠᠰᠠ 8.2 ᠲᠦᠮᠡᠨ ᠵᠤᠷᠪᠤᠰ ᠭᠠᠷᠴᠠᠭᠢ ᠲᠡᠮᠳᠡᠭ᠌ᠯᠡᠵᠦ᠍ ᠴᠤᠭ᠍ᠯᠠᠭᠤᠯᠪᠠ᠃
ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠳᠠᠩᠰᠠ ᠡᠪᠬᠡᠮᠡᠯᠤᠨ ᠲᠣᠪᠴᠢᠶᠠᠶ᠋ᠢᠨ ᠳᠡᠳ᠋ ᠳᠠᠷᠤᠭᠠ ᠵᠠᠩ ᠱᠤᠸᠠᠢ᠄ 《ᠡᠳᠡᠭᠡᠷ ᠲᠡᠤᠬᠡᠨ ᠳᠠᠩᠰᠠ ᠡᠪᠬᠡᠮᠡᠯᠨᠢ ᠶᠠᠫᠣᠨᠤ ᠳᠤᠮᠳᠠᠳᠤ ᠤᠯᠤᠰᠢ ᠲᠦᠷᠢᠮᠡᠬᠡᠢᠯᠡᠭ᠌ᠰᠡᠨ ᠴᠠᠭ ᠦᠶᠡᠶ᠋ᠢᠨ ᠤᠯᠤᠰ ᠲᠥᠷᠥ᠍᠂ ᠠᠵᠤ ᠠᠬᠤᠢ᠂ ᠨᠡᠢᠭᠡᠮᠢ ᠰᠤᠳᠤᠯᠬᠤᠶ᠋ᠢᠨ ᠲᠡᠷᠢᠭᠦᠨ ᠴᠢᠬᠤᠯᠠ ᠦᠨᠳᠦᠰᠦᠯᠡᠯ ᠪᠣᠯᠵᠤ᠂ ᠶᠠᠫᠣᠨ ᠡᠵᠡᠷᠬᠡᠭ ᠲᠦᠷᠢᠮᠡᠬᠡᠢᠳᠡᠨᠤ ᠵᠡᠷᠯᠢᠭ ᠪᠠᠯᠠᠮᠠᠳ ᠠᠵᠢᠯᠯᠠᠭᠠᠶ᠋ᠢ ᠢᠯᠡᠴᠢᠯᠡᠬᠦ᠌ᠳᠤ ᠮᠠᠷᠭᠤᠰᠢ ᠦᠭᠡᠢ ᠲᠡᠤᠬᠡᠶ᠋ᠢᠨ ᠮᠠᠲ᠋ᠧᠷᠢᠶᠠᠯᠤᠨ ᠦᠨᠡ ᠴᠠᠨᠠᠲᠠᠢ ᠶᠤᠮ》 ᠬᠡᠪᠡ᠃