ᠴᠡᠴᠡᠭ ᠡᠭᠡᠴᠢ ᠬᠤᠳᠠ᠎ᠤᠷᠤᠭᠠᠳ ᠪᠢ ᠭᠠᠭ᠍ᠴᠠᠭᠠᠷ ᠵᠢᠨᠨ ᠤᠷᠮ᠎ᠠ ᠮᠠᠭᠤᠳᠠᠢ᠌ᠬᠠᠨ ᠬᠤᠴᠤᠷᠤᠯ᠎ᠠ᠃ ᠡᠨᠡ ᠬᠡᠳᠤᠨ ᠬᠤᠨᠤᠭ ᠨᠡᠭᠡᠷᠡᠨ ᠤᠳᠠᠭᠠᠨ ᠦᠩᠭᠡᠷᠡᠭ᠌ᠰᠡᠨ ᠳ᠋ᠠ᠂ ᠨᠠᠷᠠ ᠱᠢᠩᠭᠡᠴᠢᠬᠡᠪᠡᠯ ᠤᠷᠭᠤᠵᠦ᠍ ᠦᠭ᠌ᠳᠡᠭ ᠦᠭᠡᠢ᠂ ᠮᠡᠳᠡᠭᠡᠵᠢ᠂ ᠤᠷᠭᠤᠴᠢᠬᠠᠪᠠᠯ ᠱᠢᠩᠭᠡᠵᠦ᠍ ᠦᠭ᠌ᠭᠦ ᠦᠭᠡᠢ᠃ ᠬᠠᠪᠤᠷ᠎ᠤᠨ ᠤᠷᠲᠦ ᠡᠲᠦᠷ ᠬᠡᠴᠢᠨᠡᠬᠡᠨ ᠤᠳᠠᠵᠦ᠍ ᠦᠩᠭᠡᠷᠡᠳᠡᠭ᠎ᠢ ᠲᠠ ᠨᠠᠷ ᠮᠡᠳᠡᠨ᠎ᠡ ᠦᠦ？ ᠦᠷᠯᠦᠬᠡ ᠨᠤᠵᠤᠭᠤᠷᠠᠭ᠍ᠰᠠᠨ ᠨᠤᠢ᠌ᠷ᠎ᠠᠴᠠ᠎ᠪᠠᠨ ᠠᠷᠠᠢ ᠭᠡᠵᠦ᠍ ᠰᠡᠷᠡᠭᠡᠳ ᠠᠷᠭᠠᠳᠠᠭᠤᠯᠵᠦ᠍ ᠵᠠᠩᠨᠠᠭᠤᠯᠵᠦ᠍ ᠪᠠᠢ᠌ᠮᠠᠨ ᠪᠤᠰᠤᠭ᠍ᠰᠠᠨ᠎ᠠᠴᠠ ᠬᠤᠢ᠌ᠰᠢ ᠢᠱᠢᠭᠡ ᠬᠠᠷᠢᠭᠤᠯᠬᠤ᠂ ᠠᠷᠭᠠᠯ ᠤᠢ᠍ᠢᠷᠠᠳᠤᠭᠤᠯᠬᠤ᠂ ᠤᠰᠣ ᠳᠠᠮᠨᠠᠬᠤ᠂ ᠬᠠᠱᠢᠶ᠎ᠠ ᠰᠡᠯᠪᠢᠬᠦ᠌ ᠭᠡᠬᠦᠴᠢᠯᠡᠨ 《ᠦᠰᠦᠨ᠎ᠠᠴᠠ ᠤᠯᠠᠨ》 ᠠᠵᠢᠯ᠎ᠢ ᠠᠮᠵᠢᠭᠤᠯᠵᠦ᠍ ᠵᠠᠪᠳᠤᠳᠠᠭ ᠱᠢᠦ᠃ ᠤᠤᠯ᠎ᠨᠢ ᠴᠡᠴᠡᠭ ᠡᠭᠡᠴᠢ᠎ᠲᠠᠢ ᠡᠳᠡᠭᠡᠷ ᠠᠵᠢᠯ᠎ᠢ ᠬᠢᠯᠠᠯᠵᠠᠳᠠᠯ᠎ᠠ ᠬᠢᠴᠢᠭᠡᠳᠡᠭ ᠪᠠᠢᠬᠰᠠᠨ᠂ ᠬᠠᠷᠢᠨ ᠭᠠᠭ᠍ᠴᠠᠬᠠᠨ ᠨᠠᠳᠠ ᠪᠤᠯ ᠪᠠᠷᠠᠭ᠍ᠳᠠᠬᠤ ᠶᠠᠭᠤᠮ᠎ᠠ ᠪᠢᠰᠢ ᠡ᠃

ᠢᠱᠢᠭᠡ ᠬᠠᠷᠢᠭᠤᠯᠬᠤ ᠠᠶᠠᠳᠠᠢ᠌ᠬᠠᠨ ᠴᠦ᠍ ᠬᠤᠶᠠᠷᠬᠠᠨ ᠡᠲᠦᠷ ᠪᠤᠯᠤᠭᠠᠳ ᠤᠢ᠍ᠢᠰᠪᠠ᠂ ᠳᠡᠳᠡ ᠨᠠᠮ᠎ᠠ᠎ᠶ᠋ᠢ ᠳᠡᠭᠡᠵᠦ᠍ ᠶᠡᠭᠡ ᠱᠤᠬᠤᠭᠤᠷᠬᠠᠳᠠᠭ ᠦᠭᠡᠢ ᠭᠡᠭ᠌ᠴᠢ᠎ᠶ᠋ᠢ ᠦᠴᠦᠭᠡᠳᠤᠷ ᠯᠡ ᠮᠡᠳᠡᠭ᠌ᠰᠡᠨ᠃ ᠢᠬᠡᠷ᠎ᠡ ᠬᠦᠬᠡ ᠨᠠᠳᠠ᠎ᠲᠠᠢ ᠡᠨᠡᠭ᠌ᠰᠢᠬᠦ᠌᠎ᠪᠠᠨ ᠪᠤᠯᠢᠭᠠᠳ ᠱᠢᠨ᠎ᠡ ᠨᠤᠭᠤᠭ᠎ᠠ ᠬᠦᠭᠡᠭᠡᠭᠡᠳ ᠬᠦᠢᠴᠡᠭ᠌ᠳᠡᠬᠦ᠌ ᠦᠭᠡᠢ᠂ ᠬᠠᠶᠠ ᠡᠷᠬᠢᠵᠦ᠍ ᠬᠠᠷᠠᠭᠠᠳ ᠴᠤᠯᠬᠢᠨ ᠳᠠᠭᠤ᠎ᠪᠠᠷ ᠮᠠᠢ᠌ᠯᠠᠪᠠᠴᠦ᠍ ᠰᠡᠳᠭᠢᠯ᠎ᠨᠢ ᠤᠨᠳᠤᠤ ᠵᠦᠢᠯ᠎ᠳᠤ ᠡᠵᠡᠯᠡᠭ᠌ᠳᠡᠭ᠌ᠰᠡᠨ᠎ᠨᠢ ᠢᠯᠡᠳᠳᠡ᠃ ᠦᠭᠡᠢ ᠴᠦ᠍ ᠪᠤᠯ ᠳᠡᠭᠡᠳᠡᠭ ᠠᠮᠢᠳᠠᠨ ᠪᠢᠰᠢ ᠪᠠᠢ᠌ᠭ᠍ᠰᠠᠨ ᠱᠢᠦ᠃

ᠠᠷᠭᠠᠯ ᠤᠢ᠍ᠢᠷᠠᠳᠤᠭᠤᠯᠬᠤ ᠵᠠᠯᠬᠠᠭᠤᠳᠠᠢ᠂ ᠤᠷᠵᠢᠳᠤᠷ ᠠᠷᠭᠠᠯ ᠠᠪᠴᠢᠷᠠᠵᠦ᠍ ᠦᠭ᠌ᠭᠦ ᠭᠡᠵᠤ ᠪᠦᠲᠦᠨ ᠦᠳᠡ᠎ᠶ᠋ᠢ ᠪᠠᠷᠠᠭ᠍ᠰᠠᠨ᠃ ᠶᠠᠭᠠᠬᠢᠵᠦ᠍ ᠬᠢᠬᠡᠳ ᠴᠦ᠍ ᠠᠷᠤᠭ ᠲᠦᠬᠦᠷᠡᠬᠦ᠌ ᠦᠭᠡᠢ᠂ ᠴᠡᠴᠡᠭ ᠡᠭᠡᠴᠢ ᠪᠤᠯ ᠬᠤᠷᠤᠮᠬᠠᠨ ᠵᠠᠭᠤᠷ᠎ᠠ᠎ᠳᠤ ᠰᠠᠪᠠᠯᠠᠵᠦ᠍ ᠲᠦᠬᠦᠷᠡᠭᠡᠭᠡᠳ ᠪᠠᠰᠠ ᠳᠠᠭᠤᠤ ᠱᠤᠤ᠎ᠲᠠᠢ ᠡᠷᠬᠢᠨ᠎ᠡ᠃ 《ᠠᠷᠭᠠᠯ᠎ᠢᠶᠠᠨ ᠳᠤᠭᠠᠯᠠᠵᠦ᠍ ᠰᠠᠪᠠᠯᠠᠪᠠ ᠦᠦ？》 ᠭᠡᠵᠤ ᠡᠵᠢ᠎ᠶ᠋ᠢᠨ ᠵᠠᠩᠨᠠᠭ᠍ᠰᠠᠨ᠎ᠢ ᠨᠠᠩ ᠶᠠᠭᠠᠬᠢᠯᠳᠠᠢ ᠪᠤᠢ᠃

ᠤᠰᠣ ᠳᠠᠮᠨᠠᠬᠤ ᠴᠦ᠍ ᠠᠳᠠᠯᠢᠬᠠᠨ᠂ ᠭᠠᠭ᠍ᠴᠠᠭᠠᠷ ᠳᠠᠮᠨᠠᠬᠤ ᠪᠤᠯᠤᠯ᠎ᠠ ᠭᠡᠳ ᠵᠢᠵᠢᠭ ᠰᠠᠭᠤᠯᠠᠭ᠎ᠠ ᠰᠤᠯᠢᠭ᠍ᠰᠠᠨ ᠴᠦ᠍ ᠬᠦᠩᠭᠡᠷᠡᠭ᠌ᠰᠡᠨ ᠶᠠᠭᠤᠮ᠎ᠠ ᠠᠯᠠᠭ᠎ᠠ᠂ ᠪᠤᠷ ᠪᠤᠷ ᠪᠤᠷᠬᠢᠯᠬᠤ ᠪᠤᠯᠠᠭ᠎ᠤᠨ ᠤᠰᠣ᠎ᠶ᠋ᠢ ᠬᠠᠷᠠᠬᠤ ᠰᠠᠢ᠌ᠬᠠᠨ ᠪᠠᠢ᠌ᠳᠠᠭ᠂ ᠬᠠᠷᠢᠨ ᠤᠳᠠᠭᠠᠨ ᠬᠠᠷᠠᠬᠤ᠎ᠪᠠᠷ ᠤᠢ᠍ᠢᠳᠭᠠᠷᠳᠠᠢ ᠴᠦ᠍ ᠶᠤᠮ᠃ ᠨᠠᠷᠠ ᠬᠢᠯᠠᠯᠵᠠᠨ ᠰᠡᠯᠢᠬᠡᠳ ᠴᠤ᠋ ᠱᠢᠨ᠎ᠡ᠎ᠪᠠᠷ ᠭᠡᠷᠡᠯᠲᠦᠨ ᠪᠠᠢ᠌ᠳᠠᠭ ᠤᠰᠣ ᠳᠡᠭᠡᠰᠭᠢᠬᠡᠳ ᠯᠡ ᠤᠢ᠍ᠢᠳᠠᠢ ᠬᠠᠭᠤᠴᠢᠨ ᠪᠤᠯᠤᠭ᠍ᠰᠠᠨ᠃

ᠬᠠᠱᠢᠶ᠎ᠠ ᠰᠡᠯᠪᠢᠬᠦ᠌᠎ᠪᠠᠷ ᠨᠤᠢ᠌ᠷ ᠬᠦᠷᠳᠡᠭ ᠭᠡᠭ᠌ᠴᠢ᠎ᠶ᠋ᠢ ᠡᠨᠡ ᠦᠳᠠ᠎ᠳᠤ ᠮᠡᠳᠡᠯ᠎ᠡ᠂  《ᠤᠷᠤᠢ ᠢᠮᠠᠭ᠎ᠠ ᠬᠠᠱᠢᠬᠤ᠎ᠠᠴᠠ ᠡᠮᠦᠨ᠎ᠡ ᠬᠠᠱᠢᠶᠠᠨ᠎ᠤ ᠵᠡᠬᠦᠨ ᠳᠠᠯ᠎ᠠ᠎ᠶ᠋ᠢᠨ ᠤᠩᠭᠤᠷᠬᠠᠢ᠎ᠶ᠋ᠢ ᠰᠠᠢ᠌ᠬᠠᠨ ᠰᠡᠯᠪᠢᠴᠢᠬᠡᠬᠦ᠌ ᠶᠤᠮ ᠱᠢᠦ᠂ ᠢᠱᠢᠭᠡ ᠱᠢᠷᠭᠤᠭᠠᠳ ᠳᠤᠭ᠍ᠳᠠᠬᠤ᠎ᠪᠠᠨ ᠪᠤᠯᠢᠯ᠎ᠠ》ᠭᠡᠵᠤ ᠠᠪᠤ ᠵᠠᠬᠢᠭ᠍ᠰᠠᠨ᠃ ᠨᠢᠳᠤᠨᠤᠨ᠂ ᠠᠪᠤ᠎ᠶ᠋ᠢᠨ ᠠᠷᠤᠭ ᠬᠦᠷᠦᠭᠡᠳ ᠦᠯᠡᠳᠡᠭ᠌ᠰᠡᠨ ᠱᠢᠷ᠎ᠡ ᠪᠤᠷᠭᠠᠰᠣ᠎ᠶ᠋ᠢ ᠠᠪᠴᠢᠷᠠᠭᠠᠳ ᠤᠩᠭᠤᠷᠬᠠᠢ᠎ᠶ᠋ᠢ ᠰᠦᠯᠵᠢᠵᠦ᠍ ᠦᠵᠡᠯ᠎ᠡ᠃ ᠳᠠᠪᠤ ᠳᠤᠯᠤᠭᠠᠬᠠᠨ ᠪᠤᠷᠭᠠᠰᠣ ᠰᠦᠯᠵᠢᠪᠡᠯ ᠰᠡᠯᠪᠢᠴᠢᠭᠡᠵᠦ᠍ ᠪᠤᠯᠳᠠᠭ ᠴᠦ᠍ ᠤᠷᠤᠯᠳᠤᠭᠠᠳ ᠤᠷᠤᠯᠳᠤᠭᠠᠳ ᠨᠠᠭᠠᠰᠢ ᠦᠭᠡᠢ᠂ ᠪᠦᠷ ᠰᠡᠬᠦᠯ᠎ᠳᠤᠨᠢ ᠨᠤᠢ᠌ᠷ ᠬᠦᠷᠴᠦ᠍ ᠭᠠᠩᠬᠤᠭᠠᠳ ᠠᠷᠠᠢ᠌ᠬᠠᠨ ᠭᠡᠷ᠎ᠲᠡᠭᠡᠨ ᠤᠷᠤᠭ᠍ᠰᠠᠨ᠃

ᠴᠡᠴᠡᠭ ᠡᠭᠡᠴᠢ ᠪᠠᠰᠠ ᠡᠭ᠌ᠳᠡᠬᠦᠦ᠍᠎ᠲᠠᠢ᠂ ᠨᠠᠮ᠎ᠠ᠎ᠶ᠋ᠢ ᠢᠩᠭᠢᠵᠦ᠍ ᠭᠠᠭ᠍ᠴᠠᠭᠠᠷ ᠤᠷᠬᠢᠴᠢᠬᠠᠭᠠᠳ ᠬᠤᠳᠠ᠎ᠳᠤ ᠰᠠᠭᠤᠭᠠᠳ ᠪᠠᠢ᠌ᠨ᠎ᠠ ᠭᠡᠭ᠌ᠴᠢ᠃ ᠳᠡᠨᠳᠡ ᠴᠤᠬᠤᠮ ᠶᠠᠭᠤ᠎ᠨᠢ ᠰᠠᠢ᠌ᠬᠠᠨ ᠶᠤᠮ ᠪᠤᠢ᠂ ᠨᠠᠳᠠ᠎ᠠᠴᠠ ᠬᠦᠬᠡᠷᠦᠬᠦᠨ ᠵᠢᠭᠠᠯ᠎ᠤᠳ ᠵᠦᠩᠳᠡᠭᠡᠨ ᠪᠠᠢ᠌ᠳᠠᠭ ᠭᠡᠵᠢ ᠦᠦ᠃ ᠬᠤᠶᠠᠷ ᠬᠤᠨᠤᠪᠡᠯ ᠪᠤᠯᠤᠭ᠎ᠠ ᠪᠢᠵᠠ᠂ ᠬᠠᠷᠢᠵᠦ᠍ ᠢᠷᠡᠬᠦ᠌᠎ᠪᠠᠨ ᠮᠠᠷᠳᠠᠴᠢᠬᠠᠭᠠᠳ ᠴᠢᠮᠡᠭᠡ ᠦᠭᠡᠢ ᠪᠤᠯᠴᠢᠬᠠᠨ᠎ᠠ ᠭᠡᠭ᠌ᠴᠢ ᠳᠡᠩᠳᠡᠬᠦᠦ᠃ ᠠᠭᠤᠷ ᠴᠦ᠍ ᠬᠦᠷᠦᠮᠡᠷ᠃

ᠦᠳᠡ᠎ᠶ᠋ᠢᠨ ᠬᠤᠢ᠌ᠨ᠎ᠠ ᠡᠷᠬᠢᠬᠡᠳ ᠯᠡ ᠳᠤᠳᠠᠭᠤ ᠰᠡᠯᠪᠢᠭ᠌ᠰᠡᠨ ᠤᠩᠭᠤᠷᠬᠠᠢ᠎ᠲᠠᠢ᠎ᠪᠠᠨ ᠨᠤᠴᠤᠯᠳᠤᠯ᠎ᠠ᠃ ᠪᠦᠲᠦᠯ ᠦᠭᠡᠢ ᠢᠱᠢᠭᠡ  ᠨᠤᠬᠦᠤᠨ ᠎ᠢ ᠶᠠᠭᠠᠬᠢᠭ᠍ᠰᠠᠨ ᠴᠦ᠍ ᠳᠤᠷ᠎ᠡ᠎ᠪᠠᠷ᠎ᠨᠢ ᠳᠤᠷᠬᠢᠭᠤᠯᠵᠦ᠍ ᠪᠤᠯᠬᠤ ᠦᠭᠡᠢ᠂ ᠬᠡᠷᠪᠡ ᠤᠯᠢᠭ᠍ᠳᠠᠢ᠌ᠬᠠᠨ ᠰᠡᠯᠪᠢᠬᠦ᠌ ᠦᠭᠡᠢ ᠪᠤᠯ ᠦᠷᠯᠦᠬᠡ ᠪᠤᠰᠭᠤ᠎ᠳᠤ ᠬᠡᠲᠦᠢ᠌ᠨ᠎ᠤ ᠱᠢᠷᠭᠤᠨ ᠭᠠᠷᠴᠦ᠍ ᠢᠷᠡᠴᠢᠬᠡᠬᠡᠳ᠄ 《ᠬᠠᠱᠢᠶ᠎ᠠ᠎ᠶ᠋ᠢ ᠢᠩᠭᠢᠵᠦ᠍ ᠰᠡᠯᠪᠢᠳᠡᠭ ᠶᠤᠮ ᠦᠦ？》 ᠭᠡᠳ ᠬᠤᠭᠤᠷᠤᠨᠳᠤ᠎ᠪᠠᠨ 《ᠢᠨᠢᠶᠡᠯᠴᠡᠵᠦ᠍》 ᠪᠠᠢ᠌ᠵᠦ᠍ ᠴᠦ᠍ ᠮᠠᠭᠠᠳ ᠦᠭᠡᠢ᠃

ᠬᠦᠯᠦᠰᠦ᠎ᠪᠠᠨ ᠱᠤᠳᠤᠷᠴᠦ᠍ ᠪᠤᠷᠭᠠᠰᠣ ᠠᠪᠬᠤ ᠭᠡᠳ ᠡᠷᠬᠢᠳᠡᠯ᠎ᠡ ᠬᠠᠱᠢᠶᠠᠨ᠎ᠤ ᠤᠭ᠎ᠲᠤ ᠳᠠᠯᠪᠢᠭ᠍ᠰᠠᠨ ᠳ᠋ᠦᠨᠵᠡᠨ ᠳᠡᠭᠡᠷ᠎ᠡ ᠴᠠᠭᠠᠨ ᠡᠷᠪᠡᠬᠡᠢ ᠳᠠᠯᠠᠪᠴᠢ᠎ᠪᠠᠨ ᠰᠤᠯᠪᠢᠴᠠᠭᠤᠯᠤᠨ ᠰᠠᠭᠤᠬᠤ ᠬᠠᠷᠠᠭ᠍ᠳᠠᠯ᠎ᠠ᠃ ᠴᠡᠴᠡᠭ ᠡᠭᠡᠴᠢ ᠶᠠᠭ ᠯᠡ ᠳᠡᠭᠡᠵᠦ᠍ ᠬᠦᠮᠦᠰᠭᠡ᠎ᠪᠠᠨ ᠬᠦᠳᠡᠯᠭᠡᠰᠭᠢᠬᠡᠳ ᠶᠠᠭᠤᠮ᠎ᠠ ᠪᠤᠳᠤᠳᠠᠭ ᠶᠤᠮ᠃ ᠡᠨᠡ ᠡᠷᠪᠡᠬᠡᠢ ᠴᠦ᠍ ᠶᠠᠭᠤ ᠨᠢᠭᠡ᠎ᠶ᠋ᠢ ᠪᠤᠳᠤᠵᠦ᠍ ᠰᠠᠭᠤᠭ᠎ᠠ ᠪᠢᠵᠠ᠂ ᠳᠡᠢ᠌ᠮᠦ᠍ ᠡ᠂ ᠡᠨᠡ ᠬᠠᠪᠤᠷ᠎ᠤᠨ ᠠᠩᠬᠠᠨ᠎ᠤ ᠡᠷᠪᠡᠬᠡᠢ ᠢᠩᠭᠢᠵᠦ᠍ ᠬᠠᠷᠠᠭ᠍ᠳᠠᠳᠠᠭ ᠪᠠᠢ᠌ᠵᠠᠢ᠃ ᠨᠤᠢ᠌ᠷ ᠴᠦ᠍ ᠰᠡᠷᠬᠦᠬᠦ᠌ ᠱᠢᠭ ᠪᠤᠯᠤᠭ᠍ᠰᠠᠨ᠎ᠢ ᠶᠠᠭᠠᠬᠢᠨ᠎ᠠ᠂ ᠪᠠᠷᠢᠵᠦ᠍ ᠠᠪᠤᠭᠠᠳ ᠳᠤᠭ᠍ᠯᠠᠬᠤ ᠰᠠᠨ ᠭᠡᠵᠤ ᠪᠤᠳᠤᠭ᠍ᠰᠠᠨ ᠴᠦ᠍ ᠴᠡᠴᠡᠭ ᠡᠭᠡᠴᠢ ᠰᠠᠨᠠᠭ᠍ᠳᠠᠭᠠᠳ ᠪᠤᠯᠳᠠᠭ ᠦᠭᠡᠢ᠃ ᠢᠩᠭᠢᠰᠭᠢᠬᠡᠳ ᠬᠠᠷᠢᠭᠠᠳ ᠢᠷᠡᠴᠢᠬᠡᠭ᠌ᠰᠡᠨ ᠭᠡᠵᠢ ᠦᠦ᠂ ᠦᠭᠡᠢ ᠪᠠᠢ᠌ᠬ᠎ᠠ ᠡ᠃

ᠰᠡᠬᠦᠯᠴᠢ᠎ᠶ᠋ᠢᠨ ᠬᠤᠶᠠᠷ ᠪᠤᠷᠭᠠᠰᠣ᠎ᠪᠠᠨ ᠰᠦᠯᠵᠢᠵᠦ᠍ ᠪᠠᠷᠠᠭᠠᠳ ᠬᠠᠷᠠᠪᠠᠯ ᠨᠦᠬᠦᠬᠡ ᠡᠷᠪᠡᠬᠡᠢ ᠠᠯᠠᠭ᠎ᠠ᠂ ᠨᠤᠢ᠌ᠷ ᠰᠡᠷᠬᠦᠵᠦ᠍ ᠳᠠᠷᠢᠬᠢ ᠬᠦᠩᠭᠡᠷᠡᠭ᠌ᠰᠡᠨ ᠴᠦ᠍ ᠮᠠᠷᠳᠠᠭ᠍ᠰᠠᠨ ᠵᠤᠢ᠌ᠯ ᠳᠠᠬᠢᠭᠠᠳ ᠰᠠᠨᠠᠭᠠᠨ᠎ᠳᠤ ᠤᠷᠤᠳᠠᠭ ᠦᠭᠡᠢ ᠱᠢᠭ ᠯᠡ ᠠᠯᠠᠭ᠎ᠠ ᠪᠤᠯᠴᠢᠬᠠᠭ᠍ᠰᠠᠨ᠃ ᠬᠠᠷᠢᠨ ᠴᠠᠭᠠᠨ ᠳᠠᠯᠠᠪᠴᠢ ᠳᠡᠭᠡᠷᠡᠬᠢ ᠬᠠᠷ᠎ᠠ ᠵᠢᠷᠤᠭᠠᠰᠣ᠂ ᠬᠦᠷᠡᠩ ᠤᠳᠠᠰᠣ ᠱᠢᠭ᠋ ᠬᠤᠶᠠᠷ ᠳᠡᠮᠳᠡᠷᠢᠬᠦᠯ᠂ ᠪᠠᠰᠠ ᠴᠡᠴᠡᠭ᠎ᠤᠨ ᠭᠤᠤᠯ ᠰᠢᠬ᠂ ᠴᠢᠬᠢᠨ᠎ᠤ ᠬᠡᠩᠭᠡᠷᠭᠡ ᠱᠢᠭ ᠡᠮᠵᠡᠭ᠌ᠬᠡᠨ ᠨᠢᠲᠦ᠍᠎ᠨᠢ ᠰᠡᠳᠭᠢᠯ᠎ᠳᠤ ᠳᠡᠷᠡ ᠴᠢᠭ᠎ᠢᠶᠠᠷ᠎ᠢᠶᠠᠨ ᠦᠯᠡᠳᠡᠭ᠌ᠰᠡᠨ᠎ᠨᠢ ᠰᠤᠨᠢᠨ᠃

ᠴᠡᠴᠡᠭ ᠡᠭᠡᠴᠢ ᠬᠤᠳᠠ᠎ᠳᠤ ᠶᠠᠪᠤᠭᠠᠳ ᠠᠷᠪᠠ ᠬᠤᠨᠤᠯ᠎ᠠ᠂ ᠬᠤᠪᠢᠳᠠᠭ᠍ᠰᠠᠨ ᠠᠵᠢᠯ᠎ᠢᠶᠠᠨ ᠪᠢ ᠭᠠᠭ᠍ᠴᠠᠭᠠᠷ ᠲᠦᠩᠭᠡᠴᠢᠬᠡᠳᠡᠭ ᠪᠤᠯᠤᠭ᠍ᠰᠠᠨ ᠴᠦ᠍ ᠤᠷᠮ᠎ᠠ ᠦᠭᠡᠢ ᠬᠡᠪ᠎ᠢᠶᠠᠷ᠃ ᠢᠱᠢᠭᠡ ᠨᠤᠬᠦᠤᠨ ᠰᠦᠷᠦᠭ ᠳᠠᠭᠠᠭᠠᠳ ᠢᠬᠡᠷ᠎ᠡ ᠬᠦᠬᠡ ᠨᠠᠮ᠎ᠠ᠎ᠶ᠋ᠢ ᠪᠦᠷ ᠳᠠᠨᠢᠬᠤ᠎ᠪᠠᠨ ᠪᠤᠯᠢᠴᠢᠬᠠᠭ᠍ᠰᠠᠨ ᠰᠡᠭᠡᠳᠡᠭᠡᠷ ᠠᠮᠢᠳᠠᠨ 《ᠰᠡᠷᠴᠢᠬᠢᠨᠡᠨ᠎ᠡ》᠂ ᠢᠩᠭᠢᠨ᠎ᠡ ᠭᠡᠵᠤ ᠪᠤᠳᠤᠭ᠎ᠠ ᠴᠦ᠍ ᠦᠭᠡᠢ ᠱᠢᠦ᠃ ᠪᠠᠷᠠᠭᠤᠨ ᠤᠰᠣᠨ ᠳᠡᠭᠡᠷ᠎ᠡ ᠱᠢᠪᠠᠭᠤᠳ ᠡᠲᠦᠷᠵᠢᠨ ᠰᠦᠨᠢᠵᠢᠨ ᠱᠤᠤᠭᠢᠯᠳᠤᠨ᠎ᠠ᠂ ᠨᠢᠳᠤᠨᠤᠨ ᠮᠢᠨᠤ ᠨᠢᠲᠦᠯᠡᠭ᠌ᠰᠡᠨ ᠬᠡᠲᠦᠨ ᠳᠡᠭ᠌ᠳᠡᠭᠡᠭᠡᠢ ᠢᠷᠡᠭ᠌ᠰᠡᠨ ᠪᠤᠯ ᠦᠦ？ ᠠᠷᠭᠠᠯ ᠤᠢ᠍ᠢᠷᠠᠳᠤᠭᠤᠯᠬᠤ᠎ᠳᠠᠭᠠᠨ ᠠᠷᠠᠢ ᠬᠤᠷᠳᠤᠨ ᠪᠤᠯᠵᠦ᠍ ᠠᠷᠤᠭ ᠴᠦ᠍ ᠲᠦᠬᠦᠷᠡᠬᠦ᠌ ᠱᠢᠨᠵᠢᠳᠡᠢ᠎ᠨᠢ ᠬᠠᠷᠢᠨ ᠠᠱᠢᠬᠦᠢ᠃ ᠤᠰᠣ ᠳᠠᠮᠨᠠᠬᠤ᠎ᠳᠤ ᠰᠠᠭᠤᠯᠠᠭ᠎ᠠ ᠤᠷᠤᠭᠤ ᠦᠩᠭᠡᠢ᠌ᠪᠡᠯ ᠦᠷᠪᠦᠢ᠌ᠭ᠌ᠰᠡᠨ ᠱᠢᠷ᠎ᠡ ᠵᠢᠭᠠᠯ ᠤᠷᠤᠭᠤᠯ᠎ᠢᠶᠠᠨ ᠴᠤᠷᠪᠤᠢ᠌ᠯᠭᠠᠴᠢᠬᠠᠭ᠍ᠰᠠᠨ ᠬᠠᠷᠠᠭ᠍ᠳᠠᠨ᠎ᠠ᠃ ᠡᠲᠦᠷ ᠬᠤᠨᠤᠭ ᠢᠩᠭᠢᠵᠦ᠍ ᠯᠡ ᠦᠩᠭᠡᠷᠡᠬᠦ᠌ ᠶᠤᠰᠤᠳᠠᠢ ᠪᠢᠵᠠ᠃

ᠦᠨᠦ᠍ ᠮᠠᠷᠳᠠᠭ᠍ᠳᠠᠭ᠍ᠰᠠᠨ ᠱᠢᠭ᠋ ᠠᠯᠠᠭ᠎ᠠ ᠪᠤᠯᠴᠢᠬᠠᠭ᠍ᠰᠠᠨ ᠴᠠᠭᠠᠨ ᠡᠷᠪᠡᠬᠡᠢ ᠡᠨᠡ ᠡᠳᠦᠷ ᠠᠬᠢᠭᠠᠳ ᠬᠠᠷᠠᠭ᠍ᠳᠠᠭ᠍ᠰᠠᠨ ᠶᠤᠮ᠂ ᠠᠶᠠᠰ᠎ᠤᠨ ᠵᠢᠪᠡᠷ᠎ᠲᠤ ᠳᠡᠢ᠌ᠯᠳᠡᠨ ᠠᠶᠠᠷᠬᠠᠨ ᠬᠠᠢᠪᠢᠯᠵᠠᠵᠦ᠍ ᠢᠷᠡᠭᠡᠳ ᠡᠬᠦᠳᠡᠨ᠎ᠤ ᠬᠠᠵᠠᠭᠤ᠎ᠳᠤ ᠳᠠᠯᠪᠢᠭ᠍ᠰᠠᠨ ᠤᠰᠣᠨ ᠰᠠᠭᠤᠯᠠᠭᠠᠨ᠎ᠤ ᠢᠷᠮᠡᠭ ᠳᠡᠭᠡᠷ᠎ᠡ ᠳᠠᠯᠠᠪᠴᠢ᠎ᠪᠠᠨ ᠪᠢᠯᠡᠬᠦᠳᠡᠨ ᠰᠠᠭᠤᠭ᠍ᠰᠠᠨ᠎ᠨᠢ ᠶᠠᠭ ᠯᠡ ᠨᠢᠲᠦ᠍᠎ᠪᠠᠨ ᠨᠤᠬᠤᠯᠠᠬᠤ ᠱᠢᠭ᠋ ᠰᠠᠨᠠᠭ᠍ᠳᠠᠭ᠍ᠰᠠᠨ᠃ ᠰᠠᠭᠤᠯᠠᠭᠠᠨ᠎ᠤ ᠨᠢᠮᠬᠡᠨ ᠢᠷᠮᠡᠭ ᠳᠡᠭᠡᠷ᠎ᠡ ᠬᠦᠯ ᠠᠯᠳᠠᠯ ᠦᠭᠡᠢ ᠳᠤᠭ᠍ᠳᠠᠬᠤ᠎ᠶ᠋ᠢ᠎ᠨᠢ ᠬᠠᠷᠠᠭᠠᠳ ᠪᠢ ᠴᠡᠴᠡᠭ ᠡᠬᠡᠴᠢ᠎ᠶ᠋ᠢᠨ ᠳᠡᠮᠳᠡᠢ᠎ᠨᠢ ᠠᠷᠭ᠎ᠠ ᠦᠭᠡᠢ ᠪᠠᠩᠰᠢ ᠴᠢᠮᠬᠢᠳᠡᠭ᠎ᠢ ᠪᠤᠳᠤᠵᠦ᠍ ᠤᠯᠤᠭ᠍ᠰᠠᠨ ᠶᠤᠮ᠃ ᠳᠡᠳᠡ ᠨᠡᠭᠡᠷᠡᠨ ᠤᠷᠠᠨ ᠠᠮᠢᠳᠠᠨ ᠠᠵᠢ᠃

ᠳᠤᠭ᠍ᠳᠠᠭᠤᠨ ᠬᠠᠪᠤᠷ᠎ᠤᠨ ᠡᠲᠦᠷ᠎ᠤᠳ ᠳᠤᠯᠤᠭᠠᠳ᠎ᠲᠤ ᠱᠢᠩᠭᠡᠵᠦ᠍ ᠨᠢᠭᠡ ᠯᠡ ᠦᠷᠯᠦᠬᠡ ᠵᠤᠨ᠎ᠤ ᠪᠤᠷᠤᠭ᠎ᠠ ᠱᠠᠭᠢᠪᠠ᠃ ᠳᠡᠭᠡᠪᠤᠷ᠎ᠲᠤ ᠲᠦᠰᠦᠷᠬᠦ᠌ ᠪᠤᠷᠤᠭᠠᠨ᠎ᠤ ᠴᠢᠮᠡᠭᠡ᠎ᠪᠠᠷ ᠰᠡᠷᠡᠵᠦ᠍ ᠳᠡᠷ᠎ᠡ ᠳᠡᠭᠡᠷ᠎ᠡ ᠡᠷᠡᠦ᠍᠎ᠪᠠᠨ ᠳᠤᠯᠤᠭᠠᠳ ᠡᠬᠦᠳᠡ᠎ᠪᠠᠷ ᠭᠠᠳᠠᠭ᠍ᠰᠢ ᠬᠠᠷᠠᠪᠠᠯ ᠤᠷᠲᠦ ᠤᠷᠤᠢ ᠤᠰᠣᠨ ᠬᠦᠱᠢᠭᠡᠨ᠎ᠳᠤ ᠠᠭᠤᠰᠴᠦ᠍᠂ ᠤᠶᠠᠭᠠᠨ ᠳᠡᠭᠡᠷ᠎ᠡ ᠨᠤᠮᠤᠬᠠᠨ ᠭᠡᠭᠡᠷ ᠳᠤᠯᠤᠭᠠᠢ᠎ᠪᠠᠨ ᠳᠠᠷᠤᠨ ᠪᠤᠳᠤᠯᠭᠠᠱᠢᠷᠠᠨ᠎ᠠ᠃ ᠡᠲᠦᠷ ᠰᠠᠷ᠎ᠠ ᠡᠢᠨ ᠬᠦ᠌ ᠤᠯᠠᠷᠢᠵᠦ᠍ ᠦᠷᠯᠦᠬᠡ ᠰᠡᠷᠡᠬᠦ᠌᠎ᠳᠤ ᠯᠡ ᠤᠯᠠᠷᠢᠯ ᠰᠡᠯᠬᠦᠴᠢᠬᠡᠭ᠌ᠰᠡᠨ ᠪᠠᠢ᠌ᠳᠠᠭ᠎ᠨᠢ ᠰᠤᠨᠢᠨ᠂ ᠤᠷᠲᠦ ᠵᠤᠨ ᠢᠩᠭᠢᠵᠦ᠍ ᠬᠠᠶᠠᠭᠠᠨ᠎ᠳᠤ ᠢᠷᠡᠭ᠌ᠰᠡᠨ ᠶᠤᠮ᠃

ᠭᠤᠷᠤᠬᠠᠯᠠᠨ ᠵᠢᠷᠢᠯᠵᠡᠬᠦ᠌ ᠪᠤᠷᠤᠭᠠᠨ᠎ᠤ ᠤᠰᠣ ᠨᠠᠮ ᠳᠤᠤᠷ᠎ᠡ ᠭᠠᠵᠠᠷ ᠤᠷᠤᠭᠤ ᠬᠤᠷᠳᠤᠯᠠᠨ᠎ᠠ᠃ ᠡᠪᠦᠷ᠎ᠠᠴᠠ᠎ᠪᠠᠨ ᠰᠤᠭᠤᠷᠠᠵᠦ᠍ ᠬᠦᠷᠮ᠎ᠡ ᠴᠦ᠍ ᠡᠮᠦᠰᠤᠯ ᠦᠭᠡᠢ ᠬᠦᠶᠦᠨ ᠭᠠᠷᠪᠠᠯ ᠪᠤᠷᠤᠭᠠᠨ᠎ᠤ ᠳᠤᠮᠤ ᠳᠤᠮᠤ ᠳᠤᠰᠤᠯ ᠮᠦᠷᠦ᠍᠂ ᠨᠢᠷᠤᠭᠤ᠂ ᠭᠤᠶ᠎ᠠ ᠤᠷᠤᠭᠤ ᠭᠡᠳᠡᠭᠡᠯᠡᠨ ᠤᠷᠤᠰᠤᠭᠠᠳ ᠪᠢ ᠡᠷᠬᠡ ᠦᠭᠡᠢ ᠢᠨᠢᠶᠡᠲᠦ ᠠᠯᠳᠠᠯ᠎ᠠ᠃ ᠬᠠᠮ ᠳᠡᠷᠭᠡᠨ ᠳᠤᠤᠷ᠎ᠡ ᠱᠠᠯᠪᠠ ᠨᠤᠷᠴᠢᠬᠠᠭ᠍ᠰᠠᠨ ᠴᠠᠪᠢᠨ᠎ᠳᠠᠭᠠᠨ ᠬᠤᠱᠢᠭᠤ ᠱᠢᠷᠭᠤᠭᠤᠯᠵᠦ᠍ ᠬᠡᠪᠳᠡᠭ᠌ᠰᠡᠨ ᠲᠦᠷᠪᠡᠨ ᠨᠢᠳᠤᠳᠤ ᠰᠡᠭ᠌ᠰᠡᠭᠡᠷ ᠬᠠᠯᠳᠠᠷ ᠨᠠᠮ᠎ᠠ᠎ᠶ᠋ᠢ ᠬᠠᠷᠠᠭᠠᠳ ᠬᠠᠴᠢᠷᠬᠠᠭ᠍ᠰᠠᠨ ᠪᠤᠯᠤᠯᠳᠠᠢ ᠪᠤᠰᠴᠦ᠍ ᠢᠷᠡᠪᠡ᠂ ᠳᠡᠭᠡᠭᠡᠳ ᠰᠡᠬᠦᠯ ᠬᠦᠳᠡᠯᠬᠡᠰᠭᠢᠨ ᠬᠦᠷᠡᠩ ᠨᠢᠲᠦ᠍᠎ᠪᠠᠷ᠎ᠢᠶᠠᠨ ᠵᠦᠬᠡᠯᠡᠬᠡᠨ ᠱᠢᠷᠳᠡᠵᠦ᠍ ᠵᠤᠭ᠍ᠰᠤᠭ᠍ᠰᠠᠨ᠎ᠢᠶᠠᠨ ᠭᠤᠶᠠᠨ ᠳᠡᠭᠡᠷ᠎ᠡ ᠳᠤᠯᠢᠶᠠᠭᠠᠳ ᠠᠪᠤᠭ᠍ᠰᠠᠨ ᠰᠠᠨ᠃ ᠪᠤᠷᠤᠭᠠᠨ᠎ᠤ ᠳᠤᠰᠤᠯ ᠳᠤᠰᠭᠤ᠎ᠳᠤ ᠴᠦ᠍ ᠢᠨᠢᠶᠡᠲᠦ ᠬᠦᠷᠴᠦ᠍ ᠪᠠᠢ᠌ᠭ᠍ᠰᠠᠨ ᠪᠢ ᠰᠡᠭ᠌ᠰᠡᠭᠡᠷ ᠬᠠᠯᠳᠠᠷ᠎ᠤᠨ ᠳᠤᠯᠢᠶᠠᠬᠤ᠎ᠶ᠋ᠢ ᠬᠡᠷᠬᠢᠨ ᠳᠡᠰᠴᠦ᠍ ᠴᠢᠳᠠᠬᠤ ᠪᠢᠯᠡ᠂ ᠭᠡᠷ᠎ᠲᠤ ᠪᠠᠢ᠌ᠭ᠍ᠰᠠᠨ ᠪᠤᠯ ᠠᠶᠠᠭ᠎ᠠ ᠰᠠᠪᠠ ᠬᠠᠩᠭᠢᠨᠠᠳᠠᠯ᠎ᠠ ᠴᠤᠤᠷᠢᠶᠠᠯᠠᠬᠤ᠎ᠪᠠᠷ ᠵᠢᠩᠭᠢᠨᠡᠬᠦᠯᠦᠨ ᠢᠨᠢᠶᠡᠯ᠎ᠡ᠃ ᠡᠬᠦᠯᠡ᠎ᠲᠠᠢ ᠳᠡᠭ᠌ᠷᠢ᠎ᠠᠴᠠ ᠭᠡᠭᠡ ᠳᠠᠳᠠᠬᠤ ᠱᠢᠭ᠋ ᠪᠤᠯᠤᠭᠠᠳ ᠦᠷᠦᠴᠠ ᠴᠡᠭᠡᠵᠢ ᠠᠭᠤᠵᠢᠷᠠᠭ᠍ᠰᠠᠨ᠎ᠢ ᠬᠡᠯᠡᠬᠦ᠌ ᠦᠦ᠂ ᠢᠨᠢᠶᠡᠭᠡ ᠦᠭᠡᠢ ᠶᠡᠭᠡ ᠤᠳᠠᠭ᠍ᠰᠠᠨ ᠪᠠᠢ᠌ᠵᠠᠢ ᠱᠢᠦ᠃

ᠨᠡᠭᠡᠷᠡᠨ ᠴᠡᠴᠡᠭ ᠡᠬᠡᠴᠢ᠎ᠶ᠋ᠢᠨ ᠢᠨᠢᠶᠡᠲᠦ ᠭᠡᠷᠡᠯ ᠳᠠᠳᠠᠳᠠᠭ ᠰᠠᠨ᠂ ᠬᠦᠨᠳᠡᠢ᠎ᠶ᠋ᠢᠨ ᠪᠤᠯᠤᠩ᠎ᠠᠴᠠ ᠮᠦᠬᠦ᠌ ᠳᠡᠬᠦᠬᠦ᠌᠎ᠪᠠᠷ ᠶᠠᠪᠤᠭᠠᠳ ᠴᠡᠴᠡᠭ ᠡᠬᠡᠴᠢ ᠪᠢᠳᠡ ᠬᠤᠶᠠᠷ ᠡᠲᠦᠷᠵᠢᠨ ᠢᠨᠢᠶᠡᠯᠲᠦᠭ᠌ᠰᠡᠨ ᠪᠢᠯᠡ᠃ ᠴᠡᠴᠡᠭ ᠡᠭᠡᠴᠢ ᠶᠠᠯᠢᠮ ᠦᠭᠡᠢ ᠶᠠᠭᠤᠮᠠᠨ ᠳᠡᠭᠡᠷ᠎ᠡ ᠴᠦ᠍ ᠨᠢᠯᠪᠤᠰᠣ ᠭᠠᠷᠳᠠᠯ᠎ᠠ ᠢᠨᠢᠶᠡᠳᠡᠭ ᠠᠮᠢᠳᠠᠨ᠂《ᠴᠤᠭ ᠡ᠂ ᠪᠢ ᠤᠷᠲᠦ ᠭᠤᠤᠯ᠎ᠤᠨ ᠨᠢᠰᠤᠬᠠᠢ ᠱᠢᠷ᠎ᠡ᠎ᠳᠤ ᠮᠤᠷᠳᠠᠴᠢᠬᠠᠪᠠᠯ ᠴᠢ ᠤᠬᠢᠯᠠᠬᠤ ᠦᠦ？》 ᠭᠡᠳ ᠯᠡ ᠢᠨᠢᠶᠡᠵᠦ᠍ ᠡᠬᠢᠯᠡᠭ᠌ᠰᠡᠨ᠃《ᠳᠡᠬᠦᠨ᠎ᠳᠤ ᠮᠤᠷᠳᠠᠬᠤ ᠴᠢ ᠳᠡᠨᠡᠭ ᠪᠢᠵᠠ？》 ᠭᠡᠵᠤ ᠪᠢ ᠱᠢᠲᠦ ᠵᠠᠭᠤᠨ ᠬᠡᠯᠡᠪᠡᠯ ᠴᠡᠴᠡᠭ ᠡᠬᠡᠴᠢ ᠰᠠᠭ᠍ᠰᠦ᠎ᠲᠠᠢ ᠮᠦᠬᠦ᠌᠎ᠪᠠᠨ ᠭᠠᠵᠠᠷ ᠠᠯᠳᠠᠵᠦ᠍ ᠡᠪᠦᠲᠦᠭ ᠨᠤᠭᠤᠷᠠᠨ ᠤᠢ᠍ᠢᠴᠢᠭᠠᠳ ᠬᠦᠬᠦᠷᠡᠵᠦ᠍ ᠭᠠᠷᠪᠠ᠃ ᠨᠢᠰᠤᠬᠠᠢ ᠱᠢᠷ᠎ᠡ ᠡᠵᠢ᠎ᠲᠠᠢ᠎ᠪᠠᠨ ᠮᠠᠨ᠎ᠤ᠎ᠳᠤ ᠢᠷᠡᠵᠦ᠍ ᠪᠠᠢ᠌ᠭ᠍ᠰᠠᠨ᠂ ᠬᠤᠷᠤᠭᠤ᠎ᠪᠠᠨ ᠡᠮᠬᠦᠵᠦ᠍ ᠨᠢᠰᠦ᠎ᠪᠠᠨ ᠫᠤᠷ ᠫᠤᠷ ᠦᠯᠢᠶᠡᠭ᠌ᠰᠡᠨ ᠠᠷᠴᠠᠭ᠎ᠠ ᠦᠭᠡᠢ ᠬᠦᠦ᠍᠎ᠳᠤ ᠮᠤᠷᠳᠠᠬᠤ ᠭᠡᠭ᠌ᠴᠢ ᠶᠤᠰᠤᠳᠠᠢ ᠰᠠᠨᠠᠭᠠᠨ᠎ᠳᠤ ᠪᠠᠭ᠍ᠳᠠᠬᠤ ᠶᠠᠭᠤᠮ᠎ᠠ ᠪᠢᠰᠢ ᠡ᠃《ᠢᠯᠢ᠂ ᠴᠢ ᠨᠠᠮ᠎ᠠ᠎ᠶ᠋ᠢ ᠬᠠᠷᠠᠮᠨᠠᠳᠠᠭ ᠶᠤᠮ ᠦᠦ？》 ᠭᠡᠳ ᠴᠡᠴᠡᠭ ᠡᠭᠡᠴᠢ ᠭᠡᠷᠡᠯ ᠳᠠᠳᠠᠳᠠᠯ᠎ᠠ ᠢᠨᠢᠶᠡᠵᠦ᠍ ᠭᠠᠷᠬᠤ᠎ᠪᠠᠷ ᠪᠢ ᠡᠷᠭᠡ ᠦᠭᠡᠢ ᠢᠴᠢᠭ᠌ᠰᠡᠨ ᠴᠦ᠍ ᠳᠠᠭᠠᠭᠠᠳ ᠢᠨᠢᠶᠡᠭ᠌ᠰᠡᠨ ᠰᠠᠨ᠃

ᠵᠤᠨ᠎ᠤ ᠡᠲᠦᠷ᠎ᠤᠨ ᠤᠷᠲᠦ᠍᠎ᠶ᠋ᠢ ᠲᠠ ᠨᠠᠷ ᠲᠦᠰᠦᠭᠡᠯᠡᠳᠡᠭ ᠦᠦ？ ᠨᠠᠷᠠ ᠦᠳᠡ᠎ᠶ᠋ᠢᠨ ᠳᠡᠭ᠌ᠷᠢ᠎ᠳᠤ ᠪᠠᠷᠤᠭ ᠯᠡ ᠦᠨᠵᠢᠬᠦ᠌ ᠱᠢᠭ ᠤᠳᠠᠨ᠎ᠠ᠂ ᠭᠠᠭ᠍ᠴᠠᠭᠠᠷ ᠭᠤᠤᠯ᠎ᠤᠨ ᠤᠰᠣᠨ᠎ᠳᠤ ᠴᠢᠯᠠᠭᠤ ᠬᠠᠯᠢᠭᠤᠯᠵᠦ᠍ ᠵᠢᠷᠠᠭᠠᠬᠠᠢ ᠱᠢᠭ᠋ ᠰᠡᠯᠢᠵᠦ᠍ ᠱᠤᠮᠪᠠᠭᠠᠳ ᠴᠦ᠍ ᠡᠲᠦᠷ ᠦᠩᠭᠡᠷᠡᠬᠦ᠌ ᠭᠡᠵᠤ ᠪᠠᠢ᠌ᠳᠠᠭ ᠦᠭᠡᠢ᠂ ᠰᠡᠬᠦᠯ᠎ᠳᠡᠭᠡᠨ ᠪᠦᠷ ᠦᠯᠦᠰᠴᠦ᠍ ᠶᠠᠳᠠᠷᠠᠭᠠᠳ ᠤᠷᠤᠭᠤ ᠴᠢᠷᠠᠢ᠌ᠯᠠᠭ᠍ᠰᠠᠨ ᠠᠮᠢᠳᠠᠨ ᠲᠦᠩᠭᠡᠵᠦ᠍ ᠬᠠᠷᠢᠨ᠎ᠠ᠃ ᠴᠠᠢ᠎ᠪᠠᠨ ᠤᠤᠭᠤᠮᠠᠭ᠍ᠴᠠ ᠤᠷᠤᠨ ᠳᠡᠭᠡᠷ᠎ᠡ᠎ᠪᠠᠨ ᠤᠩᠬᠤᠯᠢᠵᠦ᠍᠂ ᠤᠨᠳᠠᠵᠦ᠍ ᠤᠨᠳᠠᠭᠠᠳ ᠰᠡᠷᠡᠬᠦ᠌᠎ᠳᠤ ᠨᠠᠷᠠ ᠵᠢᠭᠠᠬᠠᠨ ᠯᠡ ᠪᠠᠷᠠᠭᠤᠨᠰᠢ ᠬᠡᠯᠪᠡᠢ᠌ᠭ᠌ᠰᠡᠨ ᠱᠢᠨᠵᠢᠳᠡᠢ ᠠᠰᠠᠵᠦ᠍ ᠪᠠᠢ᠌ᠳᠠᠭ᠃ ᠨᠤᠢ᠌ᠷᠮᠤᠭ ᠨᠢᠲᠦ᠍᠎ᠪᠠᠨ ᠨᠤᠬᠤᠯᠠᠨ ᠵᠠᠯᠬᠠᠭᠤᠳᠠᠢ᠌ᠬᠠᠨ ᠦᠨᠳᠡᠢ᠌ᠪᠡᠯ ᠡᠬᠦᠳᠡ᠎ᠪᠠᠷ ᠦᠨᠦ᠍ ᠯᠡ ᠴᠠᠭᠠᠨ ᠡᠷᠪᠡᠬᠡᠢ ᠬᠦᠯᠦᠷᠡᠭ᠌ᠰᠡᠨ ᠮᠠᠶᠢᠭ᠍ᠳᠠᠢ ᠳᠠᠯᠪᠢᠯᠵᠠᠨ ᠤᠷᠤᠵᠦ᠍ ᠢᠷᠡᠭᠡᠳ ᠡᠷᠬᠢᠨᠡᠭ ᠳᠡᠭᠡᠷ᠎ᠡ ᠰᠠᠭᠤᠬᠤ ᠬᠠᠷᠠᠭ᠍ᠳᠠᠪᠠ᠃ ᠨᠤᠢ᠌ᠷ᠎ᠢᠶᠠᠨ ᠰᠡᠷᠬᠦᠭᠡᠬᠦ᠌᠎ᠪᠠᠷ ᠤᠷᠤᠨ᠎ᠳᠠᠭᠠᠨ ᠬᠦᠳᠡᠯᠦᠯ ᠦᠭᠡᠢ ᠰᠠᠭᠤᠭᠠᠳ ᠡᠷᠪᠡᠬᠡᠢ ᠴᠤᠬᠤᠮ ᠶᠠᠭᠤ ᠬᠢᠳᠡᠭ᠎ᠢ ᠮᠡᠳᠡᠴᠢᠬᠡᠬᠦ᠌ ᠰᠠᠨᠠᠭᠠᠳᠠᠢ ᠤᠳᠠᠭᠠᠨ ᠠᠵᠢᠭ᠍ᠯᠠᠯ᠎ᠠ᠃

ᠳᠡᠭᠡᠳᠡᠯ᠎ᠡ ᠡᠷᠬᠢᠨᠡᠭ ᠳᠡᠭᠡᠷ᠎ᠡ ᠠᠰᠭᠠᠭ᠍ᠰᠠᠨ ᠬᠡᠲᠦᠨ ᠮᠦᠬᠦᠯᠢᠭ ᠬᠠᠭᠤᠷᠤᠭ᠍ᠰᠠᠨ ᠠᠮᠤ᠎ᠶ᠋ᠢ ᠱᠤᠬᠤᠭᠤᠷᠬᠠᠨ ᠳᠠᠯᠠᠪᠴᠢ᠎ᠪᠠᠨ ᠬᠦᠳᠡᠯᠭᠡᠬᠦ᠌ ᠠᠵᠢ᠃ ᠡᠷᠪᠡᠬᠡᠢ ᠴᠦ᠍ ᠬᠠᠯᠠᠭᠤᠴᠠᠳᠠᠭ ᠭᠡᠵᠢ ᠦᠦ？ ᠴᠠᠭᠠᠨ ᠳᠠᠯᠠᠪᠴᠢ᠎ᠨᠢ ᠬᠦᠯᠦᠷᠡᠵᠦ᠍᠂ ᠬᠦᠷᠡᠩ ᠳᠡᠮᠳᠡᠷᠢᠬᠦᠯ᠎ᠨᠢ ᠴᠦ᠍ ᠴᠢᠬᠢᠭ ᠳᠠᠭᠠᠭᠠᠭ᠍ᠰᠠᠨ ᠱᠢᠭ᠋ ᠰᠠᠨᠠᠭ᠍ᠳᠠᠭᠠᠳ ᠬᠦᠳᠡᠯᠵᠦ᠍ ᠶᠠᠳᠠᠬᠤ᠎ᠨᠢ ᠢᠯᠡᠳᠳᠡ᠃ ᠤᠭ᠎ᠨᠢ ᠡᠷᠪᠡᠬᠡᠢ ᠬᠠᠷᠠᠬᠤ᠎ᠪᠠᠷ ᠨᠤᠢ᠌ᠷ ᠰᠡᠷᠬᠦᠳᠡᠭ ᠴᠦ᠍ ᠡᠨᠡ ᠡᠲᠦᠷ ᠨᠢᠭᠡ ᠯᠡ ᠪᠤᠯᠤᠭ᠎ᠠ ᠦᠭᠡᠢ᠃ ᠵᠤᠪᠬᠢ᠎ᠪᠠᠨ ᠳᠠᠭᠠᠭᠠᠵᠦ᠍ ᠶᠠᠳᠠᠨ ᠠᠯᠭᠤᠷᠬᠠᠨ ᠪᠠᠭᠤᠯᠭᠠᠪᠠᠯ ᠪᠦᠳᠡᠬᠢᠬᠡᠨ ᠳᠤᠳᠤᠷᠠᠭ᠍ᠰᠠᠨ ᠦᠨᠦ᠍ ᠴᠠᠭᠠᠨ ᠭᠡᠭᠡ᠂ ᠳᠠᠷᠢᠬᠢ ᠤᠷᠤᠭᠤ ᠰᠦ ᠳᠤᠰᠤᠭᠠᠭ᠍ᠰᠠᠨ ᠱᠢᠭ᠋ ᠪᠤᠯᠤᠭᠠᠳ ᠤᠯᠠᠮ ᠯᠡ ᠠᠶᠠᠳᠠᠢ᠌ᠬᠠᠨ ᠨᠤᠢ᠌ᠷ  ᠬᠦᠱᠢᠭᠡᠯᠡᠭ᠌ᠰᠡᠨ᠎ᠢ ᠶᠠᠭᠠᠬᠢᠨ᠎ᠠ᠃

ᠴᠡᠴᠡᠭ ᠡᠭᠡᠴᠢ ᠴᠦ᠍ ᠶᠠᠭᠤ ᠨᠢᠭᠡ᠎ᠶ᠋ᠢ ᠱᠤᠬᠤᠭᠤᠷᠬᠠᠨ ᠬᠡᠳᠤᠨ ᠬᠤᠷᠤᠮ ᠳᠤᠭ᠍ᠳᠠᠰᠭᠢᠳᠠᠭ ᠪᠢᠯᠡ᠂ ᠡᠯᠦ᠍᠎ᠠᠴᠠ᠎ᠪᠠᠨ ᠱᠢᠷᠤᠢ ᠵᠦᠬᠡᠬᠡᠬᠦ᠌ ᠱᠢᠷᠭᠤᠯᠵᠢ᠂ ᠡᠪᠡᠰᠦᠨ ᠨᠠᠮᠠᠭᠠᠨ᠎ᠠᠴᠠ ᠬᠦᠯ ᠠᠯᠳᠠᠨ ᠭᠤᠯᠭᠤᠬᠤ ᠱᠢᠬᠦᠷ ᠬᠤᠷᠤᠬᠠᠢ᠂ ᠦᠳᠡ᠎ᠶ᠋ᠢᠨ ᠳᠡᠭ᠌ᠷᠢ᠎ᠳᠤ ᠡᠯᠳᠡᠪ ᠲᠦᠷᠰᠦ᠎ᠪᠠᠷ ᠤᠯᠠᠷᠢᠬᠤ ᠡᠬᠦᠯᠡᠰ ᠭᠡᠳ ᠴᠡᠴᠡᠭ ᠡᠬᠡᠴᠢ᠎ᠶ᠋ᠢ ᠬᠤᠷᠤᠮ ᠳᠤᠭ᠍ᠳᠠᠭᠠᠬᠤ ᠵᠤᠢ᠌ᠯ ᠵᠦᠩᠳᠡᠭᠡᠨ᠂ ᠬᠠᠷᠢᠨ ᠪᠢ ᠪᠤᠯ ᠤᠳᠠᠳᠠᠯ᠎ᠠ ᠬᠠᠷᠠᠭᠠᠳ ᠯᠡ ᠰᠠᠭᠤᠮᠠᠷ ᠰᠠᠨᠠᠭ᠍ᠳᠠᠳᠠᠭ᠃

ᠱᠢᠷᠭᠤᠯᠵᠢ ᠱᠢᠷᠤᠢ ᠵᠦᠭᠡᠭᠡᠬᠦ᠌᠎ᠶ᠋ᠢ ᠬᠠᠷᠠᠬᠤ ᠳᠤᠩ ᠤᠷᠮᠠᠳᠠᠢ ᠰᠠᠨ᠃ ᠳᠡᠳᠡᠨᠦᠰ ᠪᠡᠶ᠎ᠡ ᠪᠡᠶ᠎ᠡ᠎ᠲᠠᠢ᠎ᠪᠠᠨ ᠦᠷᠢᠰᠭᠦ ᠱᠢᠭ ᠤᠷᠤᠨ ᠭᠠᠷᠤᠨ ᠪᠤᠵᠢᠬᠢᠨᠠᠵᠦ᠍ ᠬᠠᠷᠠᠵᠦ᠍ ᠪᠠᠢ᠌ᠳᠠᠯ᠎ᠠ ᠬᠦᠬᠡᠷᠦᠬᠦᠨ ᠰᠡᠪᠰᠡᠭᠡᠷ ᠱᠢᠷᠤᠢ ᠤᠪᠤᠭᠠᠯᠠᠴᠢᠬᠠᠨ᠎ᠠ᠂ ᠬᠠᠷᠠᠭ᠍ᠰᠠᠭᠠᠷ ᠠᠳᠠᠯ᠎ᠠ ᠬᠠᠶᠠ ᠵᠠᠷᠢᠮ ᠱᠢᠷᠭᠤᠯᠵᠢ᠎ᠶ᠋ᠢ᠎ᠨᠢ ᠨᠢᠳᠦᠯᠡᠴᠢᠬᠡᠳᠡᠭ᠃ ᠱᠢᠬᠦᠷ ᠬᠤᠷᠤᠬᠠᠢ ᠴᠦ᠍ ᠤᠷᠨᠨ ᠠᠮᠢᠳᠠᠨ ᠱᠢᠦ᠂ ᠭᠡᠨᠡᠳᠳᠡ ᠯᠡ ᠳᠤᠭᠤᠢ᠌ᠯᠠᠨ ᠨᠢᠰᠴᠦ᠍ ᠢᠷᠡᠭᠡᠳ ᠡᠪᠡᠰᠦᠨ ᠨᠠᠮᠠᠭᠠᠨ ᠳᠡᠭᠡᠷ᠎ᠡ ᠪᠠᠭᠤᠵᠦ᠍ ᠦᠵᠦᠬᠦᠷ ᠦᠬᠡᠳᠡ᠎ᠨᠢ ᠮᠠᠴᠦᠨ᠎ᠠ᠂ ᠳᠡᠭᠡᠭᠡᠳ ᠦᠵᠦᠬᠦᠷ᠎ᠲᠤᠨᠢ ᠬᠦᠷᠬᠦ᠌ ᠠᠯᠳᠠ᠎ᠳᠤ ᠯᠡ ᠬᠦᠯ ᠠᠯᠳᠠᠨ ᠭᠤᠯᠠᠰᠤᠭᠠᠳ ᠢᠷᠤᠭᠠᠷ ᠤᠷᠤᠭᠤ᠎ᠨᠢ ᠭᠤᠯᠭᠤᠳᠠᠭ᠂ ᠭᠡᠳᠡᠯ᠎ᠡ ᠶᠠᠭ ᠳᠡᠷᠡ ᠳᠤᠷᠤᠭ᠍ᠰᠢ ᠭᠤᠯᠭᠤᠬᠤ ᠬᠤᠷᠤᠮ᠎ᠳᠤ ᠴᠤᠬᠤᠷ ᠳᠠᠯᠠᠪᠴᠢ᠎ᠪᠠᠨ ᠬᠢᠯᠠᠰᠭᠢᠨ ᠳᠡᠯᠭᠡᠵᠦ᠍ ᠨᠢᠰᠦᠬᠡᠳ ᠠᠮᠵᠢᠴᠢᠬᠠᠳᠠᠭ ᠶᠤᠮ᠃ ᠡᠬᠦᠯᠡ ᠪᠤᠯ ᠶᠧᠯᠸᠢ ᠱᠢᠳᠢ᠎ᠪᠠᠷ ᠲᠦᠬᠦᠷᠡᠩ ᠤᠭ᠍ᠳᠠᠷᠭᠤᠢ᠎ᠶ᠋ᠢᠨ ᠡᠯᠴᠢ᠂ ᠢᠱᠢᠭᠡ ᠱᠢᠭ ᠳᠡᠬᠦᠯᠢᠨ ᠬᠦᠯᠦᠭᠡ ᠱᠢᠭ ᠰᠤᠨᠤᠵᠦ᠍᠂ ᠳᠡᠮᠡᠭᠡ ᠱᠢᠭ ᠬᠦᠯᠪᠡᠷᠢᠨ ᠵᠠᠭᠠᠨ ᠱᠢᠭ᠋ ᠵᠠᠯᠠᠷᠠᠵᠦ᠍ ᠤᠷᠢᠲᠦ ᠤᠷᠤᠢ᠎ᠶ᠋ᠢ ᠳᠠᠪᠠᠨ᠎ᠠ᠃

ᠬᠠᠪᠤᠷ᠎ᠤᠨ ᠡᠲᠦᠷ᠎ᠤᠳ ᠳᠤᠯᠤᠭᠠᠳ᠎ᠲᠤ ᠱᠢᠩᠭᠡᠳᠡᠭ ᠶᠤᠮ ᠪᠤᠯ ᠵᠤᠨ᠎ᠤ ᠡᠲᠦᠷ ᠳᠡᠭ᠌ᠷᠢ᠎ᠶ᠋ᠢᠨ ᠬᠠᠶᠠᠭᠠᠨ᠎ᠳᠤ ᠠᠭᠤᠰᠴᠢᠬᠠᠳᠠᠭ ᠱᠢᠭ᠋ ᠶᠤᠮ ᠪᠢᠯᠡ᠃ ᠦᠷᠯᠦᠬᠡ᠎ᠶ᠋ᠢᠨ ᠨᠠᠷᠠ ᠡᠷᠳᠡ᠎ᠠᠴᠠ ᠡᠷᠳᠡ ᠤᠷᠭᠤᠵᠦ᠍ ᠦᠳᠡ᠎ᠶ᠋ᠢᠨ ᠳᠡᠭ᠌ᠷᠢ᠎ᠳᠤ ᠦᠨᠵᠢᠵᠦ᠍ ᠬᠤᠨᠤᠮᠠᠷ ᠴᠤᠨᠤᠵᠦ᠍ ᠴᠤᠨᠤᠭᠠᠳ ᠦᠳᠡᠰᠢ ᠪᠤᠯᠤᠨ᠎ᠠ᠂ ᠦᠳᠡᠰᠢ ᠪᠤᠯᠴᠢᠬᠠᠭᠠᠳ ᠴᠦ᠍ ᠴᠠᠭᠠᠨ ᠭᠡᠭᠡ ᠳᠠᠰᠤᠷᠠᠯ ᠦᠭᠡᠢ ᠪᠦᠦᠳᠡᠢ᠌ᠵᠦ᠍ ᠰᠤᠯᠠ ᠬᠤᠳᠠᠯᠠᠭ᠍ᠰᠠᠨ ᠤᠳᠤᠳ᠎ᠲᠠᠢ ᠵᠤᠯᠭᠠᠨ᠎ᠠ᠃ ᠪᠦᠯᠢᠶᠡᠨ ᠤᠳᠤᠳ᠎ᠢ ᠨᠢᠬᠡ ᠶᠡᠭᠡ ᠱᠤᠬᠤᠭᠤᠷᠬᠠᠵᠦ᠍ ᠠᠮᠵᠢᠯ ᠦᠭᠡᠢ ᠨᠤᠢ᠌ᠷ᠎ᠲᠤ ᠠᠪᠳᠠᠵᠦ᠍ ᠦᠷᠯᠦᠬᠡ᠎ᠶ᠋ᠢᠨ ᠨᠠᠷᠠ᠎ᠲᠠᠢ ᠵᠤᠯᠭᠠᠳᠠᠭ᠎ᠢᠶᠠᠨ ᠨᠢᠭᠤᠬᠤ ᠬᠡᠷᠡᠭ ᠶᠠᠭᠤᠨ᠃

ᠢᠩᠭᠢᠭᠡᠳ ᠪᠤᠳᠤᠪᠠᠯ ᠴᠡᠴᠡᠭ ᠡᠬᠡᠴᠢ ᠬᠤᠳᠠ ᠪᠠᠷᠠᠭᠠᠳᠠᠭᠠᠳ ᠬᠡᠴᠢᠨᠡᠬᠡᠨ ᠤᠳᠠᠭ᠍ᠰᠠᠨ᠎ᠢ ᠮᠡᠳᠡᠵᠦ᠍ ᠪᠤᠯᠤᠨ᠎ᠠ ᠪᠢᠵᠠ？ ᠬᠠᠷᠢᠨ ᠴᠠᠭᠠᠨ ᠡᠷᠪᠡᠬᠡᠢ ᠯᠡ ᠨᠠᠮ᠎ᠠ᠎ᠶ᠋ᠢ ᠳᠤᠳᠤᠢ᠌ᠯᠭᠠᠨ ᠪᠠᠰᠠ ᠨᠤᠢ᠌ᠷᠮᠤᠭ᠍ᠯᠠᠭᠤᠯᠵᠦ᠍᠂ ᠴᠡᠴᠡᠭ ᠡᠭᠡᠴᠢ᠎ᠶ᠋ᠢ ᠳᠠᠭᠤᠷᠢᠶᠠᠨ ᠬᠠᠢᠪᠢᠯᠵᠠᠵᠦ᠍᠂ ᠳᠤᠭ᠍ᠳᠠᠵᠦ᠍ ᠶᠠᠳᠠᠨ ᠭᠠᠩᠬᠤᠵᠦ᠍᠂ ᠬᠦᠮᠦᠰᠭᠡ ᠰᠤᠯᠪᠢᠨ ᠳᠤᠳᠤᠷᠠᠵᠦ᠍ ᠵᠠᠮᠬᠠᠷᠠᠭ᠍ᠰᠠᠭᠠᠷ ᠪᠠᠢ᠌ᠭ᠍ᠰᠠᠨ ᠰᠠᠨ᠃

ᠬᠤᠴᠢᠯᠭ᠎ᠠ ᠬᠦᠩᠭᠡᠳᠡᠭᠡᠳ ᠵᠢᠩᠭᠢᠨᠡᠵᠦ᠍ ᠰᠡᠷᠡᠭ᠌ᠰᠡᠨ ᠦᠷᠯᠦᠬᠡ ᠠᠪᠤ ᠬᠠᠳᠤᠯᠠᠩ᠎ᠳᠤ ᠭᠠᠷᠬᠤ ᠭᠡᠵᠤ ᠪᠤᠵᠢᠬᠢᠨᠠᠵᠦ᠍ ᠠᠭ᠍ᠰᠠᠨ ᠪᠢᠯᠡ᠃ ᠮᠡᠳᠡᠭᠡᠵᠢ᠂ ᠮᠠᠨ᠎ᠤ᠎ᠬᠢ ᠬᠤᠢ᠌ᠲᠦ ᠬᠦᠬᠡ ᠠᠭᠤᠯᠠ᠎ᠶ᠋ᠢᠨ ᠪᠠᠷᠠᠭᠤᠨ ᠰᠤᠭᠤ᠎ᠳᠤ ᠨᠡᠬᠦᠵᠦ᠍ ᠢᠷᠡᠭᠡᠳ ᠨᠠᠮᠤᠷᠵᠢᠶ᠎ᠠ᠎ᠳᠠᠭᠠᠨ ᠭᠠᠷᠴᠢᠬᠠᠭ᠍ᠰᠠᠨ ᠦᠶ᠎ᠡ ᠯᠡ ᠳ᠋ᠠ᠃ ᠨᠢᠭᠡ ᠯᠡ ᠬᠤᠷᠤᠮ᠎ᠳᠤ ᠠᠯᠤᠰ᠎ᠤᠨ ᠠᠭᠤᠯᠠᠰ ᠳᠤᠳᠤᠷᠠᠵᠦ᠍ ᠤᠢ᠍ᠢᠷ᠎ᠠ᠎ᠶ᠋ᠢᠨ ᠳᠤᠯᠤᠭᠠᠳ ᠦᠨᠳᠡᠯᠵᠡᠬᠡᠳ᠂ ᠡᠪᠡᠰᠦ ᠨᠤᠭᠤᠭ᠎ᠠ ᠴᠦ᠍ ᠰᠡᠳᠭᠢᠯ ᠳᠡᠳᠡᠮ᠎ᠡ ᠴᠡᠩᠭᠡᠷ ᠬᠡᠬᠡ᠎ᠲᠠᠢ ᠪᠤᠯᠴᠢᠬᠠᠭ᠍ᠰᠠᠨ ᠰᠠᠨ᠃ ᠢᠬᠡᠷ᠎ᠡ ᠬᠦᠬᠡ ᠮᠠᠨᠢ ᠠᠯᠢᠶ᠎ᠠ ᠴᠤᠯᠬᠢᠨ ᠳᠠᠭᠤ᠎ᠪᠠᠨ《ᠬᠠᠯᠠᠵᠦ᠍》ᠢᠮᠠᠭ᠎ᠠ ᠭᠡᠳᠡᠭ᠎ᠢᠶᠠᠨ ᠮᠡᠳᠡᠴᠢᠬᠡᠭ᠌ᠰᠡᠨ ᠱᠢᠭ ᠰᠦᠷᠦᠭ ᠳᠤᠮᠳᠠ ᠴᠢᠮᠡᠭᠡ ᠦᠬᠡᠢ᠌ᠬᠡᠨ ᠶᠠᠪᠤᠨ᠎ᠠ᠃ ᠨᠤᠮᠤᠬᠠᠨ ᠬᠡᠬᠡᠷ ᠬᠠᠷᠢᠨ ᠨᠢᠳᠤ᠎ᠨᠢ ᠭᠡᠷᠡᠯᠲᠦᠵᠦ᠍ ᠰᠡᠳᠭᠢᠯ᠎ᠨᠢ ᠰᠡᠷᠬᠦᠬᠡᠳ ᠦᠨᠳᠤᠷ ᠭᠠᠵᠠᠷ᠎ᠤᠨ ᠵᠢᠪᠡᠷ᠎ᠲᠤ ᠢᠯᠡᠳᠳᠡ ᠳᠡᠮᠡᠦᠯᠬᠦ᠌ ᠠᠵᠢ᠃ ᠦᠷᠯᠦᠬᠡ ᠤᠷᠤᠢ ᠱᠢᠪᠠᠭᠤᠳ ᠦᠢᠮᠡᠯᠲᠦᠵᠦ᠍ ᠳᠡᠭ᠌ᠷᠢ᠎ᠶ᠋ᠢᠨ ᠴᠡᠭᠡᠯ᠎ᠳᠤ ᠤᠶᠠᠷᠠᠯ ᠲᠦᠬᠦᠷᠦᠨ᠎ᠡ᠂ ᠨᠢᠳᠤᠨᠤᠨ᠎ᠤ ᠨᠢᠲᠦᠯᠡᠭ᠌ᠰᠡᠨ ᠳᠡᠭ᠌ᠳᠡᠭᠡᠭᠡᠢ ᠮᠢᠨᠢ ᠤᠳᠤ ᠦᠪᠡᠷ᠎ᠢᠶᠠᠨ ᠳᠡᠭ᠌ᠳᠡᠭᠡᠭᠡᠢ ᠳᠠᠭᠠᠭᠤᠯᠤᠭᠠᠳ ᠠᠭᠠᠷ ᠰᠡᠯᠢᠨ ᠨᠢᠰᠴᠦ᠍ ᠪᠠᠢ᠌ᠭ᠎ᠠ ᠪᠢᠵᠠ ᠭᠡᠵᠤ ᠪᠤᠳᠤᠬᠤ᠎ᠳᠤ ᠯᠡ ᠡᠲᠦᠷ ᠬᠤᠨᠤᠭ᠎ᠤᠨ ᠬᠦᠴᠦ᠍ ᠮᠡᠳᠡᠭ᠌ᠳᠡᠨᠡᠮ᠃

ᠱᠢᠬᠦᠳᠡᠷᠢ ᠪᠠᠭᠤᠬᠤ ᠪᠠᠰᠠ ᠭᠠᠢ᠌ᠬᠠᠯᠳᠠᠢ ᠶᠤᠮ ᠪᠢᠯᠡ᠂ ᠴᠡᠯᠮᠡᠭ ᠰᠦᠨᠢ᠎ᠶ᠋ᠢᠨ ᠱᠢᠷᠬᠡᠭ ᠳᠡᠳᠤᠢ ᠡᠬᠦᠯᠡᠨ᠎ᠠᠴᠠ ᠪᠡᠯᠴᠢᠬᠡᠷ ᠲᠦᠬᠦᠷᠡᠩ ᠱᠢᠬᠦᠳᠡᠷᠢ ᠤᠨᠠᠴᠢᠬᠠᠨ᠎ᠠ ᠭᠡᠭ᠌ᠴᠢ᠃ ᠪᠦᠷᠬᠦᠭ ᠰᠡᠪᠡᠯᠵᠡᠬᠦᠷ ᠦᠳᠡᠰᠢ ᠪᠤᠯ ᠪᠠᠰᠠ ᠪᠠᠭᠤᠬᠤ ᠦᠭᠡᠢ ᠱᠢᠦ ᠳ᠋ᠠ᠂ ᠳᠡᠭᠡᠭᠡᠳ ᠱᠢᠬᠦᠳᠡᠷᠢ ᠤᠨᠠᠬᠤ᠎ᠪᠠᠷ ᠨᠤᠢ᠌ᠷ ᠤᠯᠠᠮ ᠪᠦᠬᠡ᠂ ᠤᠯᠠᠮ ᠠᠮᠳᠠᠳᠠᠢ ᠪᠤᠯᠳᠠᠭ᠃ ᠦᠷᠯᠦᠭᠡ ᠳᠠᠭᠠᠷᠠᠵᠦ᠍ ᠰᠡᠷᠡᠭᠡᠳ ᠪᠢ ᠱᠢᠬᠦᠳᠡᠷᠢ ᠦᠵᠡᠬᠦ᠌᠎ᠪᠠᠷ ᠭᠠᠷᠤᠯ᠎ᠠ᠂ ᠮᠡᠳᠡᠭ᠌ᠳᠡᠮ᠎ᠡ ᠱᠢᠭᠤᠭ᠍ᠳᠠᠭ᠍ᠰᠠᠨ ᠡᠪᠡᠰᠦᠨ᠎ᠤ ᠦᠵᠦᠬᠦᠷ᠎ᠲᠤ ᠵᠢᠵᠢᠭ᠌ᠬᠡᠨ ᠮᠦᠩᠭᠦᠨ ᠳᠤᠰᠣᠯ ᠪᠦᠩᠵᠢᠭᠡᠨᠡᠵᠦ᠍ ᠬᠦᠨᠳᠡᠮᠡᠭ᠌ᠴᠡ ᠬᠦᠯ ᠠᠯᠳᠠᠨ ᠳᠤᠷᠤᠭ᠍ᠰᠢ ᠵᠢᠷᠢᠯᠵᠠᠨ᠎ᠠ᠃ ᠴᠡᠴᠡᠭ ᠡᠭᠡᠴᠢ ᠬᠦᠯ ᠨᠢᠴᠦᠬᠦᠨ ᠳᠤᠭᠤᠯ ᠡᠷᠬᠢᠬᠦᠯᠵᠦ᠍ ᠢᠷᠡᠭᠡᠳ ᠪᠡᠭᠡᠷᠡᠭ᠌ᠰᠡᠨ ᠬᠦᠯ᠎ᠢᠶᠠᠨ ᠡᠪᠦᠷ᠎ᠲᠤ ᠱᠢᠷᠭᠤᠭᠤᠯᠵᠦ᠍ ᠰᠡᠷᠡᠭᠡᠳᠡᠭ ᠰᠠᠨ᠃ ᠨᠤᠢ᠌ᠷ᠎ᠢᠶᠠᠨ ᠬᠠᠷᠠᠮᠨᠠᠵᠦ᠍ ᠢᠰᠭᠦᠴᠡᠪᠡᠯ ᠨᠡᠩ ᠴᠦ᠍ ᠳᠠᠪᠠᠷᠠᠵᠦ᠍ ᠰᠤᠭᠤ ᠤᠷᠤᠭᠤ ᠬᠦᠯ᠎ᠢᠶᠠᠨ ᠵᠢᠬᠢᠴᠢᠬᠡᠳᠡᠭ ᠠᠳᠠᠳᠠᠢ ᠠᠮᠢᠳᠠᠨ᠃ ᠢᠩᠭᠢᠵᠦ᠍ ᠡᠷᠳᠡ ᠰᠡᠷᠡᠭᠡᠳ ᠠᠳᠠᠳᠠᠢ ᠠᠮᠢᠳᠠᠨ᠎ᠢ ᠦᠬᠡᠢ᠌ᠯᠡᠬᠦ᠌᠎ᠳᠡᠭᠡᠨ  ᠪᠢ ᠠᠬᠢᠭᠠᠳ ᠬᠦᠯ᠎ᠢᠶᠠᠨ ᠡᠪᠦᠷ᠎ᠲᠤ ᠱᠢᠷᠭᠤᠭᠤᠯᠪᠠᠯ ᠪᠦᠯᠢᠶᠡᠴᠡᠬᠦᠯᠵᠦ᠍ ᠦᠭ᠌ᠭᠦᠨ᠎ᠡ ᠳ᠋ᠠ ᠭᠡᠵᠤ ᠪᠤᠳᠤᠭ᠍ᠰᠠᠨ ᠶᠤᠮ᠃

ᠱᠢᠬᠦᠳᠡᠷᠢ᠎ᠶ᠋ᠢᠨ ᠤᠰᠣ ᠳᠤᠪ ᠳᠤᠩᠭᠠᠯᠠᠭ᠂ ᠪᠠᠰᠠ ᠳᠡᠢ᠌ᠮᠦ᠍ ᠵᠢᠩᠭᠢᠨᠡᠮ᠎ᠡ᠃ ᠴᠤᠮᠴᠤᠢ᠌ᠵᠦ᠍ ᠰᠠᠭᠤᠭᠠᠳ ᠱᠢᠬᠦᠳᠡᠷᠢ᠎ᠶ᠋ᠢᠨ ᠮᠦᠬᠦᠯᠢᠭ᠎ᠢ ᠱᠤᠬᠤᠭᠤᠷᠬᠠᠵᠦ᠍ ᠠᠳᠠᠯ᠎ᠠ ᠨᠦᠬᠦᠬᠡ ᠴᠠᠭᠠᠨ ᠡᠷᠪᠡᠬᠡᠢ ᠡᠪᠡᠰᠦᠨ᠎ᠤ ᠢᠷᠤᠭᠠᠷ᠎ᠠᠴᠠ ᠠᠷᠠᠢ᠌ᠬᠠᠨ ᠳᠠᠯᠢᠪᠢᠯᠵᠠᠭ᠍ᠰᠠᠭᠠᠷ ᠭᠠᠷᠴᠦ᠍ ᠢᠷᠡᠯ᠎ᠡ᠃ ᠳᠠᠯᠠᠪᠴᠢ᠎ᠨᠢ ᠬᠠᠷᠢᠨ ᠳᠡᠭᠡᠭᠡᠷ᠎ᠡ ᠪᠤᠯᠴᠢᠬᠠᠭ᠍ᠰᠠᠨ ᠱᠢᠭ᠋ ᠵᠦᠳᠡᠬᠦᠷᠢᠳᠡᠢ᠌ᠬᠡᠨ ᠳᠡᠪᠢᠬᠦ᠌᠎ᠨᠢ ᠬᠠᠴᠢᠨ᠂ ᠡᠷᠳᠡ᠎ᠶ᠋ᠢᠨ ᠱᠢᠬᠦᠳᠡᠷᠢ᠎ᠳᠤ ᠪᠡᠭᠡᠷᠡᠭ᠌ᠰᠡᠨ ᠠᠮᠢᠳᠠᠨ ᠡᠪᠡᠰᠦᠨ᠎ᠤ ᠦᠵᠦᠬᠦᠷ᠎ᠲᠤ ᠳᠤᠭ᠍ᠳᠠᠵᠦ᠍ ᠶᠠᠳᠠᠨ ᠬᠡᠳᠤᠨᠳᠡ ᠳᠡᠮᠳᠡᠴᠢᠵᠦ᠍ ᠪᠠᠢ᠌ᠮᠠᠨᠵᠢᠨ ᠬᠦᠯ᠎ᠢᠶᠠᠨ ᠤᠯᠬᠤ ᠱᠢᠭ᠋ ᠪᠤᠯᠪᠠ᠃ ᠬᠦᠬᠡᠷᠦᠬᠦᠢ᠂ ᠴᠡᠴᠡᠭ ᠡᠭᠡᠴᠢ ᠡᠨᠡ ᠬᠤᠶᠠᠷ ᠡᠢ᠌ᠮᠦ᠍ ᠯᠡ ᠳᠠᠭᠠᠷᠠᠬᠤ᠎ᠶ᠋ᠢ ᠳᠠᠭᠠᠭᠠᠳᠠᠭ ᠦᠭᠡᠢ ᠠᠮᠢᠳᠠᠳ ᠪᠠᠢ᠌ᠭ᠍ᠰᠠᠨ ᠠᠵᠢ᠃ ᠬᠦᠷᠡᠩ ᠳᠡᠮᠳᠡᠷᠢᠬᠦᠯ᠎ᠨᠢ ᠬᠦᠷᠳᠡᠯ᠎ᠡ ᠴᠡᠴᠡᠷᠬᠢᠯᠡᠬᠦ᠌ ᠱᠢᠭ ᠰᠠᠨᠠᠭ᠍ᠳᠠᠭᠠᠳ ᠱᠢᠬᠦᠳᠡᠷᠢᠳᠠᠢ ᠡᠪᠡᠰᠦᠨ᠎ᠳᠤ ᠬᠦᠯ᠎ᠢᠶᠠᠨ ᠬᠦᠷᠭᠡᠬᠦ᠌᠎ᠠᠴᠠ ᠵᠢᠷᠦᠭᠡᠱᠢᠶᠡᠬᠦ᠌ ᠮᠡᠲᠦ ᠪᠠᠢ᠌ᠵᠦ᠍ ᠶᠠᠳᠠᠬᠤ᠎ᠨᠢ ᠦᠷᠦ᠍ ᠡᠪᠡᠳᠤᠮᠡᠷ᠃ ᠴᠡᠴᠡᠭ ᠡᠭᠡᠴᠢ ᠨᠤᠢ᠌ᠳᠠᠨ ᠡᠪᠡᠰᠦᠨ ᠳᠤᠮᠳᠠ ᠬᠢᠰᠭᠢᠬᠦ᠌ ᠭᠠᠵᠠᠷ᠎ᠢᠶᠠᠨ ᠤᠯᠬᠤ ᠦᠭᠡᠢ ᠬᠦᠯ᠎ᠢᠶᠠᠨ ᠳᠡᠭᠡᠷ᠎ᠡ ᠡᠷᠬᠦᠨ ᠵᠦᠭᠡᠭᠡᠭ᠌ᠰᠡᠭᠡᠷ ᠭᠡᠷ ᠵᠦᠭ ᠬᠤᠷᠳᠤᠯᠠᠵᠦ᠍ ᠠᠭ᠍ᠰᠠᠨ ᠴᠦ᠍ ᠪᠢᠯᠡ ᠦᠦ？

ᠨᠠᠷᠠ ᠠᠭᠠᠵᠢᠮ᠎ᠢᠶᠠᠷ ᠬᠠᠯᠠᠵᠦ᠍ ᠱᠢᠬᠦᠳᠡᠷᠢ ᠡᠭ᠌ᠰᠢᠭᠡᠳ ᠠᠯᠤᠰ᠎ᠤᠨ ᠠᠭᠤᠯᠠᠰ᠎ᠲᠤ ᠤᠨᠢᠶᠠᠷ ᠪᠤᠯᠤᠨ ᠳᠤᠭ᠍ᠳᠠᠨ᠎ᠠ᠃ ᠵᠡᠬᠦᠨ ᠪᠠᠯ᠎ᠤᠨ ᠵᠢᠪᠡᠷ ᠨᠠᠮᠤᠷ᠎ᠤᠨ ᠦᠨᠦᠷ᠎ᠢ ᠬᠤᠷᠤᠮᠬᠠᠨ᠎ᠠ ᠠᠪᠴᠢᠷᠠᠵᠦ᠍ ᠬᠦᠲᠦᠯ ᠳᠤᠯᠤᠭᠠᠳ᠎ᠢ ᠡᠩ᠎ᠳᠤᠨᠢ ᠬᠡᠢ᠌ᠷᠭᠡᠬᠦᠯᠦᠭᠡᠳ᠂ ᠨᠠᠮ᠎ᠠ᠎ᠶ᠋ᠢ ᠪᠠᠰᠠ ᠬᠠᠴᠢᠨ ᠳᠤᠭ᠍ᠳᠠᠪᠤᠷᠢ ᠠᠯᠳᠠᠭᠤᠯᠤᠭ᠍ᠰᠠᠨ᠎ᠢ ᠶᠠᠭᠠᠬᠢᠨ᠎ᠠ᠃ ᠦᠨᠦᠳᠦᠷ ᠠᠯᠤᠰ ᠳᠡᠢ᠌ᠰᠢ ᠰᠤᠨᠤᠯᠵᠠᠭ᠍ᠰᠠᠨ ᠱᠢᠷ᠎ᠡ ᠵᠠᠮ᠎ᠢ ᠯᠡ ᠬᠠᠷᠠᠭᠤᠯᠳᠠᠭᠠᠳ ᠰᠠᠭᠤᠮᠠᠷ᠂ ᠴᠡᠴᠡᠭ ᠡᠭᠡᠴᠢ ᠳᠡᠷᠡ ᠵᠠᠮ᠎ᠢᠶᠠᠷ ᠬᠤᠳᠠ ᠤᠷᠤᠭᠤ ᠶᠠᠪᠤᠭ᠍ᠰᠠᠨ᠂ ᠳᠡᠭᠡᠪᠡᠯ ᠳᠡᠷᠳᠡᠭᠡ᠎ᠠᠴᠠ ᠢᠷᠡᠬᠦ᠌᠎ᠳᠡᠭᠡᠨ ᠪᠠᠰᠠ ᠳᠡᠷᠡ ᠵᠠᠮ᠎ᠢᠶᠠᠷ ᠳᠤᠳᠤᠷᠠᠨ ᠨᠠᠭᠠᠱᠢᠯᠠᠬᠤ᠎ᠨᠢ ᠮᠡᠳᠡᠭᠡᠵᠢ᠃ ᠰᠡᠭ᠌ᠰᠡᠭᠡᠷ ᠬᠠᠯᠳᠠᠷ ᠮᠢᠨᠢ ᠡᠭᠡᠪᠦᠷ ᠨᠠᠷᠠᠨ᠎ᠳᠤ ᠳᠤᠭ᠍ᠵᠢᠷᠠᠵᠦ᠍᠂ ᠵᠡᠬᠦᠲᠦᠯᠡᠭ᠌ᠰᠡᠨ ᠪᠤᠯᠤᠯᠳᠠᠢ ᠬᠦᠯᠦᠭᠡᠨ ᠬᠤᠭᠤᠯᠠᠢ᠎ᠪᠠᠷ ᠨᠢᠬᠡᠨᠳᠡ ᠬᠤᠴᠠᠭ᠍ᠰᠠᠨ᠎ᠢᠶᠠᠨ ᠪᠡᠶ᠎ᠡ᠎ᠪᠠᠨ ᠤᠯᠠᠮ ᠯᠡ ᠳᠡᠨᠢ᠌ᠯᠭᠡᠵᠦ᠍ ᠠᠨᠢᠷ ᠬᠤᠯᠠ᠎ᠶ᠋ᠢᠨ ᠴᠢᠮᠡᠭᠡ᠎ᠶ᠋ᠢ ᠴᠢᠩᠨᠠᠬᠤ ᠱᠢᠭ᠋ ᠪᠤᠯᠪᠠ᠃

ᠴᠡᠴᠡᠭ ᠡᠭᠡᠴᠢ᠎ᠲᠠᠢ ᠨᠠᠮᠤᠷ᠎ᠤᠨ ᠱᠢᠷ᠎ᠠ ᠠᠷᠭᠠᠯ ᠳᠡᠬᠦᠳᠡᠭ ᠰᠠᠨ᠂ ᠡᠨᠡ ᠨᠠᠮᠤᠷ ᠭᠠᠭ᠍ᠴᠠᠭᠠᠷ᠎ᠢᠶᠠᠨ ᠳᠡᠬᠦᠬᠦ᠌ ᠬᠡᠷᠡᠭ ᠪᠤᠯᠤᠭ᠍ᠰᠠᠨ ᠪᠢᠵᠠ᠃ ᠠᠷᠤᠭ᠎ᠲᠠᠢ ᠠᠷᠭᠠᠯ᠎ᠢᠶᠠᠨ ᠴᠢᠳᠭᠤᠴᠢᠬᠠᠭᠠᠳ ᠬᠠᠵᠠᠭᠤ᠎ᠳᠤᠨᠢ ᠬᠦᠯᠦᠰᠦ᠎ᠪᠠᠨ ᠰᠡᠪᠬᠢᠭᠡᠬᠦ᠌᠎ᠪᠠᠷ ᠰᠠᠭᠤᠪᠠᠯ ᠡᠪᠦᠳᠦᠭ ᠳᠤᠤᠷ᠎ᠡ᠎ᠠᠴᠠ ᠴᠠᠳᠭᠤᠯᠠᠩ ᠴᠠᠷᠴᠠᠬᠠᠢ ᠦᠰᠦᠷᠦᠨ ᠵᠠᠢ᠌ᠯᠠᠭᠠᠳ ᠤᠤᠯ᠎ᠤᠨ ᠬᠡᠪ᠎ᠢᠶᠠᠷ᠎ᠢᠶᠠᠨ ᠴᠠᠷᠬᠢᠵᠦ᠍ ᠭᠠᠷᠳᠠᠭ ᠰᠠᠨ᠃ 《ᠡᠨᠡ ᠬᠦᠨᠳᠡᠢ᠎ᠶ᠋ᠢᠨ ᠠᠷᠭᠠᠯ᠎ᠢ ᠬᠤᠶᠠᠭᠤᠯᠠ ᠵᠢᠯ ᠵᠢᠯ ᠳᠡᠬᠦᠨ᠎ᠡ ᠱᠢᠦ》 ᠭᠡᠵᠤ ᠴᠡᠴᠡᠭ ᠡᠭᠡᠴᠢ ᠬᠡᠯᠡᠭᠡᠳ ᠶᠡᠭᠡ ᠠᠮᠢᠳᠤᠷᠠᠯ ᠦᠵᠡᠭ᠌ᠰᠡᠨ ᠬᠦᠮᠦᠨ ᠱᠢᠭ ᠳᠡᠷᠳᠡᠭᠡ ᠬᠦᠪᠡᠭᠡ ᠤᠷᠤᠭᠤ ᠰᠠᠨᠠᠭᠠᠱᠢᠷᠠᠨ ᠱᠢᠷᠳᠡᠳᠡᠭ ᠪᠠᠢ᠌ᠭ᠍ᠰᠠᠨ ᠪᠢᠯᠡ᠃

ᠠᠪᠤ᠎ᠶ᠋ᠢᠨ ᠴᠠᠮᠴᠠᠨ᠎ᠠᠴᠠ ᠬᠠᠳᠤᠯᠠᠩ᠎ᠤᠨ ᠦᠨᠦᠷ ᠦᠨᠦᠷᠲᠦᠬᠦ᠌᠎ᠨᠢ ᠰᠠᠢ᠌ᠬᠠᠨ᠂ ᠨᠠᠳᠠ᠎ᠠᠴᠠ ᠪᠠᠰᠠ ᠳᠡᠢ᠌ᠮᠦ᠍ ᠦᠨᠦᠷ ᠭᠠᠷᠪᠠᠯ ᠶᠠᠮᠠᠷ ᠭᠤᠶᠤ ᠪᠤᠢ ᠭᠡᠵᠤ ᠪᠢ ᠬᠦᠰᠡᠮᠵᠢᠯᠡᠨ᠎ᠡ᠃ ᠳᠡᠭᠡᠭᠡᠳ ᠯᠡ ᠬᠠᠳᠤᠯᠠᠩ᠎ᠳᠤ ᠭᠠᠷᠴᠦ᠍ ᠡᠪᠡᠰᠦ ᠬᠠᠳᠤᠵᠦ᠍ ᠦᠵᠡᠬᠦ᠌ ᠰᠠᠨ᠂ ᠠᠴᠠ ᠪᠠᠷᠢᠭᠠᠳ ᠡᠪᠡᠰᠦ ᠳᠡᠭᠡᠭᠡᠵᠦ᠍ ᠦᠵᠡᠬᠦ᠌ ᠰᠠᠨ ᠭᠡᠵᠤ ᠠᠭᠠᠵᠠᠭᠠᠢ ᠬᠦᠳᠡᠯᠦᠨ᠎ᠡ᠃ ᠬᠡᠷᠪᠡ ᠴᠡᠴᠡᠭ ᠡᠭᠡᠴᠢ ᠪᠠᠢ᠌ᠭ᠍ᠰᠠᠨ ᠪᠤᠯ 《ᠡᠷ᠎ᠡ》 ᠪᠤᠯᠤᠭ᠍ᠰᠠᠨ᠎ᠢᠶᠠᠨ ᠬᠠᠷᠠᠭᠤᠯᠬᠤ ᠰᠠᠨ ᠭᠡᠵᠤ ᠴᠦ᠍ ᠪᠤᠳᠤᠨ᠎ᠠ᠃ ᠬᠠᠪᠤᠷ ᠵᠤᠨ ᠨᠠᠮᠤᠷ᠎ᠢᠶᠠᠷ ᠭᠠᠭ᠍ᠴᠠᠭᠠᠷ᠎ᠢᠶᠠᠨ ᠠᠵᠢᠯ᠎ᠳᠤ 《ᠡᠬᠦᠷᠲᠦᠭ᠌ᠰᠡᠨ》 ᠬᠦᠮᠦᠨ ᠪᠢᠷ᠎ᠠ ᠰᠠᠭᠤᠯ ᠦᠭᠡᠢ ᠴᠦ᠍ ᠶᠠᠭᠠᠬᠢᠬᠤ ᠪᠤᠢ᠃ ᠨᠠᠮᠤᠷ ᠴᠠᠭ ᠶᠡᠷᠦ᠍᠎ᠨᠢ ᠬᠦᠮᠦᠨ᠎ᠢ ᠰᠡᠳᠭᠢᠯ ᠠᠯᠭᠠᠰᠠᠭᠤᠯᠵᠦ᠍ ᠰᠠᠨᠠᠭ᠎ᠠ ᠠᠯᠳᠠᠭᠤᠯᠳᠠᠭ ᠶᠤᠮ ᠪᠢᠯᠡ᠃ ᠱᠢᠪᠠᠭᠤᠳ ᠪᠤᠴᠠᠵᠦ᠍ ᠠᠭᠤᠯᠠᠰ ᠨᠠᠮᠱᠢᠭᠠᠳ ᠡᠪᠡᠰᠦ ᠨᠠᠪᠴᠢ ᠵᠤᠯᠭᠠᠷᠠᠵᠦ᠍ ᠮᠦᠴᠢᠷ ᠨᠠᠮᠠᠭ᠎ᠠ ᠨᠢᠴᠦᠬᠦᠷᠡᠨ᠎ᠡ᠂ ᠪᠠᠢ᠌ᠭ᠍ᠰᠠᠨ ᠵᠤᠢ᠌ᠯᠠᠰ ᠠᠯᠠᠭ᠎ᠠ ᠪᠤᠯᠵᠦ᠍ ᠪᠠᠷᠢᠭ᠍ᠰᠠᠨ ᠳᠠᠯᠪᠢᠭ᠍ᠰᠠᠨ ᠮᠠᠷᠳᠠᠭ᠍ᠳᠠᠬᠤ ᠰᠤᠨᠢᠨ ᠯᠡ ᠴᠠᠭ ᠱᠢᠦ᠂ ᠪᠠᠰᠠ᠃ ᠴᠡᠴᠡᠭ ᠡᠭᠡᠴᠢ᠎ᠠᠴᠠ ᠰᠤᠷᠤᠭ᠍ᠰᠠᠨ ᠳᠠᠭᠤᠤ᠎ᠪᠠᠨ ᠪᠦᠬᠦᠳᠡ ᠵᠢ ᠠᠶᠠᠯᠵᠦ᠍ ᠦᠵᠡᠭ᠌ᠰᠡᠨ ᠴᠦ᠍ ᠨᠠᠮᠤᠷ ᠴᠠᠭ ᠨᠠᠭᠠᠱᠢᠯᠠᠬᠤ᠎ᠪᠠᠷ᠎ᠢᠶᠠᠨ ᠨᠠᠭᠠᠱᠢᠯᠠᠵᠦ᠍᠂ ᠴᠠᠭᠠᠱᠢᠯᠠᠬᠤ᠎ᠪᠠᠷ᠎ᠢᠶᠠᠨ ᠴᠠᠭᠠᠱᠢᠯᠠᠭ᠍ᠰᠠᠨ ᠳ᠋ᠠ᠃

ᠵᠡᠬᠦᠨ ᠠᠭᠤᠯᠠ᠎ᠶ᠋ᠢᠨ ᠡᠪᠦᠯᠵᠢᠶᠡᠨ᠎ᠳᠤ ᠨᠡᠬᠦᠭᠡᠳ ᠠᠷᠠᠢ ᠬᠡᠳᠤ ᠬᠤᠨᠤᠯ ᠦᠭᠡᠢ ᠴᠠᠰᠣ ᠤᠷᠤᠭ᠍ᠰᠠᠨ ᠪᠢᠯᠡ᠃ ᠦᠷᠯᠦᠭᠡ ᠰᠡᠷᠡᠭᠡᠳ ᠪᠤᠰᠴᠦ᠍ ᠭᠠᠷᠪᠠᠯ ᠳᠡᠭ᠌ᠷᠢ ᠭᠠᠵᠠᠷ ᠲᠦᠬᠦᠷᠳᠡᠯ᠎ᠡ ᠴᠠᠭᠠᠨ ᠡᠷᠪᠡᠬᠡᠢ ᠪᠤᠵᠢᠬᠢᠨᠠᠬᠤ ᠠᠵᠢ᠂ ᠵᠠᠭᠤ ᠮᠢᠩᠭᠠᠨ ᠡᠷᠪᠡᠬᠡᠢ ᠡᠴᠡᠵᠦ᠍ ᠴᠤᠴᠠᠬᠤ᠎ᠪᠠᠨ ᠮᠡᠳᠡᠯ ᠦᠭᠡᠢ ᠨᠢᠬᠡ ᠯᠡ ᠬᠡᠪ᠎ᠢᠶᠠᠷ ᠪᠤᠵᠢᠬᠢᠨᠠᠬᠤ᠎ᠶ᠋ᠢ ᠬᠠᠷᠠᠭᠠᠳ ᠨᠢᠳᠤᠨ᠎ᠳᠤ ᠨᠢᠯᠪᠤᠰᠣ ᠲᠦᠬᠦᠷᠦᠭᠡᠳ ᠢᠷᠡᠭ᠌ᠰᠡᠨ ᠶᠤᠮ᠃ ᠬᠠᠪᠤᠷ ᠵᠤᠨ ᠨᠠᠮᠤᠷ᠎ᠢᠶᠠᠷ ᠯᠡ ᠬᠠᠷᠠᠭ᠍ᠳᠠᠳᠠᠭ 《ᠬᠤᠪᠤᠷ》 ᠠᠮᠢᠳᠠᠨ ᠦᠨᠦ᠍ ᠢᠩᠭᠢᠵᠦ᠍ ᠨᠢᠯᠪᠤᠰᠣ ᠮᠡᠯᠮᠡᠷᠡᠳᠡᠯ᠎ᠡ ᠨᠢᠰᠭᠦ ᠭᠡᠭ᠌ᠴᠢ᠃

ᠤᠶᠠᠭᠠᠨ ᠳᠡᠭᠡᠷ᠎ᠡ ᠨᠤᠮᠤᠬᠠᠨ ᠬᠡᠭᠡᠷ ᠴᠠᠪ ᠴᠠᠭᠠᠨ ᠰᠤᠷᠮᠤᠤᠰᠣ᠎ᠲᠠᠢ ᠵᠡᠬᠦᠷᠮᠡᠭ᠌ᠯᠡᠨ᠎ᠡ᠂ ᠡᠬᠡᠷ ᠳᠠᠳᠠᠬᠤ ᠴᠢᠮᠡᠭᠡ᠎ᠪᠠᠷ ᠬᠦᠷᠡᠩ ᠨᠢᠳᠤ᠎ᠪᠠᠨ ᠠᠶᠠᠷᠬᠠᠨ ᠨᠡᠬᠡᠬᠡᠵᠦ᠍ ᠠᠵᠢᠭ᠍ᠯᠠᠭ᠍ᠰᠠᠨ᠎ᠢᠶᠠᠨ ᠬᠦᠯ᠎ᠢᠶᠠᠨ ᠰᠤᠯᠢᠵᠦ᠍ ᠳᠠᠬᠢᠭᠠᠳ 《ᠳᠤᠭ᠍ᠵᠢᠷᠠᠭ᠍ᠰᠠᠨ》 ᠨᠢ ᠳᠡᠢ᠌ᠮᠦ᠍ ᠯᠡ ᠠᠶᠠᠨᠳᠠᠭᠠᠨ᠃ ᠪᠠᠷᠠᠭᠤᠨ ᠳᠤᠤᠷ᠎ᠡ᠎ᠠᠴᠠ ᠰᠦᠷᠦᠭ ᠪᠤᠯᠵᠤᠮᠤᠷ ᠱᠤᠬᠢᠨ ᠪᠤᠰᠴᠦ᠍ ᠭᠡᠷ ᠳᠡᠭᠡᠬᠦᠷ ᠡᠷᠬᠢᠯᠲᠦᠬᠡᠳ ᠪᠡᠯᠴᠢᠬᠡᠷ᠎ᠲᠤ ᠭᠠᠷᠤᠭ᠍ᠰᠠᠨ ᠰᠦᠷᠦᠭ᠎ᠤᠨ ᠵᠢᠮ ᠳᠡᠭᠡᠷ᠎ᠡ ᠪᠠᠭᠤᠪᠠ᠃ ᠡᠬᠦᠳ᠋ᠨ ᠤᠢ᠍ᠢᠷᠠᠯᠴᠠᠭ᠎ᠠ ᠬᠤᠶᠠᠷ ᠱᠠᠭᠠᠵᠠᠭᠠᠢ ᠦᠰᠦᠷᠦᠨ ᠳᠡᠭ᠌ᠳᠡᠵᠦ᠍ ᠪᠡᠶ᠎ᠡ ᠪᠡᠶ᠎ᠡ᠎ᠲᠠᠢ᠎ᠪᠠᠨ ᠦᠷᠢᠰᠦᠨ ᠱᠠᠭ᠍ᠰᠢᠨ᠎ᠠ᠃ ᠡᠪᠦᠯ ᠪᠠᠰᠠ ᠰᠤᠨᠢᠨ ᠶᠤᠮ᠂ ᠨᠡᠬᠦᠬᠡ ᠦᠭᠡᠢ ᠦᠯᠡᠳᠡᠭ᠌ᠰᠡᠨ ᠠᠮᠢᠳᠠᠳ ᠢ᠋ ᠡᠢ᠌ᠨ ᠬᠦ᠌ ᠠᠭᠤᠯᠵᠠᠯᠳᠤᠳᠠᠭ ᠴᠦ᠍ ᠶᠤᠮ ᠦᠦ？

ᠪᠢ ᠤᠬᠢᠯᠠᠭ᠍ᠰᠠᠭᠠᠷ ᠁ ᠴᠠᠪ ᠴᠠᠭᠠᠨ ᠡᠷᠪᠡᠬᠡᠢ ᠵᠤᠭ᠍ᠰᠤᠭ᠎ᠠ ᠵᠢᠯᠤᠭᠤ ᠦᠭᠡᠢ ᠪᠦᠵᠢᠭ᠌ᠰᠡᠭᠡᠷ ᠨᠢᠯᠪᠤᠰᠣ᠎ᠲᠠᠢ ᠨᠡᠢ᠌ᠯᠡᠵᠦ᠍ ᠬᠠᠴᠠᠷ ᠤᠷᠤᠭᠤ ᠤᠷᠤᠰᠤᠯ᠎ᠠ᠃ ᠰᠡᠭ᠌ᠰᠡᠭᠡᠷ ᠬᠠᠯᠳᠠᠷ ᠭᠠᠢ᠌ᠬᠠᠱᠢᠷᠠᠨ ᠤᠢ᠍ᠢᠷᠠᠳᠤᠭ᠍ᠰᠠᠭᠠᠷ ᠬᠠᠵᠠᠭᠤ᠎ᠳᠤ ᠢᠷᠡᠵᠦ᠍ ᠬᠦᠩᠭᠡᠭᠡᠨ ᠦᠨᠦᠷᠯᠡᠬᠡᠳ ᠯᠡ ᠬᠠᠷᠠᠴᠠ᠎ᠨᠢ ᠵᠢᠭ᠌ᠳᠡᠢ᠌ᠬᠡᠨ ᠵᠦᠭᠡᠯᠡᠷᠡᠭ᠌ᠰᠡᠨ ᠪᠢᠯᠡ᠃ 《ᠬᠦᠱ᠌ᠢ᠂ ᠴᠠᠢ᠎ᠪᠠᠨ ᠤᠤᠭᠤᠭᠠᠴᠢ ᠡ》 ᠭᠡᠵᠤ ᠠᠪᠤ ᠭᠡᠷ᠎ᠠᠴᠠ ᠳᠠᠭᠤᠳᠠᠭ᠍ᠰᠠᠨ ᠴᠦ᠍ ᠬᠠᠷᠢᠭᠤ ᠦᠭ᠌ᠬᠦᠭᠡ ᠦᠭᠡᠢ ᠪᠤᠯᠬᠤᠷ ᠡᠬᠦᠳᠡ ᠰᠡᠬᠦᠨ ᠭᠠᠷᠴᠦ᠍ ᠢᠷᠡᠭᠡᠳ᠄ 《ᠶᠠᠭᠠᠬᠢᠪᠠ ᠡ᠂ ᠡᠢ᠌ᠮᠦ᠍ ᠳᠤᠮᠤ ᠡᠷ᠎ᠡ ᠬᠦᠮᠦᠨ ᠪᠠᠰᠠ ᠤᠬᠢᠯᠠᠴᠢᠬᠠᠳᠠᠭ ᠶᠤᠮ ᠦᠦ？》 ᠭᠡᠳ ᠪᠦᠬᠦᠢ᠌ᠨ ᠦᠨᠦᠰᠦᠯ᠎ᠡ᠃ ᠰᠡᠳᠭᠢᠯ ᠠᠭ᠍ᠱᠠᠨ᠎ᠠ ᠭᠤᠮᠤᠳᠠᠯ᠎ᠳᠤ ᠡᠵᠡᠯᠡᠭ᠌ᠳᠡᠵᠦ᠍ ᠨᠢᠯᠪᠤᠰᠣ ᠤᠷᠤᠰᠤᠭᠠᠳ ᠪᠢ ᠤᠯᠠᠮ ᠯᠡ ᠡᠭᠡᠷ ᠳᠠᠳᠠᠴᠢᠬᠠᠭ᠍ᠰᠠᠨ ᠰᠠᠨ᠃

ᠴᠠᠰᠣᠨ᠎ᠤ ᠮᠠᠨᠠᠨ ᠠᠭᠤᠯᠠ ᠳᠤᠯᠤᠭᠠᠳ᠎ᠢ ᠵᠠᠯᠬᠢᠵᠦ᠍ ᠬᠤᠷᠸ᠎ᠠ ᠶᠢᠷᠲᠢᠨᠴᠦ᠍ ᠡᠩ᠎ᠢᠶᠠᠷ᠎ᠢᠶᠠᠨ ᠡᠷᠪᠡᠬᠡᠢ᠎ᠶ᠋ᠢᠨ ᠳᠠᠪᠠᠯᠭ᠎ᠠ ᠪᠤᠯᠪᠠ᠃ 《ᠪᠢ ᠬᠤᠳᠠ᠎ᠳᠤ ᠶᠠᠪᠤᠨ᠎ᠠ ᠁》 ᠭᠡᠵᠤ ᠡᠭᠡᠷᠡᠪᠡᠯ ᠡᠵᠢ ᠢᠨᠢᠶᠡᠮᠰᠦᠭ᠌ᠯᠡᠵᠦ᠍᠄《ᠡᠨᠡ ᠶᠡᠭᠡ ᠴᠠᠰᠣᠨ᠎ᠳᠤ ᠵᠠᠮ ᠮᠦᠷ ᠳᠡᠮᠵᠢᠶᠡᠯᠡᠭ᠌ᠳᠡᠬᠦ᠌ ᠬᠡᠴᠡᠬᠦᠦ᠂  ᠳᠡᠭ᠌ᠷᠢ ᠨᠠᠷᠠ ᠳᠡᠭ᠌ᠰᠢᠷᠡᠬᠦ᠌ ᠪᠠᠢ᠌ᠯ ᠦᠭᠡᠢ》 ᠭᠡᠯ᠎ᠡ᠃ ᠴᠡᠭᠡᠵᠢᠨ᠎ᠳᠤ ᠴᠦ᠍ ᠡᠷᠪᠡᠬᠡᠢ ᠪᠤᠵᠢᠬᠢᠨᠠᠬᠤ ᠱᠢᠭ᠋ ᠪᠤᠯᠵᠦ᠍ ᠠᠮᠢᠰᠭᠤᠭ᠎ᠠ ᠠᠪᠬᠤ᠎ᠳᠤ ᠯᠡ ᠨᠢᠯᠪᠣᠰᠣ ᠤᠷᠤᠰᠭᠤ ᠭᠡᠳ ᠦᠢᠯᠡ᠎ᠶ᠋ᠢ ᠦᠵᠡᠨ᠎ᠡ᠃

ᠢᠨᠢᠶᠡᠭᠡ ᠦᠭᠡᠢ ᠤᠳᠠᠭ᠍ᠰᠠᠨ ᠱᠢᠭ᠋᠎ᠢᠶᠠᠨ ᠤᠬᠢᠯᠠᠭ᠎ᠠ ᠦᠭᠡᠢ ᠪᠠᠰᠠ ᠶᠡᠭᠡ ᠤᠳᠠᠭ᠍ᠰᠠᠨ᠎ᠢᠶᠠᠨ ᠭᠡᠨᠡᠳᠳᠡ ᠰᠠᠨᠠᠪᠠ᠃《ᠡᠨᠡ ᠡᠷᠪᠡᠬᠡᠢ᠌ᠳ᠂ ᠦᠭᠡᠢ ᠡ᠂ ᠡᠷᠪᠡᠬᠡᠢ ᠱᠢᠭ ᠠᠮᠢᠳᠠᠳ》 ᠭᠡᠵᠤ ᠰᠡᠳᠭᠢᠯ ᠦᠬᠡᠯᠡᠭ᠌ᠰᠡᠭᠡᠷ᠃ ᠠᠪᠤ ᠡᠵᠢ ᠬᠤᠶᠠᠷ ᠲᠦᠩᠭᠡᠷ ᠲᠦᠩᠭᠡᠷ ᠶᠠᠷᠢᠯᠴᠠᠨ ᠬᠦᠷᠢᠶ᠎ᠠ ᠬᠠᠱᠢᠶᠠᠨ᠎ᠤ ᠴᠠᠰᠣ᠎ᠶ᠋ᠢ ᠴᠡᠪᠡᠷᠯᠡᠵᠦ᠍ ᠠᠷᠭᠠᠯ ᠲᠦᠯᠡᠰᠢ᠎ᠪᠠᠨ ᠵᠦᠭᠡᠭᠡᠨ᠎ᠡ᠂ ᠭᠡᠷ᠎ᠤᠨ ᠤᠳᠤᠭ᠎ᠠ ᠳᠡᠭ᠌ᠷᠢ ᠦᠬᠡᠳᠡ ᠰᠤᠪᠤᠷᠠᠬᠤ ᠳᠤᠳᠤᠮ ᠡᠷᠪᠡᠬᠡᠢ ᠤᠯᠠᠮ ᠦᠷᠨᠢᠨ ᠪᠦᠵᠢᠨ᠎ᠡ᠃

ᠡᠨᠡ ᠵᠠᠭᠤ ᠮᠢᠩᠭᠠᠨ ᠡᠷᠪᠡᠬᠡᠢ 《ᠡᠷ᠎ᠡ ᠬᠦᠮᠦᠨ ᠤᠬᠢᠯᠠᠴᠢᠬᠠᠭ᠍ᠰᠠᠨ ᠱᠢᠦ》 ᠭᠡᠵᠤ 《ᠢᠨᠢᠶᠡᠯᠳᠦᠵᠦ᠍》 ᠪᠠᠢ᠌ᠭ᠎ᠠ ᠪᠢᠰᠢ ᠪᠢᠵᠠ？ ᠪᠢ ᠨᠢᠯᠪᠤᠰᠣ᠎ᠪᠠᠨ ᠬᠠᠨᠴᠤᠢ᠎ᠪᠠᠷ᠎ᠢᠶᠠᠨ ᠱᠤᠳᠤᠷᠤᠭᠠᠳ ᠴᠠᠰᠣᠨ᠎ᠤ ᠬᠦᠷᠵᠠ᠎ᠶ᠋ᠢ ᠠᠪᠤᠯ᠎ᠠ᠃ ᠬᠤᠨᠢ ᠢᠮᠠᠭᠠᠨ᠎ᠤ ᠬᠠᠱᠢᠶ᠎ᠠ᠂ ᠳᠤᠭᠤᠯ᠎ᠤᠨ ᠰᠠᠷᠠᠪᠴᠢ᠎ᠶ᠋ᠢ ᠴᠡᠪᠡᠷᠯᠡᠬᠦ᠌ ᠶᠠᠭᠤ ᠯᠡ ᠪᠠᠢ᠌ᠬᠤ ᠪᠤᠢ᠃ ᠨᠡᠩ ᠴᠦ᠍ ᠴᠡᠴᠡᠭ ᠡᠭᠡᠴᠢ ᠪᠠᠢ᠌ᠪᠠᠯ ᠲᠦᠷᠪᠡᠨ ᠴᠠᠭ᠎ᠤᠨ ᠠᠳᠠᠯ ᠴᠦ᠍ ᠡᠨᠡᠬᠦᠬᠡᠨ᠎ᠳᠤᠨᠢ ᠮᠡᠳᠡᠭᠡᠵᠢ᠃