ᠲᠤᠩ ᠬᠤᠯᠠ᠎ᠶ᠋ᠢᠨ ᠰᠠᠨᠰᠠᠷ ᠤᠷᠴᠢᠯᠠᠩ᠎ᠢᠶᠠᠷ

ᠲᠤᠭᠤᠷᠢᠵᠤ ᠶᠡᠷᠤᠨᠢ ᠦᠵᠡᠭᠡ ᠦᠬᠡᠢ ᠪᠢᠯᠡ

ᠰᠠᠷᠠ ᠨᠠᠷᠠ᠎ᠲᠠᠢ ᠪᠤᠯᠵᠤᠵᠤ ᠨᠠᠭᠠᠳᠤᠭ᠍ᠰᠠᠨ

ᠰᠠᠨᠰᠠᠷᠴᠢᠨ᠎ᠢ ᠬᠠᠷᠢᠨ ᠦᠵᠡᠭ᠌ᠰᠡᠨ ᠪᠢᠯᠡ

ᠴᠠᠷ  ᠲᠠᠬᠤᠯ ᠪᠤᠱᠤᠭᠠᠨ ᠲᠡᠭᠡᠷ᠎ᠡ ᠢᠷᠡᠭ᠌ᠰᠡᠨ ᠴᠦ᠍

ᠴᠢᠮᠠᠯᠠᠵᠤ ᠶᠡᠷᠦᠨᠢ ᠠᠩᠵᠠᠭᠠᠷᠠᠭ᠎ᠠ ᠦᠬᠡᠢ ᠶᠠᠪᠤᠯ᠎ᠠ

ᠴᠠᠭ᠎ᠲᠠᠢ ᠤᠷᠤᠯᠳᠤᠨ ᠬᠢᠵᠢᠭ᠎ᠲᠠᠢ ᠲᠡᠮᠡᠴᠡᠭᠡ

ᠴᠠᠭᠠᠨ ᠬᠤᠶᠠᠭ᠎ᠲᠠᠢ ᠪᠠᠢᠯᠳᠤᠭ᠍ᠴᠢ᠎ᠶ᠋ᠢ ᠬᠠᠷᠠᠯ᠎ᠠ

ᠰᠠᠨᠰᠠᠷᠴᠢᠨ᠎ᠤ ᠬᠤᠪᠴᠠᠰᠦ ᠰᠡᠷᠭᠡᠢᠯᠡᠯᠳᠡ᠎ᠶ᠋ᠢᠨ ᠬᠤᠶᠠᠭ

ᠰᠠᠨᠠᠭᠠᠨ᠎ᠳᠤ ᠦᠬᠡᠢ ᠢᠵᠢᠯᠢᠭᠡᠨ ᠬᠠᠷᠠᠭ᠍ᠳᠠᠪᠠ

ᠰᠦᠨ ᠦᠩᠭᠡ᠎ᠲᠠᠢ ᠵᠢᠪᠠᠷ ᠨᠡᠪᠳᠡᠷᠡᠬᠦ᠌ ᠦᠬᠡᠢ

ᠰᠦᠷ ᠬᠦᠴᠦᠨ᠎ᠤ ᠰᠦᠯᠳᠡ ᠪᠠᠢᠪᠠ

ᠰᠠᠨᠰᠠᠷᠴᠢᠨ᠎ᠤ ᠬᠤᠪᠴᠠᠰᠦ᠎ᠶ᠋ᠢ ᠰᠡᠳᠭᠢᠯ ᠲᠤᠭ᠍ᠳᠤᠯᠵᠤ

ᠰᠤᠨᠢᠨ ᠮᠡᠳᠡᠭᠡᠨ᠎ᠠᠴᠠ ᠦᠵᠡᠳᠡᠭ ᠪᠠᠢᠯ᠎ᠠ

ᠰᠡᠷᠭᠡᠢᠯᠡᠯᠳᠡ᠎ᠶ᠋ᠢᠨ ᠬᠤᠶᠠᠭ᠎ᠢ ᠢᠳᠡᠭᠡᠯ ᠡᠷᠴᠢᠯᠡᠨ

ᠬᠢᠵᠢᠭ᠎ᠤᠨ ᠹᠷᠤᠨᠲ᠎ᠠᠴᠠ ᠬᠠᠷᠠᠵᠤ ᠪᠠᠢᠨ᠎ᠠ

ᠨᠢᠭᠡ᠎ᠨᠢ ᠲᠡᠩᠳᠡᠭᠦᠦ ᠲᠡᠩᠳᠡᠬᠦᠦ ᠠᠯᠤᠰ

ᠬᠡᠮᠵᠢᠬᠦ᠌᠎ᠶ᠋ᠢᠨ ᠠᠷᠭ᠎ᠠ ᠦᠬᠡᠢ ᠬᠤᠯᠠ ᠪᠠᠢᠯ᠎ᠠ

ᠨᠦᠭᠦᠭᠡ᠎ᠨᠢ ᠲᠠᠩᠳᠠ ᠲᠠᠩᠳᠠ ᠦᠢᠷᠠᠬᠠᠨ

ᠨᠢᠭᠡᠯᠭᠡᠨ ᠮᠧᠲᠷ᠎ᠤᠨ ᠵᠠᠢ᠎ᠲᠠᠢ ᠪᠠᠢᠨ᠎ᠠ

ᠰᠠᠨᠰᠠᠷᠴᠢᠨ᠎ᠤ ᠬᠤᠪᠴᠠᠰᠤ᠎ᠶ᠋ᠢ ᠲᠡᠳᠡ

ᠲᠦᠷᠦ᠍᠎ᠪᠠᠨ ᠮᠠᠨᠳᠤᠭᠤᠯᠬᠤ ᠭᠡᠵᠤ ᠡᠮᠦᠰᠳᠡᠭ ᠶᠤᠮ

ᠰᠡᠷᠭᠡᠢᠯᠡᠯᠳᠡ᠎ᠶ᠋ᠢᠨ ᠬᠤᠶᠠᠭ᠎ᠢ ᠲᠡᠳᠡ

ᠲᠦᠮᠡᠨ᠎ᠳᠡᠭᠡᠨ ᠦᠢᠯᠡᠴᠢᠯᠡᠬᠦ᠌ ᠭᠡᠵᠤ ᠡᠮᠦᠰᠳᠡᠭ ᠶᠤᠮ

ᠲᠤᠭᠤᠰᠤᠳᠦ ᠶᠢᠷᠳᠢᠨᠴᠦ᠍ ᠬᠤᠯᠠ ᠦᠢᠷ᠎ᠠ᠎ᠶ᠋ᠢᠨ ᠵᠠᠢ᠎ᠲᠠᠢ ᠴᠦ᠍

ᠲᠦᠭᠡᠮᠡᠯ ᠬᠠᠢᠷ᠎ᠠ᠎ᠳᠤ ᠦᠶ᠎ᠡ ᠵᠠᠢ ᠪᠠᠢᠳᠠᠭ ᠦᠬᠡᠢ ᠶᠤᠮ

ᠰᠠᠨᠰᠠᠷ᠎ᠤᠨ ᠠᠶᠠᠨᠴᠢᠨ ᠤᠷᠴᠢᠯᠠᠩ᠎ᠢᠶᠠᠷ ᠵᠤᠭᠠᠯᠠᠭ᠍ᠰᠠᠨ ᠴᠦ᠍

ᠲᠦᠷᠦ᠍ ᠤᠯᠤᠰ᠎ᠠᠴᠠ᠎ᠪᠠᠨ ᠬᠤᠯᠠᠳᠠᠭ᠎ᠠ ᠦᠬᠡᠢ ᠶᠤᠮ

ᠰᠠᠢᠨ ᠲᠤᠷᠠᠴᠤᠤᠯ᠂ ᠡᠮᠴᠢ ᠰᠤᠪᠢᠯᠠᠭ᠍ᠴᠢ ᠨᠠᠷ ᠴᠦ᠍

ᠲᠦᠮᠡᠨ ᠤᠯᠠᠨ᠎ᠲᠠᠢ᠎ᠪᠠᠨ ᠬᠤᠯᠪᠤᠭ᠎ᠠ᠎ᠲᠠᠢ ᠶᠤᠮ

ᠬᠤᠯᠠ ᠦᠢᠷ᠎ᠠ᠎ᠶ᠋ᠢᠨ ᠪᠠᠢᠯᠳᠤᠭ᠍ᠴᠢ ᠲᠠ ᠨᠠᠷ

ᠬᠤᠶᠠᠭ᠎ᠢᠶᠠᠨ ᠡᠮᠦᠰᠦᠭᠡᠳ ᠯᠠ ᠭᠠᠷᠬᠤ ᠶᠤᠮ ᠪᠤᠯ

ᠬᠡᠨ ᠠᠯᠢᠨ᠎ᠨᠢ ᠴᠦ᠍ ᠲᠠᠨᠢᠭ᠍ᠳᠠᠬᠤ ᠦᠬᠡᠢ ᠶᠤᠮ

ᠬᠡᠨ᠎ᠤ ᠲᠦᠯᠦᠭᠡ᠎ᠨᠢ ᠬᠠᠷᠢᠨ ᠮᠡᠳᠡᠭ᠌ᠳᠡᠭᠦ᠌ ᠶᠤᠮ

ᠵᠠᠢ᠎ᠲᠠᠢ ᠬᠤᠷᠸ᠎ᠠ ᠦᠵᠡᠰᠭᠦᠯᠡᠩ ᠲᠡᠭᠦᠯᠳᠡᠷ

ᠵᠠᠢ᠎ᠲᠠᠢ ᠶᠢᠷᠳᠢᠨᠴᠦ᠍ ᠡᠩᠬᠡ ᠲᠦᠪᠱᠢᠨ

ᠬᠠᠷᠠᠬᠤ᠎ᠳᠤ ᠲᠠᠩᠳᠠ ᠵᠠᠢ᠎ᠲᠠᠢ ᠪᠠᠢᠪᠠᠴᠦ᠍

ᠰᠠᠨᠠᠬᠤ᠎ᠳᠤ ᠬᠠᠷᠢᠨ ᠵᠠᠢ ᠦᠬᠡᠢ ᠶᠤᠮ