— 《ᠱᠢᠯᠢᠶ᠋ᠢᠨ ᠭᠤᠤᠯ》 ᠰᠡᠳᠬᠦᠯᠤᠨ ᠬᠡᠪᠯᠡᠯ ᠡᠬᠢᠯᠡᠭ᠌ᠰᠡᠨ 40 ᠵᠢᠯᠤᠨ ᠤᠢᠶ᠋ᠢᠨ ᠡᠷᠭᠢᠴᠡᠭᠦᠯᠦᠯ ᠲᠡᠮᠳᠡᠭ᠌ᠯᠡᠯ
ᠱᠢᠯᠢᠶ᠋ᠢᠨ ᠭᠤᠤᠯ — ᠱᠢᠵᠢᠷ ᠲᠤᠯᠬᠢᠶᠠᠨ ᠬᠠᠶᠠᠯᠠᠨ ᠱᠢᠯᠢ ᠨᠤᠲᠤᠭᠢᠶᠠᠨ ᠤᠮᠳᠠᠯᠠᠬᠤ ᠡᠩᠭᠡᠶ᠋ᠢᠨ ᠭᠤᠤᠯ ᠡ！ 《ᠱᠢᠯᠢᠶ᠋ᠢᠨ ᠭᠤᠤᠯ》 — ᠤᠶᠤᠨᠤ ᠤᠨᠳᠤᠷᠤᠭᠠ ᠴᠠᠬᠢᠯᠤᠨ ᠤᠬᠠᠭᠠᠨ ᠪᠢᠯᠢᠭᠢ ᠬᠤᠷᠴᠠᠯᠠᠬᠤ ᠮᠦᠡᠭ᠌ᠭᠡᠶ᠋ᠢᠨ ᠭᠤᠤᠯ ᠡ！
ᠲᠦᠴᠢᠨ ᠤᠨᠤ ᠲᠡᠷᠳᠡᠭᠡ 《ᠱᠢᠯᠢᠶ᠋ᠢᠨ ᠭᠤᠤᠯ》 ᠰᠡᠳᠬᠦᠯ ᠬᠡᠪᠯᠡᠯ ᠡᠬᠢᠯᠡᠭ᠌ᠰᠡᠨᠠᠴᠠ ᠨᠠᠭᠠᠰᠢ᠂ ᠲᠠᠶᠠᠩᠤᠨ ᠰᠤᠨᠤᠷᠲᠤ ᠴᠤᠤᠷᠢᠶᠠ ᠬᠠᠳᠠᠨ ᠲᠤᠯᠬᠢᠶᠠᠯᠠᠬᠤ ᠱᠢᠯᠢᠶ᠋ᠢᠨ ᠭᠤᠤᠯᠤᠨ ᠤᠷᠤᠰᠭᠠᠯ ᠬᠤᠤᠰ ᠪᠤᠯᠵᠤ᠂ ᠨᠢᠭᠡᠨᠢ ᠦᠯᠦᠭᠡᠢ ᠨᠤᠳᠤᠭᠢᠶᠠᠨ ᠤᠮᠳᠠᠯᠠᠨ᠂ ᠨᠦᠭᠦᠭᠡᠨᠢ ᠤᠶᠤᠨᠤ ᠲᠠᠯᠠᠢᠶ᠋ᠢ ᠪᠠᠶᠠᠵᠢᠭᠤᠯᠤᠨ ᠤᠢ᠍ᠢᠯᠤᠨ ᠴᠦᠢᠯᠤᠨ ᠤᠷᠤᠰᠤᠯᠠ ᠁
《ᠱᠢᠯᠢᠶ᠋ᠢᠨ ᠭᠤᠤᠯ》 ᠰᠠᠤᠠᠬᠦᠯ ᠦᠭᠡᠷᠡᠴᠢᠯᠡᠯᠳᠡ ᠨᠡᠭᠡᠭᠡᠯᠳᠡᠶ᠋ᠢᠨ ᠦᠷᠨᠢᠭᠦᠨ ᠴᠠᠭᠲᠤ ᠮᠠᠨᠳᠤᠯᠠᠵᠤ᠂ 40 ᠤᠨᠤ ᠬᠠᠪᠤᠷ ᠨᠠᠮᠤᠷᠢ ᠤᠭ᠍ᠳᠤᠵᠤ ᠦᠳᠡᠬᠦ᠌ᠳᠡᠭᠡᠨ ᠠᠴᠢᠳᠤ ᠨᠠᠮᠤᠨᠢᠶᠠᠨ ᠬᠠᠯᠠᠮᠵᠢ ᠢᠪᠡᠭᠡᠯᠳᠤ ᠵᠤᠷᠢᠭ᠍ᠵᠢᠨ᠂ ᠦᠭᠡᠷᠡᠴᠢᠯᠡᠯᠳᠡ ᠨᠡᠭᠡᠭᠡᠯᠳᠡᠶ᠋ᠢᠨ ᠠᠤᠭᠠ ᠪᠤᠳᠤᠯᠭᠠᠪᠠᠷ ᠲᠤᠷᠪᠢᠵᠢᠵᠤ ᠦᠭᠡᠳᠡᠯᠡᠨ ᠲᠡᠭ᠌ᠵᠢᠷᠡᠵᠦ᠍ ᠬᠦᠭ᠌ᠵᠢᠨ ᠪᠤᠵᠠᠭᠠᠢᠷᠠᠭ᠍ᠰᠠᠨ ᠶᠤᠮ᠃ ᠡᠨᠡ ᠲᠦᠴᠢᠨ ᠵᠢᠯᠤᠨ ᠬᠤᠭᠤᠴᠠᠭᠠ ᠪᠤᠯ ᠶᠠᠭ ᠰᠠᠶᠢᠬᠠᠨ ᠱᠢᠯᠢᠶ᠋ᠢᠨ ᠭᠤᠤᠯ ᠠᠢᠮᠠᠭᠤᠨ ᠵᠤᠬᠢᠶᠡᠯᠴᠢᠳᠤᠨ ᠡᠩᠨᠡᠭᠡ ᠵᠢᠭ᠌ᠳᠡᠷᠡᠵᠦ᠍ ᠬᠦᠴᠤ᠌ ᠨᠢᠭ᠍ᠳᠠᠷᠠᠭ᠍ᠰᠠᠨ ᠡᠷᠢᠨ ᠦᠶᠡ ᠪᠦᠭᠡᠳ ᠵᠤᠬᠢᠶᠠᠭ᠍ᠴᠢᠨᠢ ᠪᠦᠲᠦᠭᠡᠯᠢᠶᠠᠷᠢᠶᠠᠨ ᠲᠤᠳᠤᠷᠠᠵᠤ᠂ ᠰᠡᠳᠬᠦᠯᠨᠢ ᠠᠭᠤᠯᠭᠠᠪᠠᠷᠢᠶᠠᠨ ᠠᠯᠳᠠᠷᠱᠢᠵᠤ᠂ 《ᠱᠢᠯᠢᠶ᠋ᠢᠨ ᠭᠤᠤᠯ》 ᠰᠡᠳᠬᠦᠯ ᠮᠠᠨᠢ ᠬᠠᠭᠤᠳᠠᠰᠤ ᠬᠡᠮᠵᠢᠶᠡ ᠵᠤᠵᠠᠭᠠᠨ᠂ ᠪᠦᠲᠦᠭᠡᠯ ᠰᠤᠳᠤᠯᠤᠯ ᠡᠯᠪᠡᠭ ᠴᠢᠨᠠᠷᠵᠢᠭᠤᠨᠢᠶᠠᠷᠢᠶᠠᠨ ᠤᠡᠭ᠌ᠰᠢᠬ᠍ᠴᠢ ᠤᠯᠠᠨᠤ ᠤᠷᠮᠠᠶ᠋ᠢ ᠲᠠᠳᠠᠵᠤ ᠬᠦᠷᠢᠶᠡᠯᠡᠯᠢ ᠤᠯᠤᠭ᠍ᠰᠠᠨ ᠱᠢᠯᠢᠳᠡᠭ ᠰᠡᠳᠬᠦᠯ ᠪᠤᠯᠤᠭ᠍ᠰᠠᠨ ᠶᠤᠮ᠃
1980 ᠤᠨ᠃ 《ᠱᠢᠯᠢᠶ᠋ᠢᠨ ᠭᠤᠤᠯ》 ᠰᠠᠤᠠᠬᠦᠯ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨᠤ ᠨᠠᠮᠤᠨ ᠬᠤᠷᠢᠶᠠᠶ᠋ᠢᠨ ᠵᠦᠪᠱᠢᠶᠡᠷᠡᠯᠢᠶᠠᠷ ᠠᠩᠬᠠᠯᠠᠨ 80 ᠨᠢᠭᠤᠷᠢᠶᠠᠷ ᠬᠡᠪᠯᠡᠯ ᠡᠬᠢᠯᠡᠵᠦ᠍᠂ ᠤᠳᠠᠯ ᠦᠭᠡᠢ 88 ᠨᠢᠭᠤᠷ ᠪᠤᠯᠵᠤ᠂ 1996 ᠤᠨᠤ ᠨᠡᠮᠡᠯᠳᠡ 6 ᠳ᠋ᠤᠭᠠᠷ ᠬᠤᠭᠤᠴᠠᠭᠠᠠᠴᠠ ᠨᠠᠭᠠᠰᠢ 96 ᠨᠢᠭᠤᠷ ᠪᠤᠯᠵᠤ᠂ 1997 ᠤᠨᠠᠴᠠ ᠤᠳᠤ ᠪᠤᠯᠳᠠᠯᠠ 104 ᠨᠢᠭᠤᠷᠢᠶᠠᠷ ᠬᠡᠪᠯᠡᠭ᠌ᠳᠡᠭ᠌ᠰᠡᠭᠡᠷ ᠪᠠᠢᠨᠠ᠃ ᠮᠦᠨ 2004 ᠤᠨᠠᠴᠠ ᠰᠡᠳᠭᠦᠯᠤᠨ ᠲᠤᠳᠤᠷ ᠨᠢᠭᠤᠷᠢ ᠪᠤᠳᠤᠭ᠍ᠳᠤ ᠬᠡᠪᠯᠡᠯ ᠪᠤᠯᠭᠠᠨ ᠱᠢᠨᠡᠳᠭᠡᠭ᠌ᠰᠡᠨ ᠪᠦᠭᠡᠳ ᠳᠤᠤᠷᠠ ᠬᠠᠭᠠᠰ ᠵᠢᠯᠠᠴᠠᠨᠢ 4 ᠪᠤᠳᠤᠭ᠍ᠳᠤ ᠨᠢᠭᠤᠷᠤᠨ ᠬᠠᠪᠢᠰᠤ ᠨᠠᠮᠠᠵᠤ ᠡᠳᠦᠭᠡ ᠪᠤᠯᠵᠠᠢ᠃
《ᠮᠠᠨᠤ ᠰᠡᠳᠬᠦᠯ ᠪᠤᠯ 1980 ᠤᠨᠳᠤ ᠬᠡᠪᠯᠡᠯ ᠡᠬᠢᠯᠡᠭ᠌ᠰᠡᠨ ᠶᠤᠮ᠃ ᠶᠠᠭ ᠰᠠᠢᠬᠠᠨ ᠨᠠᠮᠤᠨ ᠠᠷᠪᠠᠨ ᠨᠢᠬᠡᠲᠦᠭᠡᠷ ᠬᠤᠭᠤᠴᠠᠭᠠᠨᠤ ᠲᠦᠪ ᠬᠤᠷᠢᠶᠠᠨᠤ ᠭᠤᠷᠪᠠᠲᠤᠭᠠᠷ ᠪᠦᠬᠦᠳᠡ ᠬᠤᠷᠠᠯ ᠬᠤᠷᠠᠯᠲᠤᠭ᠍ᠰᠠᠨᠤ ᠲᠠᠷᠠᠭᠠᠬᠢ ᠬᠤᠶᠠᠲᠤᠭᠠᠷ ᠵᠢᠯ᠂ ᠨᠠᠮ ᠵᠠᠰᠠᠭᠤᠨ ᠲᠦᠷᠦᠶ᠋ᠢᠨ ᠪᠤᠲᠤᠯᠭᠠᠶ᠋ᠢᠨ ᠲᠤᠶᠠᠭᠠᠯᠠᠯᠢᠶᠠᠷ ᠡᠯᠡ ᠵᠦᠢᠯᠤᠨ ᠠᠵᠢᠯ ᠦᠢᠯᠡᠰ ᠦᠷᠨᠢᠬᠦᠨ ᠬᠦᠭ᠌ᠵᠢᠩᠬᠦᠢ ᠪᠤᠯᠵᠦ᠍ ᠪᠠᠢᠬ᠍ᠰᠠᠨ ᠦᠶᠡᠳᠤ ᠲᠤᠬᠠᠢᠶ᠋ᠢᠨ ᠦᠶᠡᠶ᠋ᠢᠨ ᠱᠢᠯᠢᠶ᠋ᠢᠨ ᠭᠤᠤᠯ ᠠᠢᠮᠠᠭᠤᠨ ᠤᠳᠭᠠ ᠤᠷᠠᠯᠢᠭᠤᠨᠬᠢᠨᠤ ᠬᠤᠯᠪᠤᠭᠠᠶ᠋ᠢᠨ ᠲᠠᠷᠤᠭᠠ ᠰᠠᠮᠪᠤᠤ ᠨᠠᠷᠤᠨ ᠢᠳᠡᠪᠬᠢᠳᠡᠢ ᠴᠢᠷᠮᠠᠢᠯᠭᠠᠪᠠᠷ᠂ ᠦᠪᠦᠷ ᠮᠤᠩᠭᠤᠯᠤᠨ ᠨᠠᠮᠤᠨ ᠬᠤᠷᠢᠶᠠᠪᠠᠷ ᠵᠦᠪᠱᠢᠶᠡᠷᠡᠬᠦᠯᠦᠨ ᠠᠩᠬᠠᠨᠤ ᠬᠡᠪᠯᠡᠯᠢᠶᠠᠨ ᠬᠡᠪᠯᠡᠬᠦᠯᠵᠡᠢ》 ᠭᠡᠵᠦ᠍ 《ᠱᠢᠯᠢᠶ᠋ᠢᠨ ᠭᠤᠤᠯ》 ᠰᠡᠳᠬᠦᠯᠤᠨ ᠶᠡᠷᠦᠩᠭᠡᠢ ᠨᠠᠢᠷᠠᠭᠤᠯᠤᠬ᠍ᠴᠢ ᠫᠤ · ᠴᠤᠭ᠍ᠲᠤᠨᠠᠷᠠᠨ ᠶᠠᠷᠢᠨᠠ᠃
《ᠱᠢᠯᠢᠶ᠋ᠢᠨ ᠭᠤᠤᠯ》 ᠰᠡᠳᠬᠦᠯ ᠪᠤᠯ ᠮᠦᠨ ᠴᠤ᠌ ᠱᠢᠯᠢᠶ᠋ᠢᠨ ᠭᠤᠤᠯ ᠨᠤᠲᠤᠭᠠᠴᠠ ᠴᠤᠯᠭᠤᠷᠠᠨ ᠭᠠᠷᠴᠤ᠌ ᠤᠯᠠᠨᠤ ᠲᠠᠰᠤᠯ ᠪᠤᠯᠤᠭ᠍ᠰᠠᠨ ᠠᠯᠳᠠᠷ ᠴᠤᠤᠳᠠᠢ ᠵᠤᠬᠢᠶᠠᠯᠴᠢ ᠱᠢᠯᠦᠭ᠌ᠴᠢ ᠢᠷᠠᠭᠤ ᠨᠠᠢᠷᠠᠭ᠍ᠴᠢᠳᠤᠨ ᠮᠦᠷᠢᠶᠠᠨ ᠲᠠᠮᠠᠭᠠᠯᠠᠵᠤ᠂ ᠨᠡᠷᠡᠪᠠᠨ ᠦᠯᠡᠳᠡᠭᠡᠨ᠂ ᠦᠰᠴᠤ᠌ ᠦᠨᠳᠡᠢᠭ᠌ᠰᠡᠨ ᠠᠷᠢᠭᠤᠨ ᠱᠢᠮᠡᠳᠤ ᠬᠦᠷᠦᠰᠤ ᠱᠢᠷᠤᠢ ᠪᠤᠯᠬᠤ ᠶᠤᠮ᠃ ᠲᠤᠰ ᠰᠡᠳᠬᠦᠯ ᠬᠡᠪᠯᠡᠯ ᠡᠬᠢᠯᠡᠭ᠌ᠰᠡᠨᠤ ᠲᠠᠷᠠᠭᠠ ᠵᠢᠯ ᠪᠤᠶᠤ 1981 ᠤᠨᠳᠤ᠂ ᠵᠤᠬᠢᠶᠠᠯᠴᠢ ᠪᠠᠲᠤᠮᠦᠡᠭ᠌ᠭᠡᠶ᠋ᠢᠨ 《ᠦᠳᠡᠰᠢᠶ᠋ᠢᠨ ᠲᠤᠯᠠᠭᠠᠨ》 ᠲᠤᠭᠤᠵᠢ ᠠᠩᠬᠠ ᠤᠳᠠᠭᠠ ᠲᠤᠰ ᠰᠡᠳᠬᠦᠯᠳᠤ ᠨᠡᠢᠳᠡᠯᠡᠭ᠌ᠳᠡᠭ᠌ᠰᠡᠨᠠᠴᠠ ᠠᠪᠤᠭᠠᠳ ᠲᠡᠭᠦᠨᠤ ᠠᠷᠤᠠᠴᠠ ᠮᠦᠷ ᠮᠦᠷᠢᠶᠠᠨ ᠲᠠᠷᠤᠭ᠍ᠰᠠᠨ ᠱᠢᠯᠢᠳᠡᠭ ᠰᠤᠳᠤᠨ ᠪᠦᠲᠦᠭᠡᠯᠤᠳ 《ᠱᠢᠯᠢᠶ᠋ᠢᠨ ᠭᠤᠤᠯ》 ᠬᠠᠶᠢᠭᠢᠶᠠᠷ ᠵᠤᠷᠢᠨ ᠢᠷᠡᠬᠦ᠌ ᠪᠤᠯᠵᠠᠢ᠃
ᠦᠶᠡ ᠦᠶᠡᠶ᠋ᠢᠨ ᠵᠤᠬᠢᠶᠠᠯᠴᠢᠳᠤᠨ ᠪᠢᠯᠢᠭ ᠤᠶᠤᠨᠢᠶᠠᠷ ᠬᠤᠷᠴᠠᠯᠠᠭ᠍ᠳᠠᠵᠤ᠂ ᠱᠢᠯᠢᠶ᠋ᠢᠨ ᠭᠤᠤᠯᠤᠨ ᠲᠡᠨᠵᠢᠨᠠᠴᠠ ᠢᠷᠠᠭᠤ ᠲᠤᠤᠯᠢᠰ ᠤᠶᠠᠩᠭᠠᠷᠠᠨ ᠰᠠᠴᠤᠯᠠᠬᠤ ᠰᠠᠢᠨᠤ ᠪᠡᠯᠭᠡᠳᠡᠯᠲᠠᠢ ᠡ᠃ ᠲᠠᠬᠡᠷᠠ ᠵᠠᠭᠤᠨᠤ ᠨᠠᠶᠠ ᠶᠠᠷᠠᠬᠡᠤᠨ ᠤᠨᠤ ᠦᠶᠠᠳᠤ᠂ 《ᠱᠢᠯᠢᠶ᠋ᠢᠨ ᠭᠤᠤᠯ》 ᠰᠡᠳᠬᠦᠯ ᠵᠢᠯᠳᠤ ᠨᠢᠭᠡ ᠤᠳᠠᠭᠠ ᠬᠤᠷᠢ ᠬᠤᠨᠤᠭᠤᠨ ᠪᠢᠯᠢᠭᠤᠨ ᠴᠢᠭᠤᠯᠭᠠᠨ ᠡᠷᠬᠢᠯᠡᠳᠡᠭ ᠪᠠᠢᠵᠤ᠂ ᠡᠨᠡ ᠬᠤᠭᠤᠴᠠᠭᠠᠨᠳᠤ ᠰᠡᠳᠭᠦᠯᠤᠨ ᠨᠢᠭᠡ ᠵᠢᠯᠤᠨ 《ᠬᠦᠨᠡᠰᠦ ᠶᠠᠭᠤᠮᠠ》 ᠪᠠᠷᠤᠭ ᠪᠦᠷᠢᠳᠦᠴᠢᠭᠡᠳᠡᠭ ᠪᠠᠢᠭ᠍ᠰᠠᠨ ᠭᠡᠬᠦ᠌ ᠪᠦᠭᠡᠳ ᠵᠤᠬᠢᠶᠠᠯᠴᠢᠶ᠋ᠢᠨ ᠤᠷᠠᠨ ᠪᠦᠳᠦᠭᠡᠯᠤᠨ ᠰᠡᠳᠦᠪ ᠴᠤ᠌ ᠪᠠᠶᠠᠯᠢᠭ ᠪᠤᠯᠴᠢᠬᠠᠭ᠍ᠰᠠᠨ ᠬᠡᠯᠴᠡᠳᠡᠭ ᠪᠠᠢᠭ᠍ᠰᠠᠨ ᠲᠡᠢᠮᠤ ᠦᠶᠡ ᠪᠠᠢᠯᠠ᠃ ᠭᠡᠪᠡᠴᠤ᠌ ᠡᠯᠳᠡᠪ ᠨᠦᠬᠦᠴᠡᠯ ᠱᠢᠯᠳᠠᠭᠠᠨᠠᠴᠠ ᠪᠤᠯᠵᠤ ᠡᠨᠡ ᠬᠦ᠌ ᠤᠯᠠᠮᠵᠢᠯᠠᠯ 1993 ᠤᠨᠳᠤ ᠬᠦᠷᠦᠭᠡᠳ ᠨᠢᠭᠡ ᠦᠶᠡ ᠲᠠᠰᠤᠯᠳᠠᠭ᠍ᠰᠠᠨ ᠪᠤᠯᠪᠠᠴᠤ᠌᠂ 2008 ᠤᠨᠳᠤ ᠲᠠᠬᠢᠨ ᠰᠡᠷᠭᠦᠭᠡᠭ᠌ᠳᠡᠵᠦ᠍᠂ ᠤᠳᠤ ᠮᠦᠨ ᠤᠯᠠᠨ ᠤᠯᠠᠨ ᠵᠤᠬᠢᠶᠠᠯᠴᠢ ᠨᠠᠢᠷᠠᠭ᠍ᠴᠢᠳᠤᠨ ᠬᠦᠴᠤ᠌ ᠰᠡᠯᠪᠢᠵᠤ ᠲᠦᠷᠦᠭᠡ ᠴᠢᠩᠭᠠᠯᠠᠬᠤ ᠰᠠᠢᠬᠠᠨ ᠵᠠᠪᠱᠢᠶᠠᠨ ᠪᠤᠯᠵᠤ ᠪᠠᠢᠨᠠ᠃
ᠳᠡᠭᠡᠷᠡ ᠦᠶᠡᠶ᠋ᠢᠨ ᠬᠦᠮᠦᠰᠢᠶᠠᠨ ᠵᠠᠯᠭᠠᠭᠠᠳ ᠨᠠᠶᠠᠭᠠᠳ ᠤᠨᠳᠤ ᠨᠢᠭᠡ ᠪᠦᠯᠦᠭ ᠱᠢᠨᠡ ᠵᠠᠯᠠᠭᠤᠰ ᠴᠤᠯᠭᠤᠷᠠᠨ ᠭᠠᠷᠤᠭ᠍ᠰᠠᠨᠢ 1986 ᠤᠨᠤ 4 ᠳ᠋ᠤᠭᠡᠷ ᠬᠤᠭᠤᠴᠠᠭᠠᠨᠳᠤ ᠨᠡᠢᠳᠡᠯᠡᠭ᠌ᠳᠡᠭ᠌ᠰᠡᠨ 《ᠱᠢᠯᠦᠭᠤᠨ ᠳᠤᠰᠭᠠᠢ ᠳ᠋ᠤᠭᠠᠷ》 ᠶᠠᠭᠠᠬᠢᠬᠤᠶ᠋ᠢᠨ ᠠᠷᠭᠠ ᠦᠬᠡᠢ ᠬᠡᠷᠡᠴᠢᠯᠠᠨᠠ᠃ ᠲᠡᠷᠡ ᠪᠤᠯ ᠲᠤᠰ ᠰᠡᠳᠬᠦᠯᠤᠨ ᠬᠤᠶᠠᠳᠠᠬᠢ ᠤᠳᠠᠭᠠ ᠶᠡᠬᠡᠳᠡ ᠨᠦᠯᠤᠬᠡ ᠭᠠᠷᠤᠭ᠍ᠰᠠᠨ ᠳ᠋ᠤᠭᠠᠷ ᠪᠢᠯᠠ᠃ ᠲᠤᠬᠠᠢᠯᠠᠪᠠᠯ ᠡᠨᠡ ᠳ᠋ᠤᠭᠠᠷᠢᠶᠠᠷ᠂ ᠳ᠋᠊ · ᠰᠡᠷᠡᠩᠸᠠᠩᠵᠢᠯ᠂ ᠶᠤ · ᠡᠷᠳᠡᠨᠢᠳᠤᠭ᠍ᠳᠠᠬᠤ᠂ ᠷᠢ᠊ · ᠰᠡᠴᠡᠨᠴᠤᠭ᠍ᠳᠤ᠂ ᠳ᠋᠊ · ᠪᠠᠭᠠᠳᠤᠷ ᠵᠡᠷᠭᠡ ᠵᠤᠬᠢᠶᠠᠯᠴᠢᠳ ᠵᠤᠬᠢᠶᠠᠯ ᠪᠦᠲᠦᠭᠡᠯᠢᠶᠠᠷᠢᠶᠠᠨ ᠤᠯᠠᠨᠠ ᠲᠠᠰᠤᠯ ᠪᠤᠯᠤᠭ᠍ᠰᠠᠨ ᠪᠠᠢᠳᠠᠭ ᠰᠠᠨ᠃
ᠭᠤᠷᠪᠠᠳᠠᠬᠢ ᠤᠳᠠᠭᠠᠶ᠋ᠢᠨ ᠨᠦᠯᠤᠬᠡ ᠶᠡᠬᠡᠳᠡᠢ ᠳ᠋ᠤᠭᠠᠷ ᠬᠡᠪᠡᠯ 1990 ᠤᠨᠤ 4 ᠳ᠋ᠤᠭᠡᠷ ᠬᠤᠭᠤᠴᠠᠭᠠ ᠪᠦᠭᠡᠳ ᠡᠨᠡ ᠳ᠋ᠤᠭᠠᠷᠲᠤ ᠮᠡᠳᠡᠭᠡᠯᠡᠯᠤᠨ ᠤᠷᠠᠨ ᠵᠤᠬᠢᠶᠠᠯᠤᠨ ᠱᠢᠯᠢᠳᠡᠭ ᠰᠤᠳᠤᠨ ᠪᠦᠲᠦᠭᠡᠯᠤᠳ ᠤᠯᠠᠨᠢᠶᠠᠷ ᠱᠢᠯᠭᠠᠷᠠᠨ ᠭᠠᠷᠤᠭ᠍ᠰᠠᠨ ᠶᠤᠮ᠃ ᠡᠨᠡ ᠬᠤᠭᠤᠴᠠᠭᠠᠨᠤ ᠳ᠋ᠤᠭᠠᠷᠲᠤ ᠦ᠊ · ᠰᠡᠷᠭᠦᠯᠡᠩᠤᠨ 《ᠮᠢᠩᠭᠠᠨ ᠲᠦᠮᠡᠶ᠋ᠢᠨ ᠠᠪᠤᠷᠭᠤ ᠡᠵᠡᠳ》 ᠢᠶᠠᠷ ᠮᠠᠩᠯᠠᠢᠯᠠᠭᠤᠯᠤᠭ᠍ᠰᠠᠨ 6 ᠵᠤᠬᠢᠶᠠᠯ ᠨᠡᠢᠳᠡᠯᠡᠭ᠌ᠳᠡᠵᠦ᠍᠂ ᠡᠭᠦᠨᠤ ᠲᠤᠳᠤᠷᠠᠬᠢ 4 ᠪᠦᠳᠦᠭᠡᠯᠨᠢ ᠪᠦᠬᠦ᠌ ᠤᠷᠤᠨᠤ ᠮᠡᠳᠡᠭᠡᠯᠡᠯᠤᠨ ᠤᠷᠠᠨ ᠵᠤᠬᠢᠶᠠᠯᠤᠨ ᠱᠢᠯᠭᠠᠷᠠᠭᠤᠯᠤᠯᠳᠠᠳᠤ ᠨᠢᠭᠡᠳᠦᠭᠡᠷ᠂ ᠬᠤᠶᠠᠳᠤᠭᠠᠷ᠂ ᠭᠤᠷᠪᠠᠳᠤᠭᠠᠷ ᠲᠡᠰᠤᠨ ᠱᠠᠩᠨᠠᠯᠢ ᠳᠤᠰ ᠳᠤᠰ ᠭᠦᠷᠳᠡᠵᠦ᠍᠂ ᠲᠤᠬᠠᠢᠶ᠋ᠢᠨ ᠴᠠᠭᠲᠠᠭᠠᠨ ᠤᠷᠠᠨ ᠵᠤᠬᠢᠶᠠᠯᠤᠨ ᠬᠦᠷᠢᠶᠡᠨᠳᠤ ᠲᠤᠩᠰᠤᠯᠤᠯᠳᠠ ᠪᠤᠯᠵᠤ ᠪᠠᠢᠯᠠ᠃
《ᠮᠠᠨᠤ ᠰᠡᠳᠬᠦᠯ ᠵᠠᠯᠠᠭᠤ ᠵᠤᠬᠢᠶᠠᠯᠴᠢᠶ᠋ᠢ ᠬᠦᠮᠦᠵᠢᠬᠦᠯᠬᠦ᠌ ᠰᠠᠭᠤᠷᠢᠨᠤ ᠨᠢᠬᠡᠨᠢ ᠪᠤᠯᠬᠤ ᠶᠤᠮ᠃ ᠡᠨᠡᠨᠢ ᠮᠠᠨᠤ ᠰᠡᠳᠬᠦᠯᠤᠨ ᠵᠤᠬᠢᠶᠠᠯᠴᠢᠳᠤᠨ ᠡᠩᠨᠡᠭᠡᠶ᠋ᠢᠨ ᠲᠠᠰᠤᠷᠠᠯᠲᠠ ᠦᠬᠡᠢ ᠪᠤᠵᠠᠭᠠᠢᠷᠠᠭ᠍ᠰᠠᠨᠢᠶᠠᠷ ᠢᠯᠡᠷᠡᠨᠡ᠂ ᠤᠨᠴᠠᠭᠠᠢᠯᠠᠨ ᠵᠠᠯᠠᠭᠤ ᠤᠷᠠᠨ ᠪᠦᠲᠦᠭᠡᠯᠴᠢᠳᠢ ᠬᠦᠮᠦᠵᠢᠬᠦᠯᠬᠦ᠌ᠳᠤ 〈ᠱᠢᠯᠢᠶ᠋ᠢᠨ ᠭᠤᠤᠯ〉 ᠰᠡᠳᠬᠦᠯ ᠤᠷᠤᠯᠠᠭᠤᠯᠵᠦ᠍ ᠪᠤᠯᠤᠰᠢ ᠦᠬᠡᠢ ᠡᠬᠦᠷᠬᠡ ᠬᠠᠷᠢᠭᠤᠴᠠᠯᠭᠠᠪᠠᠨ ᠬᠦᠢᠴᠡᠳᠭᠡᠭ᠌ᠰᠡᠨ ᠶᠤᠮ᠃ ᠵᠤᠬᠢᠶᠠᠯᠴᠢᠳᠤᠨ ᠡᠩᠨᠡᠭᠡᠶ᠋ᠢ ᠪᠤᠵᠠᠭᠠᠢᠷᠠᠭᠤᠯᠬᠤ ᠲᠠᠯᠠᠪᠠᠷ ᠤᠲᠤ ᠪᠤᠯᠬᠤᠳᠤ ᠠᠬᠠᠮᠠᠳ ᠢᠳᠡᠷ ᠵᠠᠯᠠᠭᠤ ᠭᠤᠷᠪᠠᠨ ᠦᠶᠡᠪᠠᠷ ᠪᠦᠷᠢᠯᠲᠦᠭ᠌ᠰᠡᠨ ᠨᠡᠯᠢᠶᠡᠳ ᠬᠦᠴᠦᠷᠭᠡᠭ ᠡᠩᠨᠡᠭᠡᠶ᠋ᠢ ᠪᠦᠷᠢᠯᠲᠦᠬᠦᠯᠦᠭ᠌ᠰᠡᠨᠢᠶᠠᠷᠢᠶᠠᠨ ᠤᠨᠴᠠᠯᠠᠬ᠍ᠲᠠᠬᠤ ᠶᠤᠮ᠃ ᠨᠦᠬᠦᠭᠡ ᠲᠠᠯᠠᠪᠠᠷ ᠱᠢᠯᠢᠶ᠋ᠢᠨ ᠭᠤᠤᠯᠢᠶᠠᠨ ᠤᠬᠠᠭᠤᠯᠬᠤ᠂ ᠴᠠᠭ ᠦᠶᠡᠶ᠋ᠢᠨ ᠵᠤᠷᠢᠭ ᠰᠠᠨᠠᠭᠠᠶ᠋ᠢ ᠤᠷᠠᠯᠢᠭᠢᠶᠠᠷ ᠬᠠᠷᠠᠭᠤᠯᠬᠤ᠂ ᠠᠷᠠᠳ ᠲᠦᠮᠡᠨᠳᠤ ᠤᠶᠤᠨᠤ ᠬᠦᠨᠡᠰᠦ ᠬᠠᠨᠭ᠌ᠭᠠᠬᠤᠳᠤ 〈ᠱᠢᠯᠢᠶ᠋ᠢᠨ ᠭᠤᠤᠯ〉 ᠰᠡᠳᠬᠦᠯ ᠦᠪᠡᠷᠤᠨ ᠭᠡᠰᠡᠨ ᠬᠤᠪᠢ ᠨᠡᠮᠡᠷᠢᠪᠠᠨ ᠦᠵᠡᠬᠦᠯᠵᠦ᠍ ᠢᠷᠡᠵᠡᠢ᠃ ᠨᠡᠩ ᠴᠦ᠍ ᠨᠠᠮᠤᠨ ᠴᠢᠭ᠌ᠯᠡᠯᠳᠡ ᠲᠦᠷᠦᠶ᠋ᠢᠨ ᠪᠤᠲᠤᠯᠭᠠᠶ᠋ᠢ ᠤᠷᠠᠨ ᠵᠤᠬᠢᠶᠠᠯᠤᠨ ᠵᠤᠬᠢᠶᠠᠨ ᠪᠦᠲᠦᠭᠡᠯᠭᠡ ᠲᠤᠮᠲᠠ ᠬᠠᠷᠠᠭᠤᠯᠵᠦ᠍ ᠨᠠᠢᠲᠠᠪᠦᠷᠢᠵᠢᠭᠤᠯᠬᠤ ᠲᠠᠯᠠᠪᠠᠷ ᠤᠷᠤᠯᠠᠭᠤᠯᠵᠦ᠍ ᠪᠤᠯᠤᠰᠢ ᠦᠬᠡᠢ ᠡᠬᠦᠷᠬᠡ ᠬᠠᠷᠢᠭᠤᠴᠠᠯᠭᠠᠪᠠᠨ ᠬᠦᠢᠴᠡᠳᠭᠡᠭ᠌ᠰᠡᠭᠡᠷ ᠢᠷᠡᠭ᠌ᠰᠡᠨ ᠪᠦᠬᠡᠳ ᠲᠠᠯᠠ ᠨᠤᠲᠤᠭᠤᠨ ᠰᠤᠶᠤᠯᠢ ᠤᠯᠠᠮᠵᠢᠯᠠᠨ ᠬᠦᠭ᠌ᠵᠢᠬᠦᠯᠬᠦ᠌ ᠵᠢᠴᠢ ᠨᠡᠬᠦᠳᠡᠯ ᠰᠤᠶᠤᠯᠤᠨ ᠪᠤᠯᠪᠠᠰᠤᠨᠢ ᠤᠷᠠᠨ ᠵᠤᠬᠢᠶᠠᠯ ᠤᠷᠠᠯᠢᠭᠤᠨ ᠴᠢᠨᠠᠷᠲᠠᠢ ᠲᠤᠰᠭᠠᠬᠤ ᠲᠠᠯᠠᠪᠠᠷ ᠴᠦ᠍ ᠮᠠᠨᠤ ᠰᠡᠳᠬᠦᠯ ᠦᠵᠡᠬᠦᠯᠪᠡᠰᠦ ᠵᠤᠬᠢᠬᠤ ᠦᠢᠯᠡᠲᠦᠯᠢᠶᠠᠨ ᠦᠵᠡᠬᠦᠯᠵᠦ᠍ ᠴᠢᠲᠠᠬ᠍ᠰᠠᠨ ᠶᠤᠮ》 ᠭᠡᠵᠦ᠍ ᠫᠤ · ᠴᠤᠭ᠍ᠲᠤᠨᠠᠷᠠᠨ ᠶᠠᠷᠢᠨᠠ᠃
ᠱᠢᠯᠢᠶ᠋ᠢᠨ ᠭᠤᠤᠯ ᠪᠤᠯ ᠲᠠᠯᠠ ᠨᠤᠳᠤᠭᠤᠨ ᠤᠳᠭᠠ ᠰᠤᠶᠤᠯᠤᠨ ᠦᠭ᠌ᠭᠢᠶᠡᠮᠦᠷᠴᠢ ᠨᠢᠩᠵᠢᠨ ᠱᠢᠮᠡᠳᠤ ᠬᠦᠷᠦᠰᠦᠨ ᠪᠦᠯᠦᠭᠡ᠃ ᠲᠡᠭᠡᠬᠦ᠌ᠳᠡᠭᠡᠨ ᠡᠨᠡ ᠭᠠᠵᠠᠷ ᠱᠢᠷᠤᠢᠠᠴᠠ ᠦᠨᠳᠦᠰᠦᠯᠡᠨ ᠤᠷᠭᠤᠵᠤ ᠴᠡᠴᠡᠭ᠌ᠯᠡᠨ ᠵᠢᠮᠢᠰᠯᠡᠵᠦ᠍᠂ ᠤᠬᠠᠭᠠᠨᠳᠤ ᠬᠦᠮᠦᠨ ᠠᠷᠠᠳᠤᠨᠢᠶᠠᠨ ᠦᠪᠤᠨ ᠰᠠᠩᠳᠤ ᠦᠪᠡᠷᠤᠨ ᠬᠤᠪᠢ ᠨᠡᠮᠡᠷᠢᠪᠠᠨ ᠡᠷᠭᠦᠵᠦ᠍ ᠶᠠᠪᠤᠭᠠ 《ᠱᠢᠯᠢᠶ᠋ᠢᠨ ᠭᠤᠤᠯ》 ᠮᠡᠨᠳᠤᠯᠡᠭ᠌ᠰᠡᠨ ᠶᠤᠮ᠃ ᠴᠠᠭ ᠦᠶᠡᠶ᠋ᠢᠨ ᠤᠨᠴᠠᠯᠢᠭᠢ ᠠᠳᠭᠤᠬᠤᠶ᠋ᠢᠨ ᠵᠡᠷᠭᠡᠳᠤ ᠭᠠᠵᠠᠷ ᠤᠷᠤᠨᠤ ᠰᠤᠶᠤᠯᠤᠨ ᠥᠩᠭᠡ ᠪᠤᠳᠤᠭᠢ ᠠᠭᠤᠰᠭᠠᠨ᠂ ᠲᠦᠷᠦ᠍ ᠨᠡᠢᠭᠡᠮᠳᠡᠭᠡᠨ ᠦᠪᠡᠷᠮᠢᠴᠡ ᠦᠨᠦᠷ ᠠᠮᠳᠠᠲᠠᠢ ᠤᠷᠠᠯᠢᠭᠤᠨ ᠰᠤᠳᠤᠨ ᠪᠦᠲᠦᠭᠡᠯᠢ ᠬᠦᠷᠭᠡᠬᠦ᠌ ᠪᠤᠯ 《ᠱᠢᠯᠢᠶ᠋ᠢᠨ ᠭᠤᠤᠯ》 ᠰᠡᠳᠬᠦᠯᠤᠨ ᠦᠨᠢᠳᠡᠶ᠋ᠢᠨ ᠵᠤᠷᠢᠯᠭᠠ ᠬᠦᠰᠡᠯ ᠬᠦᠭᠡᠭᠡᠴᠡᠯᠳᠤᠯ ᠪᠢᠯᠡ᠃
《ᠱᠢᠯᠢᠶ᠋ᠢᠨ ᠭᠤᠤᠯ》 ᠤᠨ ᠲᠦᠴᠢᠨ ᠵᠢᠯ ᠪᠤᠯ ᠦᠭᠡᠷᠡᠴᠢᠯᠡᠯᠳᠡ ᠨᠡᠭᠡᠭᠡᠯᠳᠡᠶ᠋ᠢᠨ 40 ᠵᠢᠯᠤᠨ ᠦᠭ᠌ᠭᠢᠶᠡᠮᠦᠷ ᠬᠦᠷᠳᠡᠭᠡᠮᠵᠢ ᠬᠡᠱᠢᠭ ᠰᠤᠶᠤᠷᠬᠠᠯᠤᠨ ᠦᠷᠡ ᠱᠢᠮᠡ ᠪᠠᠢᠭᠠ ᠶᠤᠮ᠃ ᠦᠪᠡᠷᠤᠨ ᠭᠡᠰᠡᠨ ᠦᠡᠭ᠌ᠭᠡᠪᠠᠷᠢᠶᠠᠨ ᠨᠤᠲᠤᠭ ᠤᠰᠤᠨᠤᠪᠠᠨ ᠰᠤᠶᠤᠯ ᠲᠡᠤᠬᠡ᠂ ᠠᠵᠤ ᠠᠬᠤᠢ᠂ ᠲᠦᠷᠦ᠍ ᠨᠡᠢᠭᠡᠮᠤᠨ ᠠᠭᠤᠤ ᠪᠤᠳᠤᠯᠭᠠᠶ᠋ᠢ ᠤᠷᠠᠨ ᠵᠤᠬᠢᠶᠠᠯᠤᠨ ᠬᠡᠯᠪᠡᠷᠢᠪᠠᠷ ᠲᠡᠯᠭᠡᠨ ᠬᠠᠷᠠᠭᠤᠯᠵᠤ᠂ ᠡᠳᠦᠭᠡ ᠦᠭᠦᠯᠡᠯᠭᠡ᠂ ᠲᠤᠭᠤᠵᠢ᠂ ᠷᠤᠮᠠᠨ᠂ ᠢᠷᠠᠭᠤ ᠨᠠᠢᠷᠠᠭ ᠵᠡᠷᠭᠡ ᠤᠯᠠᠨ ᠰᠲ᠋ᠢᠯᠢᠳᠤ ᠬᠦᠭ᠌ᠵᠢᠭ᠌ᠰᠡᠨ ᠦᠨᠳᠦᠰᠦᠳᠡᠨᠤ ᠭᠠᠵᠠᠷ ᠤᠷᠤᠨᠤ ᠱᠢᠯᠢᠳᠡᠭ ᠰᠡᠳᠬᠦᠯ ᠪᠤᠯᠵᠤ᠂ ᠲᠡᠢᠮᠤᠳᠡᠭᠡᠨ 《ᠳᠤᠮᠳᠠᠳᠤ ᠤᠯᠤᠰᠤᠨ ᠮᠤᠩᠭᠤᠯ ᠰᠡᠳᠭᠦᠯᠤᠨ ᠠᠩᠬᠠᠳᠠᠭ᠍ᠴᠢ ᠠᠷᠪᠠᠨ ᠰᠤᠳᠤᠨ》 ᠤ ᠨᠢᠭᠡᠪᠠᠷ ᠱᠢᠯᠭᠠᠷᠠᠭ᠍ᠰᠠᠨ ᠶᠤᠮ᠃
《ᠱᠢᠨᠡ ᠴᠠᠭ ᠦᠶᠡᠳᠤ ᠲᠠᠪᠱᠢᠨ ᠤᠷᠤᠭ᠍ᠰᠠᠨᠤ ᠲᠠᠷᠠᠭᠠ᠂ ᠮᠠᠨᠤ ᠰᠡᠳᠬᠦᠯ ᠶᠡᠷᠦᠩᠭᠡᠢ ᠱᠦᠵᠢ ᠰᠢᠶ᠋ᠢᠨ ᠫᠢᠩᠤᠨ ᠤᠳᠭᠠ ᠤᠷᠠᠯᠢᠭᠤᠨ ᠲᠤᠬᠠᠢ ᠦᠵᠡᠯ ᠰᠠᠨᠠᠭᠠᠶ᠋ᠢ ᠰᠤᠷᠤᠯᠴᠠᠨ ᠦᠢᠯᠡᠲᠦᠯᠭᠡᠵᠢᠬᠦᠯᠬᠦ᠌ ᠲᠤᠬᠠᠢ ᠲᠤᠰᠭᠠᠢ ᠵᠤᠬᠢᠶᠠᠯ ᠪᠦᠲᠦᠭᠡᠯᠢ ᠤᠯᠠᠨᠲᠠ ᠨᠡᠢᠳᠡᠯᠡᠬᠦᠯᠦᠭ᠌ᠰᠡᠨ ᠶᠤᠮ᠃ ᠵᠢᠱ᠌ᠢᠶᠡᠯᠡᠪᠡᠯ᠂ ᠭᠤ · ᠷᠢᠨᠴᠢᠨᠨᠠᠮᠵᠢᠯ᠂ ᠭᠤ · ᠷᠠᠱᠢᠵᠠᠪ᠂ ᠴ᠊ · ᠵᠢᠷᠭᠠᠯ ᠮᠡᠲᠦᠶ᠋ᠢᠨ ᠠᠯᠲᠠᠷᠲᠦ ᠵᠤᠬᠢᠶᠠᠯᠴᠢ ᠠᠯᠲᠠᠷᠲᠦ ᠱᠢᠬᠦᠮᠵᠢᠯᠡᠭ᠌ᠴᠢᠳᠢ ᠤᠷᠢᠵᠦ᠍ ᠲᠤᠰᠭᠠᠢ ᠵᠤᠬᠢᠶᠠᠯ ᠪᠢᠴᠢᠬᠦᠯᠦᠨ ᠨᠡᠢᠳᠡᠯᠡᠬᠦᠯᠵᠦ᠍᠂ ᠦᠷᠭᠡᠨ ᠤᠯᠠᠨ ᠤᠷᠠᠨ ᠪᠦᠲᠦᠭᠡᠯᠴᠢᠳᠲᠤ᠌᠂ ᠤᠷᠠᠨ ᠵᠤᠬᠢᠶᠠᠯᠤᠨ ᠱᠢᠨᠡ ᠴᠠᠭ ᠦᠶᠡᠶ᠋ᠢᠨ ᠬᠦᠭ᠌ᠵᠢᠯᠳᠡᠳᠤ ᠦᠢᠯᠡᠴᠢᠯᠡᠬᠦ᠌ ᠭᠤᠤᠯ ᠵᠤᠷᠢᠯᠲᠠ᠂ ᠦᠢᠯᠡᠲᠦᠯ ᠴᠢᠲᠠᠪᠬᠢᠶ᠋ᠢ ᠬᠦᠨᠵᠡᠬᠡᠢ ᠲᠠᠨᠢᠭᠤᠯᠬᠤᠪᠠᠷ ᠴᠢᠷᠮᠠᠢᠪᠠ᠃ ᠮᠦᠨ ᠴᠦ᠍ ᠡᠨᠡ ᠲᠠᠯᠠᠪᠠᠷ ᠲᠤᠰᠭᠠᠢ ᠤᠨᠤᠯᠤᠨ ᠪᠤᠯᠪᠠᠰᠤᠷᠠᠯᠤᠨ ᠬᠢᠴᠢᠶᠡᠯᠢ ᠵᠤᠬᠢᠶᠠᠨ ᠪᠠᠢᠭᠤᠯᠵᠦ᠍ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨᠤ ᠤᠳᠭᠠ ᠤᠷᠠᠯᠢᠭᠤᠨᠬᠢᠨᠤ ᠬᠤᠯᠪᠤᠭᠠ ᠡᠰᠡᠬᠦᠯᠡ ᠶᠡᠭᠡ ᠲᠡᠭᠡᠲᠦ ᠰᠤᠷᠭᠠᠭᠤᠯᠢᠶ᠋ᠢᠨ ᠲᠤᠰᠭᠠᠢ ᠮᠡᠷᠭᠡᠵᠢᠯᠳᠡᠨ ᠪᠠᠭ᠍ᠰᠢᠶ᠋ᠢ ᠵᠠᠯᠠᠵᠦ᠍᠂ ᠢᠯᠡᠳᠭᠡᠯ ᠲᠠᠢᠯᠤᠨ ᠬᠢᠯᠭᠡᠬᠦ᠌ ᠵᠡᠷᠭᠡ ᠠᠷᠭᠠ ᠬᠡᠮᠵᠢᠶᠠᠶ᠋ᠢ ᠠᠪᠴᠦ᠍ ᠪᠤᠢ᠃ ᠪᠤᠲᠠᠲᠠᠢᠳᠤ ᠦᠢᠯᠡᠲᠦᠯᠭᠡᠵᠢᠬᠦᠯᠬᠦ᠌ ᠲᠠᠯᠠᠪᠠᠷ ᠤᠷᠠᠨ ᠪᠦᠲᠦᠭᠡᠯᠴᠢᠳᠢ ᠵᠤᠬᠢᠶᠠᠨ ᠪᠠᠢᠭᠤᠯᠤᠨ ᠠᠮᠢᠲᠤᠷᠠᠯᠳᠤ ᠬᠦᠨᠵᠡᠬᠡᠢᠷᠡᠬᠦ᠂ ᠦᠨᠲᠦᠰᠦᠨ ᠱᠠᠲᠦᠨᠳᠤ ᠬᠦᠨᠵᠡᠬᠡᠢᠷᠡᠬᠦ᠌ ᠵᠡᠷᠭᠡ ᠤᠯᠠᠨ ᠵᠦᠢᠯᠤᠨ ᠬᠡᠯᠪᠡᠷᠢᠲᠠᠢ ᠠᠵᠢᠯᠯᠠᠭᠠᠶ᠋ᠢ ᠦᠷᠨᠢᠬᠦᠯᠵᠦ᠍ ᠪᠤᠢ》 ᠭᠡᠵᠦ᠍ 《ᠱᠢᠯᠢᠶ᠋ᠢᠨ ᠭᠤᠤᠯ》 ᠰᠡᠳᠬᠦᠯᠤᠨ ᠶᠡᠷᠦᠩᠭᠡᠢ ᠨᠠᠢᠷᠠᠭᠤᠯᠤᠬ᠍ᠴᠢ ᠫᠤ · ᠴᠤᠭ᠍ᠲᠤᠨᠠᠷᠠᠨ ᠭᠤᠧᠠᠢ ᠱᠢᠨᠡ ᠴᠠᠭ ᠦᠶᠡᠶ᠋ᠢᠨ ᠤᠳᠭᠠ ᠤᠷᠠᠯᠢᠭᠤᠨ ᠦᠵᠡᠯᠳᠡᠶ᠋ᠢ ᠦᠢᠯᠡᠲᠦᠯᠭᠡᠵᠢᠬᠦᠯᠵᠦ᠍ ᠪᠠᠢᠭᠠ ᠪᠠᠢᠲᠠᠯᠤᠨᠢᠶᠠᠨ ᠲᠤᠬᠠᠢ ᠲᠠᠢᠯᠪᠦᠷᠢᠯᠠᠨ ᠶᠠᠷᠢᠬ᠍ᠰᠠᠨ ᠪᠢᠯᠡ᠃
ᠲᠦᠴᠢᠨ ᠵᠢᠯᠤᠨ ᠲᠤᠷᠰᠢ ᠰᠡᠳᠬᠦᠯ ᠡᠷᠬᠢᠯᠡᠭ᠌ᠴᠢᠳ 《ᠴᠡᠴᠡᠭ ᠪᠦᠬᠦᠨᠢ ᠵᠡᠷᠭᠡᠪᠡᠷ ᠲᠡᠯᠭᠡᠷᠡᠭᠦᠯᠵᠦ᠍᠂ ᠡᠷᠳᠡᠮᠳᠡᠨ ᠪᠦᠬᠦᠨᠢ ᠴᠢᠯᠦᠭᠡᠳᠡᠢ ᠶᠠᠷᠢᠯᠴᠠᠭᠤᠯᠬᠤ》 ᠨᠠᠮᠤᠨ ᠤᠳᠭᠠ ᠤᠷᠠᠯᠢᠭᠤᠨ ᠴᠢᠭ᠌ᠯᠡᠯᠳᠡᠶ᠋ᠢ ᠴᠢᠩᠭᠠ ᠪᠠᠷᠢᠮᠳᠠᠯᠠᠵᠤ᠂ 40 ᠵᠢᠯᠤᠨ ᠲᠤᠷᠰᠢ ᠰᠡᠳᠬᠦᠯᠢᠶᠠᠨ ᠬᠦᠮᠦᠨ ᠠᠷᠠᠳᠲᠠᠭᠠᠨ ᠤᠶᠤᠨᠤ ᠬᠦᠨᠡᠰᠤ ᠬᠦᠷᠭᠡᠬᠦ᠌ ᠲᠠᠳᠠᠭᠤᠷᠠᠰᠢ ᠦᠭᠡᠢ ᠤᠶᠠᠩᠭᠠᠶ᠋ᠢᠨ ᠤᠷᠤᠰᠭᠠᠯ ᠪᠤᠯᠭᠠᠵᠤ ᠪᠢᠯᠡ᠃ ᠤᠳᠤ ᠪᠤᠯᠬᠤᠳᠤ᠂ 《ᠱᠢᠯᠢᠶ᠋ᠢᠨ ᠭᠤᠤᠯ》 ᠰᠡᠳᠭᠦᠯ 248 ᠳ᠋ᠤᠭᠠᠷ ᠬᠤᠭᠤᠴᠠᠭᠠᠪᠠᠨ ᠤᠭ᠍ᠳᠤᠵᠤ᠂ 4500 ᠭᠠᠷᠤᠢ ᠢᠷᠡᠭᠤ ᠨᠠᠢᠷᠠᠭ᠂ 2405 ᠬᠤᠪᠢ ᠦᠭᠦᠯᠡᠯᠭᠡ ᠨᠠᠢᠷᠠᠭᠤᠯᠤᠯ᠂ 68 ᠲᠤᠭᠤᠵᠢ᠂ 15 ᠷᠤᠮᠠᠨ᠂ ᠪᠤᠰᠤᠳ 2400 ᠭᠠᠷᠤᠢ ᠵᠤᠬᠢᠶᠠᠯ ᠪᠦᠲᠦᠭᠡᠯᠢ ᠤᠡᠭ᠌ᠰᠢᠬ᠍ᠴᠢ ᠲᠦᠮᠡᠨᠳᠡᠭᠡᠨ ᠲᠤᠯᠢᠯᠠᠭᠤᠯᠵᠤ᠂ 5100 ᠤᠷᠠᠨ ᠵᠢᠷᠤᠭ᠂ ᠤᠷᠠᠨ ᠪᠢᠴᠢᠯᠭᠡ᠂ ᠭᠡᠷᠡᠯ ᠵᠢᠷᠤᠭᠤᠳᠢ ᠨᠡᠢᠳᠡᠯᠡᠵᠦ᠍᠂ ᠨᠡᠢᠳᠡ ᠦᠰᠦᠭᠤᠨ ᠲᠤᠭᠠ 6 ᠮᠢᠩᠭᠠᠨ ᠲᠦᠮᠡᠶ᠋ᠢ ᠲᠠᠪᠠᠵᠤ᠂ ᠤᠡᠭ᠌ᠰᠢᠬ᠍ᠴᠢᠪᠠᠷ ᠵᠤᠵᠠᠭᠠᠨ ᠵᠤᠬᠢᠶᠠᠯᠴᠢᠪᠠᠷ ᠦᠷᠭᠡᠨ᠂ ᠬᠦᠷᠢᠶᠡᠯᠡᠯ ᠦᠨᠳᠦᠷ ᠰᠠᠢᠱᠢᠶᠠᠯ ᠤᠯᠠᠨᠳᠠᠢ ᠱᠤᠤᠭᠢᠭᠤᠯᠵᠤ ᠶᠠᠪᠤᠨᠠ᠃ ᠲᠤᠷᠠᠳᠭᠤᠠᠴᠠ᠂ ᠲᠤᠰ ᠰᠡᠳᠭᠦᠯᠳᠤ ᠨᠡᠢᠲᠡᠯᠡᠭ᠌ᠳᠡᠭ᠌ᠰᠡᠨ ᠪᠦᠲᠦᠭᠡᠯᠤᠳᠠᠴᠠ 16 ᠪᠦᠲᠦᠭᠡᠯ ᠤᠷᠢᠳ ᠬᠤᠵᠢᠳ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠤᠷᠤᠨᠤ 《ᠰᠤᠯᠤᠩᠭᠠ》 ᠱᠠᠩᠨᠠᠯ᠂ 《5.1 ᠢᠨᠵᠧᠨᠧᠷᠢᠩ》 ᠤᠨ ᠱᠠᠩᠨᠠᠯ᠂ 《ᠰᠠᠷᠠᠨᠠ》 ᠱᠠᠩᠨᠠᠯᠢ ᠲᠤᠰᠪᠤᠷᠢ ᠬᠦᠷᠳᠡᠵᠦ᠍᠂ 50 ᠭᠠᠷᠤᠢ ᠪᠦᠲᠦᠭᠡᠯ ᠪᠦᠬᠦ᠌ ᠤᠯᠤᠰᠤᠨ ᠬᠡᠪᠴᠢᠶᠡᠨᠤ ᠢᠷᠠᠭᠤ ᠨᠠᠢᠷᠠᠭᠤᠨ ᠨᠠᠭᠠᠳᠤᠮᠤᠨ 《ᠮᠦᠩᠬᠡ ᠲᠡᠭ᠌ᠷᠢ ᠴᠤᠮᠤ》 ᠱᠠᠩᠨᠠᠯ᠂ 《ᠪᠤᠷᠵᠢᠭᠢᠨ》 ᠱᠠᠩᠨᠠᠯ ᠵᠡᠷᠭᠡᠳᠤ ᠱᠢᠯᠭᠠᠷᠠᠵᠤ᠂ ᠰᠡᠳᠭᠦᠯᠳᠡᠭᠡᠨ ᠴᠢᠮᠡᠭ ᠰᠤᠨᠤᠰᠭᠠᠯ ᠪᠤᠯᠤᠨ ᠲᠡᠮᠳᠡᠭ᠌ᠯᠡᠭ᠌ᠳᠡᠭ᠌ᠰᠡᠨ ᠪᠢᠯᠡ᠃
《ᠱᠢᠯᠢᠶ᠋ᠢᠨ ᠭᠤᠤᠯ》 ᠰᠡᠳᠬᠦᠯ ᠤᠯᠤᠰ ᠪᠠ ᠦᠪᠡᠷᠳᠡᠭᠡᠨ ᠵᠠᠰᠭᠤ ᠤᠷᠤᠨᠤ ᠱᠢᠢᠳᠪᠦᠷᠢ ᠪᠤᠳᠤᠯᠭᠠᠶ᠋ᠢ ᠴᠠᠭ ᠢᠮᠠᠬ᠍ᠳᠠ ᠴᠤᠤᠷᠢᠶᠠᠳᠤᠨ ᠲᠠᠭᠠᠵᠤ᠂ ᠵᠠᠩᠭᠢᠯᠠᠭᠠᠶ᠋ᠢᠨ ᠴᠠᠭ ᠦᠶᠡᠳᠤ ᠲᠤᠰᠭᠠᠢ ᠳ᠋ᠤᠭᠠᠷᠢᠶᠠᠷ ᠦᠷᠭᠡᠨ ᠲᠦᠮᠡᠨᠲᠠᠢᠪᠠᠨ ᠵᠤᠯᠭᠠᠵᠤ᠂ ᠠᠷᠠᠳ ᠤᠯᠠᠨᠳᠠᠭᠠᠨ ᠦᠵᠡᠯ ᠤᠬᠠᠮᠰᠠᠷᠤᠨ ᠵᠦᠪ ᠴᠢᠭ᠌ᠯᠡᠯ ᠲᠦᠪ ᠤᠪᠤᠷ ᠰᠤᠷᠳᠠᠯᠢ ᠤᠬᠠᠭᠤᠯᠵᠤ ᠢᠷᠡᠭ᠌ᠰᠡᠨ ᠶᠤᠮ᠃
ᠴᠠᠭ ᠬᠤᠭᠤᠴᠠᠭᠠ ᠢᠷᠡᠭᠡᠳᠤᠢᠶ᠋ᠢ ᠵᠤᠷᠢᠨ ᠵᠤᠷᠢᠭ᠍ᠰᠠᠭᠠᠷ ᠁ ᠲᠠᠳᠠᠭᠤᠷᠠᠰᠢ ᠦᠭᠡᠢ 《ᠱᠢᠯᠢᠶ᠋ᠢᠨ ᠭᠤᠤᠯ》 ᠤᠶᠠᠩᠭᠠᠶ᠋ᠢᠨ ᠲᠤᠯᠬᠢᠶᠠᠨ ᠬᠠᠶᠠᠯᠠᠨ ᠬᠠᠶᠠᠯᠠᠭ᠍ᠰᠠᠭᠠᠷ ᠁